رواية العشق الحلال بقلم الكاتبه ندي احمد حصريه وجديده وكامله جميع الفصول على مدونة النجم المتوهج للروايات والمعلومات

رواية العشق الحلال بقلم الكاتبه ندي احمد حصريه وجديده وكامله جميع الفصول على مدونة النجم المتوهج للروايات والمعلومات 

نقال نادر يرن وهو داخل المستشفى بعد ضغط شغل في دار الاسعاف

نادر واقف متكي على الحيط و مقابله زميله محمد المسعف رد نادر الووووو

وفجأة فشل مع بعضه وايده ارتخت ونزلت وطاح منه النقال

نزل تحت وعيونه مليانات دموع في صدمة

محمد قعد مستغرب يشبح لنادر :

نادر خيرك شن فيه ... شن صاير ..

نادر يتكلم ولا حركة صدرت منه

وتلفت لمحمد .. اسماء...

محمد : خيرها ...

نادر :..؟!؟! 

محمد : خيرها ... تكلم يا راجل شن صارلك ..

نادر : میته سريريا .. مفيش امل

انها تفيق .. (بمعنى احتمال تقعد طول حياتها تحت العناية ... عايشة بالجهاز وبدون جهاز تفارق الحياة )

 محمد مصدوم : لا حول ولا قوة الا بالله .. كيف صار ... غر نوض

ونوض نادر و خداه برا قسم الاسعاف وطلعوا .. )

نادر مقعمز في جردينة المستشفى ... وجنبه محمد ويبكي ...

وناض نادر فجأة 

نادر : اطلع بیا یا محمد مش طايق المكان ..

محمد ناض : به استنا نجيب النقال والمفتاح في الدولاب ..

ومشي وجي بسرعة

محمد : هي نمشوا ... ؟

وركبوا السيارة وطلعوا

نادر : نحساب تنجح عمليتها بعد الحادث يا محمد ..

محمد : شن صارلها بالضبط

نادر: وهو يمسح في دموعه وهما ينزلوا ما بطلش وهو يبكي

نادر: دارت حادث بسيارتها رفعوها تحت العناية حالتها صعبة .. مش مصدق كذب .. ويعيط نادر عياط عليها في السيارة )

محمد : لا حول الا لله .. ادعيلها ربي قادر يدير معجزة وتوقع تفيق .. ما تيأسش .. .. وحط ايده على كتف نادر ) .. لا حول ولا قوة الا بالله ..

نادر: وهو يشبح لذبلة في ايده

اليمين : حددنا حتى العرس يا محمد.. 

وقعد يخبط بقبضة ايده على الفودرا السيارة ... كله مني انا .. كله مني ... كيف نوافقلها على السواقة .. كيف...

قالتلي نبي نسوق يا محمد انا قلتلها باهي سوقي

محمد ويتلفت لنادر ويسوق ومتأثر :

يا صديقي هذا قدر وقضاء من الله قول الحمد لله على كل حال ادعيلها بالشفاء العاجل ...

نادر: يتكلم زي المهبول بروحه :

كيف ندير حياتي من غيرها .. مش متخايل بكل نفقدها .. كيف نعيش بلاها قول لي يا محمد ..

محمد: تأثر هلباااا وكان موجوع على زميله وصديقه ..

نادر: بعد فترة من خبر اسماء ويحكي بينه وبين نفسه انا مش انا من بعد ما جاني خبرها

وانا:... 

لا هواء نشم فيه ولاني عايش ..

الدنيا تغيرت رمادية

ضحكتها صوتها .. عيونها ..

من يوم فارقتني وانا مش انا .. انا

انسان عايش على الهامش ... )

عودة« « « «

للماضي » » » »

موسم الميلود نادر مشي بروحه لاسماء في حوشهم وبما انه مطولة فترة الخطوبة شرطوا خوتها انه يقرا فاتحة لو يبي يشوفها بين فترة وتانية

وقري عليها الفاتحة رفع موسمها بروحه ..

طلعت اسماء لجنان وكبهت عليه

وهو في السيارة : تعالا خش شن في الجنان برا وتلفتت فوق للعمارة )

ابراج المراقبة ههههه

نادر ضحك : خلي يشوفوا مش حلالي .. حتى نخطفك توا نهرب

بيك ماحد يقدر يتكلم ..

اسماء ضحكت ووجهها احمر : غر زود هيا ..

ونزل نادر من السيارة ..

وخش لصالون ..

اسماء وهي شادة الهدية : ثواني ونجيك خلي نجيب العصير ..

خشت وهي متحشمة والابتسامة منورة وجهها ..

لابسة قفطان شيفون بأكمام وطويل .. شعرها قصدلي وطويل وكثيف مستشور مفتوح

اسماء طبست على نادر بالسفرة : تفضل ..

نادر خدي السفرة منها : هاتي جاي مانبيش السفرة انا .. وحطها على الارض ) تعالي جاي جنبي ( وشدها من ايدها وجبدها جنبه قعمزت ) 

نادر : انا مستاحشك وانتي ادفيلي في العصير .. جاي على خاطرك انا وحول شعرها ورا ودنها .. وشد ايدها بقوة وهي متحشمة )

نادر : نستنا ف العرس امتى يجي

عييت من المشي والجي بش نشوفك انا

اسماء وهي بصوت ناعم وهاذي :

هما شهرين بس ..

نادر وهو يتسهوك على صوتها

الرقيق : والله يا بنت الحلال ؟

سهرین ii بس ii .. جديات تحكي.. ...

اسماء : ههههه

نادر : لا سوية سهرين الحق ...

وقعدوا يهدرزوا يهدرزوا ...

ودخل نادر ايده في جيبه

وطلعها .. : هاك ..

اسماء : مفتاح شنو ..

نادر : سيارتك ..

اسماء : اما سيارة ..؟

اللي جيت فيها ..

اسماء فرحت وحضناته من

فرحتها .. 

جديات السيارة اللي في الجنان ليا ؟

نادر : نوضي اطلعي ديري بيا دورا

اسماء : نخاف في الليل توا مقلوبة الدنيا.. اليوم موسم ...

نادر : هههههه وريني شجاعتك في السواقة الايام الجاية

قعمزت اسماء في السيارة وهي فرحانة وجنبها نادر .. وصوروا سيلفيات في السيارة 

» » » عودة للحاضر ( ( )

نادر وهو متكي في داره فاتح صوره هو واسماء يوم الموسم ويبكي ...

الباب .. طقطق وانفتح..

مسح نادر عيونه وناض قعمز بسرعة ودار راسه لوطا يداري في وجهه.. 

ام نادر نادر نوض تغذا سلم ولدي

من امس ما كليت شي ..

نادر : لالا ما عنديش نية ..

ام نادر : غر نوض كول ..

نادر : لا لا والله مانبي ..

طلعت ام نادر ومستائة على حال

ولدها .. وسكرت الباب

دورا صوت کلاکس

خوت اسماء ردوا لنادر حاجاته

قفطان البيان وذهب اسماء وكلشي جابهولها .. وروحوا

وهو طلع من الدار مالحقش عليهم ..

نادر : يما شن هاذم ..

ام نادر : کلمتني ام اسماء امس ..

قالتلي الدنيا فيها حياة وموت وهاذي حاجاتكم خلوها عندكم ..

كان فاقت بنتي هما ليها وكنهذا الله غالب ..

نادر : مفروض ما خديتيهمش يام خليتيهم ..

ام نادر : مفهمتش قصدهم قاعد انت ؟

ناادر : شن ..

ام نادر : معناها كان ولدكم بيتزوج خلى يتزوج ..

نادر : الله يام الحوش اللي فوق ماهي معفساته غيرها ...

وقعد واقف زي الجماد سرحان وعيونه في قفطان اسماء .. ورجعت بيه الذاكرة الى يوم البيان

ضحكتها نظراتها .. وهما ياخدوا في اللقطات مع بعض .. وهما يلبسوا في الدبل ..

وحنتها مزخرفة على صوابعها وكفوفها ..

طلع وسيب المكان .. اللي هو فيه.. لم دبشه

وهو نادر شنطته في ايده ونقاله

امه : على خير وين ..

نادر : بايت في الحوازة نبي نشم

هواء ربي.. نحس في نفسي منغمة ..

ام نادر: به وليدي برا وسع

خاطرك .. دير بالك على روحك

وما تطلعش في الليل في الندوة ..

باس نادر راس امه ماتزعليش مني عارفة علاش

 ام نادر : معدور الله يرضا عليك ..

وطلع .. ركب السيارة ...

وامه واقفة على الباب تطمن عليه لين وخر وطلع ..

نادر: قام نقاله واتصل ب سامي خو اسماء

نادر : ايوا سامي .. شن الامور ..

سامي : الحمد لله من ربي بخير ..

نادر : وتي جوازك وصورتين بنجروا على تأشيرة بنروحوا بأسماء هني ..

سامي : لكن جهاز مفيش هني كيف ؟

نشروه من المستشفى نفسها جهزت مبلغ شن قلت نطلعوا .. ؟

سامي : به تم ...

صكر نادر الخط وهو مقعمز ياخد في دخانه وملامحه كله تخميم وهموم ..

من بعد صار لاسماء هذا كله خش على الدخان )

* عند سامي

خش سامي على امه وبوه ..

سامي : كلمني نادر توا .. قال وتي وراقك نمشوا نروحوا بأسماء ..

بو اسماء : شنوو شن يخرف هذا ...

كيف يتصرف بلا علمنا

ام اسماء : لالا مش معقولة ..

بنتي تموت كنهذا .. نجيبوها هني يضيعوها

سامي : يام بوي اسمعوا قبل .. نكمل وعلقوا بعدين قولوا رايكم ..

بو اسماء : ...

ام اسماء : ...

سامي : قال بيشريه الجهاز من المستشفى وجهز مبلغ كويس ..

.. ام اسماء : اها باهي كان هكي

ابو اسماء نط في زوجته :

اسكتي انتي ( وشبحلها شبحة

قوية .. وتلفت لسامي وانا مش

بوها ياخد مني الشيرة يتصرف بلا علمي ..

سامي : وااااك الواحد يندم يقوللكم حاجة .. وطلع )

قام نقاله عیسی (ابو اسماء : الوو

نادر : ايوة عمي عيسي

عيسى متكنطي : انت كيف تاخد وتلبز  من وراي من غير ما تاخد شيرتي بنبرة جافة )

نادر : ... كيف ؟

عيسى: كيف تقول نروح بالبنت

وكان يضيعوها هنى ..

نادر تكنطا : يا عمي اسمعني انا بنجيبها بسريرها وجهازه من المستشفى .. ونجيبلها ممرضة فلبينية اداوم عليها في الحوش انت السبب واخدلها سيارة كنهذا .. ما صارش لصاير فيها تو .. ومزال لين بتقطعلها نفسها مرة وحدة نادر ولع وبدي يسمس : انا ولي امرها يا عمي قاري فاتحتها ماتقدر ادير شي ..

عيسى : انت ضيعتلي البنت ..

عيسى : لعنة الله عليك .. يلعن هذاكا اليوم لعطيتك فيه البنت وسكر الخط -.....-

وتم الوراق ونادر هو وصاحبه محمد مدرسین قدام حوش اهل اسماء يستنى في سامي ..

سامي وهو كيف طالع شاد الشنطة ..

ام اسماء وهي بصوت واطي : فيسع اطلع قبل ليستاقض بيك بوك ..

سامي وهو يسلم على امه كيف بيطلع ..

طلع عيسى من الدار : على خير ؟؟ وين طالع ؟

سامي : مسافر لتركيا ...

عيسى رفع ايده بيضرب سامي ..

مديحة وقفت بين ولدها وراجلها

وشدتله ايده : استهدا بالله صل على الرسول

وطلع سامي قام شنطته

عيسى : ما كاسرلي كلمتي غيرك انتي وولادك .. ونفض ايده من

مديحة وخش لدار متكنطي )

ركب سامي من الخلف مع محمد اللي يسوق ونادر جنبه

سامي سكر الباب بسرعة : اطلعوا

اطلعوا بسرعة قبل ما يفجرنا

محمد : ههههههه

وطلعوا

نادر : ضحكتني وماعنديش خلوق لضحك ..

سامي : يا رااااجل والله شي يفدد مزال غر ماحكمش في جيرانا ..

محمد : حسيته متعصب هلبا وكل شي يحسبله ..

سامي : هذا حال التقاعد .. مكسد علينا يا خال

نادر يهدرز لمحمد : تعرف انا اول ماجيت نخطب في بنته نشبح فيه مكوش .. انا معش عرفت منين نبداله تعرف هذا شن قالي ...

محمد : شن... 

نادر : خلا بوه ناض شوي .. قالي

ما ادوراش ريح بالك بوي هكي

حواجبه ... 

وانا عاد وين تلقاني شاد

روحي بالسيف من الضحك

محمد : ههههههه ماليكش حل انت

سامي : هههه قعدت نطمن فيه

منبيشي تركبه حالة اليأس ..

وطلعوا للمطار وركبوا الطائرة ونزلوا لمطار اسطنبول

واستقبلهم خو اسماء الكبير ...

سلموا وطلعوا ركبوا تاكسي

جهاد : سامي كيف حال بوي ...

سامي : باهي ماشية اموره ..

جهاد : مش معارض.. كيف خلاك تجي

سامي : سلتها قالت حناي ... خليته والع .. 

نادر : نبوا المستشفى يا جهاد ..

جهاد : به ارتاحوا قبل بعدين نمشوا ..

نادر : لالا خلينا طول للمستشفى ..

ووصل نادر وخوت اسماء الزوز جهاد

وسامي ..

نادر لبس وخش ..

يشبحلها متأثر وقعمز .. ..

اسماء وهي على ظهرها وجهاز

التنفس راكب وجهاز تخطيط

القلب ..

وجهها اصفر ...

نادر وهو يلتفت لجهاز القلب ويسمع في الصوت ..

شد ایدها ويكلم فيها : اسماء ..

تسمعي فيا .. انا نادر جيت انا وخوك سامي بنروح بيك يا قلبي .. وقعد يفضفض )

.. اسماء تسمعي فيا مزال نبيك ومش مسيبك طبس راسه وبوس ايدها بحرارة ) انحبك نوضيلي فيسع هيا راني محتاجلك والحياة بلا صوتك ووجودك اخيه مستنيك عمري كله ..

وقعدوا قريب اسبوع وهما يدوروا في جهاز جديد لان المشفى رفضوا ان يبيع | اجهزتهم ولقوا واخيرا وحط نادر مبلغ لا باس بيه ...

تموا الاجراءات ووقع نادر على ورقة خروج اسماء .. وروحوا بيها هو وجهاد ومرت جهاد مرت خو اسماء ) وسامي .. 

ووصلوا بيها للمطار ...

جهاد النادر : كلمت الاسعاف ؟

نادر : اي محمد هو اللي جاي بيها ..

جهاد : خلي نكلم امي نقوللها تفضي دار اسماء بش يقعد مكان السرير والاجهزة ..

نادر : لالا بنحطها عندي في

الحوش ..

جهاد : كيف ؟

نادر : نبيها عندي

جهاد : لا والله ماتجي يا راجل ..

حوش بوها اولا ..

نادر : تي مرتي حلالي يا راجل ...

شن ما تجيش ..

جهاد : ........ دبر راسك .. بوي

يعلم ؟ ) وتلفت لسامي)

سامي : لا ...

جهاد : تعرف كان نندري هكي والله ما خليتك تقيمها من غادي نادر طنش خشمه الجهة الثانية :

خلي .. الحاج عيسى نتفاهم انا وياه ماحد ليه علاقة ..

وركبوا اسماء لسيارة الاسعاف ومعاها نادر .. ( كان في خاطره تخش للحوش وتروحله وهو يبي يدير اللي في خاطره حتى لو هي غايبة سريريا )

ووراهم سامي وجهاد وخوهم عبد الرحمان لللي استقبلهم من مطار

وجهاد هو في الطريق اتصل ببوه

جهاد : ايوه بوي

عيسى : وصلتوا ؟

جهاد : اي ... اسمع ..

نادر قال

بيروح بيها لحوشه غادي.... 

عيسى : شني وانت خيرك ما وقفتاش ... ؟

جهاد : قالي حلالي شن تبي نرد عليه ..

عيسى : يلعن جدوركم ما اطلعوا

بقرة من طين .. زيك زي الحيط انت وياه ملك لها الشكالات ..

وقطع الخط في وجه ولده

عند عيسى

يلبس في كبوطه بسرعة ..

مديحة : على خير ..

عيسى : منين بيجي الخير وانا من يوم عطيت بنتي لها الفرخ وانا في الهم وايام سود

مديحة : استهدى بالله يا حاج ..

عيسى يلبس في كندرته : هذا عارفة بيمشي كلمته عليا بيديرلي العار وفروخ حالين شدقهم .. ( وايد شادة فردة الكندرة .. ونفخ شدوقه هواء واشر بصبعه لخده ودار فشة )

اهو ماشيله انا غادي لحوشه قبل ما يوصل ...

ومشي عيسى و درس قدام حوش نادر ويستنى في سيارة الاسعاف ..

وصلت سيارة الاسعاف ونزل محمد وزوز ممرضين ونادر . ..

عيسى : ماتنزل شي انت وياه .. وتلفت لنادر وركه کف ( طراااخ ) یا قرد .. وين تربية اهلك فيك .. ياللي ما تتحشم مروحتلك هي بش تبي تحطها عندك ..

ومحمد يحز ..

#العشق_الحلال 

الحلقة التانية

للكاتبة ندى احمد

عيسى : ماتنزل شي انت وياه ..

وتلفت لنادر وركه کف ( طراااخ ) یا قرد .. وين تربية اهلك فيك .. ياللي ما تتحشم مروحتلك هي بش تبي تحطها عندك ..

ومحمد يحز ..

نادر ولا حركة : الدين ما يمنعش ان نروح بها .. بنتك مرتي و قاري عليها الفاتحة ..

حتى ما روحتش بعرس ودوشة في شرع ربي حلالي ..

جو التموا الجيران .. خير شن فيه .. شن صاير ..]

واحد من الجيران : یا حاج كلامه مزبوط .. ارخي شوي يا حاج ..

تمشي الامور

عیسی رفع ايده يأشر بالبنان : الله العظيم ماهي خاشتها للحوش ..

محمد نخص نادر و شوشله : خلاص ارخي نادر فكك منه خليهم يرفعوها لحوشهم ..

وشد واحد من هني وواحد من هني

وجو خوت نادر وحزوا الوضع ...

عمار : شن تقول يا نادر وین تحساب روحك في بلاد برا ...

عماد : حاج عيسى خلاص تمام اللي تبيه يصير ان شاء الله .. ( واشر عماد لمحمد بمعنى ولع السيارة واطلعوا بها لحوش بوها )

فات 10 ايام بالضبط وام نادر  (فوزية ) تجي كل يوم ولا يومين اطل عليها.. 

. 

. 

مقعمزة ام نادر (فوزية) هي و

(مديحة) ام اسماء

فوزية : والله حاسبتها بنتي وانتي تعرفي ماعنديش بنات وجعتني في وسط كبدي .. ما توقعتاش يصير هذا كله ..

مديحة متاترة وعيونها لوطا : الله غالب كل واحد ونصيبه في الدنيا يا وخيتي

.. هي الدنيا كلها معوضتني غياب

بنتي الكبيرة

عشرة سنين ماريتها من تزوجت وسافرت هي وراجلها .. كان بتلفون وخلاص

عيسى وهو في داره متكي ويتفرج على التلفزيون ويسمع فيهم .. كيف يحكوا على اسماء وقلبهم محروق ..

فوزية : ولدي خش في عالم تاني لا وكال زيه زي الناس لا رقاده رقاد وهو 24 ساعة يخمم فيها ...

على خشة كنتهم مرت جهاد (نورة) خو اسماء ) بالشاهي ... وقعمزت ..

مديحة : توجعني كبدي عليهم كل ما نتذكر كيف لم نطلع معاهم يشروا في دبش العرس .. وفرحانين فرحانين لين خلاص هو كيف .. يفرفش عليها .. وجعني اكثر من وجعتني روحي على بنتي..

فوزية تسمع لأم اسماء تبكي نورة تسمع في كلامهم وعيونها مليانين دموع

كلهم تأثروا على اسماء وكلهم يحبوها لانها انسانة طيبة وعمرها ما وجعت حد هي دلوعة بوها وحبيبة امها وحنينة خوتها وصديقة مرت خوها اللي كل مرة جهاد ونورة يتعاركوا وتخش اسماء في النص تصلح بينهم .. كاسبة الدنيا كلها واللي ما يحبهاش يحسدها على طيبتها )

نورة قريبة من شبانيها عيسى ويعتبر فيها وحدة من بناته )

نادی عیسى : يا نورة .. نورة ..

ناضت نورة بسرعة ومسحت دموعها : هي عمي انا جاية ..

خشت نورا : نعم عمي ...

عيسى : تعالي بنتي قعمزي نبيك ..

نورة جت وقعمزت مقابلة شبانيها ...

عيسى : بنتي نبي نسألك ... وانا

الشي هذا حاير فيه

نورة : شن يا عمي ...

عيسى : توا هل اللي درته انا صح ؟

راجل قاري على مرته الفاتحة بيروحبيها اعترضت على مايبي ..

نورة سكتت تفكر وحارت شن بتجاوب ..

عيسى : هل انا صح ولا غلط .. قدام ربي ..

نورة : والله يا عمي مش عارفة شن بنقولك .. هو نادر لم طلب انه مرته تروح الحوش مش غلط من ناحية

الشرع .. لكن عيب قدام الناس ..

عيسى : باهي انا هالولد العنايدي نادر يدير في حاجات ترقيلي ف الضغط لكن والله ماهاين عليا عللي يصير فيه ..

نورة : والله الزوز يقطعوا القلب ..

عيسى : بالضبط .. شن الحل باهي

برايك ..

نورة : انت شن في بالك تبي ادير وانا نقولك شنو صح ولا نقترح

عليك ..

عيسى : انا فكرت فيها البنت احتمال تقعد عمر كامل بالجهاز ) ويقول

فيها ومتاثر ( الراجل قاري على بنتي الفاتحة ويبي يروح بيها ..

یعنى يا بنتى الولد هذا بش خطبها مني.. دار المستحيل بش نوافقوا عليه وشاري بنتي الشي هذا مطمني .. فكرت ان نكلمه ويروحبيها عنده ..

..... ورة

عيسى : فهمتى بنتي .. انا ما كايد في بنتي وفي الصرف عليها .. لكن نتحاسب عليه حتى انا قدام ربي.. راجل قاري في مرا فاتحة ونوقف ف النص بينهم .. وتو نجوا للواقع .

بنتي قداش ممكن تعيش بالجهاز ...

نورة : باهي عمي اهو نقولك راي كويسس ..

لم عمامه وخوته وخوتك وولادك انت وتقولهم بمعنى ولدكم قاري الفاتحة على بنتي .. كان راغب ولدكم يروح بيها ماعنديش

مشكلة .. قدام الخالق والخلق حلاله  وهذا شرع الله ما يمنعش...

عيسى : اي اي .. تم يا بنتي .. وانا والله ما حكيتلك وخديت رايك الا وعارفك عقلك يوزن بلاد ..

( اتصل عيسى بنادر )

عيسى : اسمع يا ولد كلم عمامك وخوتك يجوا عندي غدوة بعد صلاة الجمعة يتغذوا عندي وتعالا حتى انت

نادر : تمام عمي ..

(صكر الخط ونادر مستغرب علاش )

اتصل عيسى بخوته وكلم ولاده ..

وتاني يوم مديحة دارت الغذي بازين زي كل جمعة متعود الحاج عيسى يتغذاه ..

والتموا عنده وقبل ما يحطوا الغذي ..

عيسى : انا لميت وكلاء نادر في الفضائية والشهود في الفاتحة ..

ولدكم قاري على بنتنا الفاتحة .. وانا بوها راضي بالشي هذا يوم جي بيتم فيها قالوله ولادي راهو بوي لو بطول فترة الخطوبة وبتكلمها اقرا فاتحة وتلفت عيسى لنادر : صار يا نادر ولا .. ما صارش ..

نادر : اي صار..

عيسى : ولدكم دار لقطة مش كويسة .. بيروح بالبنت طول عنده من المطار في سرير لحوشه بدون ما ياخد شيرتي.. صح ولا مش صح يا نادر ..

نادر مواطي راسه وهز براسه بمعنى ( مزبوط )

عيسى : تو هذا لدرته حد عنده .. عقل ويعرف الاصول واحترام الكبير يديره ؟

تكلم واحد من عمامه : صح كلامك ( وتلفت لنادر ) حق كلامهو حق لدرته ؟..

نادر ساكت ولا كلمة ......

عیسی : ماننكرش ان ولدكم شاري بنتي .. عارفه معاها شنو.. ينحي من فمه ويعطيها ..

وما نلقاش راجل زيه لبنتي ..

كان واحد تاني ره تزوج .. تو بنتكلموا بالحق والواقع ...

واحد من اللي مقعمزين : مزبوط كلامك ..

عیسی : یا نادر اهو قدام عمامك

وخوتك.. وخوتها وعمامها اهم

قدامك .. انت جيت من الباب ماكش جاي من الروشن .. وهذا ولد الاصل هكي يدير .. وشهادة لله انك ولد اصل ..

بنتي الله اعلم قداش تعيش تحت الجهاز يوم اثنين.. عشرة.. سنة... عشرة سنين .. الله اعلم .. انا مش كايد فيها وانتم فاهمين

هاذي حلالك وبشرع الله ورسوله كان في يوم تبي تروح بيها عندك.. روح بيها ... ..

ولميت ناسك وناسي بش يبدا عندهم علم ان انا موافق على الشي هذا .. ودام البنت على ذمتك مافيش اي اشكالية ...

مش اول بنت ولا اخر بنت مرواح ع الساكت ..

نادر فرح قريب طار وجي وباس

راس عمه عيسى

..

نادر : سامحني يا عمي ..

عيسى : مسامح مسامح..

وحطوا القصاع

عيسى : هي تفضلوا ..

تغذوا وشربوا شاهي وروحوا .

عم نادر طالع يوشوش هو وخوه : تبي الحق وله .. 

كان مكانه مانقدر نقوله الكلام هذا ..

رد الثاني : كلامك حق هو صعبة...

لكن حتى هو كلامه صح ...

الاول : شكله ما عنداش ما يصرف عليها قاله روح بيها

الثاني : تي لالا قاله بنتي مش كايد فيها ولا مال منها .. هو يبي يبري نفسه قدام ربي وهذا الصح...

نفرض فاقت البنت .. والراجل

تزوج ..!

الاول : ياودي ان شاء الله ربي يشفيله بنته ويهنيهم ويهنينا بولادنا

الثاني : هذا هو .. ركبوا السيارة )

هي نتوكلوا بسم بالله ..

وصار وروح نادر باسماء لحوشه بعد .. يومين 

جت عزوزتها ام نادر ) ونادر طلعوا بيها في السيارة .. ومعاها خوها سامي

ام اسماء وكنتها نورة في الجنان واقفين ..

نورة حاطة ايدها على كتف عزوزتها وضامتها ..

مديحة ( ام اسماء ) : بنتي ما صارش من مرواحها في الفيلو روحتله في سرير  وتبكي ) اه يا بنتي ..

نورة تبكي وجعتها حماتها : قولي الحمد لله يا عمتي .. قولي الحمد الله ..

جتهم كنتهم الثانية (لبنى) مرت  ولدها عبد الرحمان نازلة من الدروج تشلك بالشبشب (مستفزة ) وتاكل في سندوتش .. ( لبنى ) تتكلم وفمها مليان : معليشي عمتي هذا نصيبها ( بشماته ) ..

مديحة ام اسماء شبحت شبحة على جنب لكنتها لبنى ) وقالت لنورة : خلي بنخش داخل بنتكا راسي بينفجر ...

وخشت نورة ومديحة للحوش وسيبوا لبنى ..

لبنى اتمتم : ماعجبهاش كلامي شورا .. ديما وهي ماعاجبها شي نقوله .. تصطفلي حظ معاك ما عنديش .. ( ومشت ركبت لحوشها )

حطوا اسماء في حوشها ..

نادر كل يوم الصبح قبل ليطلع لدوام يطل عليها ويشوفها ..

خدي ممرضة فلبينية تبات رسمي عندهم مقيمة وتقيسلها واتمملها وكل ساعة ادير عليها دورا ...

كل ليلة نادر يصلي ويدعي ويصلي قيام ليل ..

وهو في وضع الجلوس بعد تم صلاة ورافع ايديه ..

( اللهم إشفي اسماء شفاء لا يغادر سقما وجبرا يليق بكرمك يتعجب منه أهل سمائك قبل أهل أرضك يا أرحم الراحمين. اللهم اشفيها من كل داء فهي صديقتي ورفيقتي وحبيبتي الحمد لله على شيء)

بعد ثمانية اشهر ..

نادر وهو ياخد فيه النوم وهو مقعمز على الكرسي مقابل اسماء سمع صوت انين فاق فجأة مخلوع ناض وقف فجأة وقرب مش مصدق

..

اسماء تحرك في راسها شوي شوي وتفتح في عيونها شوي وتصكر ..

نادر شد ایدها فرحان : الحمد لله ..

الحمد لله يارب ...

وناض وسجد سجدة شكر ...

وقعد يستنى الضوء امتى يطلع بش بيمشي يجيب صديقه دكتور اعصاب خريج في جامعة المانية ...

نادر وهو واقف على الدكتور بعد ما كشف على اسماء

نادر : شنو دكتور طمني ..

الدكتور : الصوت اللي صدر منها

البارح وحركة راسها هاذي اشارة كويسة وهذا معناها بدت تفيق من غيبوبتها ..

لكن مزال تبي وقت ..

نادر : كيف ..

الدكتور : انا منقدرش نعطيك امل

وكلام اكيد.. انها تفيق خلال فترة قصيرة

لكن مفيش مستحيل.. توقع تفيق

خلال اسبوع او اسبوعين ..

او مرات شهر خمسة سنة ..

انتم خليكم مستمرين ديروا

بالكم .. تبي فحص يومي وكشف ..

نادر : بارك الله فيك دكتور...

و طلعوا بالسيارة ووصله لعيادته  وطلع نادر للمستشفى 0.

نادر وهو خاش لقسم الاسعاف :

السلام عليكم .. محمد شن جو

( وسلم)

محمد : الحمد لله كيف حال اسماء اليوم ..

نادر : البارح في اشارة كويسة ..

حرکت راسها وتكلمت ..

محمد : والله .. والله الحمد لله يا

نادر .. ادعيلها ونقولك حاجة .. دير

صدقة كل يوم على خاطرها ..

نادر وكله امل في الله : ان شاء الله ان شاء الله ..

رويدا وهي جاية من اول الممر

بسرعة: نادر محمد فيه حالة طارئة

على الاسعاف بسرعة ...

وهما يمشوا بسرعة

نادر : خيرها الحالة شن ..

رويدا : رصاصة في الكتف والحوض ..

محمد : جهزي الاوراق واكتبي بيانات المريض وفصيلة دمه المصاب على السرير وفاشل ..

..

نادر : محمد الرصاص قاعد لازم عملية .. جهزوا غرفة العمليات ..

ودخلوا المصاب بسرعة لغرفة العمليات ..

ملاك وهي قالقة على خوها مقعمزة في الانتظار ...

ملاك ودموعها على خدها : يارب استر .. يارب

ام ملاك مقعمزة : اخخ يا حليلي على محمود .. انا قلتله ياولد لوح عليك المشاكل ميسمعش في الكلام مصطفی خو محمود المصاب جاي بسرعة : شن صار ..

ملاك : خششوه للعمليات .. وانت شن صار معاك ؟

مصطفى : مشيت فتحت فيه محظر وعطيتهم رقم الطارقة ..

ملاك : من هو اصلا اول مرة نسمع بيه انا مش عارفة علاش شن اللي خلاه يرمي الرصاص على محمود خوك 0.

مصطفى : محمود ما يعرفاش ناشله سيارته طقه ..

ام ملاك : كافيين خيرنا شرنا يا

ربي .. المصايب تتلاقى عليا وعلى صغاري.. 

وبعد ساعات ..

طلع نادر من العمليات

نادر وقف على عائلة محمود  

المصاب : عفوا ؟ انتم اهل محمود ..

مصطفى : اي دكتور شني طمنا على محمود ..

نادر : يبي اثنين شكاير دم فصيلة

.. كلمنا بنك الدم مش متوفرة

الفصيلة ..

مصطفى : تو ندير تليفوناتي .. وخش نادر لغرفة العمليات تاني

معاد جي للممر خش : السلام عليكم وسلم على مصطفى

معاد صديق مصطفى ومعجب

ويحب ملاك من طرف واحد )

تلفتت ملاك شافت معاد.. لفتت

وجهها لجهة التانية واتمتم ( شن

جابه الشكل هذا اهني اففف مثقل دمه)

معاد سلم على ام ملاك ومصطفى ووصل لملاك  

. 

. 

. معاد : كيف الحال ) ومد ايده

لملاك )

ملاك ( ساكتة وضامة ايدها في بعض ماتبيش تسلم .. وايد معاد في الهواء وبدي يرخي في ابتسامته ووجهه تغير )

مصطفى نط في اخته : تي سلمي ملاك مدت ايدها بالسيف وبضحكة ..

صفراء : اهلين ( ورجع وجهها للجدية )

رجع وقف معاد بعد السلام الجاف وكمدها وخدي نفس وكأن ما صار شيء ..

معاد : شن صاير معاكم كيف حاله محمود توا ...

ام ملاك : قالوا ناقصهم دم شكارتين ..

مصطفى كمل مكالمته وانتبه لمعاد ...معاد تلفت لمصطفى : شن فصيلة

اللي يبوها

مصطفى : ما حصلناش لتوا ...

معاد : فصيلتي هاذي ...

وسحب معاد دم لمحمود ...

معاد ينزل في كمه وهو واقف مع مصطفى وام ملاك وملاك مقعمزين ...

ام ملاك : بارك الله فيك وربي يعطيك صحيحتك ويوفقك يا

وليدي ..

معاد : واجبي هذا ...

معاد حط ايده على كتف مصطفى : هي ماتبي شي.. 

مصطفى : مشکور صحيت بارك الله فيك ..

معاد : انا عندي شغل ضروري كان فضيت نجي تاني .. تمام وحدف نظرة لملاك ) (ملاك شبحتله شبحة صامتة وتلفتت كأنه مش موجود )

مصطفى : الله يبارك فيك صحيت يا معاد

وطلع معاد ..

ملاك اتعلق : تشكرولي فيه تقول

تبرع بكلية .. هالحاجة الكبيرة اللي داره شوي دم

ام ملاك : استحي يا بنت بدل ما تقولي بارك الله فيه .. نازلة فيه ..هاذي جزاته

مصطفى : هاذي بنتك من عاجبها اصلا .. عاجبتها غر روحها ..

ملاك : انا البنادم هذا نكرهه موت

نكرهه.. دمه ثقييييييل وووك

مشناه .. نتمناله مرتكة على راسه

المربع ..

طلع نادر من العمليات يطمن في اهل محمود

ملاك : شن يا دكتور طمنا ...

مصطفى : طمنا دكتور . ..

نادر : قدرنا نسعفوه الحمد لله لكن ..

مصطفى : لكن شنو

نادر : نحينا 3 رصاصات وحدة في الكتف وزوز في عظم الحوض.. 

ملاك ناضت خايفة على محمود

خوها : كيف في عظم الحوض ..

يعني مكسور . ..

نادر : مع الاسف .. واحتمال... 

( وتلفت نادر لام ملاك .. وشافها مرا. كبيرة مايبيش يصدمها )

نادر لمصطفى : تعالا معاي لحجرتي ..

وناضت ام محمود معاهم

لاحقتهم .. اشرلها مصطفى بایده

( خليكم )

وخشوا للحجرة

نادر : اللي بنقوله .. امبكري غر خفت نرعش العزيز. ..

مصطفى مسموط متوقعها صدمة

قوية : ...

نادر : الحوض تأذى ونتمنى انه يقدر يمشي طبيعي ..

مصطفى : كيف ؟

نادر : الاصابة احتمال تسببله شلل ... ما يقدرش يمشي..  مصطفى قعمز على الكرسي من الصدمة وحط ايديه على راسه ياكل في روحه على خوه ..

نادر : ...

مصطفی : به دكتور هل ممکن يتعالج ؟

نادر : يتعالج .. لكن هني صعب .. لو صارله زي ماقتلك فهذا يحتاج للعلاج برا ..

وناض مصطفى مصدوم .. كيف بيطلع ..

نادر : مانبوش نسبقوا الاحداث نقولوا ان شاء الله خير .. بعدين لو احتاج علاج برا و لو احتجتوا مساعدة خليلي ملفه .. ..

مصطفى : بارك الله فيك (وطلع وسكر الباب )

نادر تنهد وقام نقاله واتصل بأمه .. نادر : ها يام .. كيف حال اسماء ما صار شي ..

ام نادر : على نفس الحال يا وليدي ..

نادر تلفت لروشن وراه : باهي باهي خلي عينك على على الممرضة بالك تلهى .. شوي ومروح انا ...

وقعد مركز لموقف السيارات برا ) نادر سكر من المكالمة وقعد مركز ..

. 

. 

شاف معاد وهو يفتح في باب السيارة وبيركب )

نادر وهو يحكي في نفسه ووالع : هذا الكلب شن يدير هني ..

»(((((  في الماضي))))) )))<

نادر وهو واقف على اسماء في الجامعة يوم حفل تخرجها ..

نادر : شن هذا لدايرتيه في وجهك ...

اسماء وهي لابسة بدلة التخرج :

حاجة خفيفة مش واضح

نادر بنبرة حادة وبصوت واطي : اخر مرة اهااا ..

اسماء ولعت : امي ولا بوي .. ولا كلمتك يومين تبي تحكم .. (مشت وسيباته مسكها من ايدها بعصبية )

معاد يراقب من بعيد ويغلي .. اسماء نفضت ايدها من ايد نادر : حول .. ومشت )

معاد جي وجبد نادر من سوريته : معش تحط ايدك عليها

نادر نفض ايد معاد فكها من سورية :

حووول .. من انت وشن ليك علاقة

..

معاد : انت مني جاي اضايق في بنت شارعي ...

) وقعد يضفر في نادر من صدره ويدف فيه تالي يتصنع في رجولية )

نادر تكنطى وقدم وضربه بوكس على وجهه

وبدوا يضاربوا ويتمرمدوا على الوطا

وحدة من صحبات اسماء اشرت لاسماء على صاير( حي شوفي نادر)

تلفتت اسماء ونصدمت بالمنظر . ..

وجت تجري

اسماء عيطت : يا ااسر خلاص ... بلا

عار انتم الزوز تقول في روضة ..

وناضو نفضوا حوايجهم وقعدوا كل واحد متحلف في الثاني ...

معاد وقتها يحب اسماء في الوقت نفسه اللي كان في بداية علاقة حب اسماء ونادر )

..

حاول معاد بشتى الطرق انه يشوه سمعة نادر قدام عيون اسماء ما قدرش ..

وفي يوم ..

معاد شاد طرف ممنوعات في ايده .. وحدفه من الروشن داخل سيارة نادر .. ..

وحفر له اتصل بدورية التفتيش داخل الجامعة ..

وشدوا نادر دخلوه لتحقيق

نادر : والله حتى الدخان الساهل ما ناخد فيه .. صدقوني في حد حطه بالقصد ..

#العشق_الحلال 

(كتابة : ندى احمد )

الحلقة 3

معاد شاد طرف ممنوعات في

ايده .. وحدفه من روشن داخل سيارة نادر ...

وحفر له اتصل بدورية التفتيش داخل الجامعة ..

وشدوا نادر دخلوه لتحقيق نادر : والله حتى الدخان الساهل ما ناخدش فيه .. صدقوني في حد حطه بالقصد .. ارجعوا لكاميرات اللي في الرفودجو وشوفوا ولم رجعوا الكاميرات .. لقوه معاد هو اللي حطه في سيارة نادر ..

وطلع منها نادر قبل ما يتحول على النيابة العامة ...

وشدوا معاد بتهمة تشويه وفساد ...

ومنها نادر زاد كره معاد وكل ما يشوفه

((((عودة

للحاضر)))) 

نادر بعد مافاق من التفكير في مصايب معاد اعود بالله من الشطان ...

وطلع نادر من حجرته ..

وفات من الممر ..

ملاك وعيونها في نادر عجبها

وعجبتها شخصيته ..

ملاك ناضت ولحقت نادر ...

ملاك : دكتور من فضلك ممكن شوي ؟

نادر تلفت وقف : تفضلي ...

ملاك : ممكن رقمك دكتور نادر نيي نكلمك على موضوع خوي ..

نادر : ضروري ؟

ملاك : اي دكتور اكيد ..

نادر مله عليها من باب المساعدة :

سجلي صفر تسعة ...

ملاك : شكرا ..

بارك الله فيك ..

وروح نادر للحوش ..

وخش على اسماء في دارها ..

وقعمز جنبها بكرسيه شد ایدها :

يارب ترجعي بصحتك وعافيتك ..

حتى وانتي جنبي بوجهك المنور

راقدة ..

مشتاقلك

ونتقطع الف مرة كل ما نتذكر

مشتاقلك ..

ان انا ليا ايد في اللي صارلك ...

ساامحيني )

وجت ام اسماء خشت ولقت نادر شاد ايد اسماء وسرحان فيها ...

ام اسماء : السلااام عليكم ..

(ومبتسمة)

ناض نادر وسلم : خالتي مديحة ..

كيف حالك وبوس راسها )

ام اسماء : الحمد لله من ربي بخير ..

كيف حال نوارتي

..

نادر : على نفس الحال البارح تحركت شوي ..

ام اسماء حطت شنطتها جنب الباب وخشت اي قالتلي امك امبكري هذا باش جيت ..

نادر : نطلع انا امالا نخليك ع راحتك ..

ام اسماء طلعت المصحف وحطت ايدها على راس بنتها وبدت تقرا عليها وتدعيلها بالشفاء العاجل ...

وقعد نادر يطل كل يوم على أسماء ويسهر جنبها يستنى حركة او صوت منها تعطيه إشارة انها بدت تتحسن او انها عن قريب رح تفيق وترجعله ..

وفي يوم جمعة .. مع العشيات رن نقال نادر

رد : الو ..

ملاك : ايوة السلام عليكم دكتور نادر ..

نادر : تفضلي من معاي ..

ملاك : انا اخت الحالة محمود درتله العملية الأسبوع اللي فان منصاب برصاصات ..

نادر : أي عرفتك .. تفضلي اختي ..

ملاك : نبوا منك خدمة لو مافي ازعاج ..

احني قدمنا ملف خوي للعلاج برا  

وما حصلناش فتوى ليه ..

نادر : تمام ... شوي وندير مكالماتي ونرد عليك .. اوكي ؟

ملاك : تمام

وخشت ملاك على امها في المطبخ : ماما شن اديري ؟

ام ملاك : ندير في شاهي خالتك جاية هي وحماتها على خاطر خوك ..

ملاك : به هاتي عليك بري ارتاحي تو نوتي انا كل شي ..

ام ملاك : شن زاهيتلك شن صاير ..

ملاك : ادعي قولي ان شاء الله ..

ام ملاك : ان شاء الله شن فيه ؟؟

ملاك : احتمال يصير من علاج محمود برا ..

ام ملاك : يارب يا سيدي تسخرله الحال . ويتعالج طق الباب مشت ملاك بتفتح الباب ..

ملاك : اهلين كيف الحال ( ومستغربة لناس اللي جو اول مرة تشوفهم )

ام معاد : كيف حالكم باهي .. ان شاء الله هذا حد السو ربي يشفيه هند اخت معاد : لاباس ان شاء الله ( وخشوا لدار الاستقبال )

اشرت ام ملاك ( بمعنى من جي ) ملاك اشرت ( هزت كتافها بمعنى ما نعرفهمش )

رن نقال ملاك : ايوه مصطفى .. مصطفى : ام معاد واخته جايين ملاك : اهااا اي وصلوا توا ...

وخشت ام ملاك وملاك قعمزت شوي .. وام معاد تشبح لملاك مبتسمة وعاجبتها .. ..

ناضت ملاك للمطبخ بتجيب الضيافة .. رن نقالها ( الدكتور نادر يتصل )

ملاك : ايوه ..

نادر : تميت الامور وتيلي جيبي رقم حساب في مصرف ال .. وصورة من كل ورقة ...

ملاك : اها .. اها به تمام امتی نجيبهملك

خشت ام ملاك للمطبخ تاشرلها بيديها وتتكلم بصوت منخفض وين الشاهي العفو 

ملاك اشرت لامها : لحظة

نادر : الاحد في المستشفى

ملاك : تمام شكرااا وصكرت الخط

...

حطت ملاك النقال على الطاولة ومشت شادة السفرة

ام ملاك : نستنى فيك من بكري عاد

ملاك : به غر بري تو نقولك بعدين ..

عند معاد

معاد واقف على الشاب (مسعود) اللي ضرب محمود بالرصاص معاد : برا لتونس برا لتركيا برا لاي معاد : برا لتونس برا لتركيا برا لاي مكان ما تقعدش هني .. قاعدين يدوروا فيك ومصطفى داير شكوة للمركز

ونزل من السيارة شنطة ومدها للمجرم مسعود

معاد : هاذي امانتك ..

(مسعود فتح الشنطة مليانة فلوس)

معاد : غدوة انجي للاستراحة نلقاك فيها نطقك

مسعود : لا تم غدوة الفجر طالع ..

معاد : دبر امورك

وجي يوم الاحد

مشت ملاك لدكتور نادر في المستشفى ...

ملاك خشت للحجرة : السلام عليكم .. كيف حالك

نادر : وعليكم السلام تفضلي .. ملاك وهي تحكي مع نادر وعيونها ما حولتهمش بكل نادر يتكلم معاها طبيعي جدا وفي باله يساعد لله ملاك مدتله الاوراق

نادر : تمام تو نسلمهم لصديقي يشوف الموضوع وان شاء باذن الله ماشية الامور . ..

ملاك : ان شاء الله

رن نقال نادر ( امي تتصل )

نادر لملاك : لحظة شوي

نادر : اها يما .. كيف .. والله ؟ تمام اهو جای ..

الحمد لله يارب ..

نادر لملاك : تمام .. ماتاكلي هم

شي .. واول ما يصير موضوع نكلمك ..

وطلع نادر مستعجل فرحان ..

وسيب ملاك مقعمزة ..

ملاك تشبح ومستغربة ...

نادر وهو يسوق في السيارة بسرعة :

الحمد لله يارب .. اللهم لك الحمد

وصل نادر للحوش وركب لحوشه بسرعة..

وخش لقي ام اسماء واسماء

مقعمزين ..

شاف لاسماء ..

لقاها فاتحة عيونها وتشبحله مبتسمة ..

خش نادر داغر مش شايف شي قدامه

نادر : اسوم فيقتي ..

وطلعوا على طول ام نادر ونسيبته وخلوهم ..

نادر قرب و بوس راس اسماء وشاد ایدها.. 

اسماء : ميا ..

نادر : تو نعطيك ميا حبيبتي خلي يجي الدكتور قبل ..

وكلم الدكتور وجي للحوش و نادر فرحان ومش سايعاته الدنيا

من الفرحة

جي الدكتور وكشف ..

الدكتور : معجزة انها تفيق وبالنشاط هذا .. بالعادة بعض الحالات صعب يتكلموا طول .. وهي ليها شهور ..

نادر به دکتور شن وضعها مع الماكلة والسوائل ..

الدكتور : حاجات طبيعية فيها فايدة تقيم صحتها .. زي عصير تفاح طبيعي ف الحوش والبرتقال... 

والاكل شربة دجاج وخضرة شربة عدس ..

لان ليها فترة ماكلتش ..

بالشوي بالشوي دخلولها الاكل العادي ..

وبدت اسماء بالشوي بالشوي تقعمز ..

وشوي تتحرك في السرير ..

بعد اسبوعين..

رفع نادر الاوراق متع محمود لصديقه

نادر : شن تخدمنا فيه الموضوع يا جلال

جلال : تم شن يقربلك هو ..

نادر : اصدقاء العيلة ..

جلال : تم تو نشوفله الموضوع الاسبوع هذا ..

وبعد ايام قليله

جلال يتصل بنادر وهو في الدوام

جلال : ايوة نادر كلمهم يوتوا الورق والجوزات بش يقدموا في تاشيرة تمينا الاجراءات كلها ..

نادر : تم مشكور يا خال ما تقصرش ...

وصكر نادر من جلال واتصل بملاك ...

ملاك : ايوة اهلين ..

نادر : تم الاجراء وتوا ارفعوا وراقيه ووراق اللي بيرافقه تموا التأشيرة ..

ملاك : صحيت بارك الله فيك ..

نادر : وفيك بارك الله ..

ملاك : عادي لو مرة مرة اتصلت بيك لو مافي ازعاج..

نادر : اي حاجة تفضلي ليبيين لبعضنا ..

ملاك فرحت : شكرا ...

وصكروا المكالمة ..

عند ملاك

اتصلت بمصطفى انه يمشي يقدم  في تاشيرة ليه ولمحمود ع خاطر العلاج

روح وخش مصطفى بسرعة لدار المعيشة ..

ووقف يشبح لملاك شبحات جديات...

مصطفى : شن دوة تاشيرة ما تأشيرة

ملاك : اي ارفع الوراق بس .. كل شي تمام ..

مصطفى بنظرة شك : من كلمتي ؟

ملاك : الدكتور لدار العملية لمحمود ..

مصطفى : مش قتلك معاد بيخدمنا في الموضوع ؟

ملاك : ايااه معاد هذا ودانه اطول من ودان الحمار .. (حشا القاريين) مصطفى قدم ورفع ايده كيف بيضرب ملاك

مصطفى : وانا شن .. راس بصل

تتصرفي من وراي .. شن مافيش تريس ..

ملاك وهي اداري في وجهها بايديها خايفة

...

مصطفى : اخر لك مرة معش اديريها الحركة هاذي ..

ونزل ايده وطلع ..

بعد عشرة ايام بالضبط

.. (عند اسماء)

اسماء وهي تحاول تنوض من السرير

نزلت رجليها على الارض ..

وحاولت توقف وفجأة !!

قعدت تعيط ..

ام نادر جت تجري ركبتلها فوق ..

الممرضة تتكلم بالنقال ف الدرج

ام نادر : یا منجوها المرا تعيط

وانتي تلكلكي على النقال ..

وخشت هي والممرضة .. لقتها طايحة

اتصلت بنادر ولدها ...

ام نادر : ايوه نادر وينك انت ؟

نادر : قريب نوصل للحوش شن فيه خيره صوتك هكي ؟

ام نادر : اسماء لقيتها طايحة على الوطا وتبكي ..

صكر نادر الخط وزاد سرعته بش

يوصل للحوش بسرعة ..

ام نادر : خيرك يا بنتي طحتي شن صارلك دختي ؟

اسماء : ما قدرتش نمشي يا عميمة ما قدرتش نوقف على رجليا ..

ام نادر : يا بنتي ليك فترة ف السرير لازم تمرين ل رجليك مش طول تمشي ..

اسماء : يا عميمة رجليا ما نحسش بيهم وتبكي )

حاولت ام نادر انها تسندها عليها لكن ما قدرتهاش هي والممرضة ..

خش نادر : اسماء خيرك شن صار ... اسماء : مانقدرش نمشي طحت يا نادر ( وتبكي ) رجليا رزان... حملها نادر بايديه الزوز وحطها على السرير

وقعمز جنبها شدلها ايديها يهدرز عليها ويحاول يغيرلها جوها ...

نادر : ماتخافيش يا قلبي تو اديري علاج طبيعي وترجعي تمشي على رجليك ..

اسماء : شن فايدتي غير نرهن فيك ..

نادر : اششش معش تقولي هالكلام حبيبي .. تو ترجعي احسن من قبل ..

واتكت اسماء تحاول ترقد ...

طلع نادر للبلكونة يبكي على اسماء وحاس بالذنب انه وراء هذا كله اللي صار الأسماء ...

رن نقاله طلعه من جيبه نادر : ايوه ..

ملاك : السلام عليكم...

نادر : وعليكم السلام من معاي ..

ملاك : انا ملاك ..

نادر : اي عرفتك .. شن الاخبار ..كيف حال خوك .. مشي ولا مزال

ملاك : غدوة طالعين بيه برا البلاد ..

نادر : باهي باه ..

ملاك وهي متاثرة من وقفة نادر معاهم :

والله وقفتك ماننساها ربي يبارك فيك ..

نادر : ماتاكلي هم شي وان شاء الله يتحسن ويمشي على رجليه

..

ملاك وهي واكلة هم على خوها واجعها في نص كبدها وشادة روحها بالسيف بتبكي

ملاك : والله واجعني في نص كبدي وصوتها يرعش )

نادر حس بيها تبكي ومخنوقة :

وكلي الامر لربي الله غالب هذا حال الدنيا ..

ملاك : والله الا طيب خوي وما يستاهل يصير فيه اللي صار ...

نادر : الوجع وجع واحد ...

ملاك : ما فهمتش ..

نادر : خطيبتي نفس الشي دارت حادث وغيبوبة قريب سنة ..

وفاقت ما تقدرش تمشي ..

ملاك انصدمت لم سمعت كلمة خطيبتي .. سكتت شوي وكملت ...... لا حول ولا قوة الا بالله ربي يشفيها

..

نادر بحرقة قلب : ان شاء الله ياارب

ملاك : ربي يخليكم لبعض .. احتجت اي شي حتى انت ولا يهمك انا موجودة ..

نادر : مشكورة ربي يحفظك ..

عند معاد وهو يسوق في السيارة ..

وهو يحكي بينه وبين نفسه لم اتذكر حركات ملاك ليه ف المستشفى كيف تستكرد فيه ..

معاد : ماشي يا ملاك انتي هكي اديريلي..

 تو نشوفوا بعدين ..

درس معاد قدام حوش اهل ملاك ... وكلكس .. 

طلعله مصطفى.... 

مصطفى : اه معاد زود انزل نقعمزوا في الجنان ..

معاد طفى السيارة وخش قعمز في الجنان ..

ملاك تسمع في دوشة في الجنان تحت ..

جبدت الستار جاها الفضول تبي

تعرف من جي ..

مصطفى : خلي نمشي نكلمهم يوتوا الشاهي ..

ومشي مصطفى ..

معاد قام عينه لروشن دار ملاك شاف ملاك تشبحله ..

ابتسم ليها ..

هي تغيرت منه وجبدت في وجهه الستار .. 

ملاك : شينك لصقة اعوذو بالله ..

وعلى جية مصطفى لجنان بالشاهي..

وملاك تسمع من الروشن

مصطفى : شاهي كيس ..

معاد : اي حاجة عادي ..

مصطفى وهو يمد في طاسة الشاهي المعاد

معاد : من خدمكم في موضوع العلاج برا ؟

مصطفى : الدكتور اللي دار العملية لمحمود ..

معاد : تعرفوه ؟

مصطفى : لا والله لكن قالي كان تبوا خدمة تو نساعدكم ..

معاد وهو بلقطة شايف روحه فيها : كان خليتني انا بس ره طالع قداش ليه ..

..

مصطفى : يلا فيها خيرة مانبوش نثقلوا عليك ..

ملاك وهي تسمع فيهم : تفشفيش على الفاضي .. داير روحه فالح..

وطلعت من الدار ...

الاحداث عند نادر واسماء ..

نادر بعد ما روح من الدوام ..خش على اسماء ..

نادر : السلام عليكم ..

ولقاها مقعمزة تمشط في شعرها ...

اسماء : وعليكم السلام... 

( وابتسمت )

نادر خش وجوه حلو وفي ايده  

كيسة كبيرة شوي

نادر : شن اديري ..؟

اسماء : نمشط في شعري قداش ليه ما مشطاش ..

نادر : شوفي شن جبتلك . ..

وطلعها من الكيس وشدها في ايده وفتحها ..

اسماء نشهقت : حييي مخلط المشاهير .. تعرف بنهبل عليه معش لقيته قداش ليا ...

نادر : عارف هذا علاش جبتهولك ...

وخدت الشيشة وجربتها على ایدها ..

ودهنت بها ..

نادر : الله على الريحة اذكر فيا بالايام الاولى .. ويوم البيان ..

اسماء وهي تشوف لعيون نادر : اي صح يوم البيان درت منها ..

اسماء : ياروحي الله لا يحرمني منك ( وتغمراته )

نادر : کلمت امي تسقيلنا .. انا

وانتي .. نتغدوا مع بعض ..

وهما يتغدوا ..

نادر : شفتلك ممرضة علاج طبيعي بتباشر معاك من غدوة ..

اسماء ساكتة : ..

نادر : نبيك تتشجعى وتخليك واثقة في ربي والعلاج .. وباذن الله ترجع صحتك احسن ..

اسماء : تبي الحق ( وحطت الكاشيك في السفرة)

نادر : شن ..

اسماء : انا فاقدة الامل ..

#العشق_الحلال

كتابة : ندى احمد

#الحلقة 4

قراءة ممتعة

نادر : نبيك تتشجعي وتخليك واثقة في ربي والعلاج .. وباذن الله ترجع صحتك احسن ..

اسماء : تبي الحق ( وحطت

الكاشيك في السفرة)

نادر : شن ..

اسماء : انا فاقدة الامل ..

نادر : فوتيه الكلام هذا .. فكري

في بعدين انك رح تمشي وتصحي وبس ..

اسماء : خاطري نمشي لحوش اماليا استحشت خوتي وامي وبوي بالذات ..

نادر : ماعندكش مشكلة نرفعك عادي ..

جهزت نفسها ملاك ولبست وشاحها

نادر : شعرك طالع ..

نادر حط ايدها على وشاحها ودخلها خصلة شعرها

حملها بايده ونزلها من الدرج وحطها في السيارة وحط الكرسي في السيارة وتوكلوا ..

وصلت اسماء لحوش اهلها ..

ام اسماء : صوت كلاكس ترا شوفي من يا نورة ..

نورة كبهت ...

نورة : هاذي اسماء يا عمتي ..

نزلها نادر وحطها في الكرسي ..

ودخلها ..

ام اسماء : جيتي بنتي ؟؟ وتغمرتها نورة ..

نورة : ليك وحشة

اسماء : استحشتكم هلبا واستحشت الحوش 0. وتلفتت لجنان ) وللغرسات متعي..

نادر : اسوم كان احتجتي حاجة کلمینی ..

وطلع

وهما مقعمزين ويهدرزوا ...

عيسى خش وتفاجأ ببنته ..

عیسی : نوارة حوشي هني ..

اسماء : كيف حالك بابا ..

عيسى : الحمد لله .. كيف حالك توا ؟

اسماء : اهو الحمد لله وخلاص ..

عيسى : الحمد لاه يابنتي ديما قولي الحمد لله

عند ملاك ، طلع مصطفى مع خوه محمود 

وقعدت ملاك وامها بروحهم في الحوش ..

مصطفى يكلم فيهم من برا مكالمة

مصطفى : يما ما تقعدوش بروحكم كلموا حد من خوالي يجوكم ..

ملاك تأشر بايدها لامها (لا ) ...

ام ملاك : لا ياولدي انا هكي في حوشي متريحة ..

مصطفی : به نکلملكم معاد يرفعكم لحوشهم غادي ..

مش معطل انا اسبوعين وبنرجع لليبيا ..

ملاك تنرفزت : لالا يا مصطفى تاكلني الغولة في الحوش ولا نعفس عتبتهم ..

يوم من الايام اللي قعدت فيها ملاك وامها بروحهم ..

ملاك وهي متكية في الليل بروحها في دارها .. والدنيا مظلمة تسمع في حركة في الدرج ..

ملاك ( صوت في الدرج ... طلعت ملاك بتشوف وهي خايفة ...

فتحت باب الحوش .. شبحت خیال نازل من درج بسرعة ..

ملاك عيطتها عيطة قوية : يماااا ..  وك يما ...

ام ملاك ناضت راعشة من نومها : خيرك اسم الله الرحمان الرحيم ..

ملاك : شبحت واحد نازل من الدرج بسرعة.. شكله خانب يام ..

ام ملاك : غبارة وخلاص الواحد حتى في داره يقعد مستخون ..

تاني يوم خبروا مصطفى وجاهم معاد ..

معاد : هيا حاجة وتوا

روحكم .. نرفعكم للعيلة

عندنا .. مابين روح مصطفى

ملاك وهي توتي في دبشها بالسيف ماتبيش تمشي لحوش معاد لكن مضطرة ..

وركبوا السيارة ومعاد يهدرز على ام ملاك ويبصر ويشبح لملاك من المرايا 00

وملاك ولا كأن معاد موجود ...

وصلوا عندهم

واهل معاد قاموا بالواجب واستصافوهم ..

اهله كويسين الا معاد كل العلل فيه هو ..

مش مخلي حد في حاله .. 

... 

ملاك في الليل حست بنفسها مضايقة شوي .. طلعت للبلكونة .. فتحت نقالها .. شوي

وعلى مسامعها صوت معاد ...

يتكلم في الجنان 00

خشت عرجت الباب تعريج...

معاد : اسمع .. اسمع هني ليبيا لا خليك في تونس لين نبعتلك امانتك ...

.. 

معاد : مسعود قلتلك اصبر انا 

... 

معاد : أي النص الاول عطيته لاختك لبنى والنص التاني باعتهولك بعد غدوة 0.

معاد : نفختلي راسي .. تي تعرف نلقى وجهك هني نطقك نسيل دمك ..

ملاك وهي كله تسمع فيه خافت من معاد .. طلع بوجهه الثاني ..

صكرت ملاك باب البلكونة بالشوي وجبدت الستار

وقعمزت ..

ام ملاك ناضت : خيرك نضتي ... ملاك : تغير عليا المكان ما جانيش نوم ..

بعد اذان الفجر قدرت ملاك ترقد ويجيها النوم ..

وفي الصبح على سفرة الفطور .. ام معاد وام ملاك يهدرزوا ( تهدريز عزايز .. )

ملاك وهند على جهة يفطروا ويدر دشوا ..

ام معاد : مسيكينة البنية وجعتني ..

ام ملاك : لا حول الا الله .. وتوا كيف حالها

ام معاد : بعد عام فاقت لكن ما تمشيش ... على ما قالت امها

تلفتت هند : على مني تحكي يام ..

ام معاد : على بنت مديحة جارتنا ..

هند : اهاااا اي ..

ملاك : خيرها .... خلي بنخش على الخط حتى انا هههههه

هند : هههه اي .. هاذي بنت جارتنا اسمها اسماء مسكينة صغيرة في العمر .. دارت حادث قعدت في غيبوبة قريب عام .. وخطيبها دكتور قريب يهبللل عليها .. مسكين قعدت مقعدة من الحادث .. ..

ملاك حست ان القصة زي مألوفة عندها : شن اسمه خطيبها من عيلة من ..

هند : اسمه نادر ال ...

ملاك : هذا نفسه اللي اسعف خوي تقريبا ..

هند : باللهييي هييي كانت تشوفيه كيف يرف عليها و يدلل فيها ...

اتقولي ربي يعطيني راجل زيه مانبي شي في الدنيا

ملاك : الدنيا بخوت ونصيبات يلا ان شاء الله ترجع بصحتها 00 .. وعافيتها

هند : خطبناها لخوي وقتها تقرا رفضت ..

ملاك : اهاااااا ) وهي في بالها اشارات استفهام ؟؟؟؟؟؟.. معاد فيه وراه اسرار ما يعرفها حد ) علاش رفضت ؟

هند : قالت بتكمل دراسة... 

قامت هند السفرة وملاك تخمم ) حاسة روحي انا اللي حنعرف معاد اللي ما يعرفوشي حتى اهله )

عند اسماء .. ..

جي نادر لحوش نساباته وخش لدار اسماء

نادر : كلمتيني قلتي نبيك ضروري .. ان شاء الله خير

اسماء : ....

قعمز نادر جنب اسماء

اسماء : اول شي نبيك تتقبل

كلامي .. وتسمعني للاخير ...

نادر : تم

اسماء : انا من يوم عرفتك وغيرتلي حياتي وعبيتها بكل شي حلو ومافيش يوم نبات زعلانة الا ومراضيني .. ونشهد بالله انك ما قصرت معاي في شي .. ..

بس خايفة ان ما نقدرش نوفيك حقوقك كزوج ونص تاني مشاركني حياتي ..

انا زي ماتشوف مقعدة مانقدرش نمشي ..

ولامتی بنستنی ..

حياتنا مش حنقدروا نعيشوها باكتمال كزوجين

نادر : علاش كلامك كله يأس واحباط .. ايمانك ضعيف علاش ..

اسماء : الله غالب .. به شن بندیر نشوف في روحي غر راهناتك ..

نادر :

اسماء : اللي بنطلبه منك .. ان كل واحد يمشي في طريق ..

انا مش مناسبة ليك بوضعي هذا ...

نادر ناض وقف : انا شكلي بنطلع مش سامع التخليط والتجليط اللي تقولي فيه .. نطلع نخليك ترتاحي وتهدي بعدين نهدرزوا ...

- وطلع

اسماء ( اففففف ) ومسحت وجهها بكفوفها ..

( تاكل في روحها )

. 

. 

. 

. 

نادر اضايق من كلام اسماء ...

نادر : الو محمد .. وين انت

محمد : في الحوش

نادر : فاضي نجيك .. ؟

محمد : تمام ...

وصل نادر عند محمد

وقعمز في المربوعة معكرش حواجبه ..

محمد : خيره جوك .. 

نادر : والله ماني عارف .. نبني من هني تخرب من هني ...

محمد : احكي

نادر : تبي ننفصلوا ..

محمد : كيف صار ؟

نادر : على خاطر وضعها قالت مانقدرش نكمل

محمد : خليك واقف معاها ماتسيبهاش تحتاج دعمك اكثر ره

_______

عند ملاك في الدار اللي قاعدة فيها قعمزت جنب البريزة بتشحن نقالها ...

بينها وبين دار معاد حيط البريزة مشتركة والصوت ينسمع )

والدنيا هدوء ..

تسمع في معاد

معاد : والله العظيم نمحيك يا مسعود نقتلك تجيني هنايا اختك تمشي فيها مطلقة حتى هي ..

. 

. 

. 

اضايقت ملاك من نبرة صوت معاد وحست انه بدي يخوف فيها اكثرر... متضايقة منه من الاول وزادت ...

تاني يوم وكلهم مقعمزين خش معاد وجوه مليح

امه واخته هند وام ملاك جوهم مليح ويهدرزوا . ..

الا ملاك خاشة بعضها وخايفة منه ..

ام ملاك لمعاد : امتى بنفرحوا بيك ؟

معاد وهو يلمح : العروس واتية غر تشحط فيا تقيس في الغلا ... وشبحلملاك )

هند ببرادة : قصدك ملوكة ..

وتلفتت لملاك ) وين نلقى زيها ..

من زيي كان جت مرت خوي .. ومعاد جوه مليح يمووووووت في حاجة اسمها ملاك يعشقها عشق )

الامهات عجبهم الكلام ..

) يعني العيلتين كلهم متفقين ان الزوز لبعض .. الا ملاك تفكيرها خاااارج المخطط...... قراية وبس )

عند نادر ...

____

يتصل بأسماء ماتردش... 

اسماء تشوف في نادر يتصل ... ما تبيش ترد في البداية بعدين فتحت المكالمة .. ..

اسماء : الو ..

نادر : علاش نتصل ماترديش علاش هكي اديري ..

اسماء :

نادر : اتكلمي .. خيرك ساكته ..

اسماء : خلي كل حد يمشي في حاله لا نزعلك لا تزعلني ..

نادر : انا مش مسيبك ومش بكيفك وبديري علاجك وانا معاك .. عندك حاجة تانية بتقوليها قولي .. اما الدوة الحزينة والاحباط فوتيه ..

اسماء تنهدت : استغفر الله ..

نادر : واتوب اليه .. ارجعي لربي يا اسماء وكثري دعاء هذا اللي صار قضاء الله وقدر .. تمشي انتي تنهي علاقة سنين وعشرة .. شن ذنبي انا باهي اديريلي هكي ..

اسماء : اخخ ياربي ..

نادر : اي قولي ياربي .. انتي مش عارفة شن صار فيا لم سمعتك درتي الحادث وشفتك ينزلوا فيك من الاسعاف ..

اسماء : ...

نادر : والله في عالم تاني قلبي

بيطلع .. امي و العيلة كلها تخمم في حالي ..

اسماء تبكي وساكته . ...

نادر : عارفة لم قالوا عايشة قداش فرحت .. ولم قعدتي بالجهاز طريحة الفراش .. روحت بيك لان معش قادر نكمل.. ونعيش من غير ماتكوني جنبي .. قلت ياربي راضي بيها هكي المهم فيها نفس ..

جبتك بعد كف من عمي عيسى.. قعدت املي بربي انك تفيقي .. نصبحبيك ونمسي بيك وساهر الليل ..

اسماء ... تكلمي ناقشي خيرك ساكته .. اسماء ولا حرف وهي شادة النقال ودمعها على خدها تأثرت :

نادر : مانيش مسيبك لان نحبك انتي لو معش تحبيني قولي .. ..

اسماء بصوت متقطع : نحبك انا .. نادر : باهي خلاص علاش الجو هذا اللي اديري فيه .. انتي اذا شايفة روحك ناقصة .. انا نشوف فيك كاملة وما ناقصك شي ..

اسماء ارتاحت من كلامه : ربي

ما يحرمني منك ..

نادر رد براحة : ولا يحرمني منك

يااارب ..

اسماء : امین ..

نادر : ارتحتي توا ؟

اسماء : اممم

نادر : اي هكي نبيك مرتاحة وماتخممي في شي ..

عند ملاك ..

روح مصطفى من السفر هو وخوه محمود ..

مصطفى هو واخته ملاك مقعمزين

مصطفى : قالوا مفيش امل انه يتعالج ..

ملاك انوجعت على خوها : يا ميمتي عليك يا وخيي قعد هكي .. حسبي الله ونعم الوكيل فيه المجرم هذا ربي ياخد فيه الحق ...

مصطفى : كان نشوفه قدامي نشرب من دمه ..

ملاك : ما شدوشي المباحث .. ؟

مصطفى : ماليشي اثر .. احتمال مسافر ...

بعد فترة

جي معاد طلب ايد ملاك ورفضاته ...

ام ملاك : والله يا بنتي ولد كويس .. وقف معانا وما خلاناش 00

ملاك : الشخص هذا عليه اشارات

استفهام .. شخص مش نظيف

..

مصطفى : شن عرفك فيه انتي ..

ملاك : مانسيبش قرايتي ونضيع مستقبلي على شان واحد زي هذا ...

ام ملاك : لامتى اللي بيجيك بترفضيه على خاطر قرايتك ؟

مصطفى لامه : هاذي لين تفوت سبعة سنين الطب متعها وتقعدلك بضفاير الشيب ..

ملاك : انا قرايتي مش مسيبتها زواج وقراية مش خاشة راس وحدة منهم .. .. ..

وناضت ملاك : بنمشي نرقد ماحد ينوضني .. وسكرت باب الدار )

جوها تعكر من دوة خوها وامها ..

اتصلت بنادر ..

ملاك : ايوة اهلين

نادر : اهلا شن جوك ...

ملاك : مش تمام مخلطة من جميع

.. التراكين

نادر : ان شاء الله خير ..

ملاك : خوي روح من السفر قالوا مافيش امل من علاجه وبيقعد بالكرسي

..

نادر : الله غالب قضاء الله وقدر ..

ديروله موضوع .. حاجة يلها فيها

بش ما يخشش في حالة نفسية ..

ملاك : ان شاء الله ان شاء الله ..

نادر : والتركينة التانية ..

ملاك : هههههه .. التركينة الثانية ..

القراية وموضوع الزواج ..

نادر : الزوز ما يتلاقوش هههههه خصوصا لو تخصصك طب بشري

ملاك : اي حقا عندي حاجات

نبي عليها شرح نعطيك الشيتات

وتشرحلي كل مصطلح تكتبهولي ..

نادر : عادي جيبي ..

ملاك : غدوة مع ال ۱۱ باهي ؟

نادر : تمام ..

تاني يوم الصبح ، طلعت ملاك بسيارتها مع ال ۱۱ .. ومعاد هو ماشي من نفس الطريق تلاقى بيها وجه لوجه .. وملاك مش مركزة ..

معاد خنس : شن ادير ملاك الجهة هاذي ؟

ولف بالسيارة ورجع قعد وراها لاحقها ...

درست ملاك ونزلت ..

ملاك : ايوا نادر الو .. انا في الجردينة مقعمزة ..

وعلى جية نادر .. قعمز جنب ملاك

معاد يراقب من بعيد ( هذا هو اللي ترفضي فيا على خاطره يا ملاك نادر ولد الكلب .. ماشي ) وطلع نقاله وصورهم ..

وقعد يستنى فيها ...

ملاك : هاذم هما ومأشرتلك عليهم المصطلحات اكتبلي الشرح تحتهم من يوم صار لخوي اللي صار وانا ..معش قريت زي الناس ..

وهدرزت ملاك مع نادر شوي ... وطلعت ..

_______

عند اسماء

اسماء : ماما نبي نطلع لجنان عييت من الدار ديما ممدودة ..

جي سامي وعبد الرحمان حطوها في الكرسي.. وطلعت لجنان ..

تسمع في اغاني فيروز ( انا لحبيبي وحبيبي الي ) وتشرب في قهوتها ..

نزلت لبنى تتشقلع حامل وايدها وراء ظهرها ..

لبنى : صباح الخير يا اسماء ..

اسماء : صباح النور ...

لبنى : شن معش روح بيك نادر قلق منك .. ؟

اسماء : انا استاحشت خوتي وامي والحوش لبنى تتشقلع وتمشي قدام اسماء وتلقط في البلح من النخلة في الجنان ...

لبنى : تعرفيييي اللي جايني جاي على البلح ... تحسس في اسماء بالنقص )

اسماء : شن قالولك ولد ولا بنت ..

لبنى : قالولي ولد ..

اسماء مبتسمة : باهي ربي ينوضك بسلامتك ..

لبنى : وبسلامتك حتى انتي .. عبدالرحمان من سمع ولد وهو قريب يقولي ماتمشيش انا نحملك على ظهري .. قلتله زي اختك اسماء ..

اسماء وجعتها كلمة مرت خوها ووخرت بالكرسي ومشت جهة الغرس ..

لبنى متشمتة : سامحيني مش قصدي .. زعلتي 00 اسماء عاطية لبنى بظهرها تسقي في الغرس

اسماء : لا عادي ولا يهمك ) وعيونها مليانين دموع ) ..

اسماء : خشت في عالم تاني تفكر في حياتها وفي موضوع ..الصغار بعد وقت .. وحالها ما يسمحش تحمل او تهتم بطفل ..

عند ملاك

روحت جوها مليح بعد تلاقت بنادر ..

دارت السماعات وحزمت ترقص قدام المرايا

دورا ..

اتصال من ( مزعج )

" معاد مسمياته مزعج "

عاود مرة واتنين ..

الثالثة ردت ..

ملاك : ماريتش حد بالوقاحة متعك ..

معاد : معقولة هذا جزاة الاحسان اللي درتهولكم ..

ملاك : مشناك الزفت قداش شايف روحك وتتجمل ..

معاد : مش مقدرة قداش انتي غالية عليا وشاريك ؟

ملاك : انا مش طايقاتك اطلع من راسي

معاد : اعطيني واعطي لنفسك فرصة واعرفيني .. بعدين احكمي ..

ملاك : الدوة معاك عقييييمة هي باي ..

وسكرت في وجهه 

عاود يرن ..

ملاك تنرفزت .. واك بنخش مستشفى مهبلة انا )

ملاك ردت : ياللي ما تتحشم يا

بهيم .. انت دماغك فيه دود ما تفهمش ..

معاد باستفزاز وهدوء : ترفضي فيا على خاطر واحد متزوج يا ملاك .. معقولة ؟

ملاك ارتبكت : شن شني ؟ شن تقول انت ؟

معاد : وتتلاقي معاه في الجرادين ..

ملاك : شن دخلك في حياتي انت ؟

معاد : انكشفتي تو هكي معش تتسبلي بقرايتك .. نحكي لخوك كل شي .. ولا شن رايك انتي ؟

#العشق_الحلال

الحلقة 5

#قراءة_ممتعة

ملاك : هبلت انت ؟

معاد : معش بنكثر دوة فكري عندك اسبوع وقوليلي ..

وصكر معاد نقاله ..

ملاك تتصل تتصل تلقا فيه مقفل ..

___________

من جهة ثانية معاد السوسة يخرب فيها عند نادر ...

العيلة مقعمزة كلها لبني و شبانيها  الحاج عيسى وعزوزتها مديحة على عالة الشاهي

مقعمزين الجو مونس والضحك لجنان ..

رن نقال لبني .. شافت المتصل .. وجهها تغير ...

عبد الرحمان زوجها : ردي ... بالك حد من اماليك ..

لبنى ردت : الو الو .. دارت روحها ما تسمعش )

لبني : مافيش تغطية .. !

قعدت شوي وركبت لحوشها ..

لبنى تتصل بالرقم : الو .. ايوة 

معاد : خيرك ما تسمعيش امبكري ..

لبنى : لا غير العيلة كلهم ملتمين ..

معاد : اتصل خوك مسعود فترة

فاتت قلتله الفلوس اللي وصيتني عليهم لاختك بعتهملها مع هند

لبنى : ما يعرفش ان انا وياك نتكالموا كنهذا يقتلني يقطعني تقطيع ..

معاد : ماتخمميش انتي ديري زي ما قلتلك وتاخدي اكثر من اللي وصلوك (يقصد الفلوس )) وخوك مش حيعرف انك تكلمي فيا .. وتم الموضوع

لبنى : تمام

[معاد استغل مسعود في جرايم بمقابل مادي .. واستغل لبنى اخت مسعود من ناحية ثانية وانها تبت الفتنة بين نادر واسماء وتفرقهم ، طبعا بدون علم مسعود] ...

معاد شن نادر .. قاعد لاصق في اسماء ..

لبنى : والله ولا قال نسيبها . ..

معاد : امنيتي ندمره زي ما دمرني ..

لبنى : ولا يهمك يا عمري خليه عليا

معاد : تعرفي شن نبيك اديري ..

لبني : شن ؟ ..

معاد :

ودورا عبد الرحمان راكب من الدرج

وشاد بنته في غمره ..

وكيف بيفتح الباب ..

سمعت لبنى صوت مفاتيح..

لبنى : خلاص صكر صكر اهو جي ..

وصكرت النقال وحطاته في القجر ..

عبد الرحمان خش لدار ...

عبد الرحمان : كلمتي اهلك ؟

لبنى : اي كلمتهم غر التغطية بلهون عندهم ..

عند معاد .. وهو يحكي في نفسه مصيرك بين ايديا يا نادر .. انت واسماء واللي بيودركم منكم وفيكم ... ))

بعد ايام ..

نزلت لبنى لحماتها اسماء ...

لبنى بمجاملات : اسوم شن جوك اليوم ..

اسماء : الحمد لله بخير ..

لبنى : بنقولك كل مرة هالمرة ونتردد الحق ..

اسماء : شن بتقولي ..

لبنى : والله تبي الحق الايام اللي فاتوا وانا طالعة ... ولا نقولك فوتي الموضوع .. منحبش حد يسيء بياا الظن

..

اسماء : قووولي شن فيه ؟

لبنى : الحق الحق وانا طالعة الايام اللي فاتوا ماشية بندير كشف على البيبي ..

لقيت نادر مقعمز هو ووحدة في الجردينة ويهدرزوا ...

اسماء : شني ؟ بري بري نعرفها  

هاذي وحدة من افلامك ..

لبنى : قلتلك مش حتصدقيني .. لكن والله مقعمز مع وحدة ..

اسماء نحرقت من كلام لبني :

اسكتي .. نادر مستحييييل يديرها ويخوني .. نعرفه .. مرات زميلته معاه ف الشغل !!!

لبنى : قالت زميلته في الشغل قالت .. قلتلك يابنتي معاه وحدة في الجردينة والابتسامة لودانهم...

اسماء ساكته : ...

لبنى : الرجالة خوانين وكلاب .. انتي من عقلك توا مصدقة انه يموت فيك انتي وبس ويستنا فيك عام كامل بش تفيقي ؟ .. طول الفترة هاذي كلها غايبة  معقولة ما دارش وحدة ( تحبيني ونحبك .. )

اسماء تشبح للبنى ولا حرف صدر ..... : منها

لبنى : انا اللي عندي قلته .. تبي تتا أكدي فتشي نقاله وايميلاته وبالك مرات نطلع غالطة... ...

اسماء : خلاص اسكتي ياسر .. ترا خليني شوي بروحي ممكن ..

لبنى طلعت ووجهها مرتاح وسكرت الباب وراها ..

زي ما وصاها معاد دارت بالحرف الواحد ]

اسماء قعدت تخمم وتاكل في روحها کلمت نادر و و روح بيها لحوشها ..

وهما في السيارة 0.

نادر شد اید اسماء في السيارة

نادر : خيره جوك حبي مش

عاجبني ..

اسماء : مافي شي عادية الامور . ..

نادر : متأكدة ؟

اسماء : متأكدة ..

وبوس ايدها )

وصلت اسماء للحوش

وهي متكية سرحانة ...

على جية نادر خش لدار واتكا جنبها على السرير ..

نادر : استحشتك .. تعالي جاي قربي جنبي وجبدها جنبه .. وحضنها )

اسماء : شن درت في غيابي ؟

نادر : والله خدمة ونروحنتكا .. وطول الوقت نفكر فيك وفي كلامك المجلط لقلتيه الايام لفاتو....

اسماء : علاش ماعجبكش كلامي نادر : ماعجبنيش بكل بكل والله على عصابي قعدت .. مهم فوتيها السيرة هاذي توا ... ..

وشبكوا ايديهم في بعض )

نادر : خلينا في بعضنا وجونا الحلو ..

اسماء وهي تخمم في موضوع الصغار .

سألاته : حبيبي ..

نادر : نعم يا قلبي ..

اسماء : شن تتمنى في الدنيا هاذي ...

نادر : عندي احلى مرا في الدنيا

هاذي شن بنتمنى تاني ..

اسماء : نقصد احلامك في الدنيا هاذي من غير سيرتي 0.

نادر : امنيتي ربي يحفظك ليا انتي وامي والباقي مانبي شي .. الحمد الله .. ..

اسماء ساكته : .......

وهي تخمم في اللي قالاته لبنى ..

زعما اللي قالاته لبنى صح ؟ ..

ياربي لا ياربي لا مانبيش نخش في دوامة تانية .. ))

و دست راسها في حضن نادر .. هاربة من ضغط التفكير البشع...

نادر رقد وخداه النوم ..

مهنالهاش بال تبي تتأكد واطمن قلبها .. حاولت توصل لنقال نادر على الكمادينو ما قدرتش بعيد

...

في الصبح بكري -فاقت اسماء ..

اطبطب بالشوية على نادر :

حبيبي .. نادر نوض بش تمشي لعملك وقت عليك ..

ضحك نادر وهو قاعد ناعس : اليوم راحة يا دايخة و ثلاثة ايام نخدم ويوم راحة ..

اسماء : اها ..

نادر : خليني جنبك هكي مرتاح ..... اليوم كله معاك ان شاء الله وخذى ايدها وبوسها

اسماء تخمم كيت بتاخد النقال من جنبه ..

بعد 10 دقايق ..

نادر : طيرتي النوم يا منجوهة معش عرفت نرقد ..

اسماء : اسفة كان نعرف راحتك ره ما نوضتكش ..

ناض نادر ونحا الغطاء : جاية النية في حاجة حلوة اسخينة وقهووة

اسماء : حتى انا خااااطري في نسكافي بحليب تمسح على قلبي ..

نادر : تو بنطلع للقهوة بحدانا نجيب ..

اسماء : حبيبي جيبلي الكرسي وحطني فيه

نادر : ضاعفة هلبا عطيك السلامة .وحطها في الكرسي .. )

خش نادر للحمام ..

واسماء طووول مشت جهة الكمادينو خدت نقال نادر و داراته صامت .. ودساته تحت حوايجها في الدولاب ..

نادر بدل وتم .. يدور في النقال ..

نادر : ماريتيش النقال ؟

اسماء : بالك في الفراش ..

نادر تو نروح وندوره وخلاص ..

وطلع نادر وجت الشغالة اضم في حوش اسماء .. كالعادة

مشت اسماء طول لدولاب وطلعت النقال وفتحاته .. يفتح ببصمته وبصمتها من ايام خطوبتهم مدايرينه هكي)

فتحت النقال وقعدت تفتش في الرسائل مالقت شي وفي الواتس كذلك .. والسجل فيه هلبا ارقام مجهولة .. ما عرفتش كيف ..

فتحت الفايبر لقت مسجات بین نادر وبنت (ملاك) مسجات عادية .. لقاته يكلم فيها عادي ..

وهي تعسل في الكلام .. يا عسل ويا غالي ..

تكنطت اسماء وتنرفزت وقعدت تفتش تفتش مالقتش كلمة غلط كاتبها النادر لكن التمسكين ف الهدرزة كله من جهة ملاك  اسماء ((ها لما تتحشمش هاذي ..

تتمسكن على راجل متزوج ))

وسجلت رقمها في تليفونها ..

وقعدت تخمم .. ) ان كلام لبنى مرت خوها صح )

سمعت حركة نادر حطت النقال في الكمادينو

خش نادر بالفطور ..

نادر : تعرفي زحمة هلبا عليه .. شن هذا شن هذا ما تلقيش وين تحطي رجلك

اسماء : اي كسب سمعة ..

وقعدوا يفطروا في البلكونة .. والجو كان حلو ...

نادر : اسوم مالقيتيش نقالي ..؟

اسماء : علاش ..

نادر : كيف علاش عندي ناس تكلم فيا وعندهم مواعيد وكشف غدوة ..

اسماء : اها تقصد مواعيد في جردينة المستشفى ..

نادر استغرب في اسلوبها .... خيرك اسماء شن صاير معاك ..

اسماء : البنت اللي متلاقي معاها في الجردينة شن قصتها ..؟

نادر : منين عرفتي ؟

اسماء : وصلتني دوة من برا ...

نادر مايبيش يكبر الجدل مع اسماء على الصبح..

نادر : شن تقصدي بكلامك .. نكلم في وحدة غيرك ..

اسماء : اي تكلم .. انا في فراشي مطروحة مانندري على شي .. وانت مداير وحدة وتكسد معاها ..

نادر : والله ما في وحدة وخشت حياتي غيرك ..

وخرت اسماء بالكرسي وطلعت النقال وفتحاته .. وفتحت الفايبر ...

اسماء : هذا شنو .. كاتبتلك .. ماشاء الله عليك .. عسل .. و غالي .. و ليك وحشة ..

من غير مكالمات الفايبر بالساعة اسماء توريله فيهم ومتكنطية ) ..

نادر : والله هاذي البنت خوها مقعد .. ويبي علاج برا... تميتلها الاوراق وسفروه يتعالج .. البنت هاذي طلبت وانا كلمتها من باب المساعدة ..بس 

اسماء : اي حق من باب المساعدة .. وشن هما مكالمات

بالساعة .. شن تحللوا في الذرة ..؟

نادر : عاد انتي تبي تفهميني ولا ماتبيش تفهمي ..

اسماء : مش عارفة علاش نحس في نفسي مش مصدقة كلامك ..

نادر : والله الله العظيم باش تبي نحلفلك البنت هاذي كلمتني وساعدتها ومافي شي بينا ...

اسماء وجهها جديات وتشبح لجهة التانية ماتبيش تحط عيونها فيه ... وساكته ..

نادر : انا بنطلع خير ما تكبر.. بعدين نتناقشوا لم تهدي ...(وخدي النقال وطلع) ..

اتصلت اسماء بخوتها يجوا يرفعوها 0.

كلمت الشغالة تلم شوي من دبشها .. في ساكو

ونزلوها خوتها

..

فوزية ام نادر ) : على خير يابنتي وين ..

اسماء : لحوش اهلي ..

فوزية : امس بس كنتي غادي ..شن

صاير ..

اسماء : لا مافي شي ..

عند ملاك

طبعا من يوم هددها معاد معش 

اتصل بيها ...

.. خش مصطفى على اخته في دارها

.. مصطفى : اليوم معاد جايب اهله

ملاك : كيف ..

مصطفى : الولد يبيك وجاي من .. الباب

طلع مصطفى ..

وملاك تخمم كيف ادير معاه .. كان ما وافقتش عليه .. بيقول لخوي اللي شافه .. ويقعمزني خوي في الحوش .. وننحرم من دراستي ..))

حسبتها ملاك من يوم اللي كلمها فيه لليوم يجي (اسبوع) (..))

عطاها معاد مهلة اسبوع .. والرد تعطيه لأهله اليوم يا موافقة يا مش موافقة ..

ملاك : ياربي شن اندير في عمري انا .. الكلب (حشا القاريين) شدني من ايدي اللي توجعني ...

عند اسماء

عيسى يكشخ على بنته : كيف تطلعي من غير شيرة راجلك .. بلا علمه ..

اسماء : اللي بيناتنا خلاص يا بوي .. عيسى تلفت لمرته : خيرها بنتك شن تقول ..

مديحة ( ام اسماء ) : خلاص يا حاج غر توا خش اتغذى وبعدين تكلموا ..

وغمزت لبنتها تخش لدارها ...

عيسى كيف بيبدا يتغذى

عيسى : وعلاش جايبين اختهم ..

سألوها راجلك عنده علم ولا لا ..

ماشيين يهزوا في روسهم ..

مديحة : تو تنحل يا حاج غر اتغذى تو ..

لبنى وهي تسمع من البلكونة .. في النقاش ..

اتصلت بمعاد ..

معاد : ايوا ..

لبنى : كيف حالك ؟

معاد : تماام ..

لبنى : عندي ليك خبر ايفرح..

معاد : شني قولي ...

لبنى : اسماء شكلها متعاركة هي

ونادر جاية وجايبة ساكوها شكلها مطولة ..

معاد : هههه . به توا عندك رقمها ولا

.. ايميلها انتي

لبنى : علاش ؟

معاد : بندير حاجة ..

لبنى : نعطيهولك لكن رد بالك

تحطني في الواجهة ..

معاد : تي عيب ..

لبنى : نعطيك رقمها فايبر ...

معاد : خلاص ابعتيه في رسالة ..

عند ملاك ..

مع العشيات قبل جية اهل معاد

بساعة ..

بدلت وتت روحها ولبست قفطان اسود طويل بأكمام .. ودارت شعرها كعكة فوق ..

وهي في المطبخ توتي في سفرة القهوة ..

حط معاد اخته وامه في حوش ملاك وخشوا ..

معاد وهو مدرس برا قدام حوش ملاك ..

استخدم شفرة ثانية باسم شخص تاني .. وفتح فايبر .. وبعت مسج .. الأسماء ..

__________

عند اسماء

وهي متكية في دارها وصلتها رسالة فايبر

فتحتها لقتها (صورة نادر وملاك مقعمزين )

اسماء حست برعشة وحرقة في كبدها مش مصدقة ..

اهو دليل ثابث ووصلها .. )

اسماء : زعما من اللي بعت الصورة ماتكونش لبنى ...

واتصلت اسماء بلبنى مرت خوها ...

اسماء : لبنى .. في الحوش انتي ؟

لبنى : اي تبي حاجة ؟

اسماء : انزليلي نبيك ..

.. ونزلت لبنى وفي حجرها بنتها حطتها عند حناها وخشت لدار .. اسماء

لبنى : شن اجو ..

اسماء : باهي اهو ..

لبنى : شن ان شاء الله خير ..

اسماء ملت عليها رقم اللي بعت الصورة

اسماء تعرفيه الرقم هذا ؟

لبنى مازبطاتاش الرقم : لالا ..

اسماء : وصلتني عليه صورة توا ...

لبنى : صورة شني ..؟

اسماء : نادر مقعمز مع بنت في

الجردينة زي ما قلتيلي ...

لبنى : مش قتلك انا .. اهو جي الدليل لعندك ...

اسماء : خليك معاي صريحة لبنى .. 

.. انتي باعتيها الصورة ؟ قولي عادي

لبنى : والله لا علاش بنبعتها من رقم تاني انا كان صورة عندي نجي نوريهالك طول ..

اسماء : به من يكون اللي

بعتها .. علاش دار هكي ؟

لبنى : علمي علمك ..

مهم اهو

عرفتي الحق توا ...

اسماء : انا حصلت رقمها من نقال نادر البنت

لبنى : خلاص اتصلي بيها واعطيها على راسها...

طقت مديحة على باب وخشت ...

مديحة : لبنى بنتك تعيط تعالي خودیها ..

وخدت لبنى بنتها ..

لبني : دليل لعندك اهو اسمطيه بيه ..

وطلعت لبنى ...

مديحة خشت لبنتها اسماء شن فيه خيرا وجهك مقلوب ؟

وورت الصورة لامها ..

مديحة شدت النقال : من هذا ؟ ..

حيييييي هذا نادر ..

اسماء : الخاين هذا ..

مديحة : بالك زميلته ..

اسماء : صحبته صحبته

هاذي .. شفت المحادثات في جهازه

اليوم

..

مديحة : من بعتها الصورة ؟

اسماء : مش عارفة رقم ما نعرفاش ..

مديحة : بالك الملاعبة مرت خوك...

اسماء : من هي ؟

مديحة : هاذي الركبت ..

اسماء : حلفتلي قالت مش هي ..

مديحة : غريبة .. لكن نحس فيها فرحانة ..

اسماء : ماهو الراجل اللي عندي يخلي في الناس تتشمت ..

واتصلت اسماء برقم ملاك ..

__________

عند ملاك ..

ملاك وهي كيف تصب في القهوة في الفناجين ..

رن نقالها

ملاك : رقم غريب .. من زعما ؟

ردت : الو ..

اسماء : السلام عليكم ..

ملاك : وعليكم السلام ..

اسماء : علاش شادتها جرة راجلي

تجري وراه ..

ملاك : عفوا من معاي من انتي ..

اسماء : .. عيب عليك والله عيب

علاش انانية انتي ماتفكريش الا في نفسك وبس تكلمي في راجل متزوج ...

علاش ماشفتيش حد غيره .. فيه

ستين الف واحد خير من نادر ...

ملاك : انتي اسماء ..؟

اسماء : يا سلام تعرفي حتى

اسمي ..

ملاك شادة النقال وترعش : اسمعي انا راجلك مافي بيني وبينه شي ..

وخدمني في خوي وبارك الله فيه وقعدنا نهدرزوا عادي بس والله مافي شي بيناتنا ..

اسماء : كذابة ووقحة بصراحة

يعني .. تتغزلي فيه في الشات .. عسل

وغالي ومش عارفة شن .. وعارفتيه متزوج ..

ملاك : والله لا مافي بالي اللي تفكري فيه

اسماء : امشي حسبي الله ونعم الوكيل فيك ...

وصكرت اسماء الخط معصبة...

حطت ملاك النقال وايديها يرعشوا ومتوترة ..

خدت نفس وشدت السفرة وخشت لاهل معاد في دار الجلسة.. 

كملوا هدرزة وطلعوا ...

وملاك في دوامة وعالم تاني ...

وتفكر وتخمم ..

اتصل معاد ...

ملاك قامت النقال لقاته يتصل ...

ردت : نعم ..

معاد : هلا بالغلا ...

ملاك : ...

معاد : قالوا زي الغزالة طالعة ..

ملاك : امممم

معاد : شن ردك ؟ عاد عاطيك

اسبوع بطوله بعرضه تفكري ...

ملاك : ماشفتش حد زيك الصراحة ...

معاد : اها ماشي خلاص ... معناها تو نمشي لمصطفی تحکیله غراميات الجرادين ..

ملاك قاطعاته لاااا.. انا موافقة ..

معاد : تبي شوط نوبة هاذي ...

..

ملاك : لدرجة هاذي فرحان ..

معاد : هذا الشعور بالانتصار ...

ملاك : هه .. ابتسامة ونبرةة كلها احباط وكره

معاد : هي ماشي تو نكلمك في الليل يا زوجتي العزيزة ..

وسكر ..

ملاك حدفت النقال على السرير : (حقييير)

فكت شعرها وقعمزت تخمم ..

خشت امها : بنتي خيرك تقول في عزي ..

ملاك : ماما انا مش . مرتاحتله .. امه واخته ماعندي فيهم ما نقول .. لكن هو انسان مش نظيف يام ... سكتت امها . .... ملاك : شرطي الاساس قرايتي .. قولي لولدك يقوله بنكمل دراسة .. امها : باهي باهي ان شاء الله خير ...

عند نادر ..

روح مع المغرب ما لقاش اسماء .. نزل ينادي ..

نادر : يام .. يمي ..

.. امه ها ولدي

نادر : اسماء وين ؟

امه . جوها خوتها رفعوها 

نادر : كيف ؟ كيف تطلع بدون علمي ..

امه : وين نندري عليها عاد نحسابك

تعلم. .. صاير بينكم شي ولدي ..

نادر نكر : لا ..

وطلع بالسيارة ..

يتصل بيها ماتردش ...

درس قدام حوشهم وطق على الباب ..

فتحله سامي

سامي : اه خال شن جو .. خش ..

نادر : نبي اسماء ..

سامي : في دارها خش

..

وخش نادر على اسماء ..

نادر والع : كيف تطلعي من غير ما تعطيني علم ..

اسماء : منبيش نقعد غادي ..

نادر : كيف ؟؟ شن قصدك ..

اسماء : هكي اللي بيناتنا خلاص ..

ساد.. اللي فيا سادني .. زدتها انت

من جهة .. ياسرني خلاص معش

قادرة نتحمل أكثر من هكي ..

سامي : استهدوا بالله .. عمره ماجي

التفاهم بالعياط .. اهدوا ..

نادر : قتلك البنت خوها حالة عندي وساعدتهم ..

اسماء : تساعدهم .. ويمشوا على حالهم وانت في حالك .. مش فايبر وهدرزة .. iiiii

وطلعت اسماء النقال متعها وفتحاته

اسماء : هاااا شوف صورة مني هاذي ؟ انت وياها ولا ؟

نادر معش فهم شي .. !! : ولا عرف یرد

نادر : من بعتهالك ؟

اسماء : رقم ما نعرفاش وبعتها ...

نادر دماغه ستك ( به من بعتها ملاك ؟؟؟.. مستحيل ماتعرفش رقم اسماء ) (

اسماء : سكتت ؟ ما عندك

ما تقول !!!!.. خلاص اطلع من فضلك ومعش نبيك لا تجيني ولا تشوفني .. برا على حالك .. !!

نادر : والله يا اسماء لظالمتيني .. لكن جاي اليوم اللي حينعرف فيه كل شي ..

خشوا خوتها الكبار الزوز (جهاد )) عبد الرحمان )

شن فيه خيركم ..

لبنى تسمع في الدوة في وسط الحوش بش بتنقلها طازة

نادر طلع ولا حرف ومتكنطي ..

اسماء جابدة الغطاء على روحها وتبكي

روح نادر للحوش وكله يأس وخش لدار نومهم ...

حس بروحه ان كل ما يحاول ايقرب اسماء ليه تبعد .. 

حدف جاكته علة الكرسي واتكا على السرير يخمم ..

بين الزعل والشوق

وين ما علي اتغيب ***

بين الزعل

والشوق والتعذيب

اتزيد حيرتي

ويم ما تغيب علي ***

اتزيد حيرتي نلقا

الصبر اشوي

ويكمل جميع الوقت مشي وجي

*** تستاهل عليك

انحوس ما هي عيب

وكاني قعدت الوجه بين ايدي ***

فكري احذاك ايشيلني ويجيب

اغيابك دقايق ايخلف في *** يابال يوم

ايهدني وانشيب

تاخذني متاهه درب ما هوي لي ***

نبقى غريب

أيدل فيه غريب

وين اتغيب الشوق ***

يحرقني ونبقا ف

المرار الذوق

راجيت مرسالك علي ايتوق ***

بالك ايطفي م اللهيب لهيب

بين شوق يزايد وضيق اخلوق ***

مقسوم دارنه علي سريب

#العشق_الحلال

كتابة : ندى أحمد

#الحلقة 6

قراءة ممتعة

حدف جاكته علة الكرسي

واتكا على السرير يخمم

بعد اسبوعين ..

ملاك خافت تخرب على روحها معش

اتصلت بنادر نهائي

وهو نادر معش دورها .. لان هي لو

ما اتصلتش ما يتصلش ..

تم تحديد عرس ملاك و معاد ملاك تقول جنازتها مش عرس ( البعيدة على القاريين ..

وتم معاد كل شي وجابلها من كل شي.. ذهب يحل العين المغمضة .. والفيلو من برا على ذوقه ..

هو يسأل شن رايك في هاذي شن بتاخدي وهي ملاك شي شي .. خذي كل شي بذوقه هو واخته ..

حددوا العرس وعزموا ناسهم وجيرانهم ..

محادثة بين معاد وليني  

معاد : بتجي للعرس

لبنى شاهقة . : تبيني نقتلك انت وياها

معاد : هههه علاش غايرة منها ؟

متمنية روحك مكانها ؟

لبنى : تستعبط ..

اكيد عارف جوابي

معاد : عارفك ما تستغنيش عليا ..

وحتى انا انتي وعمايلك ما نستغناش عليها ..

لبنی : ههههه شوفتي فيك بتكمل

مصلحتك وبتفوتني ..

لبنى بتموت لان معاد بيتزوج .."

يوم دخول معاد عرس مقلوب مطنطن اطنطينة على الاخر ... حضرت عيلة اسماء كلها العرس ما عاد اسماء اختارت تقعد في الحوش ..

نورة وهي تلبس في عبايتها : لبنى

هيا معش وقت ماشيين مؤخر...

لبنى : استني نلبس صندليا ..

نورة : لبستي حاجة مريحة انتي حامل ..

لبنى : مش عالي هلبا اصلا بنقعمز في مطراح واحد ..

مديحة : هيا يا مرا انتي وياها شن صار

* وخدوا شناطيهم .. وطلعوا على رجليهم ..

حوش معاد وحوش اسماء مقابلين بعض .. وبيناتهم شارع ..

وخشوا لصالة الكبيرة متع حوشهم لبنى وهي تساوي في شعرها الطويل فلو على المرايا ولابسة قفطان احمر مغري بالقصد ( لبنى جمالها على الاسود .. جذابة وملفته لنظر ولهلوبة ( وشريرة في نفس الوقت )

نورة لابسة على السكري وشعرها على العسلي ونعومة وهادية نورة : عطيك السلامة يا كبدي .. هذا كيف نزلتيه على بطنك القفطان .. لبنى تتشقلع : وعبدو شن يدير هههه نورة ابتسمت متعجبة : باهي ربي يخليلك عبدو ...

وقعمزوا في طاولة وحدة العزوز وكناينها الزوز ..

وكلهم لبسوا اوشحتهم الا لبنى ..

خش معاد بالعروس ملاك .. نورة : غطي راسك خش ره.. لبنى : اياه لاهي بعروسته مش لاهي بالناس ..

ولبني محروقة تسحن تشوف فيه کیف شاد ايدها وخاش بها...

لبنى : عمتى بنخش الحمام تو نجي ..

معاد وهو مقعمز جنب ملاك .. لبنى تخطف قدامه بلا وشاح تحاول تلفتله نظره ..

معاد ولا شايفها ولا يعرفها ..

ومبتسم وجوه حلو وملاك تجامل ووجهها عبوووس

نورة طبست على عزوزتها : خيرها هبلت هاذي

العزوز : كان يندري عليها يقرضها ...

قعمزت لبنى تسحن .. (( صار هكي يا معاد ))

عند اسماء في الحوش بروحها ... نادر يتصل

اسماء مابتش ترد ولا تعدل عليه ..

وصلها مسج " ردي ضروري يا اسماء "

اسماء قعدت تخمم ترد لا ترد لا . ..

رن تاني ردت ..

نادر : افتحي الباب نبيك

اسماء : مش فاتحتلك برا على حالك ..

نادر : تو نعرف بمن نتصل بش يفتحلي الباب

اسماء : من بتكلم يعني ؟

نادر : بوك ..

اسماء : بلا هبال روح ارقد .. غدوة عندك عمل

نادر : ماشي هي .. تو نكلم عمي عيسى .. نقوله بنتك مخليتني في الندوة برا ..

اسماء : افففف مشناك .. باهي اصبر تو نفتحلك ..

ومشت اسماء بالكرسي فتحت الباب ..

ومتبيش توقف عيونها في نادر ..

نادر : شكله مافي حد في الحوش اسماء : كلهم في العرس مافي حد نادر شبح ایمین ايسار وفي راسه حاجة .. .. ..

نادر : وبوك وخوتك

اسمااء : في العرس اهوا هني مقابلنا ..

نادر : به تعالي جاي يا عفريتة ) طبس وقامها في غمره )

اسماء تضرب فيه على ظهره : نزلني يا بارد .. نزلني ..

نادر يضحك : شن رايك توا نهرب بيك في السيارة ولا نحطك في الدار نسكر عليك بالمفتاح..

اسماء : نزلني خوتي ولا بوي يجي يشوفنا ..

نادر : باهي قولي انك صافية والامور تمام ..

اسماء : مش صافية نزلني ..

نادر : امالا خلي نحطك في السيارة .. وكيف بيطلع بيها )

اسماء : بالله عليك لا .. نادر خلاص بلا برادة نزلني ...

نادر : صوتك يفضح خلي نخش داخل ..

رفعها لدارها وحطها على السرير ...

وهو يشوف في عيونها

نادر : انتي مستاحشتيني باين من عيونك..

اسماء تهرب بنظراتها : نادر حول ايديك ما نبصرش .. ( تحاول تفك ايديها من نادر )

نادر : قريب عشرين يوم !! وين صار مرا تغيب على راجلها عشرين يوم ؟؟؟ وهي خطوتين جنبه ..

اسماء : اتصير لم راجلها يقعد يلبز ويكلم من وراها ..

نادر : والله في القلب مافيه الا انتي يا منجوهة ..

وعم الهدوووووء والنظرات الحنينة

نادر وهو يكلم فيها بصوت هادي : علاش هكي اديري تعذبي فيا تهجري في زوجك ..

اسماء هادية في مكانها وذايبة ذووب من نظراته ..

اسماء : ...

نادر : ولا تقيسي في غلاك ...(ونتشها نتشة غل في ذراعها )

اسماء : نادر لاااااااا ..

نادر : اسكتي خير ما نخطفك ..

ودورا سمعوا صوت حد خاش للحوش ..

سامي : هاذي خيرا كرسيها بحدا

الباب وين مشت ..

.. وينادي : اسماااء

اسووم .. قطوووسة

قعمزت اسماء ..

اسماء : افتح باب الدار هذا سامي ..

نادر فتح الباب 

اسماء : تعالا سامي انا في داري ..

خش سامي بالكرسي : اووو نادر انت هني ؟ وسلم ..

سامي : لقيت كرسيك فم باب الحوش ..

اسماء تحشمت وولى وجهها احمررررر ..

نادر حاول يطلع مم الموضوع وقعدوا يهدرزوا هو وسامي وبيطلعوا لجنان ..

نادر كيف بيسكر الباب غمز وحدف بوسة لاسماء اسماء مش عاجبها تشبحله

ومتعفلقة : ...

في العرس ..

لبنى مقعمزة مع ال ۱۱ الليل 00

عبد الرحمان يتصل

زوجها يبصر : اها يا غزالة العروسة للعريس والجري للمتاعيس ..

مزااااال ماتبيش تروحي

- حستها الكلمة عليها بالتمام

لبنى : هكي اها !!!

زوجها : هي شن نجيك نروح بيك ..

لبنى : مزال بكري ..

زوجها : تي مستاحشك ..

لبنى : ههه ياريتك ماشفتني قبل مانمشي عارفاتك انا بتقعد اتقلق فيا ..

زوجها : شن جايبتيلي معاك ..

لبنى : بكلاوة و كيكة ...

رقدت

البنت ؟ (بنتها الصغيرة)

زوجها : راقدة من امبكري ..

وروحت لبنى على رجليها هي وعزوزتها وسلفتها سايرهم عبد الرحمان ..

ركبت لبنى لشقتها قبل عبد الرحمان

لبنى تراقب من روشن شقتها كيف يزفوا في معاد في شارعهم وتسحن لبنی ( تو نشوفوا أخرتها معاك يا معاد ))

على خشة عبد الرحمان .. للحوش ..

جبدت لبنى الستار ...

عبد الرحمان : يسلمهالي ام شعر طويل تقول فرس ..

معاد خش بملاك لشقة وهي لابسة الفيلو

معاد قعد يوريلها في الحوش وهي في عالم تاني ... ..

وخشوا لدار ...

ملاك : من فضلك ممكن تطلع شوية بنبدل ..

ملاك تبكي قدام المرايا ومتضايقة ..

عطلت .. و معاد يستنى برا .. طقطق على الباب مافيش رد ..

فتح الباب لقي ملاك طايحة مغمى عليها 0.

معاد خاف على ملاك لحظتها وحاول يفيقها وبخ رائحة وشممهالها ..

بعد زواج معاد وملاك ..

مصطفى خطب هند .. لكن ملاك مش راضية

فات قریب شهرين

اسماء على نفس الحال معاندة

ومكابرة وماتبيش تكلم نادر ... وكل مايجي تصد فيه و تتجاهل فيه

_______

عند ملاك ..

معاد خلف كل وعوده وبطلها من الدراسة ..

وقعدت ملاك تسحن عليه .. ولو بتطلب الطلاق من معاد حتخرب علی مصطفی خوها وما يصيرش الزواج هند

وفي صبح من الصبحيات

فتحت الباب جايبة القهوة في دار معاد ..

لقاته مهناش ..

وقفت على الروشن بتشوفه وين ما لقاتاش ..

تلفتت لقت اللابتوب مفتوح .. سمعت صوت رسالة ماسنجر ...

..

واستغلت الفرصة انه مهناش ..

فتحت الرسالة

[معاد انا مسعود علاش درتلي حظر لا يميلي ؟ ] اتذكرت ملاك الاسم ورجعت ذاكرتها في هذاكا اليوم

( معاد : اسمع .. اسمع هني ليبيا لا خليك في تونس لين نبعتلك امانتك ...

معاد : مسعود قلتلك اصبر انا .. معاد : اي النص الاول عطيته لاختك لبنى والنص التاني باعتهولك بعد غدوة ..

.......) 

وكملت ملاك تقرا في الرسائل ...

ماسنجر دبرلي يا معاد نبي حوش في تونس يا كنهذا بنروح لليبيا ] علاش ما تردش .. ولا بعد ما ورطتني فوتني ]

ملاك تفكر ( الشاب هذا زعما شن اللى ورطه فيه معاد .. ؟ وعلاش هارب برا البلاد )

حفظت ملاك اسم الايميل ..

ودارت الرسائل غير مقروءة بش ما يشكش معاد ..

وطلعت من المكتب بسرعة ..

على جية معاد... 

ملاك : وين كنت ؟ .. قهوتك واتية من امبكري..

معاد : طلعت للمحل جبت دخان وجيت ..

وين القهوة ؟

ملاك : في المكتب ..

وطلعت ..

قعدت تفكر من هذا الشخص ..؟؟ اكيد معاه سر على معاد .. هذا باش معاد حريص انه ما يروحش كيف باهي بنعرفه ..

. 

. 

. 

. 

وفاتت فترة قصيرة واكتشفت ملاك انها حامل ..

وخشت في عالم تاني قراية وما صار منها وحملت من معاد وهاذي الكارثة هي مش ناوية اطول معاه لكن ادور في حل

عند لبني ..

تتصل بمعاد ما يردش وحطها اخر شي في قائمة الحظر .. طبعا بعد عرف مرته حامل )

وقعدت تغلي ، من يوم تزوج ، معش دورها ..

لبنى مقعمزة في دار المعيشة مع راجلها

والبنت تلعب جنبهم

لبنى : عبدوو غاليا...

عبد الرحمان وهو يتفرج على التلفزيون ..

عبد الرحمان : نعم ؟

لبنى بنبرة زعل : بصراحة قلقت من الحوش عبودي ..

عبد الرحمان : انزلي كسدي مع امي والعيلة لوطا.. ...

لبنى : حسيتهم كل مانجي نقعمز معاهم ما يدوروش فيا ..

عبد الرحمان : به والحل ؟

لبنى : تعرف انت صحبات

معنديش .. صحبة وحدة ومشت

لشرق .. دارت روحها تتسخف

نبي نمشي نهدرز على جارتنا تقصد اهل معاد تخليني ؟

عبدو بنظرة مطولة : به بري لكن ما تعطليش نص ساعة وروحي .. وقبل المغرب تكون هني ..

لبنى شدت خد عبد الرحمان : يا نجيلي الغزال صحيت وناضت ... تجري بتوتي روحها .. ( باللسان واخدة من عبد الرحمان شن تبي ، وهو يحبها يموت فيها ، لكن ) ... هي

.. مشت لبنى ورنت على جرس الباب

فتح معاد

معاد : لبنى ) وتلفت يمين يسار انتي شن اديري هني ؟ شن جابك .. ..

لبنى : مبروك العرسة .. وقعدت تنادي ( يا عويلة .. )

جت ام معاد : تفضلي ..

معاد وخر على طول : تفضلي

تفضلي .. خشي العيلة قاعدين ..

كيف ارتبك ... لبنى شبحتله شبحة بابتسامة مستفزة على جنب

وخشت

) لبنى بدت هي مصدر الخوف لمعاد .. انقلب الحال (*)

عند نادر . ..

نادر يفكر بينه وبين نفسه ( هكي يا اسماء نتصل ماترديش .. امالا كان اتصلت ولا دورت نبقى ولد ستين كلب ) حشا القاريين ..

اسماء معش شافت اتصال من نادر ... بعتتله مسج استفزازي ...

احني لازم ننفصلوا خلي كل واحد في طريق وعطيني طلقتي "

نادر تنرفز من رسالتها .. وجي بيرد عليها ..

لكن

" لكن لا حقا .. مش راد عليك نخليك تبعتي لين تعيي احكي مع الهواء توا " )

نادر وهو في استراحة الفطور في المستشفى ..

محمد : شن اموركم توا ...

نادر : على نفس الحال ماتبيش تصدق ومسكرة راسها على الانفصال ..

محمد : يا ودي تبي الحق كاني مكانك مش عارف شن اندير ...

نادر : خليها .. معش بنكلمها وطلاق منيش مطلق ..

محمد : لازم تتبتلها انك صادق ..

نادر به شن بنديرلها قد ما خرفت ماتبيش تفهم..

محمد : به في بالك من اللي صورك .. ومن اللي بعتها ..

نادر : والله ماني عارف لتوا مني ..

محمد : به کیف ساكت لتوا .. لازم تعرف مني .. اللي دار هكي يتمنالكم الفراق ..

اسماء مستغربة في غياب نادر وكيف معش دورها ..

اسماء : ( اكيد يكلم في هاذيكا معش لاهي بيا .. ) ..

عند لبنى في حوش الجيران مقعمزة لبنى تهدرز مع العيلة

لبنى : في اما شهر توا ؟

ملاك : قاعدة في الشهرين الاولات ..

لبنى : به ربي يتمملك على خير

وقامت مفتاح حوشها

ملاك : هي نستأذن انا .. تعبانة

شوي.. بنركب نتكا

وسلمت على لبنى ( معرفة خير ان

شاء الله )

ركبت لحوشها

ملاك تتقلب يمين تتقلب يسار

تخمم في حالها وحملها

وناضت قعمزت فجأة ...

.. مشت للمكتب بتفتح اللابتوب لقاته بالرمز

.. قعدت تحاول وتحاول تفتحه

جت عينها على الخزنة ...

خلي نجرب رقم الخزنة )

جرررباته ملاك : ( يسسسس نفتح )

وقعدت تفتش في المجلدات وادور ..

لقت ملفات وفيديوهات ..

وكيف بتبدا تفتحهم وهي خايفة ومتوترة

** زعما تلقى حاجة ضد معاد ؟ وتقدر تطلع من اللي هي فيه ؟ )**

وهي تتفرج على الفيديوهات

الفيديو الاول [ كيف مسعود ضرب محمود بالرصاص .. ومحمود ملقى على الارض والدم على الارض وهرب ]

ملاك حطت ايدها على فمها وترعش وتبكي [ هذا فيديو خوي شن يدير ] .. هني ؟

فتحت الفيديو الثاني [ مسعود وهو سكران ف الاستراحة ويحكي في مغامراته الاجرامية ]

الفيديو

مسعود : اليوم عالمي .. حشيتها في كنتر مسكينة .. تبي الحق وجعتني .. لكن الفلوووس ههههه ) ويرقص ويدق في الشواء )

معاد : امبحبحة اليوم ملحمية تاريخية يا مسعود

مسعود : مشي فيها نادر المسكين ..

( اللي كان سبب في حادث اسماء ؛ هو معاد ، واداة الاجرام مسعود ) ملاك مصدومة : ..

ناضت بسرعة تفتش وطلعت فلاش ونسخت كل اللي في اللاب توب ..

وخلاص قريب تكمل ...

سمعت صوت معاد في الجنان سكر باب السيارة ..

فصلت الفلاش ..

ومشت بسرعة للمكتب وردت اللابتوب في مكانه ..

. 

. 

. 

. 

. 

خش معاد

معاد : ملوكتي ..

ملاك مسحت وجهها : نعم ( تكلمت بشكل طبيعي )

معاد : اليوم طالعين نتعشوا برا بش توتي روحك المغرب امي واختي حتى هما ماشيين .. معانا ..

. خدوا طاولة والعيلة كلهم جوهم مليح..

ملاك بس في دوامة وعالم تاني ..

معاد : ملاك خيرك ساكته ..

ملاك بابتسامة مجاملات : لا شي ..

وهما في انتظار الوجبات ..

ملاك : عن اذنكم شوية بنمشي للحمام ..

وخشت ملاك للحمام طلعت نقالها ..

تتصل بنادر

عند نادر

نادر وهو يتعشا مع امه

نقاله رن ..

تلفت شاف ملاك تتصل).....

#العشق_الحلال

كتابة : ندى أحمد

#الحلقة 7

قراءة ممتعة

نادر في الاول ما باش يرد ...

ملاك : ( هيا رد يا نادر )

واتصلت تاني ..

ناض من السفرة لداره ..

ملاك : ايوة نادر .. عرفتني

نادر : ملاك ؟

ملاك : اي .. اسمع غر معنديش وقت هلبا ..

عندي حاجة مهمة نبي نقولهالك ..

نادر : قولي ..

ملاك : حادث زوجتك مفتعل ..

نادر : شني ؟؟ شن تقول

ملاك : معاد وراء هذا كله ..

نادر : لحظة لحظة .. انتي منين

تعرفيه معاد ومنين جبتيها الدوة هاذي

ملاك : تزوجته وياريت ماتزوجته ..

نادر : امتى صار هذا كله ...

ملاك : من شهرين ...

نادر : وهي انتي لي خداها .. شينك

ماخدة مالقيتي الا معاد ..

ملاك : نصيب .. مهم مش هذا موضوعنا ..

انا عندي الادلة كلها .. مهم تو وقت يبدا مهناش نحكيلك بالتفصيل ما تتسرعش وتحكي لحد ... ..

هند اطقطق على الباب

هند : ملاك .. وينك ..

ملاك : هيا اني جيت ..

صكرت مكالمتها وطلعت من التواليت ..

هند : هيا زودي حطوا المقبلات ..

ملاك : انا جاية .. ( وقفت قدام المرايا .. حاسة بالخوف والتوهان )

روحت ملاك للحوش ..

وغيرت ملابسها واتكت تفكر ...

علی خشت معاد

معاد : ملاك !!!

دارت روحها راقدة.. 

طفى معاد الضي ..

وقعمز في المربوعة فاتح النت ...

فتحت ملاك الفايبر ...

ملاك : الوو نادر رد نبيك ضروري ..

نادر : اهلین ..

ملاك : اهلا

نادر : خليتيني مشغول .. كملي شن بتقولي امبكري

ملاك : فتحت لابتوب متع معاد

لقيته معبي فيديوهاات للمجرم هذا اسماه مسعود .. شكله يهدد فيه بيهم ..

نادر وينه مسعود و شن فيهم الفيديوهات ؟

ملاك : توا في تونس هارب والفيديوهات الاول فيه خوي كيف انضرب بالرصاص وهرب .. والتاني فيه نفسه الشخص.. يتكلم كيف سبب لأسماء حادث ..

نادر : معقوولة .. معاد قاعد وراي بعد السنين هاذي كلها ..

ملاك : اللي ماتعرفاش على معاد انه واحد حقود ويخزن زي الجمل ..

نادر عصب ونرفز جبد الكرسي وقعمز في البلوكونة وولع

دخانه .. وكمل يدردش 

نادر : به نقولوا ضر اسماء يبي يفركس العرس حسد .. به خوك علاش ضره شن الاسباب ..

ملاك : انا حاسة بيه مش كويس ورافضاته .. وبش يبيني نرضخ

ليه .. ضر خوي ودار روحه واقف معانا ويساعد فينا .. التمثيلية اللي دارها مشت على اهلي وضغطوا عليا ..

نادر : مفروض ما تاخديشي واحد زي هذا كيف ..؟

ملاك : بصراحة يا نادر شافني انا وياك مقعمزيين في الجردينة ..

وهددني .. يا نوافق يا يخبر اهلي ..

نادر : الوسسسخ .. معناها هو وراء الصورة اللي بعتها لأسماء ..

ملاك : كيف ..

نادر : باعت صورة في الجردينة

لأسماء .. لكن ما توقعتاش هو .. هذا وين عرفت ..

ملاك : انسان مش نظيف بكل ..

نادر به والحل معاه هذا ...

ملاك : انا كلمتك ندور في حل ..

نادر مصدوم وتغايض من اللي هذا .. كله .. طلع معاد سمعه ..

وهو يتمتم (( الوسخ المريض ))

نادر : اسمعي ملاك .. مزال نبوا ادلة

تثبت اكثر... 

ملاك : كيف ؟

نادر : تعرفي ايميله على الفيس ؟

ملاك : اكيد ..

نادر : خلاص امالا جيبيهم الاسم والادلة ..

ملاك : تمام ..

وعلى خشة معاد لدار ..

معاد : ملاك !! نايضة ..

ملاك خافت : اها ؟ اي نوضت توا ) وقلبت النقال على وجهه ..

معاد يشوفلها ويشوف لنقال :

تفسفسي ؟

ملاك : اي ..

معاد : ترا هاتي .. شن تفسفسي ؟

ملاك غيرت الموضوع : انا جعت رايك نديروا سندوتشات ؟ ..

معاد : حتى انا .. عشي المطعم ما دارلي شي ..

وقعدت تساير في معاد لين خذاه النوم ..

ورجعت فتحت فايبر ...

ملاك : نادر غدوة عندي موعد في العيادة ..

نبيك تاخد الامانة ولا تبعت حد ياخدها ..

نادر : انا عندي مواعيد غدوة .. تو نبعت محمد ويستلمهم منك .. ( نادر ما يبيش يتلاقى بملاك على خاطر اسماء ما يبيش مشاكل اكثر )

نادر : امسحي الدردشة مرات .. يشوفها

ملاك : تمام

قضت ملاك اليوم والليل وهي كامدة الصدمة في داخلها ..

ملاك درست السيارة و نازلة للعيادة : ) رح ناخد حق خوي وحقي منك يا معاد )

اتصلت بنادر ...

نادر : ايوة كلمت وليد صديقي اسمه محمد تو يستلمهم منك ، وصلتي للعيادة انتي ؟

ملاك : اي وصلت

نادر : تلقيه لابس فانيليا زيتوني وسروال بيج ..

ملاك : اي اهو لقيته وصكرت ..

ومشت وقفت

ملاك : استاذ محمد ؟ .

محمد : ايوه

ملاك : انا ملاك ..

محمد : اها تمام ..

ملاك : ومدتله ورق بش ما تلفتش النظر وفي الغلاف الفلاش ..

. 

. 

. 

دارت ملاك كشوفاتها على الحمل 

وروحت !!

. 

. 

. 

عند نادر ومحمد وهما في المستشفى فاتحين اللابتوب ..

ويتفرج محمد و نادر عيونه لین مدايرين شرارة من الغضب والصدمة في نفس الوقت ..

ويصفق في ايديه ( تي هذا نسيب عبد الرحمان ... هالوسخ لاعب في الدنيا تسعة ضارب العيلة في بعضها .. هذا يموت نرتاحوا منه " يقصد معاد ")

محمد : لا يا نادر رد بالك تغلط هاذي تبيلها تقعميزة باهية .. حبكة منلاخير . ..

نادر يزربز يتمشا ايمين يسار في الحجرة

نادر : قصدك انا تبيني نسكت بعد اللي شفته ..

محمد : مش تسكت .. لكن هاذي

الادلة ما تكفيش وبعدين لازم ما نشدوا المجرم هذا بش ينشد معاد

..

شدیت مسعود معاد بيجيبلك خيره لكن شد اللب...

نادر : الحل ان نقتله ونرتاح منه الخامر اهوا ...

محمد : نااادر اهدا مش هكي انت بضر روحك وبضر عيلتك واسماء حتى هي !!

نادر شاد راسه : كيف تبيني نتصرف

ببرود اعصاب.. تي هذا كان يبي

يقتل اسماء .. ما يبيناش نتزوجوا ..

وللفترة فاتت باعت الأسماء الصورة ..

محمد : صار هو وراء الخارقة ؟

نادر : تي اييييه

محمد : مش عارف انا .. ناس عندها

فلوس تمشي تحج تمشي عمرة

تمسح ذنوبها .. ولا تعيش حياتها ..

هذا فلوسه في المصايب ..

نادر : افففففففف......... 

محمد : من ايام الجامعة مش مزبوط من حطلك الطرف هذاكا ويبي يلبسهولك ..

نادر : المهم توا عطيني كيف نطوقوه بالادلة بش ما عنده منين يمنع ...

محمد : به انا عندي راي مليح..

نادر : شن هو ؟

محمد : جيب الرقم اللي بعت منه

الصورة .. ورقمه الرسمي اللي يعرفوه الجيران واضمنهملي على جهة ..

نادر : ما فهمتش عليك ..

محمد : تو غر خلينا نمشوا لبشير

يسكن وسط البلاد عنده في الهكر ... ونحاولوا انتبتوا عليه 0. نادر : صعب .. الموضوع هذا غير قانوني .. لم بتجي بتشكي بيقولك منين الادلة هاذي ؟ تقوله هكر يدكوك انت ومتع الهكر ويكبر الموضوع .. لازم في حالة وحدة يتم اختراقه وهو بموافقة من المحكمة .. تجيب ورقة منهم .. محمد : غر خلينا على الاقل نعرفوا مكان المجرم .. هذا اسمه مسعود ..

نادر : كيف ؟ انا قالتلي ملاك هارب لتونس

محمد : تي عطينا نعرفوا مكانه مايكونش في تشاد .. ؟ نبوا مكانه بس... 

نادر : ...

محمد : هي نوض نمشوا للولد ..

وناض نادر وخدي مفتاح سيارته ونقاله وطلع ..

محمد حط ايده على كتف صاحبه وطلعوا سكروا الباب ..

وهما في الطريق في السيارة ..

محمد يتصل ببشير ...

محمد : اها بشير .. شن الجو ..

بشير : تمام

محمد : شن الامور ماشية ؟؟؟ 

بشير : والله الحمد لله ..

محمد : نبيك في موضوع ضروري يا خال ..

بشير : اها ادلل شن ؟

محمد : عندنا ايميل هكي نبيك

تخشلنا عليه .. كان فيه كيف ..

بشير : والله به به تمام .. امتی ؟ ...

محمد : حتر توا .. فيها كيف

بشیر : تمام به ..

محمد : تقدر اطلعنا مكانه ..

بشير : غر تعالا وبعدين ساهل ..

نادر يأشر لمحمد بمعنى ( قوله قداش تاخد )

محمد : واتعابك .. قداش ؟

بشير : مانختلفوش ..

وصل نادر ومحمد عند الولد بشير ..

نزل محمد ركب في الكرسي .. الخلفي

وبشير جنب نادر ...

وفتح بشير اللابتوب ..

بشير : شن اسم الايميل

مد نادر الورقة لبشير ...

محمد : شن صار ؟

بشير : 10 دقايق ربع ساعة وينفتح..

نادر : خلي نولوا سبسي ..

بشير : اهو فتح..

نادر : ترا خشلنا على الرسائل ..

محمد : تقدر تصبهملنا في فلاش ..

بشير : اي عادي ..

نادر وهو يقرا في دردشات معاد ومسعود

&دردشة &

مسعود : وين الباي الاول متع البنت 0.

معاد : تو نبعتهولك بالتقسيط مبلغ كبير يشدوك عليه ف الحدود ..

مسعود : تمام

محمد : يحكي على باي الحادث يا نادر

نادر : لعنة الله عليه ..

محمد : تمام تمام یا بشیر انسخ الدردشات كلهم ..

..

ونسخوهم على فلاش ..

محمد : ترا طلعنا مكانه ( ايميل مسعود )

بشير : هو توا اوفلاين .. نشط مند ساعة ..

بيطلع المكان اللي هو فيه لم كان نشط

..

نادر : مش مشكلة ..

وقعدوا يستنوا على نار بيطلعوا مكان مسعود ..

بشير : طالعلي في تونس جرجيس بار ال ...

نادر : اكيد عندهم نت يتردد ديما غادي ..

وتموا كلشي وعطاهم باسوورد ایمیل معاد

وطلع محمد من تحت الكرسي زوز ربطات ..

محمد : اه خال تفضل ..

بشير : لا والله ما صارت ...

محمد : تي خود ..

بشير : هلبا ..

محمد : یا راااجل خودهم وانت ساکت ..

وخدي بشير الفلوس ونزل ..

ركب محمد جنب نادر قدام وطلعوا

نادر : كيف يصير توا ؟

محمد : لازم ننصبوله فخ نجروه بيه يخش الحدود الليبية ..

نادر : معناها لازم نمشوا لتونس ..

محمد : والله يا صاحبي معش تعرف تفكر شورك...

اهو بنكلموه من ايميل معاد يجي للحدود على اساس بياخد امانته ونكونوا مبلغين المركز ونكلبشوا عليه ..

نادر : تم ..

روح نادر وفتح الفلاش وزاد قعد يقرا في الدردشات ... لقي دردشة بين لبنى ومعاد ...

( فهم نادر من قرايته للمحادثات الدردشة ان لبنى في علاقة مع معاد وانها هي اللي تحفر وتنقل في الاخبار عليه هو واسماء )

فتح فايبر .. وبعت لملاك ..

ملاك مقعمزة تتفرج على

التلفزيون ..

نادر : اهلین ..

ملاك : اهلا ..

نادر : عندي شي بنقولهولك ..

ملاك : شن نادر قول ..

نادر : معاد ..

ملاك : خيره ..

نادر : يخون فيك مع كنة جيرانكم ...

ملاك : كيف ؟

نادر : جارتكم لبنى ...

ملاك : كنة نساباتك ؟

نادر : اي .. مش تمشي تقوليله ..

مش وقته توا ...

وهي ملاك لاهية في عز الدردشة ...

يخش معاد ويفك التليفون بالغفلة من ايد ملاك ..

وقعد يشوف ..

ملاك ولى وجهها اصفر ...

معاد : مني هذا ؟ نادر ..

سكرت ملاك الشاشة بخفة والتليفون في ايده ..

معاد ما ركزش الا على كلمة "نادر" وكلمة " معاد يخون فيك .." )

معاد شبحلها شبحة مسممة معاد : تكلمي في نادر ؟ يا وسخة ؟

وضربها كف ( طاااف )

ملاك : اااااي طاحت على الكنبة )

وشدها من شعرها

معاد : قداش ليك تكلمي فيه ؟ اهااا قولي ..

ملاك تعيط : حوووول ايدك يا مجرم يا وسخ ..

معاد : قتلك من امتى تكلمي فيه ؟

ملاك : ماليكش دخل فيا ..

معاد سيب شعرها بعنف : يا خاينة ..

ملاك تعيط و تصرخ :

.. کرهتنییییيييي في حيااااااتي

ياااااسر استعباد وتخبط على

راسها ( ياسر ظلم ) وتضرب على رجليها ( ياسر من العيشة الجحيم

اللي معيشهالي ..

معاد يشبحلها ويفنص :

ناضت ملاك وقفت على رجليها

قدامه وتشبحله

وجهها متعب من البكي والهم شعرها حايس

وعيونها في عيونه

ملاك : انت شن تبي مني بالضبط

( اتل في رقبة الفانيليا "انفجرت " )

قرايتي وبطلتني منها قعدت وراي مسمملي عيشتي شن تبي مني ..

معاد : ياسر بلا جو ..

ملاك : انت اللي ياسرك من اللي ادير فيه .. وين بتهرب منه ربي وين ؟

هذا حب ولا كره تاخد بنت ناس وتحرمها من حقوقها ..

ضربها تاني عيطتها عيطة قوية رقدها على الارض وقعد يضرب فيها تيرو و را تيرو لين اغمى عليها .. وطلع معاد

..

ركبت هند لم سمعت العياط ..

شافت ملاك والدنيا تحتها كلها دم ....

هند تعيط وتحاول تفيق ملاك ... تضرب فيها على خدودها هند : ملاك ... ملاك .. ..

تتصل بمعاد خوها مايبيش يرد ... معش عرفت من بتكلم .. اتصلت بخطيبها مصطفى ..

هند : الو مصطفى .. ملاك اختك صايرلها نزيف تعالا بسرعة ..

وجي مصطفى درس تلفت يمينه لقي معاد يصادع على عبد الرحمان و سامي والحاج عيسى ..

معاد : نسيبكم راجل بنتكم يجري وراء مرتي شن يبي منها ..

عبد الرحمان : شن تقول انت .. شن جاي هني تعيط .. براله في حوشهم غادي ..

معاد يعيط وشاد المسدس في ايده : انا بنلقاه قدامي بنصقعه ..

اسماء تسمع جنب الروشن خايفة على نادر في نفس الوقت زادت تبتت ردحة معاد انه نادر مزال يكلم في ملاك حتى بعد تزوجت ..

اسماء لامها : مش قتلك يام قاعد يخون فيا قريب شهر ونص ما كلمنيش .. وهو لاهي يكلم في المعفنة مرت المعفن ..

لبنى تتفرج من فوق روشنها ومتشمتة ( هههه تستاهل یا معاد ماهو ادير فيه ) وتتمنى تصير ..رقبة .. تترمل اسماء وملاك يا تطلق يا تقعد هكي ...

سامي قام تليفون لنادر : اسمع يا نادر

معاد يدور فيك جايب معاه سلاحه 0.

نادر : كيف .. ؟

سامي : دور اي مكان اقعد فيه لين تلقوا حل ..

وصكر ...

__________

مصطفى ركب للحوش نزل اخته في غمره وركبها في السيارة معاه امه وهند خطيبته ..

عند نادر

يتصل بمحمد ...

محمد ناض مخلوع من نومه : ايوا

نادر ان شاء الله خير .. يدور فيك وجايب سلاح معاه ..

نادر : اتصل سامي توا .. قال معاد

محمد : به شن نجيك ولا كيف ؟

نادر : والله ما عارف

محمد : تقعد عندي .. لبين دورنالها حل ؟

نادر : تمام

___________

ملاك في الاسعاف صار معاها نزيف حاد .. ورمت العيل ..

_________

طلع نادر عند محمد من هني وصل معاد لحوش نادر من هني .. ودار ردحة ..

في الشارع

معاد : اطلع يا امسخ .. یا و یا و یا ...

عماد و عمار خوت نادر طلعوا ...

خيرك شن فيه ؟ شن جاي تعيط ..

وجو قربوا منه .. لقوه ريحته وسكي ( سكران)

وشدوه طاحوا فيه ضربوه ..

معاد طلع المسدس من تحته ..

#العشق_الحلال

#الحلقة_8_والأخيرة

قراءة ممتعة

معاد طلع المسدس من تحته ..

واحد من خوت نادر لف دراعه وفكه منه ..

...

لزوه ..

وقعدوا الزوز يتصلوا بنادر . ..

و نادر نقاله مقفل ..

فوزية نايضة مخلوعة من نومها ..

على خشة ولادها الزووز الكبار

فوزية : شن العياط هذا ؟

عماد : ولدك نادر داير مصيبة اكبر من راسه ..

عمار : هذا الكلب نمشوا نفتحوا فيه محضر غدوة

عماد : نفهموا من نادر قبل .. بالك خوك يطلع غالط .. نقعدوا في الحشايم

_______"

عند محمد ..

نادر فتح نقاله نقل رقم سامي وعاود داره مقفل ..

واتصل بسامي من رقم محمد ..

نادر : اها سامي ..

سامي : خير ..

نادر : شن صاير بالضبط ..

سامي : ) حكى اللي صاير لنادر)

نادر : اسمع في النقال ما نعرفش نحكيلك تعالا لحوش محمد ..

سامي : تمام . وطلع سامي عند محمد ونادر . ..

و فهموه شن صاير بالضبط .. سامي معش فهم شي وولع . .

نادر : البنت مزبوط كلمتني جابت الادلة وخبرتني على حادث اسماء ..

وانا لولا هالكلام ما نكلمها ..

سامي : به تو كيف الحل ؟

محمد : بنديروا زي ما قلنالك ..

والمشكلة هاذي تنحل بعدين ساهلة ...

سامي : معناها يا نادر دير بالك

يعرف مكانك معاد ويفسد كل شي ..

محمد : اطمن يا سامي .. نادر

خوي .. حتى ما قدرش هو يطلع ..

انا نتم كل شي ..

نادر : انا حتى كان جت في قطع رقبتي خلي تجي .. لكن مش قبل ما

ينكشف معاد وياخد جزاته ..

. 

. 

. 

_______

ثاني يوم في العيادة ..

كتبوا لملاك خروج .. وروحت لحوش اهلها ..

مصطفى : شن قصة الراجل هذا اللي تكلمي فيه . ..

ملاك :

مصطفى : اتكلمي .. صاح تكلمي فيه ...

ملاك : توا مش حنحكي 0.

تفاصيلل .. لكن اللي عرفته ان معاد

داير علاقة مع كنة جيرانهم ..

مصطفى : مرت من بالضبط ترا ؟

ملاك : عبد الرحمان ..

مصطفى : رابطه ..

ملاك : مش تقول ؟ ولية صحبة عيل .. كل شي الا الفراق

مصطفى : ...

ملاك : منها لله ..

عند اسماء ..

عبد الرحمان : انا ماشي لنسيب الشكل هذا ( يقصد معاد )

اسماء : لاش ماشي شن بتقوله ؟

عبد الرحمان : خليني ..

اسماء : تعرفه انت ؟

عبد الرحمان : رابطه كويس كان يخدم جنبي نفس الجهة ..

طلع عبد الرحمان بالسيارة ودرس قدام حوش مصطفى ..

وكلكس . ..

طلع مصطفى ..

ركب لعبد الرحمان في السيارة ..

عبد الرحمان : شن الجو ؟

مصطفى : ماشية ..

عبد الرحمان : هما كلمتين

خفاف .. بنقولهملك ..

مصطفى : تفضل ..

عبد الرحمان : بنتنا (اسماء) في جرة بنتكم (ملاك) مروحة حرجانة ..

مصطفى : كيف ؟

عبد الرحمان : تكلم في راجل 

 متزوج بالله عليك ؟..

مصطفى : احترم نفسك عاد ..

عبد الرحمان : لا سبيت لا قلت

كلام خاطي .. هذا اللي صاير يا

مصطفى ..

مصطفى : امالا انا انقولك اللي صاير

حتى انت ..

عبد الرحمان :

مصطفى : كنتكم تكلم في معاد ..

عبد الرحمان : كيف ؟ شن تقصد ..؟

مصطفى : اطلعوا في بنتنا هي لتخرب في البيوت .. شوفوا نساوينكم

..

عبد الرحمان تكنطا : انزل انزل انا فاضي اللي جيتك .. تجلطلي .. وتحط ..

_________

ومشي عبد الرحمان .. متعفلق ..

وقال لخوه جهاد ...

جهاد : كيف ؟ كيف تخليه يقول

هكي يدوي .. مفروض شلبخته على جدوقه ..

عبد الرحمان : انا اللي ماشي بنصمطه صمطني ..

جهاد :

عبد الرحمان : كل واحد يفتش جهاز مرته ..

جهاد : تصدقلي فيه .. يفتن محشمتهم بنتهم نزل في عيلتنا ..

عبد الرحمان : المحلي و ماقالش من اللي يكلم ف معاد ..

ركب جهاد لمرته وخدي الجهاز ... ركبه الشك

نورة : جهاد خيرك شن صاير معاك ؟

جهاد يفتش في النقال : شي ..

فتش مالقي شي ... الفيس مفتوحعندها وكل التطبيقات وقدام العين

عبد الرحمان حتى هو خدي نقال

لبني .. لقاه بالرمز . ..

عبد الرحمان : لبنى افتحي الرمز ...

لبني : علاش ؟

عبد الرحمان كشخ : قتلك افتحي ..

لبنى فتحاته وهي مستصفرة :

عبد الرحمان قعد يفتش يفتش ..

خش على الماسنجر لقي هدرزة لبنى كلها هي ومعاد ..

عبد الرحمان : من هذا لتكلمي فيه ؟

لبني : هذا .. هذا اااا ( معش عرفت تقول شي )

عبد الرحمان عيط : تكلميييي ..

لبنى:.......  . 

عبد الرحمان قعد يقرا في اسم معاد ويا معاد واسمع يا معاد ..

عبد الرحمان : هذا معاد جارنا .. !!

لبنى: ..... 

عبد الرحمان : تكلميييي يا عنبو فيتك

لبني : ايه ...

عبد الرحمان : علاش تكلمي فيه شن فيه بينكم ؟

لبنى : والله نكلم فيه على خاطر خوي ..

عبد الرحمان : خيره خوك ...

لبنى : داير مشكلة وقاعد في تونس

ومعاد مطلعه لتونس ..

عبد الرحمان : اتكلمي معاد كنهذا ؟ ...

عبد الرحمان معصب وايديه يرعشوا ...

: هي لمي دبشك معش نبيك هني .. 

لبنى : عبدو بالله عليك لا .. بالله عليك .. ما اديرش فيا هكي وراس بنيتنا

عبد الرحمان : بنيتنا .. توا بنيتنا .. وين كان كان دماغك لم تكلمي فيه ؟

لبنى : توبة يا عبدو والله ما عاد نعاودها ..

عبد الرحمان : تي والله ماك

قاعدتيها ليلة هني حشمتيني ..

وواطيتي راسي .. شاديتيها جرة

راجل متزوج .. وفوقها انتي

متزوجة .. وين عقلك ..

لبنى : قتلك خلاص بالله عليك استر عليا .. الله يستر عليك ..

نزلت عند رجليه : نترجا فيك بالله عليك يا عبدو

لمي حوايجك بنرفعك لحوش بوك .. معش ليك مكان هنايا .. المكان هذا طاهر يبي وحدة تصون )

طلع عبدو نزل وقعمز في الدروج وواجعاته الضحكة وكيف فايتة عليه .. ويتفكر في بنته وعيونه مزغلات ...

عند نادر فتح ايميل معاد وكلم مسعود يعطيه رقمه ..

نادر : کلمه انت يا محمد صوتك قريب لصوت معاد..

اتصل محمد بمسعود : ايوة مسعود .. موتيلك امانتك .. وين انت ؟

مسعود : في جرجيس ..

محمد : نتلاقوا في زوارة نسلملك الامانة

مسعود : باهي تم ..

نادر مشي للمركز فتح في مسعود محضر وورالهم الادلة .. وخبرهم انه حيكون متواجد في زوارة غدوة..

نادر : يستر الله على غدوة يا محمد ..

مع الصبحيات طلع محمد ونادر ولابسين نظارات و مغیرین اشكالهم شوي ..

 ووراهم سيارتين مدنية فيها شرطة بلبس مدني.. 

ووقفوا درسوا في زوارة ..

نادر : شن صار یا محمد ..

محمد : كلمته قال وصل الحدود الليبية بيختم وبيخش ..

نادر يكلم في الشرطي في النقال : سيارته مرسيدس بيضاء .. اول ما نوقفوا عليه تعالوا انتم كلبشوه ..

وجت السيارة البيضاء مرسيدس درس مسعود وهو قاعد في السيارة .. ..

مشاله محمد وفي ايده الشنطة وقف عليه .. ويجوا سيارتين يصكروا على ..المرسيدس والشرطة تغم غمان دور الداير ..ستة نفار شادين سلاحهم ..

الشرطي : انزل من السيارة .. سلم سلاحك

مسعود ايديه فوق : ماعنديش سلاح.. الشرطي : خلي ايديك فوق

الشرطي الاول اشر لتاني (فتشه)

فتشوه وخدوا نقاله وكلبشوه ورفعوه في الطريق ..

محمد يسوق ومعنويات مرتفعة ..

محمد : طقها ...

(وطقوها)

نادر : والله مزال نخمم في هذاكا اللي ما نشدش ..

محمد : ماتخمم في شي .. تو ينشد

نادر : كان ما انشدش ... المرة

الجاية يجيبلنا معتوق معش مسعود ..

محمد : هههه

ووصل مسعود للمركز وحققوا

معاه .. ولم شاف الادلة عند

المحقق .. استسلم وحكي كل شي ..

وحولوه على النيابة

...

و عطوا امر بالقبض على معاد ...

واحد من اللي يخدموا في المركز  طلع الدوة لمعاد ...

: ايوه معاد اسمع الشرطة ادور فيك .. شوف روحك اهو عطيتك علم ...

معاد : كيف ... ؟ ماشي ماشي ..

هرب معاد لمكان شبه صحراء مابين حصل كيف يطلع برا البلاد ..

الامن الداخلي بلغ على اسم معاد في الحدود والمطارات ..

وبعد اسبوع

شدوا معاد في المطار ..

وحبسوه .. 

وحكموا على معاد ومسعود بالاعدام .. بعد تفقد الادلة واعتراف معاد ومسعود بالحقيقة كلها ...

قبل تنفيد حكم الاعدام ...

اطلقت ملاك من معاد وهذا رد اعتبار ولو جزء بسيط لخوها ولنفسها اللي انظلمت ..

عند نادر بعد ما عرفوا عيلتها اللي صار مع نادر ومعاد والمركز ... رخوا وهدو 0.

نادر خش لأسماء في دارها : وطلع سامي خوها ..

وردوا الباب وراهم ..

نادر : مزال قاعدة مكابرة ..

اسماء راضية ومش راضية وتشبحلنادر ..

نادر : خديت حقي من معاد ودفعته حرقة قلبي عليك طول الفترة الطويلة هاذي كلها ..

قعمز نادر جنب أسماء وشد ايدها

نادر : قاعدة مش مقتنعة بكلامي

اسماء : الدوة وصلت للجيران كلهم انك تكلم في مرت معاد ..

نادر : خليهم يدووا نعرف روحي.. نعرف شن هو اللي خلاني نكلمها ..

يا اسماء هاذي الانسانة سبب من الاسباب .. وجود ملاك ف النص وزواجها من معاد .. بش ينكشف اللي غلط في حقك وظلمك وظلمني اسماء ساكتة ولا حرف : ......... ..

طلع نادر وخلا اسماء ...

عبد الرحمان والعيلة كلها بعد عرفوا لبنى انها مساندة خوها مسعود ومعاد ومشجعة على حادث اسماء ...

طلعها برا حوشها وقعدت عند اهلها و بعد شهر ولدت ...

اسماء : بالله عليك سلم وخيي عبدو ما اطلقهاش على خاطر الصغار ...

كانك عليا مسامحة والله العظيم ..

عبد الرحمان رجعها لانه قاعد يحبهاا ودارلها حوش بعيد على اهله لانها ما تتحابش هي واهله

وحوشه عطاه لسامي ...

اما عن ملاك .. قررت تكمل دراستها .. وهند طلبت الانفصال من مصطفى بعد لداره خوها .. ومشي كل حد في حاله ..

اما محمد صحب نادر تزوج من زميلته رويدا معاه ف المستشفى ..

________

عند اسماء

يوم من الايام .. طق الباب ..

: يا عوييلة 0.

طلعت اسماء .. : تفضلي ؟

ملاك : السلااام عليكم كيف الحال

ومدت ايدها .. انتي اسماء ؟

اسماء : اي

ملاك : انا ملاك ..

اسماء وجهها تغير وتشبحلها ..

ملاك : اسفة يمكن ازعجتك بجيتي لكن انا حابة نقولك شوي كلام و بنمشى ..

سألت عليك وقالولي في حوش

اماليها قاعدة ما روحتش ..

اسماء : من؟ نادر قالك ؟

ملاك : لا جيرانا .. يا أسماء حطي رجليك وايديك في ميا باردة .. نادر يحبك يموت فيك وطول الوقت في سيرتك ويخمم فيك لم كنت نكلم فيه ..

نصيحة خوديها مني ليك ..

ما تفكريش ان يمكن ناخده منك انا مريت بتجربة قاسية في الاخير خسرت الرحم) .. وتوا مقررة نكمل دراستي وهذا طموحي من الاول .. باب الزواج سكرته ..

. 

. 

. 

اما عن زوجك نادر ردي بالك تخسريه لان اللي في ظرفك طايحين في رجال قلوبهم حجر ومعاملتهم قاسية .. وكل يوم تلقيه يعيب فيها ويعزر فيها .. ملاك : نصيحة انتي عايشة ملكة زمانك مع الراجل هذا ما تخسريشي .. شوفي معاد حتى وهو يبيني ويحبني و يفكر كيف يخرب عليكم ..

اسماء تسمع ومتأثرة :

ماتخليش الناس تتشمت فيك انا هذا كلامي وسامحيني لو از عجتك .. ..

اسماء :.... 

وطلعت : هي بالسلامة

اسماء قعدت تخمم في كلام ملاك ...

وما جي تاني يوم

قامت النقال واتصلت بنادر ..

اسماء : استحشت حوشي وعمتي ..

نادر : و راجلك ..

اسماء ضحكت ههه هو اخر واحد ...

نادر : هههه به صدقتك ..

اسماء : بنروح اليوم ...

نادر : من عيوني .. ادللي جايك يا قلبي 0.

اسماء : تعرررف مشتتااااقتلك

مووووت ..

نادر : انا شنو نحكى ولا شنو انقول امالا... .

. 

. 

. 

نورة وهي تستشور لأسماء في شعرها ..

نورة : شن بتلبسي ..

اسماء : مفكرة نلبس الاحمر هذا ...

ولا شن رايك

نورة : حلو اي يطلع عليك

وبدلت اسماء قفطانها .. وحطت

مكياج خفيف وناعم .. ومخلط مركز اللي يحبه نادر ..

نورة : استني بنلبسلك رموش .. بش تبدي بمبلة ..

اسماء : رموش لالا فوتيهم تو نكثر مسكرة... 

نورة : مش بكييييفك بنبسهملك .. خفاف هما

اسماء تشوف للمرايا : ترا ... يااااااي هههههه

نورة : بمبلةةةة محلاااااك ...

وصل نادر وخداها

وصلوا للحوش

نزل نادر من السيارة

نادر : هاك شدي المفتاح بش تفتحي  انتي الباب ..

خدت اسماء المفتاح

وحمل اسماء بين ايديه وركب بيها للحوش ..

..

نادر : هي افتحي ...

فتحت الباب ..

ولقت الحوش كلله ورد احمر وشمع ..

اسماء تشوف ومصدومة : هذا شني ..

نادر : ليلة استقبال اميرتي ...

اسماء : ربي ما يحرمني منك ..

وبوست خده... 

قعمزها على الكنبة في دار النوم وايده تساوي في خصلات شعرها .. ..

نادر : محلاك ومحلا ابتسامتك ..

اسماء ذايبة من كلام الغزل .....

نادر : لحظة شوي .. ناض وفتح الخزنة ..

وخدي الباكو .. وجي نزل على رجليه مقابلها

اسماء : هذا شن حبيبي ؟

نادر فتحه : هذا تاكم للغالية ..

اسماء : يا محلاه ..

نادر : شن رايك فيه ؟ جبته فضه ما لحقتش على الذهب ..

اسماء مدت ايديها ..

وقرب منها وحضناته ...

اسماء : يا عمري الله يباركلي فيك

وما يحرمني منك ..

نادر : حتى انتي ياروحي .. شن تبي تلبسيه .. ؟

اسماء : عادي ..

ولبسهولها ..

نادر : وهذااا الخاتم هاتي ايدك ...

لبسهولها وبوس ايدها.. 

استمرت اسماء في العلاج الطبيعي ونادر جنبها مساندها ..

وبدت تمشي .. و حملت وبعد

.. شهووور الحمل جابت اسماء على خير .. نادر خش علی اسماء بعد الولادة

نادر وعيونه معبيات فرحة ..

.. اسماء تعبانة : نادر ( ومبتسمة )

نادر : الحمد لله على سلامتك يا

غالية .. ومسك ايدها بقوةةةة

اسماء : الله يسلمك يا عمري ..

( البنوتة تعيط ... )

.. اسماء : ترا حبيبي جيبهالي شوي

نادر : لااااله نخاف منها مرات نشدها غلط ..

اسماء : هههههه به تو نکلم

الممرضة ) ورنت الجرس جنب السرير)

خشت الفلبينية : اها مداام ..

اسماء : جيبيلي البيبي ..

قامتها الممرضة

اسماء مبتسمة : خود شدها نادر شوي ..

نادر : تي نخاف والله ..

اسماء للمرضة : عطيه يشدها ...

وشدها نادر ويشبحلها .. وقعد يأذن في ودنها ..

اسماء : شن بتسميها ؟

نادر : نسموها مسعودة ؟ هههههه

اسماء : وعلاش يا كبدي ..

نادر : على وزن مسعود ..

اسماء : لا يا كبدي بنيتي نبيلها اسم نويزك ..

نادر ضحك وسرح في

اسماء : نعشقك مووت يا مجنونة

اسماء : نمووت في عشقك...

وطق الباب وجوا اهل اسماء ...

سامي : اوووو خالووو ما شاء الله ما شاء الله طالعة لأمها

نادر : تسكت يا راجل تي طالعة لبوها ..

عيسى : يلا انت وياه .. طالعة لجدهاااا واعرة .. ها شوف كيف قارنة حواجبها ..

وكلهم يضحكوا ..

تحت سقف الحلال ورضا الله .. يتحول الحب الى عشق عندما يقترن بالتعلق والوفاء و الصبر والتضحيات .. ]

النهاية