رواية الكذب لايخفى الاثار بقلم سيد احمد الشاذلي حصريه وجديده على مدونة النجم المتوهج
رواية الكذب لايخفى الاثار بقلم سيد احمد الشاذلي حصريه وجديده
أمام المرآه
لم تعد الابتسامه تخفي شيئًا…
والدموع تكشف كل الأسرار
كل كذبه تركت أثرها…
كل سر أخفته يلاحقها في كل انعكاس أمام المراه وفي كل مكان
الحقيقه تكشف نفسها بلا رحمه
الكذب لم يخفِى الألم…
ولم يمحى آثار القلب الجريح
تبداء القصه
بدخول اثار الى الكليه
حسام يقف في طريقها
تحاول اثار المرور من جانب اخر ولكن حسام يقوم بفرد زراعيه ويمنعها من المرور
اثار /لو سمحت ممكن تعدينى؟
حسام /لا مش هعديكى
اثار /هندهلك امن الكليه يااستاذ حسام
حسام /كمان عارفه اسمى
اثار /اسمك حسام ضاحى ابن ضاحي بيه صاحب الشركات والمصانع صيط حضرتك مسمع في كل حته
حسام /وتعرفي ايه كمان؟
اثار /اعرف كتير اعرف ان حضرتك من الناس اللي مافيش واحده في الدنيا كلها تتمنى تقف في وشك
حسام /ليه هو انا وحش للدرجه دى؟
اثار /انت وحش كاسر لكل بنت تعرفك كل بنت وهمتها بالحب وضحكت عليها
حسام /دانا على كده اسمى معدى العالميه
اثار /لو سمحت ممكن امشى؟
حسام /معقول تعرفي عنى كل ده وانا ماعرفش حتى اسمك؟
رضوى /مالكش دعوه باثار ياحسام
حسام /اثار هي دى بقا اثار اللي بيحفروا ويدوروا عليها 😂
رضوى/فكك ياحسام منها اثار اهم حاجه عندها دراستها وبس لاهي بتاعت حب ولايدونوا
حسام /هو انتي المتحدث الرسمى بتاعها او بتنوبي عنها في الكلام
رضوى/ايوه ياحسام اخلعها من دماغك لانك مش هتعرف تاكل معاها
حسام /اكل معاها انا هوريكى يارضوى
مين اللي هياكل مع التانى
مشيت رضوى واثار وراحوا قعدوا في كافيه الكليه
اثار /متشكره جدا على تدخلك في الكلام
رضوى /العفو بس خلى بالك حسام مش سهل وطالما حط حاجه في دماغه هيعملها
اثار /قصدك ايه وهيعمل ايه؟
رضوى /حسام واللى زيه ممكن يعملوا اي حاجه تتخيليها او ماتتخيليهاش علشان يوقعك في شباكه وبعد كده يدور على غيرك
اثار /لا ماتخافيش عليه؟
رضوى /الكلمه دي سمعتها كتير من قبل والاخر بيحصل اللي حسام عايزه خلى بالك من نفسك وخليكى شديده معاه واي بنت تجيبلك سيرته اوتعزمك على حاجه اعرفي ان حسام هو اللي مسلطها انها تعمل كده
اثار /كتر الف خيرك على النصيحه
رضوى /اتمنى نكون اصدقاء واخوات
اثار /ليه الشرف
اثار ورضوى بقوا اصدقاء
وكل حاجه بتحصل اثار بتحكيها لرضوى
وحسام بيحاول يوقع اثار بكل الطرق ولكن مافيش طريقه نافعه معاها
اثار ورضوى وسميره قاعدين في كافيه الكليه
حسام راح قعد على الطربيزه معاهم
حسام /عايز اتكلم معاكي
اثار /بتاع ايه تتكلم معايا
حسام /ادينى خمس دقايق من وقتك ونتكلم لوحدنا
اثار /لو حابب تتكلم اتفضل اتكلم؟
حسام /الكلام اللي هقوله يخصك انتى لوحدك ماينفعش حد يسمعه غيرك
اثار /اجيبهالك على بلاطه ومن الاخر كده انا لابتاع حب ولابتاع حورات عايزنى بيت اهلى مايتوهش وساعتها تقدر تتكلم معايا وقت ماتحب
حسام /موافق بس بشرط نقعد سوا تسمعينى الاول
اثار /كلامى قولته وواضح ياستاذ حسام
بعد اذنك احنا ورانا محاضره
حسام شدها من دراعها والكم بتاعها اتقطع
اثار تضرب حسام بالقلم
حسام حاول يتهجم عليها
اصحابه مسكوه
اثار اتصلت باختها وحكت ليها اللي حصل
اميره اخدت لبس لاختها وراحت لها الكليه
اميره كانت عايزه تدخل على مدير الكليه وتكبر الموضوع
بس اثار رفضت وخرجت مع اختها ورجعوا البيت
حسام قاعد زي المجنون بيفكر ازاي ينتقم منها بعد ماضربته بالقلم ادام كل الكليه
حسام قال مافيش ادامى غير حل واحد لازم اعمل ليها فضيحه كبيره تخليها تعيش مذلوله ومكسوره
وبداء تنفيذ خطته
حسام معدش بيروح الكليه وبداء يراقب اثار وبيتها
واليوم اللى قرر ينفذ فيه خطته
ماكانش حد موجود في البيت غير اثار لوحدها
دخل البيت
اثار كانت بتعمل شاي في المطبخ
حسام دخل اوضة اثار
اثار لما رجعت من المطبخ شافت حسام ادامها
اتخضت ووقع من ايديها كوباية الشاي
اثار /انت دخلت هنا ازاي؟
حسام /من الباب
اثار /كسرت الباب ودخلت
حسام /لا انا ماكسرتش حاجه انا معايا المفتاح ومعايا مفتاح كل حاجه في الدنيا
اثار /امشى اطلع بره قبل مااصوت والم عليك الناس
حسام /صوتى بس خلي صوتك عالى وخلى الناس تيجي وتشوفنى وانا في اوضتك
وانتى بلبس البيت وانا زي مانتى شايفه كده زراير القميص مفتوحه الفضيحه هتبقي ليكى مش ليه يلا صوتى
اثار /انت عايز ايه ياحسام؟ وليه حاططنى في دماغك؟
حسام /بصراحه انا جاي هنا عشان حاجه واحده بس اما ليه حاطك في دماغي ده هتعرفيه بعدين
اثار /جاي ليه؟
حسام /بصراحه سمعت ان اوضتك حلوه قولت اجى اتفرج عليها
اثار /انت اكيد اهبل؟
حسام بيقرب منها
وبيمسكها من دراعتها الاتنين ويقولها
لا مش اهبل انا مابسيبش حقي ومابسيبش اي واحده انا عايزها
وخرج حسام ومشي
اثار كانت قاعده هتتجنن
حسام جاب مفتاح الشقه منين ؟
وازاي جاله الجراءه انه يروح ليها بيتها؟
وايه اللي حصل وقت وجود حسام في اوضة اثار من غير ماتلاحظ؟
الجزء الثاني
الكذب لايخفى الاثار
بعد ماحسام راح لاثار شقتها ودخل اوضة نومها
اليوم التالى
اثار راحت الكليه
اول ماشافها
حسام راح ناحيتها
حسام /تعالى عايز اتكلم معاكي؟
اثار /مافيش بينا كلام؟
حسام /يبقي خدى شوفي ده
اثار /انت انسان وقح
حسام /لا انا مش وقح بس وقاحه بوقاحه بقا هخلي الكليه تشوف وتتفرج
اثار دموعها نزلت وسابت الكليه ورجعت البيت منهاره
اميره اختها رجعت من الشغل لقيتها قاعده في اوضتها
اميره /انتى ماروحتيش الكليه؟
اثار /لا ماروحتش
اميره /ليه مش قولتي عندك محاضرات مهمه
اثار بصوت عالي اهو بقا ماروحتش
اميره /انتى بتتعصبي عليه وبتعلى صوتك ليه
اثار /مافيش حاجه انا مخنوقه شويه
اميره /من ايه مالك؟
اثار /هو تحقيق ولا ايه؟
اميره /لا مش تحقيق بس شايفاكى متغيره وحاسه ان فيه حاجه
اثار بتحاول تتهرب وتقوم انا هروح اعمل شاي انا دماغي مصدع
اميره /استنى بلاش شاي هنجهز الاكل وناكل سواء
اثار /ماليش نفس كلى انتى
اميره حاسه ان اثار فيه حاجه مخبياها عنها وحاولت تفهم بس للاسف اثار رافضه تتكلم
اميره عدت يومها
وبداءت تركز على تصرفات اثار
اثار اخدت قرار انها ماتروحش الكليه وقعدت في البيت
بعد ثلاث ايام رضوى وبعض الزملاء راحوا يطمنوا على اثار
اول مادخلوا
رضوى /ايه مالك مابتجيش الكليه ليه؟
اثار /معلش تعبانه
نشوى /اوعى يكون بسبب اللي حسام عمله يااثار
اثار بتوتر هو حسام عمل ايه؟
رضوى /ايه انتى لسه ماشوفتيش ولاعرفتى ان حسام نشر صورك وصوره وهو في اوضتك هنا بين الزملاء كلهم
اثار /يانهار اسود انتى بتقولي ايه؟
نشوى /ازاي تسمحيله يدخل اوضة نومك ويقعد فيها انتي غلطانه
اثار /تفتكرى كرهي لحسام هيخلينى ادخله اوضة نومى؟
انا هتجنن ازاي حسام جاب مفتاح الشقه ودخل ووصل لحد هنا؟
نشوى/ اتكلمى كلام بالعقل يااثار ايه اللي بتقوليه ده انتى شكلك طمعانه في حسام وفلوس ايوه وعلشان كده جرجريته لحد اوضة نومك علشان تورطيه ويتجوزك
رضوى /ايه الهبل ده يانشوى انتى فاهمه بتقولى ايه اثار مش ممكن تفكر كده ابدا
نشوى /ده التحليل الوحيد بتمثل ادام الكليه كلها انها بتكرهه وفي نفس الوقت بتخطط للاستيلاء على امواله وفلوسه وعلشان كده جه لحد هنا
اثار /ياه انتم كمان حللتوا وبقيتوا بتحكموا من غير حتى ماتفهموا اللى حصل
نشوى احنا هنستاذن
رضوى /اثار حسام بعت لك الجواب ده؟
اثار /وانتى من امتى بتتكلمى مع حسام واشمعنا انتى بالذات اللي اداكى الجواب؟
رضوى /اساليه هو مش انا اللي اجاوب على السؤال ده واضح فعلا ان كلام نشوى صح زي ماهي بتقول انك بتمثلي ادامنا وانتى فيه بينكم حاجات في الخفاء
مشيت رضوى ونشوى من عند اثار
اثار فتحت الجواب اللى حسام بعته ليها
وبداءت تقراء
كده احنا خالصين انا اخدت حقي
واعملى حسابك ان بعادك اوعدم غيابك من الكليه هيكون حاجز بينى وبينك
وزي ماقدرت اوصل لحد اوضة نومك مره
واصورك وانا فيها علشان افضحك واخد حقي
عندي استعداد اعملها مليون مره
انتى ضربتينى بالقلم وانا صورتك
ويوم ماتفكرى تعملى معايا حاجه هخليكى تندمى على نفسك
اثار دموعها نزلت ونامت على السرير
الجواب حطيته تحت المخده
اميره رجعت من الشغل
ودخلت لاثار وبداءت تتكلم معاها
ايه هو انتى هتفضلي لحد امته ماتروحيش الكليه؟
اثار /مش هروح الكليه تانى
اميره /ممكن اعرف ليه؟
اثار /من غير ليه؟
اميره /مافيش حاجه اسمها من غير ليه ولما اكلمك تبصى لي وتردى عليه كويس
اثار /ايه هو انتى عامله نفسك كبيره عليه ولا ايه؟
اميره /انا اختك الكبيره عايزه اعرف ليه حالك متلخبط كده
اثار /واقعه في مصيبه
اميره /مصيبة ايه اتكلمى
اثار /امسكى اقرى
اميره /مين حسام ضاحى ده وايه موضوع الصور وايه موضوع اوضة النوم وازاي دخل هنا؟ انتى بنت ولا لا
اثار تنهار وتبداء بالحديث مع اميره وتحكى ليها كل حاجه حصلت واللى حسام عمله
اميره اتعصبت وليه ماحكتيش كل ده من الاول واستنيتى لحد دلوقتي؟
فين الصور اللي صورها دى؟
اثار /الصور مش معايا
اميره /انا لازم اشوف الصور دي وحسابي معاكى بعدين لما نخلص من المصيبه دى
قوليلي رضوى تعرف الموضوع ده
اثار /ايوه
اميره /هاتى رقمها
اميره اتصلت برضوى
اميره /ابعتي لي الصور اللي حسام صورها لاختى وعايزه اعرف كل حاجه عن حسام مين هو وابن مين
اميره اتصدمت لما عرفت ان حسام ابن ضاحى بيه اللى هي شغاله عنده في شركته
رضوى بعد كلام كتير مع اميره بعتت الصور
رضوى بعد ماقفلت مع اميره اتصلت بحسام وعرفته باللى حصل
حسام /ماتخافيش وماتقلقيش مش هتقدر تعمل حاجه
رضوى /انا خايفه ياحسام ان اميره ماتسكتش وتشتكى بالصور دى وتعملك محضر وتقول انك بتبتزها بالصور دى لأغراض غير شرعيه ونخش في س وج ويعرفوا انى انا اللى ساعدتك وجبتلك مفتاح شقتها
حسام /انتى ناسيه انا مين وابن مين ولا ايه وبعدين الفلوس اللي انتى اخدتيها تستاهل انك تسلميلي اثار نفسها مش مفتاح شقتها بس
رضوى /ربنا يسترها والموضوع مايتعرفش
ياترى اميره هتعمل ايه؟
وهتتصرف ازاي مع حسام؟
وامتى اثار هتعرف ان رضوى هي اللى ساعدت حسام واديته مفتاح شقتها؟
الجزء الثالث
الكذب لايخفى الاثار
بعد ما اميره عرفت اللي حصل لاختها
طلعت على ضاحي بيه مدير الشركه على طول
اميره طلبت تقابل ضاحي بيه
السكرتيره /للاسف ضاحي بيه يومه مشغول جدا ومش هينفع يقابل حضرتك
اميره /انا لازم اقابله ضروري
السكرتيره /حضرتك روحي شوفي شغلك وتعالى على الساعه واحده قبل مايخرج من مكتبه
اميره /يعني ايه موظفه في الشركه وماينفعش اقابله؟
السكرتيره /استني هنا
السكرتيره دخلت لضاحي بيه
واميره قاعده مستنيه
السكرتيره خرجت
اتفضلي ضاحي بيه في انتظارك
دخلت اميره
ضاحي بيه /خير
اميره /للاسف الموضوع اللي جايه اكلم حضرتك فيه مش خير ابدا
ضاحي بيه انزعج موضوع ايه فيه حد في الشركه بيعمل حاجه من ورايا غلط؟
اميره /الموضوع يخص حسام ابن حضرتك؟
ضاحي بيه /ماله حسام ابني؟
اميره /اتفضل حضرتك شوف ده وشوف الصور دي ابنك صورها لاختى ونشرها بين اصحابه علشان يسووء سمعتها
وزي ماهو واضح في الجواب امام حضرتك
ان هو عمل كده عشان ينتقم منها
ضاحي بيه /طيب هستاذن حضرتك تسبيلى الجواب ده والصور وانا هتصرف
اميره /انا اسفه لحضرتك الجواب هيفضل معايا والصور ابن حضرتك معاه منها كتير
انا جيت لحضرتك علشان عارفه اد ايه حضرتك مابتحبش الظلم
لكن لو حضرتك ماجيبتش حق اختى انا هلجاء لاسلوب تانى
السكرتيره بتدخل ضاحي بيه فيه عمال من المصنع طالبين يقابلوا حضرتك
ضاحي بيه /الغى مواعيد النهارده كلها وماتخليش حد يدخل لحد ما اخلص كلام مع الاستاذه اميره
السكرتيره خرجت
ضاحي بيه بيبص لاميره
ممكن اعرف ايه يرضي حضرتك وازاي حق اختك يرجع
اميره /مافيش حل غير الجواز
ضاحي بيه /اتفضلي سيبي رقمك في السكرتاريه
اميره /رقمى موجود في الملف بتاعي في الشركه
ضاحي بيه /يعني شغاله معانا هنا؟
اميره /ايوه
ضاحي بيه /يبقي لازم تكونى معانا في السكرتاريه
اميره /بس اتا مرتاحه في مكانى
ضاحي بيه /يعني انتى بترفضي؟
اميره /انا اللي يهمنى دلوقتي حق اختى وانا مش هتنازل عن حقها ابدا
عن اذنك ياضاحي بيه
خرجت اميره من عند ضاحي بيه ورجعت شغلها
ضاحي بيه قعد يفكر ومشغول بالمصيبه اللي حسام عملها
وبعد مارجع من شغله
دخل اوضة حسام
ضاحي بيه /انت ماروحتش الكليه ليه؟
حسام /ماعنديش محاضرات قلت اذاكر هنا
ضاحي بيه /تتذاكر ولاتخطط لمصيبه تانيه
حسام /مصيبة ايه؟
ضاحي بيه /مصيبتك مع البنت اللى اسمها اثار والصور اللي صورتها ليها وفضحتها بيها
حسام /دى يابابا بتبلي عليه طمعانه فيه وفي فلوس حضرتك
ضاحي بيه /انت كداب الموضوع ده لازم يخلص
لواختك تقبل عليها كده
حسام /انا هخلصه يابابا
ضاحي بيه /هتخلصه ازاي ياستاذ؟
حسام /هعرض عليها قرشين وساعتها هتفرح بيهم وتنسى الموضوع
ضاحي / الموضوع مش هيخلص زي مافضحتها لازم انت اللي تشيل الليله؟
حسام /يعني ايه يابابا؟
ضاحي بيه /يعني هتتجوزها
حسام /اتجوزها ايه يابابا ايه اللي حضرتك بتقوله ده؟
ضاحي بيه /بقول اللي هيحصل واللى المفروض يتم لان اختها مش هتسكت والموضوع هيعمل شوشره كبيره ليك ولاخواتك البنات وهيعمل دوشه لينا واحنا في غنى عنها
حسام سكت وماردش على ابوه
وبعد مابوه خرج راح مشوار
نزل حسام لمامته
حسام /الحقينى ياماما
مامت حسام /خير ياوش المصايب؟
حسام /انا واقع في مصيبه وبابا عرف باللي حصل وبيقول انى لازم اتجوزها
مامت حسام /يخربيتك مصيبة ايه غلطت معاها يعني؟
حسام /لا ماوصلش الامر لكده
مامت حسام /امال ايه علشان ابقا عارفه اللي حصل
حسام /هحكيلك كل حاجه بس ياماما مش عايز اتجوز البنت دى
حسام حكى لمامته اللى حصل واللى عمله
مامت حسام /انا مش عارفه عقلك بيقولك ايه انت هتفضل طول عمرك عيل متهور
انا هحاول احل الموضوع غور من وشي
بعد ما ضاحي بيه رجع
مامت حسام /عايزه اتكلم معاك شويه ياضاحي؟
ضاحي بيه /خير فيه ايه؟
مامت حسام /موضوع البنت دى اللى اسمها اثار
ضاحي بيه /ماله عندك حل؟
مامت حسام /نديها قرشين ونخلص من الموضوع ده ويادار مادخلك شر
ضاحي بيه /لو الكلام ده حصل لبنتك هتقبلى الفلوس؟
مامت حسام /فيه ناس اهم حاجه عندهم الماده وبس وواضح ان اثار واللى زيها اهم حاجه عندهم
ضاحي بيه /وجبتي الواضح ده منين نجمتى ولا فتحتى المندل؟
ابنك ممسوك من رقبته وكاتب جواب بخط ايده
ومتصور هو كمان في اوضتها يعني لو اختها طلعت على القسم ساعتها انت وانا وابنك هنروح نبوس ايديهم علشان الموضوع يتحل
مامت حسام /يعني مافيش حل تاني غير الجواز
ضاحي بيه /انا هنام ولو عندك حل ابقي قوليلي عليه الصبح
ونام ضاحي بيه
وتانى يوم راح مكتبه
اميره راحت عند ضاحي بيه مكتبه
السكرتيره بعد ماستاذنت ليها
دخلت اميره
ضاحي بيه /اتفضلي
اميره /ممكن اعرف حضرتك وصلت لايه في موضوع اثار؟
ضاحي بيه /الموضوع مش بالبساطه دى ياستاذه اميره يعني مش هتكلمينى النهارده واجى تانى يوم شادد ابنى من قغاه واجى اجوزها ليه
اميره /يبقي كده انا عملت اللى عليا وجيت لحضرتك علشان الموضوع يتحل بس واضح ان حضرتك مش ناوى نحل الامر ودى
عن اذنك ياضاحي بيه
ضاحي بيه /يعني ايه كلامك ده ممكن اعرف ناويه على ايه؟
اميره /البلد فيها قانون واللى حضرتك شايفه انه ماينفعش بالبساطه دى نعمله بال قانون
ضاحي بيه /اهدى شويه ياستاذه اميره ادينى اسبوع بس وباذن الله هيكون الموضوع اتحل
اميره /النهارده الاتنين اسبوع بالضبط وبعد كده هاخد الاجراء اللي في صالح اختى
بعد اذن حضرتك
خرجت اميره من عند ضاحي بيه
ضاحي بيه بقا قاعد في مكتبه عاقله مشتت
اليوم بعد ماعدى رجع بيته
قعدعلى الكرسي في الصاله
زوجته
سالته فيه ايه مالك؟
ضاحي بيه /مافيش حاجه تعبان شويه؟
الزوجه / واضح ان فيه حاجه دى مش عوايدك؟
ضاحي بيه /هو فيه غير موضوع البنت دى اللى ابنك ورطت نفسه فيها؟
الزوجه /هو فيه جديد
ضاحي بيه /اختها جاتلى ووعدتها اسبوع والامر يتحل
الزوجه /اعلى مافي خيلها تركبه
ضاحي بيه /ساعتها يبقي انا وانتى نبقي نجرى وراء ابنك في الاقسام انا خلاص اخدت قرار ابنك لازم يتجوز البنت دي احنا مش ناقصين مشاكل ووش والاخر انا وانتى اللى هيبقي علينا اللوم اننا ماعرفناش نربيهم
حسام كان في رحله مع اصحابه ولما رجع تاني يوم
الام قالت له باباك خلاص قرر انك تتجوز البنت وانت عارفه لما يتخذ قرار عمره مهايرجع فيه
حسام /ياماما انا مش هتجوزها لو الدنيا اتشقلبت
بثينه /ليه مش هتتجوزها طيب واللى انت عملته؟
حسام /انتى مالكيش في الكلام ده خالص سمعتى اخرجى بره
بثينه /لا مش هخرج ياحسام
حسام بيزقها
بثينه /لازم تسمعنى انا محطوطه في نفس موقف البنت دى ومحتاره اعمل ايه بس الفرق انها هي حافظت على نفسها وانا لا
الكاس انا شربت منه ياحسام
حسام /مين عمل كده انطقي
حسام بيضرب بثينه بالقلم قوليلى مين وانا هقتله بايديه؟
دخل ضاحي بيه
فيه ايه بتضربها ليه وليه صوتكم عالى كده
حسام /هتتكلمى ولا اتكلم انا؟
بثينه/ انا هتكلم واقول كل حاجه
انا قولت لحسام ان فيه واحد ضحك عليه يابابا رد فعله كان طبيعي انه خايف عليه وثار لشرفه وعرضه لكن للاسف الشديد اعراض بنات الناس عند اخويا مالهاش قيمه
حسام /يعني ايه؟
بثينه /انا اشرف واحده ومافيش حد ضحك عليه ولاحاجه بس حبيت اديك درس صغير روح ياحسام ربنا يهديك
اسمع كلام بابا واتجوز البنت بدل الجرسه والفضيحه ماتطول الكل
ضاحي بيه /احنا هنروح يوم الخميس نطلب ايد البنت والصور الزفت دي امسحها وياريت تسترجل بقا شويه
وجه يوم الخميس وراح حسام وضاحي بيه ومامته لبيت اثار
واتقدموا رسمي
وتم الاتفاق على كل شيء
وتم قراءة الفاتحه
اثار ماكدبتش خبر واتصلت بكل زملاءها اللى تعرفهم في الكليه وبلغتهم بخبر الخطوبه
طيب ايه ردود افعال الزملاء في الكليه؟
الجزء الرابع
الكذب لايخفى الاثار
بعد ماحسام واهله راحوا اتقدموا رسمى ل اثار
واثار بلغت زملاءها في الكليه بالخبر
جه يوم السبت
حسام واثار داخلين الكليه
اثار ماسكه في ايد حسام
واحد من اللى وافقين بيهمس لزملاءه
اكيد حسام عمل كده عشان يستر عليها ويصلح غلطته
حسام سمع الكلام وبص ناحيتهم
لفوا وشهم الناحيه التانيه
سمع بنت تانيه بتقول
بقا حسام اللى كان مدوخ البنات يروح يخطب واحده دخل اوضة نومها
حسام كان متضايق جدا من الكلام اللي بيسمعه
راح ناحية كافيه الكليه
رضوى اول ماشافتهم قامت جري علشان تبارك لهم
الف مبروك ياحسام
الف مبروك يااثار
رضوى بتحضن اثار حسام شدها من ايديها
اثار /فيه ايه ياحسام؟
حسام /يلا بينا نقعد
اثار /دى صاحبتى الوحيده وبتهنينى ماينفعش انك تشدنى كده وهي بتحضنى وتباركلى
حسام /انتي مش هتقولى لي ايه اللي ينفع وايه اللي ماينفعش؟
اثار /يعني ايه؟
حسام /لازم تقطعى علاقتك بيها من النهارده
اثار /ايه هو احنا بدانا التحكم من اولها ولايه دى بالذات مش هقطع علاقتى بيها لانها هي الوحيده اللي لقيتها خايفه عليه وبتحبنى وكانت واقفه معايا لما كنت بتضايقني انت او اي حد
حسام /خايفه عليكي والله انتى هبله وعبيطه اللى انتى بتتكلمي عليها دى هي اللي ساعدتنى في كل اللي حصل
اثار /ساعدتك في ايه؟
حسام /رضوى هي اللى سرقت مفتاح شقتك واديتهولى
وهي اللى اديتنى الكاميرا اللى صورتك بيها في اوضتك رضوى باعتك بالفلوس
اثار /انت بتقول ايه رضوى مش ممكن تعمل كده أبداً؟
حسام /تعالى وانا اقولك في وشها
اثار /انت واضح انك بتحب تدمر كل حاجه حلوه في حياتي دمرتنى وشوهت صورتى ادام الكل ودلوقتى بتشوه صورة رضوى كمان في نظرى اكيد بتعمل كده علشان معرفتش تعمل معاها اللى عملته مع اي بنت من اللى عرفتهم
حسام شد اثار من ايديها وراح ناحية رضوى
بقولك ايه يارضوى من الساعه دي مالكيش دعوه بخطيبتى سمعتى ولا لا
رضوى /اللى اثار تشوفه هو اللى هيكون مش انت اللى تحكم ايه رايك يااثار في اللي حسام بيقوله؟
اثار /انتى اللى سرقتى مفتاح شقتى وادتيه لحسام؟
رضوى بصت في الارض
اثار /اارفعي وشك واتكلمى دافعي عن نفسك
حسام /الاجابه واضحه يلا بينا يااثار؟
اثار بغضب لازم اسمع منها
ليه يارضوى عملتى كده؟
رضوى حاولت تمشي وتسيب المكان
اثار شدتها من ايديها ردى عليه؟
رضوى / علشان حسام بيه بتاعك اشنرانى حسام بتاعك ده كل حاجه عنده بيشتريها بالفلوس
عايزه تعرفي كمان وعدنى بايه وعدنى انه يخطبنى مقابل انه ياخد حقه منك
اثار /اسفوخس عليكى من النهارده لاتعرفينى ولاعرفك
بعد ما الخطوبه تمت
أميره ماكانتش مرتاحه
كانت كل ليله
تقعد تفكر وتقلّب الكلام في دماغها
وتقول لنفسها:
واحد قدر يدخل أوضة نوم بنت…
يبقى يقدر يعمل أكتر
وآثار يمكن تكون خايفه تتكلم…
أو بتنكر
راحت اتفقت مع والد حسام وقالتله بصراحه
لازم نعجّل الجواز…
السرعه في الوقت ده هي الأمان
لانك عارف ان حسام متهور وممكن في لحظه كل حاجه تنتهى
والد حسام وافق لإنه هو كمان كان حاسس إن حسام مش مظبوط اليومين اللي فاتوا
مرت الأيام بسرعه
واتعمل الفرح وسط الأهل والعيله
زغاريد
وضحك
وأغانى
وآثار كانت جنبحسام عروسه
لكن من جوه قلبها كانت لسه شايله وجع
وبعد ما خلص الفرح…
راحوا بيتهم.
وحسام كان مبسوط وفرحان وحس انه امتلك اثار بعقد الزواج
حسام كان بقا برغم عصبيته واللى بيعمله في بنات الناس ابن امه
أم حسام بقا كانت عارفه دماغ ابنها هوائى مش بتاع جواز
وحست انه متورط في جوازه من اثار
ومن أول لحظه بدأ شغل الحموات
نظرات
تعليقات
وكلام بقا من اللي مايتوصفش
مرة تقولها
العروسة لازم تصحى بدري وماينفعش تنامى للضهر
اثار تحاول ترد
كانت ام حسام تدخل معاها في صراع مش بتكلمها على انها زوجة ابنها لا كانت بتتكلم معاها كانها واحده جايه تشتغل عندها
ام حسام كانت دايما شايفه اثار مش من مستوى ابنها ولامن نفس مستواها
كانت دايما تشخط وتنطر
اثار/اانتى ليه بتعاملينى كده
ام حسام / انا اتكلم زي مانا عايزه وبعدين إنتي محتاجه تتعلمي كتير علشان تفهمى طريقة تعامل الناس الهاي
بثينه اخت حسام
كانت حاجه تانيه
قربت من اثار جدا وبقوا اخوات واصحاب
وعاشت اثار في بيت حسام واستحملت كلام مامته
ولما كانت اثار تشتكى من المعامله لحسام
عمره مانصفها
كان دايمًا يسيب آثار تتعامل لوحدها وبيقولها بقولك ايه بلاش وجع دماغ انتم مع بعض شويه تتصالحوا شويه تتخانقوا سبينى وعيشي حياتك
حسام بدأ يتغير
بداء يسهر بره البيت مع أصحابه
و يرجع متأخر
اثار كانت بتلاحظ عليه حاجات غريبه
كان يرجع سكران
مره يبات بره
تفتش في هدومه تلاقي الحشيش
اثار /ايه ده؟
حسام /هاتى دى المزاج كله
اثار /الموضوع كده ماعدش يتسكت عليه سهر وشرب وبيات بره مخدرات
انا لازم اقول لبابا ضاحي
حسام /اعمليها وانطقي وانا اقتلك
اثار /دى مش عيشه
حسام يضربها امال انتى فاكره كنتى هتعيشى ازاي انا دبست نفسي في جوازتك السوده
بقت الحياه كل يوم
لازم يحصل خناق
حسام مكانش مدرك للي بيعمله ولاواعي
حسام كان راجع سكران في ليله
دخل على اثار
فين الأكل؟
آثار/ انا مستنياك نتعشى سواء
هقوم اسخنه
حسام بيرمي جاكته على الأرض
هاتيه بارد من غير تسخين ما انتي طول عمرك بارده
اشمعنا الأكل اللى هيبقي من سخن
اثار كانت بتسمع وتسكت لانها عارفه ان حسام مش في وعيه
اثار لما فاض بيها من كتر الاهانه اشتكت لضاحي بيه والد حسام
والد حسام هزقه واداله كلام يسم بدنه
حسام مسك اثار ضربها علقه وقالها بتشتكينى لبابا
وكل يوم…
بقا إهانه
قلة قيمه
اثار خلاص بقت على اخرها
وقفت قدامه وقالت له
أنا عايزه اتطلق
حسام ضحك ضحكه مستفزه
وقالها
مش حسام ضاحي اللى مرّه تسيبه
فيه الف واحده تتمنى تكون مكانك
بس انا بقى يوم ما أقرر أسيبك
هسيبك بمزاجي مش انتى اللى تقوليلي طلقنى
اثار حست انها خلاص مش هتخلص من حسام حسام ماصدق امتلكها
ماعدش فيه احترام ليها ولا لمشاعرها يكلم بنات يشرب يقابل عايش حياته وكانها مش موجوده في حياته
آثار هربت وقررت انها تخلص من تحكماته وتصرفاته هربت علشان تخلص من جبروته وجبروت والدته
بس ما راحتش لبيت أميره اختها
اثار فكرت وقالت في نفسها لوروحت بيت اميره هيرجع ياخدنى غصب
فقررت تسافر بعيد عند ناس قرايبها
عدى يومين
أميرة راحت زياره لبيت حسام علشان تشوف اختها
اميره دخلت
والدة حسام /ايه اللى جابك جايه تطلبي العفو والسماح لاختك؟
اميره /مش فاهمه تقصدى ايه يعني ايه عفو وسماح ومن مين؟
حسام نزل
اميره /لو سمحت ياحسام ممكن تنادى اثار
حسام /اثار موجوده عندك بقالها يومين
اميره/انت بتقول ايه ازاي اختى مش موجود عندي اختى عملت فيها ايه ياحسام؟
حسام / اختك هربت وانا نايم وسابت البيت بقالها يومين
اميره /يانهار اسود لتكون عملت في نفسها حاجه؟
حسام/ فكك من التمثيل ده أختك راحت فين يا أميره
أميره /أختي كانت في بيتك وانت اللي ماعرفتش تحافظ عليها اكيد هربت من افعالك انت ومامتك
حسام زعق وقالها
فيه واحده متربيه تسيب بيت جوزها وتهرُب؟
وحياة شنبي… لأخليها تندم ندم عمرها
الجزء الخامس
الكذب لايخفى الاثار
اميره خرجت من عند بيت حسام
وكانت قلقانه على اختها
اتصلت بكل اصحابها اللى تعرفهم
ولكن مافيش حد يعرف عنها حاجه
راحت عملت محضر في القسم بغياب اختها
القسم بداء يبحث ويدور
وتم استدعاء حسام ووالده للسؤال
وبعد خروجهم من القسم
ضاحي بيه راح لبيت اميره
اميره /اتفضل
والدحسام/انتى جيتى لي قبل كده علشان ابنى يصلح الغلطه اللي هو عملها وجوزته اختك
النهارده اللي اختك عملته ماينفعش يتسكت عليه
المصيبة كده كبرت والعار هيطول الكل
ومافيش راجل يقبل على ابنه كده
ابنى حسام هيطلق اختك
اميره/هي فين اختى؟
والدحسام/اختك هربت ودى مشكلتك انتى دورى عليها بمعرفتك
ورجع والد حسام لبيته
والد حسام /لازم تطلق البنت دى النهارده قبل بكره
حسام/أطلقها ايه ؟دى هربت وهي على ذمتى ويعالم عملت ايه ونامت فين ومع مين؟ مش بعيد تكون هربت مع واحد علشان غواها
ده أنا هجيبها من تحت الأرض وانتقم لشرفي
والد حسام صرخ فيه:
انا قلت تطلّقها يعني تطلّقها لان الكلام هيكتر واحنا مش ناقصين فضايح
حسام بعد اسبوع طلق اثار غيابي
وبلغ اميره بانه طلق اختها
اميره كان كل همها انها تعرف طريق اختها
بعد اسبوعين
اميره جالها تليفون
اميره /الو
نوال /ازيك يااميره عامله ايه وحشانى
اميره /وانتى كمان يانوال
نوال /اثار موجوده عندنا في البلد
اميره /انتى بتتكلمى جد يانوال
نوال /ايوه يااميره
اميره /خلي بالك منها احنا قالبين عليها الدنيا اوعى تمشى يانوال
نوال /لا ماتخافيش يااميره اختك في الحفظ والصون
اميره /ليه ماتصلتيش بيه من يوم ماجاءت عندكم
نوال /معلش والله كان عندنا ظروف وخالتى ام امانى انوفت
اميره /الباقيه في حياتك خلى بالك من اثار والنبي يا نوال
اميره تانى يوم سافرت لاختها
اثار اول ماشافت اميره اترمت في حضنها
اميره زقت اثار وضربتها بالقلم
اثار /انتى بتضربني ليه؟
اميره /علشان هربتى ليه عملتى كده؟
اثار /علشان ماستحملتش العيشه والقرف كل يوم
علشان تعبت بعد ماشتكيت مره واتنين ومافيش حل
اهانه من امه وضرب وقلة قيمه من حسام
اميره /وليه ماجتيش عندي في شقتنا؟
اثار /كان هييجى ياخدنى ويرجعنى للقرف تانى غصب عنى حسام خلاص امتلكنى وبقيت من ممتلكاته ماكانش هبسيبنى
اميره /حسام خلاص طلقك
اثار /انتى بتتكلمى جد حسام طلقنى وطلعنى من حياته
اميره /ايه انتى فرحانه انك اتطلقتى؟
اثار /ايوه فرحانه فرحانه علشان خلصت وهرتاح
اميره /غريبه اول مره اشوف واحده فرحانه ان حياتها اتخربت
اثار /هو اللى انا كنت عايشاها دى حياه؟
اميره /طيب يلا قومى علشان نرجع شقتنا
روضه بتدخل وتقول اتارى البيت منور
اميره بتسلم عليها وتقولها بنورك
روضه واميره واثار ونوال قاعدين مع بعض
اميره قررت تاخد اثار وتمشي
روضه /سبيها تقعد معانا يومين لحد ما اعصابها تهدى
اميره /خلاص تقعد براحتها انا همشي
روضه /استنى اما فتحي يرجع ويوصلك
اميره /لا معلش علشان الحق ارجع قبل الليل
ومشيت اميره ورجعت شقتها
قبل ماتفتح الشقه
حسام /حمدالله على السلامه
اميره /الله يسلمك
حسام /عرفتى طريق اختك ولا لسه؟
اميره /مش خلصنا وكل واحد فيكم راح لحاله ليه حاططها في دماغك
حسام /اختك هربت وهي مراتى وعلى ذمتى يعني طعنتنى في شرفي
اميره /وانت نهيت كل حاجه بالطلاق
حسام /انا مش هسيب اختك وهعرف طريقها قريب جدا
اثار قاعده في بيت نوال
روضه حبيتها وقربت منها
كانها اختها اللى اتربت معاها وعاشت سنين
روضه العصريه
قالت لاثار ايه رايك تيجي تتمشى معانا بدل قعدة البيت؟
اثار /ماشي يلا بينا
خرجت روضه واثار
راحوا قعدوا في وسط الغيط
فتحى قرب ناحيتهم
فتحى/البلد كلها منوره والغيط منور
روضه /ياواد الغيط الشمس اللى منوراه 😂😂
فتحى واثار ضحكوا
فتحى/ ايه رايكم اشوى ليكم حتتين دره كده على ماقسم
روضه /وماله اشوى وطرقع وياريت لو معاهم شويتين شاي
فتحى نزل الارض قطع شوية دره
والنار كانت مشعلله وجاهزه
شوى الدره وهو عينه على اثار
اثار وروضه اكلوا الدره وشربوا الشاي وبعدين رجعوا البيت
فتحى بعد شويه رجع البيت
اثار /هقوم اجهزلك الاكل
فتحى /امال روضه ونوال فين؟
اثار /بيجهزوا نفسهم علشان رايحين الفرح
فتحى /وانتى مش هتيجي معانا ولايه؟
اثار /لسه بصراحه مش عارفه اذا كنت هروح ولا لا؟
فتحى /قومى جهزى نفسك وتعالى معانا هتنبسطى وبالمره تتعرفي على قرايبك وباقي العيله
اثار /حاضر
اثار راحت تجهز نفسها
روضه وفتحى ونوال حضروا الفرح وكانت ليله جميله
روضه وهي راجعه عقبال مافرح بيك يافتحى
فتحى /يارب مش بنت الحلال توافق
روضه ضحكت ياواد هتوافق بس انت انوى بس والباقي عليه
فتحى /ايدى على كتفك
روضه /يبقي سيبها على الله
فتحى /ونعم بالله
رجعوا البيت كلهم
روضه /ايه رايك بقا يااثار انام معاكى النهارده في اوضتك؟
اثار /هو انا ليه اوضه البيت بيتكم وانا ضيفه عندكم
روضه /انتى مش ضيفه انتى صاحبة بيت ونوراته كمان
روضه واثار دخلوا الاوضه
روضه /اايه رايك فى فتحى يااثار؟
اثار بخجل وكسوف رايي من ناحية ايه بالظبط؟
روضه /اانا عارفه ان الكلام سابق لاوانه علشان انتى لسه في شهور العده
اثار /وايه دخل شهور العده في كلامنا؟
وتقصدى ايه بالكلام اللى سابق لاوانه مش فاهمه حاجه؟
روضه /لا فاهمه يااثار ولو مش فاهمه افهمك ايه رايك انا عايزاكى لفتحى اخويا
اثار /بس تفتكرى
روضه قاطعتها قبل ماتكمل انا مش عايزه منك رد من هنا لحد ماتخلصي عدتك فكرى وبعد كده ردى عليا
اثار /حاضر
روضه حست ان اثار موافقه من قبل ماتنطق ولا ترد
وتمر الايام بحلوها ومرها
اميره تروح تزور اختها وترجع وشايفه ان اثار مبسوطه بقعدتها في البلد
اميره كان السبب الوحيد اللي مخليها توافق ان اثار تفضل قاعده عند روضه ونوال وفتحى خوفها على اختها من تهديدات حسام
روضه وفتحى اخدوا بعضهم وراحوا لاميره
اميره /يادى النور منورينا
روضه /بنورك بقولك ايه يااميره احنا جايين لك في موضوع كده
اميره /موضوع ايه خير؟
روضه /خير ان شاءلله احنا جايين نطلب ايد اثار لفتحى
اميره /هو احنا نطول بس اهم حاجه راي اثار دى حياتها
روضه /بس انتي قولى موافقه وراي اثار عليه
اميره /انا من ناحيتى مافيش مانع وموافقه بس انتي فاهمه لازم هي توافق
اميره وفتحى وروضه اخدوا بعضهم وسافروا البلد تانى يوم علشان اميره تعرف راي اثار فى فتحى اذا كانت موافقه ولا لا
حسام ماشى وراهم بعربيته وبيراقبهم لحظه بلحظه
وصلوا البيت كانت اثار ونوال قاعدين ادام البيت
حسام شافها ومافيش حد منهم حس بيه
اميره دخلت هي واثار ونوال وفتحى وروضه
اميره /ايه رايك يا اثار في فتحى فتحى طلب ايديكى؟
اثار /االلى تشوفيه
اميره /موافقه ولا لا؟
اثار /موافقه
اميره /يبقي ترجعي معايا علشان كل حاجه تكون بالاصول وفتحى ياخدك من شقتك
روضه /هنا اوهناك واحد يا اميره؟
اميره /الاصول يابنت خالتى بتقول البنت تطلع من بيتها
روضه /ماهو ده بيتها برضو مانتم ليكم حق فيه
اميره/انا قلت اللى المفروض يحصل ويتم بالاصول
روضه /ومالو نيجى ناخدها من هناك مافيش مشكله
اميره بيتت معاهم وتانى يوم اخدت اثار معاها ورجعت شقتها
اميره تانى يوم راحت شغلها
اثار كانت واقفه في البلكونه
حسام كان بيراقب الشقه من بعيد
اول ماشاف اثار واقفه في البلكونه
طلع على فوق
ضرب جرس الباب
اثار راحت تفتح
مين بيخبط
حسام /جواب علشان حضرتك
اثار فتحت الباب شافت حسام ادام عينيها
قفلت الباب بسرعه وتربست على نفسها
حسام /اقفلي على نفسك الف باب بس مش حسام ضاحى اللى مراته تهرب منه انا وانتى والزمن طويل
الجزء السادس
الكذب لايخفى الاثار
اثار بعد ماقفلت في وش حسام الباب
فضلت قاعده خايفه ومرعوبه
أميره راجعه من شغلها
اثار اتخضت لما اميره حططت المفتاح في باب الشقه
وقفت وراء الباب ومش عايزه تفتح
اثار /مين
اميره /انا يااثار
اثار فتحت ترابيص الباب
اميره دخلت وسالت اثار فيه ايه قافله على نفسك ليه؟
اثار /حسام جه هنا وهددنى
اميره /انتى بتقولي ايه؟
اثار /انا لازم امشى من هنا دلوقتي
اميره واثار جهزوا شنطتهم وخرجوا من الشقه مسافرين البلد
اميره واثار وصلوا
روضه /فيه ايه يااميره ايه اللى جابك نص
الليل كده
اميره /انا بصراحه فكرت في كلامك وقلت يابت هنا زي هناك
روضه ماصدقتش اميره وعدت الكلام
تانى يوم اميره
قالت نجيب المأذون ونكتب كتاب الكتاب
روضه /هو ده الكلام
المأذون جه ووسط الاهل والعيله كتبوا الكتاب
البيت في البلد منور واتملى زغاريد
الفرحه كانت ماليه البيت كله
بعد مأميره اطمتت على اختها ترجع القاهره
تفتح باب شقتها
ترمي الشنطه
وتاخد نفس طويل تحس إنها خلّصت أهم خطوة في حياتها
جرس الباب يضرب تروح اميره تفتح الباب
تلاقي حسام واقف
عينه سودا
حسام/حمدالله على السلامه يا أميره
فين أختك؟
أميره/انت بتىراقبنى بقا
حسام/فين اختك؟
اميره/انت مش طلقتها عايزمنها ايه تاني؟
حسام/هدمرها هقتلها يااميره هخليها تندم انها فكرت في انها تهرب وهي على ذمت حسام ضاحى
اميره/ا ختى دلوقتى بقت فى عصمة راجل وقادر انه يحميها
متجوزه راجل مش واحد زيك
حسام مسك اميره من رقبتها وقالها
حتى لو متجوزه الاسد نفسه
أنا مش هسيبها
انتو فاكرين الهروب والزواج هيحمّوها؟
أميره تهز راسها
لما تبقا تعرف مكانها
حسام يضحك ويقولها
هعرفه يااميرة عصرك وزمانك
مشى حسام من عند اميره
حسام جن جنونه لما عرف ان اثار اتجوزت
راكب عربيته ومولع السيجاره وعمال ينفخ
على اخره
رجع البيت
وكان مش طايق نفسه
بثينه اخته دخلت عليه وسالته
مالك فيه ايه؟
حسام /مافيش اطلعي من دماغي دلوقتى
بثينه /انا ملاحظه انك متغير من يوم ماطلقت اثار؟
حسام /متغير متزفت مالكيش دعوه
بثينه /ليه ماحافظتش عليها وكنت دايما تهينها انت وماما؟
حسام /بقولك ايه سيبك من الوعظ بتاع ضاحى بيه يابنت ابوكى
بثينه /انت زعلان علشان طلقتها ولا علشان سابتك واتجوزت
حسام /وانتى عرفتى منين انها اتجوزت؟
بثينه /من يوم مااثار دخلت البيت ده بقيت انا وهي اصحاب حتى كمان بعد ماطلقتها بتكلمنى واكلمها
حسام /تعرفي واحده خانت اخوك وسابته وهربت؟
بثينه /هربت من افعالك من شرب الحشيش وبياتك بره البيت وضربك ليها واهانتك انت ياحسام ماحبيتش اثار انت لمااتجوزتها حسيت انك امتلكتها وعلشان كده كنت بتعاملها معاملة الكلاب
حسام /هي دى المعامله اللى تليق بيها وبامثالها
بثينه /طيب ليه كنت بتجرى وراها قبل الجواز
حسام /اطلعي بره واقفلي الباب وراكى
بثينه /انا هقفل الباب بس عايزه اقولك حاجه ابعد عن اثار وانساها ياحسام
وقبل ماتفكر تحاسبها انها هربت حاسب نفسك الاول على كل اللى كنت بتعمله معاها
حسام كل اللى بيفكر فيه دلوقتي ينتقم من اثار وعلشان يوصل لبيت اثار لازم خطه محكمه
اواي حد يوصله لاثار
حسام جاتله فكره شيطانيه
حسام عدى يومين
وراح لبثينه اخته
خبط على باب اوضتها
بثينه /ادخل
حسام /ممكن اتكلم معاكي
بثينه /اكيد
حسام /انا اسف على الطريقه اللي كلمتك بيها من يومين كنت مخنوق ومتضايق جدا
بثينه /عادي مافيش حاجه
حسام /اول مره في حياتي اقتنع بكلامك
انا فعلا انسان انانى جدا مكنتش بفكر غير في نفسي وبس كنت شايف اثار حاجه امتلكتها وعلشان كده كنت بعاملها بقسوه
بثينه /اخيرا اعترفت
حسام /ايوه بعترف بعترف انى كنت اسواء شخص في حياة اثار
ونزلت دموع التمثيل من عيون حسام
وبص لبثينه وقال
عارفه نفسي في ايه دلوقتى
بثينه /ايه ياحسام
حسام /نفسي اقف ادام اثار واقولها سامحينى عايز ابداء حياه نضيفه وجديده
مش عايز حد في الدنيا يكون شايل منى
بثينه /قبل ماتطلب السماح من البشر اطلبه من رب البشر
حسام /ربنا يسامحنى ويجازينى على كل اللى عملته فيها
بثينه /اول مره اشوف دموعك ياحسام
حسام /بجد كلامك خلانى فقت
خلانى اتمنى كل لحظه عدت عليه و اثار موجوده معايا وكنت عاملتها زي اي زوج مابيعامل زوجته
بثينه /عارف ياحسام انت حرمتنى من احسن انسانه شفتها وعاشرتها في الدنيا كلها
اثار ماكانتش بالنسبالي زوجة اخ اثار كانت صديقه واخت
حسام /انا اسف بجد يابثينه اسف ليكى ولا اثار ولكل حد غلطت في حقه
اثار وحشتنى اوى اوى
بثينه /ومين سمعك وانا كمان وحشتني جدا
حسام /ليه مابتروحيش ليها وتطمنى عليها
بثينه /المشوار بتاعها بعيد
حسام /بنت ضاحي بيه شايله هم المواصلات امال العربيات اللى عندنا لزمتها ايه؟
بثينه /اه صحيح
حسام /انوى بس انتى في يوم وانا اروح اوصلك بالعربيه
بثينه /انا كنت ناويه اروح ابارك لها على الجواز بس بقا ماقدرتش على العموم انا هبلغها واقولها تسامحك وانت ربنا يهديك ويرزقك ببنت الحلال
حسام /لا بعد اثار مافيش حد خلاص انا هلتفت لشغلي وبس ولاجواز ولابتاع
بثينه /اوعي تكون بتقول كده ياحسام علشان توصل لاثار وعايزنى اوصلك ليها
حسام /اوعى تفتكرى انى مش عارف مكان اثار انا عارف مكانها من قبل ماتتجوز وعارف هي متجوزه فين ومين لوكنت عايز اعمل حاجه كنت عملتها من زمان
خرج حسام وساب بثينه
بثينه مسكت التليفون وبترن على اثار
اثار /الو
بثينه /الف مبروك ياحبيبتي
اثار /الله يبارك فيكي عقبالك يابثينه
بثينه /ايه رايك اجي ازورك ول هيكون فيها مشكله ليكى
اثار /ولا مشكله ولا حاجه انتى تنورى
بثينه /انا مش هقول انى اخت طليقك انا هقول انى صاحبتك هحدد يوم واكلمك
اثار /ماشي
بعد ايام بثينه قررت تروح لاثار
وحددوا يوم مع بعض
حسام جهز نفسه علشان يوصل بثينه
واول ماوصلوا عند اثار
بثينه طلعت ليها لوحدها حسام قاعد في العربيه مستنيها
روضه كانت راجعه البيت لمحت العربيه واقفه قريب من البيت
روضه دخلت كانت بثينه موجوده
اثار /احب اعرفك بثينه صاحبتى
روضه /اهلا وسهلا بيكي نورتى
بثينه /بنورك
روضه /هي العربيه اللى واقفه تحت دى تبعك؟
بثينه /ايوه
روضه /طيب وليه السواق اللى فيها مانزلش ياخد واجبه؟
بثينه /معلش هو مش عايز ينزل سبيه براحته
روضه /حتى نعزم عليه بكوباية شاي
قومى يااثار اعملى كوباية شاي للسواق
اثار /حاضر
اثار قامت عملت الشاي
ونزلت بيه لحد العربيه
حسام فتح الباب ووقف بص لها
اثار اتخضت لما شافته
كان الشارع فيه ناس وده اللى طمن اثار
اثار /اتفضل الشاي
حسام /شكرا يامدام
اثار طلعت جري على شقتها
اخدت بثينه من ايديها
ودخلت الاوضه
اثار /ايه اللى جاب حسام هنا؟
ببثينه /اخويا وجاي يوصلنى ايه قلقانه ليه كده؟
اثار /اخوكى هددنى انه مش هيسبنى يابثينه
بثينه /لا حسام اتغير ماتخافيش
حسام نزل من العربيه
طلع لحد شقة اثار
خبط على الباب
اثار فتحت
حسام /الف مبروك يااثار
اثار بتتكلم بخوف الله يبارك فيك
حسام /ممكن تقولي لبثينه يلابينا
اثار /حاضر
حسام /مسير الوجوه تتقابل تانى
بثينه وحسام مشيوا من عند اثار
بس ايه بقا اللى حصل بعد كده؟
استنوا
الجزء السابع
حسام بعد ما خرج من عند آثار
عقله ماكانش في مكانه
حسام كل همه انه ينتقم من اثار
علشان هربت وهي على ذمته
وقعدت في بيت راجل غريب
شيطانه وسوس له انها خانته ولازم يرد الخيانه لفتحى
حسام بعد يومين رجع بالعربيه وكان واقف على أول الشارع
يراقب البيت من بعيد ويشوف بيدخلوا امتى وبيخرجوا امتى
حسام فضل يراقب اكتر من ٣ ايام
يسافر ويرجع
وفي اليوم الرابع وصل البلد الساعه ٦ صباحا
وقف عربيته بعيد
ونزل منها واتمشى على رجليه
وصل ادام بيت اثار وعينه على الباب
كان شايل كيس في ايديه
شاف روضه وفتحي خارجين
دور وشه الناحيه التانيه
الشارع كان فاضي
والبيت ساكت
حسام طلع على السلم بيتسحب زي القط ماحدش حس بيه
وصل لباب شقة آثار
خبطه خفيفه على الباب
اثار فكرته فتحى راجع ياخد حاجه
جريت وفتحت له
حسام زق اثار وقفل الباب وراه
آثار/ بتعمل إيه هنا؟ اطلع برا يا حسام
حسام قرب منها عينه كانت مليانه شر
حسام/ هربتي وخنتينى والاخر اتجوزتى اللي خنتينى معاها؟
انا النهارده جاي اخد تمن خيانتك والجسم اللى عشيقك اتمتع بيه وانتى على ذمتى هتمتع بيه وانتى على ذمته
العين بالعين والبادى اظلم
آثار رجعت لورا، انا ماخنتكش والله ماخنتك و دموعها نازله
هجم عليها
شدّها من إيديها
صوت نفس آثار كان عالي من الخضه والخوف…
فضل يضغط عليها بالقوه وهي عاجزه لا تتكلم ولا تصرخ
ولما خلّص عملته
قالها أنا كده أخدت تمن خيانتك ليّا
سابها مرميه مكانها
وفتح الباب ونزل
نوال اخت فتحى قابلته على السلم
نوال/ انت مين؟ ايه اللي جابك هنا؟
حسام اتقلب وشه
ورد عليها
أنا السواق بتاع ست بثينه
ادتنى حاجه كنت جايبها لمدام آثار
ومشى حسام
وركب عرببته وخرج من البلد
اثار قامت من مكانها سترت نفسها خايفه ان فتحى اواي حد ييجى وهي في حالتها دى
اثار بقت خايفه
خايفه تتكلم خايفه تقول اللي حصل
فتحى رجع من شغله شاف اثار قاعده ادام المرايا ودموعها في عينيها
فتحى حط ايديه عليها
اثار اتخضت
فتحى /فيه ايه مالك؟
اثار /انا مافيش حاجه انا عاديه جدا
فتحى /وايه الدموع اللى فى عينيكى دى
اثار /دى دموع الفرحه
فتحى /فرحة ايه؟
اثار /كنت عامله ليك مفاجاءه انا حامل
قلتها وهي في عينيها الدموع
فتحى بجد حامل انتى بتتكلمى جد
اثار /ودى فيها هزار يافتحى
فتحى كان طاير من الفرحه
واثار الحزن جواها مالى قلبها
روضه ونوال لما عرفوا طلعوا يباركوا لها
كانت قلوبهم طايره من الفرح
اثار ماتكلمتش ودارت على اللى حصل
ياترى اثار ليه سكتت؟
هل خايفه من حسام؟
وولا خايفه من الفضيحه؟
مرت ايام والبيت كان مليان فرحه
اثار الكل عززها وشايلينها من على الارض شيل بسبب الحمل
حسام رجع مره ثانيه
رجع وفضل مستنى اللحظه المناسبه علشان يدخل لاثار
كان فيه فرح في البلد
والكل رايح يبارك ويهنى
حسام دخل البيت وطلع شقة اثار
خبط على الباب
فتحى هو اللى فتح الباب
حسام زقه وقعه على الارض
وفضل يخبط فيه
فتحى نزف دم واغمى عليه
اثار طلعت من الاوضه
شافت حسام ادامها وفتحى غرقان في دمه
آثار صرخت فيه
حاولت تبعده
لكن هو مسكها من شعرها وقالها
المره اللي فاتت كنت باخد تمن خيانتك
المره دي بقى علشان بعتيني
واتجوزتي غيري
لـهخليكي تنفعينى ولا تنفعي غيري
وكان معاه ازازه فيها مية نار فتحها ورشها بيها
اثار صرخت بصوت عالي
حسام خاف وطلع جرى
ركب عربيته ومشى بسرعه بيها
آثار وقعت على الأرض
النااس طلعت جري على الصويت
فتحى غرقان في دمه وواقع
اثار بتصرخ من الالم والوجع
طلعوا بيهم على المستشفى
بعد كام يوم فتحى واثار بداءو يستردوا عافيتهم
روضه /مين اللي عمل كده؟
فتحى /انا ماعرفوش وماشافتوش قبل كده
روضه كررت السؤال لاثار
اثار /ماشفتوش كان مخبي وشه
روضه حست ان اثار بتكذب عليها
نوال اتكلمت وسالت اثار مين اللى كان عندك من كام يوم يااثار؟
اثار / امته؟
نوال /الاسبوع اللي فات وكان نازل الصبح الساعه ٩ الصبح
اثار /مافيش حد
نوال /سواق الست بثينه كان عندك بيعمل ايه؟
اثار /الست بثينه ماعندهاش سواق
نوال /انا كلمته وهو نازل وقال انه سواق الست بثينه كان جاي يديكى حاجه الكذب مالوش رجلين يااثار
اثار انهارت وبداءت تحكى لروضه على اللى حصل
وقالت ان حسام هو اللى عمل كده
روضه/ اللى حصل حصل خلاص واللى جاي هيبقى طين على راس حسام
من اللحظه دي
احنا اللي هننتقم
وحقك
هيجي بإيدينا.
روضة طول الليل قاعده تفكر ازاي تنتقم وتشغي غليلهاح من حسام بعد اللي عمله مع فتحى واثار
قلبها كان مولع مش قادره تنسى منظر آثار وهي منهاره
ولا منظر فتحى اخوها وهو مرمى على الارض ودمه سايل
روضة مسكت تليفون آثار
وفتحته اخدت منه رقم بثينه
ولما شق ضوء النهار اتصلت ببثينه
بثينه
ألو مين معايا؟
روضه
أنا روضه اخت فتحى جوز آثار
بثينه /اهلا وسهلا خير اثار فيها حاجه
روضه /اللى هي فيه ربنا وحده قادر ينجيها منه
بثينه /اثار فيها ايه طمنيني؟
روضه /محتاجه أقابلك ضروري ولما نتقابل هتعرفي
بثينه/حاضر
بثينه وروضه حددوا الوقت اللي هيتقابلوا فيه وراحو في الميعاد والمكان
بثينه/ خير يا أستاذه روضه؟
روضه /اليوم اللي جيتي فيه تزوري آثار كان معاك سواق وقاعد في العربيه
بثينه /سواق إيه؟ ده كان حسام أخويا
روضه /أخوكي؟
أخوكي اللي دخل بيتنا ونهش عرضنا ولحمنا؟
أخوكي اللي هجم علي اخويا فتحى وكان هيموته؟
أخوكي حسام طليق اثار
ليه جبتيه البيت
طيب اسمعيني
إنتي واخوكى هخليكم تندموا ندم السنين
ودم اخويا وحق اثار مش هيروح بلاش هدفعك انتى واخوكى التمن غالي
بثينه مذهوله
إنتي بتقولي إيه؟!
حسام يعمل كده؟!
أنتي أكيد فاهمة غلط!
روضه /مش حسام لوحده اللى عمل كده انتى شريكه معاه
ولوطلعت على القسم
دلوقتي انتى واخوكى هتقضوا بقية حياتكم في السجن بس احنا مش هنعمل كده احنا هناخد حقنا بأيدينا
بثينه /فهمينى ايه اللي حصل
روضه حكت اللى حصل لبثينه
بثينه ماكانتش مصدقه اللى بتسمعه
روضه سجلى رقمى معاكى لانك هتشوفيه كتير الفتره الجايه وصوتى مش هيخليكى تنامى انتى واخوكى
اتصلي بااثار وكلميها وشوفي ايه اللى حصلها
بثينه اتصلت بااثار
اثار /عايزه يابثينه
بثينه /بطمن عليكى ياحبيبتي
اثار /لا اطمنى وطمنى اخوكى وقوليله انى لسه عايشه بس مش هبقى خرساء بعد كده هحكى اللى حصل للكل واقول واتكلم بثينه واخوها عملوا فيه كده
بثينه /انتى عارفه انى ممكن اذيكى؟
اثار/اللى اخوكى خطط ليه نفذه وانتى السبب انه يوصلي
بثينه /والله العظيم ماعرف انه ناوى على شر سامحينى يااثار
وقفلت السكه مع اثار
روضه مشيت وبثينه رجعت البيت
بثينه طلعت على اوضة حسام
وسالته
عملت إيه لآثار؟!
حسام ببرود قاتل:
عملت اللي المفروض يتعمل
كنتي فاكره إني هسيبها تتجوز وتتهنى بعد ماهربت وخانتنى ؟
ده حقي وأنا أخدته
بثينه /وكلامك ليه انا عايز اثار تسامحنى وابداء حياه جديده ودموعك كل ده كان فيلم بتمثله
حسام /ايوه فيلم كان لازم اظهر هناك بصوره طبيعيه علشان ماحدش يشك فيه لحظه
بثينه/وانا الحماره اللى ساعدتك
إنت اتجننت! انت عارف انت عملت ايه
انت هتكون سببفى خراب بيوت!
هيكون فيه سجن ليه وليك دمرت حياتنا الله لا يسامحك
حسام/اللي حصل حصل ولوفيها رقبتى مش فارقه
بثينه /فعلاً مش فارقه طالما رضيت غرورك وعملت اللى يخليك تحس بالانتصار
بس انا ياحسام اللى هكسر غرورك
انا اللى هوديك لحبل المشنقه بايدى
بثينه كانت منهاره جدا
اتصلت بروضه
روضه /الو
بثينه /انا من ايديكى دى لايدك دى
روضه /يبقي اتفقنا هستناكى بكره تيجي البلد
بثينه/حاضر
بثينه راحت لروضه البلد تانى يوم
بثينه. دخلت اطمنت على اثار
بثينه /سامحيني
اثار /مالوش لزوم الكلام انا طول عمري كده مابعرفش اختار صاحبه ليه
بثينه قربت ناحيتها
انا مش صاحبتك انا اختك والاخت عمرها متاذي اختها
وانا اللى هجيلك حقك من اخويا
حسام فتح على نفسه باب
وإنا هقفله على دماغه
اثار وروضه وبثينه رسموا خطه علشان ينتقموا من حسام
ايه هي الخطه؟
ومين هيكون المساعد ليهم؟
تفتكروا حسام هيقع بسهوله؟
الجزء الاخير
الكذب لايخفى الاثار
روضه استعانت باشخاص لا تمام الخطه
بداية الخطه
روضه بتكلم حسام من رقم بثينه
حسام /ايوه يابثينه
روضه /انا مش بثينه
حسام /انتى مين؟
روضه /مش مهم انا مين مش هتفرق كتيرر
حسام /عايزه ايه؟
روضه اسمع
بثينه الحقنى يا حسام
حسام/اختى ياولاد الكلب
روضه /اختك عندنا واللى عملته فى اثار مش هيعدى بالساهل واللى اتعمل فى اثار هيتعمل فى اختك
كلمه للبوليس
قول على اختك يارحمن يارحيم
روضه تقفل المكالمه
حسام كل شويه بيتصل ببثينه وهي مش
بترد
حسام كان متوتر وخايف جدا على اخته
حسام طلع يجرى زي المجنون ركب عربيته وراح على شقة اميره اخت اثار
حسام بيخبط على الباب بجنون
اميره بتفتح
حسام بيزقها ويسالها اختى فين؟
اميره /وايه هيجيب اختك هنا؟
حسام /اختى لوجرى لها حاجه يبقي انتى واختك مش هيطلع عليكم النهار
اتصال اخر من روضه
روضه /تفتكر اختك هتتحمل لحد امتى؟
حسام /اقسم بالله لو اختى جرى ليها حاجه لاقتلكم كلكم
روضه /ايه خايف عليها ولاعلى شرفك؟
حسام /اختى هتفضل اشرف واحده فى الدنيا ويوم ماحد يلمسها اويقرب ناحيتها تبقى حياته انتهت
روضه /وانت كمان حياتك هتنتهى زي مانهيت حياة اثار
حسام بيزعق
روضه قفلت السكه في وشه
اليوم التالى
روضه راحت لحد الشركه بتاع والد حسام
حسام كانت عربيته واقفه
روضه معاها حمدى كسر
ازاز العربيه
وبعد ماكسره بيرمى ورقه جواها
حسام اول ماينزل يشوف عربيته والازاز المكسور
بيبداء بتنضيف الازاز من
بيشوف الورقه ياخدها يقراها
الورقه مكتوب فيها
أنا في إيدي حبل المشنقه
مشوار واحد للقسم
والحقيقه تتعرف وحق اثار يخلص
حسام بيسال نفسه مين اللى عمل كده وازاي عارفين كل تحركاتى؟
روضه فى نفس اليوم بالليل
واحد اسمه ابراهيم معاها يتصل بحسام
حسام /الو
ابراهيم
لو عايز سكوتى
عايز مليون جنيه
أوأسيب القانون ياخد حقه
حسام /سكوتك عن ايه؟
ابراهيم /انا شوفتك وانت بتجرى وانت نازل من شقة اثار مشوار صغير لحد القسم وانت فاهم ايه اللى هيحصل
حسام /حاضر الفلوس هتكون جاهزه بكره الصبح
ابراهيم /اي كلمه كده ولاكده اختك تحت ايدينا وبعد كده ماتلومش غير نفسك
حسام تانى يوم جهز الفلوس ومستنى اتصالهم
بثينه اتصلت بيه وهي منهاره
حسام /الو
بثينه/الحقني يا حسام أنا هربت وأنا في مكان قبل بلد آثار بشويه
الناس هنا شكلهم يخوّف تعالى خدنى
حسام/ حاولى تكونى قريبه من الطريق
بثينه /بسرعه ياحسام انا خايفه جدا
حسام ركب عربيته وطلع بيها على بلد اثار
بثينه كانت على اتصال بحسام
وحسام كان بيقرب منها ويحاول يطمنها
حسام وصل على الطريق الزراعى
شاف بثينه واقفه جزء من ملابسها مقطوع وبتحاول تدارى جسمها مرعوبه من الخوف
حسام من غير تفكير ركن العربيه
ونزل بسرعه قلع جاكيت البدله بتاعته وحطه عليها
فجأه تظهر روضه ادامه لابسه النقاب
و ابراهيم من وراه
يضربه على دماغه
يقع على الارض
ويربطوه بالحل
ويسحبوه داخل الاراضي الزراعيه ويدخلوه زريبه
كانت
ريحة الزريبه مقززه
وحسام متعلق من إيديه ورا ظهره
يفوق حسام
يشوف بثينه اخته واقفه مع روضه
حسام/ انتي معاهم؟ إزاي؟
بثينه/ ايوه معاهم ياحسام
معاهم علشان انا بنت زي اثار
فاكر اثار وزي ما عملت في آثار و بهدلت حياتها
أنا واقفه هنا علشان أشوف نهايتك
حسام /انا اخوكى هنت عليكى تعملى فيه كده؟
بثينه /واثار وكل بنت ضحكت عليها اخواتى انت صحيح اخويا من دمى ولحمى وهما اخواتى في الاسلام دينا اللى انت ماتعرفش حاجه عنه بيقول كده
انما المؤمنون اخوه
لما اتصلت بيك وجيت لقيت هدومى متقطعه غطتنى بسترتك سترت جسمى
علشان خايف على شرفك ولحمك
لكن بالنسبالك شرف الناس لعبه تتسلى بيها
والبنت اللي تتأذي مش مهمه المهم رجولتك قدام نفسك
حسام عينيه في الارض
ويقولهم مافيش حد فيكم هيفلت من ايدى
تقرب منه روضه
وتشيل النقاب و تبص في عينه من قريب
روضه/انت فاكر نفسك كبير ولسه فيك نفس
حسام /حسام ضاحى مابيسيبش حقه أبداً حسام ضاحى هيخليكم تندموا
ابراهيم بيضربه من الخلف
حسام /اه
روضه/ بتصرخ ليه فين الكبرياء بتاعك ولا حسام ضاحى مجرد كلام وبس
حسام/فكونى
روضه/ نفكك
فاكر يوم ما دخلت بيت آثار؟
فاكر جريت قد إيه؟
فاكر ضحكتك؟
النهارده احنا اللي هنضحك
ابراهيم فضل يضرب فيه
حسام بيحاول يبعد جسمه متعلق مش قادر حتى يغطي نفسه من كتر الضرب اللى نازل عليه
وحسام يصرخ
روضة/ اصرخ مفيش حد هيسمعك ولاهيرحمك
زي ما آثار محدش سمعها ولانت رحمت صرخاتها
حسام يحاول يتكلم، نفسه بيطلع بالغصب
بثينه حرام حرام عليكِى دول بيضحكوا عليكى انا اخوكى ومافيش اخت بتعمل كده في اخوها
بثينه /انت اللي كنت بتضحك على الكل ودلوقتى هما اللي بيضحكوا عليك
روضه مسكت عصايه خشب في ايديها وبصت لحسام وقالت له دم فتحى مابيروحش هدر وكل نقطه نزلت منه هتكون نار تحرقك
أختك علمتني درس
إن اللي يخون ويتعدى
لازم يتربى
وضربته
حسام دخل في حالة إغماء
روضه تمسك وشه وتقوله
قوم ياسيد الرجاله لسه ما خلصناش
ده أول الحساب
باقي الحساب لسه
حمدى جاب جردل ميه من الترعه ورشه بيه
حسام هاها
ابراهيم يفكه وينزله على روث المواشي
حمدى ماسك سكينه في ايديه ويساله نفسك في ايه قبل مارقبتك تطير
حسام بيتوسل لروضه ولبثينه
حمدى حط السكينه على رقبته
حسام لا والنبي انا غلطان واللى انتم عايزينه هعمله
حمدى رفع السكينه من على رقبته ورجع وراء
وقف ادام حسام
وقاله كان نفسي اشيل رقبتك واقطعك حتت وكل حته في جسمك ارميها في مكان بس علشان اختك دى مش هعمل كده
انا هعلمك علامه كل ماتشوفها تحس بوجع كل بنت وجعتها
وسحب السكينه على دراعه حسام صرخ صرخه عاليه
كان الجرح مش عميق
بثينه قربت من اخوها وتقوله
ماكنتش اتمنى اشوفك كده بس انت استغليت طيبتى وهبلى علشان توصل لاثار
وانا واثار واللى زينا مش محتاجين نشوف فى حياتنا حسام ضاحى واشباهه
انت كان فى قانونك اي بنت ضحيه ليك ولافعالك القذره
بس المره دي انت الضحيه
انت واللى زيك مش محتاجين اللى يتعامل معاكم بطيبه لان الطيب في قانونكم هاتدسوه برجليكم
انت اللي خليتنى كده ياحسام
حسام مرمى على الأرض وشه ملطخ بالوحل وهدومه كلها متعاصه من روث المواشي
لسه صاحي
لكن مش قادر يقاوم مش قادر يتكلم
ابراهيم /يلا نرميه ادّام المستشفى
حطوه في عربيه نص نقل وقفت ادام باب المستشفى العام
ترمي حسام وهو لسه فيها نفس
جسمه كله متجلد ومليان كدمات
دماغه مفتوح
إيده فيها جروح
ومناخيره بتنزف
وهدومه متلغمطه بالوحل
كان حسام بيصرخ من الوجع
الامن اخدوه دخلوا ببه على نقاله
التمريض مزعور
والدكاتره مش فاهمين إيه اللي حصل فيه
حسام بيفتح عينه بالعافيه
بيتم عمل اللازم لحسام وتضميد جروحه
وايقاف النزيف
وبعد ساعات
ليل المستشفى ساكن
والطرقه هاديه
آثار داخله المستشفى
في إيدها مرايا صغيره
تدخل الاوضه اللي فيها حسام
تقرب لسريره
وحسام بيفتح عينه، مش مصدّق
مش مصدّق إنها واقفه ادامه وهو بالشكل ده
آثار قربت المرايا من وشه وقالت بص لنفسك ياحسام بيه يابن الاكابر
ارفع راسك
قوم شوف بقيت إيه وبقى شكلك عامل ازاي؟
ترفع المرايا عند وشه…
حسام يشوف وجهه لأول مره
ورم
مجروح
عين نص مفتوحه
تهز المرايا قدام وشه
إنت كنت بتتشطر عليّا وأنا خايفه
كنت بتقتلنى بالكلام والتهديد
كنت راجل قوي أهو
اتفضل شوف الرجوله وصلت لفين
حسام /بكره هيكون بتاعي انا
وضحك ضحكه صغيره
آثار تقرّب وشها من وشه
بتضحك؟
اضحك وعلى صوتك هز ارجاء المستشفى بضحكتك لان دى هتكون نهاية جبروتك
اثار تطلع من شنطتها زجاجه فيها مية نار
وتفتحها
ريحة الكبريت تضرب المكان
اثار /فاكر دى ولا مش فاكر؟
حسام بداء
الخوف الحقيقي يظهر عليه
الخوف من واحده اتدمرت على إيده
اثار/ الجزاء من نفس العمل
انت وأنا نبقى زي بعض
لاننفع نفسنا ولا ننفع غيرنا
وترفع الزجاجه
وترش مية النار على وسطه
حسام يصرخ صرخه تخرق جدران المستشفى
«آااااااااااه!!!»
جسمه يهتز
الصريخ يتقطع
والجلد يتحرق قدام عينه
آثار تبصله بلا رمشة:
«زي ما كسرتني
زي ما ضحكت عليا
من غير رحمه
ده جزاءك.
تقع المرايا على الارض تتكسر
آثار/ولا الكذب نجاك
ولا نجانى
وياريتني اتكلمت من أول ما هددتني
بس للاسف اتكلمت متأخر
تدور وتخرج
والباب يتقفل وراها
وحسام فضل يصرخ
ذهبت اثار الى بيت شقتها الصغيره حيث كانت تسكن مع اختها اميره
وجلست تنظر بهدؤء الى مرايتها التى كانت تتزين امامها وهي فتاه
وقالت ياليتنى لم اكذب على نفسي او على من حوالى ياليتنى تكلمت قبل فوات الاوان
ولكن هذا قدرى
انتهت القصه
رساله
أحيانًا نعتقد أنّ الصمت أو الكذب أو التهرب من الحقيقه سيحمينا
لكن كل لحظه نتأخر فيها في الكلام،
كل مره نخاف أن نكشف الحق،
هي فرصه لمن يريد أن يسيطر علينا أن يزيد جرأته
آثار تعلمت بالطريقه الصعبه سكوتها في البدايه أعطى حسام مساحه ليغتصب حياتها،
ليزيد الألم،
ليختبر حدودها
لكنها في النهاية تكلمت، واجهت، ولكنها لم تنجوا من العذاب وظلت طوال عمرها تعيش معذبه كلما نظرت الى المراءه
لكل بنت، تذكّري
لا تكذبي
ولا تترددي
ولا تسمحي للخوف أن يُخفي صوتك. كل لحظة صمت أو تأخير تمنح من يريد أن يظلمك فرصه أكبر ليؤذيك.
الكلام في الوقت المناسب قوه
اما الصمت هو الذي يطيل معاناة القلب
انتصار آثار ليس مجرد انتصار شخصي،
بل درس لكل من يظن أن القوه في الظلم والسيطره
وأنكسار حسام هو برهان أن من يلعب بشرف الآخرين
مهما طال الزمن، سيواجه نهايته.
تحياتى لكم جميعا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق