رواية أرملة رجل حي الحلقه الخامسه عشر بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الخامسه عشر بقلم الكاتب محمد منصور حصريه وجديده
دة يا كريمة اللي قاله تقرير الطب الشرعي انا كنت متعاطف معاكي لكن بعد اللي قالو التقرير دة احسن لك تعترفي لان كدة كل الادلة ضدتك
وبلهجة حادة
قتلتي بسيوني لية
دة اللي قاله حسني ل كريمة اللي كانت واقفة قصاد منه وبتقول
والله ما قتلته انا، ،،،،،
قاطعها حسني وقال
انتي براءة يا كريمة هخلص شوية اجراءات و هتخرجي
كريمة برقت و مابقتش فاهمة اي حاجة، ،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ومع اذان الظهر محمد وكريمة كانو خارجين من القسم وكريمة بتقول
انا مابقتش فاهمة اي حاجة لية قال ان كل الادلة ضدي وبعدها قال اني براءة
محمد
في حاجة مريبه بتحصل ولازم نستعد لها
كريمة
انا زهقت ومش عايزا اي حاجة من الدنيا غير اني اخد عيالي وامشي بعيد
محمد
وانا يا كريمة
كريمة وقفت و بصت له وقالت
انت اية
محمد
مش عايزا تكوني معايا
كريمة
هتكون مع واحدة زيي لية دة انت اكيد اتجوزت وبقي عند،،،،،،،
محمد قاطعها ومسك ايدها وقال
ما اتجوزتش لاني ما عرفتش احب غيرك
بصت كريمة ل ايدة اللي حاضنه ايدها وقالت
انا ما استهلش انك تربط مستقبلك بيا. انا ست كسرها الهم و الحزن ام خسرت عيالها اللي عرفو قد اية هي واطية وما حدتش يتشرف بيها
عيطت كريمة بحرقة وقالت
ست ما بقاش عندها اللي تقدر تدي ل اي حد. نصبت وبعيت جسمي بورقة عرفي وانا عارفه اني كدة بزني
محمد
انتي عملتي كدة علشان خاطر عيالك
كريمة
الغلط ما فيهوش مبرر. كنت خدهم ورجعت بلدنا كان هيبقي اكرم لي من اني اربيهم بفلوس حرام واهم كبرو وبعد كل اللي عملتو علشان ما يعرفوش حقيقتي عرفو وما بقاش حد منهم طايق يبص في وشي
وسحبت كريمة ايدها من ايد محمد وقالت
انا عارفه انك لما شوفتني اتعشمت فيا وفي الايام اللي جاية تبقي احلي لكن صدقني انا ما بقاش ينفع يجي من ورايا اي فرحة
و سابته و اتحركت. ودموعها علي خدها ومحمد فاضل باصص لها وهي بتبعد وحصلت خناقة بين قلبه وعقله وما بقاش عارف اية الصح لكنه جري وراء منها
و باقصي سرعه و ندهه عليها و بصت له كريمة وهو وقف قصاد منها وقال
اللي فات مات واحنا ولاد النهاردة و امبارح عدي من غيرك لكن النهاردة وبكرة مش عايزهم الا معاكي
ومد لها ايده وكريمة من غير اي تفكير مديت ايدها
و حضنت ايده وقال
هنبدا منين
كريمة
من عند نحمده علشان نفسي اعرف هي لية بلغت عني،،،،،،
ومن جوة احدي شركات بركات تقعد نيرة في مكتب بركات وسمعت صوت عالي برة المكتب ودة كان صوت ابوها بركات اللي كان بيقول
تمنع مين من الدخول يا ابن الكلب دة انا الحج بركات صاحب كل دة
فرد الامن
يا حج دي تعليمات نيرة هانم
بركات
الهانم دي بقيت هانم بفلوسي مش،،،،،
هنا نيرة وقفت قصاد منه وقالت بعصبية ل بركات
اية في اية عامل دوشة
بركات
دوشة هو انتي لسة شوفتي دوشة دة انا محتاج اربيكي من اول وجديد
و اتحرك ناحيتها لكن الامن منعو وقالت نيرة
بلاش تقل من نفسك اكتر من كدة وامشي دلوقتي وانا لما هخلص شغل هفوت عليك في القصر
بركات كان بيحاول يبعد الامن عن طريقة وهو متعصب و نيرة عماله تقول
انت اعصابك تعبانه ومحتاج ترتاح روح احسن لك
بركات عرف انه مش هيقدر يوصل لها فقال
يعني اية بتورثيني علي حياة عيني
نيرة
ماهو لما تبدا تخرف لازم اقف لك قبل ما تهد كل اللي احنا وصلنا لي
بركات
نهد انتي صح موتك هيبقي في ان كل اللي انتي في دة يتهد وانا مش هحرمك من اللحظة دي،،،،،
ومن جوة مبني مباحث الاموال العامة تقف عربية بركات وينزل منها ويدخل المبني ويسال علي مكتب العقيد هشام ووصل للعقيد هشام وقعد قصاد منه وقال
عرفت انك بدور ورايا وعايز تعرف انا ازاي بقيت من مجرد صاحب محل صغير في الموسكي ل صاحب شركات الاستيراد والتصدير
هشام
انت كدة قصرت عليه تحريات كتير
بركات
التحريات يا باشا هضيع فيها وقت كتير ومش هتوصلك ل حاجة حتي اسال اللي كان قبل منك العقيد فايز غنيم
هشام
دة انت عارفنا بقي في الادارة بقي
بركات
ما علشان افضل الحج بركات لازم اعرف مين بيدور ورايا وانا عرفت انك بدور ورايا وعلشان كدة جت لك باعتراف رسمي يخليكي تاخد فيها ترقيه و مكافاة.
هشام
قول اللي عندك ولما اترقي هبعت جواب ميري جوة منه شكر من الدخلية كلها
بركات
انا يا باشا تاجر اثار استغليت الفوضي اللي كانت فيها مصر وقت الثورة وطلعت مومياة من الاسرة الثامنة عشر
و معاها اثار خلتني صاحب مليارات ومش بس كدة انا كمان فتحت مستشفي
ل بنتي وعيادات خاصة الغرض منها و المعلن للناس انها في خدمة اللي معاهم لكن الحقيقية هي معموله لتجارة الاعضاء و البيزنس دة يخص نيرة بنتي
هشام
انت عارف و مدرك انت بتقول اية
بركات
عارف لكن بنتي خلتني مجنون و هتمنعني من فلوسي علي حياة عيني. مش هقف ساكت ولا هتفرج عليها وهي بتعمل كدة ولو وجهتوها باللي انا قولته هتقول لكم اني مجنون لكن انا عندي الدليل والاماكن اللي انا بحفر فيها و بطلع اثار تانية. وغرف تحت المستشفيات بيتم فيها اي عملية شمال. قولت اللي عندي والباقي عندك انت
هشام اول ما بركات خلص كلامه رفع سماعه تيلفون مكتبه وقال
اديني سيادة اللواء نجيب،،،،
نحمده كانت قاعدة بتتفرج علي الشاشة وقت ما سمعت صوت خبط علي باب الشقة راحت ناحية الباب وفتحته و شافت قصاد منها كريمة
و معاها محمد فقالت نحمده
كريمة طيب ازاي. اومال مين اللي جوة مع العيال
كريمة بخضة
عيال مين
نحمده
عيالك يا كريمة
كريمة
اللي جوة دي مش انا
نحمده
تبقي شمس هي اللي مع العيال
كريمة
شمس مين
نحمده
اختك التؤام. اللي حاولت تقتلني
كريمة
انا مش فاهمة حاجة
نحمده خافت علي عيال اختها ودخلت جوة جري وراحت ناحية باب الاوضة وكانت وراء منها كريمة ومحمد و فتحت باب الاوضة
وشافو العيال ،،،،،،،،،،
يوووووووو. لية بس الحلقة خلصت دلوقتي دة انا كنت هموت واعرف شافو اية. ماحدش فيكم يعرف هما شافو اية ولية حسني طلع كريمة براءة
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات