رواية أرملة رجل حي الحلقه السادسه عشر بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه السادسه عشر بقلم الكاتب محمد منصور حصريه وجديده
فتحو الباب وشافو ولاد كريمة في حضن شمس كلهم استغربو المنظر لكن ما حدش اتصدم زي كريمة اللي بصت ل نحمده وقالت
مين دي يا نحمده
شمس قامت وقفت وبصت ل نحمده وقالت
مين دي و ازاي شبهي اوي كدة
نحمده كانت بتبص لهم هما الاثنين وقالت
اية الجنان دة مبن فيكم كريمة ومين شمس
كريمة
انتي ازاي تسالي سؤال زي دة انا كريمة اختك
شمس
ولما انتي كريمة انا ابقي مين
كريمة
اسالي نفسك
هنا ولاد كريمة كانو مصدومبن لكنهم و قفو في ظهر شمس وقالت عفاف
ماما مين دي
كريمة بعصبية
عفاف انا اللي امك مش دي
شمس
لا والله ودة من امتي.
محمد كان بيبص للاثنين وهو هايتجنن وقال ل نحمده
نحمده فهمينا اية اللي بيحصل هنا وبسرعة،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
رئيس المباحث كان قاعد في مكتبه وقت ما كان قصاد منه حسني وكان بيقول
يا فندم اللي انا عملته دة في مصلحة القضية لان في لغز ولازم اوصل ل حله
رئيس المباحث
حسني انا لولا اني واثق فيك كنت خد اجراءة مش هيعجبك
حسني
طيب قبل يا فندم ما تتعصب عليه تعالي اقول لك اية اللي مكتوب في تقرير الطب الشرعي بالتفصيل، ،،،،
هنرجع لكام ساعة وراء لما حسني كان باصص ل فاروق دكتور الطب الشرعي وبيقول له
اية اللي انت كاتبو في التقرير دة
فاروق
دي نتيجة التشريح النهائي للجثة مقتوله من حوالي اربع ايام لكن الشعر اللي في ايد القتيل عدي علي التساقط بتاعه شهر او اكتر دة غير ان في بصمات علي الجلد غير بصمات كريمة
حسني
معني كلامك ان في حد قاصد يلبس جريمة القتل
ل كريمة
فاروق
بالظبط يا فندم
حسني
ومين بقي اللي عايز يعمل كدة
فاروق
هو مش مين هي مين
حسني
لا فهمني كدة بالراحة تقصد اية
فاروق
انت عارف يا حسني اني معايا علي اللاب بتاعي برنامج متسجل عليه كل بصمات المسجلين في مصر
حسني
دة اللي جاي لك من امريكا وانت عدلت في وسجلت عليه بصمات المجرمين في مصر
فاروق
هو. وانا بستخدمه علشان اسهل عليك شغلك ما انا مش طب شرعي وبس دة انا كمان عاشق لحل الالغاز الجرائم
حسني
البصمة الغريبة اللي ظهرت علي جسم بسيوني سجلتها علي البرنامج مش كدة
فاروق
بالظبط وظهرت لي الصورة دي
وفتح فاروق اللاب توب بتاعه علي صورة ل شمس فقال حسني
دي صورة كريمة
فاروق
لا شمس
حسني استغرب و بص اوي للصورة وقال
شمس. ازاي
فاروق
جبت لك الملف بتاعها من علي موقع الدخلية. الاسم
شمس خير الله تهامي. دجاله بنت دجاله عاشت وكبرت جوة بيت صدفه الدجاله بتاعت المنصورة اتقبض عليها اكتر من مرة هي وامها واخوها منير وكانو بيقضو فترة العقوبه بتاعتهم
و يخرجو يمارسو اعمال الدجل والشعوذة من تاني
حسني
واية بقي العلاقة بين شمس وكريمة ولية عايزا تسجنها
فاروق
دة بقي اللغز اللي انا هموت واحله
حسني
من غير ما تموت هيتحل
فاروق
مش سهل اوي كدة لان صدفة كان ليها اخر في اللعب مع الجن انما شمس اخبث منها 100 مرة دة كلام اللي اتعاملو معاها
حسني
يعني كريمة صادقة وما عشتش مع اسامة 4 سنين وشمس هي اللي كانت منتحلة شخصيتها
فاروق
بتقول اية يا حسني
حسني
لا دة حوار كدة بيدور في دماغي ولازم اوصل ل اخر الحوار دة ،،،،،،،،
ونرجع ل رئيس المباحث اللي قال ل حسني
علشان كدة طلعتها
حسني
طلعتها بعد ما قولتها ان كل الادله ضدك علشان الكلام يوصل لكل اللي تعرفهم وتبدا شمس تتحرك ومع الحركة بتاعتها اكيد هتغلط ودة بقي الوقت اللي انا هدخل في،،،،،
ونرجع ل شقة نحمده اللي حكيت كل اللي فات. و اول ماخلصت قالت كريمة
يعني شمس دي اختي التؤام
شمس باستغراب
انا ليا اخت طيب ازاي.
وبعدها بصت شمس ل كريمة وقالت
ولما انتي اختي لية جيتي القسم ليا و قولتي جوة الوقت شمس تكون مكان كريمة
كريمة كانت هتجنن ورديت بعصبية وقالت
انتي اللي جيتي القسم وقولتي ليا كدة لما كنتي لابسة نقاب
شمس عيطت وقالت بحرقة
ما كافية بقي ظلم وقولي الحقيقية وازاي عارفة تقلدي صوتي كدة بالظبط
كريمة اتعصبت اوي وقالت
انا اللي بقلد صوتك ولا انتي انتي لية بتعملي كدة
شمس
بعمل اية دة انتي اللي جاية لغاية عندي و عايزا تسرقي حياتي.
كريمة
انا كدة اللي عايزا اسرقك
ولا انتي
شمس بصت لكريمة وقالت بحدة
اسمعي يا شمس كفاية بقي اوي لغاية كدة وزي ما ظهرتي في حياتي اختفي وسيبني اعيش حياتي
كريمة
انا كريمة مش شمس
ومديت ايدها علشان تسحب عيالها من وراء شمس وقالت
وهاتي عيالي
لكن عفاف زقت ايد كريمة بعيد عنها وقالت
ابعدي ايدك عننا احنا ما نعرفكيش
كريمة حست ان بنتها مش مظبوطة فقالت
عفاف انا امك
عفاف
انا امي اهه
وبصت ل شمس وحضنتها اوي كريمة بصت ل صباح وحامد والاثنين عملو زي عفاف صرخت كريمة وقالت
انتي عملتي في عيالي اية
و لسة هتهجم عليها محمد حاشها وقال
كريمة اهدي مش كدة
شمس
محمد دي مش كريمة انا كريمة حبيبتك فاكر اخر مرة كنا فيها سوي وقت ما اديتني السلسة دي
ومديت شمس ايدها ناحية رقبتها وطلعت سلسلة محمد كان جايبها هدية ل كريمة بص محمد للسلسلة وقرب علشان يتاكد انها هي وفعلا طلعت هي. كريمة حطيت ايدها علي رقبتها مالقتش السلسة اترعبت و بدات تصدق انها فعلا مش كريمة والصرع مساكها وبدات تمسك دماغها ووقعت علي الارض والدنيا بدات تلف بيها
وفتحت عيونها لقيت نفسها في بيت الدجاله واقعة علي الارض ، ،،،،،،،
هي كريمة ولا مش كريمة انا اتلخبط ماحدش يعرف يا ولاد الحلال، ،،،،،،،،
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات