رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

 ❤️ بسم الله الرحمن الرحيم ❤️ 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

الو الحقي يا بت يا نعمه اخوكي محمد بيموت في المستشفى يا بت 

نعمه : 

ايه اخيرا والمره دي بجد ولا زي كل مره يا صفيه . 

صفيه : 

لا يا بت المره دي بجد الدكتور بيقول أن مفيش امل خلاص 

نعمه : 

احسن يا شيخه  

صفيه : 

يا بت مش كده مش خايفه حد يسمعك ولا ايه . 

نعمه : 

مين هيسمعني يعني انا قاعده لوحدي وبعدين انتي هتمثيلي ولا نسيتي اللي عملتيه مع مراته 

صفيه : 

خلاص خلاص انتي ما بتصدقي هتودينا في داهيه 

نعمه : 

ايوه متعمليليش فيها الملاك البريء بقي ماشي 

صفيه :

 طيب يا اختي  ايه هتروحي المستشفى ولا لا 

نعمه : 

هروح يا اختي حتي عشان المحامي بتاعه يشفنا هناك . 

صفيه :

 اه يا اختي اهو علي الاقل يعرفك عشان لما يوزع ورث اخوكي . 

نعمه : 

اه وهو ما شاء الله عنده شئ و شويات 

صفيه :

 اهو بكره يموت وانتي تقشي زاي عاتك . 

نعمه : 

يعني انتي مش هتاخدي حاجه يا اختي . 

صفيه : 

لا ازاي بقي دانا مستنيه اليوم ده بفارغ الصبر طيب يا اختي شوفي هنروح امته . 

نعمه : 

طيب انا هلبس اهو وانزل ونروح سوي . 

صفيه : 

تمام ماشي وانا هستناكي . 

نعمه : 

تمام سلام . 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

           ****************** 

عند نعمه في شقتها  : 

ريتاج : 

ماما في ايه يا ماما 

نعمه :

 خالك تعبان وفي المستشفى وشكله كده بيموت 

ريتاج :

 ايه يا حبيبي يا خالي ونبي يا ماما خديني معاكي المستشفى انا عايزه اشوفه . 

نعمه : 

ماشي يا اختي انا مش عارفه انتي بتحبيه علي ايه  

ريتاج : 

حرام عليكي يا ماما كل اللي احنا فيه من خالي . 

نعمه اتكلمت و هي  غضبانه و قالت 

 بس يا بت انتي  ايه اللي احنا فيه ده يعني كل ده عشان ادانا شقه من الي عنده مهو عنده اكتر من عماره وفي الاخر ادانا شقه واحده وبس  

ريتاج : 

وهو اللي شغل بابا ولا دي كمان نستيها . 

نعمه : 

شغله فين يعني يا حصره هو راضي يمسكه شركه من شركاته ده يدوب خلاه المدير . 

ريتاج : 

علي فكره يا ماما خالي مش ملزم أنه يصرف علينا كل اللي احنا فيه ده من خيره انا مش عارفه بس ليه ختيني من عنده انا كنت بخدمه و واخده بالي منه . 

نعمه :

 وهو يعني كان بيديكي ايه عشان تفضلي معاه هناك  

ريتاج : 

يا ماما هو كل حاجه عندك فلوس وبس في حاجات كتيره جدا غير الفلوس خالي  مكنش بيهتم بالفلوس قد ما كان بيهتم بيكو انتي وخالتي 

نعمه : 

بقولك ايه يا بت انتي انا مش ناقصاكي انا فيا اللي مكفيني خوري من وشي . 

ريتاج :

 حاضر يا ماما بس صدقيني ربنا ما بيحبش الظلم  .

تعالوا بقي لما اوصف ليكم شقه نعمه عامله ازاي هي حاجه كده شبه الفيلا اربع اوض و رسبشن كبير و مفروشه احلي و اجمل فرش و هي طبعا مش دفعه فيها حاجه يعني واخدها من اخوها جاهزه من كل حاجه 

          *********************** 

عند صفيه  في شقتها 

نوره :

 خير يا ماما في ايه 

صفيه : 

بت يا نوره خالك في المستشفى و بيموت 

نوره : 

بجد والله اخيرا ايوه بقي عشان نلعب بالفلوس لعب . 

صفيه :

 حبيبتي طالعه لامك تربيتي طيب ايه هتيجي معايا المستشفى ولا لا 

نوره : 

لا ونبي بلاش انا مش بحب جو الحزن ده . 

صفيه : 

اه يا حبيبتي انا عارفاكي فرفوشه بس للاسف انا لزم اروح اعمل ايه طيب اخويا بقي 

نوره : 

حبيبتي الله يكون في عونك يا اما 

صفيه : 

ربنا يقدرنا بقي على فعل الخير 

 

نوره : 

اه طبعا يلا يا حبيبتي روحي و هتيلي الاخبار الحلوه بقي  . 

صفيه : 

ربنا يسهل  يلا سلام بقي  

و طبعا شقه صفيه شبه شقه نعمه الي حد كبير جدا 

اخوهم مديهم اكبر و احلي شقق في عماير اللي عنده 

              **********************

و تقبلوا صفيه و نعمه و راحوا مع بعض  المستشفى و اول ما شافوا   المحامي بتاع اخوهم اللي هو بس كان موجود قالوا 

 يعملوا  فيها أن هما زعلانين علي اخوهم قال يعني بيحبوا اوي 

وفضلوا يصوت و يعملوا  الشويتين دول لحد ما زعق المحامي و قال لهم 

      

            ********************* 

المحامي : 

بس انتي وهي انتو بتصوتو على ايه احنا في المستشفى مش في الشارع 

نعمه : 

يا خويا احنا زعلانين علي اخونا الله يرحمك يا غالي 

صفيه : 

لامؤخزه يا خويا ده من خوفنا بس علي اخونا ده اخونا الوحيد برضوا 

المحامي : 

ايوه بس مش كده و بعدين اخوكوا لسه عايش ما متش 

نعمه : 

لسه عايش و نبي 

تبص نعمه لصفيه و بعدين تتكلم صفيه و تقول 

الحمدلله طمنت قلبي ربنا يطمن قلبك 

اتكلم المحامي و قال 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

انتوا بس ادعولوا أنه يقوم بسلامه من الغيبوبه دي 

قالت نعمه : 

يا حبيبي يا اخويا هو دخل في غيبوبة 

المحامي قال 

للاسف ايوه و مش عارفين هيخرج منها امته 

صفيه : 

هيقوم منها أن شاءالله ده اخويا وانا عارفه 

المحامي قال 

ربنا يسترها انا هروح ادفع مصاريف المستشفى بعد ازنكوا 

يسبهم المحامي و يمشي و يقعدوا الاختين يتكلموا مع بعض اتكلمت نعمه و قال 

هنعمل ايه يا اختي اهو لسه عايش 

ضحكت صفيه و قالت 

وجوده زي عدمه بالظبط 

قالت نعمه : 

ازاي بقي يا هانم 

قالت صفيه : 

يعني اعتبريه ميت 

نعمه : 

انا مش فاهمه حاجه 

صفيه : 

و انتي من امته و انتي بتفهمي يا اختي انا هفهمك 

نعمه : 

فهميني يا ام العريف  

قالت صفيه : 

مش هو دلوقتي في غيبوبة 

نعمه 

هااا 

صفيه 

يعني مش حاسس باي حاجه و هو طبعا ملوش حد غيرنا يا عين امه 

نعمه 

ايوه يعني برضوا هنعمل ايه 

صفيه : 

يالهوي علي الغباء اللي انتي فيه لا انتي كده هتموتيني ناقصه عمر و انا مش عايزه اموت دلوقتي افهمي يا بت بقي هو دلوقتي شبه ميت و عقبال ما يقوم منها ده لو قام يعني نتمتع احنا بقي في القصر بتاعه و نتمتع بفلوسه 

نعمه 

طيب نفترض بقي قام منها ساعتها هنعمل ايه 

صفيه 

ساعتها هنعمل فيها الاخوات الحبايب و هنقول ان احنا هنا عشان خاطر مينفعش نسيب اخونا حبيبنا لوحديه بعد اللي حصله 

نعمه 

يا بنت اللذين دماغك سم 

صفيه : 

لو ليا انا مكنتيش خدت حاجه من المحروس اخوكي يا اختي 

بعد شويه جه المحامي و قال 

خلاص يا جماعه انا خلصت كل حاجه و وجدكم هنا دلوقتي ملهوش لازمه فا ياريت تتفضلوا و لو حصل اي حاجه جديده هعرفكوا 

نعمه : 

طيب هو معقوله هنمشي و هنسيبه هنا لوحده 

قال محامي : 

متقلقوش انا مش هسيبه لوحده 

قالت صفيه : 

خير ان شاء الله طيب انا هنمشي و لو حصل اي حاجه في أي وقت ياريت تعرفنا على طول 

المحامي : 

حاضر يا هانم اتفضلوا 

سبوا هما الاتنين و مشيوا و فضل المحامي معاه لو حده 

تعالوا بقي اعرفكوا الحكايه من اولها بصوا بقي 

هما ثلاثه اخوات نعمه ، صفيه ، علي و المفروض انهم عيال ناس غلابه جدا ابوهم و مهم كانوا غلابه ابوهم كان موظف غلبان و امهم كانت ست طيبه اووي المهم جه يوم الشؤم و هو يوم ما ماتوا و هما ماتوا في حادثه عربيه كانوا ركبين مع سواق و بعدين عملوا حادثه و فضلوا الاخوات مع بعض و كان كبيرهم هو علي و كان عنده 15 سنه و نعمه 10 سنين و صفيه 7 سنين المهم علي راح واشتغل اكتر من شغلانه عشان يصرف علي اخواته البنات لحد ما سافر بره كان شغال مع حد و كان هو مسؤال عنه المهم فضل علي بره لحد ما كبر في شغله و رجع البلد اشتري قصر كبير عاش فيه هو و اخواته اه صح لما كان مسافر كانوا اخواته عايشين لوحدهم و كان بيبعت لهم علي فلوس اول باول المهم رجع و لم اخواته و صرف عليهم و كبرهم و اتجوز بس للاسف مخلفش ليه بقي ده هنعرفوا بعدين المهم كلهم كانوا عايشين مع بعض في القصر لحد ما اخواته بدأو يتجوزا واحده وراه التانيه المهم بعد كل ده اخوهم ما سبهمش و فضل معاهم هما و اجوزهم كان بيحاول يعوضهم عن ابوهم و امهم لكن الطمع ملا قلبهم و عيونهم و كانوا بيستنوا يوم موته بفارغ الصبر عشان طبعا يورثوا منه لكن ربنا ليه حكمه تانيه خالص و ربنا يسترها بقي 

استنوا بقي لما نشوف ايه اللي هيحصل معاهم 

❤️ بسم الله الرحمن الرحيم ❤️ 

الحربايه 

                         بقلم سحر حسين عزت ❤️  

البارت الثاني : 

تاني يوم صحيوا الاختين الطامعين علي احلي خبر  بالنسبة ليهم لما المحامي بعت ليهم رساله علي تلفونتهم و قال ليه 

البقاء لله توفي الاستاذ علي اخوكم رحمه الله عليه اتمني تيجوا بسرعه علي المستشفى عشان نخلص باقي الإجراءات 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

الرساله دي اتبعتت ليهم هما الاتنين في نفس الوقت تقريبا المهم كانوا فرحانين جدا لدرجه ان نعمه اتصلت بصفيه  و اول ما ردت عليها قالت 

اكيد جالك الخبر 

ردت صفيه و قالت 

اه طبعا لسه الرساله وصله دلوقتي 

قالت نعمه 

مبروك يا اختي 

قالت صفيه 

مبروك علينا احنا الاتنين هي دي الاخبار ولا بلاش 

قالت نعمه 

هتروحي المستشفى 

قالت صفيه 

اه طبعا لازم نكون اول الناس هناك انتي عايزه  تاكل وشنا ولا ايه يا نعمه 

قالت نعمه 

لا طبعا معاكي حق طيب يلا سلام بقي عشان اروح اجهز نفسي 

تضحك صفيه و تقولها 

تجهزي نفسك 

تضحك نعمه و تقول 

اه طبعا هو انا كل يوم هيموتلي اخ سلام يا اختي 

قالت صفيه 

اه دانتي يتخاف منك 

قالت نعمه 

انا دانا غلبانه و نبي 

قالت صفيه 

غلبانه ماشي سلام يا غلبانه انتي 

قفلت صفيه التلفون و بعدين ندهت علي نواره بنتها و قالت ليها 

يا نواره 

ردت نواره و هي كانت جايه من الاوضه بتاعتها و كانت لبسه بيجامه و مسكه في ايديها التلفون بتاعها و كانت لبسه سماعات كبيره في رقبتها المهم قالت 

نعم يا صفيه عايزه ايه 

قالت صفيه 

يا بت انتي احترميني شويه دانا امك برضوا 

قالت نواره 

يا صفيه انتي صحبتي احنا اصحاب و تفقنا مفيش بنا زعل صح 

قالت صفيه 

ماشي يا اختي المهم جهزي نفسك 

قالت نواره 

خير اجهز نفسي ليه 

قالت صفيه 

خالك مات يا نواره ولازم نروح نحضر الجنازه 

اتكلمت نواره و قالت 

ده بجد ولا 

قالت صفيه 

بجد يا بت المحامي بتاعه هو اللي لسه قايل لينا انا ونعمه 

قالت نواره 

طيب الحمدلله اهو ريح و استريح المهم انتي عايزاني في ايه 

قالت صفيه 

يعني ايه مش هتيجي معايا 

قالت نواره 

لا طبعا اجي فين انا مليش في الجو ده 

قالت صفيه 

يا بت لازم تكوني موجوده الناس ولو سالتني عليكي هقولهم ايه يا منيله انتي 

قالت نواره 

قولي اي حاجه و اللي انتي عايزاه كمان انما انا مش رايحه فكك مني بقي المهم بس لما تروحي القصر ابقي اقوليلي عشان اجهز نفسي بقي اشطا يلا سلام 

بعد كده لبست نواره السماعات في ودانها و طبعا علت الصوت و مكنتش سمعه اي حاجه غير الاغاني بتاعتها و بس و فضلت صفيه تنده عليها لكن لا حياه لمن تنادي المهم سبتها صفيه و راحت تلبس لبس التمثيل قصدي لبس اسود قال يعني زعلانه علي اخوها

المهم تعالوا بقي لما نشوف نعمه و ريتاج عاملوا ايه لما عرفوا الخبر ده 

ريتاج دخلت علي امها الاوضه بتاعتها لقتها كانت قاعده قدام مرايتها و كانت بتغني "مليونير مليونير بكره هبقي مليونير"

 و كانت مبسوطه جدا ولا كأنها في فرح المهم 

اتكلمت ريتاج  و قالت 

خير يا ماما رايحه فين كده بالشياكه دي كلها 

ردت نعمه بكل برود و قالت 

بعيد عنك رايحه جنازه 

استغربت ريتاج جدا و قالت 

جنازه ! جنازه مين يا ماما و بعدين انتي متشاكه كده عشان جنازه 

قالت نعمه 

جنازه خالك علي 

اتصدمت ريتاج و قالت 

ايه يعني ايه خالي مات بجد 

قالت نعمه 

اه يا اختي مات مالك ما كلنا هنموت و هو ربنا ريحه 

قالت ريتاج و هي بتعيط 

فعلا ربنا رحمه و ريحه من الدنيا دي انا بجد مصدومه فيكي جدا يا ماما انتي ازاي كده معقوله الاخوات بيعملوا كده 

قالت نعمه 

بقولك ايه انا مش نقصاكي يلا روحي البسي عشان يا اختي نعمل الواجب 

قالت ريتاج 

واجب هو الزعل علي بعض بقي واجب معقوله  طيب انتي مش خايفه بكره يحصل فيكي كده 

قامت نعمه من قدام المرايا و راحت عندها و قالت 

اهو افرح بالفلوس دلوقتي قبل ما يحصل معايا كده و مبقاش عبيطه زي علي اخويا 

انهارت ريتاج من العياط و اتكلمت و قالت 

ماما لو سمحت خالي مش عبيط 

اتكلمت نعمه و قالت 

اهو مات يا اختي و الله انا مش عارفه انتي هتفضلي عبيطه كده لحد امته 

قالت ريتاج 

بجد ربنا يسترها عليكي يا ماما و يا ريت تلحقي تفوقي قبل فوات الاوان 

و بعد كده سبتها ريتاج و مشيت راحت علي الاوضه بتاعتها عشان تلبس و تروح علي المستشفى تودع خالها المهم بعد حوالي ساعة تقريباً و صلوا المستشفى و كانت ريتاج منهاره المهم كانت كل حاجه خلصت تقريبا و فعلا خدوا خالها و راحوا يدفنوه و بعد الجنازه راحوا علي القصر عشان العزا و بعدا الناس ما مشيت كلها فضلت نعمه ، و صفيه ،  و ريتاج ، و المحامي المهم اتكلم المحامي و قال 

الواضح كده انكوا مش هتروحوا 

اتكلمت صفيه و قالت 

لا يا فندم حضرتك فهمت غلط احنا في بيتنا حضرتك اللي محتاج تروح 

قال المحامي 

بتكوا بتكوا ازاي يعني 

قالت صفيه 

ايوه بتنا امال هيكون بيت مين يعني 

قال المحامي 

ده بيت الاستاذ علي 

قالت نعمه 

و اهو مات لو مش واخد بالك يعني 

قالت صفيه 

يعني ده بقي بيتنا من بعده يا استاذ أشرف 

قال أشرف 

اه و انتوا مين اللي قالكوا كده يا هوانم 

قالت نعمه 

مش محتاجه حد يقولها ده بتنا و علي ما اظن ان ما بقاش ليك شغل هنا و ياريت تتفضل بقي 

قالت صفيه 

لا يا نعمه عيب كده احنا برضوا ما نقدرش  نستغني عن الاستاذ اشرف 

قال أشرف 

انتوا فعلا هتحتاجوني اووي بكره عن اذنكم 

و سابهم المحامي و مشي و بعدها اتكلمت صفيه و قالت لنعمه 

انتي دايما متسرعه كده 

قالت نعمه 

ليه بس انا عملت ايه 

قالت صفيه 

دي مش طريقه تكلمي بيها المحامي 

قالت نعمه 

و انتي مالك خايفه علي زعله ليه كده 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

قالت صفيه 

شكلك نسيتي الوصيه يا نعمه كنتي صبرتي شوي لحد ما نفتح الواصيه بتاعت علي 

قالت نعمه 

اه صح انا نسيت فعلا 

قالت صفيه 

هو انا لسه اعمل كل حاجه بنفسي يعني يارب صبرني 

كل ده و كانت ريتاج قاعده بتسمعهم و بتتفرج عليهم المهم اتكلمت و قالت 

والله انا مش عارفه انتوا ازاي كده معقوله مش خايفين من ربنا 

قالت صفيه 

ده حقنا يا ريتاج انتي مش فاهمه حاجه 

قالت ريتاج 

انا فعلا مش فاهماكم 

قالت نعمه 

انتي يا بت اتلمي بقي احسن ما اقوم المك انا 

قالت صفيه 

بس يا نعمه اهدي شويه و بعدين ريتاج مش صغيره دي ماشاء الله بقت عروسه ولازم تفهم كل حاجه بس يا ريتاج. يا بنتي كل حاجه في وقتها حلوه

قامت ريتاج و قفت و قالت 

انا مش عايزه افهم حاجه بس صدقوني كل واحد فيكوا هيدفع ثمن اللي بيعملوا و بكره تقولوا اني معايا حق سلام 

و سابتهم و مشيت و بعد ما خرجت ريتاج من القصر اتكلمت نعمه و قالت 

هنعمل ايه مع المحامي يا صفيه 

قالت صفيه 

عندي يومين كده ولا حاجه و انا هكلمه و هعتذر له و يمكن خليكي انتي كمان تعتذري سمعاني يا نعمه 

قالت نعمه 

هو يعني احنا لازم نعمل كل ده 

قالت صفيه 

احنا مضطرين نعمل كده واكتر من كده كمان كله يهون عشان خاطر الورث يا نعمه 

قالت نعمه 

ماشي خلينا معاه لحد الاخر و علي راي المثل لو كان ليك عند الكلب حاجه قولي يا سيدي خلينا لما نشوف اخرتها 

قالت صفيه 

معلش هستحمل شويه كمان 

قالت نعمه 

طيب المهم انتي هتباتي هنا ولا لا 

قالت صفيه 

اه هتصل بنواره تيجي هنعيش هنا لحد ما ابوها يرجع من سفر 

قالت نعمه 

ايوه صح امال هي فين نواه بنتك من صبح 

قالت صفيه 

لا انا بنتي ملهاش في الجو ده خالص انا بنتي حبيبتي بتحب تجيب من الاخر 

قالت نعمه 

طب ونبي ناصحه مش زي الخيبه بنتي يلا هنعمل ايه بقي 

قالت صفيه 

طيب انتي هتمشي امته 

قالت نعمه 

لا انا مش همشي يا اختي ما انا برضوا جوزي مسافر فا هفضل هنا لحد ما يرجع .

قالت صفيه 

طيب و بنتك هتسيبيها لوحديها في البيت معقوله 

قالت نعمه 

يا اختي يعني هيحصلها ايه 

قالت صفيه 

طيب براحتك علي العموم انا هطلع اريح شويه لحسن انا تعبت من الصبح 

قالت نعمه 

طيب وانا كمان هطلع انام في النعيم اللي فوق ده يلا تصبحي علي خير بقي 

و فعلا كل واحده فيهم طلعت المكان اللي هتنام فيه و كانت كل واحده فيهم مبسوطين جدا ولا كأنهم في الجنه بس اللي حصل معاهم في تاني يوم كابوس معني الكلمه بس و هما صاحين و مش نايمين استنوا بقي لما تشوفوا اللي الي حصل معاهم تاني يوم....... ..

تابع 

             بقلم سحر حسين عزت

❤️ بسم الله الرحمن الرحيم ❤️ 

الحربايه 

               بقلم سحر حسين عزت 

البارت الثالث 

تاني يوم صحيوا علي صوت حد موجود في القصر تحت اول واحده طلعت من الاوضه بتاعتها كانت نعمه و قالت 

ايه الدوشه اللي تحت دي 

كانت بتقول كده و هي نازله علي السلم لحد ما نزلت تحت و لقت شاب طويل عريض و ماسك في ايده شنطه سفر و اول ما شافته قالت 

انت مين يا خويا 

رد الشاب و قال 

انا حسن صاحب القصر ده 

ردت نعمه و هي مصدومه و قالت 

نعم يا خويا 

رد حسن 

انتي مين 

قالت نعمه 

انا صحبت القصر ده يا خويا انت اللي مين 

قال حسن 

انتي عمتي نعمه 

اتصدمت نعمه اكتر و قالت 

عمتك عمتك ازاي يعني 

قال حسن 

انا حسن علي ابن علي اخو حضرتك يا عمتي 

و هو اول ما قال كده راحت نعمه مصوته بصوت عالي لحد ما صفيه نزلت من فوق جري و بتقول 

ايه في ايه 

قالت نعمه 

تعالي يا اختي شوفي المصيبه اللي احنا فيها 

قالت صفيه 

مصيبه خير يا نعمه مصيبه ايه 

رد حسن و قال 

انتي عمتي صفيه 

قالت صفيه 

نعم يا اخويا عمتك 

قالت نعمه 

مهي دي المصيبه اللي قولتلك عليها يا اختي قال ايه بيقول أن هو بن علي اخوكي 

قالت صفيه 

نعم يا اختي ابن مين 

قال حسن 

انا ابن علي ....

و كان لسه هيكمل كلامه و تكلمت صفيه و قالت 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

ابن مين اخويا علي مكنش بيخلف يا ابني روح شوف لك حد تاني تنصب عليه 

قال حسن 

انا مش نصاب اخوكي يبقي ابويا و معايا ورق يثبت كلامي 

قالت صفيه و هي بتزعق 

ورق ايه و زفت ايه بقولك اخويا مكنش بيخلف انت فاهم انا بقول ايه 

اتكلمت نعمه و قالت 

يلا يا ابني اطلع بره من هنا بدل ما اطلبلك البوليس يجي ياخدك من هنا 

رد حسن و قال 

يا جماعه متعملوش معايا كده ده حقي وانا جي أطالب بيه 

قالت صفيه 

لا و نبي و كنت فين يا خويا من زمان بقولك ايه ونبي لو مخرجتش من هنا لوديك في ستين داهيه انت سامع 

حسن متكلمش و لا قال اي حاجه و خد الشنطه اللي كان جي بيها و مشي و اول ما خرج قالت نعمه 

تفتكري يا صفيه كلامه صح 

قالت صفيه 

كلامه ايه انتي كمان اللي صح انتي نسيتي احنا عملنا ايه مع مرات علي عشان متخلفش 

سكتت نعمه شويه و بعدين قالت 

مش عارفه كان بيتكلم بثقه كبيره و بعدين هو عرفني من غير ما أقوله اي حاجه انا قلقانه يا صفيه 

قالت صفيه 

بطلي عبط ده واحد نصاب و اكيد عرف أن علي مات و سايب وراه شئ و شوايات فا قال اجي اخد من العز ده شويه و خلاص  

قالت نعمه 

ايوه بس هو مطلبش فلوس 

قالت صفيه 

مهو كان داخل علي طمع بقي انما علي مين المهم سيبك اهو غار في داهيه 

قالت نعمه 

غار داهيه تاخده و نبي بوظ اعصابي 

قالت صفيه 

المهم بقي دلوقتي نكلم المحامي عشان نشوف موضوع الوصيه 

قالت نعمه 

ايوه صح بس بقولك ايه انا مش هتكلم معاه يا اختي ده راجل يا ساتر عليه 

قالت صفيه 

اهو هنعمل ايه بقي لازم نتعامل معاه لحد الموضوع يخلص و بعد كده يروح مطرح ما هو عايز بقي 

قالت نعمه 

طيب انا ياختي مليش علاقه بيه و مش هكلمه ولا هقوله حاجه 

قالت صفيه 

طيب يا اختي هو انتي علي طول تقوليلي مليش دعوه وانا اللي بعمل كل حاجه 

قالت نعمه 

البركه فيكي انتي بقي يا اختي 

قالت صفيه 

ماشي يا اختي ... انا هكلمه و انتي روحي شوفيه اي حاجه نأكلها هنا 

قالت نعمه 

يعني احنا نبقي عندنا القصر الكبير ده و مفيش فيه خدم و حشم ياربي 

قالت صفيه 

كان فيه يا اختي بس مشاهم المحامي لما علي تعب و دخل المستشفى 

قالت نعمه 

طيب و احنا هنفضل كده لحد امته بقي 

قالت صفيه 

يا ستي بكره نبقي نشوف الموضوع ده و نبقي نجيب حد غيرهم و خلاص بس روحي اعملي اي حاجه دلوقتي بس 

قالت نعمه 

حاضر يا اختي لما نشوف اخرتها ايه 

و فعلا راحت نعمه علي المطبخ و قعدت صفيه و مسكت التلفون و بدأت تكلم المحامي و بعد ما رد قالت 

السلام عليكم 

قال المحامي 

و عليكم السلام ورحمه الله وبركاته 

قالت صفيه 

ازي حضرتك يا استاذ أشرف عامل ايه 

قال أشرف 

الحمدلله بخير يا فندم خير 

قالت صفيه 

خير ان شاء الله احنا كنا عايزين نقعد مع حضرتك شويه 

قال أشرف 

خير في حاجه ولا ايه 

قالت صفيه 

لا خير احنا بس عايزين نشوف موضوع الوصيه 

قال أشرف 

اه ماشي يا فندم أن شاءالله هبقي اعدي علي حضرتك في حدود الساعه 5 كده يا فندم 

قالت صفيه 

ماشي يا استاذ أشرف و احنا في انتظارك أن شاءالله 

قال أشرف 

أن شاءالله بعد اذنك يا فندم 

و بعد كده قفل اشرف معاها و اول ما قفلت هي كمان قالت 

أما أنت راجل قليل الزوق صحيح 

و هي قاعده و بتشتم في الراجل دخلت بنتها نواره بنتها الكول و معاها شنطه بتاعتها و كانت بتبص حواليها في كل حته كانت بتتفرج علي القصر و اول ما قعدت علي كرسي قالت 

زوق خالي بلدي اووي يا ماما 

اتكلمت صفيه و قالت 

هو خالك كده من يومه و هو بلدي يلا بقي ربنا يرحمه 

قالت نواره 

و انا فين بقي الاوضه بتاعتي و اه اعملي حسابك انا هفرشها علي زوقي هااا 

قالت صفيه 

ماشي يا اختي روحي و نقي الأوضه اللي تعجبك و ابقي اعملي فيها اللي انتي عايزاه براحتك 

قالت نواره 

طيب بقولك ايه هو مفيش خدم هنا ولا ايه عشان يطلع لي الشنطه فوق و الجو ده بقي 

قالت صفيه 

لا يا اختي مفيش حد هنا غير خالتك نعمه 

قالت نواره 

طيب بس بقولك ايه احنا مش هنفضل كده 

قالت صفيه 

ماشي يا اختي اطلعي انتي ارتاحي فوق وانا هظبطلك كل حاجه بعدين 

قالت نواره 

ماشي انا هطلع بقي اشوف الاوض كلها و بعدين اختار 

قالت صفيه 

ماشي يا اختي 

و فعلا سبتها نواره و طلعت تتفرج علي بقيت القصر فوق و بعد شويه جت نعمه و معاها صنيه الاكل و قعدوا ياكلوا و فضلوا يتكلموا مع بعض و نعمه عرفت أن نواره جت عشان تعيش معاهم فا قررت تكلم ريتاج بنتها عشان هي كمان تيجي و تعيش معاهم ....  

مدام هما الاتنين طماعين و فيهم طبع الخيانه و الجشع يبقي اكيد مش هيثقوا في بعض و فعلا نعمه مكنتش واثقه في صفيه و خافت لحسن هي و بنتها يستولوا علي القصر و العز كله و تخرج هي من المولد بلا حمص المهم بعد الاكل راحت عشان تكلم ريتاج و قالت ليها 

الو يا ريتاج 

ردت ريتاج و قالت 

ايوه يا ماما نعم 

قالت نعمه 

ايه يا بنتي انتي هتيجي امته 

قالت ريتاج 

اجي فين يا ماما 

قالت نعمه 

تيجي القصر هنا 

قالت ريتاج 

و اجي القصر ليه يعني خير 

قالت نعمه باستغراب 

يعني ايه تيجي ليه  تعالي عشان تعيشي معايا هنا 

قالت ريتاج 

ماما بقول لحضرتك ايه انا مليش علاقه باللي حضرتك بتعمليه و انا اسفه جدا انا مش حابه اعيش عندك و بعدين احنا لينا شقتنا ليه نسبها و نروح نعيش في قصر خالي 

تتكلم نعمه بعصبية و تقول 

قصر خالك ده ايه القصر ده بتاعنا كلنا و مبقاش قصر خالك 

ترد ريتاج و تقول 

طيب يا ماما القصر بتاعك و انا مليش فيه و مش عايزه اجي اعيش عندك انا مرتاحه هنا و حضرتك مرتاحه عندك خلاص براحتك 

ترد نعمه و تقول 

انتي يا بت اسمعي الكلام و تعالي علي هنا سمعتي 

قالت ريتاج 

لا يا ماما انا اسفه و مش هاجي بعد ازنك يا ماما 

قالت نعمه 

يعني ايه 

قالت ريتاج 

يعني مش هاجي يا ماما مع سلامه 

و فعلا قفلت ريتاج المكالمه و بدأت نعمه تتعصب و تكلم نفسها و قالت 

ياربي يعني اعمل ايه في البت دي لا لازم تيجي تعيش معايا هنا لا مهو مش معقوله اسيب القصر ده كله لصفيه و بنتها 

و هي كانت بتتكلم بصوت عالي شويه و كان واقف وراها ............... 

تابع 

           بقلم سحر حسين عزت

❤️ بسم الله الرحمن الرحيم ❤️ 

الحربايه 

               بقلم سحر حسين عزت 

البارت الرابع 

و هي كانت بتتكلم بصوت عالي شويه و كان واقف وراها ............... 

نواره بس كانت حاطه السماعات في ودانها و مسمعتش اي حاجه من كلامها بس اول ما شافت نعمه نزلت السماعات و اتكلمت و قالت 

خير يا خالتو في حاجه ولا ايه 

ردت نعمه و هي كانت متوتره و خايفه لتكون سمعتها و قالت 

ايه ... لا يا حبيبت خالتو مفيش دانا كنت بتخانق مع ريتاج بنتي 

ردت نواره و قالت 

بصراحه يا خالتو بنتك دي قفل كده و مش كول كده بجد الله يكون في عونك 

قالت نعمه 

قفل .... انتي هتقوليلي بنتي وانا عارفها ربنا يهديها 

قالت نواره 

ماشي يا خالتو انا ماشيه باي 

قالت نعمه 

باي يا قلب خالتو 

و فعلا سبتها نواره و مشيت و نعمه حطت ايديها علي قلبها و راحت علي اقرب كرسي جانبها و قعدت عليه و اتكلمت مع نفسها و قالت 

الحمدلله انها مسمعتش اي حاجه ربنا ستر بس لا انا لازم البت ريتاج تقعد معايا هنا 

و فضلت نعمه تفكر تعمل ايه عشان تجبر ريتاج تيجي و تعيش معاها في القصر لحد ما جت في دماغها فكره شيطانيه شويه المهم قامت عشان تروح عند صفيه اختها و قالت ليها 

ايه يا اختي هو المحامي بتاعك ده هيجي امته 

قالت صفيه 

زمانه جي 

قالت نعمه 

ماشي مع اني والله مش عارفه انا المفروض اتعامل مع ازاي 

قالت صفيه 

لا بقولك ايه عايزاكي تتعاملي معاه كويس عشان انا مش ناقصه و بعدين عايزين نخلص من الموضع ده بقي يا اما لو كده بلاش انتي تظهري وانا هتعامل في كل حاجه يا ستي 

قالت نعمه 

لا انا معاكي و مش هسيبك تعملي حاجه لوحدك يا اختي 

قالت صفيه 

انتي مخوناني ولا ايه يا نعمه 

قالت نعمه 

لا يا حبيبتي انتي فهمتي غلط انا كان قصدي بس عشان متبقيش لوحدك 

قالت صفيه 

اه ده علي اساس انك خايفه عليا ولا علي فلوسك و نصيبك 

قالت نعمه 

الاتنين يا قلبي خايفه علي الاتنين 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

قالت صفيه 

لا علي ايه خليكي موجوده بس اسمعي الكلام و بلاش مشاكل يا نعمه 

قالت نعمه 

طيب يا اختي 

و هما قاعدين بيتكلموا جرس القصر رن قالت صفيه 

اهو جه روحي افتحي يا اختي 

قالت نعمه 

جبنا سيرت القط هو جه ينط حاضر 

و قامت نعمه و راحت فعلا تفتح الباب و اول ما شافت المحامي قالت 

ازي حضرتك يا استاذ أشرف 

رد اشرف و قال 

ازي حضرتك يا هانم 

قالت نعمه 

اتفضل اختي صفيه جوه 

و فعلا دخل اشرف هو ونعمه لحد ما وصل لصفيه و قال 

ازي حضرتك يا هانم 

قالت صفيه 

الحمدلله بخير يا استاذ أشرف اتفضل اقعد 

قعد اشرف قصاد صفيه و قعدت نعمه جنبها و بعد كده اتكلم اشرف و قال 

خير يا فندم عايزني في ايه 

قالت نعمه 

بص يا استاذ أشرف اول حاجه انا بعتذرلك  عن الطريقه اللي اتكلمت بيها معاك  و اتمني انك متاخدش علي خاطرك مني 

رد اشرف و قال 

لا يا هانم محصلش حاجه ولا يهمك 

اتكلمت صفيه و قالت 

طيب ندخل بقي في الموضوع التاني اللي كنا عايزين حضرتك فيه 

رد اشرف و قال 

اتفضلي يا هانم خير 

قالت صفيه 

طبعا حضرتك عارف ان اخويا علي اتوفي و يعتبر ملوش غيرنا 

قال أشرف 

الله يرحمه و ربنا يبارك في عمركوا يا هوانم 

قالت نعمه 

كتر خيرك يا استاذ أشرف 

قالت صفيه 

المهم ... احنا كنا عايزين نسأل حضرتك علي وصيه اخويا علي 

اتكلم اشرف و هو مستغرب و قال 

الوصيه ! 

قالت نعمه 

ايوه 

قال أشرف 

دلوقتي حضرتكم عايزين تعرفوا الوصيه دلوقتي 

قالت صفيه 

في مشكله مع حضرتك ولا ايه 

قال أشرف 

لا يا فندم بس يعني اخو حضرتكوا لسه متوفي مكملش حاجه ده لسه متوفي امبارح 

قالت نعمه 

الحي ابقي من الميت يا استاذ أشرف 

قالت صفيه 

بص يا استاذ أشرف احنا عايزين نشوف الوصيه بتاعت علي اخويا عشان بس لو موصي علي حد أو علي حاجه معينه نعملها 

قال أشرف 

ايوه بس ..... 

و ملحقش يكمل الكلمه و اتكلمت نعمه و قالت 

يا استاذ أشرف احنا عارفين أن علي اخويا كان بيثق فيك اووي و احنا كمان بس الموضوع كله أن احنا بنتمني من حضرتك تعملنا اللي احنا عايزينه 

اتكلم اشرف و قال 

ايوه يا فندم بس الموضوع ده بياخد وقت شويه 

قالت صفيه 

قد ايه يعني 

قال أشرف 

اسبوعين او شهر بالكثير 

قالت نعمه 

ده كتير اووي كده يا استاذ أشرف 

قال أشرف 

في إجراءات كتيره لازم تتعمل أملاك استاذ علي كتيره 

اول ما قال كده ظهرت ابتسامه خبيثه علي وشهم و بعد كده اتكلمت صفيه و قالت

بقول لحضرتك ايه يا استاذ أشرف معلش قدام حضرتك اسبوع واحد 

اتكلم اشرف و قال 

اسبوع ! بس ده صعب 

قالت نعمه بس مش مستحيل و مفيش حاجه تصعب عليك يا استاذ أشرف 

قالت صفيه 

ده شغل حضرتك بقي و اكيد هتعرف تعمل حاجه ده حضرتك محامي العيله و هتفضل كده أن شاءالله 

قال أشرف 

تمام حاضر هحاول اتصرف  

قالت نعمه 

هتعرف أن شاءالله 

قام أشرف وقف و قال 

طيب بعد ازنكوا يا هوانم 

قالت صفيه 

اتفضل 

و بعد كده سابهم اشرف و مشي و اول ما خرج من باب القصر قالت نعمه 

تفتكري هيخلص في اسبوع واحد 

قالت صفيه و هي بتبتسم 

اكيد هيخلص مهو كله بتمنه 

قالت نعمه 

يعني ايه 

بصتلها صفيه بصه تعبر عن استحقار تفكيرها الغبي و اتكلمت و قالت 

لا يا نعمه متاخديش في بالك يا حبيبتي 

و سبتها صفيه و قامت و بعد دقائق راحت نعمه و جهزت نفسها عشان تروح تعمل الخطه اللي جت في بالها قبل كده و اللي هيا 

اول حاجه اتصلت بريتاج و قالت لها 

انتي فين يا ريتاج 

ردت عليها ريتاج و قالت 

خير يا ماما في ايه 

ردت عليها نعمه و قالت 

خير يا اختي انا بشوفك فين بس 

ردت ريتاج و قالت 

انا في الجامعه يا ماما في ايه 

قالت نعمه 

مفيش حاجه بطمن بس 

ردت ريتاج باستغراب 

انتي بتطمني عليا أنا انتي كويسه يا ماما 

ردت نعمه و قالت 

ايوه يا بنتي هو انا عندي كام بنت يعني هي بنت واحده بس و حبيبتي سلام بقي 

قفلت نعمه التلفون و مشيت وراحت شقتها و ريتاج كانت حاسه ان في حاجه غلط دي اول مره نعمه تكلمها و تطمن عليها المهم راحت نعمه علي الشقه و اول ما دخلت راحت علي المطبخ و جابت شاكوش و راحت علي ماسوره المياه و فضلت تخبط فيها لحد ما كسرتها و الميه انفجرت في الشقه كلها و بعد شويه كلمت حد من العماره و قالت 

يا جماعه الحقوني الشقه بتاعتي غرقت 

اتجمعوا الجيران و اتكلم حد منهم و قال 

خير بس يا مدام نعمه 

ردت نعمه و قالت 

ماسوره المياه انفجرت عندي 

قال حد من الجيران 

طيب يا جماعه تعالوا نقفل المحبس العمومي لحد ما يجي حد يصلح الماسوره 

و فعلا راح حد يقفل المحبس و الناس كلها مشيت و واحد راح جاب سباك و صلح الماسوره عند نعمه و بعد الراجل ما مشي راحت نعمه و لما هدوم ريتاج بنتها في شنطه سفر و رجعت بيها القصر و اول ما شفتها صفيه قالت 

خير يا نعمه رايحه فين كده 

قالت نعمه 

مش رايحه في حته دي هدوم ريتاج 

قالت صفيه باستغراب 

ريتاج امال هي فين 

قالت نعمه 

في الجامعه يا اختي بس في حد من الجيران كلمني وقالي أن الماسوره المايه عندي في الشقه اتكسرت فا روحت اجيب هدم البت هنا 

قالت صفيه 

اه لا خير ما عملتي يا حبيبتي 

و سبها صفيه و مشيت ونعمه خدت الشنطه و طلعت بيها علي فوق و راحت بعتت رساله لريتاج و قالت فيها 

لما تخلصي ابقي تعالي علي القصر علي طول عايزاكي ضروري 

و بعدين قفلت التلفون و نزلت تحت عشان تقعد مع صفيه و هما قاعدين جالهم اتصال مهم جدا ........... 

تابع 

           بقلم سحر حسين عزت

❤️ بسم الله الرحمن الرحيم ❤️ 

الحربايه 

               بقلم سحر حسين عزت 

البارت الخامس 

و بعدين قفلت التلفون و نزلت تحت عشان تقعد مع صفيه و هما قاعدين جالهم اتصال مهم جدا ........... 

من المحامي و كانت المكالمه 

اتكلم المحامي و قال 

الو 

ردت صفيه و قالت 

الو يا استاذ أشرف خير 

ردت اشرف و قال 

في موضوع مهم جدا لازم نتكلم فيه فا لو سمحت ممكن تشرفوني في المكتب 

قالت صفيه 

خير يا استاذ أشرف 

قال أشرف 

الموضوع مينفعش علي التلفون لازم اشوفكوا ضروري جدا 

قالت صفيه 

خير يارب انت كده قلقتني حاضر هبقي اجي لحضرتك 

اتكلم اشرف و قال 

تمام بس بعد ازنك عرفي مدام نعمه كمان عشان الموضوع ده لازم تكونوا كلكم عارفينه 

قالت صفيه 

حاضر من عيوني يا اخويا هقولها و جبها معايا 

قال أشرف 

في انتظاركوا أن شاءالله 

قالت صفيه 

ماشي مع السلامه 

قفلت صفيه التلفون و بعدها على طول اتكلمت نعمه و قالت 

خير يا صفيه يا اختي في ايه 

قالت صفيه 

شكله مش خير يا نعمه يا اختي 

قالت نعمه 

يا ساتر يارب ليه هو قالك ايه بالظبط 

قالت صفيه 

مش عارفه  هو قالي أن هو عايزنا ضروري والموضوع مهم 

قالت نعمه باستغراب 

اده احنا اللي هنروح عنده 

قالت صفيه 

اه يا اختي عايزنا في مكتبه 

قالت نعمه 

ربنا يسترها .... و تفتكري عايزنا في ايه بالظبط 

قالت صفيه 

وانا اش عرفني يا اختي يلا خلينا نروح و نشوف و اهو يا خبر بفلوس و كمان شويه يبقي ببلاش 

قالت نعمه 

علي رايك يا اختي تعالي لما نشوف عايز ايه 

و فعلا قاموا هما الاتنين وراحوا عند المحامي و لما وصلوا اتكلم صفيه و قالت 

خير يا استاذ أشرف في ايه 

قال أشرف 

اتفضلوا يا هوانم اقعدوا 

قالت نعمه 

رواية الحربايه الفصل الاول حتى الفصل السابع بقلم الكاتبه سحر حسين حصريه وجديده على مدونة النجم المتوهج

في ايه بالظبط يا استاذ أشرف 

قال أشرف 

انا جهزت الوصيه و قبل اي حاجه انا بعتذر لحضرتكوا عشان تعبتكوا لحد هنا بس والله أنا مشغول و معرفتش اجي بنفسي لحضرتكوا 

قالت صفيه 

ولا يهمك يا استاذ أشرف احنا المهم عندنا الوصيه مين فينا جه مش فارقه كتير 

قالت نعمه 

مفيش بنا الكلام يا استاذ أشرف المهم اتكلم ايه اخبار الوصيه 

اتكلم اشرف و قال 

احنا عشان نعرف نفتح الوصيه لازم يكون في حد تاني موجود معانا 

اتكلمت صفيه باستغراب و قالت 

حد حد مين ده 

قالت نعمه 

مفيش حد غيرنا يا استاذ أشرف المفروض أن حضرتك عارف ده يعني 

قال أشرف 

انا عارف بس باين كده أن انتوا اللي مش عارفين حاجه عن الموضوع 

قالت صفيه 

موضوع ايه يا استاذ أشرف اتكلم علي طول هو في ايه بالظبط 

اتكلم اشرف و قال 

انتو متعرفوش حاجه عن ابن الاستاذ علي 

طبعا اتصدموا و فضلوا يبصوا لبعض و تكلموا هما الاتنين في بق واحد و قالوا 

نعم ابنه 

اتكلم اشرف و قال 

ايوه الاستاذ علي عنده ابن ايه محدش فيكوا يعرف حاجه عن الموضوع ده 

اتكلمت نعمه وقالت 

انت حصل حاجه في مخك ولا ايه يا استاذ أشرف 

اتكلم اشرف و قال 

من غير غلط يا مدام نعمه 

اتكلمت صفيه و قالت 

معلش يا استاذ أشرف هي متقصدش حاجه بس انت تقريبا الموضوع لف مع حضرتك يمكن حضرتك متعرفش أن مرات اخويا مكنتش بتخلف يبقي ليه ابن ازاي بس 

اتكلم اشرف و قال 

لا طبعا انا عارف و متاكد من حاجه زي كده بس حضرتك قولتيها بعضمت لسانك مرات اخوكي هي اللي مكنتش بتخلف مش اخوكي 

قالت نعمه 

يعني ايه انا مش فاهمه 

قالت صفيه 

قصدك ايه أن اخويا كان بيخون مراته 

قال أشرف 

لا طبعا استغفر الله انا مقولتش كده 

قالت نعمه بعصبية 

امال قولت ايه انت تقصد ايه بكلامك ده 

قال أشرف 

انا قصدي أن الأستاذ علي كان متجوز علي سنه الله ورسوله 

الاتنين بصوا لبعض و قال في وقت واحد 

ايه ... متجوز 

قال أشرف 

ايوه الاستاذ علي كان متجوز و خلف ولد 

قالت نعمه 

و كمان ولد 

قالت صفيه 

لا اكيد في حاجه غلط يا استاذ أشرف مستحيل اخويا يعمل كده في مراته ده كان بيعشقها ازاي يعمل حاجه زي كده 

قال أشرف 

ايوه فعلا كان بيحبها جدا بس في نفس الوقت كان نفسه يخلف ويبقي ليه ولد و عشان كده اتجوز من غير ما تعرف و فضل محافظ علي السر ده لفتره طويله جدا بس للاسف هو اتوفي و ملحقش يقول لحد حاجه 

اتكلمت نعمه و قالت 

لا انا مش مصدقه اللي بسمعه ده 

اتكلمت صفيه و قالت 

طيب واحنا نتاكد ازاي بقي 

اتكلم اشرف و قال 

والله لما اعرف اوصله هبقي اتأكد المهم دلوقتي أن مش هعرف افتح الواصيه من غير ما يكون موجود اصلا 

قالت نعمه 

طيب و هنلاقيه ازاي ده 

اتكلم اشرف و قال 

انا هدور عليه بنفسي مش عايزكوا تقلقوا خالص 

قالت صفيه 

لا نقلق ده ايه مفيش قلق خالص ...طيب احنا عايزين نعرف هو اتجوز مين بالظبط 

قال أشرف 

هو اتجوز ورده 

استغربت نعمه و قالت 

ورده مين يا اخويا 

قال أشرف 

ورده اللي كانت شغاله في القصر 

اتكلمت صفيه باستغراب وصوتها عليه شويه وقالت 

نعم قصدك البت ورده الشغاله 

قال أشرف 

ايوه هي بعينها 

قالت نعمه 

اده مش دي اللي كنتي ......... 

قطعتها صفيه و اتكلمت هي و قالت 

طيب يا استاذ أشرف لما تلاقي ابن اخونا اللي مش معروف ده ابقي عرفنا 

و بعدين بصت لنعمه و قالت 

يلا بينا احنا يا نعمه عشان نسيب الاستاذ اشرف يشوف شغله 

و فعلا قاموا هما الاتنين و خرجوا من المكتب واول ما خرجوا قالت نعمه

مش دي البنت اللي قولتي عليها ده غلبانه و مسكينه 

قالت صفيه 

طلعت داهيه وانا اللي كنت فاكرها غلبانه 

قالت نعمه بستهزاء 

ونبي طلعتي انتي اللي غلبانه البت ضحكت عليكي يا اختي 

قالت صفيه 

عشان كده اختفت مره واحده 

قالت نعمه 

طبعا لازم تختفي يعني هتفضل ليه بعد ما خدت كل حاجه يا اختي و طلعنا احنا اللي خايبين 

قالت صفيه 

لا ده مستحيل يحصل إلا علي جثتي 

قالت نعمه 

هنعمل ايه يعني 

قالت صفيه 

هنخلص منهم 

اتكلمت نعمه بصوت عالي شويه وقالت 

ايه نخلص من مين يا صفيه 

اتكلمت صفيه وهي بتبص حواليها و بتقول 

انتي اتجننتي يا نعمه وطي صوتك ولا عايزه حد يسمعنا تعالي نروح و نتكلم في بتنا يلا 

راحت صفيه خدت نعمه من ايديها و مشيوا راحوا عند القصر و طبعا باين علي وشهم أن في مصيبه حصلت المهم اول واحده شافتهم كانت نواره و قالت ليهم 

في ايه مالكوا انتو عاملين كده ليه

اتكلمت صفيه و قالت 

مصيبه يا نواره 

قالت نواره 

مصيبه ! مصيبه ايه يا صفيه ما تقولي علي طول 

راحت نعمه غمزت صفيه في ايديها وتكلمت هي وقالت 

لا يا حبيبتي متشغليش بالك انتي بالكلام ده 

قالت صفيه 

لا يا نعمه نواره تعرف كل حاجه يا اختي دي بنتي و مستحيل اخبي حاجه عنها 

قالت نواره 

هو في ايه بالظبط 

اتكلمت صفيه و قالت 

طلع خالك عنده ابن يا اختي 

اتكلمت نواره باستغراب و قالت 

نعم يا اختي عند ابن ايه يا صفيه انتو كبرتوا ولا ايه 

قالت صفيه 

يا بت اتلمي انا مش نقصاكي 

قالت نواره 

ايوه يعني عنده ابن ازاي بعد اللي انتوا عملتوه مع مراته ده مش فاهمه 

قالت نعمه 

لا يا اختي هو مش منها هي 

قالت نواره 

امال من مين 

قالت صفيه 

من وارده يا اختي 

قالت نواره 

نعم ..... الخدامه 

قالت نعمه 

ايوه يا اختي 

قالت نواره 

 خالي يبص للخدامه ده طلع زباله 

قالت نعمه 

ربنا يحرقه في نار جهنم بحق جاه النبي 

قالت صفيه 

سبوكوا بقي من الكلام الفاضي ده و فكروا هتعملوا ايه في المصيبه دي 

قالت نواره 

ازاي محدش منكوا يعرف حاجه عن الموضوع ده 

قالت نعمه 

و هو علي كان من امته و هو بيتكلم عن حاجه تخصه يعني 

قالت نواره 

طيب و ورده مش دي اللي انتو جايبنها 

قالت صفيه 

اه يا اختي وانا اللي قولت هنجبها عشان نخلص من مراته طلعت هي العن منها 

قالت نواره 

طيب و الواد ده عنده كام سنه يعني 

قالت نعمه 

محدش يعرف حاجه عنه 

قالت نواره 

ازاي امال المحامي ده مقلش حاجه عنه 

قالت صفيه 

لا قال ايه هيدور عليه عشان مش هيعرف يفتح الوصيه من غيره 

قالت نواره 

خلاص لما نلاقيه يبقي نخلص منهم 

قالت نعمه و هي متعصبه 

هو ايه اللي نخلص منه هو انتوا عندكوا القتل سهل اووي كده 

قالت نواره 

مالك يا خالتي انتي هتمثلي عليا ولا ايه ولا نسيتي اللي عملته مع مرات خالي واللي حصل مع خالي نفسه 

اتكلمت نعمه بعصبية وقالت 

لا يا اختي انا معملتش حاجه دي امك هي اللي خططت لكل حاجه 

اتكلمت صفيه بعصبية و بصوت عالي وقالت 

لا.  بقولك ايه احنا في الهوى سو اه انا اللي خططت وانتي اللي نافذتي كل حاجه ولا ايه مبلاش نتكلم يا نعمه 

و هما كانوا بيتخانقوا دخل عليهم ............... 

تابع 

           بقلم سحر حسين عزت

❤️ بسم الله الرحمن الرحيم ❤️ 

الحربايه 

               بقلم سحر حسين عزت 

البارت السادس 

و هما كانوا بيتخانقوا دخل عليهم ............... 

دخلت ريتاج و شافتهم و سمعتهم بس طبعا مكنتش فاهمه حاجه بس اتكلمت وقالت 

ايه يا جماعه في ايه بالظبط مالكوا 

الكل سكت و بصوا عليها بصدمه و طبعا كانوا خايفين لحسن تكون سمعت اي حاجه عن كلامهم المهم اتكلمت نعمه و هي بتتحرك نحياتها  و قالت 

اهلا وسهلا بيكي يا حبيبتي 

اتكلمت ريتاج و قالت 

ازيك يا ماما هو في حاجه معاكوا ولا ايه 

اتكلمت نعمه و هي بتبص علي صفيه و نواره و قالت 

لا يا حبيبتي ده احنا كنا بنتناقش بس بصوت عالي شويه مش كده يا صفيه 

اتكلمت صفيه و قالت 

اه طبعا و بعدين ما انتي عارفه أن امك صوتها عالي من يومها 

اتكلمت ريتاج و قال 

امال ايه يا خالتي اللي انتي خططتي ليه و ماما نفذته 

الكل بص عليها و كانت نعمه خايفه و بعدين اتكلمت وهي متوتره و قالت 

انا ..... انا معملتش حاجه دي خالتك 

وبعد ما نعمه قالت كده اتكلمت نواره بسرعه و قالت 

بقولك يا ريتاج دي حاجه بين الاخوات انتي مالك تعالي يلا عشان تشوفي انتي هتقعدي في فين بالظبط 

ريتاج بصت لنعمه و قالت 

انتي كويسه يا ماما 

اتكلمت صفيه وهي رايحه تقف جانب نعمه و بعدين حطت اديها علي كتف نعمه و داست عليه شويه و قالت 

امك كويسه جدا يا بنتي متخافيش عليها روحي انتي مع نواره وانا هخلي بالي منها كويس 

تكلمت  نواره و قالت 

تعالي يا ريتاج نطلع علي الاوضه عشان ترتاحي شويه و سبيهم هما يتكلموا براحتهم 

راحت ريتاج مع نواره و سبتهم لوحدهم و بعد ما طلعوا فوق و دخلوا الاوضه اتكلمت ريتاج و قالت 

نواره هو في ايه بين ماما و خالتو 

اتكلمت نواره و قالت 

سيبك منهم يا بنتي و ما تشغليش بالك انتي بيهم المهم احنا نتمتع بالقصر ده 

اتكلمت ريتاج باستغراب و قالت 

نتمتع بالقصر ! حتي انتي يا نواره 

قالت نواره 

حتي انا ايه 

قالت ريتاج 

انا مش عارفه انتوا ازاي بتتمتعوا بالقصر و صاحبوا مش موجود 

قالت نواره 

يا بنتي افهمي احنا بقينا صحاب القصر و مش بس القصر لا ده كمان الشركات و العماير و كل حاجه بقت بتاعتنا احنا 

اتكلمت ريتاج و قالت 

بقت بتاعتكوا انتوا انا مش عايزه منها اي حاجه 

قالت نواره 

شكلك فقريه و مش وش نعمه باي بقي 

و سبتها نواره و مشيت راحت ريتاج و طلعت صوره خالها فضلت تتكلم مع صور و تقول 

ربنا يرحمك يا خالي والله انا مش عارفه انت ازاي كنت مستحمل اللي انت عشته ده كله 

و بعدين سابت صوره خالها فضلت تتكلم مع نفسها تاني و قالت 

ربنا يسترها لما ماما و خالتي يعرفوا السر اللي خالي كان مخبيه عليهم انا مش عارفه هيبقي رد فعلهم ايه لما يعرفوا أن خالي عنده ابن من واحده تانيه 

طبعا ريتاج كانت عارفه كل حاجه عن حسن ابن خالها وهي متعرفش أنهم عرفوا و لا هما يعرفوا أنها عارفه حاجه المهم تعالوا بقي نشوف ايه اللي حصل مع صفيه و نعمه تحت 

بعد ما البنات مشيوا اتكلمت صفيه و قالت 

بقي كده يا نعمه تتخنقي معايا قدام البنات طيب نفترض بنتك كانت سمعت كل حاجه دلوقتي كنت هترتاحي يعني 

ردت نعمه و قالت 

مش انتي اللي بداتي لا وكمان عايزه تلبسيني كل حاجه لوحدي و تخرجي انت من الموضوع نضيفه 

قالت صفيه 

لا يا اختي احنا شركا في كل حاجه حصلت دي بس كانت ساعه شطان متخافيشي و بعدين انت اختي و حبيبتي يا نعمه انا مقدرش علي زعلك 

وهي بتتكلم جت نواره و قالت 

ايه يا ماما انتوا لسه بتتخانقوا 

ردت صفيه و قالت 

لا يا نواره مش بنتخانق ولا حاجه دي ساعه شيطان و راحت لحاله و ربنا ما يجيب لنا زعل ابدا ان شاء الله 

اتكلمت نعمه و قالت 

امين يارب و أن شاءالله مش هنخسر بعض ابدا 

اتكلمت نواره و قالت 

انتو عاملته كده ليه يعني محدش شافكوا و انتو بتقتلوا الراجل و هتخلوا الناس كلها تشوفكوا وانتوا بتتخانقوا علي مين اللي قتله 

اتكلمت نعمه و قالت 

انتي يا بنتي وطي صوتك لحسن ريتاج تسمعك 

اتكلمت نواره و قالت 

لا يا خالتو متخافيش بنتك قاعده في الاوضه بتاعتها و قلباها مناحه 

اتكلمت صفيه و قالت 

والله يا نعمه انا مش عارفه بنتك دي كئيبه ليه كده 

اتكلمت نعمه و قالت 

والله انا مش عارفه اعمل معاها ايه بس يلا بقي بنتي 

و هما كانوا بيتكلموا اتصل المحامي و ردت عليه صفيه و قالت 

الو يا استاذ أشرف خير 

رد اشرف و قال 

الو يا هانم انا لقيت ابن علي اخوكم 

قالت صفيه  

بجد ونبي طيب بركه انك لقيته 

اتكلم اشرف و قال 

طيب أن شاءالله هبقي اجيبه معايا و تتكلموا مع بعض في الوصيه براحتكوا 

قالت صفيه 

ماشي واحنا في انتظارك يا استاذ أشرف 

قال أشرف 

طيب أن شاءالله احنا نص ساعه بالظبط و هنكون عندكوا 

قالت صفيه 

ماشي و انا و نعمه هنكون في انتظارك أن شاءالله  

قال أشرف 

ماشي مع السلامه 

قالت صفيه 

مع السلامه يا استاذ أشرف 

و بعد كده قفلت صفيه التلفون اتكلمت مع نعمه و نواره و قالت 

افرحي يا اختي انتي و هي أشرف لقي ابن اخوكي 

اتكلمت نعمه و قالت 

يا ادي المصيبه و هنعمل ايه بقي 

اتكلمت نواره و قالت 

مصيبه ليه بس يا خالتو الموضوع سهل ابقي اتفقوا معاه و ارمي له قرشين و خلاص لو يعني مش عايزين تخلصوا منه 

اتكلمت نعمه و قالت 

نخلص منه ده ايه يا بت هو انتي بتكلمي رايا و سكينه ما تشوفي بنتك يا صفيه 

اتكلمت صفيه و قالت 

بس يا نواره و مش كل شويه تقولي كده يا بت احنا فعلا ممكن نديلوا قرشين و يتكل علي الله 

ردت نعمه و قالت 

طيب لو طمع اكتر بقي يا ناصحه منك ليه 

قالت صفيه 

ساعتها بقي يا نعمه مش قدمنا غير الحل التاني 

قالت نواره 

بقولكوا ايه اصبروا شويه لما يجي و ساعتها نقرر نعمل معاه ايه 

قالت صفيه 

ماشي لما نشوف اخرتها ايه 

و فعلا فضلوا قاعدين و مستنين و بعد شويه جرز باب القصر رن و راحت نواره تفتح الباب و اول واحد دخل كان المحامي و قال 

السلام عليكم ورحمه الله وبركاته 

ردت نواره و قالت 

و عليكم السلام ورحمه الله وبركاته انت مين 

قال أشرف 

انا أشرف محامي استاذ علي الاستاذه صفيه موجوده 

قالت نواره 

ايوه موجوده اتفضل 

دخل المحامي و جت نواره تقفل الباب اتكلم المحامي و قال 

لا استني يا بنتي معايا حد تاني 

راحت نواره فتحت الباب تاني و اتكلم المحامي و قال 

تعالي يا استاذ حسن اتفضل 

دخل حسن و اول ما شفته نواره فضلت بصه عليه و معرفتش تنزل عنيها من عليه لحد ما دخل القصر و طبعا لما شافته نعمه و صفيه اتصدموا عشان كانوا عارفينه قبل كده المهم اتكلم حسن و قال 

السلام عليكم ورحمه الله وبركاته 

اتكلمت صفيه و قالت 

انت ايه اللي جابك هنا يا ابني انت 

اتكلم اشرف و قال 

ده حسن ابن اخوكم انتو تعرفوا بعض قبل كده 

اتكلم حسن و قال 

ازيكوا يا جماعه عاملين ايه 

اتكلمت نعمه و قالت 

انت ابن اخويا 

رد حسن و قال 

ايوه مش انا قولتلكوا قبل كده يا جماعه بس انتوا رفضتوني في الاول 

بصت نعمه و صفيه لبعض و كانت نواره واقفه متنحه و بصه عليه المهم اتكلم اشرف و قال 

طيب يا جماعه ممكن نقعد و نتكلم بدل ما احنا واقفين كده 

تكلمت نواره و قالت 

اه طبعا اتفضلوا ايه يا ماما انتي و خالتو معقوله هنسيب الناس واقفه كده 

استغربت صفيه من رد فعل نواره و قالت 

لا طبعا يا بنتي و هي دي تيجي اتفضلوا 

الكل قعد و بدأ المحامي  يتكلم و قال 

ربنا يرحم الاستاذ علي كان طول عمره بيحلم أن يجمعكوا مع بعض كده 

اتكلم حسن و قال 

ربنا يرحمه كان علي طول بيكلمني عنكو 

اتكلمت صفيه و قالت 

امال امك ورده فين 

اتكلم حسن و قال 

موجوده بس تعبانه شويه 

اتكلمت نعمه و قالت 

لا ألف سلامه زعلتني بجد طيب ليه مجتش معاك دي وحشتنا جدا 

اتكلم حسن و قال 

لا مهي مسافره بره و أن شاءالله شويه كده هبقي أجبها هنا 

نعمه بصت لصفيه و اتكلمت نعمه و قالت 

هتجبها فين يا حبيبي 

رد حسن و قال 

هجبها هنا تعيش معانا 

اتكلمت صفيه و قالت 

و ماله يا خويا 

اتكلمت نواره و قالت 

انا نواره بنت عمتك يا حسن 

اتكلم حسن و قال 

ازيك يا نواره اخبارك ايه 

قالت نواره 

انا تمام قولي يا حسن انت كنت مسافر فين 

قال حسن 

انا كنت في امريكا انا فضلت هناك عمري كله 

اتكلمت نواره و هي فرحانه و قالت 

امريكا حلو ده امال انت بتتكلم عربي كويس كده ازاي 

اتكلم حسن و قال 

السبب في ده كان بابا و ماما كانو دايما بيتكلموا معايا بالعربي عشان منساش اصلي 

قالت صفيه بصوت واطي 

لا و هما كانوا عندهم اصل اووي 

بعد ما قالت كده نزلت ريتاج و قالت 

السلام عليكم ورحمه الله وبركاته 

بعديها طبعا الكل بس و اتكلمت نعمه و قالت 

تعالي يا ريتاج سلمي علي ابن خالك 

وقف حسن و بس وراه و ريتاج راحت ناحيته و اول ما شافوا بعض اتكلمت ريتاج و قالت .............. 

تابع 

           بقلم سحر حسين عزت

❤️ بسم الله الرحمن الرحيم ❤️ 

الحربايه 

               بقلم سحر حسين عزت 

البارت السابع 

وقف حسن و بس وراه و ريتاج راحت ناحيته و اول ما شافوا بعض اتكلمت ريتاج و قالت .............. 

حسن 

اول ما ريتاج قالت كده نعمه / و صفيه / و نواره اتفاجئوا جدا و بعدها اتكلم حسن وقال 

ازيك يا ريتاج عامله ايه 

اتكلمت ريتاج و قالت 

انا كويسه انت ايه اللي جابك هنا 

رد حسن و قال 

انا جيت عشان اعيش معاكوا 

بصت ريتاج علي امها و خالتها و قالت 

تعيش هنا 

اتكلم حسن و قال 

اه هو في مشكله ولا ايه 

اتكلمت ريتاج و قالت 

لا طبعا ده بيتك يا حسن و طبعا لازم تكون موجود هنا براحتك 

اتكلمت نعمه و قالت 

هو انتو تعرفوا بعض يا ولاد ولا ايه 

رد حسن و قال 

ايوه طبعا أنا اعرف ريتاج كويس جدا 

طبعا الكلام كان صدمه كبيره بالنسبة للكل المهم اتكلم المحامي وقال 

طيب كويس أن في حد يعرفك هنا يا ابني ده هيخليكوا تاخدوا علي بعض اسرع 

اتكلم حسن وقال 

انا شوفت صورهم كلهم مع بابا بس بصراحه اماره واحده كنت بكلمها معظم الوقت هي ريتاج 

اتكلمت نواره بغضب و قالت 

كمان يعني انتي يا ريتاج كنت عارفه أن انا عند ابن خال وما قلتليش 

اتكلمت ريتاج و هي خايفه عشان طبعا عارفه ايه اللي هيحصل معاها من امها المهم قالت 

والله انا مليش دعوه ده خالي هو اللي قالي أن مقولش لحد اي حاجه 

اتكلم اشرف و قال 

اهدي يا جماعه الاستاذ علي فعلا مكنش عايز يعرف اي حد اي حاجه عشان كان حابب يعملها مفاجاه للكل 

اتكلمت صفيه و قالت 

لا و هي ده مفاجاه عاديه دي احلي مفاجاه 

اتكلمت نعمه و قالت 

اه طبعا مفاجأة جميله و خصوصا المفاجأة اللي عملتها ريتاج بنتي 

و بعد كده بصت لريتاج بغضب و نواره و صفيه كانوا مدايقين من اللي بيحصل قدامهم المهم اتكلم المحامي و قال 

طيب يا جماعه استأذن انا بقي و أن شاءالله يومين كده ولا حاجه و هنبقي نتكلم في الوصيه 

اتكلمت صفيه و قالت 

طيب اتفضل انت يا استاذ أشرف 

و فعلا مشي اشرف و بعد اتكلمت نعمه و قالت 

وانت يا ابني اطلع ريح فوق شويه 

اتكلم حسن و قال 

طيب بعد ازنكوا لو سمحت كنت حابب اخد الاوضه بتاعت بابا لو مش هدايق حد 

اتكلمت صفيه و قالت 

اه يا حبيبي بس الاوضه دي بقت بتاعتي انا دلوقتي  

اتكلم حسن و قال 

بس انا كنت حابب افضل فيها علي الاقل احس بتواجد بابا حواليا 

اتكلمت صفيه و قالت 

ماشي يا حبيبي روح بس ارتاح في أي اوضه تانيه و نبقي نشوف موضوع الأوضه بتاعت ابوك دي بعدين 

اتكلم حسن و قال 

طيب بعد ازنكوا يا جماعه 

و فعلا سابهم حسن و طلع علي فوق و اول ما طلع اتكلمت ريتاج و قالت 

طيب انا همشي انا كمان 

اتكلمت نعمه و قالت 

لا يا روح امك تعالي معايا انا عايزاكي تعالي 

و مسكت ريتاج من ايديها و خدتها و مشيت راحت علي الاوضه بتاعتها و اول ما دخلت رفعت نعمه اديها و ضربت ريتاج بالقلم علي وشها و بعديها مسكتها من شعرها و قالت 

يعني انتي كنتي عارفه أن خالك متجوز واحده تانيه لا و كمان مخلف منها ولاد و معرفتنيش 

اتكلمت ريتاج و هي بتعيط 

انا مليش دعوه والله يا ماما ده خالي هو اللي اوعي تعرفي اي حد اي حاجه عن الموضوع ده وانا كان لازم اعمل كده انا وعدته اني مش هعرف حد 

اتكلمت نعمه و هي غضبانه و قالت 

و هو انا اي حد يا بت انا امك و كان لازم انا اول واحده اعرف الموضوع ده شكلي كده معرفتش اربيكي من الاول 

اتكلمت ريتاج و قالت 

انا مليش دعوه خالي كان خايف منكوا و كان خايف حد منكوا يأذي حسن أو حتي مراته 

اتكلمت نعمه و هي متعصبه جدا و قالت 

متقوليش مراته دي تاني مراته دي كانت خدامه هنا في البيت انتي فاهمه يعني ايه خدامه 

اتكلمت ريتاج و قالت وهي بتعيط 

ايوه عارفه و خالي لما اتجوزها خدها و سفرها بره و كان خايف منك انتي و خالتي صفيه 

اتكلمت نعمه باستغراب 

انتي طلعتي عارفه كل حاجه عن خالك 

اتكلمت ريتاج و قالت 

ايوه انا عرفت كل حاجه عن خالي و انتي بقي 

اتكلمت نعمه و قالت 

و انا انا ايه يا بت 

اتكلمت ريتاج و قالت 

و انتي كنتي فين يا ماما لما خالي كان تعبان و بيموت هااا كنتي فين ولا حتي عمتي صفيه انتوا كل اللي فارق معاكوا انكوا تتمتعوا بفلوسه و بس و هو مش مهم معلش انتي جايه تحسبيني دلوقتي ليه هااا 

اتكلمت نعمه و قالت 

انتي فعلا محتاجه تتربي من اول و جديد 

و راحت نعمه و فضلت تضرب في ريتاج و كأنها بتخرج كل الزعل اللي كان جواها فيها هي 

تعالوا بقي نشوف صفيه و نواره كانوا بيعملوا صفيه و نواره كانوا قاعدين في مكانهم و اتكلمت نواره و قالت 

شوفتي يا صفيه السوسه اللي اسمها ريتاج طلعت عارفه كل حاجه 

اتكلمت صفيه و قالت 

دي طلعت سوسه فعلا و تفتكري يا بت يا نواره تعرف ايه تاني 

اتكلمت نواره و قالت 

مش عارفه بس هي سوسه و تتوقعي منها اي حاجه 

اتكلمت صفيه و قالت 

اه يخوفي منها دي 

اتكلمت نواره و قالت 

طيب و تفتكري خالتي نعمه هي كمان تعرف حاجه عن الموضوع ده 

اتكلمت صفيه و قالت 

لا يا بت ما اعتقدش خالتك متعملش كده 

اتكلمت نواره و قالت 

و نبي يا صفيه انتي غلبانه و علي نياتك تلاقيها تعرف كل حاجه و بتمثل عليكي 

اتكلمت صفيه و قالت 

لا يا بت مش لدرجه دي احنا برضوا اخوات 

ضحكت نواره ضحكه خبيثه و قالت 

اخوات ! قال اخوات قال هو مش خالي علي ده كان اخوكوا برضوا ولا أنا متهيا لي 

سكت صفيه شويه و بدأت أفكر في كلام نواره و كانت نواره هي اللي بتتكلم و قالت 

اسمعي مني يا صفيه الاخوات دي مجرد كلمه انما في المصلحه الكل بينسي امه مش اخوه 

بعد شويه اتكلمت صفيه و قالت 

طيب وايه مصلحه نعمه في حاجه زي دي بقي 

ضحكت نواره و قالت 

ازاي بقي طبعا ليها مصلحه و مصلحه كبيره كمان 

قالت صفيه باستغراب 

ازاي يا بت متتكلمي علي طول 

اتكلمت نواره و قالت 

هقولك يا صفيه عشان بس مش عايزاكي تفضلي علي نيتك علي طول 

قالت صفيه 

قولي يا قلب امك نوريني 

قالت نواره 

بصي يا ستي هقولك لما نعمه تعرف أن خالي عنده ابن كبير و مز زي حسن كده لا و كمان هيبقي اغني واحد لما خالي يموت يبقي لازم تخبي عليكي 

اتكلمت صفيه و قالت 

ايوه هتخبي عليا ليه انا مش فاهمه يا بت 

اتكلمت نواره و قالت 

يالهووي لا يا صفيه فتحي مخك معايا كده هي مش نعمه عندها بنت واحده 

قالت صفيه 

ايوه يا ام لسان طويل 

قالت نواره 

طيب و بنتها علي وش جواز و حسن كمان علي وش جواز 

اتكلمت صفيه و قالت 

اه ايوه انا كده فهمت يالهوي عليكي يا نعمه يبقي انتي بتعملي كل ده عشان تجوزي الواد للبت بنتك 

قالت نواره 

و لو ده حصل يا ست الكل يبقي نعمه و بنتها هما اللي هياخدوا كل حاجه وانا وانتي هنقي في الشارع يا صفيه 

اتكلمت صفيه و قالت 

لا ده علي جثتي أنه يحصل يا بنت بطني 

اتكلمت نواره و قالت 

يبقي ايه الحل بقي يا صفيه 

قالت صفيه 

مش عارفه يا نواره سبيني افكر مع نفسي انا حاسه ان عقلي هيقف من كتر الصدامات يا اختي 

قالت نواره 

ولا اي حاجه ولا تتعبي نفسك في التفكير يا قلب نواره انا عندي فكره حلوه 

قالت صفيه 

قولي يا ام دماغ سم  انتي 

قالت نواره 

بقي كده طب خلاص روحي انتي بقي فكري لوحدك و خليهم يضحكوا عليكي 

قالت صفيه 

لا خلاص قولي و بعدين انا بسمع كلامك في كل حاجه انتي عارفه 

قالت نواره 

ماشي وانا هقولك هنعمل ايه بالظبط عشان نطير نعمه و بنتها من هنا 

قالت صفيه 

ده انتي بنتي بصحيح قولي يا قلب امك 

قالت نواره 

بصي يا ستي احنا هنلعب نفس اللعبه اللي كانت هتلعبها نعمه و بنتها 

قالت صفيه 

لا براحه عليا كده انا مش فاهمه منك حاجه يا بت 

قالت نواره 

بصي انا هفهمك دلوقتي ابن خالي بقي موجود معانا هنا صح 

قالت صفيه 

للاسف صح 

قالت نواره 

لا دي احلي حاجه أنه موجود هنا بصي انا هلعب عليه و هخليه يحبني و هخليه يجي يطلبني منك كمان و ساعتها هنقي احنا الكل في الكل و ده لو حصل يبقي نعمه و بنتها بر 

قالت صفيه 

ايوه بس متنسيش أن ده ابن خدامه وانا مش عايزه جوازه زي دي ليكي 

قالت نواره 

مين ده اللي ابن خدامه فكره ده هيبقي معاه فلوس اد ايه و صدقيني هتلاقي خالي كتب كل أملاكه لحسن 

قالت صفيه 

يا لهوي انتي بتقولي ايه يا بت دي تبقي مصيبه 

قالت نواره 

مش محتاجه تفكير يا صفيه يعني علي كان نفسه يخلف ولما يخلف مش هيكتبله كل حاجه طيب تيجي ازاي 

قالت صفيه 

طيب ده لو حصل هنعمل ايه 

قالت نواره 

ساعتها انا اللي هعمل مش انتي يا قلبي انا بس عايزاكي تهدي و تفضلي مبسوطه يا قلب نواره 

و هما بيتكلموا حصلت مصيبه ................ 

تابع 

           بقلم سحر حسين عزت

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺