رواية خلف الاقنعة الفصل الثالث للكاتبه منة الله الجزار حصريه وجديده على مدونة النجم المتوهج
 |
رواية خلف الاقنعة الفصل الثالث للكاتبه منة الله الجزار حصريه وجديده على مدونة النجم المتوهج
نبدا بسم الله الرحمن الرحيم
مليكه كانت نزله عشان تروح كليتها.
قبلتها نديم بكره... ميتي هخلص منك يا بوز الاخس انتي؟
مليكه بضيق.. يا صباح ياعليم مالك بيا يا نديم علي الصبح.
نديم بكره.. هعوز منيكي ايه؟ ده اني اليوم اللى بصبح بيكي فيه بيقي اسود ايامي ميتي هخلص منيكي.
مليكه بستفزاز.. مش هتخلصي مني يا نديم خابره زين ليه... عشان اني قدرك الاسود اللى دايما هتلقيني في وشك.. لتكوني مفكره ياك اني ما خبراشي اللى بتعمليه لكن لاع هتلقيني واقفه ليكي في كل حاجه ومش هسيبك تعملي اللى بيدك ياه يا بنت ابوي وامي.. باي بقي عشان اتاخرت.
وسابتها ومشيت ونديم كانت شايطه من كتر الغضب وعزمت علي حاجه وابتسمت بشر.
عند مليكه تحت.
مليكه كانت بتنادي للبواب... ياعم عبدالله.
جه عبدالله ليها جري... نعم ياست مليكه.
مليكه.. بضيق.. ياعم عبدالله انا قد ولادك بلاش ست دي لو سمحت.
عبدالله بضحك.. يابتي برضو العين ما تعلاش عن الحاجب.
مليكه بتأفف.. بالله عليك مابحبش الجو ده وانت خابر زين اكده... المهم فين عربيتي.
عبدالله.. الست نديم خدت مني المفاتيح بتاعها عشان تروح بيها مشوار عشان عربيتها بتتصلح ولحد دلوق مرجعتش المفتاح.
مليكه بضيق وغيظ في نفس الوقت... طيب ياربي هروح الكليه كيف انهارده وانهارده عندي محاضرات كتيره قوي.
ياسر من وراها... في اي؟
مليكه بضيق.. مفيش يا بوي انى هروح اكده وخلاص.
ياسر.. بحزم.. استني عندك.. ووجه كلامه لعبدالله.. فين السواق الجديد خليه يجي يوصلها.
عبدالله... السواق الجديد راح مع الست والبيه الصغير مشوار.
ياسر في سره.. من دلوق ياما بتحطيه تحت جناحك ماشي بكره يروح وابقي انا صاحب كل حاجه..
ياسر... مليكه تعالي اوصلك في طريقي.
مليكه اطرت انها تروح معاه عشان الكليه طول الطريق كانت ساكته.
ياسر حب يفتح معاها كلام.. ايه يا لوكه عندك محاضرات كتير انهارده؟
مليكه بضيق.. بلاش يابوي الجو اللى انت بتعملوه ده، عشان مش هيأثر معايا.
ياسر بتنهيده.. حزن.. نفسي اعرف ايه اللى حوصل عشان تقبلي علينا القلبه دي؟
مليكه غمضت عنيها بضيق وشافت مشهد قدامها وبعدين فتحت بسرعه ورجعت بصت من الشباك تاني.
ياسر بصلها بحزن... وسكت.
❤❤❤❤❤❤
عند مالك
مالك بغضب.. حضرتك اللى بتكلمي عليها دي تبقي مرات ابنك صح ازاي تكلمي عليها كدا وبعدين حضرتك اللى ماتعرفهوش ان ماينفعش تكلمي عن حد كده وهو مش موجود.
طارق بغضب... انت رامي ودانك معانا انت اتجننت ولا ايه وبعدين ستي تقول اللى هي عاوزاه وبعدين انت ليه محسسني انها بتكلم عن امك انت مش امي.
مالك بغضب.. يعني سايبه تكلم عن امك بالطريقه دي ده انا مش ابنها واضيقت عشانها امال انت ابنها وعادي عندك كده ولا اكنها امك.
طارق بتوتر حاول يخفيه.. لا امي بس دي جدتي وتعمل اللى هي عاوزاه.
صافيه بشك.. خلاص يا ولدي.. ووجه كلامها لمالك.. وانت تاني مره ماترميش ودانك مع اي حد اهنه.
مالك ضغط عشانه.. بغضب.. حاضر.
مالك شغل العربيه ومشي... والتوتر كان قاتل طارق من جوه وبرضو الغضب لان مالك اقل منه قدام صافيه وكمان صافيه متكلمتش ولا زعقت ليه ولا حتي طردته... طارق طول الطريق كان بيفكر ازاي ينتقم من مالك.
صافيه بشك..في سرها.. ليه السواق اللى اتعصب قوي علي داليا ومالك كان بيتضحك عادي معقوله لالا مستحيل.
راحو السوق وصافيه اشترت هدوم كتيره لطارق وكمان راحو اتغدو وقضو اليوم كله مع بعض... رجعو بليل البيت.
مالك نزل وفتح العربية لصافيه ومد ايده ليها تسند عليه عشان تنزل صافيه كانت بتبصلو وبعدين مدت ايدها ليه ونزلها براحها وقفل الباب... كان طارق لسه منزلش.
صافيه.. بستغراب.. منزلتش ليه يا ولدي؟
طارق بغضب.. عشان السواق مش عارف شغله كويس وزي ما فتح ليكي العربيه ياستي يفتحها ليا كمان.
مالك بغيظ.. وراح فتح ليه العربيه و طارق ابتسم بنصر عليه.
صافيه.. تعال يا ولدي يلا ندخل.
وخدت طارق ودخلو ومالك فضل واقف بيبص علي اثرهم.. بضيق.
عبدالله.. جه عليه.. مالك يا ولدي واقف اكده ليه؟
مالك بحزن مكتوم.. مفيش.
عبدالله.. بحنيه.. طيب تعال يا ولدي كل الوكل هيبرد مستنيك ناكل سوا.
مالك ابتسملو وراح معاه... كان بياكل بشرود.
عبدالله عمل الشاي ليه هو ومالك وادها ليه.
مالك اخدها منه وبرضو زي ماهو شارد.
عبدالله بحنيه.. مالك يا ولدي ليه مهموم؟ شايل الدنيا علي كتفاك ليه؟
مالك بحزن.. الدنيا جات عليا من يوم ما جيت الدنيا.
عبدالله.. احكيلي يا ولدي فضفض انى زي ابوك.
مالك.. طبعاً زي ابويا ياعم عبدالله.
عبدالله.. ادام زي ابوك احكيلي يا ولدي.. وحط ايده علي كتف مالك بمعني الدعم.
مالك بتنهيده.. من يوم ما جيت علي الدنيا لقيت ابويا وامي ناس علي قدهم ابويا كان نجار بيشتغل باليوميه وامي كانت بتشتغل في الاسواق وكانت بتصحي من الفجر عشان تمشي ابويا وبعدين تخرج هيا لشغلها كانت بيتسبني مع جارتنا لحد ما ترجع من الشغل ولما بترجع بتطبخ وتشوف اللى وراها كانت دي حياتنا ياعم عبدالله كانت ماشيه بفضل ربنا لحد ما كبرت ودخلت المدرسه وكنت بشتغل مع ابويا قولت اخفف عنه شويه واهو امي تقعد من الشغل السوق لحد ما في يوم كنت بسال امي عن اهلها واهل ابويا هما ليه مش بيسالو عننا لقتها دمعت عنيها وبتقولي...
ـــــــــــــــــفلاش.
داليا.. بدموع.. اهلنا مكنوش عاوزنا نتجوز ي حبيبي.
مالك.. ليه؟
داليا.. عشان انا كنت اقل من ابوك واهله موفقوش عليا اني اكون جزء منهم وكمان راحو خطبو لابوك عشان يبعد عني وانا كمان قولتلو ابعد يا انس ماتخسرش عيلتك عشاني... رد ابوك عليا وقالي يوميها لو هقف قدام الدنيا كلها هقف عشانك ومش هاخد غيرك.. وراح قال لابوه الكلام ده.. وابوه قاله لا هتبقي ابني ولا اعرفك وهحرمك من كل حاجه، انس يوميها عند مع ابوه وقاله مش عايز حاجه في الدنيا دي كلها غير داليا حتي لو طولت اني اسيب ليك البلد كلها، وفعلا ده اللى حصل سيبنا البيت والبلد ومشينا وجينا هنا كنا متجوزين وطبعا كان معايا فلوس من شغلي ابوك مكنش راضي ياخدهم مني بس انا الا اسريت عليه ياخدهم وجبنا بيهم البيت اللى احنا قاعدين فيه ده وابوك نزل اشتغل نجار واهو بقا ربنا عوضنا باأجمل هديه منه وكانت انت يا نور عيني.
كانت بتكلم وهي بتعيط.
مالك حضنها ومسح دموعها.. ماتخفيش انا معاكم و احنا مش عاوزين منهم حاجه كفايه انكم جانبي وانتم كنزي الوحيد يا ماما.
ـــــــــــباك.
مالك عيونه دمعت 🥲وهو بيحكي.
عبدالله بحزن عليه.. طيب مين اهلك دول يا ولدي اللى بيرمو ولادهم عشان يكونو مبسوطين.
مالك بحزن.. اهلي بيكونو ووويتبع
اشوفكم بخير
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تعليقات
إرسال تعليق