رواية جعلتني عاشقا الفصل السادس بقلم أسماء أحمد حصريه وجديده على مدونة النجم المتوهج للروايات والمعلومات
 |
بليل
حمزه في اوضته واحلام في اوضتها
حمزه : اروح اعتزر ولا بلاش
احلام : اي الخنقه دي وانت ياسي ويسو نايم وسيبنى امووواه (وطت باسته ) مامي هتستأذن تروح في الجنينه شويا
حمزه واقف في الشباك
لقي احلام نازله الجنينه وقاعده وباصه للسما وفجأه لقت اللي بيغمي عنيها
احلام : (فرحت ) حمزه !!
امير : لا يا لولا انا امير حبيبك
احلام : (قامت منفوضه ) امير انت ايه جابك هنا ودخلت هنا ازاي .. يا عثمان يا عثمان
امير : (كتم بوءها ) شششششش لو صرختى هموتك واموت نفسي ... انا جاي عشانك يا احلام .. وحشتينى اووي
حمزه : (شاف المنظر ده قلبه وقع في رجليه وحاول يحرك الكرسي بسرعه يلحقها بس للاسف من سرعته ولهفته وقع من علي الكرسي )
امير : يلا نمشي سوا (حاطط سكينه علي رقبتها )
احلام : (هتموت من الخوف ) امير ارجوك امشي من هنـا وصدقنى مش هقول لحد انك جيت
امير : مش هقدر اعيش من غيركـ .. بيخدونى يحبسونى في المستشفي يا احلام .. انا مشوفتش غير منك انتى حنيه
انتى اللي بتحبينى وبتطمنينى .. احضنينى يا احلام خلينى اطمن انك جمبي
حمزه : (عمال يصرخ ويعلي صوته ) بابا ماااما داده اشرقت .. حد يلحقنى
محدش سامعه ولا حس بيه
في بودي جارد واقفين تحت قدام باب البيت بالظبط سمعوا الصوت طلعولوا
- حمزه بيه ايه حصلك
حمزه : (زق ايديهم ) يابهايم مراتى في خطر .. الحقوها
واحد نزل يلحقها والتانى ساعد حمزه انه يرجع يقعد علي الكرسي
حمزه بعد ما قعد علي الكرسي نزلها اوام
امير : (حاضن احلام بالعافيه ) محدش هيخدنى منك ولا هياخدك منى وعد .. هنعيش سوا في حياه حلوه اووي
احلام : ارجوك امشي .. انا دلوقتى بقيت متجوزه
امير : محدش هيجي جمبك غيري فاهمه مش هتبقي مرات حد غيري
احلام : فوق بقي يا امير .. انت انسان مريض لازم تتعالج .. انا مش ملككـ
امير اول ما شاف البودي جارد جاي مسك السكينه وحطها علي رقبه احلام
- نزل السكينه دي
امير : سبوهالي وانا همشي ومش هعمل مشاكل
حمزه : (جاي بسرعه وبيزق الكرسي بأسرع ماعنده ) احلامـ متخفيش ها .. احنا هنتصرف.. متخفيش يا حبيبتى
امير : ماتقولهاش يا حبيبتى .. ماتقولهاش كده دي بتاعتى انا
حمزه : اخرس وابعد ايدكـ عنهـا .. انا هعرفكـ قمتكـ ياكلب .. انا هتصرف يا احلامـ متخفيش
امير : (بيضحك) هتتصرف ازاي وانت كده .. احلام ملكي ماشي
احلام : حمزه ارجوك متعصبهوش بكلامـكـ
- ابعد انت يا حمزه بيه
احلام : اوعوا تضربوا رصاص عليه ارجوكـوا
امير : (وهو لسه حاطط السكينه علي رقبتها ) خايفه عليا مش كده
احلام : يامجنون هيقتلوك
امير : فداكي يا احلامـ .. (حط ايده علي وشهـا ) اموت وانا في حضنك بس تحضنينى
حمزه : (بعصبيه وغيره ) ابعد ايدك عنهـا يا حيوان
امير : احلام دي ليـا فاهم
- نزل السكينه من علي رقبتها .. وهنتفاهم
احلام : خلاص اهدا واانا هتفاهم معاه .. (حطت ايدها علي وشه ودقنه ) بص يا امير
امير : (فعلا نزل السكينه وفضل سامعلها وبيعيط )
احلام : انا وانت مش هينفع نكون سوا .. الدنيا اخدتنا من بعض
امير : لا يا احلام انتى بتاعتي فاهمه متقوليش كده تـانى .. هكون ف حضنكـ من هنا ورايح
البودي جارد استغل ضعف امير في اللحظه دي وضربوه علي دماغه
احلامـ جريت ع حمزه وحمزه خدهـا ف حضنه يطمنهـا: متخفيش انا جمبكـ
البودي جارد بيضرب امير و
احلام بدأت تصرخ وعاوزه تمنعهمـ
حمزه : (شدها ) ابعدي انت
احلام : ( وهي بتعيط) والنبي يا حمزه خليهم يسيبوه
حمزه : انتى السبب يا احلام
احلام : (حطت ايديها علي بوؤها وهي شيفاهم بيضربوه ) والنبي خلاص .. حمزه ورحمه ميسا قولهم حاجه .. كفايه بقي حرام عليك ده بنى ادم
البودي جارد خدوه ورموه بعيد عن البيت
احلام بتحاول تلحقهم .. حمزه مسك ايديها .. انتى تعالي هنا
احلام : حمزه صدقنى .. انا مكنتش بعمل حاجه غلط .. هو اللي جه والله
حمزه : (طلعها الاوضه ) مش هتطلعي من اوضتك دي لحد الصبح .. (بياخد وسام )
احلام : انت بتعمل ايه
حمزه : (بيقفل عليها الباب ) انتى اللي خلتينى اعمل فيكي كده
احلام : (من ورا الباب وهي عماله تخبط فيه ) متعاقبنيش بوسام الله يخليك .. مبعرفش انام غير في حضنه
حمزه : (من ورا الباب ) خايف علي ابنى لتورطيه في مشاكلـكـ
احلام : صدقنى يا حمزه اضحي بنفسي عشان احافظ عليك وعلي ابنك
حمزه : حسستينى بالعجز يا احلامـ .. شوفته بيقربلكـ وانا معرفتش اتحركـ غيرتي عليكي وجعتنـى .. محستش انى بغير عليها كده زيكـ .. وهو ماسكك وحاضنـكـ وانا مشلول ع كرسي .. لولا البودي جارد كان زمانك معاه وسيبانى
احلامـ : (بعياط ) بس صدقنى انا مش بحبه افتحلي والنبي يا حمزه .. انا مش عبيده عندك ليه بتعمل فيا كده
حمزه : عشان خايف تسبينى
احلام : تقوم تحبسنى .. صدقنى ما هسيب البيت ابدا بس ارجوك افتحلي
حمزه : هنا هكون مطمن عليكي لحد الصبح .. سمحينى يا احلامـ .. (بصوت واطي ) سمحينى يا حبيبتى
احلام : (بتخبط علي الباب وبترزع فيه ) لا والنبي ماتمشي وتسبنى محبوسه
اميمه وقاسم قامو مفزوعين
اميمه : في ايه يابنى .. احلام بتصرخ كده ليه
احلام : (سمعت صوتهمـ ) الحقنى يا بابا حمزه حابسنى هنا ومش راضي يفتحلي
حمزه : محدش يدخل بينى وبينها
احلام : انت كده هتخلينى اكرهك يا حمزه اكتر
حمزه : انتى عمركـ ماهتحبينـى وانا مشلول يا احلامـ
احلامـ : صدقيـنى انا برتاح معـاكـ وبكون مطمنه .. بس متخليش القسوه تعمي قلبكـ يا حمزه .. افتحولي اخرج من هنـا
قاسم : يابنى اتقي الله وافتحلها
حمزه : كانت هتضيع منى ومن ابنى يا بابا
حمزه دخل وسبهم
ومفكرش ايه الهبل اللي عمله ده بدل ماكان ياخدها في حضنه ويطمنهـا
قاسم : استحملي يابنتى حقك عليا انا ..
احلام : ااااااااااااااه يا امي .. تعالي خدينى يا ماما
*****************
ف نفس الوقت ده سحر قامـت مفزوعه
سحر : بنتى .. خير يارب ..ياتري ف ايه يا احلامـ
ليه وجعتيلي قلبي عليكي كده
راحـت لامنيه
سحر : امنيه .. قومي يا بت
امنيه : في ايه يا ماما بس .. البيت وقع
سحر : قلقانه ع اختكـ
امنيه : (بتبص ف الموبيل .. مغمضه عين ومفتحه عين ) الساعه 6 الصبح يا ماما
سحر : قلبي واجعنـى مش عارفه ليه
امنيه : نامي دلوقتـى والصبح نروحلهـا
سحر : مش هيجيلي نومـ ..
امنيه : (قامت قعدت وعينها مغمضين ) حلمتى بأيه يا امـي
سحر : خير الله مااجعله خير .. انهـا واقفه ف مكـان بعيد ومحبوسه وعمـاله تخبطـ وتنادي عليـا وانا واقفه مش معايا المفتاح افتحلهـا ولا حتى عارفه اوصل للباب كل ماا اقرب الباب يبعد وهي تنادي عليا
امنيه : انتى كنتى مستغطيه
تانى يوم الصبح دخل حمزه عليها لقاها نايمه علي الارض في مكانها واخده وضع الجنين
براحه خالص نزل قعد جمبها علي الارض
حمزه : احلامـ احلامـ
احلامـ : (مبتردش )
حمزه : ( بيهز فيها جامد ) امي .. بابا .. داده اشرقت الحقونى
اميمه : في ايه يابنى
حمزه : احلام مبتردش عليا
اميمه : يانهار اسود
قاسم : في ايه بتزعقوا ليه
اميمه : البت متلجه
حمزه : يعنى ايه لا اطلبوا الدكتور بسرعه .. احلام مش هتسبنى انا عارف
قاسم : منك لله يا اخي .. منك لله انت اللي عملت فيها كده
حمزه : احلام .. احلام قومي
نقلوها علي السرير واتصـلوا بالدكتور
حمزه : .. مالها يادكتور
الدكتور : انهيار عصبي شديد .. خلو بالكوا منها المره الجايه ممكن توصل للانتحار .. انا هكتبلها ع مهدأت وتمنعوا عنهـا اي ضغطـ او انفعـال
حمزه : (دخلها الاوضه ) انهيار عصبي بسببي .. وانتى اللي مستحمله كل حاجه عشانى .. انا اد ايه واحد حيوان اووووي
اميمه : ينفع اللي عملته ده
حمزه : امي تعالي نيمينى جمبها
اميمه : مينفعش يا حمزه البت لو صحيت ولقتك كده تقول ايه
حمزه : انا جوزها فاهمه يعنى ايه .. نيمينى جمبها .. كان لازم اطمنها امبارح وقسيت عليها
نيمينى يا امي
اميمه ساعدت حمزه يطلع علي السرير
وخد احلام في حضنه وقعد يلعبلها في شعرها ونام
احلام : (بتفتح عنيها براحه لقيت نفسها نايمه في حضن حمزه ) حاولت تبعد عنه وهي تعبانه
حمزه حس بيها : بس اهدي اهدي
احلام : حمزه صدقينى انا ماليش دعوه هو مره واحده لقيته ورايـا .. انا كنت همـوت من الخوف
حمزه : عارف والله .. انا غلطاان علي الله عملته امبارح انا اسف يا احلام ..
احلام : خوفت عليكـ وع وسـامـ .. خوفت يعملكـوا حاجه .. والله انا مكنتش هروح معاه ولو همـوت
حمزه : كنت خايف عليكي اوووي امبارح
احلام : بس انت جواك قاسي اوووي ياحمزه ..
حمزه : متظلمنيش عشان خاطري .. ادينى فرصه واسمعينى
احلام : فرصه .. وانت ليه مدتنيش فرصه ياحمزه وحبستنى في اوضه ضلمه
حمزه : سامحينى
احلام : انا مش زعلانه منك اصلا .. لانك مش فارق معايا عشان ازعل منك
حمزه : طيب ممكن تهدي
احلام : لا مش ههدي ..
حمزه : انا من غيرك هضيع
احلام : وانت كنت هتموتنـى امبارح .. وانا بصرخ ومحدش حاسس بيـا
حمزه : انا عارف انكـ بتحبينى يا احلامـ .. عينكي بتقول كده
احلام : لا طبعا من امتى وعنيا قالت كده
حمزه : احلام انا مبعرفش اعبر عن حبي .. بس انا بجد اللي حاسه دلوقتى انى حبيتك .. ادينى فرصه .. يمكن انا اول مره احب عشان كده خايف من الحب ده .. وعد هتشوفي حمزه تانى خالص .. غيرت اووي امبارح وانتى معاه .. حسيت انى هتجنن يا احلامـ .. محبتش ميسا ولا عمري فكرت فيها بس انتى شغلتيلي بالي من يوم ما شوفتكـ يمكن انا عشان شغلي اهم حاجه عندي عشان كده بقيت جدي اووي .. (مسك ايديها ) بس ادي فرصه لقلبي تحبيه حبيه بجد
احلام : كل ما بقرب منك خطوه بترجعنى ميت خطوه ..خايفه اصدقكـ ترجع تقولي انتى هنـا مجرد مربيه
حمزه : انا اسف .. بس انا بحبك لو كنت اعرف اعملكـ مفجـأه و اوطي واديكي بوكيه ورد كنت اعملها بس نصيبك واحد مشلول يحبك
احلامـ : (بتتنهد بزعل ) مش عارفه اقولك ايه
حمزه : قولي مسمحاك وانا هعمل كل حاجه
احلام : انا اللي اسفه عشان عملت ليك المشاكل دي كلها
حمزه : صاف يا لبن
احلام : حليب يا اشطا
اميمه بتخبط ودخلت
اميمه : حمدلله علي السلامه
احلام : الله يسلمك بس علي ايه
اميمه : (جت تتكلم حمزه بصلها انها متتكلمش ) اصل ابنى بعيد عنك مجنون
احلام : وانا نصيبي مع المجانين
اميمه : مامتك تحت يابنتى ..
احلام : الله بجد ماما
اميمه : اه اطلعها هنا
سحر : انا طلعت بنفسي لسه هقعد تحت زي الضيوف
احلام : (حضنتها جامد وعيطت ) مامتى وحشتنى
سحر : مالك يابنتى قلبي واجعنى عليكي بقاله كام يوم
احلام : انا كويسه بس وحشتونى اووي
حمزه : تعالي يا ماما ساعدينى اقوم
سحر : انا اسف دخلت كده وشكلكوا لسه صاحي
احلام : لا ابدا ده حمزه كان بياخد رأي في حاجه في الشغل
سحر : ربنا يسعدكوا يارب
اميمه : علي مهلك يابنى
سحر : مال وشك بهتان وخاسه كده ليه
احلام : تعبانه شويا ارهاق
سحر : لتكونى حامل يابنتى
احلام : لا حمل ايه بس يا ماما
سحر : والله تكونى حامل .. اخدها ياحمزه نكشف
حمزه : لا ياطنط حمل ايه بس
اميمه : لا ملهوش لزوم .. عيالنا لسه صغيرين
سحر : نفسي ابقي جده بقي
*******************************
تسنيم جت البيت
تسنيم : ايه يا لولا .. طنط قالتلي انك تعبانه
احلام : اسكتى يا تسنيم .. ع اللي حصلي امبارح
تسنيم : ايه حصل
احلام : امير كان هنـا .. وكان حاطط السكينه ع رقبتـى ..
تسنيم : (اتخضت ) يالهوي .. وحمزه عمل ايه
احلام : خلي البودي جارد يضربوا .. يعينى صعب عليا اوووي امبارح .. بقيت خايفه اووي يا تسنيم
تسنيم : متخفيش طول ما حمزه جمبك
احلام : ربنا يستر
تسنيم : هاتى الصغنون ده العب بيه
احلام : العبي عقبال ماتجبيلنا واحد نلعب بيه
تسنيم : هيييييييييييح يارب ..صحيح جايبه عريس لاخـتكـ
احلامـ : امنيه ؟؟ ده مين بقي
تسنيمـ : خالد
احلامـ : قريبكـوا
تسنيم : ايون
احلامـ : بس امنيه بتحب زياد
تسنيم : معرفش بقي هو قـالي .. وانا قولت اقولكـ
احلامـ : معتقدش هتوافق
^^^^^^^^^^^^
راح حمزه الشغل ومنه عدت عليه وقعدوا شويا سوا
منه : سرحـان ومش معايا
حمزه : معلش يا منه .. بفكـر اعمل لاحلامـ مفجأه
منه : مراتـكـ الجديده
حمزه : اه هي
منه : اووووف طيب يا حمزه براحـتكـ
حمزه : زعلتى ليه
منه : ولا حاجه .. بس انا جايه اقعد معـاكـ يا امـا تكلمنى عنهـا يأما تبقي سرحـان
حمزه : احلامـ خلتنـى مش ع بعضي .. متعرفيش بقيت اغير عليهـا ازاي .. لما تعبت النهـارده .. كنت هتتجنن من الخوف عليهـا .. كان هيحصـلي حاجه بجد .. احلامـ خلتنـى عاشق .. عشقتهـا يا منه
منه : احلام وصلت للي محدش فينـا عرف يوصله
حمزه : يعنى ايه
منه : انا عازمه نفسي عندكـ الليه
حمزه : تنوري بس اشمعنـا
منه : اشوف اللي دوبتكـ كده يا حمزه
احلامـ واقفه ف الشباكـ وباصه ع الجنينه وافتكـرت امير وحست انهـا مخنوقه ومسكت راقبتهـا واتنهدت .. بعديهـا شافت عربيه وسـامـ نزلت اوووامـ عشان تفتحله الباب
اول ما فتحت الباب رفعت حاجبهـا : دي مين دي بقي ان شاء الله
منه : (حبت تعمـل شويتين تدايق بيهمـ احلامـ نزلت حمزه من العربيه وفضلت ماشيه بالكرسي وشويا وتضحكـ وتهزر معـاه ) هههههههههههه فظيع يا ميزو
احلام : ميزو !! ازيكـ يا حمزه
منه : احمـ .. انتى احلامـ بقي .. حمزه مالهوش كلامـ غير عليكـي مش كده يا ميزو
احلام : اه انا احلامـ تصوري
منه : مالكـ بتكلمينـى كده ليه
احلامـ : وانا كلمتكـ اازاي بقي
حمزه : هتفضلوا واقفين ع الباب كده
احلامـ : اتفضلوا
حمزه : (شد احلامـ من درعهـا )وحشتينى
احلامـ : مين دي
حمزه : بقولكـ وحشتينـى
احلامـ : وانت وحشتنى بس مين دي
حمزه : زملتى من ايامـ الكليه
احلام : وزملتكـ تقولكـ ياميزو
منه : يلا ياميزو فينكـ
احلام : (اتعصبت ) اتفضل كلمهـا ياميزو
اميمه : ازيكـ ياحبيبتى
منه : طنط اميمه .. انتى مبتكبريش خالص .. شكلك بنت ميزو مش مامته خالص
6=ج2=منه : طنط اميمه .. انتى مبتكبريش خالص .. شكلك بنت ميزو مش مامته خالص
اميمه : هههههههههههه لسه بكاشه زي ما انتى
منه : وحشانى يا طنط .. انا هقولكـ يا ميمي بقي
اميمه : طبعا قولي اللي عاوزاه
منه : فاكر يا ميزو سهرنا ف الفيلا دي ولا لمـا نمت وانت شلتنـى ونيمتنى ف اوضتكـ
احلام : (بصت لحمزه وبرأت ) شلتهـا ؟
منه : عادي يا لولو ميزو لو كان لسه بيمشي كان شالنـى تانـى احنا اخوات يا حبيبتى
اميمه : بس يابت بقي خلاص كبرتوا
منه : انا وميزو مبنكبرش ع حاجه يا ميمي
احلامـ : عن اذنكـوا
حمزه : احلامـ استنـى (بص لمنه ) ايه لزمه الكلامـ ده دلوقتى
منه : هي اللي اوفر .. المفرود يا ابنى يكون فيه ثقه
حمزه طلع لاحلامـ : احلامـ عشان خاطري متزعليش من كلامهـا
احلامـ : تصدق ان مافيش فايده فيكـ يا حمزه
حمزه : انا يا احلامـ
احلام : جايبهـا تغظنـى ومش قادر ترد عليهـا وترد اعتباري وتقولهـا انا دلوقتى متجوز
حمزه : انا معرفتش ارد اتلخمـت بكلامهـا والله
احلامـ : ماشي يا حمزه .. اعمل اللي يريحكـ .. انا اصلا ماليش حق انى ازعـل .. انا مجرد (قاطعهـا )
حمزه : متكمليش .. انتى ست البيت ده ومراتـى اللي منوره حياتى واللي غيارتهـا .. اللي رجعتنـى تانى للحياه .. اللي علمتنـى معنـى العشق .. انتى مش عارفه قيمتكـ عندي يا احلامـ
احلامـ : بجد ياحمزه
حمزه : بجد يا عيون حمزه (مسكـ ايديهـا وباسهـا ) ايه رأيكـ ننزل تحت ونغطيهـا ونطفشهـا
احلامـ : (فرحت وبنظره شريره ) سبلي الموضوع ده عليا
حمزه : ههههههههههههههه عامله زي ريا وسكينه
تانى يومـ
حمزه لبس وراح محل دهب .. وجاب لاحلام خاتم شكله حلو اووي وحطه في علبه حمرا
وراح تابع حاجات ف الشغل واليوم كله كانت قاعده احلام مع وسام بتفكر في اللي قاله
احلام : انت ايه رأيك .. ادي فرصه لبابي
اميمه : (دخلت ) يلا قومي البسي
احلام : هروح فين
اميمه : مفجأه
احلام : فين يا طنط طيب
اميمه : انتى عبيطه بقول مفجأه .. خدي الفستان ده البسيه
احلام : فستان احمر ليا انا
اميمه : ايوه ليكي اامال ليا .. انا خلاص راحت عليـا
احلام : طيب ووسام
اميمه : هاتي وسام انا هقعد بيه .. خلصي بس وجهزي نفسك
احلام : حاضر
لبست احلام الفستان الاحمر كان كات وتحت الركبه شويا ولبست كعب احمر والروج احمر وسيبت شعرها وجبته علي جمب
نازله احلام من علي السلم
اميمه : بسم الله مشاء الله
احلام : بجد حلو
اميمه : طالعه قمر
احلام : شكرا اووي .. بس هنروح فين يا طنط
اميمه : قصدك هتروحوا فين .. (وفتحت الباب وكانت في عربيه واقفه قدام الباب ) يلا اركبي
احلام : (فتحت الباب وبتركب بصت لقت حمزه ) انت اللي عامل كل ده
حمزه : اطلع يا عبده
احلام : فهمنى رايحين فين
حمزه : هصالحك
احلام وحمزه نزلو قدام مطعم كبير اووي زي نظام كلاسيكي كده ونظامه قديم في ناس بتعزف فيه وحاجات من دي
احلام : حلو اووي المكان ده
حمزه : مش احلي منك يا احلام
احلام : (بكسوف ) شكلي حلو بجد
حمزه : قمر اووي
احلام : وانت كمان شكلك حلو بالبدله
-تتطلبوا ايه
حمزه : المدام هي اللي هتتطلبلي
احلام : اممم اذا كان كده هات اتنين سويسرول بالدجاج
- تحت امرك يا فندم .. تحبوا تشربوا ايه
احلام : لا البيه هو اللي هيطلب
حمزه : ههههههههههه طيب ياستى هات اي حاجه فريش
- تحت امرك
احلام : بس حلو اوي المكان ده بجد
حمزه : عجبك بجد
احلام : جدا .. شكرا
حمزه : (طلع من جيبه العلبه وفتحها )
احلام : الله
حمزه : (مسك ايديها ولبسوهلها وباس ايديها ) بحبك
احلام :----
حمزه : بحبكـ يا احلامـ
احلامـ : بس انا مربيه عندك
حمزه : تقبلي تتجوزينى بجد
احلام : مانا مراتكـ انت نسيت
حمزه : لا مراتى بجد
احلام : تؤ
حمزه : كنت عارف انك مش هتقبلي بواحد زيه
احلام : ليه بتقلل من نفسكـ .. حمزه خلي فيه ثقه في نفسكـ .. حتى لو انا مقبلتش .. اكيد ربنـا هيبعتلك اللي تحبـكـ .. واانا اهو موافقه
حمزه : (بأستغراب ) موافقه تتجوزينى
احلام : (هزت دماغها بفرحه ) موافقه
حمزه : والله بحبك اووي انا اول مره احب كده انا عارف انك مش بتحبينى
احلام : (حطت ايديها علي بوءه ) ششششششششش انا شكلي كده والله اعلم هحبك
حمزه : احلام ده اسعد يوم ف حياتـى (مسك ايديها وباسهـا )
احلام : (فرحت من الحركه دي ) معـاكـ بحس بأحساس تـانى .. بس انا خايفه
حمزه : من ايه
احلام : كل لحظه حلوه بعيشهـا معـاكـ .. بتبوظهـا يا حمزه .. زي يوم الحسين .. نمت مبسوطه وانت نكدت عليا تانى يوم
حمزه : حلمت بكـابوس يا احلامـ .. حلمت انكـ بتقوليلي
فلاش باكـ
حمزه قاعد ع كرسي متحركـ .. ومطلع لاحلامـ علبه حمرا ..: تتجوزينى يا احلامـ .. انا بحبك
احلام : ههههههههههههههههههههههه
حمزه : بتضحكي ع ايه
احلام فجأه قامـت وجه راجل احلام حضنته : عشان انا عمري ماهكـون غير لاحمد
حمزه : بس انتى مراتى انا ..
احلام : ههههههههههههه وانت فاكر انى هحب مشلول زيكـ ف يوم من الايـام
حمزه : بس ده مكانش كلامكـ معايا
احلام : اديكـ قولت كلامـ .. انا بحب احمد .. ومش هتجوز غيره فاهم ههههههههههههههه قال اتجوزك انت قال (ومسكت ايد احمد ومشيت )
حمزه : لا يا احلامـ .. متروحيش معاه .. متسبنيش .. متوجعيش قلبي اللي حبـكـ
احلام : هههههههههههههههههههه
ف الوقت الحالي
حمزه : عشان كده كمان لما امير جالك .. كنت خايف عليكي اووي تسبينى
احلامـ : بس انا مش كده .. انا عمري ما هعمل فيكـ كده .. واحمد ده مبقاش ف حياتى صدقنـى
حمزه : (مسكـ ايديهـا ) بجد مش هتسبينى
احلام : تؤ عمري ماهسيبك
حمزه : بحبكـ اوووي
احلام : وانا كمـان
حمزه : قوليهـا خليها تطمنى
احلام : انا كمان بحبك
حمزه : ايوه بقي
احلام : (فجأه وشها اتغير )
حمزه : مالك
احلام : مافيش عادي
- اتفضـلوا
حمزه : شكرا .. احلام .. بتبصي علي مين
احلام : ها ابدا لا ولا حاجه
حمزه : طيب يلا كلي
احلام : (قعدت تلعب في الطبق وسرحانه )
حمزه : ايه رأيك في الاكل
احلام : اه جميل
حمزه : كذابه .. لانك مبتكليش
احلام : لا ازاي باكل اهو (وبتبص قدامها )
حمزه : انتى تعرفي اللي هناك دول
احلام : لا طبعا معرفهمش
حمزه : (بضحكه سوسه كده ) وانتى عارفه انا اقصد علي مين
احلام : ها .. لا .. بس انا اقصد يعنى انى معرفش حد هنا
حمزه : لو مدايقه نقوم نمشي
احلام : لا ابدا
احمد كان قاعد في الطرابيزه اللي مقبليهم
وبص لاحلام .. انها تطلع بره يحكي معاها
وحمزه خد باله بس مرداش يبين ليها
احلام : حمزه هو الحمام منين
حمزه : من هناكـ .. تحبي اوصـلكـ
احلام : لا هروح بسرعه واجي
حمزه فضل عنيه علي احلام وحرك الكرسي يروح يشوفها رايحه فين واقف بعيد شويا
احمد : وحشتينى اووي
احلام : انت عاوز منى ايه تانى
احمد : عاوز نرجع بقي كفايه فرقه
احلام : ده بعينك .. انا بحب جوزي
احمد : مش هيبقي زي حبك ليا
احلام : والله ما بقيت بحبك اصلا .. انا كنت بحبكـ .. انا دلوقتى عايشه لحمزه وبس
احمد : المشلول ده
احلام : متقولش عليه كده .. المشلول اللي بتتريق عليه ده احسن منك .. وارجل منك ده يعلمك معنى الرجوله .. علي الاقل هو مسبنيش زيك لما احتجتله
احمد : مش بطيق اشوفك مع غيري
احلام : (بضحكه استفزاز ) بس غريبه مبحسش بأي حاجه لما بشوفك مع غيري .. عشان مبقتش تفرق معايا
حمزه رجع علي طرابيزته بسرعه
احمد : ارجعيلي
احلام : جيت متأخر .. انا بحب واحد تانى دلوقتى
احلام : سوري اتأخرت
حمزه : كل ده في الحمام
احلام : بعدل الميك اب
حمزه : مع انك حلوه من غير حاجه
احلام : عشان عنيك اللي شيفانى
حمزه : عارفه لو كنت بمشي علي رجلي كنت قومت رقصت معاكي سلو .. اسف عشان مقصر معاكي في حاجات كتير متجوزه نص راجل تقربيا
احلام : بطل هبل .. متقولش كده .. خليك هنا ثوانى
حمزه : هتعملي ايه
احلام : هتشوف
احلام راحت للي بيعزفوا انهم يرقصوا علي اغنيه رومانسيه
وجت جمب حمزه وقلعت الكعب ومشيت حفيه قدام الناس ومسكت الكرسي وزقته لحد المكان اللي هيرقصوا فيه
حمزه : بتعملي ايه
احلام : (قعدت علي ركبها ) هنرقص
حمزه : (استغرب اوي من موقفها .. ضحت واتخلت عن برستجها عشان تفرحه ويرقصوا سوا ) انتى ازاي كده
احلام : عشانك بقيت كده
حمزه : (حط ايده حوالين وسطها وهي حوالين رقبته وبدأو يرقصوا اه كانوا بيرقصوا بصعوبه بس كان بالنسبه ليهم فرحه كبيره اوووي ) .. انتى مجنونه وجننتينى معاكي
احلام : من النهارده مافيش غير الجنان معاك
حمزه : وعد
احلام : وعد
بعد الرقصه الناس كلهم قاموا سقفوا ليهم واتبسطوا انهم لقوا حد زي كده يعمل كده وميهموش شكله قدام الناس وكل ده عشان حد بيحبه بجد
********************
روحوا البيت
حمزه : (ماسك ايدها) اتبسطي
احلام : جدا
حمزه : هتنامى فين
احلام : جمب ويسو
حمزه : هييييييح طيب
احلام : (ضحكت ) هو ايه اللي هييييح
حمزه : يعنى مافيش اي حاجه كده قبل ماتدخلي اوضتك
احلام : امووواه
حمزه : بس
احلام : تصبح ع خير ياحمزه
حمزه : طيب وانتى من اهله
احلام دخلت وقفلت الباب
حمزه خبطت
احلام : (فتحت وسندت علي الباب بدلع ) نعم
حمزه : هتنامي
احلام : ايوه هنام الله
حمزه : طيب مافيش حاجه ليا طيب
احلام : ادخل نام ربنا يهديك
حمزه : طيب انا داخل
احلام : ماتدخل
حمزه : طيب اسلم علي ويسو
احلام : اتفضل
حمزه : ييازقرد وحشتينى
احلام : يلا بقي ممكن عشان انام
حمزه : ماتيجي نقعد في الجنينه شويا
احلام : حمزه .. يالا قوم نام
حمزه : حاضر .. نام نام .. هو انا ورايا مدرسه بكره
احلام : بطل لماضه الله
حمزه : تصبحي ع خير
احلام : وانت بخير ياسيدي
بعد ما قفلت الباب حمزه خبط تانى
احلام : ياواد عاوز ايه .. حد يشوفنـا يقول علينا ايه عشاق
حمزه : بحبكـ يا احلامـ
احلامـ : (باسته ) وانا بحبكـ
دخل حمزه الاوضه وكان مبسوط اوووي واحلام قلعت الكعب وقعدت تتدوخ في الاوضه واترمت علي السرير وحطت ايدها علي بوءها : سوري يا ويسو ..بس بابي فرحنى اوي النهارده .. شوفت جبلي ايه .. ولا عنيه ياويسو وهو باصصلي وبنرقص هييييييييح بقي.. بابا ده جوه طيب اوي يا ويسو .. عارف انا هعمل لبابا مفجأه بكره .. تيجي تعملها معايا
************************
حمزه صحي تانى يوم الصبح لقي حاجه بتزغزه في رجله بيبص
(للمره التانيه حمزه مش مشلول بمعنى مشلول للناس اللي هتقول ان المشلول مش بيحس برجله )
حمزه : (اتخض وهو نايم بص لقي احلام ووسام بيلعبو في رجله ) بتعملو ايه
احلام : ههههههههههههه بص ويسوا عملك ايه
حمزه : هههههههههههه يا مجانين .. بقي ويسو بردو (بص علي وسام لقاه قاعد بيضحك ) انت اللي عملت كل ده يا مجنون انت يخربيت حلوتك بموت فيكـ
احلام : انا اللي خليته يعمل كده علي فكره
حمزه : ههههههههههههههههههه عاوزه ايه يعنـى
احلام : (حدفته بالمخده ) مش عاوزه حاجه
حمزه : (ردلها الضربه ) طيب اهو
احلام وحمزه قعدوا يلعبو بالمخدات لحد ما اتفكـت والريش وقـع منهـا
حمزه مسك احلام : بحبك
احلامـ : وانا بمــوت فيك
حمزه : ايوه بقي
اميمه دخلت : يا مجانين .. انتو عيال عشان تعملو كده
حمزه : والله ياماما .. احلام ووسامـ هما اللي بهدلوا الدنيا كده
اميمه : احلام ووسامـ بردو .. يلا الفطار جاهز
احلام : (بعد ما اميمه خرجت ) بقي احلام هـا ..(وقعدت تزغزغه وفرحت اوووي لما شافت ضحكته )
حمزه : يابت بس بغير الله
احلام : طيب يلا قوم كفايه كده عشان انا نعست (وقامت تنام مكانه)
حمزه : (اتسند علي السرير عشان يقوم ) حاسبي كده
احلام : (كانت اول مره تعرف انه بيحرك رجله عادي قامت من نومها ) انت مش مشلول يا حمزه؟؟
حمزه : اه مشلول
احلام : ازاي وانت بتحرك رجلك
حمزه : انا عندي عجز في رجلي بس بحس بأي وجع فيهـا واي تعب وبحركها بس بصعوبه اووي ومن كتر ما انا مش بمشي بيها الموضوع بقي بجد وساعات مبحسش بيها ومبقدرش احركهـا .. فهمتى
احلام : وانت ازاي ساكت
حمزه : عادي بقي .. يلا اطلعوا عشان هغير
احلام : طيب يلا عشان نفطر
خرجت احلام من الاوضه وبتفكر في حاجه تعملها لحمزه
اميمه : صباح الخير
احلام : صباح الخير يا طنط .. انا هستأذن بس النهارده اسيب وسام معاكي
اميمه : وماله يابنتى
احلام : شكرا اووي يا طنط
بعد ماخلصـوا اللي وراهم نزل حمزه علي الشغـل
واحلام راحت لمامتها
سحر : حاضر ياللي علي الباب
امنيه : ماما ماما ماما
سحر : في ايه يابت حد بيجري وراكي
امنيه : جالي عريس
سحر : بجد ومين اللي امه دعيا عليه ده
امنيه: ايه ياماما .. الله مقولتيش كده ليه لاحلام .. بس كل حاجه امنيه متفرحش بيها (عملت مقموصه )
سحر : نفس الاسطوانه .. ارغي وقولي مين
امنيه : زياد اخو سندس صحبتى
سحر : بس ده لسه صغير
امنيه : 24 سنه صغير فين بقي
سحر : انتى اصلا شكلك موافقه
امنيه : الصراحه (وبصت بعيونها يمين وشمال ) ااااه
سحر : خلاص يابنتى خليه يجي ونشوف
فلاش باكـ
احلامـ : مونى اخبـارك مع زياد ايه
امنيه : ما لو كنتى بتسألي كنتى تعرفي
احلامـ : حقكك عليا اناا اسفه
امنيه : ماشي ع العمـومـ اتصلت صالحته وعرفته انى مش بخونه .. وانى بحبه هو مش حد تـانى .. وخلاص سامحنى
احلامـ : خليه بقي يتشملل عشان خالد عاوز يطلب ايدكـ
امنيه : خالد مين !! .. نهار اسود
الوقت الحالي
الباب بيرن
سحر : شوفي مين
امنيه :
احلام : وحشتونى اوووووي
سحر : ايه يابنتى الغيبه دي
احلام : هتفضلوا موقفنى كده
امنيه : وحشتينى يا لولو
احلام وانتو وحشتونى اوووي
سحر : ادخلي يابنتى ده بيتك .. احكيلي عامله ايه مع جوزك مريحك ولا بينمك زعلانه
احلام : انا بحب حمزه ياماما
سحر : ايه ؟
احلام : بحبه وبحبه اوي كمان .. امبارح خرجنا روحنا مطعم ورقصنا سلو واتبسطنا وجبلي خاتم ليا
امنيه : معلش بس رقصتو ازاي وهو كده
احلام : قلعت الجزمه وقعدت علي ركبي ورقصت معاه عشان محسسهوش انه عاجز عن حاجه او فيه حاجه مختلفه عن باقي الناس
سحر : الف نهار ابيض يابنتى .. فرحتينى اووي ياحبييتى
احلام : عارفه كمان شوفت مين امبارح
سحر &امنيه : مين
احلام : احمد
سحر : تانى احمد
احلام : احمد مبقاش يلزمنى اول مره اشوفه متوجعش شوفته مع مراته ومدايقتش بالعكس محستش بأي شعور ناحيته .. حسيت بحبي الزايد لحمزه
سحر : اختك كمان جالها عريس
احلام : الله بجد مين
سحر : اخو صحبتها
احلامـ : زياد
سحر : وانتى ايه عرفكـ انه هو
*************************
احلام في الشركه عند حمزه
احلام : حمزه بيه موجود
السكرتيره : ثانيه اديله خبر
احلام : انا مراته
السكرتيره : اه انا اسفه اوووي اتفضلي
احلام : شكرا (دخلت ) ايه رأيك
حمزه : جيتى هنا ازاي
احلام : سألت عمو قاسم .. يلا قوم معايا
حمزه : فين
احلام : مفجأه
حمزه : زي امبارح
احلام : تؤ مفجأه هتفضل معاك طول عمرك
حمزه : لما نشوف ياستى
منه جت وهمـا قاعدين
منه : بيبي اتأخرت عليك
حمزه اتحرج اووي ومبقاش عارف ينطق
احلامـ : (رافعت حواجبهـا ) بيبكـ !!
منه : (خدت بالها ان مراته هنا ) سوري معرفش ان انتى هنـا يا احلامـ
احلامـ : (بتبص لحمزه بعصبيه )
حمزه : ازيكـ يا منه اتفضلي
احلامـ : طيب عن اذنكـوا انا
حمزه : (مسكـ دراعهـا ) استنى
احلامـ : (اتوجعت بس مبينتش ) حمزه سيب ايدي
حمزه : هخلص معـاها وننزل سوا
احلامـ : طيب بتوجعنـى حاسب
منه : عملتلكـ مشاكـل يا ميزو
حمزه : معلش بس كنا خارجين
منه : تحب اجي معـاكـوا
احلام :
حمزه : ما دي مفجأه من احلامـ معرفش لسه هتودينـى فين
احلامـ : معلش مافيش نصيب انكـ تيجي
منه : طيب هكلمكـ بليل .. يلا باي
احلامـ : (بعد ما منه مشيت بصت لحمزه ) انت مستفز
حمزه : يابت والله ما اعرف انهـا هتيجي
احلامـ : ع راحتـكـ .. بس متبقاش تزعل لمـا حد من ايامـ الكليه يجيلي وينطلي 24 ساعه
حمزه : ده اانا اموتكـ.. بغير عليكيي اووي يا احلامـ
احلام : (نزلت قعدت قدامه ومسكـت الجاكيت بتاعه وبدلع ) ما انا كمان بغير عليكـ اووي خصـوصا انكـ حلو وكل البنات ممكن تبصـلكـ
حمزه : بجد انا حلو ف عيونكـ ؟
احلامـ : اووووووي يا حمزه
حمزه : انتى عملتى فيا ايه سحرتيلي ولا ايه يا احلامـ
احلامـ
احلام خرجت هي وحمزه وهى ماشيه ماسكه الكرسي وهي اللي بتزوق حمزه
حمزه : مركز طبي (بص لها ) جاين هنا ليه
احلام : عشان تمشي علي رجلـكـ
حمزه : بس انا مرتاح كده
احلام : بس انا مش مرتاحه كده
حمزه : بتستعري منـى يا احلامـ
احلامـ : لو كنت بستعر منـكـ مكنتش خرجت معاكـ امبارح ولا رقصت معاكـ .. بس انا مش عاوزاك تحس بالنقص
حمزه : (مسك ايديها وباسها ) انتى بتكملينى
احلام : طيب يلا نطلع
***************
في مكـان بعيد اوووي وسطـ صحرا
موجود بيت صغير
وفيه شخص عمال يكسر ف كـل حاجه ف البيت
امير : هجيبكـ يا احلامـ هجيبكـ ولو كنتى فين .. هرجعكـ ليـا تانى يا حبيبتى
هتكونـى ملكـ ليـا انـا وبس
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
