يوميات_زوجة_مغصوبة الحلقه الاولى والثانيه والثالثه والرابعة والخامسة والسادسه حصريه وجديده
الحلقة الأولى😍
خشت بصفرة القهوة ووجهها مافيش ولا تعبير صبت قدام باتها خذا فنجان وحطت الصفره على الطاولة وقعمزت
- احم .. قدمي لضيفنا وبتفنيصه
منزله رأسها وماردتش
- صبا يبي يعطيه
- لا والله ماصارت ياعمي تريح
- عارف البنات والحشم ههههه ( ضحكة فوق من النفس ) وفنص فيها
شربوا القهوة بدون كلام
- نستأذن منكم نبي نجيب كم شي من المحل الاهل يبوهن
( جو واضح يبي يسيبهم بروحهم ههههههه )
طلع وهو يبحت في ريم بتاع جو بلا فضايح
- كيف حالك ؟
- اسمع مانبيش نطول الكلام
- ............ ؟
- أنا مانبيش نزوج وهلي غاصبيني وكلموا هلك وقالوا موافقين بدون مايسألوني وقالولي على المقابلة أمس فاكسب أجر وقول مافيش نصيب وانتريحوا
- ههههههههه
- خير إن شاء الله ؟
- استغربت في بنت مااتبيش تزوج ههههه ؟
- شنو تحسابنا كلنا بنموتوا عليكم ولا على الزواج في بنات وسيدات مازالن يفكرن !!
مش من طموحاتي إني نكمل عمري في شقة تحت أوامر سي السيد !
- صوابع يديك مش كيف بعضهن
- هذينا قناعاتي ومانستنش فيك عشان نغيرهن فكيف ما اتفقنا تكمل المقابلة المنحوسه هذي وكل واحد في طريقه
- اتفقنا ؟ من قالها ؟
- لا إله إلا الله .. شنو تبي أنت ؟ ماظنيش حبيتني في هالـ 5 دقايق
- لا ماحبيتكش في هالـ 5 دقايق صح - وبنظرة غريبة -
- كيف ؟ مافهمتش ؟
- على فكرة نحب قهوتي بدون سكر يعني معلومة لقدام لأن قهوتك حلوه واجد
- تي شنو الرأس المسكر هضا تي قتلك مانبيكش ماتفهمش ولا كيف
- سلام يا زوجتي المستقبلية وماتنسيش نحبها سادة 😉
______________________
يوميات_زوجة_مغصوبة
الحلقة الثانية
روحت من الجامعة الساعة 4 تعبانه وقريب اطيح على وجهها
كانت لابسه بنطلون أمريكي أسود وبلوزه زهرية خفيفة كم وسفطتها سفطه بسيطة وشوز نفس لون البلوزه وشنطه على الظهر لونها أبيض وعليها ستيكرات ملونه وشعرها الأسود مفرود ومكياج خفيف لأنها ماتحتجج بشرتها صااااافية بكل ولونها حنطي
ريم بنت مواليد الـ 91 تحب تهتم بنفسها لأبعد الحدود تكره حد يتحكم بيها عندها أختها إيناس مواليد ال94 متزوجة من سنة تقريباً وهي وياها مش صحبه أبداً لأن أفكارهن تختلف ريم بنت مستقلة وتكره الرجاله والزواج وأي شي يخصهم على عكس أمها ( فوزية ) وأختها اللي بس يهمهن المظاهر والتفشيك قدام الأقارب وريم تشتغل في نفس الوقت مترجمة في شركة لأن تحصصها إنجليزي
باتها ( عبدالرزاق ) مايهمه شي ولا يتهم ببناته وهضا الشي اللي ولد عند ريم الكره لباتها والرجاله كلهم ومن القصص والروايات والكتب اللي تقرأ فيهم
يسكنوا في بنغازي وأقاربها هل بوها كلهم في زليتن واللي هما عمتين ( حليمة وعندها ولدين و3 بنات و خديجة وعندها بنتين وولد ) وعم متزوج مراتين وعندها 4 عيال و3 بنات وعلاقتهم بيهم مقطوعة بسبب مشكلة ورث من زمااان وعم عايش في بريطانيا ومتزوج أجنبية وعنده بنت مايعرفوش حتى شكلها
أهل محمد - البطل -
محمد طبيب أسنان وعنده عيادة خاصة مواليد الـ 88 عنده 3 خوات وهنا ( فرح مواليد الـ 93 متزوجة وعندها بنت عمرها 3 سنين اسمها رهف وبشرى الـ 95 مخطوبة وحواء الـ 97 سنقل ) وأخ مالك مواليد الـ 95 وهو توأم بشرى
وأمه لمياء واعره شويه وتدخل في كل شي لكن عيالها بالدنيا وبوه متوفي
____________________________________________
" لا ماحبيتكش في هالـ 5 دقايق صح "
ماكنش يكذب محمد لما قالها ! لأن له 6 شهور يحبها !!!
يشغل في السيارة وتمر من قدامه بنت لابسه فستان كحلي تحت الركبه وأكمامه لعند المرفق ورقبته عالية ولطيف ولابسه شنطه بيضاء على كتفها وتمشي وهي مستعجلة
وهو انبهر بشكلها نزل من السيارة ومشى وراها بدون ماتنتبه ومشت وخشت في العمارة في الشارع اللي بعد عيادته قرأ اللافته وطلع مصوراتي وفيه مكتب ترجمة ! فعرف إنها يا إما مصورة يا مترجمة !
في نفس الوقت مباكرها وهو طالع من عيادته ويدعي إن يشوفها شافها ونفس الشي دخلت للعمارة طول الأسبوع وهي يطلع من عيادته ويشوفها تتدخل للعمارة لعند في يوم قرر يستناها لعند تكمل دوامها راجا أربع ساعات من الـ 1 للـ 4 طلعت وهو وراها بالسيارة قريب 15 ربع ساعة ليين وصل لحوشها وعرفه ! - حوشهم أرضي صغير بنوه من ورث جدها -
طول ال6 شهور وهو يتابع فيها حتى جا اليوم اللي مشى لمنطقتها خش لمحل مواد غذائية اللي في شارعهم وقعد يبي يسأل صاحب المحل إن الحوش هضا بتاع عيت من لكن مش بطريقة مباشرة بخطرت عليه فكرة ! وبالصدفة لقى شاب صغير في المحل حمد ربي
- معلش يا خويا أنا ندور في حوش عيت المجبري وظني هو الحوش اللي في بداية الشارع ؟
- لا يا طيري ماعندنش عيت المجبري في المنطقة
- اهاا امالا حوش عيت من ؟
- هذيما عيت عبدالرازق ال.....
- اهاا بارك الله فيك
- ولا يهمك
روح وهو يفكر كيف شنو يدير هل يتعرف عليها ؟ ولا يجي يخطبها طول ؟ ولا كيف ؟
فأخر شي قرر يحكي لأمه
- السلام عليكم يا حويجه
- حويجة شنو يا وليد مازلت في عز شبابي
- هههههههه
- غريبة جاي تضحك قبل تجي مانشوفوا في وجهك بكل ترقد طول
- والله يا حاجه في موضوع مهم نبي نحكي فيه معاك وشاغل راسي
- إن شاء الله خير شغلتني
- والله أنا في بنت عاجبتني ونبيك تخطبيها ليا
- ايييي أنا ولدي مايخذش بنات التلفونات أنا نختاره
- كنك يا أمي تشهقي ( خشت حواء للصالة لما سمعت شهقت أمها وهي في الممر )
- خوك يبي يخطب
- ولولولولولولوولولوي حي في عرس قريب
- تي كنها مطرشقة هذي قعمزي
- عرس قالك ، اسمع يا محمد أنا ماتخشش حوشي بنت متعرف عليها
- يا أمي والله مانعرفها ولا حاكي معاها شـ.ـ.
- عقلي مازال عليا كيف ماتعرفهش وتبي تخطبها مايمشيش عليا الكلام هضا
- يا أمي غير خليني نكمل شايفها مرة في العيادة وأنا اللي دورت علي حوش هلها وسألت
- .............
- حواء : يا أمي يا حبيبتي مش تزني لكي كم على محمد يزوج ؟؟ اهو يبي يزوج عليش مصبيه فيها ؟
- الأم : يصير خير
- محمد : يعني راضيه ؟
- اهو
- باس راسها : ربي يحفظك ليا يا غالية
- حواء : نبدأ نشري في دبش معناها ههههه
- محمد : اسكتي اسكتي وأنتِ تقول مولوده في السوق
- حواء : ههههههههههه
- محمد : بس يا أمي في موضوع ...
- الأم : خير إن شاء الله غير ماتطلع مطلقة أخرى
- محمد : وسعي بالك يا حويجه لكن أنا ماعندي لا رقم لا شي بنشيلك لهم هك بدون موعد
- الأم : نعم ؟
- محمد : الأسبوع الجاي شنو رأيك ؟
- يصير خير نكلم أختك فرح بيش تمشي معايا
- محمد : لالا يا أمي بروحك وبعدين ناخذوا موعد يمشن معاك البنات
- الأم : وأنت ماشاء الله مخطط
- محمد : ههههههه هي عاد نعدي نتريح
- الأم : انوضك أمتى
- محمد : زي العادة المغرب
___________________________________________
رن رن رن رن رن :
فوزية : جيت جيت
لمياء : السلام عليكم
فوزية : وعليكم السلام تفضلي
لمياء : والله أنا ندور على بنية لوليدي ودلتني عليكم جارتي ( مابتش تقول ولدي شافها عشان ماتبيش ولدها يبان إن يجري وراه بنتها )
فوزية ( فوزية عرفت إن الموضوع فيه خطبة عيونها قلوب قعدن لأن لها فترة ما حد خطب ريم بسبب إن ريم كل مايجي حد اديرله لقطة وتقوله نفس الكلام اللي قلاته لمحمد ويطفش هههههه ) : تفضلي تفضلي
لمياء : فضل عليك
* خشن للصالة :
- لمياء : مانبيش نطول عليك أنا وليدي مواليد الـ 88 دكتور ومحافظ على صلاته ويدور في بنت الحلال
- فوزية : ماشاء الله ربي يحفظه
- لمياء : البنية مش في الحوش ؟
- فوزية : لا والله ريم في الجامعة
- لمياء : ماشاء الله ربي يوفقها شنو تقرأ
- فوزية ( استغربت إن ماتعرفش لا اسمها ولا قرايتها ودالتهم عليها جارتهم على أساس ) إنجليزي السنة اتخرج
- لمياء : ماشاء الله
- فوزية : ابتسامة
- لمياء : مانبيش نطول عليك هضا رقمي وفكروا وشاوروها وشوفوا وردوا علينا
- فوزية : إن شاء الله يصير اللي فيه الخير يااارب
لمياء وهي طالعه عجبتها أم ريم وكيف طيبة ( ماتحسبش هضا قناع على خاطر اطيحها )
وبعد 3 أيام ردت عليهم بالموافقة لما سألت عبدالرزاق واللي مش داري على شي وبدون ما تقول لريم هالمرة لأن عارفتها حتعارض زي كل مرة
___________________________________________
* يوم المقابلة :
في الصبح الساعة 8 طالعه ريم للجامعة وبعدها للشغل يبدأ من 1 للـ 4 صبتلها أمها قالتلها وين ماشيه
- ريم : وين بنمشي للجامعة
- فوزية : اليوم مافيش مشي في ضيوف جايين
- ريم : صاحباتك وبناتهن عارفتيهن مش جوي وعندي محاضرة مهمة وطلعت
- فوزية : بصوت عالي المقابلة الشرعية بتاعك وين ماشيه
- ريم : بصدمة مقابلة شنو ؟!!!!
- فوزية : من كم يوم عيت ....... خطبوا ونحن وافقنا واليوم المقابلة
- ريم : واقفتوا ؟؟؟ من قاللكم من من ؟؟؟؟!!
- فوزية : نحن نعرفوا مصلحتك
- ريم : مصلحتي إن ترموني لأي حد يجي ؟؟؟؟
- فوزية : يا ماما احمدي ربك وأنتِ اللي تجي اطفشيه ولنا قريب شهرين مافي واحد دق بابنا شنو تبيني ندير ؟؟! يقولوا بنت فوزية عانس
- ريم : وأنا ماعنديش رأي ماعنديش ؟؟؟ رمت شنطتها وخشت لدراها وهي تبكي مش على خاطر الخطبة على خاطر أمها اللي ماعندهش مشاعر وماتفكرش إلا في نفسها
_________________________________________
قبل المقابلة بـ ساعة :
توتي في روحها لبست قونة تحت الركبه سوده وبلوزه بيضاء لعند المرفق وإكسسوار فضي ومكياج خفيف وهي على المرايا تحكي بروحها :
- اللي يشوفني يحسابني على خاطره ( ريم من الأشياء المهمة شكلها وديما مهتمة بيه مش على خاطر الخطاب )
وقت المقابلة:
خشت بصفرة القهوة ووجهها مافيش ولا تعبير صبت قدام باتها خذا فنجان وحطت الصفره على الطاولة وقعمزت
- احم .. قدمي لضيفنا وبتفنيصه
منزله رأسها وماردتش
- صبا يبي يعطيه
- لا والله ماصارت ياعمي تريح
- عارف البنات والحشم ههههه ( ضحكة فوق من النفس ) وفنص فيها
شربوا القهوة بدون كلام
- نستأذن منكم نبي نجيب كم شي من المحل الهل يبوهن
( جو واضح يبي يسيبهم بروحهم ههههههه )
طلع وهو يبحت في ريم بتاع جو بلا فضايح
- كيف حالك ؟
- اسمع مانبيش نطول الكلام
- ............ ؟
- أنا مانبيش نزوج وهلي غاصبيني وكلموا هلك وقالوا موافقين بدون مايسألوني وقالولي على المقابلة أمس فاكسب أجر وقول مافيش نصيب وانتريحوا
- ههههههههه
- خير إن شاء الله ؟
- استغربت في بنت مااتبيش تزوج ههههه ؟
- شنو تحسابنا كلنا بنموتوا عليكم ولا على الزواج في بنات وسيدات مازالن يفكرن !!
مش من طموحاتي إني نكمل عمري في شقة تحت أوامر سي السيد !
- صوابع يديك مش كيف بعضهن
- هذينا قناعاتي ومانستنش فيك عشان نغيرهن فكيف ما اتفقنا تكمل المقابلة المنحوسه هذي وكل واحد في طريقه
- اتفقنا ؟ من قالها ؟
- لا إله إلا الله .. شنو تبي أنت ؟ ماظنيش حبيتني في هالـ 5 دقايق
- لا ماحبيتكش في هالـ 5 دقايق صح - وبنظرة غريبة -
- كيف ؟ مافهمتش ؟
- على فكرة نحب قهوتي بدون سكر يعني معلومة لقدام لأن قهوتك حلوه واجد
- تي شنو الرأس المسكر هضا تي قتلك مانبيكش ماتفهمش ولا كيف
- سلام يا زوجتي المستقبلية وماتنسيش نحبها سادة
---------------------------------
شن رأيكم في الحلقة ؟؟ وديروا تاقات وتعليقات عشان نتحمس ونكتب ونطول الحلقةيوميات_زوجة_مغصوبة
الحلقة الأولى😍
خشت بصفرة القهوة ووجهها مافيش ولا تعبير صبت قدام باتها خذا فنجان وحطت الصفره على الطاولة وقعمزت
- احم .. قدمي لضيفنا وبتفنيصه
منزله رأسها وماردتش
- صبا يبي يعطيه
- لا والله ماصارت ياعمي تريح
- عارف البنات والحشم ههههه ( ضحكة فوق من النفس ) وفنص فيها
شربوا القهوة بدون كلام
- نستأذن منكم نبي نجيب كم شي من المحل الاهل يبوهن
( جو واضح يبي يسيبهم بروحهم ههههههه )
طلع وهو يبحت في ريم بتاع جو بلا فضايح
- كيف حالك ؟
- اسمع مانبيش نطول الكلام
- ............ ؟
- أنا مانبيش نزوج وهلي غاصبيني وكلموا هلك وقالوا موافقين بدون مايسألوني وقالولي على المقابلة أمس فاكسب أجر وقول مافيش نصيب وانتريحوا
- ههههههههه
- خير إن شاء الله ؟
- استغربت في بنت مااتبيش تزوج ههههه ؟
- شنو تحسابنا كلنا بنموتوا عليكم ولا على الزواج في بنات وسيدات مازالن يفكرن !!
مش من طموحاتي إني نكمل عمري في شقة تحت أوامر سي السيد !
- صوابع يديك مش كيف بعضهن
- هذينا قناعاتي ومانستنش فيك عشان نغيرهن فكيف ما اتفقنا تكمل المقابلة المنحوسه هذي وكل واحد في طريقه
- اتفقنا ؟ من قالها ؟
- لا إله إلا الله .. شنو تبي أنت ؟ ماظنيش حبيتني في هالـ 5 دقايق
- لا ماحبيتكش في هالـ 5 دقايق صح - وبنظرة غريبة -
- كيف ؟ مافهمتش ؟
- على فكرة نحب قهوتي بدون سكر يعني معلومة لقدام لأن قهوتك حلوه واجد
- تي شنو الرأس المسكر هضا تي قتلك مانبيكش ماتفهمش ولا كيف
- سلام يا زوجتي المستقبلية وماتنسيش نحبها سادة 😉
يوميات_زوجة_مغصوبة
الحلقة الثالثة
تذكر في كل شي ومش مصدقه !! كيف أنا اللي ضد الزواج لابسه فيلو ؟
كارهه كل شي أمها بوها أختها محمد اللي توا " راجلها "
الفترة اللي من يوم المقابلة ليوم الفاتحة حست كأنها فقدت الذاكرة فيهن ماتذكر شي من كثر ماكانت ضايعه وتفكر شنو ادير هل ترضى بالأمر الواقع ؟ أو تكافح وترد حريتها ؟
* يوم الفاتحة
لابسه فستان أسود قصير وكعب أسود ومكياج بالألوان الترابية وروج بين اللون الدمي والبني مطفي ( كالعادة مهما كانن الظروف المظهر أولاً )
في اللي يبارك وفي اللي حاسد وفي اللي ينافق وفي وفي وفي ....
- مبروك ريمووو حبيبتي ههههه مانتخيلش فيك عروس وأنتِ اللي تسبي على الزواج هههههههههه
- أنا مش رـ.ـ. الله يبارك فيك ( كانت بتقول إنها مش راضية لبنت خالتها أسماء وحده منافقة لكن فكرت وغيرت رأيها )
- فوزية أمها خشت وهي فرحاااانه : قروا الفاتحة لولولولوولوولويوليلوي
والصبايا يزغرتن ويباركن ويوصن فيها الوصايا الجاهلة بتاعهن !
" اطلعي للصالة البرانيه محمد بيشوفك " إيناس أختها أتوشوش في وذنها
ريم : مانبيش نشوفه وحولي من جنبي معلش
إيناس : بلاش فضايح كنه عقلك صغير وحتى كان ماتبيش راجلك قعد
ريم : اقلبي وجك
إيناس : أنا انديلك أمي مايمشيش معاك الكلام الكويس
مشت إيناس تكلم في أمها وجت فوزية وهي متعصبة واداري في الموضوع بإبتسامة وقعمزت جنبها
فوزية : كنك أنتِ بتفضحي بينا صبي صبي
ريم "خطرت عليها فكرة " : باهي وصبت على أساس بتصبي وتطلع للجنان وشويه وترد زعميته شافاته وفضت
فوزية صبت وراها : هي
ريم : وين ماشيه ؟؟
فوزية : نوصلك مافيكش أمان
ريم معاش قدرت ترد تقعمز الناش يبحتوا فيها !
فتحتلها أمها الباب وخشت هي وريم سلمت على محمد وباركتله ووصاته على بنتها ( على أساس الأم الحنون ) وطلعت
محمد : مبروك يا زوجتي المسـ.ـ لا عاد معاش في مستقبلية توا هههههه
ريم : فيش تحس أنت ؟ راه ماتحسبش الفاتحة أنقرت معناها خلاص وبنعيشوا حياة سعيدة ماعنديش الكلام هضا أنا
محمد : لالالا معاش تقولي الكلام هضا لأن حيجي يوم وتحلفي براسي وحتندمي على كلامك هضا حبيبتي
ريم : هههههه طموح والله والكلام هضا معاش نسمعه واحترم ألفاظك
محمد : ووييين على هاللبس ؟ مش على أساس مغصوبه ولو مش مغصوبه شنو لبستي 😉
ريم : اسمع يا طير أنا هضا لبسي من يومي بيك ولا بلاك ومش هامني ولا شايلتك من وطاك وألزم حدودك في الكلام
محمد : لا شنو الكلام هضا عيب أنا راجلك وعلى أي حدود تحكي خلاص حلالي قعدتي ويحكي ويقرب
ريم : وين جاي أنت ؟ وجك بارد بكل راه
محمد : شنو قلت أنا معاش تقولي الكلام هضا حتندمي ههههههه ومسك يديها وحطهن ورا ظهرها
ريم تلفتت على الجنب لأن وجهها لاصق في وجهه : تي حول غادي يا حيوان ماتفهمش أنت ولا شنو مانبيكش مانحبكش عن شكلك عليك اللصقه
محمد : باهي مش مشكلة نأجلوها للأسبوع الجاي نقعدوا في شقتنا ومتريحين وسيب يديها
ريم : اسمع يا حيوان ياللي ماتفهم بالذوق صدقني حتعيش أيام سود نود ماشفتهن في حياتك وتندم على اليوم اللي ماعبرتش فيه كلامي لما قتلك كل واحد في طريق ها شي ثاني اتقرب مني مرة ثانية مش حيصير خير عنشكلكم كلكم هضا اللي يهممكم
غريزة حيوانية
محمد : به وحط كراع على كراع وابتسامة مستفزة
اتجهت للباب بتطلع لكن قبلها خذت مخده ورمتها في نص وجهه
.... : مبروووووك
ما فطنتش إلا على كلمة خالتها وهي تباركلها
ريم : الله يبارك فيك
خالتها : راهو العريس توا يبي يخش
ريم : ها وهي مش مصدقه اللي قاعد يصير
شويه ويخش محمد ولابس بدلة حلوه ولحيه خفيفة وطالع طرف بكللل
خاش وهو مبسووووط ومنسته فيها وصل للكرسي وخالتها تشيرلها تصبي صبت وكأن روحها في مكان ثاني مش في القاعة رفع الطرحة وباسها على رأسها وهي معصبه من لقطته
محمد : مش عارف كيف نصبر لعند نوصلوا للحوش 😉
ريم وجهه قعد أحمررررر من كثر ماتعصبت من جرأته لكن مسكت روحها وشوشتله في وذنه : عليش مستعجل على أيامك السود ؟ وبحتت فيه نظرة استفزازية
جت المصوره وتطلب في وضعيات مش عاجبات ريم بكل وقريب تطربق وهو عاجبه الوضع
ريم : خلاص مشكوره وقفي تصوير
المصوره : عليش يا عروسه هذينا صور العمر هههههه ( المصوره مبسوطه وكأنها هي العروس )
كملوا وهي قريب اتنط على المصوره تضربها ...
لما كملوا التصوير قصوا الكيكة وهو يبي يوكلها كلت وهي تبحت فيه بنظرة وحده بتنفجر وبعدين جا دورها قربت الشوكه من فمه ولما يبي ياكل كلتها هي وضحكت ضحكة مستفزه ههههه كملوا موضوع الكيك وجو يبوا يطلعوا خلاص وهي تفكر " مانبيش نقعد مع المنحرف هضا بروحي " سلمت على أمه وأمها فوق من النفس وطلعوا ركبوا في السيارة ومالك خوه يسوق بيهم
مالك : مبروك
محمد : الله يبارك فيك وعقبالك يا طشه ههههه
مالك : هههههه عادي ماعنديش مشكلة
وريم تبحت من الروشن وتفكر " لازم مانقعدش ضعيفة قدامه حنكرهه في عيشته مش أنا اللي ننحط قدام الأمر الواقع "
وصلوا للشقة وهي مش فاطنه
- محمد وهو يفتح في باب السيارة : تفضلي يا مدام
ريم بحتت فيه ونزلت بدون كلام ومحمد رفعلها الفيلو من لاورا وهي دارت روحها ماحستش لأنه طويل الذيل وكان محد مسكه حتطيح
فتح باب الشقة خشت طول وسلحت الكعب : اااااه رجليا خلاص ( قالتها بعفوية )
محمد : سلامتك حبيبتي
ريم : حبيبة عينك اسمع مانحبش النّاس اللصقة ووين دار النوم ؟
محمد : عليش مستعجلة نصلوا وناكلوا قبل 😜
ريم بصدمة : سكر فمك يا قليل الأدب شنو السخافة اللي أنت فيها ؟
محمد : هههههههه عنجد قليل أدب ؟
ريم : حتى انا عرفت من نسأل ندور بروحي بنرقد
محمد : ربي يصبرني تعالي نوريك ههههه
ريم : .............
ركبوا على الدروج للدور الثاني
محمد : اهي اللي في نهاية الممر وفجأة ريم تجري وتخش للدار وتبحت فيه : اقلب وجهك وأنت دور وين ترقد وتصفق في وجهه الباب وبتسكر الباب بالمفتاح مالقتش مفتاح !!!!
ويمد رأسه : شنو الجو ؟ هههههه
ريم : أنت ماعندكش دم ولا كيف ماشفتش واحد بارد كيفك !!!
محمد : ههههههه ومشى للحمام اللي في الدار
ريم على المرايا وتفك في التسريحة : تي شنو اللصقة هذي ياربي فكني منه
محمد : ماتبيش مساعدة من اللصقة عشان سوستة الفيلو ؟ ههههههه
ريم :وفاتحه عيونه على الأخر : اطلع برا اطلع برا !!
محمد : أوكي طالع بس قبلها .... مشى للدولاب وطلع كيس ومد يده بيعطيه : هذي هديتك <3
ريم : مانبيش منك شي
محمد حطها على السرير وطلع بدون كلام
__________________________
شنو اتوقعوا يصير في الصباحية ؟
الرابعه
يوميات_زوجة_مغصوبة
____________
تفتح في عيونها بشويه ومستغربة المكان بعدين أذكرت مسكت موبايلها لقتها الساعة 8 ونص شهقت : الجاااااامعة
صبت بسرعة خشت للحمام طلعت صبت على المرايا حطت مكياج خفيف وفتحت الدولاب خذت سروال أمريكي وبلوزه بيضاء وشنطتها الأمريكية على الكتف - تلبس في شناطي الكتف بس ماتحبش غيرهن - وشوز سماوي وطلعت تجري وهي مازالت تلبس في الشوز على الدروج نزلت مالقتش فكرت إن طلع شويه ويطلعلها من الطبخ : صباخ الخير على وين ؟
ريم : للجامعة بنبرة حادة
محمد : تبصري صح ؟
ريم : تشوف فيا قتلك ماشيه لكازينو ؟
محمد : أمي وخواتي بعد شويه يبوا يجو نقوللهم مشت للجامعة ؟ وين عقلك معلش ؟
ريم : في الجامعة ، اسمع ماتصدقش روحك وتعيش في خيال الله والنبي وتعيش دور الزوج أنا ماشيه ورايا 100 حاجه
محمد : ريم قتلك كيف صباحية وأنتِ ماشيه شنو يقولوا النّاس ؟!!
ريم : ليش مافكرت فيها لما سكرت رأسك تاخذني من الأول أنا كنت صريحة معاك فتحمل مسؤولية أفعالك بنمشي يعني بنمشي
محمد ماكثرش كلام مشى ناحية الباب وسكره بالمفتاح ورد للمطبخ بدون ما يقول حرف ......
ريم هنا معاش قدرت اتحمل خشت للمطبخ : ولقت سفرة حلوه بكللل كأنه كان يجهز فيها لها : أنت من عشان اتحكم فيا قتلك بنمشي ليش تدخل فيا ؟؟؟؟؟؟ طلقني طـــلـــقـــني يا أخي مانبيكش
محمد ساكت ....
شويه ويرن الباب
محمد : شكلهم هلي مش حنقولك مثلي لكن تصرفي كمرأة عاقلة لأن هكي شكلك كأنك وحده مجنونة هههههه وغيري لبسك ماتجيش سروال
ريم : ركبت بدون ما ترد
محمد عدى يفتح الباب : أهلاُ أهلاً بالغالية
أمه لمياء : أهلين بالعريس واضبطاته وتبكي
محمد : عليش تبكي يا أمي توا بدل ما تفرحي
أمه : ولدي كبر وقعد عنده حوشه ومرأة ونجيه وبدموع
بشرى: هههههه خلاص يا أمي عاد وأنت يا محمد ماتبيش تخششنه ولا كيف
محمد : ههههه تفضلوا تفضلوا وخشو للصالة
حواء وأمه : وين العروس ؟
محمد : تغير في دبشها شويه نشوفها
____________________________
كانت ماتبيش تغير بعدين فكرت إن شنو دخل هله في الموضوع وياخذوا عليا فكرة مش تمام أنا بنطلع عينه هو ! طلعت فستان عنابي طويل ربع كم وحطاته على السرير عدت حطت مكياج ثقيل شويه وردت تلبس هي تسكر في السوسته وهو يخش
ريم : هيييييييييييييي وين وين خاش أنت ؟ ماتعرفش ادق
محمد : ههههههه تي كنك
ريم : عطت ظهرها للساس وسكرت السوسته : شنو تبي ؟
محمد : هلي يسألوا عليك
ريم : انزل حنجي
محمد : نستناك
ريم : بتجيبلي الضغط أنت ولا شنو
محمد : ...........
عدت طلعت ذهب ولبست وبخت عطر حلووو بكل وهو مقعمز على السرير ويبحت فيها قريب ياكلها بعيونها
ريم : أنا نازله
محمد : وأنا نستنى في من عشان ننزل اماله هي
نزلوا سلمت على أمه وأخته بشرى وحواء وقعمز هو جنبها
أمه : ههههههه قعمز جنبنا نحن شويه
محمد وهو يمسك في يدها : مقعمز معاكم ليا 28 سنة هههههه
ريم اضايقت من حركته وماعرفتش شنو ادير
حواء : ماشاء الله وين على الرومانسية
لمياء : خبطت بنتها خبطه خفيفه : عيب
حواء وبشرى : هههههههه
تحبوا شاهي ولا قهوة ولا ندير فطور ؟ قالت ريم
أمه لمياء : قهوة ونحبها سادة
محمد : زي بتاعي يا ريمو وغمزلها
بشرى وحواء يضحكن بصوت واطي :هههههه
مشت للمطبخ ولحقنها البنات : ريم
التفت : نعم :)
بشرى : بنمشوا للمزين قالك محمد صح ؟
ريم : مزين شنو ؟
حواء : ههههه كنك يا بنتي ماه بتلبسي عربي
ريم : أنا نشوف مافيش داعي
بشرى شهقت كيف مافيش داعي لازم
حواء : القهوووووه
ريم : طفت على القهوة بسرعة قريب فاجت وقالت للبنات : نحطلكن سكر في القهوة ولا زي خوكن ال.ـ. احم شنو نحط وهي مرتبكة
بشرى وحواء ويغمزن : خونا الشنو ؟
محمد : كنه خوكن ههههه
ريم معش عرفت شنو تقول : ........
بشرى : ريم سألتنا على القهوة قالت نحط سكر ولا زي خوكن الـ.ـ وسكتت هههههه
محمد : ضحك وعرف إنها كانت بتسبه غير سكتت بس حب يحرجها : كني يا قلبي ؟
ريم انحرجت ماتقدرش تقول خوكن الكلب كيف ماكانت بتقول هههههه : الـ.ـ ال.ـ. العـ.ـسـ..ل ههه
وتبحت فيه بحقد وهو بإنتصار
بشرى وحواء : هههههه
لمياء تنادي وينكم ؟؟؟
البنات عدن لأمهن ومحمد بحت في ريم : أنتِ العسل 😉😻😂😂😂😂😂😂
_______________________
شنو اتوقعوا يصير في المزين والليلة كيف بتمر ؟
_________________________
يوميات_زوجة_مغصوبة
الحلقة الخامسة
في المزين :
ريم : ماتكثريش فاونديشن نقعد تقول محطوطه في دقيق
حواء : هههههههه
المزينه : حاضر يا مدام - ومتعصبة شويه لأن ريم كل شويه تقوللها حطي وحولي وماتكثريش لأن ريم ماتحبش مكياج المزينات تحب ادير بروحها مش مقتنعة بي الدقيق اللي يحطوا فيه على قولتها ههههه وانزرت بسبب البنات -
فرح أخت محمد جت للمزين بعد نص ساعة من وصلت ريم وبشرى وحواء ومعاها بنتها رهف
رهف : ماما نبي حط زي أروسه ( ماما نبي نحط زي العروسه )
فرح : ههههههه مازلتي صغيرة رهوفه
رهف زعلت :(
ريم : رهوفه تعالي لعميمه وصبتلها
رهوفه جتها تمشي بالشويه وريم رفعتها
فرح : ههههه توا معاش تنزل بكل
ريم : على قلبي زي العسل
فرح انبطست من جو مرأة خوها إن حلو ومش زي بنات توا
كملوا من المزين وطلعوا لحوش هل محمد على خاطر دايرين حفلة بسيطة وبتجي أم ريم وإيناس
وجايبين مصوره صورت ريم مع أمه وخواته وهي مبسوطه نست كل شي من جو هله الحلو
جت أمها وإيناس وخالتها الكبيرة
فوزية أمها : أهلاً أهلاً بالعروووس كيف حالك يا عيوني ونزلت كم دمعه
ريم اضبطتها وقالتلها في وذنها بدون محد يفطن : بلاش الجو هضا وأنتِ ماصدقتي تريحتي مني !
فوزية انصدمت لكن ابتمست تبي تمشي الجو وخلاص
ونفس الشي سلمت عليها إيناس وخالتها وقعدوا يهدرزا ماطولوش شويه وصبوا
وقعدت هي عند هله لعند المغرب وشويه ويخش للصالة بعد ما الكل روح ومافي حد غريب إلا هله وبنات خالاته
محمد : أهلييييييييييييين - قالها فجأة وهما يهدرزا -
أمه : بسم الله فجعتنا يا ولد اعقل
محمد : هضا أنا يا أمي بنتغير بعد هالعمر ههههه
أمه : توا قعدت مسؤول على بيت ومرأة وبعد فترة يجيك عيال يقولوا بونا هبل
ريم تمنت تختفي
محمد قعمز جنب ريم : ويقولوا بونا هبل والله نديرلهم جو ههههه
فاطمة : كيف حالك يا محمد - بطريقة ملسونه -
محمد : الحمدلله والله شنو أخبارك ؟
فاطمة : الحمدلله مادامك بخير
فاطمة بنت خالته تحبه والعيله كلها تعرف لكن لمياء أمه ماتبيش زواج أقارب عارفه طبع فاطمه وخايفه يصيرن مشاكل وتخسر أختها بسببهن
أم فاطمة فنصت فيها بمعنى اسكتي
ريم انصدمت وفي عقلها : " كنها هذي ماتحشمش على وجها مش شايفتني ولا كيف ؟ مهما كان أنا قدام النّاس مراتـه ولازم تحترم وجودي "
محمد حسها اضايقت فرح وكملوا الهدرزه على وضع البلاد والحال والأحوال وريم تشارك بكلمة بعد قديش وتستنى فيه يقول هي تبي اتروح اتريح واتنظم أمورها بكرا عندها جامعة
محمد : هي اتمسو على خير
أمه : وييين مازال بدري
فاطمة : صح خليك شويه - ماقلتش خليكم -
محمد : لا والله لازم نمشو هي حبيبتي
ريم وجهها أحمر وبصوت واطي : هي
فاطمة شاطتت فيها النار واضايقت بكلللل
طلعوا وركبوا في السيارة واستمر الحديث في حوش الأهل لمياء عدت للمطبخ ونادت على فرح بنتها الكبيرة
لمياء : مالحظتيش حاجه ؟
فرح : في شنو ؟؟
لمياء : خوك كيف مخلي مرأته تطلع هكي ؟ معقولة ؟؟؟ شنو يقولوا علينا النّاس
فرح : أمي هضا شي يخصهم وهي كويسه معاك ماتخربيش علاقتك معاها بأي كلام هو راضي فأنتِ اطلعي منا الموضوع
لمياء : يا بنتي كنك أنتِ ؟؟ كيـ.ـ
فرح : أمي ! ردبالك تقولي شي لأن هكي حتخسري محمد عارفتيه مايحبش ندخلوا في قراراته وهو اللي أختارها وجرى وراها فخليه
لمياء ماردتش على بنتها ودارت روحها اتظم في المواعين
ريم كانت لابسه فستان بسيييط لونه زرعي طويل وكمامه طوال ومش ضابط ولا واسع عادي ونفس المكياج اللي داراته لها الكوافير بعد ما غيرت العربي لبست الفستان الزرعي عشان تعبت من العربي ثقيل
في السيارة :
" أجمل نساء الدنيا قوا عيونك أنتِ أجمل نساء الدنيا أنتِ يا حببتي أجمل نساء الدنيا قوا عيونك أنتِ أجمل نساء الدنيا في عيونك أنتِ يا حببتي خدني الغرام خدني لحكاية حب حلوه عشتي بيها شوفت فيها أجمل حياااااة ......... "
ريم : طفي وفكني من الرومانسية اللي مالهش داعي
محمد يبي ينرفزها : ومن قالك الأغنية لكِ ؟ لفاطمة هههههه
ريم وهي فاتحه عيونها : اسمع تبي تصيع صيع لمايكون مافيش ما يربطني بيك لكن توا لا مش على خاطر شي بس لأن اسمي على اسمك فاحترمني لعند نطلقوا وبعدين دير اللي تبيها
محمد شد فرينو : توا كان نبي ندير حاجه نقولها لكِ في وجهك ولا ماتعرفيش البصاره ؟ تي أنتِ كنك ؟؟؟؟ فهميني بس ؟ شنو درتلك ؟ نعامل فيك كويس ! صابر عليك ونكد من أول يوم مافي راجل يتحمله ومش متحكم فيك ؟! شنو تبي ها ؟؟؟
ريم خافت من صوته العالي وحست كلامه صح إن هو فعلاً مادرش شي هي اتصرف معاه في تصرفات كأنه يعامل فيها معاملة سيئة مع إن العكس تماماً لكن مع ذلك مابتش تبينله : تحمل مسؤولية أفعالك أنا من يوم المقابلة بينتلك كل شي وحكيت بصراحة لكن أنت معاندي
وتحساب إن ممكن نتغير ؟!
محمد يجري بالسيارة وماردش عليها : .......................
وصلوا للحوش نزلت على طول وركبت للدار غيرت لبسها ومسحت المكياج لبست بيجامة شورت وتيشرت نص كم ( هضا لبسها في الحوش ديما ما تحملش الدبش الثقيل في الحوش وكان حمو اليوم بزيادة ) وجعانه وماتبيش تنزل ادير شي فرنت على الديليفري وطلبت وجبتين
نص ساعة ويرن الباب نزلت بسررعة
ريم : الديلفري على الباب ومشت تبي تفتح
محمد : وين طالعه هكي ؟
ريم اذكرت إنها بالشورت : ......
محمد : أنا حنفتح
ريم : بس الفـ.لـ.
محمد : أنا ندفعله
( ريم ماكنتش تبي هكي كانت هي تبي تدفع )
محمد : هاكي ومدلها الشكاره
ريم : خذتها وخشت للمطبخ وحطت الأكل في صواني وجاباته للصالة اللي مقعمز فيها وكان يتفرج على التلفزيون
ريم حطت الصواني على الطاولة اللي قدامه وقالتله : هي
محمد : مانبيش
ريم : صبت وخذت الريموت وطفت التلفزيون وقعمزت مقابلته
محمد : ليش طفتيه ؟! نبي انتفرج جيبي الريموت
ريم : محمد اسمعني - أول مرة تقوله محمد - أنا أوكي نعصب بسرعة وأنت بالك واسع معايا لكن لو تنظر للموضوع من ناحية ثانية تشوفني حتى أنا صح ! أنا قتلك مانبيش من يوم المقابلة لكن أنت أصريت لكن توا اللي صار صار فأنا نبي نعيشوا مع بعض
( محمد في اللحظة هذي فرح يحساب إن قصدها اللي صار صار ونعيشوا زي الناس الطبيعين كزوجين لكن .. يا فرحه ما تمت )
ريم كملت كلامها : نبي نعيشوا مع بعض كـ.ـأصدقـ.ـاء وبدون مشاكل الفترة هذي اللي حنعيشوها مع بعض
محمد تغيرن ملامحه فجأة وماتوقعش إنها بتقول هكي : أصدقاء ؟ .. الفترة اللي حنعيشوها مع بعض ؟؟
ريم : طبعاً فترة أكيد مانبوش نقعدوا طول العمر مع بعض ؟ أنا إمتحاناتي الفاينل يعني تخرجي بعد 3 شهور ولو صار طلاق توا مش حنركز في الإمتحانات من زنين هلي وموضوع نتحملوا بعضنا المدة هذي
محمد : أنتِ ماعندكش إحساس ولا شنو ؟؟؟؟ ليش ما تفكري نجربوا نتعرفوا على بعضنا احتمال نقدروا نكملوا أنتِ ماعطيتناش فرصة !! ريم أنتِ تغلطي راه !
ريم : محمد مافيش فرصة أنا مانبيش نكمل عمري هنا نبي نعيش مستقلة مانبي شي ولا نبي نجرب وأنا عارفه النهاية
محمد : أنتِ ........ وصبا مشى لداره - هي دار في صالون أرضي يرقد عليه وبس -
في الصبح :
ناضت على صوت المنبه الساعة 8 ناضت خشت للحمام ولبست جينز أمريكي داكن وبلوزه بدون أكمام دميه وفوقها جاكه طويله بيج وشنطتها الأمريكية جت تبي تلبس إكسسوار لبست ووصلت في الخاتم ... تسلحه ولا تخليه ؟ حولاته ونزلت
شافاته يلبس في كندرته
ريم : أنا ماشيه للجامعة
محمد : استني حتى أنا طالع للعيادة نوصلك
ريم : ....
طلع محمد وهي وراه ركبوا وهو بدأ الكلام
محمد : باهي
ريم : شنو اللي باهي ؟
محمد : أوكي نقعدوا أصـ.ـدقـ.ـاء مافيش داعي للمشاكل ( قالها وهو مفكر إن حيخليها تحبه بشويه بشويه )
ريم : ابتمست
وصلها للجامعة
محمد : أمتى نجيك ؟
ريم : امممم مش عارفه لأن عندي عمل بعد نكمل من الواحد للأرـ.بـ.
محمد : من الواحد للأربعة الترجمة عارف
ريم : كيف عرفت ؟
محمد : لما بتروحي رني عليا
ريم : مافيش داعي وأصلاُ ماعنـ.ديـ.ـش ر..
محمد : عطيني جهازك نسجله
ريم مدتله الجهاز
محمد : كتب رقمه ورن عليه وعطاها : سجليه
ريم : تمام باي
خشت للجامعة وعدت للكافتيريا فطرت وبعدها خشت للمحاضرة اليوم كان عندها 3 محاضرات كملت وطلعت وعلى ال1 وربع رن عليها " اللصقة " كيف ما مسلجته :
محمد : ألو أنا برا
ريم : جايه
وصلت وركبت : أهلاً
محمد : أهلين نوصلك للعمل ؟ ولا مش ماشيه اليوم
ريم : لا كيف ماشيه لكن لو عندك شي نمشي بروحي مش مشكلة
محمد : أنا نطلع من العيادة 1 فماعندي شي
ريم : تمام مكان عملي في شـ.ـارع سـ.
محمد : نعرفه
ريم : نعم ؟
محمد : ....
ريم : ممكن تفهمني كيف عرفت ؟
محمد : نحكوا بعدين
وصلها ونزلت
محمد : حنجيك على الـ4
ريم : تمام
وركبت للمكتب : السلام عليكم
الموظفين : وعليكم السلام
ريم : المدير قاعد ؟
الموظفه هدى : اهاا قاعد
ريم دقت على الباب وخشت : السلام عليكم فاضي يا أستاذ ؟
المدير : تفضلي أبلة ريم
ريم : أنا كان عرسي من كم يوم وأنا اتصلت وقلت
المدير : مبارك صح قالتلي السكرتيرة
ريم : فأنا عندي مشكلة حالياً إني مش حنقدر نجي أيام الأسبوع كلهن فمثلاً لو نجي 3 أيام ونص المرتب ؟ ( هي ماتبش تثقل على محمد وشيل وجيب وتبي تقرأ للفاينل مازالت وهي تدس في 3 أربع مرتبها حق سيارة ومازاللها تقريباً 1000 فمحتاجه للشغل هضا )
المدير : أبلة ريم نص الموظفات متزوجات ويجن فمش أول وحده تزوجي أنتِ فلو نضمتي وقتك تقدري - قالها بطريقة حقيرة هو معروف طبعه هكي وهي كانت متحمله على خاطر المرتب )
ريم ماتحملتش : وأنا أول وحده حنسيب وطلعت وسفقت الباب
هدى : كنك كنك ؟
ريم : أنا سيبت الشغل وخذت شنطتها وطلعت ورنت على محمد : ألو أنا كملت تقدر تجي تاخذني ؟
محمد شاف ساعته لقاها 2 إلا ثلث استغرب ! قاللها : إن شاء الله خير في حاجه صايره ؟
ريم : لا
محمد عرف إن في شي : جاي
مصبيه قدام العمارة وخمس دقايق وتصبي سيارته نزل منها : هي
ريم : اتطير السيارة ولا كيف ؟
محمد : هههههه هي اركبي
ريم : ركبت
شويه ويهلبوا على العيادة بتاعه وقف : هذي عيادتي أنا ما روحتش قعدت نستنى فيك
ريم : عيادتك هنا ؟!!!
محمد : اه
ريم : ........
محمد : خطرها نبي ننزل نجيب كم حاجه من السوق تنزلي؟
ريم : امممم به
نزلوا هما الإثنين جاب مصروف ووقفوا على أنواع الشكلاطة
محمد : شنو اللي تحبيها ؟
ريم : لا مافيش داعي ...
محمد : هدية صداقة اعتبريها هي عاد ههههه
ريم : مارس
محمد : هههههه تقدري عليها ؟
ريم : شنو عشاني بنت ؟
محمد : ههههه الله يربحك فكينا من النقاش هضا مايسكر بكل بعدها
ريم : ....
طلعوا من السوق وطول الطريق مافيش كلام ووصلوا للحوش على 3 ركبت غيرت دبشها ولبست بيجامة الشورت ونزلت خشت للمطبخ وهو كان يغير فوق نزل ويسمع في صوت حلووو خش للكوجينه وصبا على الباب ويسمع فيها تغني مع الأغنية اللي مولعتها في الموبايل ومبتسم
على شكلها وهي لابسه مرقة المطبخ وتجري هنا وهنا ادور في الحاجات
ريم شهقت : بسم الله
محمد : ههههههه فجعتيني بشويه
ريم ووجها أحمر : شنو ادير هنا ؟
محمد : نازل بناكل وقت غداء ، أنتِ اللي شنو اديري هنا تصوري في فيديو كليب ههههههه
ريم منحرجة وتبي تغير الموضوع : ندير في أكل
محمد : محسوبين نحن باهي ولا نديروا برواحنا ههههه ( يقصد على روحه )
ريم تحشمت يعني عيب شالها واستنى وجابلها شكولاطة : لا محسوب مانبيش ناكل المكرونة هذي كلها بروحي
محمد : باهي نساعد في حاجه ؟
ريم : لا مافيش داعي ندير سلاطة وخلاص كملت ، ناكلوا في المطبخ
محمد : كان نيشلو في الصالة خير
ريم وهي تبرم في المطبخ ادور في الصواني والكواشيك وبعفوية : لالا الفرشه اتلبز
محمد ابتسم على كلامها العفوي وعجباته وهي اتصرف بعفوية معاه
حطت الأكل على الطاولة كل واحد صونيه سباقيتي وبالصلصلة والمعندوس وسلاطة مطبوخة وسلاطة عادية محمد قعمز وخذا شوكه
ريم : لالالا حط
محمد : كنك ؟
ريم جابت موبايلها : شويه بنصور أنا هك أي شي نديره نحب نصوره
محمد : فجعتيني قلت شكلها غيرت رأيها وماتبينيش ناكل هههههه
ريم : محمد حول باين في الصورة
محمد : لا حول ولا قوة إلا بالله صبينا يا هانم هههههه
صورت وقعمزوا مقابلين بعضهم وبدوا ياكلوا
محمد : باهي
ريم هزت براسها بمعنى شنو ؟
محمد : قصدي نحن عايشين في نفس الحوش فلازم نتعرفوا
ريم بحتت فيه بنظرة كنك ؟
محمد : قصدي كأصدقاء هههه نفس جو الأفلام أصحاب ساكنين في حوش واحد يعني ههههه
ريم : شنو تبي تعرف وأنت عارف حتى وين نشتغل ههه ؟ وخطرها كيف تعرف ؟
محمد : مش عيادتي قريبه من مكان عملك ؟ شفتك من قريب 7 شهور يعني من شهر 2 تبعتك وعرفت وين تشتغلي وحوشك ونشوف فيك كل يوم بعد نطلع من العيادة جايه للعمل
ريم : ...........
محمد يبي يغير الموضوع : باهي احكيلي شويه عليك
ريم : نقرأ قسم إنجليزي وكنت نتشغل في مكتب الــ..... من مدتة 9 شهور تقريباً ربع المرتب يمشي في كتب نحب نقرأ وااجد ونكتب في مقالات وخواطر أحياناً
-محمد : كويس بس كيف قلتي " كنت نشتغل " ؟؟
ريم : أنـ.ـا سـ.ـيـبـ.ـت العمل
محمد : عليش شن صار ؟
ريم ماردتش على سؤاله : كملت ؟ نبي نغسل الصواني
محمد عرف إنها ماتبيش تحكي : اهاا ويسلموا ايديك حلو تطيبيك
ريم : شكراً
محمد : لو في شي ناقص للمطبخ قوليلي نجيب
ريم : لا للآن تمام
ريم غسلت المواعين وهو قعمز في الصالة وخمس دقايق وطلعت تبي تركب فوق
محمد : رييم
ريم : نعم ؟
محمد : شنو رأيك انتفرجوا علي فيلم بعدين ؟
ريم : به ماعنديش مشكلة
محمد : ابتسملها وهي ركبت
__________________________________
تاق لصديقتك وتوقعاااااتكم
يوميات_زوجة_مغصوبة
الحلقة السادسة
ريم في دارها تقرأ في رواية ومنسجمة ومحمد يفتح الباب
محمد : حطيت الفيلم تجي ؟
ريم : هي جايه ونزل وهي وراه
ونزلت لقاته فاتح الصالون اللي يقعد سرير وجايب عصائر وشبس وحاجات زي هكي
ريم : امممم بندير سبول في ؟
محمد : اهاا جايب
ريم فتشت واجد مالقتش
محمد : مالقيتيش صح ؟ هههه طولتي أصلاً
ريم : اهاا ههه
محمد طلعه لها واسند على المرماره
طلعت طنجره وحطت زيت وحطت السبول وغطاته وهي تبحت في الطنجره شويه وحستها معاش طربق فتحت عليه وهو يبدأ يطرشق وعيطت
محمد يجري وخذا المغطى وسكر لكن بعد ما نصه طاح على الوطا
محمد : ههههههههههههه مطر غزيرة
ريم : معلش طاح نصه ههه وضحكة متحشمه
محمد : كنك عادي ماصار شي مازال في هههههه
حطوا السبول في صونيه وشالوه هو تمدد على السرير على اليسار وهي على اليمين وفي بينهم مسافة حطو الصونيه
بدأ الفيلم ...
شويه وتجي لقطة مش تمام ريم حطت يديها على وجهها
محمد : هههههههههه حولت
حولت يديها من على وجهه وقالت : غيره الفيلم ماعجبنيش
محمد : عليش أنا عجبني ههههه
ريم : به تفرج عليه بروحك وتبي تصبي
محمد : أوي وين ماشيه توا نغير هههههه
ريم : ردت قعمزت وبحتت فيه بنظرة إنتصار
محمد : ههههه نحط رعب باهي ؟
ريم : لا
محمد : خوااااافه هههههه
ريم : لامش خوافه
محمد : لا صح ههههه
ريم : حط رعب
محمد : ماه تخافي
ريم : لا مانخفش
وحطوا رعب وهي كل شويه تعيط وهو يضحك عليها وتخبطه بالمخده
محمد : نهايته سمحه والتفت عليها لقاها راقده
ونوضها ما فتنطش وفي باله يقول : باهي فرصة هههه
جاي يبي يرفعها حط يده تحت رقبته وهي تفطن وتعيط في وجهه اللي كان قريب من وجهها
ريم : هييييييييي شنو اديييير
محمد : فجعتيني كنك تعيطي ؟؟ كنتِ راقده ونوضتك ما نضتيش قلت نرفعك
ريم : حصل خير تصبح على خير وركبت وهو طفى التلفزيون وركب
خشت للدار وهي خايفه من الفيلم خشت للفراش ومعاش قدرت حتى اتقلب شويه وتحس الباب انفتح بشويه انشلت في مكانها وبشويه ألتفتت ومالقت حد والباب مفتوح صبت وهي قريب تموت من الخوف افتحت الباب
......: بوووووووووووووووووو
ريم : ووووووووووووووووووووووووااااااااااااااكككك
محمد : هههههههههههههههههههه
ريم : عنشكلك شنو البصاره البارده هذي
محمد : كان تشوفي شكلك ههههههه
ريم : هذي بصاره قريب متت
محمد : بعيد السو ههههههه
خشت لريم لدارها وولعت سورة لبقرة ورقدت وماقريب مشت هالللية
مرن أسبوعين ومافيش شي جديد كل يوم تمشي للجامعة معاه وتروح معاه ادير أكل ويهدرزا مواضيع عامة وتقربوا من بعض أكثر وطول الفترة هذي محمد ما دارش أي لقطة عشان يتقرب منها كشخص غير " صديق "
____________________________
يدق في الباب على الدار ما تردش يحسابها راقده وهو يبي ياخذ حاجه من الدار ففتح مالقهاش وسمع صوت الميه عرفها في الحمام
ريم : بسم الله
محمد : معلش غير كنت بناخذ حاجه وهو قالب وجهه لأنها طلعت من الحمام ولافه منشف كانت ادير في دوش
ريم : .......
محمد خذا دبشه وطلع وهي شويه لبست ونزلت
ريم : محمد
محمد التفت لها وهو كان يتفرج على التلفزيون : نعم
ريم : بندير بطاطا مقلية تبي ؟
محمد : اووو غالية عليا وصبا وخش معاها للمطبخ : قتلك شنو رأيك نديروا معاها حوت ؟
ريم : ههههه حوت في الليل خليه بكرا غداء
محمد : خاطري فيه توا وكان هضا ندير وناكله بروحي عادي ههههه
ريم : معاندي في كل حاجه أنت ههه
محمد : ههههه باهي طلعي بصل وطماطم نحطهن معاه في الكوشه
ريم بدت تقرض وكل شويه يعلقوا على حاجه ويضحكوا وهي بدت اتقبل فيه يعني الكره بدأ يقل شويه شويه بس مع ذلك مازالت مُصرة إن بعد إمتحناتها تطلق
طاب الأكل وقال محمد يبي يدير سلاطه
ريم : توا نديرها أنا
محمد : حتوفتي سلاطة الشيف محمد معناها ههههه
ريم : محمد راهي سلاطة هههه
محمد : سلاطي غير ههههه
يحكوا ويقرض وبدون ما ينتبه يجرح صبعه
محمد : احح
ريم : كنك ... ييي صبعك وريني
محمد : لا ما في شي بسيطه
ريم : استنى ، وعدت فوق تجري وجابت معقم وشاش : هات نلفه لك
محمد ماعرضش وعجبه جو الإهتمام
لفتله صبعه : توا نكملها أنا السلاطه يا شيف
محمد : ههههه
كملت وحطت الصواني وقعمزوا يا كلو
محمد : خطرها أمي تبيك تمشي لعرس معاها رنت عليا اليوم
ريم : مش عارفه نمشي وأنا مانعرف حد جو شين
محمد : لا عادي حتعرفي وماشيات أصلاً حتى البنات ( خواته يقصد ) فمش حتكسدي
ريم ماحبتش ادير جو شين : تمام أمتى ؟
محمد : على أساس بعد بكرا
ريم : تمام
وكملوا العشاء وركب كل واحد رقد
____________________
الساعة 8 ونص
واتيه ؟
ريم : اهاا هي
طلعوا وركبوا في السيارة وفي الطريق للجامعة يبي يوصلها :
محمد : خطرها في العشيه هلي بيطلعوا للسوق تمشي معاهم بلكي تبي شي على خاطر الفرح ؟
ريم فكرت وفعلاً ماعندهش شي تلبسه لكن في نفس الوقت ماتبيش تاخذ منه فلوس هي عندها لكن أكيد يبي يعطيها وماتبيش هكي : لا مافيش داعي
محمد حسها إن تبي : لا لازم كيف توا في الترويحه نشوفوا شنو يصير
ريم : .........
حطها في الجامعة وعدا للعيادة وعلى الـ 1 ونص جاها
رن عليها عرفاته إن برا طلعلته
ريم : سلام
محمد : أهلاً توا حنمشوا للحوش انتغدوا وعلى الـ 4 نمشو لهلي
ريم : تمام
وصلوا للحوش وتغدوا دارت رز وقلت البطاطا المبطنة دارتها في الليل وحطتها في الفريز عشان الوقت وهما الإثنين ركبوا رقدوا
___________________
محمد بصوت ناعس : هاا باه هي جاي
ناض على مكالمة أختى بشرى اللي تسأل وينه الساعة 5 إلا ثلث
عدا لدار ريم لقاها راقده
محمد : ريييم
ريم : شنو في بنرقد وتغطت
محمد : رييم نوضي السوق تأخرنا
ريم : السوق ؟ السووووق صح !
ناضت بسرعة وخشت للحمام ومعاها دبشها سروال أسود وبلوزه دميه وكندره سوده وفردت شعرها وصبت قدام المرايا حطت روج خفيف ومسكره بسرعة
ريم : هي كملت
محمد : هي
نزلوا ومتجهين لحوش هله
ولما وصل قدام حوش هله وقف السيارة وهي تبي تنزل
محمد : ريم
ريم : نعم ؟
محمد مدلها فلوس : عشان السوق
ريم : مافيش داعي معايا
محمد بجدية : ريم مافيهاش شي كان خذيتيهن مني
ريم : أنا معايا لو نبي شي نقولك مشكور
محمد أصر واجد لكن هي ماقبلتش
__________________
في حوش هله
أمه : وينكم وينكم
محمد : والله راحت علينا نومه
بشرى وحواء : هي بس هي المحلات قريب يسكرن
وطلعت بشرى وحواء وريم ركبت هي قدام وخواته لاورا
ونزلهن للسوق : كملوا ورنوا عليا قولولي وينكم بس مش اطولن
ردت عليه حواء : به حاضر غير خلينا انخشوا قبل ما يسكرن
محمد : عليك لسان طويل
وعدى
خشن عرم محلات البنات شرن لكن هي ماعجبها شي لين خلاص قريب يروحوا خشوا للمحل الأخير وشرت !
ريم شرت فستان أسود دانتيل قصييير بدون كمام لا خيوط حلووو بكل وراقي وكعب بطنجالي
بشرى بلوزه بدون كمام ذهبيه وقونه قصيرة سوده وكعب ذهبي
حواء فستان وردي كمه للمرفق وقصير وحلووو بكل وكعب فضي
وأخيراً رنو على محمد وجاهم وصل خواته للحوش وروح هو وريم وفي الطريق
محمد : ها شريتي ؟
ريم : اهاا :)
محمد رد عليها بإبتسامة : :)
وصلوا للحوش تعشو وكل واحد خش لداره هي خذت كتاب وقعدت تقرأ لعند غفت
وهو قعد يشتغل على الكمبيوتر وطول لل2 في الليل وبعدها رقد
___________________
يوم الفرح :
في الصبح وصلها للجامعة وهو للعيادة وفي الترويحه حطها عند هله البنات يبنها اديرلهن مكياج لأن فرح أختهن تبي تعدي للصالة طول ماتقدرش تمر وامهن ماوفقتش على قولتها عليش كل عرس مزين
من الصبح حطت دبشها ومكياجها في السيارة عشان لما تروح من الجامعة تعدي لهله طول ولبست دبلتها لأن البنات علقلها يوم السوق وين دبلتك وقالت إن نستها في حوشها لما كنت تغسل وهو لما شافها انبسط لأن طول الفترة هذي مالبستهش
في حوش هله :
هو ما خشش تعبان يبي يروح يتريح لأن مش راقد كويس هي خشت وسلمت على البنات لقتهم يحطوا في الغداء تغدوا وبعدها بدن يجهزن في أرواحهن
حواء : أنا قبلك
بشرى : أنا أكبر منك
ريم : بدون عراك توا نديرلكن أنتن الإثنين وبدت ببشرى دارتلها مكياج وعدت تلبس وبعدها حواء ولما كملن دارت لروحها ولبست وطلعت طررررف لبست عبايتها لأن الفستان قصير
وعلى الساعة 8 وصلهم مالك للقاعة
انبسطت في العرس بكل وغيرت جوها وتعرفت على ناس جديده وعلى الساعة 10 لقت رسالة من محمد " أنا حنروح بيكم بعد تكملوا رني عليا "
عدت للبنات قالتها لهن وشويه ورنوا عليه وجا وصل خواته للحوش وروح هو وريم
________________
في حوش محمد وريم :
خشت وهي تسلح في الكعب : تعرف جو سمح بكل والله باهي اللي مشيت وتحكي هي وياه وراكبين على الدروج وهي تحكي بحماس ويهدرزا خشوا لغرفة النوم سلحت عبايتها وهو ذاااااااب قعمز على السرير وهو يتأمل فيها وهي على المرايا تسلح في الإكسسوار معاش قدر يتحمل جاها من لاورا وحط يديه على خصرها وهي حست بقشعريرة في جسمها وماقدرتش تقول شي تبي تحول يده يلفها ويقعد وجهه في وجهها وفجأة يبوسها هي هنا نست كل شي وتجاوبت معاه ( طبيعي أول مرة حد يبوسها )
محمد فكر إن معناه هي متقبلته استمر ... وشويه ويحط يده على السوسته وبدأ ينزل فييها بشويه ....
وفجأة ادفه ريم : ............
محمد : شنو صار ؟
ريم : محمد اطلع برا
محمد هنا انفجر : فهميني أنتِ كنك ؟ كل ما نقول ماشيين كويس اديري شي غريب ؟؟؟ من ناحية تحكي معايا عادي وتلبس في لبس قصير قدامي ومن ناحية تبيني صديق ؟؟؟ كيف نقعدوا أصدقاء كيف ؟؟؟؟ مستحيل !!! مانقدرش أنا هكي ؟ قلت حيجي يوم ونعيشوا عيشه كويسه لكن أنتِ ماتبيش !
ريم : محمد
محمد : مانبيش نسمع شي وسرفق الباب وطلع
_____________________
توقاعتكم ؟! وتاق يا بنات لصحباتكن 😍🐸