رواية عروس للايجار الجزء الخامس والسادس بقلم أمل أحمد سلوم حصريه وجديده
رواية عروس للايجار البارت الخامس والسادس بقلم أمل أحمد سلوم حصريه وجديده
رواية عروس للايجار الفصل الخامس والسادس بقلم أمل أحمد سلوم حصريه وجديده
رواية عروس للايجار الحلقه الخامسه والسادسة بقلم أمل أحمد سلوم حصريه وجديده
رواية عروس للايجار الجزء الخامس والسادس بقلم أمل أحمد سلوم حصريه وجديده
شالت العصبه عن عيونه واطلعت فيه
وسام: نور؟؟
نور : انت منيح
وسام : شي مابيخصك اكون منيح ولا اموت ياخساره يانور
نزلت راسها ب اسف: انا اسفه وسام ماكان بقصدي كزب عليك بس
وسام : بس شو يانور لك انا حبيتك وانتي خنتيني
نور : لااا انا ماخنتك انا انجبرت اكزب
وسام : تكزبي؟
نور: اسمع وسام وافهمني منيح انا ماعمري حبيتك بالعكس كنت بكرهك وشاركتهم لناخد منك كلشي بس وقت وصلت للدم ماقدرت اتحمل
وسام : بس انتي قتلتيني يانور انا حاربت الكل كرمالك
نور : عمك وابوك هنه السبب بكل شي
وسام : لا ترمي اخطائك واخطاء عيلتك عالغير
نور : ابي من حقه يورت متله متل ابوك وعمك ليش ليحرموه من ورته ولا لأنه ابن الضره
وسام : ابوكي كتير ازانا يانور واخر شي عمله حرق المخازن وعمي مالك ماقدم شكوى ضده لانه اخوه بس الطمع عامي عقلب امك وابوكي واخوكي… وللاسف انتي كمان
 |
نور : مو وقته هالحكي لازم اخدك ع المشفى فورا
وسام : مابدي منك شي فيكي تروحي
نور : ماجيت هون وعرضت حالي للخطر لحتى اتركك وروح
وسام : وانا مابدي مساعدة وحده خاينه
نور : قلتلك انا موووو خاينه ناصر زوجي
وسام : زوجك ورايحه تقابليه متل المراهقين بكوفي شوب بعيد عن العين
نور : هي كانت خطة وسام لتشوف بعينك كل شي
وسام : خطه ؟؟؟ وصرخ فيها رووووحي من وجهي مابدي شوفك ياريت متت وماعرفتك على حقيقتك
شغلت السياره بدون ماترد عليه وطلعت عالمشفى
*╚══════ღღ══════╝
قاعد ورى مكتبه الفخم عم يتأمل صورة وسام وهو صغير
مالك : ياريت تفهم انا ليش بدي بعدك عن هالناس ابني… الله يحميك
بيندق الباب وبتفوت السيكرتيره
مالك بيك في صبيه بدها تقابل حضرتك
مالك : ماحكت مين
السيكرتيره : عم تقول انها بنتو للفراش عبدالله
مالك بصدمه : رفاه ؟… خليها تتفضل بسرعه
السيكرتيره : امرك يابيك
فاتت رفاه وكان باين عليها التعب ووجها شاحب وعيونها دبلانين
مالك وهو عم يقوم من مكانه : خير بنتي شو طالعك من المشفى وانتي بهي الحاله
رفاه : الحق وسام يابيك
مالك : وسام ؟؟ ليش شبو وسام
رفاه : يلي حاول يقوص وسام هوي ناصر انا شفته بعيوني
مالك : شوووووو
*╚══════ღღ══════╝
كمال : عصام لك عصام فيق ولا وينو وساااام وينوووو
عصام وهو حاطط ايدو عراسو : مابعرف بعتلي ناصر رساله لحتى اطلع من المخزن لان الشرطه عرفت بمكان وسام وبس حطيته بالسياره في حدا ضربني عراسي وبعدها ماحسيت عشي
كمال بعصبيه : والحيوان ناصر وينوووو
عصام : والله مابعرف يابي
كمال : لكن شو. بتعرف الله يلعنكن انا مشغل معي بهايم
وتناول موبايلو واتصل على ناصر وكان موبايله مسكر
كمال : وكمان موبايله مسكر… لك يافررررررريد
فريد : امرك يابيك
كمال : بتاخد الرجال معك وبتروح لبيت ناصر وبتشحطلي ياه لهون عم تفهم
فريد : حاضر يابيك
عصام : معقول يكون ناصر هربو لوسام ؟؟ مستحيل
كمال : بلعبتنا كلشي جايز
*╚══════ღღ══════╝
رفاه : وهاد كل اللي صار يابيك
مالك : ازا هالحكي مزبوط معناته حياة وسام بخطر
وقفت ومسكت ذراعه بخوف
رفاه : كرمال الله دور عليه واحميه
مالك : ماتخافي بنتي رح لاقيه بوعدك
وقطع حديثهم رنة موبايل مالك
مالك : الو نعم… . نور ؟؟؟… شووو ووسام وينو هلأ ؟؟……… طيب انا جاي فورا
رفاه : خير شبو وسام
مالك : متعرض للضرب وهو هلأ بالمشفى
حطت ايدها عتمها وشهقت بخوف : مين يلي ضاربو اكيد ناصر
مالك وهو بيتناول مفاتيح سيارته : هالشغله كبيره على ناصر انا رايح افهم الموضوع
رفاه : وانا جايه معك
نسيت المها وجرحها… نسيت انه اتزوجها ورجع طلقها ماكان شي شاغل تفكيرها الا انها تطمن عليه
بس ليش هيه هلقد خايفه عليه ؟ سؤال مالقيت اله جواب
*╚══════ღღ══════╝
وصلوا عالمشفى ودقات قلب رفاه عم تزيد بكل خطوه وجرحها عم ينزف .. كانت ماشيه عم تستند عالحيط تاره وعلى مالك بيك تاره لحتى وصلت لغرفة وسام وبس شافت عندو نور وقفت بعيد ودخل مالك بسرعه
مالك بلهفه : وسام ابني انت منيح
وسام : انا منيح عمي لاتقلق
مالك : مين عمل فيك هيك
وسام وهو بيطلع بنور : كمال وابنه
مالك بغضب : والله لامحيهم من على وجه الارض
وسام : بس انا وعدت نور ما ائزيهم
مالك : بعدك بتقلي نوووور واطلع بنور بغضب ومسكها من كتافها : لك انتي مابدك تحلي عن ابني بقا مابيكفي اللي عمله ابوكي واخوكي
وسام : عمي نور هيه يلي خلصتني من بين ايديهم
مالك : شو
نور : انا رايحه وسام وياريت ما تنسى وعدك الي
مالك : تعي لهون وعد شو هاد
نور : وسام بيخبرك
مالك : بدي اعرف منك شو بعدك عم تخططي انتي وابوكي
نور : بالازن… . وتركتهم وطلعت لتلقي عيونها بعيون رفاه
رفاه : انتي بنت عمه لوسام
اطلعت فيها نور من فوق لتحت وحكت من بين سنانها
نور : اي انا… واعتقد مهمتك خلصت فيكي تمشي من هون
رفاه : انا بس كنت بدي اطمن ع وسام
نور : وسام ؟؟ بنت الفراش شايله التكلفه… .
نزلت رفاه راسها ونزلت منها دمعه : بعتزر قصدي وسام بيك
نور : اها منيح هيك… وعموما وسام منيح واعتقد اخدتي حقك وزياده فيكي اتفضلي من دون مطرود
حطت رفاه ايدها على جرحها اللي عم ينزف وضغطت عليه
رفاه : بتمنالكم السعاده
وتركتها ومشيت تاركه وراها جرح غميق وقلب مكسور وكرامه انداست بالصرامي
كانت عم تمشي ودموعها بيسبقوها ودقات قلبها عم توجعها
رفاه : انتي مجنونه يارفاه مجنووووونه كيف تسلمي قلبك لواحد حكالك انه بدو يتزوجك ليوصل لحبيبته… الله يلعن هالقلب ويلعن حظي… ليش ياربي انا ليشششش 😭
وبعض الاحلام جمالها بأن تظل أحلاماً ..
وكأنها زوارق ورقيه نهتم بأدق تفاصيلها حين نشكلها ..
ثم لا نملك سوي ان نبتسم لها بينما تبحر بعيداً عنا ..
*╚══════ღღ══════╝
مالك : وسام يلي قوص عليك بيكون ناصر
وسام : بعرف
مالك : بتعرف ؟؟
وسام : في شغلات كتيره عرفتها عمي بس انت كيف عرفت
مالك : اجت لعندي رفاه وخبرتني
وسام بصدمه : رفاه ؟؟
مالك : اي ليكا معي برا اجت لتطمن عليك
وسام : ممكن تناديلا عمي
طلع مالك لينادي لرفاه ومالقيها واقفه مكانها
مالك : غريبه هلأ كانت هون
وسام : وينها
مالك : تركتها واقفه برا ..يمكن رجعت لغرفتها
وسام : هلأ بشوفها
مالك : قبل ماتشوفها احكيلي كل شي صار معك وليش وعدت نور انك ماتئزي هالكلاب
وسام : لأن نور كشفتلي الحقيقه عمي
مالك : الحقيقه !!
وسام : رح خبرك كل شي
*╚══════ღღ══════╝
وصلوا رجال كمال عالمخزن حاملين ناصر يلي كان بعدو غايب عن الوعي وزتوه عند اجرين كامل
كمال : شو عملتو فيه
فريد : مو نحنا معلم… الله وكيلك لقيناه ببيته غايب عن الوعي وجبناه لهون
كمال : صحولي ياه
رشو عليه مي بارده وفز على اربعته وهو يشهق
كمال : صحيت يا افندي
ناصر وهو بيطلع حواليه : كمال بيك ؟؟ انا وين ؟؟
كمال : انت بجهنم الحمره
ناصر : شبك معلم
كز ع اسنانه وحكى بحده : وين وديت وسام
ناصر : ليش وينو وسام مو بالمخزن
مسكو عصام من جاكيته واردف بصوت عالي : لك عم تجدبها ولا مو انت بعتلي رساله انه الشرطه عرفت مطرح وسام ولازم نغير قرنتنا
ناصر : انا ؟؟؟ هالشي ماصار معلم
عصام وهو بيحط الموبايل بوجه ناصر : وهااااد شوووو مو مسج منك
ناصر : الله وكيلك مو انا… . واتزكر يلي صار بينه وبين نور
لحظه لحظه… انا اخر شي بتزكرو اني كنت قاعد مع نور بعد ماعملتلي قهوه وبعدا غبت عن الوعي
كمال بعصبيه : بدك تفهمني انه بنتي يلي هربت وسام
ناصر : ما بعرف بس والله العظيم مو انا يلي بعتت لعصام المسج
كمال : وينا نور
نور : انا هون ابي
اطلع الكل ناح الصوت وشافوا نور واقفه وعم تطلع فيهم نظرة تحدي… قربت بخطوات ثابته وركزت عيونها بعيون ابوها
نور : ليكني بابا
كمال : وين كنتي
نور : كنت مع وسام بالمشفى
كمال : انتيييييي جنيتيي 😡
نور : لا ماجنيت انا تصرفت بعقل
عصام : عقل شو ياخاينه لك انتي دمرتينا كلنا
نور : ما تخاف سيد عصام ماحدا فيكم رح ينئزى
كمال : ليش هربتي وسام
نور : لانه نحنا هدفنا المصاري مو الدم
كمال : وهلأ بعد ماهربتيه حضرتك ماصفى لامصاري ولادم
نور : انت مو بدك مصاري
كمال : ايه
نور : وهاد شيك بخمسه مليون دولار موقع من وسام
كمال : خمسه مليون وكيف قبل وسام
نور : وسام مو ضعيف ولا خاف يواجهكم… وسام قرر ينهي هالخلاف ولو عحسابه
عصام : اكيد هالشيك مضروب
نور : تعوا معي عالبنك لنتأكد
كمال : هاتي الشيك نور
نور : مو قبل ما اخد منكم كلمه بابا
كمال : كلمه بشو
نور : انو ماعاد تتعرضوا لوسام بنوب
كمال : ازا هالشيك مو مضروب انا بوعدك انسى كل الخلاف وشيل وسام من راسي
نور : وانت عصام
عصام : مدام في مصاري يبقى خلص عليه الامان بس شو يضمنا مايروح يشكي للشرطه
نور : اطمن مارح يشكي… . واطلعت بناصر… حتى يلي حاول يقتله مارح يشكي عليه
ناصر : وانتي ليش متأكده كل هلقد
نور : لانه وسيم رجل وعند كلمته
سكت الكل وبلشوا يطلعوا ببعض،
نور : ناطره جوابكم
كمال : انا مافيي ائمن غدر عيلة الخطيب لهيك رح اصرف الشيك واخدكم وسافر برات البلد
نور : ياريت بابا انا ماعاد فيي ابقى هون بعد اللي صار
كمال : موافق عصام
عصام : اكيد ابي
كمال : وانت ناصر
ناصر : بعد مانكشفت قدام وسام مابظن فيي عيش هون لهيك انا معكم
كمال : لكن بالاول بنتأكد من الشيك وبعدا منرتب امور السفر
عصام : يا فررريد صب نخب الانتصار
الكل : هههههههههه
نور بقلبها : الله يحميك ياوسام انا بعدتك عن كل الشرور وحتى البنت يلي تجوزتا. كرمالي .. وبهيك بريت زمتي قدامك وقدام ربي… سامحني على كل شي 😔
*╚══════ღღ══════╝
وسام : وهاد يلي صار عمي انا اشتريت راحة راسي وراسك بالمصاري
مالك : بالك عمك رح يتركنا بحالنا
وسام : هالشي مهمة نور
مالك بشك : يعني شلت نور من راسك
وسام : نور هلأ صارت من الماضي وعلى زمة رجال تاني
مالك : ورفاه
تغيرت معالم وجهو واردف بحزن : طلقتها
مالك : ليش عملت هيك
وسام : لاني تزوجتها لغرض وهي بتعرف هالشي وانا مافيي اجبرها تبقى معي
مالك : بس البنت بتحبك
وسام : بتحبني ؟؟ شو هالحكي عمي مابظن
وقف ومشي ناح الشباك وسرح وهو عم بيراقب الغروب
مالك : لو شفت نظرة الخوف بعيونها وقت اجت لعندي عالمكتب ولا لهفتها عليك كنت عرفت انها بتحبك
وسام : رفاه بنت طيبه واكيد كانت رح تقدم المساعده لاي حدا بيحاجها
التفت عليه وحكا بحزم : طيبه لدرجة انها ترمي حالها عالموت لتنقدك
وسام :………… .
حس مالك انه رفاه البنت المناسبه لوسام ولكنه قرر ما يدخل لحتى يجي وسام ويطلب بنفسه انه يتزوجها
مالك : قوم معي لوصلك عالبيت لحتى ترتاح
وسام : معلش عمي اسبقني وانا لاحقك عندي شغله لازم قضيتها بالاول
مالك بخبث : مافي مأذون بالمشفى بتحب اطلبك واحد
وسام بخجل لانه عمه كشفه : لللشو المأزون عمي
مالك : قلت يمكن بتحب تاخد رأيه بشي… عموما انا سابقك عالبيت بدي شق عالست راويه
وسام : ماشي عمي
*╚══════ღღ══════╝
طلع مالك وبقي وسام لوحدو لتبلش مخيلته تستعرض كل شي صار معه وفجأه لاحت رفاه بمخيلته بشعرها الاسود وعيونها الشهل وابتسامتها العذبه
وسام : انتي من شو مخلوقه رفاه ياترى انتي ملاك على هيئة بشر
اطلع ب ايدو وشاف المحبس وارتسمت على وجهو ابتسامه عذبه
وسام : ياريت عرفتك بغير هالظروف بس شو ماصار انا مارح اتخلا عنك ورح ابقى حدك
قام من مكانه وتوجه لغرفة رفاه ودق عالباب بخفه
وسام : رفاه ممكن ادخل……
ماكان في رد
رجع دق عالباب… . رفاه انتي هون ؟؟… انتي منيحه
كمان مافي رد… . استجمع قوته وعزم يفوت لعندها ويعتزر منها عالشي اللي بدر منه
وسام : رفاه ؟؟
كانت الغرفه فاضيه ورفاه مو موجوده…حس بالخوف عليها وانه ممكن يكون صار معها مضاعفات لانها طلعت من المشفى وراحت لعند عمه… .توجه لقسم الاستعلامات وسأل الممرضه
وسام : لو سمحتي مدام رفاه عبدالله ب اي غرفه هلأ
الممرضه : مدام رفاه تركت المشفى من شوي يابيك
وسام : كيف تركت المشفى والدكتور كيف سمحلا تغادر وهي بهالحاله
الممرضه : المدام وقعت على خروج ع مسؤوليتها وغادرت
غمض عيونو بقهر وحمل حاله وطلع من المشفى يدور عليها
وسام : اكيد مابعدت كتير هيه تعبانه ومافيها تتحرك بسرعه انا لازم لاقيها شو ماكلفني الثمن
*╚══════ღღ══════╝
رجعت لبيتها تجر حالها وخيبتها بعد ماتنازلت عن كل شي كتبلا ياه وسام ...
دقات قلبها عم تعمل بضلوعها غصه وهي عم تتزكر كلام نور الها وقفت ب انكسار ودقت عالباب
زكيه : مين عالباب
رفاه : هي انا مرت ابي
زكيه : رفاه ؟؟ ... شو جابا هي ؟؟
فتحت الباب وشافت رفاه سانده حالها عالباب وايدها معلقه برقبتها ووجها شاحب
زكيه : ولي على امتي شبك ولي شو صايرلك ووينو جوزك
رفاه : .....
زكيه : فوتي لشوف
فاتت رفاه من سكات وتوجهت لغرفتها وسكرت الباب
لميس : مين كان عم يدق امي
زكيه : هي رفاه
لميس : وشو جايبها مو على اساس حكا جوزها ننساها
زكيه : هلأ بعرف شو السيره دفشت الباب وفاتت
... كانت رفاه عم تجمع تيابها وكتبها
زكيه : شو عم تساوي
رفاه : شوفة عينك
زكيه : ليش عم تضبي اغراضك جوزك وينو ردي عليي يامقصوفة الرقبه
رفاه : طلقني
زكيه وهي بتضرب عصدرها : طلقك ؟؟ ولي على طولي ليش طلقك كان طاير عقله فيكي
رفاه : هاد اللي صار مرت ابي
زكيه : اي ينهفى المهم جبتي معك المصاري اللي عطاكي ياهم .. اكيد عم تضبي اغراضك لتروحي عالفيلا اللي سجلها ب اسمك ... وينك رفاه انا مرت ابوكي وبمقام امك لااااا يمكن اسمحلك تروحي تسكني لحالك اجري على اجرك ايوا
رفاه : ......
زكيه : اديش حصلتي منه ... اكيد هبشتي هبشه محرزه بعرفك شاطره ..
رفاه : .....
زكيه : وينك لاتاخدي تيابك المشرشحه انتي هلأ مليونيريه اي لكن مليون متقدم ومليون متأخر والله وضحكتلك الدنيا ياتقبريني شوفي وجه ربك و اكيد مارح يهون عليكي تتركينا بهالفقر والتعتير ما هيك
رفاه .........
زكيه : اي اكيد عم تحكي لحالك انه وسام بيك عطاني متين الف صدقيني ياروحي بزمتي بديني بعافيتي راوحو سداد ديون ورا المرحوم ابوكي وماصفى معي شي،
رفاه : .......
زكيه : اممم خليني روح جهز حالي لاجي معك مسسستحيل اتركك تروحي لوحدك ياضي عيني شيه انتي متل بنتي .. يالميسسس
رفاه : انا طالعه من هون لادور شغل مرت ابي
زكيه : وشو لازمته الشغل بعد ماصرتي مليونيريه
رفاه : انا تنازلت لوسام بكل شي
زكيه : شوووووووو الله لا يوفقك اللهي اعدمك ولحقك باللي خلفك وليش تنازلتي ياحماره ياوجه الفقر
رفاه : ممكن تتركيني اضب اغراضي وروح
زكيه : تروح روحك وتفتح جروحك لك تضربي بالراس المتيس انقلعي من بيتي مابدي المحك بنوب انا مو ناقصني اصرف ع وحده مطلقه ابصر ليش جوزا طلقها بعد يومين زواج… . اكيد معيوبه ولا فيكي شي ياوسخه ياترباية ابتسام
رفاه : خلص مرت ابي انا رايحه ومافي داعي تهكلي همي او تداخلي فيي
زكيه : ان شاء الله بيدخل فيكي الحكيم ومابعرفلك دوا ياحق لك عازك وعوازك والف رقعه بأمبازك قال البسقه شافت بنتها عالحيط آلت تؤبريني متل اللوليه بالحيط روحي اسألي عن امك وصيتها بالحاره يلي ياكل من بيتها الجردان والصرصور والفاره
طلت لميس راسها من شق الباب : شو في امي
زكيه : الخانوم اطلقت لك اللهي يارفاه ينكت كرارك ويشعل نارك ويشوفك الحكيم ومايعرفلك دوا
لميس بفرحه : هههههه توقعت انه تزوجها تسلايه اي خرجك الله لايقيمك
زكيه : الغبيه بدل ماتهبش منه هبشه مرتبه تنشلنا من هالفقر متنازله للبيك عن كل حقوقها
لميس : ابصر شو شايف عليها واخد منها كل شي انتي صدقتي انه هي يلي متنازله
زكيه : الله يعدمني ياكي يارفاه جبتيلنا العار والفضيحه اللهي تآكل جنابك الفرش ويحكموك عشره طرش ومايلائولك دواره… اللهي يخطفك عزرائيل ويكبسك بالبرميل يابنت غسالة الاواعي على نهر طوره
تركتهم وطلعت ودمعتها بطرف خدها وهي سامعه زكيه عم تسبا وسكرت الباب وراها بقوه
زكيه : لك اللهي يبعتلك 12 سوا نار وبارود وهوا صياح ونياح وغز رماح وعما وفالج وكرساح وفئرودين وغضب الوالدين يامئطعة العينتين يارفاه يابنت ابتسام
#عروس_للإيجار
#الجزء_السادس
#بقلمي_ #امل_احمد_سلوم (◕‿◕✿)
*╚══════ღღ══════╝
القدر لم يأخُذك مني فقط ،
إنما أخذني معك
بقي جسدي هنا على هامشِ الذكريات ...!!
*╚══════ღღ══════╝
وصلت لبيت رفيقتها ملك ودقت الباب
انعام (والدة ملك ) : اهلين رفاه خير بنتي شبها ايدك
رفاه : حادث بسيط يا خاله…. ملك هون
انعام : اي هون ياملك ملك
ملك : نعم امي … رفااااه لك وينك انتي… ولي على امتي ليش رابطه ايدك هيك
رفاه :… . 😔
اطلعت ملك عالشنته يلي ب ايد رفاه
ملك : لتكون زكيه طردتك من البيت… .
رفاه : انا تركت البيت
انعام : بدك تبقي موقفتيها لرفيقتك عالباب
ملك :اسفه والله من لخمتي فوتي فوتي فهميني شو صاير معك
قعدت رفاه ب استحياء وعيونها بالارض
ملك : شبك رفاه شو صاير معك اتصلت فيكي كتير بس موبايلك مسكر وحتى عالجامعه ماجيتي
رفاه : حاسه مر عليي عشرين سنه بهاليومين اللي مرو
ملك : خير يقلبي فشيلي قلبك
رفاه : اتزوجت واطلقت 😔
ملك وانعام بصدمه : شوووووووو 😲
*╚══════ღღ══════╝
نزل من سيارته وفات عالقصر بخطوات سريعة ودخل لغرفته
وسام : رفااااااه… انتي هون
كانت الغرفه فاضيه تقدم وشاف كلشي جابه لرفاه بمكانه وحتى الطوق والحلق وبحدهم رساله… مسكها بسرعه وفتحها
(( يمكن هلأ انت سعيد لانك حققت حلمك اخيرا وسرت مع البنت اللي بتحبا… انا تنازلت عن المتقدم والمتأخر لاني مو عروس للإيجار انا انسانه والها كيانها ومشاعرها اللي تلاعبت فيهم بدون رحمه وبكل انانيه لتوصل لهدفك… .
انا مابدي منك شي بس اسمحلي تركت معي المحبس لحتى كل ماشوفوا اتزكر يلي صار ومافكر بالزواج من جديد او يمكن ليحميني من يلي جاي… .. صدقني مابعرف
ومتل ماتركت معي شي منك تركتلك شي مني رح يبقى معك طول العمر……… .. بتمنالك السعاده مع نور… رفاه ))
غمض عيونو بقهر ومشط شعرو الغزير با اصابعه وصار يطلع حواليه عالشي يلي تركتله ياه رفاه
دور بكل الغرفه بس مالقي شي… واخيرا قرر يروح لبيت رفاه ويشرحلا كل شي صار معه ويعتزر منها
الخادمه : وسام بيك… راويه خانوم ومالك بيك ناطرينك بالصاله
وسام : طيب جاي روحي انتي
الخادمه : امرك يابيك
نزل وسام عالصاله وتوجه لامه ومسك ايدها ليبوسها
راويه وهي عم تسحب ايدها بعصبيه : وين رفاه ياوسام
وسام :… ..
راويه : بتفكر لاني عاجزه مارح اعرف عن تصرفاتك وولدنتك
وسام : يا امي الموضوع مو متل مانك فاهمه
روايه : لسا بدك تكزب وسام
وسام : يا امي افهميني… .واطلع لعمه… .احكيلك كلمه عمي
مالك : شو بدك احكي وسام والغلط راكبك من ساسك لراسك
راويه : شو زنبها هالبنت المسكينه لتضحك عليها… زنبها انها فقيره مو حرام عليك تلعب ببنات الناس مابتعرف انك بطلاقك الها بتاني يوم زواج بتكون دمرتها وخليتها علكه بتم اللي بسوى واللي مابيسوى
مالك : هالمسكينه رح ينحكا عنا شي صار وشي ماصار وخصوصا انها عايشه بحاره شعبيه والناس بهيك احياء مابترحم
راويه : وليكا الست نور اللي قتلت حالك عليها طلعت متجوزه اللي كان عامل حاله رفيقك يعني كانت تلعب عليك
نزل راسه بالارض وحكا بصوت مخنوق
وسام : والله كنت ناوي صلح كل شي بس رفاه استعجلت وراحت
راويه : محلاها وتبقى شو مفكر انت المخلوقه ما عندها مشاعر ولا كرامه
مالك : اللي صار صار مرت اخي ووسام كتبلا مبلغ منيح وعطاها بيت… خلص تعيش فيه وتبلش من جديد
وسام وهو بيمد الرساله لعمه : تنازلت عن كل شي عمي 😔
تناول مالك الرساله وبلش يقرأها وهو مبتسم
مالك : خدي اقرأي مرت اخي… قرأت راويه وارتسمت ع وجهها ابتسامه عريضه وضمت الرساله لصدرها
راويه : يا حبيبتي يابنتي…
مالك : قلتلك انها حبته
راويه : لازم رفاه ترجع على هالبيت
وسام : شو سر هالضحكات ماعم افهم شي
مالك : عالشي يلي تركتلك ياه رفاه
وسام ببلاهه : دورت بكل الغرفه مالقيت شي
راويه بضحكه دافيه : الشي اللي تركتلك ياه دور عليه جواتك مو حواليك
وسام : جواتي ؟
مالك : انت بتعرف بيتها ماهيك
وسام : اي
مالك : مشي معي لكن
*╚══════ღღ══════╝
ملك : كل هالشي صار وانا ماعندي خبر
رفاه : صدقيني كنت حاسة حالي بدوامه مابعرف من وين الامواج عم تضربني
انعام : الله ينتقم منه
رفاه : لاحرام يا خاله
انعام بشك : حرام
رفاه : ققصدي مابيجوز ندعي ماهيك ملك 🙈
ملك : ايه صح 😏
انعام : وعلى شو ناويه هلأ بنتي،
رفاه بخجل : كنت طمعانه بكرمك خاله تسمحيلي ابقى عندكم كم يوم لحتى لاقي شغل وشي غرفه استأجرها
ملك : اي ماما الله يوفقك وافقي
انعام بحب : اكيد بنتي وياريت تبقي معنا على طول شوفة عينك مافي بالبيت الا انا وملك وزوجي متل مابتعرفي متوفي من زمان
رفاه : شكرا خاله مابعرف كيف كافيكي على كرمك
انعام : مافي داعي للشكر حبيبتي انتي متل ملك بنتي
ملك : وشو ناويه تشتغلي
رفاه : اي شي الا الخياطه محسوبتك غبيه مابتعرف تمسك الابره
انعام : هههههه لكن بتحبي شوفلك جماعه اوادم و
ملك بعصبيه : بدك تشغليها لفايه امي 😡
انعام : انا ماقصدت والله عم اقترح بس
رفاه : الشغل مو عيب ملك
ملك : ماحكيت شي بس مارح اقبل شتغلي لفايه عند العالم
انعام : لك تزكرت اليوم شغت اعلان بالجريده طالبين موظفه لمطعم للشيفت المسائي
رفاه : حلو كتير وين هالمطعم
انعام : كأنه بوسط البلد هلأ بشوف العنوان من الجريدة
ملك : الشيفت المسائي بيناسبك وبهيك مابتضطري تغيبي عن الجامعه
رفاه : رح روح الصبح ان شاء الله قدم للوظيفه
ملك : وليش ننطر للصبح قومي معي لنروح هلأ امي شو صار معك وين الجريده
*╚══════ღღ══════╝
وصل وسام مع عمه مالك لبيت رفاه… . كان مصمم انه ما يرجع عالبيت الا ورفاه معه حتى لو ماقبلت ترجعله كزوجه بيكفي انه يعتبرها اخت ويدير باله عليها ويعوضها عن كل شي صار معها بسببه
زكيه : وبعدين اليوم مع هالباب اي جايه جايه عشو مصروعين
وسام : مسا الخير ياخانوم
زكيه : هاد انت ؟
وسام : رفاه موجوده
حطت ايدها عخصرها العريض ولوت بوزها : وشو بدك برفاه بعد ماطلقتا
مالك : لو سمحتي نادي لرفاه
زكيه : ومين حضرتك بالله… شو ياوسام بيك جايب معك هالختيار لتخوفنا…
وسام : حضرته مالك الخطيب صاحب شركات الخطيب وعمي
زكيه بتلعثم : اه .. اهلا وسهلا يابيك بيرضيك اللي عمله ابن اخوك ببنتي
مالك : لو بيرضيني ماجيت لهون لهيك ياريت تنادي لرفاه ..احكيلها عمك مالك هون وبدو يحكي معك
زكيه : والله رفاه مو هون اجت اخدت تيابها وراحت لك حتى المصاري اللي حيلتي اخدتهم معها هالغضيبه
وسام : لوين راحت
زكيه : صدقني مابعرف
سحب من محفظته 500 دولار وحطهم ب ايدها
وسام : وهلأ يمكن بتعرفي وين راحت
زكيه : اه… ييمكن عند رفيقتها ملك
وسام : ووين ببيت رفيقتها
زكيه : مو متزكره صراحه
حط ب ايدها كمان 500 دولار
وسام : وهلأ تزكرتني
زكيه : ايه تزكرت ساكنه بالحي التاني بنايه رقم 33 الشقه 4 الطابق التاني
وسام : شكرا عن ازنك
زكيه : انستوا وشرفتوا الله معكن وسكرت الباب وبلشت اتبرطم
لك شووو هالحظ اللي الها بنت ابتسام حتى بعد ماطلقها جايب عمه وجاي يركض يدور عليها
لميس : عن شو بتحكي امي مين يلي كان عالباب
زكيه : وسام بيك وعمه
لميس : اي وشو بدهم
زكيه : بدن الست رفاه يا بعدي انا مابعرف شو السر يلي مخليه متمسك فيها كل هالقد
لميس : اكيد سارقه من عندن شي وهربانه
زكيه : اي والله حكيك معقول شلون فاتتني هي
لميس : ازا رجعوا قلعيهم نحنا مابدنا وجعة راس من وراها
زكيه : هيك رح يصير
لميس : طيب امي انا بدي فوت ارتاح شوي
زكيه : لك شبك يا امي صرلك مده وجهك اصفر وطول الوقت نايمه لتكوني مرضانه ولي عطولي
لميس بتلعثم : لللا امي مافي شي بس لاني بسهر لوقت متأخر وانا بدرس علمك الامتحانات قربت
زكيه : الله يفرحني فيكي يارحي ويشرح صدرك وييسر امرك يااااااااااحق
*╚══════ღღ══════╝
ملك : ليكو المطعم رفاه
رفاه : تعي لنفوت بسرعه يارب ماتكون الوظيفه طارت
فاتو البنتين وطلبوا يقابلو مدير المطعم
ربيع : اهلا وسهلا انا صاحب المطعم بشو بقدر اخدمكم
رفاه : حضرتك نحنا جايين كرمال اعلان الوظيفه يلي بالجريده
ربيع : بس الاعلان بيحكي انه مطلوب موظفه وحده مو تنتين
ملك : الوظيفه لرفيقتي انا بس جايه معها
حول ربيع نظره ب اتجاه رفاه وبلش يتفحصها بنظرات ثاقبه
ربيع : شو اسمك
رفاه : رفاه
ربيع : الدوام يارفاه من الساعه اربعه للساعه عشره مساءا
رفاه : اي بعرف حضرتك وانا حابه كون بالشيفت المسائي لاني الصبح بكون بجامعتي
ربيع : اي منيح والمرتب 200 دولار والبخشيش الك وانتي وشطارتك مع الزباين… ..
رفاه : تمام استاز
ربيع : اهم شي بشغلتنا تتزكري انه الزبون دائما على حق مابدي اي شكوى والا بقلعك مفهوم
رفاه : حاضر
ربيع : روحي هلأ وبكرا بتجي الساعه 3 ونص لتستلمي الوظيفه وتتعرفي عالمكان وطبيعة الشغل
رفاه : شكرا كتير بالازن منك
ربيع : اهلا وسهلا … . وبقلبه… لك شو هالشقفه هي شكلي رح انبسط كتير هههههه
*╚══════ღღ══════╝
وصل وسام لبيت ملك ورن عالجرس وراحت انعام لتفتح الباب
انعام : اهلا وسهلا مين حضرتكم
وسام : عفوا ياخانوم هاد بيت الانسه ملك
انعام بخوف : ايه خير شو في
وسام : مافي شي حضرتك انا جاي اسأل عن رفاه حكولي ببيتها انها عند بنتك
انعام : رفاه ؟؟ وعفوا مين بتكون ؟؟
وسام : انا زوجها
انعام بقلبها : العما هاد شو بدو من رفاه بعد ماطلقها انا لازم خبي رفاه وماخبرو انها عندي
وسام : ممكن تندهي لرفاه
انعام : بس رفاه مو هون يا استاز
وسام : لكن وينها
انعام : ما بعرف اكيد ببيتها
وسام : لا مو ببيتها من شوي سألت عنها ماكانت موجوده
انعام : بعتزر منك استاز انا مابعرف شي
وسام : يمكن الانسه ملك بتعرف
انعام : بنتي ببيت عمها من اسبوع
وسام : طيب ياخانوم هاد الكرت تبعي عليه كل ارقامي ازا اجت رفاه لهون ممكن تخبريني
انعام : تكرم عينك
وسام : شكرا الك واسف ع الازعاج بالازن
انعام : الله معك
فاتت وسكرت الباب وهي حاطه ايدها عقلبها… واطلعت بالكرت اللي ب ايدها
انعام : هاد شو بعد بدو من هالمسكينه بعد ماطلقها وبهدلها… . بس والله باينته محترم وابن ناس… افففف احسن شي شق هالكرت وماخبر رفاه بجيته خطي البنت مو ناقصها
وشقت الكرت وزتته بالزباله
*╚══════ღღ══════╝
رجعوا عالقصر وفات وسام على غرفته بدون اي كلمه
راويه : شو صار معكم
مالك وهو بيقعد بتعب : مالها اثر
راويه : وين بدها تكون راحت البنت مجروحه وجرحها طري
مالك : جرحها ماعم يوجعها مرت اخي يلي بيوجعها انكسار قلبها بضلوعها وكرامتها اللي نهانت
راويه بحزن : مسكينه هالبنت والله ما بتستاهل يصير فيها كل هالشي
مالك : ان شاء الله بتلتقى
راويه : يااارب… شو وينو وسام
مالك : فات لغرفته كتير مزعوج من نفسه
راويه : خليه يحس بغلطه ويعرف انه بنات الناس مو لعبه ب ايديه
مالك : معك حق… .
وبغرفة وسام
كان قاعد عطرف التخت عم يتأمل محبسه الفضي وصورة رفاه قدام عيونه
وسام : ياترى وين اراضيكي يارفاه… . معقول لهي الدرجة انا حقير ومتجرد من الاحاسيس 😔
قام ووقف قدام الشباك
وسام : متل هالقمر وجهك يارفاه ومتل النسمه بطيبتك وحنيتك انا لازم لاقيكي واعتزر منك ورجعك عالبيت
وفجأه صورة رفاه انعكست عالقمر وحاكته
رفاه : عم ادور عليي لحتى اداوي جرحك بعد ماعرفت انها نور مابتحبك ومتزوجة رفيقك
وسام : لا يارفاه انا بدي اعتزر منك وعوضك عن الشي اللي عملته
رفاه : انا مسامحيتك وسام اتركني بحالي وعيش حياتك
وسام : مافيي رفاه والله مافيي انتي مابتعرفي قديش تعبان وحاسس بالذنب تجاهك… لاتكوني قاسيه عليي وعطيني فرصه
رفاه : انت بعدك بتحب نور ياوسام انا مالي بقلبك مكان
وسام : نور اختارت طريقها وصارت من الماضي
رفاه : بس انا ماكنت بحياتك لا بالماضي ولا بالحاضر انا مجرد عروس للإيجار انهت مهمتها ورميتها بدون مايرفلك جفن
وسام : سامحيني بترجاكي 😔 بترجاكي ارجعي لاكفر عن غلطتي وتكوني مرتي قدام الله وقدام كل الناس
رفاه : رفاه ماتت ياوسام
وسام : لا رفاه لاتروحي لاتتركيني تايه بترجاكي رفاااه رفااااااه
وعي عحاله وهو عم يشهق بين دمعاته مسح وجهو بكفوفو ورفع راسه للسما
وسام : يااااارب ساعدني لحتى لاقيها يارب والله ندمان والله
*╚══════ღღ══════╝
طلع نهار جديد على رفاه مابتعرف القدر شو مخبيلها كانت خطواتها كلها ايمان وثقه بالله عز وجل وبغدا مشرق
بعد ما خلصت دوام الجامعه توجهت عالمطعم لتستلم شغلها الجديد
رفاه : مسا الخير سيد ربيع انا رفاه يلي
اشرلها ب ايدو تقعد واردف : وهل يخفي القمر عارف انك رفاه
رفاه وعيونها بالارض : شو رح تكون طبيعة شغلي
ربيع : مضهرك وشكلك كتير حلو وكلك برائه لهيك رح تكوني بصالة الشخصيات المهمة وتقدمي طلبات الزباين لكبار العملاء بمطعمنا وهونيك البخشيش ببزخ بس انتي فتحي عقلك وصحصحي
رفاه : حاضر استاز
ربيع : يا جواد
جواد : نعم معلم
ربيع : خود الانسه رفاه وعطيها المريول الخاص بصالة الشخصيات المهمه وخلي ميسون تفهمها الشغل
جواد : امرك معلم… تفضلي معي يا انسه
بلشت رفاه شغلها وكانت بقمة سعادتها وفعلا البخشيش كان ببزخ وكانت ميسون تعلمها كل شي وادير بالها عليها
مرق الشهر الاول واستلمت رفاه راتبها الاول من تعبها وعرق جبينها كان البخشيش يلي بتحصل عليه كفيل انه يخليها تخبي معاشها وتصرف منه وتساعد الست انعام بمصروف البيت رغم رفضها لكن رفاه نفسها عزيزه وما كانت تقبل تكون عاله على حدا
اما وسام كان كل يوم يروح يسأل زكيه عن رفاه وزكيه تسحب منه مصاري وتعطيه امل كزاب برجعة رفاه
ادهورت نفسيته وانطوى على نفسه وما عاد حكى مع حدا والشركه قليل ما يروح عليها…
*╚══════ღღ══════╝
قاعده ع تختها ماسكه فحص الحمل المنزلي وعم تاكل اضافيرها وبس شافت الخطين قدامها انتفضت من مكانها وهرولت سكرت بابها وتناولت موبايلها واتصلت بربيع
لميس : ربيع الحقني مصيبه ونزلت عراسي
ربيع : مصيبة شو
لميس : انا حامل
ربيع : شوووو وكيف صار هيك
لميس : شو قصدك كيف صار هيك نحنا متزوجين
ربيع : انا اخد كل احتياطاتي لميس
لميس : شو قصدك ؟؟
ربيع : قصدي روحي اتأكدي مين ابو الولد وياريت ما ترمي بلاويكي عليي عم تفهمي
لميس : يا واطي يا حقير ياندل والله لشرشحك وافضحك
ربيع : ازا بتحكي حرف بتكوني عم تفضحي حالك ياحلوه انا رجال مابيعيبني شي
لميس : حرام عليك تعمل فيي هيك مو وعدتني تعلن زواجنا
ربيع : والله انا مابتزوج وحده ابصر من مين حامل
لميس (بتبكي) : والله منك وازا بدك اتأكد
ربيع : حتى لو مني هالشي صعب… تخلصي من يلي ببطنك وساعتها بعلن زواجنا
لميس : كيف اتخلص منه ؟؟
ربيع : والله هي شغلتك بتروحي عند شي دكتور بتجهضي حالك وبترجعي لاعلن زواجنا وغير هيك ماعندي
لميس : رح نزل الولد بس بدي مصاري انت بتعرف ما معي وهيك عيادات بياخدو كتير… . الو… . الوووو… ..ربيع .. لك الله يلعنك ياندل يا حقير
صارت تضرب ع وجهها وبطنها وتبكي : ولي على امتي على هالمصيبه الله لا يوفقك ياربيع الله لا يوفقك….شو بدي ساوي هلأ رح انفضح وتسير سيرتي عكل السان… . الله لا يوفقك ياربيييييع ياحقير يا حقير ياحقيررررر ولي على امتييي 😭
*╚══════ღღ══════╝
نزل الموبايل من ايدو بدون مبالاه وبقي يراقب رفاه وهي عم تشوف طلبات الزباين والشخصيات المهمه وعيونه عم تلمع و تراقبها بخبث
ربيع : جواااااد
جواد : ائمرني معلم
ربيع اندهلي ع رفاه وخليها تجي لعندي
جواد : امرك معلم
راح جواد ينادي ل رفاه وقام ربيع وقف ورا الباب يستناها
دقت عالباب وفاتت
رفاه : طلبتني استاز ربيع… استاز ربيع وينك ؟؟ وسمعت صوت الباب اتسكر
ربيع : اي طلبتك
رفاه بخوف : لييشش سكرت الباب
تقدم منها ببطئ وعيونو مسلطه عليها : عادي انا بسكر الباب وقت مابدي
رفاه : حضرتك ليش طلبتني
ربيع : كيف شايفه الشغل بالمطعم
رفاه : الحمد لله كتير منيح
ربيع : والبخشيش عم يكفيكي
رفاه : اي الحمد لله خير الله كتير
ربيع : شو رأيك تاخدي 1000 دولار
رفاه : مقابل شو ؟
مد ايدو وتحسس خدها : مقابل ليله
بعدت عنه بسرعه ورفعت ايدها وضربته كف خلاه يترنح مكانه
رفاه : انا مابعرف كيف فكرت فيي هيك… انا يمكن فقيره بس ماببيع شرفي بمال الدنيا
ربيع وهو حاطط ايدو عخدو ومصدوم : بس انا ما قصدت الشي اللي فهمتيه يا انسه… انتي استعجلتي بردة فعلك كتير
رفاه : كلامك واضح وماله معنى تاني… اعتبرني مستقيله
ربيع : شي برجعلك بس من حقي ادافع عن نفسي انا قصدت اعطيكي الف دولار مقابل ليله تقضيها عند امي 😔
رفاه : امك ؟؟
ربيع بحزن : امي مره مقعده وماعم لاقي وحده تقعد عندها وانا كتير بنشغل عنها بشغل المطعم
رفاه : افرض قضيت مع امك ليله… . طيب وباقي الايام مين حيكون عندها…
ربيع : اختي راجعه من المانيا هاليومين لهيك كنت بدور ع وحده تبقى مع امي لحتى ترجع وكل ليله الها الف دولار
رفاه : بهيك مبلغ فيك اتجيب خمس بنات يبقوا معها مو وحده
ربيع : وحياتك جبت كتير بس كلهم ماعندهم رحمه ولا امانه تصوري وحده منهم تركت امي بلا اكل ولاشرب والتانيه مقضيتها عالنت غير السرقات يلي صارت لهيك وقت شفتك وشفت طيبتك وامانتك قلت هي هيه البنت المناسبه
رفاه وهي حاسه بالذنب : انا يمكن اتسرعت وفهمتك غلط انا بعتزر استاز 😔
ربيع : بالعكس كتير عجبتيني انتي بنت محترمه ومربايه وامينه وهاد طلبي… ومسك ايديها واطلع فيها برجاء
ربيع : ممكن تقبلي تقضي عند امي المقعده ليله او ليلتين لحتى ترجع اختي بالسلامه .. ارجوكي انسه رفاه
سحبت ايديها ب ادب ورجعت شعرها ورى دنيها بتوتر : مو عارفه شو قلك… . ازا الوضع هيك خلص موافقه
ربيع : انتي مو انسانه انتي ملاك انا بتشكرك كتير… تفضلي هي 500 دولار دفعه
رفاه : رجع مصاريك استاز ربيع انا رح اعمل هالشي لوجه الله والله يشفيها لامك
ربيع : مقدر انسانيتك بس انا مستحيل اقبل الا ازا وافقتي تاخدي المصاري
رفاه : متل مابدك استاز
ربيع : مو عارف شو قلك انتي رائعه
رفاه : شكرا استاز… . عن ازنك
ربيع : تفضلي
طلعت رفاه ليشلح ربيع قناع البرائه ويبان وجهو الحقيقي
حط ايدو على خدو وكز ع اسنانه بغيض
ربيع ; ورحمة شرفك لدفعك تمن هالكف غااااالي .. غالي كتيرررررر
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعووووووني
تعليقات
إرسال تعليق