رواية جعلتني عاشقا الفصل الثامن بقلم أسماء أحمد حصريه وجديده على مدونة النجم المتوهج للروايات
 |
احلامـ واقفه بتخبط ع الباب : افتحولي الباب .. انا بخاف من الضلمه
امير افتحلي عشان خاطري انا خلاص بقيت معـاكـ ..
الباب بيتفتح وشخص طول بعرض واقف قدام الباب .. واحلامـ بتبص عليه من تحت لفوق
وبصدمه : احمد
احمد : حمدلله علي سلامتكـ يا حبيبتى بقينا سوا خلاص
احلامـ : انت اللي عملت كده
احمد : طبعـا .. ومين غيري يعنـى
احلامـ : انت واحد حقير
احمد : بس بحبكـ
احلامـ : وكمـان مافيش ذره رجوله عندكـ .. رجعنـى البيت
احمد : انتى جيتى هنـا بمزاجكـ .. وبعت مسدج لحمزه قولتله ع لسانكـ .. انا مع حبيبي احمد ارجوكـ ابعد وانسانى
احلامـ : لا .. بجد عملت كده .. استحاله .. حمزه مش هيصدق .. حمزه مش هيبعد عنى ويصدقكـ
احمد : انتى اللي قولتي كده مش انا
احلامـ : حمزه هيدمركـ .. هو مش هيسبنى هنـا .. هيجيبكـ ويموتكـ
احمد : ششششش (بيحضنهـا ) احنا بقينا سوا
احلامـ : لا ابعد عنـى ابعد عنـى .. حمزه مش هيسيبكـ حمزه هيلاقينى
حمزه : (بيصحي احلامـ ) احلامـ احلامـ فوقي
احلامـ : (بخضه ) ها .. (وحضنته جامد ) متسبنيش يا حمزه
حمزه : انتى كنتى بتحلمي بكـابوس ؟
احلامـ : (من غير اي مقدمات قامت بسرعه تتطمن ع وسـامـ واتنهدت واخدته ف حضنهـا ورجعت بيه الاوضه ) وسـامـ هينامـ جمبنا
حمزه : ماشي نيميه .. بس حلمتـى بأيه
احلامـ : حلمـ وحش اوووي يا حمزه .. حلمت ان وسـامـ ضاع مننا واتخطف وانا ضعت منكـ
حمزه : (حضنهـا ) بتتفرجي ع افلامـ هندي كتير
احلامـ : حمزه عشان خاطري .. زود الحراسه ع البيت .. واطمن ان الكاميرات سليمه .. ابوس ايدكـ
حمزه : خلاص يا حبيبتى متخفيش اووي كده .. انا جمبكـ وهحميكي ..
احلامـ : انت متعرفش انت ووسـامـ بقيتوا ايه بالنسبالي
حمزه : انا عارف
قاعدين كلهمـ بيفطروا واحلامـ ماسكه وسامـ مسبتهوش
اميمه بعد الاكـل قاعده مع احلام ع جنب
اميمه : مبسوطه منكـ يا احلامـ
احلامـ : ليه ياطنط
اميمه : عشان سمعتى كلامـي .. وقربتى من جوزكـ
احلامـ : حمزه كل ما ليا .. وانا بحبه بجد
اميمه : ربنا يكرمكـوا يارب
بعد كـام يومـ خطوبه امنيه وكانت ع الضيق ف البيت عندهمـ
وراحـت هي وحمزه واميمه وقاسمـ .. وقضوا اليوم كله هنـاكـ .. وكانوا مبسوطين اوووي والعيله ملمومه .. وخوف احلامـ ع حمزه ووسـامـ عمال يزيد
تانـى يوم اميمه بتصحي قاسمـ
صريخ ملي البيت
وحمزه بيجري يشوف باباه
احلامـ : بابا مفتحـ عنيه و مش بيرد يا حمزه
طلبوا الدكتور وعلي ماجه قاسمـ كان مات
الحزن ملي البيت والبيت بقي كئيب
وكل حاجه بقت حزينه ع فراق قاسم
بعـد 2 اسابيع
حمزه : انا ضهري اتكسر بعد وفاه ابويا يا احلامـ
احلامـ : حبيبي بابا ف مكـان احسن بكتير
حمزه : هيوحشنى اوووي .. كان نفسه افرحه بأخ لوسـامـ بس ملحقتش
احلامـ : طيب ما تيجي نفرحه وهـو اكيد هيبقي حاسس بينـا
حمزه : ياريت يا احلامـ يكون حاسس بينا .. عشان انا محتاجله اووي معايا
احلام : ادعيله يا حمزه .. ادعيله يا حبيبي هو محتاج دعوتكـ
حمزه : نيمينى ف حضنكـ وطبطبي عليا
احلامـ : خلاص يا حبيبي احلامـ جمبكـ مافيش اي حاجه هتزعلكـ
احلامـ قررت انهـا تروح تشوف ايه سبب تأخر الحمل عندهـا .. وقررت تعمل حاجه تسعد بيهـا البيت وترجعلهـم تانى فرحتهمـ
اخدت معاهـا حمزه وصممت الاتنين لازمـ يحللوا .. مع انهـا متأكده ان السبب مش عند حمزه ممكن يكون من عندها هي
خلصوا التحاليل .. واحلامـ حبت تروح هي تجيبهـا خافت تعرف حاجه وتكـون قدامـ حمزه تتحرج
احلامـ دخلت عند الدكتور : خير يا دكتور
الدكتور : هو خير وشر
احلام : ازاي يعنى
الدكتور : تحاليلكـ زي الفل ..
احلامـ : وده شر في ايه .. ليكـون انا وحمزه مينفعش نخلف سوا
الدكـتور : للأسف يا مدام احلامـ .. حمزه بيه هو اللي مبيخلفش
احلامـ : انت بتقول ايه ... حمزه عنده ولد
الدكتور : ده اللي بينته التحاليل .. ومش من فتره قريبه .. الحادثه اللي حصلت هي اللي اثرت عليه
احلامـ : طيب ازاي ووسـامـ .. اكيد ف حاجه غلطـ
الدكتور : قدامكـ التحاليل .. ممكن تروحي تسألي اي دكتور غيري
احلامـ : مقصدش يا دكتور بس انا مش قادره اصدق .. يعنى وسـامـ مش ابن حمزه
الدكتور : الله واعلمـ .. بس دي الحقيقه .. حمزه مبيخلفش
احلامـ : (جت تقومـ داخت )
الدكتور : مادام احلامـ .. حضرتكـ كويسه
احلامـ : كويسه .. دكتور ارجوكـ متقولش لحمزه الكلامـ ده .. قوله ان احنا لسه صغيرين .. والعمر قدامنـا .. ولو صمم يعرف قوله احلامـ مبتخلفش
الدكتور : ماشي متشليش همـ .. بس ف ادويه تساعده يخـف
احلامـ : بجد ف املـ
الدكتور : طبعا الطب اتطور دلوقتى
احلامـ : طيب اكتبلي ع الدوا .. وهدهوله من غير ما ياخد باله
احلامـ مشيت ومش عارفه رجليهـا واخدهـا ع فين ودموعهـا ع خدهـا
يعنى انت ياوسـامـ .. مش ابن حبيبي .. يعنى حمزه اضحكـ عليه .. خانته وجابت وسـامـ ..
ركبت احلامـ التاكسي وسندت راسهـا ع الشباكـ وعيطـت
- ع فين يا مادام .. يامادام
احلامـ : (بتقوق من سرحانهـا ) ها .. عباس العقاد لو سمحت
- تحت امركـ
احلامـ رجليهـا اخدتهـا ف المكـان اللي بترتاح فيه اللي بتنسي همومهـا كله فيه
هو بيت اهلهـا
سحر بتفتح الباب : حبيبتى تعالي
احلامـ : (بتعيط) ماما انا تعبانه اوووي وعاوزه انامـ ف حضنكـ
سحر : تعالي يا ضنايا .. في ايه .. مين زعلكـ يا احلامـ
احلامـ : حمل كبير اووي فوق طاقتى
سحر : (اخدتها ف حضنهـا ) بس يا حبيبتى خلاص اهدي
حمزه طول اليوم بيكلم احلامـ وموبيلها فاصل واتصل بمامته قالتله نزلت من الصبح ومتعرفش حاجه عنهـا
حمزه بيتصل ببيت احلامـ : الو .. ازيكـ يا طنط
سحر : ازيكـ يا حبيبي
حمزه : هي احلام عندكـوا
سحر : اه يا حبيبي .. هي مقالتلكش انهـا جايه
حمزه : لا مقالتش .. طيب ممكن تخلينـى اكلمهـا
سحر : والله جت كانت بتعيطـ ونامــت..
حمزه : طيب يا طنط انا هعدي اخدهـا
بعد شويا وصل حمزه تحت البيت
حمزه : خليك هنا 10 دقايق وراجع
- تحت امركـ يا بيه
حمزه طلع اول ما سحر فتحتله : ازيكـ يا طنط
سحر : تعالي يا حبيبي
حمزه : احلامـ لسه نايمه
سحر : ياحبه عينـى .. اول ما دخلت قالتلي نيمينى ف حضنـكـ واحلامـ مبتقولش الكلمه دي غير لما يكون ف حاجه وجعاها اووي
حمزه : مع ان والله يا طنط مافيش حاجه حصلت بينـا .. ده احنا كنا كويسين اوووي الصبح
سحر : كلمهـا براحه يابنى وشوفهـا .. احلامـ طيبه وغلبانه
حمزه : والله احلامـ دي عمري كله .. هدخل اصحيهـا
سحر : ماشي يابنى وانا هطفي ع الاكـل وهجيلكـوا
دخل حمزه وقعد يلعب ف شعرهـا : حبيبتى يلا اصحي
سحر : ايه مصحيتش
حمزه : لا نومهـا تقيل اووي .. انا هشيلها بقي وهروحـ
سحر : طيب ما تسبها والصبح تروح
حمزه : مقدرش اكـون ف البيت وهي مش فيه
سحر : ربنا يخليكـوا لبعض .. (حمزه شالها ) حاسب رجلكـ يابنى
حمزه : متخفيش بقينا حديد يا حماتى
سحر : هههههههههههههه ربنا يسعدكـوا ياولاد .. ويريح قلبكـ يا احلامـ يابنت بطنى
روح احلامـ ونيمهـا ع السرير ونيمـ وسامـ جمبهـا
اميمه : مال مراتكـ يابنى
حمزه : معرفش والله يا ماما .. لقتهـا عند مامتهـا وطنط سحر بتقولي انهـا تعبانه بس هي مسألتهـاش
اميمه : خلي بالكـ من مراتكـ .. قلقتنا عليهـا النهارده ووسامـ مسكتش معايا خالص
حمزه : حاضر .. يلا تصبحي ع خير
حمزه خد احلامـ ووسامـ ف حضنه ودعا ربنـا انه ميحرمهوش منهمـ ونـام
8=ج2=تانى يوم صحي ملقاش احلامـ جمبه
قامـ يدور عليهـا لقاها ف اوضه وسامـ بتلعبه وبتعلمه المشي
حمزه : مالكـ يا حبيبتى
احلامـ : صباح الخير
حمزه : صباح النور والفل والجمال كله
احلام
حمزه : قوليلي .. مالكـ
احلامـ : ماليش يا حبيبي
حمزه : طنط قالتلي ان احلامـ لما بتكون مدايقه اوووي اوووي بتقولي نيمينى ف حضنكـ ..
احلامـ : كان وحشنى حضن ماما بس
حمزه : وحضن حمزه حبيبكـ
احلام : (حضنته ) ده اجمل حضن ف الدنيـا (دموعهـا نزلت ) ربنا يخليكـ ليا يا حبيبي
حمزه : ربنا ميحرمنيش منكـ انتى ووسامـ
احلامـ اتنهدت وحضنته جامد (في سرها )يارب انت مخبيلي ايه بكره
حمزه : صحيح جهزي نفسكـ نروح اليومـ للدكتور
احلامـ : (بقلق ) لا لا انا روحتلوا امبارح ملهوش لزومـ
حمزه : وليه مقولتليش
احلامـ : محبتش اعطـلكـ يعنـى
حمزه : وقالكـ ايه
احلامـ : لا قالي كله تمـام بس بلاش نستعجل عشان احنا صغيرين وكده حتى ادانى الدوا ده .. وقالي ناخده انا وانت عشان لو احنا مستعجلين
حمزه : ان شاء الله يا حبيبتى ربنا هيرزقنـا ببنوته تاخد كل ملامحكـ
**********************
بعد اسبوعين
احلامـ : قولتله انا حامل
تسنيم : انتى ازاي تعملي كده
احلامـ : مش عارفه انا حاسه كل مادا الموضوع بيتعقد يا تسنيمـ انا بقيت كذابه
تسنيم: مسير اللعبه دي تتكشف
احلامـ : عاوزانى اعمل ايه اقوله ميسا خانتكـ ومكانتش حامل منكـ .. وانت مبتخلفش
تسنيمـ : اكيد لا بس ميسا بنت الـك** دي اكيد وراها حاجه
احلامـ على: متشتمهاش دي واحد بين ايدين ربنا دلوقتـى .. والله اعلمـ ايه خلاهـا تعمل كده
تسنيمـ : انتى مفكرتيش تسيبي حمزه بعد اللي عرفتيه
احلامـ : لا طبعـا .. حمزه ده حياتى كلها
حمزه : (داخل من الباب ) وانتى عمري كله
احلام : (بخوف ) انت كنت هنا من امتى
حمزه : لسه كنت داخل سمعتكـ بتحبي فيا .. ازيكـ يا توتا
تسنيمـ : ازيكـ يا حازومه
حمزه : الله يسلمكـ يا عسليه.. اخبار الزقرد الصغير ايه
احلامـ : وسام اكلته وغيرتله ونام
حمزه : لا .. مش وسـام .. اللي جاي ف الطريق
احلام : (بضحكه خوف ) كويس
حمزه : مش حاسس بيه بيتحركـ يعنى
احلام : لسه صغنون يا حمزه .. ده زي حبه الفاصوليه
اميمه بتخبط وداخله : عندي ليكو خبر .. عمر اخوكـ جاي يا حمزه
حمزه : ياااا الواطي .. الا مانزل ف عزا ابوه
اميمه : بس متشمتهوش .. ده واحشنى اوووي
احلامـ : يجي بالسلامه ان شاء الله
***********************
بعد ما نزل عمر كان البيت كله ف انتظاره
عمر : هاي .. مامي واحشتينى اووي
اميمه : ياحبيبي .. كل دي غيبه
عمر : امريكـا احلي بكتير من هنـا
حمزه : عارفين بس هنا اهلكـ
عمر : حازومه حبيبي .. واحشنى .(بيبص ع احلام ) مين الموزه جي
حمزه : اتلمـ دي مرات اخوكـ
احلام : حمدلله ع سلامـتكـ
عمر : (بيسلمـ وجاي يبوسه حمزه بعده ) ايه ياحمزه عادي
حمزه : اظاهر ان قعدتكـ ف امريكـا نستكـ عادتنا
عمر : امال فين النونو
حمزه : نونو ايه ده بقي راجل قد الدنيا هاتى يا احلامـ وسام من فوق
احلامـ راحت جابت وسـامـ ونزلت : اهو وسامـ
عمر : كنت عارف ان ميسا هتسمي وسامـ
حمزه : وعرفت منين بقي
عمر : هي كانت بتقول لما اتجوز واخلف هسمي وسام وملكـ
حمزه : اممممم .. بس ان شاء الله البيبي اللي ف بطن احلامـ مش هيكون اسمه ملكـ .. (بص لاحلامـ ) هيكـون اسمه ويندي
عمر : انتى حامـل !!
احلامـ : اه
عمر : ازاي يعنـى .. مينفعش
احلامـ : (بدأت تقلق ) يعنـى ايه مينفعش
حمزه : انت شارب حاجه ولا ايه
احلامـ : عن اذنكـوا اعملكـ حاجه تشربهـا
اميمه : قوليي لداده اشرقت
احلامـ : لا اسيبكـوا سوا بقي
عمر بص لاحلامـ بصه استحكـار .. واحلامـ خافت من بصته وشكـت انهـ عارف حاجه
بليل حمزه طالع ينـام
عمر : حمزه ياريت .. متثقش ف احلامـ
حمزه : انت مجنون
عمر : حمزه اسمع كلامـ اخوكـ الكبير .. احلامـ واحده كذابه واستغلاليه
حمزه : انت اتجننت .. انت ازاي تقول عنهـا كده
عمر : دي الحقيقه
حمزه : غور نامـ يا عمر ومشوفش وشكـ لحد الصبح
دخل حمزه الاوضه وكان بيفكر ايه خلي عمر يقول كدع ع مراته اللي ميعرفش عنهـا اصلا حاجه
احلامـ : (كانت نازله ) ايه ده انت هتنامـ
حمزه : اه ... رايحه فين
احلامـ : هنزل اشرب
حمزه : خليكي انا هنزل اجبلكـ
احلامـ : متخفش عليا انا تمـام .. اجبلكـ مايه
حمزه : لا
نزلت احلامـ .. وبتشرب لقت حد جي من وراها وكتمـ بوءهـا
احلامـ : انت !
عمر : انا عارف ان الواد اللي ف بطنكـ ده مش ابن حمزه
احلامـ : انت اتجنتت . . انت بتقول ايه
عمر : زي ما سمعتى
احلامـ : ده ابن حمزه
عمر : لا مش ابنه .. انتى واحده رخيصه .. ووسـ (قطعته )
احلامـ : (ضربته بالقلمـ ) اخرس يا حيوان .. انا اشرف منكـ ومن عشره زيكـ
عمر : لو مخدتيش هدومكـ ومشيتى من هنـا .. هفضحكـ .. وهقول انكـ عملتى كده عشان الفلوس
احلامـ : انت واحد زباله
عمر : انتى حره
احلامـ طلعت ووشهـا كان اصفر من الخوف .. ومن غير ماتتكلم حطت دمااغهـا ع المخده وقعدت تفكـر تعمـل ايه
تانـى يومـ تسنيمـ اتصلت بأحلامـ
تسنيمـ : ركزي معايا
احلامـ : ف ايه يا تسنيمـ
تسنيمـ : منى بنت خالتـى .. اللي جت تعزي حمزه فاكره
احلام : اه مالهـا
تسنيمـ : كلمتنـى وقالتلي انهـا بعتت جواب لحمزه ميسا كانت سيباه .. وقالتلي لازمـ حمزه يقراه
احلامـ : تفتكري الجواب ده فيه ايه
تسنيمـ : انتى عبيطه يا احلامـ .. اكيد هتقوله ان وسامـ مش ابنه .. ومين هو ابو وسامـ
احلامـ : يانهـار اسود
تسنيمـ : الحقي الجواب ده .. مش لازمـ يوصل لايد حمزه يا احلامـ
احلامـ : اقفلي طيب اقفلي
احلامـ فضلت ف الجنينه تستنى الراجل اللي هيجيب الجواب
قعدت فوق الساعتين مستنياه
اول ماجه استلمت منه الجواب .. وفتحته
* حبيبي حمزه .. لو استلمـت الجواب ده هكـون اانا بين ايدين ربنا.. انا حبيتكـ اووي بجد بس لمـا عرفت انكـ مبتخلفش انهرت .. وكـنت انا ساعتهـا انا وانت ف امريكـا .. سكرت كتير ومكنتش عارفه انا بعمـل ايه وللأسف اللي كـان معايا ف اليومـ ده هـو
حمزه جي من وراها : (حضنهـا ) وحشتينى
احلامـ : (بأرتباكـ وخبت الورقه ) حبيبي انت جيت امتى
حمزه : مالكـ اتخضيتى كده ليه
احلامـ : ابدا .. الموقف فكرنى باللي حصل زمـان
حمزه : انسي واطمنى ع فكره بقي الكاميرا صورت امير وهو بيلف حوالين البيت .. وهمـا قبضوا عليه .. ولقوا انه مريض نفسي حطوا ف المصحه يعنى انتى ف امـان
احلامـ : انا ف امـان طول ما انت معايا
حمزه : انا هفضل امـانكـ وسندك دايما
^^^^^^^^^^^^^^^^^^^^^^^^^
بعد كـام يوم .. كانت احلامـ ف اوضه وسامـ وقاعده معاه
عمر : واضح انكـ لسه هنا ومش خايفه
احلامـ : اخاف من ايه انت مجنون
عمر : ماشي يبقي انا هقول لحمزه انكـ بتخونيه
احلامـ : وانا هقول لحمزه مين هو ابو وسام الحقيقي
عمر : (بخوف ) يعنـى ايه .. حمزه هو ابو وسـامـ
احلامـ : لا يا عمر .. انت ابوه لوسـامـ
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
