جابر ونور الحلقه الاولى حصريه وجديده على مدونة النجم المتوهج للروايات والمعلومات
جابر ونور الحلقه الاولى حصريه وجديده على مدونة النجم المتوهج للروايات والمعلومات
مريحة في شمبرة في اوتال هادي ليلة عرسي اول ليلة مع راجلي لي مزالوا مشاااافش حتى وجهي ولا يعرف اسمي راجلي لي شفتوا حتى ليوم كي جا يديني ايه راني في ساعة ملي وصلنا خرج مزال مدخلش مريحة ونخمم في حياتي لدمرت وتقلبت بسبة سوء تفاهم وظن سوء وغلطة دمرتني نعرفكم بروحي نور الهدى 18 سنة بلوندة شمعة شعري شاتان طويل عينيا عسليين عندي كاين شابة جايبة روحي مناطق انثوية بارزين منبانش عندي 18 دايرة حجاب شرعي برا وصلت الباك كنت نقرا مليح كان حلمى نربح ونقرا علوم شرعية ونتخرج ويبقى مجرد حلم .ختمت قرآن في صيف حمد لله وكانت أعظم فرحة .
بدات حكايتي قبل شهر من ضروك كي جات ماما داخلة عليا ...وحدي روحك غدوى جايينك وحدين يركبولك خاتم ديراكت باباك كمل مع لعريس وتفاهموا على كلش والراجل مطلق وعندوا 33 عام تبكي وتهدر علاه دمرتي روحك ودمرتينا يااانور علاش يكبدتي حشمتي بينا .هزيت راسي قتلها .
.ياماما حمبوك أمنيني غير نتي انا بنادم تربيتك والله ماتوشاني والله راني طاهرة وعفيفة عفة أمنا مريم صدقوني حتى ضرب الباب دخل بابا اسكتي يا المسخوطة حمدي ربي لمخليتش خوك يقتلك خفت نخسر ولدي وحيدي يكمل حياتو فلحبس وانا يا أبي مانيش وحيدتك مانيش نوارتك
..كنتي وحيدتي وضو عينيا وكسرتيني من نهار ناس عايروني بيك .اخر حاجة تساليهالي هيا نهار نشهدلك في زواجك وتخرجي عليا ومتخميش ترجعي غير ونتي مكفنة .خرج مع ماما وبلعوا عليا باب شمبرة و قالها وجديها لغدوى .ريحت نبكي ياربي واش درت يصراالي هاكا ياربي انت تعلم مالا يعلمون .
غدوى جات يماه تبان مريضة وختوا متزوجة ركبولي الخاتم وقاتلي يماه ابنتي انا منعرفش واش عندك ولا كفاه قبلتي تتزوجي بواحد عندوا شهر ملي طلق مرتوا وكبير عليك.منيش نقولك ولدي مش مليح ولا كشما فيه بصح نتي راكي صغيرة والف واحد يتمناك قرينك وعازب قتلها مكتوبي خالتي ضحكت قاتلي ختوا خويا يخدم في البياري خدمتوا هيا لي خلات طبعوا قاسي هاكا وصعيب بصح قلبوا ابيض ويعرف يخير الله يبارك تفتني بالزين زدت خفت مت دارولي خاتم وراحو ا.قالهم بعد شهر العقد و نديها ديراكت .ايه ودفعلي كلش دراهم وبزيادة تاني .شريتها كامل لبسة وذهب صوالح ليا برك قالهم حاجة متجيبوهاش للدار .
جهزت هاداك شهر كلش وجا نهار العقد لي نشوف فيه راجل لي راح نكمل حياتي معاه كي وصلنا قالولي مدام سينيي راجلك سينيا قاع صباح فوتناه بحكم وظيفتوا .هنا درت نشوف في بابا وعينيا فيهم دموع ايه يا بابا انا لي كنت تقولي نخرجك بعرس ناس تحكي بيه هاهو وحش لمديتني ليه مش قابل حتى يشوفني مسحت دمعتي سنييت وخرجت وصلت للدار غدوى من داك جاو رجال من اهلي واهلي للفاتحة وجا معاهم هو كي راحوا رجال داو جهازي معاهم رحت لبست وماكييت سامبل لبست حجاب ابيض ساتان فضفاش فوقو خمار ابيض طويل كما برنس ودرت نقاب ابيض يبانوا غير عينيا مع مكياج جاني يهبل ودرت ساختات تجي فوق خمار كما تاج جيت منورة ونهبل اجمل من غوب بلونش جيت خارجة مااما تبكي خويا قاع محضرليش وبابا عند باب سلمت على ماما ومقلتلها والو .رحت عند بابا قتلو صحيت لي جبتني الدنيا وربيتني وكبرتني وعلى كلش مديتهلي هادو 18 عام حليت يده وحطيت فيها التاج لي عطاهولي نهار ختمت مكتوب فيه تاج الوقار قوتلوا يقولو هاد تاج يلبسوه الوالدين فلجنة لي يختم ولادهم نتوما مديتولي دنيا وانا مديتلكم الجنة هاكا تصافينا .مليوم انا معندي والدين ونتوما معندكم بنت وخرجت جا خارج معايا قوتلوا معليش راك كملت واجبك نهود وحدي متشقيش روحك .وخرجت رافدة مصحف في يدي فقط وبلعت باب ورايا لقيت عند الباب لوطو جديدة تبان غالية و قدامها راجل يهدر في تلفون اسمر عينيه قاطعين طويل وضخم طاي تاعو مخدومة مليح بصح يخوف كي شافني كوبا شاف معايا شحال بعدها ركب وقعد يكلاكصوني عليا باش تجي نركب ايه كمل عليا انت تاني ذلني مشقيتش روحك حتى تجي تركبني خرجت من دار بابا مذلولة رحت حليت الباب لاريار وجيت نركب قالي شوفار تاع بوك حتى تركبي تماك .بلعتوا وركبت قدام قتلوا ....السلام عليكم ورحمة الله....ركبي وبلعي رب الباب الناس راها تتفرج فينا نباتوا هنا .ركبت وقلعنا كلمة مقالهاليش طريق كاملة ساكتين وجهي مشافوش اسمي وميعرفوش انا نعرف إسموا جابر قاتهالي اموا .رقدت حتى نفطن نلقا لوطو حابسة وهو مكاش شفتو جاي هاز ساشي معاه ركب وقلع باينة وصلنا لولايتوا شابة وبحر تهبل ديراكت حتى ڨارا عند لوتال نزلنا نمشي وراه بشوي جاو يجروا عندوا حضارات جناحك واجد مرحبا بيك مردش عليهم كامل يمشي بهيبة لرض مش واسعاتوا بتكبر وصلنا حل عليا دخلت قالي شوي ونجي تعتبي الباب ندفنك وراح .
وهاكا راني نقارع لراجلي يجي لي مزال مشافش وجهي ولا يعرف حتى اسمي
يتبع
تعليقات
إرسال تعليق