رواية رغم فرق التوقيت بقلم الكاتب محمد منصور حصريه وجديده وكامله جميع الفصول على مدونة النجم المتوهج

رواية رغم فرق التوقيت بقلم الكاتب محمد منصور حصريه وجديده وكامله جميع الفصول على مدونة النجم المتوهج 

رواية رغم فرق التوقيت بقلم الكاتب محمد منصور حصريه وجديده وكامله جميع الفصول على مدونة النجم المتوهج 

★لعشاق الغموض والاثارة★                

كبر في بلد غير اللي اتولد فيها وكان ديما بيشوف خيال لحد ما يعرفهوش وبيعرف ناس عمره ما شافها واماكن عمره ما راحها.  وكل دة علشان يجيب حق اللي حبته وكانت ديما مع وهو في اول الطريق لكنه لما اشتهر وبقي نجم مافيش زية غدر بيها ولما هددتة بانها تفضحة وتاخد منه حق بنته اللي في بطنها قتلها وحرقها. في نفس المكان اللي اعترف في بحبة ليها، ،،  وعديت السنين وما حدش قدر يثبت عليه الجريمة دي ورغم فرق التوقيت. يحصل اللي ماحدش يصدقة وتقرر الايام انها ترجع حق اللي اتغدر بيها عايزين تعرفو اصل الحكاية من البداية للنهاية. تابعو معايا اقتباس جديد لاحلي افلام النجم شاروخان. مش هقول اسم الفيلم الا في اخر حلقة. واللي يعرف اسم الفيلم ما يقولش علشان ما يحرقش الاحداث علي اللي ما يعرفش الفيلم. وطبعا اللي اتفرج علي الفيلم هيلاقي في القصة احداث جديدة من تاليفي تمشي مع احداث قصتنا ،،،،،،،،

 ويلا نبدأ بس ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

بدات الحكاية سنه 2000. في طرقا قدام مكتب  ريجيسير.  في الدور الاول علوي  والريجيسر دة هو المسئول عن احضار الكومبارس للافلام والمسلسلات اللي بتتصور وكان في الطرقا دي واقف شباب كتير والكل نفسه ياخد فرصة او يطلع في مشهد لاي فيلم او مسلسل ومن ضمن الشباب دول كان موجود شهاب.  شاب وسيم طويل القامه جسمه رياضي. ومعه حبيبته. وعد  بنت منطقة شعبية بسيطة وحلمها حلم شهاب وهو التمثيل ونفسها تبقي نجمه وكان الريجسير اسمه عم صلاح راجل في الاربعينات من عمره وكان بيمشي قدام الشباب الموجودة وبيبص لهم وهو بيقول

اللي هختارة دلوقتي لازم يعرف ان فرصته جت علي طبق من ذهب لانه هيعمل دور في مسلسل كبير للمخرج عطية فواز اشهر مخرجين  الدرما في تاريخ مصر واللي مش هيقع عليه الاختيار ما يزعلش مني لسة ربنا ما اردش لي انه يكون معانا.

فتميل وعد علي شهاب وتقول له بصوت واطي 

يارب يا شهاب يقع الاختيار علينا.  حاكم انا نفسي اخد فرصة حقيقية بقي. ونكبر سوي ومع بعض 

شهاب 

يارب دة احنا جائيين للمكتب هنا مشئ. يبقي علي الاقل نرجع مجبروين الخاطر

وفي الوقت دة لقي شهاب عم صلاح واقف قدام منه بالظبط وبيقول

هترجع مجبور الخاطر

شهاب بفرحة شديدة

يعني اية

عم صلاح

استاذ عطية المخرج طالب شاب في مواصفاتك كدة. وانت اكتر واحد شايف انه هيليق عليه الدور

شهاب وهو مش مصدق بنفسه

بجد. يعني همثل.

عم صلاح

انت مالك مش مصدق لية كدة. يلا اطلع من الصف واسبقني علي المكتب

وخرج شهاب من الصف وحتي ماكلفش خاطرة يبص علي وعد  ولا كانها معه اصلا رغم فرحتها بان عم صلاح اختارة. وخلصت اختيارات عم صلاح ووعد  ما كنتش منهم فقالت لعم صلاح

عم صلاح انا دي 10. مرة اجي عندك هنا وكل مرة ما تختارنيش شوف لي اي دور في المسلسل دة

فيبص لها عم صلاح ويقول

مش مطلوب مني بنات بمواصفاتك.  سيبي تيلفونك وعنوانك ولو احتجتك هكلمك

وعد بصوت حزين وهي تقريبا بتعيط 

كل مرة تقولي كدة

عم صلاح

يا بنتي بلاش عياط انا ما بستحملش كدة 

وسابها عم صلاح ودخل مكتبه وقفل الباب  وفضلت وعد واقفة برة حزينه.  وفي نفس الوقت كان في شاب اسمه زياد وهو ابن عم وعد وخطيبها .وكان راكب الموتوسيكل بتاعه وواقف في الشارع قدام المكتب من برة وشايف حزن وعد من شباك الالمونتال اللي في الطرقا  فطلع موبيله واتصل بوعد وقال لها

طالما مختاركيش واقفة لية عندك

اتخضت وعد وبصت يمين وشمال لغاية ما شافت زياد فقالت

انت بتراقبني ولااية

زياد

والله ابدأ انا عرفت من مرات عمي انك هنا قولت اجي اطمئن عليكي واشوفك عملتي اية.  بس زي كل مرة سابك برة وخد اللي اختارهم

وعد 

لسة مافيش حظ

زياد

طيب انزلي اوصلك ولا انتي مستنيا حد

ارتبكت وعد وقالت

لا. لا.  هستني مين يعني. انا نازلة اهو 

ونزلت وعد بعد ما فضلت تبص علي باب المكتب المقفول وركبت الموتوسيكل وراء زياد وقبل ما يتحرك قالها

بصي انا مش هالوم عليكي دلوقتي واقول لك انتي لية جيتي من غير ما تقولي.  بس عايز اعرف منك. لية ديما مطلعاني برة اسرارك هو انا يعني هقف في طريق نجاحك

وعد

زياد انا ما عنديش حاجة اقولها دلوقتي اتحرك بينا خلينا نمشي من هنا

فيتحرك زياد بالموتوسيكل وطول الطريق كان السكات الراكب الثالث مع وعد وزياد لغاية ما وصله للبيت ونزلت وعد ولسة هتدخل البيت مسك زياد ايدها وقال لها

كل اللي عملتي معايا الفترة اللي قاتت وقله كلامك معايا بياكد لي انا اية بالنسبة لك

بصت له وعد وقالت

والله دة مش وقته

ابتسم زياد وقال

لا. وقته.

وقلع دبلتها من ايدة وفتح ايدها وحط الدبلة في ايدها وقال

ربنا يكتب لك الفرح كله مع حد غيري.  حد انتي اللي تختاري 

بصت له وعد. وهو دور الموتوسيكل بتاعه ومشي وفضلت وعد واقفة قدام باب البيت مستغربه اللي حصل وبتبص للدبلة، ،،،،،،،،

وبعدها بشوية كان شهاب واقف قدام المخرج عطية وبنته شريهان  وبيمثل حتة من فيلم قديم وهو بصراحة كان موهوب جدا وقدر يشد انتباة عطية. لكن قبل انتباة عطية قدر يشد انتباة شريهان اللي سقفت بحرارة وقالت

برافو بجد برافو انت موهوب اوي

ابتسم شهاب وقال

دي شهادة اعتز بيها

عطية وهو بيروح ناحية شهاب وبيحط ايدة علي ذراعه وبيقول

طالما شريهان بنتي قالت انك موهوب تبقي انت اكتر من كدة وقد كدة ميت مرة

شهاب

طيب الحمد لله اني قدرت انال اعجاب انسة شريهان

عطية

خلي بالك شريهان مش بنتي وبس دي كمان بطلة المسلسل وانت هتلعب قدامها دور مهم جدا وهو دور جوزها الاولاني اللي بيموت في الحرب

فتقف شريهان وتروح هي كمان ناحية شهاب وتبص له باعجاب شديد وتقول

بس انا غيرت رايي. وشهاب هيكون البطل قدامي

استغرب عطية وقال

لا. كدة كتير يا شريهان هو صحيح موهوب بس مش لدرجة انه يكون بطل لمسلسل كبير زي دة

شريهان

انت بتثق فيا ولا. لا.

عطية

بثق فيكي بس دور زي دة كبير عليه اوي

شريهان

بابا انا دارسة في امريكا واقدر اثبت لك ان شهاب لو خد فرصة هيبقي نجم مصر الاول

عطية وهو بيبص لشهاب وبيقول 

انا معاكي انه موهوب لكن مش ،،،،،،،

شريهان مقاطعه له

بابا ممكن نتكلم بعيد شوية

وتمشي شريهان هي وعطية ويقفوا في اول الاستديو وتقول شريهان

هات لي نجم في مصر هايرضي يقف قدام مني وانا بطلة المسلسل الاولي ما حدش هايرضي ولو رضي هيغير في القصة واحداثها كتير علشان تليق عليه وانا مش عايزا كدة

عطية

احنا مش هنصرف قليل علي المسلسل دة

شريهان

بابا المسلسل هينزل في رمضان يعني يوم ما يعملش مشاهدة هيلم مصاريفه وزيادة. انتو كدة في مصر كل المسلسلات بتنجح

عطية

خلاص يا شريهان طالما شايفة كدة يبقي تمام يا حبيبة بابا، ،،،،،،،،

ومن جوة اوضة وعد تقعد وعد علي سريرها وكانت عماله تتصل بشهاب اللي موبيلة جرس وما بيردش واكتر من مرة علي كدة فتغضب وعد بشدة وترمي الموبيل جنبها علي السرير وهي بتقول 

بقي كدة. من اولها مش عايز تعرفني

وفي الوقت كدة اتفح باب اوضتها ودخلت عليها امها هاله وراحت ناحيتها وهي متعصبة وبتقولها

اية اللي حصل بينك وبين زياد 

بصت وعد لامها وقالت

حصل اللي المفروض كان يحصل من زمان سيبنا بعض 

هاله

لية بس يا بنتي. دة انتي لو لفيتي الدنيا كلها مش هتلاقي زي زياد

وعد

ماما انتي عارفة من اول الخطوبة دي اني مش عايزا زياد ووافقت بس علشان انتي وبابا الله يرحمه فضلته تحببوني في بالعافية. وما حبتهوش وما عرفتش احبه. وهو حس وقلع دبلته وحطها في ايدي وبس خلاص.  هو مش كلمك محكاش ليكي لية كل اللي حصل 

هاله 

مش هو اللي كلمني دي امه.  وزعلت اوي من اللي حصل دة

وعد

صدقيني يا ماما كدة احسن بدل ما كنا نطلق بعد ما كان بقي بينا عيال.

هاله

خليكي كدة مش عارفة مصلحتك فين ودماغك نشفة واخرة نشافان الدماغ دة كسرها

وعد

انا حرة ومن حقي اتجوز واعيش مع اللي يختارة قلبي مش مع اللي تختاروا انتم،،،،،،

ومن علي قهوة في منطقة شعبية يقعد زياد مع صديق عمره حسيب وكان باين علي زياد الحزن وحسيب كان بيقول له

اعرف بقي طالما انت اللي سيبتها لية الحزن اللي في عيونك دة

زياد

بحبها يا حسيب من واحنا عيال صغيرة

حسيب

وهي بتحب غيرك. زمليها في معهد تمثيل. العيل الصايص اللي اسمه شهاب. وانت شوفت بنفسك عايز اية تاني

زياد 

مش عايز حاجة. عايز انسها.

حسيب

انسها يا صاحبي وعيش. دة لو حد غيرك كان فضحها في العيلة كلها وع،،،،،،،،

فيقاطعه زياد وهو بيقول

انت عبيط يا حسيب دي في الاول والاخر بنت عمي صابر  الله يرحمه.  ومهما حصل مستحيل اعمل كدة.

حسيب

يعني هي. كانت عملت اعتبار ليك ولا لخطوبتها منك. ماهي كانت مايشة مع الواد دة وهي معاك افرض كنتو اتجوزتو كان تفضل مكمله معاك وهي بتخونك

فيقف زياد منفعلا ويقول

حسيب هسيبهالك وامشي طالما الكلام هيروح بينا للسكة دي. 

فيمسكة حسيب من ذراعه وهو بيقول

اقعد يا زياد انا ما قصدش والله. دة انتي صاحبي الوحيد واخويا.  بس انا مضايق علشانك ونفسي اروح اكل وعد دي بسناني،،،،،،،،

وقبل اذان الفجر بدقائق معدودة ترن وعد علي شهاب واخيرا يرد شهاب ببرود شديد

هو في كدة يا وعد 73 رنة. وبترجعي تزعلي لما اعملك حظر

وعد

كنت ممكن ترد من اول مرة وماتخلهمش يوصلو للرقم دة طالما زعلان اوي كدة

شهاب

مش فاضي. طالما ما ردتش ابقي مش فاضي اية بقي خربت الدنيا

وعد باستهزاء

والله. علشان بس عم صلاح اختارك في دور تقلب عليه كدة

شهاب

حبيبتي انا بقيت بطل المسلسل قدام شريهان بنت المخرج عطية

وعد باستغراب

دة اية دة بقي. بطوله مرة واحدة.

شهاب

شريهان اتجننت بموهبتي وقالت هو دة ومافيش غيره ينفع يكون بطل قدامي وانا طبعا ما قدرش اقول غير امين

وعد بغبرة

والزفته دي بقي شكلها اية

شهاب

زفته.  دي قمر دة انا ما شوفتش في حلاوتها ولا شياكتها ولا، ،،،،،،،،

وعد بعصبية مقاطعه

ما بالراحة علي نفسك كدة ولاحظ انك بتكلم خطيبتك. 

شهاب

طيب روقي.  ويلا بقي سلام علشان عايز انام علشان عندي تصوير بكرة الصبح 

وعد

بسرعه كدة

شهاب 

مافيش وقت

وعد

طيب ما تفرحني كدة وتقولي هاتاخد كام في المسلسل دة

شهاب

فلوس كتير اكتر ما كنت اتخيل

وعد

يعني ها تيجي تطلبني من ماما

شهاب

مش لما تخلصي حكايتك الاول مع ابن عمك

وعد

ما احنا خلاص سيبنا بعض 

اتصدم شهاب اللي ما كنش متوقع الرد دة ولحظت وعد سكوت شهاب فقالت

مالك سكت لية

شهاب

مافيش 

وعد

لا. في دة انت من يوم واحد بس كان نفسك تسمع خبر فركشة الخطوبة دي النهاردة اية الخبر مابقاش حلو

شهاب

وعد الظروف دلوقتي بالنسبة لي ما بقتش زي الاول وحوار الجواز دة ممكن يعطلني

اتصدمت وعد وقالت

والله. طيب تمام

ونزلت دموع وعد علي خدها ولسة هابتكلم شهاب قفلت الخط والموبيل كله وفضلت تعيط، ،،،،،،،،

وتاني يوم تصحي وعد علي صوت باب شقتهم بيخبط لكنها تفضل نايمة علي السرير لغاية ما تفتح امها الباب وكان واقف قدام الباب شاب  جاي من عند الريجسير عم صلاح وسمعته بيقول

مش دي شقة الانسة وعد صابر

هاله

ايوة يا بني هي. هو في اية

الشاب

انا جاي لها من مكتب الريجيسير صلاح

سمعت وعد كدة قامت من فوق السرير وهي بطير وفتحت باب اوضتها بعد ما لبست جلبية فوق هدومها وجرخت تجري ناحية باب الشقة وقالت للشاب دة

اية حصل وعم صلاح شاف لي دور

الشاب

احنا بنتصل بيكي من الصبح.  عم صلاح عايزك ضروري النهاردة بعد العصر في مكتبة 

وعد بفرحة شديدة

وقبل العصر هكون هناك، ،،،،،،،،،

ويعدي يومين بالظبط وخلال اليومين دول ما كنش شهاب بيكلم وعد وكان بقي ديما مع شريهان في البروفات ووقت البريك اللي بين مشاهد التصوير وبعضها كانت شريهان واقفه بتضحك مع شهاب اللي كان بيقول لها نكت. وشربهان تقول

شوف انا لفيت معظم الدول الاوربية وعيشت في امريكا ودرست فن التمثيل هناك لكن عمري ما قابلت في خفة دم الشاب  المصري

شهاب

ما هو احنا مش بنفلح الا في المسخرة وبس

شربهان

بس بجد ازاي شاب زيك وسيم ودمه خفيف وملهوش اي علاقات نسائية

شهاب

كنت مركز في دراستي ونفسي ابقي ممثل مشهور وابني مستقبلي وبعد كدة ابقي افكر في اي حاجة تانية

شريهان بدلع

ولغاية دلوقتي انت لسة بتفكر في مستقبلك وبس ولا لقيت حد تاني تفكر في

شهاب

قبل ما اشوفك ما كنش في لكن دلوقتي بفكر فيكي انتي وبس

ضحكت شريهان باعلي صوتها وكان شهاب كمان بيضحك لغاية ما وقفت الضحكة بين ضلوعه لانه شاف وعد واقفة في اول اللوكشين بتبص ناحيته ،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(2)

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★ضحكت شريهان باعلي صوتها وكان شهاب كمان بيضحك لغاية ما وقفت الضحكة بين ضلوعه لانه شاف وعد واقفة في اول اللوكشين بتبص ناحيته فانصدم وبلع ريقة بصعوبة وشاف وعد وهي بتقرب منه برق ومبقاش عارف يروح فين ويجي منين ووقفت وعد قدام شريهان وسلمت عليها بترحيب شديد وقالت

الفنانة شريهان. انا سمعت عن حضرتك كتير وفرحانه اني هشتغل مع حضرتك

شريهان بفرحة

بجد انتي تعرفيني طيب ازاي وانا كنت عايشة في امريكا

فتبص وعد لشهاب وهي بتقول

من خطيبي شهاب ما هو كلمني عن حضرتك كتير

بصت شريهان لشهاب بصة ضيق وقالت

انت خاطب

شهاب

لا.  دي وعد مجرد زميلتي في معهد تمثيل.  بس هي بتهزر

وعد

لا. ما بهزرش 

شهاب بحدة

يبقي اظاهر ان علشان ضحكت معاكي كام مرة ووقفنا في المعهد ايام المحاضرات افتكرتي اني خطيبك

جه الدور علي وعد انها تتصدم وبقيت بتبص لشهاب بخنقة ومش عارفة تقول اية.  وشهاب مسماش عليها وقال

شريهان ممكن نتكلم علي انفراد لغاية ما اللوكيشن يجهز

شربهان

تمام.  انا كمان حابة اتكلم معاك

ومشيوا الاثنين وفضلت وعد واقفة مش مصدقة اللي قاله شهاب وما استحملتش وخرجت من اللوكشين ودموعها علي خدها، ،،،،،،،،،

وفي نفس الوقت كان شهاب بيقول لشربهان

بس يا ستي هي دي حكايتي علي الاقمورة اللي كانت واقفة معانا من شوية

شريهان

يعني علشان كنت بتجيب لامها العلاج اللي هي ما تقدرش علي تمنه وبتعاملها كويس تفتكر انك بتحبها وكمان مخطوبين دي باين عليها غبية اوي

شهاب

هي حرة بقي في دماغها وانا وقلبي حرين نختار اللي تستاهل حبنا

ويمد ايدة شهاب ويمسك ايد شريهان وشريهان تسيب ايديها لشهاب وتبص في عيونه وتبتسم وتقول

انا شكلي كدة.  

وتسكت فيقرب منها شهاب ويقول

شكلك اية. كملي ولا انتي مكسوفة 

شريهان

في امريكا ما فيش مكان في حياة البنت للكسوف 

شهاب

بس احنا هنا مش في امريكا

شريهان

صحيح احنا مش في امريكا. بس انا امريكية. وسكوتي دة مش كسوف دة تفكير في اللي جاي 

شهاب

اية هو اللي جاي

شريهان

انا فعلا معجبة بيك بس يا تري الاعجاب دة بكرة هيبقي حب ولا. لا

شهاب

سيبي دة عليه انا. وانا مستعد اخلي الاعجاب حب

فتبتسم شريهان وتبص له وتسكت، ،،،،،،،،

وفي نفس الوقت كانت وعد في الاتوبيس مروحة ودموعها علي خدها وسانده راسها علي الشباك وبتفتكر ايام عدت،،،،،،،

ونرجع بالايام في ذكريات وعد ووعد واقفة جوة مسرح قديم مهجور وشهاب واقف قدام منها وبيقول لها

عارفة انا كان نفسي المسرح دة يكون مليان جمهور علشان كلهم يسمعوا اللي هقولو

وعد ضاحكا

وانت هتقول اية بقي يهم الناس اللي هتيجي وتملي المسرح

شهاب

هقول بحبك

ضحكت وعد من الفرحة وقالت وعيونها بتحضن عيون شهاب

اخيرا قولتها.  

شهاب وهو بيبوس كف ايد وعد 

وعايز اتجوزك.

وعد 

شهاب انت في وعيك

شهاب

وعمري ما كنت في وعيي زي دلوقتي.  بس لو معايا فلوس 

وعد

بكرة باذن الله هتكون نجم مصر الاول.  ونشتري المسرح دة ونصور عليه اول رواية بطولتنا

شهاب

تفتكري نقدر نحقق الحلم دة 

وعد

طول ما احنا مع بعض هنحقق اي حلم بنحلم بي سوي، ،،،

وترجع وعد للواقع بعد ما سمعت صوت الكمسري بيقول

وصلنا الاخر يا انسة

فتبص له وعد وترد وهي مش عارفة بتقول اية ولمين

فعلا وصلنا للاخر

الكمسري باستغراب

بتقولي اية 

لكنها ما تردش وقامت ونزلت من الاتوبيس والكمسري عمال يبص عليها، ،،،،،،،

وعدت الايام بالظبط 30 يوم والحال ما تغيرش كتير زياد لسة مش قادر ينسي حب عمره وعد.    ووعد مش قادرة تنسي حب عمرها شهاب.   وشهاب ما بيفكرش غير في فلوس شريهان وانه يبقي نجم ما حدش زية. لغاية ما جت ليلة راح فيها زياد مع شريهان لحفلة عيد ميلاد واحدة صاحبتها في كافية من اكبر كافيهات الشيخ زايد وطبعا كان باين اوي وسط شلة شريهان ان شهاب ولا حاجة من هدومة اللي غالية اة لكنها مش اصلي ومن برفانه اللي غالي اة لكن مش اصلي وبدات شريهان تعرف الشلة علي شهاب اللي كان طول القاعدة حاسس انه قليل وسيطهم كله بيتكلم بالملايين وهو كل اللي يملكة الكام الف اللي خدهم مقدم عقدة في المسلسل اللي بيصورة واكتر لقطة وجعت شهاب فعلا لما واحد اسمه مودي من شلة شريهان قال لشريهان

ترهنيني ان شهاب مايعرفش طعك الميلك شيك 

اضايق شهاب لما لقي ان الرهان عليه وعلي شئ تافه جدا وقال وهو بيبتسم بالعافية وعايز يبان انه مش فارق معه

انا ما بشربش الا.  الشاي والقهوة واكتر من كدة مش متوعد.  ودة ما افتكرش انه في حاجة تقل مني.  زي مثلا  ما اقول لك. تعرف طعم البصارة

فيستغرب كل الموجودين من ان في اكله اسمها كدة لكن شهاب قالهم

ما تستغربوش اوي كدة. دي اكله اللي شبهي بس اللي يعرفها

وبص شهاب لشريهان وقال

شكرا علي السهرة الجميلة دي 

وقام وقف فقالت شريهان 

رايح فين

شهاب 

لغاية هنا والسهرة بالنسبة لي خلصت

شريهان

شهاب متباقش حساس كدة دة كله هزار في هزار

شهاب

وانا ما ليش في الهزار.

وسابها ومشي وفضلت شريهان تبص عليه وهي مستغربه ومش فاهمه اية اللي حصل دة كله، ،،،،،،

ومن جوة المسرح المهجور يقعد شهاب وهو حزين وماحسش بنفسه الا وهو بيخرج الموبيل بتاعه وبيتصل بوعد شافت وعد رقم شهاب فرحت اوي ورديت بسرعه وقالت

اول ما شوفت رقمك نسيت كل الايام اللي كنت فيها بعيد عني وماقدرش اعمل اي حاجة غير اني ارد عليك

شهاب بصوت حزين

انا ماليش غيرك. وكنت غلطان لما افتكرت اني ممكن اكون زيهم

وعد

هما مين دول

شهاب وهو متاثر جدا

الناس اللي فوق. 

وعد 

شهاب مالك

شهاب

عايز اشوفك دلوقتي حالا 

وعد وهي بتبص في ساعتها لان الوقت اتاخر فقالت

صعب. انت عارف الساعه كام

شهاب

محتاجك. وحاسس اني لو ما شوفتكيش ممكن يحصلي حاجة

وعد

انت قلقتني.  خلاص انا هتصرف وجاي لك

وتنهي وعد المكالمة وتغير هدومها بسرعه وتفتح باب اوضتها بحذر شديد وتبص علي امها هاله تشوفها صاحية ولا لا. لكن هاله كانت واخدة علاج العضم ورايحة في سابع نومه فتفتح وعد باب الشقة وتخرج من الشقة بشويش وتقفل الباب وراء منها، ،،،،،،،

وفي نفس الوقت كان زياد قاعد علي القهوة مع صاحبة حسيب وحسيب كان بيقول 

انت مجنون صح.  بقي سايب بنات الشارع كلهم وعايز تروح تتجوز بنت المعلم جبران العربي. 

زياد

وفيها اية بنته تماره. حلوة وبتلاغيني وبجوازي منها هنسي وعد

حسيب

انت بتضحك علي نفسك

زياد

لازم انسي وعد وما تنسيش الراجل حبه لواحدة.  الا واحدة زيها. لا دي كمان احلي منها 

حسيب 

خد واحدة من توبك وتكون شبهك. انت عارف جبران دة شغال في اية

زياد

احنا بنسمع وخلاص لكن ماحدش قدر يثبت عليه حاجة ولو هو شمال زي ما الناس بتقول الحكومة ساكته عليه لية

وحاجة كمان لما هو تاجر مخدرات لية عايش في شقة ايجار قديم كله كذب وافتري 

حسيب

برضو بلاش يا زياد ترمي نفسك في حضن واحد زي جبران دة راجل عينه ملينين شر 

زياد

انا مالي ومال ابوها.   البت بتحبني وانا عايز اللي تحبني زهقت بقي من اللي بحبها.  وارجع واقول لك كفاية انها حلوة.

حسيب

حلاوة مخلوقة من نار جهنم. اخاف يحصل لك اي مكروه من قربك منهم 

زياد

هيحصلي اية يعني.  اكتر من اللي حصلي خطيبتي وكانت بتعرف عليه واحد تاني. 

حسيب

مش عارف اقول لك اية. بس اللي بتعمله دة غلط، ،،،،،،

ومن جوة مخزن كبير يخص المعلم جبران يقف جبران وسط رجالته وفي ابدة عصاية من ذهب وكان بيبص لكونتينر كبير جاي له من جنوب افريقيا وشاور علي باب الكونتينر ففتح الباب واحد من رجالته اسمه عباس وهو ذراعه اليمين علشان يلاقو اطفال اعمارهم من 7 ل 10 س  من جنسيات مختلفة فيهم الاوربي والعربي والافريقي والاسيوي  كلهم ولاد الفقراء ومكتفين وبوقهم متكمم  فيقول جبران لعباس

هات عيل منهم

فيروح عباس ويمسك عيل من شعره وبنزل بي من الكونتينر فيبص جبران للعيل دة ويرفع هدومة لفوق علشان تبان خياطة في بطن العيل دة فيشاور جبران لعباس فيمسك عباس بمقص ويبدأ يفك الخياطة والطفل يصرخ بصوت مكتوم من شدة الوجع لكن جبران لا بهتم ويمد ايدة في معدة هذا الطفل ويخرج عشر اكياس من الالماظ الحر متهرب من جنوب افريقيا فيبص جبران للالماظ بطمع شديد وهو بيضحك ويقول لعباس 

خيط لة الجرح تاني وارمي برة المخزن

عباس

في الصحراء كدة يا عم الدنيا 

جبران

ما تقلقش عليه ربنا هيبعد له رزقه

وفعلا يخيط عباس الجرح تاني لهذا الطفل ويفتح له باب المخزن فيخرج الطفل وهو بيعيط مش قادر يستحمل الوجع علشان يلاقي قدام منه ذئب من اللي مربيهم جبران فيترعب الطفل ولسة هيرجع للمخزن كان الباب اتقفل وبدأ كل اللي المخزن يسمعوا خبط الطفل علي باب المخزن وهو مرعوب وبيحاول يصرخ لكن ما فيش صوت طالع وكل الاطفال اللي في الكونتينر مرعوبين من اللي سماعينه ويتوقف الطفل عن الخبط ويبدأ الدم يتسرب من تحت باب المخزن فيقول جبران

غبي اوي الديب ماكس دة.

عباس

ما انت برضو يا عم الدنيا مش دافع في قليل

فيضحك جبران ويقول

بس تعرف  انا لو عندي عيل من صلبي مش هحبة زي ما بحب ماكس 

ويبص للاطفال اللي في الكونتينر اللي كانو مرعوبين وكلهم بيبصوا للدم اللي بيجري من تحت بوابة المخزن ويقول

ابقي حط لهم عشاء يا عباس. لغاية ما نصرف الالماظ دة ونبقي نسحب عيل تاني، ،.،،،،،،،،،،،

ومن جوة المسرح المهجور تقعد وعد قدام شهاب اللي كان بيقول

الرهان كان علي اني اعرف الميلك شيك ولا. لا.  شوفتي بقي قد اية احنا ولا حاجة بالنسبة لهم.  

وعد

اومال انت كنت فاكر انك هتبقي زيهم علشان بس خد بطوله فيلم. اصحي يا شهاب 

شهاب اللي انهار وبدأ يبكي

صحيت ولقيت نفسي ولا اي حاجة انا نكره وماليش ثمن وسط الناس اللي فوق. علشان كدة لازم اكسر دماغي اللي خلتني اصدق اني ماقلش عنهم 

وبدأ يخبط دماغه في الحيطة وبمنتهي القوة لكن وعد تمنعه من انه يخبط نفسه وتاخده في حضنها علشان يهدي ويفضل شهاب يعيط وهو بيقول

سيبيني اكسرها. اللي خلتني اصدق اني بني ادم

ويحاول انه يخبط دماغه تاني في الحيطة لكن وعد تمنعه وتضمه اكتر لصدرها وتعيط علي حاله وتقول

بس مش هقدر اشوفك في الحاله دي

وبدأ شهاب يضعف وهو في حضن وعد ووعد تضعف ،،،،،،،،

وفي الوقت دة يتفتح ويتقفل شباك اوضة نوم هاله بسبب الهواء فتقوم من النوم مفزوعه وتستعيذ بالله من الشيطان الرجيم وتقول

اية الهواء دة.

وتقوم تقفل الشباك وتقول

هتلاقي وعد نايمة وسايبة الشباك مفتوح زي عادتها اما اروح اقفله لتبرد

وتخرج هاله من اوضتها وتروح لاوضة وعد علشان تدخل الاوضة وتلاقيها فاضية فتنادي علي وعد وتدور عليها في الشقة كلها وتقرر انها تتصل بيها علي الموبيل وفعلا تتصل بيها لكنه كان جرس وما حدش بيرد قلقت اكتر واكتر 

وما بقتش عارفة تعمل اية، ،،،،،،،،،

ومن جوة المسرح تقعد وعد في حتة وشهاب في حتة وكانت عماله تعيط وبتلطم علي وشها وبتقول

يا مصيبتي.  اية اللي انا عملته دة

لكن شهاب بمنتهي الخسة والندالة شاف رساله من شريهان بتقوله فيها

★انا زعلانه انك مشيت. وعايزا اشوفك دلوقتي فاهم ولا. لا. ★

لمحت وعد الرساله ولمح شهاب ان وعد بصت علي الرساله فراح شهاب ناحية وعد وقال لها

اهدي وانا هتجوزك. وكل شئ هيتصلح

وعد وهي بتبص له باستحقار

بتسكتني علشان تروح لها صح

شهاب

اروح لمين انا شريهان دي ما تنفعنيش.  دة انا لسة كنت بقول لك اية

وعد

لو كلامك صح. اتصل بيها واقول لها انا مش عايز اعرفك تاني

شهاب

لا. بقي دة كدة يبقي هبل. واضيع فرصة عمري في اني امثل مسلسل من بطولتي

وعد

يعني هتروح لها

شهاب

دة شغلي ومستقبلي. لكن انتي حياتي والشغل حاجة وحياتي الشخصية حاجة تانية

وعد

يعني

شهاب وهو بيكمل الكلام

اخلص الفيلم وهتكوني مراتي. وعلشان تصدقي انا بكرة باذن الله هاجي اقراء الفاتحة مع مامتك. انا مش قليل الاصل علشان اتخلي عنك بعد اللي حصل

وعد

وامي اللي اتصلت اكتر من مرة اقولها اية

شهاب

قولها واحدة صاحبتي عملت حادثة. وانا مستعد اظبطها مع زميلتنا في المعهد عبير

وعد

دة بخصوص النهاردة. انما بكرة انا هستناك لو ما جتش هيبقي في كلام تاني.  ،،،،،،،،،

ياتري شهاب هيروح لوعد ولا. هيغدر بيها. مستني ابداعكم. ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(4)

وتعدي الايام وشهاب يتجوز شريهان والخبر يتنشر في كل  الجرايد   وزياد يتجوز تماره. ووعد امها منعتها من انها تقرب ناحية شهاب نهائي لغاية الليلة اللي عرفت فيها وعد انها حامل هنا كانت المصيبة الكبيرة. وما بقتش عارفة تعمل اية لكن وعد قررت تحكي لزياد وتخلي يساعدها يجيب حقها من شهاب. وتخلي يتجوزها علشان الفضيحة وراحت وعد لشقة زياد اللي كانو هايتحوزو فيها وخبطت علي الباب وفتحت تمارة وبصت ل وعد  وقالت

انتي مين

وعد

انا وعد بنت عم زياد

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★

في الوقت دة كان جبران ومراته عزيزة عند زياد لانه عازمهم علي الغداء وسمعوا اللي قالته وعد فبصوا كلهم ناحية الباب ورجع جبران بص لزياد بغضب شديد وقال

اية الحكاية يا جوز بنتي. انت لسة بتكلم البت دي

زياد

ما عرفش يا عمي انا من ساعه ما سيبتها ودي اول مرة اشوفها فيها

جبران

طيب قوم خليها تخش وتسمعنا هي جاية لية

فيبص زياد للباب وهو مش عارف عايزا اية وعد وهنا جبران قال بحدة

قوم

فيقوم زياد ويبص لتماره وتماره تبص له من فوق لتحت وتدخل وتقعد جنب ابوها وزياد يقول ل وعد

تعالي ادخلي 

وعد بصوت واطي

انا عارفة انك مش ضايقني بس انت ابن عمي قبل اي حاجة وانا فعلا محتاجة ليك دلوقتي اكتر من اي وقت تاني

زياد

في اية

في الوقت دة وقف قدام منهم جبران وقال وهو بيبص للاثنين بصة ترعب 

لو عايزين تبقوا لوحديكم عرفونا نسيب البيت ونمشي

زياد بارتباك

لا. خالص دي وعد في مشكلة ومحتاجة ليا

فيخرج جبران برة الشقة ويبص لفوق الباب ويقول باستهزاء 

يكنش دة مكتب شكاوي وانا مش واخد بالي

ويرجع يبص ل وعد اللي مستغربه اللي بيعمله جبران وقالت

زياد لو عامله لك احراج انا ممكن امشي

فيبص جبران ل زياد مستني هيقول اية وزياد يبلع ريقة بصعوبه ويقول

ازاي بس دة انتي برضو بنت عمي ولو هقدر احل مشكلتك باذن الله هحلها

فيبتسم جبران ابتسامه شيطان مجنون وقال ل زياد

بس انا بقي بقول انها تشوف حد تاني. ولا انت عايز تقول غير اللي انا بقوله

فيسكت زياد محرج وقلقان ووعد تبص له وتقول 

بجد اسفة. لان واضح اني عملت لك مشكلة كببرة.

ومشيت وعد وزياد قلبه بيتقطع وعايز ينادي عليها لكن جبران مسك ذراعه وقال

بلاش والنبي تتنح كدة. علشان قلبي بيتقطع. خش شوف مراتك يا نحنوح

اضايق زياد من الطريقة والاسلوب وحس قد اية  انه ظلم نفسه بالجوازة دي وان جبران لغي شخصيته وخلاه ملهوش كلمة في بيته، ،،،،،،،،،،

ومن الشارع تمشي وعد وهي مش عارفة تعمل اية وعماله تفكر ازاي تخلص من المصيبة اللي وقعت فيها نفسها وكلها كام شهر وبطنها تكبر وهتبقي فضحيتها علي كل لسان وهنا ظهر قدام منها حسيب وقال لها

زياد اتصل بيا وقال لي اقول لك. ما تزعليش من اللي حصل واعتبريني مكان زياد وقولي في اية يمكن اقدر اساعدك

وعد

ياريت ينفع. ولو كلمت زياد قول له ما يشيلش همي انا هبقي كويسة. لاني واضح اني سببت له مشكلة كبيرة مع نسايبة

حسيب

كان نسب اسود. وانتي السبب في ان زياد يرمي نفسه وسط جبران وبنته

وعد باستغراب

انا.

حسيب

ايوة.  زياد اتجوز تماره علشان ينساكي بيها.  لكن كان حكم ابوها علية انه لو كلمك او اقرب منك هيحرمه من نور عينية

وعد باستنكار

للدرجة دي.  

حسيب

واكتر.  ريحي زياد وعرفيني اية مشكلتك خليني اساعدك علشان خاطر زياد

فتعيط وعد وتقول

مش هينفع. مش هينفع. وسابني بقي في حالي، ،،،،،،،

ومن جوة شقة. تقعد هاله مستنيا وعد. اللي سايبة موبيلها في الاوضة.  وبمجرد ما وعد تفتح  باب الشقة تقابلها هاله  وتقول لها 

كنتي فين

فترفع وعد شنطة علاج كان في ايديها وقالت

بجيب علاج

هاله بشك

كل دة

وعد بعصبية

انا ما كملتش ربع ساعه برة.

هاله

لا اكتر. وسايبة الموبيل في اوضك لية 

وعد بعصبية

في اية هو انا بقيت في سجن.  الخطوة بقيت بحساب 

هالة

اة سجن لغاية ما تطلعي من هنا اما علي بيت جوزك او قبرك

وعد

كل دة علشان الكلمتين اللي قالهم الواطي شهاب

هالة

لا. يا روح علشان انتي نزلتي لي بعد نص الليل ولغاية دلوقتي مش عارفة. اية اللي حصل ليلتها ويخوفي تكون مصيبة

وعد وهي رايحة ناحية اوضتها

ما حصلش حاجة.  وكفاية بقي انا تعبت وقرفت يارب اموت علشان ارتاح

وتخش الاوضة وترزع الباب وراء منها، ،،،،،،،،

ومن جوة اوضة زياد تقعد تماره علي السرير قدام زياد وبتبص له وبتقول

اية اللي بينك وبين اللي اسمها وعد دي 

زياد

وعد بنت عمي وكانت جاية علشان مشكلة. 

تماره

واية هي المشكلة

زياد

لما ابوكي طردتها ما عرفتش اية هي المشكلة

تماره

وانت مالك زعلان لية كدة

زياد بعصبية 

علشان ما ينفعش بنت عمي تكون في مشكلة وتيجي لغاية عندي وابوكي يطردها وقدام مني.  

تماره

والله ابويا حر يعمل اللي هو عايزه في بيته

زياد

بس دة مش بيته دة بيتي انا

تماره وهي بتضحك وبتقول باستهزاء

بيت مين. هو انت فاكر انك بتاكل وتشرب هنا. احنا بناكل وبنشرب من خير ابويا.  يعني هو راجل البيت دة مش انت

زياد بعصبية

لا. انا راجل غصب عنك وعن عين ابوكي. هو انتي فاكرة انه هيشتريني بالفلوس اللي بيدي هالك. انا من الاول شارط عليكي الفلوس اللي تاخديها من ابوكي حقك ما تدخلش في مصاريف البيت وانتي وافقتي علي كدة

تماره

وانت بقي كنت فاكر ان الكام جنية اللي بتجبهم يعرفوا يملو الثلاجة فراخ ولحمة وفاكهه زي ما هي مليانه دلوقتي

اصحي يا حبيبي

زياد

انتي  اتجوزتيني وانتي عارفة ظروفي يعني ما ضحكتش عليكي وكمان انتي كنتي في الرايحة والجاية عينك مش بتتشال من عليه.

تماره

كنت غلطانه وفاكرة نفسي بحبك. بس بعد ما خليتك بجوازتك مني بني ادم.   جاي اول ما وعد خبطت علي بابك تريل وكان هاين عليك تاخدها في حضنك

فيضربها زياد بالقلم ويقول

انا مش بريالة يا بنت جبران. ولو ابوكي ما عرفش يربيكي انا هاربيكي

تماره وهي بتزقه في صدره وبتقول بانفعال

انتي بتضربني بتضرب تماره بنت المعلم جبران ودين النبي لاتصل ب ابويا واخلي يجي يربيك

زياد

وانا ما غلطتش علشان اخاف من مجيئة ابوكي.  

وما يعديش ربع ساعه الا ويلاقي زياد باب اوضة بيتكسر عليه وجبران جوة الاوضة ومعه عشر رجاله بص له زياد وقال

اية يا معلم جبران ينفع تدخل علي جوز بنتك كدة

جبران بعصبية

هاتو مسحول علي وشه

فيهجم الرجاله علي زياد ويمسكوا من رجل البنطلون ويبدوا يجروا في لخارج الشقة وزياد بيحاول يمنعهم لكن رجالة جبران كانو كترة وقدروا علي زياد ونزلو بي علي السلم سحل لغاية الشارع. وفي نفس الوقت يظهر عباس قدام باب الشقة لانه نزل من الدور اللي فوق ومعه اربع رجاله قالو جبران

عايز العفش كله يبات النهاردة في مخزن المنيب

عباس

عيني يا معلم

جبران

وديني وما اعبد لا اعلمه الادب

عباس

ما انا قولت لك يا معلم الست تماره ما كنش ليها الجوازة دي

جبران

بعدين يا عباس مش وقته الرغي دة ،،،،،،،،،

وقدام محل المعلم جبران يتعلق زياد من رجله علشان راسة تبقي للارض ويقعد جبران قدام منه ويقول

بقي انت يا عرة تمد ايدك علي بنتي.  لية كانت عدمت ابوها

زياد وهو صعبان عليه نفسه والشارع كله بيتفرج عليه بما فيهم وعد وامها. واللي اتوجعت وعد لمنظر زياد واللي بيحصل له بسببها وزياد قال

متتحامش في رجالتك. وكلمني راجل ل راجل

جبران وهو بيقف وبينزل علي رجلة ويضرب زياد بالقلم ويقول

طيب انا وعارف نفسي اني راجل لكن انت لا.  

وفي الوقت دة توصل ام زياد وتقف قدام المعلم جبران وتقول بتوسل

ما يصحش كدة يا معلم دة مهما كان جوز بنتك

جبران

كان جوز بنتي.  النهاردة ناهية الجوازة دي.  وهو اللي حكم علي نفسه لو بنتي اتوجعت بسببه احرمه من نور عينية دة اتفاقي معه

زياد

بنتك مش متربيه غلطت فيا وكان لازم اعلمها الادب

ويضرب جبران زياد كمان مرة بالقلم علي وشة ويقول

غلط تاني. وانا بقي لازم احرمك من نور عينيك.  وخلي وعد تنفعك يا روح امك 

زياد بانفعال شديد

ما تجيبش سيرة وعد علي لسانك فاهم ولا لا.

ومن جوة شقة وعد كانت وعد بتلبس العباية وهالة بتقول لها

رايحة فين

وعد

زياد بيتبهدل بسببي 

هاله

وانتي هتعرفي تعملي اية للمفتري جبران

وعد

اعمل اللي اعمله بس حرام اللي بيحصل في زياد دة 

وتخرج وعد من الشقة.  وفي نفس الوقت كان جبران بيقول

اشتريت وعد وبعت بنتي.  حالا عليك بس بنتي تطلق والعيل اللي في بطنها ما يخصكش

زياد 

هي تماره حامل

جبران

اة. وهو دة نور عينك اللي هاحرمك منه.

في الوقت دة تقف وعد قدام جبران وتقول له

يا معلم جبران زياد من ساعه ما سابني وهو ما بيكلمنيش دة انا اللي وقعت في مشكلة وكنت محتاجة له يساعدني والله العظيم ما فيش اي حاجة بيني وبينه

جبران

انا ما بصدقش حريم.  بس اعرف ان الوشوشة بين اتنين بيبقي كلام حبيبة مش مشاكل

وعد

والله العظيم،،،،،،

جبران بعصبية مقاطعه لها

انا اللي عندي قولته. ولو تحب اقول تاني.  مالكش عيال من بنتي. خلصت

وفي الوقت دة يجي حسيب ومعه ظابط من القسم وحسيب بيقول

شوفت البلطجة بنفسك يا حضرة الظابط

الظابط ل جبران

ممكن اعرف اية اللي بيحصل هنا

جبران

جوز بنتي وبعلمة الادب. 

الظابط

هي سايبة البلد فيها قانون.  

جبران

ما هو ما يضربهاش ويعورها وابوها عايش واستني القانون

الظابط بعصبية

طيب فكوا وتعالو كلكم علي القسم، ،،،،،،،،

ومن جوة القسم يقفوا كلهم وزاد عليهم تماره اللي كانت دماغها مفتوحة وزياد بيقول للظابط

دة افتري والله. انا ما عملتش فيها كدة

جبران

يبقي انا بقي اللي فتحت دماغها.  

الظابط ل جبران

اسكت انت 

جبران

اسكت ازاي بس. يفتح دماغ بنتي وكمان يسرق عفشها وتقولي اسكت دة يبقي افتري

زياد

هو مين اللي سرق يا راجل يا ضلالي.  

جبران

سامع يا باشا.  

ويبص جبران ل زياد

الله يسامحك يا ابني. هو انتم اتربيتوا علي انكم تشتموا اللي اكبر منكم

زياد

يا حضرة الظابط الراجل دة بميت وش وانا بقدم في محضر تعدي دة سحلني في وسط الشارع وكمان قال انه هيحرمني من ابني

الظابط ل جبران

انت فعلا قولت كدة 

جبران

قولت اية يا باشا.  الكلام اللي بيتقال ساعه الشيطان ما بيبقي حاضر بيبقي كلام وخلاص لكن دة ابنه احرمه ازاي منه هو انا ما عرفش ربنا

ويبص جبران ل زياد من تحت لتحت والغدر في عيونه، ،،،،

وبعدها باسبوع بالظبط ومن قدام المسرح المهجور يقف زياد قدام باب مقفول والباب في وسطة شباك من ازاز سميك جدا. وبيحاول يكسر الشباك دة بكل قوته علشان يفتح الباب لان المسرح بيولع وجوة المسرح عبون بتبص له وهي بتعيط وصوت حزين بيقول 

الحقني.

وايد بتتمد يمكن تقدر تلمس ايدين زياد وصرخة وجع في قلب الحبيب، ،،،،،،،،،،،

عايزين تعرفو اية اللي حصل في الاسبوع دة. ومين اللي جوة المسرح.  دة بقي كل اللي فات حمادة وكل اللي جاي حمادة تاني خالص.  استنوني، ،،،،،،،،،،،

ح(5)

★وبعدها باسبوع بالظبط ومن قدام المسرح المهجور يقف زياد قدام باب مقفول والباب في وسطة شباك من ازاز سميك جدا. وبيحاول يكسر الشباك دة بكل قوته علشان يفتح الباب لان المسرح بيولع وجوة المسرح عبون بتبص له وهي بتعيط وصوت حزين بيقول 

الحقني.

وايد بتتمد يمكن تقدر تلمس ايدين زياد وصرخة وجع في قلب الحبيب،،،

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

طبعا بتقولو اية اللي وصلنا للمشهد دة. ومين اللي بيحصل فيها كدة. هقول لكم. بس نرجع للقسم ونشوف زياد وهو خارج من القسم بعد المحضر اللي اتعمل في بضرب مراته وسرقة العفش ولقي وعد وامها هاله وامه.  وحسيب صاحبة  واقفين قدام القسم واول ما شافو خارج جريوا ناحيته واترمت امه في حضنه وعيطت. طبطب عليها وقال

ماتقلقيش يا امي انا كويس 

 قالت وعد

انا السبب في كل اللي حصل لك دة. حقك عليه اذيتك يمرواحي ليك 

زياد بصوت حنون

ماحدش اذاني الا انا. 

وبص ل حسيب وقال

ويا ما حسيب قالي بلاش الجوازة دي وانا ركبت دماغي. واهو بعد شهرين بالظبط تخلص جوازة كانت غلط في غلط 

حسيب

احمد ربنا انها خلصت علي كدة

زياد

دة هيحرمني من ابني شوفت جبروت اكتر من كدة 

حسيب

مش هيقدر هي سايبة

زياد

بينها كدة.  انا عايز اروح

وقبل ما يمشي زياد تقع عينه علي جبران ومراته وبنته تماره وهما خارجين من القسم ويبص لهم وهما بيبصوا له،،

وبعدها بيوم ومن جوة شقة وعد. يقعد زياد قدام وعد وهاله وبيشرب كوبية الشاي بتاعته وبببص ل وعد وبيقول

كنتي محتاجني.  وبتقولي انك في مشكلة خير با وعد

وعد

هو انت في اية ولا اية. بعدين بقي

هاله

مشكلة اية. 

وعد بارتباك

ابدأ يا ماما انا كنت روحت ل زياد الشقة علشان المشكلة اللي بيني وبينك لانه هو الوحيد اللي هيعرف يقصر عليكي

هاله

وهو زياد ناقص هم لما زود عليه همنا.  

زياد باهتمام

بس انا محتاج اعرف اللي حصل علشان لو اقدر احل المشكلة احلها

وعد وهي بتغمز ل زياد

بعدين بقي بعدين. لما تبقي كويس

وفهم زياد ان وعد مش عايزا تتكلم قدام امها فقعد معهم شوية ومشي واتصل علي موبيل وعد وقال لها

اية اللي مخبيئ عن امك. 

وعد وهي بتتكلم بشويش ومن اوضتها

انا هحكي لك مش لانك زياد خطيبي الاولاني. لا.   لانك ابن عمي وشرفي من شرفك

قلق زياد اوي وقال

احكي

وحكيت وعد كل الحكاية واتصدم زياد وكان سكينة بادرة بتقطع في كل حتة في لحمة وكان اخر كلام بتقوله وعد وهي مفحومة من العياط

فكرت كتير قبل ما اكلمك لانك اكتر واحد اتاذيت مني بسبب حبي لشهاب وفي نفس الوقت ما فيش حد غيرك اقدر احكي له علي المصيبة دي. ولو مش عايز تدخل في مشكلة بسببي اعتبرني ما قولتكش اي حاجة وانا ونصيبي بقي

سكت زياد مش عارف يقول اية وطالت فترة السكوت فقالت وعد

زياد انت معايا

زياد بصوت حزين مهموم

معاكي

وعد

لو عايز تخرجك نفسك برة المشكلة دي انا مش هزعل وكفاية اوي اني خربت لك حياتك وكنت السبب في طلاقك من مراتك وخناقتك مع نسايبك 

زياد

وعد انا مش لاقي اي كلام يتقال بجد انا حاسس اني روحي بتطلع مني. حبيبتي سابتني علشان واطي سرق شرفها وطلع ندل معها. المفروض اشمت واقول لك بعتي  الغالي بالرخيص.   لكني مش قادر.  ولا قادر اقول لك انا معاكي وفي ظهرك لغاية ما جيب لك حقك. حاسس اني مقسوم اثنين واحد بيقولي خليها تستاهل والتاني بيقولي دة حبيبتك اللي ماعرفتش تنسها حتي وانت متجوز الاحلي منها.  لكن كل اللي اقدر اقوله ما فيش حاجة اقدر اقدمها ليكي

فتعيط وعد بحرقة شديدة وتقول

حتي ولو كوني بنت عمك اللي ملهاش راجل يقف قدام شهاب

زياد

انتي يوم ما جرحتيني كنت برضو بنت عمي.  اشمعني دلوقتي 

وعد

خلاص يا زياد ردك وصل. بس بالله عليك بلاش امي تعرف اي كلمة من اللي اتقالت

زياد

طبعا وهو دة كلام يتقال

وتقفل وعد مع زياد وتعيط اوي اوي. وما تعديش الا دقيقة بالظبط ويرن موبيل وعد تاني ويكون المتصل زياد فترد بسرعه علشان تلاقي زياد بيقول

اوصل ازاي للواطي دة

فتبتسم وعد وتترسم ضحكة حزبنة وسط الدموع، ،،،،،،،،،

وفي نفس اليوم بالليل كان زياد قدر يوصل للفيلا اللي ساكن فيها شهاب مع شريهان وفضل قاعد قدام الفيلا علي الموتوسيكل بتاعه مستني شهاب يوصل وفعلا بعد انتظار 5 ساعات وصل شهاب بعربيته كان معه شريهان مراته واول ما نزل ما العربية لقي زياد قدام منه وبيقول له

كنت عايزك يا فنان. بس في كلمة سر

شهاب

لو عايز فلوس. انا ما بديش فلوس لاني ضد مبدأ التسول اشتغل واتعب وكون نفسك

زياد

زي ما انت بالظبط كدة تعبت لغاية ما وصلت للفيلا دي ياابن منطقة عابدين 

ويبص زياد للفيلا فيعرف شهاب ان دة مش معجب فيبص ل شريهان ويقول

حبيبتي اسبقي انتي وانا هحصلك

شربهان

هو انت تعرف الاستاذ دة

زياد

معرفة عميقة. لغاية دلوقتي.  بس ممكن تبقي سطحية لو الفنان زعلني

شريهان باستغراب 

شهاب هو بيتكلم لية كدة 

شهاب

هعرف بس اطلعي انتي

وتدخل شريهان للفيلا ويقرب شهاب من زياد ويقول له

انت مين

زياد

انا زياد ابن عم وعد.  عرفها طبعا

شهاب

أة.  مش تقول طيب.  

زياد

اهو قولت.

شهاب

وعايز اية

زياد

وعد حامل

شهاب باستهزاء 

لا بجد.   طيب الف مبروك. معاكم تعملو سبوع ولا اديك حق الشمع 

زياد 

انا جاي فعلا علشان اخد. بس مش حق الشمع اخدك انت تكتب عليها.  

ويمسك زياد ذراع شهاب فيبعد شهاب ذراعه عن زياد ويقول 

بالراحة بس كدة. مالك عصبي لية.  بس اقول لك انا عارف انت عصبي لية. علشان انا خدها منك وخليتها تكرفك وتعملك وحش. بس باين كدة انك ماعندكش دم

لسة هيتعصب زياد يقول شهاب

مش عايزك تزعل بس انا لو مكانك وواحدة حسستني اني ولا حاجة بالنسبة لها واول ما ترجع وتقولي هات لي حقي من الوحش اللي انا مشيت معه وانا مخطوبالك. كان لازم تقولها اتحرقوا انتو الاثنين انا مالي باللي حصل بينكم.

زياد

انا بس عايز اعرفك انا هنا مش زياد اللي حبيبته سابته وراحت لواحد تاني.  انا هنا زياد اللي جاي ياخد حق بنت عمه.  

شهاب

معلش بس ولامواخذة هو انا كنت غصبت بنت عمك علشان تعمل معايا كدة.

فيمسكة زياد من رقبته بمنتهي العنف وقال

انت اوطي بني ادم انا شوفته في حياتي

فيبعد شهاب ايد زياد عنه ويقول

بص يا حبيبي انت تروح تركب الموتوسيكل بتاعك دة. وتمشي بالذوق وعلي رجليك. بدل ما اكسحك واخليك تمشي بتعرج

فيخرج زياد ورقة فيها رقم تيلفونه ويحط الرقم في جيب بدله شهاب. وهو بيقول بتهديد

اللي في جيبك دة رقمي ولو ما اتصلتش بيا بكرة تقولي اجيب الماذون واجي لك فين. انا اللي هاجي لك ومعايا الحكومة. واخلي فضيحة الفنان بجلاجل. وساعتها صاحبة الفيلا دي مش هتحب انك تكون جوزها وترجع تاني تستلف السيجارة 

فيتوتر شهاب ويبان عليه ولكنه يقول

تبقي كدة حكمت علي بنت عمك بالفضيحة

فيبتسم زياد بمكر التعالب ويقول

ما هو دة اللي انا عايزه. افضحها وانتقم منها انما بقي لو انت اتجوزتها برضو ببقي بنتقم منها واعرفها هي سابت مين

وراح زياد وركب الموتوسيكل بتاعه وبص لشهاب وقال

علشان مين

ومشي زياد بالموتوسيكل وساب شهاب وهو مصدق فعلا ان زياد هيبلغ عنه. وبدأ يفكر يعمل اية، ،،،،،،،،

ومن جوة مخزن المعلم جبران يقعد جبران مع عباس وكان باين علي جبران انه مخنوق جدا والديب بتاعه عمال يعوي وهو يشخط في وبيضربه ويقول

انكتم بقي انا مش طايق صوت

عباس

اهدئة يا معلم مش كدة.  انت عارف ان الديب في موسم التزاوج بتاعه بيبقي سلوكة عدواني شوية

جبران

ما احنا بعتنا نجيب له نتاية. نعمل اية تاني.  

عباس

طيب معلش وعلشان خاطري اهدئة الديب لو حس بانك بتملكة وبتتحكم في هينسي انك انت اللي بتاكلة وممكن يهجم عليك وعليه.  وهو انا اللي هقول لك يا معلم برضو دة قانون مملكة الديابة 

جبران

مش مرتاح يا عباس بقي حتة عيل زي زياد دة يعمل في بنتي كدة.  دة البت مفحومة من العياط

عباس

وهي الست تماره تعيط علي كلب زي دة

جبران

بتحبة يا سيدي.  وقال اية كانت بتقول عليه شحات وهي عينها منه. انا عارف لية ربنا بس ما رزقنيش بواد بدل كهن النسوان دة

ويعوي الديب كمان مرة فيضربة جبران تاني بالعصاية الذهب بتاعته وكان بيقول

قولت انكتم بقي

وبي الضربة دي كانت البداية لهجوم شرس من الديب علي جبران اللي قدر يغرز انيابة في ظهر جبران اللي كان بيحاول يهرب ويصرخ جبران من الوجع ويطلع عباس سلاح ويضرب النار علي الديب اللي اتسعر ولكن الديب ياخذ الرصاصة ويهجم علي عباس ويغرز انيابة في رقبته 

فينزف عباس بشدة وهنا كان جبران بيزحف علي بطنة وطلع الخنجر بتاعه وغرزة في رقبة الديب اللي كان قدر ينهي علي حياة عباس ويقع الديب ميت جنب عباس وجبران ينادي علي رجالته وهو مش قادر من كتر الوجع والدم نازل من ظهرة زي الشلال، ،،،،،،،،

وتاني يوم يرن موبيل وعد وهي في اوضتها وتلاقي شهاب هو اللي بيتصل بيها فتبص للرقم وتفرح وتقول

باين زياد عرف ازاي يكسر مناخيرة.

ورديت بتعالي شديد وقالت

عرفت ان ورايا رجاله تعرف تخليك تيجي لغاية عندي راكع

صوت شهاب بصعوبه

انتي بعتي لي بلطجي يكسر عضمي لية ياوعد. لية عايزا تقتليني. هو انا يعني لما كنت

ويكح شهاب بصعوبة ويقول

هو انا يعني لو كنت عرفت انك حامل هرمي اللي في بطنك ما هو اكيد كنت هتجوزك 

وعد بحنية

هو زياد عمل فيك اية

شهاب

كسر عضمي ما بقتش قادر اقف علي رجلي

وعد

لية بس يعمل كدة.

شهاب

بينتقم مش انا برضو اللي خدك منه اهو جاب صحابة وكان فيهم واحد اسمه حسيب وفضل يقول دة اللي خطيبتي سابتني علشانه. وضحك عليها وخلاها تحمل منه. فرحان وشمتان.   ازاي تحكي للي في يوم كان خطيبك علي سر زي دة. انتي للدرجة غبية

وعد بكسرة قلب 

زياد يفضحني كدة. دة انا ماكدة عليه

شهاب

انا لازم اخرب بيته. انا في القسم دلوقتي وبعمله محضر ومحتاج شهادتك معايا

وعد 

اني قسم

وقالها شهاب علي عنوان القسم، ،،،،،،،،،

وبعدها بشوية ومن جوة القسم يقف شهاب وهو متكسر فعلا ومتسند علي وعد وقدام منهم يقف زياد ومعه حسيب وكان شهاب بيقول بصعوبه

هما دول وفي تلاته تانين

زياد

انت كذاب.  انا عملت فيك كدة

وعد بغل وكرهه

انت اللي كذاب استامنك علي سري وانت تفضحني وتاخد حسيب وصحابك معاك علشان تتفشخر قدام منهم

زياد وهو بيبص لشهاب

هو الثعبان دة فهمك كدة

وعد

هو شهاب يعرف منين ان حسيب دة صاحبك

زياد بعصبية

هو انتي غبية. للدرجة دي ما المنطقة كلها تعرف انا وحسيب اية

الظابط بانفعال

بس. هي حصلت تزعق قدام مني

زياد

يا حضرة الظابط دة كذاب. قسما بالله العظيم كذاب

الظابط

انت مش كنت عنده امباراح بالليل

زياد

روحت له. بس لوحدي

الظابط

لوحدك وعملت في دة كله.   انت باين عليك جامد اوي

شهاب بصعوبه

هو انا بس اللي عمل فيا كدة. دة لسة يا فندم من كام ساعة ضارب مراته وحماة عمل محضر.  دة يا فندم طايح في الخلق كلها

الظابط

فعلا في محضر تعدي معمول لك في قسم التابع للمنطقة بتاعتك

زياد

برضو كذب ومتلفق لي

الظابط

يعني هو بيتبلي عليك. وحماك بيتبلي عليك.

زياد

والله العظيم الاثنين بيكذبوا.  وفي المرتين انا دخلت القسم علشان دي

ويبص لوعد اللي سانده شهاب بخوف شديد وتقول

انا ماقولتكش تروح تكسر عضمه. اية مش قادر تنسي اني بحبه هو. وسيبتك علشانه

زياد

اشبعي وغوري بي في ستين داهية انتي وهو. بس قولي للظابط انا روحت له لية. 

وعد

علشان اللي في بطني. انا وشهاب خلاص اتفقنا علي الجواز

زياد بشعور بارد

مبروك بس يارب يطلع معاكي راجل المرة دي

شهاب

حضرة الظابط من فضلك ان ممثل وببتدي حياتي ومشكلة زي دي ممكن تقصر علي مستقبلي ياريت كل شي يخلص هنا في مكتب حضرتك. واخد منك تعهد مكتوب علي زياد بعدم التعرض 

زياد

ما تقلقش من غير تعهد لانت ولاهي هتشوفوا وشي تاني

ويبص زياد ل وعد ويقول

روحي منك لله خربتي حياتي مرتين مش مرة واحدة، ،،،،،

ويعدي الاسبوع وبالليل في المسرح المهجور تقف وعد قدام شهاب وهي في منتهي السعادة وبتقول له

انا مش مصدقة اننا اتجوزنا

شهاب

واول حتة جبتك فيها علشان نحتفل بالمناسبة دي في المكان اللي اتولد حبنا.  فاكرة

وعد وهي في حضن شهاب 

الا فاكرة. 

وتبتسم وعد ويقول شهاب

تعرفي يا وعد انك اغبي واحدة انا عرفتها في حياتي.

اتغيرت ملامح وعد وكمل شهاب وهو بيلف حوالين وعد

كان لازم تصدقي زياد لما قال عليه ثعبان. انا فعلا ثعبان لفيت ودورت حوالين منك علشان لما تموتي ما حدش يشك فيا.  

ويبتسم بخبث ويبان الشر في عيونه

مستقبلي علشان يبقي وردي كان لازم ما تكنيش انتي في.  طيب كان ازاي اخليكي بنفسك تشهدي علي زياد قدام الحكومة وتخلي يطلع مذنب ويتعمله محضر بعدم التعرض ليا. مع انه كان عايز مصلحتك وكان فعلا بيدور علي حقك اللي ضاع بسببي وكمان سهل جدا انزل المنطقة

واعرف مين اعز اصحابه واعرف ان جبران سحله واستغل المحضر اللي عمله لي واكد عليه بمحضر تاني ضرب

ويضحك وهو لسة بيلف حوالين وعد المصدومة وبتقول

انتي ازاي كدة. ازاي غبية اوي كدة.  بتحبيني يا غبية. وانا عمري ما حبيتك انا ما بحبش الا شهاب. وعلشان شهاب يعيش من غير وش. لازم وعد تموت من غير وش طيب ازاي.  

ويفضل يلف ويدور ويلف ويبص لكل اركان المسرح ويقول

حريقة كبيرة قضاء وقدر في المسرح المهجور اللي ماحدش يعرف طريقة غيري انا وانتي.  والحمار

ويبص ناحية الازاز الموجود في الباب واللي بيحاول يفتحة زياد باي شكل ويحصل شرز في جميع اركان المسرح وشهاب يبص لوعد اللي بتبص للشرز ويقول

كل ركن في المسرح زي ما انتي عارفة فيهم كشاف والكشاف في بودرة البودرة دي مع غاز انا مغرق بي المكان هيخلي المسرح يتحول لبقعه من جهنم بس ببطي. والباب الوحيد الاكرة بتاعته انا كسرتها واتصلت بزياد يجي يتفرج عليكي وانتي بتتحرقي وبالمرة الحكومة تاخده ماهو بينتقم من خطيبته اللي سابته واتجوزت غيرة 

ويبدأ اول ركن تطلع منه نار ووعد بتعيط بحرقة مش مصدقة وتقول

طيب انا وهونت عليك انما اللي في بطني

شهاب

ما بحبش يكون ليا نقطة ضعف 

ويبدأ تاني ركن في المسرح يولع ووعد بتقول

الباب هو الطريق الوحيد للخروج من هنا وانت قفلته يعني كدة هتموت معايا

شهاب

انتي ماتعرفيش ان المسرح دة في باب سري لبيودي لسرداب تحت الارض بيستخدمو السحرة في فقارتهم وفي تغير هدومهم والباب دة هفتحة وهنزل منه واسيبك تتشوي براحتك.

ويبص ل زياد اللي بيحاول يكسر الازاز اللي في الباب ويقولها

خلي يبطل خبط خليكي تموتي بمزاج. عرفي ان الازاز دة ضد الكسر.   الباب كله ضد الكسر

ويزقها شهاب بعيد عنه ويجري ناحية الباب السري وينزل في السرداب بمنتهي السرعه وتروح وعد وراء منه وتحاول تفتح الباب تاني لكن شهاب قفل الباب من جوة بالقفل 

ومن برة كان زياد قدام باب المقفول والباب في وسطة شباك من ازاز سميك جدا. وبيحاول يكسر الشباك دة بكل قوته علشان يفتح الباب لان المسرح بيولع وجوة المسرح عبون وعد بتبص له وهي بتعيط وصوتها حزين بيقول 

الحقني.

وايدها بتتمد يمكن تقدر تلمس ايدين زياد وصرخة وجع في قلب الحبيب. والنار بدات تاكل في لحم وعد وزياد بيبص للي بيحصل وهو ها يتجنن وبيقول من برة وعيونه بتصرخ.

حبيبتي.

وفضل يبص ويصرخ ويحاول ويحاول ويحاول لغاية ما جت الحكومة وقبضت علي زياد ووعد كانت اتفحمت تقريبا، ،،،،،،،،،،،،

بصو بقي كل اللي فات حمادة وكل اللي جاي حمادة تاني خالص.  طبعا في ام اللماطة معانا وهتقولي ما انت قولتها قبل كدة. هقولها لا ناصحة. بس فعلا اللي. جاي حمادة غير حمادة الاولاني.   

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(6)

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

من جوة احدي المستشفيات تقف تماره وامها عزيزة قدام جبران اللي نايم علي السرير وهو تعبان وبيبص ل تماره وبيقول

ما تقولي يا بت قال لك اية الدكتور

تماره وهي حزينه

هتبقي كويس يابا

جبران بعصبية

قولتي انطقي الدكتور قال لك انا عندي اية

تماره

العضة قتعت لك وتر حساس في الظهر وبسبب العضة دي

وتسكت تماره فيقول جبران بعصبية 

ما تخلصي وتقولي 

تماره بخوف 

انت مش هتمشي علي رجلك تاني

جبران بعصبية شديدة

انتي بتقولي اية يا بنت الكلب

تماره

هو دة اللي قاله الدكتور

جبران

دة حمار. انا همشي وهفضل امشي وهروح اجي

وينزل جبران من علي السرير ولكنه يقع علي وشه فيجروا ناحيته فيبص لهم ويقول 

اوعو حد يلمسني انا مش عاجز انتو سامعين مش عاجز

ويحاول يقف لكنه ما يقدرش ويقول بكسرة نفس 

شيلوني. ساعدوني ارجع للسرير تاني.  انا جبران اعيش عاجز. دة الموت عندي كان اهون.،،،،،،،،

ومن جوة احدي اقسام الشرطة يقف زياد والكلبشات في ايدة وقدام منه شهاب ودموعه نازلة علي خدة وبيقول بحرقة

انا عايز حق مراتي منه. 

الظابط

بس هو يتكلم وبقول هو عمل فيها لية كدة

شهاب

ما انا قولت لحضرتك علشان سابتة واخترتني لية بقي تختارني. هو الحب والجواز بالعافية

هنا لقي زياد نفسه بيلف الكلبش حوالين رقبه شهاب بمنتهي القوة وبيخنقة وقام الظابط من علي المكتب وحاول انه يفك خنق زياد لشهاب لكنه ما قدرش لوحده فندأ علي كل العساكر اللي في القسم وبداو يتجمعوا ويدخلو مكتب الظابط وفضلو يضربو في زياد لغاية ماساب شهاب اللي كان ببطلع في الروح ولحقوا علي اخر لحظة. واتعورت رقبه شهاب وكان بيبص لزياد اللي واقع علي الارض والعساكر بتضرب في وزياد بيبص ل شهاب وهو مش حاسس بوجع الضرب لكن قلبه موجوع اللي منه وماتت قدام عينه.،،،،،،،،،،

واتحبس زياد علي ذمة القضية.  ولفت الايام وحكمت المحكمة علي زياد بالسجن 20 سنه.  صرخ في حسيب وقال

انت هتفضل ساكت كدة. انطق واحكي للقاضي علي اللي شوفته ليلتها.  افضح الخسيس اللي ولع فيها هي واللي في بطنها.  

زياد

ملهوش لزوم قدام الحكومة هي شهدت معه ضدتي تفتكر لو انا قولت انه عمل كدة حد هيصدقني

ويبدأ العسكري يسحب زياد برة القفص وزياد كان بيبص لحسيب ويقول

انا ماليش غيرك دلوقتي يا صاحبي. ابقي اسال علية. واطمئن علي مرات عمي. وعرفها اني ماعملتش كدة في وعد ، ،،،،،،

ومن جوة شقة هاله يقعد حسيب مع هاله اللي كانت حالتها لتسر عدو ولا حبيب وكان حسيب بيقول

انا جاي لك برساله من زياد.  هو ما عملش كدة في وعد ولو الناس كلها تصدق هو مش عايزك انتي بالذات تصدقي 

هاله بصوت حزين مكسور

زياد ياذي وعد.  طيب ازاي.  ازاي ياذي روحه.  دي كانت اغلي حاجة عنده. لكن بنتي بقي الله يسامحها زي ما حرقت قلبه. وظلمته ربنا كتب ان، ،،،،،،

وتسكت من كتر العياط فيقول حسيب

ادعي لها بالرحمة

هاله وهي بتعيط

ربنا يرحمها.  مع انها كانت واجعه قلبي لكنها وحشتني وكل وقت والتاني استني تفتح باب اوضتها وتخرج تناكف فيه.  ما انا عارفها.  ماتقوم بص عليها كدة يمكن تكون جوة وانا مش واخدة بالي منها. قولها امك من زعلانه منك. بس اخرجي افطري معها

وتقول هاله بقهر

يا بنتي.   

فيطبطب حسيب علي هاله وهو يقول

انتي ست مؤمنة. عايزك توحدي الله 

هاله وهي بتمسح دموعها

والله موحده الله وديما مشغله القران. والا كان زماني اتجننت. الله يرحمها الله يرحمها

وتخرج من البوك بتاعها فلوس وتدي الفلوس ل حسيب وتقول له

عايزاك تشتري كولدير وتحطة جوة الجامع. ثواب وصدقة علي روحها.

حسيب

طيب خلي فلوسك وانا هعملك اللي انتي عايزا

هاله وهي بتحط الفلوس بالعافية في ايد حسيب

والله ابدا. ريحني ،،،،،،،،،،

 وفي السجن وبعد سنه بالظبط جت زيارة ل زياد راح يشوف مين لقي اخر اثنين كان ممكن يشوفهم تماره وابوها جبران.اللي كان علي كرسي بعجل وعلي ذراع تماره ولد ابن 5 شهور شبة زياد جدا بص زياد ليهم بغل وبصل للولد الصغير بحب شديد وكانه حس انه ابنه فقالت تماره

اة ابنك طالما انت مش قادر تنزل عينيك من عليه كدة. لكني جيت اعرفك انه هيشيل اسم راجل غبرك

زياد بعصبية شديدة

دة كنت اروح فيكي. ف داهية 

تماره

مش تعرف بس هيشيل اسم مين 

جبران

عامر جبران الخطاط

زياد

ازاي انتو كفار. يعني تبقي امه وفي الاوراق الرسمية اخته.

يا معلم هتتقي الله امتي بعد اللي حصلك دة.  دة حسيب حكالي ويعلم ربنا انك صعبت عليه 

جبران

ما يصعبش عليك غالي.   بس اللي انا في دة بسببك لولا انت واللي عملته فيا ما كنتش ضربت الديب وخليته يعضني. لكن معلش بحق كل ليلة هعيش فيها متحسر علي رجلي اللي اتشلت. هعيشك في ليل حزين ملهوش اخر وابن من دمك مكتوب باسم واحد تاني

زياد حرقة

حرام انا كنت عملت فيكم اية لدة كله انا عيشت مع بنتك شهرين كنت بعاملها احسن معاملة عمرها اشتكت مني لكن الجبروت والغل والكرهة اللي في نفوسكم خلاكم تهينوا  بني ادم قدام الشارع عمره ما اذي حد. لكن معلش سيدنا النبي كان احسن مني ميت الف مرة واتاذي.  انا مش هتاذي

ويتنهد زياد ويقول

خد ابني. بس اتقي الله وبلاش تكتبوا باسمك. علشان دة كفر وربنا ما يرضاش بالكفر.  ولو حقي هيرجع

وبص زياد ل عامر في عيونه وقال له

مهما يحولو يكذبو عليك. أنا ابوك. مش حد تاني 

وسابهم زياد ومشي فقال جبران

استني عندك انا لسة ما خلصتش اللي جاي علشانه لازم اشوف قلبك بيتحرق قدام مني والحسرة في عيونك تكفي عمرك كله

لكن زياد كان خرج من غرفة المقابلة فقالت تماره

يلا يا با.

وتزق الكرسي بعجل لكن جبران وقفت العجلات عن الدوران وقال باعلي صوته 

لسة ما شوفتش الحسرة في عيونه. لسة ما شفيتش غليلي منه.  اسمع يا زياد  بحق عجزي اللي انت السبب في ل طلع ابنك فاجر عكسك في كل حاجة. سامعني.  هطلعه فاجر، ،،،،،،،،،،،،،

وتخرج تماره بجبران من السجن وتقول له وهي بتزقة

تفتكر ان زياد صدق فعلا انك هتكتب عامر باسمك

جبران

يبقي غبي لو صدق انا بس كنت عايز احسره علي ابنه اللي هيكون من صلبه وما يشلش اسمه.  وعامر هيفضل باسم زياد  في الورق بس انما هيكبر وهو عارف اني ابوه وجده.  ،،،،،،،،،،،،،

وبعديها ب سنتين بالظبط. ووقت ما كان جبران قاعد بيفطر مع تماره ومراته سمعوا صوت خبط علي باب الشقة دقات سريعة ووراء بعض بدل علي ان في شئ خطير فقال جبران. ل تمارة

قومي افتحي وشوفي مين

وتفتح تماره علشان يدخل راجل من رجاله جبران اللي اول ما يشوفه جبران يقول له

في اية يا سليمان

فيروح سليمان ناحية ودان جبران ويقول بصوت واطي

الكونتير اللي كان جاي من جنوب افريقيا اتمسك في المينا وحصل قلق يا معلم

جبران

يادي المصيبة. طيب والعمل 

سليمان

لازم تهرب يا معلم وبسرعه قبل ما يتعرف الكونتينر داخل مصز باسم مين

جبران

اتصرف  في طيارة خاصة. بسرعه تنقلني انا وعيلتي وفلوسي ل تركيا 

سليمان

ماشي كلامك يا معلم

ويمشي سليمان ويبص جبران لمراته وبنته اللي كان باين علي وشهم القلق وقال

عايزاكم في خلال ساعه تجهزوا. ،،،،،،،،،،،

وفعلا قدر جبران يهرب هو واللي معه وكل اللي حيلته واشتري قصر كبير في تركيا واستغربت تماره وامها عزيزة وقالت عزيزة ل تمارة

هو ابوكي يا بت جاب الفلوس دي كلها منين 

تماره

انتي بتساليني انا. يبقي جوزك وماتعرفيش انه معه كل الفلوس دي.

يلاقيهم جبران واقفين مع بعض وبيتكلمو فيقول لهم

مش وقت استغراب. انا لقيت مقبرة فرعونية وفتحتها وخد كل الذهب اللي فبها خلاص ولا هنقعد نحكي كتير في حوار الفلوس دة، ،،،،،،،،

وتعدي السنين والصغير يكبر وعامر دلوقتي بقي عنده 25 سنة. ويشبه ل زياد في الشكل بس لانه كبر وبقي دلوعه جده بقي شاب صايع ومستهتر قدر جبران ينفذ كلامه وطلعه فاجر واحنا دلوقتي جوة ديسكو في تركيا وعامر بيرقص وبيشرب خمره مع اصحابه وقال لهم

انا رايح الحمام

وراح ودخل الحمام وبعد ما خلص خرج ووقف قدام حوض الوش وبدأ يغسل وشه وشاف خيال لحد شبهه انتبه بشدة ودعك عيونه اوي وبص في المرايا بتركيز شديد لكنه ما شافش حاجة ولسة هيخرج من الحمام شاف الخيال تاني خاف جدا وخرج من الحمام بسرعه ولقو صاحبو جاي عليهم وهو مرعوب فقال واحد منهم واقرب صديق ل عامر وهو تركي ويدعي دامس

مالك يا عامر

عامر

باين عليه سكرت. 

دامس

طيب كفاية ويلا نمشي من هنا

عامر

خليك انت لو عايز تكمل السهرة

دامس

اسيبك ازاي بس وانت بتقول سكرت. انا هوصلك، ،،،

ومن جوة عربية عامر يسوق دامس وعامر كان بيقوله

انا متاكد اني شوفت خيال لحد شبهي

دامس

طيب ماشي روح نام وبكرة الصبح نبقي نشوف الحكاية دي

وفجاة يشوف عامر نفس الخيال واقف قدام منه علي الطريق فيصرخ في دامس قائلا

حاسب هتخبطة

لكن دامس يقول

هو مين

ومستناش عامر دامس يدوس فرامل فداس هوة فرامل ولف التركسيون بتاع العربية لفة كاملة بعيد عن الخيال لدرجة ان العربية اتقلبت بيهم اكتر من مرة واستقرت علي ظهرها ورغم العربية اللي اتقلبت لكن دامس وعامر كانو بخير وبص دامس ل عامر وقال بعصبية

اية اللي انت عملته دة

عامر

كنت هدوسه

دامس بنفس العصبية

هو مين دة 

عامر

هو شبهي بس انا ماعرفهوش

دامس 

لا. انت تبطل شرب احسن لينا كلنا، ،،،،،،،،

ومن جوة اوضة عامر في القصر ينام عامر علي سريرة فتدخل عليه امه تماره اللي السن بان عليها واكل من حلاوتها كتير وقالت له.

مين اللي انت دوسته امباراح دة بعربيتك

عامر بعصبية

ماما. انا مش طايق اسمع صوت حد

تماره بعصبية 

يعني تقتل قتيل ومطايق اني بتكلم معاك. 

في الوقت دة يدخل عليهم جبران فيبص له عامر ويقول

بابا خليها تمشي من قدامي انا مش فايق لها

جبران ل تماره

مالك وماله يا تمارة

تماره

داس واحد امباراح بعربيته ومات.  صاحبته شيما هي اللي قالت لي

جبران

ما انا عرفت 

تماره

وما قولت ليش يا با

جبران

وانتي يعني هتعملي اية

تماره

دة انا امه

جبران

وانا ابوة. وطول ما انا عايش يعمل اللي هو عايزه وانا هالم من وراء.  

تماره

دة قتل قتيل. واحنا هنا في الغربة الحكومة ما بتهزرش

جبران

الموضوع دة خلص النهاردة الصبح وخلاص اهل الراجل اللي مات خده ديته 2 مليون دولار. ونسيه ان ليهم حد مات.  عايزا اية انتي بقي

تماره

عايزا ما يبقاش كدة. دة قتل. وتاني يوم رايح يتفسح مع اصحابه عادي

جبران بجبروت

عامر جبران الخطاط يعمل اللي هو عايزة

في الوقت دة يسمعوا صوت عامر بيقول

بس دة مش اسمي انا اسمي عامر زياد محروس

برق جبران وتمارة ما اختلفتش عنه وبصوا ناحية عامر اللي شافو في عيونه بصة زياد، ،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(7)

رغم فرق التوقيت 

 قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★جبران بجبروت

عامر جبران الخطاط يعمل اللي هو عايزة

في الوقت دة يسمعوا صوت عامر بيقول

بس دة مش اسمي انا اسمي عامر زياد محروس

برق جبران وتمارة ما اختلفتش عنه وبصوا ناحية عامر اللي شافو في عيونه بصة زياد وقال جبران بعصبية 

عامر اية انت قولته دة.  

عامر 

اهو اتقال وخلاص. سيبوا الاوضة بقي واخرجوا علشان عايز انام

جبران

مش هنروح في حتة الا لما اعرف انت لية قولت كدة

عامر بزهق

يوووووووووووو.  اسيبها انا واغور من وشكم

ولسة هبخرج من الاوضة لكن امه مسكت ايدة وقالت

خلاص نام احنا هنخرج

وتبص تماره ل جبران

خلاص يا با.  يلا دلوقتي وبكرة نبقي نشوف ماله

جبران وهو بيبص ل عامر

ماشي اتخمد وبكرة اشوف حكاياتك اية يا عامر

ويخرجوا من الاوضة ويقفولو الباب وراء منهم ويرجع عامر ينام تاني وبمجرد ما يغمض عيونه يشوف زياد وجبران بيسحلة في الشارع وبيعلقة من رجله. فتح عيونه وهو مفزوع وفضل يبص حوالين منه وغمض عيونه تاني وشاف وعد وشهاب ووعد كانت بتتحرق لقي نفسه بيعيط

وقلبه بيتحرق فقام عامر وقعد علي طرف السرير وشاف نفس الخيال بيدخل الحمام فقام وجري ودخل الحمام وولع النور ملقاش حد استغرب اوي ورجع لسريرة تاني لقي ورقة مكتوب عليها.

★حسيب.  مصر.  منطقة عابدين★

فضل يبص للورقة وهو هايتجنن.،،،،،،،

ومن جوة اوضة جبران يقعد جبران قدام تماره ويقول لها

بقالنا كام سنة بنربي وبنسي الاسم دة.  وهو يقولها كدة طيب ازاي. وهو عمره ما قالها حتي بينه وبين نفسه وديما عارف ان اسمه زياد جبران الخطاط

تماره

عامر سكران. ومش عارف هو بيقول اية

جبران

وهو اية الجديد ابنك دول عمره سكران. اشمعني النهاردة

تماره

انت هتقلقني لية يا با

جبران

حاسس ان زياد خرج من السجن وعرف مكانه وقابل عامر وحكي له علي اللي حصل زمان

تماره

ازاي بس. هو في حد يعرف يوصل لنا هنا.  دة احنا في تركيا

جبران وهو بيخبط ايدة علي الكرسي العجل بتاعه

اومال في اية.  ولية عامر يقولي انا كدة.  دة انا كنت حاسس ساعتها اني شايف زياد مش عامر

تماره

انا كمان حسيت كدة.  بس ممكن يكون بيتهيالنا

جبران

احنا الاثنين.   لا. يا تماره الموضوع خطير و،،،،،،،

وفي الوقت دة يسمعوا صوت خبط علي باب الاوضة لكن خبط وراء بعضة بطريقة غريبة فقامت تماره وفتحت الباب وشافت عامر وهو بيسحب بنطلون فاضي من رجله وبينزل بي علي السلم زي ماكانو رجاله جبران بيعملو مع زياد فيبص جبران للي بيحصل ويلاقي عامر علي وشة وهو السلم وكانه هو اللي بيتسحل وبيقول

اية يا معلم جبران هو ينفع تعمل كدة في جوز بنتك 

ويقف عامر ويمسك رجل البنطلون تاني ويكمل سحب في البنطلون وبيقول بصوت غليظ

هاتو مسحول علي وشه

يبرق جبران لانه افتكر المشهد دة كويس وبدأ قلبه يدق بسرعه من الخوف وقالت تماره

عامر انت بتعمل اية

لكن عامر يعلق البنطلون من رجله في نجفة الريسبجين زي ما رجاله جبران علقو زياد وقال عامر بصوت غليظ

بقي انت يا عرة تمد ايدك علي بنتي.  لية كانت عدمت ابوها

فقلب عامر دماغه وخلاها بالمقلوب وكانه هو المتعلق وقال 

متتحامش في رجالتك. وكلمني راجل ل راجل

ويرجع عامر يقف مكانه ويبص للبنطلون ويقول بصوت غليظ 

طيب انا وعارف نفسي اني راجل لكن انت لا. 

ويضرب عامر نفسه بالقلم زي جبران ما ضرب زياد وضحك عامر ضحكة الرعب وبص ل جبران وقال

رغم فرق التوقيت.  لكن الحق ما بيموتش. ارجع حق اللي اتقلت غدر وبعد كدة راجع لك. 

وخرج عامر من القصر وتماره بتنادي عليه وجبران عمال يبص عليه برعب شديد وبيقول لتماره

زياد عرف طريق ابنك وحكي له علي اللي حصل زمان

تماره وهي بتخبط بايديها علي صدرها وبتقول

يا دي المصيبة السوداء.   ودة عرف طريقنا ازاي

جبران

ودين ربنا لو زياد في تركيا. ما هيخرج منها حي

تمارة

ناوي علي اية يا با

جبران

هارجع عامر ابني. تاني لحضني واعرفة انا لية عملت كدة

تماره

ازاي بس 

جبران

بالفلوس هاخلي قاتلين القتله والمجرمين اللي هنا يدورو علي زياد ويجيبوا تحت رجلي مذبوح زي اي خروف

تماره

طيب وعامر اللي خرج ومانعرفش راح فين

جبران

عامر ما تقلقيش عليه هتلاقي هنا ولا هنا. هيروح يشرب له كاسين ويرجع هو يعرف حد في تركيا غيرنا،،،،،،،،،،

ومن قدام بيت دامس صديق عامر الوحيد واللي كان عايش لوحدة يخبط عامر علي الباب وكانت الساعة تقريبا داخلة علي 4. ص. فيصحي دامس من نومه بصعوبه ويقوم من علي السرير بالعافية ويروح يفتح الباب علشان يلاقي عامر قدام منه وبيعيط.   دامس باستغراب

عامر.  في اية

فيترمي عامر في حضن صاحبة ويفضل يعيط، ،،،،،،،،،

وبعدها بشوية ومن جوة بيت دامس.  يقعد دامس قدام عامر ويقول له

يا عامر فهمني بالراحة. ازاي انت من مصر وليك اصل هناك وانت عيلتك كلها هنا.

عامر

زياد و حسيب. و وعد. وامها هاله. هما دول اهلي

دامس

مين الناس دي. وعرفتهم امتي وفين

عامر

عارفهم مع اني عمري ما شوفتهم

دامس 

عامر انت لازم توقف مخدرات وخمرة. لان باين كدة ان دماغك تعبت

عامر

انا مش مجنون يا دامس.

دامس

اومال اية. في حد يعرف ناس عمره ما شافها. ازاي طيب

عامر

ما عرفش ازاي.  بس انا الليلة دي شوفت حاجات كتير وكانها من الماضي وذكريات ليا. كاني انا اللي عيشتها

وكل ذكرياتي فيها زياد والدي.

دامس

انت كمان ليك اب اسمه زياد. اومال جبران دة اية

عامر

جبران جدي.  لكني في الاوراق الرسمية وشهادة ميلادي وجواز السفر اسمي عامر زياد

دامس 

والله انا النهاردة بسمع منك حكايات اغرب من الخيال

عامر

علشان كدة لازم انزل مصر

دامس

هتعمل اية هناك بس 

عامر

هاجيب حق زياد والدي. ووعد

دامس

بتهزر صح

عامر بحدة

انا ما بهزرش. من ضمن الذكريات اللي شوفتها شوف شهاب الممثل المصري المشهور وهو بيحرق وعد جوة مسرح قديم

دامس

شهاب طلع مجرم.  دة معبود الجماهير في مصر

عامر

دة اللي انا شوفته. وعلشان اقدر افهم لازم تكون البداية من عند حسيب.  

دامس

طيب والسفر دة مش محتاج فلوس

عامر

عملت حسابي.  ونقلت لحسابي مبلغ كبير ممكن ينفعنا

دامس

ينفعنا

عامر

اة. ما انت هتيحي معايا

دامس

اجي معاك اعمل اية انا تركي وحياتي كلها هنا في تركيا ماليش حد في مصر انزل علشانه

عامر

انت هتنزل مصر علشاني انا. ولا انا ما ستاهلش 

فيسكت دامس للحظات ويقول

تستاهل لما نشوف اخرتها معاك اية، ،،،،،،،،،،،

وبعدها بيومين ومن جوة شقة حسيب  كان حسيب قاعد بيلعب مع حفيدة. فسمع باب الشقة بيخبط فقال لحفيدة حسام.

روح افتح شوف مين

راح حسام فتح الباب علشان يلاقي قدام منه عامر ودامس فقالهم حسام

انتو مين

عامر

احنا عايزين نقابل حسيب

حسام

جدو حسيب

وجري حسام وراح لجده حسيب اللي قام وراح ناحية عامر ودامس وقال

انتو مين

عامر 

انت عم حسيب صح

حسيب وهو بيركز في ملامح عامر وقال

انا حاسس اني اعرفك

عامر

انا عامر زياد

اتصدم حسيب وقال

انت عامر ابن زياد.  صاحبي واخويا 

وخده حسيب بالحضن حضن اشتياق رهيب وكان بيقول

ابوك طول ما كان في السجن ما كنش لي سيرة الا عنك انت. وكان نفسه يشوفك اوي 

عامر

وانا كمان نفسي اشوفه.  هو فين

حسيب

ادخلوا الاول وبعدين نتكلم، ،،،،،،،،

وبعد ما اكلهم حسيب وشربوا الشاي قال حسيب

وكنت ديما بزورو في السجن لغاية ما روحت في مرة علشان اشوفه واطمئن عليه السجان قالي دة خرج قبل نهاية المدة حسن سير وسلوك.  لكن خرج راح فين ماعرفش 

عامر 

انت ما تعرفش لي اقاريب في اي مكان

حسيب

زياد ما كنش ليا في الدنيا كلها امه والله يرحمها.  ووعد وبرضو الله يرحمها

عامر

وعد دي اللي قتلها شهاب

حسيب باستغراب

وانت عرفت ازاي

دامس 

عامر بيشوف ذكريات كلها تخص والده زياد وكانه هو اللي عاش الاحداث دي 

حسيب باستغراب اكتر

اول مرة اسمع عن حد يشوف ذكريات حد تاني

دامس

دة اللي حصل ل عامر وعن طريق الذكريات دي عرفنا مكان حضرتك 

عامر 

وانا راجع مصر علشان اجيب حق والدي زياد اللي اتسجن ظلم وحق وعد اللي اتقتلت غدر. يمكن والدي باعت لي الاشارات دي علشان يرتاح.  بس هو فين انا محتاج اشوفه اوي ولية جدي يحرمني منه

حسيب

طالما عامر انت جاي مصر علشان تاخد حق اللي راحو. يبقي هاحكي لك علي شي بالتفصيل،،،،،،،،،

وبعدها بشوية ومن جوة عربية اجرها عامر علشان يقضي بيها مشاويره يقعد عامر وهو مهموم بعد كل اللي عرفه من تفاصيل تخص حكاية زياد فلاحظ دامس سكوت عامر فقال له

واخرتها اية

عامر

دول مستحيل يكونو بني ادميين. يعلموا كدة في والدي. اية الغل والكرهه دة. لية انسان طيب زي والدي يحصل في كدة

دامس 

علشان دة قانون الغابة اسد بياكل غزاله

عامر

بياكل علشان يعيش. مش بياكل علشان قاصد شر.  او عاوز يظلمها لكن جبران وشهاب ظلموا.  وافتروا. وانا مش هاسكت الا لما اجيب حق والدي منهم

دامس

طيب مش في الاول ندور علي والدك نشوفو هو فين

عامر

الخيال اللي كان بيظهرلي دة هو.  يعني هو قريب مني وشايفني. وحتي الورقة اللي لقيتها علي سريري دي منه اكيد

دامس

ولما هو شايفك وقريب منك اوي كدة لية ما قعدش معاك وحكي لك بنفسه علي كل اللي حصل

عامر

ما عرفش. بس اكيد هو مستخبي لحكمة ولغاية ما شوفو واقعد معه. اتحرك في طريقي واجيب له حقة من اللي ظلموا. وهبدا ب شهاب

دامس

ناوي علي اية

يبتسم عامر ويقول

ناوي اخلي يصور فيلمه الاخير.  ومع وعد 

دامس 

وعد الميته

عامر

هي

دامس باستغراب 

ودي هتعملها ازاي

عامر

بسيطة ندور وسط الوشوش علي اللي تنفع تكون وعد

دامس

يعني عايز واحدة شبهها. تعمل انها هي 

عامر

بالظبط

دامس

ودي بس هنلاقيها فين

عامر

مش احنا اللي هنلاقيها.  

دامس

اومال مين

فيخرج عامر رزمة فلوس من جيبة ويحط الفلوس علي التابلو قدام دامس وهو بيقول

دول، ،،،،،،،،،،،،،،،،

ومن تركيا تقعد تماره مع امها وابوها وكانت بتعيط فيقول لها جبران

بس بقي كفاية نواح

تماره

اومال عايزني اعمل اية يا با.  ابني برة البيت بقاله تلت ايام  وما عرفش لي طريق. حتي موبيلة مش معه. انا خايفة يكون زياد قدر يلعب في دماغه وخده وسافر بي مصر. علشان يحسرني علي اية

جبران

زياد مش في تركيا خالص.  الرجاله اللي اجرتها اكدوا لي ان مافيش حد بموصفات زياد دخل تركيا 

تماره

رجاله اية. انا ما صدقش الا اللي شوفته بعينية ليلة ماساب القصر وطفش.  

وتقوم تقف تماره فتقول لها عزيزة.

رايحة فين انتي دلوقتي

تماره

هنزل مصر يا ما.  اشوف ابني.  اومال بعني اسيب زياد ياخده مني واقف اتفرج

فيمسك جبران ايدها وهو بيقول بعصبية 

بطلي جنان بقي واقعدي واهدئي 

تماره

ازاي بس.  ازاي. زياد خطف ابني وعايزني اهدئة

جبران وهو يسحب ايدها بقوة

قولت اقعدي وانا هتصرف 

تماره وهي بتقعد

اديني قعد.  قولي بقي ناوي تعمل اية

جبران

هخلي الرجاله يسالو عليه في شركات الطيران اشوفه سافر مصر ولا.  لا.  ولو سافر سافر لوحدة ولا معه حق

تماره

ولو كان في مصر

جبران

هتصرف يا تماره.  وهاجيبة لغاية عندك ولو بالعافية، ،،،،،،

وبعد اسبوع بالظبط ومن جوة عيادة اسنان تقف دكتورة جيهان وكانت الدكتورة جيهان شبهة وعد بالظبط. وكانها تؤم وعد وكانت واقفة في العيادة بتاعتها وبتخلع درس مريض عندها وبعد ما تنتهي تبتسم وتقول للمريض 

كفاية اكل حلويات بقي يا استاذ رشاد

رشاد  وهو بيحط قطنه مكان الدرس المخلوع. وبيقول

ما بقدرش اقاوم نفسي قدام منها.

جيهان

كدة انت بتحكم علي باقي دروسك بالخلع 

رشاد 

نخلع يا دكتورة ونركب غيرهم.  اصلي بفكر اعمل زي نجوم مصر. واعمل الاسيمالي امريكان

فتضحك جيهان وتقول

الله عليك وعلي الانجليزي بتاعك،،

وتخلص الدكتورة يومها في العيادة وتنزل علشان تروح وقبل ما تركب عربيتها تلاقي ميكروباص وقف ونزل من الميكروباص تلت رجاله زي الباب. مسكوها ودخلوها الميكروباص بمنتهي السرعه وانطلق الميكروباص، ،،،،،،،،

ومن تركيا ووقت ما كان جبران نايم. يصحي علي باب الاوضة بيتفتح فقال

تمارة.

لكن ما حدش رد. واتقفل الباب تاني اتفزع جبران وقام قعد علي السرير وقال

مين. اللي علي الباب. انطق مين 

وفجاة يتفتح الباب تاني وخيال حد بيدخل الاوضة و ،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(8)

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ومن تركيا ووقت ما كان جبران نايم. يصحي علي باب الاوضة بيتفتح فقال

تمارة.

لكن ما حدش رد. واتقفل الباب تاني اتفزع جبران وقام قعد علي السرير وقال

مين. اللي علي الباب. انطق مين 

وفجاة يتفتح الباب تاني وخيال حد بيدخل الاوضة ويلاقي جبران نفسه بيتجر من رجله علي الارض وبيقع وحد بيسحبه لبرة الاوضة ويروح بي لغاية السلم ويصرخ جبران ويقول

الحقوني.  الحقوني.   

وسمع صوت زياد بيقول

خلي رجالتك يجوا يحوشو عنك يا ظالم

جبران وهو بيبص حوالين منه بفزع شديد ولكنه مش شايف حد وبيقول

انت فين.  سامعك بس مش شايفك. لو راجل اظهر وواجهني 

وتصحي تماره وعزيزة علي صوت جبران ويلاقوا علي السلم مرمي فتقول عزيزة

جبران اية اللي حصل وجابك هنا

جبران بفزع وهو عمال يبص حوالين منه.

زياد هنا.  زياد هنا. وهو اللي رماني علي السلم كدة

فيبصوا كلهم حوالين منهم وتقول تماره

هنا فين بس القصر مافيهوش غبرنا

جبران بعصبية

 يعني اية. انا مجنون بخرف.  بقول لكم كان هنا انا سمعت صوته وهو بيكلمني

عزيزة ل تماره

طيب ساعدنا نشيلك وندخلك اوضك. والصبح نبقي نشوف الكلام دة 

وشالو بصعوبه وراحو بي اوضة وهو مفزوع وعمال يبص حوالين منه برعب، ،،،،،،،،،

من جوة فيلا اجرها عامر في الشيخ زايد يقعد عامر مع دامس ودامس كان بيقول له

انت عرفت ازاي عنوان دكتورة الاسنان دي. مع انك دفعت كتير لموظف السجل المدني ومقدرناش نوصل لحد شبة وعد. 

عامر

سالتني عشر مرات السؤال دة. وقولت لك ماعرفش انا كنت نايم، ،،،،،،،،،

ونرجع لقبليها بليلة ووقت ما كان عامر نايم يسمع صوت همس جوة منه ويصحي يلاقي ورقة مكتوب فيها اسم الدكتورة جيهان وعنوان العيادة بتاعتها بص للعنوان ولقي الخيال بيفتح الباب فراح قام وراح ناحية الخيال ولقي ورقة تانية برة اوضه ومكتوب فيها

★ابعت اللي يجيبوها وهي هتساعدك. تقوم بدور تماره★

ونرجع تاني ل عامر ودامس بيقول

ومين بس يصدق الكلام دة

عامر

انا نفسي مش مصدق بس دة اللي حصل 

دامس

انت عارف اللي بتقوله دة معني اية.

عامر

في حد بيساعدنا وعايزنا ننجح في اننا نرجع حق زياد 

دامس 

ودة مش حد عايش. دي روح

استغرب عامر وقال

روح. 

دامس 

عندك تفسير تاني للي بيخش ويخرج ويسيب لك رسايل من غير ما تشوف هو مين

عامر

انا ممكن اصدق اي كلام غير التخريف اللي انت بتقوله دة. قال روح قال 

في الوقت دة يتفتح باب الفيلا ويدخل الرجاله اللي بعتهم عامر علشان يجيبة جيهان وفعلا كانت معهم جيهان وكانت مستغربه كل اللي بيحصل وقالت بعصبية 

ممكن افهم انتو مين وازاي تجيبوني لغاية هنا بالشكل دة

عامر

في الاول احنا بنتاسف لك علي الطريقة دي.

جيهان بمنتهي العصبية

وانا هعمل اية بأسفك.  رجاله يدخلوني جوة ميكروباص بالشكل المقرف دة ولا كاني مقبوض عليه

بص عامر للرجاله وقال

انتو اية بتفهموا ازاي قولت لكم هاتوها بس بالذوق مش بالعافية

احدي الرجاله

احنا فهمن،،،،،،

يقاطعه عامر قائلا

مش عايز اسمع اي كلام. اتفضلو كلكم اطلعوا برة.

وفعلا يمشوا كل الرجاله وعامر يبص لجيهان تاني ويقول 

اقسم لك بالله اني ما كنت اعرف انهم هيجيبوا حضرتك بالشكل دة 

جبهان

وانت اصلا تعرفني منين علشان تبعت حد ليا عند عيادتي

عامر

ممكن نقعد طيب ونتكلم

دامس

احنا برضو عندنا ذوق. 

فتروح جيهان لاقرب كرسي وتقعد ويقعد قدمها عامر ودامس ويقول عامر

انا اسمي عامر زياد.  

ويبص لدامس

ودة دامس

جيهان بحدة

ما طللبتش اعرف اساميكم. انا عايزا اعرف انا هنا لية

عامر

انا مقدر الحاله اللي حضرتك فيها علشان كدة مش هضيع وقتك 

ويخرج عامر. من جيب بدلته صورة ل وعد من جرونال قديم كان بيتكلم عن حادثة مقتلها بكل التفاصيل وقال

ممكن تبصي لصورة القتيلة دي كويس

فتبص جيهان في الصورة بمنتهي التركيز وتقول 

دي انا

عامر

لا. دي صورة وعد. اللي قتلتها بني ادم خسيس وقتلها وهي حامل منه. يعني لرحمها ولا رحم اللي من دمه وبيكبر جوة منها

اتاثرت جيهان اوي وقالت

يا. ودة مين الحيوان اللي يعمل كدة في بني ادمه استمنته علي نفسها

عامر

شهاب.  الممثل المشهور

جيهان باستغراب شديد

اللي ما بيتكلمش في اي فيلم او مسلسل لي الا عن القيم والمبادئ 

عامر

هو. وعلشان كدة انتي هنا 

جيهان.

مش فاهمه

عامر

عايزك تكوني وعد لمدة اسبوع

جيهان

ازاي بس 

عامر

انتي الطريقة الوحيدة اللي بيها اكشف القاتل دة. بعد ما دمر له حياته واخلي يتجنن

جيهان

مش فاهمه

دامس

دكتورة جيهان. خطة عامر انك هتظهري في حياة شهاب وتكوني الكرباج اللي يضرب بي وكل ضربه تنزل علي لحمه يقطعها

جيهان

وانتوا لية عايزين تعملو كدة

عامر وهو محروق ومقهور

لانه كان السبب في حبس ابويا 20 سنه. ظلم ورغم انه قتل لكنه ما خدش دقيقة حبس وجة الوقت يدفع حق القديم والجديد.   ورغم فرق التوقيت الحق لازم يرجع

جيهان

انا مقدرة كل اللي انت بتقولو لكني دكتورة ما عرفش امثل دور زي دة اكيد هفشل

عامر

دكتورة جيهان. انتي مش هتبقي طول الوقت قدام شهاب انتي هتظهري في مواقف معينه ومرات قليلة

جيهان

يعني تقصد انك عايز تخوفو بيا كاني شبح وعد

دامس

الله ينور عليكي. دة كل اللي احنا عايزينه من حضرتك. 

عامر

ومستعد ادي لحضرتك المبلغ اللي انتي عايزا

جيهان

انا لو وافقت اساعدكم في اللي انتم عايزين تعملو. هعمل كدة علشان بس اخد حق المظلومة اللي اتقتلت غدر

عامر

وحق المظلوم اللي اتسجن ظلم

جيهان

طيب ممكن تديني وقت افكر 

عامر

24 ساعه كويس

جبهان

كويس جدا.  بعد اذنكم

وقامت جيهان وبعد ما مشيت خطوتين بالظبط وففت وقالت

هو صحيح انتم عرفتوا عنواني ازاي

بص عامر ل دامس وسكت عامر مش عارف يقول لها اية فقالت جيهان تاني

اية سؤالي صعب ملهوش اجابة

عامر

تقدري تقولي سر.  

جيهان باستغراب.

ماشي. ،،،،،،،،،،،

وتاني يوم ومن تركيا يقف جبران قدام مجرمين اجرهم بالفلوس علشان يحموا وقال للقائد بتاعهم واسمه. داغر

عرف رجالتك يا داغر ان اي حد غريب يلاقوا حوالين القصر ب 100 متر. يضربوا في المليان.

داغر

تمام يا معلم جبران

جبران

وتاني حاجة عايز كام راجل من اللي انت بتخليهم للمهمات الصعبة. ينزلو مصر ويروحوا منطقة عابدين. ويقلبو عليها 

وطيها لغاية ما يوصلو لابني.  عامر.  ولو عطلو وماعرفوش يوصلو. يروحوا ل حسيب ويخلو يقول هو فين 

داغر

معك صورة لي 

فيخرج جبران المحفظة بتاعته ويخرج صورة لعامر ويديها ل داغر فيبص داغر في الصورة ويقول

ولما نوصل له. نعمل معه اية

جبران

ترجعوا تركيا ولو ما رضيش اخطفوا.  

في الوقت دة تقف تماره قدام منهم وتقول

سمعاك يا با بتقول يخطفوا. ما بلاش الخطف دة ل عامر يتشاكل معهم وحد منهم ياذي 

جبران 

متخافيش داغر فاهم انا اقصد اية

ويبص داغر ل تماره ويقول

يا ستي. هيرجع حي زي ما انتي عايزا

جبران

طيب يلا. وزع رجالتك ومش عايز اي غلطة

وبالفعل يخرج داغر من القصر ويبدأ يوزع رجالته فتبص تماره ل جبران وتقول

يا با.  مالقتش الا المجرمين دول وتخلوهم يحمونا

جبران

اومال كنتي عايزاني اجيب محاسبين يحمونا

تماره

مش قصدي بس دول شكلهم يخوف اوي

جبران

متخافيش دول ما الفلوس معانا وبياخدوا اللي عايزينه واكتر ماحدش منهم يقدر يغدر بينا. وبعدين انا مش هخليهم هنا علي طول. هما بس يجيبوا زياد واخلص عليه بايدية وبعد كدة هغورهم 

تماره

حاسة بقلبي موجوع علي اللي سابنا وسافر دة

جبران

داغر هيجيبو لغاية هنا. وهرجع اربي من الاول طلما ما عرفتش اربي اول مرة. ،،،،،،،،،

ومن جوة عيادة الدكتورة جيهان تقعد جيهان علي مكتبها وتنادي علي الممرضة اللي معها وتقول 

فاضل كام كشف عندك

الممرضة

اخر كشف عندي يا دكتورة

جيهان

طيب خلي يدخل

ويدخل عامر ومعه هاله ام وعد اللي بان عليها الكبر وبصت جيهان ل عامر باستغراب وقالت

انت.

لكنها ما كنتش شايفة هاله اللي بتقرب منها وبتحسس علي وشها وبتقول باشتياق شديد

وعد.  بنتي

بصت جيهان ل هاله وهي مستغربه اللي بيحصل وبتقول 

انا مش ه،،،،،،،،،،

فتترمي هاله في حضنها وتقول 

بس ما تقوليش اي كلمة تاني علشان انا زعلانه منك. كل السنين دي وانتي بعيدة عني. للدرجة دي انتي زعلانه مني 

وتحضنها جيهان وهي بتبص ل عامر وعامر قال

الست هاله. ماما وعد. حبيت اخليكي تشوفي حالتها من بعد موت بنتها وهي علي الحاله دي.  قولت احيبها تشوفيها وبعد كدة اسمع رايك

هاله وهي عماله تعيط في حضن جيهان وبتبوس كل حتة في جسمها وبتقول لها

هترجعي معايا بقي.  وهخليكي تنزلي وتروحي مكان ما انتي عايزا.  ومش هقفل عليكي تاني والله.  بس ارجعي معايا.  

جيهان وهي بتعيط علي حالها

هرجع بس روقي كدة وبطلي عياط علشان خاطري

هاله وهي بتعيط

ومين قال بس اني بعيط. دة انا فرحانه. فرحانة اوي كمان

عامر

تخيلي لغاية دلوقتي حق بنتها ما رجعش من اللي حرم ام من بنتها الوحيدة.  ودلوقتي. انتي شوفتي اخر جرح انا اعرفه و كان سببة شيطان زي شهاب. احب اسمع رايك.

جيهان وهي بطبطب علي هاله.

معاك.

فيبتسم عامر ويقول

بكرة هستناكي في الفيلا اللي كنتي فيها، ،،،،،،

وتاني يوم ومن جوة الفيلا تقف جيهان مع عامر وتقول له

انت ذكي جدا

عامر

لية

جيهان

علشان قدرت تخليني ما افكرش مرتين يوم ما دخلت عليه العيادة بماما. وعد

عامر بابتسامه خفيفة

لانك كنتي هتقولي. لا.  

جيهان

عرفت ازاي

عامر

دكتورة زيك تبهدل نفسيها لية في حكاية مش بتاعتها

جيهان 

فعلا انا كنت بفكر اقول لك كدة.  ودلوقتي ممكن تقولي هنبدأ منين

عامر

من عند المسرح المهجور مكان ما اتقتلت وعد، ،،،،،،

وبعدها بشوية ومن جوة المسرح يقف عامر ودامس وجيهان وكانو بيبصوا لحوائط المسرح اللي النار كلتها وعامر يغضب بشدة لن الذكريات ترجع له ويشوف اللي حصل واللي كان ويصرخ ويصرخ ومشهد وعد وهي بتتحرق شايفة بعيونه فيبدوأ بهدوا وتبدأ جيهان تسيطر علي حالته لغاية ما يهدأ عامر شئ فشيئا. ويقف تاني علي رجله ودامس يقول له

انت كويس

عامر بصوت غريب

عمري ما هبقي كويس الا لما اخد حقي. اللي جاي نار هتحرق عمرك يا شهاب، ،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(9)

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وبعدها بيوم ومن جوة المسرح المهجور كان عامر ودامس ومعهم جيهان واقفين قدام مقاول كبير مع صنيعية وعمال وعامر بيقول 

حج احمد.  انا سمعت عنك كل خير عايزك في خلال يومين ترجع لي  المسرح دة جديد

احمد

قليل اوي يا بية. دة احنا قدمنا شغل بالميت 10 ايام

عامر

لا. كتير اوي.   زود صنيعية اشتغل 24 س.  هديك ضعف اللي انت طلبته بس استلم المسرح كمان يومين

احمد

هتدفع كتير يا بية. لاني هحتاج تلت اضعاف الصنيعية اللي معايا

عامر

ولا بهمك.

وبص ل لدامس وقال

ادي الحج احمد دفعه من تحت الحساب

فيخرج دامس فلوس كتير من الشنطة اللي كانت متعلقة في كتفه ويديها للحج احمد ومشي عامر ودامس وجيهان وسابو احمد المقاول مع رجالته يشغلهم بمعرفته. وقالت جبهان ل عامر

للدرجة دي مستعجل

عامر

عمري في حياتي ما حسيت اني مستعجل ونفسي اوصل بسرعه زي المرة دي 

دامس

بس دة مش صح انت بتتعامل مع بني ادم من حكاية استاذ حسيب عنه. انه انسان مش سهل

عامر

شهاب لو خطتي ما خلصتش عليه. انا اللي هخلص عليه بايدية

جيهان

اسفة. ممكن اقول انك كدة تبقي غلطان.  ومش غلطان وبس انت كمان تبقي ما فرقتش عنه في اي شي. 

عامر بعصبية وغل 

دة قتل وعد. وسجني ظلم

جبهان باستغراب

سجنك ظلم. انا اعرف منك انه سجن والدك زياد

عامر

وانا اية ووالدي اية. احنا الاثنين واحد

جبهان

انا مش فاهمه رد فعلك وحاسة اني بتكلم مع واحد في شئ غامض بيحركه

دامس

وانا كمان حاسس انك مش عامر.  ودة خطر عليك. وعلينا 

عامر بجنون

الخطر علي شهاب 

جيهان

استاذ عامر.  لو حضرتك هتفضل تفكر في نفسك وفي انتقامك من شهاب وما تعملش حساب ان الغلطة ممكن تكلفنا كلنا حياتنا. انا اسفة هقول لك انا ما ليش دعوي تقدر تشوف غيري تلعب دور وعد. 

عامر

دكتورة جيهان. ارجوكي تقدري النار اللي بتحرق جسمي كله نار الانتقام من خسيس زي شهاب.  

جيهان

وانت ارجوك تقدر اني ليا عيلة وناس يهمهم اني ارجع ليهم سليمة. انا بساعدك من غير من حد ماعيلتي يعرف انا بعمل اية.  فمش هقبل اني اشترك في خطة ممكن تكلفني حياتي. لان اللي قتل مرة يقتل مرة تانية.  او تكون نهاية الخطة باني اشترك في ارتكاب جريمة قتل. تكلفني اني اترمي في السجن.   ودة علشان حضرتك ما بتفكرش الا في اللي حصل لوعد ووالدك وعندك استعداد تكون قاتل او مقتول في اللعبة دي لكن علشان اكون صريحة مع حضرتك انا مش عايزا اخرج من لعبة الانتقام بتاعتك وانا ميته او ساعدك في موت شهاب.   

دامس

وانا مع الدكتورة في كل كلمة قالتها احنا مش مجرمين ولا جائيين هنا علشان نقتل شهاب.  أحنا  هنسلمه للعدالة بعد ما ندمر حياته. ولو ناوي علي اكتر من كدة. ارجع بلدي النهاردة علي اول طيارة

عامر

يعني اتفقته عليه

دامس

احنا معاك مش ضدك.  اعقل وخلينا نفكر صح واول خطوة لازم نعملها نعرف كل شئ عن شهاب وكمان نخلي جيهان صورة طبق الاصل من وعد

عامر

ماهي شبهها اهه

دامس

مش بالشبهه وبس يا عامر.  لازم تكون بتبص زي ما وعد كانت بتبص ل. شهاب. بتضحك زيها. بتمشي زيها علشان شهاب لما يشوفها يصدق فعلا انها وعد مش واحدة شبها وخلاص. والا سهل اوي مع اللي زي شهاب. يكشف الملعوب اللي انت بتخطط لي 

عامر باعجاب

انا ازاي ما فكرتش في التفاصيل دي.  

جيهان

علشان انت كنت باصص تحت رجليك وبس. وفعلا لو شهاب ما صدقش اني وعد يبقي عمر خططك ما هتنجح 

عامر 

طيب واحنا ازاي نعرف كل التفاصيل دي

جيهان

ما حدش يقدر يساعدنا في الحكاية دي الا مامتها

عامر

انتي شوفتي حاله مامتها. دي تقريبا اتجننت يبقي  ازاي نطلع منها بتفاصيل مهمه زي دي

دامس

يبقي عم حسيب هو خطوتنا الجاية، ،،،،،،،،،

ومن جوة شقة حسيب يقعدوا كلهم وحسيب يقول

انا ما قدرش اوصفها في ردود افعالها زي زياد اللي حبها اكتر من نفسه

عامر

واحنا نوصل له ازاي. اشحال انت صاحبة الوحيد واخبارة انقطعت عنك. بمجرد ما خرج ما السجن

دامس

احنا صحيح ما نعرفش هو فين بس هو بيعرف يوصل

 ل عامر واكيد هيقدر يوصل له معلومات زي دي 

عامر

ولغاية ما يجي نفضل قاعدين مستنين كدة.

جيهان

احنا اصلا لازم هنستني المسرح لما يشطبوا المقاول علشان نقدر نرسم جوة منه كل حركة هقوم بيها وهقوم بيها امتي وازاي

عامر باستعجال

مش هاقدر استني لغاية بكرة خلبنا نتحرك ونعمل اية حاجة النهاردة

دامس

هنعمل اية طيب

عامر

نجمع كل المعلومات اللي نقدر نجمعها عن شهاب 

حسيب

دي خطوة كويسة وهتنفعنا في خطتنا،،،،،،،،

وبعدها بكام ساعه كان شهاب قاعد في القصر بتاعه جوة مكتبه.  وبيحضر حقنه بنفسه وخد الحقنه دي وطلع بيها للدور التاني ودخل اوضه النوم بتاعته هو وشربهان واول ما شافته شريهان قالت بصوت مريض

برضو جايب الحقنه بنفسك

شهاب

وهو انا عندي. اغلي منك احضر له الحقنه

واداها شهاب الحقنه وهو بيقول

بالشفاء يا قلبي

بصت له شريهان وقالت

تعبتك معايا بمرضي 

شهاب وهو بيبوس ايديها

اوعي تقولي كدة. دة انا من غيرك اضيع.  يلا بقي نامي

شربهان

وانت مش هتنام

شهاب

انام ازاي بس ولسة مخلصتش سيناريو الفيلم الجديد اللي بحضر لتصويرة

شريهان

برضو بتحضر لتصوبره مع مخرج تاني غير بابا

شهاب 

شريهان انا ما حبكيش تدخلي في شغلي.  وانا حر اشتغل مع اللي شايف معه مصلحتي

شريهان

بابا محتاج يخرج فيلم كبير زي دة.  وخصوصا بعد ما معظم شركات الانتاج في مصر بطلت تتعامل معه بسبب ظروفه الصحية.  

شهاب

اديكي قولتيها ظروفه الصحية. عايزاني انا بقي اشتغل معه. طيب لية

شريهان

علشان خاطري

شهاب بجحود

الشغل ما فيهوش خواطر.  خلي بابا يروح يموت احسن

شريهان بضيق

كدة يا شهاب.  دة بابا هو اللي قدمك للجمهور واخرج لك احلي افلام انت عملتها ما يستاهلش منك انك تقف جنبه في وقت زي دة.   دة هو اللي خلاك نجم الشباك الاول في مصر. يعني صاحب فضل عليك 

شهاب بغرور

انا ماحدش لي فضل عليه.  انا بقيت النجم الاول في مصر بمجهودي مش بمساعده باباكي.  ونامي بقي خليني اشوف ورايا اية، ،،،،،،،،،

وينزل شهاب للدور الاول من الفيلا ويدخل احدي الاوض اللي تحت ويروح ناحية ممثلة شابة كانت مستنيا اسمها علا.  اللي اول ما شافته قالت

كل دة بتديها الحقنه

شهاب

ما انتي عارفة الحقنه تركيبها صعب ازاي. ولازم نسبة الانسلوين اللي تتحط علي المضاد الحيوي تكون بالجرام

علا

امتي بقي تموت وتريحنا

شهاب

متخافيش قريب اوي. الانسلوين لما بيتحط مع المضاد الحيوي لمريض ما عندوش السكر بيكون سم مفعوله بطئ لان الانسولين بيخلص علي السكر اللي في الدم للانسان السليم. ولما بيجي الموت ويحصل بيكون طبيعي 100%100 

فتضحك علا وتقول

انت شيطان مش بني ادم

شهاب

كدة برضو دة انا بعمل دة كله علشانك 

علا

عليه انا الكلام دة يا شهاب.  انت خلاص خد مصلحتك من شريهان وابوها اللي منعت شركات الانتاج تشتغل معه. علشان يتحسر ويموت بالبطئ وانت تخلص علي بنته بالبطئ.  والفلوس كلها تبقي بتاعتك.  

شهاب

ما هي برضو شريهان دي طولت معايا اوي وانا زهقت منها

علا وهي بتضحك

دة علي اساس انك كنت زوج وفي.   ليها دة انت خونتها مع اي نتاية فيها الروح. واخرهم انا

شهاب وهو بيقرب من علا.

بس انتي حاجة تانية. دة انا توبت علي ايدك 

علا وهي بتقرب منه.  

كذاب اوي.  بس بحبك.

وخدها في حضنه، ،،،،،،،،،،،،،،،،

وبالليل ومن جوة شقة حسيب يقف تلت رجال اقوياء ويبصوا علي السلم واول ما يتاكدوا انا مافيش حد شايفهم يكسروا كالون الباب ويدخلو الي الشقة ويفتحوا اي باب يقابلهم بيدورا علي حسيب ووصلو للاوضة اللي فيها حسيب وحس بيهم حسيب وهما بيدخلو الاوضة فقام من نومه مفزوع فهجموا عليه بمنتهي السرعه وواحد منهم كتم نفس حسيب بايده وقال بعربي مكسر

هو سؤال وعايز عليه اجابه. لو عايز تفضل عايش.  فين عامر

بص لهم حسيب وهو مرعوب والراجل دة قال

هشيل ايدي. تقول عنوان وتسكت. لو صرخت او حاولت تكون بطل وما تقولش هتدفع الثمن غالي

وشال الراجل دة ايدة فقال حسيب وهو خايف

انا ما عرفش مين عامر دة

فيضرب الراجل.  حسيب لكمه قوية جدا في بوقه. خليت حسيب يتوجع بشدة وقال الراجل تاني

فين عامر

حسيب

ارحمني انا راجل كبير وماقدرش استحمل اللي انت بتعملو فيا دة.

الراجل

ارحم نفسك وقول.

حسيب

قولت لك ما عرفش

وصرخ حسيب وقال باعلي صوت عنده

الحقوني

لكن الراجل دة يمسك المخدة اللي جنب حسيب ويكتم بيها نفسه. ويصرخ حسيب ونفسه بيتكتم ومش قادر يعمل اي حاجة الثلاثة احكموا السيطرة علية وفجاة بخف الضغط عن وش حسيب واللي كان ماسك حسيب سابه ورفع حسيب المخدة عن وشة وقدر ياخد نفسه ويبص حوالين منه علشان يلاقي التلت رجاله الدم مغرق وشهم ووقعين علي ارض الاوضة اتعدل حسيب وبص باستغراب شديد في كل حتة في الاوضة لكن ما كنش في حد ولقي باب احدي الاوض اللي في الشقة فيتفتح ويتقفل فقام بسرعه وهو بيقول

زياد.  انت هنا. انت اللي لحقتني صح.  دي الاوضة اللي كنت بتحب تقعد فيها معايا 

وفتح باب الاوضة فيلاقيها فاضية فيتصدم ويرجع لوراء خطوتين مش مصدق اللي بيحصل ويقول

معقوله. تكون روح زياد هي اللي انقذت حباتي، ،،،،،،،،،،،،

وفي نفس الوقت ومن اوضة جبهان ووقت ما كانت جيهان نايمة. تصحي علي صوت الشاشة اللي في اوضتها بتشتغل استغربت وبصت ناحية الشاشة علشان تلاقي فيديوهات. ل وعد في حديقة عامه. مع زياد وفي احدي افراح العيلة وهي بتضحك وهي بتمشي وهي بترقص وهي بتبص فيديوهات لادق تفاصيل شخصية وعد اتصدمت جيهان من اللي بيحصل واتعدلت في سريرها وقالت باستغراب شديد 

الفيديوهات دي جت ازاي.  معقوله بكون اللي اسمه عامر دة جة لغاية هنا  وقدر يوصل للشاشة ويشغلها.  بس ازاي وانا سامعه صوت بابا برة لسة صاحي 

وندهت جيهان علي باباها اللي فتح باب الاوضة ودخل وقالت له

بابا. مين اللي شغل الشاشة وانا نايمة

فيبص ابوها ناحية الشاشة اللي كانت مطفية وقال

سلمتك يا حبيبتي الشاشة مطفية

فتبص جيهان للشاشة اللي لسة شغال وبتعرض تفاصيل تخص وعد وقالت

دي مطفية. طيب ازاي.

ابو جيهان

باين عليكي كنت بتحلمي.  نامي يا حبيبة بابا. وانتي هتبقي كويسة

وخرج والد جيهان من الاوضة وفضلت جيهان تبص للشاشة وهي هاتنجنن. وفجاة لقيت حد بينط من شباك اوضتها قامت بسرعه من علي السرير وبصت تشوف مين اللي النط. وشافت، ،،،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(10

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وخرج والد جيهان من الاوضة وفضلت جيهان تبص للشاشة وهي هاتنجنن. وفجاة لقيت حد بينط من شباك اوضتها قامت بسرعه من علي السرير وبصت تشوف مين اللي النط. وشافت الشارع فاضي ومافيهوش اي حد استغربت ورجعت لسريرها بسرعه وهي خايفة وفضلت تبص للشاشة واللي بيتعرض عليها وقالت

اللي بيحصل دة شي يرعب

ومسكت جيهان الموبيل بتاعها واتصلت بعامر واول ما رد قالت

ممكن اشوفك دلوقتي حالا

عامر

انتي كمان

جيهان

مش فاهمه يعني انا كمان

عامر

قبل منك بدقيقة بالظبط. عم حسيب اتصل بيا وطلب يشوفني

جيهان

يبقي خلاص نتقابل عنده

عامر

طيب ووالدك مش هيقول حاجة لما تنزلي في ميعاد زي دة

جيهان

هقول له رايحة المستشفي نبطشية. هتصرف بس لازم اشوفك حالا، ،،.،،،،

ومن تركيا كان داغر واقف قدام جبران وبيقول له بعصبية شديدة.

رجالتي اضربت واتقبض عليها وكل دة بسببك انت 

جبران بعصبية

بسببي انا.  انت اللي باعت رجاله خايبة لما واحد معدي الخمسين يضربهم ويسلمهم للحكومة يبقي كنت بعت نسوان احسن

داغر بعصبية

اسمع. اوعي تفكر تغلط فيا او في رجا،،،،،،،

جبران بعصبية شديدة ويقاطعه قائلا

اوعي انت تفكر تعلي صوتك عليه وتقول دة راجل عاجز. انا قبل ما اقعد علي الكرسي دة عملت اللي عمرك ما تصدق اني اعمله. وكان عندي رجاله تسد عين الشمس. بعد المرض بيذل. وانت ورجالتك شغالين عندي خدامين والخدام اللي يبجح في وش سيده. يبقي بموته 

داغر 

انت بتهدد داغر الصخر وفين في بلده ووسط رجالته. 

جبران

لما رجاله داغر الصخر يعرفوا اني هديهم ضعف اللي كانو بياخدوا وهما معاك. بس راسك تبقي تحت رجلي. ماحدش هيحسبها مرتين

وبص جبران لرجاله داغر وقال

مش كدة ولا اية

والرد جه. بقطع راس داغر علي ايد خمسه من رجالته ورموا الراس تحت رجلين جبران فقال جبران وهو بيبص لراس داغر المقطوعه

عرفت الدنيا ماشية ازاي يا داغر

وبص للرجاله وقال

كام راجل منكم يدفنوا بمعرفتهم. والباقي ينظف مكان الدم وواحد منكم ترشحوا انتو بمعرفتكم يجي ويتفق معايا علي كل اللي انتي عايزينه. وتجهزوا طيارة خاصة علشان هرجع مصر اجيب ابني بنفسي ،،،،،،،،،،،

ومن جوة شقة حسيب يقعدوا كلهم وبعد ما حكي حسيب اللي حصل وحكيت جيهان اللي حصل قال دامس

اللي بيحصل دة ملهوش الا تفسير واحد وانا قولته ل عامر قبل كدة

عامر باستهزاء 

وهو ان في روح حد ميت بتساعدنا 

دامس

عندك تفسير تاني

عامر

قول كلام يقبلو العقل.  

دامس

خلاص فسر انت اللي بيحصل بتفسير يقبلو العقل

جيهان

انا مع عامر ان جو العفاريت والارواح دة مش تفسير منطقي للي بيحصل وفي نفس الوقت مش لاقيه اي تفسير تاني غير كدة.

حسيب

جيهان يا بنتي. الفيديوهات اللي انتي حكيتي عنها وشوفتيها في اوضك كلها فيديوهات اتخدت ل وعد في رحلة كنا عملنها تبع شغلنا والفيديوهات دي مع زياد بس وما حدش معه نسخة منعها

جيهان

يعني معني كدة ان استاذ زياد عايش وعرف باللي احنا عايزينه وبعته ليا. بالطريقة اللي ترعب دي. دة انا هخاف انام في اوضي بعد كدة

حسيب

زياد لو عايش هيكون من سني واكيد السجن هده يبقي ازاي يقدر يضرب تلت رجاله الواحد منهم قد الباب. ويختفي. ومايبقاش لي اي اثر في الشقة

دامس

يعني يا استاذ حسيب انت رايك من رايي

حسيب

اللي بيساعدنا روح زياد اللي ما قدرش يستحمل الظلم وشكله مات مقهور.  بس هو فين ولية ما رجعش بيته بعد ما خرج من السجن 

جيهان

الظلم وحش فعلا. بس لدرجة ان روح اللي مات مظلوم تساعد ناس في الانتقام. دة حكاية اغرب من الخيال. وما ضحكش عليكم انا بقيت قلقانه وخايفة

عامر

انا لسة عند رايي ومصمم ان اللي احنا بنقوله دة مستحيل يكون حقيقة. بس دة ما يمنعش ان كل اللي بيحصل لغاية دلوقتي في مصلحتنا ولازم نستغل الظروف دي.  والنهاردة بالليل انا رايح ل شهاب 

استغربوا كلهم وعامر شاف في ملامحهم كمية اسئلة كتير لكنه قال

هتعرف عليه بس.  بصفتي منتج شاب ومحتاج اعمل فيلم معه. ما تقلقوش هبقي كويس

ويبص عامر ل دامس ويقول

ولغاية ما ارجع عايزك تدرب جيهان علي كل تعببرات وش وحركات وعد. 

دامس

اقلق عليك تروح تقابلة لوحدك

عامر

ما تقلقش مش هقتله.  علي الاقل المرة دي

جيهان

استاذ عامر احنا متفقين وفي وعد ما بينا 

عامر

ما تقلقيش يا دكتورة. ،،،،،،،،،،

ومن تركيا كانت عزيزة بتساعد جبران في تحضير هدومه وبتساعده يلبس هدوم يسافر بيها فيسمعوا صوت تماره برة بتقول لهم

ابا. عايزا ادخل

عزيزة

ادخلي يا تماره

دخلت تماره وبصت لجبران وقالت

عايزا اجي معاك

جبران

انا مش رايح رحلة. انتي لسة متكلمة معايا وقولت لك هما يومين اجيب عامر وارجع

تماره

يا با ازاي بس اعرف انك مسافر لابني ومجيش معاك دة انا امه ومن حقي اطمئن عليه بنفسي

جبران

وهو انا هاذي. مالك يا تماره كلامك مش حلو لية

تماره

علشان شوفتك بعيني وانت بتحرض مجرمين علي انهم يقتلو رئيسهم. داغر.  علشان بس عصبك بكلمتين اية اللي يخليني اطمئن ان عامر مش ممكن يعصبك وتخلي الرجاله اللي معاك يقتلو

جبران بعصبية

انتي اتجننتي رسمي بقي انا اقتل ابني بايدية

تماره

دة مش ابنك دة ابن زياد.  ولو اتحطيت في مواجهه مع زياد وانكتب علي عامر انه يختار واحد منكم هيختار زياد وساعتها انت ممكن تقطع راسه

جبران

انتي شيفاني ازاي يا بت. شيفاني مجرم ماشي اقتل في خلق الله. فوقي انا ابوكي. وعامر ابني ومستحيل يختار غيري اب لي 

تماره

لا. يختار لان انت اكلته حرام خليته فاجر زي ما كنت بتقول لابوه.  ولا نسيت زياد قابل عامر وحكي له علي كل اللي حصل وجري علي مصر يجيب حق ابوه من اللي قتل حبيبته

جبران

تقصدي مين وعد.  زياد هو اللي قتل وعد ولا انتي هتعرفي اكتر من الحكومة

تماره

كذب يا با وانت عارف انه كذب وقضية لبسها هو ظلم واتحكم عليه ظلم كله كان ظلم في ظلم ويوم ما قولتني اعور نفسي واتبلي عليه كان ظلم زياد اتظلم كتير ومش هسيبك تاخد ابنه منه تاني ولو فيها موتك او موته

جبران

بقي زياد الخيخة دة يموتني انا فو،،،،،،،،،

وقبل ما يكمل الجملة يلاقي الكرسي بعجل بيتحرك بي لوحدة وبمنتهي السرعه ورايح بي ناحية شباك الاوضة ومن قوة اصطدام الكرسي العجل بالشباك اتخبطت دماغ جبران في الشباك الازاز صوتو الاثنين وصرخوا ولقو جبران بيقف علي رجله وكان حد مش موجود بيوقفوا واترمي من شباك الاوضة نزل في حمام السباحة اللي تحت الشباك صرخوا الاثنين وضربت عزيزة علي صدرها وقالت

جبران

ونزلو جري علي السلم علشان يلحقوا وفي نفس الوقت كان جبران في قاع حمام السباحة بيحاول يطلع من المية لكن في حد كان ماسك رجله بطريقة مخيفة وسمع صوت زياد بيقول

رغم فرق التوقيت ومع ان صاحب الحق مات. لكن الحق ما يروحش

وبيحاول جبران بكل قوته انه يخرج من حمام السباحة ومن الجوة القصر وصلت عزيزة وبنتها ولسة هايخرجوا من باب القصر علشان يلحقوا جبران اتقفل باب القصر بشكل مرعب ومهما يحاولو يفتحوا الباب ما يقدروش وجبران في حمام السباحة بيستسلم للغرق والمية دخلت جوة الرئة وفضل جبران يتعذب ويتعذب لغاية ما روحه طلعت لخالقها وظهر خيال في قاع حمام السباحة وساب رجل جبران بعد ما مات واختفي الخيال.  واتفتح باب القصر علشان يجروا الاثنين ناحية حمام السباحة ويلاقوا جبران عايم علي وش المية جثة ما بتتحركش صرخت تماره ولطمت عزيزة وندهوا علي الرجاله يطلعوا جبران من المية ومات جبران وعلي وشة غضب ربنا. ،،،،،،،،،،،،

ومن جوة شقة حسيب كان دامس بيمرن جيهان وبيخليها تقلد كل حركات وعد وحسيب يحكم علي قد ما يعرف وتتعب جيهان وتقعد علي كرسي وهي بتقول

انا تعبت. صعب جدا تقليد حد حتي لو انت شبهه

دامس

لازم تعرفي انها مش هتيجي من اول مرة.

وفي الوقت دة يخرج عامر من الاوضة اللي كان بيغير فيها هدومة وكان عامر لابس بدلة سوداء جميلة جدا تدل علي ثراء صاحبها ولكن تحت البدلة كان في مسدس بان قبل ما يزرر. الجاكت فتقول جيهان

ممكن اعرف المسدس اللي معاك دة اية لزمتة في زيارتك الاولي ل شهاب

عامر

دة للامان مش اكتر

دامس

عامر انت ناوي علي اية بالظبط

عامر

صدقوني ولا اي شي غير اني هقعد معه. بس دة للامان مش اكتر. انا وعدكم

وسابهم عامر وخرج وبصيت جيهان ل دامس

واضح ان صاحبك ناوي يقتل شهاب

دامس

ما هو قال اهو للامان وبس 

جيهان وهي بتاخد الموبيل بتاعها وشنطتها من علي التربيزة.  قالت

اسفة. انا مش مكمله في الحكاية السخيفة دي

دامس وهو بيحاول يمنعها

دكتورة جيهان ممكن بس

جيهان بحدة ومقاطعه ل دامس

انا بعيش ايام رعب في حكاية كلها غموض علشان اجيب حق ناس ما عرفهمش وفي الاخر واحد اناني مش شايف غير نفسه وبس ممكن ياذيني في سمعتي لما الناس يعرفوا ان الدكتورة جيهان اشتركت في جريمة قتل.  اسفة لتاني مرة. ياريت ماحدش منكم يتصل بيا او يجي العيادة

وخرجت جيهان من الشقة وهي متعصبة، ،،،،،،،،،،

وبعدها بشوية يقعد عامر في مكتب شهاب مستني شهاب يجي بعد ما بلغ الخادم اللي عنده بانه منتج وجايب فيلم للفنان. وطلع عامر مسدسة وبدأ يتاكد من الطلقات الموجودة في. ما كنش قادر يستحمل ينفذ الخطة اللي هو رسمها بايدية قرر يقصر المشوار بموت شهاب.  ويرجع المسدس تاني في هدومة اول ما يحس بان  باب المكتب بيتفتح ودخل شهاب وبص ل عامر وعامر بص له بحرقة شديدة وقال بصوت حنون حنية الثعابين 

اخيرا شوفتك يا فنان 

شهاب وهو بيسلم عليه قال

باين عليك مش منتج وبس انت كمان معجب

عامر

ومن اشد المعجبين بحضرتك 

ولقي عامر نفسه بيخرج المسدس وبيرفعه في وش شهاب وبيقول

نهايتك

رفع شهاب ايدة وبص ل عامر وهو مرعوب، ،،،،،،،،،،،

ومن جوة شقة جيهان يقعد والد جيهان ويدعي دكتور زكريا. وكان قدام منه الفيديو الخاص بوعد واللي شافته جيهان امباراح بالليل فاستغربت جيهان وقالت

بابا. انت جالك ازاي الفيديو دة

زكريا

دة اللي انتي كنتي بتتفرجي عليه امباراح

جيهان باستغراب اكتر 

ايوة صح. وحضرتك قولت وقتها ان الشاشة معلهاش حاجة

زكريا

كان لازم اقول كدة علشان اخفي عنك سر عدي عليه 20.سنه واكتر

جيهان بقلق

سر اية. دة

زكريا

اللي انتي بتتفرجي علي فيديوهاتها دي. تبقي امك وعد

برقت جيهان من الصدمة،،،،،،،،،،،،،،،

ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام

ح(11)

رغم فرق التوقيت 

قبل ما نبدأ  نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★زكريا

اللي انتي بتتفرجي علي فيديوهاتها دي. تبقي امك وعد

برقت جيهان من الصدمة وقال زكريا

ما تستغربيش.  من سنين كتير اوي سنين تساوي عمرك. كنت دكتور تشريح تبع البحث الجاني وفي ليلة ما كنت في المشرحة شغال دخل علية الممرض بالترولي وعلية وعد، ،،،،،،،،،

ونرجع بالاحداث لليوم دة ووعد علي الترولي والنار اكلت من لحمها كتير بص زكريا للمنظر وقال للممرض.

اية اللي عمل فيها كدة

الممرض 

سمعت  الظابط بيقول ان خطيبها الاولاني حرقها جوة مسرح علشان سايبته وراحت لواحد تاني

زكريا

يا ساتر يارب اية اللي حصل في الدنيا. بقي القتل اسهل من انك تروح تجيب فول

الممرض وهو بيدي الملف الخاص بوعد لزكريا وبيقول

استلم يا دكتور. الملف بتاع وعد. واسيبك انا بقي

زكريا وهو بياخد الملف من الممرض

مش هتقعد معايا تساعدني في تشريحها

الممرض

لا. انا مسافر ما انت عارف عندي فرح.  اشوفك علي خير سلام

وخرج الممرض من هنا ووعد قالت اة اتصدم زكريا وبص لها وقال

انتي لسة عايشة بعد ما جسمك حصل في كدة

وعد بصعوبه شديدة

انقذ اللي في بطني

اتصدم زكريا وقال

انتي حامل

وعد

انا في شهري السابع. وحاسه ان اللي جوة مني لسة عايش 

زكريا

صعب طفلك يكون لسة عايش بعد اللي حصل دة

وعد بصعوبه شديدة جدا جدا

اعمل اللي تقدر عليه

فكر زكريا للحظات ورفع هدوم وعد من علي جسمها وكان المنظر بشع الهدوم ماسكة في اللحم لكنه قال 

افتح الرحم ازاي واللحم بالشكل دة

تمسك وعد ايد زكريا وتقول 

ابوس ايدك 

زكريا

مش هتستحملي مشرط يمشي في لحمك

وعد

انا الوجع اللي اتوجعته النهاردة يخلي اي وجع تاني سهل استحمله

ونزلت دمعه من عيون وعد علي وشها المشوة وقالت

ابوس ايدك طلع ابني مني وخلي يعيش. وبلاش حد من اهلي يعرف باني ولد. لانها ممكن تموت مقتوله. اوعدني اوعد واحدة بتعيش اخر كام دقيقة في حياتها

زكريا

اوعدك 

وفكر زكريا تاني لكام دقيقة وقرر انه ينفذ طلب وعد ومسك المشرط وبدا يفتح الرحم ووعد بتتوجع بسكوت وكانها من صخر واستغرب زكريا لما لقي الجنين عايش بس محتاج حضانه وبسرعه فقال ل وعد 

كنتي حامل في بنت وطلعت عايشة. اللي حصل دة معجزة 

بصت ل وعد اخر بصة وماتت اتالم زكريا للمشهد وخد البت في حضنه بعد ما قطع الحبل السوري وجري باسرع ما في للحضانه وحط الطفلة في الحضانه لمدة شهرين كاملين وتكفل بيها وبمصاريفها ،،،،،،،،،،

ونرجع لشقة زكريا وهو قاعد قدام جيهان المصدومة وبيقول

وخدك وربيتك لان ربنا رمي حبك في قلبي. 

جيهان وهي بتعيط

وماما ازاي توافق تربي بنت مش بنتها وكمان تسميني علي اسمها في شهادة الميلاد

زكريا

لانها هي كمان حبيتك بعد ما عرفت حكاية والدتك

جيهان وهي منهارة

وطول الفترة دي وانت مخبئ عليه

زكريا

هقول اية بس وافتح في جرح ياذيكي لية.   

جيهان

واشمعني النهاردة بتحكي

زكريا

علشان شوفتك امباراح بتتفرجي علي فيديوهات لوالدتك ودة اللي خلاني اتصدم والاقي نفسي بكدب وبقول الشاشة مش شغاله

جيهان

يعني زي ما عامر لي تار عند شهاب.  انا كمان ليا تار

زكريا باستغراب

عامر مين وشهاب مين. وتار اية

جيهان وهي بتقف بصعوبة

بعدين يا بابا بعدين.  

زكريا

ليكي حق تزعلي مني

جيهان

ابدأ. بس انا محتاجة الفترة دي اكون مع نفسي شوية

زكريا

حقك يا بنتي وانا هقدر اي رد فعل ليكي

ودخلت جيهان اوضتها ورمت جسمها علي السرير وهي بتعيط بحرقة وتفضل علي الحال دة لكام دقيقة لكنها تقف مرة واحدة وتمسح دموعها وتشغل الفيديوهات اللي معها ل وعد وتبدأ تقلد كل حركة كانت بتعملها وعد وضحكتها ومشيتها حتي وهي بترقص وتقع تاني علي الارض وهي بتعيط وبتقول بصوت يوجع القلب

امي، ،،،،،،،،،،،،،،

ومن جوة فيلا شهاب يقف عامر قدام شهاب والمسدس في وشه وبيقول عامر

مش عايز تقول حاجة قبل ما تموت

شهاب

انت مين وعايز تقتلني لية

عامر

اقتلك وبعدين اقول لك

وداس عامر علي الزناد لكن الرصاص اختفي من المسدس اتصدم عامر وداس مرة تانية وتالتة ولاحظ شهاب اللي بيحصل فقرر عامر انه يلعب عليه لعب الثعالب فقال وهو بيضحك 

مش دة كان اخر مشهد في فيلمك الاخير.  

شهاب بعصبية

انت مجنون. انا صدقت فعلا انك عايز تقتلني.  بس بقول لنفسي وهو اللي عايز يقتل حد يجي لغاية عنده والناس كلها شايفة وهو داخل الفيلا. وكمان صوت الطلقة لما تضرب ما كنتش هتخليك تخرج من هنا الا علي المشنقة 

عامر

ازاي بس اقتل اكتر نجم انا كنت بتمني اشوفه وعيشت وكبرت علي افلامه. ومش هخرج النهاردة من هنا الا وانا واخد منك كلمه بانك بطل فليمي الجديد 

شهاب اللي راح ناحية الميني بار اللي عنده في المكتب وطلع ازازة بيرة وخد منها بوق وقال

 ابل ريقي الاول وبعد كدة نتكلم

عامر

اللي يبل ريقك الفلوس اللي هتاخدها من وراء شغلك معايا

شهاب بطمع

انت هتدفع كام

عامر

مش تعرف قصة الفيلم الاول اللي هتمثلها

شهاب

دي شكليات المهم عندي هقبض كام

عامر

50 مليون. 

شرق شهاب اللي البيرة كانت علي بوقة وقال بجشع 

50 مليون.

عامر

قليل

شهاب

بالنسبة للابراد اللي هيدخلة فليمك بسبب اسمي. دة مش رقم اساسا

عامر

سابني اجرب حظي دة اول انتاج ليا في عالم السينما.  اظن احنا كدة اتفقنا 

شهاب 

افكر الاول وهرد عليك