رواية من حقي الحلقه الاولي حتى الحلقه السادسه بقلم سلمي أيمن حصريه وجديده على مدونة النجم المتوهج للروايات والمعلومات
رواية من حقي الحلقه الاولي حتى الحلقه السادسه بقلم سلمي أيمن حصريه وجديده على مدونة النجم المتوهج للروايات والمعلومات
مش تخلي بالك يا انسه
دي غلطتك انت مش انا علي فكره
- غلطتي انا ..هو انا اللي خبط في العربيه لو مكنتيش بتعرفي تركني كنتي تقدري تقولي لي اي حد يركنلك بدل ما تخبطي في عربيات الناس كده
= كنت تقدر ترجع لوراه بالعربيه ولا كان هيحصل حاجه
-وانا ايش عرفني ان صاحبت العربيه مبتعرفش تركن ولا هو اي حجه وخلاص
=يارب علي ناس دي في وش صبح ..طب انت عاوز اي دلوقتي عاوزني اصلحهالك ولا اشتريلك واحده غيرها يعني
- عاوزك تخلي بالك لأن مش اي حد بيسامح
=تمام يا سيدي
وقبل ما تمشي وقفها سؤاله وهو بيبص عليها من فوق لتحت
- انتي طالبه في جامعه
= امم شايف اي
- انتي في كلية اي
= اهاااا فهمت كده امم..بص يابني شكلك ابن ناس ومش بتاع الحركات دي وتقريباً اول مره تقابل بنت علي مأظن كده .. فا متخليش البيئه اللي حواليك تأثر فيك وتبوظك وتبوظ أخلاقك
-يابني
=اي مش عجباك الكلمه خلاص يابشا مصر
-انتي بتقولي اي انا دكتور في...
قاطعته وهيا بتحط أيديها في وشه
=إنشاله لو مهندس ميهمنيش أن كنت دكتور ولا فيلسوف ولا تبع مين ولا بتاع اي توكل علي الله وشوف حياتك
-انتي عبيطه ياماما
=لاحظ انك بدأت في الغلط الاول تمام ولولا أني ورايا كلية دلوقتي كنت زماني فرجت الشارع كله عليك تمام ..سلام عليكم
مشيت وهو بيبصلها بتعجب واستغراب
.....
- اي يا زينه اتأخرتي كده لي
= مفيش يابنتي بس ناس تسد نفس في صبح كده ..يلا الحمد لله
-ناس مين انتي اتخنقتي في شارع ولا اي
= واحد خبط عربيته بالغلط وعمل من الحبه قبه ،وفضل يقول انتي ومش وانتي واللي عملتي ده لالا بجد تكبير موضوع عند الناس دي فظيع
- اهم حاجه اذاكي في حاجه
=هو كان يقدر بس ..انتي عارفه يا ساره انا لولا الكليه كنت فعصته بي أيدي دي
-يلا الحمدلله انها عدت علي خير المهم شفتي الدكتور الجديد اللي هيدينا السنادي مكان استاذ شريف بتاع الانجليزي
= يا حلوه يا حلوه هو دكتور شريف هيمشي من جامعه ده انا هوزع رز بلبن علي جامعه كلها
-اها أخيراً مشي وسمعت انو في دكتور هيجي مكانه يارب ميبقاش زايه
=يارب ده دكتور راغي رغي مفيش زيه مثيل الواحد يقول حاجه ويسكت شوية ويكمل إنما ده كله وراه بعض ده نفسه مش بيلحق يطلع من بوقه وياريت نفهم منه كلمه ده عليه حتة تبريقه لما بيبصها للواحد بتحس انو عينيه هتطلع من مكانها ..يلا الحمدلله يارب اللي بعده يكون احسن بس
- البنات قلتلي انو جديد في الجامعه محدش يعرفه خالص
=عارفه اسمه اي
-ياسين
- امم حلو اسم ياسين ده يارب شخص نفسه يكون حلو زاي اسمه كده
(دخل عليهم الدكتور الجديد واللي محدش انتبه انو دكتور بسبب شكله صغير بس وقف في نص واتنهد بهدوء ومسك المايك بي أيده واتكلم )
-السلام عليكم ورحمه الله وبركاته انا دكتور ياسين صابر هديكم بأذن الله انهارده مادة اللغة الانجليزيه بتمنلكم التوفيق ونجاح دايماً ..نبدأ
(انتبه الجميع له في اللي اتريق واللي أعجب بيه واللي تجاهله تماما ومش مديله اعتبار انو موجود من اساس ،ولما بدأ الشرح سمع أصوات همسات من طلاب ضغط علي مايك وابتسم وبصلهم لثواني وقال)
=ده لسه اول يوم ليا وطبيعي معرفش اي حد فيكم وان شاء الله الايام جايه اعرفكم واحد واحد بس ده مش معناها انكم متقدروش وقفتي دي وتكلمو عاوزين تضيعو مستقبلكم ضيعو بس مش علي حساب ناس تانيه .. نكمل
(بعد مخلص كلامه شاف أن كله سكت الا قليل اوي واللي كانو بيكلمو بصوت واطي اوي ميخليش حد يلاحظهم ، واكمل شرح وقبل ما يلف بي ظهره سمع صوت ضحكات انوثيه عليا في مكان خله يبص بسرعه علي صاحبة صوت ده لحد ما شافها وكل الطلاب بقو يبصولها وهيا مش مهتمه )
قالت زينه
- لا بس حلوه اوي يابت يا منار ، البت بسمه دي فظيعه بجد شفتي عملت اي في الواد خليته لا يسوي ولا ميسواش في شارع دي فضحته حرفيا
=يابنتي دي اقل حاجه مشفتيش عملت ايه مع الواد عصفورا بتاع توك توك خليته يقفل علي نفسه قفصه لا لا عليها شوية بلاوي لو فضلت احكي عنها لبكره مش هخلص
-طب احكيلي كده بدل ما انا زهقانه لحد ما مستر العنجليز ده يجي
قبل ما تكلم لحظت انو كل حواليها بيبُصلها بتعجب واستغراب فا قالت بصوت واطي وهيا بتقرب من زينه
=هيا العيال بتبصلنا كده لي حسه كأني ارتكبت جريمه
تجاهلة زينه كلامها وهيا وبتقول بعدم اهتمام
-ياستي سيبك ممكن عجبهم الحوار هما كمان فا احكي وسمعيني وسمعيهم
اتكلم الدكتور وهو بيقاطع كلامها قبل متكمل وقال
= بعتذر لو كنت قطعت اهم جزء في الحديث بس زاي ما انتي شايفه احنا في محاضرة درس مش نايمين علي سرير ومستنين حكايات ما قبل نوم
ضحك بعض من طلاب من كلامه وهيا بصت عليه بعد ما كانت متجاهلا من اول ما دخل ومش واخده بالها منُه اصلا وبمجرد ما بصت عليه عينيها اتفتحت بصدمه وهيا بتشوفه تاني قُدامها بس اتكلمت وهيا بتبص عليه بتعجب
- وانت مالك انت حكاية ما قبل النوم او ما قبل العصر لو عاوز تسمعها تعالي اقعد جمب اي حد واسمع
البنت اللي قدمها فضلت تبرقلها وتشاور عليه بصت زينه ليها وهيا مش فاهمه وقالت
= هو في اي مالكم ساكتين لي هو اي حد يقف هنا ويمسك ميكرفون يبقا خلاص دكتور ولازم نحترمه ولا اي ما انا يااما وقفت هنا ومسكت الميكرفون ومحدش بص علي خلقتي حته
شدتها البنت ليها وهيا بتهمسلها في ودانها
-يخربيتك انتي بتعملي اي ده دكتور جديد
بصتلها بصدمه وهيا مش مصدقه
=احلفي بي الله
- والله بقالو ربع ساعه واقف انتي ازاي مخدتيش بالك
ضمت شفايفها بقلق وهيا بتلوم نفسها
=مكنتش واخده مكنتش واخده بالي ربنا ينتقم منك يا بسمه حته اللي بيجيب في سيرتك ما يجهوش غير مشاكل
وقفت وهيا بتبصله بي احراج بس ابتسمت وقبل ما تكلم سبقها هو وبيقول
-اطلعي بره
=ها
-اطلعي بره
اتكسفت وبصت حوليها بأحراج بس بصت في الأرض ومشيت بسرعه جدا وعينها دمعت وهو كان شايفها وبمجرد ما طلعت بص للجميع
=يلا نكمل
(بعد ما المحاضره خلصت اتجهت لي كافيتريا ولاقتها قاعده هناك وهيا ماسكه تلفونها ووشها احمر من كتر العياط جات عشان تقعد جمبها بس التانيه قامت بسرعه وطلعت من المكان بس هيا مسكتها وقلتلها)
- ما خلاص بقا يا زوزو طب انا مالي انا ضايقتك في حاجه زعلانه مني لي
= مش زعلانه منك يا منار بس مبحبش حد يبشوفني وانا بعيط فا ابعدي عني دلوقتي وشويه وهجيلك
- على أساس اني اول مره اشوفك وانتي بتعيطي يابت..منا يااااما شوفتك كتير وانتي بتعيطي وكنت بواسيكي وكل حاجه بتعدي بسلام مين دلوقتي بقا اللي هيوسكي هااا
=يا منار ده احرجني قدام العيال كلها انا كان قلبي كان شوية ويطلع من مكانه من كتر كسوف وقلق اول مره حد يشوفني في جامعه كده
-يا ستي فكك منه وكمان انتي طريقتك كانت وحشه شوية يعني اي حد غيره كان عمل نفس الحاجه ده لو كان دكتور شريف كان محك عن وش الارض فا عادي
بصت لقدام بغضب وقالت
=بس انا واللهي ما هسكت ان ما عرفته مين انا مش هيكون اسمي زينه محمود سيد الايام لسه كتيره ولسه قدامي سنتين قدام فا يصبر عليا شوية بس هخلي يشوف ايام عسل .. عسل عسل وعسل اسود كمان
-طب اسكتي دلوقتي بدل ما يتقلب العسل لمرار
=اسكت...ده انا هخلي يتمني انو يقطع رجله اللي دخلت في محاضره دي هخلي يكرهه اليوم اللي بقا في مدرس انجليزي والله انا حسه انو كله ده بسبب العربيه وحبه حبه هيطلعلي في الاحلام هيحسبني عليها يصبر عليا بس كائن الفيلسوف ده
سمعت صوت وراها واتمنت انو تكون سمعت غلط وبصت لمنار اللي بصت ليها بقلق
-تمام وانا جاهز...
#رواية_من_حقي
الجزء الثاني
-تمام وانا جاهز
تصنمت مكانها وهيا بتتمني انو ميكُنش اللي في بالها وانو يكون مجرد خيال ،وبصت لصاحبتها منار عشان تأكدها انو ده خيال بس منار ابتسمت لها بتشفي وهزت رأسها بي معني انو هو فعلا ، زينه لفت بتوتر وبصت للشخص اللي كان دكتور ياسين اللي قال
-تحبي تبدأي من دلوقتي ولا المره الجايه بالنسبه ليا جميع الأوقات مُناسبه عندي فا شوفي انتي وأختاري
ردت عليه زينه وهيا بتبص علي صحبتها منار بقلق
=انا بهزر علي فكره هيا لحظة انفعال مني بس مش اكتر.. بس حضرتك انت ذودتها معايا اوي وانا اضيقت فا قولت الكلام ده
-انا شايف انو من اول الموضوع العربيه لحد دلوقتي وانو الغلط غلطك انتي
بصتله بغضب وضيق وقالت
=لا والله يعني خرجت نفسك انت من كل حاجه وخليت الغلبانه هيا الأساس في كل حاجه حصلت
-مين اللي خبط العربيه
=لا بص في الحته دي انا وانت غلطانين فيها فا متحسبهاش كده وان
قاطعه في كلام وقال بصوت عالي
-مين اللي خبط العربيه
=انا
- الدكتور مفرود يدخل المحاضره والطلاب عليهم انهم يمنعو الكلام ويحترمو او يعملو اللي عاوزينه براحتهم بس انتي عملتي اي
بصت لصاحبتها لمنار بحرج وقالت
=ايوه بس انا مكنتش
قاطعه وقال وهو بيعلي صوت
-جاوبي من غير كلام زياده
=اتكلمت وعالية صوتي وضحكت ومهتمتش لوجودك
-كده كل حاجه واضحة ولو اي حد سمع كان هيغلطك من غير ما يفكر فا بتمني من حضرتك انك تلاحظي تصرُفاتك ومن بكره تكوني احسن...عن اذنك
مشي من قُدامها وهيا بصاله بضيق وإحراج في نفس الوقت ،وقفت قُدامها صحبتها منار وقالتلها
-ولا تزعلي نفسك يا بت يا زينه خلاص اعتبري ضيف دخل حياتك وراح وسيبك منو
=مش لاما اعمل اللي في بالي الاول
-ناويه علي اي تاني مش هترتاحي الا لما تتفصلي من الجامعه
=فاكره البت بسمه ومصايبها اللي كنا بنكلم عليها جوه
-ايوه مالها
=اي رايك نشرفها عندنا في المحاضره المره الجايه اظن ان العيال كلها هتحبها اوي اوي ..اوي
.....
(في اليوم التالي قدام الجامعه بظبط وكانت زينه ومنار واقفين قبليها بشوية وهما بيراقبو كل اللي بيدخل ويخرج من الجامعه ، زفرت بضيق وملل وهيا بتقول لصاحبتها)
-كل ده يا زينه انا زهقت خلاص تعالي ندخل
=استني يابت كلها دقيقتين وتكون قدامنا
-انتي متاكده أنها قالتلك جايه
=ايوه يابنتي بس معرفش هيا اتأخرت كده لي
(بعد ما خلصت جملتها سمعت صوت موسيقه عالي جاي عليها بصت ليمين و شافت توك توك وصوت الاغاني اللي فيه عاليه جدا خلت كل اللي واقف ياخد باله منه،ووقف قدام الجامعه بظبط ونزلت منه بنت في العشرينات بي عباية سودا ضيقه شوية ومكياج شديد وطرحه مبينه نص شعرها معظم اللي شافوها اتعجب من شكلها ومعظم تاني تجاهلها )
قالت زينه لمنار وهيا مش قادره تصدق اللي شايفاه
-بت ..بت يا منار متقوليش انو هيا دي
=لا هيا بشحمها ولحمها
-هيا مالها اتغيرت كده لي وبقت عامله كده لي دي اتغيرت 180درجه بجد مش معقول..ده انا خايفه اكلمها
=تعالي يابت لاحسن تمسك في واحد ومش هنعرف نخرجها من هنا
مشيو بهدوء وراحو ناحيتها ووقفو قُدامها وهيا فضلت تدقق النظر في شكلهم بي نظرات حازمه وقبل مايتكلمو لاقوها بتشدُهم ليها وبتحضنهم جامد وهيا بتقول
-حباااايب قلبي عشرة سنين ابتدائي وإعدادي وثانوي واحشتوني يا ولاد الاي كل دي معرفه بينا ومحدش فكر حته يرفع سماعه التليفون يسلم عليا أخص عليكو
بعدو عنها بصعوبه وهما بيحاولو يتنفسو وقالت زينه ليها وهيا بتحاول تبتسم
=حقك عليا يا سوسو غصب عننا والله كنا مش فاضيين وكان ورانا حاجات كتيره وظروف ماكنتش سامحه اني اكلمك بس اوعدك من انهارده و كل يوم هرن عليكي اشطا
-تمام يا زمكس قوليلي بقا رنيتي عليا امبارح عشان حاجه مهمه اي هيا
=اها هيا حاجه بخصوص الجامعه في حد كده في المحاضرة عندي
-قوليلي الاسم الثلاثي أو الثنائي شغال وسيبي كل حاجه ليا ومع عليكي غير انك تتفرجي في صمت وبس
بصت منار لزينه بقلق وهزت رأسها بي لا انها متعملش كده بس زينه ابتسمت وقالت
= بصي هو مش زميل ليا في الكليه ده دكتور بتاعي بس حبيت العب معاه شوية بي مساعدتك طبعا
-دي لعبتي اصلا قوليلي الاسم وهتلاقي مرمي تحت رجلك في اقل من دقيقه
=ماهو انا مش عاوزكي تعملي اللي بالك اللي بتعملي مع كل ناس لا عاوزكي تعملي حاجه مختلفه مش عاوزه اي اذيه بس عاوزاه يندم انو دخل الجامعه دي او اخليه يندم في اللي عمله فيا
ردت عليها منار بضيق
-ما خلاص بقا يا زينه انا شايفه انك زودتيها كتير اوي والدكتور مش عمل الحاجه اللي تخليكي تعملي كل ده الغي كل حاجه بتعمليها لاحسن تندمي
=اسكتي يا منار ملكيش دعوه انا عارفه انا بعمل اي كويس ...ها يا بسمه فاهمني
-فاهماكي بس بردو انا معرفش انتي عاوزني اعمل اي بظبط..طب قوليلي عاوزني اعمل اي وانا هنفذ
ابتسمت زينه بخبث شديد وبصت لمنار اللي ارتابت منها ومن اللي هتعمله
...
دخل الدكتور ياسين بعد ما القي السلام علي كل اللي في المحاضره وقبل ما يكلم لاحظ ابتسامه زينه واللي مكنتش بطمن بي اي خير فقال
-اتمني مكنش اتأخرت عليكم بس كنت بدبر لأمتحان صغير كده ليكم من اللي خدنا الحصه اللي فاتت وهيكون شفوي
تعالت الهمسات بين الطلاب وفي اللي اضايق واللي استغرب امتحان ازاي من تاني حصه وهو فهم وعارف انو ده هيحصل فا اتكلم تاني
-انا عارف كويس انكم مستغربين ازاي اعمل امتحان من تاني حصه بس ده النظام اللي عندي واللي مش عجبه
شاور للباب وقال
-الباب مفتوح دايماً ليه تمام يلا نبدأ
وسأل السؤال وبص لكل الطلاب بتركيز وشاور لي حد من اللي قاعدين هناك ، وقبل ما كانت هيا تستوعب لاحظت انو بيشير عليها هيا ،قلبها دق برعب وخوف فا قال ليها الدكتور
-اللي شاورت عليها ياريت تقف وتيجي هنا وتجاوب للكل
وقفت بقلق شديد ومتردده أنها تتحرك بس هو علي طول قالها
-تعالي اقفي في نص هنا وامسكي المايك عشان كلهم يسمعوكي
اتحركت بخطوات مرتجفه وراحت وقفت جانبه تحت نظراتها المليانه خوف ،مهتمش هو واداها الميكروفون وفي وشه ابتسامه بسيطه ،وهيا مسكته بعد تردد طويل ووقفت وبصت للجميع بقلق وصحبتها منار كانت شايفها وصعبان عليها حالتها ، بصت زينه للدكتور وقالت بصوت واطي
-هو ...انا ..بصراحه..ااامش عارفه
=لا انتي عارفه وسمعتك وانتي بتسمعيها لنفسك
-طب انا مش هقدر ..اقول مش هقدر انا بخاف..اا امسك انت المايك وهمليك الاجابه
ضحك بخفه من كلامها وقال
=يا انسه زينه الواحد زمان في أيام الإبتدائي كان لما بيكسف يقول حاجه بيتولاها معلمه ويقولها عنه انما انتي طالبه في الجامعه في اختلاف شاسع كونك في الابتدائيه وكونك دلوقتي في الجامعه فاهمني وكلها سنتين وتتخرجي ولما تيجي تاخدي شهاده هتطلبي حد يستلمهالك مش لطيفه صح ...فا يلا جاوبي
بصتله بحنق وضغطت علي مايك واتكلمت بأحراج كبير وبمجرد ما كلمت صوتها طلع في المايك بصوت مضحك جدا خلي مُعظم الموجودين يضحكو واللي يستغربو واللي كانو زعلانين عليها منهم منار
مكملتش كلامها وبصت للدكتور بنظرة غل وشر وتواعد بس هو قرب منها وهمس لها وقال
-امم تقريبا صاحب المقلب شرب المقلب، ومحدش سمّى عليه ، معلش ابقي حولي احسن من كده
الطلاب همسُهم بقا عالي ومحدش فاهم في اي بس زينه رمت الميكروفون علي الارض ورفعت صُباعها في وشه وقبل ما تتكلم ،اتكلم هو بصوت عالي
=علي بره من غير كلام والمره الجايه تجبيلي والي امرك عشان تصرف اللي عملتي تمام
ضمت شفايفه وهيا بتمنع حالها من العياط واستجمعت شجاعتها ولسه هتكلم بس هو سابقها وقال بصوت اعلي
-علي بره قولت
عينيها دمعت وبصتله بكل كراهيه وغضب واديته ظهرها ومشيت بس لسوء حظها ولحظة نسيان منها حست بي حاجه بتدلق من فوق وغرقتها كلياً ،وصوت صاحبتها منار اللي اتخض عليها
=زيينه......
#رواية_من_حقي
الجزء الثالث
-زيينه
(كانت سنده بي ايديها في الأرض مصدومه ومحرجه وهيا مش مصدقه اللي حصل وكل شئ انقلب فيها في الاخر ، ملابسها كلها اتبلت ولونها ازرق ووشها وشعرها كمان ، مكنتش قادره تبص فوق ولا ليمين ولا شمال وبصه في الأرض وشعرها بينقط ميه زرقاء ،بس شافت ايد اللي كانت ايد الدكتور وهو بيمدلها أيده عشان تقوم بس هيا رفعت راسها وبصتله وفي ثواني و قامت علي طول وجريت من غير ما تمسك أيده وراحت وراها صاحبتها منار بقلق)
.....
كانت بتغسل شعرها بكل غضب وضيق
-في الآخر انا اللي وقعت وكائن الفيلسوف طلع منها سليم ماشي...يصبر عليا بس الايام لسه كتيره ماشي ...بس ازاي بس ازاي
سمعت حد بيدخل الحمام واللي كانت صاحبتها منار اللي دخلت تطمن عليها
-انتي كويسه يا زينه حصلك حاجه
=انا مضايقه جدآ ومستعده دلوقتي اروح واضربه قلمين علي وشه اللي بيستفزني ده
-ما قولتلك من بداية بلاش بلاش يا زينه وانتي اللي نفذتي اللي في راسك واديكي انتي اللي شربتي مقلب وبدل ما الجردل يقع عليه وقع عليكي انتي
=انا ازاي انسي حاجه زاي دي ..انا كنت هعيط بسبب انو احرجني قدام العيال كلها ومشيت ونسيت انو في حبل ربطه في الجردل من فوق وكان مفرود هو اللي يدوس عليه ويقع عليه بس حصل اللي مكنتش متوقعا
-حصل اللي حصل ومتكرراهاش تاني يا زينه جبنا بسمه عشان تساعدك ومساعدتها مجبتش غير الأذيه ليكي فا استهدي بالله وتعالي نروح وبالمره نجيب حاجه نشيل بيها الازرق ده
=اطلع ازاي وانا بالمنظر ده ده انا هكون فرجه للي رايح واللي جاي
-طب هتفضلي هنا طول الوقت يعني اطلعي وميهمكيش مين اللي يبص ولا يتفرج وبمجرد ما نخرج هوقف تاكسي
تنهدت بضيق وهزت رأسها وطلعو هما الاثنين وقبل ما يطلعو شافو الدكتور قدامهم واللي كان مستنيهم بره ،وهيا بمجرد ما شافته بصتله بقرف وضيق وقلبت وشها فقال هو
- حبيت اعرض عليكم توصيل وكمان عشان الانسه زينه متتحرجش وهيا ماشيه في شارع
ردت عليه زينه
=لا شكراً روح شوف مُحضراتك مش عاوزين نعطلك اكتر من كده لاحسن تحسب الغلط فينا بعد كده
-المحاضره خلصت خلاص ومش ورايا حاجه تاني وقولت اوصلكم بالمره في طريقي
=علي مأظن انت عارف اني عندي عربيه فا وفر مساعدتك دي
ردت عليها منار بأستغراب
-بس انتي مروحتيش ب....
خبطتها زينه في زراعها بسرعه وهو لاحظ كده بس مبينش وسمعها وهيا بتقول
- اللي حصل انهارده ده معرفش وازاي بس متاكده انو كل ده من تخطيطك اكيد وانت اللي عملت كده
=واللي يخليني اعمل كده ...انا معنديش اسباب إنما انتي اللي عندك وأسباب أقل من تافهه كمان بس انتي اللي عقلك صغير وخلاكي تتفقي مع بنت مش شبهك وتخططو عشان تخلوني ازهق واسيب كلية ..بس حطي في علمك اني طالما راسيت علي حاجه ولا اي حد يقدر يغيرني من عليها تمام ..وهقولها اخر مره وانتي وقرارك تيجي اوصلك معايا
منار بصت لزينه وقالت بصوت واطي
-تعالي يا زينه نروح معاه وخلاص واحتمال نقف كتير عشان نلاقي عربيه فا يلا
بصتلها زينه بضيق وقالت بصوت عالي
= لا
رد عليها دكتور
-تمام براحتك
وقبل ما يمشي نادت عليه منار وهيا بتقول لي زينه بضيق
=اعصري علي نفسك ليمونه ووافقي يا زينه صدقيني هتقفي كتير فاكره اخر مره لما وقفنا بره كليه ساعه بحالها وفي الاخر ركبنا توك توك ..وكمان الواد مروان واقف بره مع صحابه فا اكيد مش هيعجبك انو يشوفك كده فا يلا
-هو مروان جه الجامعه انهارده
=ايوه
-ومقولتليش لي
=ما انتي من الصبح عماله تتفقي مع الست بسمه في اللي هتعملو وانا مردتش ازعجكك
-طب انا ...انا شكلي عامل ازاي
=شكلك كأنك طلعه من قرية السنافر اخت سنفوره
-طب عاوزه حاجه تغطيني ..معندكيش شال أو جاكت أو اي حاجه
=والله يا اختي ولا منديل حته ... يلا الدكتور بقالو كتير واقف هنركب معاه تمام
زفرت بضيق وضربت برجلها في الأرض بحنق وقالت
-اعمل اي بس تمام
نادت منار علي الدكتور اللي كان واقف علي جنب مستني هيرسو علي اي ووقف تاني قدامهم
=هاا قرارتو اي
قالت منار
-هنروح معاك
=تمام
وقبل ما يتحركو طلع من جاكت بتاعه مناديل مبلله واداها لزينه
-خدي ده اعملي بيها وشك هيشيل اللون الازرق
خدتها منه من غير ما تقول حاجه ودخلت وغابت ربع ساعه لحد ما شالت اللون الازرق من وشها وجايه تمشي بس وقفها مره تاني وقلع الجاكت بتاعه واداهولها
-خدي البسي ده عشان يغطي علي لبسك اللي اتبهدل
تنهدت ومسكت الجاكت من غير اي كلمه وحطيته عليها وهو مشي وسابقهم قدام وهما الاثنين مشيو وراه، ومنار بصت لزينه بضيق وقالت
=والله انتي ولا عندك دم ولا احساس كمان الراجل عمل الواجب وزياده معاكي وانتي ولا حته عبرتي بي ابتسامه حلوه ولا شكرا ده اي البجاحه اللي عندك دي يا شيخه مش كفايه انو هيوصلنا كمان
-والله انا مطلبتش حاجه هو اللي فكر وعمل اللي في دماغه فا متلومنيش وانا اطريت اخد منه الجاكت عشان مروان ميشُفنيش بي هيئتي دي
=ياريته بس يعبرك
-نظره واحده منه بتقلتلني يابت يا منار
نظرة لها منار بخيبه وكملو مشي لحد ما وصلو للعربيه وركبو وراه وهو ركب واتحركو وطول الطريق مبيتكلموش لحد ما قاطع الصمت وهيا بتسألو
-هو انت عندك كام سنه
بصتلها منار بتعجب وقالت بصوت واطي في ودنها
-اي السؤال ده يا زينه مش شايله منه ومضايقة وعماله تخططي وتسوي فيه تروحي تسألي سؤال زاي ده ده ولا كأنك واحد صاحبه
=ياستي بدل ما القاعده نشفه كده وكل واحد عمال يبص في اتجاه تاني وانا صراحه مبحبش كده واتخنقت فا تعالي نرغي شوية
وبصت للدكتور تاني وقالت
-هاا يا دكتور مجوبتش علي سؤالي عندك كام سنه
= بي يهمك اي في سني
-لا عادي ولو عاوز تعرف سني انا عندي 19 ومنار 20متاخره سنه
ضحك بخفه وقال
=اي الجديد يعني مانا عارف اعمار كل اللي في كليه
-طب قولي ومش هقول لحد لا انا ولا منار يلا
=عندي 30 سنه
-باين علي شكلك.. ومجوز ولا لا
= اه مجوز
- عندك عيال
=...لا معنديش
-ربنا يرزقك بذريه الصالحه
قربت من منار بسرعه وقالت بتعجب
-هو مقالش امين لي هو مسيحي ولا اي
=انتي عبيطه يابت مال ده بالدين ومهتمه لي كده
-اصل اي حد اقولو دعوه يقولي يارب أو امين بس هو مقالش شكلو مش عاوز يخلف
= يخربيتك وانتي مالك انتي ..غريبه اوي
تجاهلتها زينه وقالت للدكتور
-بقولك اي انت...
قاطعها وهو بيوقف العربيه وقال
=مش ده المكان اللي طلبتي اوصلك فيه
بصت للمكان وهزت رأسها وقالت
-اها هو
=تمام اشوفك علي خير المره جايه وملوش لوزوم تجيبي والي امرك بس بتمني تكوني اتعلمتي من غلطاتك تمام
-تمام
وبمجرد ما نزلت هيا وصاحبتها لاحظت الجاكت اللي لابسا وقبل ما تكلمه لاقيته اتحرك بسرعه بالعربيه من غير ما يديها فرصه للكلام ،استغربت منه وشويه وقالت
-هو ماله الدكتور
=ماله
-غريب شوية
=عادي هو ميعرفناش ولا احنا نعرفه فا عاوزاه يعمل اي
-امم وبالنسبه للجاكت ده اخلي معايا
=تخلي معاكي اي انتي عبيطه يابت تغسلي وتكوي وتدهولو بكره وكمان خلي عندك شوية دم وقوليلي شكرا حته
-امم ماشي طب...طب احطلو كام شوكولاته كده جنب الجاكت عشان عيب اديهالو لوحدها كده
=امشي يا زينه من وشي
....
في اليوم تاني كانو ماشيين وقبل ما يدخلو جامعه دخلت عليهم بسمه ووقفتهم قبل ما يدخلو وهيا بنفس الشكل وقالت
-حباااايب القلب عشرة سنين الابتدائيه والإعدادية والثانوية عاملين اي
قالت زينه لمنار بصوت واطي
=هيا كل مره هتشوفنا هتقولنا المقدمه دي ولا اي
ردت منار علي بسمه بأبتسامه وهيا متجاهله زينه
-الحمدلله يا قلبي احنا بخير انتي عامله اي وجايه لي حصل حاجه ولا اي
=لا مفيش حاجه يا ست الحبايب بس عاوزه خدمه منك انتي والست زينه حبايب قلبي
قالت زينه لمنار في ودنها تاني
-اهو كلمه حبايب قلبي دي مبتبشرش علي خير
قالت منار لبسمه بأبتسامه وهيا بتتجاهل زينه تاني اللي بصتلها بضيق
=اطلبي يا روحي عاوزه اي
-عاوزه منكم كده مبلغ صغير كده في حدود 400 او500 كده عشان الواد عصفورا بتاع التوك توك اكيد شفتوني عملت معاه اي هو حاليا في مستشفى مش هيطلع غير بعد سنه كده بس تلفون الواد اتكسر وأهله عاوزني اصلحه وانا معيش نص مبلغ فاقولت الجئ للحبايب عشرة ابتدائي وإعدادي وثانوي
زينه بصت لمنار بصدمه وقبل ماتروح تقولها حاجه تاني وقفتها منار وهيا بتقول
=خلاص عرفت انتي عاوزه تقولي اي تفكيرنا دلوقتي واحد
وبصت لبسمه من جديد وقالت
-بصي يا بسمه كان نفسنا نساعدك والله بس احنا يعني ظروفنا علي قد فاهمه فا
قاطعته بسمه وقالت
=ما انتو الاتنين عايشين في فيلا اشكال والاوان ومتهنين علي اخر أديني حلق واحد بس من اللي لبساه وهيساوي الالفات بس انتو متدعين الفقر عشان متدوش حاجه للغلبان
زينه بصتلها بصدمه وحطت أيديها علي حلقها اللي لابساه في ودنها وقالت
-اقسم بالله ده حلق ملبسهولي ستي من اول ما تولدت وما غيرتهوش في حياتي ومش لابسه غير سلسله وخاتم و ذهب صيني كمان قولي ما شاء الله مالك
وبصت لمنار بقلق وقالت
-ابقي فكريني اقول اذكار صباح والمساء كل يوم لاني نسيت اقولهم عشان حسه انو قلبي هيقف
ردت عليها بسمه وهيا بصلها بسخريه
=خايفه من الحسد اوي يابت ...طب بصي بقا انتي وهيا انا امبارح وقفت معاكم وعملتلكم كل اللي انتو عاوزينه دوركم بقا انكم تعملولي اللي انا عاوزاه
قالت منار بصوت واطي لزينه بقلق
-بقولك اي يا زينه تعالي نديها وخلاص عشان دي مش هتسبنا في حالنا وممكن تفرج علينا الجامعة كلها لو مدنهاش فا طلعي اللي معاكي وانا كمان هطلع
=اطلع اي يابت دول هما 150جنيه معايا بالعافيه اكل وشرب واركب بيهم
-ياااختي انتي مجبتيش العربيه
=اومال احنا كل ده جايين علي اي انتي كنتي نايمه واحنا بنركب.. قولتلك اجيب العربيه قلتلي لا زينه انتي بطيئه اوي واخر مره روحتي لوحدك بيها استنيتك ساعه لحد ما جيتي فا بلاش
-طب واي العمل وانا كمان معيش غير 150 جنيه
بصت لبسمه وقالتلها
=بصي يا بسمه احنا معناش غير علي قد اوي اوي واحتمال مناكلش كمان فا دي فلوس العربيه اللي هنركبها فا المره الجايه هنعمل حسبنا ونديكي
-طب اديني الحلق اللي انتي لابساه وهبيعه عند بتاع الذهب والزياده هديهالك
منار جمعت فلوسها بي فلوس زينه وادتهالها وهيا بتقول
=خدي دول 300 جنيه ودلوقتي احنا علي بلاطه دلوقتي ومش معانا ولا مالين
خدت منهم الفلوس وقالتلهم وهيا ماشيه
-والله لو بتبصو كويس هتلاحظو انكم معاكم الاافات وانتم مش واخدين بالكم
قالت زينه بعد ما مشيت
=والله هيقعو مني وانا مش حسه ما شاء الله الله اكبر لازم ابخر نفسي كل يوم قبل ما اطلع من البيت.. دي اي الوليه دي انا حسه بالندم فعلا اني اتصلت بيها
ردت عليها منار بضيق
-قولتلك من الاول
دخلو الاثنين الكليه وقبل ما يروح للمحاضره لاحظت زينه الشخص اللي اسمه مروان وهو قاعد مع صاحبه وبمجرد ما شافته وقفت مكانها ومنار خدت بالها وبصت للأتجاه اللي بتبص فيه وقالت
-ارجوكي مش دلوقتي يا زينه تعالي لأنها كلها دقايق والدكتور هيكون هناك
=هو مين اللي هيكون علينا
-الدكتور ياسين
زفرت بضيق وهيا بتقول
=هو دكتور ده كل يوم موجود
-مش دكتور زاي باقية الدكاتره
=هاخد مع حد تاني خلاص
-علي فكره شرحه حلو اوي احسن من دكتور شريف مليون مره فا مش هتلاقي زيه صدقيني
تنهدت وقالت بضيق
=طب خلاص جايه بس اسبقيني وخمس دقائق وهكون عندك
-منتظراكي
....
دخلت منار وفضلت مستنياها لحد ما عده ربع ساعه ومجاتش وجات تطلع بس لاقت الدكتور دخل وشافها ولاحظها انو لوحدها فقالت منار له وهيا بتحاول تبتسم
-ازيك يا دكتور اخبارك اي
=الحمدلله كويس انتي كنتي طالعه
-ايوه...قصدي لا انا كنت يعني رايحه اجيب زينه عشان اتأخرت وكده
=وهيا مدخلتش لي معاكي
-بتقابل حد كده من صُحابها فا تقريبا نسيت نفسها فاقولت اجيبها
=اتفضلي اقعدي مكانك وهيا عارفه مصلحتها اكتر ومستقبلها خليها تعرف انو صُحبها دول مش هينفعوها ابدا تمام
هزت راسها وقالت
-تمام
=هيا واقفه فين
-اممم هيا قريبه من هنا لو طلعت بره وبصيت علي جنب هتلاقيها بس بتسأل حضرتك لي
= لا مفيش اتفضلي اقعدي
راحت منار وقعدت في كرسي وهيا بتفكر في صاحبتها ويتري لو دخلت هيرضي يدخلها ولا هيكلمها وسط الطلاب تاني ويكسفها ورجعت تبص عليه تاني ولاقيته مش موجود وبصت بصدمه
-ينهااااري
#رواية_من_حقي
الجزء الرابع
_ينهاااري...
اتصدمت انو مش موجود بعد ما كان داخل وراها، وقلقت ليكون راح يدور علي صاحبتها ويشوفها وهيا واقفه مع زميلها، ساعتها هتكون في موقف مش لطيف ابدا
طلعت من المُحاضره بخطوات بطيئه وهيا بتبص ليمين وشمال بتتأكد انو مش موجود ولما اتاكدت كملت في نفس الخطوات بس وهيا بتمشي لاحظته من قريب شوية و استخبت بسرعه في اي حاجه شافتها قُدامها وهيا شايفاه بيبص ليمين وواقف من غير حركه...
(في ناحيه التانيه قبل دقايق قليلا)
كانت بتمشي بخطوات توتر واخراج لحد ما وصلت عنده وظبطت شعرها بسرعه وطلعت التلفون وبصت في شكلها وابتسمت ومدت ايديها
_هاي مروان عامل اي
بص عليها وابتسم ومد ايده وسلم عليها
=انا الحمدلله بخير وانتي اخبارك واخبار كليه معاكي
قالت وهيا مبتسمه بخجل وبتمسح في شعرها
_الحمدلله الكليه معايا تمام وكل شئ بخير
=دايما يارب
قال كلامه وهو بيلف وشه ناحية صاحبه ليكمل حديثه بس سابقته زينه وهيا بتقول
_بقولك اي مروان اااا.... مقولتلكش انااااا... غيرت العربيه بتاعتي من اسبوعين
=ما انتي قُلتلي في نفس اليوم الي غيرتيها
ابتسمت بغباء من حالها وحطت ايدها في شعرها بحرج
_بجد.. مختش بالي شكلي نسيت
هز راسه وقبل ما يرجع يلف تاني قلتله بسرعه
_ بس انت مش ملاحظ حاجه
=اي هيا
بصت حوليها وهيا مش عارفه تقول اي بس عملت حاجه خليتهم يبصولها بتعجب ولفت حوالين نفسها
_ غيرت موضة اللبس بتاعتي اي رايك
بصلها بتعجب واستغراب وصاحبه ضحك من اللي عملته وهيا اتحرجت ومش عارفه اي اللي عملته ده بس استنت اجابه منه وهو بصصلها وابتسم ابتسامه خفيفه وقال
=حلو.. دايماً بتبقي حلوه مهم غيرتي من نفسك
ابتسمت بأحراج وهيا بتفرك في ايديها، وصاحب مروان قرب منه وهمسله حاجه في ودانه وهو باصص لزينه وبعد ما خلص، مروان بص لزينه وفي وشه ابتسامه بسيطه وقال
_اي رايك تيجي عندي في فيلا انا عامل حفله بالنسبه لعيد ميلادي وهكون سعيد اوي لو جيتي
=هو بكره عيد ميلادك
_ايوه وعازم كل اللى في الكليه وهتكون الحفله بليل في الفيلا عندي وهتكون الاجواء جميله ان شاء الله
=اهااا.. ماشي لما اروح انهارده هقول لي بابا وان شاء الله يوافق وهاجي
قال لها صديق مروان بأبتسامه ساخره
_انتي لسه بتسأذني بابا قبل ما تنزلي
=ايوه طبعا لازم يعرف انا رايحه فين
ضحك عليها وهو بيبُص لصاحبه مروان اللي ابتسم كمان فقال له
_الحق دي لسه بتاخد موافقه البابي قبل النزول فكرني اخر مره استأذنه امته قبل ما ننزل
رد عليه مروان وهو بيتصنع التفكير
= من ايام الحضانه تقريباً
_يعم احنا اتولدنا احرار من غير ما ناخد كلمة استأذن
وتعالت ضحكاتهم الاثنين تحت نظرات زينه المستعجبه فقال لها صديق مروان وهو بيبتسم ليها
=بصي يا كتكوته انتي في الحاله دي مش هتقدري تروحي لأن وبكل بساطه البابي هيرفض وهيقولك روحي اوضتك ومفيش طلوع من البيت
ردت عليه زينه
_وانت ايش عرفك ماهو ممكن يوافق ابويا غير اللي في بالك
=لا هو اللي في بالي وهيرفض صدقيني
_طب اعمل اي
=بصي يا كوكه انتي تقوليلي...
قاطعه مروان بأبتسامه وهو بيقرب من صاحبه وبيقولو بصوت واطي
_يعم استهدي بالله لحسن تعملها مصيبه تجيب اجلها
=مش هيا اللي عاوزه تيجي تستحمل بقا
وبص ليها تاني وكمل
_قوليلو انا رايحه خطوبه واحده صاحبتي واكيد الخطوبه دايما بتكون بليل وطالما صحبتك فا اكيد هيوافق
ردت عليه زينه بعد تفكير وقالت
=تمام ماشي بس هاخد صاحبتي منار لانها دايما معايا في كل حته
_اشطا تيجي
ابتسمت ابتسامه واسعه وهيا في غاية السعاده
=اشطا... يلا اشوف وشكم علي خير بكره
بعد ما مشيت قال صاحب مروان بتريقه
_دي علي الله حكايتها
=غلبانه يعم مش شبهنا فكك
.....
كانت ماشيه بخطوات سريعه عشان تلحق مُحاضرتها اللي تقريبا فاتتها وقبل ما تدخل حطت ودانها في الباب تتأكد انو الدكتور مجاش لكن سوء حظها لما سمعت صوته وراها
_ متقلقيش لسه مدخلتش
بصت وراها بخضه وهيا بتتنفس بسرعه ومكنتش متوقعه وجوده هنا وقالت
=لا انا كنت بتأكد ان كنت دخلت جوه ولا لسه بس
_كنتي فين
=كنت في الحمام
_كذابه كمان
ضمت حواجبها بضيق وقالت
=وانا لي اكذب عليك انا فعلاً كنت في الحمام
_وهو الحمام في طريق اللي انتي جايه منه انا شايفك وانتي جايه من طريق تاني فا خفي كذب وقولي كنتي فين
زفرت بضيق وقالت بأبتسامه سامجه
=كنت بقابل واحده صحبتي تمام
_ولا واحد
=الله انت كنت مراقب بقا علي مأظن انو التجسس حرام كمان ولا انت ليك قواعد خاصه
_ولما اهلك يودوكي مكان وهما حطين الثقه في بنتهم انها عمرها ماهتنحرف في الطريق الغلط ولا وانها تعمل حاجه تديقهُم بس البنت بتكسر الثقه والامان اللي مديهُملها واللي يهمها راحتها وسعدتها بس.. مش حرام ده بردو ولا اي
=والله دي حاجه ترجعلي انا وملكش دعوه بيها من الاساس
_تحب نكلم بابكي ونشوف رأيه اي وعن خطوبة صحبتك كمان ده هيفرح اوي لما يسمع انو بنته بتخطط انو تروح مكان من وراه علمه ومكان الله اعلم في اي مستنيها هناك.. فا هاا قرارتي اي
بصتله من غير ما تكلم وهيا مش عارفه تقول اي، فا شافت صاحبتها منار وهيا جايه عليها وبمجرد ما شافتها قلتلها بحزم
_ انتي اللي قولتيلو مش كده صح
رد عليها الدكتور
=هيا مقلتليش حاجه انا اللي عرفت من نفسي
تجاهلتهُ زينه وهيا لسه بتبص لمنار بضيق
_طول عمرك انانيه يابت ميهمكيش غير نفسك ولا يهمك حد تاني ماشي يا منار
ونهت كلامها ومشيت بسرعه ومنار بتكلم و هيا بتمشي وراها
=يا زينه انتي بتقولي اي... انا مقولتش حاجه والله.. صدقيني يا زينه ياا زينه وقفي بقا
لفت ليها زينه وعينيها كانت مدمعه وبصتلها
_من المره الجايه كلامنا هيبقا علي حدود تمام مش في اخر الزمن واحد غريب يجي ويهددني في حاجه ملهوش علاقه بيها اصلا
وبصت قُدام للدكتور اللي كان ماشي بخطوات عاديه قُدامهم وبقت تبصله بعيون حمرا من كتر العياط ونظرات بها ضيق وغضب وغل شديد وبصت لمنار تاني وقالت
=انا مروحه البيت مش عاوزه اقعد ثانيه واحده هنا تاني ومع الكائن ده... سلام
ولفت وجريت علي طول بره الكليه ومنار كانت هتلحقها بعد ما تنهدت منها ومن اللي بتعملو بس قبل ما تجري نادها الدكتور وهو بيقرب منها
_سيبيها لوحدها متروحيش وراها خليها تحس بغلطها
=اسيبها ازاي دي معهاش ولا جنيه في شنطتها ولا عربيتها كمان معاها مش معقول اكيد مش هتمشي كل ده
_واللي خلاها تروح من غير فلوس او عربيتها
=يعني اصل... امم بعيد عنك يعني اتثبتنا احنا الاثنين وبقينا علي حديده تماماً فا ربنا يسهلنا بقا
بصلها بأستغراب وقال
_مين ده وازاي محدش عمله حاجه من اللي ماشيين
=هو حد يعرفنا يعني ولي جميله عندنا بس هو حب ياخدها مننا بي فلوس لاما كان اخد حلقنا
بصلها من غير فهم وقبل ما يكلم رفعت ايديها الاتنين وقالت
_مش مهم مش لازم افسرك مين... حصل اللي حصل وحاليا عاوزه الحق الحجه اللي ماشيه في شارع دي لوحدها
=تعالي معايا
_والبنت الغلبانه اللي ماشيه في الشارع دي
=هنروحلها تعالي بس
وطلعو بره الجامعه وركب العربيه بتاعته وبصلها وهو شايفها لسه مركبتش
_مستنيه اعرض التوصيل تاني ولا اي
بصتله وابتسمت ابتسامه بسيطه وقالت
=لا مفيش يا دكتور بس ملهوش لزوم انك توصلنا تاني مش عاوزين نتعبك
_اركبي واخلصي
ركبت واتحركت العربيه وفضلو ماشيين بحركه بطيئه عشان يعرفو يشوفوها منار كانت بتبص في كل حته في شباك ودكتور كذلك الامر في ناحية تانيه عنده، لحد ما منار شافتها
_اهي
بص ناحية المكان وشافها واستغرب من اللي بتعملو ومنار كمان اللي قلقت عليها
=هيا حصلها اي...
الجزء الخامس
=هيا حصلها اي
كانت زينه قاعده في رصيف الشارع و دموعها بتنزل جامد ووشها بقا احمر من كتر العياط،
منار لما شافتها في الحاله دي نزلت بسرعه وراحت ليها، اما دكتور فضل مكانه محبش يضايقها اكثر وفضل مستني..
منار قعدت جمب زينه بسرعه وهيا قلقانه عليها
_مالك يا زينه.. في اي حصلك حاجه
زينه مردتش عليها وفضلت تعيط وده خلّي قلق منار يزيد عليها
_طب بطلي عياط وقوليلي اللي حصل.. في حد ضايقك او زعلك وانتي ماشيه.. قوليلي في اي
زينه شاورت علي رجليها ومنار بصت عليها وهيا مش فاهمه حاجه
_مالها رجلك وقعتي وانتي ماشيه ولا حصلها اي
زينه مسكت الصندل اللي حطّاه علي جنب وورته لمنار اللي لسه مش فاهمه حاجه وقالت بصوت عالي
_انا مش فاهمه حاجه.. ما تكلمي ياما اي شغل الاشارات ده.. ماله الصندل وقلعاه ليه
= الصندل.. اتكسرر.. وانا ماشيه في شارع
منار بصتلها لثوان وقالت
_متقوليش انو ده السبب اللي مخليكي معياطه بشكل ده في شارع كده
ردت عليها زينه بحزن وهيا بتمسح دموعها
=الصندل لسه جديد يا منار مكملش حته اسبوعين معايا واتكسر.. وكمان رجلي اِلتَوتْ وانا ماشيه فا اتكسر ومقدرتش اقف وقعدت.. علي رصيف وكنت فاكره اني هفضل كده و محدش هيجي يساعدني كنت مكسوفه اوي يا منار
طبطبت عليها منار وهيا بتتنهد من حالها
_الحمدلله انها عدت بسلام وكمان مينفعش تقعدي تعيطي زاي الاطفال كده الناس تقول عليكي اي.. طب اتخيلي لو الواد مروان كان عدي من هنا كان مش بعيد يديكي خمسه جنيه استعطاف ليكي ومن هيئتك دي
=اها كويس انك فكرتيني.. انتي اكيد هتيجي معايا بكره
_بكره فين
= مروان عيد ميلاده بكره بليل هيعمل عيد ميلاده في البيت عنده وهيعزم كل اللي في الكليه منهم انا وانتي
_ايوه بس انا بكره ورايا مشوار مهم مع ابويا واحتمال ماروحش بكره الجامعه كمان فا مش هعرف اروح
=يعني هتسبيني اروح لوحدي
_متروحيش انتي كمان بصراحه انا مش بطمن وكمان صُحاب مروان مش كويسين اوي فابلاش تروحي
=انا مالي بي صُحابه هو انا رايحه عشانهم يعني انا رايحه عشان صاحب العيد ميلاد مليش انا دعوه بي حد... بس اجبلو ايي
_زيينه بلاش بلاش يا زينه احسنلك نصيحه مني اعملي بيها مروان والشله بتاعته دايما سِكتهم مش تمام ابدا وبيعملو حاجات انا بشوفها مش كويسه خالص فا دول ولا شبهك ولا طبعك ولا انتي شبهم كمان فا ابعدي عنهم
=يا منار قولتلك انا مليش دعوه بي حد هقعد ساعه كده وبعديها هاخد بعضي وهروح علي طول
_يااا زيييينه بلاااش
=طب هشوف وهقولك ويلا بقا قومي عشان تسنديني.. ده احنا لسه قُدمنا مشوار طويل
زفرت منار بقلة حيله منها وقامت وسندتها
_الدكتور ياسين بقالو كتير واقف تعالي..
قاطعتها زينه وهيا بتبعد عنها بضيق وبصت في العربيه اللي قدامها وشافت الدكتور
=دكتور اهي.. هو الكائن الفيلسوف ده جه معاكي ليه... هو بقا كارت اساسي في حياتي ولا اي
_يابت لولاه مكنتش عرفت اجيلك مفرود تشكري
ضحكت بسخريه من كلامها وقالت
= اشكره.... عاوزني اشكر الكائن ده علي اي ده كان بيهددني تصدقي... طب والله دكتور شريف علي كده كان طيب معانا مش زاي ده بيدخل في شوؤن الغير
_يا زينه والله الدكتور زاي العسل وقمة الاحترام كمان ومن اول ما خطت رجله الجامعه وانتي مش سيباه في حاله حادثه العربيه وانتو الاثنين غلطانين وبعديها اتريقتي عليه في مُحاضرته وهو طلعك بره وكان اي طالب مكانك كان طلعه بردو يعني هو مش مستقصدك ولا حاجه بس انتي عملتي من البحر طحينه وزودتي الهباب سواد وكل يوم تعمليلي مشكله
=انا معملتش حاجه يا منار انا كنت مضايقه وكلامه كان بيستفزني جدا فا تعصبت وعملت اللي هتعمله اي بنت انا ممكن اكون زودتها شوية بس في الاخر انا اللي شربت كله وهو خرج منها سليم
_ ومتنسيش انو ساعدتك ومرداش يسيبك تمشي في شارع بالمنظر اللي انتي كنتي فيه واداكي الجاكت بتاعه ووصلك كمان لو حد غيره مكنش عبرك اصلا، و من حفر حفرة لأخيه وقع فيها وانتي وقعتي فيها من اعمالك فتقبلي الامر
بصت الناحيه التانيه بحنق وربعت ايديها الاثنين، ازاز العربيه اتفتح والدكتور طلع راسه منها وهو بيقول
_ مش كفايه كده ولا انتو ناوين تكملو القعده هنا
ردت عليه منار
=معلش يا دكتور ادينا دقيقه
وقربت من زينه وهيا بتقولها برجاء
_يلا يا زينه نركب وامسحيها فيه المرادي
=مش ركبه
_اخر مره والله ويلا بقا كفايه وقفتنا كل ده
=مشش رااكبه
_طب عشان مروان
=امشي يا منار.. قولت مش راكبه
_طب انتي هتعملي اي هتتصرفي ازاي وانتي معكيش فلوس وكمان مش هتعرفي تمشي علي رجلك
=هتصرف يا منار بس مش هركب مع ده ابدا
_طب عشان..
قاطعتها زينه بحزم
=امشي يا منار
تنهدت منها بملل وقررت ترجع للعربيه تاني وقبل ما تركب وقفها سؤال الدكتور
_وهيا الانسه مش هتركب لي غضبانه من بيت ابوها
=لا مفيش بس هيا مش عاوزه تركب
_وهتروح ازاي
=معرفش قلتلي انها هتتصرف بس مقلتليش ازاي حاولت معاها انها تركب بس مفيش فايده
ومن غير كلام نزل من العربيه تحت نظرات منار المستغربه وهيا شايفاه بيقرب من زينه
_ده ناوي يعمل اي ده... بس اي طلعة شاروخان من العربيه دي
تقرب الدكتور من زينه ووقف جانبها ومن غير ما منار تاخد بالها طلع التلفون وفتحه وحطه قدام زينه اللي بصت في تلفون بتعجب وركزت في صور اللي كانت واقفه فيها مع مروان وبصت للدكتور بصدمه فقال ليها
=ممكن بضغطة زر واحده الصوره دي تتبعت لي بابكي واخوكي كمان ولو الصور دي مش تهديد قوي معايا فيديو متسجل فيه كل الكلام فا تركبي العربيه زاي الشاطره ولا تحبي يتبعتو
كانت منار بتبص من بعيد وهيا بتحاول تسمع الكلام اللي بيتقال بس بسبب صوت العربيات العالي وكمان صوتهم كان واطي معرفتش تسمع كلمه واحده
_هما صوتهم واطي كده لي... ميكُنش بيديها فلوس عشان تركب ولا بيعتذرلها ولا بيعمل اي ده
كانت بصاله بصدمه من اللي بيقولو وهيا مش مصدقه اللي بيعملو ده وملهوش الحق كمان لكنه تجاوز كل حدود فقالت
=انت بتعمل اي يعني انا مش فاهمه هو في حد باعتك ليا يعني ولا بتنتقم في اللي عملتو فيك ولا انت بتعمل لي كده
_اعتبريها غلاسه كده بحب ادخل في شؤون غيري
=بس انت ملكش الحق انك تعمل كده انت دكتوري في الكليه بتاعتي اخرك تديني محاضرتك ومن بعديها ملكش اي حق في اللي بتعملو ده لو عاوز تخليني ادفع ثمن في اللي عملته فيك معأني انا اللي وقعت في الاخر بس كنت تقدر تنزلني في درجات او تسقطني ماشي بس انك تتدخل فيما لا يعنيك ده شئ ملكش فيه ولا ذرة حق حته
_بردو ناويه تركبي ولا ابعت
=طب طب لي بتعمل كده انا عاوزه افهم
_انا عاوز كده او سميها زاي مقولتلك غلاسه
قالت منار وهيا مبتسمه وبتحاول تسمع
_النظرات قلبت حاد والجدال بقا قوي ما بينهم وحركة شاروخان بتاعت شيل وحط في عربيه غصب جايه في طريق
بصت ليه بغضب وكان تاني بيبص بكل برود ومكنش مهتم بنظراتها ابدا فقالت ليه
=انت واحد معندكش دم ولا فيك عرق رجوله من اساس وانا اللي كنت بفكر اعتذر بس كويس اني متسرعتش عشان اللي زيك اخرهم كلام وشوية تهديدات فالحين فيها انما رجوله زيرو
_خلصتي قدامي في العربيه
بصتله لثواني ولفت واديته ظهرها ومشيت
ضربت منار رجلها في الارض بضيق
_يوووو جات يعني علي مشهد الاخير ما كنت كملتها وشليتها وحططها في العربيه و هتكون نسخة شاروخان التانيه
ركبت العربيه من وراها تليها منار اللي ركبت وهتموت وتعرف في اي ومكملتش ثواني والدكتور ركب ومشي بالعربيه وغضوت نص ساعه وصلو للمكان ونزلت منار وزينه
وقبل ما زينه تتحرك قالت منار ليها
_استني يا زينه انتي هتمشي زاي حافيه كده
قالت بعدم الاهتمام وهيا مديالها ظهرها
=مش مهم هما شارعين همشيهم وهوصل البيت
_تمشيهم ازاي استني هدورك علي واحد بيبيع كوتشهات ولا شباشب تلبسيها
استوقفها صوت الدكتور وهو بينزل العربيه وقال
=ملهوش لوزم ثانيه
قالت منار بخبث في سرها
_هيشيل
بس شافته وهو بيروح لشنطة العربيه وبيفتحها وطلع منها كوتش ابيض، فا بصت بيأس وقالت
=مش هيشيل
اقترب الدكتور من زينه وهو بيحط الكوتش قدامها وبيشير ليها فيه، بصتله هيا وقبل ما تلف بصت للتلفون اللي في ايده فا تنهدت ومسكت الكوتش ولبسته وقبل ما تمشي هيا ومنار ناده الدكتور
_ استني يا منار عاوزك ثانيه
بصت زينه ومنار لبعض ومنار بصت ليه وشاورت لنفسها
=عاوزني انا
هز راسه فا تحركت منار وهيا وزينه بس هو قال تاني
_انا عاوز منار لوحدها ينفع تروحي انتي
بصت زينه لمنار وبصتله بتشكك بس في كل الاحوال اتحركت ومشيت من غير كلام ومنار قالت في سرها
=هو مش مفرود هيا البطله اللي دخلني انا... بس صحيح ساعات البطل بيحتاج مساعدة من صديقة البطله عشان يقرب من البطله.. المسلسلات طلعت ليها فايده
اقتربت منه وهو قال بسرعه
_مش هطول في كلام كتير بس انتي معاكي رقم ابو زينه
بصتله لثوان وقالت
=ايوه معايا رقمه
_طب اديني رقمه
=ليي هيا زينه عملت معاك حاجه
_لا بس كل ما في الامر اني عاوز اتقدملها....
#رواية_من_حقي
الجزء السادس
_لا بس كل ما في الامر اني عاوز اتقدملها....
بصتله منار بصدمه وقالت
=اهي.. عاوز تقدملها بس يعني... ازاي
_انا في الحقيقه مش متجوز ده مجرد كلام بقولو لي اي حد عشان محدش يفكر فيا او يحاول يقرب مني والحوارات دي.. بس لما شفت زينه اول مره في حادثه عربيه..... قولي كده حسيت بي حاجه من ناحيتها ولقيت قبول فيها فقلت اخد الخطوه دي دلوقتي بدل ما استني اكتر واتقدم من الباب ..... قولي كده حسيت بي حاجه من ناحيتها ولقيت قبول فيها فقلت اخد الخطوه دي دلوقتي بدل ما استني اكتر واتقدم من الباب
=ايوه ماشي بس يعني انت مش ملاحظ العلاقه اللي مابينك وبين زينه دلوقتي قصدي انو هيا معلش لو هضيقك في كلامي هيا حاليا مش بطيق تجيب في سريتك اصلا فا يعني ازاي
_هعرف اتصرف وهخليها توافق
=ما هو لو حضرتك لو مشيت علي كده مش هتكملو مع بعض انا معرفش انت هتتصرف ازاي بس مهما كان لازم تكون علي رضي الطرفين مش رضي طرف واحد والا كده مش هتكمل
_ فاهمك كويس واكيد انا هعمل كده بس في الوقت ده لازم اتصرف بطريقه اللي ناويها في دماغي وهحاول معاها ولو ملقتش اي نتيجه معاها اكيد هسيبها
بصتله منار لثواني وبعديها قالت
=ينفع اسألك سؤال
_اكيد اتفضلي
=انت مولود فين
بصلها من غير فهم وهيا عدلت من كلامها بسرعه وهيا بتحط ايديها في راسها من غباءها
_قصدي قصدي انت منين يعني مولود هنا في مصر ولا جيت في بلده تانيه ولا ابوك في بلده وامك بلده تانيه ولا انت اصلك اي
بصلها بتعجب بس في كل الاحوال جاوب
=انا اصلي صعيدي بس من بعد ثانويه بدأت اسافر لبلاد تانيه واتعلم لغات واشوف دنيا عمله اي هناك مكنتش مستقر في بلده بس حاليا انا مقيم في مصر
قالت في سرها
_صعييدي اممم قولتلي... ومالو الصعايده ما هما قريبين من الهند بردو
قال ليها وهو بينوي انو يمشي
=ابعتيلي رقم ابو زينه
_اها تمام ثانيه...
=هيا الحفله بكره الساعه كام
_حفله اي
=الحفله اللي عملنها الشوية ولاد وضحكين علي زينه انها حفلة عيد ميلاد
_اهاا قصدك علي مروان وشلته... بس لحظه قصدك اي انهم ضحكين عليها مش فاهمه
=العيال عملين مقلب في الهانم اللي اسمها زينه شايفنها هبله وساذجه وطيبه وعلي نياتها شوية فا ركبوها وكانو عاملين حفله وحولوها لحفلة عيد ميلاد عشان هيا تيجي والله اعلم اللي في حفله دي
_طب هيا ناويه تروح بكره وحظرتها ونصحتها كمان بس مفيش فايده معاها راسها ناشفه واللي بتفكر فيه هو اللي هتعمله ومتعرفش اللي وراه
=ما هو عشان كده عاوزه اتقدملها
_هتعمل اي
=همنعها
_ازاي
تنهد وقال
=حاجه عملها بتخاف منها جدا فا هستخدمه معاها
_هترمي عليها صرصار ولا اي
بصلها بتشنج من اللي بتقول فا قالت هيا بسرعه
=اعتبرني كأني بكلم نفسي وربنا يوفقك
....
رجعت البيت وكان اول من استقبلها والدتها اللي استقبلها بكل وحب والاخره كانت جايه مُرهقه ومكنتش قادره علي نقاش فا دخلت اوضتها ونامت علي سرير بس مكملتش دقيقتين وبتفتح التلفون وبتراسله:
_مرموري.. مرموري
ماشفتش رد منه فا قفلت التلفون وغمضت عينيها بتعب بس وقبل ما تروح في النوم اتخيلت صورته وهيا بتيجي في عقلها خلاها تقلب ملامحها بضجر وفتحت عينيها وهيا بتفتكر اللي عمله معاها لما موافقتش تركب وشافته وهو بيطلع تلفون وبيوريها اللي مكنتش تتوقعه ابدا..
سمعت صوت التلفون وهو بيشير انو في رساله اتبعتت، فتحت تلفون بحماس لما شافت انو رد عليها وكاتب
=نعم
_هيا الحفله اللي هتعملها بكره فيها ولاد كتير ولا لا
=اممم لا مش كتير هما 3 او 4 كده بس هتفرق معاكي
_لا مش قصدي كده بس بحب دايما اعرف كل حاجه عن المكان اللي رايحه فيه قبل ما اروحه
=اممم تمام ماشي...هستناكي بكرا وان شاء الله يبقا يوم جامد
_كده كده انت غير اي حد وليلتك مش زاي اي ليلة
وقفو كلام علي صوت فتح الباب عندها وهيا شايفه مامتها جايه عليها بسرعه وفي وشها ابتسامه بس رغما عن كده قالت لها زينة بضيق
=يا ماما يا ماما بالله عليكي قولتلك لو في اي حاجه عاوزه تقولهالي، في باب في اوضتي الاول خبطي بعديها تدخلي مش تدخلي كده وخلاص
_معلش مختش بالي من كتر فرحه عمياني ومش واخده بالي وقولت لازم اقولك طبعاً ما انتي الاساس
= في اي
_انتي... متقدملك وووواحد....
قالتها والدتها بحماس شديد وفرحه عكس الاخره اللي ملامحها لسه زاي ماهيا بس بعد ما فكرت في جمله اللي سمعتها قالت وهيا بضيق حاجبها
=واحد.. مين ده الواحد ده
غمزت لها والدتها بتلاعب وضحك وقالت
_مش عليا بردو الألعاب دي يابت خلاص كل شئ بان.. بس انا زعلانه منك يعني ازاي حاجه زاي دي ومتقوليليش عليها
=حاجه اي انا.... انا مش فاهمه صراحه انتي بتكلمي عن اي ومين ده اللي جاي
_يابت خلاص مش لازم اعرف هو قالنا كل اللي بينكم وحب يبدأ معاكي بطريقه سليمه وعمل اللي بيعملو اي شاب محترم وانا صراحه مش هكدب انا حبيته اوي وارتحتله
فضلت زينه مبحلقه فيها وبتتمني ميكنش اللي في دماغها صح
=هو.. اسمه اييي كده يا ماما
_ لا ولله بتتاكدي انو هو يعني ولا لا
=اه قولي كده عاوزه اتاكد من هوية الشخصيه اللي بتمني متبقاش اللي في دماغي
_ياسين
فتحت عينيها وابتسمت بعدم تصديق
=الله ينور عليكي.. بس معلش ياماما عشان كنت متفقه معاه علي كلام محدد كده فا عاوزه اعرف قال لبابا اي مش لازم تفاصيل يعني
بصي.. هو عرف ابوكي انو دكتور في الجامعه بتاعتك وشفتو بعض في اول محاضره وحسيتو انو ما بينكم مشاعر وكده فا عشان انتي خايفه تعترفي لابوكي عليه فا اتفقتو مع بعض انكم تعملو تمثيليه الصغيره دي وانو هو هيعرف يقنعه وكده وهو في الحقيقه كان في قمة الاحترام والادب وابوكي واوفق علي طول
قالت بصوت واطي بضيق وحنق
=ابن الاي مكنتش متوقعه انو يعملها عاوز يخليني الزوجه الثانيه ليه لعبه انا في ايده
_بس هو قال انو هيجي بليل يتقدم
=نعم
_فيها اي مش انتو متفقين اصلا بردو علي كلام ده
=اصلا
_انا صراحه وافقت وبابكي واخوكي وجميع العائله وفقت وانتي اكيد موافقه بس توتر هيكلك بس.. يلا استعدي
خرجت والدتها والسعادة تغمر قلبها عكس التانيه اللي مكنتش قادره تستوعب في اللي سمعته من امها هل فعلا ده حقيقي ولا مقلب ليها، وليه الشخص ده اللي متعرفهوش غير في ايام محدوده ناوي يعمل كده لي.....
الاوقات مرت بسرعه والشمس غابت ووقت قدوم ضيوف ما هي الا دقايق علي وصول، كان كل مستعدين ما عدا شخصاً واحد واللي كانت زينه اللي مش مصدقه الحال اللي هيا فيه دلوقتي ولا قادره تتعامل مع الموقف، كانت واقفه قدام المرايه في اوضتها بعد ما عرفت انهم قرابو علي وصول
محطتش ولا اي شئ في وشها عكس عادتها دايما في وضعه في كل مكان بس دلوقتي شي مختلف تماماً، رن جرس الباب واللي كان بنسبلها جرس الخوف والقلق
الضيوف دخلت واستضافهم كل من والدة والد زينه بأبتسامه مرحبا والتانيه كانت ناويه تقفل في نفسها تقريباً ومتطلعش ابدا بس ما من مفر عشان تهرب منه، حته حان الوقت خلاص انها تطلع وتواجهه الواقع اللي هيحدد حياتها الجايه هتبقا ازاي ومع مين وكيف
خرجت من اوضتها وهيا بتجاهد انها ترسم في وشها ابتسامه لطيفه عشان محدش يشك بها ولما جات اللحظه انها تسلم عليه هو نزلت ايديها وقعدت بعيد عنه بابتسامة سامجه في وشها انما تاني عاد بظهره ببرود وعدم اهتمام وتجاهل، ولمه جه الوقت في ان العائله تسيبهم مع بعض وكانت زينه قعده جامبه في مسافه قليلا مابينهم
ولما تأكدت ان مافيش حد معاهم بصتله بنظره حاده وتاني كان زاي ماهو البرود دايما
_هيا فوتت من عقلك لدرجتي ولا اي انت غبي ولا عبيط ولا استحاله تكون واحد عاقل انت عملت اي
=هعديلك كل اللي قولتي اللي فات ده لاني كان مفرود اخد رايك من الاول بس حبيت اجرب طريقه دي فا اي رايك فيها
_تقرف زاي وش..
قاطعها بصوت عالي
=لساانك
ضمت شفايفها بضيق وبصت الناحيه التانيه قفال
_عاوز اخلص اليوم ده بسرعه وطبعا لاني صاحب الفكره من الالف للياء فا مش هستني اخد راي العروسه لانها كده كده موافقه
=نعم.. م موافقه ازاي لا انا مش موافقه
_والله زاي ما قولتلك انا صاحب الفكره من الاول وانا اللي مخطط لكل ده فا ملكيش قرار علي حاجه واخرك تقولي اه او لا علي حاجه اللي هقولهالك زاي شاطره
بصتله بتشنج ومن بروده وطريقة استفزازه ليها وفورا بصت للسكينه اللي في طبق الفواكه وبصتله بس هو كان اسرع منها لما خدها بسرعه وبيحركها بشكل مسلي وهيا كانت بتحاول تبعد عنه عشان متتأذش من السكينه او تيجي فيها فقال
_بصي لما تحبي تمسكي سكينه وتثبتي بيها متحطيش تركيزك فيها او بي معني اصح متحوليش تبصي عليها لان الطرف اللي قدامك هيعرف علي طول وبذات لو هو دارس الحاجات دي بس اي طالما انتي مش قد الحاجه
حرك السكينه ناحيتها بحركه سريع ادت انها ترجع لو وراه بقلق شديد فأكمل هو كلامه بأبتسامه لطيفه
_يبقي متلعبيش بيها تمام يا قطه
هزت رأسها سريعا فا حط السيكنه بعيد عنهم واداها كامل تركيز وقال
=من بكره هاجي اخدك من قدام الجامعه واي مشوار هتروحي تقوليلي عليه تمام
كانت لسه قلقانه منه بسبب حركه السكينه بس بمجرد ما سمعت الكلام ده رفعت حاجبها بأستغراب
_لي شايف معنديش رجاله استأذنه قبل ما اخرج او اروح في حته ابويا واخويا مش عاملين معاك جو ولا دول هفاء عندك
=لا طبعاً ده انا اشيلهم فوق راسي بس مقدرش علي زعلهم او كسرة قلبهم في اللي بنتهم اللي بتعمله فيهم
بصتله بقلق وقالت
_طب انت ناوي تقول لحد
ابتسم ابتسامه بسيطه
=غير لو انتي عملتي اللي هقولك عليه بحرف الواحد هتلاقي الحياه ماشيه زاي المهلبيه بس انتي استهدي علي نفسك شوي
_قصدك اي مالي مش عجباك في اي علي فكره انا نصف الكليه هتموت وتصاحبني بس مكانتي متسمحليش اتعرف علي ناس مش زاي مستوايا
=امم باين اوي
_قصدك اي
=مش قصدي حاجه العائله طلعه شوية وطبعا عارفه هتعملي اي تمام
تنهدت بأستسلام وهزت راسها بنعم
يتبع.....
انتظروووووو الجزء الاخير بكره ان شاء الله
تعليقات
إرسال تعليق