رواية نقاء بلا حدود الفصل السادس بقلم الكاتبه شيماء طارق حصريه وجديده على مدونة النجم المتوهج
رواية نقاء بلا حدود الفصل السادس بقلم الكاتبه شيماء طارق حصريه وجديده على مدونة النجم المتوهج
كريستينا اتوترت بصص لصفيه بسرعه واكنها بتستغيث وخايفه الموضوع ينكشف قدام الكل.
آدم عيونه لمعت، اتكلم بصوت مليان غضب وحزن وانكسار قال : عرفيني يا اماي إيه الاتفاق اللي كان بينكم ؟! قولوا! إيه اللي مخبيينه عني لاننا تقريبا بقينا خابرين كل حاجه؟
صفيه ما ردتش، سكتت وسابته يغلي، والجد ضرب عصاته في الأرض بقوة هو بيقول:
– الليلة دي… لازم كل الأسرار تطلع، وإلا هعتبر سكوتكم اعتراف بالذنب.
زينب بصت لجدها وقالت بوجع :
يعني… في خيانة حقيقية ورا كل ده يا جدي كيف وليه؟
آدم مسك إيديها بكل قوته هو بيقول بصوت مرتعش : للأسف هو ده اللي حصل يا زينب بس ما تخافيش ما فيش حد هيقدر يدمرني حياتنا والحقيقه هتتكشف مهما حصل؟!
الجد وهو بينادي بصوت عالي وبيقول :
– ادخل يا يوسف تعالي يا ولدي!
دخل يوسف، الخادم القديم اللي عاش مع العيلة من سنين، ووقف قدام الكل .
الجد هو بيتكلم بثقه قال:
قول اللي شفته يا ولدي الفترة اللي فاتت من وقت ما قلتلك راقب صفيه يعني تقريبا بقى له خمس أيام الموضوع ده؟!
صفيه لونها لون وشها أصفر خالص وبقت مصدومه ان حماها مشي وراها يوسف علشان يراقبها الموضوع كان بالنسبه لها الضربه القاضيه.
يوسف (وهو بيبص في الارض باحترامه وبيقول): من يومين وانا براقب الست صفيه شفتها داخله فندق كبير في قنا وهي كانت قاعدة مع المراة اللي واقفه قدامكم دي وكانوا لوحديهم قاعدين بيتحدتوا وما كانش فيه حد وياهم؟!
الكل اتصدم ادم كان متنح وما كانش مصدق حاجه من اللي بتتقال ازاي امه عملت كده وكمان زينب كانت مصدومه وما كانتش عارفه تتكلم بس الجد شجع يوسف علشان يكمل بقيت كلامه.
الجد (بصرامة):
سمعت إيه يا يوسف قول كل حاجه يا ولدي؟
كمل يوسف وقال: سمعت الست صفيه وهي بتقول للمراة دي ما تخافيش اثبتي على الحديت اللي هتقوليه والعيل اللي في بطنك ده هتقولي عليه ان هو ولد ادم ولدي وهديكي كل الفلوس اللي انتي رايداها علشان تفتح العيادة اللي بتحلمي بيها
المهم آدم يبعد عن زينب، عشان البت دي ما تاخدش ولدي مني انا جوزته لها علشان ناخد كل الفلوس ومنها وخلاص كل حاجه صارت كيف ما انا رايده؟! وسويت كل اللي كان رايده حمايا بس على مزاجي مناقص غير آخر حاجه وهي الضربه القاضيه ؟!
الصمت كان مالي المكان وما كانش في حد عارف يتكلم لأن الحوار اللي حصل ده صعب جداً ان حد يصدقه هو في ام ممكن تعمل كده في ابنها حاجه بشعه جداً.
كريستينا اتلخبطت، ووشها أحمر وحاولت ان هي تتكلم وتكذب تاني وتكمل في اللي هي بتعمله قالت:
هو… هو بيكدب ده كله مش حصل!
لكن يوسف قطع كلامها بحدة:
– والله العظيم ما كدبت… انا شفت بعيني اللي هياكلهم الدود وسمعتهم بودني وما فيش كلمه ناقصه من اللي حصل؟!
آدم حس كأن الأرض بتتهز تحته،دموع نزلت غصب عني وهو بيقول بحزن شديد وكسره :
– يعني إنتي يمايا اللي سويتي كل ده وخططتي علشان تنسيبي لي عيل مش من لحمي ولا دمي ليه سويتي اكده ؟! جبتِ واحدة غريبة، وخلتيها تكسر قلبي وقلب مراتي عشان طمعك في الفلوس وخوفك إني احبها ليه ؟!
صفيه وهي وشها شاحب وبتحاول تبرر كل اللي هي عملته وبتقول : أنا… أنا سويت اكده عشانك، عشان مصلحتك يا ولدي علشان بحبك يا ولدي!
الجد ضرب عصاته في الأرض هو بيقول بعصبيه:
– لأ! إنتي سويتي اكده عشان نفسك… عشان غرورك وحبك للسيطرة وولدك محترم ومتربي وعمره ما كان هيهمل فيكي ولو حتى سابك وبقى مهمل فيكي مرته بنت ناس ومتربيه وانتي خابراها مليح؟!
زينب كانت واقفة، دموعها بنازلة، لكن لأول مرة رفعت راسها وبصت لمراة عمها وقالت بصوت مليان وجع :
– ليه؟يا مراة عمي أنا سويتلك ايه علشان تظلميني اكده انا عمري ما ضايقتك ولا سوتلك اي حاجه تزعلك ليه تسوي فيا اكده ؟!
آدم راح بسرعة، مسك إيد زينب قدام الكل وقال بصوت قوي هز به المكان: انا بحبك وغصب عن الكل صدقت دلوقت كل اللي انا كنت بقوله لك ربنا يسامحك يا مايا انا مش خابر انطق الكلمه دي تاني كيف بعد اللي صار؟!
في الوقت ده راحت صفيه بسرعه على ادم ومسكته من ايديه وبتقول له بغضب: انا سويت ده كله يا ولد علشان انقذك
عشان أحميك من البت دي اللي ممكن تسيطر عليك وتخليك تمشي وراها زي العيل الصغير! أنا أمك يا آدم.. وخابرة مصلحتك اكتر منك!
آدم (بص لها بعصبيه وصوت عالي قال):
ده اسمه دمار يا ماي
.. إنتِ دمرتي حياتي وكسرتي قلب مراتي.. وخليتيها مش طايقه تبص في وشي وهي بتتهمني في كل نظرة غير اكده حاولتي تشككيني في حالي رغم إني خابر اني ما اسويش اكده واصل ؟!
مرتي البريئه المسكينه اللي كنت بتزرعي في قلبها الشك ناحيتي كيف قدرت تشوهي سمعة ولدك بحجه انك بتحميني بتحميني من إيه؟!
صفيه (بصوت حاد هي بترد عليك بجاحه وبتقول): انا سويت ده كله علشانك وعلشان فلوسك واطيانك وتعب ابوك الله يرحمه اللي كانت بت عمك هتاخده وتوديه لواحد غريب لو اتجوزت من بره؟!
جوزتها لك وهي لو رايده تطلق منك وتتجوز غيرك تروح بس انا ما كنتش رايداها تكون مرات ولدي مرت ولدي لازما انقيها على الفرازه انا مش رايده البت دي لأنها خبيثه كيف امها اللي ما يجوزش عليها غير الرحمه!
آدم (عينه تلمع بالدموع هو مش مصدق ازاي امه في قلبها الشر ده كله قال): يا حول الله يا رب ده كله مالي قلبك إيه السواد ده؟!
انتي سويتي كل ده علشان نفسك علشان حقدك وكرهك علشان طمعك وجشعك ظلمتيني وكنت رايده تدمري حياتي!
(بيلف وشه بره الاوضه وبيبقى مليان غضب وقهر وبيمشي بخطوات بطيئه وهو مش قادر يصدق اللي حصل في الوقت الجد بيامر الحرس بتوعه ياخدوا كريستينا ويرموها بره البيت خالص وكده خلص من الموضوع كريستينا بس يا ترى حقد امه وكرهها هيفضل زي ما هو ولا هتتغير)
الجد واقف قصاد صفيه وقال بصوت هز المكان كله وكان متضايق جدا وشايف ان وجودها في البيت هيعمل مشاكل قال:
ـ من النهاردة… إنتِ مالكش مكان اهنا
(الحاج عتمان بيشاور لرجالة)
ـ طلعوها بره البيت…هي دنست اسمنا ما ينفعش تفضل في وسطينا ولا ويانا خلوها تروح لحال سابلها ؟!
(صفيه بتعيط وبتصرخ على خيرها وبتحاول تقرب من حماها وتبعد الرجاله اللي ماسكينها عنها وهي ماشيه بتقول بكل غضب وبتعيط)
صفيه:مش ههملك يا زينب والله لاحصرك عليها يا ادم يا ولدي وهخليك ترجع تاني لحضن امك؟!
ادم كان بره وسمع كل حاجه ومش قادر يتكلم هو زعلان ومش عايز أمه تسيب البيت لأنها برده في الأول ولا في الآخر أمه بس ما كانش بايده حاجه أنه يعملها سكت لانه عارف معاها فلوس تكفي نفسها وتقعد مكان ما هي عايزه
وقرر ان هو يتابع اخبارها على طول بس ما يقدرش يقف في وش جده لأنها كانت غلطانه جدآ وهو نفسه مش قادر يغفر لها الخطا ده.
الحاج عتمان راح على آدم وقاله:
من النهارده، إنت كبير العيلة يا آدم لازما تحكم بالعدل وتكون مكان جدك وما تهملش البلد وتمشي لو رايد مستشفى ابنها لك و اي حاجه رايدها اسويها لك اهنا في البلد خلي تعليمك لاهلك وناسك بلاش للغرب هبنيلك أكبر صرح طبي بس يكون لاهل بلدك وتعمل جزء فيهم للارامل واليتامى والفقراء اللي مش لاقيين ثمن التذكرة علشان يروحوا يكشفوا بيها؟!
آدم بص لجدو بابتسامه هاديه وقال: حاضر يا جدي كل اللي انت رايده انا هسويه وانا مش ههمل البلد مره ثانيه فعلا علمي لازما يكون لأهلي وانا تعلمت علشانهم وهبدا في بناء المستشفى كيف ما أنت رايد ؟!
الجد راح على ادم واخده في حضنه وقال له :برافو عليك يا ولدي ده اللي انا كنت رايده منك من زمان ربنا يخليك وما يحرمنيش منك واصل وتفضل اكده السند لجدك؟!
ادم باس على راس جدي وقال: ربنا يخليك يا جدي ويطول عمرك يا رب؟!
ثاني يوم بالليل ادم كان قاعد مع جدو في المندرة وصفيه دخلت وهي مغطيه وشها واتسللت لحد ما دخلت اوضه زينب وكانت ماسكه في ايديها الى حادة وعينيها مليانه حقد وكره.
صفيه (بصوت واطي وهي بتكلم نفسها):
الليلة دي نهايتها… مش اهملها تعيش وتاخد ولدي مني و كمان خدت داري واخذت كل حاجه كانت ليا هدفعها ثمن كبير قوي وهو حياتها؟!
بتفتح الباب بهدوء، تدخل بخطوات حذرة وزينب كانت قاعدة ماسكه كتاب ولابسه الاسدال بتاعها وكانت بتذاكر وفجاة؟!
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙
تعليقات
إرسال تعليق