رواية عروس للايجار الجزء الاول والثاني بقلم أمل أحمد سلوم حصريه وجديده
رواية عروس للايجار الفصل الاول والثاني بقلم أمل أحمد سلوم حصريه وجديده
رواية عروس للايجار البارت الاول والثاني بقلم أمل أحمد سلوم حصريه وجديده
رواية عروس للايجار الحلقه الاولى والثانيه بقلم أمل أحمد سلوم حصريه وجديده
رواية عروس للايجار الجزء الاول والثاني بقلم أمل أحمد سلوم حصريه وجديده
بشركة الخطيب للاستيراد والتصدير ويلي تعتبر وحده من سلسة شركات عيلة الخطيب… كان وسام قاعد ورى مكتبه الفخم عم يطلع بصورة والده الراحل ويلي مضى على وفاته سنه كامله
مالك (عم وسام ) : صباح الخير وسام بشو شارد ابني
مسح دمعته العالقه بطرف عينه وقام من ورى مكتبه احتراما لعمه
وسام : اهلين عمي صباح النور تفضل اقعد هون
مالك وهو بيأشرلو ب ايدو يقعد مكانه : خليك مكانك ابني هلأ انت المدير العام والمسؤول عن امبراطورية شركات الخطيب
وسام بتهيده : والله ياعمي حاسس هالحمل كبير عليي
مالك : انت قد الحمل وسام وانا واثق فيك
وسام : بتشكرك لثقتك عمي بس يلي مستغربه ليش ما سلمت عصام ابن عمي ادارة اي شركه من الشركات كمان عصام كفؤ وماتنسى انه ابن اخوك
مالك : بدك ياني سلم رقبتي لجلادي وسام
وسام : ياعمي يلي صار بالماضي بينك وبين عمي كمال طوى عليه الزمن من سنين
مالك : قيمنا من سيرته هلأ واسمعني منيح شو بدي قلك
وسام : تفضل عمي عم اسمعك
مالك : اليوم سانوية ابوك الله يرحمه يعني ماعاد الك اي حجه تتهرب من الزواج
وسام : عمي لو سمحت انا مافيي فكر بالزواج هلأ
مالك : يا ابني حاج تحسسني بالزنب انا وابوك جبرناك تتزوج ميس بنتي رغم علمنا بمرضها وميس متوفيه من 4 سنوات يمكن غلطنا وقت فكرنا انه ماحدا غريب يفوت لعيلة الخطيب وعموما كلشي بتصلح ابني انت لازم تتزوج لحتى تجيب ولي العهد
 |
وسام : بس نور كمان بنت عمي ومن عيلة الخطيب ورغم هيك انت وابي رفضتو اتزوجها
مالك : ياوسام افهم اخي كمال وولادو اعدائنا نسيان شو عمل فينا عمك
وسام : لا مو نسيان بس نور مالها زنب عمي
مالك : نور متل ابوها وامها واخوها عصام كل همهم يكوشو على الثروه
وسام : بس ياعمي
مالك بحده : خلص حاج تقلي بس… . موضوع نور بتنساه وبتختار عروس تليق فيك وبعيلتنا
وسام : ان شاء الله عمي… ..
*╚══════ღღ══════╝
خلوني عرفكم على وسام…
وسام شب بعمر 30 سنه ببشره حنطيه وكتاف عريضه ووجه جذاب بيزيد جماله لحيته يلي دايما بيحددها وتسريحة شعرو الغزير الاسود
وسام وريث ابوه الوحيد عمه مالك زوجه بنته ميس يلي ماكان يحبها ولابعمرو فكر فيها زوجه لكنه امتثل لرغبة ابوه وعمه ليحافظوا على امبراطورية عيلة الخطيب لكن الموت سرقها من عيلتها بعد شهر من زواجها…
وسام بيحب نور بنت عمه كمال وعمه كمال بيكرهو وبيكره كل حدا من عيلة الخطيب لانه من ام تانيه ربته على الكراهيه وحب الذات وكان السبب بكتير مصايب حصلت ل كريم ومالك اخوانه من ابوه .. لهيك عاش بعيد عنهم
*╚══════ღღ══════╝
العم عبدالله (الفراش) : صباح الخير يابيك تفضل القهوه
وسام : شكرا ياعم عبدالله
عبدالله : العفو يا ابني……
وسام : في شي مشكله .. حاسس بتمك حكي
عبدالله : بصراحه يابيك كنت طمعان بكرمك انه تشوف لبنتي شغل بوحده من شركاتك
وسام بحب : بس هيك تكرم عينك .. شو مؤهلاتها وشو دارسه
عبدالله : هي السنه بتتخرج… هي بتدرس ادارة اعمال
وسام : وفيها تشتغل وتدرس يعني هالشي مارح يأثر على دراستها ؟
عبدالله : لا يابيك بنتي ذكيه كتير ورح تنبسط من شغلها
وسام : اي لكن جيبها معك بكرا لتقدم طلب وشوف شو ممكن ساعدها
عبدالله ب امنتان : كتر خيرك يابيك كحح كححح كححح العفو يابيك
وسام : عليك العافيه عم عبدالله صرلك فتره بتسعل ليش ما رحت عالدكتور
عبدالله : ان شاء الله اول الشهر بروح يابيك
فهم وسام قصد هالرجال الطيب وقام من ورا مكتبه وحط ي ايدو مبلغ بسيط
وسام : اليوم بتروح عالدكتور عم عبدالله مفهوم
عبدالله : الله يعوض عليهم كل قرش ب الف يا بيك الله مايحرمنا من خيرك كرمك
وسام : خير الله ياعم وهلأ روح عالدكتور وارجاع لبيتك لترتاح وبكرا ان شاء الله بتجي انت والانسه بنتك لشوف شو ممكن اعمل
عبدالله : حاضر يابيك
*╚══════ღღ══════╝
رغم انه غني كتير لكنه كان بيملك قلب طيب معطاء بيحب يساعد المحتاجين ومابيتأخر عن حدا دق بابه ابدا
*╚══════ღღ══════╝
زكيه : ياست رفاااااه بعدك ماخلصتي تنظيف البيت الله يعدمني ياكي شو نايطه
رفاه : رح خلص مرت ابي طولي بالك شوي
زكيه : ولي على كسرتك شو شرنه… لك عيب عليكي تناديلي مرت ابي انا متل امك… الله لايرحمها ولا يدرلا بركه عهيك تخلفه عاطله
رفاه : الله يرحمها… . وانا مافي حدا متل امي
زكيه وهي سامعه صوت الباب عم ينفتح وعرفت انه جوزها رجع : وعم تردي بوجهي جواب هي جزاتي اللي ربيتك وعاملتك متل بنتي اهئ اهئ
عبدالله : لك شو في شو في صوتكم جايب لاخر الشارع
زكيه : اسأل بنتك المحترمه المربايه… كل هاد لاني عم قلا انا متل امك بتقلي فشرتي ماحدا متل امي
رفاه : كزب يابي هالشي ماصار
زكيه : وعم تكزبيني ياحيوانه… الحق مو عليكي الحق على ابوكي مايعطيكي كف يهرلك سنانك لتتعلمي كيف تحكي
عبدالله : خلص انتي وياها كل يوم على هالموال وعلى خدني وجيتك…
زكيه : هاد يلي فالح فيه وشو هاد يلي ب ايدك ياسبعي
عبدالله : شو شايفه يعني… دوا
زكيه : بدل ماتفوت وانت حامل كيس فاكهة أو شي هريسه نحلي ضرسنا جايبلي عللك عالبيت ولي على حظي ريتني متت ولاتجوزت كانت باطله ومحوله ساعة شحرت هالورقه
عبدالله : اختصري يازكيه وروحي من وجهي
زكيه : وازا ما اختصرت يعني شو بدك تساوي بدك تضربني اي اضربني هاد يلي ناقص تضربني لك مابيكفي متحمليتك ومتحمله عيشتك وفقرك وفوقهم هالسرنوه ام ستين اللسان وانتو لا حمدا ولا شكورا…
عبدالله : استغفر الله العظيم…. بنتي رفاه الحقيني عالغرفه
رفاه :حاضر يابي
زكيه : اي طبعا بدكو تاخدو راحتكم وتنهشوا بلحمي كل هاد لاني مره درويشه الي تم ياكل ما الي تم يحكي… .. حتى بنتك ما سألت عنها مو شايف الا الست رفاه واحنا عالرف
عبدالله : يعني لميس وين بدها تكون بهيك وقت اكيد بكليتها وياريت تفلح وتكون متل رفاه
زكيه : نعم نعااااااااام ليش من شو بتشكي بنتي لتحكي عنها هيك وينك انا بنتي خط احمر مابسمح لحدا يرميها بورده عم تفهم…… . مابيكفي مصاريف كليتها من خوالها كمان جاي تتمن عليها بكلامك يلي متل السم
عبدالله : عم تعايريني بخوانك يازكيه ؟؟
زكيه : والله اللي بيدق الباب بيسمع الجواب ياسبعي
عبدالله : مافي فايده من الحكي معك…… وتركها وفات على غرفته
زكيه : وانتي شو ناطره يابعدي الحقيه للي خلفك اللهي تنهفي منك الو وجوه فقر…… .. لك كااااانت بااااطله ومحوله ساعة قبلت فيك ياعبدالله كانت ساعه سوده وينكم يا اخوتي تشوفوا شو عم يعمل فيي اااه 😭😭😭😭
فاتت رفاه لعند ابوها وتفاجئت وقت شافته حاطط ايدو عقلبو ومو قادر يتنفس
رفاه : شو صرلك يابي رد عليي
عبدالله بتعب : انا ظلمتك يابنتي سامحيني
رفاه : لاتتعب حالك ابي رح اتصل هالدكتور
فتلت حالها لتقوم بس ابوها مسكها من ايدها
عبدالله : اقعدي بنتي بدي حاكيكي كححح كححح كححح
رفاه : يابي كرمال الله لاتخوفني عليك
عبدالله : لاتخافي بنتي واسمعيني منيح كحححح كححححح كحححح
رفاه : حاضر ابي
(زكيه من بعيد : اللهيييي تطلع روحك يا بعيد)
عبدالله : اسمعي يابنتي انا حاسس انه ربي رح ياخد امانته لهيك
رفاه بتبكي : بعيد الشر عنك يابي لاتحكي هيك
عبدالله : كححح كحححح اااه خليني كمل كلامي
هزت راسها ومسكت ايد ابوها وشدت عليها
عبدالله : لما تزوجت زكيه ماكان معي اعطيها مهرها وغلطت غلطة عمري وكتبتلا هالبيت ب اسمها كححح كحححح
رفاه : يابي كرمال الله خليني اخدك عالمشفى او اطلبلك الدكتور
عبدالله : اسمعي رفاه ازا صرلي شي بتروحي لعند وسام بيك كحححح كحح بتحكيلو انا بنت عبدالله الفراش وهو بيساعدك
رفاه : يساعدني بشو يابي…… يابي يابي
وهون ارتخت ايد عبدالله وسلم الروح لباريها
هزته بقوه ليصحى ليحاكيها مابتقدر تواجه الحياه الصعبه بدونه هوه كان سندها وعكازها
رفاه : رد عليي يابي كرمال الله ماتتركني يابي يااابي يااااااااااااااااااابي 😭😭😭
*╚══════ღღ══════╝
ناصر : شبك لك وسام من لما قعدنا وانت شارد ومو على بعضك
وسام : مخنوق ياناصر مخنوق
ناصر : سلامتك شبك فشلي قلبك نحنا رفقه ومتل الاخوه
وسام : عمي مصر اني ارجع اتجوز
ناصر : بصراحه معه
وسام : انت كمان رح تجي عليي
ناصر : ياوسام العمر بيركض وانت ماعدت صغير وبعدين انت وقت تزوجت بنت عمك الله يرحمها ماكنت تحبها وكان زواجك منها بس لترضي عمك وابوك
وسام : ياناصر انا مو رافض فكرة الزواج بس رافض اني ما اتزوج البنت يلي بحبها
ناصر : رح ترجع تقلي نور
وسام : ايه رح احكي نور لاخر يوم بعمري
ناصر : مابعرف كيف بتفكر يعني بدك تفوت الدب لكرمك
وسام : نور مو متل ابوها ومالها زنب بالمشاكل يلي بين عمامي
ناصر : انا من رأيي تسمع كلام عمك
نفض حاله بعصبيه وقام
ناصر : لوين ؟
وسام : لجهنم الحمرا ماحدا عم يحس فيي
ناصر : تعال يا مجنون مو هيك بتنحل الامور
وسام : تركني ناصر كرمال الله
ناصر : اهدى وصل عالنبي وكلشي بيلتقالو حل
وسام : الا مشكلتي ياناصر الا مشكلتي عمي مصمم اتزوج وبسرعه وانت بتعرف اني بعتبرو بمقام المرحوم ابي
صفن ناصر شوي وبعدا ابتسم ابتسامه عريضه
ناصر : لقيت الحل
وسام : شو هو ايدي بزنارك
ناصر : تتزوج
وسام : تضرب انت وحلولك
ناصر : ههههه اسمعني للاخر
وسام : هات لشوف يافيلسوف عصرك وزمانك
ناصر : اتزوج هيك وهيك
وسام : ليش هو في زواج اسمه هيك وهيك
ناصر : اي على ورق يعني
وسام : مافهمتك وضح اكتر
ناصر : استأجر عروس
وسام : لاااا انت جنيت عالخالص
ناصر : لك ليش… في كتار بيوافقوا يمثلو هالدور
وسام : ودخلك انا شو رح استفيد وشو احكي لنور معلش عندي مشهد زواج وبرجعلك
ناصر : مشكلتك عقلك شقفة وحده
وسام : على اساس انت اللي عقلك شقفتين
ناصر : لك يا بني ادم انت رح تتفق مع البنت اللي رح تمثل انها مرتك قدام عمك انه هالموضوع كم شهر وكل واحد بيروح لطريقه وطبعا بتكون مفهم نور هالشي
وسام : وانا شو رح استفيد من كل هالمسرحيه البايخه
ناصر : وقت يمر على زواجك شهرين واطلق مرتك بتثبت لعمك انك مو قادر تعيش الا مع البنت يلي بتحبا وبهيك مابيعود يضغط عليك وبينجبر يزوجك نور… ومو بس هيك هوي يلي راح يروح يخطبها بنفسه
وسام : يخرب بيتك شو نس لك من وين بتجيب هالافكار
ناصر : لحتى تعرف محسوبك معلم
وسام : بس مين البنت اللي ممكن توافق تكون عروس للايجار متل ماحكيت
ناصر : تركلي هالموضوع يومين زمان ورح دبرها
وسام ب ارتياح : يارب تتفهم نور هالتضحيه وماتزعل
ناصر : سيبها عليي يامعلم 😉
*╚══════ღღ══════╝
نرجع للاحزان وقلب رفاه اللي انكسر بوفاة ابوها
كانت قاعده بغرفتها حاطه ايدها على خدها ودمعتها عم تنزل بغزاره… . كيف رح تعيش مع زكيه وبنتها وهنه يلي بيكرهوها وكانو يعاملوها ابشع معامله وابوها عايش فكيف حيكون الحال بعد ماراح الاب والسند
دعوات كتيره بقلب مكسور عم اتمتم فيها بهدوء وخوف من المجهول ماكان الها قرايب… لاعم ولا خال ولا حتى حيطه مايله ترتكز عليها ما الها الا صديقتها ملك يلي بتحن عليها وبتعاملها ك اختها
لميس (اخت رفاه الصغيره) : ماما انا رايحه عالكليه بدك شي
زكيه : سلامتك حبيبة البي انتبهي عحالك
رفاه : شو هاد يلي لابستيه لك ابوكي ماصرلو اسبوع متوفي
فتلت حالها وحطت ايدها عخصرها
لميس : انا ماحدا الو كلمه عليي الا امي فاهمه
رفاه : انا ماعم ادخل فيكي انا بس
زكيه : اي اخرسي وسدي بوزك مو ناقص الا بنت ابتسام تحكي ع بنتي
رفاه : ياخاله انا… .
زكيه : هههههههههه هلأ صرت خاله مو على اساس بتناديلي مرت ابي
لميس : انا رايحه ماما باي 💋
زكيه : طريق السلامه يا روحي 😍
رفاه بحزن : لاحول ولاقوة إلا بالله 😔
كزت زكيه على سنانها ومشت ب اتجاه رفاه وعيونها عم تقدح شرر ومسكتها بقرف من كم بلوزتها
زكيه : شوفي يابعدي بدك تقعدي بهالبيت بتسدي نيعك وصوتك ما اسمعه هاد اولا
رفاه : وتانيا
زكيه : تانيا بتنقبري بتخلصي شغل البيت وبعدها بتنقلعي تشوفيلك شغله تصرفي عحالك .. انا مو مجبوره فيكي وكرم اخلاق مني رح اتركك عايشه بهالبيت
رفاه بحزن : حاضر انا اساسا ناويه دور على شغل اطمني
زكيه : نشالله بيدرولك عقطع بسوق الجمعه
*╚══════ღღ══════╝
واقف ساند ضهرو عالسياره عم ينفث سيجاره بهدوء وفكر شارد
ناصر : شبك لك وسام من لما جيت وانت شارد ومو على بعضك
وسام : مخنوق ياناصر مخنوق
ناصر : سلامتك شبك فشلي قلبك نحنا رفقه ومتل الاخوه
وسام : عمي مصر اني ارجع اتجوز
ناصر : بصراحه معه
وسام : انت كمان رح تجي عليي
ناصر : ياوسام العمر بيركض وانت ماعدت صغير وبعدين انت وقت تزوجت بنت عمك الله يرحمها ماكنت تحبها وكان زواجك منها بس لترضي عمك وابوك
وسام : ياناصر انا مو رافض فكرة الزواج بس رافض اني ما اتزوج البنت يلي بحبها
ناصر : رح ترجع تقلي نور
وسام : ايه رح احكي نور لاخر يوم بعمري
ناصر : مابعرف كيف بتفكر يعني بدك تفوت الدب لكرمك
وسام : نور مو متل ابوها ومالها زنب بالمشاكل يلي بين عمامي
ناصر : انا من رأيي تسمع كلام عمك
نفض حاله بعصبيه ومسك مقبض السياره ليفتحها
ناصر : لوين ؟
وسام : لجهنم الحمرا ماحدا عم يحس فيي
ناصر : تعال يا مجنون مو هيك بتنحل الامور
وسام : تركني ناصر كرمال الله
ناصر : اهدى وصل عالنبي وكلشي بيلتقالو حل
وسام : الا مشكلتي ياناصر الا مشكلتي عمي مصمم اتزوج وبسرعه وانت بتعرف اني بعتبرو بمقام المرحوم ابي
صفن ناصر شوي وبعدا ابتسم ابتسامه عريضه
ناصر : لقيت الحل
وسام : شو هو ايدي بزنارك
ناصر : تتزوج
وسام : تضرب انت وحلولك
ناصر : ههههه اسمعني للاخر
وسام : هات لشوف يافيلسوف عصرك وزمانك
ناصر : اتزوج هيك وهيك
وسام : ليش هو في زواج اسمه هيك وهيك
ناصر : اي على ورق يعني
وسام : مافهمتك وضح اكتر
ناصر : استأجر عروس
وسام : لاااا انت جنيت عالخالص
ناصر : لك ليش… في كتار بيوافقوا يمثلو هالدور
وسام : ودخلك انا شو رح استفيد وشو احكي لنور معلش عندي مشهد زواج وبرجعلك
ناصر : مشكلتك عقلك شقفة وحده
وسام : على اساس انت اللي عقلك شقفتين
ناصر : لك يا بني ادم انت رح تتفق مع البنت اللي رح تمثل انها مرتك قدام عمك انه هالموضوع كم شهر وكل واحد بيروح لطريقه وطبعا بتكون مفهم نور هالشي
وسام : وانا شو رح استفيد من كل هالمسرحيه البايخه
ناصر : وقت يمر على زواجك شهرين واطلق مرتك بتثبت لعمك انك مو قادر تعيش الا مع البنت يلي بتحبا وبهيك مابيعود يضغط عليك وبينجبر يزوجك نور… ومو بس هيك هوي يلي راح يروح يخطبها بنفسه
وسام : يخرب بيتك شو نس لك من وين بتجيب هالافكار
ناصر : لحتى تعرف محسوبك معلم
وسام : بس مين البنت اللي ممكن توافق تكون عروس للايجار متل ماحكيت
ناصر : تركلي هالموضوع يومين زمان ورح دبرها
وسام ب ارتياح : يارب تتفهم نور هالتضحيه وماتزعل
ناصر : سيبها عليي يامعلم 😉
*╚══════ღღ══════╝
وصل وسام عالشركه وهو بكامل نشاطه… كلام ناصر خلاه يحس بشوية امل انه قريبا رح يتزوج البنت يلي بيحبها ويحط الكل عند الامر الواقع…
قعد ورا مكتبه وتناول موبايله وطلب رقم نور واستنى الرد
نور : اهلين حبيبي شتقتلك
وسام : وانتي اكتر ياروحي
نور : اي واضح الاشتياق بدليل انه عيد ميلادي مرق وماعبرتني
وسام : اسف يا روحي فعلا نشغلت بعدين انا ناطر هديتك توصل ب اول شحنه بالباخره
نور : بالله وشو هالهديه يلي بتحتاج شحن بالباخره
وسام : مو حكيتي انه بتحبي السياره الفراري
نور بدهشه : لااااااا موووو معقوووووول بجد عم تحكي
وسام : طبعا حبيبتي كم نور عندي اانا
نور : تسلملي ياروحي 💋
وسام : نور محتاج احكي معك بموضوع بس ياريت ماتفهميني غلط وتفهمي منيح اني عم بعمل المستحيل لنكون سوا
نور : خير وسام شغلتلي بالي شو القصه
وسام : رح اتزوج
نور : نعم !!!!!
وسام : لاتتسرعي وخليني اشرحلك كل شي
نور : تشرحلي شو ياوسام انك خذلتني بعد كل هالحب يلي حبيتك ياه وهلأ جاي بكل برود تقلي بدك تتجوز… مو ناقص الا تعزمني وتقلي تعي باركي وارقصي بعرسي
وسام : ممكن تهدي لاشرحلك
نور : تفضل احكي
بلش وسام يشرحلها عن خطته ووعدها انه كلشي رح يكون حبر على ورق ومارح يستمر هالزواج اكتر من شهرين… كانت نور عم تسمع وعيونها بتلمع وفرحانه
وسام : وهاد ياستي كلشي
نور : واخترت العروس يلي رح تستأجرها لهي التمثليه ؟؟
وسام : لا بعدني بس مارح طول انا سرت مستعجل لهاد الموضوع كتير ولازم اتحرك بسرعه لحتى نكون سوا
نور : اوك موافقه
وسام بفرح : بجد
نور : اي ياروحي انت بتحارب كرمال حبنا وانا رح كون معك بهي الحرب
وسام : لك يسلملي الفهمان
نور : بس شهرين هه
وسام : حاضر شهرين وبس
نور : ماشي وسام رح سكر هلأ امي عم تندهني وخبرني شو بيسير معك اول ب اول
وسام : اوك ياروحي انتبهي عحالك
نور : وانت كمان يا البي… باي،💋
سكر الخط وحط ايديه ورى راسه وهو عم ياخد نفس طويل براحه : اخيرا رح تكوني مرتي يانور ماعم صدق 😍
*╚══════ღღ══════╝
وببيت نور
نور : هفففففففف لك وبعدين يعني يا امي
هاله : شبك ولي شو حكالك وسام لتنزعجي هيك
نور : لا بدو يتزوج
عصام : يتزوج ؟؟؟
هاله : شو عم تحكي
كمال : وشو عملتي
نور : اهدو لخبركم كلشي بس وينك ابي انا بلشت افقد اعصابي من هالتمثيليه ماعاد فيي اتحمل
كمال : هلأ خبريني شو صار بعدين لكل حادث حديث
#عروس_للإيجار
#الجزء_الثاني
#بقلمي #امل_الحمد_سلوم. (◕‿◕✿)
*╚══════ღღ══════╝
إنها وَاحدِةٌ من أشدِّ الفتراتِ تَعبًا الفترةُ التي تَكتشِف بها أنكَ وَحيدٌ أكثّر مِن أيّ وقتٍ مََضى و أنك بِكُلِ حُزنِك لا تعني لِـ العالمِ شيئًا
♬♫♪◖(● o ●)◗♪♫♬
خلصت شغلها وغسلت وقعدت ع طرف التخت تتأمل صورة ابوها ودمعتها عخدها
رفاه : ليش تركتني ابي… مابيكفي امي راحت وتركتني وانا صغيره… كيف رح واجه هالحياه بدونك
مسحت دمعتها وهي بتفكر بكلام زكيه… لازم تروح ادور على شغل لتقدر تعيش وتكمل جامعتها… سحبت تليفونها واتصلت لرفيقة عمرها
رفاه : كيفك ملك
ملك : اهلين ياروحي انا منيحه طمنيني عنك
رفاه : اااه ياملك بعد ماراح الغالي كل هالدنيا ماعادت تسوى شي
ملك : الله يرحمه ويغفر له هي سنة الحياة ياقلبي…
رفاه بحزن : امين يارب العالمين
ملك : وشو ناويه تعملي هلأ
رفاه : بدي روح دور على شغل
ملك : رح تتركي الجامعه لك مو باقي الا هالفصل ونتخرج
رفاه : لك شو اترك الجامعه .. انا رح اشتغل وادرس
ملك : ايوا ازا هيك تمام
رفاه : ازا فاضيه تروحي معي نفتل ع شي وظيفه بلكي الله ييسرها
ملك : اي فاضيه .. تعي لعندي لنروح سوا
رفاه : يالله جايه
قامت رفاه لبست قميص اسود وبلطلون اسود وعملت شعرها الاسود جدوله رمتها براحه ع كتفها وكأنها عم تعلن الحداد وطلعت من البيت وكلها امل تلاقي شي وظيفه تسترها من السان زكيه وحتى تقدر تكفي جامعتها وماتحتاج حدا
*╚══════ღღ══════╝
كمال : هيك لكان بدو يستأجر عروس ليقدر يتزوجك ههههههههه
نور : بابا وسام ناوي يخلص الموضوع بشهرين ويجي يطلبني كيف رح تحل هالموضوع انا مستحيل اقبل اتزوجو انا بكرهو وبكره امه وابوه بكرهم كلهم
كمال : بتفكري اني ممكن اقبل تتزوجي من هالحيوان… انتي خليكي عم تمثلي عليه الحب لنوصل للي بدنا ياه
نور : الله يصبرني والله كل مايحكي معي بحس نفسي عم تلعي
عصام : فكري بالثروه اللي رح تنزل علينا وتسير ملكنا وبس لحتى تروح لعية نفسك…. وينك نور الغلط ممنوع بدك تستمري بتمثيل الحب على وسام لحتى نوصل لهدفنا
نور : ماشي بس رح تكون حصتي مضاعفه ماتنسوا تلت ترباع الضغط عليي وحدي وانتو مرتاحين
عصام : ماتكوني طماعه
نور : والله هاد يلي عندي
كمال: خلص ياعصام اترك اختك براحتها… وغمزه
عصام بخبث : ماشي ابي اساسا مافيي زعل اختي حبيبتي
*╚══════ღღ══════╝
رفاه : لك فتلنا نص محلات البلد وبدون فايده
ملك : اي شبك مافي شي بيجي سهوله بدك تتعبي هلأ لترتاحي بعدين
رفاه : الضاهر كل عمري تعب وتعتير ياملك 😔
ملك : يووووه شو مسودنه… وينك ازا بتبقي متشائمة بتركك وبروح افرديها بقى
رفاه : شو تتركيني لك مابقيلي غيرك
ملك : وانا معك يارفيقتي… . الله يسامحه ابوكي لو ماكتب البيت ب اسم زكيه
رفاه : حاسيتها ناطريتني ع نكشه لتقلعني من البيت
ملك : معقول ابوكي ماتركلك شي ولا حتى وصيه صغيره
صفنت رفاه شوي وهي عم تتزكر اخر كلمات ابوها قبل مايموت
( ازا صرلي شي روحي عند وسام بيك هو بيساعدك )
فتحت عيونها على وسعهم وحكت بدهشه : لك اي والله ابي قبل ما يموت حكالي روحي لعند وسام بيك وهو بيساعدك
ملك : ومين هاد وسام بيك ؟؟
رفاه : هاد صاحب الشركه اللي كان بيشتغل فيها بابا الله يرحمه
ملك : وتاركيتنا من الصبح نفتل ع كعوب اجرينا
رفاه : والله نسيت
ملك : بتعرفي عنوان الشركه
رفاه : اي شركة الخطيب للاستيراد والتصدير
ملك : لك هي اكبر شركه بالبلد وعيلة الخطيب نار على علم مشي لنروح بسرعه
رفاه : يالله
*╚══════ღღ══════╝
وبالشركه…
قاعد وسام مع مدير العلاقات العامة يلي هو (ناصر ) وعم يتباحثوا بموضوع العروس اللي رح يستأجروها ويعقدو معها صفقة الزواج
وسام بعصبيه : لك شو صار معك مو ع اساس الموضوع بسيط والف وحده بتوافق لك هاتلي بس وحده من هالالف
ناصر : اي شو صرلك طول بالك هو سلق بيض… مافيي جيب اي وحده افرض طلعت طماعه ولزقت فيك بعد الزواج
وسام : شو يعني خلص مافي امل
ناصر : لك اصبر اخي خليني شوفلك بنت درويشه تكون ظروفها صعبه وتقبل بالقليل
وسام : لا ناصر انا مافيي استغل حاجة الناس لو شو ماصار
ناصر : اي تسطفل
بهالوقت بيدق الباب وبتفوت السيكرتيره داليا
داليا : مستر وسام في بنت برا طالبه تقابل حضرتك وبتحكي انها بنت الفراش عبداللة
ناصر : اصرفيها هلأ مو فاضيين
داليا : امرك مستر ناصر
وسام : استني داليا
داليا : نعم مستر وسام
وسام : خليها نفوت
داليا وهي بتطلع بناصر يلي ماعجبه تصرف وسام : امرك
ناصر : لو تبطل طيبة هالقلب بتعيش ملك
وسام : لك العم عبداللة صرلو اسبوع ماعم يجي عالشغل واخر مره كان كتير مريض وطلب مني شغل بنته اكيد جايه لهاد السبب
ناصر ب استهزاء : قلتلي طلب تشغلو بنتو ايه الله يقويك
*╚══════ღღ══════╝
فاتت رفاه بصحبة ملك لمكتب وسام… وعيونها بالارض
رفاه : السلام عليكم
ناصر وهو عم يطفي سيجارته ويطلع فيها بتمعن : وعليكم السلام
وسام : وعليكم السلام .. تفضلو ارتاحوا
رفاه : لا شكرا مافي داعي انا جايه من طرف عبدالله الحارث يلي كان بيشتغل عند حضرتك فراش
وسام : اهلا وسهلا وينو العم عبدالله
سكتت ونزلت منها دمعه وحكت بصوت مخنوق
رفاه : ابي عطاك عمرو من اسبوع
حس وسام بالشفقه على حال هالبنت .. كانت دمعته صادقه ومن قلب محروق والحزن كاسي ع ملامحها
وسام : الله يرحمه ويغفر له انا اسف ماكنت بعرف لو سمحتي ارتاحي يا انسه
قعدت رفاه وملك وعم السكون للحظه
ناصر : وانتي جايه تشتغلي هون
رفاه : ازا في مجال يا بيك
ناصر : مع مين ساكنه
رفاه : مع مرت ابي واختي
ناصر : والك قرايب
رفاه بعدم فهم : لا بس ليش هالسؤال
ناصر : ابدا مجرد سؤال روتيني… . اي احكيلي مؤهلاتك
رفاه : انا…
قطع حديثهم وسام : مافي داعي لكل هالاسئله ناصر العم عبدالله شرحلي كل شي… وانتي يا انسه… .
وقفت رفاه وحكت بتوتر : اسمي رفاه
وسام : ارتاحي يا انسه رفاه
رفاه : شكرا
وسام : رح عينك بالارشيف حاليا لحتى شوف شغلك
رجعت وقفت وحكت ب امتنان : شكرا يابيك وان شالله بكون عند حسن ظن حضرتك
وسام : ممكن تقعدي
رفاه وهي حاسه حالها غبيه : ااا سسفه
وسام : بالنسبه للراتب رح احسبلك 500 دولار غير الحوافز وانتي وشطارتك
وقفت وحكت متل العسكري : وانا تحت امرك يابيك
ناصر : هههههههههههه
نكشتها ملك لتقعد وحست بالاحراج من تصرفها لكنها تصرفت بعفويه وتلقائيه… كان الراتب كتير منيح ورح تقدر تكفي جامعتها وتصرف عحالها وبيزيد معها
وسام وهو بيحاول يكتم ضحكته لحتى مايجرحها : تمام رح تبلشي دوامك من بكرا وهلأ فيكي تتفضلي لقسم المحاسبه تاخدي راتب العم عبداللة الله يرحمه وبعد اسبوع رح نصرفله مكافأه ورح تستلميها انتي
رفاه : مو عارفه كيف اشكرك شكرا كتير بالازن منك
وسام : نورتي
*╚══════ღღ══════╝
ناصر : كيف شفتها
وسام : مسكينه درويشه وباين عليها طيبه
حط الملف من ايدو وسلط نظرو ع وسام : وهاد المطلوب ياصاحبي بنت درويشه و عباب الله وفوق هيك عايشه مع مرت ابوها
وسام : لشو بدك توصل ناصر
رجع حاله عالكرسي براحه وحط اجر على اجر
ناصر : يعني هي هيه البنت المناسبه
وسام : مناسبه لشو ؟؟
ناصر : هيييي هيدي علينا شبك مخك مسكر .. لك مو قلنا بدنا اندور على بنت درويشه لحتى نعقد معها صفقة الزواج وليكها لحالها اجت على اجريها
وسام : قصدك رفاه ؟
ناصر : ماشالله عرفتها لحالك… اي رفاه كل المواصفات المطلوبه متوفره فيها بنت يتيمه مالها حدا وفقيره
وسام : ولانها يتيمه ومالها حدا نستغلها
ناصر : مين حكا نستغلها بالعكس رح تطلع من هالقصه بمبلغ منيح مايخليها محتاجه حدا… فكر فيها من الناحيه الايجابيه
وسام : لا مو موافق شوفلي وحده تانيه
ناصر : اي تسطفل… انا رايح لمكتبي،
تركه وراح وبقي وسام يفكر بهالملاك الموشح باللون الأسود ونظرة الحزن والانكسار يلي شافهم بعيونها… نفض راسه بقوه ليطرد هالفكرة من تفكيرو وخيالو
وسام : لا مستحيل فكر بهيك شي حرام
*╚══════ღღ══════╝
رفاه : لك انا بحلم ولا بعلم يا ملك ماعم صدق اني اتوظفت بهيك مرتب
ملك الف مبروك يا روحي انتي بتستاهلي كل خير
رفاه : وسام بيك باين عليه كتير جنتل ومنيح شفتي كيف طلب يصرفوا راتب ابي مع انه الشهر ب اولو وابي ما داوم
ملك : في ناس الله عاطيهم وبيحنوا عالغير .. بس وينك ماتجيبي سيره لزكيه عن هالمصاري
رفاه : بس ابي كان زوجها ومن حقها تعرف
ملك : اي من حقها تعرف ومن حقها تاخدهم منك لك تضربي بهالراس اللي ناتعتيه… نسيانه انها مكوشه عالبيت كلو وماعم تعطيكي فلس احمر… بالله كيف رح تروحي وتجي عشغلك وجامعتك لتستلمي اول راتب. اه
حكت راسها بتفكير : اي والله معك حق
ملك : اطلعي اطلعي مو هي اختك لميس يلي بالسياره
رفاه : وينا ؟
ملك : يلي بالسياره الحمرا هونيك
لفت وجهها وانصدمت بس شافت اختها بملابس عاريه وراكبه بحد شب مبين عليه من الطبقه الراقيه وعم يتمازحوا ويضحكوا
رفاه بقلبها : العمااااا لميس شو عم تعمل مع هاد الشب ؟؟
ملك : وين شردتي… روحي جريها مت شعرها
رفاه : لك لا هي مو اختي اكيد انتي مشبهه عليها
ملك بشك : معقول ؟؟؟
رفاه : اايه طبعا… لميس هلأ بكليتها
ملك : اي يمكن مشبهه عليها
رفاه : انا تأخرت عالبيت لازم روح بشوفك حبيبتي
ملك : ماشي انتبهي عحالك
رفاه : وانتي كمان يالله السلام عليكم
ملك وعليكم السلام
وبقلبها : لك بقص ايدي ازا ماكانت اللي بالسياره هي لميس بس ليش رفاه انكرت وغطت عليها ؟؟؟
*╚══════ღღ══════╝
وصلت رفاه عالبيت وهي عم تلهت .. فاتت لغرفة لميس ماكانت موجوده
رفاه : مرت ابي وينك
زكيه : لشو عم تعيطي ولي حكولك عني طرشه
رفاه : وينا لميس
زكيه : هلأ جايه عم تلهتي لتسألي عن لميس… لميس بكليتها
رفاه : لميس موووو بكليتها مرت ابي .. انا شفتها راكبه سياره وعم تتفتل مع شب
احمرت عيون زكيه وقربت من رفاه ودفشتها
زكيه : انتي كيف بتسمحي لحالك تحكي ع بنتي يا شرشوحه هاد فوق ماعم آويكي ببيتي جايه بكل وقاحه تتبلي ع بنتي
رفاه : ورحمة ابي ماعم اتبلى عليها انا بعيوني شفتها راكبه بحد شب باينته غني وعم يتمازحو
زكيه بفرح : قلتيلي غني .. وشو السياره اللي راكبها
رفاه : انتي هاد يلي هامك… مو هامك انه بنتك ممكن اتضيع
زكيه : اخرسي ولي انا بنتي مربايه احسن تربيه احكي انك بتغاري منها لانها احلى منك وارتب منك
رفاه : انتي حره مرت ابي انا خلصت ضميري وخبرتك وانتي تسطفلي تسدقي او لا شي بيخصك… عن ازنك
زكيه : تعي لهون ولي شو صار معك لقيتي وظيفه ولا وجه فقر متل اللي خلفك
رفاه : الحمد لله لقيت شغل
زكيه : وبأي داهيه لقيتي شغل واديش رح يعطوكي معاش حاسب معاش ابوكي يالله يكفينا مصاريف
رفاه : اطمني مارح اطلب منك شي ورح اصرف عحالي
زكيه : ع اساس الفندق يلي تركلك ياه ابوكي مابدو مصروف انطقي ولي اديش حسبولك معاش
رفاه : 500 دولار 💲
زكيه بصدمه : كككم
رفاه : قلتلك 500 دولار يعني رح اصرف عحالي وبعطيكي كمان لاتشغلي بالك
زكيه : انا يا روحي مو قصدي شي بس انتي شايفه الحياه صعبه وكلشي غالي
رفاه : اي شايفه
زكيه : انا بدي نص المعاش
رفاه : نص المعاش ؟؟ وانا مافكرتي فيي وبمصاريف جامعتي
زكيه : فيكي تتركي الجامعه المهم بدي نص المعاش او شوفيلك خرابه تتاوي فيها انا مو فاتحه سبيل
رفاه : حاضر مرت ابي ممكن روح لغرفتي ارتاح
زكيه : اي طبعا ياقلبي ارتاحي لحتى يجهز الاكل وناديلك
رفاه : شكرا… عن ازنك
زكيه : ازنك معك تقبريني ارتاحي منيح تشكلي آسي
وبس صارت لحالها
العما يضربك شو حظك بيفلق الصخر اللهي يلحقك باللي خلفك وارتاح منك…… .
وهي لميس ازا كان هالحكي يلي،سمعته مزبوط رح طين عيشتها ولي على امتي بدها تشرشحني قدام بنت ابتسام وينوووو التليفون وينووووو
*╚══════ღღ══════╝
بغرفه مظلمه مافيها الا ضو خفيف عم ينبعث من التيبل لامب كانت عم تسحب الغطا وتلف جسمها العاري
لميس : حبيبي ايمت رح تعلن زواجنا
ربيع : هانت يا روحي بس لتجي امي من السفر رح اجي واطلبك رسمي… بعدين نحنا متزوجين
لميس : متزوجين عرفي ياربيع انا بدي كون مرتك قدام كل الناس
ضمها لصدرو العاري : وحياتك حتكوني مرتي وحبيبتي قدام كل الناس
لميس : وعد
رفع راسها بطرف ايدو وهمس : وعد ياروحي
بيرن موبايل لميس وبتتناوله
لميس : هي امي هصصص ماتعمل اي صوت
هز راسه وقام من جنبها بهدوء وفات عالحمام
لميس : اهلين ماما
زكيه : وينك ولي
لميس : شبك امي انا بالجامعه
زكيه : ومين الشب اللي كنتي عم تتصرمحي معه بدك تجلطيني بدك العالم يحكوا زكيه ماعرفت تربي
لميس : انتي شو عم تحكي امي هاد اخو رفيقتي ووصلنا عالجامعه بعدين انا ماكنت وحدي معه… اخته كانت معنا
زكيه : اكيد هالحكي لميس
لميس : عم تشكي فيي امي ؟؟
زكيه : لا ياعمري بس هي الكلبه رفاه حكت انها شافتك راكبه مع شب بسيارته
كزت لميس ع اسنانها بغيض : رفاه لكن… ماشي امي صدقيها وكزبي بنتك انا مارح ارجع عالبيت
زكيه : لا يا روحي مصدقيتك حقك عليي خلص ارجعي عالبيت لنتغدا سوا عاملتلك شيخ المحشي
لميس : بس مابدي شوف الست رفاه بالبيت
زكيه : مضطرين نتحملها
لميس : وليش بقى
زكيه : بس ترجعي عالبيت بفهمك
لميس : اوك ماما باي
حطت الموبايل من ايدها وهي عم تغلي من الغضب
ربيع : شبك ياروحي
لميس : اختي الحقيره شافتنا سوا وراحت خبرت امي
ربيع : اي وامك عرفت ؟؟
لميس : لاتخاف دبرتها
ربيع : كتيرر منيح قومي اللبسي لوصلك بطريقي
لميس : ربيع حاول تستعجل لازم نعلن زواجنا
ربيع : قلتلك ماشي شبك لميس بدك اطالعي خلقك فيي
لميس بدلع : لا ياروحي خلقي مابيطلع عليك
ربيع : يسلملي الفهمان
*╚══════ღღ══════╝
داليا : مستر وسام مالك بيك طالبك بمكتبه
حط الملف من ايدو وغمض عيونو واخد نفس طويل لانه عارف انه عمه رح يرجع يفتح معه موضوع الزواج وبعدو مالقي عروس يستأجرها لمده معينه وينفذ بعدها خطته ليكون مع نور قام من مكانه وتوجه لمكتب عمه
وسام : مسا الخير عمي .. حضرتك طلبتني
مالك : اقعد وسام
وسام وهو عم يقعد قبال عمه : خير عمي صاير شي
مالك : فهمني شو هاد… ورمى قدامه فواتير جايه من المانيا
وسام بتوتر : هاد…
مالك : النت يلي شريت هالسياره ماهيك
وسام : اي عمي انا
مالك : لنور خانوم
وسام : شو فيها ازا هديت بنت عمي سياره الخير كتير
مالك : مافيها شي لو هديتها فيلا ماكنت رح اعترض بس تتصرف من ورا ضهري ياوسام عم تخون ثقتي فيك
وسام : بعتزر عمي.مارح تتكرر
مالك : معاك 3 ايام بتكون ملاقي عروس ومتزوج
وسام : بس ياعمي
مالك : مارح عيد كلامي وسام يا اما بتتزوج خلال 3 ايام او بتنسى اني عمك
وسام : لاتفسى عليي عمي اول مره تزوجت ل البي رغبتك ورغبة ابي هالمره اتركني اختار البنت اللي بدي ياها
مالك : قدامك بنات الكون اختار منهم وحده ماعدا بنت كمال
وسام : بس انا بحب نور ومابدي غيرها
مالك بحزم : النقاش خلص وسام فيك تتفضل لمكتبك وفكر بكلامي
شد على قبضته لحتى برزت عروقه مابدو يزعل عمه وبنفس الوقت مابيقدر يتخلا عن البنت اللي بيحبها… كان القرار صعب والاختيار اصعب
رجع لمكتبه ودفن راسه بين كفيه وفجأه لاح بخياله صورة رفاه
شد شعرو بقوه وضرب المكتب بكفه وهو عم يزفر الاه من قلب محروق
وسام : سامحيني رفاه بعرف مالك زنب بس بوعدك ما اتخلا عنك واعوضك
معقول توافق… . ليش لا هالعرض مارح تلاقي متله بحياتها ورح اعطيها مبلغ يكفيها لتعيش حياه كريمه واكتبلها بيت ب اسمها
ماعاد عندي وقت لازم اتحرك بسرعه… ضغط على الانتر كام بمكتبه
وسام : داليا ابعتيلي ناصر فورا
داليا : امرك مسيو وسام
*╚══════ღღ══════╝
رجعت لميس عالبيت وفاتت فورا لغرفة رفاه واطلعت فيها بقرف وحكت من بين اسنانها
لميس : وقت بدك تفسدي عني اتأكدي من الشي يلي شفتيه ياخانوم
نزلت رفاه الكتاب من ايدها وبادلتها نفس النظره
رفاه : ازا ضحكتي على امك بكلمتين مافيك تضحكي عليي انا بعيوني شفتك
لميس : شو ماكان يلي شفتيه مابيعنيكي ياريت تلتهي بحالك احسن ماتنزتي بالسقاق
رفاه : ممكن تتركيني التهي بحالي وتروحي لغرفتك
لميس : عم تتحديني
رفاه بثقه : اعتبريه هيك
لميس : شي حلو والله من ايمت طالعلك مخالب ياقطه
رفاه : من اليوم
زكيه : انتي جيتي حبيبتي تعي لتتغدي
لميس : امي يا انا يا رفاه بالبيت
زكيه : تتعي لميس بدي ياكي
رمقتها بنظرة تحدي وكره وفتلت حالها وطلعت لعند امها
لميس : امي هالكلبه مالها قعده بالبيت
زكيه : فكرك طايقتها ولا طايقه وجودها بس مضطره اتحملها
لميس : لاتجننيني امي ليش مضطره تتحمليها
زكيه : الخانوم اشتغلت بشركه كبيره ورح تاخد معاش منيح
لميس بمسخره : كم يعني 😏
زكيه : 500 دولار
لميس بصدمه : شوووو وكيف عترت على هالوظيفه
زكيه : الله يعدمني ياها حظها بيفلق الصخر لهيك امي مابدي تحتكي فيها وطنشيها ولا كأنها موجوده ع القليه بنستفيد من معاشها
لميس بخبث : هه ازا هيك الموضوع تكرمي زوزو
زكيه : وانتي اتلحلحي شوي شو وضعوا اخو رفيقتك معه مصاري
لميس بتلعثم : اه ااايه عندو مطعم
زكيه : ولي عكسرتك اتلحلحلي لك بنتي بلكي بيجي يخطبك
لميس : ماتخافي عليي امي بنتك صاحيه
زكيه : اللهي سيدي ومولاي يكون من نصيبك وتكسري عين بنت ابتسام واشفي غليلي منها
*╚══════ღღ══════╝
بيقطع حديثهم صوت جرس الباب وبتروح زكيه لتفتح وبتتفاجئ بشبين متل القمر وباين عليهم بشاوات
زكيه : اهلا وسهلا مين حضرتكم
ناصر : انا ناصر مدير العلاقات العامة بشركة الخطيب يلي كان بيشتغل فيها المرحوم زوجك وهاد السيد وسام بيك صاحب الشركة
بلعت ريقها وبقيت واقفه مكانها
زكيه بخوف : والله زوجي كان درويش على باب الله
ناصر : مو جايين كرمال زوجك ياخانوم
زكيه ببلاهه : اه لكن ليش جايين بلا زغره
ناصر : شو رح نحكي هون
زكيه : كرمال الله ماتواخزوني من لبكتي نسيت قلكم تفضلو… اتفضلو يامية اهلا وسهلا زارتنا البركه ماتواخزوني البيت مو قد المقام نحنا متل مو شايفين معترين
ناصر وهو عم يتفحص البيت بعيونه ويقعد ب اكابريه : تمام تمام… ممكن تنادي ل الانسه رفاه
زكيه : اااه رفاه ليش شو بدكم منها اكيد عامله شي فصل ناقص الله لايوفقها شو عامله مقصوفة الرقبه
وسام : اهدي ياخانوم انا جاي اطلب ايد الانسه رفاه
زكيه : 😲😲😲
تابعووووووني
تعليقات
إرسال تعليق