رواية ولاد المعلم الحلقة الخامسة والسادسه والسابعه بقلم الكاتبه أماني سيد حصريه وجديده على مدونة النجم المتوهج للروايات والمعلومات
 |
رواية ولاد المعلم الحلقة الخامسة والسادسه والسابعه بقلم الكاتبه أماني سيد حصريه وجديده على مدونة النجم المتوهج للروايات والمعلومات
مازال الحديث مستمر مع بيجاد وأشرقت
اشرقت : لا لا لالا استحاله انت اكيد بتكدب باسمه ايه اللى كانت مرتبطه بجاد دى لما بتشوفه مابيسلموش على بعض عمرى ماشفتهم كلموا بعض
بيجاد: لا كانوا مرتبطين ببعض وبيحبوا بعض وجاد كان هيتقدملها وحصلت مشكله بينهم عشان كده الموضوع مكملش وساعتها انا كان فى مشاكل بينى وبين علا عشان اتاخرت عايها ومتقدمتلهاش زى ما وعدتها ولما خطبتك رجعت تانى وطالبتنى بالوعد اللى انا واعدهولها وطبعا انا وفقت واتقدمتلها وحكيت لالها ظروفى ووافقوا
اشرقت: تقوم متجوزها فى نفس اليوم 😢😢
بيجاد: بس بعد كده حبيتك يا اشرقت لو انا كنت شوفتك الاول كنت حبيتك ومكنتش افكر ابدا اتجوز عليكى
اشرقت : هههههههههههه المفروض طبعا اصدق انك دلوقتي بقيت تحبنى انا بعد ماعشرتنى وعرفتنى وهى لا وانك كنت ناوى تطلقها وتسبيها عشان حبيت انك تكمل معايا ومع ابننا صح
بيجاد: للاسف مش هقول كده لانى بحبكم انتوا الاتنين وكل واحدة فيكوا ليها مكان كبير عندى ومقدرش استغنى عنها انتى ام ابنى وهى حامل في ابنى او بنتى هى حب المراهقه والطيش وانتى حب العقل والنضج انا مقدرش اعيش من غير واحده فيكوا
اشرقت: طيب كنت تكدب وانا كنت هصدقك 😰😰😰
بيجاد: للأسف مش عايز اكدب واخبى عليكى تانى كفايه سنتين عايش في قلق ومش عارف اقولك امته بجوازى وكنت بأجل معاها الخلفه لحد ما الكل يعرف وانا كنت ناوي اقولك الفتره دى بس للاسف هى سبقتنى
اشرقت بقت واقفه تعيط ومش عارفه تعمل ايه لو كان قلها انه اتجوزها عشان كان واعدها وبيحبها كانت سمحته وكملت معاه لكن ده بيعترف انه بيحبها طيب ازاى هى محستش انه متغير يمكن عشان مكنش فى مره ليها لوحدها ومجربتش الاحساس ده ومن اول يوم وحد مشاركها فيه
بيجاد: انا عارف انه صعب بس صدقيني هفضل زى منا ومش هتحسى ان فى حد تانى فى حياتى زى مانتى مكنتيش حاسه اصلا
اشرقت: ومين قالك انى عايزه احس او محسش اصلا
بيجاد: يعنى ايه
اشرقت: يعنى انا الوضع السخيف ده انا خارجه منه ومش عايزه اكمل فيه
بيجاد: واما مش ناوى اسيبك يا اشرقت انا بحبك ومش هتخلى عنك ا
اشرقت : طيب هتقدر تتخلى عنها .( عندى اخر امل لو قال اه هكمل معاه وكانى معرفتش حتى لو بالكدب لو قال اه يبقى حط النهايه )
بيجاد : لو كنت اقدر اتخلى عنها كنت سبتها من اول ما حبيتك لكن للاسف مقدرش وخصوصاً انها حامل
اشرقت بنهيار سابته ودخلت الاوضه وهو جه يدخل وراها قفلت على نفسها الباب
بيجاد: افتحى يا اشرقت افتحى نتكلم ارجوكى انا اسف افتحى
اشرقت: امشى يا بيجاد امشى مش طايقه اشوفك
بيجاد: اشرقت صدقيني انا بحبك ومرتاح معاكى
اشرقت: انزل يا بيجاد انزل بات تحت عند مامتك عشان لو منزلتش هلبس وانزل انا سامعنى انزل وماتطلعش هنا تانى سامعنى
بيجاد: مايصحش يا اشرقت طيب هنام في الاوضه بتاعت سند
اشرقت: لا انزل تحت ولو منزلتش هنزل انا وهسمعك كلام يوجع بس انا عامله انك لسه جوزى وانى لسه على عصمتك ماتخلنيش انسى ده واتصرف تصرف هيضايقك
بيجاد : لو هتسمعينى كلام وحش وتسامحينى انا موافق
اشرقت بانيهار : امشى بقولك امشى
بيجاد خاف عليها وسابها ومشى عشان مايضغطش على اعصبها ويكلمها لما تهدى
&@@@@@@___
عند باسمه بعد ما قفلت الشات مع جاد فضلت تفتكر زكرياتهم وتعيط وجرحها الكلام اللي قالو ليها هى لحد دلوقتي بتحبه ويتدخل بروفايله تشوف صوره مع ايلا وهو مش قافل بروفايله سايبه مفتوح اكيد عشان عارف انها هتدخل عليه ويقدر يضايقها
Flash back
باسمه: جيدو بقولك ايه النتيجه بتاعت الثانويه العامه قربت تظهر خلاص نفسى اجيب مجموع حلو بقى
جاد : ساعتها تكون شركتى وقفت عليها رجليها واقدر اتقدملك بقى وكده كده فى شغل بينا وبين باباكى وهو بيحبنا واكيد هيوافق علينا
باسمه : لا يا جاد مش عايزه اتجوز قبل ما اتخرج
جاد : طيب ماتكملى بعد الجواز وايه رايك لو دخلتى تجاره ومسكتى الشركه معايا
باسمه : لا طبعا تجاره ايه انا هدخل حاسبات ومعلومات
جاد : هتفرق ايه يعنى تجاره عشان هخليكى شريكه معايا هكتبلك جزء من الشركه واخليكى تمسكيها معايا وتفيدك في دراستك ويا سلام بقى لما تكونى السكرتيره الشخصيه هشوفك كل ١٠ دقايق وممكن كمان اعملك مكتب جو مكتبى كمان عشان تفضلى قصادى
: باسمه انا منتظر نتيجه الثانويه العامه اكتر منك عشان اتقدملك اول ما تدخلى الجامعه هاجى اتقدملك رسمى
باسمه بتوتر : طيب يا جاد اجل الكلام في الموضوع ده لحد ما النتيجة تظهر
جاد : حاضر يا بوس بوس هاجله انا عارف انك متوتره وخايفه من النتيجة بس ما تقلقيش خير يا حبيبتي انا نفسي بس يبقى موضوعنا رسمى وكلامنا كله في النور ومش خايف وانا بكلمك بجد يا باسمه انا بحبك اوى
باسمه: بابتسامه وقلق من انه يعرف قرارها قالتله وانا كمان
: انا هقوم امشى بقى عشان متاخرش
جاد : طيب انا هطلبلك اوبر وهمشى وراكى لحد ما تدخلى البيت واول ما تطلعى رنى عليا
باسمه: حاضر مع السلامه
End flash back
فضلت تعيط لحد ما نامت
💥🌞🌞🌞🌞🌞🌞🌞🌞🌞🌞
جه يوم جديد على ابطالنا
فى بيت يونس
ام اشرقت: عجبك اللى حصل امبارح ده
يونس: ادى مساحه لبنتك تقرر هى عايزه ايه هى لو كانت عايزانا نتدخل كانت عرفتنا او مسكتتش
ام اشرقت: وانت مصدق ان اشرقت كانت تعرف فعلا انه متجوز
يونس : الله اعلم انا مش هعمل اى حاجه غير لما هى تطلب منى
الله اعلم سبب جوازه ايه من التانيه وهو شهاده ليه عمره ما زعل بنتك ولا ضايقها بكلمه اصبرى لما بنتك تكلمنا الاول واوعى تتغطى عليها في حاجه سمعانى
دخلت باسمه عليهم
باسمه: صباح الخير
يونس : صباح النور يا حبيبتي رايحه فين كده
باسمه : اشرقت كلمتنى وهروح اقعد معاها انهارده شويه
يونس : تمام يا حبيبتي يبقى افضل خليها تفضفضلك واوعى تقولى لامك حاجه غير لو هى قالتلك
ام اشرقت: نعم ايه اللى بتقوله ده انت عايزني معرفش حاجه عن بنتى
يونس: اصبرى يا ام اشرقت انتى ممكن تتهورى وندخل فى مشاكل تعقد الدنيا مش تحلها بنتك لو عايزه تكمل هى حره لو طلبت الطلاق يبقى نخرج بالمعروف فالاول والاخر هو ابو حفيدنا واى مشاكل دلوقتي ومشادات ممكن تيجى عكس ويفضل معلق البنت سيبى كلام الرجاله للرجاله وادى بنتك مساحه تفكر
ام اشرقت: لما نشوف بس انا مش هقبل يبقى فى ضره على بنتى
“”””””””
فى بيت زيدان
وجد : ماما انا هسيب ابنى معاكى واخلص مشاويرى واجى على طول ماشى يا حبيبتي
دهبيه : ماشى يا حبيبتي خدى راحتك
زيدان ودهبيه فضلوا قاعدين مع بيجاد عشان يتكلموا معاه
دهبيه : عايزه اسمع بقى سبب جوازك وابوك يعرف حاجه
بيجاد : حكالها كل حاجه وقالها نفس الكلام اللي قاله لاشرقت
دهبيه : وابوك كان يعرف سبب جوازك ايه
بيجاد : ……
يا ترا زيدان كان مشترك معاهم اه ولا لأ
هل فعلا ممكن يكون يفكر زى بيجاد
تفتكروا مين اللى ساب التانى جاد اللى ساب باسمه
ولا باسمه اللى سابت جاد
رواية ولاد المعلم الحلقة السادسة
قبل ما ابدا البارت اسمها باسمه اى ضاحكه مش بسمه
مازال الحديث مستمر عند دهبيه وزيدان و بيجاد
دهبيه : ابوك كان يعرف سبب جوازك
زيدان: ايه اللى بتقوليه يا دهبيه عيب عليكى
بيجاد: لا بابا ما يعرفش حاجه ولامنى كتير ومكنش عايز يتكلم خوفا على احساس اشرقت
زيدان: بصلها بحزن واضح ان قلبك شايل من زمان ومصفيش
دهبيه : معلش يا زيدان بس اللى ابنك عامله صعب وانا عشان مريت بيه فانا حاسه بيها حقك عليا انا محقوقالك يا سيدى
زيدان: مقدرش ازعل منك يا دهبيه حد يزعل من نفس
دهبيه : تسلملى يا حبيبي
بيجاد قاطعهم : طب اقوم انا بقى لان واضح انكم نسيتونى
دهبيه لبيجاد: بص يا بيجاد انا ذات نفسى مصدومه فيك وبتمنى اكون بحلم بس انا كنت بضرب بيك المثل بين ولادى واقول ده اللى مريح قلبى اتارينى كنت غلطانه وشهادة حق البت عمرى ماشفت منها غير كل خير فاعمل حسابك اللى هى عايزاه هعملهولها
بيجاد : افرض صممت على الطلاق
دهبيه : يبقى تطلقها
بيجاد : ايه الكلام ده لا طبعا مستحيل
زيدان: المستحيل اللى انت عاملته مش معنى انى سكت يبقى موافق على اللى حصل انا حاطتها مكان بنتى واللى مرضاهوش على بنتى مارضاهوش على حد
بيجاد: انا مش عارف اعمل ايه ومقدرش استغنى عن حد فيهم هما الاتنين عكس بعض تماما وانا عايز الاتنين ربنا قال مثنى وثلاث ورباع عشان الواحد يعف نفسه من الحرام بالنسبالى اشرقت الاحتواء والخجل والدفئ والاهتمام لكن علا الجراءه والدلع والجنان لا صعب اختار بينهم انا محتاجهم الاتنين وانا مقتدر انى اصرف على ١٠ وادى حقوق لعشره مش بس اتنين
دهبيه : انت الكلام خساره فيك انا قايمه اشوف ورايا ايه
زيدان: اسمع يا ابنى الكلمه دى اللى عايز كل حاجه بيخسر كل حاجه
بيجاد: سابهم ونزل واتصل بجاد
بيجاد : جاد انت فاضي عايز اتكلم معاك
جاد : طيب تعالى على الشركه هستناك هناك على ماتيجى اكون خلصت اللى ورايا ونتغدى سوا بره
بيجاد: نص ساعه واكون عندك
################
عند اشرقت
باسمه كانت وصلت لاختها عشان يتكلموا سوا
اشرقت: ده يا ستى كل اللى حصل مافيش كلمه ناقصه
باسمه: بيجاد ده طلع واطى اوى انتى المفروض تطلقى منه بعد اللى سمعتيه
اشرقت : بحبه بحبه من زمان من ساعت مكونا بنيجى نذوره وانا كنت بدعى ربنا فى صلاتى انه يجعله من نصيبى انا الموت عندى اهون برغم انى بموت
عارفه يا اشرقت الوجع اللى انا فى كوم ولما بتخيل حياتى من غيره كوم تانى بحس بنفسى بيتقطع انا ممكن اكون ضعيفه مش زيك قوية فاكره زمان لما كان حد بيضايقنى رغم انى اكبر منك لكن انتى اللى كنتى بتاخديلى حقى من العيال اللى بيزعلونا مش انا اللى بقدر اخودلك حقك
باسمه انا عشت معاه اكتر من سنتين كانوا احلى سنين حياتى بس فوقت على وهم انه متجوز وبيحبها
اكملت بانهيار وكان بيجاد فى اللحظه دى دخل عشان يلبس وينزل لجاد وسمعها فى الاخر
اشرقت : انتى متخيله انا حاسه بايه وانا بتخيل انه بيقولها كلمه حلوه زى اللى قالهالى انه بينام فى حضنها ان قلبه فى واحده تانيه غيرى طيب بيحبها اكتر اه اكيد بيحبها اكتر ماهى حبه الاول انتى عارفه انا حاسه بايه وانا بتخيله بيلمسها زيى بيقولها نفس الكلام ونفس الهمس اكيد بيعمل كده عشان يعدل بينا أنا بموت مش هعرف اكمل مش هعرف وانهارت من العياط بعد كده
باسمه : طيب اهدى اهدى عشان خاطري ماتعمليش فى نفسك كده مايستاهلش صدقيني مايستهلش
بيجاد رجع خرج تانى وهو عيونه مدمعه ومش قادر يتصرف ولا يعمل حاجه ولو كان اتدخل كانت انهارت اكتر
وصل بيجاد عند جاد فى الشركه ودخل لجاد على طول
جاد : تعالى يا بيجاد شكلك مغيرتش من امبارح
بيجاد لا طلعت اغير عشان اجيلك لقيت باسمه قاعده مع اشرقت ومنهاره وكلامها وجعنى اوى
جاد : طيب احكيلى حصل ايه من امبارح
بيجاد: حكاله كل اللى حصل
جاد موقفك بقى صعب اوى يا بيجاد ناوي على ايه
بيجاد: خايف اعمل اى تصرف ينقلب عكس
جاد : طيب اتاكدت من ان علا حامل ومعملتش كده عشان تجبرك انك تخلى جوازكم رسمى
بيجاد: لأ مكلمتهاش من امبارح
جاد : انت لسه بتحب علا
بيجاد: لو مكنتش بحبها كنت هسبها جاد حاول تفهمنى انا بعيش مع كل واحده لحظات مابعشهاش مع التانيه
جاد : بس ده غلط وانانيه
بيجاد: عارف عارف انه زفت بس مش قادر مش قادر و علا بقالها فتره بتطغنى باشهار جوازنا انا عاذرها في اللى عملته لأن كل الحجج اللى بتحجج بيها خلصت وكمان من حقها ان اهلى يعرفوا بيها حتى لو مافيش طفل
جاد : طبعا دلوقتي باسمه زمانها بتلعب فى عقل اشرقت انها تسيبك
بيجاد: اكيد وابوك وامك في صفها
جاد: بقولك ايه خد نسخه من المفاتيح وانت عارف الشقه وهتلاقى لبس وغيارات لسه مجتش جمبها البسها وظبطت نفسك كده وروح لعلا وشوف هتعمل ايه معاها واذا كانت حامل فعلا ولا لأ وانا طلبت الاكل عشان ناكل مع بعض لانك اكيد ماكلتش حاجه من امبارح
بيجاد: ماليش نفس
جاد : معلش عشان تقدر تكمل
##########
عند وجد راحت اشترت لبس جديد خروج ولبس بيتى وحست فعلا بالتغيير وان نفسيتها احسن وده اثر على شكلها وعلى تفكيرها وحست فعلا هى كانت مقصره ازاى فى حق بيتها وجوزها خلصت كل مشاورها ورجعت تاني لمامتها
دهبيه : بسم الله ماشاء الله تبارك الله جميله يا وجد كده وجد بنتى حبيبتى اللى وشها منور والضحكه من القلب
وجد : فعلا يا ماما كنت مقصره فى حق نفسى اوى الحمد لله انى لحقت نفسى والبركه فيكى
وجد : صحيح يا ماما ليه الرجاله مبتخلفش وتحمل هى 😆😆😆
دهبيه : تعرفى يا وجد ليه ربنا سبحانه وتعالى خلق حوا من ضبع ادم وهو نايم
وجد: عشان ما يتوجعش اكيد
دهبيه : عارفه لو كان اتوجع كان حصل ايه
وجد : كان هيحبها اكتر
دهبيه : لا لو اتوجع وهى بتتخلق من ضلعه كان كرهها الراجل لو حمل وجرب وجع الولادة استحاله كان يحمل تانى وكان هيكره ولاده اللى من صلبه المرأة هى اللى ممكن تضحى وتستحمل الالم عشان خاطر ولادها انما الراجل لأ الراجل بيصرف وييجى على نفسه عشان خاطر ولاده ومراته على نفسه انما مايستحملش فكره الالم فهمتى ليه سبحان الله لم يخلق هذا باطلا
وجد : فعلا المرأة بتستحمل الالم اكتر من الراجل المهم يا كبيره الخطوه الجايه ايه
دهبيه : بصى يا ستى اهمتمى بيه كلميه يجيى يتغدى معانا بس قبل ماتعملى كده صورى نفسك كام صوره حلوه وحطيها استور بس خصصيهالوا عشان مانجيش نكحلها نعميها وشويه دلع كده فى التليفون وحسسيه انك رجعتى تانى من غير عتاب وكلام وحاولى تشغلى وقته كله فهمانى
وجد : فهماكى يا كبيره الا صحيح عملتى ايه فى موضوع اشرقت وبيجاد
دهبيه : معرفش بس اخوكى جرحها جامد انا كنت سامعه صوت عياطها وانهيارها بس انا سايبالها مساحه
وجد : طيب ما تعمل زى انا ما بعمل
دهبيه : لا طبعا وضعكم مختلف شكلا وموضوعا اولا اشرقت من ساعه ما قامت بالسلامه من الولاده وهى واخده بالها من جوزها وابنها وشكلها وعارفه تظبط وقتها ما شاء الله عليها طول الوقت مهتميه بنفسها وده على فكره اللى خلى اخوكى يحبها
وجد : انا ماتخيلتش ابدا ان ابيه بيجاد يعمل كده انا متخيله ان جاد اللى يطلع منه حاجه زى ده انما بيجاد لا
دهبيه : اخوكى جاد واخد طبع ابوه معرفش اخوكى بيجاد ده طالع لمين
وجد : صحيح يا ماما عشق عامله ايه بقالى يومين مكلمتهاش
عشق : خلاص بدات امتحانات ولما تخلص هتيجى على طول
وجد: ربنا معاها
#############
عند باسمه واشرقت
باسمه : ها هديتى خلاص
اشرقت: الحمد لله . احكيلى بقى عنك انتى وجاد
باسمه : هو انتى جوزك ده يفضح دايما كده
بصى يا ستى هو حبنى من ساعت ما كنت صغيره ولما دخلت ثانوى قربنا من بعض ولما بقيت فى تالته ثانوى صارحنى انه بيحبنى وانا كمان بحبه منكرش ومش هقولك بطلت لا انا لسه بحبه هو كان عايز يكتبلى جزء من الشركه ونتجوز لما ادخل الكليه على طول ولو انا عايزه اشغل انزل اشتغل معاه
اشرقت: طيب حلو سبتيه ليه
باسمه : كنت عايزه اكمل تعليم الاول
اشرقت: طيب ماتكملى بعد الجواز
باسمه : لا كنت عايزه اكون متفرغه للدرراسه وبصراحه حاد عرض عليا نعمل كتب كتاب سنه او اتنين عشان يكون براحته معايا وانا رفض برضو
اشرقت: انتى لو حبتيه كنتى وافقتى وانا شايفه انه كان بيتنازل عن طلباته من جواز لكتب كتاب ومن كتب كتاب لتاحيل سنتين وانتى رافضه تتنازلى باى حاجه ومصممه على رايك وبعدين كلامكم ده كان غلط وهو كان عايز يكون كلامكم وخروجاتكم مش حرام وشرعيه
باسمه : كنت صغيره يا اشرقت ويعدها لبست النقاب والتزمت اكتر وساعتها رفضت كلام معاه نهائى وقلتله لو عايز يستنى الاربع سنين وبعدين نتجوز من غير ما نتكلم او نتقابل
اشرقت: معنى كلامك انك بترفضيه
باسمه: هو اخدها كده ومن بعدها بقى يتجنب اى مكان اكون متواجدة فيه وتقريباً ساب هنا واستقل بنفسه لما انتى اتجوزتى اخوه عشان يتجنبنى نهائي لحد ما كلمنى امبارح
اشرقت: حصل ايه امبارح
باسمه: حتلها تفاصيل الرسايل
اشرقت: هو بيحاول يضايقك
باسمه: ….
رواية ولاد المعلم الحلقة السابعة
باسمه: انا عارفه انه مش عايز يشوفنى وشايفنى انى بعته وهو خلاص شاف حياته ربنا يوفقه فيها
المهم انتى ناويه تعملى ايه
اشرقت: كل خير هعمل كل خير هعرفه يعنى ايه وجع قلب ويعنى ايه بنات الناس يخليهم لعبه فى ايده
باسمه : ناويه على ايه شكلك مش مريحنى
اشرقت: هههههههههههه ناويه ماتوجعش لوحدى تانى باسمه :طيب كلمى بابا طمنيه عليكى
اشرقت: حاضر انا بس محتاجه شويه وقت فهميه كده مش هواجهه دلوقتي
@############
نروح مكان تانى اول مره نروح فيه
علا بتابع مع الدكتورة فى العيادة
الدكتوره : يا علا الحمل خطر عليكى ليه مصره تكمليه لو ملحقناش ننزله دلوقتي محدش عارف ممكن يحصلك ايه
علا : منا كده كده ميته بالحيا الانسان الوحيد اللى حبيته واتحديت الكل عشانه عاملنى استبن محطه فى حياته والله اعلم هيزهق منها امته انا طول الوقت بعمل اللى عليا بزيادة عشان بس ارضيه وفى الاخر يدوب يبقى مبسوط ومش حاسس بشئ مميز فيه بعمل كل طاقتى عشان ابسطه وهو يحسسنى انه عادى انا تعبت بدنيا ونفسيا عايزه اعيش زى اى واحدة مع جوزها ويعترف بيها قدام اهله
عارفه انى رضيت بكده من الاول بس انا كنت صغيره كنت بنت كل طموحها تعيش مع حبيبها اللى للاسف حب غيرها
الدكتوره: طيب ايه مصبرك على كده اطلقى منه ومع الوقت هتتعودى تعيشى من غيره
علا : معدش ينفع لان اهلى مكانوش موافقين ولما اصريت اتجوزه قالولى ماتجيش تعيطى مش هنستقبلك ومن ساعتها ماليش حد غيره
الدكتوره: مش عارفه أقولك ايه ده قرارك وانا من واجبى انصحك
علا : يمكن لما اولد يهتم بيا ويعدل بينا ولو مت يحس بالذنب طول عمره من ناحيتى ويفضل شايل ذنب ظلمه ليا
الدكتوره: هو بيعاملك وحش
علا : بصى يا دكتوره هو راجل محترم مكفى بيته بزيادة وشايف حقوقه لكن لما يكون معاكى وينطق اسم واحده تانيه بتوجع لما اعمل اكله ويقارنها بالى بتعملها مراته التانيه بتوجع لما تبقى عارفه انه مايقدرش يعمل معاها كده عشان بيخاف على مشاعرها وانها تعرف وانتى مش مهم دى بقى بتموت بتموت بالبطييييئ اشرقت اتوجعت مره لما عرفت انا موجوعه بقالى سنين
عرفتى ليه مش هيفرق معايا اعيش ولا اموت
انا اخترت غلط كنت فاكره انه لسه بيحبنى زى ايام الكليه مكناش بنفترق الا على النوم حتى مشروعه ده انا اللى كنت بشاركه رأى دايما وانا اللى وقفت معاه فيه خطوه بخطوه لحد مانجح وفى الاخر مع اول خلاف راح وخطب وكان هيتجوز رحتله فبلها بيومين واتصالحنا قلتله مايكملش انا حببته وهو حبيبى قالى مقدرش و اديت كلمه واقنعنى انه يتجوزنى وعشان يثبتلى حبه طلب منى نتجوز فى نفس اليوم اتارى البيه خايف العقد يتوثق والماذون يبلغ الاولى 😭😭😭😭شوفتى
الدكتوره: انا مش عارفه اقولك ايه ربنا معاكى ويعملك اللى فيه الخير
سابت علا الدكتوره ومشيت وروحت البيت ولقت بيجاد مستنيها بعصبيه
بيجاد: أهلا اهلا بالهانم اللى نفذت خطتها
علا : بارهاق واضح . انا معملتش غير حقى اللى المفروض كان يتعمل من زمان
بيجاد: تقومى مصغرانى كده قدامهم قلتلك انا هتصرف
علا: بقالك ٣ سنين بتقول كده ولما اشرقت كانت حامل قفلت الموضوع لحد ما تولد عشان نفسيتها وصحتها واظن انا كمان حامل دلوقتي ومنى حقى تراعى مشاعرى وصحتى انا كمان
بيجاد: انتى من الاول عارفه وضعى ووافقتى بيه
علا بصتله بدموع انت عندك حق اتفضل امشى وسبنى
بيجاد : حس ان هو اتسرع معاها لانه كان واعدها انه هيعلن جوازهم بعد فتره وهو مش اول ولا اخر واحد اتجوز اتنين
علا انا فعلا كنت هعلن جوازنا لو صبرتى شهر واحد بس
علا : بيجاد انا مش قادره اتكلم انت عايز ايه دلوقتي انا غلطت غلطه بدفع تمنها ٣ سنين ولسه هدفع تانى
بيجاد : بتنهيده خلاص يا علا خلاص واللى انتى عايزاه يا ستى حصل والكل عرف انك مراتى
علا : اللى انا عايزاه مش اللى انت عايزه والطفل اللى فى بطنى ومحدش فرحان بيه حتى انت ولا كانى حامل في ابنك او بنتك او حفيدتهم
بيجاد: انا فرحان طبعا بس المشاكل مش مخليانى ابين الفرحه دى
علا : فعلا اطيا بيجاد فرحان 😢😢😢 لو سمحت يا بيجاد انا محتاجه انا واقعد مع نفسى شويه لو سمحت
بيجاد: يعنى ايه
علا : يعنى روح لمراتك وسبنى
وسابته ودخلت الاوضه و فضلت تعيط
وهو سابها وخرج وحاسس ان كل حاجه فعلا بتضيع من ايده
اشرقت اكيد هيجيى عليها وقت وتاخد وموقف وحس فى عيون علا انها مبقتش تحبه زى الاول والحب اللى كان بيخليه يجيى عليها وتستحمل مابقاش موجود وافتكر كلام امه واخوه ان اللى عايز ياخد كل حاجه بيخسر كل حاجه هو معترف بينه وبين نفسه ان علا اكتر حد ضحى عشانه ووقف جمبه من قبل حتى ما يبدا مشروعه وانه لما حب يعلى وشاف اخوه ساب باسمه رجع هو فكر انه يتجوز اشرقت وهو كان معجب بيها من زمان ساعتها اتلكك لعلا وسابها لحد ما يخلص موضوع جوازه من اشرقت ولما علا عرفت وواجهته انكر وقالها انه بيحبها وعمل كده بتسرع عشان يحاول بنساها وان ماينفعش يسبها فى وقت زى ده عشان سمعتها ساعتها علا فكرت فعلا انه لو سابها سمعت اشرقت هتبوظ وهافت عليها من الفضيحه ووافقت على اساس انه بيحبها وهيعترف بجوازهم لكن هو ضمن وجودها فى حياته عشان كده كان بيجى عليها عكس اشرقت مش ضامن رد فعلها لو عرفت وفضل ياجل لمدة ٣ سنين لحد ما علا جت وواجهتهم بنفسها
عند علا
كانت بتكلم نفسها
ليه يا بيجاد ليه خلتنى اغير من واحدة معرفهاش واحاول انتقم منها بسبب غيرتى وقهرتى ليه وصلتنى لمرحلة ان حياتى مابقتش فارقه معايا انا بقيت كارهه نفسى وحاقده على واحده معرفهاش بسببك مع انى عارفه ان مالهاش زنب يارب دلنى للخير
قامت اتوضت وصلت ودعت ربنا كتير يشيل حبه من قلبها كفايه عليا يارب قلبى اللى تعب بسببه
##########
عند وجد كانت نفذت كلام مامتها وفعلا بدات تقرب منها ابيل تانى وبقت تسيب ابنها لمامتها ويخرجوا سوا وبقت تشغل كل وقت اهتمام فى البيت وبره البيت وتتصل تطمن عليه ورجعت تتواصل مع اختها عشق
وجد: الو يا عشق عامله ايه يا حبيبتي
عشق: الحمد لله وحشتونى اوى كلها شهر وهرجع خلاص هكلمك قبلها بس اوعى تقولى لماما وبابا حاجه عايزاها تبقى مفاجأة
وجد : دى هتبقى احلى مفاجاه اتعملت وحشتيني اوى
عشق : اخواتك عاملين ايه
وجد: مرضيتش تحكلها حاجه عشان تركز في امتحانتها
كلهم كويسين يا حبيبتي زى الفل هنستناكى يا جميل
عشق : سلميلى عليهم كلهم لحد ما اشوفهم باى يا قلب اختك
وجد : باى يا احلى دكتوره قلب ♥️
##########
عند جاد
Flash back
جاد: بسومتى مبروك يا حبيبتي النتيجة ظهرت
باسمه : اه يا جاد انا عارفه
جاد : ها حبيبتي ناويتى على ايه تجاره
باسمه: جاد على فكره انا اللى هدرس مش انت مش كل شويه تقولى تجاره انا جايبه مجموع عالى ادخل اللى يناسبنى مش عشان انت كنت تجاره تحبرنى عليها
جاد : ولا يهمك يا حبيبتي شوفى نفسك في ايه وادخليه
باسمه : هدخل حاسبات ومعلومات
جاد : اللى يريحك يا حبيبتي هتروحى تقدمى امته اجى معاكى
باسمه: جاد انا كنت محتاجه اتكلم معاك في موضوع
جاد : خير يا بسومتى قلقتينى
باسمه: انا عايزه اخلص كليه الاول وبعدين نتخطب ونتجوز على طول
جاد : طيب بصى انا مقتنع انك مش عايزه حاجه تشغلك عن دراستك ايه رايك نعمل خطوبه وفى سنه تانيه نكتب الكتاب وناجل الدخله لحد ماتخلصى
باسمه: لا يا جاد ساعتها بابا هيشدد عليا وهيعرف انى بكلمك وانا مش عايزه كده
جاد : طيب حتى لو شدد عليكى انا معنديش مشكله
باسمه: لا انا عندى طبعا انا محتاجه اخد كورسات ودورات واوعدك هاخدهم وقت الدراسه عشان بعد ما اخلص مانستناش سنين تانيه عشان اخلصم
جاد : لا كتر خيرك
بصى يا باسمه انا جيت على نفسى كتير وانتى الوحيده اللى اتنازلت كتير عشانها وانتى ماعندكيش ذره تنازل
لما قلتى فى الاول انك بتحلمى تشتغلى وتكونى نفسك عرضت عليكى اديكى جزء فى شركتى باسمك واخليكى شريكه معايا عشان ماتحسيش انى بحاول اوقف حلمك لكن انتى مش عجبك قلت خلاص براحتها جيتى قلتيلى صعب اكمل تعليم وانا متجوزه حلتهالك وقلتلك نكتب كتاب لكن برضه انتى معترضه انا مش عارف اعمل ايه اكتر من كده بصى يا باسمه قدامك اسبوع تقوليلى قرارك ايه وبناءا عليه انا هحدد بعد كده انا هعمل ايه انما انا مش هتنازل تانى سلام وقفل السكه
بعدها باسبوع باسمه كلمته وصممت على قرارها وهو صمم على قراره وانفصلوا
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الثالثه والرابعه من هنا
الحلقه الخامسه والسادسه والسابعه من هنا
اللي بيحب الروايات الكامله والحصريه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق