رواية أسرار الأخوات الحلقه الاخيره بقلم الكاتب مصطفى محسن حصريه وجديده على مدونة النجم المتوهج
رواية أسرار الأخوات الحلقه الاخيره بقلم الكاتب مصطفى محسن حصريه وجديده على مدونة النجم المتوهج
الشيخ عثمان وقف بثبات قدام أم منى اللي كانت واقفة بعنيين بيضا وقال لها بصوت قوي: "أنا عارفك كويس… انتِ مش أم منى… انتِ حارس عطوه… الحارس الملعون." أم منى ضحكت ضحكة مرعبة رجّت المكان وقالت بصوت تخين: "كويس إنك عرفتني يا عثمان." فقال لها بحدة: "انتِ أكتر كائن ملعون… انت وعطوه… أنتوا الاتنين أقذر من بعض." ام منى قربت منه وقالت بسخرية: "وانت فاكر نفسك شريف؟" الشيخ عثمان رد عليها: "أنا رجعت لربنا… ورجوعي هو اللي هينهيكم."
فقالت له بغضب: "انت نسيت نفسك يا عثمان؟ فاكر إنك تقدر تقف قدامنا؟" فقال لها: "لو انت قوي فعلا اظهر على حقيقتك… ليه مستخبي في جسد ضعيف؟" فاتغير صوته لغضب وقال له: "ابعد عن طريقنا يا عثمان." الشيخ عثمان قال لها "عمري ما هبعد… وهقضي عليكم واحد واحد." فجأة رفعت أم منى إيديها لفوق ومنى اتشالت من مكانها وارتفعت لحد السقف وكأن قوة خفية شايلها، والشيخ عثمان بدأ يقرا قرآن بصوت عالي، وكل آية كانت بتخبط في البيت زي الرعد.
وأم منى كانت بتصرخ بصوت يهز الجدران، ومنى جسمها بيتخبط في السقف، ومع كل كلمة من الشيخ عثمان كانت منى بتنزل سنة سنة، والكيان اللي جوا أم منى بيصرخ: "كفــــااااياااا!!" وفجأة النور رجع مرة واحدة، والصراخ اختفى، والبيت كله سكت، ومنى وقعت على الأرض، وأم منى بعدها بثانية وقعت هي كمان.
وفي نفس اللحظة شيرين وشريهان فاقوا مرة واحدة ويبصّوا حوالينهم بخوف، والشيخ عثمان واقف بيتنفس بصعوبة… وجري على منى وفوّقها وقال لها: "يا بنتي… اخواتك دول ملعونين زي عطوه وامثاله… ما ينفعش تقعدي في البيت ده لا انتي ولا والدتك. أنا فهمت… اللي شفتيها مش زوجة جابر… ده كان حارس من حراس عطوه بيجرّنا للمقابر، وهناك الحارس اتلبس في والدتك علشان يبوظ كل مخططاتنا."
انتي والدتك وجودكم هنا مش صح… اخواتك ما لهمش أمان… باعوا أبوهم وباعوا أمهم وباعوكي انتي كمان." منى دموعها نزلت وقالت: "والله يا شيخ عثمان أنا عمري ما فكرت أذيهم وكنت دايما بحب اللي هم الخير." شيرين وقفت تبكي وقالت لها: "والله الفلوس عمت عينينا… واحنا آسفين يا منى." منى بصتلها بنظرة موجوعة وقالت: "بعد إيه؟ بعد ما دمرتوني واتعبتوني؟" شريهان قالت: "سامحينا يا منى." منى قالت: "ربنا ينتقم منكم."
الشيخ عثمان شال والدتها وحطها على الكنبة وبدأ يقرا عليها قرآن لحد ما فاقت وبصت حواليها وهنيئا ركزت على الشيخ عثمان وقالت: "أنا عارفاك… شفتك في الحلم… شفتك وانت بتنقذ منى وهي بتقع في البحر." قال لها: "حمد لله على سلامتك يا حاجة." ردت: "الله يسلمك يا ابني." الشيخ عثمان قال: "يا حاجة… انتي مش هينفع تقعدي هنا… انتي ومنى هتيجوا معايا لحد ما أقضي على الشر." أم منى قالت: "شر إيه يا ابني؟" قالها: "هتعرفي بعدين…"
فجأة الباب خبط، منى فتحت لقت الشرطة واقفين، الظابط قال: "شيرين وشريهان مطلوب القبض عليهم… الكاميرات جابتهم وهم بيولعوا المقابر… وهما السبب في موت جابر." شيرين وشريهان صرخوا، الظابط أمر العساكر يقبضوا عليهم وخدوهم. منى واقفة بتعيط، أم منى قالت: "سيبوهم…" الشيخ عثمان قال لها: "لأ يا حاجة… انتي ما تعرفيش عملوا إيه." وشرح لها كل اللي حصل. أم منى دموعها نزلت وقالت: "ربنا ياخد حقنا."
الشيخ عثمان قال: ما تخافوش… انتي ومنى في أمان… وسيبوا عطوه عليّا." الشيخ عثمان خرج من بيت منى وراح المقابر وقال بصوت عالي: "أنا عارفك يا عطوه… وعارف إنك جبان، مستخبي في القبور، مهما كان عندك أراضي وبيوت… هتفضل عايش في الظلام." فجأة عطوه خرج من بين القبور وقال بسخرية: "أهلاً يا شيخ عثمان… اوعى تفتكر انك تقدر علينا." الشيخ عثمان ابتسم وقال: "الحارس بتاعك… أنا حرقته." عطوه اتصدم وقال له: "إيه؟!"
الشيخ عثمان قال له: وهحرق أي حارس ملعون زيّه… بس بديك فرصة ارجع لربنا." عطوه قال له: "انصح نفسك." الشيخ رد: "غرور الشياطين مالي قلبك… ودي نهايتك." بدأ يقرا قرآن، إيد عطوه اتشلّت وصرخ: "كفاية… ارحمني!" الشيخ قال: هو انت رحمت الناس؟!" عطوه قال: "هعمل اللي انت عايزه." الشيخ سأله: "عظام والد منى فين؟" عطوه قال له: "تحت رجلك." الشيخ حفَر وطلّع الهيكل، لفّه، ورجّع العظام لقبر والد منى ودفنه.
خرج… ما لاقاش عطوه. رجع لمنى وقال: انت والدتك في أمان… العمل اتفك." منى سألت: "وعطوه؟" قال: "خان العهد… الشياطين مش هيسيبوه." تاني يوم مروة اتصلت على منى وقالت لها: "لقوا عطوه محروق في المقابر!" منى قالت أخيراً إن الكابوس انتهى… ونامت أول مرة وهي مرتاحة. وقبل الفجر صحيت على صوت خربشة عند باب أوضتها، فتحت… مفيش حد. لقت ورقة مكتوب فيها بخط مرعب: "عطوه مات… بس حارسه لسه صاحي."
انتظروا… بكرة أول سطر من رعب جديد، إن شاء الله.
واللي جاي… مختلف، ومليان مفاجآت هتعجبكم إن شاء الله.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
تعليقات
إرسال تعليق