جحيم بيت العيله بقلم الكاتبه منال كريم حصريه وجديده وكامله جميع الفصول على مدونة النجم المتوهج
جحيم بيت العيله بقلم الكاتبه منال كريم
جحيم بيت العيله بقلم الكاتبه منال كريم
جحيم بيت العيله بقلم الكاتبه منال كريم
جحيم بيت العيله بقلم الكاتبه منال كريم حصريه وجديده وكامله جميع الفصول على مدونة النجم المتوهج
سعدية: هي كلمة واحدة عايز تقعد معانا في البيت و تاخد نصيبك من الورث زي اخواتك يبقي تطلق مراتك.
محمد باستغراب : لية بس يا امي هي مراتي عملتلك اي عشان تقولي كدا، دي شيلالكي من على الارض شيل وبتعاملك كأنك امها بالظبط
سعدية: من غير كلام كتير يا محمد، مش روحت جبت واحدة غريبة عننا، كانت خالتك ناقص توبس ايدك عشان تاخد بنتها ومكانش ليهم اي طلبات بس أنت صممت على بنت البندر، أشرب بقا يا ابن باطني.
محمد: وانا عمري ما اتخلي عن شيماء يا امي حتى لو هخسر الدنيا كلها مش بس البيت والورث، انا مش عيل عشان اخسر بنت الاصول اللي معايا عشان قرشيين،و تعرفي الحمد لله انها جت منك، مراتي متعذبة هنا.
خد محمد شيماء وهي دموعها مغرقة وشها علشان يرجعوا بيتهم تاني
//////////
في العربية
سندت شيماء رأسها على الشباك و افتكرت من البداية
//////////(
فلاش باك:
احمد ابن عم شيماء: يا عمي في واحد صاحبي شاف شيماء في فرح اختي وعايز يجي يتقدم
كرم أبو شيماء: صاحبك مين ، حد نعرفه.
احمد: لا يا عمي دا هو من الصعيد بس هو شاغل في القاهرة من حوالي سنة هو و عيلته عايشين في الصعيد.
كرم : ايوا يعني لو شافوا بعض وحصل قبول شيماء هتيعيش فين في القاهرة ولا الصعيد
أحمد: مش وقتها التفاصيل دي بقا يا عمي دلوقتي اهم حاجة انت شوف شيماء ولو عندها قبول تشوفه اخليه يجي، بس اكيد في القاهرة علشان هو شغله في القاهرة
كرم : تمام يا ابني هشوفها وارد عليك يمكن ربنا يهديها المرة دي بدل ما كل ما حد يتقدم تقول لا
احمد: خلاص ماشي يا عمي هستناك ترد عليا بس بسرعة.
كرم : ماشي يا ابني أن شاء الله اللي فيه الخير يقدمه ربنا
كانت شيماء قاعدة في اوضتها حاطة الهاند فيري في ودانها و بتسمع قرآن
دخل كرم و قال : حبيبة بابا بتسمع اي؟
شيماء : بسمع قرآن يا بابا قبل ما انام خير في حاجة؟
كرم : في عريس متقدملك ،و اتمني المرة دي تقبلي تقابليه بلاش ترفضي زي كل مرة
شيماء: عريس مين دا يا بابا؟
كرم : صاحب احمد ابن عمك شافك في فرح أخته وقاله انه عايز يتقدم
شيماء: تمام يا بابا ، أنا هنام دلوقتي وبكرا نتكلم
كرم :ماشي يا حبيبة بابا تصبحي على خير
شيماء: وانت من اهل الخير يا بابا
خرج كرم و شيماء بتكلم نفسها:
: هو انا مالي كدا المرة دي حاسة ان عندي فضول اشوفه واعرف مين هو؟ الغريبة كل مرة حد يتقدم لي ارفض من غير ما شوفه حتي، المرة دي حاسة احساس مختلف، يمكن عشان عندي امل انه يكون هو صاحب احمد اللي ركبت معاه في عربيته مع عمي ومراته يوم الفرح
//////////((//(
تاني يوم.
كرم: صباح الخير يا حبيبة بابا
شيماء : صباح النور يا احلى بابا في الدنيا
كرم: رايك ايه؟
شيماء: عادي يا بابا انا ممكن اشوفه ,بس عشان يبقي عندك فكرة انا قولت اشوفه مقولتش موافقة عليه.
كرم : براحتك يا شيماء انا عمري ما اغصبك على حاجة أبدا، واللي فيه الخير يقدمه ربنا.
جت أم شيماء( فاطمة) و قالت: انا قلبي بيقول أن الموضوع هيمشي المرة دي و نفرح بيكي يا شوشو
كرم: يسمع من بوقك ربنا.
ضحكت شيماء بكسوف و كلمت نفسها : ياه لو هو اللي في بالي انا اوافق عليه وانا مغمضة يارب يكون هو انا صحيح محصلش بينك كلام ،بس من تصرفاته حست انه محترم
و طلع كرم تليفونه و بلغ أحمد يحدد معاد مع محمد يوم الجمعه
////////////////(((((((((
فات كام يوم وجه يوم الجمعة اللي محمد كان مستنيه بفارغ الصبر عشان يشوف البنت اللي خطفت قلبه من اول نظرة وشيماء مستنية على نار عشان تشوف هو اللي في بالها ولا لا و اللي بينهم بنبطق عليه حب من اول نظرة
///////////////
يوم الجمعة الصبح
فاطمة: قومي يا عروسة قومي
شيماء: صباح الخير يا ماما، مالك عروسة اي على الصبح كدا؟
فاطمة: صباح النور يا قلب ماما،و هو فين الصبح ده احنا بقينا العصر،وبعدين اة عروسة و زي القمر كمان . قومي يلا عشان تجهزي علشان هيجي على الساعة 6متفق مع احمد على كدا وانتي بتاخدي عشر ساعات قدام المرايا على ما تلبسي.
صحيت شيماء وهي متحمسة و فرحانة و مستنية الساعة تدق ستة بفارغ الصبر، جهزت شيماء وطلعت برا الكل فضل يتغزل فيها وفي جمالها الطبيعي اللي كان من غير اي محاولة منها تغير اي حاجة ف شكلها.
استنت شيماء واهلها محمد لحد ما وصل بالسلامة مع احمد
في اوضة الصالون
كرم: منور اسكندرية يا ابني
محمد: بنورك يا عمي، انا جاي النهاردة من غير اهلي علشان دي مقابلة تعارف لو حصل القبول باذن الله ،الزيارة الجاية تكون مع اهلي
كرم: ربنا يقدم اللي فيه الخير، كلمني عن نفسك يا ابني
محمد: انا من الصعيد، و من سنة واحدة استقرت على القاهرة علشان شغلي
احمد: محمد مهندس في شركة هندسة كبيرة يا عمي
كرم: ما شاء الله
محمد: الحمدلله الحالة المادية مرتاحة ،اهلي عيلة كبيرة و مقتدرة في الصعيد
كرم: يعني افهم منك لو حصل نصيب بنتي مش هتعيش في الصعيد
محمد: أن شاء الله انا ناوي على أكتوبر أو زايد
أحمد: بقولك يا عمي خلي شيماء تجي تقعد و تتكلم هي و محمد شوية.
قام كرم من مكانه و قال: حاضر يا ابني
/////////
بعد شوية
قعدت شيماء مع محمد لوحدهم ،كانت بتفرك في أيدها من التوتر و طول الوقت تبص على الأرض.
اتكلم محمد بهدوء: انتي مش عارفه سعادتي دلوقتي و أنا قاعد مع اللي سرقت قلبي من اول نظرة.
كلمت نفسها: انا مكسوفة ابص عليه و أشوف هو نفس الشخص أو لا.
و كمل محمد: من يوم ما كنتي مع عنك و مراته في العربية و أنا قلبي اتخطف من اول نظرة
قلبها دق بسرعة، و قالت لنفسها: الحمد لله يارب أنه نفس الشخص
بعد وقت محمد حكي عن نفسه كل حاجه و شيماء تسمع بس، مشي محمد مع أحمد
///////////////
كرم: رايك ايه يا شوشو
فاطمة: احمد ابن عمك يشكر في اخلاقة و كرمه
شيماء: ارد عليكم بعد صلاة الاستخارة.
////////////////
بعد اسبوع
وصل محمد مع اهله بيت كرم علشان يتقدم رسمي.
و بعد الاتفاق على كل حاجه و صلوا لمكان الإقامة بعد الجواز و اعترضت أم محمد.
سعدية بعصبية : اكتوبر اي وزايد اللي تعيش فيها وبيت ابوك فين ولا هتبري مننا؟
محمد: يا ماما انا بقالي سنة في القاهرة ،ايه اللي هيتغير دلوقتي
كرم : يا حاجة سعديه انا كنت بقول لي محمد يعيشوا معانا هنا في اسكندرية بس هو قالي ان الافضل ليه القاهرة ،و اهم حاجة راحتهم وانبساطهم هما مش احنا.
سعدية: انبساط اي يا ابو اياد بلاش الكلام الفارغ دا، ابني ميفارقش حضن امه ابدًا،
محمد: وشغلي يا ماما
سعدية: زيك زي ناس كتير، مراتك تعيش معانا و أنت تعال في الإجازات
شيماء واقفة حاطة ايديها على قلبها جوا علشان استحالة توافق تعيش في الصعيد هي او اهلها
و خصوصا بعد ما الكل شاف شخصية سعدية المرعبة، اللي لا يمكن تمشي مع شخصية شيماء اللي زي البسكوتة..
فاطمة : انتي مالك كدا يا حاجة سعدية هو انتي جاية مغصوبة ،مالك متعصبة اوي من وقت ما جيتي لي كدا؟
ابو محمد : مغصوبة ايه بس يا ست الكل هو احنا نطول نسبكم اللي يشرف، هي بس خايفة ابنها يعيش بعيد عنها.
فاطمة : طيب لو حصل نصيب ان شاء الله بنتي كمان هتبعد عني بس اهم حاجة راحتها هي دي معجزة انها وافقت على حد اصلًا، برغم ان شكلها كدا مش هيحصل نصيب من الاول.
محمد: ليه بس كده، متقوليش كدا يا امي بأذن الله كل اللي عايزينه انتوا والعروسة هيحصل
سعدية: اة ما امك ملهاش لازمة.
محمد: انتي على دماغي يا امي بس انا اللي من قبل اي حاجة اخترت اعيش في مكان شغلي ، و كمان انا مش عايز اعيش في اسكندرية ولا الصعيد انا حابب ان حياتنا تبقي مقفولة علينا احنا بس.
شيماء بتعيط جوة خايفة الموضوع ميكملش.
و بعد محاولات من محمد الدنيا هديت و تم الاتفاق على كل التفاصيل.
///////////////
عدت الايام بسلام بس السلام دا ميمنعش ان كانت أم محمد عايزة تتدخل في كل حاجة بس الحمد لله محمد كان بيعرف يسيطر على الموقف ومكنش بيسمع ليها علشان لو كان سمع ليها مكنش كمل مع شيماء اصلا،بعد سنة من الخطوبة تم شيماء ومحمد
اللي كان قبل رمضان بشهرين عدوا الشهرين بسلام وعلى خير و سعادة
/////////////////
بعد شهرين من الجواز
محمد: شوشو حضري نفسك عشان بأذن الله هنسافر الصعيد نفطر اول يوم في رمضان مع اهلى
شيماء: انت بتهزر يا محمد ولا اي؟
محمد: لا ولله بتكلم بجد يا حبيبتي بهزر ليه يعني؟
شيماء: يعني أنا اسافر من هنا لي الصعيد عشان افطر اول يوم مع اهلك دا اي الفرهدة دي
محمد: معلش يا حبيبتي دي عادة عندنا و بعدين انا مش عايز امي تشيل منك
شيماء: هي كده كده شايلة يا محمد،أمك مش موافقة عليا من أول يوم.
محمد: مين قال كده بس، و بعدين انتي كان نفسك تسافري الصعيد من وقت ما اتجوزنا
شيماء: ايوا يا محمد عايزة اسافر فعلا بس مش اسافر في رمضان ، بس على العموم حاضر يا محمد لأجلك انت ولأجل معاملتك وحبك ليا انا اعمل اي حاجة عشانك يا حبيبي.
محمد: تسلمي من كل شر يا شوشو.
شيماء: و تسلم يا نن عيون شيماء
//////////////////////
"اول يوم رمضان"
الزينة في الشوارع وصوت الهوي مع صوت الزينة يغسل القلب، العيال و البومب والصواريخ والسلك، والقران اللي شغال في كل مكان ، بتاع الكنافة و. القطايف والنور والزينة اللي منورة الشوراع.
////////
وصل محمد و شيماء الصعيد قبل أذان المغرب بدقايق.
محمد: السلام عليكم ورحمة الله وبركاته ،يا اهل البيت وحشتوني ،و وحشتني البلد اوي
سليم اخ محمد : عليكم السلام ورحمة الله وبركاته
سعاد أخت محمد: حمد لله على السلامه يا محمد.
وجريوا عليه حضنوه.
سعاد: حمد لله على السلامه يا شوشو
شيماء بابتسامه: الله يسلمك.
ابو محمد : اهلًا اهلًا بالعرايس الصعيد نورت يا شوشو
شيماء: حبيبي يا عمو منورة بوجودكم.
خرجت سعدية من المطبخ و قالت: اهلاً وسهلاً نورت بيتك يا قلب امك
محمد: الله يخليك يا امي بنورك
و. باس ايديها و. دماغها كالعادة
سعدية: اهلًا يا حبيبتي نورتي ما لسة بدري جايين على الفطار بالظبط؟
شيماء: ربنا يخليكي يا ماما بنورك، معلش ولله غصب عننا انتي عارفة المسافة بقا بعيدة ازاي
سعدية: ولله انا عارفة من الاول يا حبيبتي، بس الغريبة ان انتي عارفة ولما انتي عارفة ان المسافة بعيدة بتاخديه من حضن امه ليه
ردت شيماء ببرود: هو اصل كان بعيد من قبلي يا حماتي.
كانت لسه سعدية هترد، قال أبو محمد : يا ستي جايين من طريق طويل والمغرب خلاص هياذن ،مش وقته كلامك اللي ملوش الازمة.
سعدية: كلامي مالهوش لازمة وماله يا اخويا ، كل حاجة جاهزة قدمهم
و اتجمعت العيلة على الفطار
///////////
"بعد الفطار"
محمد: يلا يا حبيبيتي نطلع نرتاح في الاوضة شوية انا عارف انك تعبانة من المشوار
شيماء: اة ياريت يا محمد انا هلكانة ولله اول مرة اسافر مسافة طويلة كدا
سعدية: طلوع اي يا محروس انت وهي و المواعين اللي كلنا فيها دي مين اللي هيغسلها؟
محمد: مواعين اي يا امي دلوقتي احنا لسة جايين من مشوار طويل
سعاد اخت محمد: انا هغسلهم يا ماما و سيبيهم هما يرتاحوا
سعدية: انتي ما تدخلييش في الكلام احنا عايزين نشوف شطارة المحروسة مرات اخوكي
شيماء بابتسامه: حاضر يا ماما من عنيا
و دخلت شيماء على المطبخ تغسل المواعين الكتير.
وطلعت هي و محمد يرتاحوا من اليوم الصعب اللي عدي عليهم صيام ومواصلات و سعدية كانت اصعب من كل دا.
كانوا مقررين انهم يقعدوا اسبوع هناك في الصعيد بس بعد اللي حصل محمد طلب من شيماء يرجعوا تاني يوم على طول بس شيماء رفضت كان عندها امل انها تحبب حماتها فيها برغم انها بتكرها من غير سبب اصلا.
////////////
تاني يوم
شيماء: صباح الخير يا ماما
سعدية: صباح النور، ناموسيتك كحولي
شيماء: معلش يا ماما كنا تعبانين اوي من السفر، وبعدين لسة بدري الساعة ١٠ الصبح وانا كمان مشطبة المواعين قبل ما انام امبارح يعني مفيش حاجة
سعدية: انتي هتعايريني بالكام طبق اللي غسلتيهم؟
شيماء: ولله ما اقصد كدا حقك عليا يا ماما.
سعدية: ماشي ياختي يلا ادخلي على المطبخ قدامي عشان نجهز الفطار
شيماء باستغراب :فطار اي دلوقتي يا ماما لسة بدري اوي
سعدية: هنعمل محشي عشان جوزك بيحبه والمحشي بياخد وقت ولا مبتعرفيش تعمليه
شيماء: لا يا ماما الحمد لله بعرف اعمل كل حاجة ماما معلماني من صغري
سعدية: طيب يا سنيورة هنشوف
//(((((//////////////////
في المطبخ
شيماء و سعدية و اسماء مرات اخو محمد الكبير، و سعادة أخت محمد بيعملوا المحشي
سعدية: هو اي صباع المحشي دا يا أختي صغير اوي كدا ليه، دا يتاكل بالكبشة
شيماء: ولله أنا ومحمد بنحبه كدا و بعمله كدا على طول يا ماما دا حتى شكله حلو
سعدية: لا يا حبيبتي انتي حرة في بيتك لكن انا هنا بحب الصباع كبير كدا ويشبع
شيماء: حاضر يا ماما من عنيا هعمله زي ما انتي عايزة.
اسماء ببرود: معلش يا خالتي ما هي غريبة عننا
شيماء: يعني ايه غريبة يا اسماء.
اسماء : يعني انتي من بحري و عيشتك مش زي عيشتنا.
جت شيماء ترد،زعقت سعدية : جرا يا شيماء هتردي على سلفتك الكبيرة دي كانت تطير فيها رقاب.
شيماء بعصبية: انا مش هقدر و مش هنزل من مستوي و ارد، و عارفة سبب فرق المعاملة هي بنت اختك و انا لا.
قامت شيماء من مكانها و قالت: المحشي خلص و انا كده خلصت اي حاجه تاني واجب عليكم انتم انا ضيفية و مش منكم.
و خرجت من المطبخ و الاتنين ينفجروا من الغياظ
سعاد بابتسامه: شاطرة البت دي علمت عليكم.
بصوا الاتنين عليها بغضب
///////////////
في اوضة محمد و شيماء
قعدت شيماء على السرير بحزن و قالت بدموع: يارب انا تعبت انا مش عارفة اعمل ،مش مستحملة معاملتهم ليا.
دخل محمد من برة و سال بخوف : مالك يا حبيبتي بتعيطي ليه؟
شيماء: تعبت يا محمد أنا عمالة اقول زي امي و اتحمل عشانك بس زعلت لما لقيت معاملتها ل أسكاء غير، دي شايلة اسماء من على الارض شيل و انا لا
محمد: معلش يا شيماء هانت كلها كام يوم ونمشي و اوعدك مش هنيجي هنا تاني خالص
شيماء: أنا استحالة انزل البلد هنا تاني ، اول مرة حد يعامنلي بالطريقة دي ،انا طول عمري دلوعة في بيت اهلي وانت عارف كده.
محمد بندم: حقك عليا
شيماء: يلا تصبح على خير عشان أنا محتاجة انام
.ادت ضهرها ل محمد وحتى مستنتش انه يرد عليها ودموعها مغرقة المخدة برغم تعبها الا انها مش قادرة تنام من القهرة والكسرة اللي حاسة بيها.
////////////
عدي اسبوع و شيماء حاولت بكل الطرق ترضي حماتها بس مفيش فايدة، و كانت تعد الايام لحد ما خلص الاسبوع.
///////(((((((((((((((
يوم الجمعة الصبح
بعد ما محمد وشيماء حضروا شنطهم عشان خلاص قرروا يرجعوا وحتى ماستنوش الفطار كانوا عايزين يمشوا بأي طريقة
نازلين على السلم
سعدية: كانت واقفة على كرسي بتجيب حاجة من المطبخ وقعت على الارض: اة اة يا رجلي رجلي اتكسرت يا محمد رجلي اتكسرت .
شيماء بتكلم نفسها :دي هي اللي وقعت نفسها بتعمل كدا ليه
جري محمد وشيماء
محمد: خير يا امي مالك الف سلامة عليكي
شيماء: الف سلامة عليكي يا ماما
سعدية: الله يسلمك ياختي دي عين و صابتني
محمد: مش وقته،قومي معي
محمد سندها و خرج الصالة.
محمد: أكلم الدكتور
سعدية: الموضوع مش مستاهل يا حبيبي.
محمد: متأكدة يا ماما
سعدية :أيوة.
محمد: حمد لله على سلامتك يا امي والف سلامة عليكي.
سعدية: الله يسلمك يا قلب امك
محمد: طيب يا امي احنا هنمشي بقا بعد اذنك وابقي سلميلي على ابويا.
صرخت سعدية: تمشي فين انت اتجننت هتسيب أمك تعبانة وتمشي اومال مين اللي هيخدمني
محمد: يا امي ما سعاد و أسماء معاكي عشان بس شيماء محتاجة تروح تشوف اهلها و لازم نفطر معاهم يوم في رمضان.
عيطت سعدية و قالت بخبث: كلامك صح يا محمد، شيماء تقضي يوم عند اهلها، اهم من صحة امك، و تسيبني ل سعاد اللي مبتعرفش تعمل حاجة،.و أسماء اللي عندها اربع عيال و مش فاضية.
محمد: ماشي يا امي تقعد كام يوم لحد ما نطمن عليكي
سعدية بابتسامه: تسلم البطن اللي شالتك.
شيماء كانت واقفة مصدومة،بص محمد عليها و قال بهدوء: معلش يا شيماء
مردتش عليها و طلعت الاوضة تاني
و هو وراءها
أما سعدية: هفضل وراءه لحد ما يطلقك و يتجوز بنت خالته
//////////////
في الاوضة
شيماء بعصبية:هو أنت بتتكلم بجد يا محمد احنا لسة هنقعد هنا تاني؟
محمد: معلش يا حبيبتي يومين كمان، ما انتي شوفتي اللي حصل امي ولو ماشيين هتزعل
شيماء: على فكرة مامتك هي اللي وقعت نفسها من على الكرسي و أنا شايفها
محمد: هتوقع نفسها من على الكرسي ليه يا شيماء مجنونة!
شيماء: انا مقولتش كدا متغلطنييش انا بقولك انا شوفتها عملت كدا
محمد بصوت عالى : من الاخر وقعت نفسها وقعت لوحدها انا مش هزعل امي، وبعدين مالك كدا اول مرة تكلميني بالطريقة دي؟
شيماء: عشان أنا خلاص جبت اخري، انا استحملت اسبوع كامل عشان خاطرك وعشان انت اول ما وصلنا قولت هنقعد اسبوع ف محبتش انك ترجع في كلامك قدمهم لكن انا خلاص مش قادرة اقعد اكتر من كدا زهقت
محمد: طيب معلش يا حبيبتي استحملي يومين كمان عشان خاطري
شيماء: تمام يا محمد
شيماء من جوها مرعوبة من حماتها و الايام اللي جاية
////////////
على الفطار
العيلة كلها مجتمعة و كانت شيماء خارجة بطبق فيها اكل، جت تقعد
قالت سعدية: هاتي طرق فاضي يا شيماء
شيماء: حاضر يا ماما
دخلت و خرجت و قبل ما تقعد ،قالت سعدية: معلش يا شوشو هاتي الملح.
نفخت بضيق و دخلت و جابت الملح و قبل ما تقعد قالت سعدية للمرة التالتة: اخر حاجة كوبية مياة.
قبل ما تتحرك شيماء، قام محمد و قال: اقعدي يا شيماء اكسري صيامك و انا اشوف ماما عايزة ايه تاني.
سعدية: خالص مش عايزة حاجة تاني.
قعدت شيماء و جنبها محمد.
سعدية: وبعدين يا محمد مش هتشوف حل في اللعبه جنبك دي
محمد : حل ايه يا امي
سعدية: اكشف عليها و شوف سبب تأخير الحمل.
قبل ما محمد يرد، ردت شيماء بصوت عالي: تأخير حمل انا بقالي شهرين متجوزة
اسماء بفخر: اصل انا حملت بعد جوزي بشهر و جابت ولد، و ما شاء الله دلوقتي عندي اربع صبيان في عين العدو.
محمد: كل حاجه بيد ربنا.
سعدية: خلى بالك، عندنا مبنحبش البنات
شيماء ودموعها نازلة على خدها:: ولله دي حاجة بتاعت ربنا حملت بدري ,حملت متأخر جبت ولد جبت بنت حاجة بتاعت ربنا مش بتاعتي
سعدية: وماله يا اختي نطمن بس انك مش ارض بور وبعدين نتكلم في الولد البنت.
بصت شيماء عليها و قامت من غير رد وراءها محمد
سيو: اجري وراءها يا جوز الست
///////////
قعدوا تلات ايام ،و جهزوا شنطهم على امل انهم يمشوا ومن هنا، و طول الفترة دي شيماء كانت تكلم اهلها و تقولهم أنها مبسوطة و سعيدة في العيشية في الصعيد
لقت سعدية حجة تانية عشان تخلى محمد يقعد تاني
نزلت محمد و شيماء على زغاريد ترن في البيت
محمد بابتسامه : خير يا امي
سعدية: اسماء حامل للمرة الخامسة ،عقبالك يا شيماء
شيماء: الف مبروك يا اسماء
اسماء: الله يبارك فيكي
محمد: ماما هنمشي احنا بقي
سعدية: على فين ان شاء الله
محمد: هنمشي بقا يا ماما كفاية كدا علشان شغلي الإجازة قربت تخلص.
سعدية: تمشي فين و مرات اخوك حامل و عايزة حد يخدمها
محمد: و انا اعمل اي لمرات اخويا مش فاهم؟
سعدية: ما انت عارف ان امها متوفية يا محمد وانا زي ما انت شايف مبتحركش عشان رجلي ،شيماء تكسب فيها ثواب تعمل الشغل وسعاد هتبقي تساعدها وتعمل اللي مرات اخوك تحتاجه، اعتبريها اختك الكبير ة يا شيماء
و الاسبوع بقي عشرة و لحد ما بقي شهر و يا عالم اللي جاي بعد كده، اتحولات شيماء خدامة ل سعدية و اسماء و ياريت عجبهم.
///////////////////////
عدت الايام وبعد شهر عدي على شيماء كأنه عمر مش شهر
شيماء: انا مش عارفة مالي يا محمد برجع بقالي كام يوم ودايخة كدا مش عارفة ليه؟
محمد: يمكن واخدة برد في معدتك ولا حاجة نروح نكشف ونطمن
و روحت شيماء مع محمد و سعاد للدكتور
/////////(
في عيادة الدكتور
الدكتور: مبروك يا مدام شيماء انتي حامل بقالك 20 يوم
شيماء بدموع فرحة: بجد يا دكتور؟
الدكتور: ايوا بجد، مش محتاج اقولك انك محتاجة راحة تامة وهديكي ادوية تثبيت استمري عليها
محمد: طيب يا دكتور احنا المفروض مسافرين القاهرة بكرا عادي ولا في مشكلة؟
الدكتور: لا طبعاً مينفعش سفر دلوقتي نهائي على الاقل الاربع شهور الاولي على ما الحمل يثبت
شيماء: يعني لسة هقعد هنا تاني يا محمد؟
محمد: معلش يا حبيبتي نستحمل شوية كمان عشان خاطر النونو اللي جاي
سعاد : متخافيش يا شوشو أنا واثقة أن ماما هتعاملك معاملة تانية خالص بعد ما تعرف الخبر دا.
شيماء: يارب
/////////
في البيت بعد سعدية عرفت الخبر قالت بتحذير: اوعي يا شيماء تعملي ايه حركة فاهمة، اقعدي في اوضتك و الاكل يجي لحد عندك.
شيماء بسعادة : شكرا يا ماما، مش للدرجة دي
سعدية: اسمعي الكلام من سكوت
ضحك محمد و قال: سبحان مغير الاحوال .
سعاد: ده تأثير الحمل
محمد: ربنا يهدي الحال.
/////////////////
عدي الاربع شهور اللي كانت شيماء عائشة فيهم زي الملكة و الكل يخدم عليها.
////////
رجع محمد و شيماء من عند الدكتور
سعدية بلهفة: ها يا قلب امك طمني عرفتوا نوع الجنين
محمد بفرحة: ايوا يا امي الحمد لله بنوتة اكيد هتطلع جميلة لامها
ضربت سعدية على صدرها و قالت : اي بنت ومالك فرحان كده، بدل ما تتكسفوا من الخيبة بتاعتكوا
محمد باستغراب :خيبة اي، ونتكسف من اي؟
سعدية: تتكسفوا انها بنت انت متعرفش يا حيلة امك ان البنات عار عندنا في الصعيد؟
محمد: لا معلش بلاش تظلمي الصعيد، العار في أي محافظة في مصر مش بس الصعيد هي العقلية اللي زيك، و للاسف بسببك تفكير اللي زيك الناس خدت فكرة مش كويسة عن الصعيد.
و كمل محمد : و بعدين دا رزق من عند ربنا سواء بنت او ولد خير ورضا من ربنا الحمد لله
سعدية: انت مش عارف خالاتك هياكلوا وشي ازاي لما يعرفوا انها بنت
اتكلمت شيماء بعصبية: خالات مين اللي ياكلوا وشك هي بنت حرام ولا اي دي هتبقي بنت ابنك دا بدل ما تفرحي ان انا متطلعتش ارض بور زي ما كنتي بتقولي؟
سعدية: وانتي فاكرة ان انتي كدا مش ارض بور ، شوفي سلفتك عندها اربع ولاد و حامل في الخامس .
شيماء: ولله دي ارزاق بتاعت ربنا سواء اللي جابت الواد او اللي جابت البنت او اللي محملتش خالص كل حاجة بيد ربنا مش بأيدينا احنا، ربنا يكملها على خير وتيجي بالسلامة بس، بعد اذنكوا انا طالعة الاوضة.
سعدية: شوفت المحروسة سابتني بتكلم وطلعت طبعًا ما انا لو امها كانت احترمتني
محمد : معلش يا امي ما هو دا كلام مينفعش يتقال بردوا هترد عليكي تقولك اي
زعقت سعدية وقالت: استني يا شيماء
وقفت شيماء
و قالت سعدية بتهديد: طالما مراتك حامل في بنت يبقي تجوز بنت خالتك و تمل البيت صبيان زي امك
محمد بصدمة: لا طبعا مش موافق على الجنان ده.
سعدية: هي كلمة واحدة عايز تقعد معانا في البيت و تاخد نصيبك من الورث زي اخواتك يبقي تطلق مراتك.
محمد باستغراب : لية بس يا امي هي مراتي عملتلك اي عشان تقولي كدا، دي شيلالكي من على الارض شيل وبتعاملك كأنك امها بالظبط
سعدية: من غير كلام كتير يا محمد، مش روحت جبت واحدة غريبة عننا، كانت خالتك ناقص توبس ايدك عشان تاخد بنتها ومكانش ليهم اي طلبات بس أنت صممت على بنت البندر، أشرب بقا يا ابن باطني.
محمد: وانا عمري ما اتخلي عن شيماء يا امي حتى لو هخسر الدنيا كلها مش بس البيت والورث، انا مش عيل عشان اخسر بنت الاصول اللي معايا عشان قرشيين،و تعرفي الحمد لله انها جت منك، مراتي متعذبة هنا.
خد محمد شيماء وهي دموعها مغرقة وشها علشان يرجعوا بيتهم تاني و حياتهم استقرت و العلاقة بين محمد و اهلها تلفيونات بس
//////////
قبل رمضان بيومين
و كان عدي على جوز محمد و شيماء ثلاث سنين
خرجت من المطبخ و قالت: محمد أنا زهقت
رد محمد ببرود : الطبيعي بتاعك، يعني أعملك ايه أنتي على طول زهقانه
نفخت بضيق و حطت أيدها في وسطها وقالت بصوت عالي: ده بجد يعني أنا على طول زهقانه،
و ياترى مين السبب يا أستاذ محمد
كان قاعد محمد على الكنبه قدام التلفزيون ورد بكل برود : اسالي نفسك يا شوشو
اتعصبت اكثر وخدته الريمود و قالت بتحذير: لما أكون بكلمك يبقى تركز معايا انا مش مع حاجه ثانيه.
كان لسه محمد محافظ على هدوءه و وسال :
عايزه ايه يا شيماء
وتحولت شيماء من العصبيه للحزن قعدت و قالت: انا مخنوقه قوي يا محمد .
طبطب على كتفها وقال :معلش يا شيماء أنا عارف أنك زعلانه.
نزلت دموعها و هي بتقول: أنا مش عارفة هقضي رمضان دا ازاي من غير اهلي، اول رمضان يعدي عليا بعيد عن اهلي هعمل اي؟ السنة اللي فاتت كنت انت مسافر و قضيت رمضان معهم، السنة دي انا مش عارفه ليه خايفة و حزينة، مش عارفة اعمل اي يا محمد حاسة أن انا محتاجة اهلي معايا في شهر زي دا حاسة ان المسؤلية كبيرة عليا اوي.
محمد: بس أنتي قد اي حاجة أنتي شايلة مسؤلية البيت بقالك سنة كاملة جت على الشهر دا يعني؟
شيماء:طيب واللمة والعيلة والدوشة بتاعت ولاد اخواتي بعد الفطار كل دا مين هيعوضني عنه؟
محمد: انا وبنتك هنعوضك عنهم وعن كل حاجة أحنا مش كفاية يعني؟
شيماء: لا كفاية ولله انت عارف ان انا معنديش أغلى منكوا بس بردوا انت عارف هما بالنسبالي اي
محمد: يا ستي هبقي اوديكي تفطري معاهم بس اهم حاجة عندي متدايقيش نفسك عشان خاطري انتي عارفة ان زعلك غالي عليا اوي و الله
شيماء: توديني فين بس يا محمد انت عارف ان المسافة بيني وبين اهلي ساعتين و في زحمة رمضان اقل حاجة تلاتة ساعات يعني يوم ما نروح هنروح مرة في الشهر كله و كالعادة هنرجع بدري عشان المواصلات
محمد: هو انتي ندمانة ان انتي اتجوزتيني وبعدتي عن اهلك عشاني انا بقيت احس دا في كل كلامك؟
هزت شيماء رأسها بالرفض و قالت بسرعة : ولله ما ندمانة ولا عمري ندمت على اختياري ليك انت اعظم نعمة ربنا بعتها ليا، أنت وبنتنا نور عيني ،بس انا مكنتش اعرف كل دا يا محمد مكنتش اعرف ان المسافة بينا بعيدة اوي كدا او كنت عارفة بس محستش بيها غير بعد ما اتجوزنا لما تعبت اول مرة واهلى محدش عرف يزورني و ملقتش حد جمبي غيرك لما كلمت ماما ولقيت اخواتي كلهم متجمعين هناك وأنت في الشغل، وانا وبنتي قاعدين في الشقة لوحدنا لما عيطت عشان ماما تعبانة و انا مش عارفة اروح اطمن عليها عشان شغلك والمسافة اللي بينا لما اخواتي احتفلوا بطلوع بابا على المعاش وبعتلي الصور وانا مكنتش معاه في حاجة زي دي برغم ان انا اقرب حد ليه لما بنتي تعبت وكنت شايلة البيت والبنت وكل حاجة على دماغي عشان مفيش حد يساعدني في كل دا انا عارفة ان انا اللي اخترت دا بس مكنتش عارفة ان انا هحس بكل دا بعد كدا
محمد: حقك عليا ان انتي حسيتي بكل دا وحقك عليا ان انا بعدتك عن اهلك وعد مني هناخد شقة جمبهم قريب اوي ادعي بس ان ربنا يكرمنا
شيماء: يارب ،بجد يا محمد حقيقي لو روحنا جمبهم هيفرق في نفسيتي اوي
محمد: ان شاء الله يا حبيبتي ،بقولك أنا خارج شوية و راجع.
شيماء : على فين
محمد: مشوار صغير.
خرج محمد قبل ما تسال و هي دخلت تكمل شغل البيت.
///////////
بعد شوية رجع محمد من برة
دخل على الاوضه على طول علشان كانت البنت بتعيط وقال: شيماء تعالي شوفي بنتك اللي عمالة تعيط وسيباها دي حرام عليكي فيها قلبك جامد اوي
خرجت شيماء من المطبخ على الاوضه وقالت: انت رجعت امتى يا محمد
محمد: دلوقتي حالا، بقولك يلا أكليها وتعالوا عشان عملكوا مفاجأة
شيماء :مفاجأة اي؟
محمد : خلصي بس وتعالي بلاش الفضول الزايدة
شيماء: ماشي يلا هأكلها ونجي على طول
محمد: بس خليكي في الاوضة جوا متطلعييش الصالة غير لما اقولك
شيماء: حاضر محمد
بعد نص ساعة كانت شيماء أكلت البنوتة ولقت محمد ينادي عليها
محمد: تعالى يلا يا شوشو وهاتي حبيبة قلبي معاكي
شيماء:: حاضر جايين اهو يا حبيبي
خرجت شيماء من الاوضة ل الصالة ولقت محمد جاب زينة رمضان وعلقها وطفى النور عشان النور والزينة بتاعت رمضان تكون ظاهرة وجاب اكياس المخدات اللي عليها اشكال رمضانية عشان من يومين كانت قالتله ان نفسها تجبهم بس الظروف مكنتش قد كدا معاهم
شيماء بذهول وفرحة : الله اي دا يا حبيبي بجد ربنا يخليك ليا أنت حقيقي عارف تعوضني عن كل حاجة أنا بحبك اوي يا محمد
مد محمد أيده بفانوس و قال:الفانوس ده ليكي يا شوشو، و ده لحبيبة قلبي، كل سنة و انتي طيبين
شيماء: و أنت طيب و بخير و سعادة، ربنا يخليك لينا يا احلى واعظم اختيار في حياتي.
محمد: على فكرة انا عزمت اهلك و اهلي يجوا يفطروا معانا أول يوم ووافقوا
شيماء بخوف: محمد أنا خائفة من اةعزومة دي ،انت عارفة مشاعر مامتك من ناحيتي
محمد: الموضوع عدى عليه سنين و لازم نحل المشكلة، احنا اهل في الاول و الاخر
شيماء: ربنا يهدي الحال و يحنن قلب امك عليا.
محمد: يارب، قوليلي بقا هتعمللهم اكل اي طبعًا دلوقتي مستعدة تهدي الشقة وتبينها عشان فرحتك بأهلك ولا هتقولي مسؤلية ولا حاجة
شيماء: محدش عارفني ولا فاهمني قدك بجد فاهم اي اللي هيبسطني وبتعمل اللي في دماغي بالظبط
محمد: علشان بحبك
////////((/
اول يوم رمضان عملت شيماء اصناف كثير الاصناف اللي اهلها بيحبوهم وسالت محمد عن الاصناف اللي اهله بيحبوه، وكانت السفره عليها كل ملاذ و طاب
وما اذان المغرب تجمع الكل على السفره
مع اول لقمه من الاكل قالت سعديه بقرف : استغفر الله العظيم يا رب و ده اكل
زعلت شيماء في نفسها ومردتش اللي رد هو محمد بعد ما دق الاكل و قال: ماله الاكل ياما بسم الله ما شاء الله الاكل جميل
سعديه : و مين يشهد للعروسه
ام شيماء :صلي على النبي يا ام محمد ، و سمي بالله و ابدي اكل الدنيا صيام
سعدية بعصبية: عليه افضل الصلاه والسلام افطري يا اختي وخليكي في روحك، انتي حتى لو الاكل في ايه مش هتتكلمي عشان بنتك
ام شيماء: بسم الله ما شاء الله بنتي طول عمرها نفسها حلوه في الاكل انت اللي ما عندكيش ذوق في أي حاجة.
خبطت على صدرها وقالت: يا لهوي انا معنديش ذوق شوف يا محمد شوف يا سبع البرمبه امك بتتهزق في بيتك و من حماتك.
ابو محمد: صلوا على النبي يا جماعه في ايه رمضان مبارك و بلاش خناق على الفطار.
ابو شيماء : الله اكرم بس احنا ملناش مكان هنا يلا يا ام شيماء
قامت شيماء من مكانها وقالت : لو انتوا مشيتوا انا همشي معاكم
بص محمد عليها بعتاب وبعدين قال:: يا جماعه بلاش تنكدوا علينا في اول يوم رمضان ، ممكن تهدوا و حصل خير
خبطت سعديه على صدرها وقالت : حصل خير ازاي بعد ما امك بتشتم بتقول حصل خير ولو كانت حماتك اللي اتشتمت كنت سكتت، و لسه هتعمل اكتر من كده، طبعا مش مراتك قالت همشي وراء امي، يبقي تلطف علشانها.
ابو شيماء زعق : وقال يلا يا ام شيماء نمشي من هنا بلا قلة قيمة
عيطت شيماء وقالت : أنا هاجي معاكم
سعديه: مع الف سلامه ،الباب يفوت جمل
محمد: كفاية بقي يا ماما
زعلت سعدية و قالت: على فكرة يا محمد هي قالت عليا اني معنديش ذوق و انت عادي عندك
ابو محمد : محمد أنا ديما ساكت علشان انت بترد عن مراتك و امك بتكون غلطانة، بس المرة دي ،حماتك بدأت بالغلط و لا انت و لا مراتك حد زعل علشان سعدية، كل زعلكم على أهلها هي
بص علي سعدية و كمل : يلا يا ام محمد،ابنك كل اللي يهمهم مراته و أهلها.
و اتحركوا علشان يمشوا ، جري محمد وراهم و قال: استوا بس ، أنا مش عارف ليه حصل كده، ممكن نقعد نكمل فطار و نسني كل حاجة ، انا اسف يا ماما، اكيد مش قصدي اقلل منك
شيماء بدموع: لو سمحتوا احنا عايزين اليوم يكون ذكري حلوة ، انا اسفة ليكم كلكم بس تعالوا نكمل فطار
بص الكل لبعض و قالت سعديه: حقك عليا يا ام شيماء
ام شيماء : أنا اسفة يا ام محمد
ابتسم محمد وشيماء و رجعت العيله تجمعت تاني وفطروا المره دي بهدوء وبصمت الكل خايف يفتح بقه لا تحصل مشكله تانيه وبصت شيماء على محمد وقالت: ربنا يبارك فيك يا محمد، انت العوض والسند اللي عوضنيي عن كل حاجه ،و بتعرف تحتوي اي مشكلة، رمضان بوجودك أنت و بنتنا
احلى واجمل رمضان مر عليا.
بص محمد عليها و همس: بحبك
ابتسمت شيماء و كلمت نفسها: الحمد لله يارب إن المشكلة اتحلت، انا صحيح مستغربة ازاي حماي و حماتي فضوا المشكلة على طول، يمكن علشان محمد بقاله سنين مقاطعهم و أتنازل عن الورث بتاعه و كل سنين دي عايش كأنه يتيم، يمكن علشان كده نهوا المشكلة ،الحمد لله ربنا يهدي النفوس
و تمت و ليس للحديث بقية
♥️♥️♥️♥️♥️♥️♥️♥️
سبحان الله وبحمده سبحان الله العظيم
أستغفر الله العظيم و اتوب اليه
لا اله الا الله وحده لا شريك له له الملك وله الحمد لله على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
اللهم تقبل منا صالح الاعمال
اللهم احفظ مصر واهلها من كل سوء
اللهم احفظ كل البلاد العربية و الإسلامية
♥️♥️♥️♥️♥️♥️♥️♥️♥️♥️
إرسال تعليق