رواية عمر جاري ويامراري بقلم أمل أحمد حصريه وجديده على مدونة النجم المتوهج

رواية عمر جاري ويامراري بقلم أمل أحمد حصريه وجديده على مدونة النجم المتوهج 

رواية عمر جاري ويامراري بقلم أمل أحمد حصريه وجديده 

لابسة بنطلونا الفوشي يلي جابتلا ياه جارتن ام محمود وقت نجحت .. وبلوزة اخوها سعيد الحمرا .. ورابطة شعرا كعكة وعم تركض حافية ورا اخوها لصغير زيد  يلي سرقلا الريموت وبايدا الشحاطة الزهر ..

هناء: وقف ولا وققف .. لك تعا تعااااا والله لادبحك 

زيد عم يركض والريموت بايدو وفارط من الضحك .. 

هناء: ما بدك توقف .. انا بورجيك .. خووود 

ورمت الشحاطة عليه .. بس يا حزركن وين اجت الشحاطة .. 

بنص وشو لعمر .. 

عمر: ااااخ 

نصدمت هناء وقت شافتو .. وجمدت بارضا .. 

هناء: لك من وين طلعلي هاد هلأ 🙈

عمر: لك مالك طاسة !!

هناء: هاااا .. اي اي .. اسفة .. آسفة كتير والله .. كلو منو .. هو يلي سرقو مني وهرب .. والله ما كان قصدي .. كنت بدي وقفو وما عرفت شلون .. لك سرقو من قدام عيوني .. روحي عم تطلع عليه 😭😭😭😭

عمر: لك خلص خلص .. بعتزر منك .. مين هالواطي يلي سرقك .. خبريني عنو .. هلا بشحطلك ياه هون 

مسحت هناء انفا بكما واطلعت عليه .. (جد .. امانة اماانة فيك تجيبو لهون )

لعت نفسو لعمر .. (اي اي .. مين هو لروح اشحطو .. بتعرفي شي)

هناء: لك اي .. هو اخي .. اخي لصغير 

رفع عمر حاجبو واطلع فيها .. (اخوكي لصغير ؟؟! وشو سرق منك )

هناء: الريمووووت 😭😭

عمر: لا حول ولا قوة الا بالله .. هلا كل هالبكي ع ريموت 

هناء: لك ايييي ..  غير المحطة وسرقو وراااح 😭😭

عمر: وشو كنت عم تحضري دخلك 

هناء: كابتن ماجد .. كان رح يسدد الهدف 😭😭😭

ضرب عمر كف بكف وهز براسو .. (عليه العوض ومنو العوض .. ليك يا بنتي .. روحي لعند امك وقليلا يعدمك ياني الهي )

وتركا ومشي .. 

مسحت هناء دموعا .. (امي!! يعدمها ياني !!)

رواية عمر جاري ويامراري بقلم أمل أحمد حصريه وجديده 

ولفت وشا عليه وصرخت باعلا صوتا .. (اي ان شاء الله يعدمني ياك انت وهالشعرات يلي شبه القنفذ .. تفه شو قليل زوء )

سمعا من بعيد .. لف وشو ورجعلا .. وقت شافتو راجعلا تلبكت وعملت حالا انو عم تدور ع شحاطتا الزهر .. 

عمر: تعي لهون ولي .. شو قلتي ؟؟

هزت بكتفا.. 

هناء: ما قلت شي 

مسكا عمر من مرفق ايدا .. (ليك ولي ازا غير مرة بتجيبي سيرة شعراتي ما بتلومي الا حالك .. فهماااانة )

هزت راسا من غير ولا كلمة ونشف الدم بعروقا .. 

عمر: تضربي بهالمنظر متل قوس قزح 

وتركا وراح وهي لساتا مصدومة .. وسرحانة بيلي صار هلأ.. 

اجا زيد من وراها والريموت بايدو .. (شبك اختي .. وشبو هاد)

بقي نظرا ع عمر وسرحانة فيه وهي عم تحاكي زيد .. (يعني ما همو التفه ولا المسبية .. همو بس شعراتو)

زيد: لك اي اي .. انت عرفانة قديش بكون صرلو وقت وهو عم يمشطن ويجلجلن 

هناء: هيك قولتك انت !!

زيد: لك اي اي اختي 

هناء: اختي!!! 

وعيت ع حالا ولفت وشا عليه .. (ولا زيددد .. تعا لهون .. وينو الريموت ولااا وينو)

ومسكتو من ادنو .. وهو عم يصرخ ويتوجع .. 

زيد: خلص .. خلص .. ايييي .. لك ليكو ليكو 

اخدت الريموت منو وزمت بشفافا وهي مديقة عنيها ورجعت ع البيت .. 

زيد: الله يكون بعون يلي بدو ياخدك شو ايدك تقيلة 

هلأ صار دوري لاحكيلكن بعد ما امل احمد الله يسلما بلشتلكن بهالحادثة المأساوية .. ويلي هي جووول كابتن ماجد يلي راح علي وما شفتو 😭

المهم .. رجعت للبيت وانا معصبة من راس القنفذ يلي شفتو قدامي .. ومن اخي زيد .. 

امي: لك وين كنت يا مقوصة 

هناء: كنت عم اركض ورا ابنك الغبي .. سرقو للريموت مني وراح علي جوول كابتن ماجد

امي: حسبيا الله ونعم الوكيل فيكي .. لك انت جامعية .. جااامعية ولسا عم اتابعي كابتن ماجد .. شتهيتك شي مرة تحضري مسلسل رومنسي متل هالبنات 

هناء: رومنسي .. استغفر الله .. لك يا امي عم تشجعيني ع الانحراف 

امي: انحراف !! لك ليش انا شو عم قلك ولي !! انا عم قلك حضري .. حضري .. حسسيني انك طبيعية متل البنات 

هناء: يعني لازم كون تافهة لتحسي اني طبيعية .. لازم اقعد ساعة كاملة شوف واحد عم يضحك ع وحدة ويقلا بحبك ويروح يخونا مع وحدة تانية وتعرف حبيبتو ويتخانقو وبالاخير يصالحها 

يعني كل المسلسلات نفس القصة .. بس كابتن ماجد غير يا امي غير 

وما بعرف كيف الشحاطة اجت بنص خلقتي .. 

امي: روحي نشري الغسيلات روووحي .. فقعتي مرارتي 

هناء: رايحة امي رااايحة 

اخدتن للغسيلات وطلعت لانشرن .. وانا عم دندن وسلطن .. 

هناء: كابتن ماجد .. نجم الملعب .. نجم رائد .. نجم حساسٌ ومهذب ... يعرف ان اللعب مهارة .. فن تمرير متبادل .. يصنع اهداف واثارة ... 

وبلشت انشر ع انغام كابتن ماجد يلي عم تدق براسي وفتت بالحالة وبلشت اعمل حركات وجووووووول .. 

واززز بسمع صوت من اصطوح الجيران .. 

عمر: 😂😂😂😂 هدي اعصابك كابتن ماجد .. هديي 

لفيت وشي عليه لراس القنفذ .. 

هناء: روح من وشي .. الظاهر اهلك ما علموك الادب .. ليش عم تبصبص علي .. هااااا

وفرط ضحك وأشر بايدو عليّ .. 

عمر: انا بصبص عليكي انت !!؟ لك عشو رح بصبص .. ليكون ع بلوزة ابوكي 😂😂

هناء: مانا بلوزة ابي .. هاي بلوزة اخي سعيد 

عمر: ههههه اي كتير منيح .. ولا بنطلونك 😂😂

هناء: شبو بنطلوني هااا .. لسا ما صرلو سنة عندي وبحبو كتير وبحب لونو 

عمر: لك هالبنطلون خص نص حافظو منيح .. لك مو هاد يلي امي هدتك ياه يوم نجاحك 

هناء: هاا .. اي .. اي وشو المشكلة 

عمر: لك هالبنطلون هاد امي هدتلك ياه شنو ما اجى عليها .. جارتنا ام عوض كانت جايبتلا ياه ع ولادتا لاخي لصغير 

ديّقت بعنيي وزميت شفافي واعلنت حالة الهجوم .. وضربتو بقطعة لتياب يلي كانت بايدي .. 

وهالغضيب بيفرط ضحك وبيمسك قطعة لتياب يلي ضربتو فيها .. وهون صدمتي 😭😭 .. كانت الاندروير لامي .. 

مسكو وفردو بنص خلقتي .. (لك في صبية بتلبس هيك شي )

هناء: عيب عليك ولاا .. ستحي ونزلو من خلقتي .. و.. يعني .. يعني هاد مو الي .. هاد لامي 

عمر: ههههههههه الله يكون بعونو لابوكي 

هناء: ضب لسانك بتمك وعطيني ياه وبلا فضايح 

رما بنص خلقتي وهو لساتو عم يضحك .. 

عمر: وكانو كتير حابب يضل بخلقتي ههههههه

هناء: روح من هون ولا عاد تبصبص ع بنات الناس 

عمر: لك انا .. انا .. ههههههههه .. انا بدي بصبص عليكي .. هههههه لك روحي مشطي شعراتك يلي معلنين حرب قبل وبعدا تعي وحكي 

هناء:ليه شبن شعراتي .. مو احسن من شعراتك يلي متل القنفذ 

وانا قلت هالكلمة وتحول للرجل الوطواط .. قلبت خلقتو وما بعرف كيف بلحظة .. بلحظة ها كان ماسك رقبتي .. 

عمر: انا مو قلتلك لا عاد تحكي شي ع شعراتي 

وانا عم حاول ارفع ايدي لشيل ايدو عن رقبتي .. وعم حاول احكي شي .. عم حاول اتنفس 😭 .. وهو يصرخ بوشي ويقلي فهمتي .. فهمتي ولي .. احكي .. احكي .. 

رواية عمر جاري ويامراري بقلم أمل أحمد حصريه وجديده 

وبقيت بهالحالة لوقت قربت سلم للباري .. وتطلع روحي .. 

شال ايدو عني بسرعة وعصب بزيادة .. 

عمر: لك ليش ما بتقولي انك مخنوقة !! بدك تبليني فيكي 😡 

اخدت نفس وبالزور طالعت الكلمة .. 

هناء: لك كنت شيل ايدك قبل .. لاقدر قلك يا غبي 

حك شعراتو واطلع في .. 

عمر: هاا .. اي .. اي ماشي ماشي .. بس ليكي هالمرة نفدتي من بين ادي ..المرة الجاية ما بعرف ازا بتنفدي او لا ..  اصحك .. اصحك تحكي شي ع شعراتي 

ولف وشو ورجع من مطرح ما اجى وانا لساتني عم حاول القط نفس .. 

وصل اسطوحن ولف وشو عليّ .. (روحي بدلي تيابك قبل لتموتي .. مو حلوة تموتي وانت بهالمنظر هاد 😂)

#الجزء_الثاني

بعد ما راح راس القنفذ من وشي .. حاولت القط نفسي واستجمع قوايي ووقف ع اجريي ... وبصعوووبة شديدة جدا جدا جدا كملت نشر الغسيلات ونزلت عن الاسطوح وانا عم جوح ونوح مع حالي ..

امي: شبك عم تحاكي حالك .. وليش تاخرتي 

اطلعت فيها متل الجدبة ..

هناء: امي .. انا قررت قرار خطير جدا 

امي: الله يسترنا من قراراتك .. هاتي لشوف .. شو لمصيبة يلي جايبتيها هالمرة 

هناء: الله يسامحك يا امي .. انا قررت صير انثى تافهة 

فتحت امي عيونا ع وسعهن وكانو شافت شبح ..

امي: ياا لطيييف .. يااا لطيييف 

رجف جسمي وصرت اتلفت حوالي لشوف امي شو شافت .. 

هناء: شبك امي شبكك .. شو في .. شووو شفتي 

امي: والله ماااا عم صدق .. معقول انت بنتي هناء .. معقول !!!

هناء: ااوووف امي .. والله انا هناء والله .. امي حبيبتي .. نسيتيني .. شو صرلك امي .. شو صرلك 😭😭 هاي انا هنااااء يااااااا اميييييي .. لك اميي فقدت ذاكرتااا يااا ناس 

وكنت عم صرخ ومغمضة عيوني وفايتة بحالة البكي وهيك شي .. وما بحس غير بكف بنص خلقتي .. 

امي: لك ليش عم تجوحي وتنوحي .. فضحتينااا ولييي 

حطيت ايدي ع وشي مطرح الكف واطلعت فيها .. 

هناء: ليكك امي منيحة وما فيكي شي .. وايدك اسم الله لساتا تقيلة .. ليش ما عرفتيني لكن 

زمتلي شفايفا وديقت عنيها وهزت راسا هديك الهزة .  (لك عرفتك .. عرفتك .. بس ما عم صدق انك واخيرا اقتنعتي تصيري بنت )

هناء: اييي .. حبيبتي يا،امي وانا يلي كنت مفكرتك فقدتي الذاكرة .. خلص ليكني رح قوم باشر باول خطوة واتحممم 

امي: الله يهديكي يا امي .. روحي روحي .. اساسا مالي عرفانة كيف قدرانة تعيشي من غير حمام

هناء: هلا انا ما بتحمم .. الله يسامحك يا امي .. لك مو الاسبوع الماضي تحممت 

وبلشت امي تضرب بوشا .. 

امي: لك روحي من خلقتي رووووحي 

هناء: اووف امي. . راايحة 

ورحت تحممت وقعدت شي نص ساعة وانا عم مشط شعري .. حاكم ما بمشطو غير بالمناسبات .. ورحت لعند امي لفرحا شوي .. 

بس مدري ليش وقت شافتني كان راح يغمى عليها ... 

امي: لك .. لك هلا هيك بتكون الانثى ؟؟

هناء: شبك امي .. شبببك

امي: لك شو يلي لابستي .. هاا شووو 

اطلعت بتيابي وانا مستغربة من صريخا .. واطلعت فيها ..

هناء: امي صرلك شي !! شبك يعني ما عجبوكي .. مو هاي البجامة انت يلي شاريتيها 

امي:لك ما لقيتي غيرا .. شوفي لونا كيف مختفي وقماشتا منزوعة .. لك هاي جبتا من تلت سنين ع الاقل 

هناء: اي امي بس انا بحبا كتير 

امي: لك ليش ما لبستي شي من لتياب لجديدة يلي مالك لابستيهن .. ما عم افهم ليش مخبيتيهن 

هناء: يا امي يا حبيبتي .. هدول مخبيتن لوقت اخطب .. لالبسن لخطيبي 

امي: لك ليش انت مين رح يطلع بخلقتك وانت بهالشكل هاد 

هناء: لك شبك امي شبك .. والله حاسستك عم تشجعي ع الانحراف والله 

امي: ليكي هناء .. ضغطي رتفع .. روحي من وشي بسرعة وهلأ .. رووووحي 

هناء: اي امي .. رايحة رايحة 

تركتا لامي ورحت فتحت التلفزيون لروق شوي .. وهون فرفح قلبي وصرت صرخ من فرحتيي 😍😍

واجت امي ركض ع صوتي وهي مرعوبة هالمسكينة .. 

امي: لك شبك شبك 

ركضت لعندا ضميتا وبلشت نط وانا ماسكتا .. 

هناء: عادوها لحلقة كابتن ماجد عااادوها ياااا امبيي 

وما بعرف ليش وكيف دفشتني هديك الدفشة ولزقتلي وشي بالحيط .. 

وكنت لسا عم حاول شيل وشي عن الحيط وما بشوفا غير هجمت عليّ وبلشت تضربني بالشحاطة 😭

امي: كابتن ماجد قلتيلي .. لك الله يغضب عليكي .. كل بنات الحارة خطبو .. لك حتى ليلى الجدبة بنت ام فتحي خطبت وانت خليكي ع كابتن ماجد .. 

هي عم تضرب وانا نط متل الجندب بالغرفة وصرخ لحاول فهما ..

هناء: لك يااا امي مو ليلى الجدبة مووو ليلى مرااام .. مراااام 

 وانا قلتلا هالكلمة وهي جنّت بزيادة.. 

امي: مراااام .. مرام يلي تزوجت وصار عندا ولاااد .. مرااام 

وهي لاحقتني وعم تضرب ما لقيت حل غير اني اهرب براة البيت ..  

وطلعت ركيض ع الشارع وهي لاحقتني بالشحاطة .. ووقت شافتني بعدت عنا ضربتا هديك الضربة .. واجت بنص خلقتي ..  

امي: خليكي بالشارع ولا عاد تورجيني خلقتك 

وانا جمدت هديك الجمدة .. 

هناء: لك اميييييييي .. لك كيف عملتيها هاااي .. لك وربي كابتن ماجد ما في يسدد هيك ضربة 

ما بعرف ليش وقت قلا كابتن ماجد بتتحول لوحش 😭 .. مسكت حجر وضربتو عليّ ولولا ستر ربنا اني بعدت عنو لكان اجا بنص خلقتي .. 

وانا لساتني تحت تاثير هدف امي .. وصدمتي بالحجر يلي هلأ رمتو .. ما بسمع غير صوت حدا فارط ضحك .. 

رواية عمر جاري ويامراري بقلم أمل أحمد حصريه وجديده 

لفيت وشي لشوف وازز براس القنفذ بخلقتي .. ماسك بطنو وفارط .. 

هناء: انتبه منيح بلا ما يطقلك شي عرق 

عمر: لك شو قصتكن انتو .. كلكن حاملين شحاطات ولاحقين بعض بالشارع 

هناء: ما خصك .. روح من وشي 

عمر: هههههه وانا يلي كنت بدي ساعدك كابتن ماجد .. وين رح تروح هلأ بعد ما امك طرتك من البيت 

هناء: ماا خصك .. روح انت من هون روووح 

عمر: اي انت الخسرانة .. كنت بدي حضرك حلقة كابتن ماجد قبل لتخلص 

ولف وشو ليروح .. 

ركضت لعندو ووقفت قدامو ..  

هناء: لحظة .. لحظة ..  لحظة ... وين مبلش امااانة امااانة 

عمر: ولشو بدك تعرفي .. يعني ما رح تستفادي شي وانت بالشارع 

هناء: طيب يعني انت جد بدك تساعدني 

عمر: لا خلص بطلت .. بدي روح احضر كابتن ماجد ع روااق .. هلأ بتبلش ع سبيستون

هناء: لا ولوووو .. شبك ما بتستلقى مزح .. خلص انا موافقة تساعدني 😄

عمر: اي ماشي .. بس تزكري الي عندك وحدة 

هناء: ماشي .. مااااشي 

اخدني عمر ع بيتن ومن اسطوح بيتن رجعت ع بيتي .. 

عمر: يالا روحي حضري كابتن ماجد قبل ليخلص 😂

هناء: مااا رح انسالك هالمعروف بنوووب .. شكرااا 

ولفيت وشي لروح .. 

عمر: لك بربك هالبجامة قديش سنة صرلا عندك 

رفعت اصبعتي بوشو وانا معصبة ..

هناء: لييك .. ما بدي ضوع وقتي هلأ .. مو فاضيتلك .. بعدين بنحكي 

وتركتو فارط ضحك ونزلت ع الهسة بشويش بشويش ع غرفة التلفزيون وفتحت سبيستون وبلشت احضر كابتن ماجد .. 

عم احضر ومستمتعة بكابتن ماجد 😍 .. وقلد حركاتو ودايبة في وبعيونو لوساع يلي بشلو وشعراتو الناعمين وما بشوف غير حد مسكني من ادني .. 

هناء: ايّ .. ايّ 

سعيد: وينا بلوزتي الحمرا .. وينااااااا

هناء: تركني اخي تركني 

وصرت اتلوى بين ادي متل الصرصور يلي ملطوش بشحاطة .. 

سعيد: لك حااج .. حااج عم تتلوي متل السحلية .. ماا رح اتركك لتقليلي وينا .. وينااااااا وليي 😡

هناء: لك بالغسيل .. بالغسيل اخييي 

سعيد: وكيف صارت بالغسيل وانا من اسبوع ما لبستا 

هناء: لك ايي .. امي صرلا اسبوعين ما غسلت 

وبلش يشدددد ع ادني اكتر ..

سعيد: وعم تكزبي كماان .. والغسيل يلي منشر شو هو .. شو هو 

هناء: لك اخي ما بعرف .. ما بعرف 

زيد: انا بعرف 😂😂

هناء: ولا زيد روح من هون رووح 

تركني سعيد واطلع بزيد .. (شو بتعرف )

وانا عم اشرلو لزيد ليسكت وما يحكي شي وهو فارط ضحك وعم يحكي .. 

زيد: هناء كانت لابستا .. شفتا انا والله 

وحوّل سعيد نظراتو البركانية عليّ .. وانا اتخذت وضع اللبؤة لانقض عليه وقت الحاجة او اهرب منو .. 

سعيد: تعي لهون وليي

هناء: سعيد طوّل بالك اخي .. طوّل بااالك يا روحي .. ما رح عيدا والله 😅

سعيد: والله لانتفن لشعراتك شعرة شعرة 

هناء: اخي نتفتن .. نتفتن والله 😭

سعيد: تعي لهون 

وهو ركض لعندي وانا بسرعة اللبؤة هربت منو .. ونطيت ع الكنبة .. بس ما كنت عرفانة انو بالواقع انا باندا مو لبؤة 😭

ووقعت هديك الوقعة اجريي كانو لفوق وراسي ملزق باجر الكنبة .. 

زيد: 😂😂😂😂😂😂😂😂

سعيد: 😂😂😂😂 شو صرلك 

هناء: ولاشي اخي .. رفعني رفعني .. بربك هاد وقت الجوول .. رفعني 

سعيد: لك ايا جول 😕

هناء: جول الكابتن ماجد 😭😭

سعيد: 😂😂😂 لك وربي طفيتي ناري .. تعي اختي تعي لنشوف الجول .. بس لا عاد تعيديها هاا .. هالمرة الكنبة طالعتك من بين ادي 

هناء: ماشي ماشي اخي ماا رح عيدا 

ووقفت وانا حاسة حالي مشلولة .. راسي عم يجعني .. وخصري .. واجريي .. بس كلو ... كلووو ها نسيتو وقت شفتو لكابتن ماجد عم يسدد الجول 😍

هو سدد الجول وانا طرت .. يمكن وصلت للسقف ما بعرف بالزبط .. وبلشت بحركات السعدان من فرحتي .. (جوووووووووووووووووووووول)

واخي سعيد وقت شافني مسك بطنو وفرط ضحك .. 

بس دائماً بتجيك شحاطة نبع الحنان وانت باحلا لحظاتك 😭 .. 

بنص خلقتي .. بنصا بالزبط جابتا للشحاطة ..

امي: لك وطي صوتك فضحتينا يا مقوصة 😡

هناء: اميييي .. اعترفي اعترفي .. انت آخدة دورات عند كابتن ماجد شي .. بربك اعترفي 😕

سعيد: امي آخدة الدورات عند كابتن رابح 😂😂

امي: سكوووت انت التاني .. تعي لهون ولي .. تعييي 

هناء: امي حااج اماانة .. والله وشي تورم منك 😔

امي: كيف فتي ع البيت انت .. كيف ولي 

هناء: هاا .. امي فتت وخلصنا 

امي: اي ماشي كابتن ماجد .. انا بورجيكي .. روحي هلأ وجهزي حالك وبدليلي هالبجامة قبل لاحرقا واحرقك معا 

هناء: يا امي والله هيك مرتاحة 

امي: هنااء😡.. بدلي تيابك .. بدك تفضحيني مع عمتك سميحة 

سعيد: عمتي سميحة 😩

هناء: لا تقوليها امييييي 

امي: اي لا قلتا ومشي الحال .. رجعو مبيرح من دبي.. ما بدي فضايح 

هناء: امييي .. والسرنوة هزار معن 😕

امي: هلا هزار سرنوة !!!؟؟.. اي معن هزار .. يمكن تغاري شوي منا وتتعلمي الانوثة

هناء: انا بدي اتعلم منتااا .. لك يا امي هاي مو تافهة .. هاي .. لك هاي .. حلزونة يا امي .. حلزونة ما فيها عظم بنوووب .. بتمشي وهي عم تتلوى وكانو رح تموت 

سعيد: 😂😂😂😂

امي: الله يمشي هالفترة ع خير .. روحي جهزي حالك هلأ .. رووحي 

#الجزء_الثالث 

بدلت تيابي ولبست البنطلون الجينز  والبلوزة الوردية يلي كنت مخبيتن لالبسن لخطيبي .. ومشطت شعري وانا عم اندب وسب .. 

وبيجي زيد لعندي ركض .. 

زيد: اجو .. اجو .. اجو .. اجووووو 

هناء: هشش ماشي ماشي 

زيد: معن بنت بتشللللل 😍

وانا سمعتو حكى هالكلمة واستنفرت كل القوات يلي جواتي .. حطيت الفرشاية ع جنب ولفيت وشي لعندو .. 

هناء: شو قلت ولا فصعون

زيد: معن بنت بتشلللللللللللللللللل

هناء: اي شد شد كمان 

ومسكت ادنو وشديتو منا .. 

هناء: لا عاد تحكي حكي اكبر منك ولا فصعون .. فهماان 😡

زيد: لك اتركيني اتركيني .. غيرانة منا شنو احلا منك موووو 

هناء: لك سكووت .. سكووت  ولااا 

زيد: خلص تركيني وبسكت 

تركتو من هون وبحركة مباغتة سريعة دعسلي ع اجري وهرب وهو فارط ضحك .. 😭😭

وانا صرت نط متل الكانغر بكل انحاء الغرفة وانا عم ابكي وصرخ .. ويااا اجري ويااا اجري 

بس هالمرة انتبهت ع حالي بسرعة قبل لتجي امي .. او شحاطة امي 😅 .. واختصرت وسكتت .. 

هناء: انا بورجيك يا فصعون 

لملمت اوجاعي النفسية والجسدية وطلعت لبرا .. 

ولسا عم طل براسي .. عم طل براسي هاا .. ما بشوف غير عمتي سميحة صارت عابطتني وعم تمج فيّ من هون وهون .. وتضرب ع ظهري ع اساس مشتاقيتلي .. 

يعني مالي فهمانة شو علاقة الضرب ع الظهر بالعبوطة والشوق .. 

سميحة: ما شاء الله ما شاء الله صايرة عروس 

وبهاللحظة رمت نظرة خاطفة ع ابنا الاجدب عوض .. يلي بلش يسبلي بعيونو ويلمس ع شعراتو 😕

سميحة: شبك ساكتة عمتو شبك .. احكي شي كلمة لنسمع صوتك 

هناء: ليش انت تركتيلي مجال لاحكي عمتو 😄

سميحة: ما شاء الله وصوتك حلوو 

ولسا النظرة زاتا عم تطلعا ع عوض فيها وزادت معا غمزة 😉

هناء: تفضلي عمتي تفضلي ليش واقفة 

واشرتلا بايدي لتقعد .. ولفيت وشي ع البقية الباقية من هالعيلة المصونة .. 

سلمت ع زوجا لعمتي .. وع عوض يلي لساتو عم يسبل بعيونو ويملس شعراتو .. ووصلت للسرنوة هزار .. 

هناء: كيفك هزورة .. شتقتلك 

مدت ايدا وهي لساتا قاعدة ع الكنبة وبالزووور لطالعت هالكلمتين .. 

هزار: منيحة منيحة حياتي 

وانا حاولت خفف دم معا .. لطشتا هداك البوكس ع ظهرا .. 

هناء: لك شبك هيك متل البرغي الفلتان .. شدي .. شدي شوي 

وما بشفلكن غير كل يلي بالجلسة شهقو مرة وحدة ووقفو وقفة رجل واحد .. 

اتلفت حوالي .. يمين ويسار لشوف شو صار .. ليش وقفو هيك .شهقو بس ما لقيت شي .. رجعت اطلعت بهزار واززززز البنت وشا اصفر وشفافا زرق وعيونا قالبين .. 

ومدري سرعتي بهداك الوقت كانت قديش .. مسكت قزازة المي يلي ع الطاولة حدي وفتحتا ورشيتا بخلقتا لهزار لتصحصح .. 

هزار: اااااه ... ااااه .. لك بعدي عني بعدي .. يا مااامييي 😭😭😭

والله حسيت معدتي صارت بسقف حلقي من حكيا .. 

واجت امي وهي عم تعضعض ع شفافا وترمش بعيونا وهمستلي بادني .. 

(حسبيا الله ونعم الوكيل فيكي .. حسبيا الله ونعم الوكيل فيكي)

وعمتي سميحة ترمقني هديك النظرة يلي متل نظرة الصقر وتزم بشفافا .. وتطلع بعوض وترفعلو حواجبا بلاااااااا 

هناء: شبكن يا جماعة .. يعني ما صار شي.. طولو بالكن ولوووو 

سميحة: لك كانت رح تروح بين اديكي 

هزار: يا ماااااامي 😭😭

هناء:😕 اي انت الله يصلحك يا عمتو مخلفة حلزونة .. هلأ ازا رشيتا بالملح بتختفي 

وطلع صوتو للمقوص ابو عيون مسبلة ..

عوض:😂😂😂😂😂😂

اطلعت في وفرحتلو من بصبوص قلبي ع هالضحكة .. 

امي: روحي جيبي القهوة روحي 

هناء: حاضر امي حاضر ههههههه

وطلعت ع المطبخ وجهزت القهوة وجبتا ومرقت هالكم ساعة ع خير .. واخيرااا عتقونا وراحو .. 

مرقت هالليلة بهدوووووء ونمت وشخّرت لقلت كافي .. وكنت مرتاااحة كتير شنو عمتي سميحة ما نامت عنا .. 

الموووهم .. كنت نايمة وعم احلم بابو راس القنفذ .. كان واقف مقابيلي ع سطح بيتن وحامل بلوزة اخي سعيد وبدو يشقا .. وانا صرخ وصرخ وصرخ .. (لك لااااااااا هاي لسعييييييد .. سعيييييد)

وما بشوف غير بير مي نفتح بوشي وفقت مفزوعة من نومي وجفوني ملزقين ببعضن من المي .. ومخنوقة ومالي حسنانة اتنفس من المي يلي فاتت بانفي ..

هناء: بسم الله .. بسم الله 

سعيد: شبك .. لك جيت ع صوتك من غرفتي وانت عم تصرخيلي 

مسحت عيوني وانفي بكمي لاقدر انطق .. واطلعت فيه بنظرات القلب المكسور والمحطم .. 

هناء: لك يا اخي .. حرام عليك حراام .. لك كنت تروك شوية مي .. شوووية بس لحتى اغسلك بلوزتك 

رفع سعيد حاجبو واطلع في .. (ليكي مو ناقصني جنان ع الصبح ...قومي ساعدي امك .. ركضض)

هناء: اي دوبني هلأ ساعد حالي ونشف حالي والشراشف 

سعيد: تركي كلشي .. اليوم جايي حبيبة قلك هزار لتتغدى عندك 😂

حسيت بسلك كهربا نوصل لراسي وهو مبلول بالمي .. وانتفض مخي معو ..

هناء: عم تمزح مووو 

سعيد: لا ما عم امزح .. يا لا قومي بلا ما شحاطة امك تسدد هدفا هلأ😉

ودعت فراشي ودموعي بطرف عيني ع فراقو وبدلت تيابي ورحت لعند امي .. 

هناء: صباح الخير 

امي: مووو معقولة .. شبك فايقة بكير 

هناء: امي .. اماانة لا تبلشي .. والله مو رايقة 😔

تركت امي شغلا واجت لعندي فورا ..

امي: شبك يا روحي 

بصراحة صدمتني .. ادهشتني .. فعست قلبي فعس .. وصرت هيك 😳😳😳😳😳 وما عرفت شو بدي جاوبا .. 

امي: لك شبك يا امي .. شو صاير معك 

ومن الصدمة ما شفت حالي غير عم زغرت .. لولوليييييييييش ..  لووولولييييييش ولساني عم يلعب لعب بتمي 

وبهاللحظة رجعت امي لطبيعتها وحطت الشحاطة بنص خلقتي .. 

امي: لك والله والله ما بتستاهلي الاحترام 

هناء: امي والله من فرحتي فيكي والله 

امي: 😕😕😕😕

قربت منا بخطوات تكتيكية حذرة وضميتا بسرعة وبوستا من خدودا البندورة .. 

هناء: لك بحببببك .. بحبببك 

امي: ههههههههه حاج ولي مجنونة حااج 

تركتا لامي وقلبي عم يرقص رقص وبلشت اشتغل معا بنفس مفتوحة .. 

وخلصنا طبيخ وتنضيف وتعزيل واجو بيت عمتي سميحة .. وكالعادة كلمات عمتي ليست كالكلمات .. ونظرات عوض وتسبيلاتو .. 

مرق الوقت بين غدا وحكي وهيك شي .. ووقت ملينا انا وهزار قررنا نطلع ع الاسطوح نشم شوية هوا ... 

طبعا انا كنت اطلع كل درجتين وتلاتة سوا .. وهزار كل درجة بدا عليها خمس دقايق .. 

يعني وقت وصلت هزار السطح كنت مخلصة البزرات والكولا .. وما بقيان شي .. 

هزار: لك وين البزر 

هناء: خلص .. بحح

هزار: اوووف يااا .. يا الله منك هنوئتي 

ضربت ايدي ع وشي واطلعت فيها .. 

هناء: ليكي .. اسمي هناااء . .. هناااء مو هنوئتي 😕

وما بشوفا غير فتحت عيونا وتما ع وسعهن وما عادت نطقت بشي وهي مسلطة نظرا ع نقطة معينة .. 

انا متت من خوفي وبلشت اضربا كفوف .. يمين ويسار .. وبصراحة وقت جربت الشعور حبيتو لهيك بقيت فترة وانا عم لطوشا كفوف يمين ويسار .. لوقت صار وشا ازرق ع احمر ع مدري شو .. 

وطبعا هي لساتا ع حالا .. 

لفيت وشي ع المنطقة يلي عم تطلع فيها .. ويا حزركن شو بشوف ؟؟؟؟؟ ايواااااااا ابو راس القنفذ ما غيرو ... 

ماسك بطنو كالعادة ومالو قدران يوقف ضحك .. 

هناء: لك شبك هلأ كمان 

عمر: ليكي شو عملتي بالمخلوقة 😂😂 

هناء: لك عم فيقا .. عم فيقاااا 

عمر: اي كاسة مي كفيلة بهالشي .. لشو لكفوف 

هناء: بربي انك كفو عمورة 

رواية عمر جاري ويامراري بقلم أمل أحمد حصريه وجديده 

ومسكت كاسة مي ورشيتا بنص خلقتا .. وانفكت عقدة لسانا ..

مدت اصبعتا ع عمر متل الجدبة وهي عم تقول .. (ليكي هناء .. ليكي .. لك مين هاد 😍😍😍😍😍😍)

هناء: ولي سرنوة صحصحي وبلا فضايح .. وليييي شو هاااد .. فيقي ولي فيقي وصحصحي

عمر: كابتن ماجد .. مين هالامورة يلي معك 

زميت بشفايفي وديقت بعنييي وكانت الكلمة ع وشك تطلع ... (راس القنفذ) .. بس ستر ربنا بانو السرنوة فيقتي من عصبيتي .. 

هزار: انا هزار (بدلع)

عمر: يسلملي الاسم وصاحبتو 

وبلشت تتلوى وتفتل بشعراتا وتدبل بعيونا وتطلع فيه .. (ميرسي كتير الك .. ممكن اعرف اسمك)

عمر: عمر .. انا عمر 

كل واحد فيهن عم يدبل عيونو من جهة وراس القنفذ مبلش ع غزل وانا متل الجدبة واقفة بيناتن وفاتحة تمي ع وسعو .. 

بس لااااااااااا .. انا ما بقبل بهالمهزلة ابدااا .. هالتفاهة هاي ممنوعة بقاموس حياتي .. وفجأة وبكل قوتي صرخت بوشن .. 

هناء: حاااج انت وياها حاااج عم تدبلو بعيونكن ...جتكو القرف ع قولة اخوانا المصريين 

هزار: لك شبك هنوءتي .. ليش معسبة 

كزيت ع سناني وضربت وشي من قهري .. 

هناء: لك انت بس لو بتسكتي وما تسمعيني صوتك

عمر: وليش بقى .. غيرانة من صوتا موو 

حطيت اديي ع خصري واطلعت في نظرة الصقر .. 

هناء: انا ما بغار من المياعة

عمر: هلأ هاي مياعة !؟ هاي اسما انوثة .. رقة .. جاذبية 

كان عم يحكي ويطلع فيها للسرنوة ويدبلا بعيونو .. 

وانا بلشت اعصابي تضرب طبول ... واعلنت الحرب .. 

هناء: قومي ولي هزار قووومي 

هزار: لك لوين .. خلينا هون شوي 

هناء: مشي معي ولي .. مشي 

عمر: لك نزلي انت حضري كابتن ماجد وتركيها لهزورة لنتسلا سوى 

هزار: اي اي هنوئتي .. روحي انت روحي 

هناء: لا يا روحي .. انا بخاف عليكي .. حاكم الهوا هون كتير وبيخربا لبشرتك وبتتحسس

حطت هزار ايدا ع وشا وهي مرعوبة .. 

هزار: لك اي والله .. امشي امشي لننزل امشي بسرعة 

لفيت وشي ع راس القنفذ ومديتلو لساني وجاكرتو وسحبتا من ايدا لهزار ونزلنا ..

#عمر_جاري_ويا_مراري

#بقلم_امل_احمد

#الجزء_الرابع

نزلنا عن الاسطوح وكنت حاسة حالي مخنوقة كتير .. 

هناء: لك شبني انا !! ما الي غير كابتن ماجد لرووق

وتركتن كلن مجتمعين ورحت فتحت التلفزيون لاحضر كابتن ماجد .. بس للاسف ما كان وقتو لسا .. وبلشت قلب بالقنوات واجت عيني ع فلم سندريلا ..

الغريب بالموضوع انو ولا مرة بحياتي فكرت متل البنات انو كون سندريلا .. بس مدري ليش هلأ حبيتا لسندريلا .. 

هناء: لازم صير سندريلا لورجي لراس القنفذ انو انا احلا واهضم منا لهزار 

ومن هاللحظة قررت موتو للجعفر يلي جواتي واقلب ع سندريلا وتافهة كمان .. 

بس كان لازمني دعم .. ودعم قوي جدا .. شنو متل ما بتعرفو حالتي مستعصية جدا 😭

واول ما فكرت بالدعم اجت عبالي رفيقتي التافهة ليال .. يلي بين كل كلمة وكلمة الها خمس دقايق .. 

وهون شديت الهمة وحزمت امتعتي وطلعت من البيت لعندا لليال .. 

دقيت الباب وانا عم فكر براس القنفذ وتعليقاتو السخيفة علي .. 

ومن بين افكاري نفتح الباب ..

هناء: مرحبا خالتو .. ليال موجودة ؟

ام ليال: اي حبيبتي موجودة .. تفضلي 

فتت ع بيتن وعندي رغبة شديدة بالانتقام من راس القنفذ وهزار معو .. 

قعدت بالصالة شي نص ساعة لوقت اجت ليال عم تتغندر ..

ليال: اووو هناااء .. ايا هوا رماكي علينا 

هناء: هوا راس القنفذ يا روحي 

اطلعت في باستغراب وهي رافعة حاجبا .. 

ليال: هوا راس القنفذ ؟؟؟

هناء: لك لا تحطي ببالك .. تعي هلأ .. بدي منك خدمة 

ليال: اي حبي .. ازا جايي لتسالي عن تردد قناة جديدة للاطفال فريحي حالك .. ما عندي وما بشوفن ولا بطيقن 

هناء: لك لاااا .. شو اطفال وما اطفال .. نحنا كبرنا وصرنا بعمر الورد 

ليال: بسم الله عليكي .. هناء انت منيحة حبي ؟

هناء: سمعيني وبلا جدبنة .. القصة بالمختصر في شب تافه .. تافه كتير .. وبدي علّقو فيّ لربيه .. وبصراحة ما لقيت انسب منك لهيك خدمة خبيثة 

دقت ليال ع صدرا وهي متحمسة ..

ليال: عرفتي مين تختاري .. عندييي .. بس ليكي بدك تطبقي كلشي بقلك ياه بحذافيرو 

هناء: ولا يهمك .. ما رح اترك ولا حذفوراية صغيرة وراي

ليال: كتيير منيح .. لك والله من زمان مشتهية تعلقي شي علقة معي .. اول خطوة بدك تنسي لكابتن ماجد 

هناء: لاااااا مستحيل .. هاتي غيراا 

هزت ليال كتفا .. ولفت وشا .. 

ليال: اي بكيفك .. بس انا هاد شرطي الاساسي 

هناء: ففففف .. طيب ماشي ماشي رح حاول 

ليال: مو تحاولي .. بدك تنسي وخلصناا .. وهلا روحي ع بيتك وبكرة ع 8 الصبح بتكوني مزروعة عندي هون لننزل ع السوق 

هناء: لك وليش ع 8 .. اجليها شوي 

ليال: ليكي هناء .. مو كلشي تناقشيني في 

هناء: تضربي انت ويلي استنجد فيكي .. خلص ماشي 

ما رح خبركن عن العلقة يلي اكلتا من امي وقت رجعت البيت .. ولا رح خبركن عن الرضوض والكسور والخدوش يلي بجسمي .. شنو ما بحب الرعب انا .. 

بس المهم بالموضوع انو وقت رجعت عمتي سميحة والسرنوة هزار ما كانو عنا بالبيت .. 

نمت هالليلة وانا عم اتخيل حالي انثى كيوت ولزيزة .. بفرد شعري وبيطرو الهوا ع وشي وببعدو انا بكل نعومة .. احكي هئة ونوو وميرسي .. عم اتخيل حالي سندريلا .. بس المصيبة بالموضوع انو الفارس دائما بكون كابتن ماجد يؤبر البي 😍

وخلصت هالليلة واجى النهار .. وبعد محاولات عديدة مع امي واغراءات وتلييف حمامات وجلي وشطف وكنس وتلميع .. نبع الحنان سمحتلي انو روح ع السوق مع ليال .. 

وبلشت رحلتي الموكوسة .. ومن محل لمحل .. ومن غرفة قياس لغرفة قياس..  لك ما بقي شي بالسوق ما قستو .. اشترينا اشيا ما كنت اتخيل حالي البسن بحياتي كلا 

هناء: لك ليال انا كيف رح البسن هدول 

ليال: متل ما كل البنات بيلبسوهم .. وهلأ صار وقت الاحذية .. مشي معي 

وصلنا لمحل الاحذية وانا مباااشرة عيني صادت فترينة البوات .. والقلوب صارت تلف فوق راسي وبعيوني .. وبلشت دبلن بعيوني .. ورحت لعالم الرومنس الخاص في انا والبوات .. وما فقت ع حالي غير وانا ملزقة وشي بقزاز الفترينا وعم ابعتلن بوسات بالكوميات .. وصاحب المحل وليال كل واحد فيهن ماسكني من ايد وعم يشدو في .. وانا مالي قدرانة بعد عن عشقي .. البواات 😍😍

صاحب المحل: لك يا بنتي صرلي ساعة عم لمعو للقزاز .. بعدي وسختي 

هناء: هااااا .. اي .. اي .. ما انتبهت ع حالي .. حاكم وقت بشوف لبوات بنسى حالي .. بحبن .. بعشقن .. بحسن متل ولادي 

ليال: هلأ انت بتوقعاتك انا جايبتك لهون لتشتري بوت 

هناء: لكن لشو جايين لهون 

وما بشفلكن غير راحت ع قسم المحظور عندي .. وجابت معا سكربينة بكعب عليم الله اطول من برج خليفة .. 

وانا شفت هالشوفة وما عاد في نفس .. حطيت ادي التنتين ع حلقي بمحاولة مني لاستجمع انفاسي .. ووشي صار ازرق ع احمر ع اصفر .. ولساني بسقف حلقي وعيوني قلبو لفوق 😭

ركضو لعندي صاحب المحل وليال ..

ليال: لك شبك .. شو صرلك

صاحب المحل: لا اله الا الله .. لك ما اجيتي تموتي غير بمحلي .. طلعي لبرا وموتي وما تبليني بحالك

وانا سمعتو بيحكي هيك ومباشرة رتدلي نفسي وعافيتي وبحركة مباغتة لطشتو هداك الكف بنص خلقتو .. 

هناء: لك ما عندك انسانية انت .. مااا عندك .. تفه بس تفه 

وليال صار وشا بالالوان من خجلتا فيّ .. وهو صار يطالع دخان من ادني وعيونو متل توم وجيري من عصبيتو .. 

صاحب المحل : طلعو لبرا بسرعة .. حسبيا الله عليكن من بين الزباين 

هناء: اساسا نحنا كنا طالعين .. محلك كلو زبالة .. سوق البالة احلا منو .. امشي ليال امشي 

وسحبتا لليال من ايدا ومشينا .. 

ليال: لك ليش ضربتي للرجال 

هناء: بدو ياها .. بدال ما يساعدني عم يقلي طلعي لبرا موتي 

سحبت ليال ايدا من ايدي بعصبية ومدتلي اصبعتا الناعمة لكيوت بخلقتي ..

ليال: ليك هناء .. ازا بدك تمشي معي وبدك تصيري كيوت هالحركات بدك تنسيها .. ما في بنت بتعمل هيك شي 

وهي تحكي وتلف باصبعتا بخلقتي وانا عم لف مع اصبعتا ومحتارة بالنعومة يلي هي فيها .. 

هناء: هلأ فيني افهم اصبعتك كيف هيك ناعمة كل هالنعومة 

ليال: لك انت مركزة بحكيي الا باصبعتي 

هناء: هلأ تركيني من حكيك وقليلي 

ليال: هلأ وقت نروح ع محل ادوات التجميل بخبرك 😉

هناء: والله باينتو اليوم امي رح تعلق مشنقتي 

ليال: مشي معي خلصيني 

ومشينا ورحنا ع محل احذية تاني .. وكالعادة ركضت ركيض ع قسم لبواات .. بس ليال هالمرة لحقتني قبل للزق بقزاز الفترينا .. مسكتني من ايدي وسحبتني للمنطقة المحظورة .. هي تسحب فيني لهنيك وانا جسمي تلقائيا عم ينسحب لمنطقة لبوات .. 

ليال: لك ما عم بقدر اسحبك اكترر .. كني بقى 😡

هناء: لك ما فيني .. ما فيني .. جسمي لحالو بروح لهنيك 

ليال: حااج هناء .. مشي معي لهنيك خلصيني 

واستسلمت ورحت معا للمنطقة المحظورة .. وبلشت رحلة العذاب 😭 .. لبست اول كعب ووقفت لشوفو واجريي تلقائيا بيعملو ×..  وبقوم بتفشكل هديك الفشكلة ووشي بخبط بالارض هديك الخبطة .. 

وصاحب المحل بيفرط ضحك علي .. لك ع شوي كان رح يغمى عليه من الضحك .. 

وليال مخبية وشا وواقفة ع جنب ع اساس ما بتعرفني .. 

حاولت فكن لاجريي من بعض بس عبث ... لزقو ببعضن وما عاد ينفكو .. والاجدب هداك عم يطلع في ويزيد بالضحك .. 

سندت حالي بادي التنتين ع طرف الكرسي يلي قدامي .. وبلشت ازحف متل السحلية شوي شوي لوقت فكيتن لاجريي .. ووقفت واخيرا ورحتلو لهداك الاجدب .. 

هناء: فيني افهم ليش عم تضحك

الاجدب: 😂😂😂😂😂😂😂 ولا.. ولا .. ولاشي 

وع ضحككككككككككك .. 

شعلت النار بعقلي .. وجعفر يلي جواتي ع شوي رح يتفجر ..  وقررت انتقم منو .. 

اطلعت حواليي وما لقيت غير سطل المسح .. طبعا كلو مواد تنضيف .. 

رحت ركيض اخدتو ورشيتو كلو بنص خلقتو .. وصار ينط طالع نازل ويحكي حكي مدري بايا لغة .. وجعفر يلي جواتي وقف وصار يزقفلي .. 

هناء: يالله ليال مشي 

لفت وشا عنا واشرتلي بايدا انو روح .. مدري ليه ما بدا حد يعرف انو هي معي .. 

المهم طلعت من المحل .. ومشيت .. وبعد بشوي اجت ليال .. 

وبهدلتني هديك البهدلة .. قال شو البنات لكيوت ما بيعملو هيك .. 

ورحنا لكمان محل احذية .. وهالمرة ما رضيت ليال انو البسن بالمحل .. شترتلي ياهن من غير قياس ..

هناء: لك بدي قيسن وشوف ازا فيني امشي فيهن قبل 

ليال: مستحييل .. بالبيت بتجربيهن 

اساسا كتير تاخرنا .. ما بقي غير ادوات التجميل 

ورحنا ع محل ادوات التجميل واشترت اشيا كنت وقت شوفا فكرا سموم فيران .. 

وخلصنا ورحنا ع الكوافير .. والله لا يورجيكن شو صار في هنيك 😭😭

بلشت عمليات حت ونتف وتقشير وماسكات شي اخضر شي اسود شي ابيض .. ولا شعري .. يا ويل قلبي عليه لشعري 😭😭

مسكولي ياه وبلشو بدن يقصو .. وانا من رعبتي هربت عن الكرسي .. وانا اركض بالصالون وهني يركضو وراي .. لوقت حصروني بالزاوية ..  وانا اطلع يمين ويسار لشوف شي شغلة دافع فيها عن الشرف .. شرف شعري .. لوقت شفت مقص ع غير طاولة .. وركييض اخدتو وحطيتو بخلقتن .. 

هناء: يلي بقرب من شعري بحط هالمقص بعينو 

ودقات قلبي عم تعلا وتعلااا من رعبتي .. 

ليال: لك روقي شبك .. لك يا روحي شعرك كتير مقصف وتعبان 

هناء: اي انا بريحو لشعري .. ما حدا دخلو فيه ابدااا 

ليال: ولي جدبة .. نحنا بس رح نرتبو .. هلأ وقت نخلص رح تنبسطي كتير صدقيني 

هناء: لك شعري هاد شعري .. يعني شرفي .. مستحيييييل 😭😭

ليال: ليك هناء بعد للعشرة بس .. ازا ما تركتي هالمقص وانقبرتي ع الكرسي .. رح اتركك ولا عاد تجي وتقليلي ساعديني .. لك والله جننتيني 😡

هناء: طولي بالك ولووو .. خلص .. بس يعني متاكدة رح يرتبو بس 

ليال: لك اي يا روحي اي 

هناء: ماشي .. امري لالله 

تلت ساعات .. تلت ساعات وهني شغالين بشعري ع قص وصبغة وسشوار ومدري شو   

ليال: ولي جدبة والله لو ما كنت معك ما رح اعرفك .. وين كنت مخبية هالجمال كلو 

هناء: عم تتمسخري مو 

ليال: لك شو مسخرة .. لك بتشلي .. رح يطقو عقلاتو للرجال .. لفي وشك واطلعي بالمراية 

ترددت كتير قبل للف وشي .. دقات قلبي عم تعلا وتعلا واصوات صريخ وطبول وناس عم تهلل وتكبر براسي .. 

هناء: لك شو دخل التكبير والتهليل 

ليال: ايا تهايل وتكبير 

هناء: لا لا .. ما تحطي ببالك انت .. عم حاكي الجعافر  يلي جواتي 

ولفيت وشي ع المراية .. بس الغريبة بالموضوع انو ما شفت حالي .. شفت بنت كيوت تافهة من هدوليك يلي بيطير شعرن ع وشن وبيستحو وبيشيلو ع جنب بكل نعومة .. 

عصبت كتير وطلعت بليال .. 

هناء: لك ويني .. ويني؟؟؟ وين رحتو فيني .. ومين هاي يلي هون 

ليال: لك شبك ولي جدبة .. هاي انت .. بس من غير جعفر .. هاي هنوئة لجديدة لكيوت 

فتحت عيوني ع وسعن وشهقت هديك الشهقة .. ولفيت وشي ع هنوئة لكيوت لاستمتع بجمالا .. 

هناء: لك هاي انااا .. انااا 😍😍

ليال: اي انت .. وهيك مهمتنا لليوم بتكون خلصت .. رجعي ع بيتك هلأ شنو جريي ما عادو حملوني 

هناء: لك .. لك .. تعي .. تعي بدي بوسك 

ليال: اصحكك تقربي مني .. ما بحب هيك حركات 

هناء: اي تعييييي 

وركضت لعندا وضميتا هديك الضمة وع تبويس .. لوقت سمعت صوت طقطقة بين اديي وليال سااااااكنة ما الا نفس .. 

بعدت عنا شوي لشوف شو يلي عم يطقطق .. ومجرد ما فلتا للمخلوقة وقعت بالارض .. 

هناء: لك شبك .. شو صرلك 

ليال: (مخنوقة) الله لا يعطيكي العافية 

مو تاري الاصوات يلي سمعتا صوات عظاما لليال وانا مالي خبر .. 

بس الحمد لله بعد كم حركة من حركات المطرقة يلي الي صحت ووقفت متل السعدانة .. 

#الجزء_الخامس

رجعت ع البيت وانا هلكاني وميتة من جوعي .. فتحت الباب وفتت .. وطلع اخي زيد بوشي .. ووقت شافني راح ركيض لوين ما بعرف ..

فتت ع المطبخ مبااشرة .. حطيت لكياس ع الارض .. وبلشت دور شو طابخة امي .. 

رواية عمر جاري ويامراري بقلم أمل أحمد حصريه وجديده 

هناء: اووووو .. عدس 😍 .. عشقي 

سكبت صحن كبير وكنت عم دور ع البصل .. حاكم ما فيني من غير بصل .. وفجاة حسيت بوجع كبييير براسي وفتلت الدنيا فيني وغميت .. 

فتحت عيوني شوي شوي .. وكانو تنيناتن واقفين فوق راسي وهني مستعدين لهجوم تاني .. اخي زيد وبايدو عصاية كبيرة وامي وبايدا قلاية .. 

هناء: لك شبكن .. شو صااار 

اطلعو تنيناتنن ببعض وهني مصدومين ..  

زيد .. امي : هناااااء 

هناء: لك شوووو في 

امي: لك هاي انت هناء 

وما بشوف زيد غير حط ايدو ع بطنو وفرط ضحك .. 

هناء: شبك امي .. ما عرفتيني 😭😭😭

امي: لك شو عاملة بحالك 😍

هناء: مو انت هيك بدك 

امي: لك اي اي تعي يا روحي تعي تؤبري البي ان شاء الله .. تعي 

ومسكتني من ايدي لوقفت وقعدتني ع الكرسي وبكل حنان بلشت تتعامل معي وتجبلي شي مخلل شي زيت شي ملعقة لآكل 

امي: لك الحمد لله يلي ربي عيشني لشوف هاللحظة .. لحظة تحولك يا بنتي 

هناء: عجبك امي 😍

امي: لك بتجنني .. بتشليي شللل.. اي هيك ها .. حاج مخبية هالجمال كلو وطالعة متل ياسين بقوش 

هناء: ما رح رد عليكي شنو مبسوطة هلا .. بس امي زكاتك بدي بصل 

امي: شوووووووو .. كل هالجمال وبدك بصل .. ما في بصل ممنوع .. نسي 

هناء: اميي .. كلو الا البصل 😭😭

امي: كلي وانت ساكتة .. يالا يالا

وحكمو علي بنسيان العشق .. بصلاتي .. 

خلصت اكل ودموعي بعيوني .. ورحت ركييض ع التلفزيون حاكم هلأ صار وقتو لكابتن ماجد .. 

فتحت التلفزيون وبلشت اعصابي ترتخي وانا عم احضرو لكابتن ماجد .. بس فرحتي ما كملت ودقتلي ليال .. 

ليال: شو عم تعملي ...ومن غيركزب 

هناء: ليكي .. بس اليوم .. بكرة بوعدك بطل 

ليال: سكري التلفزيون بسرعة

هناء: لياال .. بس اليوم .. والله ما فيني بلاه

ليال: لك سكري سكري بسرعة قبل لاوصلك هااا 

هناء: لك تضربي اي .. وهاي سكرتو 

ليال: اي برافو .. بكرة موعدنا عندي بالبيت مو تنسي 

هناء:ماشي .. ماشي  

سكرت الخط معا ورجعت شغلتو .. والله ما فيني بنووب من غيرو .. 

ومشى هاليوم وكل العيلة مصدومة فيني وبالتغيير المفاجئ والغير متوقع .. وانا حاسة حالي ملكة زماني بهالشعرات يلي عم يهفهو مع كل نسمة هوا .. 

واجا تاني نهار وصار وقت روح لعند ليال لنكمل مشوارنا .. 

حاولت .. حاااااولت بلش بطريق الانوثة .. بس رح بلش درجة درجة .. 

لبست بنطلون جينز مع بلوزة فوشي ولبست كعب ورتبت حالي متل ما علمتني ليال .. ولسا اول خطوة مشيتا واتفشكل واجي ع وشي 😭

هناء: لك يضرب الكعب ويومو 

شلحتو ولبست بوت .. ما بعرف ليش هني حاقدين ع البوااات .. لك بعشقن .. عشق مو طبيعي .. 

المهم لبست وطلعت .. ووقت شافتني امي خفت عليها تنشل من الصدمة .. 

امي: اللهم صلي وبارك على افضل الخلق والمرسلين .. لك معقول هاي انت .. اي هيك هاا .. الله يحميكي 

تركتا لامي بصدمتا وطلعت من البيت .. وياااه ع الهوا يلي هب بوشي وطيرلي شعراتي ع عيوني .. وبلشت بهدوء ونعومة بعدن عن عيوني .. 

وانا عم بعدن ومبسوطة بحالي ما بشوف غير عيون مسلطة بخلقتي .. نقزت وحطيت ايدي ع قلبي ..

هناء: بسم الله .. لك شبك هيك عم تطلع فيني .. بعد بعد من وشي 

وما بشوفو غير فرط من الضحك كالعادة .. 

عمر: لك هناااء .. لك شو عاملة بحالك 😂😂

وبحركة انثوية رقيقة .. رفعت خشومي لفوق ولفيت وشي عنو .. 

هناء: ما دخلك ... بعد من وشي 

عمر: لك يعني متعبة حالك وعاملة كل هاد .. تعبي شوي ع لسانك 😂

رفعت اصبعتي بخلقتو وفنجرتلو بعيوني .. 

هناء: ليك عمر .. حاج عاملني مسخرتك .. ويا ريت غير مرة وقت تشوفني تغير الطريق 

وتركتو عم يضحك ومشيت .. 

عمر: بس ليكي .. طالعة حلوة هااا 

فرحت من جواتي والقرود صارو ينطو ويرقصو كيكي .. بس ضبطت حالي وعملت حالي مالي مهتمة وكملت طريقي ..  

وصلت لعند ليال ولسا القرود عم ينطو ويرقصو .. دقيت الباب وفتحتلي ليال .. ضميتا وصرت نط .. نط .. نط 

ليال: لك شبك .. شبك ولي جدبة شبك 

هناء: لك خطتنا زبطت زبطت 

وبلشت ارقص واتمايل .. وانا عم دندن وقلا .. زبطت .. زبطت .. زبطت

ليال: 😂😂 لك شو يلي زبط .. تعي لشوف تعي 

مشيت معا لجوا البيت وانا كتيير مبسوطة .. 

وما بشوفا غير مدت ايدا بوشي وهي معصبة .. 

ليال: شو هاد ولي هناء .. شووو هاد 😡

هناء: لك شبك .. شوو شووو هاد

ليال: ليش لابستي لهاد (وعم تاشر للبوووت)

هناء: ايييي ههههه لك حبي انت ليال .. يا عسل انت والله شي مرة رح تطق رقبتي بسببو للكعب .. ما فيني البسو 

ليال: ان شاء الله تطق رقبتك لاخلص منك .. اصحك تعيديها .. فهماانة .. يعني كل هالجمال والرتابة ع بووت .. لك بوووت 

هناء: اووف يااه .. شبو البوت .. شبوو 

ليال: ليك هناء .. انا هاد شرطي .. ما بدك ما رح كفي معك 

هناء: لاا خلص خلص .. بس شوي شوي عليّ .. الله يرضى عليكي 

ليال: ماشي ماشي .. خلص سامحتك .. بس وعديني ما ترجعي تلبسي 

هناء: ما رح ارجع البسو .. ماااا رح ارجع

ليال: تعي هلأ وخبريني شو صار 

وقعدنا سوا وخبرتا بكلشي صار وردة فعل اهلي وراس القنفذ .. 

ليال: اي كتيير حلو .. ولسا ما شاف شي .. اليوم رح علمك طريقة الاكل والحكي 

وبلشتلي بهئة ومئة .. ومرسي .. ونوو .. وبلييز .. ومدري شو .. لوقت ضجت .. 

هناء: لك ما فيني احكي هيك .. ما فيني 

ليال: لاا فيكي .. وقبل كلشي سوتك بدك توتي .. يعني تحكي برئة ولتافة مو سريخ 

هناء: لتافة وسريخ 😕😕😕

ليال: اي .. وقت بترجعي ع البيت بتروحي ع غرفتك وبتبلشي تتعلمي .. اوك !؟

هناء: اوك .. رح جرب 

ولسا عم حاكيها بيدق تلفوني .. 

هناء: لك هاي هزار 

ليال: اي كتير منيح .. بلشي تجربتك معا ههههه

هناء: ماشي ههههه

وفتحت الخط ..

هناء: اي هزورة روحي .. كيفك يا أمر 

هزار: مين عم يحكي معي ؟؟

هناء: لك انا هنوئة .. مالك عارفتيني .. موو معئول 

هزار: هاا .. لا لا حبي عرفتك .. بس شو ساير بسوتك 

هناء: ولا شي .. شو بدو يسير يعني 

هزار: لا ابدا ولاشي .. ليكي رح اجي لعندك .. شو عم تعملي 

هناء: لك يا اهلا وسهلا .. عم استناكي ألبوشتي 

هزار: ألبوشتي ؟؟ ماشي ماشي .. جايي .. بااي 

هناء: باااي 

سكرت الخت .. عفوا الخط معا وفرطنا ضحك انا وليال .. 

ليال: برافو عليكي .. مالك قليلة والله 

هناء: اي لكن .. بعجبك انا 

وهلأ رح روح انا .. لشوف هالسرنوة شو رح تعمل وقت بتشوفني 

ليال: ماشي هههه .. ابقي خبريني هاا

هناء: اوك ألبوشتي اوك هههههههه

ليال: هههههههههه

رجعت ع البيت ركيض .. وقعدت استناها للسرنوة .. وبعد شي نص ساعة وصلت ..  ركضت وفتحتلا الباب .. 

هزار: عفواا .. مين حضرتك ؟ هناء موجودة 

هناء: لك شبك هزورة .. انا هناء .. هنوئة 

فتحت عيونها ع وسعهن .. وشهقت هديك الشهقة .. 

هزار: مووو معؤول .. لك شو عاملة بحالك يا بنت 

هناء: شو رح اعمل يعني .. ما عملت شي 

دخلت هزار وجواتا براكين وزلازل وانا قرودي عم ترقص كيكي .. وديسباسيتوووو ويالااااااا 💃

هزار: هنوئة كانو الجو هون خنئة .. تعي لنشم هوا ع الاسطوح 

هناء: اي مو تكرم عينك يا ألبي .. تعي تعي 

طلعنا ع الاسطوح .. وانا مجهزة حالي .. شنو كنت عارفتلا للسرنوة .. كل جيتا لعندي كرمالو لراس القنفذ .. 

قعدنا وبلشنا ع ضحك وحكي وبزر .. 

هزار: ليك هناء .. شو بدي الك .. هاد جاركن الحلو .. يعني ما معك رقمو 

هناء: ولشو بدك ياه

هزار: ولاشي .. بس يعني الت بندقلو ليجي يدردش معنا .. باينتو خفيف دم 

ووقت سمعتا هيك عم تحكي مدري شو صرلي ووقفو لقرود رقص وبلشو يلفو حول موقد النار يلي حطيت هزار في .. 

هناء: لا روحي لااا .. مو معي رقمو .. واساسا هو واحد كتير غليظ وما بينطاق 

ضحكت السرنوة ودبلت بعيونا .. 

هزار: اي وشو كمان اليلي 

هناء: لك شبك دبلتي 

هزار: ولاشي .  كملي امانة 

هناء: اي .. يعني مدري هيك ما بينطاق .. ووقت شوفو بحس حالي شفت عزرائيل .. لك وشعراتوو .. بس لو بتشوفيهن كيف متل الق........

ولسا ما كملت وما بحس غير ع شحاطة بنص راسي .. والسرنوة هزار فارطة ضحك .. 

هناء: لك شو هااد .. مين يلي ضربني 

عمر: الغليظ يلي ضربك .. انا قلتلك شعراتي ما بتجيبي سيرتن مووو 

هناء: لك من ايمت انت هون .. ولي هزار من ايمت هو هون

هزار: 😂😂😂 من وقت الغليظ 

هناء: اي انا بورجيكي

وبلش عمر يسبل بعيونو ويطلع فيها للسرنوة .. 

عمر: يؤبرني هالجمال انا .. كيفك يا قشطة 

هزار: كتير منيحة ...انت كيفك 

عمر: كتيير منيح بشوفة هالعيون 

كان عم يحكي ويطلع فيّ من تحت لتحت ليجاكرني .. وقرودي جنو بزيادة وحلفو مليون يمين ليحطو لعمر حدا لهزار .. وانا امسكن واحد واحد واترجاهن ليتركو وهني يحلفو مليون يمين ليشحطو .. 

هناء: اي لااا .. وكانو زودتوها انت ويااه .. حاج قلة ادب انت وياها .. ع الاقل احترمو وجودي حدكن 

عمر: لك شبك .. شبك .. بس ما تكوني غرتي هااا

هناء: لك روح من وشي .. وحاج عم تقلي غرتي وما غرتي .. من شو بدي غار .. وانت ست هزار .. مشي معي يالا 

هزار: اووف يااه .. تركيني شوي 

هناء: اي لا ما حزرتي .. صار وقت ترجعي ع بيتكن .. مشييي

وشحطتا شحط من ايدا .. وهي عم تشاور لراس القنفذ بالايد التانية وهو فارط ضحك وعم ياشرلا .. 

ونزلنا لتحت وانا براكين وزلازل جواتي .. 

هناء: ليك هزار .. هالشب قليل ادب كتير وازا رجعتي حاكيتي رح قلا لعمتي سميحة وهي بتعرف شغلا معك 

هزار: لك خلص خلص .. شو تقليلا .. اساسا ما عاد اجي لهون بنوب .. أتيعة 

ولفت وشا وطلعت .. 

هناء: أتيعة 😕 .. اي روحي بكون احسن .. ونسيني .. نسيني بنوووب 

بعد ما تاكدت انو السرنوة راحت رجعت ع الاسطوح وكان راس القنفذ لساتو قاعد ...

رجعت ع الهسي لتحت وجبت كاسة نسكفيه وحبة شكلاتة صغييييرة (ع اساس اني كيوت يعني وما باكل غير كميات صغيرة .. وبشرب نسكافيه) .. 

المهم اخدتن واخدت كتاب شعر لنزار قباني عطتني ياه ليال كجزء من الخطة واطلعت .. وقعدت  ع اساس مالي شايفتو .. وفتحت الكتاب وع اساس عم اقرأ فيه .. 

وانا عم اطلع عليه من تحت الكتاب لشوف شو عم يعمل .. 

وقت شافني تبسم ووقف.. 

عمر: شو عم تقراي ؟؟ 

وعملت حالي انو تفاجات بوجودو .. 

هناء: انت لساتك هون ؟!

عمر: لا انا مو هون 

هناء: المفروض اضحك يعني هلأ؟!

عمر: لك اي انا مو هون .. انا بس جسمي هون .. عقلي وقلبي وروحي بمطرح تاني .. بس هالمطرح مليان حجاار .. صخررر 

هناء: ليك عمر .. ازا كانت عاجبتك المخلوقة روح لعندا ع بيتا .. مو تتواعدو عندي هون 

عمر: لك ايا مخلوقة .. 😂😂😂 قصدك هزار ؟؟ اي شو بعمل يعني .. البنت حلوة وشدتني من اول نظرة 

هناء: تضرب منك الا .. اووك 

ووقفت بسرعة اخدت اشياءاتي وبدي انزل .. 

عمر: شو بدي قلك ..

هناء: لاااا تقول شيي .. سكوووت 

عمر: لك بس كنت بدي قول .. انو لكتاب ما بينقرأ بالشقلوب .. غير مرة انتبهي 😉

حكا هيك وراح .. 

مو تاريني كاينة حاملتو للكتاب بالشقلوب 😭

هناء: لك اضرب انا اضرب 

مشت الايام وانا لساتني عم اتعلم لاخلص من جعفر يلي جواتي واتحول لسندريلا وكيوت .. صار كل وقتي ع برامج البرستيج والجمال .. وع الماسكات والخلطات .. 

وعمر بقي متل ما هو .. كل ما بيشوفني يجاكرني ويقهرلي قلبي 😭😭

وبمرة كنت طالعة من البيت وشفتو بخلقتي .. عملت حالي مالي شايفتو .. ومشيت .. 

وشو مشية .. مشية اميرة .. برنسيسة .. راسي مرفوع وخشومي بالسماا لفووووق .. فووق .. فووووق .. وفستان قصير .. وجزدان ع كتفي .. وشعري مفرود وعم يهفهف هفهفة .. وعم اتغندر بالكعب غندرة .. 

وهو عم يطلع فيّ وعيونو عم ترقص رقص .. وحسبيا الله عليه طرقني هديك العين .. وما بشوف حالي غير تدعبلت هديك الدعبلة قداموو 😭😭

ولاول مرة ما بشوفو عم يضحك عليّ .. قرب مني ومسكلي ايدي وهو خايف عليّ .. 

عمر: صرلك شي ؟؟

هناء: 😔 ما دخلك .. بعد عني 

وسحبت ايدي من ايدو ووقفت .. 

عمر : حاج ولووو .. تعي لشوف 

ومسكني من ايدي وشدني لعندو .. ولاول مرة بكون قريبة منو لهالدرجة وبشم هالريحة .. يا ويللل قلبي .. شللل .. شلللل 😍

هناء: ت.. ت.. تر.. تركني 

عمر: اي وازا ما تركتك .. شو رح تعملي 

هناء: بضربك بنص خلقتك بهرلك سنانك 

شدلي ع ايدي وقربني منو اكتر وهو عم يتبسم .. 

وانا حسيت حالي رح غيب عن الوعي.. 

عمر: متأكدة؟؟

هناء: اي .. اي متاكدة 

عمر: لكن ليش متوترة .. وصوتك عم يرجف هههه

هناء: اوف ياه .. بعد عني حااج 

وسحبت ايدي بسرعة منو .. 

....

رجع مسكني وشدني لعندو .. 

عمر: لوين رايحة بهالفستان 

سحبت ايدي بعصبية وصرخت بوشو لخبي توتري .. 

هناء: لك شو دخلك انت .. شو دخلك 

عمر: اي انا ما دخلني ..  بس انا عم احكي لمصلحتك .. الفستان كتير بشع ومالو مناسب الك بنوب .. ومبينك كتييير سمينة 

وانا قلي كلمة سمينة وحسيت نار شعلت جواتي .. 

هناء: سمينة؟؟؟ مين هاي لسمينة. .. مييين 

عمر: الظاهر مالك شايفة حالك شقد سمينة .. ليكي ازا بدك تعرفي وقفي حدا لهزار قدام لمراية وشوفي الفرق .. ببين معك شقد سمينة 

ما عرفت شلون بدي طفي البراكين يلي شعلا بقلبي .. اطلعت حوالي لشوف شي لاضربو في بس ما لقيت .. وكان لازم اضربو او بنفجر .. وبهيك حالة ما بقيلي حل غير الكعب .. 

بلحظة خاااطفة شلحتو من اجري وضربتو في هديك الضربة بنص راسو .. 

ويا ويل قلبي علي صار 😭😭😭

رواية عمر جاري ويامراري بقلم أمل أحمد حصريه وجديده 

قلب بعيونو قلب وطلع لسانو لبرا .. وصار يتلوا متل الدودة ووقع بالارض .. 

ركضت لعندو متل المجنونة ونزلت ع ركبي  حدو  وانا ميتة رعبة عليه ..  

هناء: عمر .. عمر .. عمر .. بترجااك فيق والله ما كان قصدي .. عمر .. عمر .. بترجاااك فيق 

وبلشت اضربو بكفوف يمين ويسار .. 

وما بشوفو غير فتح عيونو ومسكلي ايدي ..

عمر: لك اييييي شبك .. شبك .. وشي تورم منك ولووو 

هناء: لك .. لك مو هلأ غميت انت 

عمر: 😂😂😂😂 لا ما غميت .. كنت عم اختبرك .. ونجحتي بالاختبار 

وبلشت اضرب في بوكسات ع صدرو .. 

هناء: تضرب شو سقيل 

عمر: اااخ .. لك اي اي ضربي كمان اماانة امااانة ههههههه

هناء: لك انت مجنون .. والله مجنون 

وشلت ايدي عنو ووقفت وبدي روح .. 

ووقف هو بسرعة واجا قدامي ومسكلي اديي التنتين ..  

عمر: حاج  ولووو .. ما حلك تفهمي اني بحبك 

شي هيك مدري شوي بالزبط خبطني هديك الخبطة ع قلبي .. وبلشت رمش بعيوني متل الجدبة .. 

هناء: ش.. شوو .. ب.. بتحب .. بتحبني .. بتحبني لالي 

عمر: وبعشقك .. وبعشق جنانك .. وغيرتك .. واصرارك لترضيني 

هناء: ارضيك لالك ؟؟ وليش لارضيك 

عمر: حاج ولوو .. مفكرة ماني فاهم لشو كل يلي عملتي .. بس ليكي .. انا من زمان بعشقك .. حتى بنطلونك الفوشي وبلوزة اخوك سعيد بحبن وبعشقن .. اي اي وكابتن ماجد .. كلن بعشقن .. فحاج عناد ولي دبة 

هناء: اي وانا شو بعملك ... انا كلشي عملتو لجاكرك بس 

عمر: جد !! لكن شو هاللمعة بعيونك وقت بتطلعي فيني .. وليش هالرجفة بصوتك .. وليش حرارتك هيك رتفعت .. وليش صوت قلبك لهون واصل 

هناء:...............

عمر: انا بحبك ولي جدبة .. فهمي بقى .. بحبببك وبعششقك .. واليوم جهزي حالك المسى .. رح جيب اهلي لاخطبك 

وما بعرف كيف فلتو لدموع من عيوني .. 

هناء: 😭😭😭😭😭😭

عمر: لك شبك ولي .. شبك 

هناء: بحبك ولا غبي .. بحبك .. وبحب مجاكرتك .. وبحب جاكرك .. لك حتى .. حتى شعراتك يلي متل القنفذ بحبن ... والله 

عمر: 😂😂 رح سامحك هالمرة .. بس هالمرة ... وهلأ رجعي ع البيت لتجهزي حالك 😉

هناء: ماشي .. رح روح .. اساسا مالي حسنانة امشي خطوة وحدة 

عمر: هههههههه ليكي .. وقت اجي بدي شوفك بهاد الفستان 

هناء: بس مو قلتلي ......

عمر: 😂😂😂

تركتو واقف وعم يضحك وهربت بسرعة ..

.......................

رجعت ع البيت وانا حاسة حالي عم احلم ... مالي مصدقة يلي صار .. ومالي مصدقة اساسا انو جد انا بحبو .. وخفت كتير كون تسرعت .. بس والله عم اشتقلو .. ووقت شوفو بحس دقات قلبي وصلت للمليون وحرارتي رتفعت وبمووت قهر ازا شفت شي بنت اطلعت فيه .. 

فتت ع البيت وانا لساتني مصدومة .. 

امي: لك شبك رجعتي 

هناء: هااا .. شبني رجعت انا ؟؟؟؟

امي: هناء .. صرلك شي امي 

هناء: لا لا امي .. بس يعني .. جبتلك عريس واجيت 

اطلعت فيني هديك التطليعة يلي بيطلعوها ع المجانين .. 

امي: عريس 😕 .. ومن وين جبتي للعريس ووينو 

وبكل برود وانا لساتني مصدومة جاوبتا .. 

هناء: ليكي امي .. ما تسالي كتير .. بس عمر ابن ام محمود اليوم المسا جايي مع اهلو ليخطبوني .. وشكرا وعفوا .. وباي 

وتركتا وهي مشلولة من فرحتا ومشيت .. وصلت غرفتي وهي لساتا بلا صوت وع وقفتا .. 

بصراحة خفت .. يعني مالا بالعادة .. لفيت وشي عليها.. 

هناء:امي .. امي .. انت منيحة ؟؟

وما عطتني ولا اشارة وبقيت ع وقفتا .. ركضت لعندا لشوفا .. ومسكتا من كتافا وبلشت صرخ وهز فيا  .. 

هناء: اميييي ..لك اميي .. لك شبك يا روحي .. شو صرلك 

وما بحس غير ع كف بنص خلقتي .. 

امي: لك ليش عم تصرخي ولي حيوانة 

هناء: خوفتيني عليكي امي 

امي: تعي ولي .. عيدي بالحرف شو قلتي اخر شي 

هناء: خوفتيني عليكي امي 

امي: لك موو هلأ .. قبل لتمشي .. شو قلتي .. عمر رح يجي يخطبك ؟؟؟ عمر .. ابن ام محمود ؟؟؟ عمررررر

هناء: شبك امي .. اي عمر .. رح يجي يخطبني 

امي: عمررر .. متاكدة ؟؟ 

هناء: اي امي عمر عمرر 

امي: لك امو اليوم دقتلي .. وعزمتني اليوم المسا ع خطبتو من بنت خالتو 

هناء: شوو .. كيف يعني ؟ ما فهمت 

امي: شو ما فهمتي .. الشب عم يضحك عليكي يا جدبة 

هناء: انا .. انا عم يضحك عليّ .. اي انا بورجيه 

شغلت وضع الهجووم .. وشلحت الكعب .. ورفعت شعري كعكة .. ولبست الشحاطة وركييض .. متل التور الهايج ..

وانا اركض بالشارع وامي تركض وراييي .. 

امي: لك تعي ولي .. تعي بلا ما تفضحينااا .. تعي 

هناء: تركيني امي تركيني .. انا بورجي راس القنفد .. هلأ رح علمو كيف بيلعب ببنات الناس 

وصلت باب بيتن وبلشت دق ودق ودق .. 

هناء: عمرر .. فتااح .. فتااح وواجهني .. فتااح 

وما بشوفو غير فتح الباب وهو مرعوب .. 

عمر: لك شبك .. شو صاير 

وبهداك الكف بنص خلقتو .. 

عمر: لك شو عملتي يا مجنونة 

وبلشت بكسات ع صدرو وانا عم سبو .. وهو عم يحاول يهديني .. 

عمر: لك اهدي شوي لافهم .. اهدي 

هناء: لك انت مين مفكر حالك .. هاا .. مييين .. عم تضحك علي وتقلي رح تخطبني وانت رح تخطبا لبنت خالتك 

وما بشوفو غير مسكلي ادي التنتين وثبتني وما عدت قدرانة حركن .. 

عمر: عيدي لشوف شو قلتي 

هناء: ع اساس مانك فهمان مووو 

عمر: لك احكي .. شو قلتي هلأ .. ومين رح يخطبا لبنت خالتي 

واجت امي من وراييي وهي نفسا مقطوع .. 

امي: الهي يقصف عمرك .. لك يا حوبة كنت عم امزح 

بتعرفو شو حسيت بهاللحظة .. حسيت حالي صرصور .. لك لا لا .. الصرصور الو هيبة .. حسيت حالي ولاشي .. هيك فراااغ .. صحرااا قاحلة .. كان نفسي ضل اضرب بالارض لتنشق وحط حالي بشقا وارجع سكر ع حالي .. 

عمر: 😂😂😂😂😂😂😂 ياااه كل هالقد يا مجنونة بتحبيني 

هناء: 😭😭😭😭😭

عمر: لك سكتي سكتي شووو هااد .. انا رح اتزوج بنت ولا معزاية .. سكتي 

هناء: اسفة عمر والله اسفة 

وبسرعة البرق تركتن واقفين امي عم تلطم ع وشا وعمر فارط ضحك..  وهربت ع البيت .. 

وصلت البيت وفتت ع غرفتي وبلشت جووعر وصرخ من خجلتي لوقت اجى اخي زيد .. 

زيد: لك حااج .. حااج .. والله بصورك وببعتا لعمر 

مسكت الشحاطة ومن كل غلل ضربتا بخلقتو .. 

هناء: ما كان ناقصني غيرك يا فصعون 

زيد: اي انا بورجيكي 

هناء: روح من وشي ولا روح 😭😭

وبقيت ع هالحالة لوقت دق تلفوني .. فتحت الخط وما كنت عرفانة مين معي .. 

عمر: ولي حوبة صوتك واصل لعندي .. هلأ امي بتبطل عنك 

هناء: لك لااا .. شو تبطل .. خلص سكتت 

عمر: اي برافووو .. يالا قومي وجهزيلي حالك 

هناء: حاضر .. ليك عمر .. انا جد اسفة 

عمر: ولا يهمك .. خلصنا .. اساسا هالكف كان متل العسل .. فرفشلي قلبي فرفشة 

هناء: جد .. لكن خلص كل ما بشوفك رح الطشك كف ههههه

عمر: 😂😂 لك بس لتصيري ع ذمتي وانا بورجيكي 

وخلصت حكي معو لعمر وقمت جهزت حالي ولبست احلا لبس ورتبت حالي .. 

واجا وقت جيتن لعنا وقلبي بلش يخبط خبط متل الطبلة .. 

#الجزء_السادس

دق الباب ومع دقتو ساحو ركبي وما حسنت وقف .. 

سعيد: لك شبك ولي جدبة .. وقفي وقفي هههههه

فتحو الباب واجا عمر واهلو كلن .. وانا عم راقبن من ورا الباب .. 

وتمت الطلبة وقرؤو الفاتحة .. وبلشت ارقص وادبك لحالي بالمطبخ .. 

زيد: لك القهوة .. القهوة 

هناء: نسيتااا 

جهزت القهوة بسرعة وحملتا لاطلع .. 

زيد: لك ليش هيك وشك 

هناء: شبو 

زيد: روحي شوفي حالك بالمراية 

حطيت القهوة وركضت ع المراية لشوف شبو وشي .. بس ما كان في شي .. 

هناء: انا بورجي هالفصعون 

رجعت ع المطبخ اخدتا للقهوة وطلعت .. فتت عليهن وانا مالي حاسة باجريي .. الكل كان مبسوط كتير وفرحان .. والكل عم يبارك .. وعمر يؤبر البي طيران من فرحتو وما شال عيونو عني .. 

وزعت القهوة ووصلت لعند الحب 😍.. 

هناء: تفضل 

عمر: لك يسلمولي هالادين .. والعنين 

دبت من خجلتي وحطيت الصنية ولسا بدي اقعد ما بلاقيهن غير كل واحد من جهة عم يتفتف بالقهوة .. 

وامي عم تعضعض بشفافا وع شوي رح تلطم .. 

ابي: شو حاطة بالقهوة يابي 

هناء: والله ول........

وطرقت عيني ع زيد يلي كان فارط من الضحك .. وبلش يعملي بحركات بلسانو .. 

وفهمت انو هالفصعون حطلن شي بالقهوة .. وما بلاقي حالي غير فرطت بالبكي وهربت ع غرفتي .. 

قعدت ع تختي وبلشت ابكي .. 

ندق الباب ..

هناء: تركوني امي .. تركونييي 

عمر: بس انا مو امك 

هناء: عمر 😳

عمر: عيونو لعمر .. هيك بتتركي عريسك بليلة الخطبة .. مو حلوة منك 

هناء: والله خجلانة منكن .. هالفصعون زيد مدري شو حط بالقهوة 

عمر: 😂😂😂😂 لك عادي ولوو .. هلأ حماتي بتعمل غيرا ههههه

هناء: ...........

عمر: ما بدك تشوفي شو جبتلك هدية 

هناء: هدية ؟؟؟؟

عمر: اي .. شوفي 

عطاني علبة مغلفة .. فتحتا وكانت الصدمة .. كانت لعبة ع شكل كابتن ماجد .. 

هناء: شو هاد 😂

عمر: ستني لقلك 

وضغط عليها ..وبلشت تغني بغنية كابتن ماجد .. 

مدري كيف هاجت عواطفي وقت شفتو لكابتن ماجد .. وضميتو لعمر هديك الضمة .. وهو فارط من الضحك .. 

وهاي هي قصتي مع كابتن ماجد .. نجم الملعب .. لك قصدي مع عمر .. حبيب قلبي 

لك اي اي .. نسيت خبركن عن ابني البكر ماجد ابو شعرات سود وناعمين وعيون وسااع بشلوو 😍😅..

انتهت

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺