رواية لعبة القلوب المحرمه الفصل العاشر بقلم الكاتبه أماني السيد حصريه وجديده على مدونة النجم المتوهج
رواية لعبة القلوب المحرمه الفصل العاشر بقلم الكاتبه أماني السيد حصريه وجديده على مدونة النجم المتوهج
تعرفى إنك ست معدومه الكرامه يا صفاء بجد . انا قولت وقت ما تعرفى إن انا ومتولى هنتجوز هتاخدى موقف وتاخدى عيالك وتمشى لكن انتى الكرامه عندك صفر صدقينى يا صفاء أنا هخايه يطردك بعيالك فى الشارع
ـ منك لله يا وفاء انا عمرى ما أذيتك ليه بتعملى معايا كده
ـ أنا لسه معملتش حاجه يا صفاء خايفه على نفسك وولادك سيبى البيت وامشى
ـ ده بيتى انا وولادى ومش همشى منه امشى انتى
ـ يبقى انتى اللى جبتيه لنفسك
وقفت وفاء فى وسط الصاله تنادى بصوت عالى
ـ متولى يا متولى تعالى هنا بسرعه الحقنى
خرج متولى وخرج الاولاد على صوت وفاء
ـ خير يا حبيبتي فى ايه حصل ايه
ـ مراتك عايزه تطردنى من هنا وبتقولى انى ماعنديش كرامه وإن ده بيتها هى وولادها عجبك كده
ـ حقك عليا يا حبيبتي البيت ده بيتك انتى .
ـ لأ لازم تاخد حقى منها يا إما هسيبلك البيت وهمشى أنا مش جايه هنا اتهزق
وقفت صفاء مصدومه من كلام وفاء وانها بتغير الحقايق بالشكل ده
كانت لسه هتتكلم قرب منها متولى بعصبيه وضر*بها بالقلم قصاد ولادها
حطت صفاء ايدها مكان ضر*ب متولى ليها وبصتله بصدمه إنه حتى محاولش يسمعها
ـ اسمعى يا صفاء انتى هنا خدامه ليها فاهمه يعنى ايه مره تانيه تغلطى فيها هتشوفى منى وش تانى خالص أنا سايبك بس عشان ولادك دول
مش كفايه عليه عايش معاكى ١٤ سنه بشكلك ده ومنظرك ده ١٤ سنه غاصب على نفسى ومش طايق ابص فى وشك
اعتبرى نفسك هنا خدامه ليها ولو زعلتيها ولا عملتى حاجه هطردك من البيت بعيالك فاهمه
قرب منها ولادها بعياط وحضنوها وبصوا لابوهم بك*ره حاول ماهر إنه يتطلم او يدافع عن امه لكن ضعف جسمه خلى متولى يكتفه ويضربه بسهوله
قربت صفاء منه وحضنت ابنها واخدت هى الضرب مكانه
ـ خلاص سيب الواد يا متولى سيبه حرام عليك ابنى
بعد متولى عنها واخد وفاء ودخل الاوضه
وكانت وفاء بتبصلها بشماته
فى اليوم التالى كانت وفاء قاعده بتتفرج على التلفزيون وبتقرا الجرنال ونادت على صفاء
ـ صفاء انتى يا صفاء انتى يا زفته خدى هنا
خرجت صفاء على صوتها
ـ خير عايزه ايه يا وفاء
ـ انزلى هاتى خضار واعملى محشى انهارده وهاتى بطه كمان
ـ مش معايا فلوس اجيب حاجه
طلعت وفاء فلوس ورمتها على الأرض
ـ خدى انزلى هاتى اللى قولتلك عليه ومتتأخريش عايزه اتغدى محشى وبط
وطت صفاء واخدت الفلوس ونزلت تجيب الاكل قبلت من جواها انها تعمل كده مقابل أنها تأكل عيالها اكله مفيده ليهم
من وقت مو*ت حماها وأبوها وولادها مأكلوش لحوم
خرجت صفاء عشان تشترى كل الطلبات وبعد خروجها نادت وفاء على وفاء الصغيره
ـ انتى يا بت يا وفاء انتى يا زفته
خرجت وفاء بخوف من غرفتها
ـ نعم
ـ غورى اعمليلى فنجان قهوه
ـ مش بعرف
ـ مش بتعرفى ليه آمال لزمتك ايه ابقى خلى امك تعلمك عشان مازعلكيش بعد كده
وغورى دلوقتي اعمليلى كوبايه شاى
دخلت وفاء للمطبخ تعمل كوبايه شاى لمرات باباها وقدمتهولها
ـ بقولك ايه غورى روقى الاوضه بتاعتى واياكى تمدى ايدك تاخدى حاجه من حاجتى فاهمه
عارفه لو ايدك اتمدت على حاجتى هخلى ابوكى يقط*عهالك
اصبحت وفاء الصغيره بتنفذ كل طلبات وفاء الكبيره بخوف انها تأذيها او تسلط عليها ابوها ومكنتش بتقول لامها حاجه عشان ماتخليش أمها تزعل اكتر
رجعت صفاء البيت ووقفت تحضر الاكل وقرب رجوع جوزها بدأت تجهز الاكل على الترابيزه
وصل جوزها لقى الاكل جاهز قعد هو ووفاء يتغدوا ونادت صفاء على ولادها عشان يكلوا لكن وقفتها صوت وفاء
ـ بتنادى على مين يا خرفانه انتى
ـ على ولادى
ـ وبتناظى عليهم ليه
ـ عشان ياكلوا
ـ ومين قالك انى هسمحلكم تاكلوا معانا
ـ انا رضيت باللى انتى عملتيه ونزلت عشان اعمل الاكل عشان خاطرهم
ـ بقولك ايه انتى تاخدى طبق محشى ليكى ولولادك وانسى إنك تفكرى فى يوم تقعدى تاكلى معانا على ترابيزه واحده امتى شكلك يسد النفس وانا ولا متولى عايزين حاجه تسد نفسنا والبط ده لمتولى عشان ده راجل شقيان
ـ حرام عليكى انا تعبت فى الاكل ده عشان ولادى
ـ غورى من وشى يا صفاء بدل اقسم بالله ماحرمك انهارده من الاكل انتى وولادك
قالها متولى بعصبيه
خافت صفاء ينفذ متولى تهديده ليها ودلخت غرفت طبق محشى واكلت ولادها
مرت الشهور وكانت صفاء عايشه فى نفس الحياه
مافيش حد تلجأله اهل جوزها اتخلوا عنها وقالولها انتى خايبه مش عارفه تحافظى على جوزك
وبيت اهلها ايجار مجرد ما ابوها مات اخد صاحب البيت الشقه
كانت صفاء كل يوم تعيط وتدعى ربنا يفرجها عليها وعلى ولادها
عدت سنه وهى فى الوضع ده
بدأ ماهر يصبح عدوانى فى المدرسة وكل يوم يذداد كره*ه لابوه وبيتمنى يكبر عشان يجيب حق مامته
عكس وفاء اخته اللى كانت بتحاول ترضى مرات ابوها عشان ماتخليش ابوها يضر*بها او يضر*ب امها
وكانت صفاء بتنزل تشترى الاكل وتطبخ وتروق عشان تقدر تأكل ولادها
فى يوم نزلت صفاء تشترى الطلبات وقررت وفاء تزود معاناه صفاء وولادها عشان يمشوا من البيت وهى تجيب ولادها
وقت ما قربت صفاء ترجع من السوق نادت وفاء على وفاء الصغيره
ـ انت يا بت يا وفاء
جريت وفاء عشان تشوف طلباتها
ـ نعم
ـ ادخلى سخنى ميه وهاتى طبق وتعالى اغسليلى رجلى
ـ وقفت وفاء تعيط مش عارفه تعمل ايه وخايفه ترفض وفاء تضر*بها أو تأذى اخوها
ـ انتى مبلمه كده ليه يا بت انتى ادخلى غورى نفذى اللى قولته بدل ما اوريكى شغلك انا أصلا صاحيه قرفانه
دخلت وفاء وسخنت الميه وجابت الطبق وحطته تحت رجل وفاء وجت تدلق الميه وفاء اتلسعت لسعه بسيطه لكنها اتلككت وضرب*ت وفاء
خرج ماهر على صوت عياط اخته
ـ انتى بتضربيها ليه
ـ انت مالك غور ادخل اوضتك بدل ما اضرب*ك انت كمان
ـ منك لله يا شيخه والله لما أكبر لاهاخد حق امى واختى منك انتى وجوزك
للحظه حست وفاء بقلق من نبره صوته ونظره عيونه وبصت لوفاء بصه انها تكمل شغلها
قعدت وفاء فى الارض وقرب منها ماهر بيحاول يقومها
ـ قومى يا وفاء ماتعمليش كده
ـ لأ يا ماهر انا خايفه على ماما
ـ مش هتعمل حاجه قومى يا وفاء
دخلت صفاء على منظر بنتها وهى قاعده فى الارض قدام رجل مرات ابوها واخوها بيتحايل عليها تقوم
حست صفاء أنها بتأذى ولادها اكتر ما بتحميهم
قربت من وفاء لاول مره وقامت ضرباها
وقفت وفاء مصدومه
ـ إنتى اتجننتى انتى إزاى تعملى كده
ـ عملت اللى انتى تستحقيه يا وفاء
ـ انهارده اخر يوم ليكى هنا والله لاخلى متولى يطردك بولادك وتعيشى فى الشارع زى الكلاب
قربت صفاء ومسكت وفاء وفضلت تض*رب فيها وولادها ساعدوها ماهى خلاص خربانه خربانه
دخل متولى وبعدهم عنها وحاول يضربه*ا لكن صفاء وقفتله واتخانقوا خناقه كبيره وقرر متولى إنه يطردها بولادها فى الشارع وفاجئها إنه مطلقها من ٦ شهور واداها ورقتها
لما صفاء هدومها المتهالكة هى وولادها ونزلت الشارع مش عارفه تروح فين ولا تعمل ايه
حاولت انها تروح لحد من قرايبنا لكن الكل كان بيرفض اقصى حاجه عملوها انهم ادوها فلوس
اجرب صفاء شقه فوق سطح وقعدت فيها هى وولادها ونزلت تبيع مناديل فى الشارع وتقعد قصاد المحلات
أوقات كتير كان بيصر ماهر ينزل يشتغل معاها كانت صفاء بترفض لكن كان بينزل من وراها
لحد ما قابله المعلم عابدين كان بيلاحظ ان الولد ده الصبح بيروح المدرسه واخر اليوم بيلف على المحلات ببخور ومناديل وكان دايما المعلم عابدين بيراضيه بفلوس واوقات يجبله اكل
لحد ما فيوم لاقاه بيتخانق مع عيال والعيال بيعايروه
وقف المعلم ومشاهم وجابه وسمع منه حكايته
فضل ماهر يحكى كل حاجه للمعلم وهو بيعيط فى لحظه انهار وخرج كل حاجه هو حاسس بيها
اخده المعلم وراح بيته لقاهم عادين فى اوضه فوق سطح تشبه عشه الفراخ وامهم هدومها مقطعه واخته هدومها قديمه
اجرلهم عابدين بيت وبقى يساعدهم بفلوس بيبعتهت مع واحد من صبيانه
و أوقات كان بيروح يتأكد بنفسه إنهم مش محتاجين حاجه
مر تلات شهور وبدأ الاشاعات تطلع عليه هو وصفاء وده خلاه يقرر يتجوزها ويتبناها هى وعيالها
فاقت صفاء من شرودها وكان المعلم لسه قاعد بيتغدى
ـ بقولك يا معلم انت هتفضل سايبهم فى المكان ده
ـ أه يا صفاء خليهم يتعلموا الادب
ـ أنت عايز الناس تقول انى عملت زى ما ضرتى عملت فيه وخليتك نرمى ولادك
ـ أولا يا صفاء فى فرق كبير انا ولادى غلطوا وأمهم كمان استقوا على بنت ضعيفه لمجرد أنها فقيره ونسيوا اصلهم كان ايه أنا عايزهم يرجعوا لاصلهم تانى
ـ طيب ومراتتهم وعيالهم زنبهم ايه
ـ الست الاصيله هتعيش مع جوزها ولو فى عشه والولاد لايزم يجربوا عشان مايطلعوش زى ابهاتهم
بصى يا صفاء للأسف احنا زمان كانت حالتنا اسوء مما ممكن تتخيلى غصب عنى كنت عايز اخرجهم من الفقر فسبت امهم تربيهم وانا اهتميت انى اجبلهم بيت حلو واعيشهم عيشه حلوه
كنت باخدهم معايا من وهما عيال يشتغلوا لكن شغلهم كان مايع ومحدش كان بيكلمهم بيخافوا لحن انا أزعل حاولت كتير معاهم لكن مقدرتش وفتحت لكل واحد محل عشان محدش فيهم يطمع فى التانى البهوات بقوا يعملوا ايه
يعتمدوا هلى الصنايعيه اللى عندهم ويسيبوا الجمل بما حمل ويمشوا يخرجوا يسافروا يعملوا أى حاجة غير الشغل
والمال السايب يعلم السرقه بقيت فعلا اعدى على المحلات واكتشف السرقه اكلمهم مهما اكلمهم لكن خلاص شبعوا بزياده وضمنوا القرش عشان كده قبل ما يرجعوا تانى لازم الاول يتعلموا ازاى يحافظوا على القرش
بقولك يا صفاء
لو انا مت دلوقتي تفتكرى كل الفلوس دى هتروح فين
ـ ولادك طبعاً
ـ لأ كل ده هيتهد والمحلات هتتقسم وتتباع عشان كده لازم يتربوا من أول وجديد عشان لو مت يحافظوا على تعبى انا اشتريت اراضى وبنيت مصنع قطع غيار ومحلات لكل عيل لبيع قطع الغيار واغلب أملاكى ولادى مش عارفين عنها حاجه
عيال زى دول هيحافظوا عليها ازاى بعد موتى
سكتت صفاء وشافت إنه عنده حق فى خوفه
فى الجهه الاخرى اتصل عابدين بجاسر وطلب إنه يقابله
ووافق جاسر إنه يروح يتكلم معاه
فى المكتب عن الحاج عابدين
تفتكروا ايه اللى تم
وهل رايكم عابدين عنده حق ولو انتوا مكانه هتتعاملوا إزاى مع عيالكم ؟؟
انتظرووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق