نوسه وازواجها السبعه الحلقه الاولى بقلم نوسه حمد حصريه وجديده
كنت سرحانه و البيت مقلوب وامي كانت تعوس بالحطب والنار كل مره تطفي وتكورك لي عشان اجي اولعها ليها وكنت بطنطن قلت ليها بكره يمه اعرس واخليك تكوركي براك قالت لي البعرسك منو ي بت واحسن ليك م تجيبي سيره العرس في خشمك وانا بنوت الحله المباريهان ديل تاني بحرمك منهن عرس شنو انتي م واعيه ي بتي القدرك بي شفعهم بس الله خلقك ي بتي ناقصه عقل وماف راجل برضا اعرس واحده عقلها بسيط عشان
العرس م ساهل فيهو حمل ولاده وانتي م واعيه الداير يربي ليك اولادك منو انا بكره بموت واخليك و انا زاتي لو جاك راجل م بخلي يعرسك دي فضيحه دي وكانت بتلملم في حاجات العواسه قلت ليها يمه انا مالي كل منك انتي اخواتي ولدتيهن كويسات الا انا بتقولو لي متخلفه والناس بضحكو علي وقعدت ابكي امي هرشتني قالت لي هوي خلي قله الادب دي انا قلت لي ربنا اجيبك لي متخلفه دي قسمتك كده زي عماتك هديل شايفاهن عرسن نسوان كبار وسمحات بس بسبب تخلفهن ماف راجل عرسهن عشان انتي م تحلمي لي بالعرس والبنات اعشمنك قلت ليها انا بعرس يمه وانتي بتشوفي قالت لي هوي ي بت خلي قلت ادبك دي وتعالي نظفي لي المطبخ دا واعرسو ليك شنو وانتي العين م بتقديها اشتغل ليك هو مثلا ابوي جا داخل قال لي ي بت ي نسيبه تعالي هنا املي لي الابريق دا واسقي لي الحمار دا قعدت اطنطن قلت ليهو ياخ انا حمارك دا كل مره ارفسني امش اسقيهو براك اداني ليك قشطه بسوط العنج في ظهري جريت مغيبه مليت الابريق وسقيت الحمار ونظفت المطبخ لي امي وقفت جنب باب الشارع لقيت بنات جيرانا العبن ضيوف ضيوف وهن صغار قلت ليهن انا ببقا ليكن امكن ومؤيد راجلي وانتن بناتي وبقيت العب وعايشه ليك دور الام بكل تفاصيلو مؤيد دا واحد عند امو مدلع دلع شديد امو بتحرسو لو طلع يلعب وبقت قاعده وتعاين لينا وتضحك قالت لينا كفاكن لعب امشو افطرو ونومو قالت لي انتي عمرك كم قلت ليها انا ٢٠سنه قالت لي انتي كبيره وديل صغار م تلعبي معاهن تاني بكره بعرسوك وتلدي قعدت اضحك قلت ليها بكل براءه بتعرسي لي مؤيد ام مؤيد ماتت بالضحك قالت لي نسيبه انتي كبيره مؤيد عمرو ٨سنه تعرسي كيف قلت ليها خلاص دايره احمد ولدك قعدت تضحك قالت لي احمد دا م ولدي دا راجلي قلت ليها سمح خلاص عرسيني ليهو هو عشان كل يوم اتحنن معاك ونشتري التياب من السوق واغسل ليك العده ونسرق قروشو وندخل بيهن في صندوق قعدت تضحك قالت لي سمح خلاص بعد اجي بكلمو وبنجي نخطبك انا جريت مبسوطه واتكلم براي قلت ليها يمه يمه جاني عريس قالت لي عريس شنو ي بت انتي م بتفهمي قلت ليك شيلي الموضوع دا من راسك قلت ليها خلاص انا وريتك ولمن اجي اعرس م بعزمك وم تجي تختي لينا ف الكشف لانو احمد بي قروشو م محتاجين ليكن امي انخلعت قالت لي احمد منو قلت ليها ابو مؤيد لانو مرتو قالت لي بكلم احمد اعرسك وكنت اضحك ومصدقه امي مسكتني ليك دقتني دقه وساقتني من يدي ودتني لي ابوي ولمن حكت ليهو ابوي وقع فيني ضرب بالخرطوش قلت ليهو والله اعرسو ومصره علي راي 😴 ابوي قال لي امي البت دي منو الدخل ليها فكره العرس في راسها البت دي عويره ماف زول بعرسها وم تخليها تمرق عشان كل مره تجي تقول لينا فلان دايرني ودايره اعرس ودي مصيبه شنو الوقعت فيها دي بت متخلفه وغير سيره العرس م عندها شي قلت ليهو والله اعرس واعرس واعرس وانت الله بحاسبك كان رفضت عريسي
وجريت قفلت الغرفه علي وبقيت ابكي 😭😭😭
طبعا م حكيت ليكم عن بطله الروايه اسمها نسيبه اتولدت معاقه ذهنيا او زي م بقول عليهم المجتمع زوي الاحتياجات الخاصة)(متخلفين) وم عندهم فهم النوع دا كتير شديد ومظلوم بطريقه كده مبالغه وهم بشر زينا رغم اعاقتهم بس عندهم مشاعر وأحاسيس ونحنا مجتمعنا قاسي زول متخلف دا عندهم م بصلح للزواج ولا لي المسؤولية وفي الروايه دي ح احكي ليكم عن نسيبه رغم اعاقتها بتحلم بالزواج ومفتكره الزواج لبس توب وحنه وجيهه وم عارفه انو الزواج مسؤوليه راجل واطفال ونقطه ضعفها انو القدرها اتزوجو بس هي ليه وعلي التخلف العليها وقعت في اسره م بتعرف تتعامل مع الحالات الخاصه والحاجه دي ح تدي نسيبه نتايج عكسيه وطبعا شكلو التخلف عندهم وراثه لانو عماتا اتنين متخلفات وم اتزوجن ودا اكبر مثال شايفاهو امها انو التخلف في اسرتهم في وم اتزوجو وبذالك حكمت عليها انها م ح تتزوج لانو الزيها ف المجتمع منبوز ولا يصلح للزواج امها وابوها عانو معاها معانا واستخدمو معاها اسلوب الرفض بالعنف وهي بس مصره تتزوج رغم اعاقتها💔 وفي الروايه دي ح احكي ليكم البحصل ليها شنو والحياه ح تكون كيف بعد تحقق حلمها وتتزوج والسبب الخلا نسيبه رغم بساطتها بتفكر ف الزواج هل في زول دخل ليها فكره الزواج ولا هل هي فاهمه زواج يعني شنو ودايراهو ودا الحا نعرفو في الحلقات الجايه...... يتبع
ملحوظه الروايه دي عاوزه اقروها الناس العندهم ف اسرتهم حالات زي دي وانا ح اجسد البطله في الروايه واوريكم كيف تتعاملو مع زوي الاحتياجات الخاصة ♥️♥️♥️♥️وبالذات الناس البكونو عندهم مشاعر زي بطله الروايه نوسه 😘😘😘😘
كل التعاليق قريتا تحليلكم لي انها تتزوج سبعه مرات صاح بس ماف زول اتوقع انو البطله تكون متخلفه عقليا 💔 الروايه دي م عاوزاكم تقروها عشان لايك ولا كلمه تم انا عاوزه الروايه دي تصل للناس العندهم في البيت النوع دا 👌
تعليقات
إرسال تعليق