رواية ليتك تعلم مابقلبي البارت الخامس والسادس بقلم الكاتبه أماني سيد حصريه وجديده على مدونة النجم المتوهج للروايات والمعلومات
 |
زين استنى يا خديجه عايزك
خديجه فى سرها ربنا يستر
خديجه حاضر يا بشمهندس زين
زين خديجه مش انا قلتلك تحتفظى بارائك لنفسك
خديجه بصراحه حاولت كتير لكن بعد ماسمعت راى استاده ليان مقدرتش امسك نفسى واظن ان الفكره عجبتكم
زين بص لخديجه فتره وقالها
بصى يا خديجه منكرش ان الفكره حلوه بس بعد كده متتكلميش غير لما تعرفينى الاول مش بحب المفاجات . ومن بكره هتنزلى معايا الشركه هتشتغلى فى قسم التصميمات الهندسيه وهتكونى مسئوله معايا انا وسليم عن المشروع ده والمفروض اننا هنسافر الاسبوع الجاى وطبعا لازم تستعدى للسفر عشان هنعاين الارض هناك ونبدء فى التنفيد ومتنسيش انى حظرتك متتكلميش من دماغك تانى ساعتها هتشوفى وش تانى مش هيعجبك يا خديجه
خديجه . خلاص حاضر بس ابقى اسمع رأيى مش هتندم متنساش انى مهندسه برضه . صحيح بالنسبه لشغلى هنا كسكرتيره هسيبه ولا هكمل عادى
زين لا طبعا هنفضل زى محنا اللى هيزيد شغلك بتاع الصبح وافتكر ان دى فرصه حلوه ليكى تثبتى انك مهندسه شاطره فعلا وقولا . لسه هتبتسم خديجه قالها . ومتقلقيش مرتبك ده هيبقى غير ده يعنى هتقبضى مرتين
خديجه على فكره انا مش بسأل حضرتك عشان كده انا سالت عشان ابقى عارفه حدود شغلى ايه وماثرش فى اى حاجه
زين ده حقك ولازم تكونى عارفاه
واثناء حديثهم الباب طرقت نور باب المكتب ودلفت إلى الغرفه
نور . ها يا زين لسه كتير انا محتاجه اتكلم معاك ضرورى . وبصت لخديجه . معلش ياديجا انا عايزه زين ضرورى فى موضوع مهم
زين خلاص يا خديجه روحى انتى احنا كده خلصنا شغل انهارده
تركتهم خديجه بمفردهم وصعدت لغرفتها
زين ها يا نور خير ايه الموضوع المهم اللى انتى عايزانى فيه
نور بابا يا زين عايزنا نحدد معاد فرحنا ونتجوز فى اقرب وقت
زين طيب فين المشكله دلوقتى ولا انتى مش عايزه تتجوزى دلوقتى ولا بتفكرى ازاى
نور بص يا زين عشان ابقى صريحه معاك فى كذا سبب مش سبب واحد
زين اتفضلى انا سامعك
نور اول سبب اننا يا زين لسه مخدناش على بعض بالشكل الكافى اللى يخلينا ناخد خطوه زى د ى
ثانيا انا عايزه اشتغل واعمل حاجه لنفسى عايزه اثبت نفسى لنفسى الاول بعيدا عن بابا والشركه عايزه ابقى انا مش امتداد لحد ومش عايزه حاجه تعطلنى عن ده والجواز يعنى مسئوليه
ثالثا انا مش مستعده حاليا لانى اتحمل مسئوليه بيت واسره انا شايله مسئوليه نفسى بالعافيه هشيل مسئوليه غيرى ازاى
زين طيب ايه المطلوب منى
نور : تتحجج لبابا بانك انت حاليا مشغول ومش فاضى تحاول تاجل معاه باى شكل بس متقلوش اننا اتكلمنا مع بعض عشان مايجيش ويضغط عليا
زين خلاص يا نور انا هتصرف اطمنى وانا هظبط كا حتجه
نور بجد يا زين شكرا اوى انك قدرت تفهمنى وراحت حضناه
دلفت خديجه لمكتب زين لتعطيه الملاحظات بعد ما دونتها word وقامت بطباعتها فرأت زين يضن نور داخل احضانه شعرت خديجه بنغزه داخلها وارادت أن تتحرك لتخرج من الغرفه اوقفها زين
زين :استنى يا خديجه فى حاجه رجعتى تانى ليه
خديجه بتوتر حاولت اخفاؤه . انا اسفه بس انا خبطت ومحدش سمعنى فدخلت عشان اسيبلك الملاحظات دى اللى حضرتك كنت طالبها منى ومأكد عليا اكتب اى حاجه هيقولوها فانا كتبتها على اللاب وطبعتها وجبتها لحضرتك
نور : خلاص يا زين زى انا ماشيه وزى ماتفقنا معلش عطلتكم
زين : هاتى يا خديجه الملاحظات كويس انك فكرتينى . تمام كده يا خديجه تقدرى تمشى واستعدى لبكره هتيجى معايا الشركه عشان نبدا فى التعديلات اللى حضرتك ضفتيها كده خلاص انهارده خلصنا شغل تقدرى تمشى
خرجت خديجه من المكتب وذهبت لغرفتها وظلت تحدث نفسها و
هو انا هفضل كده لحد امته هو مش حاسس بيا ولا هيحس بيا وحتى لو حس مش هينفع نور طيبه وتستاهل كل خير ووقفت جمبى كتير
دلفت خديجه للمرحاض وتوضت وصلت فرضها وقامت بالدعاء لربها كى يصلح حالها ويجعل لها الخير ويخرج زين من قلبها فهى تعلم جيداً الفرق بينهم
بينما سليم ظل يفكر فى ليان انه يريد معاقبتها على مافعلته معه واخذ موقف جادة وفى نفس الوقت مصلحة العمل اهم وهناك مشروع بينهم و شركته ستستفاد كثيرا من وراء هذا المشروع واثناء تفكيره ذهب سليم فى نوم عميق
مر يوم جديد على ابطالنا
فى الصباح استيقظت خديجه مبكرا وذهبت الى الشركه مع زين ودلف زين وخديجه مكتب زين ولم تجلس خديجه مع نها كما يحدث كل مره مما جعل نهى تشعر بالضيق . اتصل زين على مكتب نها وطلب منها ان تستدعى باشمهندش فاروق وتقوم بابلاغه بطلب زين له
وبالفعل اتصلت نها بباشمهندس فاروق وابلغته ان زين بانتظاره واجلت دخول الورق الذى يحتاج امضاء زين كد تدلف مع باشمهندس فاروق وتستطيع معرفه ماذا يحدث من خلفها ولماذا خديجه لم تخرج للعمل معاها
دلف فاروق المكتب ودلفت نها خلفه
فاروق : زين بيه ازى حضرتك
زين :اهلا يا باشمهندش فاروق اتفضل اقعد
فاروق : خير يا زين بيه حضرتك طلبتنى فى مشكله او حاجه
زين: بص بقى يا باشمهندس دى باشمهندسه خديجه هتبدا معايا فى المشروع بتاع شركه حازم الخديوى فانا بقى عايزك تعرفها على قسم التصميمات لانها هتشتغل معانا هنا فى الشركه فانت هتعرفها الشغل وتدرب تحت ايدك ومافيش طبعا افضل منك يعلمها ده
فاروق : بس كده يازين بيه انت تامر وهتبدا معايا من امته
زين من دلوقتى هى هتروح معاك وتبدا شغل من انهارده
خرج فاروق وخديجه من مكتب زين متجهين للقسم الخاص بقسم التصميمات
نهى : باشمهندش زين هى خديجه هتشتغل فى قسم التصميمات هنا
زين : اظن انك واقفه وسامعه الحوار
نهى مش قصدى انا اقصد يعنى هى مش هتشتغل سكرتيره مع حضرتك فى القصر
زين : لزمتها ايه الاسئله الكتيره دى يا نهى
نهى : مقصدش انا فكرت انها لو مش هتشتغل من القصر فانا ممكن اجيب لحضرتك حد بدالها
زين : لا متتعبيش نفسك خديجه هتفضل زى ماهى هتشتغل هنا وهناك وانا لو محتاج حاجه هطلبها مش هستنى حد يعرض عليا وهطلبها على طول واظن كده خلاص اتفضلى على مكتبك
خرجت نها من مكتب زيت وهى تستشيط غضباً وقامت بالاتصال على شخص ما
الشخص : ايوه يا نها فى جديد مش صابره لما تمشى من الشغل وتكلمينى
نها :احنا لازم نتقابل انهارده
الشخص ايه اللى حصل
نهى البنت اللى اسمها خديجه ديه اشتغلت هنا معانا فى الشركه فى قسم التصميمات ومش بس كده دى مسكت معاه اهم مشروع فى الشركه حاليا وبرضو هتفضل تشتغل معاه سكرتيره شكل الموضوع مش مجرد سكرتيره تشتغل من القصر غير كده بتمشى معاه وتيجى معاه زى مايكون عايشه معاه فى القصر
الشخص انتى هتخلصى الشغل انهارده امته
نها هخلص 5 ممكن نتقابل الساعه 8 فى كافتريا (........)
الشخص خلاص تمام هتلاقينى هناك
نها خلصت المكالمه وقاعده بتفكر ازاى تتخلص من خديجه
نهى هو انا لسه هستنى انا لازم اعمل حاجه اخلص بيها منها على ماشوف صرفه وابعدها خالص. وفكرت فى فكره شيطانيه
رن هاتف نهى ووجدته زين وطلب منها استدعاء خديجه من فسم التصميمات
نهى : حاضر يتزين بيه
اتصلت نها بقسم التصميمات وابلغت خديجه ان زين منتظرها وقامت بوضع ملف فارغ على الارض واول ما دلفت خديجه المكتب وقعت ورجليها التوت . ابتسمت نها فى سرها
كده طبعا هتترزعى فى البيت كام يوم مش هنشوف خلقتك مكنتش رقبتك كمان تتكسر عشان نرتاح خالص
فاقت من شرودها على خروج زين من المكتب على صوت خديجه
زين ايه ده فى ايه اللى بيحصل وايه الصوت ده وفاجاه وقعت عينه على خديجه الجالسه على الارض وكانت تتالم بسبب الوقعه
زين : ايه يا خديجه ايه اللى حصل وقعتى ازاى
خديجه ببكاء معرفش انا جيت ادخل زى ماحضرتك طلبتنى دست على الملف ده من غير ما اشوفو ووقعت
بص زين لنها : نها ايه اللى جاب الملف ده هنا
نها تتصنع الحزن والخوف على خديجه
انا كنت براجع الملفات وبرتبها داخل الدوسيهات ووقع من ايدى غصب عنى الملف ولسه هروح اجيبه لقيت خديجه داخله بسرعه ملحقتش اوقفها ولقتها داست عليه ووقعت
زين بص لخديجه طيب هتقدرى تقومى نروح للدكتور
خديجه حاولت تقوم لكن من الوجع وقعت مره اخرى ومقدرتش تدوس عليها
زين بص لنها وقالها اتصلى بالدكتور بسرعه خليه يجى دلوقتى وراح على خديجه ووضه يده اسفل راسها والاخرى اسفل ركبتيها وسالها ودخلها المكتب ووضعها على الكنبه فى المكتب بتاعه
وبعد قليل دخل الدكتور وكشف على خديجه وداها مسكن قوى وادويه
زين خير يا دكتور رجليها مالها
الدكتور رجليها التوت هى بس لازم متتحركش عليها لان الحركه ممكن تعملها مضاعفات ولو التزمت خلال يومين هتبقى كويسه
زين شكرا يا دكتور
واثناء حديثهم دلف سليم المكتب الخاص بزين ونظر الى خديجه
سليم : ايه اللى حصلك يا خديجه فى ايه ورجلك مالها
خديجه : حكت لسليم على اللى حصل
سليم طيب هتروحى ازاى دلوقتى الموظفين كلهم مشيوا
خديجه شكرا لاهتمامك يا سليم الدكتور ادانى ادويه ومسكن وانا هقدر امشى ان شاء الله
سليم :بس الدكتور قالك متحمليش عليها
خديجه :لا منا همشى براحه
سليم :طيب استنى هشيلك انزلك للعربيه
خديجه: ايه لالالالا طبعا يا يا بشمهندس انا هقدر امشى
نظر زين لسليم وخديجه بنظارات ناريه وذهب لخديجه وبدون مقدمات وضع يده اسفل راسها والاخرى اسفل ركبتها وحملها وخرج بها من الشركه ووضعها فى السيارة أسفل نظرات سليم ونها المندهشين من رده فعل زين واهتمامه بخديجه وابتسم زين ابتسامه جانبيه
دلف زين للقصر وهو حامل خديجه ورأتهم ورده وذهبت مسرعه اليه
ورده : خديجه مالك يا حبيبتى الف سلامه عليكى حصلها ايه يا زين
خديجه كانت مكسوفه ووشها كله احمر عشان مكسوفه ان زين شايلها واول مره تبقى قريبه منه اوى كده وكان نفسها تفضل كده دايما بس هى كانت محرجه من نظرات اللى بيشفوهم
خديجه : مافيش يا ماما ورد انا وقعت على رجلى يومين وهبقى كويسه وحكت لها اللى حصل وكلام الدكتور ونسيت ان زين لسه شايلها
زين : ها خلصته وراح لاقرب كرسى سفره وحطها عليه وقالها خليكى هنا لحد الغدا وابقى اطلعى نامى
ورده ندهت على الشغالين وخلتهم يحضروا الغدا بسرعه ويجهزوه على السفره
فى جهه اخرى عند نور
دخلت نور شركه (......) للازياء وعجبتها الشركه جدا وعجبها الديكور واتمنت انها تقدر تشتغل هنا واثناء سرحنها خبطت فى شخلص
نور معلش انا اسفه جدا مخدتش بالى
الشخص بصلها بتامل وقالها لالا ولا يهمك المهم انتى بخير
نور اه شكرا لحضرتك عن ازنك
الشخص اتفضل ولما نور مشيت الشخص لف وجهه ونظر لنور من اول شعرها حتى قدميها الى ان اختفت
دخلت نور مكتب السكرتاريه الخاصه وسالت على استاد مازن ادريس
ملحوظه .. مازن ادريس صاحب الشركه وعينه زايغه وله علاقات نسائيه كتير وبالرغم من كده الا انه ملتزم فى شغله وصارم جدا
السكرتيره اتفضلى حضرتك ابلغه مين
نور انا نور صالح وعندى انترفيو معاه انهارده
السكرتيره اتفضلى هو موجود بيشوف حاجه وجاى حالا اول ما يجى تقدرى تدخلى على طول
واثناء جلوس نور دخل الشخص اللى نور خبطت فيه ووقفت السكرتيره وعرفته على نور
السكرتيره مستر مازن فى واحد بتقول ان اسمها نور وعندها معاد مع حضرتك دلوقتى
مازن دخليها المكت
دخل المكتب والسكرتيره دخلت نور بعده
نور نظرت لمازن بصدمه واعتزرت منه مره تانيه وعرفته بنفسها
مازن : ولا يهمك يا نور اتفضلى نبدا الانترفيو
وبدا الانترفيو بين مازن ونور وسال مازن نور العديد من الاسئله بخصوص التصميات وشاف التصميمات بتاعتها
نعمل استووووب
ياترى مازن يشغل نور ؟؟
ياترى خديجه هتبقى كويسه وهتقدر تسافر مع زين ؟؟؟
مين الشخص اللى نها بتتصل بيه وبتعرفوا اخبار زين ؟؟؟؟
البارت السادس
مازن: انسه نور تصميماتك حلوه جدا وانا مش بجاملك علشان معنديش مجاملات فى الشغل خصوصا شغلنا
نور: انا متشكره جدا لحضرتك كلامك ده ادانى دافع انى اخرج تصميمات افضل ان شاء الله
مازن ده اللى انا هنتظره منك وحيث كده بقى تحبى تبدأى معانا شغل من امته
نور من بكره طبعا لو حبيت
مازن خلاص يا نور من بكره تبداى شغل معانا معادنا الساعه 10 الصبح
خرجت نور من مكتب مازن فرحانه جدا وقررت انها تروح تزور ورده وخديجه وزين ودخلت نور القصر لقيتهم قاعدين على السفره بيتغدوا جريت عليهم وقاعدت معاهم
نور نفسى مره اجى الاقيكوا بتتكلموا بتهزروا بتعملوا اى حاجه لكن كل مره اجى الاقيكم قاعدين على السفره
ورده بضحك ازيك يا نور عامله ايه وايه سر السعاده دى
نور الحمد لله انا فعلا انهارده اسعد واحده
خديجه يارب دايما يا نور مبسوطه بس فرحيناامعاكى ايه اللى مفرحك اوى كده
نور فاكره يا ديجا شركه (..........) بتاعت الازياء اللى قلتلك عليها
خديجه اه فاكره انتى مابتبطليش كلام عليهم وعلى تصميماتهم تقريبا لبسك كله من تصميماتهم
نور من فتره بعتلهم ال c.v بتاعى وكنت حاطه فيه كام تصميم من بتوعى ومن كام يوم لقيتهم بيتصلوا بيه وكان عندى انهارده معاد انتر فيو معاهم واللى عمل معايا الانترفيو مستر مازن ادريس بنفسه وعجبه شغلى جدا وهبدا شغل من بكره الساعه 10
زين مبروك يا نور بس خدى بالك من مازن ادريس سمعته سابقاه فى السوق بس انا واثق فيكى ولو حصل اى حاجه تعالى قوليلى
نور ايه ده انت تعرفه
زين اه اعرفه بس معرفتى بيه مش قويه للدرجه عموما خلى بالك من نفسك كويس انا اعرف ان مازن كان عصامى بدا من الصفر واتكلمت معاه اكتر مره بس مشكلته ان عينه زايغه تقريبا شغله مع المودل بياثر عليه هههههه
ورده مبروك يا روحى اول ماخديجه تخف وتبقى كويسه نعملك حفله صغيره احنا عندنا كام نور
نور ايه ده مالك يا خديجه
خديجه لا ماتقلقيش يا نور وقعت على رجلى والدكتور قالى كلها يويمن وتقدرى تمشى عليها
نور طيب خدى بالك من نفسك بقى ومتتغطيش عليها لحد ما تخف
خديجه حاضر يا نور مش هدوس عليها خالص
زين نور عمى عرف صحيح انك هتبداى شغل من بكره
نور لا لسه مقلتلوش ماتقوله انت يا زينو
زين لا طبعا لازم انتى اللى تواجهيه يا نور انا حاسس انه مش هيعترض وانتى كلمتيه قبل كده وقدرتى تقنعيه يبقى هيعترض تانى ليه
نور خلاص يا زين هكلمه ولو اعترض هسيبلك انت مهمه اقناعه دى ماشى
زين ماشى
انتهى الغدا وقام الجميع من على السفره وتوجهت خديجه لغرفتها عشان تستريح واثناء صعودها السلم ضغطت على رجليها ومستحملتش الالم فكادت ان تقع واغمضت عينيها منتظره الاصتدام بالارض الا ان وجدت نفسها معلقه بالهواء فتحت عينيها ببطئ ووجدت نفسها محموله على يد زين وتنحنحت بحرج ولم تجد كلام
زين منادتنيش ليه يا خديجه عشان اساعدك انتى كنتى هتقعى دلوقتى والله اعلم كان ممكن يحصل ايه
خديجه احمر وجهها وهرب الكلام منها ومكنتش عارفه تقول ايه
خديجه انا اسفه يا مستر زين محبتش اتعب حضرتك حضرتك ممكن تنزلنى وانا هطلع براحه
زين بابتسامه اول مره وهو بيكلم خديجه اتعبينى يا ستى براحتك مانا هتعبك معايا فى المشروع ولا انتى غيرتى رايك ومش عايزه تشتغلى معايا فى المشروع وغمزلها بعينه
خديجه فى نفسها استغربت جدا من طريقه كلام زين معقول ده زين ده ضحكلى وغمزلى طيب انا بحلم ولا ايه طيب لو بحلم انا مش عايزه اصحى عايزه افضل كده اطول فتره ممكنه فلو دى حقيقه انا اقسم ان انا اسعد واحده فى العالم الان
زين دخل غرفه خديجه وحطها على السرير
زين خديجه انا هبعتلك حد من الشغالين دلوقتى يساعدك فى انك تغيرى هدومك واوعاكى تقومى من على السرير او تعملى اى مجهود ماتنسيش ان ورانا سفر وورانا شغل كتير وماينفعش تشتغلى وانتى تعبانه هيقولوا عليا معنديش رحمه
خديجه لا ماتقلقش يا باشمهندس مش هتحرك انا عايزه اخف بسرعه عشان انزل الشغل انت متعرفش انا بحب الشغل اد ايه واتعودت عليه وعشان الشغل مايتعطلش انا هشتغل من اللاب من هنا
زين لا يا خديجه نامى وارتاحى وبكره يحلها ربنا يلا تصبحى على خير
خديجه وانت من اهل الخير
خرج زين من غرفه خديجه وراح على غرفته واتصل بسليم
سليم اهلا اهلا زين باشا عامل ايه وخديجه عامله ايه
زين كويسه الحمد لله المهم قبل ما انسى انا مكلمك عايزك تتصل بليان عشان يجوا الشركه الاسبوه ده عشان احنا هنسافر الاسبوع الجاى فلازم يدفعوا مبلغ مقدم ونمضى على العقود عشان نمشى رسمى
سليم لازم يعنى انا اللى اكلمها ماتكلمها انت انا مش طايقها ومش عايز اعمل معاها اى تصرف بسبب الشغل اللى مسكتنى عليها لحد دلوقتى الشغل اللى مابينا غير كده كان زمانى ليا تصرف تانى معاها
زين سليم انت اكبر من كده وهى شكلها ملهاش فى المشاكل شكلها بتاعت شغل
سليم يبقى انا اللى ليا فى المشاكل
زين انا قلت كده وبعدين انت حاطتها فى دماغك ليه هو كل واحد يخبط واحده بالعربيه وتسيبوا وتمشى يفضل يفكر يعمل معاها ايه ولا ايه يا سولم
سليم حب يناغش زين طيب خلاص انا هكلمها الا صحيح يا زين هى خديجه جايه بكره الشغل قصدى هتقدر تمشى عشان لو محتاجه مساعدها اساعدها انا انا عارف انك مبتطقهاش
زين انت مش واخد بالك انك بتسال عليها كتير
سليم ودى حاجه تضايقك فى ايه خلاص ادينى رقمها وانا اتصل اطمن عليها بنفسى
زين مش عارف ايه سبب ضيقه من كلام سليم وحب يتوه الكلام عشان مش عارف يبرر سبب ضيقه ومش عايز يبين لسليم انه متضايق
زين خلاص يا سليم متنساش بكره تتفق مع لليان وتقولى معاد الاجتماع امته انا بكره هشتغل هنا عدى عليا لما تخلص شغل فى الشركه ولو فى ورق محتاج امضه هاتوا معاك
سليم فهم ان زين بيتهرب من الكلام فسابه على راحته محبش يضايقه
سليم خلاص يا زين هعدى عليك بكره ومتنساش توصل لخديجه سلامى لحد ما اقبلها مع السلامه
زين قفل التليفون فى وش سليم من غير مايرد عليه
تانى يوم صحيت خديجه ولبست ووجع رجليها خف شويه وقامت ومسكت اللاب توب وحبت تخلص شغلها من الاوضه
واثناء ماهى بتشتغل الباب خبطت
خديجه اتفضل
زين صباح الخير يا خديجه رجلك عامله ايه انهارده وخدتى العلاج ولا لسه
خديجه صباح الخير يا باشمهندس الحمد لله رجلى احسن من امبارح كتير اخدت العلاج وان شاء الله على بكره انزل الشغل عادى
زين فطرتى ولا لسه
خديجه لا لسه بس بفكر اكلم حد يبعتلى الفطار هنا بحاول ماتغطش عليها عشان تخف بسرعه ومافضلش طالعه نازله عشان الطلوع والنزول غصب عنى هيخلونى اضغط عليها غير المشى
زين على فكره انا كلمت سليم وظبطت معاه يبقى مكانى فى الشركه انهارده عشان انا عارف انك مش هتقدرى تروحى الشركه ومش معقوله هشيلك قدام الموظفين ومحتاجين نحط التعديلات النهائيه للمشروع لان ليان وحازم بيه هيقابلونا الاسبوع ده يشوفوها وهنسافر الاسبوع الجاى
خديجه طيب حلو اوى يا باشمهندس حضرتك ممكن تنزل وانا هنزل وراك
زين طيب يلا عشان نفطر سوا بالمره ونشتغل بعد الفطار على طول
خديجه طيب خلاص انزل انت وانا هنزل وراك على مهلى
زين من غير اى كلام راح على خديجه وشالها ونزل بيها واثناء نزوله شافتهم ورده
ورده يا سيدى يا سيدى حد يلاقى الدلع ومايتدلعشى رجلك عامله ايه انهارده يا خديجه
خديجه كان نفسها الارض تنشق وتبلعها ووشها بقى احمر من كتر الكسوف
خديجه الحمد لله يا ماما ورده احسن من امبارح
ورده طيب يلا يا حبايبى الفطار جاهز
فى جهه اخرى لبست نور وخرجه وراحت الشركه عند مازن ودخلت مكتب السكرتاريه عشان تسال على مازن
نور صباح الخير
السكرتيره صباح النور
نور مستر مازن موجود
السكرتيره اه موجود هو منتظر حضرتك
دخلت نور مكت مازن
نور صباح الخير يا مستر مازن
مازن اهلا صباح الخير يا نور
نور اتفضل يا مستر مازن دى تصميمات كانت عندى انا كنت رسماها ودى انا رسمتها امبارح
مازن انا شايف انك متحمسه اوى يا نور يارب الحماس والشغف ده يفضل موجود مايروحش انا مستنيكى عشان ننزل الورشه بتاعت التصميمات ونبدا شغل ونشوف التصميمات على الحقيقه
نزلت نور مع مازن الورشه واول مانزلت نور اتفاجئت من التصميمات اللى محطوطه
نور ايه ده مش التصميمات دى اللى
انتهى الفصل لحد كده ياريت اسمع رايكم وتقولولى توقوعاتكم ايه
ياترى ايه اللى خلى نور متفاجاه اوى اول ما شفته ؟؟
ياترى رد فعل مامت زين ونور ايه من قرب زين لخديجه ؟؟
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
