رواية دموع قمر الحلقه الثامنه بقلم الكاتب محمد منصور حصريه وجديده على مدونة النجم المتوهج
رواية دموع قمر الحلقه الثامنه بقلم الكاتب محمد منصور حصريه وجديده
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وفي عز فرحة قمر تلاقي اختها الصغيرة علا جاية بتجري ناحيتها وهي خايفة ومرعوبة وبتقول
ابلة قمر الحقي المصيبة اللي حصلت
اتخضت قمر وقالت
في اية يا علا
اختها قالت
بابا رجع الشقة وهدومة كلها دم وماسك سكينة غرقانه دم والبوليس جة خدة،،،،،،،،،،
ومن جوة القسم يقف صبحي وفي ايدة الكلبشات وقمر تجري ناحيته ومعها عمار وتقف قدام منه وتقول
اية اللي حصل
لكن صبحي يبص في الارض وما يردش وتقول قمر تاني
يا بابا رد عليه. اية اللي حصل
العسكري اللي جنب منه قال
ما تتعبيش نفسك من ساعه ما اتقبض عليه وهو كدة ساكت ما بيتكلمش
عمار ل العسكري
طيب انت تعرف اية اللي حصل
العسكري
ضرب مراته ام عبير بالسكينة في بطنها بعد ما رفعت عليه قضية بتتهمه فيها بانه سرق عفشها والصيغة بتاعتها
لطمت قمر وقالت
هي حصلت. تقتل يابابا
العسكري
ما وصلتش للقتل. هي طعنه في بطنها اة. بس هي لسة عايشة
عمار ل العسكري
طيب ممكن نقابل الظابط
العسكري
هو مش هنا دلوقتي. لما يجي نبقي نشوف ينفع تقابلو
ولا. لا
عمار
انا هروح اتصرف واشوف محامي يكون معانا. واحنا داخلين للظابط وانتي خليكي هنا مع عم صبحي
قمر
عمار. انا اسفة
عمار وهو بيمشي
ودة وقته يعني
وسابها عمار ومشي. وقمر ترجع تبص لابوها وتقول
حرام عليك والله حرام عليك. بدل ما ترفع راسي قدام اللي هايبقي جوزي تعمل فيا كدة. بلاش شكلي قدام منه. تقدر تقولي لما تتسجن اعمل اية انا واخواتي. رد عليه ساكت لية.
بص لها صبحي وهو ندمان وقرفان من نفسه لكن قمر تمسك بطنها وتتوجع اوي وتقع من طولها والدم ينزل من بوقها فيجري ناحيتها العسكري وهو بيقول
مالك يا انسة
خرجت موبيلها بصعوبة واتصلت بعمار واول ما رد قالت
الحقني يا عمار.
ووقع الموبيل من ايدها من شدة الوجع، ،،،،،،،،،
ومن قدام شقة عم زلطة يقف رمضان اللي اشتري قميص وبنطلون جداد وكان بيخبط بمنتهي الرقة وفي ايدة وردة لونها ابيض وكان بيقول لنفسه
لما اعمل بروفن بقي علي اللي هقوله اول ما تفتح جيبت احلي وردة لقيتها في المقابر علشان احلي لميس هي طبعا هتضحك هقولها انا بقي. اغنية رومانسية
سيبو انا عايزو حي. بس ممكن تكون ما بتحبش الاغنية دي. خلاص اقولها حاجة رومانسية تاني. مالك يا صاحبي احكي لي. هي دي.
وبص للباب وقال
هي ما فتحتش لية الوردة قربت تموت
وخبط تاني بمنتهي الرقة وبدأ يظبط شعره ويقول
اكيد هتتسرع من قصة الاسبايسي اللي انا عاملها دي
واتفتح الباب وكان عم زلطة بص له رمضان بقرف ومسك الباب وقفله. وراح مخبط تاني فتح برضو عم زلطة فقال رمضان
وبعدين بقي البروفن كدة باظت.
عم زلطة
عايز اية يا زفت
رمضان
عايز اخبط بس ما تفتحش انت. علشان انا عملت بروفن علي حد تاني
وقفل رمضان الباب وراح مخبط تاني وفتح عم زلطة برضو فقال رمضان
يا عم انت بتفهم منين. قولت انا عامل بروفن علي حد تاني. ما تفتحش انت
عم زلطة
انت عبيط ياة.
رمضان
الله يسامحك. حمايا بقي ولازم استحملك
عم زلطة
حوما تشيلك
رمضان
ماشي ماشي. هقفل بقي دلوقتي وما تفتحش انت. خليك محترم
عم زلطة
ماحدش هيفتح غيري
رمضان بعصبية
لية بس يا بارد.
عم رلطة
انا بارد يا تربية وسخة
رمضان
زلطة ما تخلاهش تيجي عليك.
وراح مدخل دماغه جوة الشقة وندهه وقال
يا لميس
عم زلطة بعصبية
لميس في عينك
رمضان وهو بيركن عم زلطة علي جنب
استني انت بس
وندهه تاني وقال
لميس
فتخرج لميس جري من الاوضة وتجري ناحية باب الشقة وهي فاكرة جدها اللي بينادي وقالت
اية يا جدي في اية
رمضان وهو بيبص لها وبيضحك ويقول
مش انا عملت بروفن انك انتي اللي تفتحي واديكي الوردة دي
ومد ايدة بالوردة ناحيتها فتبتسم لميس وتمد ايدها علشان تاخد الوردة فيقول لها عم زلطة
خشي جوة يا بت.
فتخش لميس ورمضان يقول بعصبية
اما انت راجل رخم صحيح
عم زلطة
ولا. انت عايز بالظبط
رمضان وهو بيمسك ايد عم زلطة ويحطها علي قلبه ويقول
سامع قلبي بيدق ازاي يا زلطة
عم زلطة وهو بيبعد ايدة عن قلب رمضان قال
ما كل الناس قلبها بيدق يا خويا اية الجديد
رمضان بسهوكة
قلبي ما كنش بيدق كدة قبل كدة.
عم زلطة
برضو مش فاهم انت عايز اية
رمضان
عايز لميس
عم زلطة بعصبية
لميس في عينك وعين اللي خلفك. امشي غور من هنا
رمضان
لية كدة بس يا زلطة
عم زلطة
لميس في تالته ثانوي صنايع تتجوزك انت
رمضان
انت مالك متفشخر اوي كدة. هي صنايع بقيت تابعة للجامعه الامريكية. دي صنايع يعني لما تخلص كبيرها هتشتغل ميكانيكي
عم زلطة
ميكانيكي اية. يا جاهل دي هتخلص وتبقي
ويسكت زلطة ويفكر للحظات فيقول رمضان
ميكانيكي صدقني. طيب حتي اسالها
ودخل رمضان دماغه جوة الشقة وندهه وقال
لميس يا حبيبتي مش انتي ميكانيكي برضو
لميس وهي بتضحك
اة ميكانيكي
فيضحك رمضان ويغني ويرقص وهو بيقول
وانا عايزا ميكانيكي يجي يصلح الماتور. وحط ايدة يا علي، ،،،،،،،
فبص له زلطة وقال رمضان
علي ايدي يا.
لكن زلطة كان بيبرق ل رمضان فقال رمضان
مالك يا عم علي ايدي يا. مش عورة يعني
عم زلطة
غور من وشي وما شوفش وشك هنا تاني
رمضان
انا مش جاي علشانك اصلا. انا جاي علشان لموستي
فيقفل عم زلطة الباب في وش رمضان ويبص ل لميس ويقول
ميكانيكي اة.
لميس
مالك بس يا جدي
عم زلطة
انتي تعرفي الواد دة منين يا بت
لميس
وهعرفة منين بس. انا قاعدة في المنصورة وجاي اقضي معاك اسبوع ومروحة تاني
عم زلطة
انا هتصل بابوكي يجي ياخدك النهاردة. هو بقي يشيل شيلتك، ،،،،،،،،،،،،
وبعدها بيوم كانت قمر محجوزة في مستشفي وعمار عملها الاشعة والتحاليل اللي اطلبت منها قبل كدة. وراح عمار بالاشعة والتحاليل للدكتوره اللي استقبل حالتها وبصت الدكتوره فيهم وراحت ل قمر الاوضة المحجوزة فيها وقال
انت الوجع اللي في بطنك ده بيجيلك من امتي
قمر
من حوالي سنه
الدكتوره بنرفزه
سنه وما حاولتيش تكشفي حرام عليكي نفسك
عمار
هو في أيه يا دكتوره
الدكتوره وهي حزينة
مع الاسف قمر مصابه بسرطان الرحم
فتتصدم قمر ويصدم عمار وتكمل الدكتوره قائلا
ولازم باسرع وقت ممكن يتعمل لها عمليه أستئصال للرحم والا الورم هاينتشر في جسمها كله.
عمار
يعني ما فيش حل تاني غير استئصال الرحم
الدكتوره
مع الاسف مرحله العلاج في حالتها ما بقيتش تنفع لازم العمليه وبسرعه واحمدوا ربنا ان لغاية دلوقتي الورم ما انتشرش في جسمها كله
عمار
ودي هاتتكلف كام تقريبا
الدكتوره
120 الف جنيه
عمار
يا ده مبلغ كبير جدا
الدكتوره
ده كده انا كمان ما خدش غير حق فتح اوضه العمليات وحق العلاج.
فتبص قمر ل عمار وتقول له
يالا يا عمار نمشي
الدكتوره
والعمليه
قمر
ربنا يسهل
وتنزل قمر من علي السرير وتخرج من اوضة الكشف ومعها عمار وعمار يبص لها ويقول
انا هاتصرف وهاتعملي العمليه وتبقي كويسه
قمر والدموع تعبر عن حالها تقول
ربنا كبير. والحمد لله انا احسن من غيري المهم ابويا عملو معه اية
عمار
المحامي معه وانا متابعه بالتيلفون
قمر
شيلتك الهم معايا يا عمار
عمار
ما تقوليش كدة. المهم انتي تبقي بخير وهنعدي الازمة دي سوي ومع بعض نكمل
قمر
نكمل. انا لو عملت العملية مش هبقي ام. ولو معملتهاش هموت.
وتبتسم وعيونها بتبكي وتقول
في الحالتين انا مش هكمل
عمار وهو بيمسك ايديها اوي
هتكملي وهتعملي العملية وهتبقي كويسة واي حاجة تاني ما تفكريش فيها
قمر
طيب خدني القسم علشان اطمئن علي ابويا
عمار
انتي تعبانه روحي دلوقتي وبكرة هبقي اوديكي
قمر
اشوفو بس ممكن يكون محتاج حاجة،،،،،،،،،،
ومن جوة القسم يقف رمضان مع صبحي ويقول له
انا لسة عارف دلوقتي. ازاي دة حصل
صبحي اللي فاق من الصدمة ورجع يتكلم تاني قال
ملهوش لزوم الكلام. انت دلوقتي مكاني في البيت عايزك تعمل اللي انا ماعملتوش وتخلي بالك من اخواتك وتشيل الحمل شوية عن قمر. دي وقعت تاني النهاردة قدام مني. وباين عليها تعبانه اوي
رمضان
انت هتخرج باذن الله. هدخل للظابط واقول له يخدني انا مكانك. انا كنت بخربها وضايع علي حس انك معانا لكن دلوقتي البيت وحش من غيرك يا صبحي
وهنا تيجي قمر ومعها عمار وقالت قمر لابوها
عامل اية دلوقتي
صبحي
هعمل اية يعني اديني محبوس. ما تعرفيش يا بنتي انا اتهنت ازاي امباراح في الحجز والمساجين قعدوا يضربوا فيا ازاي. دة ذنبك يا قمر
قمر
ذنب اية بس بلاش تفكر في اي حاجة غير انك تخرج من هنا بالسلامة
صبحي
شكلها مافيهاش خروج
رمضان بصوت حزين
هتخرج باذن الله يابا
صبحي
سيبوكم مني.
وبص صبحي ل عمار وقال
كشفت علي قمر صح. قولي بصراحة عندها اية
فيبص عمار ل قمر وصبحي يقول وهو بيعيط
وقعت قدامي مرتين ومهانش عليه اشوف مالها. لكن انا عارف انها مش هتهون عليك انت.
وراح صبحي وباس علي ايد عمار وقال
ابوس ايدك طمئني عندها اية
قمر
انا كويسة يا بابا. شوية برد في المعدة
صبحي ل عمار
هي كذابة انا عارف. لانها لو كويسة ما كنتش قعدت يوم بليلة بعيد عني. لكن انت مش كذاب. قولي قمر مالها
في الوقت دة يجي العسكري ل رمضان ويقول له
عم صبحي لازم يرجع الحجز يا رمضان حضرة الظابط لو جة ولقا برة كدة هيبقي فيها مصيبة ليا
رمضان وهو بيدي سيجارة للعسكري
عبمنعم خد سيجارة كمان وسيبنا شوية. دة انت اخوك صاحبي
العسكري خد السيجارة وقال
وربنا ما هينفع. ما تجبليش الاذية.
وبدا العسكري يسحب صبحي علي الحجز وصبحي بيعيط وبيبص لبنته ويقول
ادعي ربنا هو بيحبك انتي وهيسمع لك. وخلي يطلعني من هنا. انا غلط في حقك كتير بس انا برضو ابوكي يهون عليكي افضل مرمي هنا كدة
ودخل صبحي الحجز ورمضان بص ل قمر وقال
مالك يا قمر
قمر وهي بتعيط
انا كويسة.
رمضان ل عمار
انت فعلا كشفت عليها. زي ابويا ما بيقول. طلع عندها اية
بص عمار ل قمر وسكت، ،،،،،،،،،،،
ومن جوة شقه عمار كان عمار قاعد مع عم جمعه بيتعشوا ولكن عمار ماكلش ولا لقمة وكان بيفكر في قمر فقال عم جمعه
عمار انت ما بتاكلش لية
ولكن عمار ما سمعش ابوة قال اية فقال عم جمعه مرة تانية وبصوت اعلي
عمار
عمار بص له وقال
انت بتنادي عليه يا حج
عم جمعه
لا بنادي علي عمار ماتعرفش هو فين
عمار
انا هنا اهو
عم جمعه
سرحان في ايه
عمار
أبدا يا حج. بس قمر طلع عندها سرطان الرحم ولازم تعمل عمليه ضروري والا هايبقي في خطر علي حياتها
عم جمعه
يا ساتر يارب ربنا يشفيها ويشيل عنها انا اصلا حبيت البت دي جدا. رغم ان عليها اب واخ. الله يهديهم
عمار
وانا كمان حبيتها اوي ونفسي اعمل لها العمليه وتخف بس ازاي والمبلغ المطلوب كبير اوي
عم جمعه
والعمليه دي هاتتعمل بكام
عمار
120 الف جنيه
عم جمعه
يااااااا ده مبلغ كبير جدا
عمار
شوفت الحكاية صعبة ازاي
عم جمعه
ولا صعبة ولا حاجه انا معايا المبلغ ده
عمار باستغراب
انت يا حج معاك 120 الف جنيه
عم جمعه
انت نسيت اني كنت موظف وطلعت معاش وفلوس المكافاه شيلتها علي جنب علشان جوازك
عمار
صدق انا نسيت خالص فلوس المكافاه دي
عم جمعه ضاحكا
نسيت اشحال انت اللي استلمت شيك المكافاه وانت اللي صرفه.
عمار
ايوه فعلا دول حتي كانو 150 الف جنيه
عم جمعه
انت افتكرت اهو اخيرا روح واسحب منهم 120 الف. واعمل العملبة ل قمر وجوازك يستني شوية بعد ما تشوف جيشك واعينك في البترول
عمار
بجد يا حج
عم جمعه
طبعا بجد هو انا ههزر معاك. بكره الصبح تروح تسحب المبلغ. البت قمر اولي بيهم.
عمار
بس دي لو عملت العملية دي مش هتخلف ابدأ
عم جمعه
ياما بنات كتير ممكن يخلفو لكنهم مش زي. قمر. انا عندي نظرة في البنت اللي قدامي واللي زي قمر ما تتعوضش وانا وافقت علي جوازك منها رغم ان ابوها واخوها ما ينفعوش يبقي نسايبك. لكن البت علشان معدنها من الالماظ نبلع. ابوها واخوها
عمار
يعني ممكن الجوازة تكمل حتي بعد ما عرفك ان ابوها متهم بقضية شروع في قتل
اتصدم عم جمعه وحكي له عمار الحكاية كلها فقال
لا حول ولا قوة الا بالله. اسمع يا عمار. خلينا دلوقتي في عملية قمر وبعد كدة نبقي نشوف نعمل اية في حوار ابوها دة.
عمار
بس مهما حصل لابوها انا بحبها وعايزها
عم جمعه
يبقي يا عمار مبروك عليك. انا ما حبش الانسان اللي ياخد انسان بذنب ابوه او امه
فياخذه عمار بالحضن وهو فرحان جدا ويبوس أيد وهو بيقول
ربنا يخليك ليا يا حج، ،،،،
ويطلع النهار ويروح عمار للبنك وكان معه حسان ومن قدام البنك يقف حسان و يقول لعمار
بقي انت ابوك مع المبلغ ده كله وساكت علي نفسك
عمار
قصدك ايه
حسان
قصدي ان حرام عليك تصرف مبلغ زي ده علي عمليه لقمر وتنسي نفسك
عمار باستغراب
انسي نفسي. حسان انا مش فاهم حاجه
حسان
من غير لف ولا دوران. انت اوله بالفلوس اللي هاتسحبها دي وتعمل عمليه التجميل اللي كان نفسك فيها ويرجع وشك زي الاول
عمار
طيب وقمر
حسان
مالها قمر ادعي لها ربنا يتولاها وبعدين انت ناسي ان قمر بعد العمليه دي عمرها ما هاتبقي ام وانت لو اتجوزتها عمرك ما هتبقي اب نصيحه بلاش. هاتندم قدام
عمار
يعني اسيب قمر
حسان
هو انت يا بني غاوي غم ونكد. وكمان عايز تكمل مع واحدة ابوها هيبقي سوابق. فوق يا صاحبي. واعمل الصح
عمار اللي بدأ يرتبك
الصح اني اسيب قمر
حسان
الصح انك ترجع عمار بتاع قيل الحادثة. احنا دلوقتي ندخل نسحب الفلوس وناخد بعضينا ونطلع علي عيادة دكتور التجميل
عمار بارتباك اكتر واكتر
انت شايف كدة
حسان
تبقي غبي لو عملت غير كدة
عمار
بس دي ممكن تموت لو ما عملتش العملية
حسان
ماحدش بيجي له المرض دة ويعيش. وبعدين ان اسمع ان بعد العملية بيبقي في علاج كيماوئ وشعرها يقع ومرار بقي انت في غني عنه
عمار
ولما تعرف اني استخسرت فيها الفلوس
حسان
وهاتعرف منين بس. كبر دماغك يا صاحبي واعمل الصح
ودخل عمار للبنك وهو بيقدم خطوة وبيرجع خطوة وسحب الفلوس وخرج من البنك ووقف تاكسي وقال سواق التاكسي
رايحين فين
حسان ل عمار
اقول للسواق اية. مركز التجميل ولا شقة قمر
عمار بص ل حسان. وبص في مرايا التاكسي وشاف الحرق وتخيل بعد العملية هيرجع ازاي ووشة هيبقي زي الاول فقال حسان تاني
اقول اية
بص عمار ل حسان وقال،،،،،،،،،،،،،،،،،،
استنوني بكرة باذن الله والحلقة الاخيرة من دموع قمر
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق