رواية كبير البلد وزوجاته وما ملكت إيمانه الحلقه الرابعه وقبل الاخيره بقلم هويدا زغلول حصريه وجديده على مدونة النجم المتوهج
رواية كبير البلد وزوجاته وما ملكت إيمانه الحلقه الرابعه وقبل الاخيره بقلم هويدا زغلول حصريه وجديده على مدونة النجم المتوهج
رواية كبير البلد وزوجاته وما ملكت إيمانه الحلقه الرابعه وقبل الاخيره بقلم هويدا زغلول حصريه وجديده على مدونة النجم المتوهج
رواية كبير البلد وزوجاته وما ملكت إيمانه الحلقه الرابعه وقبل الاخيره بقلم هويدا زغلول حصريه وجديده على مدونة النجم المتوهج
وبينزل حكيم وهو بيعدل هودومه وعلامات الغضب لسه مرسومة على وشه لقى عتمان واقف في وسط المندرة الي اول ما عتمان بيشوفو بيقول
عتمان
أهلا يا عريس الهنا أهلا باللي مش وراه حاجة في الدنيا غير الجواز والنسوان أنت إيه يا حكيم مش هتعقل بلي انت بتعملو كل شويه دا
حكيم
جرى إيه يا عتمان أنت داخل بيتي وواقف وسط رجالتي وتزعق كده هو أنا عيل صغير قدامك ولا إيه
عتمان
أنت أكبر من العيل بس عقلك هو اللي صغر عمال تلم في حريم وتجوز وتطلق وترمي فلوس يمين وشمال الفلوس اللي بنشقى فيها أنت بتضيعها على المظاهر الكدابه وجوازات مالهاش لازمه انا بجد جبت اخري من عمايلك دي
حكيم
أنا حكيم يا عتمان ومحدش ليه عندي كلمة أجوز واحدة ولا عشرة حاجه تخصني والفلوس فلوسي وأنا حر فيها ما بجيش امد ايدي لحد وبقول له هات جنيه
عتمان
فلوسك وفلوسي وفلوس العيلة كلها في كفة واحدة أنت فاكر إننا هنقعد نتفرج عليك وأنت بتصفي الحسابات وتوزع الورث على الحريم اللي بتجيبهم كل يوم والتاني فوق يا حكيم أنت كده بتدمر اسمنا وبكرة تلاقي نفسك مملكش نكلة بسبب النسوان اللي واكلين عقلك دول
واول لما حكيم بيسمع كده بيتعصب وبيقول
حكيم
لحد هنا يا عتمان انا مش هسكتلك سمعت ولو انت لسه فكرك ان انا كبير البلد وانا حر في اللي انا بعمله ولو جاي علشان تتكلم علي موضوع جوازي من زهرة زهره بقت مراتي والي مش عاجبو الباب يفوت جمل أنا مش ناقص مواعظ النهاردة سمعت
عتمان
أنا ماشي بس وحق رب العباد يا حكيم لو الفلوس دي نقصت ولا أثرت على شغلنا لتشوف مني وش تاني خالص أنت بقيت بتجري ورا شهواتك وناسي إن وراك رجالة وعيلة ليها حق فيك وفي قرشك اصحى لنفسك قبل ما تلاقي البيت ده وقع فوق دماغك ودماغنا كلنا
اديني حظرتك
حكيم بحده
اعلى ما في خيلك اركبه واللي عندك اعمله وقبل ما تحط راسك حط رجليك وخليك فاكر كويس ان الي واقف قدامك ده حكيم ال 1000 واحد في البلد بيعملوا 1000 حساب وانت عارف الكلام ده
عتمان
تمام يا حكيم انت اللي جبت لنفسك وما تزعلش بقى في اللي هيحصل لك وانا مش هستنى تخلص الفلوس على الحريم بالشكل ده
خلي بالك من نفسك يا خوي
هو بيروح مخلص كلامه وبيروح واخد بعض وبيمشي
وساعتها بتضايق حكيم وبيروح طالع عند نرجس اللي ول لما بيدخل الاوضه عندها بيشوفها وبيلاقيها عماله تعيط
حكيم
مالك يا نرجس بتعيطي ليه كده اي الي حصل بس قولي لو في حد زعلك ما لكيش دعوه وانا هتصرف
نرجس اول لما سمعت كلامه راحت لفت وشها الناحية التانية وحست بكسرة في قلبها وبدأت دموعها تنزل بصمت وهي بتقول بدموع
نرجس
عايزني ابقي كويسه الزاي يا حكيم وقلبي محروق من اللي بتعمله فيا وفي نفسك كل شوية تروح تجيب واحدة جديدة وتحرق دمي بيها هو أنا مقصرة معاك في إيه يا سيد الناس علشان كل شوية توجع قلبي بالشكل دا
حكيم قرب منها وحط إيده على كتفها بس هي نفضت إيده بوجع وكملت كلامها
نرجس
أنا اللي كنت فاكرة إني مليت عينك وقلبك بس الظاهر إن حكيم الالف مش بيشبع وعايز يلم حريم الدنيا حواليه أنت مش حاسس بالنار اللي في صدري وأنا شايفة واحدة غيري داخلة البيت ده باسمك
وكل مره بصبر نفسي وبقول حكيم بيحبك يا بت ومش هيقدر يستغنى عنك بس كل مره بتخذلني لما الاقيك داخل عليا بواحده ثانيه
حكيم لفها ليه بالراحة ومسك وشها بين إيديه وبص في عينيها اللي غرقانة دموع وقال بصوت هادي
حكيم
حقك عليا يا نرجس والله ما قصدت أوجع قلبك واصل بس أنتي عارفة إن فيه أمور بتحكمني وساعات بتبقى واجهة ومظاهر قدام الناس لكن والله العظيم ما في واحدة دخلت قلبي ولا قدرت تاخد مكانك فيه أنتي الأصل يا نرجس وأنتي اللي بدأت معاكي المشوار
نرجس بصتله بعتاب وقالت
والأصل ده يرضيك يتهان يا حكيم يرضيك أبقى قاعدة في أوضتي وسامعة زغاريد جوازك من غيري
حكيم شدها لحضنه وقال
حكيم
محدش يقدر يهينك وأنا عايش على وش الدنيا أنتي الملكة بتاعة البيت ده وبتاعة قلبي قبل أي حد تاني وزهرة ولا غيرها مجرد اسم على ورق لكن أنتي اللي في الدم أنتي اللي لما بضيق بيا الحال بجي أرمي حمولي عليكي أنتي الراحة يا نرجس
وساعتها نرجس بتبعد عنه وبتقول
نرجس
قول كلام غير ده يا حكيم انا عارفه كويس انت بتعمل كل ده ليه من الاول انت بتعمل كل ده علشان تثبت نفسك ان انت ما فيش حد بيرفضك زي ما حنان اختي رفضتك وانا عارفه كل الكلام ده من ساعه اول جوازه اتجوزتها عليا
واول لما حكيم بيسمع كده وشو بيحمر وعروق جسمو بدات تبرز وراح قال بصوت جمهوري
حكيم
وانا مش قلت لك اكتر من مره ما تفتحيش معانا الموضوع ده وانت ايه ما بتفهميش
نرجس
علشان انا تعبت من اللي انا بشوفه منك يا حكيم انت السبب في كل ده وخلتني اتكلم في الموضوع ده وبالذات انت كل يوم والثاني تتجوز جواز شكل عليا
وكل دا ليه علشان حنان اختي كان ذنبي اي انها عملت كده بتعاقبني ليه مكانها
حكيم
اسكتي بقا انا شكلي كنت غلطان لما جيت عندك انا لو كنت اعرف ان انت هتوقفي وتتكلمي معايا الحديث الماسخ مكنتش فكرت اجي ليكي هنا
يروح حكيم سايبها وبيمشي وهو مضايق ونرجس بتقعد مكانها
وبتبدا تفتكر الي حصل زمان
#فلااش باك
البيت كله كان متزين والزغاريد مالية المكان والكل كان بيتحاكى بجوازة حكيم الألف من حنان أجمل بنات العيلة وحكيم كان واقف بوسط رجاله والضحكة مش مفارقة وشه وهو لابس أحسن ما عنده
وفجأة اتقلبت الزغاريد لصراخ والبيت كله اتهز لما دخلت أم نرجس وهي بتلطم على وشها وبتقول بصوت مكسور
فاطمه
الحقنا يا حكيم بيه حنان هربت وسابت البيت وهربت وضيعت شرفنا وكسرت رقبتنا وسط الخلق انا مش عارفه اتصرف ازاي يا فضيحتك يا فاطمه وسط الخلق
حكيم بحده
كلامي اللي انت بتقوليه ده انت اتجنيت ولا ايه ازاي تعمل حاجه زي كده انا عاوزه اعرف ما كانتش موافقه على الجواز مني من الاول
واول لما فاطمه بتسمع كده وتوطي في الارض وبتقول
فاطمه
حقك عليا يا حكيم بس انت لما جيت اتقدمت ليها عرفنا ان هي كانت بتحب واحد ثاني واحنا غصبناها ان هي تتجوزك علشان كده هربت
حكيم أول ما سمع كلام فاطمة الدنيا دارت بيه ووشه قلب ألوان والدم غلي في عروقه وبقى ينفخ من كتر الغيظ وبص للرجالة اللي واقفة وقال
حكيم بحده
بقى أنا حكيم اللي البلد كلها تعمل لي 1000 حساب و بتركع تحت رجلي حتة عيلة مفعوصة زي دي تكسر كلمتي وتهرب مع واحد صايع يوم فرحي وتخلي سيرتي على كل لسان والله ما هيحصل ولو كان تمنه رقبتها ورقبة اللي هربت معاه
فاطمة بدموع
أبوس ايدك يا حكيم بيه استر علينا إحنا مالناش ذنب البت طايشة وضيعت نفسها وضيعتنا معاها استرنا الله يسترك وما تفضحناش أكتر من كده وسط الناس واللي انت عاوزه رقبتنا سداده في
وساعتها حكيم بيبص لفاطمه جامد وبروح باصص على نرجس اللي كانت واقفه وعماله تعيط بسبب اللي حصل وساعتها بيقرب منها وبيقول
حكيم
تمام يا فاطمه وانا مش هكسر كلمتك وعملت اللي انت عاوزاه وبنتك حنان خلاص ما بقتش تلزمني بعد اللي هي عملته وزي ما جيت النهارده وجاي علشان اخد عروستي همشي برضو وانا واخدها
خلي نرجس بنتم تطلع تلبس فستان اختها وتيجي نكمل الفرح
فاطمه بتوتر
الكلام اللي انت بتقوله ده يا حكيم هو انت مش واخد بالك منين نرجس لسه صغيره ومش قد المسؤوليه والكلام ده
حكيم بحده
بقول لك ايه انا مش عاوز كلام كثير وحكيم لما يقول كلمه لازم تنفذ لاما اخلي عليها واطيها النهارده
فاطمه
ولو على ايه اللي تؤمر بيه احنا ننفذه فعلا بتروح واخده نرجس اللي كانت مبسوطه انها تتجوز حكيم وبتقول
نرجس
انا مش فاهمه يا ماما ايه الكلام اللي انت قلتيه ده انت عارفه لو كان حكيم مش من غير ما يتجوزني انا كنت ازعل منك انت ما تعرفني انا مبسوطه قد ايه اللي انا هتجوزه
فاطمه
بقول لك ايه يا بنت انت كلامك ده مش مريحني هو انت اللي ساعدت اختك ان هي تمشي من هنا والله العظيم لو ده حصل انت ما تعرفش انا اعمل فيك ايه
نرجس
انا مالي بالكلام اللي انت بتقولي ده ان شاء الله بنتك هي اللي نفذت وهي اللي عملت وانا اتفاجات زيي زيكم ان هي هربت
فاطمه
طب اسكتي وخليني يلا اجهزك عشاان منتاخرش علي حكيم اكتر من كده
وفعلا بعدها بتنزل وبتحوز هيه وحكيم وبتعدي فتره ونرجس تتفاجا لما حكيم بيه ويقول لها ان هو عاوز يتجوز تاني
ومن وقتها حكيم بيتجوز كل شويه علشان يثبت ان ما فيش واحده بترفضه زي ما حنان عملت
#باااك
وفي الوقت ده بيكون حكيم مشي وهو متضايق من اللي بيحصل وفجاه الي بيحرسو القصر بيطصدمو لما بيسمعوا ضرب نار واول لما بيلاقوا كده بيجروا على صوت ضرب النار وساعتها بيصدموا لما بيلاقوا حكيم واقع سايح في دمه
واول لما بيلاقوا كده بيروحوا واخدين حكيم بسرعه وبيرجعوا القصر
وساعتها الباب بيفضل يخبط جامد وساعتها نرجس وكل اللي في البيت بينزلوا
نرجس
استرها يا رب هو اللي بيحصل هو مين اللي بيخبط علينا بالشكل ده وبروح علشان يفتحه لما بيلاقوا حكيم جاي هو سايح في دمه
نرجس
يا خبر ايه اللي حصل لحكيم ومين اللي عمل فيه كده دخله بسرعه بسرعه وبروح مدخلين حكيم على جوه
وساعتها واحد من الغفر اللي كانوا واقفين قال
مسعود
احنا مش عارفين يا ستي نرجس ايه اللي حصل احنا سمعنا فجاه ضرب نار ولما رحنا عشان نشوف الصوت جاي منين ساعتها اتصدمنا لما لقينا حكيم بيه واقع على الارض
وساعتها زهره بتتكلم وبتقول بحده
زهره
هو انت لسه هتتكلم روح بسرعه شوف حكيم يجي يكشف عليه ويطلع الرصاصه اللي هو فيه بدل ما انت واقف كده
وبيروح الغفير بياخد بعضه وبروح ماشي بسرعه
وساعتها نرجس بتقرب من زهره وبتروح ضربها بالقلم وبتقول
نرجس
انتي اللي وشك نحس عليه من ساعة ما دخلتي البيت ده والشر حل علينا انتي السبب في كل اللي بيجرى لحكيم يا بومة ا
زهره بحده
وانا مالي بكل ده ان شاء الله بقول لك ايه مش وقته الكلام الماسخ ايه اللي انت بتقوليه ده حكيم بيموت بين إيدينا بدل ما تقعدي تولولي زي الحريم شوفي هنعمل إيه وساعديني نوقف النزيف ده لحد ما الحكيم يوصل
وفعلاً زهرة بتروح دخل على جوه وبتروح جايبه قماش بسرعه و بتبدأت تقطع قماش نظيف وتضغط على مكان الرصاصة بكل قوتها وكانت نرحس ومروه كانوا واقفين ومظلومين ومش عارفين يصرفوا ازاي وبعد شويه بيجي الدكتور الاول ما يشوف حكيم بيقول
الدكتور
يا خبر هو ايه اللي حصل يا كبير البلد ده لازم ينتقل على المستشفى حالا ما ينفعش يتساب كده
زهره بحده
مش وقت الكلام اللي انت بتقوله ده حاول تعمل اي حاجه تنقذه فيها احنا مش عاوزين حد يحس في البلد اللي حصل لحكيم والدنيا تقوم لو في ايدك حاجه اعملها بسرعه قبل ما الرصاصه تعمل له حاجه
واو لما الدكتور بيسمع كده بيبدا بيحاول يخرج الرصاصه من حكيم
وبعد شويه بيقوم من الدكتور وهو جسمه كله متعرق وساعتها بيقول
الدكتور
احسن حاجه عملته اول ما جه حكيم حطيته القماش ده لو كان فاضل ينزل اكتر من كده كان زمان ومات على العموم هو جسمه هيسخن ولازم حد يفضل جنبه يعمل له كمادات علشان مش يحصل له حاجه ويا ريت الدواء ده حد يجيبه دلوقتي
زهره
حاضر يا دكتور اللي انت تؤمر بيه احنا نعمله اهم حاجه حكيم يقوم منها بالسلامه
الدكتور
ان شاء الله خير ادعوا له 24 ساعه دول يعدي على خير ويفوق وساعات هيبقى كل حاجه هيبقى تمام وانا بكره هبقى اعدي عليه
بيروح واخد بعض وبيمشي وزهره بتروح داخله على جوه وبتبدا تعمل كمادات لحكيم وساعتها بتقرب منها مروه وبتقول
مروه
بقول لك ايه يا زهره قومي انت وانا هعمل وانا اقعد مكانك شويه مش معقول من ساعه اللي حصل وانت اللي قاعده جنبه
زهره
ما تشغليش بالك انت انا مرتاحه كده روحي انت ريحي وانا لما اتعب هاجي اقول لك
تيجي مكاني
مروة
خلاص يا زهرة اللي تشوفيه بس لو عوزتي أي حاجة اندهي عليا أنا في الأوضة اللي جنبك واصل مش هنام لحد ما أطمن عليه
وبتروح مروه سايباها وبتمشي واول لما مروه بتمشي بتقرب نرجس من زهره وبتروح ماسكاها من شعرها وبتقول بحده
نرجس
انت ما تعرفيش انا هعمل فيك ايه النهارده تعالي معايا وبتروح واخداها وبتدخل الاوضه بتاعتها وبتقول
زهره
في اي نرجس انا عملت لك ايه علشان تمسكيني بالشكل ده ايه اللي حصل لكل ده انا مش فاهمه اي حاجه سيبيني اقعد معا حكيم علشان الكمادات اللي انا بعملها له وانت مش سامعه الدكتور قال ايه ما ينفعش تهمل فيه
نرجس بحقد
هو انتي مجنونه يا بنت ولا بتستعبطي انت عارفه بسبب اللي انت عملتيه ده وانقذت حياه حكيم معناه ان هيفضل في وشنا طول عمرنا وانا لما صدقت ان الفرصه جت زي ديت بعيد عننا وخلاص هيروح انت اللي جيتي وبوظت الدنيا انا خليتك قدامه علشان يعجب بيكي ونعرف نخلص منه وانتي تعملي كده
ولحد هنا تكون خلصت حلقتنا
إرسال تعليق