رواية حظ عوالم الفصل السابع بقلم الكاتبه الكبيره حنان حسن حصريه وجديده على مدونة النجم المتوهج
رواية حظ عوالم الفصل السابع بقلم الكاتبه الكبيره حنان حسن حصريه وجديده على مدونة النجم المتوهج
الحمل الي في بطني منسوب ل ثلاث اباء ..ومفيش ولا واحد فيهم لمسني
تعالوا نكمل...
لما سمعتهم بيقولو ان حمزة فارق الحياة
فضلت متنحة وبسال نفسي
وقلت..
حمزة مين الي اتوفي ؟
امال مين الي كان معايا في غرفتي حالا؟
دا حمزة لسة حالا كان بينقذني من فؤاد
يبقي م..&ات امتي.. وازاي؟
وفي اللخظة دي رجعت لغرفتي وانا بنادي علي حمزة بيه
لكن ملقتش لحمزة اي اثر
فا زاد جن...&وني وشكيت في نفسي
وعشان اقطع الشك باليقين
فتحت درج التسريحة عشان اشوف ان كانت الشنطة اياها موجوده فعلا ولا لا؟
والمفاجاة اني لقيت الشنطة بالفعل
في اللخظة دي
فتحت الشنطة وبدات اتفحص كل الاوراق الي فيها
وشوفت بعيني عقد الشقة..والفيزا..
لحظتها كنت فاهمة ان دي كل الاوراق الي في الشنطة
لكن...
لما فتشت في الحقيبة اكتر
اتفاجئت باوراق تانية
ووقع في ايدي عقد تاني بخلاف عقد الشقة
بس العقد الجديد كان اهم بمراحل
لان العقد كان ...
(عقد جوازي من حمزة)
ايوه
انا لقيت في الشنطة عقد جواز
بيجمع بيني وبين (حمزة الكاشف)
و تاريخ العقد مكتوب من شهرين ونصف
والغريبة ان حمزة كان كاتب علي نفسة اقرار
والاقرار ..كان بيقر فيه ان الحمل الي في بطني يبقي ابنة ..
ومن صلبة
في اللحظة دي
جريت علي الدكتور
وقلتلة...ارجوك يا دكتور اكشف علي حمزة تاني
حمزة كان لسة معايا حالا وصحتة زي الفل....
دا حتي هو الي اداني الشنطة و الاوراق دي
فا وارد جدا يكون في غيبوبة مؤقتة مثلا
في اللحظة دي
رجع الطبيب ايدي بالشنطة
وبعدها بصلي بثقة
وقالي...لو مش واثقة في تشخيصي اتفضلي هاتيلة طبيب تاني يكشف عليه
لكن..انا بأكدلك انه فارق الحياة
فا رديت وانا برجوه
وقلتلة..معلش برضوا اكشف تاني ارجوك
فا رد الطبيب بضيق
وقالي
اتفضلي بقي اطلعي بره ..خليني اكتب تقريري
عشان نطلع له تصريح الدفن
وبالفعل كتب الدكتور التقرير وطلع لحمزة تصريح دفن واتغسل واتكفن واتحط في النعش
ساعتها انا كنت ببص للنعش وانا بكلم حمزة
وبقولة...هو انت مش قولت مفيش مرض ولا اي قوة علي الارض هتبعدك عني؟
بتخلف وعدك ليا ليه ؟
طب انت رايح فين دلوقتي؟ وسايبني لمين؟
انا مليش حد غيرك
..متسبنيش يا حمزة
ارجوك متسبنيش
وفي اللحظة دي
كانوا وصلوا وبداؤا يفتحوا لحمزة المقبرة
فا حاولت اوصلة عشان املي عيني منه لاخر مره
لكن..
للاسف ...اعترض طريقي راجل كبير في السن ..و منعني من الوصول للمقبرة
فا فضلت اتابعهم بعيني وهما بيساوا عليه بالتراب وكنت مازلت بصرخ وبعيط
للكاتبة..حنان حسن
المهم..
بعد ما انفض العزاء
لميت حاجتي انا وبناتي وكنت ناوية اروح الشقة الي جبهالي المرحوم
لكن...قبل ما اتحرك من مكاني
اتفاجئت بنفس الشخص (الراجل الكبير)
ولقيتة جاي بيعزيني
وبعدها قدملي نفسة
وقالي..انا مدحت محجوب( المحامي)
وكنت عايز اتكلم معاكي في موضوع مهم
فا قلتلة ..اتفضل
فا اخدتي معاه علي غرفة المكتب الخاصة بالمرحوم حمزة
ولقيتة بيقولي
انا عارف ان حمزة بيه متزوج منك زواج شرعي ورسمي
فا سالتة بزهول
وقلتلة..وحضرتك عرفت منين؟
فا رد وقالي..
انا المحامي الخاص بحمزة بيه وكان بيطلعني علي كل اسرارة
واوراقة كلها عندي..ومن ضمنها ( عقد الزواج)
و استرسل المحامي في كلامة
وقالي ..
والمرحوم كمان قالي.. انك حامل منه
ودا طبعا هيعطيكي انتي والي في بطنك الحق في الميراث
فا برقت عنيا وانا بسمع المفاجات الي عمالة تيجي ورا بعضها
وسألت نفسي
وقلت...ايه الي يخلي حمزة يكتب اقرار بان الي في بطني يبقي ابنة؟
معقولة يكون هو الي عمل معايا كدا فعلا
بس امتي وازاي؟
ورجعت قولت لنفسي
طالما حمزة كتب اقرار علي نفسة بان الولد ابنة...يبقي اكيد الحمل دا منه
للكاتبة..حنان حسن
المهم
لما المحامي شافني مصدومة و ببصلة بذهول
لقيتة اختصر في كلامة
وقالي..
عموما تقدري تروحي دلوقتي
وكلها يومين وتستلمي ميراثك
واطمني انا هبدء من بكره في الاجراءات
وهعمل حصر للتركة
بس الاول لازم استخرج اعلام الوراثة
وبعدما انتهي المحامي من كلامة
مد ايده ليا بالكارت بتاعة
وقالي..اتصلي بيا لو احتاجتي لاي حاجة
فا هزيت راسي بحزن
وقلتلة...شكرا
للكاتبة..حنان حسن
المهم
بعدما انتهيت من كلامي مع المحامي
لقيت مديرة المنزل جايبة شنطة هدومها وبتغادر بيت حمزة بيه
فا عملت زيها ...واخدت بناتي ومشيت انا كمان...
اصل انا كنت سمعت ان حمزة له عمة عايشة في بلاد بره وخوفت لا عمتة تيجي تحاربني علي الميراث
وبصراحة انا كنت ساعتها مش حمل اي حروب
عشان كدا قررت اغادر البيت
واروح اعيش في الشقة الي جبهالي حمزة باسمي
وبالفعل اخدت البنات وطلعنا علي شقتنا الجديدة
وبمجرد ما شوفت الشقة
افتكرت حمزة ورجعت اعيط عليه تاني
اصل برغم ان الشقة كانت جميلة .. وفي منطقة راقية ..
لكن احساسي بفقدان حمزة ...كان ممرر عيشتي...ومضلم الدنيا في عيني... ومكنش محسسني بطعم الفرحة نهائي
و الحاجة الوحيدة الي كانت مخلياني بحاول اتماسك هي (البنات)
عشان كده جيت علي نفسي
وحاولت اعيش عشانهم
المهم..
مر عليا انا وبناتي شهور في الشقة الجديدة وكنا كل ما نحتاج فلوس بنسحب من الفيزا
وفضلت علي الحال دا
لغاية يوم الولادة
في اليوم دا انا روحت علي المستشفي
وولدت اخيرا
ولحسن الحظ ان المولود
طلع ...ولد (ذكر)
وسميتة عمر...وطبعا اسم الاب
هو...حمزة الكاشف
وبقي معايا عمر حمزة الكاشف
يومها رجعت في نفس اليوم علي البيت
وانا فرحانة
لاني خلصت من الم الولادة... وقمت بالسلامة...
ووالاهم من دا كله
هو...ان القمر الصغير (ابني )
نور دنيتي اخيرا
طول فترة جوازي من فؤاد كان نفسي اخلف ولد (ذكر)؟
لما يكبر هيبقي راجل وسند ليا انا واخواتة البنات
اخيرا شعرت بالسعادة
لاول مره الفرحة تدخل قلبي
من يوم ما حمزة م..&ات
وكنت فاكرة ان الدنيا ابتسمتلي اخيرا
لكن..يظهر اني كنت بحلم
لان يومها الباب خبط
ولما فتحت لقيت ادامي... "يحي"
(شقيق فؤاد) وزوج نورا سلفتي
فا اتفزعت واندهشت في نفس الوقت
وقلت لنفسي
ياتري يحي عرف مكاني ازاي وجاب عنواني ازاي
وعرفت لحظتها اني داخلة علي مع..ركة جديدة وانا لوحدي
وفي اللحظة دي
كنت عايزة استنجد بحمزة واقولة الحقني يا حمزة انا محتجالك
لكن...حمزة خلاص راح
واثناء ما كنت واقفة مبرقة وببصلة
وانا برتجف
سمعتة بيسألني
وبيقولي..ايه؟
مش ناوية تقوليلي اتفضل
يا مراة اخويا؟
للكاتبة..حنان حسن
في اللحظة دي
مكنتش قادرة انطق من الصدمة
ووقفت متسمرة في مكاني
لكن يحي زقني ودخل جوا الشقة
ولقيتة بيباركلي علي المولود
فا قلتلة ...الله يبارك فيك
فا بصلي بمكر
وقالي..
انا اول ما عرفت انك ولدتي وجيبتي ولد قولت لازم اخد ابني اخويا و اسجل اسمة بنفسي
فا رديت وقلتلة
بس دا مش ابن اخوك
دا ابن حمزة الكاشف
انا اتجوزت حمزة الكاشف بعدما اخوك مات و سجلت المولود باسم حمزة الكاشف
فا رد عليا بغضب
وقالي...لو صادقة في كلامك وريني الدليل
عايزة اشوف قسيمة زواجك من حمزة الكاشف
فا دخلت جيبتلة القسيمة
ولما بص فيها
لقيتة ابتسم ببرود
وطلع من جيبة شهادة وفاة فؤاد
وقالي...بصي كدا علي التواريخ
وثيقة زواجك من حمزة الكاشف بتقول انك اتجوزتي منه قبل ما تطلع لاخويا شهادة وفاة
يعني انتي كده جمعتي بين زوجين
ووارد جدا يكون المولود ابن فؤاد اخويا
ومن صلبة
وانتي سجلتية باسم حمزة الكاشف
ودي لوحدها قضية تانية
وانا مش هسيب حق اخويا
في اللحظة دي ا اتوسلت ليحي
وقلتلة..ارجوك يا يحي متبلغش عني انا عندي ولاد ممكن يضيعوا من غيري
فا توقف يحي دقيقة
وفضل يفكر
وبعدها قالي...
انا ممكن اسامح ..واتغاضي عن جري...&متك ..وهروبك مننا ..وعن والواد الي جبتية في الح..رام
ومعملش فيكي اي بلاغات بس بشرط
قلتلة شرط اية؟
قالي...توافقي انك تتجوزيني
فا بصتلة بزهول
وقلت لنفسي..يلهوي دنا مصدقت خلصت من فؤاد وعيلتة هرجع تاني للمرار برجلي ؟
فا رجع يحي يسألني
ويقولي..ها قولتي ايه؟
فا رديت بتوتر
وقلتلة..
انا برفض اني اتجوزك طبعا؟
فا ابتسم ببرود
و
وقالي...تمام انا بقي هاخد قسيمة الزواج بتاعتك انتي وحمزة
وشهادة الوفاة واطلع علي النيابة
وساعتها هيحبسوكي وانا هبقي وصي علي ولاد اخويا
وتركني وقالي...سلام
للكاتبة..حنان حسن
فا جريت وراه
وقلتلة...لا استني ارجوك
خلاص انا موافقة اتجوزك
وبالفعل اتجوزت من يحي
ووافقت تاني اني ادخل وسط العيلة المنيلة الي شوفت في وسطهم المرار
وللاسف
بعد ما اتعقد زواجي علي يحي
اكتشفت ان اخلاقة وطباعة نسخة طبقة الاصل من فؤاد
يحي طلع قاس..&ي وبخ..&يل وان...&اني ..وعديم الاحساس
و كل عبر الدنيا فيه
وكله كوم والي حصلي معاه
وفي ليلة الدخلة كوم
ليلة الدخلة اتفاجئت بيحي
داخل عليا
وقالي ...انه معاه شخص علي الباب
والشخص دا هيعيش معانا
ولما شوفت الشخص دا اتصدمت صدمة عمري
لان الشخص دا يبقي......؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق