رواية زوجتي الحامل الفصل الاول والثاني والثالث والرابع بقلم الكاتبه إسراء ابراهيم حصريه وجديده على مدونة النجم المتوهج للروايات والمعلومات
 |
الدكتور: مبارك يا مدام أنتِ حامل في توأم
هى بصدمة: إيه إزاي التاني ده جه ازاي
وفضلت تعيط وتقول: هقول إيه لجوزي هيفكر إني خونته
اعمل ايه في الورطة دي يا دكتور
الدكتور واقف مصدوم من كلامها وقال يا مدام اهدي وبطلي عياط كده غلط على التلاتة اللي في بطنك
هى برقتله: ايييه كمان طلعوا تلاتة اها ياني كده اتعقدت أكتر كده جوزي هيموتني بدون رحمة ولا شفقة
الدكتور: اممم تصدقي الاسامي دي حلوة سمي واحدة رحمة والتانية شفقة والتالتة مثلا رغدة
هى بغضب: أنا في إيه ولا إيه أنت مش شايف الورطة اللي أنا فيها بص يا دكتور انا عندي حل
الدكتور: إيه هو
هى: يعني مثلا تشوف العيل اللي شبهي وده سيبه في بطني والاتنين الباقين طلعهم
الدكتور: واوديهم فين
هى بحيرة: مش عارفة بس خلصني من المشكلة دي محدش هيصدق حكايتي دي وهيعتبروني خاينة
رغم إني مخونتش جوزي والله أنا طيبة وغلبانة ومعرفش حد غير جوزي يا دكتور
الدكتور: تصدقي صعبتي عليا يا بنتي وأنتي لسه صغيرة على الهم
هى: هعمل إيه في دنيتي اللي نزلت دمعتي
الدكتور: مش هتعملي حاجة طالما جوزك واثق فيكي فأكيد هيصدقك يلا يابنتي روحي وشوفي هيقولك إيه
هى: ماشي يا دكتور هروح أقوله وأشوف هيقولي إيه
وصلت البيت لقيت جوزها جه من الشغل راحت دخلت وهى خايفة ومش عارفة هتقوله إيه
هو: كنتي فين يا حبيبتي ومش بتردي على اتصالاتي ليه
هى بخوف:.كنت عاملاه سايلنت يا حبيبي
هو: تمام يا قلبي
هى بتوتر: احم عايزة أقولك حاجة بس متفهمنيش غلط
هو: لا قولي يا حبيبتي وهفهمك صح
هى: احم طبعا أنت عارف إني حامل وأنا روحت للدكتور النهاردة عشان اطمن عالبيبي
هو: ايوا وقالك إيه
هى بخوف: قالي إني حامل في تلاتة
هو بصدمة ومش مستوعب: ايييه بتقولي إيه
هى بخضة وخوف: والله ماخونتك يا شيخ أنا مش عارفة الإتنين التانين جم ازاي أكيد هتصدقني صح
أو ممكن يكونوا نزلوا عرض عادي صح أو ممكن دول مثلا عيل بس أربع أرجل وهو فكر إني حامل في تلاتة
جوزها واقف مصدوم من تفكيرها وقال ليها: قربي كده بس وأنا هقولك ازاي انتي بتبعدي ليه يابنتي
هى بخوف: عشان اكيد عايز تموتني بس هتموتني ازاي
هو قرب منها وهى رجعت لورا وقالت بعياط أنت مش مصدقني ليه والله أنا ماخونتكش
هو بضحك أنتي هبلة ولا مجنونة طب ما أنا مصدقك وعارف إنك مش خونتيني وخدها وقعدها وقال دول عيالنا يا حبيبتي
هى بغباء: عيالنا ازاي أنا متجوزة واحد بس مش تلاتة
هو بنرفزة: بت أنتي غبية ليه بقولك عيالنا عادي ربنا مقدر لينا كده
هى: يعني التلاتة عيالنا أنا وأنت صح
هو: ايوا يا حبيبتي ارتاحي بقا عشان أنتي تعبانة
هى: مش عارفة ليه أنا مش مرتاحالك حاسة إنك بتسايسني عشان أنام وتموتني صح قول الحقيقة
هو بصدمة من تفكيرها: اها يا قلبي يعني طفلة وهتخلف أطفال مش عارف هتربيهم إزاي وتواعيهم ازاي وهى أصلا عايزة اللي يواعيها
هى: ها أنت صح يبقى تربينا احنا الكل بس مش تموتني أرجوك
هو : دا أنا اللي هموت من أفكارك ومن هرموناتك اللي اشتغلت دي نامي يا حبيبتي نامي
هى: ماشي وغمضت عينها ولكن بعد خمس دقائق فتحتهم تاني وبصت في وشه وقالت مش هتموتني صح
هو بخضة فتح عيونه وقال: دا أنا اللي متت خلاص وغمض عينه
هى:دا مات بجد ولا إيه؟!!
هى: دا مات بجد ولا إيه وبتبص عليه
طب هعمل إيه في التلات عيال اللي في بطني دول
أنا عندي فكرة أنا هاخد واحد وأوزع التانيين عالجيران ونعتبرها صدقة
جوزها بص ليها بصدمة وقال: أنتي هبلة ولا هبلة
هى بخضة: أنت لسه عايش إزاي ولا دي روحك
بس مفيش خيار تالت عشان أختار بتعمق
جوزها: في بتنجان الظاهر إنك مجنونة
هى: لأ أنا مش مجنونة أنا هختار هبلة رقم اتنين تحسها شيك كده
جوزها :.حط ايده على رأسه هترفعيلي الضغط وتموتيني يابت أنتِ دماغك دي فين؟
هى: دماغي هنا في راسي أكيد يعني مش هسيبه في الأوضة التانية
جوزها: اعيط ولا اصوت وألم علينا الناس يا شيخة ارحمي أمي من غبائك ده
هى: ربنا يرحم الجميع يابني المهم خلينا في المشكلة اللي أنا فيها دي
جوزها:.فين المشكلة دي؟
هى: حطت ايدها على بطنها وبتقول العيال اللي هنا هعمل إيه فيهم
جوزها: ولا أي حاجة هتسبيهم لغاية ما يجي معاد الولادة وينزلوا
هى: لا لا لا أنت بتهزر عايز الناس تاكل وشي ويقولوا جايبة العيال الباقية منين لا كده هتخرب سمعتي
جوزها: ده ابتلاء اومال عايزة تعملي إيه نطلع واحد ونسيب الاتنين الباقين في بطنك
هى: تصدق فكرة هنزل واحد السنة دي والتاني السنة الجاية التالت هنزله السنة اللي بعد اللي جاية
جوزها بصدمة: أنتِ في وعيك ياما، أنتِ هتجلطيني حرام عليكي متفكريش تاني
هى بنرفزة: اومال أعمل إيه أنت مش فاهم حاجة وبعدين أنا خايفة أموت تلات مرات
جوزها باستغراب: تلات مرات ازاي
هى: يعني لما ينزل العيل الأول كده متت مرة والعيل التاني يبقى كده متت مرتين ومع نزول العيل التالت يبقى كده متت تلات مرات
جوزها: يعني أنتِ أصلا لو موتي مرة هتصحي تاني وتموتي مرتين كمان أنتِ هبلة صح ولا غلط
هى: تصدق معلش مركزتش بقولك إيه أنا عندي فكرة
جوزها: ابهريني ياختي
هى: إيه رأيك أنا أحمل في واحد بس وأنت احطلك واحد في بطنك ونشوف حد من الجيران ياخد العيل التالت
جوزها وإيده بتترعش: أنا حاسس إنك هتجبيلي شلل الرعاش
هى: لا مش للدرجادي اومال مين اللي هيربي العيال
جوزها: اها يا قلبي اللي هيقف فجأة حرام عليكي
هى:.مالك بس يا حبيبي عينك بتقفل وبتفتح ليه اوعى تكون بتودع كده أزعل
جوزها بص ليها إنه خلاص مبقاش فيه طاقة يتكلم
هى: بس عارف أنا بطني صغيرة والعيال بتكبر مش عارفة هيقعدوا إزاي في بطني
خايفة يقعدوا على بعض يموتوا بعض ساعتها حالتي هتسوء
وأنا أصلا مبعرفش أسوء
خايفة ميلاقوش هوا فيختنقوا ويموتوا في بطني أنا بكرة
هروح للدكتورة تتطلع واحد من بطني عشان الباقين يعرفوا
ياخدوا راحتهم في الوقفة والقعدة والنوم وبعدين تبقى ترجعوا في بطني تاني
أنت مبتردش عليا ليه
وبصت عليه لقيت بوقه مفتوح وإيده مرفوعة وعينه مفتوحة وباصص للسقف ومش بيتحرك ولا بيرمش حتى
هى بخضة: مالك إيه اللي عمل فيك كده أنت اتحولت كده ليه طب رد عليا
طب قولي حل وبعد كده تموت
بس إيه وضعية الموت بتاعتك دي لو سمحت اتعدل عشان يبقى شكلك حلو وأنت ميت
(يتعدل إيه بس هو رايح يتصور يا أختاه????)
جوزها لسه على وضعه
هى: لا بجد بدأت أخاف أنت مبتردش ليه طيب
وبصت عليه بخوف وقالت تقريبا كده بيتعذب عشان الذنوب اللي ارتكبها وجريت على برا
بس إيه وضعية الموت بتاعتك دي لو سمحت اتعدل عشان يبقى شكلك حلو وأنت ميت
(يتعدل إيه بس هو رايح يتصور يا أختاه????)
جوزها لسه على وضعه
هى: لا بجد بدأت أخاف أنت مبتردش ليه طيب
وبصت عليه بخوف وقالت تقريبا كده بيتعذب عشان الذنوب اللي ارتكبها وجريت على برا
وبعد نص ساعة دخلت الغرفة تاني تبص على جوزها لقيته اتغطى ونام
فتسللت إليه وشدت البطانية وقالت الحقونييييييي
قام جوزها مفزوع ومخضوض:في إيه موتي العيال ولا طلعتيهم من بطنك ورمتيهم من البلكونة
هى: لأ لسه معملتش كده بس تصدق فكرة
جوزها بصدمة: اوعى تنفذيها بالله عليكي أنا بقيت أخاف على العيال أسيبهم معك
بقلم إسراء إبراهيم (إيسو إبراهيم)
هى: ياخويا عايز تخدهم تحطهم في بطنك بدالي أنا معنديش اعتراض
على الأقل بطنك كبيرة وهتاخدهم وهيعرفوا ياخدوا راحتهم فيها
جوزها: ها
هى: مش وقت عدم استيعاب دلوقتي أرجوك احنا بكرة هنروح للدكتور وننقلهم من بطني لبطنك
جوزها بصدمة: أنتِ دماغك في المهلبية خالص دي طارت منك خالص
يا شيخة أقوم أموت نفسي بدل العذاب اللي بشوفه معاكي ده
هى: عايز تموت نفسك يا خاين عشان تخلي عيالك يتامى واروح أجري عليهم وأتذلل للناس وأقول ليهم بجري على يتامى
عشان يدوني فلوس ولا أكل واتمرمط في الشوارع عشان أربي عيالك
ويبقى لسه عندي مثلا كام وعشرين سنة بس ساعتها اللي هيشوفني هيقول عليا عندي سبعين سنة
وأنت ولا على بالك هتبقى متت وارتحت ونايم في قبرك مرتاح ولا همك عيل بده مصاريف ولا تربية يا جاحد
جوزها مصدوم وقاعد دماغه بتلف: أنا بجد فعلا حاسس إن روحي بتطلع
دا أنا خايف لما أموت تيجي عند قبري وتقري عليا وتحسديني يا شيخة ارحمي اللي خلفوني
هى:.وكمان بتعلي صوتك وبتزعق ليا والعيال في بطني يتخضوا ويفضلوا يعيطوا وأنا طبعا مش هعرف اسكتهم
ما أنت قلبك بقا جامد ومش هامك مراتك ولا عيالك اللي في بطني
جوزها: باااااااااس بقا إيه
هى: لا ياخويا مش بس لسه مخلصتش كلامي طالما مش قادر الجواز والمسئولية إيه اللي خلاك تتجوز
كنت اقعد مع أهلك وعيش بدون مسئولية طالما أنت ماقدرش تتحملنا
جوزها بصدمة: بعد ده كله ومش قد المسئؤلية ماقدرش اتحملها
يا شيخة أعمل إيه أقوم أولع في نفسي
هى: عايز تولع في نفسك في الشقة هنا عشان نموت معاك صح طالما أنت عايز تموت تموت الناس معاك ليه
جوزها: لا بجد أنا كده هعيط يا شيخة هتجيبي أجلي أقوم أنتحر من عالسرير ده يعني
هى: لا ياخويا كده هتقع وممكن تتألم قبل ما تموت
أحسن حاجة اطلع عالدولاب وانتحر من عليه محتحسش بحاجة خالص هتموت على طول
ولو عايز موتة بدون ألم قوم نط من الدور العاشر ده أسهل
جوزها بصدمة: دا أنتِ بيعاني خالص
هى: أبيع فيك إيه يعني دا أنت مش هتجيب تمن ولادتي
جوزها: لا بجد كده كتير كتير أوي يعني
هى: بدل ما تواسيني وتيجي تتكلم مع عيالك وتقول ليهم أنا بابا
جوزها: وأنتِ هتقوليلهم أنا ماما
هى: لا هما عارفين إني أنا ماما
جوزها: لا يا شيخة ابهرتيني الصراحة وابقي بقا عرفيهم على بعض كمان
هى: ده أكيد ودي حاجة تفوتني
جوزها: يارب الصبر من عندك مبقتش متحملها
هى: أنت بتدعي عليا أنا وعيالك صح
جوزها: وربنا ما حصل
هى: يا شيخ ربنا شايفك ومتكدبش استغفر الله
أنت أصلا مش عايزني لا أنا ولا اللي في بطني عشان في اتنين مش عيالك وأنا حلفت ليك إني ماخونتكش
بس أنت شكاك بس أنا ماهسكتش خالص لازم أعرف الاتنين التانين دول عيال مين
جوزها: لا بجد مبقتش متحمل حاسس بدوخة وزغللة في العين ورعشة في جسمي ودخل الحمام وفضل نص ساعة فيه
هى: بتخبط على باب الحمام أنت يابني أنت نمت عندك ولا إيه
ولكن مفيش رد خبطت تاني: أنت يا بني أنت متت ولا إيه
طب طمني حتى أوعى تكون خدت شربت مايه من الحمام دي مش نضيفة أنت يالا
ولكن مافيش رد فضلت تخبط عالباب بالجامد افتح بدل ما اكسره
وفجأة فتح الباب ولكن هى انصدمت!!!
هى واقفة على باب الحمام وبتخبط عليه ولكن مفيش رد
وفتح الباب فجأة وهى انصدمت: إيه ده
جوزها: يا شيخة حسبي الله ونعم الوكيل أنا لو فضلت ساعة معاكي كمان هيجيلي جلطة تخلص عليا
هى: ليه يا خويا دا أنا عسل كده
جوزها: عسل ولا بصل داهية في شكلك في حد يخبط على حد كده
هى: يوه ما أنا قلقت عليك بس شكلك ماله كده أنت كنت بتغرق ولا إيه
وشعرك عمل كده زي ميكون متكهرب
جوزها: ده كله بسببك ياختي يعني معرفتش أنام منك ومن جنانك قولت أدخل الحمام أنام في البانيو
وشغلت الماية عشان الصراحة الجو جوا حر ونمت في البانيو بعد لما مليته
ولقيت علبة شامبو حطيت منها لقيت دخانة في شعري وريحته وحشة
قولت يبقى الشامبو ده منتهي الصلاحية
هى: يعني نمت في البانيو بالهدوم طب كنت اخلعهم ونام
هو: لا استني أنام إزاي في الحمام عريان عايزاني اتلبس يعني
هى: لا هتتلبس ولا هتنقلع المهم مفيش شامبو أصلا جوا خلصان من يومين
جوزها: اومال إيه اللي في العلبة ده
هى: ده كلور ياخويا
جوزها: كلور! وحطاه في علبة الشامبو اها ياني على حظي
هى: عادي يعني اومال احطه فين يعني
جوزها: يا شيخة ياريتك ما وافقتي عليا وكنتي وافقتي على ابن خالتك أنا اللي جبته لنفسي واستاهل ضرب الجزم
هى ببكاء: يعني أنت مش عايزني في حياتك وخلاص هتستغنى عني
جوزها: خلاص متعيطيش أنا بهزر معاكي وأنتي شبه البطيخة كده
هى: وأنت شبه البتنجانة يا رخم
جوزها بصدمة: بتنجانة! دي هبت منك خالص
هى ببكاء: اسكت بقا عشان أنا خايفة وزعلانة
جوزها بحنية: خايفة وزعلانة من إيه يا حبيبتي
هى: خايفة على عيالي عشان قاعدين دلوقتي في بطني وجوا ضلمة وهما أكيد دلوقتي بعيطوا
جوزها بصدمة من هبلها: لا كده بجد كتير اتصلوا عالاسعاف تيجي تاخدني بسرعة
هى باستغراب: ليه يا حبيبي هتاخد عيل تحطه في بطنك
جوزها وهو بيشد في شعره: أنتي هبلة ياما ولا إيه هو لو
نقلوا عيل من بطنك في بطني هيحطوه يعني عندي في المعدة ولا هيحطوه عالكبد ولا فين بالظبط
هى بتفكير: الصراحة معرفش لكن الدكتور أكيد عارف وعنده خبرة وهيحطه في مكان مناسب
جوزها وهو ماسك قلبه: عايز إنعاش بسرعة التنفس هيقف والقلب على وشك التوقف وانتهاء حياتي
هى: ألف سلامة عليك أنت أكيد محسود أصل دي أعراض حسد
جوزها: لا دي أعراض غباء وهبل وجنان بعيد عنك
هى: يا حبيبي ربنا يشفيك ويكفيني شر الأمراض دي
جوزها وخلاص مبقاش متحمل راح البلكونة ورايح يقف عالسور عشان ينط من عليه
هى جريت عليه ومسكت رجله التانية اللي لسه محطهاش عالسور وتقوله استنى خدني معاك
عايزة أنا كمان أطير معاك استني أمسك فيك كويس
وقف جوزها مصدوم ومبقاش بيتحرك خلاص وباصص للسما
هى: أنت بقيت زي التمثال كده ليه ومبتردش ليه رد عليا
ولكن مفيش رد وقالت تقريبا اتجمد طب أروح أجيب بنزين واولع فيك عشان تفك ولا تسيح
خلاص هروح أجيب واجي اوعى تقع بس
(البت دي هتولع فيه حد بسرعة يروح يلحقها قبل ما تنفذ المصيبة دي وتقتل الراجل)
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
