رواية أحببتك يا صغيرتي الحلقه الخامسه عشر حتى الحلقه الثانيه والعشرون بقلم رائد عبد الحميد حصريه وجديده على مدونة النجم المتوهج
رواية أحببتك يا صغيرتي الحلقه الخامسه عشر حتى الحلقه الثانيه والعشرون بقلم رائد عبد الحميد حصريه وجديده على مدونة النجم المتوهج
قصه احببتك يا صغيرتى قصه كامله
فقلت وانا باصرخ فيه. انت بتعمل فيا كده ليه ؟
لاول مره اخاف منك مش انت حسن صاحبى واستاذى
واخويا و...
وقطعت كلامى لما شفت تحول نظرته من الحنيه والحزن لنظره خوفتنى.
وقال:هدى انتى بتعتبرينى اخوكى؟هو مش اتكلمنا فى
الموضوع ده قبل كده وقلتلك انا ابن عمك مش اخوكى؟
صح ولا لا؟ردى عليا؟
فهزيت راسى باه وكنت خايفه لانه اول مره يتنرفز عليا
ويزعقلى.
فقال:هو انا فعلا بالنسبالك مجرد اخ ردى بصراحه يا هدى
وماتخافيش منى؟انا عايز القاعده دى بينا تبقا صريحه لابعد
حد؟
فاحترت اقول ايه فقلت:انت طول عمرك غالى عليا؛يعنى لو
سالنى حد مين اخوكى هاقول حسن؛ولو سالنى مين
صاحبك هاقول حسن؛اى سوال لاى حد يكون عزيز عليا
هيكون حسن هو ده الجوايا ناحيتك.
فتنهد وقال:طيب ايه الشى الممكن يبعدك عنى؟
فبصتله وتنحت وقل: وليه ابعد عنك؟
فقال:مثلا لما تتجوزى؟
فبصيت للارض وقلت:بس انا مش هاتجوز ابدا.
فعقد حواجبه وقال:ليه هو مش اى بنت بتبقا عايزه تتجوز.
فقلت:بس انا مقرره بينى وبين نفسى كده.
فابتسم وقال:عشانى؟
فبصيت للارض وقلت:هو انا حاسه فعلا انه مش هينفع
نبعد عن بعض كاننا توام بس بعد اللحصل النهارده وسكت.
فقال:هدى انا اسف على الحصل وصدقينى مش هيتكرر
تانى.وعشان خاطرى سامحينى وماتزعليش وما تخليش الحصل يبعدنا عن بعض.
فقلت:مش هينفع يا حسن . انا بجد اتصدم؛ انت طول
عمرك بتحافظ عليا من الهوا فانت التعمل كده.
فقرب وشه منى وقال:طيب ما انتى عملتى معايا كده من
قبلى.
فقلت:امتى ده حصل؟
فابتسم وقال:لما كنتى خايفه وانا لفيت ايدى على كتفك
وانتى اول ما قربتى من حضنى نسيتى الدنيا والحواليكى؛
حتى بعد ما الناس نزلت؛فضلتى فى حضنى وما كنتيش
راضيه تفتحى عنيكى.
انا اتكسفت من كلامه وادايقت من نفسى وحسيت ان
فعلا كلامه صح انا الشجعته لما قبلت من الاول بالحصل
وغمضت عنيا ورجعت دماغى وضهرى على الكرسى
ودموعى نزلت منى من جديد؛بس
المرادى زعلانه من نفسى مش منه.
هو مهما كان شاب ودرجت الارتباط البينا فى البيت مع
قربى منه بالشكل ده يمكنالخلاه يفقد اعصابه ويعمل
حاجه زى كده ويحضنى تانى.
وزعلت قوى من نفسى.
فلقيته طلع منديل ومسح دموعى من غير ما يلمسنى
بصوابعه .
وقال:هدى الا دموعك ما تتصوريش بتكوينى ازاى.
هدى انا اسف على الحصل واسف انى اتعديت حدودى.
ارجوكى سامحينى وما تزعليش منى.هدى دى اول مره
اغلط فى حقك من واحنا صغيرين واول مره اقولك
سامحينى هتكسفينى يا هدى.
ففتحت عنيا وبصيتله فى عنيه وانا ساكته.
فقال:عشان خاطرى ماتفقديش ثقتك فيا وصدقينى مش
هاكررها تانى بس ما تزعليش منى وانسى النهارده بكل
الفيه.
فبصيت لقدام وقلت:يعنى الحصل مش هيتكرر تانى
وهترجع تحافظ عليا وتعاملنى زى الاول ؟
فابتسم وقال:ان شاء الله يا هدهوتى.
فابتسمت ومسحت دموعى لانه النهارده اول يوم يقولى
هدهوتى من واحنا صغيرين.لانه كان هو الوحيد البيدلعنى
بالاسم ده.
فمدلى العصير تانى وقال: يلا اشربى العصير وروقى
ورجعيلى الضحكه الحلوه دى تانى.
وشربته وروحنا.
وعدى علينا كام يوم مشغولين فى المذاكره بالجزء
الحددهولى؛وهو بالمراجع بتاعته.وبعد ما خلصت الجزء
بتاعى اخدنى الكورنيش.
واتمشينا فى الهوا الطلق واشترينا لب وسودانى وشربنا
حاجه ساقعه وجابلى بطاطا وترمس وخليته يركبنى
مركب.
وكنت فرحانه قوى فقلت:عارف ياحسن انا مش محتاجه
انه فى يوم من الايام يبقى عندى حبيب؛لانك معوضنى
عن اى راجل تانى.ايه رايك احنا نعمل اتفاق انى ما
اتجوزش ولا انت كمان؛ونفضل كده على طول مع بعض.
فقالى:هو ده اخرتها يعنى افسحك وادلعك وبدل ما
تتمنيلى الخير تقولى ما تتجوزش.ليه كده يا هدى؟.
فقلت:يا حسن انت لو اتجوزت مراتك مش هترضى تخليك
تخرجنى ولا تتعامل معايا زى دلوقت؛وانا بصراحه مش
هاقبل ان معاملتك ليا ودلالك ليا من صغرى واهتمامك بيا
يقلوا عشان مراتك وغيرتها .
وكمان انا لو اتجوزت اكيد جوزى مش هيرضا مثلا هو يبقى
فى الشغل وانت بتفسحنى.
وممكن يقولى اقطع علاقتى بيك خالص وده صعب عليا يا
حسن.عشان خاطرى فكر كويس فى كلامى وهتلاقيه
صح .
فبص للسما وابتسم وغمض عين واحده وقال:هو انتى
معاكى حق.بس انا راجل وعايز اتجوز ويبقى عندى مراتى
وولادى واخرج مع مراتى واهتم بيها؛والعب مع ولادى
واحس بان عندى اسره مسئوله منى.ما انا مش هافضل
طول عمرى ليكى وبس؛ومش ورايا غيرك.
فبصيتله بحزن وقلت:كده يا حسن اهون عليك برضوا.
فبصلى وهو ما زال بابتسامته وقال:خلاص ما تزعليش؛انا
ممكن امشى كلامك كله زى ما انتى عايزه بس بشرط.
ففرحت جدا وقلت:وانا تحت امرك قول كل شروطك وانا
موافقه عليها من غير ما تقول.
فضحك وقال:طيب اعرفيه مش يمكن ما يعجبكيش؟.
فقلت:صدقنى موافقه على كل شروطك؛وعلى العموم
قول.
فقال: انتى دلوقت مش عايزانى اتجوز عشان مراتى ما
تغيرش منك وما تاخدنيش منك؛وانا عايز اتجوز ويبقى
عندى بيتى وزوجتى واولادى وواحده تهتم بيا؛وبكل حاجه
تخصنى وكده.يبقى نشوف حل يرضى جميع الاطراف.
فقلت: طيب وايه هو الحل ؟
فبص فى عنيا وقال:تبقى انتى مراتى .
فبصتله باندهاش وغمضت عنيا كذا مره ونفضت دماغى
وقلت:مش فاهمه ازاى يعنى ؟
فقال:ايه ياهدى بقولك تبقى انتى مراتى.يعنى تتجوزينى.
وده الحل الوحيد عشان نفضل مع بعض دايما.
فسكت وانا بفكر فى كلامه وما اتكلمتش لا انا ولا هو ولا
كلمه لغايه لما روحنا.
وباقى الاجازه مش عارفه ايه التغير جوايا اول ما اشوفه
ابقى مكسوفه مش عارفه ليه؛ومش قادره ارفع عينى فى
عينه وما اتكلمتش تانى فى الموضوع ده ولا هو كمان.
وكان اوقات بيذاكرلى لانى خلاص هادخل تانيه ثانوى
وجابلى ملخصات ومذكرات وذاكرت جزء كبير من المنهج.
ومرضيش يخلينى اخد دروس خصوصيه زى اصحابى ورفض
حتى انهم يجيبولى مدرسين البيت.
وقال لبابا وعمو:انا طول عمرى بذاكرلها ودايما من الاوائل.
فقالوا:بس دلوقت الموضوع يختلف لانها فى شهاده.
هو قال:انا هاذاكرلها وانتوا تعالوا فجاه واسالوها؛او هاتوا
مدرسين من المدرسه يعملولها امتحان ولو قل مستواها
يبقى حاسبونى وما تسمعونيش تانى.
فكانوا معترضين لانه هو طب وانا تانيه ثانوى يعنى الاتنين
مافهمش هزار بس مع اصراره اتفقوا يدوه مهله فعلا
ويشوفوا الدنيا هتمشى ازاى.
الحلقه الثامنه عشر
و
الحلقه التاسعه عشر
قصه احببتك يا صغيرتى قصه كامله
فكانوا معترضين لانه هو طب وانا تانيه ثانوى يعنى الاتنين مافهمش
هزار بس مع اصراره اتفقوا يدوه مهله فعلا ويشوفوا الدنيا هتمشى
ازاى
وكان بيصعب عليا قوى لما احس بتعبه وانه مش قادر يفتح عنيه وهو
بيذاكر وعايز ينام من التعب.
فقلتله:كفايه يا حسن مذاكرتك عليك وسيبنى انت بجد بتصعب عليا.
قالى:لو عايزه تساعدينى تذاكرى كويس ومتخلنيش اخسر التحدى معاهم.
لان ده هيتعبنى قوى من جوايا. وفعلا بقيت بذاكر كتير بالرغم من انى دايما من
انا من الاول ذاكرتى كتير؛بس المرادى كان هدفى ان اخفف حملى من على
حسن عشان يفضى لنفسه ومش بخليه يذاكرلى كل الدروس يعنى
انا بذاكر الماده من كتاب المدرسه والملخص واحل كل اسئلتها
والامتحانات واى اوراق حسن بيجيبهالى من اخوات اصحابه وبخليه
على قد ما اقدر يشرحلى المش فاهماه او اسال مدرسين المدرسه.
بالرغم من اعتراضه؛بس انا كنت بذاكر اللسه هيدهونى عشان افهه
بسرعه وهو بيشرحلى.
وبطلت خالص ان اطلب منه انه يخرجنى وكنت براجع باستمرار
عشان ما انساش ويحتاج يشرحلى تانى.
وكنت بحل امتحانات كتير على كل جزء باقراه ومن كذا ملخص.
واخدت كل الاجازه بتاعت تانيه وتالته ثانوى وما خرجتش الا مرات
قليله وكانت تحت اصرار حسن
لانى ماكنتش عايزه اتقل عليه اكتر من كده.
فكنت بقوله نروح مثلا مطعم نتغدى فيه او نتمشى شويه بالعربيه
ونرجع عشان عليا مذاكره ومش فاضيه.
انا كنت بقول كده عشانه عشان عارفه انه فعلا هو مش فاضى
وعارفه انه عايز يفرحنى حتى لو على حساب نفسه ؛وانامش عايزه
اكون السبب فى تاخير مذاكرته وكفايه التعب البشوفه بعينى وكنت
بحس انه كل ما سنه تعدى من كليته بيتعب فى المذاكره بتاعته
اكتر فبيصعب عليا اكتر وده بيدينى دفعه اكتر للمذاكره
الحلقه التاسعه عشر.
لما حصلت صدمتى الكبيره وبابا مات .
حسيت انى اتزلزلت وان الدنيا اتهدت عليا .
حسيت انى اتعريت قدام الناس بعد ما كنت متغطيه .
حسيت ان الدنيا مجرد هوا وسراب مالهاش لزمه .
كانت ايام صعبه عليا وعلى ماما.
وماما تعبت جدا نفسيا وخالتوا كانت مش بتسيبها خالص .
وانا كنت مش باخرج من اوضتى كنت بحس انى لو خرجت منها
هاضيع واتوه وكنت اكتر الوقت بعيط فيها وحسن من ايام العزا ما
سابنيش خالص؛ كان دايما معايا.
كنت ببقى بعيط ومش حاسه بنفسى ودموعى مغرقه وشى من غير ما احس
وبحس انى وحيده بس لما بيجى حسن بحس انه لسه ليا باب
يتقفل عليا وانا لسه مش ضايعه فى الدنيا.
واول مره اخدنى فى حضنه انهرت وفضلت اعيط لغايه لما تعبت
ونمت فى حضنه ولما افوق الاقيه جنبى
بمجرد ما اشوفه انهار وهو يضمنى ليه لغايه ما اهدى.
قصه احببتك يا صغيرتى قصه كامله
وانام وكانت حالتى بتسوء اكتر وهو دايما يكلمنى ويصبرنى .
انا ما كنتش معترضه.بس احساس الضياع واليتم احساس
وحش قوى؛وهو جاب سرير تانى فى اوضتى وبقا بيفضل معايا. لانى
اخدت فتره تعبت نفسيا وكان بيجيلى كوابيس بالليل وكنت بقعد
اصرخ لغايه لما حد يصحينى فكان يصحينى وياخدنى فى حضنه
ويهدينى ويقرا عليا قران لغايه لما انام تانى.
وما انساش لما قالى:اوعى تحسى انك لوحدك انا طول ما فيا نفس
وقلبى بيدق؛ان شاء الله هافضل جنبك سندك وحمايتك وضهرك
وعكازك. اوعى تخافى من الدنيا ولا تضعفى .
وكل التحتاجيه اطلبيه منى زى الاول وانا مسئول عنك بس شاورى
وامرى وانا تحت امرك .
وخليكى دايما فاكره انى انا ومالى وصحتى وكل ما املك ملكك
لوحدك وتحت امرك ورهن اشارك فهمانى عايز الكلام ده ماتخلنيش
افكرك بيه ابدا عايزك دايما فاهماه وعارفاه ومتاكده منه.وحاسبينى
عليه لو قصرت عليكى وماتسامحنيش بسهوله لو قصرت فى حقك يا
هدى
وكانت خالتو ملازمه ماما الحالتها فى النازل من بعد وفات بابا.
وعمو كانت حالته مش اقل سوء مننا هو فقد اخوه الوحيد وصاحبه
وشريكه وكل حاجه ليه فى لحظه
وكان لازم يفوق من الصدمه قبلنا لان الشركه دلوقت مسئوله منه
هو وبس.
وعدت الايام وخلصت الثانوى بالمجموع الانا عايزاه ودخلت الكليه
الكان نفسى فيها لانه دايما كان نفسى ابقى مترجمه فوريه.
من فتره فى اسلئه جوايا محيرانى ونفسى اسالها لحسن وكل ما
اكبر بحس ان الاسئله دى بتكبر معايا.بس ما عنديش الجرائه انى
اسئل حسن عليها.ولما افكر فيه هو انسان محترم وسيم متدين
معتدل فى تدينه وبيغير عليا جدا.بس باسال نفسى الغيره دى بصفتى ايه فى حياته؟.
احيانا كنت بستغرب انه ممكن يهزر معايا بايده او يحط ايده على
كتفى او يبصلى وينسى نفسه ومش ببقا فاهمه سر النظره دى.
يعنى انا بفهم حسن فى حاجات كتير من غير ما يتكلم
الحلقه العشرين والحادي والثاني والعشرون
من الوقت ده وانا بحس انا فى جزء جوه حسن مبقاش زى
الاول مش عارفه ليه.
بس ولما سالته ابتسم وقالى:لما تكبرى هتعرفى.
بس الجديد انه كان بيسمحلى انى اتمادى معاه بالكلام
والهزار واحيانا بابقا متعمده ده عشان استفزه واشوف ردت
فعله .
بس بلقيه عادى ومبسوط ومش بيدايق زى الاول
وبالرغم من كده شفت التحفظ العنده فى التعامل مع
باقى بنات العيله طيب اشمعنا انا؟
ولما ضميرى انبنى قوى ومش قادره افكر الا بالموضوع ده
رحت اساله واتكلم معاه بصراحه مش زى المره الفاتت
سوال وخلاص .
انا كل المخوفنى انه ممكن يكون بيعمل ده من واقع
العشره البينا او بيعتبرنى زى اخته اوان ده مش مقصود
منه.وان كلامى يفتح عينه ويبعده عنى.
بس اتفاجئت لما قالى:انا استنيت السوال ده من زمان بس انتى ما سالتهوش.
فقلت:طيب انت عندك رد عليا.اصل انا كنت بقول ان ده
بيحصل لاننا متربين مع بعض وعشان كده واخد عليا اكتر
من باقى بنات العيله.يعنى انا عارفه انك لما تمسك ايدى
او تحط ايدك على كتفى حتى لو هزار ده حرام؛.ولما اعيط
وتاخدنى فى حضنك ده حرام؛.
وانت مش هترضى ليا ولا ليك بالحرام صح ولا لا.
فابتسم وقال:عمرى ما رضيت ولا هارضى بحاجه حرام بينا
يا هدى.
فقلتله:يعنى ده حلال؟
فقال:اه حلال ياهدى.
فقلت:طيب كويس.قلى ازاى مش فاهمه؟
فضحك وقال:لما تكبرى هتعرفى.
فقلت:يا حسن انا زهقت من كتر التفكير فى الموضوع ده.
وبعدين ما انا كبيره يعنى هكبر لغايه اد ايه التقصدها.؟
فقال:لسه كام شهر تانى.لما تكملى 18 سنه.
فتنهدت وقلت:ليه يا حسن انت هتعرفنى سر تحرير
فلسطين يعنى؟ولا هتفتحلى كنز.
فابتسم وقال:يمكن.
فقلت:طيب يعنى لما تطبطب عليا وتحط ايدك عليا حلال
ولما تحضنى حلال ؟
فقالى:اه يا هدى حلال.
فقلت وانا صبرى بينفذ:هو انت اكتشفت انك اخويا من
الرضاعه؟
فضحك وقال:ازاى يا هدى وانا اكبر منك بخمس سنين؟
فاتنرفزت وقلت:طيب يعنى انت كل ده لو عملته معاك
حلال ومع باقى شباب العيله عادى برضوا حلال؟
فوقف من على الكرسى وراى المكتب وقال:لا طبعا.انا لو
شفتك بتهزرى مع حد فيهم حتى بالكلام مش بالمس
هكسر دماغك. سامعه؟
فوقفت انا كمان ولفيت ورحت وقفت قدامه وقلت:يا سلام
اشمعنى انت؟
فقال بنرفزه:قلتلك لما تكبرى هتعرفى.
فاتغظت منه وكان نفسى اضربه وكورت ايدى فعلا عشان
اديه بكس فى وشه؛
بس هضرب مين وهو ماشاء الله كتفنى فى غمضت عين
كالعاده.
وضحك عليا وقال:واضح ان اللياقه عندك محتاجه تعديل
شكلك سايبه التمارين ليكى كتير يا هدهد؟
فقلت بغيظ:عارف من كل الالعاب العلمتهانى نفسى فى
ايه؟
فميل عليا وقال:نفسك فى ايه؟
فقلت:نفسى اكتفك زى ما انت عامل فيا كده واضربك لما
اشبع واشفى غليلى.
وهو ساب ايدى الكان لاففها ورا ضهرى وقعد يضحك لدرجه
انه اترمى على السرير الجنبه؛ لانه عارف انى فعلا
متغاظه منه؛وضحكه بيغيظنى اكتر.
وانا بسرعه مسكت ايده وتنيتها ورى ضهره وضربته فى
كتفه.
وقلتله بكل زهو وانتصار:ما تلعبش تانى مع الكبار يا شاطر.
فقالى:طيب لو فى لحظه لفيتك وخليتك انتى مكانى وانا
مكانك اعمل فيكى ايه؟
فمسكت دراعه الكنت لفاه ورا ضهره باديا الاتنين وقلت:لا
كده خلاص مش هتقدر وكده انا الفائزه.
وفى لحظه كان فك دراعه منى وبدل ما يقوم شدنى على
السرير .
وكان ضهرى على السرير ووشى ليه وطرحتى اتفكت.
وهو فضل مبتسم وبيبصلى ويتامل فيا بشكل كسفنى
ولان شكلناكده مش كويس؛ووضعنا غلط وكمان شعرى من
وقت تعبى ما شافوش وده عدى عليه سنين.وهو كان
بيحبه واحنا صغيرين.
فقلت وانا مكسوفه:يا حسن ابعد.
وفجاه لقيته ميل عليا وباسنى.
وانا اتنفضت وزقيته وقمت بسرعه وانا
بقول:انت عملت ايه يا حسن انت اتجننت.
وقبل ما يرد سبت الاوضه وجريت على اوضتى
وقفلت على نفسى بالمفتاح؛وانا فى قمت صدمتى من
الحصل.وفضلت افكر احنا مش اول مره نهزر مع بعض
كده.بس اول مره حسن يعمل كده.وافكرت لما حضنى من
سنتين فى الملاهى فى بيت الرعب.ولمت نفسى ان
صدقته لما وعدنى انه مش هيتعدى حدوده تانى.
وسمعته بيخبط وبيقولى افتحى ياهدى.
وانا كنت خايفه منه ومرضتش افتح وقلت:بالله عليك سيبنى لوحدى وماتدخلش.
لانى عارفه انه معاه نسخه تانيه من مفتاح الباب وممكن
يدخل بيها؛وفضلت اعيط لغايه لما نمت.
الحلقه الواحده والعشرين
وعدى عليا وقت مش عارفه قد ايه وانا مش حاسه
بالحواليا.بس لما صحيت وكنت مش قادره افتح عنيا من
الصداع وحسيت ان فى قماشه مبلوله على دماغى
وسمعت صوت ماما بتكلم حسن وبتقوله:معلش يا ابنى
احنا دايما تعبينك معانا.قوم يا حبيبى ناملك شويه وارتاح
كفاياك سهر لحد كده .
فقال:انتى عارفه يا طنط انا مش هاقدر انام الا لما اطمن
عليها .وهيا ان شاء الله لغايه بالليل او بكره بالكتير هتبقا
اتحسنت وهتفوق؛وتبقا كويسه والسخونه الحمد لله ابتدت
تنزل.
فقالت:ربنا يطمنك يا حسن؛قوم ياحبيبى كفايه ياابنى
وارتاح وانا هافضل جنبها.انت ذنبك ايه بس؟
دا انت ماخرجتش من اوضتها من ساعت ما تعبت ولا
روحت كليتك ولا ذاكرت حاجه.
دا انت تعبت معاها اكتر منى وانا امها.
فقال:ايه يا طنط انتى ناسيه انها مراتى ولا ايه؟.
انا كنت سامعه الحوار وفاهمه انه بيتكلموا عليا بس لما
قال مراته انا خفت وقلبى اتقبض.
قلت:مراته .ايه ده حسن اتجوز؟.
طيب امته وازاى هو انا تعبانه ليا كتير ولا ايه.
وفتحت عنيا بصعوبه.وفضلت ادور على مراته عشان
اشوفها بس ما لقتش غير حسن وماما كانت شايله صنيه
الاكل بتاعت حسن وخارجه..
وبصتله وانا مخنوقه وقلت:حسن انت اتجوزت؟
طيب امتى وازاى؟طيب وانا ؟
ودموعى ابتدت تنزل .
وقلت:يعنى خلاص مش هينفع ادخل اوضتك زى الاول ولا
اكلمك ولا اهزر معاك تانى.
يعنى بقالك حد غيرى ياحسن تكلمه وتهزر معاه وتشكيله
همك.ليه بس ياحسن كده؟.
خلاص جبت الهتمنعنا عن بعضطيب هو انت كده خلاص
هتمشى وتسيبى وتروح تسكن فى بيت تانى؟
خلاص يا حسن انا ما بقاش عندى حسن؛
بقا لواحده تانيه.
كان بيبصلى كانه بيستوعب البقوله وبعدها.
قال:هدى انا......
فقاطعته وقلت وانا منهاره وصرخت:خلاص اسكت كفايه
السمعته اطلع بره برهمش عايزه اشوفك تانى.
حرام عليك ليه عملت فيا كده؟
هو طول ما انا باتكلم بيحاول يقاطعنى ويهدينى؛بس انا ما
سمعتوش كنت مصدومه وحاسه بضياع كبير وحاسه انى
فى صحراء وما فيش حد معايا ولا جنبى .
حتى حسن الطول عمره معايا وماسك ايدى وبيشاورلى
على الطريق عشان ما توهش ضاع منى وساب ايدى.
وفضلت اعيط وخبيت وشى بالمخده وانا منهاره.
وحسيت بيه بيدينى حقنه فى دراعى وبعد شويه نمت
على طول؛
وصحيت لقيته نايم جنبى على السرير وايده على عنيه.
ودى اول مره ينام على سرير انا نايمه عليه.
فقلت:حسن.
فنزل ايده بسرع ونام على جنبه وبصلى وقال:يا عيون
حسن.انتى صحيتى يا هدى.حاسه انك احسن دلوقت؟
فبصتله وعنيا ابتدت تدمع.وانا مش قادره اتخيل انه دى اخر
مره اتعب وحسن يكون فيها جنبى
وقلت فى نفسى خلاص مبقاش ليا سند فى الدنيا حت
انت ياحسن
ولو مراته شافته كده جمبى اكيد هتزعل ومش بعيد تخليه
يقطع علاقته بيا .
وقطع تفكيرى لما قال:هدى..اهدى يا حبيبتى واسمعينى
كويس.شوفى ياهدى من وقت ما طنط كانت حامل فيكى
وعرفوا انك بنت؛وقالولى دى بتاعتك ولما تكبروتتولد انت
الهتاخد بالك منها وتلعب معاها.
وكنت بستنى انك تتولدى بفارغ الصبر؛وكنت سعيد جدا
لما اتولدتى .
وكنت شارط عليهم انى اول واحد اشيلك.
وطنط قالت:انى اخترلك اسم وانا السميتك هدى على
اسم بنت كنت سمعته فى التلفزيون مع جدو الله يرحمه.
وكنت سعيد جدا بيكى ان فيه طفل معايا يلعب معايا ويكبر
معايا.وكنت لما بتعيطى بالليل بصحى واجيلك واقعد
الاعبك بيبي بالتيتينةواهز السرير بيكى عشان تبطلى عياط.
واحيانا كنت باوصلك قبل طنط؛وافضل قاعد معاها لغايه لما
ترضعك باكلوتنامى.
وبعدها علمتنى ازاى اديكى الببرونه بيبي بيرضععشان لوصحيتى
وهيا ما حستش بيكى.
ولما كبرتى كنت بحس ان مسئوله منى وبتاعتى وكنت
بخاف عليكى قوى حتى وانتى بتحبى كنت بحبى معاكى
ولما اكنتى بتتعلمى المشى كنت باسندك.
عارفه لما دخلت المدرسه كنت زعلان جدا انى هابعد عنك
وانا متعود اصحى وانام معاكى
بس ماما قالتلى انى لازم اتعلم عشان لماتكبرى اذاكرلك
عشان المدرسين ما يضربكيش لما تكبرى.
وفعلا كنت دايما بحب اذاكر سواء فى الدراسه اوالاجازه.
وبحب افهم كل حاجه عشان اعلمهالك وده السبب الكان
بيخلينى اذاكرلك فى الاجازه .
عشان لما ترجعى المدرسه تبقى فاهمه كل حاجه
ومحدش يبقا اشطر منك؛والمدرسين يحبوكى ومحدش
يزعلك ابدا.
عارفه دايما حاسس انك حته منى بتاعتى انا وبس؛كنت
بخاف عليكى من كل حاجه.
الحلقه الثانيه والعشرين
حتى من نفسى فاكره لما علمتك السباحه معايا.
لما لقيتها عجبتك وانتى بتشوفيها فى التلفزيون.
خفت قوى انك تنزلى البسين من ورايا واحنا فى النادى
وتغرقى؛عشان كده فى نفس اليوم ابتديت اتكلم
معاهم فى البيت عشان يعملولى بسين هنا فى البيت
وطبعا كان لازم يودونى اتعلم فى النادى.
وما رضتش اخليهم يعلموكى فى النادى وعلمتك انا فى
البيت هنا .
كنت خايف عليكى قوى خايف ان المدرب ما ياخدش باله منك وتغرقى.هو ده تفكيرى وقتها.
حتى اى لعبه او حركه كانت بتعجبك كنت بحب انا الاتعلمه
واجى اعلمهالك بالراحه عشان محدش يزعل ولا يضربك.
وطبعا لما ابتديتى تكبرى وكنتى هتخلصى
ابتدائى.وحسيت انك هتبداى تبقى انسه.
زعلت انك كده المفروض تتغطى عنى وتتحجبى وروحت
اتكلمت مع ماما وقلتلها الجوايا .
بس هيا قالت:ان ده الصح ودينابيقول كده وكل ما انتى
بتبقى بحجابك ومتغطيه كويس لازم احس انى بحفظك
زى اللولو فى الصدف؛وطلبت منى ان ابتدى اكلمك
وافهمك ده عشان انا اكتر حد انتى بتسمعيله ولو جات
منى مش هتعارضى.
وفى نفس الوقت بقى بحافظ عليكى حتى من نفسى.
وفعلا كنت دايما بحافظ عليكى وعايز اداريكى من عيون
الناس .
فاكره كنت دايما بخرج معاكى عشان تشترى لبس
الخروج.عشان ابقا متاكد انك وانتى بعيد عنى محدش
هيشوفك بنظره كده او كده .
من صغرى بغير عليكى ؛
قصه احببتك يا صغيرتى قصه كامله
ومش بحب حد يلمح اى حته من جسمك.
فاكره وانا فى ثانوى لما تعبتى وانتى كنتى فى
ابتدائى.وكان فى حقنه انتى بتاخديها كل يوم لمده اسبوع
فاانا فكرت وقلت فى نفسى طيب انتى دلوقت صغيره؛ولو
لا قدر الله تعبتى وانتى كبيره يبقى يجى واحد غريب
يشوفك وانتى بيديكى الحقنه؛ووقتها اصريت ان الراجل ما
يخرجش من هنا الا وهو معلمنى ازاى ادهالك ووقفت
جنبه وهو بيدهالك .
وبعدها لما خرجت قلتله يعلمنى تانى وعايز الطريقه
الممكن تكون سهله عشان ما تالمكيش وانا بادهالك.
وفعلا علمنى ولما سالونى ليه عايز تتعلمها.
فقلت: لانى ناوى ادخل طب ان شاء الله وما ينفعش ابقا
دكتور وما اعرفش ادى حقنه.
وتانى يوم قبل ميعاد الحقنه روحت لعمه واقنعته بالعافيه
انه ما يتصلش بالراجل وانا الادهالك.
لدرجت قلتله تعالى نسال هدى ولو وافقت انا الادهالها
ولو رفضت اتصل بالراجل.
وجه معايا وسائلك وانتى بصتيلى شويه وبعدها ابتسمتى
ووافقتى.
عارفه يا هدى نظرتك ليا وقتها صابتنى فى قلبى على
طولرسالة حب؛بالرغم من انك كنتى لسه خامسه ابتدائى يعنى
طفله.بس صبتينى فى مقتلرسالة حب.
فضلت باقى اليوم سرحان وما ذاكرتش ولا كلمه غير بفكر
فيكى.
واعترفت لنفسى انك ما بقتيش ليا الطفله البحب اهتم
بيها وبحاجتها.شفتك اليوم ده بنظره تانيه؛
نظرت واحد بيحبباحبه يا ماما.
وعشان كده اول مره حبيتى تنزلى معايا
حمام السباحه بعدها؛رفضت وفضلت وراكى لغايه لما
اتحجبتى وما دخلتيش اعدادى الا بحجابك.
وبعدها لما خلصت ثانوى ودخلت الكليه وشفت لبس
البنات .
حسيت قد ايه انا كاتم عليكى ومانعك من حريتك فى
البس وابتديت اشتريلك كل فتره لبس بيت بناتى.
ضيق اوقصير اوبنطلون او برموده او اى حاجه من حاجات
البنات الممكن تفرحك وتحسسك بنفسك وسنك وانك
بنوته حلوه.وانتى فى اوضتك وكنت باديه لماما بينى وبينها
من غير ما حد يعرف.
وهيا بتدهولك على انها جايباه هيا عشان ما تتكسفيش
منى او ترفضى اللبس.
لغايه اليوم الشفتك فيه بهدوم السباحه مستفاجأةوانتى فاكرانى
لسه هتاخر فى محاضراتى.
اليوم ده حسيت انى كنت عماله اداريكى واخبيكى طول
عمرى وابنى فى جبل؛والجبل ده اتهد فجاه .
وقلبى كان بيدق بسرعه وما عرفتش افهم ايه الجويامعجبة..
يا سلام يا سلام يا سلام
فرحان لانى افتكرت انك رجعتى هدى بتاعت زمان طفلتى
وافتكرت ايامنا الكانت بدون قيود وحدود وفى نفس الوقت
زعلت لان كده حرام وان العلمتهولك مش بتطبقيه.
وحسيت بحاجات غريبه حصلتلى انا نفسى كنت بكدبها
على نفسى .وانا بزعقلك ومدايق منك كان نفسى
احضنك.حاجات كتير حاسيتها.بس الحاجه الوحيده الكنت
متاكد منها انك بتاعتى ومش هينفع تبقى لحد تانى.
الحلقه الثالثه والعشرون حتى الحلقه الثامنه والعشرون من هنا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق