رواية جعلتني عاشقا الفصل العاشر (10) والاخير بقلم أسماء أحمد حصريه وجديده على مدونة النجم المتوهج للروايات والمعلومات
 |
احلام ماشيه في الشارع وقلعت الكعب وماشييه تتطوح وعماله تضحك
احلام : كله كوم ولما وقعت وانت خارج من الحمااااام هههههههههههههههه
حمزه : ههههههههههههههههههه الله يفضحكـ مش بدل ما تقومينـى وقعتـى جمبي تتضحكـي
احلام : همـوت واعرف عملتها ازاي دي ده انت نزلت كده (بتمسل بأيديها )
حمزه : كان البنطلون هيقع منى ههههههههههههههههههه
احلام : تخيل لو كان وقع وانت ماشي كده ههههههههههههههههههه وبتجري ف نص المطعم هههههههههههههههههههه هتبقي مسخره ياجدع
حمزه : بس يابت حد يقول علي جوزوا حبيبو جدع
احلام : يعنى انت مسكت ف جدع وسبت مسخره .. ههههههههههههههههههه
حمزه : (مسك احلام من دراعها جامد عشان يفوقهـا ) فوقي بقي يابت انتى شربتى ايه عشان تهيسي كده
احلام : ها انا
ههههههههههههههههههههههههههههههههههه مش عارفه
حمزه : يامجنونه رايحه فين بيتكوا اهو
احلام : احم احم خلاص انا فايقه اهو ههههههههههههههه بس بجد خلاص يلا انت هتروح منين
حمزه : والله انا مش عارف
احلام : ماتطلع
حمزه : لا ياستى عيب حماتى مسمحتليش
احلام : ياخساااره معندناش اوضه سريه زي عندكوا بس يلا روح بقي
حمزه : انتى ما بتصدقي .. استنى يا حجه (وطلع معاها )
*************************
تانى يوم صحيت سحر لقت حمزه نايم بره ع الكنبه ومتغطي
سحر دخلت الاوضه لاحلام كانت لسه صاحيه
احلام : (بتتمطع ) امممم صباح الخير
سحر : ليه حمزه بيت هنا
احلام : هو لسه نايم
سحر : انا مش عارفه انتى اللي بتعمليه ده صح ولا غلط
احلام : حمزه ده جوزي ياماما واانا روحت بليل اوووي معاه امبارح .. مكنش ينفع اسيبه يروح 4 الفجر لوحده
سحر : تقوميه تبيتيه هنا
احلام : (بتعمل نفسها خارجه من الاوضه ) لو مش طيقاه وجودي انا وجوزي نمشي
سحر : (مسكتها ) يابنتى انا كل ده عشانك خايفه تتجرحي منه .. انا عارفه انك بتحبيه وهو بيحبك .. بس صدقينى يا احلام الجرح مبيجيش غير من اللي بنحبهم
احلام : صح يا امي .. متخفيش عليـا يا قلبي
سحر : ربنا يهديكي يابنتى
************************
يوم العيد ميلاد
احلام قاعده مع تسنيم
احلام : ينهار اسود
تسنيم : ايه يابت
احلام : مش فاكره انا حطيت تحليل بتاعتى انا وحمزه فين .. ده لو شافها هيروح فيها
تسنيم : دوري طيب ف بيتك
احلام : لا مفتكرش انى حطتها في البيت لا .. دي لازم ف اوضه وسامـ لما قومت الصبح يوميهـا وحطتها عند وسـامـ اااااوف اصلا انا غبيه واحده زي غبيه
تسنيم : خلاص اليوم لما تروحي وتحتفلوا .. ادخلي الاوضه وخدي الحاجه منها واطلعي ولا من شاف ولا من دري
احلام : تفتكري
تسنيم : اكيد
بليل
habby birth day to you
happy birth day 7mza happy birth day to you
سنه حلوه ياجميل .. سنه حلوه ياجميل .. سنه حلوه يا حمزه .. سنه حلوه يا جميل ..
احلام : كل سنه وانت معايا
اميمه : كل سنه وانت طيب يا ابنى
حمزه : انا بقالي كتير متعمليش عيد ميلاد .. بجد مش عارف اقولكوا ايه
اميمه : متقوليش انا قول لاحلام هي اللي عملت ده كله
احلام : متبلغيش يا طنط انا عشان حمزه اعمل اي حاجه
حمزه : (حضنها وشالها ) حمزه ده بيعشقكك اوووووووووي
احلام : ههههههههههههههههههههه نزلنى ياض
حمزه : فين هديتى بقي
احلام : (لسه رايحه تجيب الهديه )
سمر : انا هقولك ايه هي هديتكـ اللي احلام محضرهـالك
احلام : (بصه مصدومه )
حمزه : انتى ايه جابكـ
سمر : نسيت اننا هنتجوز ولا ايه
حمزه : وقولتلكـ امشي من هنـا
سمر : (قعدت علي الكرسي وحطت رجل ع رجل ) تؤ مش قبل ما تعرف نتيجه التحليل
احلام : سمر بعد اذنك عاوزاكي
حمزه : استنى انتى يا احلام .. ها قولي نتيجه التحليل .. انتى كمان مبتخلفيش
احلام : حمزه ارجوك استنى .. سمر والنبي اسكتـى وتعالي نحكي شويا
سمر : انا النهارده ناويه ادمرك (بصت لحمزه ) مش انا اللي طلعت مبخلفش يا حمزه
*الكذب مالهوش رجلين مهمـا حاول يقومـ مسير يجي يوم ويقع *
https://www.youtube.com/watch?v=CSAilFKn2Fs%3D
احلام : خلاص بقي والنبي اسكتى
حمزه : (مذبهل ) مش فاهم
احلام : انا هفهمك يا حبيبي سمر متقصدش ده
سمر : لا اقصد .. انت ياحمزه اللي عندك عقم ..
ونستنتج من ده ايه ايه (بصتله ورفعت حاجبهـا ) ان ميسا مراتك خانتكـ ووسام ده مش منكـ
احلام : بس بقي كفايه .. انتى ايه معندكيش قلب .. مبتحسيش
حمزه : (بيضحك بصدمه ) ازاي يعنـى مش فاهم
احلام : حمزه حبيبي .. متصدقش اللي هي قالته دي انسانه مريضه صدقنى
سمر : كفايه بقي تطلعينى وحشه .. ايوه انت مبتخلفش .... انت مش راجل فهمت.. ودليل ع كده ان مراتكـ خانتكـ والله اعلم مع كام واحد عشان تجيب وسام
اميمه : ايه اللي بتقوليه ده ياسمر .. انت اتجننتى
سمر : انا متجننتش .. وتحاليل احلام سليمه وتحليل ابنك هي اللي بايظه خالص ..
(مسكـ حمزه منهـا التحاليل .. وبص فيهـا ) : كذب .. كل ده كذب .. تحاليل مزوره.. صح يا احلامـ .. ده مزور صح
سمر : لا .. اعمـل لابنكـ تحليل DNA
مش هتلاقيه ابنك
حمزه : (مصدوم)
احلام : حبيبي رد عليا متفضلش ساكت كده .. صرخ عيط زعق كسر اي حاجه قدامكـ بس متسكتش
حمزه : ----
احلام : (انهارت من العيـاط) حمزه والنبي قول حاجه .. صدقنى وسـام ابننا
حمزه قام ودخل ع اوضته وقفل ع نفسه البـاب ..
احلام : (بتخبط وترزع ف الباب ) حمزه افتح افتح ارجوكـ .. متعملش فيا انا وانت كده .. افتح طيب خلينى اخدك ف حضنـى واطمـنك .. والله انا ماكذبت عليـكـ
الشاشه تتقسم نصين والاتنين ساندين علي الباب وقاعدين وراه
احلام : انا عملت كل ده عشان بحبـكـ .. عشان احافظ ع بيتى وعليك وعلي ابننا وسـام (بتخبط علي الباب وبتعيط ) افتح بقي ياحمزه والنبي .. والنبي ماتعمل فيا كده ... (مسحت دموعها ) حمزه حمزه والنبي اوعي تعمل ف نفسكـ حاجه .. والنبي اوعي يا حمزه انا والله ماليش غيرك .. ضحيت بكل حاجه عشانك وعشان سعادتكـ .. اتحملت اشوفكـ مع واحده غيري بس عشان مجرحكش .. كان عندي امـل انكـ تخف وتجيب ولـد حتى لو مش منـى .. امـلي انكـ تخف كان اكبـر من جرئتى انـى اقولكـ متتجوزش يا حمزه
حمزه : زيكـ زيهـا يا احلـام هي خانتنى وانتى خنتينى بكذبكـ عليا
احلامـ : لا والله مكانش قصدي كده .. خفت ع مشاعركـ .. خفت تنهـار وانا بحبكـ..بحب اشوفكـ مبسوط حتى لو ع حساب سعادتى
حمزه قاعد ورا الباب بيعيط : وانا قدمتلك ايه بمقابل ده كله.. ولا اي حاجه .. كنت دايما بفكر ف نفسـي وبس .. سبتك بره البيت شهر .. وفكـرت اتجوز ومهمنيش مشاعرك .. جرحتك وقولتلك مبتخلفيش .. حرمتكـ من انكـ تكونـى ام
احلام : (بتمسح دموعها ) طيب افتح الباب نتفاهم.. والنبي تفتح الباب بقي ..
حمزه : انا مش هفتح الباب وحلي عنـى بقي .. روحي شوفي حياتك يابنت الناس .. ليه قاعده معاايا انا ..
احلام : انت حياتى وانت حالي .. ده بيتنا يا حمزه والنبي ماتوجعلي قلبي اكتر من كده
حمزه : محدش عارف انا قلبي موجوع قد ايه كل الناس بتخون يا احلامـ
احلام : انا غير كل النـاس .. انا حبيبتكـ انا قادره ادويلك وجع قلبك بس خلينى جمبكـ
حمزه : روحي يابنت الناس شوفي حياتك واتجوزي وخلفي .. انتى بتخلفي عادي بس انا اللي عاجز عن ده .. انا اللي عندي عقم .. انا اللي مراتى خانتـنى يا احلامـ .. قالتلي سامحنـى قبل ما تموت بس انا عمري ماهسامحهـا
احلام : طيب بص اهدا وكل حاجه هتتحل
حمزه : عمر مافي حاجه هتتحل يا احلام .. حياتى باظت .. كله خاين .. وانتى يااحلام كنتى حامل من مين انتى كمان
احلام : انا عملت كده عشان مقولكش ع الحقيقه
حمزه : ههههههههههه حقيقه انى عندي عقم صح .. حقيقه انى نص راجل
احلام : حمزه والله انت سيد الرجاله كلهم
حمزه : (بيفتح الباب احلام تقوم بسرعه وتحضنه وهو يبعدها عنه) احلام انتى طالق
احلام : ---------------
حمزه نزل وبيسوق العربيه بأقصي سرعه وهو عمـال يعيـطـ
ميسا : سامحنـى والنبي يا حمزه .. متقسـاش ع ابننـا .. سامحنـى يا حبيبي
سمر : ميسا خانتكـ عشان تجيب وسـامـ
احلامـ : انـا حامل
ميسا : متزعلش منـى والنبي يا حمزه
احلامـ : انا مردتش اقولكـ الحقيقه عشان مجرحكش
سمر : انا متجننتش .. وتحاليل احلام سليمه وتحليل ابنك هي اللي بايظه خالص ..
حمزه : (حط ايده علي ودانه وساب الدريكسون ) كفايه بقي كفايه كفايه كفايه
***************************
10=ج2=اميمه : اهدي يا احلام .. انتى عارفه الظروف اللي بيمر بيها .. والنبي تخليكي جمبه الفتره دي
احلام : بعد ده كله يطلقنى .. حمزه خلاص كرهنى يا طنط
اميمه : ابنى معزور مره واحده ابنه مطلعش ابنه .. ومراته طلعت الله يسامحها بقي.. وانتى خبيتى عنه
احلام : كنتى عاوزانى اجي اقوله ايه .. مراتك خانتكـ وانت مبتخلفش صح
اميمه : كل اللي عاوزاه منـك بس انك تصبري عليه .. وتخرجيه من اللي هو فيه .. انا املي فيكي يابنتى دلوقتى
احلام : (بتتنهد بصمت ) عن اذنك اشوف وسـامـ
احلام : صباح الخير ياحبيبي (بتبص لوسام وبتسرح ) ايه هيبقي مصيري انا وانت يا وسام .. ياترا بابا هيعمل ايه معانا .. هيخلينا معاه ولا هيرمينـا كده .. بابا كرهنا يا وسـام .. طيب قولي انا غلط في حاجه
اميمه : داده اشرقت .. ياداده .. تعالي لمي هدوم احلام حطيها تانى في الدولاب
داده اشرقت : حاضر ياست هانم .. انا معرفش البيت ده ايه حصـلوا
اميمه : كله منها بقي الله يرحمها .. ضيعت نفسها وضيعت ابنى معاها
***************
تسنيم جت تزور احلام : يا لولو يا بت .. انتى يا زفته فينك
احلام : تعالي ياتسنيم
تسنيم : مالك مكشره كده ليه .. لا بقولك ايه بقي لازم تصحصحيلي كده .. انا هروح اقابله قوليلي البس ايه
احلام : لبسك كله حلـو .. نقي حاجه منهم
تسنيم : (واقفه قدام المرايه ) طيب اعمل انهي تسريحه .. دي .. ولا دي ولا بصي كده
احلام : لمي شعرك احلي
تسنيم : طيب علي الفستان النبيتى .. البس الكعب ولا الكونفرس
احلام : الكعب
تسنيم : يييييييي يا لولو مش قادره اصدق هشوفه بعد كام ساعه .. بجد نفسي تيجي معايا ماتيجي يابت
احلام : يعنى يوم ماتروحي تشوفي حبيبك اكون معاكي
تسنيم : بقيتى عامله زي ام العيال فجأه .. مالك كبرتى مليون سنه كده ليه ومكشره ومديا بوز .. بتتصوري سيلفي حضرتكـ
احلام : تؤ انا كويسه
تسنيم : دي منظر واحده كويسه .. ده حتى حمزه كان عيد ميلاده امبارح (غمزت) ايوه ياعم بقي اللله يسهلو .. بردو مكشره .. طيب تصدقي لو حمزه شافك كده يطلقك فيهـا
احلام : ماهو طلقنى
تسنيم : (دون استيعاب ) شوفتى بقي (استوعبت وبرءت ) اييييييييييييييييه
احلام : (ابتسامه بارده ) طلقنى يا تسنيم
تسنيم : انتى اتجننتى .. احكيلي ايه حصل
احلام : قومي انتى عشان متتأخريش ع معـادكـ
تسنيم : ملعون ابو المعاد .. انتى بتهزري ودي كدبه ابريل صح
احلام : اولا احنا مش ف ابريل احنا ف عز الشتا .. ثانيا لو بهزر هفول ع نفسي ف موضوع زي ده .. والنبي يا تسنيم سبينى ف حالي الله يخليكي
تسنيم : ازاي طيب يابنتى يعمل كده حمزه روحوا فيكي
احلام : سمر شافت التحاليل وراحت قالتله .. واحنا ف العيد ميلاد امبارح
تسنيم : نهار ابوها اسود .. وطيب والمفرود حمزه يقدر ده واللي عملتيه عشانه
احلام : تسنيم والنبي محتاجه اكون لوحدي .. اانا مخنوقه اوووي
تسنيم : انا مش هقدر اسيبك كده .. مش هعرف يا احلام
احلام : روحي وسبينى صدقينى انا هبقي كويسه
تسنيم : متأكده
احلام : (بعياط ) اه متأكده
تسنيم : (حضنت احلام ) لا مش متأكده يا احلام (واحلام انهارت من العياط ف حضنها )
بليل
تسنيم مشيت وجه تليفون لاحـلامـ
- الو حضرتكـ احلام
احلامـ : ايوه مين
- جوزكـ حمزه اتعرض لحادث
احلامـ : ---
اميمه جت جمب احلام : ابنى اتأخر اووي يا احلامـ .. انا قلقانه عليه
احلامـ : (بتبص لاميمه ومصدومه ) حمزه ف المستشفي
راحت احلام واميمه ع المستشفي جري وفضلت احلام باصه عليه من الباب وهو ف العنايه
اميمه : ايه حصـل لابنـى يادكتـور
- متخفيش كسر بسيط ف رجله .. وهو بس جاله انهيار شديد وهو سايق .. ده اللي خلاه يعمـل حادثه .. وشويه خدوش بقي
اميمه : ابنى هيبقي كويس صح
- بعد 24 ساعه هننقله اوضه عاديه .. صحه الاستاذ حمزه حديد
احلامـ : (واقفه وبتتكلم في سرها وبتعيط وحطه ايديها ع الازاز ) انا اللي عمـلت فيكـ كده .. انا السبب ف اللي انـت فيه ياحبيبي .. يارتنـى كنت انا اللي ف المستشفي .. يارتنى ما وجعتكـ كده يارتنـى ما وجعتكـ ياحبيبي
احلامـ فضلت سهرانه جمبه وماسكـه ايده وبتعيطـ
حمزه : (بدا يفوق ) ااااه انا فين
احلامـ : (قامت بسرعه تشوفه ) حبيبي .. متخفش انا جمبكـ
حمزه : رجلي وجعـانى اووي يا احلامـ
احلامـ : سلامـتكـ يا حبيبي .. متحركهـاش بس
حمزه : ايه اللي حصـلي
احلامـ : لمـا تخف هقولكـ ده من شقاوتكـ بس
حمزه : انا تعبان اووي وعاوز انامـ .. اطلعي وسبينـى انـام
احلامـ : انا مش هسيبكـ لوحدك نام وانا هفضل جمبكـ يا حبيبي
حمزه : سبينى لوحدي يا احلامـ
احلامـ : طيب براحه طيب والنبي اهدا .. انا هفضل وافقه برا .. لو احتجت حاجه نادينـى
حمزه : مالهوش لازمه وجودكـ صدقينـى .. انتى مبقتيش مراتى
^^^^^^^^^^^^^^^^^
بعد اسبوعين
حمزه اتحسن وروح تانـى بيته
وكانت كمان رجله بدأت تخف والخدوش بدأت تروح
داده اشرقت مع وسام ف الجنينه
حمزه داخل الجنينه : مين اللي دخل الواد ده البيت
داده اشرقت : هو ممشيش اصلا يابنى
حمزه : الواد ده مش ابنـى ده ابن حرام وامه كانت واحده وس (لسه مكملش )
احلامـ : (جت بسرعه ع الصوت ولحقته ) بس الامـ اللي بتربي مش اللي بتخلف
حمزه : انتـى كمان يا احلامـ مالكيش قاعده ف البيت ده
احلامـ : انت ليه بتعمل معايا كده
حمزه : عشان انا مش هنفعكـ بالعكس انا ظالمكـ
احلامـ : انا مرتاحه وانا معـاكـ
حمزه : انتى كذبتى عليـا وخدعتينى انتى وميسا
احلامـ : بس انا مش ميسا .. فوق بقي كل ده عشان خوفت علي مشاعركـ ..
حمزه : كنتى ع الاقل تصارحينـى
احلامـ : كان صعب اوووي عليا
حمزه : الكذب مهما اداري بيجيلوا يوم ويتكشف
***********************
حمزه ف الشغل
السكرتيره : استاذ حمزه .. مؤنس بيه بره وعاوز يقابل حضرتك وعندك اجتماع بعد ساعه مع الشركه الاجنبيه
حمزه : (سرحان ورافع حواجبه ) ---------
السكرتيره : استاذ حمزه .. سامعنى
حمزه : ها .. طيب موافق
السكرتيره : موافق علي ايه .. مؤنس بيه بره
حمزه : دخليه
مؤنس : اهلا استاذ حمزه .. مبسوط انك وافقت ع العرض
حمزه : مقدميش حل غير كده .. اتفضل اقعد
مؤنس : ف حاجه ولا ايه شكلك تعبان او مرهق
حمزه : مشاكل ف البيت .. خلينا ف المهم
مؤنس : الاجتماع بعد شويا .. وهناقش الملف ده وهنعرضوا عليكوا تحب تشوفوا قبل ما ندخل الاجتماع
حمزه : (بص ع المكتب شاف صوره وسام واحلام رماها ع وشهـا
وفتح الدرج بيقلب ف الملفات شاف صوره لميسا دمه فار وبدأ يعرق ويتخنق )
مؤنس : استاذ حمزه انت كويس
حمزه : (بيشاور ) كويس كويس.. بعد اذنك اروح الحمام
خرج حمزه وجت احلام الشركه .
السكرتيره : مساء الخيرالشركه نورت
احلام : بنورك .. حمزه جوه
السكرتيره : اه اتفضلي
احلام بتقرب من الاوضه لقتها مفتوحه وواحد هو اللي قاعد ع الكرسي وعمال يلف بيه استغربت اوووي .. بتبص من فتحت الباب الصغيره
مؤنس جاله تليفون : الو .. ايوه ياباشا انا في مكتبه اللي قريب هيبقي مكتبك يا ريس .. عيب عليك انا مؤنس بردو (احلام حطت ايديها علي بؤها من الخضه ) هههههههههههههه ده انا مش هقتله بس ده انا هشرب من دمه .. هو انا هنسي انه كان سبب ف افلاس عيلتنا وانه بزمااناته (زمان يعنى ) اخد المناقصه مننا وخسرنا كل حاجه .. ده يصبر عليا بس ابن الكلب ده
احلام : (بان عليها الخضه )
وجت تمشي حمزه جه
حمزه : انتى ايه اللي جابكـ هنا
احلام : حمزه انا جيت ف الوقت المناسب .. لازم تسمعنـى
حمزه : اسمع ايه .. كل الكلام خلص .. وانا خلاص طلقتك .. حلي عنى بقي
احلام : سيبك من طلقنا .. ف مصيبه بتتدبرلك
حمزه : مبقتش اصدقك يا احلامـ .. كدبتى عليـا ف كل حاجه .. خلاص
مؤنس خارج : استاذ حمزه انت كويس .. تعبت فجأه وانا قلقت عليك (بص لاحلام ) دي المدام
حمزه : (بص لاحلام ) لا
مؤنس : اهلا .. طيب يلا ع الاجتماع
حمزه : يلا
احلام : (مسكت ايده ) استنى والنبي .. انا مش مستغنيا عنكـ يا حمزه .. في خطه زباله بتتخطط من وراك .. اسمعنى وصدقنى لو لمره واحده
حمزه : شوفي حالك يابنت الناس .. انا مش محتاج حد (وشد ايدها جامد وزقها )
احلام واقفه ماسكه دراعها عشان وجعها ومش عارفه تروح فين ولا تقول لمين يلحق حمزه .. فكرت تقوله بليل لما يرجع بس خايفه الوقت يفوت
قعدت ف البيت مش عارفه تتصرف ازاي
حضرت جو وشموع وورود ف الجنينه علي امل ان حمزه يصالحها ويسمعهـا
احلام من كتر الوقت اتأخر طفت الشمع ونامت ع الكنبه
حمزه رجع وكان باين انه سكران لقاها نايمه علي الكنبه
جواه حنين انه يحضنهـا ويرجع ليهـا تانى جه يحط ايده علي شعرها بس منع نفسه انه يضعف تانى .. ومشي وسابها
احلام حست بيه : حمزه
حمزه : ها
احلام : ايه رجعكـ متأخر قلقت عليك
حمزه : وتقلقي بصفتكـ ايه
احلام : بصفتى مربيه ابنك ياسيدي
حمزه : هههههههههههههههههههه قصدي مربيه اللي مش ابنك يا اريل يا بئف يا كيس جوافه
احلام : انت سكران ياحمزه
حمزه : اه سكران هتحسبينى
احلام : حمزه احنا لازم نحكي بعد ازنك
حمزه : انا كرهت صنف الستات كلهم .. كلكوا زباله وكدابين .. الواحد يأمنكوا ع حاجه تدوسوا عليها بالصارمه
احلام : انت ايه طريقه كلامكـ دي
حمزه : مؤنس علمهانى عندك اعتراض
احلام : ابعد عن مؤنس ده والنبي ده عاوز يقتلك
حمزه : ابقي استغطي كويس يا لولو .. ال يقتلك ال .. امش هيكـون زي ما قتلتونى
احلام : حمزه فوق بقي فوق
حمزه : ابعدي انتى عنى وانا هفوق وهبقي كويس (وسابها وطلع فوق وهي تحت بتعيط ومش عارفه تعمل ايه )
****************************
تانى يوم حمزه صحي من النوم متأخر ع الشغل
احلام دخلت تصحيه
حمزه : اممممم اقفلي الستاره دي
احلام : يلا كفايه نوم
حمزه : وانتى مالك .. سبينى انام
احلام : لا مافيش نوم
حمزه : انتى زودتى حدودك اوووي .. انتى لا مراتى ولا حتى مربيه سي زفت .. اطلعي من هنا بقي
احلام : انا اه مش مراتك ولا مربيه وسـام بس لازم افوقك وارجعك لعقلك مينفعش اللي بتعمله فيا وف نفسك ده (قربت منه وحطت ايدها ع وشه ) انا حبيبتك يا حمزه
حمزه : (زقها وبعد ايديها ) انا بكرهك وبكره كل ست حتى امي بكرها
احلامـ : بتكره حبيبتكـ .. حمزه العاشق .. استحاله يكره اللي خلته يعشق
حمزه : اللي خلتنى عاشق دي ضحكـت عليا وخبت عليا الحقيقه
وكذبت عليا وكملت اللعبه اللي خلتنى اعشق دي .. كان ممكـن تقولي بكل بساطه وبوجودها جمبي اقدر اقف ع رجلي تانى بس هي زيهـا زي اي واحده لازمـ تكذب عشان كلكـوا كذابين
احلام : صوابعك مش زي بعدها يا حمزه .. مش كلنا وحشين .. انا عملت كده والله عشان حبيبتكـ
حمزه : بس انا وثقت فيكي وانتى خنتى الثقه دي
احلام : خنتها ازاي يعنـى انت شوفتنى مع واحد
حمزه : الخيانه مش لازم تخونيني مع واحد .. لما تكذبي عليا وتلعبي عليا شهور تبقي خنتينى وانا اللي مأمنك ع قلبي
وسام جاي بيزحف وبيضحك وقعد في نص الاوضه وبيبصلهم
حمزه : (مكشر ) الواد ده يغور من هنا .. مش طايق اشوفه
احلام : ده ابنك (وبتديه وسام يشيله )
حمزه : (زق وسام جامد لدرجه انه وقعه ع السرير ووسام قعد يعيط ) ابعديه عنى .. ده مش ابنى فاهمه
احلام : انت بجد مش طبيعي انت خلاص اتجننت .. (حضنت وسام وهو بيعيط ) حقك عليا انا اسفه بجد .. انا اللي عملت كده فيكـ .. بس يا حبيبي متعيطش
***********************
جه بليل وكالعاده حمزه اتأخر ف الرجوع وبردو احلام نامت والمرادي مصحيتش غير الصبح
صحيت احلام وطلعت الاوضه لقتها مقفوله بالمفتاح خبطت
حمزه فتح وكان رادد الباب فاتحه صغيره بس اللي بينه
احلام : انت فاتح الباب كده ليه
حمزه : عاوزه ايه يااحلام
احلام : دخلنى طيب
حمزه : صدقنى مش هينفع
احلام : ليه مش هينفع .. للدرجه مبقتش طايقنى
حمزه : روحي من هنا يا احلام ..
احلام : مين معاك ف الاوضه
فلاش باك من 5 دقايق
حمزه خرج واحده من الاوضه السريه بتاعته : تعالي نامي هنا علي السرير ده .. وكأنك هنا من امبارح فاهمه
- طيب لما نشوف اخرتها
حمزه : انا مش عاوزك تفتحي بؤقك بكلمه .. اول ما افتح الباب كأنك اتصدمتى فاهمه
- طيب ياخويا هي كميا
حمزه : اخرسي يابت انتى
حمزه بيبص من الخرم بتاع الاوكره لقي احلام طالعه .. يلا يلا نامي
الباب بيخبط
حمزه فتح وكان رادد الباب فاتحه صغيره بس اللي بينه
احلام : انت فاتح الباب كده ليه
حمزه : عاوزه ايه يااحلام
احلام : دخلنى طيب
حمزه : صدقنى مش هينفع
احلام : ليه مش هينفع .. للدرجه مبقتش طايقنى
حمزه : روحي من هنا يا احلام ..
احلام : مين معاك ف الاوضه
حمزه : انا وانتى مافيش حاجه تجمعنا خلاص .. خدي وسام وارجوكي امشي من هنا
احلام : (عنيها بدأت تدمع ) لما اعرف مين معاك يا حمزه (الباب بيتفتح براحه ولقت واحده نايمه علي السرير جمبه بصت لحمزه وعيونها هي اللي كانت بتتكلم مش هي .. عيونها كانت بتعيط وكأن الدموع كائن فضولي خارج يتفرج) بتخونى ياحمزه
حمزه : انا طلقتكـ ومافيش حاجه تجمعنـا
احلامـ : وحبي .. وحبك ليا .. ليه تبهدله بالخيانه .. اللي عملته ميسا فيك عملته فيا
حمزه : احلام امشي من هنـا انا منفعلكيش .. انتى لو فضلتى هنا اكتر هجرحكـ
احلامـ : انا بكرهكـ ياحمزه (وقلعت الدبله اللي كان جيبهالها يوم مارقصوا ورمتها ف وشه )
- ممكن اعرف ليه عملت كده .. استفدت ايه
حمزه : --------
- طيب ليه جبتنى انا
حمزه : عشان اكرها فيـا .. عشان انا منفعلهاش
احلام لمت هدومهـا واخدت وسـام وخارجه
اميمه & داده اشرقت : رايحه فين
احلام : حمزه مدانيش فرصه زي ماكنت بتمنـى وااوام خانـى .. اكيد وسـام محتاجلي .. وكمان حمزه طردوا من البيت وده ابنى انا .. انا هخده معايا عن اذنكـوا
حمزه واقف من الشباك وعيونه مليانه دموع : هتوحشينى اووي يا احلامـ .. سمحينى يا حبيبتى .. دبحتك ببطي بس عاوزكـ تكرهينـى .. عاوزك متفكريش فيـا غير بالقسوه واللحظات المره .. هتوحشنى ايامكـ .. هتوحشنى ضحكـتكـ وهزارك .. هتوحشنى جنانكـ وانتى بتجري في البيت كله .. وتملي البيت بجنانكـ .. هتوحشينى يا مجنونتـى (وباس دبلته )
احلام : (في التاكسي )
دمرت كل لحظه بينا بالخيانه يا حمزه .. كنت اسمعنـى .. كنت ادينى فرصه .. للدرجه مستحملتش وجودي معاكـ .. حتى وانا في بيتنا خونتـنى وفي المكان اللي ياما ضحكنا وهزرنا فيه .. ده انا معرفتش معنـى السعاده غير معـاكـ .. دمرتنى انا ووسـامـ .. هنروح فين بعديكـ .. طيب واللي بيخططوا يقتلوكـ دول هوقفهم عند حدهم اازاي.. هحميكـ منهم ازاي
**********************
امنيه : مش راضيه تفتح بردو
سحر : قلقانه عليها اوووي
امنيه : ماما انا مش هتجوز
سحر : والنبي اتلهي انتى واللي طلعلي ف البخت ده
امنيه : طيب هنعمل ايه معاها
سحر : منكـ لله يا حمزه
امنيه : بس يا ماما منعرفش ليه عمل كده .. حرام بردو
سحر : ياعينى هو الللي طلع اللي معيوب وفوق ده كله يطلق بنتى
امنيه : اكيد نفسيته وحشه حرام
احلام بتفتح الباب : خلصتوا كلام عليا ... روحي اعملي حاجه لابنى ياكل
سحر : بنتى احلامـ .. ايه مصير وسام معاكي
احلام : وسام ده ابنى وحفيدك ماشي
سحر : ماشي يابنتى بس اهدي .. شايفه عيونك وارمه ازاي
احلام :انا كويسه سبونى انتوا بس ف حالي
سحر : طيب متقفليش الاوضه عليكـي والنبي .. وتعالي اقعدي معانا
احلام : مش عاوزه اقعد مع حـد
************
بعد اسبوعين
احلام بتنيم وسـام وخرجت تقعد ع الكنبه وامنيه كانت بتتفرج ع التليفزيون
امنيه : سبيه والنبي مزيكـا بتجيب اغانى دلوقتى حلوه
احلام : وطي بس الصوت عشان وسام ميصحاش
امنيه : حاضر
احلام وهي بتسمع الاغانى نامت علي الكنبه وجت اغنيه محتار انا لمحمد فؤاد
امنيه جت تقلب اوام
احلام : لا سبيها بحبها
* محتار انا اداوي جرحكـ ولا جرحي ال ايه وانا فاكرك راجعلي وجاي بفرحي .. محتار انا اداوي جرحك ولا جرحي .. ال ايه وانا فاكرك راجعلي وجاي بفرحي ..
حمزه قاعد بيتفرج علي صوره هو واحلام وهما في الحسين
وكان بردو مشغل اغنيه محتار انا
*كان فيه مليون طريقه ..تقول بيها الحقيقه.. اما انت عنيك برئيه كدبت عليا ليه .. كدبت عليا ليه *
احلام : والله العظيم انا ماكذبت عليك يا حمزه (وانهارت ف العياط) والله ماكذبت عليك والله ماكنت اعرف ان دي هتبقي نتيجه غلطتى
امنيه : احلام اهدي يا احلام مالك.. ماما الحقي احلام
احلام : والله انا بحبكـ ليه خونتنى يا حمزه .. ليه ضيعت كل لحظه بينا حلوه .. ليه سبتنى يا حمزه ليه (وقعدت تصرخ وتكسر ف الحاجه حوليها )
سحر : بنتى اهدي والنبي اهدي ياحبييتى .. امنيه نادي علي الجيران يجوا يلحقونا .. احلام احلام اهدي بطلي اللي بتعمليه ده
حمزه قاعد في الاوضه .. انا مخونتكيش .. انا مخونتكيش يا احلامـ .. انا مقدرش اخونكـ يا حبيبتى .. انا اللي اتخنت منكـوا انا اللي بأيدي بعدتكـ عنـى .. مكنتش اعرف ان بعدكـ صعب اووووي كده .. ارجعيلي يا احلاـم ارجعيلي والنبي (وحدف كوبايه الميا كسرت المرايه ) وقعد يحدف حاجات كتير من الشباك
داده اشرقت : ياساتر يارب ايه اللي بيحصل فوق ده
*********************
تسنيم : احنا لازم نكلم حمزه .. دي كده بقت خطر اوووي انتوا مسمعتوش الدكتور قال ايه ممكن تموت نفسها
سحر : احنا بعدنا عنهـا اي حاجه تعور بيها نفسها .. يارب والنبي يارب ارحمنـى انا مش حمل اللي بيحصل ده
امنيه : اهدي ياماما وصدقينى كل حاجه هتكـون كويسه
سحر : انتى مش شايفه اختك يا امنيه .. يارب والله تعبت .. ابعد الشر عن بناتى يارب
تسنيم : احلام قويه يا طنط.. وصدقينى هتتحسن
تسنيم مشيت من عندهم راحت لبيت حمزه
داده اشرقت : اهلا ياست تسنيم .. تعالي
تسنيم : فين حمزه ياداده
داده اشرقت : فوق في اوضته ياحبت عينى بقي زي الورده الدبلانه بعد الست احلام ما راحت
تسنيم : ربنا يهديهم ع بعض(طلعت تسنيم وخبطت علي الباب لقت حمزه واقف عند الشباك وبيعيط )
بص حمزه لتسنيم وتسنيم بصتله وضحكت
**************
ومن بعدها احلام بدأت تروق شويا بشويا واختها خرجتها تشم هوا لقت عربيه مكتوب عليها حمزه بيحبك يا احلامـ
امنيه : احلام الحقي
احلام : ده انا
بلونه طايره ف السما (حقك عليا انا اسف )
امنيه : احلام دي عليها اسمكـ
احلام : (مش مصدقه اللي بيحصل وان ده اكيد مش حمزه اللي عمله )
عربيه روبابكيا ماشيه بتنادي
استاذ حمزه بيحبك ارجعيله
امنيه : ههههههههههههههه حمزه ده مجنون حتى الروبابيكيا
احلام : سيبك منه يلا نمشي
امنيه : متبقيش رخمه خليكي نشوف هيعمل ايه تانى
طفل صغير جه بيديها وردايه حمرا
- يا مدام يامدام حمزه بيبحبك وبيقولك انه ماليش غيرك ارجعيله بقي يامدام
احلام : اوووووووف حتى ده (وقامت مشيت )
امنيه : والمصحف انتوا مجانين .. انا مش عارفه مش عاوزه ترجعيله ليه .. ده هيتجنن عليكي
احلام : خليه يتجنن
ركبوا تاكسي
ومعانا مسدج من رقم اخره 55 بتقول والله بحبك بقي يا احلام ارجعيلي متبقيش رخمه
احلام : انا رخمه
سواق التاكسي
ماترجعيله بقي يا مدام
احلام : نزلنى هنا .. بقولك نزلنـى
روحت البيت لقت يافته كبيره تتجوزينى وزينه وورد مالي الشارع واول ما دخلت البيت لقت بلالين نزله عليهـا
احلام اتبسطت من اللي حصل منكرش .. ده مهما كان من حمزه حبيبها
امنيه : ايوه بقي اضحكي .. والنبي الواد بيحبك
طلعت البيت فوق لقت فستان متعلق
وتسنيم بتبصلهـا .. يلا البسي عشان فرحك النهارده
احلام : انتى متفقه مع حمزه
تسنيم : مقدرش اشوف صحبتى عامله كده ومش اساعدهـا .. يلا البسي اواااام
احلام بصت لامنيه
امنيه : متبصيش كده يلا اجهزي .. الله بقي
لبست احلام ونزلت لقت عربيه متزينه بالورد وحمزه نازل منها ولابس بدله
وماسك علبه وفتحها ونزل ركع ع الارض
حمزه : تتجوزينى
*في كلام لما بيتقال بيغير معنى حياتنا معاه عن اللي يستاهله ندور طول العمر ونستناه انا من اللحظه دي بقولك انى بحبك اكتر .. انتى اللي عشانك اكتب شعر انتى اللي عشانها بغنى
حمزه : تتجوزينى
* تتجوزينى مش عاوز غيرك ف الحياه اوعي تسبينى من غير ما اتكلم انتى بتسمعينى .. عشانك اطول السما لو حبتينى .. انا حاسس ان الكون وياكي بشوفه بشكل جديد ..الدنيا بتضحك وانتى معايا تكشر وانتى بعيد .. انا شايف فيكي ولادنا .. ومستقبلنا ودنيا امان .. مهما هنكبر ونعجز . هفضل احبك زي زمان
احلام : موافقه اتجوزك بس بشرط
حمزه : (خاف من الشرط ده ) ايه هو
احلام : تقبل بيا انا وابننا وسام
حمزه : (قام حضنها ولف بيها بالفستان ) بحبكـــــــــــــــــــ
وهما ف الفرح
مؤنس جه
وماسكـ مسدس ناحيه حمزه ومحدش واخد باله منه خالص
مره واحد مؤنس ضرب بالنار كله صوت واحلام صرخت والفرح بدل ما كانو مبسوطين في منهم جري وفي منهم فضـل يصرخ
احلام : حمزه .. حمزه حبيبي قوم .. قوم متموتش .. لا حمزه متموتش لا .. دي غلطتى انا يا حبيبي مقوتلكش علي اللي بيعملوا من وراك
احلام قعدت تصرخ .. وتهز ف حمزه
حمزه فتح عنيه
احلام : حبيبى انت سامعنى
حمزه : بذمتك ده صوت
احلام : ها
ظابط من البوليس : حمدلله ع سلامتـك يا استاذ حمزه
حمزه : الله يسلمك
احلام : والله انت مموتش
حمزه : ما انا عايش قدامك اهو
احلام : (ضربته في كتفه ) وانت مموتش ليه انت .. انت مش مضروب بالرصاص المفرود تموت
حمزه : انتى مجنونه يا احلامـ .. انتى عاوزانى اموت يعنـى
احلام : لا بس انت ضربوك بالرصاص ازاي مموتش
الظابط : حمزه كان قايلنا علي المخطط ده .. واحنا تنبأنا باللي هيحصل يوم فرحه ولبسناه واقي رصاص تحت البدله وقبضنا ع اكبر عصابه مافيا ف البلد والفضل يرجع للاستاذ حمزه .. والدوله بتكفؤه انها تدفعله كل الديون اللي عليه
حمزه : (بيبص لاحلام وهو في حضنها ) انا مش عاوز شركات مش عاوز حاجه .. انا عاوز بيت صغير انا وهي ووسامـ وابننا اللي ف الطريق .. ونروح كل خميس الحسين ونعيش فقرا وننسي بقي اننا في يوم اغنيا
احلام : بحبك اووووي بحبك بحبك بحبك
*************************
بعد 20 سنه
احلام : يا زفته الطين انتى تعالي كلي
ويندي : يا ماما شبعت يا ماما
احلام : تعالي قولت كلي .. مافيش لعب من غير ما تاكلي
ويندي : بابي قول لمامي انى شبعت
حمزه : (بيبص من تحت النضاره ) ماقاتلك شبعت لازم يعنى تخليها بكرش كده زيك
احلام : انا بكرش .. انا حامل يا حمزه
حمزه : اه سوري ياحبيبتى نسيت
احلام : بص علي كرشك انت
حمزه : ممم عيب هنعاير بعض
احلام : والنبي لو بمليون كرش بموت فيك
حمزه : بس بقي مش قدام البت
احلام : روحي يا ويندي العبي عشان اقول لبابي حاجه
حمزه : هههههههههههههههههههههههههه يامجنونه
وسام داخل
حمزه : اهلا عاش من شافكـ فينك كده
احلام : سيب الواد ياخد نفسه حبيب امه اانت
حمزه : مالك يا وسام في ايه ومال هدومك عامله كده ليه
وسام : كنت ف اربعين مرات واحد صاحبي
حمزه & واحلام : لا اله الا الله
وسام : وتخيل يابابا .. ماتت وعندها نونه مكملش اسبوعين وصاحبي ياعينى متمرمطـ ..
حمزه : هو كان بيحبها
وسام : لا جواز تقليدي .. بس بيدور ع عروسه
حمزه &احلام بصوا لبعض : هههههههههههههههههههههههههههههه
الباب بيخبط
الداده بتفتح
عمر جه
حمزه : اهلا ياااا لسه فاكـر البيت يا عم عمر
عمر : (وهو بيبص ع احلام بتحدي ) طبعـا عمري ماهنسي البيت اللي فيه ابنى
احلام :
(متحاولش تنسي الماضي .. لان الماضي مش بيمـوت .. الماضي زي الحكـم بالاعدامـ مبيتنسيش بيعود تانـى متخفي ف المستقبل
النهايه....... مفتوحه تخيلواا بقاااا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
