رواية دمرتني ومازلت احبك الفصل السابع عشر والثامن عشر والتاسع عشر والعشرون والاخير بقلم الكاتبه مريم غريب حصريه وجديده
رواية دمرتني ومازلت احبك الفصل السابع عشر والثامن عشر والتاسع عشر والعشرون والاخير بقلم الكاتبه مريم غريب حصريه وجديده
ساره بخوف:الو.
يوسف بزعيق:كنتى فين ياهانم؟؟
ساره برعب:كنت فى الحمام والله.
يوسف:انتى بتستهبلى كل المكالمات دى وماسمعتيش!!
ساره:والله ماسمعت اصلى كنت باخد شاور.
يوسف بغضب:تانى مره بتاخدى زفت او غيره تسيبى كل اللى فى ايدك وتردى عليا فاهمه.
ساره:حاضر بس متزعلش.
يوسف:اسكتى خالص انا مش طايقك.
وقفل فى وشها السكه...ساره زعلت من كلامه وفضلت تتصل بيه بس كان بيكنسل عليها والاخر قفل الموبايل خالص.
....................................................................................................................................................................
اما يوسف راح مع فريق العمل عشان يتفسحو ولورا دى لزقاله لزقه عجيبه وهو مش طايقها اساسا..لحد ماصلو الفندق..يوسف جه يدخل اوضته.
بورا:انت هتنام على طول ولا ايه؟؟
يوسف:لا هعمل كام حاجه كده وهنام.
لورا قربت على اوى وقالتله:انا كمان مش بنام على طول ايه راءيك اجى معاك اسليك.
يوسف:ايوه بس مش يصح.
لورا قربت اكتر وقالتله:هو ايه ده اللى مش يصح؟؟
تاثيرها الانثوى عليه خلاه يضعف نوعا ما وهى قربت عليه تانى وباسته.
يوسف فاق وبعدها عنه وقالها:انتى عايزه ايه؟؟
لورا بابتسامه:يعنى بعد اللى حصل دلوقتى ده بتسالنى عايزه ايه!!عيزاك طبعا ياجو.
يوسف:انتى ببتقولى ايه؟؟ماينفعش ماينفعش خالص.
لورا:ليه بقى ماينفعش هو انا وحشه يعنى؟؟
يوسف:ياستى انتى على راسى من فوق بس انا مش ممكن اعمل كده مستحيل.
لورا: COME ON BABYمحدش شايفنا.
يوسف:فعلا عندك حق..محدش شايفنا لكن ربنا شايفنا.
لورا بضحكه ساخره: OH NOيوسف سليم هو اللى بيقول كده انا اعرف كل صحباتك القدام مافيش واحده كانت بتاخد فى ايدك كتير اشمعنا انا ولا هما احسن منى؟؟
يوسف بغضب:لورا..اتفضلى على اوضتك متخلنيش اكبر الموضوع.
لورا:ماشى ياجو بس هتروح منى فين..هيجى اليوم اللى انت بنفسك هتدخلنى اوضتك دى GOOD NIGHT BABY
يوسف فضل واقف مكانه شويه وقال:استغفر الله العظيم.. طيب والله لوريكى بقى مين هو يوسف سليم.
ودخل اوضته ورمى نفسه على السرير ومسك موبايله وفتحه وكلم ساره.
............................................................................................................................................................................
ساره كانت قاعده فى اوضتها بتعيط من ساعة مكالمة يوسف..لحد ما الموبايل رن مسكته لقيته هو المتصل فردت ببكاء.
ساره:الو.
يوسف بخضه:ايه مالك بتعيطى ليه؟؟
ساره بعتاب:يسلام يعنى مش عارف؟؟!!
يوسف بذهول:ساره اوعى تقوليلى انك لسا بتعيطى من وقت ماقفلت معاكى!!
ساره:منتظر منى ايه غير كده والله كنت باخد شاور وماسمعتش الموبايل يعنى معقول هاشوفك انت اللى بتتصل ومش هرد عليك!!
يوسف:طيب خلاص.
ساره بعياط:لا انا بجد زعلانه بقى كده يايوسف بتقولى انا مش طايقك.
يوسف بضيق:م خلاص بقى ياساره..على فكره لو فضلتى تعبطى كده كتير هقفل.
ساره بسرعه:لالالا خلاص متقفلش.
يوسف:ماشى..هاه قوليلى عملتى ايه النهارده؟؟
ساره:ولا حاجه صحيت الصبح روحت الشركه وصرفت للموظفين مرتباتهم زى ماقولتلى وجمعت التصاميم اللى قولتلى عليها منهم بس كان فيه اوراق عايزه تتمضى ومش عارفه اعمل فيهم ايه؟؟!!
يوسف:ايوه عارف..انا نسيت اقولك اساسا انا كلمت المحامى الصبح وعملتلك توكيل عشان تعرفى تمضى الاوراق.
ساره:طب تمام اوى كده.
يوسف:شوفتى بقيتى احسن سيدة اعمال فى اسبوع.
ساره بضحك:هههههههه مش للدرجادى انا كنت بنفذ الكلام اللى كنت بتقولى عليه وبس.
يوسف:ماشى ياستى.....ااااااااه.
ساره بخضه ايه مالك؟؟
يوسف:مش عارف جسمى وجعنى خالص.
ساره:سلامتك فيك ايه وايه اللى تعبك؟؟
يوسف:اصلى ساعات بشتغل مع العمال.
ساره:وتشتغل ليه؟؟دا انت اللى مشغلهم اومال بتديهم فلوس ليه؟؟
يوسف:عيب ياساره..انا مشترتهمش بفلوسى..فريق العمل كله هنا مش حاسين انهم شغالين عندى وانا مابحسسهمش بكده حتى لو حد غلط فى حاجه بنعالج الموضوع براحه انا عمرى مهنت حد ابدا.
ساره برمى كلام:اه انت هتقولى.
يوسف بضحك:هههههههههههههههههههههههه وهو انتى حد ياحبيبتى انتى بتعتى يعنى اعمل فيكى اللى يعجبنى وقولتهالك قبل كده.
ساره:طيب عشان خاطرى خلى بالك من نفسك.
يوسف:ماشى سلام.
ساره:ايه ده سلام بس!!
يوسف بخبث:اه..اومال عايزه ايه يعنى؟؟
ساره بحزن:لا خلاص..سلام.
يوسف:هههههههه تصبحى على خير ياحبيبتى.
وقفل السكه.
ساره بابتسامه:مجنووون ياحبيبى.
..........................................................................................................................................................................................
فى اليوم التالى:
صحيت ساره وجهزت وراحت الشركه ومضت الاوراق اللى كانت محتاجه تتمضى...وشويه ودخلتلها سمر.
ساره:فى حاجه ياسمر؟؟
سمر:مستر ماهر الكاتب طالب مقابله يافندم.
ساره بتفكير فى بالها:ماهر الكاتب الاسم ده مش غريب عليا....يانهار اسود مش ده اللى كلم عمو ابراهيم عليا قبل كده.
ساره:طب هو عايز ايه ياسمر؟؟
سمر:اه صحيح نسيت اقول لحضرتك..مستر ماهر يبقى صاحب مصانع الحديد اللى بنتعامل معاهم وهو جاى عشان يمضى ورق اتفاق جديد بعد ما القريه الجديده خلصت.
ساره:طيب دخليه.
وخرجت سمر ودخل ماهر.
ماهر بابتسامه:صباح الخير انسه ساره.
ساره:اهلا يااستاذ ماهر اتفضل.
ماهر:تصدقى والله المكتب لايق عليكى جدا.
ساره بحنق:متشكره لذوقك..ويارب يرجع صاحب المكتب والشركه كلها بالسلامه.
ماهر:اه اه طبعا..صحيح نسيت اباركلك..مبروك على الخطوبه.
ساره:خطوبه!!خطوبة ايه؟؟!!
ماهر:خطوبتك انتى ويوسف انتو مش مخطوبين؟؟
ساره بلغبطه:اه اه مخطوبين.
ماهر:بس غريبه انتى مش لبسه دبله.
ساره برتباك:اصل اصل..اصل الدهب عادتا بيعملى حساسيا فبلبسها ساعات وساعات لاْ.
ماهر:اااه.
ساره:تشرب ايه حضرتك؟؟
ماهر:ولا اى حاجه انا لسا ورايا مشواير كتيره النهارده يدوب نلحق نوقع العقد.
ساره:طيب زى ماتحب.
........................................................................................................................................................................................
اما عند يوسف صحى الصبح ودخل خد شاور وطلع وكان لافف المنشفه بس على وسطه ولقى لورا قاعده على سريره.
يوسف بغضب:انتى ايه اللى جابك..اتفضلى اطلعى بره.
لورا قامت من مكانها وراحتله وقربت عليه وقالتله:شوف ياجو..انت عارف كويس اوى انا عاوزه منك ايه..حبيبىLet's do it
يوسف:OVER MY DEAD BODY
لورا:انت بتتعبنى ياجو كفياك تقل احسنلك.
يوسف مسكها من دراعها وتناه.
لورا:ااه.. بحب الخشونه.
يوسف:انتى رخيصه..قسما بالله يالورا لو ما اتلميتى انا هعرف المك ازاى..تبعدى عنى ومتقربليش بدل ما هضيعلك مستقبلك وانتى عارفه انا ممكن اعمل كده ازاى.
وشدها وخرجها بره الاوضه وكان غضبان جدا وراح مسك موبايله وكلم ماذن.
.............................................................................................................................................................................................
عند ماذن وميرنا بيفطرو فى مطعم على البحر.
ماذن:يابنتى كفياكى مياه انتى فطرتى مياه مفطرتيش اكل.
ميرنا:اصلى انا كل يوم بشرب على الفطار 18 كوباية مياه.
ماذن بذهول:18 كوباية مايه ليه ياميرنا؟؟
ميرنا:عشان النضاره والصحه ياحبيبى.
ماذن وهو بيقلدها:عشان النضاره والصحه ياحبيبى..طب سيبى المايه دى دلوقتى واتفضلى كلى.
ميرنا بابتسامه:حاضر.
وهنا رن موبايل ماذن.
ميرنا:مين؟؟
ماذن:ده يوسف.
ميرنا بابتسامه عريضه:جو؟؟ده وحشنى خالص.
ماذن:يسلام ماشى ياست ميرنا والله ل ارجعك بكره بيتكو تانى عشان محدش يوحشك.
ميرنا:انت بتغير ولا ايه؟؟ده انت اللى فى القلب ياميزو.
ماذن:ايوه اضحكى عليا بكلمتين واسكتى بقى عشان ارد على اخوكى.
ماذن:الو.
يوسف بغضب:مااذن تبعت تاخد البت دى ترجعها القاهره تانى انا والله لو شوفتها قدامى تانى هرتكب جريمه.
ماذن:ايه ايه يابنى انا مش فاهم حاجه منك..بت مين دى اللى عايزها ترجع القاهره.
يوسف:لورا.
ماذن:مالها لورا عملتلك حاجه؟؟
يوسف حكاله كل اللى حصل.
ماذن بغضب:استغفر الله العظيم استغفر الله العظيم..صحيح عندك حق دى رخيصه لالا انا لايمكن اقعدها عندى فى الشركه تانى اساسا.
يوسف:انا ماليش دعوه تقعد متقعدش تولع بجاز فى ستين داهيه بس المهم ماشوفهاش قدامى تانى.
ماذن:طيب خلاص اهدا..اهدا وانا هتصرف.
..........................................................................................................................................................................................
نرجع ل ساره هى قاعده فى المكتب بتتابع الاعمال وشويه الباب خبط واذنت بالدخول...كان معتز وكريم.
معتز بابتسامه:ازيك انسه ساره.
ساره:اهلا ازيك يامعتز.
كريم:ايه ياميزو انت صديق الانسه ساره بقى.
معتز:لا ياغلباوى دى معرفه مش صداقه ده بعيدا على انى اتشرف بصداقتها.
ساره:خير كنتو عاوزين حاجه؟؟
معتز:اه..الورق ده محتاج امضى مستعجله.
ساره بصت فيه.
ساره:بس انا لازم اسأل يوسف على شوية حاجات فى الورق ده قبل ما امضيه.
معتز:اه طبعا بس الهم بكره بالكتير يتمضى.
ساره:هسأله وهشوف.
معتز:ماشى..يلا ياكريم..كريم..كريييييييم.
كريم:هاه.
معتز:هاه يلا ياخويا.
كريم وهو باصص ل ساره:يلا ياميزو.
وطلعو من المكتب.
معتز:ايه اللى انت هببته ده انا مش محزرك قبل كده من التصرفات دى؟؟
كريم:فى ايه يازيزو هو انا عملت ايه؟؟
معتز:انت اتجننت ياكريم ازاى تجيلك الجرأ وتبص ل ساره كده؟؟
كريم:اعذرنى يازيزو اصلها جميله اوى اوى يانهار اسود..اراهنك ان جو ممسكش نفسه عنها اه يابختك ياجو.
معتز بغضب:اخرس يلا انت..انت ايه اللى انت بتقوله ده انت عارف انت بتقول ايه..بتخوض فى اعراض يا استاذ.
كريم بسخريه:اعراض..ياعم اعراض ايه صلى على النبى دى عامله زى اللعبه فى ايد كل واحد شويه اولهم جو ومحمد يسرى وماهر الكاتب انت مشوفتهمش لما بيجولها هنا.
معتز بتحذير:كرييم صح صح وفوق لنفسك عشان انت لو قولت الكلام ده تانى..انا بنفسى اللى هاروح اقول ليوسف وانت عارف هو ممكن يعمل فيك ايه.
...............................................................................................................................................................................................
ما عند يوسف لبس هدومه عشان ينزل يكمل متابعه مع العمال بس قبل ماينزل كلم سمر.
سمر:الو.
يوسف:ازيك ياسمر.
سمر بفرحه:البوص..اهلا يابوص وحشتنا والله الشركه كلها منغيرك مضلمه.
يوسف:ههههههه شكرا ياسمر ربنا يخليكى هاه..الشغل عامل ايه؟؟
سمر:كله تمام يابوص والانسه ساره عامله معانا انجاز فظيع بصراحه.
يوسف:طب الحمدلله..احم قوليلى ياسمر.
سمر:أامرنى يابوص؟؟
يوسف:اااا..هو محدش بيجى يزور ساره فى المكتب؟؟
سمر:مش فاهمه!!
يوسف:قصدى يعنى فى حد بيجى او بيدخل المكتب لساره؟؟
سمر:اه فهمت..محدش من يره الشغل بيجى اكيد بس حصلت مقابلات.
يوسف:مين بقى اللى قابلتهم؟؟
سمر:مستر ماهر الكاتب جه النهارده عشان يمضى عقد الشغل بتاع المنتجع الجديد.
يوسف:ومين تانى؟؟
سمر بتفكير:مين مين..اه افتكرت مستر محمد يسرى جه فى اول يوم شغل للانسه ساره.
يوسف بصدمه:مين؟؟محمد يسرى..سمر انتى متاكده؟؟
سمر:هههه اه طبعا يابوص.
يوسف بلع ريقه بصعوبه وقالها:طب كانت ايه مضمون القابله دى؟؟
سمر:هى ماكنتش مقابلة شغل هو لما جه طلب مقابله شخصيه.
يوسف قعد على اقرب كرسى فى الاوضه ودماغه بتودى وتجيب كل الافكار السيئه بتدور فى راسه..وفاق على صوت سمر.
سمر:يابوص..انت معايا؟؟
يوسف:اه اه ياسمر..طيب شكرا سلام.
سمر:سلام يا بوص.
يوسف قفل مع سمر وفى باله:بستغفلينى ياساره كمان جايباه لغيات مكتبى..يعنى كل شكى فيكى كان حقيقى..كنتى بتكذبى عليا..وانا المغفل صدقتك..بس لا مش انا اللى يتعمل فيه كده.
ومسك الموبايل وكلمها.
ساره:صباح الخير ياحبيبى عامل ايه دلوقتى جسمك ارتاح ياعمرى؟؟
يوسف بغضب:........
#الفصل_١٨
#الحلقه_الثامنه_عشر
ساره:صباح الخير ياحبيبى عامل ايه ده دلوقتى جسمك ارتاح ياعمرى؟؟
يوسف بغضب:انتى تضحكى عليا انا ياساره.
ساره بعدم فهم:انا..انا مش فاهمه حاجه!!
يوسف:وكمان وصلت بيكى الجرأه و الوقاحه انك تجيبيه لحد مكتبى للدرجه دى مش عملالى اى اعتبار؟؟
ساره اتصدمت وفتحت عيونها على الاخر لانها عرفت انو يقصد محمد.
ساره بانفاس متسرعه:يوسف اسمعنى هقولك ايه.
يوسف بزعيق:اخرررسى..مش عايز اسمع صوتك.
ساره بارتعاش وبكاء:يوسف خلينى افهمك انا حبيبتك مش كده مش انت بتحبنى؟؟
يوسف:انتى..انتى خدعتينى واستغفلتينى ولعبتى بيا وثقت فيكى وخنتى الثقه امنتك وبعتى الامانه..قوليلى ياساره..قولى نمتى معاه ولا لسا.
ساره بصراخ:انت بتقول ايييه؟؟
يوسف بزعيق:اخررررسى ليكى عين تتكلمى..عارفه لو كنتى قدامى دلوقتى كنت قتلتك بايديا بس ملحوقه يابنت عمى ..هو انا هاسيبك.
ساره بانهيار:تعالى..تعالى نفذ اللى انت قولته تعالى اقتلنى بس متقولش عليا كده تعالى اعمل كده لوانت مصدق.
يوسف ولو اول مره تخذله دموعه وتنزل.
يوسف ببكاء:انتى خنتينى ياساره..لما كنت باشوفك بعينى عنيكى بتضحكله وبتسلمي عليه بشوق وبتتلهفى عليه كنت بكدب عنيا واقول لا لا ساره مش ممكن تعمل كده..كان نفسى الاقى دليل واحد يبرأك لكن للاسف كل حاجه بتثبت انك..انك.... ماكنش قارد ينطقها...وتماسك وقالها:استنينى ياساره...نهايتك على ايد حبيبك يوسف.
وقفل السكه.
ساره مازلت مصدومه وحاسه انها فى حلم لا كابوس وهتصحى منه.
واول حاجه فكرت تعملها اول مافاقت شويه من صدمتها كلمت محمد.
...................................................................................................................................................................................
محمد كان فى الشركه بيتابع اعماله ورن موبايله..ولقاها ساره..استغرب جدا ورد.
محمد:الو.
ساره ببكاء:انت السبب.
محمد:ايه؟؟!!
ساره:انت السبب..انت السبب فى كل اللى حصلى ياريتك ماظهرت فى حياتى ويارتنى م اتغيرت يارتنى كنت موت بدل عيلتى وارتحت.
محمد:ساره..ساره مالك فى ايه؟؟انا مش فاهم حاجه ابدا اهدى بس وفهمينى.
ساره ببكاء اكتر:افهمك ايه..افهمك انو بيتهمنى انى..انى..مش قادره انطقها ياااه ياريتو كان هنا دلوقتى وموتنى بايده عشان رتاح.
محمد:قصدك مين؟؟قصدك يوسف؟؟وبيتهمك بايه قولى ياساره.
ساره:انا مش بقول حاجه..انا هستناه زى م قالى عشان يجى يريحنى.
وقفلت السكه.
محمد ربط الكلام ببعضه وفضل يفكر فى اللى قالته كتير لحد م فهم قصدها وفهم ان يوسف يقصده هو كمان فقام ونزل ركب عربيته وفى طريقه للغردقه.
...............................................................................................................................................................................
بعد ما ماذن كلم لورا وخلاها تسيب الموقع والشركه كلها..رجعت القاهره وهى شايله كمية شر ل يوسف لا توصف لحد ما تعبت من السواقه وقعدت فى كافيه فى ضواحى القاهره..وطلبت مشروب سخن عشان لعل وعسى تهدى...وشويه وجه صوت من وراها.
-لورا هاى مش مصدق انى شوفتك.
لورا بضجر:هاى ازيك ياكريم.
كريم:ايه مالك ياحبيبتى مش عادتك ابدا يكون مزاجك بالشكل ده.
لورا: معلش sorry ياكريم اصلى مضايقه شويه.
كريم شد كرسى وقعد جمبها.
كريم:وايه بقى اللى يكون مضايق لورا.
لورا:اترفدت.
كريم:ماذن رفدك..اخس عليه مالوش حق ولا يهمك تعالى قدمى عندنا فى الشركه هتتقبلى وانتى حطا رجل على رجل.
لورا بضحكه ساخره:هههههههههههههههه.
كريم:فى ايه؟؟ايه المضحك؟؟
لورا:ههههههه اصل مديرك هو اللى رفدنى.
كريم:يوسف سليم؟؟
لورا:yeah
كريم:طيب وهو عمل كده ليه وازاى.
لورا:ازاى لان انت عارف انو هو وماذن بينهم شركه كبيره اوى وكمان بينهم علاقه شخصيه يعنى يوسف لو طلب منه يرفد عشر موظفين مش هيتاخر انما ليه بقى ف هقولك يا كيمو.
وحكتله لورا على كل حاجه بدون ماتخجل من كل حرف قالته.
كريم:لا بجد..يوسف يرفض عرض مغرى زى ده ومن مين من لورا!!
لورا:شوفت بقى بس والله ما هسيبه.
كريم:يعنى هتعمليله ايه؟؟
لورا:انا فىه فى دماغى فكره كده..اعتقد ان بينه وبين بنت عمه علاقة حب انا حسيت ب كده من موقف حصل قدامى.
كريم:اه بنت عمه ساره؟؟
لورا بأنتباه:وانت تعرفها منين؟؟
كريم:دى ياستى المديره المؤقته فور عودة جو للشركه.
لورا:يعنى هى بتبقى موجوده فى الشركه؟؟
كريم:اه كل يوم بتيجى.
لورا وقد لمعت فى راسها فكره شيطانيه.
لورا:بوص ياكيمو انا هطلب منك خدمه.
كريم:أامرينى ياحبيبتى.
لورا:بيقولو عليها حلوه وانا عرفاك بتعشق الجمال ف ايه راءيك تخدمنى وفى نفس الوقت تتبسط.
كريم:قصدك اااا...
لورا بابتسامه شر:ايوه قصدى اللى انت فهمته بالضبط.
كريم:انتى اتجننتى يالورا ده يوسف كان يمحينى من سجلات الاحياء.
لورا بضحك:هههههههههههههه ههههههههههههههههههههههههههههه هههههههههههههههههههه.
كريم:بتضحكى على ايه تانى؟؟
لورا:عشان هو مش هيعرف ان انت اللى عملت كده ياكيمو فى واحده هتفضح نفسها.
كريم وقد اعجبته الفكره وابتسم.
كريم:بس ازاى ده يحصل؟؟
لورا بشر:اقولك با كيمو........................
...............................................................................................................................................................................
ساره بعد ما قفلت مع محمد خرجت من الشركه كلها وهى مش شايفا قصادها من كتر الدموع فى عيونها وركبت عربيتها وكان الراديو مفتوح واغنية متخافيش لعمرو دياب شغاله والحقيقه انها ليها قصه بينها هى يوسف فى يوم كانت قاعده معاه فى البلكونه ودار بينهم الحوار ده.
ساره:تعرف انا بحبك اوى.
يوسف بغرور:طب م انا عارف.
ساره:انت مغرور اوى.
يوسف بضحك:هههههه برده عارف.
ساره:طب وانت عرفت منين انى بحبك اوى؟؟
يوسف:من عنيكى.
ساره:بجد!!وازاى بقى؟؟
يوسف:مش بيقولو مراية القلب العيون..وان القلب بيعكس كلامه واحساسه على العيون..انتى بقى عنيكى مرياتى اللى بعرف منها احساسك وكلامك من قبل م تقوليه واذا كنتى بتكدبى او بتقولى الحقيقه.
ساره:يوسف هو انت ممكن تسيبنى فى يوم من الايام تحت اى ظرف.
يوسف:مستحيل..خروجنا من حياة بعض فى حالتين يئما انا اموت او انتى تموتى.
ساره:بعد الشر عليك...وكملت بغيره:يعنى هو لو موت هتتجوز بعدى.
يوسف ضحك بشده:ههههههههههههههههههههههههههههههه انتى فظيعه ده ايه الخيال ده..اطمنى ياحبيبتى انتى قدرى.
ساره:هههههههههههههههههه ممممم مش مصدقاك اصل كل الرجاله خاينين.
يوسف:يابت احترمى نفسك.
ساره:طب خلاص اهو احترمت نفسى.
يوسف:استنى هغنيلك.
ساره بسرعه:لا بالله عليك.
يوسف:ليه؟؟
ساره:اصلى انا خايفه لما تيجى تغنى ممكن اضحك ف الاقي ايدك دى بتلطشنى.
يوسف:ههههههههه لا متخافيش وبعدين دا انا صوتى كروان.
ساره:ههههههههههههههههههه طيب اسكت عشان انا ابتديت اضحك من دلوقتى...ولا اقولك غنى بس عارف لو ضربت لما اضحك.
يوسف:تصدقى انتى برده والله..ضعيتى عليكى لحظه رومانسيه والله م مغنى.
ساره:لا يايوسف غنى عشان خاطرى خلاص بقى.
يوسف بعند:ابدا..خلاص قطعتى برزقك.
ساره:عشان خاطرى.
يوسف:انا هخلى الاستاذ هو اللى يغنيلك نيابتا عنى.
ساره:استاذ مين ده؟؟
يوسف:عمرو دياب.
ساره:طب تماما اذا كان عمرو دياب يبقى اوكى.
وفتح الاب توب وشغل اغنية متخافيش.
متخافيش انا مش ناسيكى
متخافيش لو مين ندانى
مش هعيش من غير عينيكى
من غير عينيكى عينيكى
مش هعيش مع حب تانى تانى تانى
ده قدرى ومكتوبى انتى
وعشقى ومحبوبى انتى
ده قدرى ومكتوبى انتى
وعشقى ومحبوبى انتى
متخافيش انا مش ناسيكى
متخافيش لو مين ندانى
مش هعيش من غير عينيكى
مش هعيش مع حب تانى تانى
متخافيش من اى فرقه
بعد اى فراق لقانا
مهما اروح يا روحى عاشقه
البعاد هيزيد هوانا
متخافيش من اى فرقه
بعد اى فراق لقانا
مهما اروح يا روحى عاشقه
البعاد هيزيد هوانا
ده قدرى ومكتوبى انتى
وعشقى ومحبوبى انتى
ده قدرى ومكتوبى انتى
وعشقى ومحبوبى انتى
متخافيش انا مش ناسيكى
متخافيش لو مين ندانى
مش هعيش من غير عينيكى
مش هعيش مع حب تانى تانى
مهما اشوف فى الكون ملايكه
مش هكون غير بس ليكى
مستحيل انا اتوه فى سكه
فيها فى الآخر عينيكى
مهما اشوف فى الكون ملايكه
مش هكون غير بس ليكى
مستحيل انا اتوه فى سكه
فيها فى الآخر عينيكى
ده قدرى ومكتوبى انتى
وعشقى ومحبوبى انتى
ده قدرى ومكتوبى انتى
وعشقى ومحبوبى انتى
وفاقت ساره من ذكرى جميله بينها وبين يوسف ودموعها منهمره على وشها ووصلت البيت ودخلت اوضتها فى صمت.
.......................................................................................................................................................
محمد وصل الغردقه ومنها للقريه وسأل على يوسف ودلوه عليه..وشافوه واقف مع العمال ولكنه سرحااان وقرب عليه...ونداله.
محمد:يوسف.
يوسف لف للصوت ولقاه محمد بصله جامد وماكنش بيفصلهم الا كام متر.
دمرتني ومازلت احبك
الفصل من ١٩ الي ٢٠ الاخير
للكاتبة مريم غريب
#الفصل_١٩
#الحلقه_التاسعه_عشر
محمد:يوسف.
يوسف لف للصوت ولقاه محمد..بصله جامد وماكنش بيفصلهم الا كام متر.
يوسف بابتسامة توعد:اهلا..تصدق انا اللى كنت جايلك بنفسى..بس كويس انك سبقت وجتلى برجليك.
وقرب عليه ولسا محمد هيتكلم لقا يوسف بينهال عليه بالضرب واللكمات الكتيره فاضطر محمد انه يدافع عن نفسه...وفضلو هما الاتنين يضربو فى بعض..والعمال والناس اللى حواليهم شافوهم بالمنظر ده ف اتلمو عليهم وحاشوهم عن بعض..ويوسف فضل يزعقلهم عشان يسبوه.
يوسف بزعيق:سيبونى..سيبونى هقتله.
محمد بزعيق:اهدا يايوسف خلينا نتفاهم.
يوسف:نتفاهم..نتفاهم ليه هتفصلنى عليها مثلا ودينى ل اقتلك واقتلها.
محمد:انت غبى ومش فاهم اى حاجه.
يوسف:انا فاهم كل حاجه من زمان بس كنت مغمض عنيا لكن خلاص فتحت بس برافو يامحمد..احييك تكسب..تكسب جاى تقولى انك انت اللى انتصرت بس العيب مش عليك انت مش غلطان العيب على السافله اللى مشيت وراك.
محمد:يووسف..اوعى تتكلم عليها كده قلتلك نتكلم ونتفاهم.
يوسف:قسما بالله ل اطلع روحك فى ايدى.
محمد:وانا موافق بس اسمعنى الاول.
.......................................................................................................................................................
اما فى بيت ال سليم فى شقة ابراهيم..قاعد هو وميرفت بيتفرجو على التلفزيون.
ابراهيم:هى ساره فين انا مش سامعلها حس يعنى!!
ميرفت:هى قالت انها عايزه تنام.
ابراهيم:هى اتغديت؟؟
ميرفت:ولا فطرت ولا اتغديت..وانا غلبت معاها مش عارفه فيها ايه مالها!!
ابراهيم:اكيد ابنك هو اللى مزعلها.
ميرفت بحقن:جرالك ايه ياابراهيم؟؟كل حاجه تحصلها تقولى ابنى ابنى.
ابراهيم:يعنى هى بتكلم مين غيره هى اساسا مالهاش علاقه فى الدنيا الا بيه هو بس م انتى عارفه انها بتحبه.
ميرفت:عارفه بس مش ضرورى يكون هو اللى مزعلها جايز حد فى الشركه مثلا.
ابراهيم:ومين بقى اللى هيجرأ ويزعل مديرة الشركه؟؟ماعلينا انا بفكر اول ما يرجع يوسف نعملهم فرح على طول زى ميرنا وماذن كده.
ميرفت:ومالك مستعجل كده؟؟!!
ابراهيم:ياستى عايز اشوف ولاد ابنى واطمن على بنت اخويا قبل م اموت فىيها حاجه دى؟؟
ميرفت:بعد الشر عليك متقولش كده تانى انشاء الله هتشوفهم هما وعيالهم كمان.
ابراهيم:ههههه يامين يعيش ياميرفت..انا بس اطمن عليهم واللى فىيه الخير يقدمه ربنا.
.......................................................................................................................................................................
اما عند يوسف ومحمد....بعد الناس م هدت يوسف بالعافيه واقنعوه يتكلم مع محمد قعدوهم فى حته لوحديهم عشان يعرفو يتكلمو.
محمد:بوص يايوسف انا عايزك تسمعنى للاخر ولو حسيت ان كلامى فيه اى كدب اعمل فيا اللى انت عايزه وانا والله هبقى راضى.
يوسف بكظم غيظ:اخلص وهات اللى عندك عشان انا جبت اخرى خلاص.
محمد:ماشى..انا اول مره شوفت ساره كانت عندك فى الشركه..وبعد كده اتعرفت عليها اكتر و غيرتها لحد مابقت بشكلها الحالى الطبيعى بس هى اللى كانت مخبيه كل مفاتنها.
يوسف بغيظ وصوت عالى:اخلللللص.
محمد:منكرش ان انا كنت بعمل معها كل ده فى الاول عشان اتسلى معاها كام يوم..بس شويه شويه لمست روح ساره وعرفت اد ايه هى طيبه وعلى نيتها ومش خبيثه زى معظم الناس..بتتصرف على احساسها منغير م تفكر وده اكبر دليل على طبيبتها وده السبب الرئيسى لحبى ليها ومع الوقت حبيتها اكتر..ومن حوالى 10 ايام كنت عندها فى الشركه عندك وصرحتها بكل حاجه وعرضت عليها الجواز بس اتفجئت من ردها عارف ردها كان ايه.
ساره بصدمه:محمد انت بتقول ايه؟؟
محمد بحب:بقول بحبك..عايز اتجوزك..انا كنت فاكرك عارفه اساسا انى هكلمك فى الموضوع ده عشا....
ساره مقاطعا:محمد...لوسمحت كفايه.
محمد:كفايه ايه ياساره..انا مش فاهم حاجه.
ساره:محمد انا اسفه جدا واضح انك فهمتنى غلط.
محمد:مش فاهم برده..متخليكى واضحا ياساره.
ساره:محمد انا اسفه فى اللى هقولهولك بس ارجوك متزعلش منى..انت بالنسبه لى اخويا وماينفعش الاخ يتجوز اخته.
محمد بصدمه وصوت مخنوق:اخوكى.
ساره:ايوه انت عارف معزتك عندى عامله ازاى..انت اخ وصديق..احسن صديق فى الدنيا كمان وانا عمرى ماهنكر وقفتك جمبى بالعكس ده جميل وهفضل شايلاه طول عمرى وهستنى اليوم اللى هردهولك فيه.
محمد بضحك:ساره انتى بتهزرى صح؟؟
ساره:انا بتكلم بجد.
محمد:ساره..ساره انا عارف انى فجئتك وانا مش مستعجل والله خدى وقتك فكرى على مهلك.
ساره بتاثر:محمد ارجوك كفايه..متبوظش الصداقه الجميله اللى بيننا.
محمد:فى حد تانى؟؟
ساره:ايوه.
محمد:ممكن اعرف مين؟؟
ساره:ممكن....يوسف.
محمد:يوسف!!يوسف ابن عمك؟؟
ساره:ايوه وانا اسفه كمان دى اخر مره هتشوفنى فيها انا وعدته كفايه انى قابلتك النهارده من وراه انا مش عارفه لو عرف ممكن يعمل ايه؟؟
محمد برجاء:ساره ارجوكى كفايه تعذبينى وقوليلى انك بتهزرى معايا.
ساره:لا يامحمد مش بهزر.
محمد:ساره طب انسيه..عشان خاطرى حاولى انسى امره وهخليكى مبسوطه.
ساره:مقدرش انا بحبه ووعدته ولو خلفت وعدى ليه عمره ما هيغفرلى ابدا.
محمد:بس...
ساره مقاطعا:محمد..يوسف حب عمرى حب طفولتى والمراهقه والشباب..تفتكر بعد العمر اللى عيشته ده كله فى حبه هقدر اشيله من قلبى ومن كيانى كمان؟؟
يوسف:وانا اتاكد ازاى من كلامك ده؟؟
محمد:والله انا عملت اللى عليا وريحت ضميرى..عشان مئنبش نفسى لو حصلها حاجه بسببى..وانا م فضليش غير حاجه اخيره اعملها قبل م اقوم امشى.
وطلع من جيبه مصحف صغير وحلفله.
محمد:والله العظيم انا م لمست ساره لا بالسؤ ولا بالشر ولا عمرى فكرت اعمل حاجه زى كده..وفى حاجه تانيه عايز اقولهالك فبل م امشى برده..ساره فى الاول كانت زى النبته وانا بيدوب سيقتها وكبرت وبقت ورده جميله واختارتك انت عشان تبقى مسؤل عنها ويئما تهملها لحد م تدبل وتموت يئما تهتم بيها وتديها حنانك عشان تقدر تعيش وتقوى..سلام يايوسف.
ومشى محمد وفضل يوسف يفكر فى كلامه وفى باله:معقول يكون كلامه صح؟؟يعنى ساره كويسه....ودمع.
وقال:يعنى هى كويسه محدش لمسها..ياااه كأنه جبل تقيل ياحبيبتى واتشال من على صدرى..اه لو تعرفى ياساره انا بحبك اد ايه.
ومسك موبايله وكلم ابراهيم.
ابراهيم:الو.
يوسف:ايوه يابابا ازيك.
ابراهيم:الحمدلله يابنى وحشنى يايوسف.
يوسف:هههه وانت كمان والله يابابا ازيكو كلكو عاملين ايه؟؟
ابراهيم:الحمدلله كلنا كويسين.
يوسف:احم قولى يابابا ساره رجعت من الشركه..عامله ايه؟؟
ابراهيم:هحح ساره..ساره احنا تعبنا معاها.
يوسف بخضه:ليه مالها حصلها حاجه؟؟
ابراهيم:مش عارف من ساعة م رجعت من الشركه وهى قاعده فى اوضتها ولا فطرت ولا اتغديت.
يوسف بضيق:ازاى يابابا تسيبوها منغير اكل كل ده؟؟
ابراهيم:يعنى هنعمل ايه بس..كل م امك تدخلها الاكل م تكلش وتقول هتنام..هو انت زعلتها يايوسف؟؟
يوسف:ايوه..بس خلاص انا راجع بكره وهصلحها.
ابراهيم:هى التشطيبات خلصت خالص القريه كلها خلصت يعنى؟؟
يوسف:اه كله تمام وكويس الحمدلله..بس يابابا انت لازم تجبرها تاكل.
ابراهيم:طيب م تكلمها انت وقولها انك جاى وارهنك هتيجى تاكل المطبخ كله.
يوسف:هههه لا انا عايز اعملهلها مفاجأه اوعى تقولها يابابا انى راجع بكره.
ابراهيم:ماشى ياحبيبى مش هقولها..ترجع بالسلامه.
يوسف:الله يسلمك..سلام.
ابراهيم:مع السلامه ياحبيبى.
.......................................................................................................................................................
اما ساره قاعده فى اوضتها على السرير فى وضع التكور ودموعها بتنزل بصمت وبتعيد شريط ذكريتها كله مع يوسف من وقت ما كنو صغار لحد م كبرو واخيرا حصل بينهم الحب.
كل جسور الود هدمت يا حبيبي ... كل اخفاقة قلب قتلتها وهي تنبض في مخدعها ...كل الحنين اغتالته يد عنادك ... لم تعُد تفرحك يا حبيبي سوي دموع عينيّ ... ولم يعُد يبُهرُكَ صراخ اشتياقي ... اصبحت بعدك انينآ يتحرك يملأ فراغات الوادي الحزين بأغنياته
سامح عوض
وهنا رن موبايلها وكان معتز..ف ردت.
ساره بهذيان:الو.
معتز:ايوه مساء الخير يا انسه ساره..انا اسف لو اتصلت فى وقت مش مناسب بس انا عايز اسال حضرتك يوسف قال ايه عن الاوراق اللى هتتمضى وحضرتك هتيجى بكره ولالا؟؟
ساره:انا..انا مش هقدر اجى بكره.
معتز بسرعه:لا ماينفعش حضرتك الورق ده لو متمضاش بكره هيضيع علينا ملايين.
ساره:طيب خلاص هاجى.
............................................................................................................................................................
اليوم التالى: صحيت ساره وجهزت وراحت للشركه وطلعت المكتب ومضت الاوراق المهمه وقعدت فى المكتب شويه وسرحت مع نفسها ومحستش بالوقت..وشويه اتفتح باب المكتب انتبهت ساره ولقيته "كريم".
ساره:نعم يا استاذ كريم عايز حاحه؟؟
ولكنه م ردش عليها وقفل باب المكتب بالمفتاح.
ساره:هو انت بتعمل ايه وازاى اساسا دخلت هنا؟؟مين سامحلك تدخل اتفضل اخرج وناديلى سمر.
كريم بسحريه:ههههههههههههه مافيش حد هنا يا انسه الشركه فضيا خالص الدوام خلص من بدرى.
وقرب عليها..ساره اتنفضت من مكانها وقامت وفضلت تبعد وقالتله:انت عايز منى ايه؟؟
كريم وهو بيقرب عليها:سؤال حلو..انا عايزك انتى ياجميله.
ساره بخوف وارتعاش:انت بتقول ايه؟؟انت اتجننت.
كريم:واتجننت ليه ياحلوه هى جت عليا انا اشمعنا جو ومحمد وماهر.
ساره بزعيق:اخرس ياحيوان لما يرجع يوسف انا هقوله على كل حاجه.
كريم:ههههههههههههههههههههههه لما..لما بقى ياحلوه خلينا فى دلوقتى.
ساره لقيته خلاص قرب اوى فجريت وحاولت تفتح الباب.
كريم:هههههههه متحوليش ياحلوه الباب مقفول كويس..ف احسنلك تبقى عاقله وتيجى بمزاجك بدل م تيجى بالعافيه.
وقرب عليها.
.......................................................................................................................................................
ما فى بيت ال سليم فى شقة ابراهيم الباب خبط..راحت ميرفت تفتح وكان يوسف.
ميرفت بلهفه واحضان:ياحبيبى ياحبيب قلبى حمدلله على السلامه يانور عينى.
يوسف بابتسامه:الله يسلمك ياماما ازيك وحشتينى.
ميرفت:الحمدلله ياحبيبى بخير طول م انت بخير طبعا.
وهنا طلع ابراهيم.
ابراهيم:مين ياميرفت؟؟..يوسف ازيك ياحبيبى.
يوسف راحله وحضنه.
ابراهيم:حمدلله على سلامتك ياحبيبى.
يوسف:الله يسلمك يابابا.
ابراهيم:تصدق ياواد انا كنت حاسس وانت مش هنا ان ضهرى مكشوف بس لما رجعت طمنتنى تانى يابنى ربنا يخليك ليا يارب.
يوسف ميل على ايده وباسها وقاله:ربنا مايحرمنيش منك يابابا هو انا ايه اساسا منغيرك ده انت الكبير هنا ياحج.
ابراهيم:الله يخليك ياحبيبي.
يوسف ببحث بعينه:اومال فين ساره؟؟
ابراهيم:لسا مرجعتش من الشركه.
يوسف بص فى ساعته وقال:نعم..لسا مرجعتش دى الساعه سبعه ونص ازاى كانت لازم تكون هنا سته ونص.
ابراهيم:الغايب حجته معاه يابنى.
يوسف:لالا الوقت اتأخر بالنسبه لها.
وطلع موبايله وكلم معتز.
معتز:الو والله وحشنى ياكبير انت رجعت امتى.
يوسف:مش وقت سلامات دلوقتى يامعتز..قولى انت لسا فى الشركه؟؟
معتز:لا انا مشيت من بدرى ليه بتسال؟؟
يوسف:طيب انت لما كنت هناك ساره كانت مشيت لا وفضلت قاعده؟؟
معتز:لا انا مشيت بس هى كانت لسا موجوده.
يوسف:طيب الموظفيين كلهم مشيو ولا كان فيه حد هناك.
معتز:لا كلنا مشيتا بس.....
يوسف:بس ايه؟؟
معتز بقلق:يوسف انت بتسال ليه؟؟
يوسف:اصل ساره لسا مرجعتش البيت فقلقان عليها.
معتز:لا متقلقش اكيد ممكن تكون بتشيك على حاجه كده ولاكده..طب متكلمها احسن.
يوسف:اه صحيح..طيب اقفل انت دلوقتى.
معتز:ماشى سلام ياكبير.
وقفل يوسف مع معتز وكلم ساره
...............................................................................................................................................
عند ساره..كريم قرب عليها وهى جريت وكانت مرعوبه بس مسكها جامد وحاول يبوسها.
ساره:قسما بالله م هتلمسنى الا وانا ميته.
كريم:لا ياحلوه متقلقيش مش هتوصل للموت بس خليكى عقله انتى.
وهنا رن موبايلها وهى مش عرفه تتخلص من مسكته فضربته برجليها ومن اثر الضربه وقع على الارض ف جريت على المكتب وشافته يوسف هو اللى بيتصل فردت بلهفه.
ساره:الو.
يوسف:انتى فين ياهانم كل ده تأخير.
ساره بنجده وصراخ:الحقنى يايوسف.
يوسف بخضه:ساره..ساره فى ايه؟
#الفصل_٢٠_الاخير
#الحلقه_العشرون والاخيره
يوسف بخضه:ساره..ساره فى ايه؟؟
وهنا كريم قام من على الارض وجرى عليها خد منها الموبايل ورماه بقوه فاصطدم بالحيطه واتكسر ميت حته وبصلها بغضب وضربها جامد بالقلم فوقعت على الارض.
............................................................................................................................................................................................................
يوسف فضل ينادى عليها مبتردش ف بص فى الموبايل لقى المكالمه اتقطعت كلمها تانى لقا الموبايل مقفول..وابراهيم وميرفت عمالين يسالوه فى ايه ولكنه سابهم وجرى نزل ركب عربيته وفى طريقه للشركه..وهو فى الطريق اتصل بيه معتز.
يوسف بنرفذه:الو.
معتز:مالك يايوسف صوتك ماله عامل كده.
يوسف بعصبيه:عايز ايه دلوقتى يامعتز؟؟
معتز بارتباك:ككنت بتصل اطمن على ساره..انت لقتها؟؟
يوسف:مش عارف فيها ايه؟؟كلمتها لقتها بتصرخ وانا مش فاهم اى حاجه هتجنن مش عارف اساسا اذا كانت فى الشركه ولالا.
معتز:يانهار اسود ومنيل.
يوسف:معتز انت تعرف ايه ومخبيه عنى؟؟
معتز باتباك:مم م منا كانت خايف اقولك.
يوسف بزعيق:انطق قول فى ايه؟؟
معتز:ككريم.
يوسف:ماله كريم؟؟
معتز:مش وقته يايوسف بس انا ااكدلك انه معها فى الشركه دلوقتى المهم تروح حالا وتلحقها منه وانا هحصلك على هناك سلام.
يوسف قفل معاه وضرب بايده جامد على المقود وزود السرعه جامد..ووصل الشركه وطلع.
...........................................................................................................................
كريم ضربها بالقلم جامد ومن اثر قوة القلم وققعت على الارض وبؤها ومنخيرها نزفو فعيطت وزحفت على ايدها بعيد عنه.
ساره بصوت عالى ممزوج بدموع:يووووووووووووووووووووووووووووووسف.
.....................................................................................................................................................
يوسف وهو طالع يجرى على السلالم سمع صوتها وهى بتندهله فجرى بسرعه على المكتب وحاول يفتحه لكنه م بيفتحش وهو سامعها بتصرخ من جوه ففضل يضرب بايده جامد على الباب.
يوسف بصوت عالى:كررررررريم.
ساره سمعت صوته اطمنت واتحفذت وفضلت تقاوم اكتر...ويوسف كل م يسمعها بتصرخ بيزداد قوه وفضل يحاول يكسر الباب مره اتنين وتالت مره اتكسر..ودخل لقى الوضع كالاتى.
ساره على الارض وكريم بيحاول يعتدى عليها ف جن جنونه من المنظر ده وجرى عليه وقومه من على ساره وانهال عليه بالضرب جامد بدون اى رحمه والشتايم.
وهنا دخل عليهم معتز وشاف المنظر ده وحاش يوسف عن كريم بالعافيه بس كريم اساسا فقد الوعى من كتر الضرب يوسف راح عند خزنته اللى فى المكتب وفتحها وطلع مسدسه وصوبه ناحية كريم...معتز جرى عليه ومسكه.
معتز:لا يايوسف متعملش كده هتروح فى داهيه عشان كلب زى ده سيبه وانا هسلمه بايدى المهم ساره دلوقتى.
يوسف بص على ساره وساب المسدس وراحلها وبصلها بصدمه..
ساره فتحت عيونها ببطء.
ساره بتعب:يووسف.
ومسكته من قميصه جامد واستخبت فى حضنه..يوسف قلع جاكت البدله بتعته وغغطاها بيها وشالها ونزل من الشركه وركبها فى العربيه من ورا وراح بيها مستشفى..ودخل وهو شايلها وفضل يزعق فى الممرضين والدكتره اللى هناك لحد م جاله دكتور.
الدكتور:ايه يا استاذ انت..بتزعق كده ليه؟؟
يوسف بغضب وصوت عالى:بزعق ليه؟؟ده انا هوديكو فى ستين داهيه هقفلكو المستشفى دى خالص.
الدكتور بلطف:ليه بس يا استاذ ايه اللى حصل؟؟
يوسف:انت مش شايف البنى ادمه اللى هتموت على ايدى دى.
الدكتور خلا الممرضين يخدو ساره على غرفة الكشف..ويوسف فضل واقف مستنى بره رايح جاى رايح جاى.
ترقبي الافق البعيد
حتما ان الغيوم ستنجلي
لاترحلي وتتركي قلبا جريح
في هواك مبتلي
لاترحلي ...فأنت لي موطنا ,ومسكنا يعتلي
لاترحلي فالقلب يطلبك للبقاء
والروح تهفو للقاء
في وصلك سر الحياة
وفي الهجر حتما ...مقتلي
لاترحلي
فكلانا حتما يكتوي
فدعينا في الافق نسير
وسامري الصبح الندي
فالروح قربك ترتوي
وأملي القريب سيختفي
لاترحلي
فرحيلك يعني الهروب
كالشمس تشرق من غروب
مريانا سواس.
خرج الدكتور.
يوسف بلهفه:هاه يادكتور طمنى بالله عليك ساره عامله ايه؟؟
الدكتور:الحمدلله بخير بس هى عندها هبوط وضغطها عالى واضح انها م كلتش بقالها فتره وشوية كدمات بسيطه بس هى هتقعد معانا شويه عشان فى كسر فى رجلها.
يوسف:انا مش فاهم يعنى ماينففعش تخرج معايا.
الكتور:والله يا استاذ انا اقترح انها تفضل خصوصا عشان حكاية الهبوط ننظملها الضغط لانها من اصحاب الضغط العالى ونطمن عليها وبعد كده تخرج عادى.
يوسف:بس كده يادكتور مافيش حاجه تانى.
الدكتور:الحقيقه فيه احنا لازم نعمل محضر لان بعد الاجراء الطبى الدقيق عرفنا انها اتعرضت للتحرش لان معظم اجزاء هدومها متقطعه.
يوسف فتح عينه على اخرها من الكلام.
يوسف بخضه:يعنى ايه يادكتور هى حصلها حاجه؟؟
الدكتور:لالا هى بخير تماما متقلقش انا بقول تحرش مش اغتصاب.
يوسف تنهد بارتياح:الحمدلله.
الدكتور:بس انا محتاج اقعد معاك عشان افهم ايه اللى حصل؟؟
يوسف:حاضر يادكتور ممكن ادخل اشوفها.
الدكتور:اه ممكن..عن اذنك.
ودخل يوسف لساره لقاها نايمه على السرير ف قرب عليها وقعد على الكرسى جمبها ومسك ايدها وباسها....ساره حست بيه وفتحت عيونها.
ساره بتعب:يوسف.
يوسف:نعم ياروح يوسف.
ساره بدموع:انا كويسه صح؟؟
يوسف:انتى كويسه خالص ياحبيبتى كويسه جدا.
ساره بارتياح:الحمدلله..انا حفظت على نفسى عشانك.
يوسف ابتسم وملس على شعرها وقالها:انا اسف ياحبيبتى انا اللى وديتك بايدى هناك انا مش هسامح نفسى ابدا يعنى لو مكنتش رجعت كان حصل فيكى ايه؟؟
ساره:متتاسفش..على اى حال انت اللى انقذتنى..انت اللى جيت تحمينى زى م بتعمل ديما. وكملت باستغراب
ساره:..بس انت ازاى بقت كده انت مش قولتلى فى التليفو...
يوسف حط ايده على بؤها.
يوسف:هشششش..هفهمك بعدين..ارتاحى بس دلوقتى.
ساره هزت راسها وابتسمت وغمضت عيونها ونااامت.
.......................................................................................................................................................................................................
وبعد مرور يومين تم فيهم القبض على كريم واعترف ان لورا سعدته بس هى طلعة من القضيه لان مافيش حاجه تثبت انها متهمه..وكريم اتحبس.
اما يوسف م بيفرقش ساره خالص وهى لسا فى المستشفى وحكلها على اللى عمله محمد فى الغردقه وقالها انو غير فكرته عنه....وفى يوم الموظفين اللى فى الشركه كلهم ويوسف وميرفت وابراهيم.
كلهم عند ساره فى المستشفى.
ساره بضحك:ههههههه ياجماعه والله الموقف ده لازم يتحط فى جينيس اكبر تجمع بشرى على مريض واحد فى المستشفى هههه.
كلهم انفجرو فى الضحك.
سمر بابتسامه:عشان كلنا بنحبك يا انسه ساره الناس كلها بتحبك ومين يعرف انك فى المستشفى وميجيش يطمن عليكى.
ساره بابتسامه:متشكره ياسمر وشكرا ليكو كلكو ياجماعه على محبتكو دى.
وهنا ماذن وميرنا دخلو.
ميرنا بلهفه:ساره..مالك ياساره؟؟
وجريت عليها وحضنتها.
ساره:اهدى ياميرنا انا كويسه مافيش حاجه.
ميرنا تنهدت بارتياح:الحمدلله..منك لله ياجو جبتنى على ملا وشى وماذن كان هيعمل 500 حادثه من كتر الاستعجال.
يوسف:ههههههه طيب اعملك ايه لو انتى زى الاطفال اكيد كنتى عمالا ترغى فى الطريق عشان كده كان هيعمل حادثه.
ميرناا:يابارد انا طفله الله يسامحك ياجو..بقى انا طفله ياماذن.
ماذن:انتى اكبر طفله فى العالم ياحبيبتى.
الكل ضحك.
ميرنا ببتوعد:ماشى ياماذن هتروح منى فين لما نروح بس.
ماذن بخوف مصتنع:الحقنى ياجو اختك هتموتنى خدها تانى والنبى انا مش عايزها.
يوسف:ههههههه لا ياسيدى انا اترحمت منها فى البيت البس انت شويه بقى.
ميرنا بزعل مصتنع:شوفتى ياماما بيقولو عليا ايه ده انا ملاك.
ميرفت:اه طبعا ياحبيبتى هما اش فهمهم دول سيبك منهم.
وقعدو مع ساره شويه والكل مشى الا يوسف.
وبعد شويه خبط الباب وفتح يوسف وكان محمد.
محمد:ازيك يايوسف.
يوسف:اهلا يامحمد.
محمد بص ل ساره وقاله:تسمحلى اسلم عليها؟؟
يوسف:اتفضل.
محمد راحلها وسلم عليها.
محمد:ازيك ياساره.
ساره بابتسامه:ازيك انت يامحمد عامل ايه.
محمد:الحمدلله كويس حمدلله على سلامتك.
ساره:الله يسلمك.
محمد بص ل يوسف وقاله:انا كنت متاكد انك هتعرف تحافظ عليها.
وبص ل ساره وقالها:وانتى كنتى صح 100% لما خلتيه هو اللى مسؤل عنك عرف يحميكى بجد يمكن لو كنت انا..ماكنت هقدر اعمل ربع اللى عمله.
ساره:شكرا يامحمد..ياصديقى.
محمد بضحك:لا والنبى انا قطعت علاقتى بكل البنات اصل بينى وبينك فى ناس بتغير.
ساره:ناس مين؟؟
محمد بص ل الباب ونده على واحده.
محمد:تعالى ياهاله.
ودخلت بنت فى اوائل العشرينات ملامحها هاديه وشكلها كويس وقربت عليهم..محمد قام لف ايده حوالين كتفها.
محمد:اقدملكو هاله الجمال بنت خالتى..وخطبتى.
ساره بفرحه:لا هتتجوز..مبروك يامحمد مبروك يا انسه هاله.
هاله:الله يبارك فيكى انا محمد حكالى عنك كتير بيقول انك صديقته الوحيده دلوقتى..وبيشكر فيكى اوى.
ساره بابتسامه:وهو كمان اعز اصدقائى.
محمد:طب ايه هنقعد نحكى..انا قولت اجى اطمن عليكى واعزمك على الفرح.
ساره:فرح على طول يامحمد.
محمد:اومال ايه احنا جامدين اوى مبنضيعش وقت.
ساره:ههههههههههه مشاكس مش هتتغير ابدا.
محمد:عارف ههههههههه..يلا عن اذنكو احنا.
ساره\يوسف:اتفضلو.
وخرج محمد وهاله.
يوسف بص ل ساره.
ساره:بتبصلى كده ليه؟؟
يوسف:معجب.
ساره:بجد!!هههههههههه..طب انا زهقت بقى عايزه اخرج من هنا.
يوسف:انا كمان عايز اخرجك من هنا بس الدكتور عايز يطمن عليكى خالص.
ساره:انا كويسه يايوسف مش بشكى من حاجه.
يوسف:هحح خلاص..هخرجك بكره.
ساره:هييييه.
يوسف بابتسامه:وفرحنا هيبقى بعد بكره.
ساره بكسوف:بسرعه كده.
يوسف:حرام عليكى بقى حسى بيا كل ده وبتقولى بسرعه.
ساره بضحك:هههههههه خلاص اللى تشوفه.
يوسف ابتسم وقرب عليها وقعد جمبها على السرير وخدها فى حضنه وقالها:بحبك.
ساره:وانا كمان اوى.
..........................................................
اليوم التالى...ساره خرجت من المستشفى مع يوسف وراحو البيت..وطلعو الشقه.
ابراهيم:حمدالله على سلامتك ياساره.
ساره بابتسامه:الله يسلمك ياعمو.
ميرفت:حمد الله على سلامتك ياساره.
ساره:الله يسلمك ياطنط.
يوسف:طب ايه هنقضيها سلامات يلا نقعد.
وقعدو كلهم.
يوسف: بما أن كلنا قاعدين مع بعض دلوقتى احب اقولكو ان بكره فرحى.
ميرفت وابراهيم بصوله بصدمه.
ميرفت بذهول:ايه؟؟قولت ايه؟؟
يوسف:قولت بكره هيبقى فرحى.
ابراهيم:وده كده عادى من نفسك ملكش كبير ولا ايه؟؟
يوسف:العفو يابابا انا قولت كده..وبعدين انتو زعلانين ليه انا كنت فاكركو هتفرحو.
ابراهيم بتهكم:لا والله عايزنا نفرح..والله عال ياسى يوسف وتبقى مين بقى العروسه بسلامتها؟؟
يوسف قاله بابتسامه وهو باصص ل ساره:ساره.
ميرفت وابراهيم اندهشو وابتسمو فى نفس الوقت.
ابراهيم بلطف:طيب يابنى ليه م قولتش من الاول؟؟
يوسف:انت ادتنى فرصه اتكلم يابابا!!
ابراهيم:طيب الفرح ازاى هيبقى بكره؟؟احنا لسا محضرناش اى حاجه.
يوسف:هههههههه اصلى انا نسيت اقولك ان انا مجهز كل حاجه.
ابراهيم:ازاى يعنى؟؟
يوسف بتنهيده:من يوم م سافرت وانا حاجز القاعه بتاعت الفرح والشقه اللى تحت كنت باعت عمال من عندى فى الشركه يجهزوها.
ابراهيم باندهاش:الله!!انت مش قولتلى انك هتعمل الشقه دى نظام مرسم ديكورات ليك؟؟
يوسف:هههه منا اضطريت اقولك كده عشان اعملهلكو كلكو مفاجأه.
ميرفت:يعنى كل حاجه جاهزه واحنا ولا عارفين؟؟
يوسف:معلش بقى ياماما حبيت افاجئكو.
وبص ل ساره وقالها:عارفه الناس الطبيعيه بتعمل خطوبه وبعد كده جواز احنا اختصرنا كل ده واخترعنا نظام جديد وعملنا فرح علطول.
وهنا الكل ضحك.
....................................................................................................................................................................................
فى اليوم التالى..زفاف يوسف وساره.
ساره جهزت فى الفندق فى الجناح اللى حجزه يوسف وكان معاها ميرنا ومها بنت اخت ميرفت وسمر السكرتيره اصلهم بقو صحاب اوى هى وساره ..وجهزوها ولبسوها الفستان الابيض وكانت ملاك بيه.
اما يوسف جهز فى الغرفه اللى جمبها وخلص وراح يخدها..خبط على الباب ف اذنولو يدخل ودخل وساره كانت مدياه ضهرها وثوانى ولفتله.
يوسف بصلها باعجاب واطلق صفيرا عاليا بيعبر بيه عن مدى اعجابه.
وقرب عليها وقالها:ايه الجمال ده..معقول انا النهارده هستمتع بالجمال ده كله لوحدى؟؟!!
ساره خدودها احمرت وبصت فى الارض.
ميرفت بحده:ولد..احترم نفسك فى بنات واقفه.
يوسف:هما فين دول؟؟
الكل بصله بدهشه.
يوسف:اه اه اسف ياجماعه..احم يلا. ومد ايده ل ساره عشان ينزلو.
ساره بابتسامه:يلا.
وحطت ايدها فى دراعه ونزلو القاعه ةتم عقد القران وبداء يوسف وساره يرقصو على انغام موسيقيه رومانسيه هادئه...واثناء الرقصه.
يوسف:حاسس بشغف فظيع..بقولك ايه ماتيجى نطلع ونسيب الناس دى مع نفسها.
ساره بذهول:انت اتجننت طب هيقولو علينا ايه؟؟
يوسف:م يقولو اللى يقولو ياحبيبتى م انتى عارفه انا م بيهمنيش.
ساره:يوسف بالله عليك خليك عاقل النهارده بس عشان منظرنا قدام الناس.
يوسف بضيق:تانى هتقوليلى ناس..متخلنيش اجرك من ايدك واطلع بيكى فوق بجد.
ساره بسرعه:لالالا خلاص سكت خالص اهو.
يوسف:ياااه للدرجادى مش عايزه تطلعى معايا فوق.
ساره بكسوف:لا عايزه بس...بس مش على طول كده.
يوسف:يسلام....عموما احنا مش هنقضى الليله هنا.
ساره:اومال هنروح فين؟؟
يوسف غمزلها وقالها:هخطفك....فى مكان بعيييييد لوحدينا.
ساره:انت بتتكلم بجد ولا بتهزر؟؟
يوسف:انت عمرك شوفتينى بهزر؟؟
ساره:لا بس برده هنروح فين؟؟
يوسف:دى مفاجاه ياحبيبتى هنطلع نغير هدومنا وننزل ونمشى.
ساره بابتسامه:ماشى.
وخلص الفرح والناس مشيت وطلع يوسف وساره الجناح .
غيروا ونزلوا من الفندق وركبو العربيه الخاصه بيوسف وفى طريقهم للغردقه. واستغرقو 90 دقيقه فى الطريق ووصلو ودخلو.
ساره بفرحه:هى دى القريه بتعتنا صح؟؟
يوسف:صح.
ساره:الله دى جميله اوى بجد..وكملت بخوف:بس ايه ده ياماما..ايه السكوت الفظيع ده؟؟
يوسف:معقول خايفه وانا معاكى؟؟!!
ساره:لا ياحبيبى بس مستغربه فين الناس؟؟
يوسف بابتسامه:مافيش اى مخلوق هنا غيري انا وانتى وبس.
ساره بدهشه:بجد!!
يوسف:اه طبعا..المكان ده كله ليا انا ونتى لوحدنا لمدة اسبوع احنا اول ناس تحط رجليها فيه.
ساره بطفوليه:الله حلو ده..ايه راءيك بقى كل يوم نبات فى اوضه مختلفه.
يوسف بضحك:ههههههههههههههه كل يوم فى اوضه مختلفه ليه ياساره؟؟
ساره:تغيير ياحبيبى.
يوسف:اللى تحبيه ياحبيبتى اعملى كل اللى نفسك فيه..بس ممكن يلا بقى نطلع اوضتنا.
ساره بكسوف:يلا.
وطلعو الاوضه وقضو ليلهم فى سعاده بالغه.
...............................................................................................................................................................
فى اليوم التالى.....صحيت ساره من اثر اشعة الشمس على وشها فتحت عيونها لقيت نفسها فى حضن يوسف وهو محوطها بدراعه ف ابتسمت وباسته فى خده وجت تقوم مسك ايدها.
يوسف:رايحه فين؟؟
ساره:هقوم.
يوسف شدها تانى لحضنه وقالها:لا خليكى فى حضنى شويه.
ساره:لا كفايه كده بقى انا جعانه خالص يلا قوم.
يوسف:حاضر قايم اهو.
ساره:استنى هنا.
يوسف:فى ايه؟؟
ساره:هناكل ازاى ومافيش روم سيرفس؟؟!!
يوسف:مش عارف.
ساره:كده يبقى لازم انا وانت ننزل نعمل اكل.
يوسف:نعم ياختى..بقى على اخر الزمن انا يوسف سليم انزل البس مريله وطبخ.
ساره قربت عليه ولفت ايدها حوالين رقبته وقالتله بدلع:واهون عليك ياجو افضل جعانا كده؟؟
يوسف بابتسامه:يابت الحركات دى قديمه العبى غيرها مستعطفنيش بالطريقه دى.
ساره بزعل مصتنع:كده ماشى متكلمنيش تانى بقى.
يوسف:ههههه مجنونه والله خلصى قومى خدى شاور عشان ننزل نخترع الاكل ده.
ساره:انت بتعرف تطبخ.
يوسف:شوفى انا احسن واحد يعمل سلطه ونيسكافيه.
ساره:اوه ياحبيبى ده شقاء بالنسبه لك..سلطه ونيسكافيه ماشى يايوسف.
يوسف:شكلك بتتريقى صح؟؟
ساره بضحك:ههههه يعنى عايزنى اقولك ايه وانت بتقولى كده ده العيال الصغيره ممكن يعملو كده.
يوسف:تصدقى انا غلطان انى حبيت اجيبك هنا لوحدك واعيشك فو جو رومانسى انا غلطان.
ساره:طب خلاص متزعلش انا هقوم اجهز اهو عشان ننزل نولع فى المطبخ سوا.
يوسف ضحك بشده:هههههههههههههههههههههههههههههه حرام عليكى تعب سنين هيروح كده عادى هتخربى بيتنا.
ساره:ههههههههههههههه انت ورزقك بقى ادعى ميحصلش اى خسابر.
وقامت ساره تاخد شاور ودخل بعديها يوسف..وجهزو ونزلو عملو فطار وفطرو وراحو يتمشو على البحر.
ساره:عارف يايوسف انا نفسى اجيب 6 عيال.
يوسف:نعم ست عيال ليه؟؟
ساره:عشان لما نكبر انا وانت شويه نقعد معاهم كل يوم فى نهاية الاسبوع ونحكلهم مغامرتنا دى.
يوسف:هههههههههههههههه وجهة نطر ياحبيبتى بقى عايزه تجيبى 6 عيال عشان تحكلهم قصة حياتنا.
ساره:اه وهسمى اتنين منهم يوسف.
يوسف:اتنين على اسمى عرض مغرى تصدقى..مجنونه ياساره كان لازم اعيد نظر فى جوزنا ده .
ساره:بقى كده يايوسف طب احنا لسا فيها اهو يلا طلقنى.
يوسف:انتى مجنونه ولا ايه هو انا اقدر اسيبك انتى خلاص بقيتى بتعتى عارفه ياساره اهو انتى بقى مش هتخرجى من بيتنا ابدا الا معايا انا وبس مافيش مخلوق هايشوفك غيري.
ساره بابتسامه:اممممم هتحبسنى يعنى.
يوسف:حاجه زى كده.
وبصلها شويه جامد.
ساره:بتبصلى كده ليه؟؟
يوسف:اصل عيونك وشعرك وانتى كلك على بعضك تحت السما وضؤ الشمس والبحر تسحري استنى هصورك.
وفضل يوسف يصور ساره صور كتيره قدام البحر..وقضو ايامهم فى سعاده وشجن وساعات خناق بسبب الغيره طبعا ولكن دائما يعودو الى احضان بعضهم ويعود بينهم الحب من جديد
ده كلام على لسان يوسف ليكو انتو شخصيا.
يوسف:فى فيلسوف مشهور قال زمان"مأساة الحب تتلخص في أن الرجل يريد أن يكون أول من يدخل قلب المرأة . .
و المرأة تريد أن تكون آخر من يدخل قلب الرجل"اختصار لكل ده انى بكره عيون الناس لما بتيجى على ساره والغريب ان بعد جوزنا اتفاجئ بناس جايه تطلب ايدها منى طب قولولى انا اعمل ايه الغايه تبرر الوسليه مبتخرجش من بيتنا عشان الاسباب اللى زى دى عشان محدش يشوفها غيري..........
تمت بحمد الله
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق