رواية أم العيون السود الحلقه الثالثه من تاليفي محمد منصور منص حصريه وجديده على مدونة النجم المتوهج
رواية أم العيون السود الحلقه الثالثه من تاليفي محمد منصور منص حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فيفتح ادم الرساله بسرعه وقلبه بيدق وشاف صورة حلا وهي في احلي طله ليها طار قلبه من ضلوعه وراح لحلا وكتب لها رساله وقال
انتي حقيقه انا مش مصدق عينيه. ازاي صورة من خيالي تطلع لحد موجود بجد
وشافت حلا الرساله وقالت
أخيرا رديت علي الرساله. انا بعتاها بقالي كتير. باين عليك مغرور
ادم وهو يبتعد بالموبيل عن حمص وماندو
لا. ابدا. انا بس كان عندي ظروف
حلا
عن جد
ادم ضاحكا
اة. عن جد.
حلا
طيب عايزا اسئلك سؤال
ادم
اسئلي
حلا
انت تعرفني
ادم
لا.
حلا
متاكد انك عمرك ما شوفتني
ادم
متاكد
حلا
طيب ازاي رسمتني
أدم
أنا مش رسمك انتي. أنا راسم حبيبتي اللي ياما حلمت بيها. واللي ساكنة قلبي وخيالي
حلا
يعني ايه انت رسمتني من خيالك
ادم
برضو انتي. ما انا قولت راسم حبيبتي
حلا
ازاي ترسم حبيبتك من خيالك والصورة تطلع بالحلاوة دي
ادم
عشان رسمتها بقلبي
حلا
ممكن اطلب منك طلب
ادم
اطلبي
حلا
عايزا اشوفك
فيرتبك ادم ويفكر للحظات ازاي تشوفه وهو بلبس الشغل ولايرد فتلاحظ حلا انه ماردش فتبعت رساله
خلاص انا اسفه اعتبرني ما طلبتش حاجه
ادم مسرعا
لا. بلاش تحسبيها كدة انا بس في الشغل ومش هاعرف افتح الكاميرا
حلا
بس انا عايزاك تفتح الكاميرا حالا. نفسي اشوفك
ادم
خلاص 5 دقايق وهافتحها
حلا
اوك
وقام ادم جري ودخل المطعم وحمص وماندو بيبصوا عليه وحمص بيقول له
مالك يا ادم بتجري ليه كدة
ولكن ادم ما ردش وراح ناحية الحمام بتاع المطعم ونزل بدماغه تحت الحنفيه وبدا يغسل وشه ويظبط شعرة وخرج من الحمام لقي مدير المطعم في وشه بيقول له
أدم ابن حلال كنت عايزك
ادم بزهق
دلوقتي يا مستر جميل
جميل
اة. موضوع يخصني
ادم وهو بيبص في الموبيل ويقول بصوت خافت
ودة وقته يا بارد
جميل
ادم بتقول ايه
ادم ل جميل
بقول لك اشحن كارت المارد عليه عروض
جميل
طيب كويس ان انت قولت لي. ودلوقتي بقي
ويخرج جميل موبيل قديم جدا من بتوع زمان وشكله حزين ويدي الموبيل ل ادم ويقول
عايز ابيع الموبيل ده
فيبص ادم للموبيل بقرف ويقول
هو دة موبيل ده انا افتكرته ريموت تيلفزيون
جميل
الموبيل اللي مش عاجبك دة بيجيب شبكه تحت الارض
ادم
وهانعمل ايه بالشبكه اللي تحت الارض انت هاتبيع الموبيل للجن. فك كيسك بقي يا مستر جميل وهات لك موبيل تاتش
جميل
هاجيب. ياعم. بس اتصرف يا ادم وشوف لي بيعه للموبيل دة
ادم
عارف مين اللي ينفعك في الموضوع دة اكتر مني هو ماندو
جميل
ماندو
ادم
اومال ايه. ده عمه اصلا. دجال ويعرف شياطين كتير ممكن اي حد يشتري منك الموبيل دة
ويجري ادم بسرعه ويبعت ماندو لجميل ويقعد وراء المطعم ويطع الهاند فري ويحطة في ودانه ويتصل
ب حلا وتفتح حلا الكاميرا ويشوفها ادم وهي كمان تشوفه لي اول مرة ويبص لها بشدة ويقول
أنتي بجد
فتضحك حلا
اة. بجد
أدم وقلبه بيدق اوي ومش قادر يتكلم وبيبص لعيون حلا وحلا بتبص له وبعد فترة من السكوت تكلم فيها القلبين والعيون وسكت اللسان وقال القلب احلي كلام وهو في احلي من كلام القلب قالت حلا
انت هاتفضل باصص ليا كدة وساكت
ادم
انا ماعنديش حاجه اقولها غير انك وحشتيني
فتضحك حلا وتقول
وحشتك. ازاي وانت اول مرة تشوفني
ادم
مين اللي قال اني اول مرة اشوفك انا ماشوفتش غيرك وعشان كدة يوم مارسمت رسمتك انتي. يا ام العيون السود
حلا بفرحه وقلبها بيضحك
أنت بتقول أيه بس . كلامك خطر وانا قلبي حبه. وحبيت عيونك يا مصري. وماتعرفش أنا بقالي قد ايه كنت بدور عليك
ادم
انا اللي بدور عليكي من زمان يا بنت الاردن
حلا
بس تعرف انك موهوب اوي
ادم
تعرفي اني كنت زعلان علشان خسرت جايزة المسابقة لكن بعد ما شوفتك حاسس اني كسبت اللي اغلي من الفلوس
حلا
كسبت اية
ولسة هيرد ادم سمع صوت. ابن حلا وهو بينادي عليها وبيقول
ماما
حلا
شوية وجاي لك يا فادي
ادم بصوت حزين
مين الواد اللي كان بينادي عليكي دة
حلا.
دة ابني
اتصدم ادم والكلمه نزلت علي قلبه زي الصاعقه وقال
هو انتي متجوزة
حلا بضيق
اة.
ادم. وهو باين عليه الخنقه
وجوزك فين
حلا
جوزي مسافر
ادم
انا لازم اقفل دلوقتي
حلا
ليه بس. انت زعلت ولا ايه
ادم بحدة
سلام
وقفل ادم المكالمه وهو حزين جدا ومش عارف هو ايه اللي ضايقه كدة. وكأن ادم اعتبر حلا دي من حقه هو وبس وفي الوقت دة سمع حمص. اللي كان واقف وراء منه وقال له
قفلت ليه يا غشيم. دي البت زي القمر
بص ادم لحمص وقال له
انت واقف من امتي
حمص
من اول ما بدات المكالمه
ادم
انت بتجسس عليه يا حمص
حمص
ليه حسبتها كدة. انا كل الموضوع شوفتك بتجري جيت وراك اشوف في ايه. وبصراحه البت تستاهل انك تجري عشانها
ادم بحدة
حمص. دي مش بت ولما تتكلم عليها تتكلم عليها بأسلوب احسن من كدة
حمص بضيق
في ايه يا ادم انت هاتزعق لي عشان واحدة شمال زي دي
فيمسك ادم لايقه القميص الخاصه بحمص ويقول بكل غضب
كلمه تاني عليها وهانسي انك صاحبي
حمص.
انت هاتضربني يا ادم عشانها. تخسر صاحبك عشان مراة شمال
ادم بعصبيه
تاني. ماتزعلش بقي
وضرب أدم حمص وبدا العراك بين الصديقين وتدخل العاملين في المطعم لفض هذا الاشتباك وحمص بيقول
بتضربني. طيب روح اتشطر علي شناوي اللي ضربك علي قفاك وخلي مراتك تسرق فلوسك
أدم
سيرة مراتي يا ناقص ماتجيش علي لسانك
حمص
انا ناقص. وربنا يا ادم لوريك انك خسرتني عشان مراة شمال
وقدر الموجدين يفقروا ما بينهم وحمص ناوي علي الشر. ،،،،،
ومن الاردن تمسك حلا ابنها فادي وتضربه بكل عنف وفادي بيعيط مش عارف هو عمل ايه غلط وطلعت وردة جري علي صوت صريخ فادي وخلصته من ايد حلا وهي بتقول لها
ايه بس بتضربي فادي ليه.
فتعيط حلا وتبص لوردة مش عارفه ترد تقول ايه. لان فعلا فادي ماغلطتش وماعملش اللي بسببه يضرب كدة فضمت وردة فادي الي حضنها وقعدت تطبطب عليه وتقول له
معلش يا فادي
فبصت حلا لفادي وهو عمال يعيط وفتحت له ذراعتها وجري فادي ناحيتها وخدته في حضنها وقالت
معلش حقك عليه.
وفضلت حلا تبوس في وتمسح له دموعه وقالت له
يالا روح العب مع أخواتك
وراح فادي يلعب مع اخواته وفضلت حلا تعيط ووردة قعدت قدامها وخرجت حلا سيجارة من علبتها وولعتها ووردة بتقول لها
ايه اللي حصل
حلا
كنت بكلم ادم فيديو ولاول مرة الفرحه تعرف عنوان لقلبي والضحكه سكنت شفايفي وكنت طايرة لفوق لغايه ما ادم سمع صوت فادي بينادي عليه وعرف اني متجوزة اضايق وقفل وبعت له اكتر من رساله وهو ماردش. تفتكري مش هايكلمني تاني
وردة
حلا. قصه ادم دي هاتروح بيكي لطريق سد ومش،،،،،
فتقاطعه حلا بانفعال شديد وتقول
أدم قصه اتمني اعيشها ولو لي لحظات أنا من حقي اعيش واحب واتحب.
وردة
وجوزك. اللي كلها كام يوم ويرجع
حلا
انا قلبي وعقلي ما بيفكروش الا في الوقت اللي كنت عايشا في عيون ادم وبس
وردة
واخرتها
حلا وهي بتحط راسها علي احدي حوائط الاوضة وتقول
ماعرفش اخرتها. اللي انا اعرفه اني ماضحكتش الا معه. وهافضل ديما بشتاق لي حتي لو ماكنش ليا
وفي الوقت دة ترن نغمه الرسايل وكانت رساله من أدم ومكتوب فيها
قفلت معاكي معلش
رددت حلا بسرعه وقالت وهي بتضحك وبتمسح دموعها
مش مهم. المهم انك ماتبقاش زعلان مني
ادم
انا ازعل منك برضو يا قمر
حلا
طيب ايه افتح الكاميرا ونكمل كلامنا
ادم
لا. مش هاينفع دلوقتي. بس لغايه ما ينفع ابعتي لي حاجه تصبيرة
حلا
مش فاهمه يعني ايه حاجه تصبيرة
ادم
يعني اي حاجه حلوة منك. فيديو وانتي بترقصي صورة وانتي واخدة راحتك كدة يعني
حلا بانفعال
انت فاكرني ايه. انا اتكلمت معاك عشان بس عجبتني اللوحه
ادم
خلاص خلاص. مش عايزا يبقي بلاش تكلميني تاني. سلام
وبصيت حلا لوردة اللي شافت الرسايل وقالت وردة
قد ايه ادم ده طلع واطي
حلا
مستحيل دة يكون كلام ادم اللي كلمني فيديو
وردة
انتي لسه هتدافعي عنه
فتبص حلا للرسايل يمكن تكون غلطانه وقراتهم غلط. وتبص لي اختها مرة تانية ومش عارفه تقول ايه، ،،،،،،
وفي نفس الوقت كان حمص ماسك الموبيل بتاعه اللي عليه حساب الفيس بتاع ادم وبيقول وهو بيبص للرسايل اللي بعتها لحلا علي انه ادم
هاتعملي فيها شريفه. وتقول لي انا مش كدة. لكن مسيرها تلين وتبعت اللي يفرح قلبي. واعرف ادم ازاي يهزقني عشان. البت الشمال دي
ويضحك حمص ضحكه خبيثه ، ،،،،،،،،،
ايه بقي اللي جاي وفعلا حلا هاتصدق ان ادم يعمل كدة ولا هايحصل جديد.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق