رواية لاامان البارت السابع والثامن والتاسع والاخير بقلم الكاتبه أماني سيد حصريه وجديده على مدونة النجم المتوهج
رواية لاامان البارت السابع والثامن والتاسع والاخير بقلم الكاتبه أماني سيد حصريه وجديده على مدونة النجم المتوهج
كانت ندى تجلس في النادى برفقه صديقتها ملك ويتحدثون بخصوص صلاح وثائر
ملك : يابنتى اديكى شوفتى صلاح مش فى باله أصلا وباللى بتعمليه ده بتضيعى وقت ومش بس وقت لأ كمان هتضيعى ثائر من ايدك
ندى : بس أنا بصراحة كنت عايزه صلاح عشان مشهور وفلوسه اكتر
ملك : انتى غبيه أوى يا ندى مين قالك إن صلاح اغنى اولا كلنا عارفين انهم مش اخوات اشقاء وإن اللى ربا صلاح ابو ثائر وأبو ثائر غنى وعنده شركات هندسيه
ندى : تصدقى عندك حق
ملك : الحقى بقى قبل ما ثائر يغير رأيه هو كمان
ندى : عندك حق أنا هكلمه وأحاول أقرب منه
مجدى : لا يا معلم أنا هفتح بقى محل سجاير ومستلزمات القهاوى وفى الخباثه كده هبيع سجارتين حشو على كوكتيل مخد*رات
يعنى هنكمل بعضينا أنا وانت
اللى هيشترى منك اكيد هيطلع يشترى منى
عز : دماغ الماظ ده إحنا هنلعب بالفلوس لعب
مجدى: طيب ابوك هيسكت
عز : طبعا لازم يسكت ويشوفله ورشه يأجرها بقى ويبدأ من جديد
مجدى: عندك حق
بعدها قام مجدى وعز بالاتفاق مع سماسرة لبيع الورشتين واستغل السماسرة جهل مجدى وعز والخلافات بينهم وبين ابيهم وقاموا ببيعهم بسعر بخس رفض مجدي او عز إعطاء والدهم أى نقود من بيع الورشتين
جمال: يعنى ورشى وبعتوها ومش عايزين تدونى فلوس أبدا اجيب مكان تانى
عز : بقولك ايه يا حاج الفلوس مش هتكفى أصلا دا أنا هعمل قرض كمان عشان أكمل وافتح المشروع
جمال : وانتوا ناويين تفتحوا مشاريع ايه بقى هو انتوا فالحين في حاجه
مجدى: اصبر وانت تعرف مش هنقولك حاجه بس المشاريع دى مكسبها مضمون ١٠٠٪
طيب ادونى اى مبلغ احطه ايجار عشان اعرف افتح الورشة
عز : يا بابا اتصرف بيع عربيتك
سعاد: لا يا ناصح البيت والعربية بإسمى وانسوا انى أبيع أى حاجة انتوا فاهمين
جمال : منكم لله منكم لله يارب أنا عارف إن ده ذنب حنان وابنها
سعاد: رجعنا تانى للسيره الزفت دى
جمال بحسره : عارفه يا سعاد حنان وابنها اللى مش عجبينك دول بقوا ايه عارفه دلوقتي ابنى بقى ايه يارتنى مكنتش سبته
مجدى : بقى إيه يعنى بكره هنبقى احسن
جمال ضحك بسخريه : هتبقى احسن من صلاح الدين لاعب نادى ال..... اللى اسمه مسمع فى كل العالم
سعاد: ايه وهو وصل لكده إزاى اكيد أمه مشيت مشى بطال
جمال: اخرسى يا سعاد اخرسى ده عوض ربنا ليها
سعاد: بقولك ايه روحله وخد منه فلوس
جمال: لأ وهو هيدينى كده بالساهل بعد اللى عملته فيه ده جيه يكشف على عربيته محصوص عشان يعرفنى هو وصل لايه وعاملنى بكل قسوه وانتى جايه تقوليلى روحله ومين هيصدق ان واحد زيى يبقى ابوه
مجدى وعز ظلوا صامتين أحقا لهم أخ لاعب مشهور وهم لم يعرفوا عنه شئ دائما والدتهم تتجنب الحديث فى ذلك الموضوع هم يعلموا أن اباهم كان متزوج قبل والدتهم لكنهم لم يسألوا عن التفاصيل لم تهمهم فى شئ لكن الآن الامر أصبح أكثر أثاره متابعه على صفحتى قصص وروايات أمانى سيد صفحه الكاتبه
دلف مجدى وعز غرفتهم
مجدى : سمعت لينا اخ وطلع مين
عز : متأملش كتير واضح أن ابوك كان خاربها زمان وعلاقته بيه زى الزفت
مجدى: إحنا نصلحها ونقرب منه هو احنا كنا نعرفه
عز : انت أهبل يا مجدى واحد زى ده تفتكر هيكون محتاج عيله ولا محتاجنا أصلا
مجدى: يابنى الله اعلم كان متربى إزاى نجرب نروحله ونوشف
عز: تمام خلينا نروحله مش هيخسر
فى الخارج اتصل جمال على اخو سعاد كى يتدخل بينهم في حل المشكله فهو كان شريكه فى الماضى
جمال : ازيك يا أبو نسب ينفع اللى بيخصل ده
سعد: حصل ايه
قص له جمال ما حدث بينهم
سعد : بص يا جمال انت اللى كتبت كل حاجه باسمهم وهما مش بيكبروا لحد فانت عندك حليت تيجى تشتغل صانيعى عندى أو تقعد فى البيت وولادك يصرفوا عليك
جمال: هو ده اللي ربنا قدرك عليه
سعد : ولادك بقوا رجاله وانا مش هقدر عليهم وسعاد عنيده فاكر زمان لما الفلوس جريت فى ايدك خليتك تصفى الورشه اللى بينا ورمتلى قرشين واخدتها حل مشاكلك يا جمال أنت ادرى بيها
جلس جمال ووضع رأسه بين يديه وجلس يفكر بقله حيله فهو أصبح بين كفى الرحا ويعلم جيدا أنه لن يطول شئ من أبناءه وإذا ذهب لصلاح لن يتقبله مطلقاً
فى منزل يوسف كان ثائر يراجع بعض الملفات فى المنزل الخاصة ببعض القضايا فى غرفه المكتب ودلفت إليه حنان
ثائر انت مشغول
ثائر: لأ تعالى دى شويه ملفات كده براجعها قبل ماتروح للنيابه
حنان: بقولك ايه وانا بروق قوضتكم لقيت صلاح مخبى شنطه حلويات كده
ثائر بتصنع الدهشه : فعلاً
نظرت له حنان بنصف عين : اه اعمل نفسك مش عارف بقى يلا قولى ووعد هيفض سر بينا صلاح جايبها لمين
ثائر: معرفش حاجه عن الموضوع ده نهائي
حنان: كده يا ثائر بتخبى عليه
ثائر: طيب اساليه هو دى حاجته
حنان : منا لو سألته هياخد حذره بعد كده وانا هبقى زى الأطرش في الزفه
ثائر لسه هيتكلم دخل يوسف عليهم
يوسف: انتوا قاعدين هنا بتتكلموا فى ايه
حنان: بسأله على حاجه
يوسف: طيب ماتسالينى أنا
حنان : هسالك أنت على صلاح
يوسف: ياستى دول شحطه مش عارف انا قاعدين معانا ليه مايتجوزا بقى ويخلعوا
ثائر : انا قايم داخل جوه وحاضر يا جوز امى لمال إن مكنتش ابنك كنت هتعمل ايه
حنان: كده يا يوسف تزعله
يوسف: وهما بيحسوا مايتجوزا بقى عشان نبقى على رحتنا
حنان: بكره يتجوزوا ويجبولك احفاد يملولك البيت
يوسف: يعنى انا بطفشهم عشان يجولى باحفادهم
ظلت حنان تضحك على احاديثه فهى تعلم أنه يحبها ويغار عليها بشده يرافقها فى جميع الاماكن ولا يملواو يكل من شراء المشتريات الخاصه بها بل يجد متعته فى مرافتها واعطائها رأيه وحنان تحب ذلك فهى أيضا تحبه بشده ودائما تريد اهتمامه خاصتا بعد وفاة والدتها ووالدته.
دلف ثائر لغرفته المشتركه مع صلاح: بقولك ايه هو جوز امى اللى بره ده هيقتنع امته انها امنا ومن حقنا نتكلم معاها
صلاح: لأ كل اما يكبر الغيره هتزيد وبعدين اعمل زيى كلمها وهو مش موجود 🤣🤣
او لازم نبقى جماعه عشان نبقى محارم ليها 🤣🤣🤣
ثائر: أمك قفشت كيس للحلويات وحاولت تقررنى انت جايبه لميت وغمزله
صلاح: البيت هنا معدوم الخصوصيه وانت قلتلها حاجه
ثائر: لا طبعا عملت عبيط
صلاح: جدع عموما بكره هوديهولها عشان اشكرها على العزومه
ثائر: كلك ذوق طيب أنا عايز العربيه الصبح عشان هوصل اختك الكليه
صلاح: خدها انا هروح بعد الضهر وعندى مشوار تانى كده
ثائر: فين
صلاح: مش هقولك يا حشرى يلا تصبح على خير
فى اليوم التالى ذهب ثائر برفقه تقى للجامعة ووجدت صديقتها فى انتظارها
غاده: تقى صباح الخير
تقى : صباح النور اعرفك ثائر اخويا ضابط شرطه
ودى غاده صحبتى من ايام ثانوى
غاده: أهلا بيك
ثائر بدون اهتمام اهلا مش يلا بقى
ذهبت تقى وغاده وثائر لغرفه المعيد الذى اراد ثائر من تقى العتذار له ودلفوا وجلسوا فى المكتب وأتى لهم المعيد هشام : السلام عليكم
ثائر: وعليكم السلام عشان ماخدش من وقتك كتير يا استاذ هشام انا تقى حكتلى اللى عملته وانا غلطتها واصريت انها تعتذرلك بنفسها وده مش هيمنع إن العقاب مستمر وهتفضل مفصولة
هشام: خلاص يا استاذ ثائر حصل خير أهم حاجة تكون عرفت غلطها ومتكررهاش تانى
تقى : انا اسفه حضرتك ووعد مش هكررها ومش هتأخر تانى ولو اتاخرت مش هدخل بعد حضرتك
هشام اماء برأسه وتم حل المشكله وخرجوا جميعاً من المكتب أثناء وقوفهم خارج المكتب اتى لثائر تليفون من ندى وقام بالرد عليه
واتفق ان يقابلها فى النادى
سمعت غاده الحديث وقررت هى وتقى الذهاب للنادى
ياترى ثائر هيرتبط غاده ولا ندى ؟؟
مجدى وعز هيروحوا لصلاح وهل صلاح هيتقبلهم
البارت الثامن
وصل ثائر النادي وجلس على الطاولة وعلى يمينه ندى وعلى يساره غاده وأمامه تقى
فعندما اتصلت به ندى و طلبت منه أن تقابله في النادي أصرت تقى على الذهاب معه ورافقتها غاده حتى تعلم نوع العلاقة بينه وبين ندى
طلب ثائر النادل وطلب ندى قهوه وثائر نسكافيه فطلبت غاده كما طلب ثائر وظلت تقى تنظر لصديقتها نظرات شك ايعقل ان تكون غاده معجبه بثائر دعنا نرا
غاده : صحيح يا استاذه ندى انتى اتخرجتى من كليه ايه
ندى: من ال auc
Business administration
وبلاش استاذه بتكبرنى من غير لازمه
غاده: لأ طبعا مايصحش عشان فرق السن وكده
ندى : نعم فرق السن ! فرق إيه اللى بتتكلمى عنه اعتقد الفرق بينا سنتين تلاته
غاده: لأ طبعا الفرق بينا مش أقل من ١٩ سنين
شهقت ندى وفتحت عينيعا للآخر
ندى : إيه ده يا ثائر مين دى انتى فاكره نفسك بيبى ولا ايه
كانت تقى تكتم ضحتها هى وثائر من حديث تقى وصمتوا حتى لا يضحكوا
غاده: مش حضرتك برضو اكبر من ثائر
ندى: لأ اصغر منه ب ٤ سنين انا عندى ٢٤ سنه
غاده وانا ٢٠ سنه بس الفرق بينا فى الشكل كبير خلاص معلش يا ندى مكنتش أعرف سنك الحقيقى بس أسفه الفيلر اللى انتى عملاه خلانى اقول كده
ندى : فيلر ! عن اذنك يا ثائر نتقابل مره تانيه
قامت ندى غاضبه وتركتهم وعندما اختفت امن امامهم ظلت تقى تضحك على حديث غاده
تقى : إنتى مش ممكن يا غاده طفشتيها
ثائر على فكره مكنش يصح اللى قولتيه ده وفعلاً نظى مش كبيره الفرق اللى بينكم مش كبير ليه تحرجيها كده
غاده: لأ على فكره انا قلت الحقيقة شكلها اكبر من سنها وهى عامله فيلر ومغيره وشها كمان بالمكياج
ثائر: يا سلام وانتى عرفتى منين بقى انها عامله كده ايه عامله انتى كمان عمليات تجميل
غاده: لأ انا حلوه طبيعي مش محتاجه
أحست غاده أن ثائر لا يصدقها فقررت أن تثبت له وتتخذها فرصه لتراه مره اخرى وتستطيع التحدث معه
: طيب ايه رايك بكره اجى بنفس الميكب اللى هى عاملاه واوريك شكلى هيتغير ازاى ونخلى تقى الحكم لو مغيرتش شكلى ١٨٠ درجة وانت معرفتيش ساعتها قول انى مش بفهم حاجه
ثائر: ماشى موافق على الرهان بكره الساعه ٥ هنا فى النادى وتقى هتيجى معايا عشان نشوف
غاده: خلاص وانا موافقه
عند صلاح قرر الذهاب لنجمه ارتدى ملابس بسيطه واستأجر سياره من إحدى التطبيقات وحرص على أن تكون السيارة ليست حديثه
اخذ معه حقيبه الحلوى وذهب لها باكراً حتى لا يكون المطعم الخاص بها مذدحم
وصل صلاح أمام المطعم فتره بسيطه ليتأكد من عدم وجود اشخاص ثم دخل الى المطعم وخلع القبعه
نجمه بتفاجؤ من وجود صلاح: إيه ده معقول صلاح
صلاح: صباح الخير عامله ايه
نجمه: الحمد لله اتفضل اتفضل
جلس صلاح وجلست نجمه امامه
قدم لها صلاح تلك الحقيبه المملؤه بأشكال مختلفه من الحلوى والشيكولاتة
صلاح: اتفضلى هديه ليكى اتمنى تعجبك
نجمه: مالوش لزوم أنا معملتش حاجه استحق عليها الشكر
صلاح: ياستى دى هديه بسيطه أنا عارف البنات بتحب الشكولاتات واختى كانت طالباها منى وانا بجبلها حبيت اجببلك زيها
نجمه : على كده بقى انت بتعتبرنى اختك
ابتسم صلاح ولم يرد عليها لانه لا يعتبرها فى منزله اخته مطلقاً
اخذت نجمه الحقيبه وفتحتها أمام صلاح وعينيها توسعت من كميه الحلوى فهو اختار لها مجموعة كبيرة من اغلى أنواع الحلوى
نجمه : ايه ده معقول كل ده ليه
صلاح: اه لو عايزه تدى حد منه انا معنديش مانع دى حاجتك وانتى حره فيهم
ابتسمت نجمه واخذت منه حقيبه الحلوى
نجمه: طيب كنت عرفنى انك جاى كنت هملتلك أكل حلو
صلاح: ليه ما الكشرى زى الفل ماله
نجمه: طيب استنى احطلك
صلاح: لأ معلش مره تانيه أنا كنت جاى تديكى الشنطه دى وماشى
بقولك صحيح كان فى ورشه ميكانيكا هنا ماتعرفيش راحت فين
نجمه: اه محل عم جمال عياله اخدوا منه الورش وباعوها عايزين يعملوا مكانها مشاريع خاصة بيهم
صلاح: أه طيب تمام استأذن انا بقى
انتهى صلاح من حديثه مع نجمه وذهب لإحدى معارض السيارات ودلف إلى صاحب المعرض عزمى
عزمى : أهلا أهلا كابتن صلاح
صلاح: أهلا بيك يا عزمى عامل ايه.
عزمي: بخير يا كابتن
صلاح: كلمتنى امبارح وقولتى العربيه اللى طلبتها وصلت
عزمى : ايوه وصلت وخلصتلك كل الورق والإجراءات وكتبتها بإسم ثائر يوسف زى ما طلبت واتفضل المفتاح اهو
اخذ صلاح السياره وأكمل باقى الإجراءات وقام بالاتصال على ثائر ووجده مازال يجلس فى النادى ذهب اليه ودخل النادى ووجده جالس مع تقى وغاده وجلس معهم
صلاح: ايه مطولين ولا هتروحوا امته
ثائر: لأ إحنا كنا ماشيين بس قلنا نستناك تروح معانا تحب تشرب حاجه ولا شربت
صلاح: لأ نروح يلا مش يلا يا تقى
ثائر : وانتى يا انسه غاده قاعده ولا هتروحى
غاده: لأ هطلب اوبر واروح
ثائر : لأ اتفضلى احنا هنوصلك في طريقنا
غاده: لأ شكرا انا بيتى قريب من هنا
تقى : غاده جيتى معانا يبقى تروحى معانا يلا ثائر هيوصلك
خرج ثائر برفقه صلاح ويتبعه تقى وغاده واتجه ثائر باتجاه سيارته لكن صلاح استوقفه
صلاح: رايح فين
ثائر : هركب العربيه راكنها هناك
صلاح: لأ العربيه مركونه هنا تعالى بس
جذبه صلاح اتجاه العربيه واعطاه مفتاح السياره
يلا اركب
ثائر: ايه ده تابعونى على صفحه الكاتبه قصص وروايات أمانى سيد واحب اسمع رايكم في الكومنتات
صلاح: عربيتك الجديدة كل سنه وانت طيب انهارده عيد ميلادك
ثائر: بس دى غاليه اوى يا صلاح دى لامبورجيني
صلاح: الغالى مايتجبلوش غير الغالى انت أخويا يا ثائر وبعدين خد هنا فى ظابط حلو وابيضانى وطويل وعينه خضرا يركب حاجه اقل من كده
احتضنه ثائر بقوه فصلاح يعلم حلم ثائر فى شراء سياره كتلك ولديه منها مجسمات صغيره فهو اختار اللون المفضل لثائر واشتراه له
صعد ثائر للسياراه وبجانبه صلاح وتقى وغاده فى الخلف
تقى : والعه معاك يا ثائر بس انا عايزه اعرف يا صلاح هو انا مش اختك برضو مابتجبليش هدايا كده ليه
ثائر : هنبدأ القر بقى إحنا عايزين نروح سلام من غير حوادث الله يباركلك
تقى : قصدك إن عينى وحشه
صلاح: قصده سبيه فى حالة وبعدين خدى هنا هو إنتى فى حاجة نقصاكى ولا فراغه عين
تقى: شفتى يا غاده كلهم عليا إزاى
صلاح: أيوه أيوه يا غلبانه عليا انا الكلمتين دول برضو
ظلوا فى أجواء المناكشه تلك واوصلوا غاده منزلها ثم ذهبوا لعده أماكن اخرى بالسيارى ثم ذهبوا المنزل وجدوا المنزل هادئ اضاء ثائر النور ووجد حنان اعدت له حفله صغيره واعطته هديه هى ويوسف وجلسوا يضحكون فى جو ملئ بالالفه
تخيل صلاح داخله لو أن جمال مازال والده هل سيعيش بتلك السعاده هل كان سينجح في حياته بالطبع لا
حمد الله فى داخله على تخلى والده عنه ورزقه اب كيوسف واخوه كثائر وتقى
تقى : شوفتوا صلاح جاب ايه لثائر
يوسف: جابله ايه
تقى : عربيه لامبورجيني هديه
نظر يوسف لصلاح وتصنع الجديه: كبرت على ابوك يا صلاح وبتعلى عليه في الهديه
صلاح: لأ أبدا يا بابا بس انت عارف معزه ثائر وهو طول عمره نفسه فيها
حنان: مبروك عليك يا ثائر سبهم يا يوسف بلاش تشاكسهم
يوسف: خلاص خليهم يتجوزوا ويمشوا وانا ابطل
صلاح : ماما تصبحى على خير عندى تدريب الصبح بدرى
ثائر: وانا كمان تصبحوا على خير
دلف صلاح وثائر غرفهم وكلا منهم قص للاخر ما فعله فى يومه
ثائر: بس انت فعلاً معجب بالبنت دى يا صلاح
صلاح: أنا حبيتها يا ثائر
ثائر: طيب سألت عنها افرض مرتبطة ولا حاجه
صلاح: قلبى بيقولى إنه لأ. بس سيبك انت ايه حوار غاده ده البت عينها منك
ثائر : يابنى دى عيله صغيره دى اد اختك تقى
صلاح: وتقى عروسه ولو اتقدملها عربي مناسب هنوافق ولا انت عينك من حد تانى
صمت ثائر ولم يتحدث فمشاكسه غاده له حركت بداخله مشاعر أحس بتلقائية حديثها وعدم تصنعها وخاصة عند وقت الغداء كانت تأكل بطبيعتها
صلاح: ثائر انت لسه معجب بندى
نظر له ثائر فى دهشه : أنت كنت عارف
صلاح: أه واللى متأكد منه أنك لو كنت حبيتها مكنتش ميلت انهارده لغاده ومكنتش سمحت لغاده تعمل اللى عملته ده مع ندى كنت دافعت عنها بس انت عجبك كلام غاده 😉😉
ظل ثائر يفكر فى حديث صلاح الى أن غلبه النوم
فى اليوم الثانى ذهب ثائر وتقى النادى لمقابلة غاده واستطاعت غاده لفت انتباه ثائر لها بل وتحريك مشاعر الغيره داخله
ثائر: انتى نزلتى من البيت كده
غاده : اه
ثائر: روحى اغسلى وشك حالا
غاده: لأ شكلى حلو كده
ثائر: غاده اسمعى الكلام قالها ثائر بعصبيه ممما جعل غاده تخاف من صوته
تقى : لأ يا ثائر بصراحه مكنتش أعرف انها مزه كده يبقى عندها حق فى كلامها على ندى وتبقى هى كسبت
ثائر بضحكت سخريه : هى فعلا اللى كسبت
مر شهر على تلك الأحداث خلالها أرسل ثائر للسؤال عن نجمه واهلها واطمئن اتجاهها ولم يبلغ صلاح بما فعله .
تقرب صلاح كثيراً من نجمه مما جعل نجمه تخشاه وتخشى ان تكون مجرد تسليه فى حياته
بالنسبة لثائر تقرب أيضاً من غاده واصبح يحب مشاكستها طوال الوقت
يوسف وحنان شعروا بشئ مختلف فى اولادهم ولكنهم تركوا لهم بعض الخصوصيه
عند جمال اصبحت حالته المادية اسوء ما يكون ولم يعطى مجدى او عز ابوهم او والدتهم اى نقود مما جعل سعاد تضغط على جمال حتى يعمل لدى اخيها وبالفعل رضخ جمال لطلبها وعمل عن اخو سعاد الذى كان يعامله اسوء معامله مما جعل حاله جمال الجسدية والنفسية تسوء فكل ما بناه هُدم وقرر الذهاب لصلاح وحنان حتى بسامحانه
بينما مجدى وعز قرروا أخيراً الذهاب لصلاح
ياترى صلاح ممكن يتقبل اى شخص منهم وماذا سيكون رأى حنان
الاخيره
خرج صلاح ومعه ثائر وتقى وغاده ووجدوا امامهم مجدى وعز
فى بادئ الأمر ظنهم صلاح معجبون يريدون التصوير معه
عز : احنا اه معجبين بيك بس مش ده سبب إننا واقفين هنا ومستنينك
صلاح: خير محتاجين مساعده
عز : لأ خيرك سابق بس هعرف على نفسى الاول انا عز جمال عبد القادر وده اخويا مجدى جمال عبد القادر
وانت صلاح الدين جمال عبد القادر اخونا
انا عارف إنك ممكن متصدقناش بس احنا معانا البطايق احنا بالصدفه من فتره قريبه جدا عرفنا إن لينا اخ وانك اخونا عشان كده قررنا اننا نجيلك ونتعرف عليك ونعرفك علينا
لو مش مصدقنا اتفضل البطايق اهى
اخذ ثائر تقى وغاده واجلسهم داخل السيارة واغلق البلب جيداً وعاد مره اخرى ليقف بجانب صلاح
صلاح: ومين قال انى مش مصدقكم انا مصدقكم بس أنا مايشرفنيش انكم تبقوا اخواتى واحد خم**ورجى وواحد حشا*ش
لو فاكرين انك لما تجونى وتقولوا الكلمتين دول الدم هيحن واخدكم في احضانى وبالاحضان بالاحضان تبقوا هبل امشوا من هنا ومش عايز اشوفكم مره تانيه عشان وقتها مش هيعجبكم اللى هيحصل انا معنديش غير اخ واحد بس وهو اللى واقف جمبى ده ويلا امشوا بدل ما اخلى الامن هو اللى يتصرف معاكوا
مجدى : طيب على فكره بقى طالما بقت كده احنا مش هنسيبك في حالك والعالم كله هيعرف اننا اخواتك
ثائر: أعلى مافى خيلكم اركبوا انتوا اصلكم لسه مش مستوعبين انتوا واقفين قدام مين
وأشار ثائر للامن وتركهم هو وصلاح ورحلوا
داخل السيارة
تقى : حقيقى دول اخواتك يا صلاح
صلاح : أنا ماليش اخوات غيرك إنتى وثائر مش أى حد يرمى بلاه علينا هنصدقه
تقى التزمت الصمت بسبب وجود غاده
اوصل ثائر غاده ثم عادوا للمنزل وعندما وصلوا المنزل قصت تقى جميع ما حدث لوالدتها ووالدها وقصت حنان لتقى جميع ما حدث بالماضي وطلبت منها تجنب فتح الحديث مره اخرى مع صلاح أو أى شخص اخر
رضخت تقى لطلبها والتزمت الصمت
بالنسبة لثائر اتصل بغاده واعتذر لها عن ما حدث واوضح لها حقيقة الأمر وأن لا داعى لفتح الحديث مره اخرى حتى مع تقى
مر يومين كان مجدى وعز ينشرون خبر ان صلاح اخيهم ويضعوا صور لبطاقاتهم حتى يأكدوا المعلومه
انتشر الخبر سريعاً نظراً لشهره صلاح ولكن صلاح كذب الخبر ووضع شهاده ميلاده ووضع شهادات ميلادهم وأوضح أن الامر برمته تشابه اسماء بدليل اختلاف اسم الأم وانهم يستغلوا تشابه الاسماء للحصول على الشهره
بالنسبة لجمال حاول الوصول مره اخرى لحنان حتى يتحدث معها لكنها رفضت وهدده يوسف اذا حاول التواصل معها مره اخرى سيتصدى له هو
اذدادت حاله جمال بؤس فهو لن يستطيع أن يوفر طلبات المعيشه لزوجته واصبح هو وسعاد عبئ على عز ومجدى ولم يستطيعوا طردهم من المنزل لأن المنزل بإسم سعاد
اصبح جمال ينظر لسعاد بك*ره لانها فشلت فى تربيه ابناءه وهى من تسببت في خسارته لكل شئ لو كان عادل لما حصل ذلك اصبح يعاملها بعنف ويأخذ منها الاشياء عنوه عندما ترفض اعطاءها له
فى ذلك الوقت ارسل صلاح مرتب لجمال مع أحد الاشخاص الذين يثق بهم وابلغه ان يبلغ والده أن كل أول شهر سيصله مبلغ هكذا رفض جمال اخذ النقود فى بادئ الأمر لكنه وافق تحت ضغط سعاد لأن هذا أصبح مصدر الدخل الوحيد له
بالنسبة لعز ومجدى تم فتح المحلات فى يوم واحد وتفاجئ سكان الحى بفتح محل خمور مما أثار غضبهم فهم يخشون على ابناءهم من شرب تلك المحرمات
مر يومين حاول فيهم سكان الحى التفاهم مع عز ومجدى لغلق تلك المحلات وتغيير النشاط لكنهم رفضوا ممى جعل إحدى السكان بحرق محل الخمور وترك المحل الآخر
قام سكان الحى على صرا*خ واستنجاد عز بأحد كى يطفئ النار لكن للأسف تفاخم الامر بسبب وجود الكوحليات جاء رجال الاطفاء لكن بعد ان أصبح المحل عبارة عن هشيم والنا**ر اصابت عز بح*رق كبير في وجهه لا يمكن الشفاء منه
بنما مجدى قاموا بالابلاغ عنه بتهمه تجاره المخد*رات وبالفعل تم القبض عليه وحبسه
اخذ جمال محل مجدى وقام بفتحه روشه ميكانيكا مره اخرى وضغط على مجدى ان يسجله باسمه حتى يستطيع أن يرسله له نقود داخل الس*جن وأخيرا رضخ جمال لطلب والده بدأ العمل يسير بشكل أفضل مره اخرى وتواصل جمال مع صلاح وطلب منه مقابلته للضروه وافق صلاح تحت ضغط والده
جمال: صلاح انا كنت ظالم وانت كنت عادل معايا انا رجعت الورشه مره تانيه وشغال فيها وبقت بإسمى انا عايز ابقى عادل واكتبهالك بأسمك وانت تقدر تتصرف فيها
صلاح: بص يا جمال انا مش محتاج منك حاجه انا اقدر اشترى الحى اللى انت ساكن فيه ده كله لو انا عايز مش هبص لورشه انا كل فترة هكلمك عشان خاطر ربنا وامى إنما اسامحك على اللى عملته زمان صعب يمكن يمكن مع الوقت اقدر انسى بس لو كان ينفع كنت نسيت ولو احتجت فلوس تانى كلمنى وانا هبعتلك
جمال: طيب على الاقل ارجع قيمه الصيغه اللى اخدتها من أمك زمان تابعونى على صفحه الكاتبه قصص وروايات أمانى سيد احب اسمع رايكم وتعليقاتكم
صلاح: أمى مش محتاجاها اللى بابا جايبهولها يعيشها ملكه انساها زى ما كنت ناسيها
تركه صلاح ورحل تحت حزن جمال وندمه
بالنسبة لعز بعد اصابته كسر شئ داخله وقام بإرجاع الورشه لوالده وفتحها جمال مره اخرى واصبح عز يعمل بها
وقرر الابتعاد نهائيا عن صلاح ومحاوله اصلاح نفسه بينما سعاد لم تعد تسيطر على جمال كما فى السابق بل اخذ جمال منها ما اشتراه له وفتح به الورشه مره اخرى واخذ منها كل ما تملك بالاجبار لكن لم يستطع اخذ الشقه اصبح يبغضها بشده لكنه اصبح مجبر للتعامل معها لان ليس مكان اخر يسكن به اصبح الندم حليفه فهو فعل ما اراده فى الماضى واصبح له ولد مشوه والاخر مسجون ويعيش مع اكثر شخص يبغضه
عند ثائر تقدم لخطبه غاده ووافق أهلا فورا واتفقوا بعد الامتحانات يتم الزفاف
عند صلاح
حاول اكثر من مره التواصل مع نجمه لكنها حظرته من جميع وسائل الاتصال
قرر صلاح الذهاب لها والحديث معها
تفاجئت نجمه بوجود صلاح أمامها
صلاح تحدث بدون مقدمات
: ممكن اعرف ايه اللى عملتيه ده وبكلتينى ليه
نجمه صمتت لم تستطع الرد هى خائفه ان لا يشعر بها وعى تعلقت به لشده وقررت البعد حتى تسيطر على مشاعرها
صلاح: نجمه فهمينى انا عملتلك ايه عشان تعملى معايا كده ردى لو سمحت
صمتت نجمه مره اخرى لكن نحت ضغط صلاح ردت عليه
نجمه : عشان حبيتك اوى واتعلقت بيك أوى وكل يوم بحبك زيادة وفى نفس الوقت عارفه الفرق الكبير اللى بينا وكميه البنات اللى تناسبك انا اجى وسطهم ايه انا مجرد بياعه كشرى
صدم صلاح من حديثها أخيرا اعترفت بحبها له
نظر لها صلاح قائلا انتى غبيه وتركها ورحل دون توضيح أى شئ لهاة
ذهب صلاح المنزل وجمع أهله جميعا وابلغهم برغبته بالارتباط بنجمه وقص لهم معرفته بها سعدوا جميعا بقرار صلاح وقرروا الذهاب لخطبتها
وبالفعل مر يومين وذهبوا جميعا وقاموا بعمل خطبه بسيطه واتفقوا ان زواج ثائر وصلاح فى نفس اليوم
سعد يوسف بذلك القرار كثيرا لأنه اخيرا تحقق حلمه ولكن السعاده لم تدوم طويلا حيث اشترى ثائر وصلاح منازلهم فى نفس العقار حتى لا يبعدوا كثيراً عنهم
فى يوم خطبه نجمه تفاجئت نجمه بوجود صلاح وأهله فى منزلها ولكن صلاح كان يجلس هو واهله برفقه اهلها وطلبها منهم وافق خالها وعمها مباشره ولم يطمعوا في صلاح لكن راقهم الوضع لانهم لم يتكلفوا شئ فى جوازها
بعد قراءه الفاتحه تركهم الجميع للجلوس بمفردهم
صلاح : تعرفى انك غبيه يا نجمه كل ده مكنتيش ملاحظه حبى ليكى انا اللى كان مأخرنى هو انى مش عارف مشاعرك ليه
تعرفى انى حبيتك من اول مره عينى شافتك فيها تعرفى كمان انك الوحيدة دوناً عن أى بنت قدرتى تخطفى قلبى
ابتسمت نجمه واخبرته بمشاعرها هى ايضا
نجمه : وانا كمان يا صلاح بحبك اوى حتى من قبل ما اشوفك طول عمري بقول يا بخت اللى هتتجوزك انا حاسه اني عايشه في حلم ومش عايزه اصحى منه
صلاح : لأ اصحى لأن الواقع هيبقى احلى بكتير من أى حلم هتحلميه
مر ٦ اشهر وتم التجهيز لكل شئ واليوم هو زفاف صلاح وثائر على من دق لهم القلب
ابلغ صلاح جمال بزفافه لكنه لم يذهب خشيه من تسبب المشاكل له أمام الإعلام واصبح يوسف وكيل لصلاح وثائر
مش كل الناس ينفع نديهم فرصه تانيه لأن مكنش ينفع اصلا اننا ندخلهم حياتنا من البداية
طالما عوض ربنا جالنا يبقى مافيش اى داعى أننا نبص ورا او نفكر فى الماضى نمسك الحلو اللى معانا ونحمد ربنا عليه وبلاش ندور عن اشياء لو عرفناها هتسبب فى حزننا
اتمنى النوفيلا دى تكون خفيفه على قلوبكم يارب
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
تعليقات
إرسال تعليق