رواية غدر القريب الفصل الاول والثاني بقلم الكاتب مصطفى جابر حصريه وجديده على مدونة النجم المتوهج للروايات والمعلومات
رواية غدر القريب الفصل الاول والثاني بقلم الكاتب مصطفى جابر حصريه وجديده على مدونة النجم المتوهج للروايات والمعلومات
اومال امك فين يا يارا بكلمها مش بترد عليا
يارا بابتسامة معرفش والله يخالتي تلاقيها في الشقة ولا نايمه فوق مانتي عارفة ماما مبتخرجش
خالتها بضحك لا ياختي بتخرج و النهارده شوفتها وهيا رايحه شقة خطيبك اللي قاعد لوحده وكانت عمالة تتلفت حولين منها كأنها عاملة عمله ومش عاوزه حد يشوفها
يارا بصدمة ماما راحت عند كريم ؟ ....ليه مقلتليش .
خالتها بخبث: لو مش مصدقاني تعالي بنفسك واتأكدي يا حبيبتي وياريت تعرفي امك وتفهميها انه مينفعش تزور خطيب بنتها العازب كدا الناس لسانها مبيسكتش.
يارا بجمود: أنا مسمحلكيش تتكلمي كده عن امي .. انتي عارفه ان كريم بيزعل لما ماما تجيلك ومتحودش عليه .. فا تلاقيها كانت جايالك و قالت تروح تشوفه وتسلم عليه الأول
خالتها بسخرية: مين دي اللي بتيجي عندي امك بقالها اكتر من شهر مبتجليش البيت من قبل ما تتخطبي ل كريم اصلا.
يارا بصدمة: نعمممم ؟
خالتها ببرود: اه يا عين خالتك ابقي شوفي انتي الموضوع ده مع السلامه.
..
يارا بذهول: هو في اي ؟ ده امي كل يومين تقولي رايحه عند خالتي وهي مش بتروح طب ازاي و كريم كمان بيقول انه مش بيشوفها بتروح لخالتي و مش بتزوره لا في حاجه غلط وانا لازم اتاكد.
صحبتها جت بأستغراب : في اي يا يارا مالك وشك اصفر كدا ليه وعمالة تكلمي نفسك.
يارا بهدؤء: ها لا مفيش انا هروح مشوار صغير كده ومش هتأخر.
صحبتها باستغراب: ماشي بس هو في اي طمنيني.
يارا سابتها ومشيت بسرعه ركبت عربيتها و راحت شقة كريم...
خبطت ...فتح كريم وهو متوتر: ا يارا ؟...غريبة .. مقولتليش ليه انك جاية؟
يارا بجمود: هيا ماما عندك هنا يا كريم.؟
كريم بتوتر: امك ؟ ... لا مجتش اي اللي هيجيب امك هنا ... ماهي طول الوقت بتيجي ل خالتك ومش بتعبرني وبقولك.
يارا زقته ودخلت: مامااا يا ماااما اخرجي انا عارفة انك هنا خالتو شافتك وانتي دخله اااخرجي يالله.
كريم بغضب: اي الجنان اللي بتعمليه دا قولت لك امك مش هنا هيا لو هنا انا هخبيها ؟
يارا بغضب: امي هنا و خالتي هيا اللي قالتلي و هيا مش هتكدب عليا طلعلي امي دلوقتي حالا.
كريم بهدؤء: خلصتي ؟؟ الشقة قدامك اهي دوري زي مانتي ما عايزة.
دخلت تدور عليها في الغرف .. في لحظة دخول خالتها عزة.
عزة بخبث وزعيق : صلاة النبي هيا بنت اختي بتعمل ايه في أوضتك جوا وانتو لوحدكو كده في الشقه ؟
كريم بصدمة: هتكون بتعمل اي بتحسب امها هنا جت تشوفها يارا تعالي شوفي خالتك.
عزة بغضب وزعيق: تعالي يا زباله ياللي متربتيش .. ياللي بتروحي لخطيبك شقته والله اعلم اي اللي بيحصل بينكم
يارا خرجت بصدمة: انتي بتقولي اي يا خالتي مش انتي اللي كلمتيني وقولتي انه امي هنا وانا جيت اشوفها.
عزة بخبث: محصلش انتي هتتبلي عليا .. دنا كلمتك اطمن عليكي وانتي سيبتيني ومشيتي بسرعه اتاريكي مقضياها مع خطيبك طب كنتوا تصبروا شويه حتي دا كلها شهرين وتتجوزوا..
يارا بدموع: انتي بتقولي اييييي ... انتي عاوزة تشوهي سمعتي انتي ليه بتعملي كدا انا عملت لك اي.
عزة بخبث: اه يا حبيبتي مثلي بقا مثلي انا عارفة الشغل دا كويس اوي وامك انا هقولها واكشف حقيقه بنتها الرخيصة.
يارا بزعيق: اخرسي قطع لسانك انتي جبتيني هنا عشان تعملي كدا فيا عملتلك اي انا.
بتيجي ام يارا : في اي يا عزة متصلة عليا وجيباني علي ملا وشي لي و.. سكتت لما لاقت بنتها واقفه بتعيط.. يارا بتعيطي لي وبتعملي اي هنا.
يارا جريت حضنت امها: الحقيني يا ماما خالتي عاوزة تشوه سمعتي كلمتني قالت لي انك هنا معا خطيبي لوحدكم عشان اجي اشوفك واتاريها عامله ليا كامين علشان تشوه صورتي.
البواب جه.
البواب ل كريم: جرا اي يا استاذ كريم مش عيب كدا كل يومين تجيب ستات ويعملوا مشاكل في العمارة دا ميصحش.
كريم بلع ريقه بتوتر: انت بتخرف بتقول اي ستات اي اللي بجيبهم هنا؟
البواب ببرود : الستات اللي طالعة نازلة من عندك و بيجيبوا لك هدايا كتير اوي.
يارا بصدمة: ستات وهدايا الكلام دا صحيح يا كريم.
كريم بغيظ: لا طبعا دا اكيد عاوز يوقعنا في بعض كلهم عاوزين يوقعونا في بعض واولهم خالتك.
نجوة بجمود: هو ده اللي انتي بتحبيه يهانم ؟ امشي قدامي عالبيت وتشكري يا عزة علي اللي عملتيه مع بنتي وخطيبها.
يارا بدموع: استني يا ماما انا عاوزه اعرف الحقيقه هو بجد في ستات بتيجي لك.
كريم بجمود: عيب يا يارا اللي بتقوليه ده ..بقي انا تشكي فيا متوقعتهاش منك.
نجوة بزعيق: قولت يلا علي البيت كفايه فضايح لحد كدا.
خدت يارا ومشيوا..
بعد شويه في البيت...
يارا بدموع: والله يا ماما خالتو هيا اللي عملت كده انا معملتش حاجه.
نجوة ببرود: اي وداكي عند خطيبك وبعدين اي حكاية النسوان اللي بتروح لخطيبك دي.
يارا بجمود: اكيد خالتي اللي سلطت البواب يقول كدا .. لأني واثقه في كريم أنه ميعملش كده.
نجوة بغيظ: بلا واثقه فيه بلا زفت علطول بقولك الواد دا انا مش بطمن له ولا برتاح له لانه طماع وعاوز فلوسك فا لازم تسيبيه .
يارا بغضب: يووه هو كل شويه نفس الاسطوانه انا مش هبعد عن كريم و اختك متحضرش فرحي ولا عايزه اشوف وشها تاني .
نجوة بغضب: فوقي قبل ما تضيعي نفسك هو كل همه الفلوس اللي ورثاهاولو لاقي الاغنى منك هيجري عليها.
يارا ببرود: لا طبعا هو بيحبني وعن اذنك محدش يتدخل بيني وبينه ... أنا هروح احاول اصلح الهباب اللي اختك عملته دا.
بليل...
كريم ببرود: انا خالتك دي مبتزليش من زور من زمان ومتاكد انها متغاظة عشان متجوزتش بنتها و خطبتك انتي.
يارا بتفكير: عندك حق يا كريم انا هقطع علاقتي معاها هيا وبنتها ... المهم اي رايك ننزل نتعشي برا.
كريم بخبث: لا أنا زعلان بسبب اللي حصل ده وزعلان منك بسيب شكك فيا وبهدلت خالتك ليا
يارا بابتسامة: وانا ميهونش عليا زعلك وهصالحك وهجيبلك الساعة اللي كان نفسك فيها.
كريم بفرحه : بجد ؟؟ .. اذا كان كده ماشي هلبس وانزل اخدك ونروح نتعشي
يارا بابتسامة: ماشي يا حبيبي وانا هروح والبس بسرعه.
عند نجوة..
عزة بهدؤء: هنعمل اي اكتر من كده ... بنتك ماسكه في الواد بأيديها وسنانها.
نجوة بغيره: معرفش بس انا عاوزاهم يسيبوا بعض بأي طريقه وخططتي هتنجح حتي لو حصل اي.
عزة بخبث: طب مش خايفه من كلام الناس واللي هيقولوا عنك انك سرقتي خطيب بنتك وكمان قبل فرحهم.
نجوة بغيظ: اللي يقول يقول انا هعمل اللي في دماغي مليش دعوه بكلام الناس.
عزة بتوتر: طب ناوية تعملي اي المرة دي.
نجوة بخبث: خاليها مفاجأة يا اختي.
بعد شويه...
كريم بيخبط علي الباب...
نجوة فتحت بدلع: اي دا كيمو تعالي يا حبيبي نورت بيتك ومطرحك.
كريم بهمس: اوعي تكوني قولتي ل يارا انك كنتي عندي في الشقه ؟
نجوة بدلع: لا طبعا انت عاوزاها تفهمنا غلط ؟ وبعدين انا كان غرضي ازورك بس الحمدلله انك هربتني من المطبخ.
كريم بهمس وغيظ: طيب يا نجوة بصي خلينا منتقابلش الفترة دي لحد اما نتجوز انا وبنتك.
نجوة بغضب: نعمم وانا لسه هستني لما تتجوزها جرا اي يا كريم هو انا مبقتش اعجبك دلوقتي اومال فين كلامك بتاع ياريتني اتجوزك انتي يا نجوة ياريتني قبلتك انتي قبلها يا نجوة انتي الكل في الكل يا نجوة.
كريم بتوتر: بس اسكتي هتفضحينا ... بصي انا مش عاوزها تسيبني .. وانسي كل الكلام اللي كنت بقولهولك انا بحب يارا وعاوزاها.
نجوة ببرود: ماشي يا خطيب بنتي بس اسمع انت اللي هتندم مش انا.
يارا جت من وراها بصدمه : هيندم علي اي يا ماما ؟؟
2 / انا هتجوز يارا يا نجوه ومش هسيبها.
نجوة ببرود: لو مسمعتش كلامي ومفسختش خطوبتك منها هخليك تندم صدقني
يارا جت من وراها بصدمه : هيندم علي اي يا ماما ؟
كريم بخضة: يارا كويس انك جيتي في وقتك انا كنت بتكلم عن فرحنا و حماتي كانت بتوصيني اني مزعلكيش عشان متخلنيش اندم صح يا حماتي
نجوة ببرود: صح يا عيون حماتك .. انا دخله اجهز العشا اصل في ضيوف جايين و انتي يا يارا كنسلي خروجك مع كريم النهارده عشان عمك جاي ومينفعش تكوني برا
كريم بغيظ: مش هنتاخر يا حماتي هنيجي قبل ما عمي يمشي.
نجوة بهدؤء: عمها عاوزاها في شغل و انت روح وتبقي تعوض الخروجه دي بعدين.
يارا بحزن: بس يا ماما انا لازم انزل في ميعاد مهم جدا مع محل دهب
نجوة ببرود: يتأجل يا يارا جرا اي وبعدين محل الدهب لي.
كريم بتوتر: اصلها هتصالحني ب ساعة دهب حبتها و انا كنت هرفض بس قولت اهو كله ليها في المستقبل.
نجوة بهدؤء: ااه قول كده .. طب يلا يا يارا خشي و انت يا كيمو ابقا زورنا بعدين يا حبيبي.
كريم بغيظ: ماشي يا حماتي عن اذنكم.
...
يارا بغضب: اي دا يا ماما عمي كان هيستنا لكن كريم انا عاوزاه اصالحه بعد اللي حصل من اختك ده
نجوة ببرود: بلا تصالحي بلا قرف ... يلا علي المطبخ شوفيهم جهزوا الاكل ولا لسه.
يارا بملل: طيب يا ماما.
بعد شويه...
يارا بابتسامة: ازيك يا عمي اتفضل نورتنا.
هشام بابتسامة: بنورك يا ست البنات اومال فين الحجة.
يارا بهدؤء: في المطبخ اي دا حاتم ازيك بقالك كتير مجتش عندنا.
حاتم ببرود : عادي يعني مش بكون فاضي .
يارا ب احراج: ربنا معاك هروح انادي ل ماما ثانيه واحده.
راحت تناديها و هشام بص بغيظ ل ابنه: هو انت متعرفش تتكلم عدل ابدا لازم كلامك اللي زي السم دا.
حاتم ببرود: انا مكنتش عاوزة اجي وانت اللي اجبرتني يبقي متطلبش مني اي حاجه
هشام بغيظ: ماشي يا بن عفاف اما نمشو نبقي نتكلم
نجوة جت بابتسامة: الحج هشام يا الف خطوة سعيدة كل دي غيبه بقالنا سنين منعرفوش عنك حاجه
هشام بهدؤء: معلش يا حجة الدنيا تلاهي وانا جيت اطمن عليكم.
نجوة بابتسامة: ازيك يا حاتم يا حبيبي مامتك عاملة اي وانت شغال في اي دلوقتي
حاتم بهدؤء: ماما كويسة و انا بقيت ظابط الحمدلله
نجوة بضحك: طب الحمدلله لو كنت أعرف أن هشام عنده ابن بالجمال والشطاره دي كنت خطبتك لبنتي بدل اللي مش معاه غير الابتدائية ده
يارا بغضب: ماما اي عيب الكلام دا في اي ... دلوقتي كريم متربي و شغال كويس.
هشام بهدؤء: خلاص يا جماعة صلوا علي النبي يلا نقعد ناكل عشان وحشني اكلك يا حجة واكل يارا
نجوة بابتسامة: ماشي يا حج اتفضلوا علي السفرة.
راحوا ياكلوا بهدؤء..
نجوة بفضول: الا قولي يا حاتم انت خطبت ولا في بنت شاغلة دماغك او حاجه.
حاتم بهدؤء: لا ومش بفكر في الموضوع لاني مبطقش قد صنف الحريم.
يارا بسخرية: دا علي اساس انك انت اللي تطاق والله اشك انه حد راضي يبصلك اصلا.
حاتم بخبث: من ناحية يبصوا ف هو كتير اوي يتمنوا بصة واحدة مني.
يارا بضحك: تلاقي نظرهم ضعيف ولا طماعنين فيك.
حاتم بهدؤء: وانا عبيط عشان معرفش الطماع من اللي عينه مليانه يا يارا.
نجوة بسخرية: قولها يا بني احسن دي لازمها درس ومش هترتاح غير لما حد يضحك عليها وياخد اللي وراها واللي قدامها
هشام بهدؤء: هو انتو كل دقيقه كدا ناقر ونقير .. الا قولي لي يا يارا فرحك امتي عشان انا مجهزلك حتة فسحه ل امريكا جنان لشهر العسل بتاعك.
يارا بفرحه: بجد شكرا اوي يا عمو ربنا يخليك ليا وميحرمنيش منك ابدا.
نجوة بصت لحاتم: حاتم خلص اكلك عشان عاوزاك في موضوع.
حاتم بابتسامة : حاضر يا مرات عمي.
عند كريم..
كريم بغيظ: انا مش عارف اكون مع انهو واحدة فيهم البت ولا امها انا اتخنقت.
صاحبه: يابني انت كل اللي يهمك الفلوس وبس مش مهم تكون مع اي واحدة فيهم.
كريم بتفكير: بردو مش عارف نجوة في ايديها الفلوس و يارا اللي هتورث كل دا بس امتي نجوة تموت ويارا تورث.
صاحبه بخبث: طب واللي يحلهالك بقا تديله كام في المصلحه دي.
كريم بلهفة: هديله اللي يطلبه بس يحلها البت بتحبني وامها بتحبني اروح لمين.
صاحبه بمكر: هقولك تكون مع امها تتجوزها وتخليها تتنازل ليك عن كل حاجه.
كريم بتفكير: بس تفتكر يارا هتسكت ولا نجوة هتوافق.
صاحبه باستغراب: الله مش انت بتقول بتحبك وبتجري وراك اي اللي هيمنعها.
كريم بهدؤء: عندك حق يبقا كدا نقلع دبلة السنيورة الصغيرة و نجري علي ست الكل الكبيرة واخليها تكتب لي كل حاجه.
صاحبه: هو دا ومتنسش صاحبك بقا في الخير اللي هتشوفه.
كريم بخبث: اصبر انت بس دا احنا هنشوف خير مشفنهوش في حياتنا كلها هتجوز الام و اتسلي مع بنتها الحلوة.
صاحبه بمكر: دا انت دماغك داهيه ياض يا كريم.
عند نجوة.
نجوة بتوتر: بص انا عاوزاك في خدمه مش هنساها لك العمر كله.
حاتم بهدؤء: خدمة اي يا مرات عمي شغلتيني انتو كويسين ولا في حاجة.
نجوة بخبث: انا عاوزاك تحاول تقرب من يارا وتشغلها عن خطيبها اللي ما يتسمي دا.
حاتم بصدمة: نعمم اي الكلام الفارغ دي يا مرات عمي.
نجوة بتوتر: مش كلام فارغ انا عاوزه ابعدها عنه باي تمن ..
اصل الواد دا انا مش مرتاحه له و هو ملوع كدا و طماع ف هيا مش بتسمع مني وانا عاوزاك انت تشغلها عشان تسيبه.
حاتم بهدؤء: لو هو طماع و انتي فعلا بتحذريها وهي مش سامعه خلاص سبيها براحتها اللي بيشيل قربة مخرومه بتخر علي دماغه.
نجوة بغيظ: وانا مش هستنا بنتي تضيع ومش لاقيه حل غير دا يا حاتم وحاولت اوقع بينهم قصدي ابين حقيقته بس هي مش مقتنعه اصلا.
حاتم بشك: ماشي يا مرات عمي هحاول اقرب من بنتك بس مش زي اللي في دماغك لا هقرب ك اصحاب وبس.
نجوة بابتسامة: وانا راضيه ب اي حاجه بس تشغلها عنه يا حاتم.
حاتم بهدؤء: ماشي اتفقنا.
تاني يوم..
يارا نازلة بابتسامة: صباح الخير يا ماما انا نازلة الجامعه عاوزة حاجة.
نجوة بابتسامة: خدي بالك من نفسك يا حبيبتي واه انا طلبت من حاتم يوصلك وهو وافق.
يارا ببرود: لا مش عاوزة منه حاجه انا هطلب اوبر سلام.
نزلت لاقته قاعد في العربية مستنيها تجاهلته ومشيت قدام..
حاتم بغيظ: الصبر من عندك يارب انا مش بطيقها هروح اتقرب منها هو انا ناقص خنقه
نزل وراها: استني يا بت انتي امك قالت لي اوصلك ف من الاحترام لاقتيني مستني جنابك تيجي متمشيش كدا.
يارا ببرود: خلصت ؟ انا مطلبتش منك حاجه دا اولا تاني حاجه انا محترمه غصب عنك فاهم.
حاتم بغيظ: لا لمي لسانك معايا هلطشك كف اجيبك عالارض
يارا بسخرية: اعملها وانا احبسك فيها وابقي البنت اللي سجنت بن عمها الظابط.
حاتم ببرود: صدقي خوفت طب جربي كدا تعمليها وشوفي هعمل فيكي اي.
يارا بخبث: مانا مش هعمل كدا انا هعمل الانيل منها بمراحل جاهز تشوف.
حاتم بسخرية: اللي عندك اعمليه اخرك بوق وبس.
يارا بصويت: الحقوووني متحررررش يا لهوووي عاوز يخطفونييي الحقوني يا ناااس.
الناس اتلمت: مش عيب كدا يابني وفي عز النهار كمان.
حاتم بصدمة: عيب اي انا بن عمها وهيا بتهزر مش كدا يا يارا.
يارا بخبث: لا مش بهزر وهو مش ابن عمي ولا اعرفه خدوه علي القسم وربوه حسبي الله فيكم مش سايبن البنات في حالها.
راجل كبير: يابنتي هو شكله ابن ناس اكيد مش قصده
يارا بغيظ: هو انت تبعه ولا اي اها قولوا كدا انتو شكلكم تعرفوا بعض وعصابة و عاوزين تخطفوني صح.
حاتم للناس: معلش يا جماعه هي كدا لسعه شوية و انا الظابط حاتم العزازي ولو تنادوا علي مامتها هتقولكم اني ابن عمها وهي مخها مفوت.
يارا بغيظ: بردو مش هركب معاك مستحيل اركب معاك.
بعد عشر دقايق..
كان سايق وهي راكبه جنبه..
حاتم بضحك: يعجبني ثباتك علي المبدا.
يارا بغيظ: دا عشان الناس اتحيلت عليا بس وبعدين انا اتاخرت ف مكنتش حابة المحاضرة التانية تضيع مني.
حاتم بابتسامة: تيجي نزوغ من الجامعه وتيجي معايا القسم افسحك فيه.
يارا باستغراب: طول عمري اسمع عن الخروجات في الملاهي علي النيل في مطعم كافية اول مرة حد يقول افسحك في القسم.
حاتم بابتسامة: نحن نختلف عن الاخرون
تليفونها رن ب رقم كريم..
يارا بابتسامة: الو يا حبيبي صباح الفل انا نزلت اروح الجامعه و بن عمي بيوصلني.
كريم بملل: ماشي بقولك اي معكيش اربع تلاف سلف عشان الايجار عندي متاخر والقبض لسه منزلش اول ما ينزل هبعتهولك علي طول.
يارا بابتسامة: حاضر هحولهم لك من علي المحفظة حالا انزل اسحبهم.
كريم بابتسامة: تسلمي لي يا حياتي يلا سلام.
ش
قفلت معاه وبص لها حاتم.
حاتم باستغراب: في اي يا يارا محفظة اي وتحولي اي.
يارا ببرود: وانت مالك دي حاجه شخصية علي فكرة وبقولك اي لف روحني انا من ساعت ما اصطبحت يوشك وانا نفسي مسدوده.
حاتم بغيظ: بقي كدا طب عند هروحك وهقضي اليوم معاكم.
يارا بغيظ: دنتا بارد والله.
بعد شوية عند نجوة..
نجوة بدلع: بس انت مقولتش انك جاي اي وحشتك جيت تشوفني مثلا.
كريم بخبث: اوي يا نونو وبصراحه جايب لك خبر هيعجبك موت.
نجوة بابتسامة: خبر اي شوقتني اعرف.
كريم بخبث: هو انا بصراحه معرفش ده حصل ازاي بس انا معجب بيكي انتي ومبقتش قادر اعيش من غيرك عشان كدا انا هفسخ خطوبتي من بنتك و هنتجوز انا وانتي لاني مش قادر اكتم مشاعري عن كدا تتجوزيني يا نجوة.
يارا بصدمة : نهار اسود .. انت عايز تسيبني وتتجوز امي ؟؟
كريم ونجوة بصدمة : يارا ؟؟
تسلمولي عالدعم والتفاعل أتمني يتكرر عالبارت ده ؟
يتبع
تعليقات
إرسال تعليق