رواية لكنها ميسرتي البارت الاول والثاني والثالث والرابع بقلم رونز مراد حصريه وجديده على مدونة النجم المتوهج للروايات والمعلومات
 |
جه جه يلا نبدأ..احم بس يا خالتي لقيته بقى قالي الكلمتين دول ومشي
=والله يا عيون خالتك أنا بقول إنه فرصة متتعوضش
•هي ايه دي اللي فرصة متتعوضش يا ماما؟!
الأم بإبتسامة متوترة: هه قوليله يا ميْسَرة
ميْسَرة بخوف: والله ما حد ينطق غيرك يا خالتي
هو: هنتعازم على بعض كتير؟!
الأم بتوتر: بص بقى وعلى بلاطة كدا..ميسرة بتحب
أحمد بهدوء مخيف: بتـ.. ايه؟
ميسرة بصدمة: بقى أنا يولية اللي بحب..منك لله يا خالتي
الأم بغمزة ليها: أسيبكم بقى علشان ألحق أجهّز الفطار فاضل على المغرب نص ساعة وخرجت بسرعة
ميسرة ببلاهة: احم خديني معاك يا خ..
ولسه هتطلع
أحمد: استني عندك..
ميسرة خايفة تلف وتواجه شيطان أحمد مهو أنا نسيت أقولكم يحبايبي في الحالة دي الجري الجدعنه كلها
أحمد ببرود: هفضل منتظر كتير!
ميسرة: نعم؟
أحمد ببرود مزيف: ماما قالت كلام دلوقت وأنا منتظر الإجابة
ميسرة بغيظ من بروده: تمام وايه المطلوب!
أحمد: المطلوب تنفي كل اللي سمعته حالاً علشان مزعلش حد دلوقت
ميسرة ببرود: ودي حاجة تخصك في ايه، طبيعي أي بنت تحب وبحزن و وتتحبّ
أحمد بعصبية: حب ايه وكلام فارغ ايه، ميسرة اعدلي كلامك علشان غلطاتك بقيت كتيرة الأيام دي
ميسرة بتاخد نفس: كلام فارغ!
أنا مش هرد عليك وآه بحب واحد وجاي يتقدم آخر الإسبوع
أحمد بصوت مخيف: جدعة ابقي..
وفجأة الباب اتفتح
أم ميسرة: خير يولاد صوتكم عالي ليه
ميسرة وهي متعصبة : معرفش اسألي ابن أختك وخرجت وقفلت الباب
وبعدين فتحته تاني وقالت بااااارد وقفلته تاني
أحمد متعصب ورايح جاي في أوضة الضيوف..
يعني ايه يعني الكلام دا وهي بتشوفه كل يوم بقى على كدا وبتروح الكلية علشانه وأنا مغفّل بس حبيته ازاي وامتى ياربّ دا تحت عيني طول اليوم في الكلية..يمكن لما غيبت الأسبوع اللي تعبت فيه ااااه دماغي هتنفجر بس ماشي وحياة أمي هوريك يا ميسرة انت والغندور اللي بتقولي عليه
----------------------
وجه وقت الفطار والكل اتجمع على السفرة
أم أحمد : ايه يبنتي مش ناوية تشتري طقم علشان شبكة خلود
وأحمد منتظر ردّها
أم ميسرة : قوليلها يختي لازم تستنى لـ آخر لحظة
ميسرة: أيوة والله يخالتي بس..
وفجأة الفون رن وميسرة ابتسمت وأحمد مراقب كل ريأكشناتها وميسرة أخدت بالها إنه أحمد مراقبها
كانت خلود اللي بتتصل بـ ميسرة
ميسرة متصنعة الفرحة: وعليكم السلام عامل ايه يا..
أحمد بغضب:
أم أحمد وأم ميسرة بصدمة:
part (2)
وفجأة الفون رن وكانت خلود صاحبة ميسرة في الكلية بس أبو خلود اللي كان بيتكلم
الأب: السلام عليكم ورحمة الله وبركاته يا مسرّة
ميسرة بفرحة: وعليكم السلام ورحمة الله وبركاته، عامل ايه يحماده
أحمد(أبو خلود): يخرب عقلك ولما سوسو تسمعك دلوقت
ميسرة بتضحك بصوت عالي ولسه هترد..
أحمد ضرب بإيديه على السفرة بغضب: فيه ايه بقى ما تتلم شوية يا ست ميسرة لا عاتقه كلية ولا غيره شكلك مش رايحة تتعلم بجد بقى
ميسرة قفات الفون بسرعة وبغضب: انت ازاي تتكلم معايا بالأسلوب الهمجي دا ورفعت ايديها قدام وشه أنا بحذرك تتكلم عني كدا تاني وإلا..
أحمد بسخرية: ايه هتعمل ايه..هتعترف لكام واحد بقى بعد كدا ما الهانم بتقضيها
ميسرة ضربته بالقلم وبصيتله بكسرة وحزن: اخرس..الظاهر إني غلطت لما حبيت شخص مريض زيك، ملعون قلبي اللي حبك يا أخي بس من النهاردة ومن اللحظة دي انت ابن خالي وأخويا وبس وزقته وطلعت تجري على شقتها..
وأحمد كل دا مصدوم أو عقله اتشّل ازاي مأخدش باله إنها بتحاول تثير غيرته وفضل في وسط أفكاره دي لحد ما قاطعته مامت ميسرة
الأم (حنان): أنا سكت قدامك احتراماً ليك إنك انت اللي مربيها لكن تكسر قلب بنتي وتخوض في عرضها لا أظن كفاية كدا ولسه هتمشي آه بنتي متربية أحسن تربية يا أحمد وتحطها مع مليون راجل هتسدّ وانت عارف كدا كويس وبصيت لـ أختها وفاء: شكراً على العزومة ومشيت..
وفاء بغضب: عاجبك كدا اللي هببته دا كسرت بخاطر بنت خالتك وزعلت خالتك منك..انت ايه يبني مش حاسس بالدنيا ليه ولا حاسس باللي بيحبوك، انت بتخسر كتير خد بالك ولا مليون نرمين تساوي حاجة في حب ميسرة ليك فوق بقى فوق وسابته مع حبل أفكاره
أحمد في أوضته قعد يأنب نفسه على الكلام اللي قاله وفكر شوية يعمل ايه علشان ترجع كل حاجة زي ما كانت..
--------------------
بعد أسبوع
كانت الأمور متوترة بين ميسرة وأحمد وكل ما يحاول يفتح معاها كلام بتجاوب على قد السؤال وأحمد بقى متعصب من طريقة تعاملها اللي اتغيرت بس لكل فعل رد فعل وهو عارف إنه السبب اللي وصلّها للطريقة دي ومازال بيحاول
• تعالى بقى نتعرف على الشخصيات
التعريف بالشخصيات..
أحمد: شاب رياضي عنده عضلات صارم في تعامله أو بيحاول يتصنع دا ، دكتور في كلية الهندسة عنده 27 سنة ابن خال ميسرة وهو اللي مربيها بعد وفاة أبوها ورجعوا في بيت واحد بعد ما انفصلت العيلتين بسبب هنعرفه بعدين..
ميسرة: بنت جميلة مختمرة في كلية الهندسة (نفس كلية أحمد اللي دخلتها علشانه) عندها 20 سنة وبتحب أحمد وشايفة إنه مش بيحبها بسبب تعامله معاها ولكن لسه هنشوف بقى ميسرة على حق ولا..
حنان:مامت ميسرة بنتها الوحيدة وأغلى ما عندها،عندها 48 سنة وأخت
جه الصبح وميسرة رافضه تروح الكلية وخلود بتحاول تقنع فيها في الفون
ميسرة بزهق: مش عاوزة أروح يا خلود بقولك
الأم بتنهيدة: هتفضل لحد امتى يا ميسو، مش قولنا يا حبيبتي ننسى ونكمل بقى
خلود على الفون: قوليلها يا طنط قوليلها ألا أنا تعبت من كتر الكلام
ميسرة بسخرية: ياريته بالساهل كدا
خلود بغضب: بقولك ايه يبت انت بقالك أسبوع غايبة عن الكلية علشان هو نقل وبقى دكتور على القسم بتاعنا وقولت ماشي لكن تضيع نفسك كدا يبقى لا وهتاخدي على دماغك
حنان بضحك: اديله ادي يا أم خالد
ميسرة بزهق: بطلي بقى صداع قولت م هروح وسيبوني عاوزة أنام
فجأة خلود فكرت في فكرة
خلود بخبث: امم طيب براحتك يا حبيبتي عموماً أول محاضرة علينا دكتور أحمد وهتبقى معاه..
ميسرة بغضب قامت من على السرير
الأم بتكتم الضحكة: رايحة فين يبنتي مش قولتي مش هتروحي
ميسرة بمكر وهي متجه للحمام: أحمد نسى إني تربيته وأنا مش هسيب حاجة من حقي بقى وهربيهم
خلود بتصفر: أيوة كدا هو دا..
ميسرة وصلت لإنها م استنت أحمد زي كل مرة ودخلت لقيت خلود قاعدة وحاجزة ليها في أول بنش وفجأة الباب اتفتح وظهرت..
part (3)
وصلنا لما ميسرة وصلت ومش استنت أحمد زي كل مرة
وصلت الكلية ودخلت المدرج وكانت خلود قاعدة وحاجزة مكان ليها في أول بنش
فجأة الباب اتفتح وظهرت د.نرمين ومش محتاجة أقولكم ميسرة بتموت فيها ازاي..
د.نرمين بتكبر: أهلاً بيكم طبعاً بقالكم أسبوع مترددين ما بيني أنا ود.أحمد بس احنا قررنا إنه اللي هيكون صاحب المادة دي وبتوجه نظرها على ميسرة بتحدي أنا د.نرمين عبد الحميد
ميسرة اتعصبت إنها صاحبة المادة دي علشان عارفة إنه المفروض تحون مادة أحمد
فجأة الباب اتفتح وظهر د.أحمد
أحمد: احم السلام عليكم بعتذر عن التأخير
وبص لـ د.نرمين معلش يا دكتور أنا هكمل معاهم المادة دي
د.نرمين بزهق: بس يا دكتور احنا اتفقنا
أحمد بص لـ ميسرة: معلش يا دكتور فيه حاجة تلزمني هنا
د.نرمين: نعم؟
أحمد وجه بصره ليها تاني: قصدي الدفعة دي معايا ومرتاحين وطلبوني بالإسم وبص لـ ميسرة والصراحة أنا كمان مرتاح معاهم
د.نرمين بعصبية مكتومة: تمام يا دكتور وبصيت ليهم بإبتسامة ساذجة د.أحمد نجدكم مني وبصيت لـ أحمد بإبتسامة غريبة تؤمر بحاجة تانية يا دكتور
أحمد: احم لا شكراً
ميسرة بغضب وغيرة لـ خلود: شوفتي شوفتي بتكلمه ازاي وهو بيرد عليها بكل هدوء ومع ميسرة بيقلب صابر الشرير بس اشطا كل واحد عارف هو بيعمل ايه
خلود بتضحك بخفوت: يا شيخة ارحم حرام عليك دا بيتكلم معاها ومش بيبص لـ وشها حتى
ميسرة بغضب: اخرسي
خلود: خلاص أنا مالي ألاه
وخرجت د.نرمين
د.أحمد: طبعاً أنا هكون مكان د.نرمين خلاص بس مش هسمح بأي تهاون في المادة دي وأنا راهنت عليكم في المادة دي بالذات وبص لـ ميسرة نظرة خفيه لكن هي لاحظت..مفهوم
الكل: مفهوم
ميسرة: اوف انا مش عاوزة أحضر المحاضرة الرخمة دي
خلود: استهدي بالله كدا انت عارفة د.أحمد في عصبيته
ميسرة بتنفخ: ربنا يستر
وأحمد خلص شرح وقال اتفضلوا واللي عنده سؤال يسأله
بنتين طلعوا يسألوه وبيتكلموا معاه بدلع وضحك وهو بيكتفي إنه يبتسم وبعدين ميسرة كانت واقفة متابعة ولسه هتمشي لقيت أحمد بينادي عليها
ميسرة برفع حاجب: أفندم؟
أحمد بإستفزاز: اسمها نعم يا دكتور!
ميسرة: خير يا دكتور؟
أحمد: مشيت ليه..مش احنا بنمشي سوا
ميسرة بخبث: لا دا كان زمان دلوقت أنا فيه ناس بتغير عليا ومتخافش يا دكتور واخده ميعاد من ماما كمان وهتتقدم يعني مش هقضيها زي ما حضرتك بتقول
أحمد بغضب وغيرة: ناس!
اولع انت وهما في ساعة واحدة وابقي وريني بقى مين عريس الغفلة اللي هيتقدم وبسخرية يا يا ميسو
ميسرة بغضب: قولتلك بلاش الدلع دا وم تدلعني أصلا
أحمد بصوت عالي نسبياً وهو بيتحدى ميسرة: يشبااااب بلغوا بعض إنه فيه كويز المحاضرة الجاية وعلى الأسبوع اللي فات بسسسسس
ونظر بتحدي مفهوووووم وبهمس لـ ميسرة:ابقى أسمع كلمة من اللي اتقالت دي تاني أنا حذرتك وعديتها المرة دي بمزاجي لكن الغلطة بعد كدا بحسابها وسابها ومشي
وميسرة وخلود مشيوا
-------------------
-يعني هتفضل زعلانة مني كدا كتير!
طب حقك عليا اومال لو مكنتيش عارفة اللي فيها يا ماما
الأم وفاء بعتاب: كدا تزعل بنت خالتك وخالتك وتقولها كلمتين م ليهم لازمة بدل ما تكسب قلبها بتقسى عليها
أحمد بيتنهد: وانت فاكرة إنه بمزاجي يا ماما وبغيرة هي اللي بتستفزني وبتقول كلام تعبان شبه دماغها بالظبط
فجأة حنان دخلت وبطريقة مضحكة: بقى بنتي أنا دماغها تعبانة يا معف*ن
أحمد ببلاهة: خالتي روح قلبي
وطبعاً هو تاني يوم صالح خالته وباس دماغها علشان حنان زي فوفا بالظبط
وفاء بسخرية: مفيش منكم فايدة
أحمد بهدوء: المهم يجماعة بجد بقى..
وفاء: اممم
حنان: خير يبني
أحمد بهدوء مخيف: البت دي متقدملها عريس بجد؟
وفاء: احم..أيوة
بص لـ حنان بتهديد: امم وانت رأيك ايه يا خالتي؟..ومين عريس الغفلة؟!
حنان بخوف وضحك: الرأي رأيك يحبيبي البت كلها بتاعتك
وفاء: والله انتِ خسارة فيك البت ميسرة بدل ما ياخد على دماغه
أحمد: انت أم ميسرة الحقيقية صح قولي قولي وأنا هتقبل الوضع صدقيني
وفاء: انت تيجي حاجة في ميسرة
حنان بشهقه: ليه يختي دا سيد الرجاله!
أحمد: أيوة كدا يخالتي يا نصفاني دايماً وباس ايديها ربنا يديمك ليا وباس ايد وفاء: البت بتاعتي برضو يا فوفا
وفاء: يلا يا ابن الـ***
أحمد جري وهو بيضحك وراح يحضر محاضرة بكرا
وفاء بتنهيدة: وبعدين يا حنان في العيال دي
حنان: عارفة كان ممكن أقولك صعب يكونوا لـ بعض بسبب اللي احنا فيه بس العيال متعلقه ببعض مهما يتخانقوا ومهما يعملوا في بعض
وفاء: والعمل طيب هنفضل كدا كتير
حنان بشرود: سيبيها لله ربك هيدبرها واللي فيه النصيب ربنا يكتبه، مقولتليش بقى البت ناهد هتولد امتى
ونسيبهم بقى مع بعض في كلام الستات اللي مش بيخلص..
----------------
عند ميسرة في البيت
ميسرة: والله يا خلود تعبانة مش هقدر أنزل النهاردة
خلود: عااا يعني يهون عليك م اشتري الفستان وانت تحوني معايا اومال اسمك صاحبه على ايه عاااا
ميسرة: اكتمي يشيخة منك لله انت وهشام خطيبك كان لازم الإسبوع دا يعني، أنا بفكر تقوليله الغي الموضوع دا دلوقت علشان عندنا كويز عند صاحبه اللي مبيرحمش
خلود بصدمة: عوزاني ألغي خطوبتي علشان كووووويز!!
ميسرة بسخط: لا أتعلق أنا علشان خطوبة حضرتك لا والمستفز مستقصدني في الأسبوع اللي غبت فيه وبخبث مسكين فاكرني هغلب ميعرفش إنه معانا المحاضرات والتسجيلات كمان، مين اللي هيروح معانا؟
خلود بخبث: يواد يواد اشكريني عرفت أجيب كل دا بصعوبة بعد ما أقنعت هشام؛ هنروح بعربية هشام
ميسرة : امم
خلود بصوت عالي: بت بت هما ربع ساعة شوفي ربع ساعة وألاقيك مستنياني سمعت!
ميسرة لا رد:
خلود: يلا يدوبك تعرفي أحمد إنك خارجة
ميسرة: مش هعرف حد واخرسي واقفلي
خلود: منك لله هتبوظ اليوم
ميسرة:ليه
خلود:هه ولا حاجة، يلا اجهزي بقى اموااااه بحبك
ميسرة استغربت وبإبتسامة: ربنا يديمك ليا، يلا هروح أجهز وأمري لله سلام
خلود بحب: سلام
---------------
-صاحب صاحبه
أحمد: حبيبي الشق عامل ايه
هشام: حبيبي عاوزك في مصلحة
أحمد: واطي من يومك وانا اللي قولت بتسأل عليا
هشام: بيبي أنا بقى ليا كتكوت دلوقت مش فاضي
أحمد بيضحك: جاتك داهية، ادعيلي عقبال كتكوتي بإذن الله
هشام: ربنا يكتبها من نصيبك يصاحبي هانت
أحمد: ايه اللي هان بس يا هشام اسكت بالله عليك
هشام: انت اللي غلطان يصاحبي وسايب اللي يسوى واللي ميسواش يتدخل في حياتكم ويقرر نيابة عنكم
أحمد بتغيير الموضوع: مش هيفضل الوضع كدا كتير صدقني، المهم كنت عاوز مني ايه
هشام: اوبس نسيتني منك لله انت وميسرة
أحمد بغضب: اتلم ياض متدعيش عليها
هشام: يا حوووونين المهم عاوزك تنزل معايا نشوف بدله شيك كدا لـ أخوك
أحمد بعناد: لا مش نازل
هشام بدلع: علشان خاطري
أحمد بيضحك: اتلم يبني هقفل في وشك
هشام بفخر: عموماً انت اللي خسران، حبيبة القلب جاية معانا
أحمد بإستغراب: جاية فين
هشام: تختار الفستان مع خلود يبني
أحمد بهدوء مخيف ومع نفسه من غير ما تقولي..امم ماشي يا ميسرة واضح إنك عاوزة تشوفي الوش التاني بقى ويا عز الطلب يا ميسو
هشام : روحت فين
أحمد: هننزل امتى
هشام بحماس: هو دا الكلام..على 5 بإذن الله
أحمد بخبث: اتفقنا
------------------
الساعة 5 وربع
خلود بزهق: يبنتي انزلي الشمس أكلت دماغنا
ميسرة بتضحك: خلود احنا بالليل
خلود: مش مبرر علفكرا، اخلصي هشام هيولع فينا وبهمس وأحدهم
ميسرة بإستغراب: بتقولي ايه
خلود: ولا حاجة اخلصي
ميسرة: خلاص ربطت الكوتش ونازلة
ولسه بتفتح الباب اتصدمت..
•رأيكم بلاش تم فضلاً وايه توقعاتكم عن البارت اللي جاي؟!•ااسم الرواية حلو ولا؟💗
•ليه ميسرة اتصدمت؟!
part(4)
الساعة 5 وربع وخلود منتظرة ميسرة تنزل ليها علشان تشوف فستان الخطوبة
ولسه ميسرة بتفتح الباب اتصدمت..الباب مقفول!!!
ميسرة قعدت تخبط وتنادي على مامتها
ميسرة بزهق: يماما افتح
الأم بتكتم ضحكتها: فيه ايه يا بنتي
ميسرة بعصبية: حرام عليك يا ماما بنادي بقالي ساعة
الأم بتبص بخبث لـ اللي جنبها: حصل حاجة ولا ايه؟
ميسرة بتنفخ: الباب مقفول يا ماما والناس منتظرة تحت
-ومفيش حمار تستأذن منه قبل ما تنزل!
ميسرة بصدمة: انت جيت امتى انت وبتعمل ايه هنا؟
أحمد بخبث: قولت أشوف ميسو حبيبتي وأربيها بالمرة
ميسرة بصوت عالي: بقولك ايه مش وقتك خالص..ماما لو سمحت افتح الباب
الأم بضحك: كان على عيني يبنتي بس هو اللي معاه المفتاح
ميسرة بعصبية: افتح الباب يا بتاع انت
أحمد بهدوء: يا ايه؟!
ميسرة عرفت إنه مستحيل يفتح ليها الباب طول ما هي بتعاند
ميسرة بطول بال: افتح يا أحمد لو سمحت
أحمد بأمر: اعتذري!
ميسرة: اووووف
أحمد ببرود: تمام براحتك..يلا سلام يا قطة.
ميسرة لقيت الفون بيرن وكانت خلود
ميسرة: أيوة يا خلود
خلود: ما تخلصي يا زفته
ميسرة: سيبيني في حالي دلوقت
خلود: نعم يختي ما تنجز يا ست انت اليوم هيضيع
هشام: بالله عليك يا ميسرة وهات أحمد بالمرة هتضيعوا علينا أم اليوم بتأخيركم دا
ميسرة بتنفخ: ماشي سلام خمس دقايق ونازلة
ميسرة بتردد: احم أحمد
أحمد ببرود: اممم
ميسرة حاولت تهدى: افتح الباب!
أحمد: تؤ تؤ اعتذري الأول
ميسرة: عيب الناس مستنية تحت
أحمد: تتفلق الناس..اعتذري
ميسرة بعصبية: طيب آسفة
أحمد: لا مش عجباني قوليها بضمير
ميسرة: آسفة
أحمد: و..
ميسرة بإستغراب: وايه؟
أحمد: عديّ غلطاتك بقى وفجأة فون أحمد رن وكان هشام
أحمد: حظك إنه ربنا نجدك مني وفتح الباب وبص ليها بصرامة شوفي بعد كدا لو رجلك الحلوة دي عدت الشارع من غير ما أعرف هيبقى فيها كسرها..سمعاني يا ميسو
ميسرة بعصبية: انت..
أحمد: هه هه كملي غلطاتك كدا كدا لينا قاعدة بحساب
واتفضل قدامي يلا علشان اتأخرنا
ميسرة: عااا انت جاي معانا ليه؟
أحمد بإبتسامة ساذجه: مش لأجلك عيونك أكيد
ميسرة بزهق: صبرني ياربّ ومشيت من قدامه وهو اتحرك وراها
-----------------
في مكان تاني
-وصلت لحاجة جديدة؟
=لا يباشا والبت مش بتطلع لوحدها وفيه واحد دايماً معاها حتى في الكلية بتكون تحت عينيه ومحدش عارف يجيب معاها سكة
-غبي وهتفضل طول عمرك غبي، هو أنا معين بهايـ*م يراقبوها
•خبر ايه حتة بت زي دي مش عارفين ناخدها اهني وتتربى في بيتها بدل ما هي مع الواد الصايع ده!
-صقر كله بالعقل
•عقل ايه يا أبوي هو بقى فيها عقل
-بص لـ الحارس روح انت دلوق
=أمرك يا حاج
- وبص لـ صقر وانت بطل التهون اللي فيك ده
صقر بطاعة: حاضر يا أبوي وبص شاف وداد طالعة من المندرة عن إذنك يا أبوي وخرج يلحق وداد
صقر وقف قدام وداد: على فين العزم يا بت عمي
وداد بخضه: يبني اديني إشارة طيب
صقر بخبث: على أساس إنه حد يچدر يقولك كدا غيري
وداد بنفس الخبث: وه كَتييييير جوي يا واد عمي
صقر بغضب: وداد اتحدتي زين اياك بدل ما أطخك عيارين وعدّل هدومه قال كتيير قال ومشي
وداد بحب: وبعدين معاك يا صقر واتنهدت وفجأة سمعت صوت أمها بتنادي عليها
وداد بطاعة: يلا جايه
---------------
وداد وصلت عند أمها في المطبخ
ميرفت: خير يا بنت بطني كنت واقفة تتحدتي مع صقر ليه
وداد بخجل وتلعثم: ولا حاجة يمااا كان عاوز شاي، مرت عمي وين؟
ميرفت بخبث وضحك: امم قولتيلي شاي إياك فكراني مخبوله، مرت عمك في مشوار اهنه وجايه
وداد: لا يماا قطع لسان اللي يقول اكده وبتنهيدة تفتكري يا أمي هيتقدم لي قريب
ميرفت بإطمنان بتطبطب عليها: صقر مش سهل يتعلق بحاجه بس عندك انت لا..صقر روحه فيك يا وداد دا هو اللي مربيك ومازال مصّر إنك من حقه وإنه كل حاجة تخصك تخصّه قبلنا، اتركيها لله يا بنتي
وداد بفرحة: ونعم بالله يماا..يلا نعمل الحمام ده
ميرفت: واشمعنا الحمام..اهه ما حبيب القلب بيحبه
وداد: حبيب القلب والعين يما والله
ميرفت بتضحك: اتحشّم يا قليلة الحيا
وداد بتضحك وبتبدأ تساعد أمها
-----------------
عند أحمد وميسرة وخلود وهشام وصلوا المول الساعة 7 وبدأوا يشوفوا محلات
وميسرة وخلود كل شوية يعترضوا لحد ما دخلوا محل
ميسرة بإعجاب: الله بجد ايه رأيك في دا يخوخة
خلود: تحفة بس على الله هولاكو اللي معانا يوافقوا
ميسرة: لا بقولك ايه يشوفوا حالهم أحسن ويختاروا البدل بتاعتهم
خلود بزهق: والله عندك حق طبقوا على نفسنا..طب ايه رأيك في الدريس دا ليك؟
أحمد ظهر فجأة: لا ضيق
خلود: طب تقيسه الأول ونشوفه
ميسرة بعند: هاتي أقيسه الأول
أحمد بصرامة وغيرة: أنا قولت مش هينفع تلبسيه أولاً الكمام شفافه وثانياً هيظهر تفاصيلك ياريت نعقل الكلام
هشام: هه حاجة عجبتك؟
خلود بخبث وبتتأكد من حاجة: لا لسه، طب دا يا ميسرة
ميسرة: تحفه
أحمد بعدم رضى: تحفة ايه دا دريس محجبات دا لا تعالي كدا وشدّ ميسرة تعالي نختار حاجة تناسبك وهمس ليها أصل انسي تلبس حاجة أنا مش راضي عنها، الحاجة الغالية اللي تخصني مينفعش حد يشوفها غيري
ميسرة بتوتر: قصدك ايه
أحمد بخبث: ولا حاجة قصدي إنك أختي ولازم أحافظ عليك..ورايا ومشي
ميسرة بعصبية: نينيني أختي والله بااااارد
أحمد بصوت عالي: ميسرة!
ميسرة: جاييييييه
خلود وهي بتشوف الفستان وبعدها رجع هشام ليها وكان وشها متغير
هشام: ها يا حبيبتي
خلود: عاوزة أروح
هشام بإستغراب: مالك يا حبيبتي
خلود: عاوزة أروح
هشام: حد زعلك طيب..حصل ايه
خلود بهدوء ما قبل العاصفة: هشام كل شيء قسمه ونصيب
ريأكت وكومنت حلو زيكم بقى!
رأيكم في البارت دا
ويا ترى ليه خلود عاوزة تنهي اللي بينها وبين هشام ، ومين الناس اللي بيراقبو ميسرة؟!
يتبع
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق