رواية قربان أبي الفصل الثاني عشر والثالث عشر والرابع عشر والخامس عشر والسادس عشر بقلم ملكه حسن حصريه وجديده على مدونة النجم المتوهج للروايات والمعلومات
 |
رواية قربان أبي الفصل الثاني عشر والثالث عشر والرابع عشر والخامس عشر والسادس عشر بقلم ملكه حسن حصريه وجديده على مدونة النجم المتوهج للروايات والمعلومات
كانت زهره قاعده في العربيه سرحانه في ذكرياتها مع ابوها وامها زمان وجمبها سالي اللي صعبانه عليها زهره وحالها اللي يقطع القلب فجاءه ظهرت عربيه سوده كبيره من جانب زهره فيها ناس ملثمه شكلهم غريب زي افلام الاكشن ومعهم سلام في أيديهم! انتبهت عليهم سالي وبقيت تصرخ وطي راسك يا زهره بسرعه
ولكن الرصاصه كانت دخلت العربيه وإصابت السواق
قعدو يصروخو من الخوف والهلع وظهرت عربيه جاسر بسرعه والحارسه من وراهم قدر السواق يتحكم في نفسه ويوقف العربيه علي رغم إصابته أمر جاسر الحرس يلحقوهم بالعربيه بسرعه بس بلغوه انهم قدرو يهربو من حرس جاسر لأنهم مخططين لكل خطوه هما ماشين بها !
وقف جاسر قصاد العربيه اللي فيها سالي وزهره نزلت سالي بسرعه وأجريت علي جاسر واتكلمت بهلع وخوف
ابيه الحقنا السواق بيموت ؟
جاسر اتكلم بخوف متقلقش المهم انتي ومدام زهره بخير؟
سالي اطمنت من كلام جاسر وردت عليه الحمدلله لحقت زهره أول ما لمحتهم ولا كانت الرصاصه جات فيها وخضنته وبقيت تعيط في حضن جاسر بصوت وشهقات مسموعه !
انتبهت زهره وفاقت من الصدمه اللي هي فيها و نزلت من العربيه أول ما شافت سالي حضنت الشاب اللي واقف قدامها خمنت انو اخوها من الشبه اللي بينهم وانو خايف عليها بطريقه كلها حنينه لدرجه انو زهره أتمنت يكون عندها اخ زي سالي
جاسر اتكلم بسرعه لما لمح زهره نزلت بسرعه اطلعو عربيتي بسرعه قبل ما حد يهجم علينا تأتي
جريت سالي ومسكت ايد زهره اللي كانت شرده ومصدومه في نفس الوقت وطلعو عربيه جاسر وقعدو جمب بعض من وراء وجاسر جمب السواق
سالي اتكلمت بصوت هادئ دي أبيه جاسر يا زهره اللي قولتلك عليه وكنت احكيلك عنه في فرنسا
زهره بصوت يكاد يكون مسموع !!تشرفت بحضرتك يا استاذ جاسر
رد جاسر الشرف ليا يا مدام زهره!
سالي كملت كلامها لزهره وقالت ابيه عنده شركه حرسات عشان كده ظهر بسرعه لما بلغه الحرس اللي ماشي ورنا
جاسر اتكلم بتحذير مدام زهره حضرتك مش هينفع ترجعي الفندق غير لما نعرف مين دول وتمسكهم لأن حياتك في خطر؟
اتكلمت زهره بصوت خالي من مشاعر أو اي تفائل وقالتله مش هتفرق خلني اموت وارتاح يا استاذ جاسر
جاسر بحيره برضه مينفعش نروح للموت برجلينا بلاش ياس يا مدام زهره يمكن الجاي خير ان شاء الله
ردت زهره بنفس الصوت أن شاء الله يا استاذ جاسر
بصت سالي علي زهره واتكلمت أبيه عنده حق يا زهره أن هكون قلقنه عليكي لو رجعتي الفندق وغير كده لناس دي عايزه اي منك
اتكلمت زهره بحيره مش عارفه يا سالي انا زهقت بجد
ردت سالي بسرعه يبقي خلاص تجي معانا
اتكلمت زهره ماشي بس اعمل اي يعني بعد اللي حصل ؟
اتكلم جاسر وهو باصص قدامه انتي هتجي معانا للفيلا هي كبيره ومتامنه كويس وعليها نظام حارسه قوي جدا من أكفاء الشباب اللي شغالين عندي في الشركه !
وكمل كلامه ومتقلقيش انتي هتكون مع سالي في نفس الاوضه وخالتي هتكون معكم وانا مش بقعد كتير في البيت
زهره اتكلمت بسرعه مش حكايه كده يا استاذ جاسر بس انا مش عايزه اكون تقيله علي حد وكمان انا راجعه فرنسا!!
بص ليها جاسر بنفاذ صبر ماشي حضرتك بس هما هيحولو يقتلوكي تاني علي الأقل لما نعرف مين دول أو نحاول تمسكهم عشان مايبقش في خطر علي حياتك
زهره بحيره وحسم خلاص موافقه اجي معكم
جاسر اتكلم مع السواق لو سمحت اطلع بينا علي البيت بسرعه
وكان الحرس وراهم عامل زي الجيش من كتر عددهم
وصلو الفيلا كانت كبيره جدا وكان الحرس في كل مكان نظام امني قوي جدا أول ما دخلو كان بيت راقي الوانه هادئه واساسه عصري جدا فيه غرف كتير وجننيه كبيره كلها ورد وحمام سباحه وسط الجنينه
كانت خالته في انتظارهم في أول ما دخلو من الباب
كانت في ست قاعده ملامحها حلوه وباين عليها الطبيه مكنتش كبيره قوي في السن وقفت أول ما دخلو اتكلمت
رضا !!اهلا يابني وبصت علي زهره وسالي وقالت عاملين اي يا بنات
جاسر !!اهلا يا خالتي رضا عامله يا وليه انتي
رضا ضربته بخفه علي دراعه احترم نفسك يا جاسر وخالني أرحب بالضيفه الجميله دي وسع كده !!
رضا قربت منهم وخضنت زهره وقالتلها نورتنا يا زهره يا حبيبتي سالي حكتالي كتير عنك
زهره ردت من بين احضان رضا !!دي بنورك
رضا اتكلمت قوليلي يا خالتي زي البقر دول
زهره ابتسمت وقالت حاضر يا خالتي
سالي مسكتها من خدها بخفه !!احنا بقر يا خالتي
رضا اتكلمت وهي بتضحك انتي مش شايفه اخوكي عامل زي التور اهو يعني مغلطش !
اتكلم جاسرمن وراهم !نا تور يا خالتي
رضا لفت ليه وردت إن كان عجبك يا روح خالتك ولا مفيش غداء النهارده !
جاسربغيظ ماشي يا خالتي براحتك
رضا اتكلمت بحنيه تعالي يا بنتي ارتاحي في اوضه سالي شكلك مرهق جدا
زهره بصوت واطي فعلا يا خالتي انا تعبانه جدا ومرهقه وكملت تعالي يا سالي ورني اوضتك عشان عايزه ارتاح شويه ؟
سالي مسكتها من دراعها بحنيه وبصوت هادي !!يلا يا زهره تعالي يا حبيبتي
وطلعو هما الاتنين علي السلم
ام عند ذياد كان واقف في الظلمه بينفخ دخان سيجارته بغضب ويتذكر مكالمه جاسر ليه أثناء الحادث
فلاش باك
جاسر بصوت عالي !!ذياد في حد ضرب نار علي زهره في العربيه هي وسالي
ذياد بلهفه وخوف وزهره حصلها حاجه
جاسر صوته هدي شويه وإتكلم !للاسف الطلقه جات في كتف السواق!
ام زهره بخير
ذياد بعيون حمرا من الغضب والخوف في نفس الوقت حاول يا جاسر تاخدهم وتمشي بسرعه وأقنعو زهره تروح معكم الفيلا ببسرعه مفيش وقت
جاسر !!تمام هحاول معها
باك
ظهر ذياد واقف في اوضه كلها شاشات مراقبه كبيره وكاميرات في كل مكان بتظهر كل حاجه في الفيلا
اتكلم ذياد بغضب ووعيد !وحياتك يا زهره لا هدفعهم تمن كل دمعه نزلت من عيونك والله لا اخليهم يتمنو الموت في كل لحظه ولا يطوله!!
الفصل الرابع عشر
#بقلم ـ ملكه ـ حسن
#قربان - ابي
كان ذياد واقف قدام شاشات الكاميرات في اوضه المراقبه
وتكلم بغضب ووعيد وحياتك لا ادفعهم تمن كل دمعه نزلت من عيونك والله لا أخليهم يتمنو الموت في كل لحظه ولا يطوله!!
كانت عيونه زي الجمر من الغضب وإصراره علي الانتقام
دخل جاسر علي ذياد واتكلم بحيره اي يا عم هتفضل قاعد كده في ملحق الفيلا وسط الشاشات دي! متقليقش
ذياذ اتكلم بصوت هادئ وهو مركز مع حركه الحرس بتاع الفيلا علي الشاشه لازم اكون جمبها يا جاسر من غير ما تشوفني
فجاءه رن تلفون ذياد برقم اجنبي واتكلم ذياد بسرعه وقاله
انزل بسرعه انا محتاجك حمبي عشان تنفذ اللي قولنا عليه؟
اتكلم ادهم بصوت حزين علي صحابه انت لازم تظهر يا ذياد في حياتها هي محتاجلك
اتكلم جاسر ورد عليه تصدق اول مره تقول حاجه صح يا ادهم !
ادهم بيضحك وسخريه انت مستقل بيا يا بتاع انت
جاسربعصيبه احترم نفسك يا حيوان بدل العلقه يبقو اتنين
ادهم !!وعلي اي الطيب احسن هسكت اهو
كمل ادهم كلامه قولي يا ذياد هما فعلا كان عايزين يقتلوها
ذياد بص لبعيد وإتكلم لا واتنهد بصوت مسموع وكمل دي تهويش بس هما عايزين الملف اللي معها ازي يقتلوها من غير ما يعرفو طريقه!
جاسر بحيره اكيد هيحولو يعملو حاجه تاني يا ذياد !!
ذياد بنفاذ صبر عشان كده لازم ادهم ينزل مصر بسرعه
ادهم كان لسه علي الخط ورد عليه حاضر في اسرع وقت هكون عندك عشان خاطرك يا عم
كمل ادهم كلامه وسأل ذياد اللي واقف عايز يحرق كل حاجه حواليه من الغضب بسبب اللي حصل وقاله بحيره
طيب فين يا ذياد الملف ده؟
اتكلم بحيره جاسرفعلا يا ذياد فين الملف
ذياد بغيظ منهم لما اعرف ابقي اقولكم ؟
ضحكوا هما الاتنين مع بعض وإتكلم ادهم بسخرية والله انت خطير يا زيزو
ام عند زهره كانت نائمه في وضع الجنين ودموعها مغرقه وشها والأوضه ظلمه مفيش حاجه ظهره غير صوت شهقاتها المسموعه بوضوح ودخلت عليها سالي لقيته زي كده صعبت عليها جدا وحمدت ربنا انو في حياتها جاسر اخوها ام زهره ملقتش حد يقف جمبها من صغرها!
سالي اتكلمت بصوت حزين علي صحبتها !!قومي يا زهره كفايه نوم احنا بقينا الليل!!
زهره بدموع سبيني يا سالي انام انا تعبانه
سالي !!يا بنتي قومي الاكل جاهزانتي مكلتيش حاجه النهارده
كده هتقعي من طولك ؟
زهره ردت بنفس الصوت!ماليش نفس يا سالي بقولك دخلت رضا عليهم
مساء الخير يا زهره يلا بنتي الاكل جاهز ولا عايز تكسفي خالتك ؟
زهره بصت عليهم واتكلمت بصوت واطي العفو يا خالتي بس بجد مش قادره اتكلمت رضا وقالتلها طيب ولو قولتلك عشان خاطري ولا مليش خاطر عندك
زهره بنفاذ صبر حاضر يا خالتي عشان خاطرك
نزلت زهره مع رضا وسالي لقيت جاسر في انتظارهم علي السفره !!
زهره !!مساء الخير يا استاذ جاسر!!
رد جاسر!!مساء النور
بلاش استاذ يا زهره قوليلي جاسر بس احنا اخوات
زهره عجبها اهتمامه وكلامه وكان نفسها يكون عندها اخ من زمان واتكلمت بابتسامه بسيطه حاضر يا جاسر
الفصل الخامس عشر
#بقلم ـ ملكه ـ حسن
#قربان - ابي
كان بتكلم في التلفزن بصوت عالي ويقوله انت مش بتفهم يا حيوان الباشا هيقتلني ويقتلك انا قولتلك اي انت والكلاب اللي معك قولتلك مش عايز دم انا عايز تخوفها بس من بعيد
رد الطرف التاني اهدي با عبد المنعم باشا احنا عملنا زي ما قولت بس الحارسه حوليها كتير جدا قربنا من العربيه وضربنا نار وجرينا بسرعه
اتكلم عبد المنعم بعصيبه اقفل أفقل الباشا بيتصل موتنا علي ايدك انت والحيوانات اللي مشغالها
فتح المكالمه التانيه بسرعه الو ايوه يا باشا تؤمرني بحاجه
الباشا كان قاعد في اوضه نورها خافت وبينفخ دخان سيجارته واتكلم بعصبيه وعيون حمرا انا مش قولتلك مش عايز دم ذياد الاسيوطي هيدمرنا
انت نسيت عامل اي معانا في اخر عمليه بلغ عننا الحكومه وخسرنا ملايين عشان واحد غبي زيك مش عارف يجيب أخباره
اتكلم عبدالمنعم يا باشا هو لسه راجع قريب من بلاد بره
وكمل عبد المنعم !والله يا باشا قولتلهم علي الخطه بالحرف
الباشا اتكلم بنفس العصبيه حصل حاجه لي زهره لازم نوصل للملف باي طريقه انت سامع
رد عبد المنعم بسرعه حاضر يا باشا حاضر
وقفل في وشه التلفون من غير ولا حرف
عبد المنعم اتكلم شكلها ايامنا جايه سوده مع الباشا
كان قاعد قدام شاشات المراقبه بالليل بيرقب كل مكان في الفيلا لمحها كانت واقفه سرحانه بتبص للقمر كأن قلبه بيدق قوي لما شافها قدامه كانت اكتر حاجه وجعه قلبه انو مش قادر يقرب منها قرب وشها علي الشاشه ولمس بيده علي خدها كانت نظراته كلها حنينه ليها اتكلم بصوت حزين
سامحني يا زهره استحاله اخسرك تاني لو هحارب الكون كله عشانك وعشان افضل جمبك !!
كانت زهره واقفه في نص الليل في بلكونه اوضه سالي وماسكه فنجان القهوه في أيدها وبتبص القمر نظرات كلها حزن وعتاب علي اللي بيحصل في حياتها فجاءه لمحت خيال
حد واقف قصادها في المباني الخارجي للفيلا لقيت الخيال مركز معها قوي خافت ليكون حد عايز يقتلها وبعدين فكرت انو محدش يقدر يدخل الفيلا وانو حد من الحرس واقف
زهره خبطت دماغها بايدها بخفه وقالت انا شكلي اجننت ولا اي ام ادخل جوه من البرد ده
ودخلت لقيت سالي نائمه طلعت الاب توب وبدت تشتغل عليه شغلها اللي اهملته من وقت ما جات مصر
تاني يوم كانت زهره قاعده في الاوضه والباب خبط
زهره !!ادخل
الخادمه!!زهره هانم رضا هانم بتقولك السفره جاهزه
زهره سابت الاب توب واتكلمت قوليلها نزله حالا
نزلت زهره لقيت جاسر قاعد علي رأس السفره وجمبه خالته رضا والجمب التاني قاعد ه سالي كانت زهره سرحانه في شكلها وقد اي دافئ العيله جميل
زهره قالتلهم بابتسامه مساء الخير
ردو كلهم عليه مع بعض وقعدت جمب سالي وبدوا في الاكل كانت زهره حاسه انها مش قادره تاكل وكأنه الاكل جمر نازل في معدتها كانت سرحانه وبتقلب في طبقها وفجاءه دخل عليهم اخر شخص ممكن تتوقعه بس كانت مصدومه
تتوقعو مين لا دخل عليهم واي حكايه الملف واي علاقه ذياد بزهره شاركو معايا رائيكو في التعليقات ♥️ 🫶 عايزه تشجيع قوي 💪 عشان التفاعل سئ جدا علي الروايه 🥺
عشان انزل بارت هديه ♥️
#ملكه-حسن٦&٧
#الحلم_والسراب
بقلمي إيمان عطية
الحلقة السادسة
بابا رجع من الشغل وانا بكلم سامية… قفلت معاها وطلعت عشان أحضر الغدا مع ماما… اتغدينا وقمت عملت الشاي وروقت المطبخ… واحنا بنشرب الشاي لقيت بابا بيبصلي ويبتسم وبعدين بص لماما وابتدا يتكلم.
_ أناااا كنت مكلف كام واحد كدة معايا في الشغل يسألوا عن العريس اللي عاوز يتقدم ده….
ماما بلهفة: خير ياحاج… قالولك عنه أيه؟
بابا: كل خير الحمد لله…. سألت عنه في شغله وجنب بيته وسألت عن أهله كمان… بصراحة ناس محترمة والكل بيشهدلهم بكدة.. وأحمد كمان الكل شكر فيه وف أخلاقه…. بسسسسسس…
ماما: بس أيه بقا ياحاج؟ مالواد زي الفل اهو.
بابا: في حاجة واحدة مخوفاني… السرعة ياوداد… مينفعش نستعجل كدة…. وكمااان….
ماما : وكمان أيه اتكلم ياراجل قلقتني.
بابا: يعني مانتيش عارفة ياوداد… هو الجواز ده مش لازمه فلوس… وفلوس كتير كمان؟ كان نفسي أكون خلصت ديون جوازة سامية وبعدين اجيب لاختها كل اللي يلزمها ويشرفها قدام عريسها وأهله…. لكن ماباليد حيلة..
وهنا قمت من مكاني وجريت على بابا وبوست أديه وغمرت وشه بكفوفي وبوست جبهته وانا بهديه واقوله (ماتقولش كدة يابابا… حضرتك طول عمرك مكفينا ومشرفنا ورافع راسنا… كفاية إنك ربيتنا وعلمتنا وعمرك مااتأخرت عننا بحاجة… وان كان عالجهاز الحمد لله مش هحتاج غير شوية لبس بس.. ده لو حصل نصيب يعني… عشان يعني أحمد مستعجل عالسفر… يعني مش هيلحق حتى يجهز شقة ولا يفرشها… والحمد لله إن دي ظروفه… ربنا عالم بحالنا..
_ إنتي بتقولي أيه يابنتي…. هو مش هيجهزلك شقة هنا…؟
_تقريبا كدة يابابا… أنا معرفش تفاصيل بس متهيألي إنه معندوش شقة…. ومعتمد على سفره هيكون منه نفسه ويجيب كل حاجة بعد الجواز إن شاء الله
_ لأ يابنتي مينفعش الكروتة دي… لازم يكون عنده شقة… وان كان عالجهاز أنا هتصرف إن شالله أسوي معاشي واجيبلك جهازك زي أختك وأحسن كمان.
_ لا يابابا ياحبيبي أنا ميرضينيش اللي حضرتك بتقوله ده… وعموما لما احمد ييجي وتقعد معاه وتشوف هو ناوي على ايه… بعدها يحلها الحلال.
_ طيب يابنتي… هو إدالكم رقم تليفون والا حاجة؟ هتعرفوه ازاي إننا مرحبين بيه مبدئيا.
_ لا يابابا أنا معرفش رقم تليفونه… التواصل عن طريق ماهر جوز سامية.
_ خلاص يابنتي عرفي سامية باللي حصل وأهلا بيه يتقدم في أي وقت.
قمت دخلت الأوضة واتصلت بسامية حكيتلها اللي حصل وفرحت جدا… قفلت معاها وبعدها بساعة كلمتني وقالتلي إن أحمد جاي بكرة ان شاء عالساعة 6 المغرب.
قلبي فضل يدق وحسيت بقلق وخوف وتوتر كالعادة.. فضلت احايل في نفسي عشان اهدا وقمت أصلي وادعي ربنا كتييير لحد ماغلبني النوم.
تاني يوم قمت من بدري… صليت الفجر وقريت الورد اليومي من القرآن، وقمت فتحت الشبابيك والبلكونة… نشرت السجاد وروقت الشقة ومسحتها ودخلت المطبخ اجهز الفطار… فطرنا وبابا نزل على شغله ودخلت المطبخ انا وماما نشوف هنعمل ايه للغدا…. فكرت اعمل حاجة حلوة بس كنت مرهقة وكسلت وقولت اتصل ببابا يجيب معاه حاجة جاهزة وخلاص مع شوية فاكهة… بس افتكرت أحمد قد أيه كان عاجبه الحلويات اللي عملتها يوم العزومة… لقيت كنافة ومانجة في الفريزر… طلعتهم وعملته كنافة كاسات بالمانجة وحطيتها في التلاجة…
عملنا الغدا واتغدينا وانتظرنا وصول أحمد….. قبل معاده بتلت دقايق لقيناه بيرن جرس الباب…. جريت دخلت أوضتي وبابا قام يفتح….. بابا رحب بيه ودخله الصالون… سمعته بيسلم على ماما وقالوله يتفضل…. قعدوا حوالي عشر دقايق يتكلموا وبعدها ماما جات تنادي عليا… خرجت من الاوضة وروحت عالصالون قلت السلام عليكم وقعدت وانا ببص لاحمد بابتسامة بسيطة للترحيب بيه…. بابا وجهلي الكلام بشكل مباشر..
_ دلوقتي يانجوى الباشمهندس أحمد عاوز يتمم الجواز في ظرف أسبوعين لأن معاد السفر أول الشهر الجاي… أيه رأيك يابنتي.؟
_ قلبي فضل يدق من الرهبة لدرجة اني حسيت إنه هينط من مكانه وإنهم سامعين صوت دقاته… حطيت إيدي على صدري وحاولت اتماسك واستجمع قوايا…. وقولتله اللي تشوفه حضرتك يابابا… حسيت للحظة إني بتساهل لأقصى درجة بس غصب عني… مكنتش عاوزة أخسره ولا ازعله ولا حتى أضيع عليه أي فرصة هو بيدور عليها بخصوص شغله… كملنا قعدتنا وأحمد استأذن وقام يمشي…. وهو بيسلم على بابا وعده إنه المرة الجاية هيجيب والده ووالدته ويقروا الفاتحة ويتفقوا على كل التفاصيل.
كنت طايرة من السعادة وفرحانة بحلمي اللي بيتحقق بكل سهولة والأمور كلها متيسرة بفضل الله.
بعد يومين أحمد اتصل ببابا وقاله إنه جاي المغرب هو ووالده ووالدته… بابا اتصل بماهر وعزمه هو وسامية ونزل جاب جاتوه وعصاير وشيكولاتة وانا قمت رتبت الشقة ونزلت اشتريت فستان وطرحة عشان البسهم، الفستان كان بسيط وهادي… المغرب كنا في استقبال أحمد وأهله… كنا مجهزين خلفية بسيطة في الصالة وقعدنا فيها انا واحمد….
بابا كان قاعد مع أبو العريس وماهر جوز اختي وبيتفقوا عالتفاصيل وقروا الفاتحة واحنا قريناها معاهم…
اتفاجئت بعدها بأحمد بياخد من مامته طقم دهب شيك جدا… كان عقد وأنسيال وخاتم ومعاهم دبلة مش عارفة طلعت مقاسي ازاي…الطقم كان شكله غالي جدا ومش ده المهم…. بصيتله وانا مستغربة ومحتارة أقول أيه… أحمد بصلي وقاللي أيه رأيك … أتمني ذوقي يكون عجبك.. رديت عليه بخجل وقولتله ذوقك ممتاز طبعا بس ازاي عرفت مقاسي؟ ضحك وقاللي والله مااخبيش عليكي أنا خمنت إن ده مقاسك واتفقت مع الجواهرجي إن الحاجة لو مطلعتش مقاسك او حبيتي تبدلي أي حاجة ممكن تغيريها عادي. قولتله لا لالا أغير أيه ده ذوقهم جميل جدا.. وكفاية إن انت اللي اختارتهم.
_ ميرسي لذوقك يانجوى.. بصراحة أنا ليا نظرة في كل حاجة حلوة عنيا بتشوفها.. ومن أول مرة شفتك حسيت إنك إنسانة جميلة واتمنيت تكوني من نصيبي.
_ بجد ياأحمد…. بص يااحمد… إنت مش مجبر تقولي اي حاجة إنت مش حاسس بيها.. أنا عارفة إننا لسة في الأول وانا مش مستعجلة.. ومقتنعة تماما إن الحب الحقيقي بيتولد مع العشرة الطيبة ومن دلوقتي لحد مايحصل ده.. أرجوك بلاش تقول أي حاجة إنت مش حاسس بيها بجد ولا طالعة من قلبك بجد.
_ بس أنا كلامي ده من قلبي والله صدقيني… إنتي إنسانة رقيقة ومريحة وتدخلي القلب بسرعة.. وانا حاسس إننا هنبتدي مع بعض حياة زوجية سعيدة إن شاء الله.
حسيت بقلبي بيرقص من الفرحة وابتسمت وبصيت في الأرض معرفتش أرد عليه.
_ ودي ميزة جديدة كمان اكتشفتها فيكي… إبنتسامة الخجل دي… هو لسة في بنات كدة… بصراحة أنا ربنا بيحبني إنه رزقني بيكي.
إبتسمت تاني وبردوا معرفتش أرد عليه.. قاللي، لااااه مش هينفع الخجل ده.. هاتي تليفونك كدة وسجلي رقمي.. يمكن لو اتكلمنا صوت… الخجل ده يروح، طلعتله تليفوني وسجلت رقمه… كملنا كلامنا وكان ذوق جدا وكلامه كله حنية… وهو وعدني إني هكون أسعد إنسانة معاه بس أصبر معاه شوية في الأول لحد مايكون نفسه، لأنه عنده طموح ملوش حدود ومش هيتنازل عن تحقيق كل اللي بيتمناه… وعدته أنا كمان إني هكون معاه عالحلوة والمرة وأدعمه بكل قوتي لحد مايحقق كل أحلامه… مكنتش فاهمة سر إصراره إنه يكون حاجة كبيرة في اقرب وقت… ومكنتش طالبة منه أكتر من الحب والتفاهم وحياة مستقرة وسعيدة حتى لو بإمكانيات بسيطة جدا… الفلوس والجاه مكانوش من أولوياتي ولا عمري ربطت بينهم وبين السعادة الحقيقية… ومع ذلك مفكرتش أحبطه ولا أستهتر بطموحاته… وافقته على تحقيق حلمه اللي هو أصلا مش من ضمن طموحاتي خالص..
خلصت السهرة وأحمد مشي هو وأهله… وهو بيسلم عليا قاللي هكلمك أول مااوصل البيت… والا تعبانة…. قولتله لا أبدا مش هنام… اول مامشيو دخلت غيرت هدومي وخرجت لقيت ماما بتقولي.
_ هتعملي ايه يانجوى… إوعي تمسكي حاجة في الشقة… الصباح رباح… أنا داخلة أنام… وانتي كمان ادخلي نامي وبكرة ان شاء الله يحلها ربنا… طبعا أنا ماصدقت وقولتلها إني فعلا هنام واقوم من بدري أروق الشقة.
#الحلم_والسراب
بقلمي إيمان عطية
الحلقة السابعة
بعد قراية الفاتحة كلنا كنا مرهقين ماما وبابا دخلوا يناموا وأنا دخلت أوضتي صليت وسجدت شكر لله إن اليوم عدى على خير…. قعدت على سريري وفضلت أسترجع أحداث اليوم الجميل ده… فضلت أبص للدبلة وهي منورة إيدي وافتكر رقة أحمد وكلامه معايا… لقيته بيرن عليا اتفزعت وقمت أخدت التليفون ورديت عليه…
_ السلام عليكم…. نمتي؟؟
_ وعليكم السلام ورحمة الله وبركاته…. لالا لسة مانمتش… تلاقيك انت اللي عاوز تنام.
_ لالا أنا وعدتك إني هكلمك أول مااروح… مع إني خلعت من بابا وماما بأعجوبة… من أول ماطلعنا من عندكم لحد ماوصلنا البيت وهما عمالين يشكروا فيكي ويعدوا في محاسنك.. مع إني كنت مبسوط جدا من كلامهم وسعيد بالفرحة اللي شايفها في عنيهم.. لكن سيبتهم عشان اكلمك.
_ ربنا يقدرني واسعدك واكون عند حسن ظنهم دايما يارب.
_ إن شاء الله…. بس بجد والله اليوم كان هادي وجميل… وانتي كمان كنتي جميلة ورقيقة وذوقك حلو في اختيار لبسك.. ماشاءالله ذوقك راقي جدا..
_ مجاملة لطيفة أشكرك عليها.
_ وبعدين بقااااااا.
_ خير في أيه؟
_إنتي اللي في أيه…. يابنتي هو في كدة؟ بقا انا قلت مكسوفة وانا معاكي لكن هتفكي لو اتكلمنا صوت… وبردوا بتتكلمي رسمي….؟
_ ولا رسمي ولا حاجة… إنت اللي بتبالغ وبتجاملني… وانا مش متعودة على كدة… أصلي بصراحة اول مرة اتكلم مع حد كدة…
_ وهو انا اي حد بردوا…. أنا خطيبك… وبعد أقل من أسبوعين هكون جوزك… والمفروض ناخد على بعض أكتر من كدة.
_ هو معاد السفر اتحدد خلاص؟
_ المفروض استلم الشغل في الكويت على نص الشهر الجاي ان شاء الله… لكن أنا عاوز اكون هناك قبلها بأسبوعين على الأقل… يعني عشان أظبط أموري الأول وكمان نقضولنا شهر عسل صغنون كدة قبل مااستلم الشغل.
_ ربنا ييسرلك أمورك يارب ويوفقك.
_ هههههههه مفيش فايدة… أنا اطلع اقعد جنب امي أحسن… بقولك أيه… بدال كدة كدة الحكاية ناشفة ومفيش كلام حلو سواء مع بعض أو عالتليفون… إيه رأيك نخرج نتغدا سوا بكرة… على الأقل أكون شايفك…. والا باباكي ممكن يتدايق؟
_ مش عارفة والله بصراحة…
_ خلاص هكلمك تاني بكرة تكوني استأذنتي منه… ولو مفيش مانع هقولك نتقابل فين… أو أعدي عليكي بالعربية وأخدك أفضل.
_ خلاص ماشي.. إن شاء الله.
_ يلا بقا أسيبك دلوقتي واقولك تصبحي على خير..
_ وانت من أهله.
أحمد قفل السكة وخرج لقى والدته قاعدة في الصالة وحدها…. أول ماشافته طلبت منه يتكلم معاها شوية.
_ خير ياست الكل أيه اللي مسهرك لدلوقتي وسبتي حجوجك يدخل ينام وحده.
_ بصراحة يااحمد يابني ماجانيش نوم.
_ ليه بقااااا… كل ده من فرحتك؟
_ مش مهم فرحتنا إحنا يانن عيني… المهم فرحتك إنت…
_ أنا؟؟؟ أنا طبعا فرحان ياست الكل… نجوي بنت كويسة جدا وألف واحد يتمنوها… محترمة وجميلة ورقيقة… رزقي ونصيبي… وأهلها كمان ناس في منتهى الطيبة… ميتخيروش عنكم انتي وبابا ياست الكل.
_ بس كل ده مش كافي إنه ينسيك سهيلة يااحمد…. سهيلة حب عمرك وأول واحدة دخلت قلبك… لايمكن تنساها بالسهولة وبالسرعة دي يااحمد وانا عارفة ومتأكدة من ده… أنا عارفة إني أنا السبب في اللي بيحصل ده… إنت خطبت مخصوص عشان تريحني وتطمن قلبي من ناحيتك أنا وأبوك… بس إوعى.. إوعى يااحمد تعمل حاجة غصب عنك أو مش مقتنع بيها.. وإوعى يابني تظلم بت الناس معاك… كله إلا الظلم يابني… ده آخرته وحشة ربنا يكفيك شره.
_ لا طبعا ياأمي… أنا صحيح خطبت بالسرعة دي عشان أرضيكم إنتي وبابا لكن بجد والله لو نجوى مش عجباني مكنتش هتقدملها أبدا… البنت مريحة وتدخل القلب بسهولة.. هادية ومتواضعة وقنوعة… مش طالعة فيها ومتدلعة زي سهيلة.
_ بس انت كنت بتحب في سهيلة دلعها وغرورها وأنانيتها وكل تفاصيلها الوحشة قبل الحلوة ..
_ وآدي النتيجة ياأمي… إتحملت كل عيوبها عشان بحبها…. وهي باعتني في لحظة… ونسيت حب كام سنة ببساطة … عشان كدة هنساها.. هنساها عشان متستاهلش حبي…
_ شفت… هتنساها؟ يعني لسة مانسيتهاش؟
_ إنتي الوحيدة ياأمي اللي مااقدرش أكدب عليكي… أنا فعلا منسيتهاش بس بحاول انساها.. وبحاول اقرب من نجوى بكل قوتي… ونجوى تستاهل إني أنسى سهيلة واكون لها لوحدها… بس انتي ادعيلي ياأمي… إدعيلي ربنا ينزع حبها من قلبي.. عشان نجوى فعلا ماتستاهلش إني أخدعها ولا حتى أفكرفي حد غيرها وانا معاها.
_ ربنا يابني يريح قلبك ويهدي سرك مع عروستك ويجعلها سندك في الغربة… بقولك أيه يااحمد… مابلاش سفر يابني… والقرشين اللي هتبعزقهم في السفر ابتدي بيهم مشروع هنا وخلاص… واهو رب هنا رب هناك يابني.. وكمان تبقا جنبنا انت وعروستك بدل الغربة والشحططة دي.
_ لا ياماما… أنا واخد عهد على نفسي… لازم ابقا حاجة كبيرة اوي… أحسن من عريس الغفلة اللي الهانم وابوها رفضوني عشانه.
_ يابني متحطهاش في دماغك.. الله يسهللها هي اختارت اللي شبههم يابني.
_ المصيبة انها مكانتش بتطيقه ورفضته قبل كدة… فجإة كدة استسلمت وباعتني في لحظة.. والله لاندمها عاللي عملته…
_ إستهدى بالله بس يااحمد وقوم نام يابني… ومتفكرش في أي حاجة غير شغلك وعروستك وافرح وفرحها معاك وارمي الماضي ورا ضهرك.
_ حاضر ياأمي… متقلقيش عليا… إن شاء الله أتجاوز المرحلة دي وابقى كويس
… يلا تصبحي على خير.
_ وانت من أهل الخير ياحبيبي.
تاني يوم قمت بدري زي ماوعدت ماما عشان نروق البيت سوا بعد كركبة امبارح… وطبعا عشان الحق بابا قبل ماينزل الشغل…. إستأذنت منه إن أحمد هيعدي عليا ونتغدا سوا برة وهو تفهم الموضوع وإن المفروض نتعرف على بعض أكتر…
أحمد اتصل بيا واتفقنا هيعدي عليا الساعة 5….. خرجنا سوا واتغدينا في كافيتريا مخصصة للعائلات…. كنت مكسوفة جدا ومحرجة وحاسة إن الكل بيبص عليا… أحمد لاحظ ارتباكي وتوتري وفضل يضحك عليا ويقولي.
_ إنتي مش معقولة أبدا يانجوى هههههههه دانتي خام عالآخر.. بس تعرفي… إنتي إنسانة راااائعة…. شخصية مثالية في زمن قلت فيه المثالية والمبادئ…. أنا بجد بحمد ربنا إنه بعتك ليا…
_ مش بقولك انت بتبالغ…. أنا إنسانة عادية جدا.. إنت بس اللي عيونك حلوة.
_ ده حظي الحلو وانتي الصادقة… فضلنا نتكلم كتير لحد ما لفتت نظره إني لازم اروح عشان بابا مايزعلش مني…. وافقني وقمنا ووصلني عالبيت… عزمت عليه يطلع يشرب الشاي مع بابا بس اعتذر بلباقة عشان عنده شوية مشاوير هيعملهم…. ودعته وطلعت لقيت بابا وماما قاعدين بيتفرجوا على مسلسل في التليفزيون…. سلمت عليهم ودخلت غيرت هدومي وطلعت قعدت معاهم… بعد المسلسل ماخلص لقيت بابا بيبصلي بتأثر وقاللي..
_ واللا وهتسيبينا انتي كمان يانجوى والبيت يفضى علينا…. هييييه… سنة الحياة…. نربي ونكبر ونعلم… وييجي ابن الحلال ياخدكم عالجاهز… هتوحشيني والله يانوجا.
_ إنتو كمان هتوحشوني والله يابابا… بس الدنيا اتطورت يابابا… ووسايل التواصل بقت كتير جدا… هبقا أكلمكم على النت اللي بيقرب المسافات..
_ هههههههه نت أيه بس يابنتي… لا انا ولا أمك نفهم في الحاجات دي..
_ بسيطة ياحبيبي… لما سامية تكون عندكم أكلمكم من تليفونها… وصوت وصورة كمان هههههههه.
_ إن كان كدة معلش….. أما اقوم آخد برشامة الضغط واريح شوية عشان حاسس إنه شادد حيله عليا بقاله يومين.
_ ألف سلامة عليك يا بابا… تحب نروح للدكتور؟
_ لأ يابنتي مش مستاهلة..
انا بفوت عالصيدلية أقيسه كل يوم… وان شاء الله يتظبط..
ماما : خلاص ياحاج خد بالك من أكلك بقا وانا هقوم اعمللك كوباية كركديه تروق دمك.
_ لأ مفيش داعي أنا كابس عليا النوم… تصبحوا على خير.
أنا وماما : وانت من أهله.
بابا دخل ينام ولقيت ماما بتبصلي وقالتلي… تعالي يانوجا اقعدي جنبي هنا… عاوزاكي فموضوع مهم.
_ خير ياماما في أيه؟
_ خير ياحبيبتي تعالي في أوضتك أحسن….
قلقت جدا وقمنا دخلنا الأوضة و……
نكمل ان شاء الله
الفصل السادس عشر هديه لمتابعين الروايه 🌹 🎁
#ربقلم - ملكه ـ حسن
#قربان ـ ابي
كانو كلهم مجتمعين علي السفره وفجاءه دخل عليهم شخص كان لابس بدله رسميه كانت زهره مستغربه مين ده ازي الحرس مبلغش انو في حد داخل البيت
زهره اتكلمت برتباك وبصت لوضا وقالت هو انتو مستنين ضيوف؟
فجاءه ظهر ادهم وقال مساء الخير عاملين اي يا اهل البيت
وبص لزهره وإتكلم بابتسامه وقالها
عامله اي يا مدام زهره شكل القاعده في مصر عجبتك قولت ام اجي انا كمان ويص علي سالي برومانسيه واتنهد وكمل اصل مصر وحشتني ولا فيها كمان وغمز لسالي
زهره قامت من مكانها وقالت مستر ادهم انت جيت امته
ادهم رجع بص لزهره بابتسامه وقالها لسه واصل
ادهم جري بسرعه وبصوت عالي خالتي رضا وحشاني
حبيبتي حبيتي يا رضا وحضنها بكل شوق
رضا بدموع اخرس يا زفت انت كمان كل دي غيبه
ادهم بابتسامته اللي دائما مش بتفارق وشه وقالها بحنيه سامحني يا خالتي الشغل اعمل اي بس
كانت زهره مستغربه اي علاقه ادهم ورضا ببعض
هي عرفت من سالي أنهم يقربو بعض بس متعرفيش اي صله القرابه
اتكلم جاسر بسخريه!!اهلا بقرقع لوز يلي جاي يقرفنا
ادهم بصوت واطي وكان يضغط علي الحروف من الغيظ وقاله احترم نفسك في بينا بنات كيوت
جاسر خبط علي دراعه بهزار احترم نفسك يا حيوان هي الطياره مقدرتش ترميك من فوق وتريح البشر من رزلتك يا اخي؟
ادهم بصوت عالي أااه يا دراعي منك لله يا جاسر يا ابن خالتي
اتكلمت رضا من وراهم مالكو يا ولاد مش هتبطلو منقره في بعض ولسه لما يكتمل الضلع التالت هسيب البيت وامشي من نقركم والمشاكل اللي مش بتخلص
زهره كانت بتسال في نفسها اي قصد رضا مين هو الضلع التالت المجهول ده اللي محدش جاب سيرته قدامها
رضا بابتسامه وصوت كله سخريه مش هتسلم علي سالي يا ادهم ؟
ادهم بضحكه طبعا يا خالتي دي ليها سلام خاص وفتح دراعته ولف ليها
جاسر بسرعه مسكه من قفاه بعصيبه احترم نفسك دي اختي لا احسن احفرلك قبرك هنا وشاور بليده علي الارض
ادهم ااه سيب ياعم وعلي اي الطيب احسن هسلم من بعيد اهو
هاي سالي عامله اي؟
ضحكت سالي بصوت مسموع علي منظر ادهم وهو ماسكه جاسر من قفاه حتي زهره كمان بقيت تكتم ضحكتها
جاسربعصيبه مسلمش انت تطلع علي اوضتك فوق تخفي من قدامي
ضحكت سالي بصوت عالي هي وزهره تقربيا زهره اول مره تضحك بالشكل ده من سنين
ادهم بسرعه جري علي رضا وحضنها اي يا عم انا جعان هاكل من ايد خالتي رضا مش صح يا خالتي؟
رضا اتكلمت بحنيه من عيوني يا بني اطلع غير ومن ما تنزل هتلقي كل الاكل اللي بتحبه جاهز مخصوص عشانك
ادهم بسرعه حاضر يا رضا يا جامده انتي تسلملي والله انتي اللي في البيت ده !!
ولما شاف نظرات جاسر اللي كلها غضب جري علي السلم
ادهم اتكلم هو وطالع انا رايح اغير يا رضا حضرلي اكل
انفجرت سالي وزهره في الضحك علي أفعال ادهم
رضا فضلت تضرب ايديها الاتنين في بعض وتقول يا حسره عليك ماله الواد الغربه كلت دماغه
جاسراتكلم من وراها سيبك منه يا خالتي دي عيل مهزقه حسابه بعدين
رضا وهي ماشيه ناحيه المطبخ ام اروح احضرله اكل راجع هفتان يا عيني من أكل الأجانب
جاسربنظرات كلها تساؤل !!ده هفتان يا خالتي دي عامل زي التور ؟
فضلت سالي وزهره بضحكو علي كلام جاسر وتعابير وشه لما عيونهم دمعت!!
كان واقف قدام شاشه المراقبه بيتفرج علي جمال صحتها وعيونها الجميله وشعرها اللي بيخطف قلبه كانت حوريه واقفه وسطهم
ذياد بابتسامه حنونه!!اخيرا شوفت ضحكتك يا زهره كنت عارف انو ادهم والعيله المجنونه دي قادرين يغيروا مزاجك ويقدرو يطلعو ضحكتك اللي دافنتها من خمس سنين !
فجاءه شاف حاجه علي الشاشه طلع تلفونه وعمل مكالمه ضروري لغيت أم جاله الرد
ذياد بصوت عالي لازم نجتمع بسرعه في مصيبه
تتوقعو اي لا حصل مع ذياد ومع مين الاجتماع ده واي حصل معه وهو لسه كان بيضحك شاركو معايا رائيكو في التعليقات ♥️ 🫶تشجيع قوي 💪 عشان اكمل الروايه وعشان توصل لكل المتابعين
بداية الرواية من أولها لغاية الفصل العاشر من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق