رواية زواج بالاجبار الحلقة الحادية والخمسون حتى الحلقه السادسه والخمسون حصريه وجديده على مدونة النجم المتوهج
رواية زواج بالاجبار الحلقة الحادية والخمسون حتى الحلقه السادسه والخمسون حصريه وجديده على مدونة النجم المتوهج
فاقت أميرة من المخدر اللي كانت واخداه اللي كان مخليها صاحية بس في نفس الوقت مش واعية هي بتعمل ايه
بصت لاقت نفسها نايمة على سرير في اوضة غريبة وچاك جمبها علي السرير وفي ايده سيجارة
قامت بفزع بصت علي نفسها كانت عريانة
أميرة بصدمة كبيرة .. ا.ان أنت
چاك ببرود وهو بينفث دخان سيجارته .. صباحية مباركه ياعروسة
بصلها بوقاحة .. مكنتش اعرف انك جامدة اوي كده
أميرة مكنتش عارفه تتكلم من الصدمة ولاقادرة تستوعب اللي هي فيه
چاك طفي السيجارة في الطفايه وبعدين قرب منها و
البوليس دخل
أميرة بعدت نفسها بسرعة بصت لاقت الظابط بيقول .. هاتوهم
……………………………….
بعد وقت أميرة كانت واقفة في مركز الشرطة قدام الظابط ملفوفة بملاية وبيتحقق معاها وهي واقفة منهارة من العياط
…………………
عند كاميليا
قاعدة في اوضتها وهي بتفكر ازاي هتخلص من ريم وتبعدها عن حازم
افتكرت يوم ماقابلت فارس يوم الفرح قدام الفندق
وهي بتقول في نفسها أوصلو الزاي ده . ماهو مفيش غيره اللي ممكن يساعدني في الموضوع ده
حطت أيدها علي دماغها وهي بتقول بحيرة .. بس الاقيه الزاي
كاميليا في نفسها .. لو كنت أعرف بس رقم موبايله ولا حتي اسمه بالكامل
فلاش باك
كاميليا وهي واقفة مع فارس يوم الفرح
كاميليا .. مش هينفع الكلام هنا . احنا لازم نتقابل في وقت تاني وفي مكان تاني . بص خد رقم موبايلي ونتواصل مع بعض
ولسه هيتبادلو الارقام
في اللحظة دي باباها كان خارج هو كمان من الفندق وهو معاه مكالمة تليفون وشافها وهي واقفة مع واحد
باباها نزل الفون من علي ودنه وقال .. كاميلياا
كاميليا سمعت الصوت لفت بتوتر
وبعدت عن فارس بسرعة وقربت علي باباها
مجدي .. ايه اللي موقفك كده ومين ده
كاميليا بتوتر .. ا .انا خرجت اشم هوا يابابا
مجدي .. ميين ده
كاميليا .. معرفوش . ب.بس تقريبا حد من المعازيم لأنو كان بيسأل علي الفرح
مجدي بحده .. ادخلي جوه
كاميليا .. حاضر
ودخلت وكان فارس هو كمان ركب عربيته ومشي
بااك
كاميليا في نفسها بضيق .. لو مكانش بابا شافني وانا واقفه معاه ..
اتنهدت وقالت .. بس مش مشكلة هفضل لحد ماوصله
…………………………….
تاني عند ريم في شغلها
ريم واقفة مع داليا تليفونها رن وكان حازم اللي اول ماشافت اسمه ظهر علي فونها ابتسمت ودرت عليه
ريم .. ايه ياحبيبي
حازم .. تعاليلي القسم ياريم
ريم وشها بهت وقالت بعد صمت لثواني .. ا.اجيلك فين
حازم .. القسم . تعرفي تيجي لوحدك
ريم باستغراب .. اجي ليه اصلا .. انت هتسجني ولا ايه . اوعا تكون هتسجني ياحازم
حازم ابتسم عليها وبعدين قالها .. لأ انا عاملك مفاجأة
ريم .. مفاجأة ايه دي اللي في القسم
حازم .. تعالي بس وهتعرفيها
ريم برفض .. لأ ياحازم انا بخاف من المكان ده ومش عاوزه ادخله
حازم .. مش عاوزك تخافي طول ماانتي معايا . فاهمه
يلا انا مستنيكي متتأخريش
ريم .. حاضر
وقفلت وهي بتفكر هو عاوزها في ايه
داليا .. في حاجة ولا ايه
ريم .. مش عارفه حازم عاوزني اروحله القسم
خدت شنتطها وقالت .. هاروحله وأشوف .انتي هاتمشي ولا قاعدة
داليا .. انا عشر دقايق وماشيه هخلص بس اللي في أيدي ده
ريم هزت راسها وخرجت
………………………..
داليا نزلت بعدها هي كمان واتجهت لعربيتها وركبت وابتدت تدورها بس للأسف تقريبا العربية عطلت
نزلت داليا وهي بتنفخ وحاولت تشوف فين المشكلة
بس مش عارفه العربية واقفة ومش عاوزة تشتغل
داليا بضيق خبطت العربية برجلها وهي بتقول .. هو ده وقته
اتنهدت بضيق وهي واقفة محتارة فجأة لاقت حد من وراها بيقولها .. محتاجة حاجة ياانسه
لفت داليا علي الصوت لاقت ياسر واقف حاطط ايديه في جيوبه
داليا ببتسامة اول ماشافته .. ياسر
بعدين كملت باستغراب .. انت
قبل ماتكمل ياسر قال .. انا عاوز نتعشا مع بعض النهاردة
داليا مرة واحدة .. ياسر . انا في مشكلة عربيتي عطلت
قرب ياسر وقالها .. متقلقيش هتتحل . هبعت حد يصلحلها بس دلوقتي نروح نتعشا
لسه داليا هتتكلم ياسر قال .. انا واقع من الجوع
ابتسمت داليا وياسر قال .. حلوة
داليا باستغراب .. هي ايه
ياسر .. ابتسامتك
اتكسفت وبصت الناحية التانية بخجل وهي بترفع شعرها لفوق
لف ياسر وشها ليه وقال .. وبتبقي حلوه اكتر وانتي مكسوفة كده
اتحرك ياسر ناحية عربيته وهو بيقول .. يلا يادودو . بقولك جعان
اتنهدت داليا وهي حاسه بسعاده واتحركت هي كمان فتحت عربيتها خدت شنتطها منها وراحت ركبت مع ياسر
اللي اول ماركبت معاه قبل يطلع قالها .. تحبي تروحي فين
داليا .. اي مكان يعجبك
ياسر .. خلاص يبقي تسيبيلي نفسك . هوديكي عند واحد بيعمل لحمة راس انما ايه
داليا بصدمة .. انت بتهزر صح
ياسر .. ليه انتي مش بتحبيها
داليا بقرف .. يععع . لأ طبعاً
ياسر بضحك .. خلاص .انتي هترجعي .. انا بهزر معاكي .انا كمان مبحبهاش
…………………………………………..
عند ريم وصلت القسم ودخلت علي مكتب حازم علطول
فتحت الباب ودخلت بس وقفت مكانها جمب الباب لما ..
كان حازم قاعد على مكتبه وقدامه كذا بنت واقفين بيحقق معاهم وفيهم بنت بتعيط بشهقات عكس باقي البنات اللي واقفين ساكتين . لكن البنت دي الوحيدة فيهم اللي منهارة
البنت وهي منهارة من العياط .. والله مظلومة ياباشا والله معملتش حاجة . ضحكو عليا . مكنتش اعرف انها شقة مشبوهة
وهي بتعيط اوي
ريم سمعت كلام البنت وقفت مكانها جمب الباب وهي مش قادرة تتحرك وهي شايفة منظرها . في لحظة اتذكرت نفسها من شهور وهي واقفة نفس الوقفة دي
وغصب عنها حست برعشة في جسمها
حازم انتبه ل ريم اللي دخلت فجأة قام من مكانو وقرب عليها علطول .. مقولتليش للعسكري ليه يبلغني انك داخلة
ريم جسمها كان بيترعش وهي واقفة .. م.مكنتش اعرف ان عندك تحقيق . انا اسفه
حازم لاحظ انها مش طبيعية
سألها بقلق وهو مخضوض عليها .. مالك يا ريم
ريم لفت وشها ناحية الباب و دموعها نزلت
حازم بقلق .. مالك ياحبيبتي في ايه
وخدها في حضنه
ريم بدموع وهي في حضنه .. حازم البنت اللي هناك دي
مظلومة
حازم .. عرفتي منين انها مظلومة
ريم .. صدقني مظلومة شكلها بيقول كده انت مش شايف منظرها
فهم حازم انها افتكرت نفسها غمض عينه بغضب من نفسه .. وقال في نفسه مكانش لازم تيجي هنا
حازم خد نفس وقالها .. تعالي ياريم ومتشغليش دماغك بحاجة
وخدها قعدها علي الكنبة اللي في المكتب
ورجع نده للعسكري ياخد المتهمين علي الحجز
وبعدها جاب لريم عصير وقعد معاها
حازم فتحلها العصير وقالها .. اهدي واشربي العصير ياحبيبتي
بعد دقايق بعد ماحازم كان بيحاول يتكلم معاها في اي حاجة علشان تنسي المنظر اللي شافته وفعلا ريم قعدت تتكلم معاه
وبعدين اتذكرت وقالت
ريم .. هو انت صحيح كنت عاوزني ليه
حازم باسها علي راسها بهدوء وقالها .. علشان تيجي تشوفي صاحبتك واللي حصلها
ريم .. تقصد مين .. تقصد أميرة
حازم هز راسه .. خدتلك حقك زي ماكنتي عايزة
ريم بلعت ريقها .. عملت ايه
حازم حكالها اللي حصل وأنها كمان كانت هتخدع وائل وتغشه بعد ماغلطت مع فارس
ريم بهدوء غريب .. عاوزة اشوفها
…………….
بعد دقايق ريم قاعده لوحدها في مكتب الظابط اللي ماسك قضية أميرة
العسكري دخل ومعاه أميرة
ريم وهي قاعدة وأميرة قصادها .. ازيك يا صحبتي
أميرة .. انتي اللي عملتي فيا كدة
يتبع….
رواية زواج بالاجبار
الحلقة الثانية والخمسون
أميرة .. انتي اللي عملتي فيا كدة
ريم .. انتي شايفة ايه ..فاكرة لما كنت أنا هنا بسببك دلوقتي بقيتي انتي هنا بسببي
أميرة بجنون وعصبية .. ليه . ليه حرام عليكي عاوزة مني ايه
ريم بجمود .. حقي وبرجعو . ولا نسيتي اللي عملتيه فيا…
شوفتي مني ايه وحش يخليكي تعملي معايا اللي عملتيه . اذيتك في ايه ..طول عمري كنت بعتبرك اختي . وفي الاخر تغدري بيا وتلبسيني قضيه وتفضحيني . انا عمري ماكنت اتخيل انك بالغل والحقد ده . وعشان ايه . علشان واحد زبا.لة زيك ميستاهلش .
ابتسمت بسخرية وقالت .. اهو فضحك قدام خطيبك وعرفه حقيقتك القذرة .. الا قوليلي ياأميرة لحقتي تعملي العملية ولا ملحقتيش .
أميرة بتوتر .. ا.انتي بتتكلمي عن ايه
ريم بسخرية .. انتي عارفه بتكلم عن ايه كويس .
قامت من علي الكرسي وقالتلها .. اتمنالك إقامة سعيدة هنا
وقبل ما تمشي
أميرة بدموع .. لأ ياريم ابوس ايدك خرجيني من هنا .
انا اسفة . هزت راسها وقالت .. عارفه اني اذيتك . انا اسفة
ريم .. بجد . اسفه . دلوقتي بقيتي اسفة .
قربت وقالتلها.. وليه مكنتيش اسفة يوم ماأذيتيني ولبستيني تهمة بفضي.حة . ليه مكنتيش اسفة لما دمرتيني ودمرتي حياتي . ليه مكنتيش اسفة طول الشهور اللي فاتت دي . ولا بتتأسفي دلوقتي علشان انجدك من اللي انتي فيه …طول عمرك رخيصة ياأميرة . وتستاهلي اللي انتي فيه ده واكتر
أميرة بعياط .. متعمليش فيا كدة حرام عليكي
كده سمعتي هتنتهي .
ريم بجمود .. وانتي ليه مفكرتيش في سمعتي
أميرة مسحت دموعها ..عارفه اني غلطت بس ابوس ايدك خرجيني ياريم . انا اسفة .متسبنيش كده
ريم .. دا مكانك اللي تستحقي تكوني فيه
وسابتها وقبل ما تفتح الباب وتخرج رجعت تاني قالتلها.. بس تصدقي برغم كل اللي عملتيه معايا عاوزة اشكرك . لأني بسببك اتعرفنا انا وحازم علي بعض وزي ما انتي شايفه عايشة اسعد ايام حياتي
وبعدين سابتها وخرجت
أميرة بجنون وانهيار .. ياريم متسبيش ياريم . يارييم
وفضلت تعيط بانهيار
…………………………………………….
وقف حازم بعربيته قدام الفيلا ومعاه ريم ونزلو من العربيه ودخلو
جوا شهيرة وهنا قاعدين مع بعض
شهيره ببتسامة .. حمد الله على السلامه
حازم قرب وباس أيدها .. عامله ايه ياماما
وقعد
شهيره .. الحمدلله ياحبيبي
ريم هي كمان قربت وباستها من خدها
وقبل ماتقعد
حازم .. فنجان قهوه بسرعة ياريم
ريم .. حاضر
ولسه ماتتحرك
شهيرة .. استني ياريم خليكي . هنادي حد من الشغالين يعملو
حازم .. لأ ريم اللي هتعمل
شهيرة باستغراب .. اشمعنا يعني . ولا انت عاوز تتعبها وخلاص
ريم .. لا مفيش تعب ياخالتو دا فنجان قهوه عادي يعني
حازم .. مسك ايد ريم وباسها وقال .. انا بحب القهوة من ايديها
شهيرة بصت لريم وقالتلها .. بتعمليلو ايه في القهوة ياريم علشان يحبها من اديكي
ريم بضحك .. بحط فيها صباعي
واتجهت للمطبخ تعملها
شهيرة ضحكت وحازم ابتسم عليها
هنا كانت قاعدة متابعة الحوار وهي شايفة اهتمام ريم بحازم
وقد ايه مبسوطين مع بعض
حازم بص ل هنا اللي قاعدة باين عليها الحزن .. عامله ايه ياحبيبتي
هنا بهدوء .. الحمدلله
بعدين بصت قدامها بشرود وهي بتفتكر أيامها مع تامر راحت ابتسمت بحزن وهي حاسه بالندم علي تقصيرها معاه
بعد دقايق ريم طلعت بالقهوة وادتها لحازم
ريم قالت لشهيرة .. دينا رجعت من بره ياطنط
شهيرة .. اه ياحبيبتي . رجعت من شويه . هي فوق مع في اوضتها أو مع يارا
ريم .. طيب هطلع اشوفها
……………………………………………
تاني يوم أمام الجامعة وقف ياسين بعربيته ونزل دخل الجامعة بس اول ما دخل اتفاجأ ب انچي واقفة مع ولد
ياسين بغضب .. انچييي
انچي انتبهت للصوت بصت لاقت ياسين وباين عليه الغضب . أدت المذكرة للولد وراحت قربت عليه بسرعة قبل ما يقرب هو
انچي بتوتر … ياسين . ت. تعالي نمشي
ياسين وهو بيبص علي الولد اللي كانت واقفه معاه وبيتحرك ناحيته بغضب .. ميين ده
مسكت انچي ايده ووقفت قدامه وهي بتقول .. ياسين مفيش حاجه دا . دا واحد زميلي عادي
ياسين بصلها بغضب .. يعني ايه واحد زميلك . واقفه معاه ليه
انچي .. ك. كان بيسألني علي حاجه في المحاضرة .. صدقني مفيش حاجه من اللي في دماغك . تعالي نمشي . يلا . يلا ياياسين
ياسين .. حسابك معايا بعدين
في العربية
انچي بتعيط وياسين سايق بغضب
وقف العربية علي جمب وقال بضيق .. بتعيطي ليه دلوقتي
انچي بتعيط بس
ياسين مسح على وشه وبعدين حرك ايده علي شعرها .. طيب اهدي . اهدي خلاص
وقرب باسها على راسها
ياسين مسح دموعها .. خلاص بقا
انچي .. انت لسه بتخوفني منك . عمرك ماهتتغير ياياسين
ياسين .. عاوزاني اعمل ايه واناشايفك واقفه مع عيل زي ده
انچي .. وانا كنت واقفة معاه الزاي . قولتلك كان بيسألني علي حاجه . انا معملتش حاجة غلط
ياسين .. عارف . بس مش عاوزك تقفي مع اي ولد . فاهمه
مسك ايدها وباسها .. انا بحبك صدقيني .
اتنهد وقالها .. بصي متعمليش الحاجة اللي بيضايقني وانا عمري ماهتعصب عليكي .خلاص
انچي هزت راسها بهدوء
ياسين مسك أيدها وباسها .. متزعليش . أنا أسف
انچي .. خلاص مفيش حاجه
ياسين .. يعني مش زعلانه
انچي .. خلاص بقا ياياسين . قولتلك مش زعلانه
ياسين .. طيب ابتسمي طيب
إنجي ابتسمت بهدوء
ياسين .. بحبك
وانچي .. وانا كمان . بحبك
ياسين وهو مش مصدق .. انتي قولتي ايه
انچي .. م.مقولتش حاجة
ياسين .. لأ قولتي . قولتي بحبك . انا سمعت صح
انچي .. طيب ماانت عارف اني بحبك . ليه مستغرب
ياسين .. عشان بقالك كتير مقولتهاش ياانچي
قرب وباسها من خدها وقال .. صدقيني انا بعشقك
بعد وهو بيحرك صباعه علي شفايفها برغبة وقرب عليها بتوهان ولسه هيبو.سها
انچي .. ياسين ابعد انت هتعمل ايه
ياسين بتوهان .. بحبك . وبعدين انتي مراتي
وقبل ماانچي تتكلم بدأ يبو.سها برغبة
انچي غمضت عينيها باستسلام ورغما عنها وبدون ما تحس اتجاوبت معاه وبادلتو
ياسين بعد عنها .. انا بقول يلا نمشي من هنا قبل ما نتمسك آداب ونلاقي نفسها واقفين قدام حازم في القسم
انچي ابتسمت
وياسين شغل العربية وطلع
……………………………………………….
مساءا
في الفيلا
ريم قاعدة علي الكنبة لابسه سوي تيشيرت ولابسه الطاقيه بتاعته اللي مخبيه نص وشها ويحيي في حضنها وفاتحين الفون وقاعدين بيتفرجو عليه ومنسجمين
حازم دخل من الباب وأول ما شافهم كدة ابتسم
قرب عليهم .. بتعملو ايه
يحيي سمع صوته .. بابا
حازم باسه .. عامل ايه يا حبيبي
يحيي .. كويس . بص بنتفرج علي ايه
قعد حازم ومسك الفون وريني اشوف معاكم
وبعدين بص علي ريم اللي وشها مش باين من الطاقيه
حازم .. فين وشك ياريم
ريم رجعت الطاقيه شويه لورا وقالت .. اهو
ورجعت شدتها لقدام تاني
حازم .. وانتي عامله في نفسك ليه كدا
ريم .. سقعانة
حازم .. طيب ماتيجي ادفيكي فوق
وغمزلها
ريم .. لأ انا كده كويسة
حازم .. كنت هدفيكي .انتي الخسرانة
ريم بصتله بغيظ وقالت ل يحيي.. يلا ياحبيبي علشان نذاكر
يحيي .. هتنامي معايا
ريم .. اه ياحبيبي هنام مع بعض النهاردة
وبصت ل حازم باستفزاز وخدت يحيي وطلعت
حازم .. بقا كده . تمام ياريم
……………………………………………
بعد يومين
عند فارس قاعد في مكتبه وفاتح الفون علي صورة أميرة وهو بيقول .. كنتي فاكرة لما تبوظيلي حياتي وتخربيها وتروحي تعيشي حياتك هسيبك كده عادي . بس والله برافو عليهم عملو معاكي الصح . هي دي نهايتك اللي تستحقيها
قلب علي صورتها وظهرت صورة ريم .. ابتسم وقال .. أما انتي بقا اناهعرف ارجعك ليا تاني الزاي ياحبيبتي
كمل بشرود .. هترجعي . هترجعي قريب اوي
………………………………………………
عند تامر كان واقف بعربيته تحت شقه بوسي مستنيها تنزل بعد ماكلمها
بوسي نزلت وفتحت العربية وركبت .. هنروح فين
تامر .. هنروح للمأذون . هتجوزك
بوسي بفرحة .. انت بتتكلم بجد
تامر ..
رواية زواج بالاجبار الحلقتين ٥٣ ، ٥٤
#بدون_لينكات
الحلقة الثالثة والخمسون
فتح تامر باب شقته ودخل ومعاه بوسي بشنطة هدومها
بوسي بفرحة .. انا مش مصدقه اني خلاص بقيت مراتك
اتنهدت وهي طايره من الفرحة .. انا مبسوطه اووي
حط تامر شنطة الهدوم علي جمب وقال بهدوء .. انا راجع الشركة لو احتاجتي اي حاجه كلميني . هبعتلك اكل . ابقي كلي كويس
بوسي بحزن .. مش هتفضل معايا
تامر .. عندي شغل
تامر لف ولسه هيخرج
بوسي .. تامر
تامر لف ليها
بوسي بصت شافت مصحف علي الترابيزة مسكته وقالت
.. اقسم بالله ما حد لمسني غيرك
اتنهد تامر بعد ما قرب عليها وقالها .. انا عارف . عارف يابوسي ولو شاكك فيكي واحد في الميه مكنتش اتجوزتك
قرب باسها على راسها وبعدين خرج
….
تامر قاعد تحت في العربية وقبل ما يطلع شرد وهو بيفتكر
من خمس سنين
فلاش باك
والد بوسي اللي كان صاحب شريف جدا والد تامر
كان نايم علي سرير في المستشفي وهو تعبان في ايامو الاخيرة
و بوسي قاعدة جمبو وماسكه ايده وبتعيط
وتامر كان واقف بيطمنها
والد بوسي بتعب .. كفاية عياط ياحبيبتي . انا كويس
بوسي هزت راسها وميلت باست ايده
باباها حرك ايده علي شعرها بحنية وقالها .. حبيبتي ممكن تسيبني مع تامر شوية
بوسي مسحت دموعها وقالت .. حاضر
وخرجت
والد بوسي شاور لتامر.. تامر يابني
قرب تامر وقعد علي الكرسي جمبه .. ايوا ياعمي
والد بوسي .. عاوز اطلب منك طلب
تامر .. اؤمر ياعمي
والد بوسي .. عاوزك تتجوز بوسي
وقبل ماتامر يتكلم
والد بوسي .. انا عاوز اسيبها وانا مطمن عليها . هي ملهاش حد غيري .خايف اسيبها للدنيا وهي لوحدها ..
تامر مكانش عارف يقولو ايه
والد بوسي .. قولت ايه ياتامر
تامر وهو مش عارف يقول ايه لكن رد بهدوء وقال .. انا اسف ياعمي بس انا خاطب بنت عمي . وبحبها . انا اسف
والد بوسي بحزن .. متتأسفش يابني انا مقدر
بس خلاص اوعدني انك تشغلها معاك وتبقي تحت عينك وتخلي بالك منها لحد ماتسلمها للي يستاهلها اللي انت تكون واثق انو هيراعي ربنا فيها
تامر .. اوعدك . اوعدك ياعمي
باك
تامر فاق من شروده ومسح علي وشه وهو حاسس انو خان الامانه ومكانش قدها
افتكر تاني اول مرة قرب من بوسي
فلاش باك
وقف تامر بالعربية وهو معاه بوسي تحت بيتها وفي الوقت ده كان باين عليه انو مهموم
بوسي قبل ما تنزل من العربيه حطت ايدها علي ايدو .. مش هتقولي بردو مالك
تامر .. مفيش . يلا انزلي واطلعي شقتك
بوسي .. مش عاوزة اسيبك وانت كده .. انا عارفة ان انت متخانق مع مراتك ..
سكتت شوية وبعدين قالت .. علي فكرة مراتك بتحبك بس مشكلتها انها مش عارفة تحتويك
تامر بص علي ايدها اللي لسه ماسكه في ايده وهي بتكلمه
رفع عينه وبصلها وقالها بتوهان .. انتي حلوه اوي يابوسي
وبدون وعي منو قرب وبدأ يبوسها
هي كمان استسلمت ليه
بس تامر فاق لنفسه مره واحده وبعد عنها
تامر مسح علي وشه بضيق وبعدين قالها .. انا مش عارف انا عملت كده الزاي . انا..
وقبل ما يكمل بوسي قالت .. انا بحبك
بصلها تامر بصدمة
بوسي .. مش عارفه الزاي بس حبيتك .. غصب عني
هزت راسها وقالت .. انا عارفه انك بتحب مراتك . بس حاسه انك بتحبني انا كمان
تامر .. بس انا مبحبكيش انتي فاهمه غلط انا مبحبش غير مراتي . عمري ما حبيت ولا هحب غيرها ..
حط ايده علي دماغه .. انا مش عارف انا عملت كدة الزاي
بوسي .. مش علشان اللي حصل دلوقتي .. طيب تقدر تقولي ليه كل مايتقدملي حد بترفضه. حتي من غير ماترجعلي
تامر .. لأ انتي فاهمه غلط . انا برفضهم علشان مش مناسبين ليكي لكن اول ماحس إن في حد مناسب وانتي مقتنعة بيه هوافق
بوسي .. بس انا حبيت..
تامر قاطعها بحدة .. مينفعش . فاهمه مينعفش .. يلا انزلي واطلعي شقتك . انزلي يابوسي
بااك
تامر كان حاطط ايده علي عينه بتعب خد نفس وبعدين شغل العربية وطلع بيها
……………………………………………………
في الفيلا
ريم قاعدة علي الكنبة لوحدها وبتكلم شيرين في التليفون
ويارا نازلة تجري من علي السلم ويحيي بيجري قدامها
يارا .. وربنا يايحيي لضربك
في الوقت ده حازم كان داخل من الباب
حازم .. في ايه
ويحيي بيجري واول ماشاف حازم راح يستخبي فيه
يحيي .. يارا عاوزه تضربني
ريم هي كمان قفلت مع شيرين وقامت قربت عليهم
يارا .. ياحازم قطعلي المذكرة اللي بذاكر منها
حازم بص ليحيي بحدة .. انت عملت ليه كده
يحيي بص في الارض .. انا اسف يابابا
حازم ميل عليه .. تاني مرة لو عملت اي غلط هتتعاقب . فاهم
يحيي بخوف .. حاضر . حاضر .مش هعمل حاجه . انا آسف
ريم .. براحة ياحازم في ايه
وقالت ليحيي … تعالي ياحبيبي
وخدتو وطلعت
……………………………….
مساءا
ريم وشيرين وندي كانو في مول كبير واقفين بيختارو لبس
ندي سبتهم وقالت … انا داخلة قسم قمصا.ن النو.م
شيرين .. طول عمرك تموتي في السفالة بس اللي مش فهماه ليه كنتي عامله مكسوفة يوم الفرح
ندي .. لا بجد فعلا كنت مكسوفة بس دلوقتي خلاص .. وبعدين يعني اسيب الواد كده مالازم ادلعه ولا اسيبه يبص بره
ريم .. لا عندك حق لازم تدلعيه
ندي .. ما انا بقول
شيرين .. انتو بتتكلمو صح . يلا نجيب قمصا.ن نو.م
ريم .. طيب انجزو علشان اتأخرت
شيرين .. ليه وراكي ايه
ريم .. مفيش بس مش عاوزه اتأخر . عاوزه اروح قبل ماحازم يرجع
شيرين .. لسه بدري وبعدين احنا لسه هنعدي علي الصالون بتاعك
ريم بستغراب .. ليه
شيرين .. عاوزة اقص شعري واغير لونه
ريم .. لااا خليكي لبكرة مش هنلحق النهاردة
شيرين .. علشان خاطري ياريم . علشان خاطري
ريم .. مش هينفع النهاردة صدقيني هتاخدي وقت وهنتأخر كده . وانا بصراحة مضمنش حازم هيعمل ايه لو اتأخرت
ندي .. متقلقيش حازم بيحبك ومش هيزعلك
ريم .. لأ انتي فاهمه غلط حازم بيحبني اه لكن مبيعديش في الغلط
شيرين .. مش هأخرك والله علشان خاطري بقا . عاوزة اعمل مفاجأة ل امجد
وبعد محاولات كتير وافقت ريم وراحو المركز عندها
……………
بليل بعد حوالي الساعة 12
ريم رجعت الفيلا دخلت لاقت حازم وشهيرة قاعدين
ريم بتوتر .. مساء الخير
شهيره .. مساء الخير ايه بقا . قولي صباح الخير
ريم .. انا عارفه اني اتأخرت . بس والله غصب عني شيرين هي السبب صممت نعدي علي الصالون عندي تعمل شعرها ومقدرتش ارفض علشان متزعلش . انا اسفة
كل ده وحازم ساكت وريم بتبصله بتوتر وهي خايفة من سكوته ده
شهيره .. بس مكانش ينفع تتأخري كده ياريم
ريم .. انا اسفه
وقربت وباستها
وراحت قربت بتوتر من حازم هو كمان اللي متكلمش ولا كلمه وباسته وراحت طلعت علي فوق علطول
..
بعد دقايق حازم فتح باب الاوضة ودخل بهدوء كانت ريم في الحمام
حازم بدأ يفتح في زراير القميص اللي لابسه وبعدين فك الحزام
ريم خرجت من الحمام وهي لفة فوطه علي جسمها بعد ما خدت شاور
رفعت ريم وشها واول ماشافت حازم واقف شهقت بخوف
قرب حازم منها وهي علطول رجعت لورا وهي خايفه
حازم .. في ايه اقفي
ريم بخوف وهي لسه بترجع لورا ..ا. انت هتعمل ايه . انت هتضربني . صح
حازم باستغراب .. هضربك ليه
ريم وهي بتشاور علي الحزام اللي في ايده .. امال انت ماسك الحزام ده ليه
انتبه حازم لنفسه كان فعلا ماسك الحزام وهو مش واخد بالو
حازم … وانا هضربك ليه بالحزام هجلدك
ريم .. سيبه طيب
حازم سابه .. اهو . قربي بقا
ريم .. مش هتعملي حاجة
حازم .. قربي ياريم
قربت بخوف
بس اتفاجأت لما حازم باسها علي راسها
حازم .. انا عمري ماهمد ايدي عليكي تاني . ليه الخوف ده كلو .
وبعدين كمل بتحذير .. بس اللي حصل ده لو اتكرر تاني صدقيني مش هيبقي في خروج من البيت بعد كده
ريم هزت راسها بسرعه .. مش هتتكرر . اخر مرة
حازم .. شاطرة ..
بعدين قعد علي السرير .. تعالي بقي فرجيني جيبتي ايه
ريم .. جبت لبس عادي يعني
حازم .. وريني
ريم .. حاضر هدخل البس واجي افرجك
حازم .. وريني الاول . مش يمكن تلبسي حاجه من اللي جيباه
ريم مفهمتش قاصده لكن فتحت الشنط وبدأت تفرجو الهدوم اللي هي كانت لبس خروج اصلا
حازم .. لأ سيبك من دول . وريني الحاجات التانيه
ريم .. مفيش تاني . هو انا جايبة كده بس
حازم .. والشنطه اللي هناك دي
ريم … مالها
حازم … افتحيها ووريني
ريم بتوتر وكسوف … دي .دي
حازم قام قرب منها بخبث .. دي ايه
وبسرعة مسك الشنطة وفتحها لقي فيها قمصان نوم تهبل
حازم وهو بيتفرج عليهم .. طيب مخبياهم عني ليه
ريم وهي بتداري كسوفها بصوتها العالي .. حاازم روح شوف انت وراك ايه
حازم مسك قميص لونه اسود .. البسي ده بحب الاسود عليكي
وهو بيدهولولها
ريم بصت للقميص ولسه هتتكلم
حازم .. يلا ياروحي
ريم فضلت واقفة مكانها
حازم .. مستنيه ايه . يلا
ريم خدتو منو بغيظ وراحت تلبسه
……………………………………
عند ندي
فتحت الاوضة كان عمر قاعد علي السرير
عمر .. حمدالله علي سلامة الهانم
ندي بتوتر .. ا. انت رجعت امتا
عمر بجمود .. اتأخرتي ليه
ندي .. ك.كنت بجيب حاجات
ندي وهي بتحاول تتوه في الموضوع قالت .. بص جيبت ايه
عمر .. في واحدة محترمه تتأخر بره لحد دلوقتي ياندي
ندي .. انا اسفه
وبعدين قالتلو .. وبعدين انا كنت بجيب حاجات علشانك بص جيبت ايه
وهي بتفرجو
عمر اول ماشاف اللي هي جايباه صفر وبعدين قالها .. بصراحه جامدين .. يلا بقا روحي البسيلي واحد منهم
ندي مكنتش واخدة بالها اصلا هي كانت بتحاول تتوهو علشان ينسي موضوع التأخير مكانتش تعرف انها هتلبس
بعد مااستوعبت قالتلو .. نعمم
عمر ببرود … مش انتي جيباهم علشاني
ندي .. اه
عمر .. خلاص روحي البسي بقا وفرجيني
ندي .. بس..
عمر .. يلا ياقلبي
ندي كانت عاوزه تعيط لأن هي اللي جابته لنفسها وكمان عارفه إن عمر مش هايسيبها
……………………………………………….
عند شيرين امجد دخل من باب الشقه
كانت شيرين مستنياه
شيرين قامت اول ماشافته وقربت حضنته وهي بتقول .. وحشتني
شيرين بعدت
وامجد كان بيبصلها وهو حاسس ان فيها حاجه متغيرة
بعدين قالها .. فين شعرك
شيرين .. قصيته .ايه رأيك
وبعدين قالت بترقب .. ايه مش عاجبك ولا ايه
امجد .. دا يجنن . انتي كلك تجنني
شيرين بزعل .. امال ساكت يعني
امجد .. بتأملك ياروحي
شيرين .. يعني شعري كده احسن ولا وهو طويل
امجد مسك خصله منو وهو بيقول .. وهو طويل حلو وهو قصير يهبل .. انتي حلوه في كل حلاتك ياشيرين و دايما بتعجبيني
شيرين .. بحبك
امجد .. وانا بعشقك ثم اكمل بخبث .. ايه مش هنحتفل بقا ولا ايه
شيرين ضحكت بدلع .. هنحتفل
……………………
عند تامر فتح باب الشقة ودخل
كانت بوسي بترص في السفرة وكانت عامله كل اصناف الاكل اللي تامر بيحبها
تامر قرب عليها .. ايه ده كلو
بوسي بصتله ببتسامة حب .. عملتلك كل الاكل اللي انت بتحبو
مسك تامر ايدها وباسها وقالها .. تسلم ايدك .. بس ليه تعبتي نفسك
بوسي .. طول ما انا بعمل بحب مش هحس بتعب . اوعدك اني ههنيك وهسعدك . لاني بحبك . لأ مش بحبك بس انا بعشقك … يلا بقا قبل ماالاكل يبرد
….
بعد ساعة تامر خرج من الحمام وهو لابس بنطلون بس
بص لاقي بوسي واقفة قدام المرايا وهي لابسه قميص نوم قصير وبتحط اخر لمسات من الميكب وكان شكلها مغري علي الاخر
قرب تامر منها وهو مزهول في جمالها رفع ايده وبدأ يحرك صباعه علي شفايفها وبعدين ميل يبو.سها
بوسي رفعت ايديها وحاطت رقبته وغمضت عينيها بستمتاع
………………………………………………………..
تاني يوم
تامر وهو قاعد في مكتبه في الشركة
مرة واحدة لقي هنا داخلة المكتب عليه وهي بتقولو .. بتتجوز عليا ياتامر
سلات هدايا
يتبع….
رواية زواج بالاجبار
الحلقة الرابعة والخمسون
ألم البداية
الفصل الرابع والخمسون
هنا في اوضتها رايحة جاية بغضب بعد ما عرفت السبب اللي تامر طلقها علشانه وان صاحبتها بعتتلو الفويس
هنا في نفسها بغضب وعصبية .. يابنت الكلب . وديني ماهسيبك . لازم اعرفها الزاي تعمل معايا انا كده الحيوانة
وهي بتتوعدلها
قعدت علي السرير وهي حاسة بالهزيمة دموعها نزلت لما حست انها خسرت تامر خلاص وهي متأكدة انو استحالة يغفرلها الغلط ده
بدأت تراجع نفسها وهي بتندم علي كل اللي عملته واعترفت بينها وبين نفسها انها كانت غلط وأنها فعلا كانت مقصرة معاه واهملته وأنها اديتلو الفرصة يدور علي الاهتمام بره . بس في نفس الوقت خيانته وجعتها ومقدرتش تستحملها . مقدرتش تستحمل انها تتخان وانو يلمس واحدة غيرها . كرامتها مسمحتلهاش تتخان وتعدي الموضوع عادي كده
هنا فضلت تعيط علي حياتها اللي اتخربت وحبها اللي ضيعتو من ايديها بغرورها وكبريأها . تامر حبها الاول والاخير حب طفولتها اللي محبتش غيره ولا شافت غيره في حياتها
هنا مسحت دموعها وقررت انها لازم ترجع حبها ليها حتي لو هتعتذر
..
خرجت هنا من اوضتها وهي خارجة لاقت ريم طالعة من تحت وداخله اوضتها
هنا .. ريم
بس ريم مرديتش عليها ولسه بتفتح باب الاوضة علشان تدخل
هنا بحزن .. ريم . لو سمحتي
ريم وقفت مكانها من غير ماتبصلها .. نعم
هنا قربت عليها وهي حاسه بالندم .. انا اسفة ياريم . اسفة علي الكلام اللي قولتهولك .
هزت راسها برفض وقالت .. انا مش عارفه انا قولت كده الزاي . انا اسفة متزعليش مني
ريم بهدوء .. محصلش حاجه
سلات هدايا
وراحت تدخل
بس هنا قالت .. ارجوكي انا مش عايزاكي تبقي شايلة مني
انا بجد مكنتش اقصد . بس انا وقتها . انتي اكيد مقدره اللي انا كنت فيه . انا تامر طلقني ياريم عارفة يعني ايه . انا مكنتش متوقعه انو ممكن يعمل كده لأني عارفة انو بيحبني وانا كمان بحبو .
دموعها نزلت وقالت .. بحبو اوي ياريم ومش سهل عليا اني اخسره . انا مقدرش اعيش من غيره اصلا
ريم .. بس انتو ممكن ترجعو
هنا .. انا غلطت في تامر ياريم . غلطت فيه جامد . قولت في حقه كلام ميصحش اقوله . وانا عارفه تامر استحالة يعدي ويسامح
ريم .. اعتذريلو مفيهاش حاجه هو بيحبك واكيد هيسامحك . اللي بيحب بيسامح . اعتذريلو ياهنا
هنا مسحت دموعها .. كنت بفكر فعلا اروحله . بس تفتكري هيغفرلي
ريم .. اكيد هيسامح . روحيلو ومضيعيش حبك من اديكي . وحاولي . حاولي معاه كتير متيأسيش
هنا .. ممكن احضنك
ريم هزت راسها .. طبعاً
وقربت وحضنتها
هنا حضنتها بدموع
وريم كمان دموعها نزلت وهي حاسه بيها وبحزنها
…………………
مساءا
يارا واقفه هي ويوسف ساندين ضهرهم علي العربية وكل واحد بيبص قدامه
يارا بدموع .. يعني خلاص هتسافر وتمشي
يوسف بصلها وبعدين مسك ايدها وقالها .. دي كلها سنه وهنزل
يارا .. بس هترجع تاني . طب ليه مفكرتش فيا . ليه عاوز تسيبني يايوسف
يوسف .. صدقيني صعب عليا بعدك . بس غصب عني . ابويا صمم اكمل تعليمي بره . بس اكيد في اجازات وهنزل علشانك
يارا قربت وحضنته بدموع وهو كمان حضنها جامد
يارا وهي في حضنه .. اوعي تنساني يايوسف
يوسف .. عمري ماهنساكي . انتي بتجري في دمي
…………..
عند تامر في الشركة
تامر قاعد في مكتبه وهو مرجع ضهره علي الكرسي ومغمض عينه وسرحان
فجأة هنا فتحت باب المكتب ودخلت
هنا قربت عليه .. تامر
تامر فتح عينه اول ماسمع الصوت .. هنا .. ايه اللي جابك
قام من مكانو وقالها .. لين كويسة
هنا .. ايوا كويسة
وقبل ماتامر يتكلم هنا قالت .. انا جاية
خدت نفس وقالت .. جايه علشان اعتذرلك . انا غلطت في حقك . انا اسفة
تامر .. اسفة علي ايه ياهنا
هنا .. علي الكلام اللي انا قولته وانت سمعته . انا اسفة . قولت كلام مش دريانه بيه في وقت كنت مجروحه فيه منك …. انا عارفه اني غلطت ياتامر وبعترف
تامر .. مبقاش منو فايده الاعتراف دلوقتي ياهنا
هنا .. يعني ايه .
تامر .. يعني احنا خلاص حكايتنا خلصت
هنا هزت راسها برفض وقالت .. لأ مينفعش تخلص كده . احنا بنحب بعض لازم حبنا ده يكون اقوي من اللي حصل انا غلطت في حقك ومعترفة بده زي ماانت كمان غلطت في حقي وخونتني
تامر .. انتي جايه ليه دلوقتي ياهنا
هنا .. جايه اعتذرلك واقولك اني كنت غبية
تامر .. تمام اعتذارك مقبول
هنا .. ردني ياتامر .
ابتسم تامر وقالها .. اردك . ليه هو مش انتي كنتي عايزة تطلقي . مش ده كان طلبك . وانا نفذتلك اللي انتي عايزاه
هنا باندفاع .. بس انا كنت فاكرة
وسكتت
تامر .. كنتي فاكرة ايه . سكتي ليه ماتكملي . فاكره اني هجيلك راكع وندمان وأبوس ايدك ورجلك علشان ترجعيلي . صح .. لأ مش انا يامدام .. انا فعلا عملت كل حاجه علشان تسامحي وترجعي بس متوصلش لأهانة الكرامة
هنا .. بس انا بحبك . انا هتغير علشانك وعلشان بحبك ردني وهتشوف انا هتغير بجد . انا عارفة اني كنت مقصرة
كملت بعتاب .. بس انتا خونتني ياتامر . عارف يعني ايه .. انا كنت مجروحه منك . علشان كده مكنتش عارفه انا بقول ايه قولت اي كلام في وقت غضب
دموعها نزلت بوجع وكملت .. عارف ياتامر يعني ايه اعرف انك لمست واحدة غيري . صعب . صعب عليا اوي . انت جرحتني . علشان كده انا قولت كلام مش دريانه بيه كنت مجروحه منك اوي . كرامتي كانت وجعاني . شكلي قدام نفسي وقدام صحابي قدام المجتمع كلو . انا اللي جوزها عرف عليها واحدة وخانها معاها . انا اه مبينة جامدة و مش فارق معايا خيانتك . بس لأ فارق معايا وموجوعة منك . انت غلطت ياتامر . غلطت فيا ووجعتني
تامر .. مين اللي خلاني مشيت في الغلط مش انتي . عرفت عليكي واحدة ليه مش انتي السبب . طول عمري بحبك ومش شايف غيرك . بس انتي بقا عملتي ايه
قدرتي الحب ده
هز راسه وقال ..
. لأ . بس ضمنتيه . قولتي بيحبني واعمل اللي عايزاه .. انا حبيتك وعشقتك بس مخدتش منك اي حاجه تدل على انك بتحبيني… انا بس اللي حبيتك وانا اللي كنت بدي ومش باخد اي حاجه …
سكت شويه وبعدين خد نفس وقالها .. عموما خلاص الكلام مبقاش ليه لازمة . انا شوفت حياتي . وانتي كمان شوفي حياتك
هنا .. مش فاهمه تقصد ايه .
تامر .. اقصد اني اتجوزت واستقريت خلاص . انتي كمان شوفي حياتك ولو عاوزه تتجوزي اتجوزي حقك
سلات هدايا
هنا بصدمة.. انت بتقول ايه . انت اتجوزت . اتجوزت عليا
تامر .. بس انا متجوزتش عليكي انا مطلقك ولا نسيتي
هنا بجنون .. يعني ايه . انت بطلقني وبتتجوز عادي . لا لا انت اكيد بتهزر . قولي انك بتهزر ياتامر ومتجوزتش
تامر .. لأ اتجوزت ياهنا
هنا .. بس انت بتحبني وبتعشقني
وحاولت تقرب منو .. انت بتحبني ياتامر
لكن بعدها تامر عنو بجمود وقالها .. كان . كنت فاكر انك تستاهلي الحب ده
تامر .. انا حبيتك بس انتي مكنتيش تستاهلي علشان فعلا انتي واحدة انانيه . وغلطي اني متجوزتش من وقت ما شوفت اهمالك
وقولت معلش لسه صغيرة واكلمك وافهمك تاخديني علي قد عقلي تتغيري يومين وتقلبي .. عايزه تدخلي وتخرجي اديكي بقيتي حرة اعملي اللي انتي عايزاه. لكن انا مش هسكت علي الغلط تاني ..
هنا .. يعني ايه يعني كده خلاص نسيتني نسيت حبنا بتقطع كل حاجه بينا .. بصلي ياتامر وقولي انك نسيت
تامر .. بصي احنا اللي بينا كتير بنت وقرابة مش هنتوه من بعض بس انتي من دلوقتي هنا بنت عمي وام بنتي وبس. عايزة اي حاجه بخصوص لين تكلمي امي وهي هتقولي . لكن احنا مفيش اي كلام بينا بعد كده من دلوقتي في حدود في التعامل .. انتي محرمة عليا دلوقتي دا غير اني بقيت متجوز ..
راح قعد علي كرسي المكتب .. شرفتي يامدام
……………………………
في الفيلا
دخلت يارا وهي باين عليها انها كانت بتعيط
ريم وشهيرة قاعدين بيتكلمو
شهيره اول ماشافتها قالتلها بقلق .. مالك يا حبيبتي
يارا .. مفيش ياماما
وطلعت علي اوضتها
شهيره .. يارا . يارا
شهيره .. اكيد زعلانة علشان يوسف
شهيرة كانت هتقوم تتطلع وراها
لكن ريم قالت خليكي ياخالتو هطلع اشوفها
طلعت ريم خبطت عليها ودخلت
كانت يارا قاعدة علي السرير وبتعيط
قربت ريم وقعدت قدامها وقالت .. مالك يا حبيبتي
يارا بدموع .. يوسف خلاص هيسافر بكرة .. انا مقدرش اعيش وهو بعيد عني . انا بحبو اوي ياريم . انا مليش غيره اصلا
وفضلت تعيط
ريم .. حبيبتي كلها سنة وهيرجع وبعدين احنا كلنا معاكي اهو
يارا هزت راسها برفض .. لأ مفيش حد معايا
ريم .. ليه بتقولي كده . كلهم جمبك ماما وبابا واخواتك
يارا .. كلهم مشغولين عني ولا يعرفو عني حاجة .. محدش بيتهم بيا غير يوسف
ريم قربت وحضنتها وقالتلها .. ياحبيبتي والله كلهم جمبك وبيحبوكي
…………………………..
ريم خرجت من اوضة يارا لاقت هنا في وشها طالعة من تحت وهي بتعيط هي كمان
ريم بقلق .. ايه في ايه
هنا اترمت في حضنها وهي بتقول .. تامر اتجوز ياريم . سابني واتجوز
…………………………
تاني يوم علي السفرة كلهم متجمعين علي العشاء
حازم .. فين يحيي
شهيرة .. عند نرمين
حازم ساب الاكل .. بيعمل ايه عندها
شهيرة .. دي مامته .. وبعدين النهاردة معادو انو يروحلها وهي بعتت خدتو
حازم .. ومجابتهوش ليه لحد دلوقتي
شهيرة بتوتر .. هي كلمتني وقالتلي انها عاوزة يبات معاها النهاردة
حازم برفض .. مفيش بيات . كلميها وقوليلها تبعتو
شهيرة .. وفيها ايه خليه بايت عندها النهاردة . هو ابنها بردو
حازم .. كلميها خليها تبعتو ياماما
حازم قام من علي السفرة
ريم … مش هتكمل اكلك
حازم .. شبعت
وخد تليفونه ومفاتيحه وقبل ما يخرج قال لشهيرة … ماما انا عاوز ارجع الاقي الواد هنا
شهيرة بهدوء .. حاضر . حاضر ياحازم
………………………
بعد وقت في اوضة يحيي
يحيي نايم على السرير وريم جمبه وخداه في حضنها
وبتحسس علي شعره
ريم باسته وقامت لما اتأكدت انو نام
……
بعد دقايق فتحت ريم باب الاوضة ودخلت وهي معاها فنجان قهوة ل حازم
ريم أدت القهوة لحازم اللي قاعد علي السرير بيشرب سيجاره
حازم .. يحيي نام
ريم .. اه
ريم لفت وقعدت جمبه وقالت .. كنت عاوزة اتكلم معاك
حازم .. خير
ريم وهي مش عارفه تبدأ معاه الزاي لكن خدت نفس وشجعت نفسها وقالت بهدوء .. انت ليه مش بتخلي ابنك يروح لمامته
حازم .. ماهو بيروحلها
ريم .. يوم في الشهر . وكمان بتبقي متضايق
حازم بهدوء بعد ماخد نفس من السيجارة .. انتي عاوزة ايه ياريم
ريم بلعت ريقها .. مش عاوزة حاجة . بس بصراحة يحيي صعبان عليا . مش من حقك تحرمه من مامته
. وهي كمان مش من حقك تحرمها من ابنها .. ابنك محتاج مامته ياحازم . هو لسه صغير . انتا كده بتظلمه
حازم طفي السيجارة في الطفايه وقال .. مالكيش دعوة بالموضوع ده . متتكلميش فيه
ريم .. بس انا مراتك
حازم بنبرة حادة .. وبعدين
ريم .. انا اسفة . بس انت قلبك ده ايه . حرام عليك بجد
حازم بصلها بغضب بس ريم اتجاهلت وكملت .. بص انا مش عايزة اعرف انتو انفصلتو ليه . بس ايا كان السبب ميدكش الحق انك تحرم ابنك من مامته . زي ماهو محتاجلك فهو محتاج كمان لمامته .. قولت ايه . انا والله بحب يحيي جدا وكمان اتعلقت بيه ولو عليا مش عاوزة يبعد عني بس انا لما حطيت نفسي مكان مامته عرفت انو صعب . صعب ام تعيش بعيد عن ابنها . علشان كده بقولك الكلام ده
حازم .. بس انا عمري هاسيبهولها يعيش معاها يعني انسي اللي بتتكلمي فيه ده
ريم .. انا مقولتش كده . انا بس قصدي بدل يوم في الشهر
خليه اسبوع يقضيه معاها . او مثلا يروح يومين كل اسبوع . علشان بس متبقاش بتظلمه ويطلع سوي . بعدين انا شايفة إن يحيي شقي فعلا زي مابتقولو . وعلي فكرة دا سبب انو بعيد عن مامته . اكيد مأثر علي نفسيته ومخليه عدواني
حازم حس انها بتتكلم صح قالها.. تمام هشوف الموضوع ده
ريم .. يعني موافق
حازم .. بعدين ياريم . قولتلك هشوف
ريم .. لأ قول انك موافق
حازم ابتسم .. موافق
ريم قربت وباسته .. بحبك اوي
وبعدت
حازم سحبها ولسه هيبوسها سمعو الباب بيخبط
ريم بعدت وحازم قال ادخل
يحيي فتح الباب ودخل وهو باين عليه النعس
يحيي .. بابا عاوز انام معاكم
ريم ابتسمت عليه
حازم .. تعاله يابن الكلب
يحيي في ثواني كان نط وسطهم
………………………………………….
تاني يوم عند ريم في شغلها
تليفونها رن مسكته وردت
حطت الفون علي ودنها اتفاجأت بصوت فارس
فارس .. وحشتيني اوي
ريم بغضب .. انت عاوز ايه
فارس بقولك وحشتيني . ايه موحشتكيش
ريم بغضب .. اقفل وتاني مرة متتصلش بيا تاني انت فاهم
فارس .. اهدي بس .. انا عاوز اقابلك
ريم .. لأ دا انت اتجننت
فارس بثقة .. طب ايه رأيك انك هتقابليني
ريم .. مش بقولك اتجننت . انا هقفل وقسما بالله لو حولت تتصل تاني هقول لجوزي وهو يتصرف معاك
وقبل ماتقفل
فارس ببرود .. مش هتقدري تقوليلو . خصوصاً لما تشوفي الصورة اللي هبعتهالك دلوقتي . وكمان زي ماقولتلك هتقابليني وانا واثق من ده
فارس قفل وفي ثواني وصلتلها صورة علي الموبايل
ريم فتحتها وكانت . كانت صورتها وفارس حاضنهاا
وفارس كاتب تحتها . ايه رأيك ابعتها لحازم باشا هو كمان
ريم حطت ايدها على بوقها بصدمة
رواية زواج بالاجبار الحلقة ٥٥
#بدون_لينكات
الحلقة الخامسة والخمسون
بصت ريم علي الصورة وهي مش قادرة تستوعب الصدمة ولا عارفة تعمل ايه ولا تتصرف الزاي في المصيبة دي مكانتش متوقعة ابدا أن حاجة زي دي تحصل
ثواني وفارس اتصل تاني
ردت عليه وهي بتحاول تبقي ثابته لاقيتو بيقولها ..
عجبتك الصورة . اناشخصيا عجباني اوي
ريم بثبات عكس الرعب اللي امتلكها ..
..انت عاوز ايه من الاخر . عاوز مني ايه
فارس ببرود … نتقابل
ريم .. انسي
فارس .. امال هنتفاهم الزاي
ريم بعصبية … نتفاهم في ايه انا اللي بيني وبينك خلص من زمان
فارس … لا مخلصش انا بحبك ولسه عايزك .. بصي ياريم انتي هتقابليني بكرة الساعة تسعة وصدقيني لو مجيتيش الصورة هبعتها لجوزك .. قولتي ايه هتيجي نتفاهم ولا انفذ اللي قولتلك عليه
ريم بلعت ريقها بخوف …. نتقابل فين
فارس .. في شقتي
ريم بعصبية … انت اكيد مجنون . انت متخيل اني هجيلك شقتك
فارس ببرود … امال عاوزة نتقابل فين
ريم .. في اي مكان عام
فارس بخبث .. وحد بقا يشوفنا ويروح يقول لجوزك..
احنا مينفعش نتقابل في مكان عام ياريم الشقة أأمن
هستناكي بكرة .بس صدقيني لو مجيتيش الصور هتوصل لحازم باشا
وقفل في وشها
نزلت ريم التليفون من علي ودنها وفضلت تعيط بانهيار وهي خايفه لاينفذ تهديدو
دخلت داليا لاقيتها كده
داليا بقلق قربت عليها .. ريم مالك
ريم بعياط .. الحقيني ياداليا
داليا .. في ايه في حاجة حصلت . في ايه يا ريم متقلقنيش عليكي
ريم بدموع .. انا في مصيبه . في مصيبه ياداليا
داليا .. ايه اللي حصل بس ومصيبه ايه . خير
ريم بدموع مسكت تليفونها وهي بتقول .. فارس بعتلي دي
داليا مسكت منها الفون واول ماشافت الصورة قالتلها .. انا مش فاهمه حاجه . امتا حصل كدة . وكملت بترقب وهي بتقولها .. الصورة دي ايام ماكنتو مخطوبين . صح
هزت ريم راسها بنفي .. لأ
داليا وهي خايفة اللي في دماغها يطلع صح .. لأ ايه . فهميني ياريم
ريم بعياط وبدأت تحكيلها .. يوم ماكنت هرفع الخلع علي حازم . الحيوان دا جالي وقالي انو هيساعدني وانو يعرف محامي كبير وشاطر .وانا صدقته وروحت قابلته في مكتبه لأنو قالي المحامي هيقابلني عندو في المكتب. بس لما روحت ملاقتش المحامي وهو لما دخلت مكتبه قام وحضني فجأة مره واحده .بس انا لما استوعبت اللي عملو بعدت نفسي عنو بسرعه وبهدلتو وهو اتأسف وقالي انو مش قصدو
عيطت اكتر وهي بتقول .. مكنتش اعرف انو صورني الحيوان وشايل معاه الصورة ليوم زي ده علشان يهددني بيها .. انا مش عارفه اعمل ايه ياداليا . دا هددني انو هيبعت لحازم الصورة
داليا … وانتي ياريم كانت فين دماغك لما روحتي . ليه روحتليو بس
ريم .. انتي مش عارفه انا كنت في ايه وقتها . انا كنت تايهه مكنتش عارفه بعمل ايه .. هزت راسها وقالت .. انا عارفه اني غلطت بس انا مكنتش دريانه انا كنت بعمل ايه . اللي كان حازم عاملو فيا وقتها كان صعب . والحيوان ده استغل ضعفي
داليا .. طيب اهدي بس
وكملت بحيرة .. هتتصرفي الزاي . وهو اصلا عاوز منك ايه
ريم .. مش عارفه . هو طلب يقابلني
داليا .. وانتي هتقابليه
ريم .. لأ طبعا مش هقابله دا زباله وواطي اكيد عاملي فخ تاني علشان يوقعني فيه . بس انا نيمتو علشان اكسب وقت واعرف افكر وقولتله اني موافقه أقابله لحد مافكر هعمل ايه . لكن انا استحاله أقابله
داليا .. وهتعملي ايه . سكتت ثواني وقالت ..انا من رأيي تقولي لجوزك
ريم برعب .. لأ طبعا اقوله ايه . انا مش عارفه لو عرف حاجة زي دي هيعمل فيا ايه
داليا .. بس دا كان غصب عنك وهو اكيد هيتفهم حاجة زي دي
ريم ..لأ انا عارفه حازم هو مش هيفهم كدة . انا مضمنش رد فعلو لو عرف هيعمل فيا ايه .. ولا لو الحيوان ده نفذ تهديدو وبعتله الصورة
كملت بنهيار … هبقي روحت في داهيه يا داليا هبقي روحت في داهيه
قربت داليا وحضنتها وهي بتقول .. اهدي ياريم وتعالي نفكر هنتصرف الزاي مع الحيوان ده
سكتت شوية وبعدين قالت بعد تفكير .. بس فارس دا جبان مفتكرش انو هيبعت الصورة لحازم . هيخاف . هو اكيد بيهددك بس . بس هو عاوز ايه . عاوز منك ايه يعني
ريم بتوهان .. مش عارفه
……………………….
في بيت شريف
تامر دخل البيت كانو شريف وليلي قاعدين وشكلهم مستنينو
تامر .. مساء الخير
وقعد .. خير يابابا . كلمتني وقولت عاوزني
شريف .. ممكن تفهمنا اللي انتا عملتو ده
تامر .. عملت ايه
شريف بسخرية .. بتتجوز فجأة ولا كأن ليك أهل تاخد رأيهم . . يعني الأول طلقت مراتك وقولنا ماشي بيعندو مع بعض شويه وفي الاخر هيرجعو لعقلهم .. بس فجأة كده بين يوم وليلة نكتشف انك اتجوزت . ايه بقا ممكن تفهنا
تامر .. انا معملتش حاجة غلط ولا حرام . اتجوزت علي سنه الله ورسوله
شريف .. طلقت بنت عمك ليه ياتامر
تامر .. ما كان علي يدكم هي اللي طلبت الطلاق . نفذتلها رغبتها ايه الغلط في اللي عملتو
ليلي … انت عارف ياتامر كويس انها مكانتش عاوزه تطلق بس هي كانت بتعمل كده مجروحه منك . مصبرتش عليها ليه . ليه بعت كل حاجه كده مره واحده . ايه اللي حصل بس وصلكم لكده فهمنا يابني
تامر … مفيش حاجة ياماما كل الحكايه أننا خلاص مبقاش ننفع نكمل مع بعض
ليلي .. ليه . ليه بس . دي هنا ياتامر ولا نسيت
تامر بجمود .. هنا انتهت بالنسبالي
شريف بشك … ليه . هي عملت ايه
تامر بهدوء .. معملتش حاجة هنا كويسة. بس انا اللي خلاص مش عايزها
شريف .. وبنتك
تامر .. مالها بنتي
شريف .. مفكرتش فيها ليه . تقدر تقولي هتعيش الزاي . هتتربي الزاي وانتو كل واحد فيكم في ناحية . البنت محتاجه دفء أسرة . انتو كده بتظلموها
تامر .. بنتي هتتربي احسن تربيه . متقلقوش عليها
وبعدين احنا مش اول ولا اخر اتنين هننفصل
قام تامر وقال .. عن اذنكو
ولسه هيخرج لاقي لين نازله من فوق مع انجي وبتجري عليه
لين .. بابييي
شالها تامر وباسها بحب وباس انجي علي راسها
بص تامر لبنتو اللي شايلها .. عامله ايه ياروحي
لين .. كويسه . بس انت واحشني اوي يابابي . انا باجي هنا عند جدو شريف مش بلاقيك
تامر ضمها بحزن عليها وهو حاسس بالتقصير من ناحيتها.. معلش يا حبيبتي انا بس ببقي مشغول
لين .. طيب ممكن اطلب منك طلب
تامر .. انا عيوني لحبيبتي لين
لين .. خلاص يبقي هتنيم لين حبيبتك في حضنك النهارده
ابتسم تامر وقالها … وانا اطول انيم القمر ده في حضني
و بعدين خدها وطلع علي فوق ودخل اوضته نزلها علي السرير
لين .. هي مامي هترجع تاني هنا امتا يابابي حضرتك قولتلي قريب . انا عاوزة نرجع انا ومامي تاني هنا بقا ونعيش معاك زي الاول
اتنهد تامر وهو مش عارف يقولها ايه طفله صغيره مش فاهمه حاجه
لكن قالها تامر بمرح و هو بيحاول يغير الموضوع وينسيها.. ايه رأيك احكيلك حدوته زي ماكنت بحكيلك
لين ابتسمت .. ياريت
تامر بدأ يحكيلها لحد مالين راحت في النوم
تليفونه رن وكانت بوسي
رد تامر عليها لاقها بتقوله .. حبيبي اتأخرت ليه . انا مستنياك
تامر .. نامي انتي انا مش جاي النهاردة
بوسي .. ليه مش جاي ليه
تامر .. هبات في الفيلا الليله
بوسي .. في حاجة ولا ايه
تامر .. لأ .. يلا سلام
بوسي .. مع السلامه
………………………………………….
عند ريم
ريم واقفه في الحمام بتغسل وشها
وبعدين نشفت وشها بالفوطه وهي بتاخد نفسها وخرجت من الحمام اتفجأت بحازم بيفتح باب الاوضة
ريم جسمها اترعش ووقفت مكانها بتوتر
قرب حازم عليها وباسها علي راسها وقالها ببتسامه .. عامله ايه
ريم وهي بتحاول تدراي ارتجافة جسمها وتبان ثابته هزت راسها وقالت .. كويسة
وراحت علي السرير ونامت
حازم .. هتنامي
ريم .. ايوا
وهي بتشد الغطاء عليها
لاحظ حازم انهامش طبيعيه قالها وفيها حاجة متغيرة
سألها .. انتي كويسة
ريم بتوتر .. ا.اه كويسة . بس محتاجه انام
حازم بحنيه .. نامي ياحبيبتي
وميل باسها
غطت ريم وشها ونامت
وحازم دخل الحمام ياخد دش
ريم لما حست انو دخل الحمام فضلت تعيط بصوت مكتوم وهي مغطية وشها
………………………………..
عند كاميليا
فضلت كاميليا كتير بتحاول توصل ل فارس لحد ما اخيرا وصلتله واتواصلت معاه واتفقوا يتقابلو
……………….
تاني يوم
عند ريم وحازم
حازم كان واقف بيلبس ورايح شغله
وريم كانت لسه نايمة
فتحت ريم عينيها لاقت حازم واقف بيلبس في القميص بتاعه
حازم .. صباح الخير
اتعدلت ريم .. صباح النور
فضلت ريم مكانها علي السرير وهي بتفكر تقول لحازم ولا لأ
حازم … عامله ايه دلوقتي
بس ريم كانت سرحانه
حازم .. ريم . ريم
ريم بصتله .. ن.نعم
حازم بشك .. انتي متأكدة انك كويسه ياريم
ريم بهدوء .. انا بس تعبانه شويه . حاسه بأرهاق
قرب حازم منها بقلق .. اطلبلك دكتور
ريم .. لا مش مستاهله . انا هنام وهبقي كويسه
حازم باستغراب .. هتنامي تاني
كمل بقلق .. انتي اكيد محتاجة دكتور . انا هطلبلك دكتور
ريم .. صدقني مش مستاهله . انا كويسة . دا إرهاق طبيعي . عادي . انا هنام وهبقي كويسة
حازم .. طيب اوعديني لوحسيتي بأي حاجة . كلميني ونروح للدكتور
ريم .. حاضر
مسك حازم أيدها باسها وباس راسها وبعدين خرج
وريم حطت أيدها علي بوقها وفضلت تعيط وهي مرعوبة
……………………………………
عند فارس كان قاعد في كافيه بيشرب قهوة وهو مستني
كاميليا بعد مااتفقو يتقابلو في المكان ده
كاميليا دخلت الكافيه وهي بتتلفت علي فارس
لحد ماهو شاورلها وهي شافته
كاميليا .. مساء الخير
وقعدت
فارس .. مساء الخير .. تشربي ايه
كاميليا .. قهوة مظبوط
فارس طلبلها قهوة
وكاميليا طلعت علبة السجاير من شنتطها وسحبت من العلبة سيجارة حطتها في بوقها وهي بتدور علي الولاعه
بس كان فارس سبقها ولاقيتو بيولعلها بولاعته
خدت كاميليا نفس من السيجارة ونفخته بهدوء وقالت .. بص بقا زي ماانت عاوز ريم . انا عاوزه حازم ومعاك في اي حاجة . خدت نفس وقالت بشرود ..المهم نفرقهم عن بعض
بصتله وقالت .. بس المفروض نعمل ايه . بص انا بفكر نشككهم في بعض . نخليها تشك فيه أو هو يشك فيها . ايه رأيك وكملت بحيرة .. بس نعملها الزاي
فارس ابتسم بثقه وقال .. انا معايا اللي يخليهم يطلقو
كاميليا باهتمام .. معاك ايه
فتح فارس تليفونه وقال .. معايا دي
وهو بيوريها الصورة
كاميليا مسكت الفون منه وهي بتقول .. اوباا . عملتها الزاي دي . اكيد مركبها
فارس .. لا دي حقيقيه مش تركيب
كاميليا وهي مش مصدقه .. الزاي . وبعدين لما اتذكرت قالت .. اه اكيد ايام وانتو مخطوبين . بس هتعمل بيها ايه . انا بقول نبعتها لحازم
ورجعت تاني قالت .. بس ممكن يقول إنها كانت قبل ماتعرفه وانو مالوش علاقه بماضيها
كملت تاني وقالت بثقه .. بس لأ حازم معندوش الكلام ده لو شافها هيطلقها بردو . انا عارفه حازم كويس . حازم مبيسامحش بسهوله وعندو الغلط غلط
فارس ابتسم .. طب اي رأيك أن الصورة دي وهي متجوزه
كاميليا .. بتهزر
فارس .. بتكلم بجد . بصي علي تاريخ الصورة وانتي تعرفي
كاميليا .. الزاي . انت عاوز تعرفني انها لسه بتحبك . لا لا مصدقش دي بتموت في حازم . دا برغم اللي عملو فيها بتحبو
فارس .. الصورة دي ايام ماكانت متخانقة معاه . اتقابلنا وقتها وحصل كده .
كاميليا ركزت في الصورة وبعدين قالت .. بس هي مش حضناك . هي الصورة دي غصب عنها . صح
فارس .. مش مهم . المهم انها في حضني و عندي في مكتبي . يعني جيالي برجليها . اظن دي كفاية
كاميليا .. عندك حق . حلو ده . وحازم اكيد مش هيعدي مرواحها ليك عادي كده انا متأكدة انو لو شاف الصورة دي هيطلقها . احنا نبعتهالو
فارس .. لأ
كاميليا باستغراب .. امال هنعمل بيها ايه
فارس .. انا ههدد بيها ريم . يا تطلب منو الطلاق ياهبعتهالو . وانا متأكد انها هتخاف ابعتها . ف تتطلب تطلق منو
كاميليا .. طب وليه اللفه دي مانبعتها لحازم ونخلص وهو كده كده هيطلقها
فارس .. انا مش غبي علشان ابعتلو صورة زي دي . دي اقل حاجه هيقتلتي انا . انا زي ماقولتلك هبتز ريم بيها . وكمان انا هخليها تقابلني في شقتي . اعملها كمان كذا صورة حلوين . وابتزها براحتي . وقتها بقا مش هيبقي قدامها حل غير انها تسيبه قبل ماافضحها قدامه
كاميليا .. عجبتني دماغك . وبعدين قالت وهي بتبص علي الصورة .. ممكن اخد الصورة دي
فارس .. لأ طبعا
بس كاميليا وهي بتقول كده كانت بعتتها اصلا لنفسها علي الواتساب وبعدين مسحتها من الواتساب بتاعه علشان ميعرفش
كاميليا في نفسها .. انا لسه هستني لما تهدد ست الحسن . كملت بشر .. ابعتها انا لحازم . خلينا نخلص
وبعدين اديتلو التليفون وابتسمتله وكان التويتر جاب القهوة .
خدت كاميليا فنجان القهوة وبدأت تشرب وهي بتتخيل لما حازم يشوف الصورة هيعمل ايه في ريم وهي بتبتسم من جواها بنشراح
…………
مساءا
حازم وقف بعربيته قدام الفيلا ونزل دخل بهدوء
لاقاهم كلهم متجمعين علي السفرة بس ريم مش موجوده
حازم .. مساء الخير
كلهم … مساء الخير
مراد .. قعد اتعشا ياحازم
حازم .. لأ انا كلت .. وبعدين قال .. امال ريم فين مش بتاكل معاكم ليه
شهيرة .. بعتنالها تنزل قالت مش جعانه
حازم .. طيب ابعتيلها الاكل فوق ياماما
شهيرة .. حاضر
حازم طلع يشوفها فتح الاوضه ودخل لاقها واقفه فاتحه باب البلكونه وسانده ضهرها علي الباب وبتبص قدامها بشرود
حازم .. الجميل سرحان في ايه
ريم انتبهت ليه و اول ماشافته اتوترت .. م. مفيش
حازم قرب عليها لماحس بتوترها وسألها بشك .. مالك ياريم . انتي من امبارح وانتي مش طبيعية .
ريم فرقت في أيدها بتوتر وخوف وبعدين بلعت ريقها وشجعت نفسها وقررت تقوله
ريم .. ا انا ك. كنت عاوزه اقولك علي حاجة
حازم .. قولي . انا سامعك
ريم ..
رواية زواج بالاجبار
#بدون_لينكات
الحلقة السادسة والخمسون
قربت ريم ووقفت قدامه وهي بتفرك في ايديها بتوتر وخوف بلعت ريقها وقالت بصعوبة … ک.كنت عاوزة .ا.قولك علي حاجة
مسك حازم كف أيدها وقالها .. قولي . انا سامعك
اتنهدت بصوت مسموع وهي جسمها بينتفض رعب
حس حازم بيها وبخوفها سألها بشك .. حصل ايه ياريم
دموعها نزلت وهي بتحاول تتكلم لكنها حست أن لسانها اتشل مش عارفه ولاقادرة تنطق
قلق حازم من منظرها ده كرر سؤاله تاني بعد ما مسك ايديها الاتنين وقربها ضمها ليه علشان يطمنها وقالها … قولي حصل ايه . اتكلمي ياحبيبتي
اتكلمت اخيرا من بين دموعها وقالت .. مش قادره . خايفه
حازم بهدوء … خايفه من ايه
ريم بدموع … خايفه منك
بعدها حازم عن حضنه ومسك وشها وهو بيتأملها كانت دموعها نازلة زي الشلال
حازم بشك … خايفه مني ليه . عملتي ايه ياريم
في اللحظة دي الباب خبط ..
حازم .. ادخل
الشغالة .. حازم بيه الاكل بتاع ريم هانم
حازم شاورلها علي الترابيزة .. حطيه هنا
دخلت حطته وقالت .. حضرتك تؤمر بحاجة تانية
حازم .. لأ . روحي انتي
الشغالة خرجت وقفلت الباب وراها
حازم بص لريم .. تعالي علشان تاكلي
ريم .. مش عايزة
حازم .. طيب قولي فيه ايه
مسحت دموعها وقالت بشهقات … اوعدني انك . تسمعني . وتفهمني
حازم بقلق … اتكلمي ارجوكي . انا علي اعصابي . عملتي ايه . انطقي
ريم بدموع هزت راسها برفض … لو قولتلك مش هتفهمني ولا هترحمني
حازم صبره بدأ ينفذ وبقي علي اخره مسك دراعها وقالها بنبرة خطيرة … حصل ايه . عملتي ايه ياريم . اتكلمي
مسحت دموعها وبعدين مسكت ايده بترجي
وقالت … اوعدني
حازم بهدوء مريب … اتكلمي
ريم بلعت ريقها وشجعت نفسها ولسه هتتكلم حازم تليفونه رن
طلع حازم تليفونه من جيبه وكنسل علي اللي بيتصل
وفي نفس اللحظة بص لقي تليفونه أعلن عن وصول رساله كان لسه هيقفل التليفون
بس لفت نظره الكلام اللي مكتوب فيها
حازم بص بغموض لريم اللي واقفة جسمها بيترعش
وفتح الرسالة لاقها صورة ريم وفارس حاضنها
وكان مكتوب تحتها
“اتفرج ياحازم باشا علي مراتك المحترمة وهي في حضن خطيبها السابق شكلها مش قادرة تنسي حبها القديم ولسه مقضياها معاه ”
كانت ريم بتبصله بتوجس خصوصاً لما شافت ملامح وشه اللي قلبت بغضب
ريم برعب …. ح.حازم
حازم رفع التليفون قدام عينيها
وهو بيقول بهدوء مرعب .. ايه دي
بلعت ريقها بخوف وهي بتبص علي الصورة ورجعت بصتله وقالت بدموع … كنت هقولك
حازم … انتي بتخونيني
ريم بسرعة … لأ لأ انت فاهم غلط
مسحت دموعها وقالت … انا هقولك علي كل حاجه .
كملت بتوسل … بس ارجوك تفهمني . علشان خاطري اسمعني
ابتسم حازم بسخرية قبل ما يقولها بنبرة خطيرة … اسمع وافهم ايه . ماهي واضحة
ريم بنفي .. لأ والله انت فاهم غلط
حازم عنيه اشتعلت غضب مسك دراعها جامد وقالها .. وايه هو الصح . يامدام
ريم هزت راسها …حاضر . هقولك . بس ارجوك تفهمني وتسامحني . ارجوك
وبدأت ريم تحكيله كل اللي حصل وهي بتعيط
حازم … يعني روحتيله مكتبه
ريم … انا اسفة
مسكت ايده وهي بترجوه يسامحها … سامحني .
سامحني يا حازم
هزت راسها وقالت … انا عارفه اني غلطت بس والله اللي حصل ده كان غصب عني .
حازم … غصب عنك الزااي . انتي رايحاله مكانو برجليكي
ريم … عارفة ان اللي عملته غلط بس انا وقتها مكنتش عارفه بعمل ايه . افتكر ياحازم . افتكر انت وقتها كنت عامل فيا ايه . انا كنت ضايعة وتايهه . مكنتش عارفه بتصرف الزاي . كان كل اللي فارق معايا اخد حقي منك .
كملت وقالت بخفوت وهي حاسه بالندم .. بس مكنتش اعرف اني باللي بعمله ده بضر نفسي قبل ما اغلط في حقك
بصلها وصمت ثواني قبل مايقولها … انتي عارفه ياريم ..
انا طلقت نرمين ليه .
ريم بصتله وهي مش فاهمه يقصد ايه
حازم .. السؤال اللي سألتيهولي قبل كده كتير . انا هجاوبك عليه دلوقتي . طلقتها علشان دخلت شقة صاحبي بدون اذني وسمحت لنفسها تقعد معاه. طلقتها مع اني متأكد انو ملمسهاش وانها مغلطتش
ريم فضلت تعيط وهي خايفه يعمل معاها كده
سابها حازم وطلع البلكونة يشرب سيجاره وهو بيحاول يهدي نفسه ويفكر بس غضبه منها ومن عملتها كان مسيطر عليه مكانش شايف غير انها غلطت ومفيش اي مبرر للي عملته
وريم قعدت مكانها علي السرير وهي خايفة ومش عارفه هيعمل ايه معاها
دخل حازم من البلكونة وقالها بهدوء … لمي هدومك ياريم
قامت ريم وقفت وقالت … ل. ليه
حازم … هتسافري لمامتك
ريم ضربات قلبها مرة واحدة بقت سريعه قالت … ليه
رد عليها الرد اللي خلي الدم يهرب منها … هطلقك
هزت راسها بنفي وقالت بدموع … لأ مستحيل .. انت مش هتطلقني . انا مش هسمحلك تسيبني
حازم … امال عاوزاني اعمل ايه
ريم … تسامحني . هزت راسها وقربت منه قبل تقول .. ايوه تسامحني زي ماانا سامحتك . انت عملت فيا كتير وانا سامحتك . سامحتك علشان حبيتك وانت كمان بتحبني وهتسامحني ياحازم .
حازم بجمود .. اللي انتي عملتيه مفيهوش سماح ياريم . يلا لمي هدومك علشان هوصلك
ريم برفض … لأ ياحازم . انا مش هامشي من هنا ..
عاقبني بأي حاجة بس ماتسبنيش .
وقربت تحضنه . حضنته وهي بتقول … انا بحبك . حبيتك بجد . حازم انت متعرفش انت عملت فيا ايه . برغم كل اللي شوفته منك حبيتك . لما شوفت حبي في قلبك سامحتك ونسيت كل الوجع اللي شوفته منك .
.. سامحني ياحازم . وحيات حبي اللي في قلبك ده تسامحني .. ايوا انا غلطت عارفه بس انت السبب
. انت السبب
حازم بعدها عنو وهو بيبصلها بشدة … انا السبب في ايه . انا اللي قولتلك تروحيله
ريم … ايوا انت اللي اديتني الفرصة دي وخلتني اغلط وابقي مش عارفه انا بعمل ايه .
كملت وهي بتحمله ذنبها .. انت عملت فيا كتير .انت اللي خلتني اعمل كده . انت السبب
عملت فيا كتير اوي . هينتني كتير وكسرتني ودمرت حياتي ومع ذالك سامحتك . انت كمان لازم تسامحني وتعذرني . انا اه غلطت بس بسببك انت . بسبب معاملتك معايا وبسبب اللي انت عملته فيا
حازم .. يعني بقيت انا السبب في غلطك . انتي بتحمليني ايه .. دا مش مبرر انك تغلطي
ريم … لأ مبرر .. اللي عملتو معايا كتير وانا كنت لوحدي وتايهه
شاورت بصباعها عليه وقالت .. بسببك انت خلتني اغلط .. انت عملت فيا اللي مفيش واحدة تسامح فيه . انا استحملت منك كتير اوي وانت عارف … بس انا خلاص سامحتك وكنت مسحت كل ده ونسيته
مسكت ايده وقالت .. انت كمان هتنسي وتسامحني . صح
حازم سحب ايده منها بهدوء وبعدين خرج من الاوضه من غير ما يتكلم
………………………….
عند كاميليا بعد مابعتت ل حازم الصورة كانت سهرانه في بار وفضلت تشرب وهي مبسوطه جدا وهي بتتخيل أن خلاص حازم هيطلق ريم ويتجوزها
كاميليا كانت حاسه بانتصار باللي عملته وان خلاص حلمها هيتحقق فضلت تشرب وهي مبسوطه وهي بترسم وتحلم انو اتجوها هي
بس كان في عيون عليها مرقباها
…………
بعد وقت
عند حازم كان قاعد في عربيته وهو مستني مكالمه
تليفونه رن
حازم رد بسرعة .. فين مكانه
الراجل … حازم باشا الشخص اللي قولتلي اعرف هو فين
سكت ثواني قبل مايقول .. الشخص ده عمل حادثة من ساعة ومات
حازم … بتقول ايه . انت متأكد انو هو
الراجل … ايوا متأكد ياباشا . هو
حازم … والحادثه دي حصلت الزاي . بفعل فاعل
الراجل … لأ اللي عرفته أن الحادثه قضاء وقدر
حازم قفل مع الراجل وبعدين خد نفس وقال في نفسه .. ربنا رحمه من اللي كان هيشوفه علي ايدي
……………………………..
تاني يوم كان حازم مرجعش البيت وتليفونه مقفول
وريم كانت هتتجنن ومش عارفه هو فين
……………
عند كاميليا صحيت من النوم لاقت نفسها نايمه على سرير مش في اوضتها
حطت أيدها علي دماغها وهي حاسه بصداع رهيب وهي بتحاول تستوعب هي فين
بصت علي نفسها اتصدمت لما لاقت نفسها عريانه
وفي اللحظة دي الباب اتفتح و دخل شاب وهو بيقولها .. صباح الخير يامزة
كاميليا شدت الغطاء عليها برعب وهي بتقول . انت مين . وانا هنا بعمل ايه
قرب وقعد علي الكرسي قدامها وهو بيقول وهو بيولع سيجاره كانت في ايده خد منها نفس عميق وبعدين نفخه بهدوء وبصلها وقالها بخبث… ايه ده معقول مش فاكره انتي جيتي هنا الزاي . دا احنا حتي قضينا ليلة امبارح انا مش هنساها
غمزلها وهو بيقول .. بس ايه ده . طلعتي جامدة الصراحه
كاميليا بخوف … انت عملت فيا ايه . كملت بصوت عالي عملت فيا ايه . انطق .. حطت أيدها علي دماغها وهي بتقول .. انا مش فاكره حاجة
هو … اهدي يابطل
كاميليا .. انا مش فاكرة اني جيت معاك أو عملت حاجه انت كداب . انت خاطفني
هو باستهزاء … وهتفتكري الزاي وانتي كنتي سكرانه
كمل ببرود .. فيديوهاتك موجودة معايا واحلي صور وفيديوهات . ومش عاوز فلوس معايا . انا عايزك انتي .. وقت مااقولك تيجي تيجي زي الكلبه
كاميليا بقوة … انت مش عارف انا مين وأهلي مين . انت عارف ممكن يعملو فيك ياحيوان
هو … ولا هيقدرو يعملو حاجة . بقولك فيديوهاتك معايا
فضلت كاميليا تصوت وتصرخ بجنون وهي بتقول .. مين اللي قالك تعمل كده . عملت فيا كده ليه
هو … متابعك من زمان . واحده مغروره ومتكبره شايفه نفسك . علي ايه انتي زيك زي اي كلبه . النوع بتاعك مايجيش اللي كده .. ها تحبي ازيع ولا اشوفك تحت رجلي
قام من مكانو وفتح درج طلع منه ورقه وقال .. وعلشان انا جدع . هتجوزك عرفي . علشان بس بحب اخد مزاجي في الحلال .. امضي يامزة
وهو بيديها الورقه
كاميليا … انت مين
هو .. حسام الحديدي . اكيد تسمعي عني .. امضي ياعروسة
كاميليا فضلت تعيط وهي شايفة نفسها انها خلاص ضاعت ووقعت في ايد شيطان
حسام بصوت ارعبها … اخلصيي
كاميليا مسكت القلم واديها بتترعش ومضت
خد الورقه وقال .. دي نسخة واحدة هتبقي معايا
وقت مااطلبك تيجيلي .. يلا قومي البسي هدومك وامشي
كاميليا فضلت مكانها وهي بتترعش
حسام ..يلا مستنيه ايه
كاميليا بضعف .. اطلع بره علشان البس
ضحك بسخرية وبعدين طلع
……………………………….
بعد يومين في الفيلا
كان حازم مرجعش من يوم ما مشي وريم متعرفش هو فين ولا تعرف عنو اي حاجه
ريم رايحة جايه في اوضتها وهي محتارة ومش عارفه توصله الزاي
افتكرت امجد وقالت في نفسها اكيد يعرف هو فين
اتصلت علي امجد بس مكانش بيرد
جربت تكلم شيرين ردت عليها
شيرين .. ريم ازيك
بس ريم علطول قالت .. امجد فين ياشيرين
شيرين باستغراب .. في شغله . في حاجه ولا ايه .
ريم .. لا لا مفيش . انا بس كنت هسأله علي حازم . علشان تليفونه مقفول
شيرين .. طيب هكلملك امجد واسأله
ريم .. ما انا كلمته هو كمان مابيردش
شيرين .. هو امجد كده علطول مبيردش علي الموبايل بس اكيد عندو شغل . لما بيبقا مشغول يابيقفل الفون
يا مش بيرد . خلاص انا هحاول تاني ولو مردش هسألهولك لما يرجع البيت
ريم .. ماشي ياشيرين . عاوزة حاجه
شيرين .. سلام ياحبيبتي
ريم قفلت معاها وقعدت علي السرير وفضلت تعيط
………………….
في اوضة هنا
هنا واقفه في البلكونة شافت تامر خارج من الفيلا
هنا بسرعة نزلت وخرجت علشان تتكلم معاه
تامر بيفتح باب العربية لقي هنا
هنا .. تامر . ممكن نتكلم
تامر .. نتكلم في ايه
هنا خدت نفس وقالت .. مش هنرجع
تامر فضل ساكت
هنا .. لسه بتحبني ياتامر . رد عليا ياتامر . لسه بتحبني
تامر بهدوء … لسه بحبك
هنا وهي مش مصدقه .. بجد .
مسكت ايده وقالت بفرحة .. وانا كمان لسه بحبك . سكتت ثواني وبعدين قالت .. يعني هنرجع
صمت تامر لثواني وهو بيفكر في بنته وبعدين قال .. لو عاوزة
هنا ابتسمت .. خلاص طلق مراتك . وبعدين نرجع
لكن تامر رد عليها برد صدمها وقال .. بس انا مش هطلقها . لو عاوزة ترجعي ارجعي وهي موجودة
هنا بصدمة .. انت بتقول ايه . عاوزني ارجع وانت علي ذمتك واحده تانية
تامر .. فكري ولو موافقة كلميني
هنا سكتت ثواني وبعدين قالت .. لأ مش موافقة ياتامر
………………………………
تاني يوم قدام الجامعة
كريم واقف ساند علي العربية وهو بينقل نظره على البنات اللي خارجين من الجامعة
دينا من وراه .. بتبص علي ياكريم
لف كريم وقالها .. ببص علي ايه
دينا .. انا اللي بسألك . واقف تبص علي البنات ليه
كريم .. انتي هبله يابت . انا كنت ببص عليكي اشوفك . انتي مبترديش علي التليفون ليه
دينا .. مسمعتوش
كريم .. طب اركبي
دينا ركبت وكريم لف وركب
كريم .. هتروحي ولا هتروحي فين
دينا .. اه روحني
كريم وهو بيشغل العربية .. مش كنتي جيتي قعدتي معانا احنا بدال عند خالتك
دينا .. لا ياشيخ
كريم .. وفيها ايه . مش بيت خالك بردو
دينا .. اطلع ياكريم ربنا يهديك
سكتت ثواني وبعدين قالت .. بعدين انا اصلا خلاص مسافرة بعد يومين لماما
كريم وقف العربية .. ليه
دينا .. علشان عندي اجازه طويله هسافر واقضيها مع ماما
كريم غمزلها .. طب ماتقضيها معايا انا
دينا بحدة .. اطلع ياكريم
………………………………..
في الفيلا
ريم في اوضتها بتعيط في حضن شهيرة وهي بتقول.. سابني ومشي ياخالتو ومش بيرد عليا
شهيرة .. ياحبيبتي هيرجع . هو بس تلاقيه عندو شغل ومشغول فيه
ريم .. مشغول لدرجة قافل تليفونه ومش عاوز يكلمني ولا يسأل حتي عليا .. لا ياخالتو حازم زعلان مني وقاصد ميكلمنيش
شهيرة .. هو ميقدرش يستغني عنك . وهتلاقيه جي يصالحك
ريم مسحت دموعها وقالت بشرود .. هو استغني خلاص
بصت لشهيرة .. بقالو اسبوع مفكرش يسأل عليا
……………………..
عند بوسي دخلت الشقه وهي تايهه بعد مارجعت من عند الدكتور وهي في أديها تحاليل واشاعات
………………………
عند شيرين كانت ريم عندها
امجد دخل وسلم علي ريم اللي اول ماشافته قامت وقالتلو .. حازم فين يا امجد
امجد .. حازم في مأمورية تبع الشغل
ريم .. وهيرجع امتا
امجد .. ممكن بعد اسبوع
ريم بصت لشيرين وبعدين خدت شنتطها ومشيت
………………………
مساء ا
عند ياسين وقف بالعربية قدام الفيلا وقبل ماينزل اتصل علي انجي وقالها تنزل
بعد دقايق ياسين واقف ساند ظهره علي العربية وانجي جات عليه
انجي .. في ايه . قولت انك عايزني وانزليلي . فيه ايه بقا
ياسين مسك أيدها وقربها ليه وقال .. عاوز حضن
انجي .. انت بتهزر
ياسين .. بتكلم بجد . عاوز حضن قبل ما اطلع انام . ممكن
انجي .. اشمعنا يعني
ياسين .. مش هعرف انام غير لما اخده . يرضيكي منامش
انجي .. ياسين بطل بقا واتلم
ياسين .. مش كل مرة هفكرك انك مراتي .وبعدين دا حضن بريئ
وفتح ايده .. يلا تعالي
انجي تمتمت .. انت مجنون
وبعدين قربت بهدوء وياسين حضنها
ياسين وهو لسه حاضنها .. حلو اوي
انجي .. هو ايه
ياسين .. الحضن
انجي بهمس.. ياسين حد يشوفنا
ياسين اخيرا بعد وباسها علي راسها وقالها .. اطلعي
انجي مشيت بسرعة
وياسين طلع سيجاره ولعها خد منها نفس وهو بيبتسم عليها
…………………………
عند بوسي
طلعت من الحمام بعد ما خدت دش وبعدين لبست الاسدال ووقفت تصلي
بوسي فضلت تصلي وتدعي ربنا يسامحها ويغفرلها وهي بتبكي وهي بتدعي كمان ربنا يشفيها
…………………
بعد اسبوع كان عدي اسبوعين علي غياب حازم
ريم وشهيره كانو قاعدين
وحازم برة كان داخل وهو بيتكلم في التليفون وبيقول .. خلاص ياأمجد . قولتلك انا هتصرف
قفل معاه وبعدين فتح الباب ودخل
ريم اول ماشافته حست أن روحها ردت فيها وقامت بسرعة جريت عليه وحضنته وهي بتقول .. وحشتني . وحشتني اوي
يتبع….
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة من هنا
جميع الروايات كامله من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق