رواية أم العيون السود الحلقه الرابعه من تاليفي محمد منصور منص حصريه وجديده على مدونة النجم المتوهج
رواية أم العيون السود الحلقه الرابعه من تاليفي محمد منصور منص حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعد بيوم ومن جوة اوضة ادم اللي كان ادم. علي سريرة وفي أيدة الموبيل وبيبص لصورة حلا وبيقول بشجن
انا كنت فين وانتي كنتي فين وليه ظهرتي لي. زيك زي النداهه اللي خطفت قلبي لدنيتها. قلبي من يوم ما شافك مابقاش ملكي انا بحبك ولا ايه. ردي عليا. أنا ليه مش قادر اقاوم سحر عينيكي وضحكتك انا هاتجنن. ازاي صورة من خيالي تطلع لحد بجد.
ويرمي الموبيل قدام منه ويقول لنفسه
ايه اللي حصل لك يا أدم انت مشفتهاش غير مرة واحدة مالك كدة. دي متجوزة. ولية انت مضايق انها متجوزة هو انت فاكرها انها من حقك.
ويمد أيدة ويمسك الموبيل مرة تانية ويبص لصورة حلا. ويقول
أتجوزتي ليه. ردي عليه. لما انتي اللي في خيالي واللي روحي وقلبي كتير اتمنوكي ليه تبقي لغيري. ليه. يا حلا ليه.
ويرمي الموبيل كمان مرة ويقول لنفسه.
اعقل كدة واركز وفكر صح. ولازم تعرف انت عايز ايه.
ويمد أيدة ويمسك الموبيل ويقول وهو بيبص لها
عايزها. عايز قلبها يبقي ملكي عايز حبها عايز عيونها ما تشفوش غيري عايز شفافيها اللي زي حبيه الكريز مايقولوش غير اسمي. ازاي بس ازاي وهي مش ملكي ملك جوزها جوزها
ويرمي ادم الموبيل كمان مرة ويقول
لازم ابعد عنها واتخلص من سحرها
ويقوم يقف ويلف في الاوضه اكتر من مرة كان باين عليه انه مش طبيعي. فعلا زي المسحور بيها. ويرجع للموبيل ويمسكه ويبص لصورتها ويقول
لا. مش قادر ابعد عنك. اوعي تكوني زعلتي من كلامي انا ماصدقت لقيتك. انتي عايشه من سنيين في قلبي انا ماعرفتش طعم الحب الا لما قلبي اتحفر في اسمك. انا هاكلمها عشان واحشني صوتها
ويتصل ادم بالنت ويحاول الدخول الي حسابه ولكن كلمه السر غيرها حمص واستغرب ادم اوي وحاول اكتر من مرة وكل مرة تظهر له رساله كلمه السر غير صحيحه. فقال بعصبيه
مش عارف اوصل لك ليه. ليه
وفي الوقت دة يتفتح باب الاوضة وتدخل هاله وتبص ل ادم وهو ماسك الموبيل وبيبص لصورة حلا وتقول له
ادم. انت بتكلم مين
ادم
مش بكلم حد
هاله
لا. انا سمعاك وانت بتتكلم مع حد
ادم بحدة
قولت لك مش بكلم حد
فتقرب هاله منه. وتقعد جنبه وتقول
طيب اهدئه. انت مالك من امباراح وحالتك مش طبيعيه
ادم
انا كويس
هاله
طيب مش هتروح تشوف عيالك
ادم
مش طايق اشوف خلقه سناء وادخل الشقه اللي خدتها غصب عني
هاله
انت مش هاتروح علشانها هي هاتروح علشان عيالك اللي كل يوم بيسالو عليك
ادم
الله يجزيها سناء هي اللي حرمتني منهم
هاله
معلش استحمل علشان خاطرهم
ادم
استحملت كتير علشانهم لكن مش عارف اخرتها ايه
هاله
خير باذن الله. قوم روح لعيالك
ادم
هروح علشان هما واحشوني.،،،،،
ومن جوة الشقه اللي قاعدة فيها سناء يقف ادم في وسط الصاله وياخذ ولادة بالحضن وسناء تقف وتبص له وتقول
اخيرا جيت
بص لها ادم بقرف وماردتش وفضل يلعب ويهزر مع ولادة وياخدهم في حضنة بمنتهي الاشتياق فتقول سناء
أيه هاتفضل تبوس فيهم ومش معبرني
ادم ل سناء
انا اللي رابطني بيكي هما دول ومن غيرهم مافيش حاجه تربطني بيكي
سناء
بس كدة.
ادم
اة بس كدة.
وخد عياله ودخل بيهم الاوضه بتاعتهم وفضل يلعب معاهم لغايه ما نامو. وهو نام معاهم في اوضتهم ودخلت سناء الاوضه وبصت ل ادم بغيظ شديد وقفلت الباب وخرجت، ،،،،،،
وبعدها بيوم كانت حلا بتبص للاب بتاعها وكمية الرسايل اللي بعتها حمص علي انه ادم وكلها رسايل فيها تلميحات سخيفه وتدخل وردة عليها وتقعد جنبها وتبص للرسايل وتقول ل حلا
انتي لسه ماعملتيش بلوك للحيوان اللي اسمه ادم
حلا
انا لغايه دلوقتي مش قادرة اصدق أزاي الشخص اللي كلمني يكون بالسفاله دي
وردة
اهو بان علي حقيقته. يالا اعملي له بلوك
ولكن حلا تبص لوردة وهي مش عايزا تعمل بلوك فتمسك وردة اللاب توب وتقول
طالما انتي مش عايزا تعملي بلوك هاعمل له انا
ولكن حلا تمسك اللاب من وردة وتقول
لا. مش هاعمل له بلوك.
وردة باستغراب
ازاي توافقي علي الرسايل السافله دي
حلا
لازم افهم هو ليه بيعمل كدة. مش ممكن يكون فهمني غلط اول مرة كلمته وافتكر اني ست مش كويسة
وهنا. يرن جرس الرسايل في خانه طلبات المراسله رساله من حساب ادم الجديد وبعت رساله لحلا يقول فيها
انا ادم السني . وكنت عايز اكلمك. اصل الحساب بتاعي القديم كلمه السر بتاعته ضاعت
فتقبل حلا الرساله مسرعا. وهي فرحانه وتكتب
ادم. أزيك
ادم
انا بخير اسف اني قفلت المرة الاخيرة بطريقه مش حلوة
حلا
ولا يهمك. بس عايزا اسئلك انت من ساعه ما قفلت معايا وانت ما بعت لي شي
ادم
لا. من ساعه ماقفلت وانا ما بدخلش علي النت خالص لغايه امبارح جيت ادخل لقيت كلمه السر اتغيرت فعملت حساب جديد وبكلمك منه دلوقتي. انما ليه بتسالي السؤال دة
حلا.
مش مهم. تعرف
حلا بفرحة شديدة وهي بتبص لوردة.
مش هو اللي كان بيبعت الرسايل انا كنت متاكدة.
وردة
اومال هايكون مين
ادم يكتب
ممكن تفتحي الكاميرا عايزا اشوفك
فتبص حلا ل وردة وتقول لها
قاعدة ليه يالا قومي
وردة مضايقه لحلا
مش قايمه
حلا
علشان خاطري
وردة ضاحكا
حاضر
وتخرج وردة من الاوض وتتصل حلا بادم وتفتح الكاميرا واول ما تشوف ادم تضحك وتعيط في نفس الوقت وتقول
واحشتني قوي
ادم بنظرة كلها اشتياق
انتي كمان واحشتيني وكتير حاولت ابعد عنك لقيت نفسي وانا بعيد قريب منك
حلا
ليه عايز تبعد ده انا ماصدقت لقيتك
ادم
بصراحه. قلبي اتوجع لما عرفت انك متجوزة
حلا باكيا
لو اعرف اني هاشوفك كنت استنيتك وماكنتش في يوم بقيت لحد تاني غيرك
ادم
عن جد
حلا ضاحكه
عن جد.
أدم
تعرفي انا نفسي في ايه دلوقتي
حلا
نفسك في ايه
أدم
نفسي ألمس ايدك
حلا
ومستني ايه
ويحط ادم ايدة علي شاشه الموبيل وتحط حلا أيدها علي شاشه اللاب ويتخيل الاثنين ان ايديهم لمسوا بعض فيقول ادم
حاسس اني فرحان اني لمستك
حلا الضاحكه الباكيه
وانا كمان حاسه اني مش عايزا اسيب ايدك. ابدا
ادم
تعرفي اننا مجانين اوي
حلا
معاك مش عايزا اكون مجنونه وبس عايزا اللي بعت الجنان
ويبص العاشقان لبعض بصة كلها اشتياق ومرت الايام وادم يكلم حلا في ادق تفاصيل حياته وحياتها وعرفو الاثنين كل حاجه عن بعض وزاد الحب في قلوبهم حب باغرب بدايه ومش معروف لي نهايه لكنه حب لي طعم خاص. ومواقف خاصه لدرجه ان حلا طلبت مرة من ادم انها نفسها تروح. الحسين فقال لها ادم.
بس كدة. هاوديكي الحسين
حلا ضاحكه
انت مجنون
ادم
مجنون بيكي.
حلا بعشق السنين
انت كنت فين من زمان
ادم
كنت عايش مع الجاموسه اللي اسمها سناء
حلا وضحكتها بترن.
بس بقي. الفجر قرب ياذن والضحكه بتاعتي بترن طول. ما انا معاك
ادم
خليها ترن. ويالا بقي قومي البسي
حلا. باستغراب
البس
ادم
اة البسي. هاوديكي الحسين.
حلا وهي بتضحك. فيقول ادم
مابهزرش هاتروحي الحسين
حلا
بس يا مجنون. الفجر قرب يأذن. هاتروح فين انت دلوقتي
ادم
وايه المشكله. يالا. قومي
حلا
وربنا مجنون
ادم
بس بحبك
وتقف حلا قدام الدولاب وتخرج احلي طقم خروج عندها وكل دة وادم معها في المكالمه الفيديو وتقول
انا هالبس الطقم دة
ادم
تمام. يالا بقي غيري هدومك.
حلا بنظرة حادة
ادم
ادم
انا بس عايز اساعدك
فتضحك حلا. وهي بتقفل الكاميرا وتلبس حلا طقم الخروج وادم يركب الموتوسيكل بتاعه وحلا معه في المكالمه الفيديو وبيقول لها
شايفه الطريق
حلا
شايفه كل حاجه وكاني معاك
ادم
هو دة. اللي انا عايزة
ووصل ادم الحسين ولف في الحسين وحلا معه في المكالمه الفيديو وبتتفرج وكانها معه بالظبط. وقعد وطلب لها كوبيه حمص الشام وشربها وضحك الاثنين وهزروا وقلبو الدنيا بقصه حبهم الغريبه. وجاب ادم لحلا مصحف هديه وقال لها
المصحف دة هايفضل معايا لغايه ما اشوفك
حلا ببكاء شديد
تفتكر اننا ممكن نتقابل
ادم
هنتقابل باذن الله. واوعي تعيطي طول ما انا عايش
حلا
يارب
ادم وهو ينظر لها
يارب وتكوني حرة. وقتها وتبقي مراتي
حلا
هاتتجوزني
ادم
هو انا اطول لما تكون مراتي ام العيون السود
فتخرج حلا سيجارة من علبتها وتستعد لاشعالها فيبص لها ادم بحدة ويقول
كام مرة اقول مافيش شرب سجاير علشان قلبك وعلشان ما ينفعش ست تشرب الزفته دي. بتبقي قبيحة جدا
حلا بدلع
سيجارة واحدة بس
ادم بعصبية
قولت. لا واتلمي بدل ما اجي المك
حلا وهي بترمي السيجارة
اتلم لية شايفني متعبترة
فيضحك ادم ويقول
مابتعرفيش تقوليها بتقوليها لية
حلا
ماهي كلمه صعبة
ادم
خلاص بلاش تقوليها
حلا
ما انا عايزا ارد علي كلمه اتلمي
فيضحك ادم ويقول
بلاش تردي
حلا
كدة طيب انا زعلانه منك. ومش هاصالحك الا لما تقولي نكتة مصرية
ادم
ما بتفهميش النكت بتاعتنا وكل ما قول لك نكتة احسن اني قولتها في صحراء
حلا
قول انت نكتة سهلة وانا هافهم.
ادم
بيقول لك لية الصعيدي بيطلع له خمس شياطين
فتسكت حلا وتفكر في اي اجابة ثم تقول
مش عارفة قولي لية
ادم ضاحكا
علشان واحد يوسوس له واربعه يفهمو
فتبص له حلا بصه الدهشة لانها ما فهمتش حاجة فيقول ادم
نفس البصة بتاعت كل مرة. انا ابقي كلب لو قولت لك نكتة تاني
حلا ضاحكا
لا. خلاص والنبي انا بضحك اهو،،،،،،،
وعديت الايام والعاشقان يدوبان في الحب المستحيل. لغاية مارجع جعفر جوز حلا من رحلته. وبدا للحكاية حكاية جديدة خالص.
وقايلت حلا جوزها جعفر ببرود شديد وهي مش طايقه جعفر يلمسها فبص لها جعفر وقال
مالك متغيرة ليه
حلا
اصلي تعبانه
جعفر ببصة استياء
تعبانه. بعد الغيبه الطويله دي. المفروض تكوني مشتاقه ليا
حلا وهي تبعد عنه
واشتاق لك ليه.
جعفر باستغراب
تشتاقي ليه. انتي مالك. بتكلميني ليه كدة
حلا
وعايزني اتكلم ازاي وانا عرفت عنك انت كنت فين ومع مين
جعفر بحدة
انتي عرفتي اني اتجوزت. طيب وفيها ايه. الراجل مننا لي اربعه
حلا.
هو دة اللي تعرفه في الدين بتاعنا انك ليك اربعه.
جعفر
انا راجل ست واحدة متكفينيش وخصوصا لو مريضة زيك. وقلبها ما يستحملش الدلع وعشان كدة بتجوز وهاتجوز تاني وتالت
حلا بقهر
بتعايرني بمرضي. وكمان بتتجوز بفلوسي يا جعفر
جعفر
وفيها ايه. فلوسك هي فلوسي. مافي فرق
واخرج جعفر سيجارة وادها لحلا وقال لها
خدي اشربي السيجارة دي عشان تروقي وتحلي
فتبعد حلا يد جعفر بالسيجارة وهي تقول
هو انت ليه مابتخافش عليه. ازاي تكون عارف اني مريضه بالقلب وتديني سيجارة
جعفر
وهايحصل لك ايه. وبعدين انتي عارفه. اني بحب الست اللي بتدخن. بتبقي مثيرة
حلا
لكن انا مش عايزا ادخن
جعفر
خلاص انتي حرة
وفي الوقت دة ترن نغمه الرسايل علي اللاب الخاص بحلا فتبص حلا للاب مسرعا. وجعفر يبص للاب في نفس الوقت ويمد أيدة ناحيه اللاب ويفتح اللاب ويلاقي رساله من، ،،،،،،،،،،،
ايه اللي هايحصل والرساله اللي جيت من مين. ومكتوب فيها ايه. كل دة هاتعرفوا باذن الله بكرة.
لو عجبتكم الحلقه ياريت لايك وكومنت في رايك.
عشان رايك يهمني.
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق