رواية أوتار أحد من السيف الفصل السادس عشر والسابع عشر والثامن عشر بقلم الكاتبه زهرة الربيع حصريه وجديده على مدونة النجم المتوهج
رواية أوتار أحد من السيف الفصل السادس عشر والسابع عشر والثامن عشر بقلم الكاتبه زهرة الربيع حصريه وجديده على مدونة النجم المتوهج
دياب قرب من غفران وعيونه متبشرش بالخير ابدا وقال...وايه اللي عرفك انها سلسلة فاطمه
غفران خافت جدا وقالت بتوتر ..انا..انا...يعني كنت...كنت شوفتها لبساها و
قاطعها وقال بغضب بيحاول يسيطر عليه....شوفتيها فين..لا هيه جات عندنا قبل كده ولا انتي روحتي...شوفتيها كيف
غفران خافت جدا ومبقتش عارفه ترد وفضلت ساكته وماسكه فستانها بقبضة ايدها برعب
دياب مسح على وشه بخنقه وزعق فيها بانفعال وقال....ما تنطقي يابت هيتحايلو عليك ولا ايه ..ردي تترد الميه في زورك
غفران اتفضت بخوف ونزلت دموعها وقالت...تديني الامان الاول يا دياب ...احلف لو قولتلك ما هتمدش يدك
دياب قال بغضب شديد...لو متكلمتيش دلوك همد يدي ورجلي كمان اخلصي انطقي متفوريش دمي
غفران قالت بخوف وبكا....لا..لا مهقولش غير لو حلفتلي..انا جسمي واجعني ومقدراش تاني على يدك الطرشه دي
دياب لقاها بتبكي ومرعوبه صعبت عليه قرب منها وقال بهدوء......متبكيش خلاص ...والله العظيم ما هضربك..تمام اديتك الامان اها..... يلا اتكلمي عاد متخنقنيش
غفران بلعت ريقها بخوف ورجعت لورا خطوات وقالت برعب...ف..فياض كان جايبلي واحده زيها....كان عاملها عند نحات وصايه وعمل اتنين بس واحده ليا وواحده لفاطمه اخته
دياب احتدت عنيه بذهول وغضب واحمر وشه من شدة الغضب حتى صوت نفسه بقى مسموع
عند فاطمه لبست عبايتها وطلعت بحزن ودموع ولسه هتمشي امها نادتلها وقالت بضيق...على فين
فاطمه وقفت وقالت بضيق..رايحه درسي ما انتي عارفه الحصه انهارده
امها قالت ...وافرض عارفه...مش واجب تقولي انك ماشيه ولا خلاص ملكيش كبير
فاطمه اتملت عيونها بالدموع وقالت ببكا....متكبريش الموضوع يا اما ....كفايه اللي عملتيه انهارده متخلنيش اضرب نفسيي بسكين وارتاح واريحكم
امها اتنهدت بحزن وقالت...الي عملته تستاهليه يا فاطمه... واحمدي ربك على كده يدي كانت اهون بكتير من يد فياض ...ولولا عقبه اللي مش عاجبك كان زمان اخوكي كسر عضمك ومكنتش هحوشه
فاطمه قالت بدموع ودهشه...وانا عملت ايه لكل ده ...هو الجواز عافيه يا ناس
امها قالت ..مكانش حد هيجبرك على حاجه لو اتكلمتي بادب...ذنبه ايه الجدع تكسريه وسطنا كده وتقلي قيمته...وانتي عارفه زين مكانته عند اخوكي
فاطمه قالت بغضب..والله انا مش هتجوز واحد مريداهوش لاجل مكانته عند اخوي..ولو انا غلطت وكلامي زعلكم انا اسفه...حقك عليا..وهستسمح فياض كمان...بس عقبه مزعلناش على اللي عملته وياه واصل.... لانه جاي من داره وعارف زين اني مش هوافق هو جاي يقل من نفسه بنفسه
امها استغربت وقالت..... قصدك ايه يعني...عارف كيف
فاطمه قالت بخنقه..مقصديش حاجه يا اما..انا هنزل حصتي لاني اتأخرت ولما ارجع هكلم اخوي واراضيه..بالاذن
قالت كده ومشيت وامها اتنهدت وقعدت وقالت ....غبيه قوي يا بت بطني...ربنا يهديك يا فاطمه
عند اوصاف كانت بتحاول تقنع فياض بطلبها المستحيل وقالت برجاء...امانه عليك يا فياض...لازمن اطلع فيه حاجه ضروري اوصلها
فياض قال بدهشه...هو انتي بتتكلمي جد..ده انا كنت فاكرك بتهزري
اوصاف قالت بغيظ..وانت بت خالتي عشان اهزر وياك
فياض قال بسخريه...مهو ده لو مكانش اهزار يبقى عقلك خف من القعده في السرايا و ومشاكلها ....وعازرك
اوصاف اتنهدت وقالت بضيق...هتتكلم جد ميته
فياض اتنهد وقال ..انا بتكلم جد ...انتي اللي كلامك خيال علمي....اطلعك كيف يعني ..انا اجير هنه ...كيف اي واحد من اللي شغالين كيف عيزاني اطلعك وارجع ادخلك من غير ما حد ياخد باله حد قالك عليا ساحر وهخفيكي مثلا...ولا انتي حاطه في دماغك انك ممكن تقرطسيني وتهربي مني دي بقى فيها كلام تاني
اوصاف قالت بغضب ....وانا لو اقدر اهرب كنت هربت من الاول ...مليش صالح اتصرف انا ضروري اطلع مش بكيفك ولا بكيفي
فياض ضحك على عصبيتها وقرب منها قوي وقال....طب بس بس هدي اعضائك لتجرالك حاجه ودي اعضاء متتعوضش
اوصاف بصتله بخنقه وشافت ان مفيش فايده معاه فقالت.... ...بص فيه راجل عيان وانا بوديله فلوس للدوا وكنت هروحله يوم ما خطفتني يعني زمانه مستنيني ومن غير علاج ولا وكل لازم اروح لتجراله حاجه فهمت كده
بقلم...زهرة الربيع
فياض فكر شويه وقال...ااااه مشوار راس الجبل
اوصاف قالت بسرعه وهيه بتيص حواليها..اششش بس هتفضحنا...اسمع يا ريس فياض رغم كل اللي حصلي بسببك لكن لسه شيفاك راجل قد الامانه ...انا قولتلك سري ومعيزاش حد هنه يعرف ان فيه واحد في راس الجبل برحله..ولا حد خصوصا..
فياض قاطعها وقال..خطاب بيه فاهم
اوصاف قالت بسرعه..الله ينور عليك...ها بقى هتاخدني
فياض ابتسم بسخريه وقال.....ربنا اللي بياخد
ومشي واوصاف جريت وراه وهيه بتقول برجاء..الراجل هيموت لو مروحتش..هيرضيك ....كل ده بسببك و
فياض قاطعها وقال...عارف عارف اني السبب واني خطفتك ..فهمنا ومكنتش عايز اذيك كده وندمان كمان.....بس دلوك مفيش في يدي حاجه..... كل اللي اقدر اعمله عشانك اني اتكلم مع خطاب بيه يهملك وهحاول معاه انهارده...ده اللي اقدر اعمله
اوصاف اتنهدت بيأس وقالت بسخريه...تكلمه يهملني..لا كتر خيرك...تمام ياريس اعتبرني مقولتش حاجه..انا هتصرف لحالي
قالت كده ومشيت بحزن شديد وفياض اتنهد وحس بذنب كبير تجاها ومكانش عارف يعمل ايه
عند عقبه صلى العصر وكان عارف ان ده معاد الدرس بتاع فاطمه فضل مستنيها في حته قريبه من المكان واول ما خرجت من الدرس اتقدم عليها وقال...انسه فاطمه
فاطمه اول ماشافته احتدت عيونها بغضب واتقدمت عليه وقالت فورا بانفعال...ايه اللي عملته الصبح ده..ها ايه معناته اقولك اني رايده راجل تاني تقوم تاجي تخطبني ايه مفيش دم واصل
عقبه اتنهد بحزن وقال...اهدي شويه عشان نعرف نتفاهم
فاطمه قالت بغضب..مفيش تفاهم..ومفيش اي كلام بينا..انت هتروح لاخوي وتقوله انك شيلت الموضوع ده من دماغك سمعتني ولا لاه
ولسه هتمشي وقفت مكانها لما عقبه قال ....مهقولوش حاجه يا فاطمه..وانتي هتوافقي على جوازنا...ده موضوع مفيهوش نقاش
فاطمه بصتلو بذهول ولسه هتنطق قال بسرعه...هناجي تاني ونطلبك ....وهتوافقي من سكات
وحاول يستجمع قوته وقال بالعافيه..... لو معيزاهوش يعرف انتي رايده مين وكل الكلام اللي قولتهولي وافقي ...والا انا مش مسؤل على اللي هيجرالك منه ...ولا هوقفه المره دي
قال كده وسابها واقفه مصدومه و مش مصدقه اللي سمعته ولا قادره تنطق ومشي بسرعه من قدامها قبل ما يشوف دموعها وصدمتها فيه
عند دياب كان هيتجنن من اللي سمعه من غفرلن حاول يقرب منها باندفاع بس افتكر انه وعدها بقى يروح ويجي في الاوضه زي الاسد اللي بقاله كتير مأكلش وغفران كانت متابعاه بعيونها بخوف رهيب
فجأه رجعلها بسرعه وبصلها وقال ...فاكره شكل السلسله...ماشاء الله ذاكرتك حديد....ولا تكوني لسه محتفظه بيها
غفران بلعت ريقها وقالت بتوتر...لاه..بس..بس كانت مميزه و
قاطعها وقال بسرعه ....مميزه...مميزه في ايه
وراح جاب السلسله وقرب منها وقال بغضب ......ايه المميز فيها...ها ايه المميز ..اقولك انا ايه انها حتت صفيحه ملهاش قيمه ..تلاقي بت الزوات ملت من الدهب
ورماها في وشها بغضب
غفران غمضت عيونها بخوف وبقت تبكي بصمت
ودياب داس على اسنانه بغيظ وقعد على السرير وحط اديه على دماغه وهو بيحاول يهدى بس افتكر حاجه جننته اضعاف
وقف تاني وقرب منها بطريقه ترعب وقال ..ايه اللي حصل لما ادهالك...ها..ادهالك في يدك
ومشى ايده على رقبتها وقال بغل.... ولا لبسهالك في رقبتك ولمسك
غفران كانت هترد بس حست بيده بقت اتقل على رقبته وهتتخنق قالت بسرعه ورعب..دي..دياب انت..انت وعدتني..انت..حالف يمين الله
هنا دياب سابها وبقى يضرب باديه الاتنين على الحيط بجنون وحس انه خلاص مش هيقدر يقعد معاها اكتر وقال بغضب....قبل ما اتجوزك كنتي بت عمي ..عرضنا وشرفنا وكيف اختي
والباشا بتاعك كنا فاتحين له بابنا ومانين له وهو مستحل يتسرمح وياك ويهاديك والله اعلم ايه كمان...بس ملحوقه ..مردداله
قال كده ونزل وغفران قعدت واخدت نفسها بخوف وبقت تبكي بقوه وهيه مرعوبه وجسمها كله بيرتعش
تحت كانت اوصاف داخله البيت بحزن ولسه هتروح اوضتها وقفت نعمات قدامها وقالت بغضب...امشي يا بت انجري اعمليلي قهوه تقيله ...ونضفي المطبخ ويا سنيه لحد ما نشوفولنا خدامه تاني تساعدكم
بقلم...زهرة الربيع
اوصاف بصت يمين وشمال ومشت ايدها قدامها وقالت...انتي بتحدتي مين هو النظر بعافيه ولا ايه...معلش متقلقيش ده بس من السن يا خاله
نعمات قالت بغضب ...لا انا بحدتك انتي يا غندوره غوري واعملي اللي قولت عليه وبطلي رط
قالت كده ولسه هتمشي اوصاف فاجأتها بقوه لما ضربتها برجلها من وراها اندفعت وقعت على الكنبه وبصتلها بصدمه شديده
اوصاف ضحكت من قلبها وقالت...مش قولتلك انتي عجزتي وخدي بالك اديكي وقعتي اها
ولسه هتمشي لقت دياب نازل بغضب شديد
ونعمات قالت بسرعه..زين انك نزلت يا ولدي البت دي..
بس مكملتش لانه موقفش ولا سمعها طلع بسرعه بره البيت وهو مش شايف قدامه وعنيه متبشرش بالخير
نعمات قالت باستغراب...فيه ايه
اوصاف قالت بخنقه......هيكون فيه ايه غير انك امه ..ويا وقعته المربربه ..اللي تكون امه عقربه
نعمات اتسعت عيونها ولسه هتتكلم اوصاف قالت .. اششش مش وقتك واصل .....خليني اروح اشوف عمل ايه في البنيه اللي فوق شكله ميطمنش واصل...استر يارب
قالت كده وطلعت لغفران ونعمات بصت لطيفها بغضب وغل وقالت ...اصبري علي...انا عارفه كيف اكسر عينك
عند غفران فضلت تبكي بحزن لحد ما حست ان الدموع جفت من عيونها وقفت بتعب وغضب وطلعت من اوضتها راحت على اوضة عمها بغضب شديد
عند خطاب كان قاعد في اوضته وبيختم شوية اوراق معاه لما الباب خبط
اتنهد ووقف فتح واتفاجأ بغفران قدامه قال باستغراب خير يا بتي
غفران قالت ببكا ....مش خير واصل وانا مش بت حد....عايزه اتطلق يا عمي انا كنت قولتلك قبل كده ومرديتش علي .....حرام عليكم انا مبقيتش قادره على الرعب ده
خطاب اتنهد وقال..اهدي يا بتي بس هو حصل ايه تاني
غفران قالت ببكا...حصل اني اتخنقت..عايزه اتطلق يا عالم ده حلال ربنا
خطاب اتنهد وقال.....ما انا يا بتي كت هتكلم ويا دياب في الموضوع ...بس حصل اللي حصل من فياض وقولت خليه بس يشد حيله هبابه وبعدها اكلمه مينفعش وهو راقد كده
غفران قالت بسرعه ....انا عندي ليك حل ...خليني امضيلك على كل الورق اللي انت عايز.....وبعدها روح قوله اهي مضت اها وخليه يطلقني ولو بالعافيه...كيف ما جبرته يتجوزني تجبره يطلق مش بمزاجه
خطاب فكر شويه بمكر لو خلاها تمضي وقال لدياب براحتك عايز تطلق طلق مش عايز براحتك..كده مهيخسرش ابنه وفي نفس الوقت يضمن الفلوس ابتسم وقال...يعني جاهزه تمضي دلوك ...الورق عندي هنه
عند فياض حس بندم شديد تجاه اوصاف وخصوصا لو فيه شخص مريض فعلا ففكر ياخد هو الفلوس ويروح يوديها هو وزي ما يحصل يحصل
راح وراها ولسه هيدخل البيت اصتدم بدياب اللي كان طالع زي المدفع
دياب بصلو بغل شديد وعيونه كانت متطمنش
وفياض استغرب نظراته وقال ...عامل ايه دلوك ..الجرح اتحسن
دياب فضل يبصله وابتسمله بطريقه مريبه ومشي من غير ما ينطق حرف
فياض استغرب واتوتر من شكله وكان عايز يوقفه لانه مينفعش يطلع وهو لسه تعبان ولا ينفع يسوق بس طبعا مكانش هيسمع اتنهد وراح يدور على اوصاف ويشوف ازاي ممكن يساعدها من غير ما خطاب يعرف
عند دياب طلع من البيت ومركبش عربيه فضل ماشي بخنقه وهو حاسس الدنيا كلها ضيقه عليه وبيفتكر كل موقف حصل من فياض تجاه مراته والغيره هتجننه
في الوقت ده طلعت قدامه فاطمه وهيه بتنهد وقالت...زين اني لقيتك بره ..مكنتش هعرف ادخلك كيف
دياب اتصدم بيها وقال.....فاطمه
فاطمه قالت بدموع..... انا عايزه اقولك على حاجه مهمه يا دياب بيه لازم نتحدت
دياب لمعت عيونه وابتسم بمكر ومسك ايدها وقال.....هنتحدت اكيد...اساسا جيتي في وقتك ووووووو
السابع عشر
لمعت عيونه ومسك ايدها وقال بمكر.....هنتحدت اكيد...اساسا جيتي في وقتك ...تعالي وياي...يلا متخافيش
فاطمه اتوترت من شكله وطريقته بس مشيت معاه وطلعوا في العربيه ومشي بيها على مكان يتكلموا فيه زي ما كانت فاهمه
عند خطاب كان حاسس ان طاقة القدر اتفتحت له لما غفران عرضت عليه تتنازل عن املاكها ابتسم وقال...تمام يا بت اخوي ..اول ما تمضيلي على الورق هتحدت وياه..وكيف ما جوزتكم هطلقكم ...جاهزه تمضي
غفران قالت بشك...بس اكيدد هتطلقني منيه....يعني متقوليش شهر ولا شهرين
خطاب قال ... بديتي تراجعي نفسك اها وشكلك لسه عايزه تقلبيها في مخك..خلاص بلاها استني عاد لما ابقى اتحدت وياه واشوف و..
غفران قاطعته وقالت بسرعه...لاه لاه انا جاهزه امضي دلوك ...بس خايفه امضي ومتقدرش تخليه يطلق
خطاب قال بسرعه...مقدرش..ايه اللي بتقوليه ده...هو انا عيل قدامك ...ما انا قدرت اخليه يتجوزك وهو مكانش عايز...متقلقيش اعتبري نفسك اتطلقتي
ومد القلم قدامها والاوراق وقال...يلا ...امضي على ورق حريتك ...يلا متخافيش
غفران مسكت الورق والقلم بتردد وحطته على المكتب علشان تمضي بس اتصدموا لما الباب اتفتح ودخلت اوصاف وهيه ماسكه بطنها وبتصرخ وقالت...اه...اه الحقوني..الحقوني يا خلق
ووقعت على الارض وهيه بتتألم
غفران وقع القلم منها وجريت عليها وقالت ....فيه ايه...مالك..مالك ايه الي جرى
اوصاف مسكت فيها بقوه وقالت...بطني...بطني بتتقطع كني اتسميت اااه
غفران قالت بتوتر..ايه اتسميتي كيف كلتي ايه طيب
اوصاف قالت بالم ....ولا حاجه فطرت مرتين وحليت بتمن او تسع حتت بسبوسه وحبست برطل لبن ومعرفاش ليه بطني بتتقطع تقولش فيه حاجه فيهم مسمومه اااااه
غفران بصتلها بدهشه وخطاب قال بخنقه....لاه حاجه ممستهلاش ده اكل عصفوره ده....قال ومعرفاش وجعاها من ايه
اوصاف بصتله وقالت....تلاقيك مش مسامح ...كل عند عويل ولا تاكل عند بخيل
خطاب بصلها بضيق و غفران ضحكت بخفه وقالت ...طب قومي وياي قومي... وسندتها قعدتها على الكنبه
اوصاف قالت..لاه لاه وديني سريري عايزه افرد ضهري اااه
غفران قالت بتوتر ..بطنك ولا ضهرك ..اهدي شويه وترتيني
اوصاف قالت بالم.... الاتنين كل جسمي واجعني وديني سريري الاهي ينصرك يا شيخه احنا ولايه ملناش غير بعض
خطاب قال بغيظ...يولولو عليك ساعه ويفضوها يا بعيده
اوصاف قالت ....ساعه ليه حتى دي بخيل فيها
غفران اتنهدت و قالت ..ماشي هوديك اوضتك بس همضي على ورقه مهمه لعمي بسرعه واوديك
ولسه هتمشي اوصاف مسكت في دراعها وقالت بصراخ..الحمام..الحمام عايزه اروح الحمام ضروري ...دلوك يلا...ابقي ارجعيله تاني عمك يلااا
خطاب قال بزعيق..بتقولك دقيقه الورق جاهز اها و .....
بس قاطعته اوصاف وقالت..ولا ثانيه ولا عايزني اعملهالك على الكنبه هنه ..هتوصلني الحمام وترجعلك يلا يا غفران يلااااا
غفران اتوترت ومشيت معاها وهيه بتسندها وبتقول بقلق..حاسه بايه طيب نكلمو الدكتور
خطاب بص لطيفهم بغضب وخبط كباية شاي كانت قدامه على الارض كسرها وهو هيتجنن من اللي حصل بعد ما كانت خلاص هتمضي
عند فياض دخل البيت وسأل على اوصاف قالولو طلعت فوق بعت الخدامه تناديلها وقعد في الصاله
نعمات قربت منه وقالت بغيظ....خير يا ود الناجي عايز الغازيه في ايه
فياض وقف باحترام وقال...احم...موضوع عادي متشغليش بالك يا ست نعمات
نعمات قعدت وحطت رجل على رجل وقالت....تعرف يا فياض من يوم ما جابك خطاب وانت عيل عشر سنين بعد موت ابوك ...وقال انك هتبقى صبي عنديه وكيف ولده وكان فرحان انه هيبقاله خدام يكبره على يده ويسمع كلامه..لكن انا مكنتش مرتحالك واصل....ولحد انهارده مش مرتحالك
بقلم...زهرة الربيع
فياض اتنهد بضيق وقال...وليه بس يا ست نعمات هو انا كنت زعلتك في حاجه وانا مداريش
نعمات قالت بغضب ...لا داري ...زمان ماكنتش طايقاك لان خطاب كان مذودها في كرمه معاك ...صرف عليك وعلى اختك وعلى علامك وعلى بيتكم كله ....ودلوك مطيقاكش لانك روحت جبتلي بلوه وقعدتهالي على قلبي وقارفني بيها
فياض اتنهد وقال...تمام ...اسمعيني زين يا ست نعمات اول حاجه انا مناكرش فضل خطاب بيه عليا....وبحاول قد ما اقدر اردله كرمه ...لحد انهارده لو قالي ارمي نفسي في النار مهترددش...ويشهد ربي اني بعمل حاجات مش داخله راسي ولا عجباني بس بعملها علشان هو طلبها ولجل بس اسد دينه وانتي متبقيش ندمانه على خيره اللي اتصرف عليا....تاني حاجه بقى خطاب بيه هو اللي طلب اجيب اوصاف..وكيف ما قولتلك انا مبردلهوش طلب يعني كلامك يبقى معاه انا هنه بنفذ وبس..بلاذن انا... لو نزلت اوصاف خليها تكلمني في الجنينه
قال كده وطلع بخنقه من كلامها ومعايرتها المستمره ليه
عند دياب وصل عند بيت في حته مقطوعه وقال بابتسامه...وصلنا انزلي يلا
ونزل وفتحلها الباب
فاطمه فضلت تبص للمكان بتوتر ومش فاهمه جابها هنا ليه نزلت وقالت بارتباك...احنا جينا هنه ليه
دياب قال بابتسامه...متخافيش الدر دي ليا...و محدش يعرف عنها حاجه هندخل نتكلم على راحتنا علشان اسمعك زين
فاطمه بصت للمكان وقالت بارتباك......انا..انا معيزاكش تزعل مني بس انا مقدرش ادخل وياك بيت فاضي ونقعد لحالنا....انا لما قصدت نتكلم قصدت نروح مكان فيه ناس
دياب ابتسم بخبث وقال...مهو لو روحنا مكان فيه ناس ممكن يقولو لاخوكي انهم شافوكي وياي
فاطمه اتنهدت وقالت.... بردك مهقدرش ادخل ...خلينا نتكلمو في العربيه
ولسه هتطلع في العربيه قال ..اه فهمتك انتي مش مأمنالي...ماشي...حقك يا فاطمه...بس انا كنت فاكر ان بقى فيه بينا ثقه وانك غير الكل اللي بس بيخافو مني ويشكو فيا
ولسه هيروح يركب العربيه قالت بسرعه...لاه....لاه طبعا مش شاكه فيك يا دياب بيه ...بس...بس والله متعودتش مش اكتر
دياب قرب منها وابتسم وقال...متقلقيش واصل هندخل نتكلم جوه بدل البرد ده ونحلو الموضوع اللي كنتي عايزه تقولهولي ونمشو طوالي.... بدل ما حد يشوفك وياي في العربيه يتكلم عليك وانا مهتحملش حد يجيب سيرتك يا بت الناس
فاطمه حاولت تبتسم وهزت راسها بالموافقه وهيه مرعوبه وعارفه انها بتعمل حاجه غلط بس مكانتش عيزاه يزعل منها دخلت معاه بتوتر شديد
عند غفران اول ما دخلت اوصاف اوضتها اتفاجأت بيها وقفت عادي وقفلت الباب بسرعه
غفران بصتلها باستغراب وقالت....فيه ايه...هو انتي مش كنتي مش قادره توقفي دلوك
اوصاف بصتلها بغيظ وقالت...انا زينه مفياش حاجه بس كنت رايده الحقك من الهبل اللي كنتي بتعمليه..كيف عايزه تتنازلي عن فلوسك كيف يا غبيه ابوك سابلك الفلوس دي امانه عندك لحد ما يرجع عايزه تضيعيها بهبلك
غفران اتسعت عيونها بذهول وقالت ...انتي انتي كنتي بتتصنتي علينا...وبعدين مين قالك على موضوع ابوي
اوصاف اتوترت وقالت ...اول حاجه انا كنت معديه بالصدفه رايحه اشوفك ....لان جوزك نزل كيف الي قاتل قتيل وخوفت عليك...وتاني حاجه موضوع ابوك عرفته من دياب هو قالي ان ابوك كتبلك الفلوس وسافر
غفران قالت بغضب..لاه مسافرش..طفش...اتخلى عني وفاتني هنه وراح يشوف حياته..رماني لناس مبترحمش لجل يتهنى باللي باقي من عمره
اوصاف بصتلها بدهشه وقالت بغضب..مين قالك الكلام ده...خطاب اكيد صح
غفران قالت بسخريه..ايوه خطاب قالي انو كلمه وقاله خد بالك لغفران واعتبرها بتك ...انا مراجعش البلد تاني
اوصاف ضحكت بذهول وقعدت على السرير وقالت....شغلي عقلك يا هبله...ابوك لو عايز يتهنى بحياته هيفوتلك كل قرش معاه ليه....مش اولى كان اخد فلوسه وياه وعاش واتمعيش بيهم...شغلي دماغك اللي كيف البطاطس دي...ومتامنيش لعمك ولا تصدقيه ده كل همه يلهف اللي وراك واللي قدامك
غفران ابتسمت وكتفت اديها وقالت بسخريه...عارفه عنينا اكتر من اللي احنا نعرفه...شكله دياب كان بيحكي وياك كتير وقايلك على كل حاجه
اوصاف ابتسمت وقالت..معاك حق...كان يحكيلي كل حاجه
غفران اتغاظت وقالت بغضب...وقالك كمان انو متجوزني غصب عني ولا مقلكيش
اوصاف اتنهدت وقالت...قالي
غفران اتغاظت اكتر وقالت ...تمام...المهم اطمنا عليكي انا هرجع لعمي ومتدخليش في اللي ملكيش فيه
اوصاف قالت بابتسامه ..انتي قاتله حالك عشان تطلقي من دياب ...بس محاولتيش مره تفهميه وتسمعيه
غفران قالت بسخريه...كفايه انتي بتسمعيه
اوصاف ضحكت وقالت...عجيب امرك...اذا غيرانه عليه للدرجه دي كيف عايزه تسيبيه
غفران قالت بدهشه..ايه....مين دي اللي غيرانه...وهغير من مين منك انتي
اوصاف ابتسمت وقالت ..مش عيب.... طبيعي الواحده تغير على جوزها...واذا هو مش شايف الطريق الصح تمسكه من يده وتاخده ليه
غفران بصتلها بضيق ولسه هترد الباب خبط
اوصاف راحت فتحت وكانت الخدامه وقالت...ست اوصاف الريس فياض عايزك تحت
اوصاف اتنهدت و قالت حاضر قوليله دقيقه ونازله
الخدامه مشيت واوصاف بصت لغفران وقالت بابتسامه....انا هحكيلك حاجه مهمه عني ...انا امي ماتت وهيه بتولدني و ابوي مات وسابني يادوب بوقف على حيلي...وقتها اترميت عند عمتى فوزيه وجوزها...كانو شغالين في التجاره بعرض البنات...كنت وقتها مفهماش حاجه ولا خايفه من اي حاجه...لحد ما عودي شد وبدأت الرجاله تطلبني ويرمو الفلوس في حجره
غفران كانت بتسمعها باهتمام واوصاف لمعت الدموع في عيونها وقالت....لحد ما في مره واحد دفعله رزمة فلوس اول مره اشوفها كانت كتيره قوي...وجوز عمتي وافق من قبل ما يعدها حتى ورماني ليه ...قعدت ابكي واستنجد بس محدش نجدني ولا حتى عمتي..قالتلي هيه اول مره بس يا اوصاف ...وبعد كده هيبقى عادي ..روحي وياه يا بتي
وبعد ما خلاص كان هياخدني لقيت حد ضرب عصايته قدامنا واحد اخيرا اتحرك ومنعه..وكان دياب جوزك
بقلم...زهرة الربيع
غفران بصتلها بدهشه وهيه ابتسمت وقالت...بص للراجل وقاله خد فلوسك وهملها
ولما جوز عمتي اتكلم قالو انو هيبلغ عن المكان وهدده وعرفه انو ود عمده ومسك يدي وقاله ..البت دي متبعهاش لاي راجل طالما هيه رافضه....مليكش صالح بيها
من طريقته وهيبته جوز عمتي خاف منه ...والراجل اخد فلوسه ومشي ..هو كمان خاف...دياب ياما دفع لجوز عمتي قدامي وبعيد منني علشان يقفل خشمه ...ومن وقتها وهو بيطلع يوماتي يطمن عليا ...وياخدني و نقعدو عند البير ...عارفه كان عايز ايه مقابل كل ده
غفران كانت بتسمعها بسكات واستغراب واوصاف كملت وقالت .... كل اللي كنت بعمله مقابل كل ده اني اسمعه وبس...يتكلم وبس....دياب على صدره جبال ...كان بياجي ويحكيلي لجل يفضي من على قلبه وبس ...تخيلي واحد يعمل كل ده لجل يلاقي حد يسمعه يا غفران ...دياب مش شيطان يا غفران هو بس ملاقيش اللي يفهمه ....قالي ان ابوه جبره يتجوز وخسر صاحب عمره وبت عمه وياريته كسب جوازه في الاخر ...وقالي الدنيا كلها مش طايقاه...قالي انو بيمد يده عليك وبعدها يتمنى كسرها ...قال كتير يا غفران
غفران كانت بتسمعها بتشتت وبقت تفكر هيه اللي بنت عمه عمره ما قعد وحكالها اي حاجه ...وحتى ابوه وامه عمرهم ما سمعوه...اتنهدت وقالت بحزن....فاهمه عايزه تقولي ايه...بس كل ده مش مبرر للي بيعمله وياي ...يده طويله ولسانه كيف المزبله...انا بقيت مرعوبه منه..كل ما اقول خلاص احاول اديه فرصه وانسى اللي عمله وياي يرجع يندمني...انا مهقدرش اكمل ..مقدراش واصل
ولسه هتفتح الباب اوصاف قالت بسرعه....حتى لو عرفتي انه بيحبك يا غفران...بيحبك حتى قبل ما يتجوزك
غفران اتسعت عيونها بذهول واتجمدت مكانها والتفتت لها بدهشه
عند دياب دخلو هو وفاطمه البيت وقعد على الكنبه وقال...ها يا ست البنات قولي كلي اذان صاغيه
فاطمه كانت واقفه عند الباب اللي اصرت يبقى مفتوح وقالت بتوتر...انا...انا في مصيبه يا دياب بيه..فياض جابلي عريس... صاحبه عقبه ومصر اتجوزه
دياب ابتسم وقال....وفيها ايه ارفضيه
فاطمه قالت بدموع.... ما انا عملت كده بس عقبه هددني وقالي هيقول لاخوي اني ركبت وياك العربيه لو موافقتش
دياب اندهش وقال....وه وه عقبه قالك كده
وضحك وقال.... والله محدش سهل واصل...عموما مفيش مشكله احكي لفياض اللي حصل واني خبطتك بالعربيه وكانت صدفه احسن ما تدبسي في جوازه
فاطمه قالت بدموع وتوتر..... مهينفعش ..اصل..اصل حصلت حاجه كمان
دياب استغرب وقال.... حاجة ايه
فاطمه كانت مكسوفه تقوله انها قالت لعقبه انها بتحبه فقالت...اصل يوم ما انت اتعورت انا قابلت الدكتور حمدي وقاللي.... وجيت البيت عندكم وكنت عايزه اطمن عليك..وعقبه كان هناك وعرف وبيهددني
دياب اتفاجأ وضحك وقرب منها وقال..انتي جيتي عشان تشوفيني
فاطمه هزت راسها بتوتر من قربه وقالت بالعافيه..الغفر مقبلوش يدخلوني
دياب حط ايده على خدها وقال....ده انا همشيهم كلهم...بقى دوايا ياجيني للدار ويمنعوه
فاطمه رجعت لورا بتوتر وقالت ...مقولتليش اعمل ايه
دياب بص لعيونها اللي كانت نفس عيون اخوها وافتكر فياض وكام مره حرق قلبه وقلل من رجولته ابتسم بطريقه تخوف وقال..انتي مهتعمليش ....انا اللي هعمل يا فاطمه
فاطمه قالت باستغراب ...كيف يعني
قرب منها قوي وجذبها بقوه ليه وقال....هخليكي ليا ووقتها ولا عقبه ولا غيره يقدرو يعمله حاجه
وزق الباب برجله وقفله
فاطمه اتسعت عيونها بصدمه شديده ووووو
الثامن عشر
هخليكي ليا ووقتها ولا عقبه ولا غيره يقدروا يعملوا حاجه
وزق الباب برجله وقفله
فاطمه اتسعت عيونها بصدمه شديده وقالت فيه ايه يا دياب بيه ....هملني انت بتعمل ايه
ودفعته بقوه ولان دياب كان مجروح قدرت تبعده ولسه هتجري مسكها من شعرها فوق الحجاب وقال بغضب شديد...انتي عملتي ايه..ما داهيه يكون انتي كمان رفضاني...قوليها عشان تبقى كملت وياي
فاطمه قالت ببكا والم ورعب ...هملني اروح يا دياب بيه ....بالله عليك هملني اروح
بس صرخت بقوه لما دفعها على الكنبه وقرب منها بطريقه تخوف وهو بيقول...اهملك كيف..ده انا ما صدقت جبت رقبة اخوكي تحت صرمتي ...صدقت ما هكسر عينه واطفي ناري اللي قايده في صدري ومبتنومنيش
فاطمه نزلت دموعها بذهول وقالت..انت...انت كنت بتعمل كل ده علشان اخوي
دياب ابتسم بسخريه وقال..امال علشانك يا بسكوته
وقرب قوي ومشى ايده عليها بطريقه قذره وقال...انتي صوح حلوه وكيف الملبن بس متاجيش حاجه جنب الجاتوه اللي عندي
فاطمه دفعت ايده بغضب وقالت بحده...بعد عني ....عقبه كان معاه حق .... انا مشوفتش اوسخ منك ...ابعد عن طريقي خليني اروح والا والله العظيم ما هسكتلك انا مش هينه كيف ما انت فاكر
دياب ضحك جامد وقال...وانا بموت في المخربش
وضربها في رجلها وقعت على الارض وهجم عليها بطريقه رعبتها وهو مش شايف قدامه
فاطمه بقت تبكي بشده خصوصا لما شق فستانها وبقت تتنفض وتقول برعب..امانه عليك هملني ...هملني يا دياب بيه حرام عليك حرام عليك يارب يا رب
دياب كان خلاص هيتمكن منها بس فاجأها لما وقف بسرعه وضم اديه بغضب شديد من نفسه وقال...غوري من وشي ..معايزش اشوف خلقتك واياكي تطلعي قدامي تاني
فاطمه بقت تضم هدومها عليها وتحاول تقف وهيه بتقع من الرعب
ودياب قال بغضب وندم....انا مش عارف افصل بينك وبين اخوكي يا فاطمه ..عشان كده متطلعيش في وشي تاني انسيني ومتفكريش اني ممكن احبك واصل....بلاش عبط المراهقين ده سامعه
فاطمه هزت راسها برعب وهيه بتشهق بشده ولسه هتمشي مسك ايدها وقال بحرج...استني هوصلك المكان مقطوع هنه و....
بس مكملش جملته وحس بضربه شديده على دماغه حط ايده على دماغه و التفت وراه بصدمه والم واتفاجأ بعقبه بيبصله بغضب شديد وفي ايده العصايه اللي ضربه بيها
دياب رمش بعيونه بالم وقال..انت..انت عملت ايه يا ابن ال....
بس مقدرش يكمل ووقع مغمى عليه
بقلم...زهرة الربيع
عقبه بصلو بغضب ورجع بس لفاطمه بغضب اشد وخيبة امل
فاطمه هزت راسها بسرعه وقالت برعب..لا...لا معمليش حاجه ... انا لسه كيف ما انا...والله يا عقبه ما لمسني ..لا انا لس...
ومقدرتش تكمل وكانت هتقع بس عقبه شدها وغابت عن الوعي بين اديه
في السرايا كانت غفران مصدومه من كلام اوصاف وقالت بدهشه...انتي بتقولي ايه..ههه مين ده اللي بيحبني..دياب...هو دياب ده يعرف يحب
اوصاف ابتسمت وقالت....اللي زي دياب احسن واحد يحب ...بس انتي معرفاش تطلعي الحب ده
غفران ضحكت وقالت بسخريه..نطلعوه باذن الله....نعمله زار ونطلعه
اوصاف اتنهدت وقالت ....هتتريقي
غفران قالت بسخريه..انتي اللي بتقولي كلام ميدخلش عقل درويش..قال دياب بيحبني ومن قبل ما نتجوز....جبتي احلام العصاري دي من وين هو قالك كده
اوصاف اتنهدت وقالت...مقالش بلسانه بس فهمت كده من كلامه عنك وعن ظروف جوازكم
غفران قالت بابتسامه وجع...وقالك ايه على ظروف جوازنا قالك انو اتجوزني عافيه
اوصاف قالت...ايوه قالي ان جوازكم كان بسبب ابوه
غفران ابتسمت بسخريه وقالت.....لا مش بسبب ابوه....هو كان عيل علشان يسمع لابوه ويتجوز واحده مطيقاهوش تقل من قيمته ليل ونهار
اوصاف كتفت اديها وقالت ...طب ما انتي كمان مرفضتيش كنتي عيله
غفران نزلت دموعها وقالت ...معيزاش اتكلم في الموضوع ده تاني...بيخنقني بعد اذنك
اوصاف زعلت عليها وقالت ...طيب براحتك...بس خدي الكلمتين دول من واحده يهمها امرك...متمضيش لعمك على اي حاجه.....استني لما ولده يطلقك ....دياب راسه كيف الحجر ومهيطلقش بسهوله...وانتي مخسرناش حاجه بدل ما تمضي دلوك قوليله خلي ولدك يطلق وهمضي ..كده خطاب هيستعجل على طلاقكم اكتر علشان تمضيله فكري فيها...بالاذن
قالت كده ونزلت تشوف فياض لانه بقالو كتير باعت لها
وغفران شافت ان كلامها مضمون اكتر من اللي هيه كانت هتعمله.... قعدت على السرير وقالت بدموع....قال بيحبني قال انتي متعرفيش حاجه واصل يا اوصاف
ورجعت بافكارها لذكرى سيئه مش بتفارقها من قبل جوازها بدياب
كانت قاعده في الاوضه بتتفرج على فيلم وبتفكر في فياض ومبسوطه جدا لانه بعد يوم جاي يخطبها زي ما قالها
بس فاقت من شرودها على صوت خبط الباب لبست حجابها وراحت فتحت وكان دياب
ابتسمت وقالت...اهلا يا دياب ....خير يا اخوي
دياب اتنهد بضيق ودخل وقال ..جاي اتحدت وياك في موضوع مهم وهمشي على طول
غفران استغربت لان عمره ما دخل اوضتها سابت الباب مفتوح وقالت بتوتر...خير يا دياب وشك عامل كده ليه فيه حاجه حصلت انا معرفهاش
دياب اخد نفس عميق وقال...اسمعيني زين يا غفران الجواز قسمه ونصيب وكل واحد مهما عمل مبيطولش غير نصيبه
غفران ابتسمت ونزلت عيونها في الارض بكسوف وافتكرت انه هيكلمها عن فياض بس اتصدمت لما قالت ...احنا هنتجوز الاسبوع ده يا غفران
غفران اتسعت عيونها بصدمه وقالت..احنا...ههه احنا مين
دياب اتنهد وقال..... انا وانتي ...ده نصيبنا ...وعايزك تنسي اي حاجه حصلت قبل كده خصوصا فياض ...زي ما انا هحاول انسى انكم في يوم فكرتوا في بعض
ولسه هيمشي وقفته وقالت بغضب شديد..تعالى هنه انت رايح فين ..رميت كلام عجيب وماشي .....مين دي اللي تتجوزك احنا طول عمرنا اخوات...وانا مش بفكر في فياض وبس انا عشقاه وهو كمان وانت عارف...هتتجوز مره رايده راجل غيرك
دياب احتدت عنيه بغضب وقال...انتي طول عمرك مبتشوفيش مني الا الزين وبس...متخلنيش اوريكي وش عمرك ما هتحبيه ...قولتلك انسيه واسمه مياجيش على لسانك..انتي هتبقي مرت دياب يعني اي راجل غيري مياجيش في خيالك حتى ..ومتفكريش اني قاتل روحي عليك.... زي ما انتي مريدانيش انا كمان مش رايدك.....بس ابوي عايز كده ومصر وحاولت معاه كتير مرضيش خلص الكلام..... هو عمدة البلد وكلامه بيمشي على الغريب ..اش حال اهل بيته
غفران كانت هتتجنن واخيرا استوعبت انه بيتكلم جد وقعت دموعها و قالت بذهول...بس عمي كان موافق ...كان موافق ايه اللي حصل..انا ريحاله هروح اتحدت واياه واشوفه غير رأيه ليه
ولسه هتمشي دياب مسك ايدها بقوه وقال..هتقوليلو ايه...انا رافضه ولدك ود الاكابر لجل ود الجنايني ...مهيحصلش يا غفران ولا هسمحلك تقلي مني كده قدام ناسي
غفران دفعت ايده بغضب شديد وقالت ...لا هروحله ومش بس هقل منك قدام ناسك ده انا هقل منك قدام الخلق كلها....انا بحب فياض و على جثتي اتجوز غيره سمعت
وفتحت الباب علشان تطلع بس اتجمدت مكانها لما قال...تبقي جنيتي عليه....حبيب القلب هيروح ضحية عنادك
غفران بصتلو بذهول وقالت..انت قصدك ايه
دياب قرب منها وقال بغضب ....انا بعت فياض الوادي هيجيب مواشي وفيه واحد من رجالتي قاطره ورهن اشاره مني ...يا يسيبه يرجع بسلامه ...يا هيخلص عليه...والاختيار في يدك يا بت العم
غفران اتصدمت بشده ولطمت على خدودها وبقت تبكي جامد وقالت ببكا.....ليه بتعمل كده...ليه حرام عليكم...حرام عليك يا دياب ..احب على يدك ما تعمل كده دياب..دياااب
بس دياب مشي بسرعه من قدامها ومسمعهاش حتى وهيه وقعت على الارض وبقت تبكي بشده
بعد ايام كان فياض لسه مظهرش وكانت غفران عروسه زي القمر بس زينتها دموعها اللي مبتنشفش
خلصت ليلة فرحهم اللي مفرحتش بيها وكانت قاعده على السرير بحزن شديد
دخل دياب وقرب منها وقال بابتسامه...مبروك يا غفران مبروك
غفران بصتلو بقرف ورجعت بصت قدامها بخنقه
دياب اتنهد وقرب منها وقال ...انا عارف انك شايله مني بس فيه حاجات مبنكونش عايزينها تحصل...وربنا بيقسمها من عنده ولازم نرضى لان قسمته احسن من اختياراتنا بكتير ...هو اكيد عارف اللي يناسبنا ....يلا بقى استهدي بالله وغيري خلقاتك امي عملالها حوار ومصره على الموضوع القديم ده والرجاله مستنيه تحت
غفران وقفت ودخلت غيرت وطلعت بصمت وجمود رهيب
دياب اتنهد وقرب منها بحنيه
وغفران كانت حاسه ان روحها بتطلع وكارهه قربه منها جدا
بعد شويه اثبت عذريتها وانطلقت الذغاريد وضرب النار
دياب رجع ولع سيجاره وقعد على الكنبه وبصلها بغضب وقال...افهم ايه من معاملتك ودموعك دي ...وكأني جابرك تنامي معاي ولا واخدك في الحرام
غفران كانت دموعها بتنزل بصمت ووقفت من غير ما ترد عليه ولسه هتدخل الحمام وقف قدامها وقال بغضب...لما اكون بتحدت وياك تقفي تسمعيني...انا مش بحدت حالي
غفران بصتلو بحده وغضب وقالت....عايز ايه...حقك واخدته..اكتر من كده انسى لاني مش طيقاك ولا قادره ابص في وشك حتى.... انا قرفانه منك ومن نفسي لان كلب زيك لمسني و.....
بس مكملتش جملتها ووقعت على الارض لما ضربها قلم قوي وشفتها انجرحت
غفران بقت تبصله بذهول وغضب وهو وطى مسكها من فكها بغضب وقال...مكنتش داري اني هم على قلبك كده...لو كنت اعرف مكنتش لمستك ...انا مش رخيص للدرجه دي
ووقف وبص بعيد منها وقال ...انا فيا كل العبر...الا اني اغصب مره عليا...اللي مقبلاش فيه الف غيرها تقبل...انا دياب الخطاب واللي تكون في فرشتي تحمد ربها ....ولو على القرف انا قرفان من خلقتك اكتر منك...... واعتبريها اخر مره اقربلك فيها يا بت العم
والتفت لها وقال بغضب....واهم حاجه لو عايزه تعيشي بكرامتك متطوليش لسانك ..لاني مش حرمه هقعد ارط وياك....انا مبتكلمش بلساني غير مع اللي يستاهل ..قال كده ودخل الحمام ورزع الباب بغضب
وغفران فضلت مكانها على الارض وبقت تبكي بصمت
فاقت من شرودها وهيه حاسه بنفسها بيضيق ودموعها بتلمع في عيونها نامت على السرير بحزن وضمت رجليها لصدرها وقالت بوجع...انا محدش حبني واصل يا اوصاف....ولا حد
عند فياض كان مستني في الجنينه واوصاف طلعتله وقالت بضيق...خير ...قالولي انك عايزني
فياض مشى ايده على رقبته بحرج وقال..انا قلبتها في دماغي...و...احم ...شايف اني فعلا واجب علي اساعدك.....عشان كده عندي اقتراح سلميني الحاجه اللي رايده توصليها وعرفيني العنوان وانا هوصل امانتك باذن الله
اوصاف بصتلو بدهشه وقالت...قصدك انت هتطلع الجبل ووتوديهم.....اكيد لا.مينفعش
فياض قال باستغراب...لاه ليه انا مهقولش لاي حد
اوصاف قالت ...انا عايزه اروح واطمن على الراجل ...وكمان هما ميعرفوش غيري ..لاه لاه مهأمنش ان حد غيري يروح هناك
فياض قال بضيق...يا بت الناس ما انتي لو روحتي انا هروح وياك كمان ...وبرضك هعرف الطريق
اوصاف ضحكت و قالت ...لاه انت مهتطلعش وياي انت تاخدني توصلني للجبل وانا هطلع راس الجبل لحالي وهبقى انزل ونرجع متخافش
بقلم...زهرة الربيع
فياض ضحك وقال...ااه فهمتك انتي عيزاني اوصلك وتكملي لحالك...مهيحصلش ..انتي هتبقي امانه معاي ولازم اردك .... اضمن منين انك ترجعي مش يمكن تخلعي
اوصاف قالت بسرعه..وانا هروح فين بس يا ود الحلال ...امانه عليك توصلني ...الراجل زمانه معندوش وكل واصل
فياض اتنهد وقال...مهقدرش سامحيني قولتلك كل اللي في يدي
اوصاف قالت بغيظ....انا هتصرف لحالي...اياك تناديلي تاني سمعت ولا لاه
ولسه هتمشي فياض داس على اسنانه بغيظ من نفسه وقال.....استني...هوديك بس رجلي على رجلك في كل خطوه تخطيها ....وهطلع وياك وده اخر كلام قولتي ايه
اوصاف فكرت شويه وقالت بخبث...ماشي موافقه ..تعالى وياي المهم اروح للراجل الغلبان العيان الجعان ال...
فياض قاطعها وقال...بس خلاص ايه....اجهزي بالليل على الساعه واحده وخليك في البلكونه وانا هتصرف
اوصاف ابتسمت وقالت..الاهي يعمر بيتك والنعمه انت ما فيه اجدع منك
وغمزت وقالت..ولا احلى منك على فكره
قالت كده ودخلت جري على البيت وفياض ابتسم وهز راسه بيأس من جنانها وفضل متابع طيفها باعجاب واضح
بس فاق من شروده عل صوت اتصال من والدته فتح وقال بابتسامه...خير يا ست الكل
امه قالت بقلق....فاطمه معدتش عليك يا فياض
فياض قال باستغراب..لاه معدتش.... ليه ايه اللي حصل
امه قالت بقلق شديد..اديلها زمن طلعت تروح الدرس بتاعها ومرجعتش لحد دلوك والبنات اللي كانو وياها رجعوا
فياض اتسعت عيونه بذهول واخد مفاتيح العربيه اللي بيستخدمها وطلع بسرعه جنونيه
عند عقبه مكانش عارف يروح فاطمه لان هدومها مقطوعه ومينفعش يرجعها بيتها بحالتها دي...... ولا ينفع ياخدها بيته اتنهد ودخل اوضه في نفس البيت عند دياب وحطها على السرير
وبص على حالتها بحزن شديد وطلع وقفل الباب عليها
وقعد على الكنبه قصاد دياب اللي كان مرمي على الارض مش حاسس بالدنيا
عقبه كانت دماغه بتودي وتجيب فكر يتصل بفياض بس اتراجع لانه خاف على فاطمه منه ....وفكر كمان يلبسها عبايته بس خاف حد يشوفهم يبقى منظرها مش كويس
فضل مكانه بيفكر وكل ما يبص لدياب يحس بغضب رهيب وانه عايز يقتله بس يستعيذ بالله ويرجع يبص بعيد عنه
في الوقت ده دياب فاق وهو بيتألم وقال ااااه......يا دماغي يا ابوي...
بس احتدت عيونه بغضب رهيب لما شاف عقبه قاعد قصاده وبيبصله بنظرات اسوء بكتييير ووووو
اللي جاي مواجهه تحفه وضرب ناااار😂
الفصل التاسع عشر والعشرين والحادي والعشرون من هنا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق