رواية فتاة القوات الخاصه الفصل الثالث بقلم الكاتبه سلسبيل أحمد حصريه وجديده على مدونة النجم المتوهج
رواية فتاة القوات الخاصه الفصل الثالث بقلم الكاتبه سلسبيل أحمد حصريه وجديده على مدونة النجم المتوهج
" كنت نايمه وصحيت على حد بيسحبني بقوة وفوقت بسرعه وقبل ما اعمل اي حركه اتفاجئت انها ماما..! "
- قومي حالا
= فيه ايه يا ماما !!
- ادخلي الغرفة السـ ـرية بسرعه اتحركي يا فريده
= فهميني طيب فيه ايه !!
- مفيش وقت !!! فيه حالة طـ ـوارئ ادخلي زي ما علمتك وبابا دربك ومتعمليش اي صوت ومتخرجيش مهما حصل !! سامعه ؟؟ مهما حصل يا فريده !!
" دخلتني الأوضة بسرعه وبدون ما افهم حاجه وقفلت الباب !! ومفاتش ثواني وسمعت خبط كتير !! وكأن الشقه بره بتتهد !! وطـ.ـلقات نـ.ـار
من مـ ـسدس !! فضلت اترعـ ـش من الخـ ـوف والرعـ ـب ومكنتش عارفه اعمل ايه !!! حتي معرفش بابا موجود ولا لاء !! "
- ألو الأهداف اتصفت ساعدتك
= انزلوا حالًا الداحْـ ـلية خدت خبر
" صوت الصْـ ـرب وقف.. ولكن ماما مجتش تخرجني!! مكنتش عارفه اعمل ايه! الأوضة صغيره يادوبك شايله اسـ.ـلحه بتاعت بابا فا سحبت منهم
مسـ.ــ ـدس و فتحت الباب من جوه ولما خرجت ضغط على الزرار وقفل وجهت المسـ.ـدس قدامي بخـ ـوف و اتحركت للصاله.."
" عشان اشوف ابـ.ـ ـشع حاجه ممكن اشوفها في حياتي.. الد م في كل مكان.. بابا واقع على الأرض.. وماما جمبه !! اتجمدت مكاني و المسـ.ـ ـدس وقع من ايدي.. وبعد لحظات... وقعت.. اخر حاجه سمعتها كانت صوت رن في دماغي.. و دوشة على السلم.. "
>>>>>>>>>>>>>>>>>>>>>>>>>>>>>>>>>>
|| بعد مرور تلت ايام | في فيلا عزت صقر ||
" عزت كان قاعد مكسـ ـور على اخوه ومراته الى
اتقـ ـتلوا عْـ ـدر.. وعلى فريده الى في صدمه عصبية وحالتها سيئة من الى شافته وخسارتها لأهلها! "
" ياسين مكنش مبطل عياط.. و أدهم دخل عليهم من بره.. و ملامحه كلها حزن وغضب مكتوم.. "
- بابا.. رئيس الجهاز عدلي المحمدي بره..
" وقف على رجله وحاول يستجمع الى باقي من قوتة و خرج.. وادهم معاه "
- البقية في حياتك يا عزت
= حياتك الباقية سيادتك
- انا اتأخرت لأني كنت بره البلد.. و أول لما عرفت جيت لك علطول.. انا عايز ابلغك ان الجهاز حاليا بيحقق وعندهم أوامر مني شخصيًا ان الى عملوا كده يتجابو انهارده قبل بكره
عزت بصله وكله حسره: و ده هيعوصْ اخويا الى راح.. ولا بنته الى خسرت ابوها وامها.. ولا حتي
ادهم بغصْب: لا بس هيخلينا نجيب الى عملوها ونخليهم يكرهوا اليوم الى فكروا فيه يعملوا كده
و ناخد حق عمي و مراتة
عدلي: هيحصل بإذن الله.. انا عاوزك تشد حيلك يا عزت
عزت بتماسك: انا هاجي معاك على الجهاز.. هحصلك
عدلي هز راسه: هستناك في العربية..
" خرج و أدهم بص لعزت بعدم فهم "
عزت اتنهد: انا عاوزك تفضل هنا و حاول تهدي اخوك.. وحاولوا تخلوا فريده تتكلم معاكم.. او مع جدها
- فريده مش هتهدي طول ما حق ابوها و امها مرجعوش ولا انا هيغمضلي جفن لحد ما اخلص عليهم واحد واحد انا عاوز احرقـ. ـهم احياء
رفع عينه وبصله: خلينا الأول منخدش خطوة نندم عليها.. احنا محتاجين نطمن إننا في آمان انا عاوزك في وسطهم.. لحد ما اوصي على حراسات خاصة تكون حوالينا.. كل البودي جارد و الطْباط الى موجودين هيتغيروا
أدهم: انا عايز ابقي معاك يا بابا
- انت هتبعد خالص عن الموضوع ده يا سيادة الملازم
ادهم برفض وعصبيه: نعم !!!! انا مستحيل اعمل الى حضرتك بتقوله ده !!! القصْية دي بتاعتي !!
زعق بنرفزه: القصْية دي بتاعت اخويا..!!!
" سابه وخرج وادهم فضل واقف مكانه.. لحد ما قاطعه صوت "
- أدهم...!!!
لف وهو بيحاول يتنفس بهدوء: نعم يا ماما..
بصتله له بحزن: حبيبي ده مش وقت جدال مع ابوك..!! اسمع كلامه انت متعرفش الى حصل مأثر عليه ازاي.. بقاله تلت ايام مريحش!! هيتـ ـجنن من
الى حصل و مكـ ـسور
رفع عينه الى نزلت منها الدموع: وانا عايز اجيب حق عمي .. انتي اكتر واحده عارفه يونس كان بالنسبالي ايه!!! احنا كنا صحاب يا ماما عارفه يعني ايه؟؟ ماما أ..
" قاطعته وهي بتحضنه وبتهديه.. مكانتش عمرها شافته بيعيط قبل كده.. كانت طول الوقت شيفاه متماسك وطالع لعزت! "
" اما عند فريده.. فا ياسين حاول يهدي ويطلع لها خبط و دخلها اوضتها يتكلم معاها "
" قعد على كرسي جمب السرير وبيحاول يسيطر على دموعه"
- فريده؟
- فريده انا حاسس بيكي!!
- انا جمبك اتكلمي معايا..!
" مكانتش بترد عليه.. ونايمه على السرير مش بتتحرك عيونها ملتهبه و ورامه من العياط.. وجسمها كله ضعيف من قله الأكل والشرب.. بقلمي سلسبيل احمد"
- انا فاهم احساسك.. انتي فاكره انك خسرتي كل حاجه بس احنا معاكي.. احنا هنفضل جمبك.
>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| بعد مرور يومين ||
" فريده علقت محاليل في البيت بسبب انها مش بتاكل ولا بتشرب وصحتها في النازل بشكل مش طبيعي.. "
" عزت قرر يطلع لها و يشوف حل للموضوع.. "
" دخل الاوضة وهي صاحيه لكن قاعده مش بتتحرك وكأنها في عالم تاني "
- فريده حببتي.. الى بتعمليه في نفسك ده مينفعش.. تفتكري هما مبسوطين كده؟ انتي بدمري صحتك!! انا وعدتك ان كل حاجه هتبقي احسن بس ساعدينا..! انا عاوزك تفوقي.. وترجعي طبيعيه.. انتي اقوي من كده يا فريده!
" عزت فضل وقت كبير يتكلم معاها.. وهي دموعها نازله بصمت.. "
- طب انتي عاوزة اية ؟
" في اللحظه دي مكنتش بفكر غير في حاجه واحده.. مش شايفه قدامي غيرها مش شايفه حياتي كلها من غيرها... بصتله وانا بحاول اتكلم "
- انا عايزه ادخل القوات الخاصة انا عايزه اجيب حقهم بنفسي
" الجملة دي خرجت من فريده بكذا شعور!! قهر وحزن وغضب ومشاعر انتقام!! مشاعر كتير اوي وكلها وصلت لعزت! لكنه مكنش عارف يقولها ايه! "
بصلها بهدوء وبدون تفكير: انا عاوزك ترجعي كويسة و وقتها نتكلم وتعملي الى انتي عاوزاه.. بيدج الفيس بوك سلسبيل احمد، بس فكري في كلامي وخلي بالك على صحتك يا فريده.. واتكلمي مع جدك.. لأنه تعبان اوي
>>>>>>>>>>>>>>>>>>>>>>>>>>>>>>>>>>
استغفروا..
" تاني يوم الصبح.. فريده فاجئتهم ونزلت من اوضتها قعدت على السفره معاهم وقطعت الصمت "
- انا بقيت كويسة خلاص. واسفة عشان قلقتكم عليا الفترة الى فاتت و اسفة يا جدو عشان مكنتش بتكلم معاك..
بصيت لياسين: انا بقيت كويسه.. وهنرجع لدروسنا سوا
" الكل كان مستغرب كلامها!! ومندهشين من التحول الى حصلها حاولوا يتصرفوا بشكل طبيعي وبعد الفطار فريده طلبت تتكلم مع عزت لوحدهم.. كل ده بيحصل تحت انظار أدهم الى مش مرتاح.. "
- انا خلاص بقيت كويسة زي ما قولتلي انا عايزه اقدم وعايزه اخد فترة الجيش بتاعتي معاهم عشان لما تخلص اتعين علطول زي ما عملت مع ياسين
" في اللحظات دي عزت فهم بالظبط الى فريده بتحاول تعمله حاول يهدي وميردش بطريقه تأثر عليها سلبيًا "
- انتي لسه محتاجه وقت ياحببتي.. كمان مفيش تقديم دلوقتي انتي اكيد عارفه
= ايوه بس حضرتك عقيد وتقدر تخليني ادخل
- ماشي بس مش لما نطمن عليكي الأول؟
= انا كويسة وهعمل اي حاجه حضرتك عاوزها بس خليني اقدم انا مش عايزه اضيع وقت
" عزت اتنهد بحيره ومكنش عارف يعمل معاها ايه! "
- حاضر يحببتي.. انا بس عاوزك تركزي في حياتك وانا هحاول حاضر.. انتي شايفه هتقدري تكملي السنه وتدخلي امتحانات ولا حابة تأجلي
فريده بدون تفكير: انا كويسة يا عمي ومش هأجل اي حاجه هكمل دروسي انا و ياسين انا حتي شيفاه زعلان بس متقلقش انا هحاول اخليه يبقي كويس
- فريده.. طقم الحراسات بتاعك كله اتغير وحاليا انا مش عاوزك تغيبي عن البيت لو في اي حاجه ضرورية تعرفي أدهم هو هيكون معاكي طول الوقت بجانب الحراسات الخاصة
" هزت راسها بهدوء ودخلت الفيلا تدور على ياسين وادهم خرج لعزت وشافها وهي بتتصرف طبيعي فا بصله بعدم فهم "
- هو حضرتك قولت لها ايه بظبط ؟؟
" عزت فضل يحكي له و أدهم بص له بتعجب "
= مهو مستحيل تكون حضرتك ناوي تخليها تدخل القوات الخاصة ! وده معناه ان دي كدبه !! هتفضل فاهمه انك موافق لحد امتي ؟؟
"عزت كان مضغوط فا بصله بعصبيه"
- وطي صوتك ده ؟؟؟ عاوزاني اقولها ايه ؟؟ لاء ؟ انت مش شايف حالتها ؟؟
= وحضرتك مش عامل حساب لما تعرف الحقيقة هتعمل ايه!! لما تعرف ان حضرتك لغيت الجيش الإجباري بتاعها اصلا !!
" عزت مشي وسابة وادهم كان متعصب اوي ولكنه برضو مش عارف يعمل ايه.. دخل يشوفها وطلع اوضتها ملقهاش فا دخل اوضة ياسين لاقاهم قاعدين "
- فريده.. انا عاوز اتكلم معاكي
= طيب
- تعالي بره
" فريده بصت لياسين بعدم فهم وبعدين خرجت لاقته مستنيها في اوضتها "
- لو عاوزاني عشان الموضوع الى عمي كلمني فيه انا كدا كدا قولتله حاضر
= انهي موضوع
- اني مخرجش غير لما تكون معايا انت والحراسة
اتنهد: مش عشان كده.. بصي الموضوع وما فيه ان..
" كانت بصاله وهو ركز في عينيها.. فضل يحاول يقولها الحقيقة.. ولكن نظراتها كانت بتمنعه "
فريده بستغراب: فيه ايه؟ لو عايز تقولي اني يعني متكلمش معاك وحش تاني زي اخر مره ماشي.. اسفة انا عارفه ان طريقتي كانت
أدهم قاطعها: فريده انتي بتعملي كده ليه؟ انتي مش طبيعيه.. متكلمتيش مع حد.. مختيش وقتك الى بتعمليه ده كله بدري اوي عليه
بصتله وعيونها مدمعه: انت غلطان انا قوية.. وبابا علمني ابقي قوية و ماما كمان.. وانا هجيب حقهم يا أدهم انا الى هجيبه ومش هعمل زي ماما واقعد ابدا انا هفضل وراهم كلهم هقتـ .ـلهم كلهم زي ما كان بابا عاوز.. والبلد هترجع زي ما كانت هترجع مفهاش ناس وحشه
" خرجت وسابته.. و في اللحظات دي أدهم ادرك كليًا ان فريده عندها صدمه نفسية شديدة! مأثره عليها مش مجرد زعل عادي!! "
>>>>>>>>>>>>>>>>>>>>>>>>>>>>>>>>>>
لا إله إلا انت سبحانك اني كنت من الظالمين
" عدت فترة و عزت كل شوية بيقول لفريده انوه هيدخلها تقدم في القوات الخاصة ولكنه بيكدب عليها! و في يوم اتغير في كل حاجه وكل شيء اتقلب. "
|| داخل غرفة عزت ||
- يا نبيلة.. فين المحفظه بتاعتي
= اهي يا عزت قدامك..
- لا حول ولا قوة إلا بالله..
= عزت براحه على نفسك شوية.. انت الفترة دي بس روحت للدكتور اكتر من مره
" قعد بتعب "
- انا كل همومي كوم وهم فريده كوم تاني يا نبيلة انا مش عارف اعمل ايه ابنك بيقولي نعرضها على دكتور نفسي
= طيب يا عزت! اعمل ده اكيد ده في مصلحتها
- مش عايزها تعرف اني بكدب عليها كده هعرضها لصدمه تانيه هي كل املها تدخل القوات الخاصة ده هدفها الوحيد دلوقتي.. ودي حاجه مستحيل تحصل
" في الوقت ده.. فريده كانت واقفة عند بابهم.. وسمعت كل الى قاله.. حست ان نفسها بيروح من صدمه كلامه... مكانتش عارفه تعمل ايه.. "
" نزلت الجنينه وهي تايهه وحاسه باصوات كتير في مخها !! لحد ما لقت ادهم قدامها "
- فريده؟ انتي كويسة
بصتله وهي بتحاول تجمع نفسها: ءءء انا ءء انا كويسة انا كنت محتاجه حاجه ضروري ممكن تيجي معايا؟
- حاجه ايه دلوقتي انا هنبعت حد يجبها
= مش هينفع لا محدش هيعرف الى انا عاوزاه بظبط
- طب حاجه ايه منين؟
= مش بعيد!! من المول الى في اخر الشارع هنا انا قولت لعمي وقالي اروح معاك كنت بدور عليك
بصلها بستغراب وعدم فهم: خلاص ماشي تعالي.
" خدها و ركبوا العربية.. ولما نزلوا فريده دخلت محل معين وخدت حاجات عشوائية!! "
- كده خلصتي ؟
حطت الهدوم في ايده: روح حاسب عليهم هقيس واحد بس جوه
- روحي وانا مستني
= لا روح حاسب عشان نمشي بسرعه ومنتأخرش
" بص على المحل مكنش في ناس يعتبر غير الموظفين فا راح عند الكاشير
وفي اللحظه دي... فريده بدون تفكير اتحركت في الاتجاة المعاكس وخرجت من باب تاني للمحل و فضلت تجري.. فضلت تجري بعيد عنه تماما.. "
يتبع..
>>>>>>>>>>>>>>>>>>>>>>>>>>>>>>>>>>>>
اظن انا هديت اللعب شوية عشان تبقوا تعملوا حسابكم ان البارت الجي فيه تدمير كتير🤷♀️ هستني رأيكم وتوقعاتكم للبارت ده وللرواية عموما متنسوش تتفاعلوا عشان اكمل💜💜💜👀👀
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق