رواية رحيم الفصل الاول والثاني والثالث بقلم جيجي حصريه وجديده على مدونة النجم المتوهج

رواية رحيم الفصل الاول والثاني والثالث بقلم جيجي حصريه وجديده على مدونة النجم المتوهج 

رواية رحيم الفصل الاول والثاني والثالث بقلم جيجي حصريه وجديده على مدونة النجم المتوهج 

 اترمى من أمه وجوزها.... وهرب وهو صغير… لكن رجوعه بعد السنين كشف حقيقة صدمت حتى اللي ظلموه!

اللى حصل... 

فى كوخ فى مكان اشبه بالصحرا كانت واقفه ست فى الخمسين دى حليمه وبتحط حطب كتير على ضهر ولد ١٠ سنين وبتقول.. انت بقيت ضعيف قوى يا واد شد شويه..

الولد.. ده كتير قوى يا اما 

حليمه.. جاك مو شد يلا 

بقى يمشى بالحطب بصعوبه لحد ماوصل الكوخ 

 وبقى يكسر الحطب ويشعل النار... جيه راجل فى الستين ده سعد جوز حليمه وقال.. يا وليه حرام عليكى هتكسرى ضهر الواد خفى عليه شويه..

حليمه... ما لكش دعوه انت... رحيم خلص وحضر الاكل يلا..

راح حضر الاكل وجابو.. ادتلو طبق وحطتهولو على الارض وقعدت هى على الطاوله مع سعد تاكل... رحيم كان قاعد على الارض بيبصلهم بحزن.. وبيفتكر فى يوم نزل معاها على السوق وكانت كل ام ماسكه ايد ابنها وماشيه بيه وبشتريلو الحجات وهى حتى ما بتئكلهوش معاها.. 

حليمه... بتبصلنا كده ليه... فجعان مش حطينلك طفح فى طبقك 

رحيم... لا ولا حاجه...

حليمه...  يلا احنا خلصنا عشا هنخش ننام ابقى اغسل المواعين بسرعه وروح اتخمد ها على طول.. 

رحيم..ماشى..  

وغسل المواعين ولم الاكل ونام فى يوم جديد كانت حليمه طلعت وهو بقى يلم الكوخ وقع صندوق فيه كراكيب قديمه بقى يلمها بسرعه بس وقعت عينه على كارت وكان مكتوب عليه دار الامل لرعاية الاطفال.. مسك الكارت شويه وقال.. 

ده ملجا... اكيد.. اكيد انا مش ابنها.. عشان كده بتعاملنى وحش 

بس حليمه قالت من وراه... نهار ابوك مش فايت انت كسرت الحجات اللى فى الكرتونه انت مش عارفه الحجات دى مهمه ازاى دى فيها ورق وحجات  بتمنك يا مصدى.. 

وبقت تهز فيه وتقول.. بحترتو.. وقعتو.. مش تخلى بالك 

رحيم بدموع... انا مش ولدك صوح.. 

حليمه.... وانت لو ولدى كنت طلعت اهبل وفاشل كده انت لقيط انا جيباك من الملجأ عشان تسلينى... وما نفعتش مطلع عينى معاك غور... غور.. 

وزقتو وبقت تلم الحجات وتقول... ما فيش ولا حاجه فالح فيها نهائى بنى ادم غبى..

طلع من عندها وفى ايدو الكارت ومشى والدموع فى عيونو... باليل استناهم ينامو وهرب منهم وهو مش عارف رايح على فين فضل يمشى مسافه كبيره لحد ما لقى راجل بيصيد السمك.. ده جمال ومعاه بنتو ٦ سنين بتقول بحماس.. 

شاطر يا بابا يلا جيب سمك كمان... بابا بطل الصيد...

رحيم بصلهم بدموع... وابوها قال.. 

شكل الشبكه اتعبت اجرى هات السبت التانى بسرعه يلا 

رحيم جرى مسك السبت بس البنت مسكت فيه وقالت... 

سيب السبت بتاعنا يا حرامى..  رايح بيه فين.. 

رحيم.. انا مش حرامى انا كنت هجبهولك.. 

البنت... وتجبهولى ليه انا انشليت.. 

جمال.. بس يا جورى عيب... تعال يا حبيبى انت عايز سمك.. 

رحيم.. لا.. انا مش معايا فلوس اصلا عشان اخد 

جورى... شحات  يعنى حرامى وكمان شحات..

رحيم.. قولتلك انا مش حرامى انتى طرشه ولا غبيه اوف 

جورى... لا حرامى وشحات وحط عليهم قليل ادب وما حدش رباك ها 

جمال... بس يا جورى.. خد اللى عايزو حبيبى من غير فلوس 

جورى.. اهى دى بابا بيقولها للشحاتين.. 

رحيم اخد بعضو ومشى من غير ما يرد...

 جمال..عيب كدا... تعال يا بابا انت فين اهلك..

رحيم... ما عرفش...

جورى شهقة.. ولسه هتتكلم بس رحيم قال معاها بسخريه من طريقتها.. 

كمان ما لكش اهل.. 

وكمل بحده..  عرفت خلاص اكتمى.  

جمال...ليه فين اهلك 

رحيم.. كنت مع ست بتعاملنى وحش هى كل اللى اعرفه هى وجوزها ولما عرفت انى مش ولدهم وجابونى من ملجأ... هربت منهم وقولت هدور على اهلى وادينى بدور 

جمال... لا حول ولا قوة الا بالله مش يمكن كانت بتهزر معاك... انا بقول لجورى لقيتك مع السمك.. 

جورى بغيظ... بابا ما تقلوش اسرارى لحد من فضلك.. 

رحيم... لا بس باين انك ابوها 

جمال.. طب انت تعرف حاجه عن اهلك.. هتلاقيهم ازاى 

٢... جمال.. طب انت تعرف حاجه عن اهلك.. هتلاقيهم ازاى

رحيم... مش عارف لسه 

جمال... طب تعال احنا مروحين اقعد معانا لحد ما نشوف ايه اللى هيتم..  

جورى... ياجى فين هى المشرحه ناقصه قتله... انت لاقى تاكلنا اما هتجبلنا واحد تانى.. 

جمال.. جورى وبعدين.. 

رحيم.. لا يا عمو انا اصلا ماشى اللى خلقنى مش هينسانى 

جورى.. يا كهنو.. 

رحيم.. اوف 

جمال.. جورى.. 

جورى.. تمام انخرصت 

جمال.. يستحسن... يلا بس.. رب هنا رب هناك تعال معانا وتتسهل.. 

وراحو كلهم على البيت... وكان معاهم اخت اكبر من جورى بسنتين.. دى اسماء... قالت..

 تعال نلعب سوا.. بالكوره مش الولاد بتحب الكوره 

رحيم.. ما جربتش العبها بس كنت بشوف الولاد بتلعبها 

اسماء.. ازاى ما لعبتهاش.. 

رحيم... اصل انا ما كانش عندى وقت بصحى الم الحطب ولم الكوخ واعمل الغدا ونضف المواعين والمكان وابتدى اجهز للعشا واكسر الحطب اللى جبتو للنار عشان يتدفو واجهز الفرش اللى هننام فيها.. ده غير غسيل الهدوم

اسماء.. انت كنت بتعمل كل ده لوحدك.... حرام انت صغير قوى على الجات دى.. على كلا تعال اعلمك.. تاجى معانا يا جورى..

جورى... غورى يا بت 

اسماء.. انتى حره.. 

وطلعو وبقو يلعبو... 

رحيم..  مش عارف مالها مش طيقانى ليه.. 

اسماء... عشان انت ولد 

رحيم.. تكرهنى عشان ولد 

اسما..  بابا كان نفسو يخلف ولد وجابنا بنتين قال خلاص كفايه كده.. ف هى بتنزل تساعده كأنها ولد مش عايزه تقتنع بالفرق.. وخايفه يعنى اما يشوفك يقول لو كانو ما جوش وجبت ولدين.. مع ان بابا عمرو ما قال كده بس كان قال انو كان نفسو فى ولد... بس عمرو ما قلل مننا بس هى كدا بنت بدماغ جزمه

رحيم... امم طب وانتى.. 

اسماء.. لا انا اتفه من كده.. عادى مش فارق.. 

رحيم.. طب شوطى..

وعدى ٩ سنين عليه وهو بينهم وحس بسعاده اخير بقى وسط عيله ما حسش انو غريب لانهم كانو بيعاملوه كواحد منهم...  عدا جورى قاعده بدماغ الجزمه اللى عندها.. هو بقى ١٩ سنه.. وجورى ١٥ .. المهم.. كان نازل مع جمال الشغل وكل ما ياجى يساعدو جورى تاخدو منو  بسرعه وتديها لوالدها هى..  لحد ما جيه يشيل صندوق تقيل شويه.. جات تاخدو منو قال بسرعه...

بت ما تعصبينيش... سيبينى اشيلو تقيل عليكى

جورى... ليه ما انا كنت بشيلو قبل ما تاجى.... ولو ما جيتش كنت هشيلو وجودك عادى زى غيابك وسع بقى.. 

جمال... جورى عيب كدا فى ايه...

جورى بضيق...  فى ايه انت شويه وهتقولى خليكى مع امك وهاخد زفت ده معايا... خلاص عشان لقيت الولد اللى كنت عايزو هتسيبنى انا بنتك.. 

جمال... اسيبك ليه بس... انا ما كنتش عايز ولد عشان احبو اكتر منكم... كنت عايز ولد يخلى بالو معايا عليكم ولما اموت اسيبو سند ليكم بعدى.... يعنى كنت عاوزو ليكم مش ليا.. وسيبى الواد كفايه جنان 

جورى... طلعت مجنونه عشان خلاص بيقى يساعدك ماشى اشبع بيه.. 

وسابتو ومشيت.. 

رحيم..  كمل لوحدك النهارده يا ريس... 

ومشى وراها وبقى يقول....  بت وقفى ما تمشيش لوحدك 

جورى... حل عنى 

رحيم... جاكى حل وسطك يا بعيده اقفى يا بت.. 

ومسكها من دراعها وقال... ايه براحه على نفسك شويه.. 

جورى.. عايزه ارجع 

رحيم... تمام تعالى هرجعك 

جورى... انا بعرف ارجع لوحدى شكرا 

رحيم... لا هرجع معاكى...

مشى معاها وهو بيقول...

 ليه بتكرهينى قد كدا... انا حتى لو كنت بنت كان ابوكى هياخدنى عندو هو عارف انى  مش هبقى ابنو وان مسيرى هروح... على راى المثل اللى مربى غير ولدو شبه اللى بانى فى غير ملكو... 

جورى... بس هو من وقت ما  انت بقيت تشتغل معاه كويس بابا استغنى عنى وعايز يبطل ياخدنى معاه الشغل  

رحيم... لا عشان كبرتى حتى لو انا ما جيتش كان هيبطل ياخدك 

جورى.. ليه واذا كبرت عادى اشتغل معاه 

رحيم.. عشان ولاد الحرام ما خلوش لولاد الحلال حاجه وانتى مش فى امان بره.. انتى بنوته حلوه قوى... وغاليه انتى زى الماس.. والماس بيتخبى ما بيتعرضش للناس.. لما تكبرى اكتر هتفهمى 

جورى بكسوف.. فاهمه 

رحيم.. طب امال معذبانا معاكى ليه 

جورى... عشان مش عايزه احس انى عاله عايزه الاقى حاجه اعملهت 

رحيم... انتى مش بتدرسى.. خلصى دراسه وابقى دكتوره واصرفى عليكى انتى واهلك.... وشغلينى معاكى فى العياده ايه رئيك.. 

جورى... ولحد ما تخرج.. 

رحيم..سيبينا نساعدك.. يعنى لما احنا مانساعدكش دلوقت ازاى هنقبل مساعدتك بعدين يلا اهو وصلنا..

امها...  ليه جيتو انتو وسبتو عبدو 

رحيم... راجعلو اهو انا جيت اوصل مع جورى...  قولت اونسها فى الطريق يلا مش هنتاخر احنا 

جورى راحت اوضتها.. وقالت لاسماء..

ايه خلصتى دروسك.

اسماء...  اه وبطبق الهدوم 

جورى.. طلع طيب قوى يا بت يا اسماء وانا كنت عماله ازودها عليه واقولو كلام مش حلو

اسماء.. اسمها كلام سم... تليق اكتر...

جورى.. بس بقى انا بحكيلك بجد.. حاسه ان انا جيت عليه قوي..

اسماء...  النهارده حسيتي بعد ست سنين مطلعه ميتينه 

جورى... ايه الالفاظ دي.. الفاظك يا بنتي في بنت تقول كده..

اسماء.. خير ايه خلاكى غيرتى رئيك.. 

 جورى... قالي انه احنا حاجه غاليه قوي المفروض نخلي بالنا منها.... قال انا زى  الماس والماس بيتخبى ما بيتعرضش  للناس... 

اسماء..  امم طب خدى بالك يا اختى.. ماتفضليش قافله شباكك للهوا.. وتفتحى الباب مره واحده عشان مايخبطكش مره واحده فى وشك يجيبك ورا... 

جورى..  انا غلطانه ان انا بكلمك اصلا...

عدت ٦ سنين عليهم ورحيم تم ٢٥ سنه... وجورى ١٩.. وكانو اتصاحبو جدا.. فى يوم كانو قاعدين سوا فى البلكونه... 

جورى.... انا حابه ادور معاك على اهلك..

رحيم.. ياريت بس هنبدء من فين.. 

جورى.. من عند الست اللي اتبنتك نروحلها ونحاول معاها 

رحيم... مش هترضى تقول... دى شبه الساحره الشريره.. وهى اصلا ما تعرفش.. هى جابتنى من دار الامل...  

جورى... طب ما قلتش ليه... كنا سالنا عنك هناك...

رحيم.. ما هم اكيد ما يعرفوش... ما حدش عارف العيال اللي جوه دي بتاعه مين.. الناس بيحطوا الولد قدامه ويمشوا.... عارفه صندوق الزباله ده مثلا هتلاقيه مليان تقدري تعرفي دي بتاعه مين ودي بتاعه مين كل واحد عنده طفل مش عايزه بيرميه ويمشى.... 

جورى... يمكن حد شافك او كدا.. مش هينفع نسكت لازم نتحرك.. نام دلوقت والصبح باذن الله نبدا رحلة البحث... 

٣....نام دلوقت والصبح باذن الله نبدا رحلة البحث...

في صباح يوم جديد كانو فى الدار وبيحاول يفكر المديره بيه قالت...

 ايوه افتكرتك انت اتبنتك حليمه وحضرتك هربت من هناك...

رحيم.. ايوه بالظبط..

المديره.. ليه دى بتحبك قوي كانت مقطعه روحها بالعياط عليك وفضلت تقول الولد ضاع..

جورى.. المهم  احنا بنسال عن اي حاجه تدل عن اهله 

المديره... والله احنا مع الاسف ما نعرفش اي حاجه خالص  احنا بنصحى من النوم بنلاقي الاولاد قدام الباب ما بنعرفش ده لمين وده لمين..

رحيم... طب ما فيش حد يقدر يدلنا..

المديره...لا احنا كل اللى بنعملو بناخد صوره للطفل بالملامح اللى جيه بيها وبنحتفظ بالهدوم اللى كان لابسها عشان لو حد سال عليه... تقدر تاخدهم.. 

رحيم..  شكرا..

المديره..  العفو.. 

واخدو الحاجه وطلعو من عندها.. 

رحيم... هنروح فين دلوقتي..

جورى...  هنروح لحليمه..

رحيم..  لا مش هروح هناك قلتلك..

جورى... انت خايف ليه انا معاك مش هتضربك دلوقتي بعد ما كبرت وبقيت شحط..

رحيم بتوتر... ايه هو انا خايف تضربني مثلا لا يعني اكيد بس انا مش عايز اروح...

جورى... تعالى بس بلاش هبل...

 بعد فتره كانوا وصلوا عند حليمه وكانت نايمه على السرير وتعبانه

رحيم...  فين سعد...

حليمه ببكى..  مات وسابني لوحدي مافيش اللي يجيبلي كوبايه الميه روحت  اجيب عيل قالولي لا انتى مش قد الامانه ضيعتى الاولانى.. رحيم ٠هرب منى انا لو ما كنتش ضربته..

رحيم...  انا رحيم  فاكراني..

حليمه... حبيبى ازيك مشيت ليه انا كنت بحبك انا كنت بعلمك تقدر تواجه الدنيا الصعبه... 

رحيم... لا  انتوا اللي صعبتوها.. لو كل واحد بطل يصعبها على الناس ما كنتش صعبت.. وانتى لو كنتى عاملتيني زي ابنك ما كنتش هربت منك.. المهم شوفي انا جاي وحاطط امل عليكى عارف كويس قوي انك مش هتفيديني.. بس اخر فرصه... انا عايز اعرف اهلي بدور عليهم عشان اقدر اكمل حياتي تمام تقدري تعرفي اهلي...

حليمه... اه  اللي جابتك هناك واحده اسمها حنان  بنت عيله كبيره قوي اسمها عيله الديب  حطيتك قدام الملجا شفتها وهي بتحطك... كنت برمي الزباله الساعه 2:00 بالليل وهي حطتك انا عارفاها اصل انا كنت بشتغل زمان في خدمه البيوت وشفتها وكنت بخدم فى الملجا شفتها وهي بتحطك كان عندك سنه وقتها.. ليه حطتك وايه تبقالك ما عرفش...

رحيم.. كويس يعنى اللى رمتنى اسمها حنان الديب..

جورى.. ايه العنوان بتاعها.. 

حليمه.. قولو بس بيت عمران الديب هتوصلو..

جورى شكرا يلا بينا.. 

حليمه.. استنو رحيم ارجع اقعد معايا..  انا مش لاقيه حد يجبلى كوباية ميه..

رحيم...  من عمايلك استقوتى عليا لما كنت ضعيف. دلوقت انتى محتجانى وانا هديلك قفايا مش بس ضهرى...

ومشى وقال... ايه دلوقتي.. معانا صورتى ولبسى واسم الست اللى رمتنى.. عايزين نربط كل الاحداث دي ببعض وانا اصلا جزمتي مش عارف اربطها..

جورى... هنروح على بيت الديب ونشوف ايه الدنيا هناك..

رحيم.. وهما هيدخلونا... هقولهم انا اللى رمتونى..

جورى... لا هندخل بطريقه تانيه سيبها عليا بص انت اعمل زى ما هقولك بس الاول هناخد اذن من بابا عشان هنبات ايام بره البيت هنبات فى بيت الديب.. 

وتانى يوم كانو عند بيت الديب.. وكان فى بنتين فى التلاتين.. بيتخانقو مع بعض.. جورى قالت.. 

 احم السلام عليكم

واحده منهم... وعليكم السلام ورحمه الله وبركاته اتفضلوا..

جورى... حضرتك احنا جايين ندور على شغل نلاقيش عندكم..

اهلا انا عليا..  وانتم عايزين تشتغلوا ايه بالظبط..

جورى..  اي حاجه احنا بنشتغل اي حاجه..

التانيه..  انا هنا اللي بشغل مش هي... لان انا الست حنان الديب  صاحبه البيت انا واخويا وبس... دى حايلا مرت اخويا انما انا صاحبة البيت والمال والسلطه وكل حاجه في البيت.. انا اللى بشغل وانا اللى بطرد.. 

جورى بصت لرحيم ورجعت بصتلها وقالت.. اهلا عندك شغل لينا.. 

حنان.. انتوا  متجوزين..

جورى..  اه بس  انا  معايا بطاقتي اللي مكتوب فيها انسه قبل لانى كتبة سنه... اثل هو مش مش مع بطاقه لان هو هرب من الخدمه العسكريه فمش راضيين يطلعولنا بطاقه... 

رحيم كان بيبصلها بستغراب وقال بهمس لجورى.. 

الله يخرب بيتك الموضوع ده انا كنت ناسيه وساكت.. 

عليا قالت...

 ايه يا ابني اللي عملته في نفسك ده ليه تهرب من العسكريه.. كده لا تعرف تسافر ولا تعرف تروح ولا  تيجي لا لا زم تروح تقدم في الخدمه العسكريه يا حبيبي...

جورى... عندك حق... هو لازم يروح ويقدم في الخدمه العسكريه احنا عايزين مكان كده نقعد فيه.. هو وعدني انه اول ما انا استقر والاقي مكان ونقعد.. هيروح على طول يقدم... 

حنان..  هنشغلكم اسبوع ونشوف اذا بقيتوا كويسين هنشغلكم معانا شهرى...

جورى... شكرا يا ست الكل...

حنان... انتى هتشتغلي خدامه وهو هيشتغل معانا يجيب طلبات ينضف الجنينه كده يعنى..

رحيم كان بيبصلها بضيق... بس جورى.. قالت...

جورى.. شرف لينا نشتغل عند حضرتك...

 حنان بغرور... عارفه بس انا متواضعه... يلا روحو على الاوضه دي خدوا شاور وغيروا الهلاهيل دى.. وتعالوا علشان نوريكم الشغل بتاعكم ونديلكم يونيفورم تلبسوه...

جورى..   ماشي..

وطلعو اوضتهم... 

تفاعل يا غوالى بكره باذن الله يمكن يكون الاخير 🥰

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙