الفلاح_والمخطوفة قصة رومانسية ممتعة الفصل الاول بقلم الكاتبة_صباح_عبدالله_فتحي حصريه وجديده
الفلاح_والمخطوفة قصة رومانسية ممتعة الفصل الاول بقلم الكاتبة_صباح_عبدالله_فتحي حصريه وجديده
في منطقة جبلية، كانت واقفة ريما الفلاح_والمخطوفة قصة رومانسية ممتعة الفصل الاول بقلم الكاتبة_صباح_عبدالله_فتحي حصريه وجديده س، بنت جميلة جدًا، عيونها خضرا وشعرها أسود طويل، وجسمها مليان شوية، ولابسة لبس عصري. كان الغضب باين على ملامحها وهي بتتكلم مع صاحبتها مي، وبتضرب كاوتش العربية برجليها.
ريماس
يعني مش كفاية متوهاني، لا وكمان العربية المنيلة بتاعتك عطلت بينا في مكان ولا عالم الأحلام.
مي بصتلها بزهق وهي رافعة الموبايل، وبتحاول تلقط أي شبكة.
مي
ما هو إنتِ لو تهدي أعصابك دي شوية، كل حاجة هتبقى تمام. إنما جو والتوتر اللي أنتي عمله ده مضر بالصحة.
ريماس بصتلها بغيظ وقالت بابتسامة خبيثة:
ريماس
ممكن تجيبي إيدك كده خمس دقايق؟
مي
(بقلق)
عاوزة إيدي تعملي بيها إيه؟
ريماس
(بابتسامة)
هاتي بس، ما تخافيش... هشوف حاجة.
ترددت مي شوية، لكنها مدت لها إيديها. فجأة مسكتها ريماس وعضتها جامد.
مي
(بصرخة)
آهاااا! يا بت يا المسعورة! إيدييييي!
في نفس الوقت، ورا صخرة كبيرة، كان واقف راجل بين عليه فلاح مخبي وشه بالكوفية، وبيتابعهم من بعيد.
الراجل
يا مرار طافح! أي اللي إني شايفها بعيني ده… اكيد جوز الحريم دول مش جايين لخير. أكيد من جواسيس الحكومة. لازم ألحق جبل بيه وأقوله إن الحكومة بعتت ناس تترصد لينا، وإن الديرة بقت متراقبة من كل ناحية.
يجري الراجل بسرعة ناحية جبل كبير في وسط الصحرا..
__________
داخل كهف موجود في قلب جبل وسط الصحرا، كان واقف جبل، شاب في أوائل التلاتينات، بشرته حنطية وشعره أسود طويل. ملامحه كلها هيبة وقوة، ولابس جلابية سودا. كان واقف بهدوء بيتابع رجّالته وهم بينقلوا صناديق السلاح من الكهف لعربية نقل كبيرة واقفة برة.
فجأة دخل واحد من رجّالته وهو بيجري وبيصرخ بهلع:
الراجل
نصيبة يا جبل بيه... نصيبة سودة! وقعت على نفوخنا كلنا!
كل الرجالة وقفت مكانها، وجبل بص له بغضب واستغراب.
جبل
مالك يا زفت انت في اي بتزعق كده ليه؟ انطق وقول اللي عندك. حصل اي؟
الراجل
مرار طافح يا بيه واديني شوفتهم بعنيا. حريم غُرب جايين ناحيتنا، وأكيد الحكومة بعتاهم يتجسسوا علينا. عمالين يراقبوا المكان ويصوروا بالتليفون اللي معاهم.
سكت كل اللي في الكهف وبصوا لبعض بقلق. أما جبل ففضل ثابت مكانه، يفكر كام ثانية، قبل ما يرفع عينه ناحية الراجل.
جبل
إنت متأكد من اللي بتقوله ده يا زفت انت.
الراجل
ورب الكعبة متأكد يا بيه. ولو مش مصدقني، تعالى معايا وشوفهم بعينك.
ضيّق جبل عينيه وهو بيفكر بسرعة، وبعدها بص للرجالة وقال بصوت حازم:
جبل
شيلوا العِدّة من هنا بسرعة وخبوها في مطرح تاني. مش عايز أثر واحد يفضل وراكم... مفهوم؟
هزّت الرجالة راسها بسرعة وبدأت تتحرك...بعدها بص للراجل بحدة:
جبل
وإنت يا وش الفقر، امشِ قدامي وورّيني مطرحهم. وعارف لو طلع كلامك ده هَرَج ولا كدب... ما تلومنّش إلا روحك.
بلع الراجل ريقه بخوف وهز راسه بالموافقة...اتحرك جبل ناحية مخرج الكهف بخطوات ثابتة عشان يتأكد بنفسه من اللي سمعه، بينما مشى الراجل قدامه وهو كل شوية يتحسس رقبته بخوف، وكأنه متأكد إن رقبته هي اللي هتدفع التمن لو كلامه طلع غلط.
________
عند ريماس ومي
كانت ريماس ومي قاعدين جوه العربية، ومفيش واحدة طايقة التانية. مي ماسكة دراعها بوجع، وكل شوية تبص لريماس بغضب، بينما ريماس عاملة نفسها مش فارق معاها، وبتحط مناكير وبتنفخ في صوابعها.
مي
يا برودك يا أختي. أكلتي دراعي، وقاعدة تحطي الزفت الطين على ضوافرك ولا كأنك عملتي حاجة.
ريماس
احمدي ربك إنها جت على دراعك وما جتش في رقبتك.
لمست مي رقبتها بخوف واتسعت عيونها.
مي
يا ماما شكلك بتتحولي لزومبي وأنا ما أعرفش.
بصتلها ريماس وبدأت تمثل إنها اتحولت لزومبي عشان تخوفها، لكن فجأة صرخت مي بجد ورعب.
ريماس (بأستغراب)
مالك يابنتي هو أنا اتحولت لزومبي بجد ولا إيه؟ مالك يا هبلة؟ بهزر معاكي
مي(بصراخ)
إحنا هنتعمل كفتة مع بطاطس محمرة وهنتحط علي الغدا قريب يا فالحة.
ريماس
إنتِ اتهبلتي ولا اي لا تكوني جعانة؟
مي
بصي وراكي يا متخلفة وانتي هتعرفي بصرخ ليه.
لفتت ريماس وراها باستغراب، وأول ما شافت جبل واقف ببندقيته ومعاه تلات رجالة مخبيين وشوشهم، صرخت برعب ونطت قاعدة على رجل مي.
مي
آآآه رجلي يا متخلفة منك لله
ريماس
مين دول؟ وطلعوا منين؟!
بصت البنتين لبعض لحظة.
مي
أيوة صح... هم طلعوا منين أصلًا؟
بصت ريماس حواليها بخوف.
ريماس
مش ممكن يكونوا جن؟ وحراس كنز ولا مغارة في المكان ده وإحنا أزعجناهم؟
فكرت مي شوية.
مي
أيوة صح ممكن جداً كمان. أنا قريت قبل كده عن الحاجات دي...(بفرحة)أنا مبسوطة أوي كان نفسي أعيش مغامرة زي دي من زمان. ويا سلام لو الجن خطفونا ورحنا عالمهم هتبقي حكاية من حكاية ألف لليلة ولليلة.
ريماس
طيب وافرض ده حصل، هنرجع إزاي يا فالحـة؟ مش لازم يبقى فيه بوابة والكلام ده؟
زقتها مي من على رجلها.
مي
قومي كده... أنا هطلع أستفسر منهم.
نزلت مي من العربية بصعوبة، وريماس نزلت وراها بتردد وخوف.
مي
شي شو... شي شو... نوع بوووو!
بص لها جبل باستغراب، بينما كانت ريماس بتحاول تفهم هي بتقول إيه.. مال واحد من رجال جبل ناحية جبل وهمس:
الراجل
الحريم دول مخبولين يا بيه ولا إيه؟
ريماس
أنا ماليش دعوة بيها يا أستاذ عفريت...(تبص لمي) إيه شي شو شي شو نوع بوووو دي والهبل اللي بتعمليه ده إيه؟
مي
اسكتي إنتي يا متخلفة أنا بحاول أتكلم بلغة الجن. ما تقطعينيش عشان أعرف أتفاهم معاهم.
بصت ريماس لجبل الواقف مذهول من كمية العبث اللي قدامه.
ريماس
بقولك يا أستاذ عفريت... عندكم في عالم الجن مستشفى أمراض عقلية ولا لأ؟
اشتد غضب جبل وحس إنهم بيتريقوا عليه. فجأة رفع بندقيته وضرب طلقة في الهوا.. صرخت البنتان وجريوا استخبوا ورا العربية.
جبل
قسماً بالله لو سمعت ليكم حس، لأجيب خبركم انتم الاتنين.
مي
(بخوف)
عجبك كده قلتلك اسكتي وأنا هتفاهم معاهم
ريماس
إنتِ متخلفة؟! دول معاهم سلاح دول بني آدمين يا حيوان وشكلنا هنتباع بالكيلو قريب
سكتت مي لحظة، وبصت لجبل ورجالته، ثم بصت لريماس.
مي
احية… دول طلعوا بني ادمين وإحنا كده مش مخطوفين من الجن؟
ريماس
لا يا أختي... إحنا مخطوفين من بني آدمين، ودي مصيبة أكبر.
في الناحية التانية، ضرب جبل الراجل اللي بلغه بوجودهم بالقلم.
جبل
دول بهايم زيك يا حمار مش جواسيس عطلتوا الشغل والبضاعة عشان شوية هَرَج.
الراجل
والله يا جبل بيه ما بهرج الحريم دي تبع الحكومة.
تقدم راجل تاني وقال:
راجل تاني
عصران ما بيكذبش يا جبل بيه. بص كده جوه العربية.
اتجه جبل للعربية باستغراب، وبدأ يقلب في الحاجات الموجودة فيها. لفت انتباهه صورة لريماس واقفة جنب ظابط شرطة… فارتسمت على شفايفه ابتسامة ساخرة.
جبل
معقولة يا رياض بيه خلصت معاك الحيلة لحد ما تبعتلي جوز حريم مخبلين زي دول؟
بعدها هز راسه بسخرية.
جبل
طب يا رياض بيه... هديتك مقبولة.
لف ناحية رجّالته وقال:
جبل
هاتوهم وتعالوا وراي.
___________
قسم المخابرات – مكتب رياض باشا
كان رياض، رئيس فريق ضباط المخابرات، شاب في أول التلاتينات، بشرته بيضا وعينيه خضرا وشعره بني غامق. قاعد علي كرسي مكتبه ببدلته الرسمية، والقلق باين على ملامحه وهو بيحاول يتصل بريماس للمرة العاشرة.
رياض
يا ترى إنتِ فين يا ريماس؟ وإيه اللي حصل معاكي؟
فجأة خبط على الباب.
رياض
ادخل.
دخل أدهم، واحد من ضباط المخابرات اللي شغالين معاه... قام رياض بسرعة من مكانه.
رياض
خير يا أدهم؟ طمني... وصلتوا لحاجة؟
هز أدهم راسه بأسف.
أدهم
للأسف يا فندم، لسه ما وصلناش لأي خيط. بس اتأكدنا إن الآنسة ريماس ما ركبتش القطر زي ما كنا متوقعين، وتتبعنا آخر إشارة لتليفونها. الإشارة كانت جاية من ناحية الصعيد، وبعدها اختفت فجأة تمامًا. ومش عارفين نوصل له ولا نعرف نحدد سبب الاختفاء إيه.
اشتد القلق على ملامح رياض.
رياض
اختفت إزاي؟ يعني إيه اختفت؟
أدهم
مش عارفين يا فندم. ممكن يكون التليفون اتقفل أو اتكسر، أو حد متعمد يمنع تتبعه.
قعد رياض على كرسيه وهو بيفرك وشه بندم.
رياض
أنا اللي غلطان... ما كانش لازم أسيبها تسافر لوحدها. كان لازم أكون معاها، أو على الأقل أبعت حد يجيبها.
اتردد أدهم لحظة قبل ما يتكلم.
أدهم
بصراحة يا فندم... في احتمال بفكر فيه من ساعة ما عرفنا إنها اختفت.
رفع رياض راسه ناحيته بسرعة.
رياض
احتمال إيه؟ اتكلم.
أدهم
جبل.
عقد رياض حواجبه باستغراب.
رياض
جبل؟ ماله؟
أدهم
مش ممكن يكون عرف إن أخت حضرتك نازلة الصعيد؟ وممكن يكون هو السبب في اختفائها... أو يكون خاطفها عشان يضغط عليك؟
وقف رياض فجأة من مكانه واتغيرت ملامحه.
رياض
دي تبقى مصيبة لو كلامك صح.
أدهم
وأنا خايف يكون صح يا فندم.
ساد الصمت لحظات، واتبادلوا الاتنين نظرات قلق، بينما أسوأ الاحتمالات بدأت تلف في دماغ رياض... وبعد لحظة هتف بحسم:
رياض
عاوز أعرف آخر خطوة لجبل كانت فين وبيعمل إيه... واتأكد لي إذا كان له علاقة فعلًا باختفاء ريماس ولا لأ.
أدهم
أمرك يا فندم.
اتجه أدهم ناحية الباب عشان يخرج... بينما ضغط رياض على سنانه بغضب.
رياض
ورحمة أمي يا جبل... لو لمست شعرة واحدة من أختي، لأكون دافنك حي.
الفلاح_والمخطوفة
قصة رومانسية ممتعة.
الكاتبة_صباح_عبدالله_فتحي
قصص_قصيرة_كوميدي_رومانسي_كاملة
يلا يا حبايب قلبي مستنيه اشوف رأيكم في الحكاية الجديدة واللي عاوزة القصة تكمل يحط لايكي ويتابع الصفحة علشان يوصل له كل جديدة وحصري من الكاتبة صباح عبدالله فتحي
تعليقات
إرسال تعليق