رواية كبرياء العشق للكاتبة شيماء طارق الفصل الثالث حصريه وجديده على مدونة النجم المتوهج

 رواية كبرياء العشق للكاتبة شيماء طارق الفصل الثالث حصريه وجديده على مدونة النجم المتوهج 

رواية كبرياء العشق للكاتبة شيماء طارق الفصل الثالث حصريه وجديده 

تقف حائرة امام سيارتها لا تعلم ما بها وقفت تتلفت حولها لعلها تجد من ينجدها 

مها: ايه يا روما مالها العربية

روما: مش عارفة يا طنط بس مش راضية تشتغل ومش عارفة السبب

يارا: وهتعرفي ازاي هو انتي كنتي ميكانيكي

ميرا: جربي كدا تاني يا روما

روما: حاولت بس بردو مش راضية تشتغل

يارا: طيب والعمل

روما: مفيش غير ان نستنى عربية تعدي وتنقذنا

ميرا: في الصحرا دي

يارا: مفيش عربية عديت من جنبنا و احنا ماشين هتعدي واحنا واقفين هي سفرية نحس اصلا هو في حد يقضي الاجازة في المنيا

مها: خلاص يا بنات اركبي يا روما لحد اما نشوف عربية او العربية تشتغل

يارا بخفوت سمعتها ميرا : هتشتغل ازاي بالطاقة الشمسية يعني

ميرا بضحك : حتى الشمس بدأت تغيب

ركبت روما  في ضيق وهي تنظر بغضب لكل من ميرا و يارا فصمتوا فهم يعلمون غضبها

--------------------------------------------------------------------------

ميرفت: شوفت ابوك يا اسر بيقولي ايه

اسر: الست مكان جوزها يا مام وبابا هيقعد معىجدي يبقى حضرتك لازم تبقي معاه

ميرفت: بس انت عارف اني مبحبش الصعيد

هتف حسام الجالس في الخلف

حسام: ليه يا طنط دا الجو عندنا جميل والعيشة هناك حلوة

ميرفت بقرف : مش كل حاجة بتعجب غيرك يبقى تعجيك يا بشمهندس وبعدين انا ما مقدرش اكون زي امك وخالتك

حسام: امي وخالتي احسن من ناس كتير واولهم الناس اللي شايفة نفسها ولسه بيتكبروا على خلق الله رغم ان هما زيها زيهم مفيش اختلاف

ميرفت: تقصد تساويني انا ميرفت هانم بامك

حسام: لا انا اصلا ما يشرفنيش اشبه امي بيكي

اسر: حساام

حسام: سوري يا اسر بس مبحبش حد يتكلم عن امي

اسر: خلاص مش عايز اسمع اي صوت خلينا نوصل على خير

حسام: لما نوصل انقى صحيني

ميرفت: كمان هتنام بدل ما تقوله قوم ارتاح انت وانا اسوق مكانك

حسام: اصل اسر قالي انك خايفة على عمرك وانا سواقتي ما تطمنش

--------------------------------------------------------------------------------------

راشد: مرتك جاية يا احمد

احمد: ايوة يا بوي هتيجي مع اسر

محمود : ودي هتعيش في وسطينا كيف

احمد: والله ما انا عارف دي مبتحبش المكان هنا مش عارف ليه يا بوي عايزها تيجي هنا

راشد: مش عايز كتر حديت المهم الولاد هيجو ميتي

احمد: هما كدا على وصول 

راشد وهو ينهض من مكتنه: لما يوصلوا ابجو عرفوني

محمد: ابوك فيه في دماغه حاجة

محمود: محدش بيعرف ايه اللي بيفكر فيه بوي

احمد: ربنا يستر مش مطمن لوجودنا هنا وخصوصا انه بالامر مش زي ما حنا عايزين وسيف كمان وكلام اسر

محمد: ربنا يعدي الايام الجاية على خير

محمود : يا رب

*****************************************

ادهم: عجبك الفرس دا

سيف: جدا المكان هنا تحفة بجد كنت اسمع من بابا واسر عن مزرعة الخيل اللي عند جدي بس اول مرة اشوفها واعرف انها بالجمال دي حتى الخيل مش موجود في اي مكان وصعب تلاقيه

ادهم: خيل عربي

سيف: انا هاخد الخيل دا وهيبقى بتاعي

ادهم: الخيل دا فعلا بتاعك

سيف: ازاي

ادهم: جدي قال ان كل واحد من احفاده ليه خيل حتى اسماء اختي ليها واحد ومحدد لكل واحد بتاعه ودا بتاعك

سيف: جدي دا غريب.......ثم اشار الى احدى الفرس..........طيب ودا بتاع مين

ادهم: دا الوحيد اللي ممنوع اي حد يقربله حتى اسمه جدي مش عايز يعرفه لحد بيقول لما يجي صاحبه هو اللي يسميه لو معجبهوش اسمه اللي جدي مسميه كل خيل هنا جدي مسميها وممنوع تغير الاسم حتى لو الخيل بتاعك بس الخيل دا بالذات محدش عارف سره

سيف: ايه جو الفوازير دا

ادهم: انت لسه شفت حاجة

سيف: هو لسه في فوازير تاني

ادهم: جدك دا عبارة عن كتلة غموض متحركة محدش يعرف هو بيفكر في ايه الا لو هو عايز يعرفك دماغه فيها كتير ولو دخلتها هتوه متحاولش تفهمه عشان هتتعب بس اللي اقدر اقولهولك ان هو احن شخص ممكن تقابله في حياتك

سيف: جدك حنين؟

ادهم: بيبان صامد وحازم وقوي بس جواه حنية تكفينا كلنا جدك المكان اللي هو فيه لازم يكون كدا هو الكبير في كل حاجة لازم يبقى قوي عشان محدش يجي عليه

سيف: طيب مين ابن الشرقاوي

ادهم: كدا انت عرفت كتير ومعنديش تعليمات اني اعرفك اكتر من كدا .....ثم تركه وغادر

سيف: تعليمات ايه... ايه الجو اللي انا عايش فيه دا....يا ادهم استنى يا بني...ثم ركض خلفه

-------------------------------------------------------------------------------------------------------

حسام: اقف يا اسر اقف

اسر: فيه ايه

حسام: في بنتين وقفين ممكن تكون العربية عطلت بيهم

ميرفت : طيب واحنا مالنا

حسام وهو يترك السيارة : اتربينا في الصعيد ان احنا لازم نساعد اي حد لو في ايدينا نساعده

لحق به اسر مسرعا وذهب الاثنان باتجاه الفتاتان

ميرا: بصي يا روما في رجلين داخلين علينا

مها وهي بداخل السيارة: ادخلوا بسرعة يا بنات

روما: مش ممكن يساعدونا يل طنط

مها: ادخلو ولما يجوا هتكلم انا معاهم

دخلت الفتيات وانصاعوا لما طلبت مها منهما بينما تقدم اسر وحسام منهم

حسام : شكلهم واقفين بيدلعوا

اسر: وليه متقولش لما شافونا داخلين عليهم خافوا خصوصا انهم بنات

حسام: تعال نعرض مساعدة وخلاص

تقدموا اليهم وما ان رأتهم ميرا حتى نزلت مسرعة فلحقت بها روما ومها بينما يارا كانت غارقة في نومها

ميرا: مستر اسر

اسر: ميرا .. بتعملي ايه هنا

ميرا: العربية عطلت بينا ومش عارفين نتصرف

مها: ميرا

ميرا : تعالي يا ماما دا مستر اسر مديري في الشغل

اسر: ازاي حضرتك يا افندم ممكن نساعد لو امكن

نظرت ميرا و مها الى روما التي نظرت الى اسر وحسام بغضب لاحظ حسام نظراتها فقال بخوت لاسر

حسام: هي هتاكولنا ولا ايه

اسر: اسكت خالص

مها: ممكن تشوف العربية يابني

روما: مش عايزين نتعب الباشا يا طنط

اسر: مفيش تعب ولا حاجة

تركتهم روما وركبت السيارة بجوار اختها محادثة ميرا: ابقي سوقي انت

حسام: مالها دي

ميرا باحراج: سوري بس هي تعبانة شوية

اسر: تعالى يا حسام معايا خلينا نخلص

وقف حسام بجوار اسر الذي قام بفحص السيارة 

اسر: البطارية خلصانة

ميرا: والعمل

حسام: ممكن نجيب عربيتنا ونعمل وصلة للعربية ونشحنها منها

اسر: روح هات العربية

حسام: عايزني اركب مع امك لوحدي دي تولع فيا

اسر: حسام اخلص

ذهب حسام ليجلب السيارة بجوار السيارة بينما روما كانت تتابع كل هذا في صمت ونظرات غضب موجهة لاسر وحسام لم يعلموا مصدرها.... انتهى اسر وحسام مما يفعلوه وطلب اسر من ميرا ان تقوم بادارة السيارة وبالفعل قامت بتشغيلها وشكرته

ميرفت: مس يلا بقى ولا هنفضل في القرف دا كتير

نظرت مها لها بصدمة ثم ركبت السيارة ووجهت نظرها الى روما التي بادلتها بابتسامة سخرية تحمل الكثير من الاوجاع

ميرا باحراج: شوري يا هانم وشكرا جدا يا مستر اسر شكرا يا استاذ حسام

حسام: بشمهندس وحياتك دا انا ذكرتها خمس سنين وفي الاخر يتقلي يا استاذ

يارا بعد ان استيقظت ووقفت بجوار ميرا: قولها وعرفها احنا بنتعب قد ايه بتاع التجارة ديه

ميرا: تجارة انجلش

انتبه حسان الى يارا الواقفة بجوار ميرا وما ان جاء يتحدث الى ان قاطعه صوت ميرفت مرة اخرى

ميرفت: مش يلا بقى انا زهقت مش كفاية رايحة الصعيد

اسر: سوري يا جماعة بس لازم نمشي لو حصل اي حاجة في الطريق ابقي اتصلي بيا يا ميرا .. يللا يا حسام ...حسام انت يابني

انتبه حسام الذي كان شاردا في ملامح يارا

حسام باحراج: هااه يلا نمشي سلام يا بنات فرصة سعيدة يا انسة يارا

استغرب الجميع من ان حسام وجه كلامه ل يارا فقط

اسر وهو يحركه باتجاه السيارة: يللا

ركبت ميرا ويارا السيارة وانطلقوا فانطلق خلفهم اسر بالسيارة

----------------------------------------------------------------------------------------------------------------------

حسن الشرقاوي ...... كبير عائلة الشرقاوي والعدو الاول ل راشد السيوفي ويكن له الكره والحقد

معتز... ابن حسن ويكن العداوة ايضا لعائلة السيوفي و لمحمود السيوفي بشكل خاص

معاذ معتز الشرقاوي.. الابن الاول لمعتز يكره اسر و ادهم ويسعى لموتهم

مهاب الشرقاوي.. الابن الثاني لمعتز لا يعلم سبب العداوة بين العائلتين يعيش في القاهرة ويأتي الى المنيا في الاجازة

هبة الشرقاوي.. في الصف الثالث الثانوي صديقة اسماء السيوفي ولكن لا تعلم بمدى العداوة بين العائلتين وهي طيبة القلب

حسناء الشرقاوي...زوجة معتز وابنة عمه تحب ابناءها بشدة وتكن الكره والحقد لعائلة السيوفي

************

معتز : راشد جاب عياله كلهم حداهم اهنه

حسن: راشد عرف اننا نخطط لجتل سيف فجابه جاره بس مهيفضلش مخبي احفاده كتير

معتز: بس يا بوي كدا راشد عارف احنا بنفكرو في ايه

حشن: راشد واعر ومحدش يجدر يعرف دماغه فيها ايه بس انا لازمن احرج جلبه على عياله كلياتهم

معاذ: اسر نزل القاهرة النهارده واشترى الارض اللي جار شركتهم وهيوسع شركتهم

حسن: ومجتلتهوش ليه يا ولدي

معاذ: اسر مش من السهل اننا نموته يا جدي لازمن نخططو زين جبل اي خطوة نخطوها بالذات مع اسر السيوفي

حسن: في اجرب فرصة الاقيهم الاربعة ميتين عايز احرج جلب راشد عليهم

معاذ : جريب يا جدي جريب جوي

معتز: فين اخوك

معاذ: اتصل وجال هيجي بكرا

حسن: يجي بالسلامة جوله يخلي باله من الطريج

معاذ: حاضر يا جدي

حسناء: اتفضل يا عمي يلا يا ولدي الوكل جاهز

حسن: فين بنتك يا حسناء

حسناء: بتذاكر فوج يا عمي

هبة: انا هنا اهو يا جدو

حسن: تعالي كولي معانا يا حبيبة جدو 

هبة بمرح: عولم وينفذ يافندم

ضحك عليها الجميع وتوجهوا الى الطعام

-------------------------------------------------------------------------------------------------------------------------------

سيف : اسماء ما تجبيلي ماية الله يكرمك وتجيبي مجموع يدخلك الكلية اللي انتي عايزاها في القاهرة

ضحك جميع الموجودين عليه بينما توجهت اسماء وجلبت له المياه

اسماء: امسك بس ما تتعودش على كدا

سيف: الا قوليلي انتي عايزة تدخلي كلية ايه 

اسماء بفخر: هندسة ان شاء الله

سيف: ما شاء الله العيلة كلها عبارة عن مهندسين حتى البنت اللي فيها عايزة تبقى مهندسة طيب اقول ايه

راشد: متجولش حاجة واتصل على خوك شوفه اتأخر ليه اكده

دلف حسام واسر : احنا جينا اهو يا جدي 

وتقدموا وقاموا بتقبيل يد الجد 

راشد: الحمد الله على سلامتكو يا ولاد

احمد: فين امك يا اسر

حسام : استغفر الله العظيم

اسر: جاية ورايا

محمد: مالك يا حسام

حسام وهو ينظر ل اسر : ماليش هتعرف لوحدك انا هروح لامي

دلفت ميرفت لهم وعلى وجهها علامات الاشمئزاز كتم محمود ضحكته بينما محمد فهم ما يقوله ابنه نظر الجد لها بابتسامة

راشد: نورتي يا مرت ولدي

ميرفت: بنورك يا بابا الحج

احمد: حمدالله على السلامة يا ميرفت

ميرفت باقتضاب: الله يسلمك

سيف: وحشتيني يا ماما

ميرفت : وانت كمان يا حبيبي عامل ايه

محمد: متخافيش لسه معذبهوش

-------------------------------------------------------------------------------------------------------------------

مها : بكرا يا بنتي بلاش دلوقتي بصي الصباح رباح

روما: هروح دلوقتي يعني هروح دلوقتي عايزين تستنوني هنا مفيش مشكلة انما انا هنزل يعني هنزل

مها: لا لا انا مش هسيبك لوحدك استر يا رب استرها من عندك

ميرا: انا عايزة افهم في ايه

يارا: وانا كمان

روما: انا نازلة 

وتركتهم وتوجهت الى باب الشقة التي استأجرتها مسبقا وغادرت فهرولت خلفها مها مسرعة وتوجهوا خلفهم ميرا ويارا بعدم فهم

روما وهي تركب سيارتها: انتو ايه اللي جابكو

يارا وميرا: هنيجي معاكو

انطلقت روما مسرعة الى وجهتها بينما لسان مها لايكف عن الدعاء ولم يخلو الطريق من نظرات استغراب و عدم الفهم من ميرا ويارا .....وقفت السيارة امام فيلا السيوفي ترجلت روما من سيارتها وتوجهت امام البوابة الرئيسية و خلفها مها والفتيات

روما للحارس: محمود السيوفي وراشد السيوفي جوا

الحارس: واه اسمه محمود بيه و الحج راشد بيه

روما بلغهم ان فيه وحده عايزة تقابلهم

الحارس : اجوله مين يعني

روما: قولهم الدكتوره روما

دلف الحارس الى الداخل واخبرهم  ان هناك من يريد مقابلتهم وخرج لاعطائها الاذن بالدخول فتوجهت الى سيارتها وقادتها ودلفت الى الداخل..........نظر الجميع الى تلك التي تريد مقابلة محمود وابيهم ...نظر لهم محمود بصدمة واضحة على معالم مجهه فهي تشبهها كثيرا ثم وجه نظره الى راشد الذي لم يقوى على الحركة عندما رأها تدخل عليهم

اسر: انتي تاني

ميرا: مستر اسر

محمد: انت تعرفهم يا اسر

حسام: ساعدناهم على الطريق عربيتهم كانت عطلانة 

روما لم تكن تبالي الى الحديث الدائر حولها بينما نظراتها كانت على محمود الذي جلس بجوار والده من الصدمة

حسام: خير محتاجين حاجة نقدر نقدمها ليكو

تعالت ضحكات روما فاستغرب الجميع وخاصة ميرا ويارا بينما تقدمت منها مها امسكتها من ذراعها

مها: اهدي يا بنتي

توقفت عن ضحكاتها: ولما اهدى دا هيهدى...واشارت على قلبها

ثم هزت رأسها بعنف تنفي هدوء قلبها واكملت: كنت جاية اعاقبهم و اعاتبهم على سنين عمري اللي فاتت بس اول ما عيني جت في عينه...واشارت الى محمود.... ثم اشارت الى قلبها ... دا بيدق وعايز يترمي في حضنه شوفتي يا طنط

وجهت نظرها الى الجميع ثم قالت بصوت سمعه الجميع بوضوح

روما: احب اعرفكم بنفسي انا روما محمود السيوفي  

ووووويتبع

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺