جميع الروايات كامله

 عشريني تخصص ارامل الحلقه الثالثه بقلم هويدا زغلول حصريه وجديده على مدونة النجم المتوهج للروايات والمعلومات 

عشريني تخصص ارامل الحلقه الثالثه بقلم هويدا زغلول حصريه وجديده على مدونة النجم المتوهج للروايات والمعلومات 

عشريني تخصص ارامل الحلقه الثالثه بقلم هويدا زغلول حصريه وجديده على مدونة النجم المتوهج للروايات والمعلومات 

وبتدخل سهر وبتطط صينية الأكل على الطربيزة الصغيرة وبصت لرعد بنظرة كلها فضول وإعجاب وقالت بنبرة ناعمة

سهر

اتفضل يا رعد بيه انا سهر ابويا  قالي أجيبلك الأكل ده لحد عندك وأشوف لو ناقصك أي حاجة تانية أعملها ليك على طول شوف انت تؤمر بايه وانا عيني ليك

رعد فضل باصص لملامحها الجميلة وعيونها الواسعة اللي بتلمع وشعرها الأسود النازل على كتافها ونسي كل الهم والمصايب اللي فوق دماغه وابتسم وقال بذهول

رعد

هو في حد يبقى قباله الوش السمح ده كله ويفكر في الأكل واصل يا سهر ده أنتِ اللي تفتحي النفس على الدنيا كلها من تاني إيه الجمال ده كله يا بت الأصول

واول لما سهر بتسمع كده وشها احمر وخجلت من كلامه ونزلت عيونها في الأرض وقالت بدلع

سهر 

تسلم يا بيه ده من ذوقك وكرم اخلاقك بس بلاش الكلام ده  لحسن حد يسمعنا وأبويا  لو عرف يزعل مننا جامد وهو دمه حامي واصل 

رعد قام وقف وقرب منها خطوتين وهو عمال يتأمل في خطوتها ودلالها وقال بنبرة كلها غزل وشغف

محروس

 ابوكي  مين والناس مين بس يا سهر ده أنتِ زي الملاك اللي نور المغارة الضلمة دي أنا طول عمري كنت فاكر إن الستات الكبار هما اللي بيفهموا في الأصول والراحة بس أول ما شفت عيونك دول عرفت إن العمر كله ضاع في الفاضي وإن الجمال الحقيقي لسه واصلني النهاردة

سهر ضحكت بكسوف وبصت له من تحت لفوق وقالت وهي بتلعب في طرف شالها

سهر

بس أنا سمعت إنك متجوز ستات كبار في السن وقد أمك في البلد عشان فلوسهم والناس كلها بتقول عليك كلام مش كويس  كيف عاد تتغزل فيا وأنت وراك كل الحكايات دي

رعد اتنهد وقرب منها أكتر وبص في عيونها وقال 

رعد 

والله العظيم كل ده كان طيش ودماغ ناشفة وكنت مغمي عيني بالفلوس وبس لكن من الوقت ده وبسبب عيونك دول أنا تبت عن كل اللي فات الستات الكبار دول كانوا مجرد كراكيب وبقفل بيهم مصلحة ولو كنت اعرف اني مستخبي ليا ما كنتش فكرت اتجوز ولا واحده منهم 

سهر 

طب كل لقمة دلوقتي وريح جتتك عشان تفوق للكلام ده بعدين وأنا كل شوية هاجي أطمن عليك وأشوف لو عوزت شاي ولا حاجة تانية

رعد بصلها وهي خارجة وقال

رعد

يا ريت متغيبيش واصل يا سهر ده الشاي من يدك هيبقى زي الشهد المرر 

واول لما سهر بتسمع كده تتكسف وبتروح قافله الباب وراها بسرعه وساعتها رعد بيكلم نفسه وبيقول 

رعد

مالك يا رعد ايه اللي حصل لك معقول قلبك اتهز بالشكل ده ونسيت كل اللي وراك اول ما شفتها يا ترى مخبيالك الدنيا ايه تاني يا رعد يا ريت كنت قابلتك من زمان يا سهر ما كانش حصل لي كل ده 

 

وفي الوقت ده بره في الجبل كان محروس قاعد مع سعيد ورجالته وعمالين يشربوا شاي وسعيد قال بمكر

سعيد

وهنعمل إيه في الواد رعد ده يا محروس انا مش فاهم علينا ايه بكل ده لما جبناه ايه هنا هي المشرحه ناقصه قتله وبالذات قضيت واعره واكيد الحكومه مش هتسكت الا لما تجيبه تحت رجليها 

محروس ضحك بخبث وقال

محروس

اتقل يا سعيد الواد رعد ده زي الفرخة اللي بتبيض ذهب ولازم استغلها زين وبالذات هطلع من الموضوع ده بمصلحه كبيره انت ما تعرفش الواد رعد ده تحتيه خميره كبيره قوي 

وبتقرب منهم في الوقت ده سهر وبتقول 

سهر

انا عملت لك كل اللي انت عاوزه يا ابوي وحطيت له الوكل هتعوز حاجه مني ثاني

محروس

بقول لك ايه يا سهر مهمتك لسه مش خلصت انا عاوز اللي اسمه رعد ده يتعلق بيكي سمعتي واي حاجه هو مخبيها يقولها لك زي ما انا مفهمك كويس 

سهر

حاضر يا ابوي اللي تؤمر بيه انا اعمله لك او بتروح سايباه وبتمشي وساعتها سعيد بيبص لمحروس بضيق وبيقول 

سعيد

كلام ايه اللي انت بتقوله ده يا محروس لو انت موافق على الكلام ده انا مش موافق وبالذات انت عارف كويس سهر بالنسبه لي ايه ولا انت ناسي اللي احنا في حكم المخطوبين

سعيد بضيق

يعني ايه كلامك اللي انت بتقول عليه ده انت عاوزه رجاله يقول ان انا مركب قرون 

محروس

بقول لك ايه يا سعيد جو الغيره اللي انت عاوز تعيش فيها دي تنساها خالص انا اهم حاجه عندي مصلحتي وانت عارف الكلام ده كويس 

واول لما مصلحتي تخلص من رعد هبقى اجوزها لك غير كده مش عايزه اسمع لك ولا كلمه 

ويلا بص على رجاله شوفهم هم شايفين شغلهم زين ولا لا 

واول لما سعيد  بيسمع كده بيروح باصص لمحروس بغيظ وبيروح ماشي وهو بيقول 

سعيد

ماشي يا محروس اديني هسمع كلامك لما اشوف اخرتها بس والله العظيم لو الموضوع طول انت اللي هتزعل مني 

وفي الوقت دا في المحكمة كانت سنيه واقفة مع سليم ومستنيين القضية تترفع وفجأة دخل عسكري وهو بينهج وقال

العسكري 

الحق يا حضره الظابط عربيه التحريرات واحنا جايين اتقلبت والمساجين اللي كانوا فيها هربوا 

واول لما سنيه بتسمع كده بتتخض وبتلطمت على صدرها وقالت

سنيه 

يا نهار أسود يا سليم الحق الواد رعد هرب يعني ايه حق امي راح  ده انا قلت خلاص حقها يرجع

سليم وشه اتقلب  وقال بصدمه

سليم 

كيف الكلام ده يحصل عاد والبوليس فين بلدنا راحت فين والله ما هسيبه والشرطة هتقلب الجبل عليه حتة حتة اهدّي يا سنيه ده كده ثبت التهمة على نفسه أكتر والدنيا كلها هتدور عليه لجل ما يتعدم في ميدان عام اهدي بس

سنيه

ما تقوليش اهدي انا كل اللي انا عاوزاه دلوقتي هقوم يرجع مش معقول المجرم ده يهرب من العداله بسهوله دي 

سليم

والله العظيم انا هعمل لك كل اللي انت عاوزاه بس اهدي علشان خاطري ويلا خلينا نمشي ما لهوش داعي نفضل هنا اكثر من كده وبالذات الناس عماله تبص علينا وبيروح واخدها وبيرتبها العربيه وبيروحوا ماشيين 

وساعتها سليم بيتكلم في الموبايل لشوقي دراعه اليمين وبيقول 

سليم

ايوه يا شوقي انا عاوزاك تقلب الصعيد فوقيها وتحتيني انا عاوزه الاقي رعد قبل ما الحكومه تلاقيه لازم حقق حماتي يرجع سمعته ولا ما سمعتش 

يروح قافل الخط وبيفضل يتكلم مع ثانيه وبيحاول يهدي فيها 

وثاني يوم بتدخل سهر علي رعد المغاره وقالت

سهر 

اتفضلي شاي اهو يا رعد شوف لو محتاج اي حاجه تاني اجيبها لك يارب يعجبك 

ولسه جايه اسهر علشان تمشي بيوقفها رعد وبيقول 

رعد

استني بس انت مستعجله ليه  يا سهر ده أنا من وقت ما خرجتِ من عندي وأنا حاسس إن المغارة رجعت ضلمة تاني عيونك دول هما اللي بيظبطوا الدماغ يا بت الأصول 

سهر وشها احمر وعيونها لمعت بكسوف حقيقي وبقت مش عارفة تداري دقات قلبها اللي زادت وقالت بدلع وهي بتحاول تبعد خطوة لورا

سهر

جرا إيه يا رعد بيه أنت كل ما تشوفني هتقول كلام يدوب الحجر كده ده أنا جاية أطمن عليك وأشوفك ارتحت ولا لسه الخوف واكل قلبك من برة والدنيا اللي مقلوبة عليك

رعد مسك طرف شالها براحة وبص في عيونها بكل رومانسية وحنان وقال بصوت واطي كله مشاعر

رعد

أنا كان في قلبي خوف الدنيا كلها يا سهر وكنت حاسس إن حبل المشنقة بيقرب من رقبتي بس من وقت ما شفتك ودخلتِ حياتي الخوف ده كله اتمحى ومبقاش ليه مكان أنا ماليش طلب من الدنيا دي واصل غير إني أفضل باصص في الوش السمح ده وأعيش جواه طول عمري تفتكري يا سهر ممكن الأيام تصفى لي وأقدر أكون معاكي في الحلال ونقفل صفحة الماضي دي كلها

سهر قلبها اتهز من كلامه وحست إنها بدأت تنسى كلام أبوها محروس والاتفاق اللي بينهم من كتر ما كلام رعد دخل قلبها وعقلها وقالت 

سهر

الحلال زين يا رعد بس أنت وراك بلاوي كتير وأبويا بيقول إن قضيتك واعرة قوي وأنا خايفة عليك بجد من الأيام واللي جاي ومش عايزة أشوفك مأذي واصل

رعد

طالما أنتِ خايفة عليا يبقى أنا ملكت الدنيا كلها يا سهر ومفيش قوة على الأرض هتقدر تكسرني طول ما أنا شايف الحب ده في عيونك قولي لي بس إنك معايا وأنا ههد الجبل ده على اللي فيه لجل ما أكون ليكي وبس

واول لما سهر تسمع كده بتتكسف وبتروح خارجه منها المغاره وهي بتقول

سهر

طب اشرب الشاي قبل ما يبرد  وللحديث بقية عاد عشان أبويا بينده عليا برة

هو بتروح سايباها وبتخرج بسرعه وساعتها رعد بيفضل باصص ليها ومش مصدق ان المغاره المقطوعه ديت هي اللي طلعت فيها الحب الحقيقي  وقلبو دق  

وفي الوقت ده برة المغارة كان سعيد واقف ورا صخرة وعيونه عمالة تطلع شرار وغيظ بعد ما شاف سهر وهي خارجة من عند رعد ووشها أحمر وبتضحك 

اول لما بيلاقي كده بيروح مقرب من سهر وبيقول لها بحده

سعيد

اتظبطي يا بنتي وانت مالك طالعه من عنده عامله كده ليه وشك ماله احمر اكده انت اتجننت ولا ايه

سهر.بخضه

في ايه يا سي سعيد هو انت مالك بتتكلم معايا بالشكل ده ليه وعلى ما اظن انا مش بعمل حاجه غلط من ورا ابويا وابويا ولا طلب مني كده ولو مش عاجبك روح لابويا وقول له كده وسع كده علشان كتمت على نفسي مره واحده 

بتروح سايبه وبتمشي بسرعه واول لما سعيد بيلاقي كده بيتعصب وبيروح عند محروس وبيقول

بحده

سعيد

بقولك اي يا محروس أنا مش قادر أصبر واصل  البت سهر شكلها بجد بدأ يميل للواد ده والكلام عاد عين عينك قبالي وأنا مش راجل قراطاس لجل ما أقف أتفرج على مراتي المستقبيلية وهي بتتغزل في مسجون وهربان لو المصلحة مش هتخلص النهاردة أنا هروح أطخه عيارين وأخلص منه ومن حكايته دي كلها

محروس مسكه من هدومه بعنف وبرق له عينه وقال بنبرة كلها تهديد وشر

محروس

اخرس خالص يا سعيد واكتم بؤك ده أنت هتبوظ لي طبخة العمر كله عشان حتة غيرة عيال سهر بتنفذ اللي قلت لها عليه بالملي والواد رعد بدأ يثق فيها وهيجيب لي قرار كل قرش مخبيه

  وأنت هتاخد سهر وفوقيها قرشين حلوين تفتح بيهم بيت لكن لو فتحت بؤك أو قربت من الواد هرميك للكلاب في الجبل ده سمعت ولا مسمعتش ولا هتطول سهر ولا هتطول فلوس

سعيد هيبعد عنه شويه وبعدها يبصله بغل شديد ويقول

سعيد

ماشي يا سليم خلينا نشوف اخرتها ايه بس والله لو فكرت تغير كلامك معايا وتجوز سهر لحد غيري ما تعرفش انا ممكن اعمل ايه ده انا ههد المعبد على اللي فيه ومش هسيب حد فيكم يعرف ينام مرتاح ولا يفرح ببنته ولا حتى يعيش يوم واحد في هدوء

محروس هيبصله بغضب شديد ويقرب منه خطوتين ويقول

محروس 

هو انت اتجننت عشان تيجي تهددني انا انت مش عارف انت بتتكلم مع مين ده انا لو عايز اخلص عليك محدش هيسمعلك صوت في البلد كلها وجواز من بنتي انا مش هجوزهولك حتى لو هتفضل اخر راجل في الدنيا كلها

سعيد هيفضل يبصله كام ثانيه وبعدها يضحك بسخريه ويقول

سعيد

الكلام ده كان زمان لما كنت انت كبيرنا والكل بيعملك الف حساب انما دلوقتي انت زيك زينا بتاخد اوامر وما تقدرش تعمل حاجه من غير رضا الناس اللي فوقيك يبقى بلاش تتكلم كتير وتقول كلام انت نفسك مش قد تنفيذه انت سامع ولا لا

وبعدها هيلف ويسيبه وينزل وهو مبتسم بثقه ومحروس واقف مكانه والغضب بياكل في قلبه

وفي الوقت ده كانت سهر قاعده في اوضتها على السرير وسرحانه في كلام رعد وهي بتفرك في صوابعها بتوتر وبعدها قالت لنفسها بصوت واطي

سهر

اوعي تنسي نفسك يا بنت انتي ده بيقولك كام كلمه حلوين عشان يعرف ياخد اللي هو عايزه منك وبس وانتي لو صدقتيه تبقي غبيه

وبعدها تقوم تقف وتقول 

 لان راجل زيه اكيد يعرف يدخل لأي بنت من باب الكلام الحلو والحنية الكدابه

وبعدها سكتت شويه وبصت قدامها بشرود وقالت

سهر

بس عينيه بتقول حاجه غريبه قوي حاسه ان جواه حنيه الدنيا كلها وكأنه طول عمره محروم ومكسور من جواه ومستخبي ورا الضحك والقوه دي كلها هو بجد الواد ده مظلوم ولا ايه

وفي فيلا سنيه كانت قاعده وبعدين دخل عندها سليم وقال ليها 

سليم 

مالك قاعده ليه كده هو فيه حاجه حصلت ولا اي 

سنيه 

هو انت وديت فين عقود الارض الكبيره بتاعة امي انا قلبت الدولاب فوق وتحت وفضلت ادور عليهم بالساعات ومش لقياهم وحاسه ان في حاجه غلط حصلت والعقود دي مستحيل تكون اختفت كده من نفسها

سليم اتنهد بعصبيه ورمى المفاتيح على الترابيزه وقال

سليم

هو انا مش مديكي كل حاجه تخص امك يومها ولا انتي نسيتي يا سنيه وبعدين مالك داخله عليا بالطريقه دي كأني انا اللي سرقتهم ما يمكن انتي اللي حطيتيهم في مكان ونسيتيه من كتر اللي انتي فيه

سنيه قامت وقفت وهي بتتكلم بحده وقلق

سنيه

لا يا سليم انا حافظه كل ورقه كانت فين كويس وعارفه ان العقود دي كانت قدامي بعيني وانا اللي حطاها بإيدي في الدولاب وبعد موت امي بقيت كل يوم ابص عليهم كأني بطمن ان حقها لسه موجود علشان كده قولي بصراحه العقود دي راحت فين

سليم قرب منها بعصبيه وقال وهو بيجز على سنانه

سليم

وانا هعرف منين راحت فين يا سنيه هو انا ناقص قرف ومشاكل ده موضوع امك وقضية رعد جابولي صداع في دماغي الله يخرب بيت اليوم اللي الواد ده دخل حياتنا فيه ولو على العقود دوري في الفيلا كلها واقلبيها فوق وتحت زي ما انتي عايزه لكن متحملنيش حاجه انا ماليش دعوه بيها

وبعدها خد بعضه وخرج من الفيلا وهو متعصب وسنيه فضلت واقفه مكانها وملامح الشك بدأت تزيد في عيونها

وفي الجبل كانت سهر شايله صينية الاكل ورايحه ناحية المغاره بخطوات هاديه وفجأه سعيد شدها من هدومها بعنف خلاها تتخض وتبصله بخوف

سعيد

اقفي عندك يا بت انتي الوضع ده ما بقاش عاجبني خالص وكل يوم رايحه جايه على الواد اللي مستخبي جوه ده كأنك مراته وانا مش هسمحلك تدخلي عند رعد تاني مهما حصل سامعه ولا لا

سهر زقته بعيد عنها بعصبيه وقالت وهي بتتنفس بسرعه

سهر

هو انت فاكر نفسك مين علشان تتحكم فيا بالطريقه دي انت لا ابويا ولا اخويا وبعدين انا بعمل اللي ابويا طلبه مني ولو مش عاجبك روح اتكلم معاه بدل ما توقفلي في طريقي كل شويه 

سعيد 

صحيح أنا مش اخوكي بس في حكم جوزك ولا انتي ناسيه 

سهر 

هههههههههههه شكلك عبيط والله اي الكلام الفارغ اللي بتقول عليه ده بقي انا ممكن اتجوز واحد زيك ابعد عن طريقي لاحسن والله متعرفش انا ممكن اعمل فيك ايه 

سعيد اتجنن من كلامها ومسكلها شعرها جامد فوقعت الصينية من ايديها على الارض واتكسر كل اللي فيها وسهر صرخت بوجع

سهر

انت اتجننت يا سعيد ازاي تمد ايدك عليا بالشكل ده سيب شعري احسنلك انت فاكر اني هخاف منك ولا ايه

سعيد قرب وشه من وشها وهو بيبصلها بغل وقال

سعيد

شكلك نسيتي نفسك قوي يا سهر وناسيه انك بتتكلمي مع مين والواد اللي جوه ده هو السبب في كل اللي انتي فيه ده ولو فاكره اني هقف اتفرج عليكي وانتي بتدوبيله كده تبقي غلطانه لاني هقتله بإيدي واخلي الجبل كله ينساه

وبعدين طلع المسدس من وسط هدومه بعيد عنه بعنف واتحرك ناحية المغاره وعيونه كلها شر وسهر جريت وراه بخوف وهي بتحاول تمنعه قبل ما تحصل مصيبه كبيرة 

سعيد 

اخر يوم في عمرك هيكون انهارده 

وبعدها وقف رعد قدامه. وقال

ولحد هنا تكون خلصت حلقتنا 

انتظرونا في الحلقه الاخيره

تشجيييييع لايكات وكومنتات كتييييييىر دعما للصفحه وشكراااااااااا لكم ❤️