رواية جوليانا الفصل الاول والثاني والثالث والرابع والخامس والسادس بقلم حليمه عدادي حصريه وجديده على مدونة النجم المتوهج
 |
جوليانا اسمها غريب لهذا الكل يناديها جوليا هي فتاة في التاسعه عشر، في السنة الثانيه من الجامعه تتميز بشخصيه محبوبه، والجمال فهي فتاة بيضاء البشره و العيون الزرقاء كأمواج البحر وشعرها الغجري
-امام الجامعه قعدت وهي بتفرك في إيديها بتوتر وخوف لحد ماجت صاحبتها
لينا بقلق : خير يا جوليا إنتي من الصبح مش على بعض الدكتور بيشرح وإنتي مش منتبه ..
جوليا : لينا أنا عايزه أقولك على حاجة بس يبقى الكلام بيننا ..
لينا : جوليا خوفتني اتكلمي في إيه ..
جوليا : آسر طلب مني أروح معاه لبيته يوم ماقلتلك أنا خارجه مع ماما ..
لينا : ماتقوليش إنك روحتي معاه يا جوليا ..
جوليا: لينا أنا وآسر بنحب بعض هو عايز يتقدملي ..
لينا : روحتي تعملي إيه في بيته ..
جوليا : روحت علشان عيد ميلاده وفي الحقيقه ..
لينا بنفاذ صبر : ها إتكلمي يا جوليا مخبيه عني إيه ..
جوليا بتوتر : أنا سلمته نفسي يا لينا وخايفه ..
لينا بصدمه : إيييه سلمتيه نفسك إنتي عارفه إنتي عملتي إيه يابت إنتي ضيعتي نفسك
جوليا : هو بيحبني يا لينا وقالي إنه هيتقدملي بعد مانخلص الإمتحانات ..
لينا : ماتعصبنيش يا جوليا ده شاب بتاع بنات قدر يضحك عليكي هتعملي إيه لو أبوكي عرف دا هيقتلك بدم بارد ..
جوليا بدموع : لينا علشان خاطري ماتقوليش لحد أكيد آسر هيجي يطلب إيدي ..
لينا : ماشي أما نشوف اخرتها معاكي آخر مرة تروحي معاه مفهوم ..
جوليا : حاضر لينا الكلام دا يبقى بينا مش عايزه حد يعرفه ..
لينا: ربنا يستر خلينا نمشي من هنا
**************************
قاعد مع صحابه بيضحك و ماسك سيجاره في إيده
عماد : هههه واد يا آسر إنت طلعت مش سهل ..
آسر : هو أنا أي حد ولا إيه أنا آسر السيوفي ..
عماد: وقعت البنت إمتا الفرح بقى هههههه ..
آسر : ههههه هي كانت رافعه مناخيرها للسما لكن على مين أنا آسر مافيش بنت تقدر تقولي لا ..
عماد : طلعت مش سهل بس البنت بتحبك وإنت كمان بتحبها هههه ..
آسر : حب إيه يابني أنا مش بتاع حب والهبل ده هي زيها زي اللي قبلها ..
عماد : صاحبتها كمان دخلت دماغي ..
آسر : ما تحاول توقعها هي مش سهله زي صاحبتها الهبله يتضحك عليها بكلمتين حلوين ..
عماد : هشوف حظي معاها البنت صاروخ هههههه ..
**************************
جوليا دخلت بيتها شافت أبوها قاعد قدام التلفزيون
مجد بغضب : إتأخرتي ليه ياهانم ..
جميلة : براحه عليها يامجد هي عندها إمتحانات ..
مجد: إمتحانات إيه والإمتحانات ح تفيدها بإيه البنت مالهاش غير بيت جوزها ..
جوليا : بابا أنا عايزه أكمل تعليمي وأشتغل وأعوضكم ..
مجد بسخريه : عوض إيه يابت هو إنتي تقدري على الشغل ..
جميلة : أدخلي يابنتي غيري هدومك وتعالي الأكل جاهز ياحبيبتي ..
-جوليا دخلت أوضتها و هي بتفكر في كلام لينا ياترى لو كلام لينا صح نفضت الأفكار دي من راسها
جوليا : آسر بيحبني مش هيقدر يكذب عليا ..
دخلت الحمام اتوضت أدت فرضها خرجت لقت أمها جهزت السفرة كلت شوية وقامت تجري للحمام
مجد : البت مالها بنتك فيها إيه وشها أصفر مش عاجبني حالها ..
جميلة : يمكن معدتها تعبانه هبقى أخذها علشان تكشف ..
مجد بتذمر : دلع بنات على الفاضي ..
خرجت جوليا من الحمام وشها كان أصفر
جميلة بقلق : مالك يا جوليا إنتي أكلتي حاجة بره تعبتك ..
جوليا : يمكن برد في معدتي أنا هدخل أوضتي أرتاح شوية ..
جميلة : إنتي ما أكلتيش حاجة يابنتي ..
جوليا : معلش ياماما مش قادره أكل تعبانه شوية هنام شوية ولما أصحى هبقى أكل ..
جميلة : تمام ياحبيبتي روحي إرتاحي ..
جوليا دخلت أوضتها ونامت على السرير ورنت على آسر
جوليا : مساء الخير ياقلبي إزيك ..
آسر : الحمدلله ياحبيبتي أقدر أشوفك النهاردة في البيت عندي ..
جوليا : مش هقدر يا آسر أنا تعبانه ..
آسر : سلامتك ياقلبي ..
جوليا : تسلم ياحبيبي وحشتني ..
آسر بخبث : وإنتي كمان وحشتيني أوى ياقلبي ..
جوليا : بكرة لو لقيت وقت هكلمك علشان نتقابل ..
آسر : وأنا هستناكي ياقمر بحبك ياقلبي ..
جوليا بكسوف : وأنا كمان بحبك سلام ..
قفلت معاه وهي مبتسمة فاكره إنها لقت حب حياتها
**************************
ثاني يوم الصبح فاقت جوليا وهي حاسه بتعب ودوخه خرحت من الأوضة وبمجرد ماشمت ريحة الأكل معدتها قلبت وجريت للحمام
مجد بشك: البت مش مظبوطه من إمبارح هي مالها ..
جميلة : مش عارفه أنا هاخذها تكشف ..
- خرجت جوليا من الحمام كان التعب باين عليها
جميلة : بلاش تنزلي الجامعة النهاردة إنتي تعبانه ياحبيبتي ..
جوليا بتعب : أنا كويسه ياماما عندي إمتحان مهم لازم أروح مش هتأخر ..
جميلة : تمام حبيبتي خلي بالك على نفسك تعالي إفطري قبل ماتنزلي ..
جوليا بعجله : لا لا ياماما أنا إتأخرت ..
جميلة : إنتي ما أكلتيش كدا هتتعبي يابنتي ..
جوليا : ماليش نفس ياماما سلام ..
- جوليا خرجت كانت حاسه بتعب لقت لينا مستنياها
جوليا : صباح الخبر إزيك ..
لينا بإبتسامة : صباح النور ياقلبي الحمدلله مالك شكلك تعبانه ..
جوليا : من إمبارح وأنا حاسه بدوخه وبرجع أي حاجة باكلها مش قادره حتى أشم ريحة الأكل ..
لينا بصتلها بصدمه وحطت إيدها على بوءها
جوليا : مالك يا لينا سكتي ليه ..
لينا : يامصيبتي انتي ممكن تكوني حامل دي أعراض الحمل ..
جوليا بخوف : وطي صوتك يالينا حد يسمعك ..
لينا : هو دا كل اللي يهمك تعالي أنا هجيبلك إختبار حمل تعمليه لما نوصل ..
جوليا بفرحه : ياسلام لوطلعت حامل بجد ..
لينا بغضب : وفرحانه دا إبن حرام يا جوليا هو إنتي فاكره إن آسر هيعترف بيه ..
جوليا : أنا مبسوطه علشان آسر أكيد هيفرح وهيجي يتقدملي و أجتمع بحب حياتي ..
لينا: اتمنى إن آسر بتاعك ماتخلاش عنك إمشي قدامي ..
**************************
آسر : بابا إنت بتقول إيه إحنا هنسافر إمتا ..
وليد : بكرة راجعين لفرنسا شغلي كله بقى هناك ..
آسر: أنا خارج بالليل علشان اسهر مع صحابي
وليد : صحابك دول هما اللي ضيعوك ..
آسر : إنت كدا دائما ظالمهم يابابا هما ماعملوش حاجة ..
وليد بسخرية : ماعملوش بس علموك السهر والسجاير ..
آسر بضيق : أنا رايح مليت من نفس القصه ..
آسر خرج وساب والده
وليد : للأسف أنا معرفتش أربيك ..
**************************
وقفت قدام الحمام مستنياها كانت خايفه تطلع حامل أبوها هيقتلها هي تعرف آسر وحذرتها منه أكثر من مرة حاولت تبعدها عنه فاقت من شرودها على صوت جوليا
جوليا بفرحة : أنا حامل يالينا بصي ..
لينا بصدمه : إنتي حامل يا جوليا هتعملي إيه دلوقتي لو ماتجوزتيش آسر بسرعة أبوكي لو عرف مش هيرحمك ..
جوليا : أنا هروح لاسر دلوقتي علشان أبلغه أكيد هيفرح ..
لينا : روحي ياختي وماتتأخريش عليا ..
جوليا راحت جري تدور على آسر لحد ماشافته قاعد مع صحابه وبإيده سيجارة شاروتله علشان يروحلها
آسر : مالك يا جوليا إحنا إتفقنا إننا نتقابل المسا عايزه إيه ..
جوليا بفرحه : آسر ليك عندي خبر حلو أوي ..
آسر : بجد قولي إيه هو الخبر اللي مخليكي مبسوطه أوي كدا ..
جوليا : آسر أنا حامل لازم نتجوز بسرعه ..
اسر :٠٠٠٠٠٠
الفصل 2
آسر : ههههه حامل جوليا إنتي بتتكلمي بجد ..
جوليا : أيوه ياآسر إنت مش مبسوط يعني ..
آسر : ألف مبروك طب ومين أبو الطفل دا ..
جوليا بصدمه : إنت أبوه ياآسر أنا ماعرفش حد غيرك ..
آسر : هههه الكلام دا تروحي تضحكي بيه على حد غيري علشان تلبسيه العيل دا زي ماسلمتيني نفسك أكيد سلمتيها لغيري ياقطه ..
جوليا بدموع : آسر إنت بتقول إيه أنا جوليا حبيبتك ..
آسر : حب إيه وكلام فاضي إيه أنا مش بتاع حب أنا كنت بتسلى معاكي ..
جوليا نزلت دموعها : لا ياآسر ماتقولش كدا دا بابا لوعرف هيقتلني اتجوزني وبعدها طلقني ..
آسر : أنا مسافر بكرة لفرنسا باي ياحبي ههههه ..
جوليا بإنهيار : ااااااالاااا ياآسر علشان خاطري ماتعملش فيا كدا أنا بحبك ..
آسر : إمشي من هنا وإلا هلم عليكي الكل وأقولهم عن علاقتنا ..
جوليا بدموع : ربنا ينتقم منك ياواطي دمرت حياتي أنا مش هسامحك ..
آسر : ههههه وأنا ماطلبتش منك تسامحيني ..
آسر مشي وسابها بتعيط كانت حاسه بالندم لكن الندم مش هيفيدها هي خسرت كل حاجه
راحت تجري لعند لينا اترمت في حضنها لينا دموعها نزلوا على الحالة اللي وصلتلها صاحبتها
لينا : يلا نمشي من هنا يا جوليا ..
جوليا ببكاء : هنروح فين عند بابا علشان يموتني ..
لينا : إمسحي دموعك وارجعي على البيت أكيد هنلاقي حل ماشي ..
مسحت دموعها لكن قلبها لسه بينزف
- روحت على بيت لما دخلت لقت أبوها وأمها قدامها
جميلة بقلق : عاملة إيه دلوقتي ياحبيبتي ..
جوليا بتعب : أنا كويسه ياماما ..
فجأه الدنيا لفت بيها ووقعت على الأرض مغمى عليها ..
جميلة بخضه : جوليا جوليا حبيبتي ..
مجد : ساعديني أشيلها علشان ناخذها للمستشفى ..
************************
في عربية آسر الموسيقى بتشتغل بصوت عالي وآسر بيرقص هو وصحابه
عماد : حرام عليك كسرت البنت ..
آسر : ههههه ياحنين من إمتا الحنيه دي ياض ..
عماد: ههههه من يوم ما شوفتك ياباشا ..
آسر : أنا انبسطت معاها يومين دلوقتي هشوف غيرها ..
ووقت ماهما بيضحكوا على اللي كسر قلبها مخذوش بالهم من الشاحنة اللي كانت قدامهم العربية اتقلبت أكثر من مرة وجثثهم بقت
مرميه على الأرض ..
***********************
جميلة كانت واقفه برا أوضة الكشف ودموعها مش بتقف من خوفها على بنتها الوحيده عكس أبوها
خرج الدكتورة جريت ناحيته
جميلة بلهفه : طمنيني يادكتوره بنتي مالها ..
الدكتوره : الظاهر إنها مأكلتش حاجة ودا غلط عليها هي والجنين ..
مجد بصدمه : جنين إيه يادكتوره ..
الدكتوره بابتسامه : الف مبروك المدام حامل انتوا مكنتوش تعرفوا
مجدي بعصبيه : حامل حامل ازي دي لسه انسه
الدكتوره بإستغراب : إزاي البنت حامل
جميلة : دكتوره إكشفي عليها ثاني اكيد انتي غلطانه
الدكتوره : متأكدة من كلامي البنت حامل و الحمل لسه في أوله
مجدي : بنت الكلب جابتلي العار انا هقتلها
جميلة : استنى يا مجدي يمكن اتلخبطوا مع حدى تاني
مجدي : دي اخرة تربيتك يا هانم بنتك حامل
جميلة حاولت انها توقفه، مجدي زقها بقوة و فتح الباب و لكن انصدم
الثالث
مجد بغضب : هي راحت فين الفاج*رة بنت الك*لب ..
جميلة : استنى يامجد خلينا نسمع البنت بالاول ..
مجد : مش عايز أسمع ولا حرف أنا هقت*لها ..
جميلة : هت*موت بنتك قبل مانفهم منها إيه اللي حصل ..
مجد : حصل إيه اللي حصل إن في كل*ب ضحك على بنتك ماهو واضح ..
خرج يدور عليها وهو في قمة غضبه وجميلة وراه كانت خايفه على بنتها عارفه إنه لو لاقاها مش هيرحمها
******************
في المستشفى دخل وليد يجري بعدما سمع اللي حصل لإبنه
وليد بخوف : أوضة آسر السيوفي لسه واصل عامل حادثة ..
الممرضه : الطابق الثاني أوضة 5 ..
وليد طلع يجري للأوضة اتصدم لما شاف الدكتور بيحط الغطاء على وشه إبنه
وليد : دكتور إبني كويس ..
الدكتور : البقاء لله وحده إبنك أتوفى ..
وليد بعدم تصديق : إنت بتقول إيه إبني لسه عايش ..
الدكتور بأسف : للأسف لما وصل كانت حالته متأخره ..
آسر مات وساب وراه قلب مكسور وذنب كبير مكنش بيفكر إن الموت قريب منه زي ظله
وليد بحزن : إمتا أقدر أخرجه علشان أدفنه ..
الدكتور : بعد ماتخلص الإجراءات ..
*******************
جوليا كانت بتجري وهي خايفه لما فاقت وسمعت صوت أبوها العالي عرفت إنه عرف كل حاجة ساعتها هربت من الشباك راحت على محطة القطر ركبت أول قطر اتحرك كانت خايفه وبتترعش مش عارفه هتروح فين المهم عندها إنها تهرب سندت رأسها و دموعها نزلوا هي السبب في اللي حصلها مشيت ورا قلبها و صدقت واحد واطي ندمت ليه ماسمعتش كلام صاحبتها
عدت كام ساعة لحد القطر ماوقف نزلت مكنتش عارفه هي هتروح فين ولاهي فين كان الوقت متأخر قعدت على جنب الطريق تبكي وهي حاضنة نفسها حست بإيد بتتحط على كتفها التفت بفزع شافت شاب واقف وراها
الشاب : ماتخافيش ياقمر تعالي معايا ..
جوليا بدموع : أرجوك إبعد عني ..
قرب منها أكتر بصت وراها كان المكان عالي حست بالخوف منه
Part 4
مافيش قدامها حل غير إنها تقفز من المكان العالي دا ..
غمضت عينيها ونطت بقوه وقعت على الأرض حست بألم قوي صرخت بقوة حست بحاجة دافيه نازله على رجليها بصت على فستانها الأبيض شافت عليه دم
جوليابألم صرخت : ااااااااه يا رب
الناس اتجمعوا حواليها اتصلوا بالاسعاف اللي جه وشاله
******************
مجد كان في قمة غضبه كسر كل حاجه في البيت
مجد : راحت فين بنت الك*لب دي بس توقع في إيدي وأنا هقت*لها ..
جميلة بإنهيار : إنت عايز تدخل السجن إستنى لما نلاقيها ونسمع منها ..
مجد بغضب: أسمع إيه بعد اللي سمعته دي حطت راسي في الأرض ..
جميلة : هي مش عند صاحبتها ولا عند حد من العيلة روحتي فين جوليا ..
مجد : أنا مش عايز أسمع إسمها هنا ثاني ..
*************************
بعد يومين فتحت عينيها بتعب لقت نفسها في المستشفى دخلت الدكتوره
جوليا بتعب : إيه اللي حصل أنا هنا ليه ..
الدكتوره بإبتسامة : حمدالله على سلامتك ..
جوليا : الله يسلمك يادكتوره ..
الدكتوره : للأسف الجنين نزل ربنا يعوضك ..
جوليا بحزن : أقدر اخرج من هنا دلوقتي ..
الدكتورة : إنتي بقيتي كويسه تقدري تخرجي ..
جوليا خرجت من المستشفى وهي بتعيط مش عارفه هتروح فين ولا هتعمل إيه فضلت تمشي في الشوارع لحد ماتعبت قعدت ترتاح جت بنت قعدن جنبها وهي بتشرب سجاير
البنت : إزيك ياقمر أنا مروة ..
جوليا بتوتر : وأنا جوليا.
البنت : شكلك مش من هنا ..
جوليا : أيوه أنا مش من هنا بس الظروف هي اللي جبرتني أجي هنا ..
مروة : تعالي معايا كلنا بنات وإنتي هتقعدي معانا ..
جوليا بفرحه : بجد هتخلوني أقعد معاكم ..
مروة : أيوه يلا قومي معايا ..
جوليا دخلت معاها لبيت صغير فيه بنات كتير وريحة الس*جاير ماليه المكان
مروة : بنات البنت دي جديدة هتقعد معانا هنا ..
إتكلمت بنت من الموجودين وهي بتضحك بم*ياعه
أهلاً بيكي ياقمر ..
جوليا بخوف : أهلاً ..
جوليا قعدن معاهم كام يوم كانت خايفه كل ليلة رجالة بتيجي للبيت وبيشربوا خم*ر و مخ*درات
وفي ليلة دخل واحد من الرجالة دول لأوضة جوليا
جوليا بخوف : مروة مش هنا أخرج استنها برا ..
الراجل : ههههه بس أنا عاي*زك إنتي ياحلوه ..
جوليا : أخرج برا وإلا هصرخ وألم عليك الناس ..
دخلت مروة بغضب من صوتها العالي
مروة : إيه اللي بيحصل هنا ..
الراجل : كل البنات اللي عندك أنا بدفعلهم أومال دي رافضه ليه ..
مروة : إنت أخرج دلوقتي وأنا جايه وراك ..
الراجل خرج مروة قربت من نور مسكتها من ذراعها
مروة : بصي ياحلوه شغلك هنا هو إنك تبيعي جس*مك لأي راجل يجي هنا زي ماكل البنات بتعمل ..
جوليا : إنتي بتقولي ايه إنتي اتجننتي عايزاني أعمل زيهم ..
مروة : هو دا شعلنا يلا جهزي نفسك شويه وهخلي الراجل يدخل لعندك ..
جوليا : مستحيل أكرر نفس الغلطه ..
جوليا زقت مروة وطلعت تجري لبرا
جريت بكل قوتها ودموعها نازله
جوليا : أنا السبب أنا اللي وصلت نفسي لهنا هو دا عقاب ربنا ليا يارب سامحني ..
كملت جري وسط الشارع مكنتش عارفه هي رايحه فين المهم إنها تبعد
وقفت فجأه لما شافت
Part 5
وقفت فجأه لما شافت ست كبيره بتبكي وبتترجى الراجل إنه يسمحلها إنها تدخل وهو بيزقها لورى
الست :
-بص بكرة هخلي إبني يدفعلك الإيجار سيبني أبقى هنا الليلة ..
الراجل: لو ماعندكيش فلوس علشان تدفعي الإيجار خليكي في الشارع ..
الست : حرام عليك أنا في سن والدتك ..
زقها بقوة كانت هتقع لولا إيد جوليا اللي مسكتها بقوة
جوليا بغضب : إنت مش شايف إنها ست كبيره وكمان تعبانه مافيش في قلبك رحمه ..
الراجل : هي مادفعتش الإيجار وأنا مش هسمحلها تبقى هنا خذيها من هنا ..
جوليا : تولع إنت وشقتك إنت فاكر إنك بتطردها من الجنة إنتي ماعندكيش حد تروحيله ياطنط أخذك لعندوا ..
الست : لا يابنتي ماليش حد غير إبني هو استأجر لي الشقه دي وراح علشان يشتغل علشان نقدر ندفع الإيجار ..
جوليا : تعالي نقعد هناك وكلمي إبنك ..
قعدت الست و جولياقعدت جنبها
الست : أنا إسمي كريمة إنتي بتعملي إيه في الشارع في الوقت المتأخر دا يابنتي ..
جوليا بدموع : أنا حكايتي حكايه ياخالتي أنا اللي وصلت نفسي للحالة اللي أنا فيها دي ..
كريمة : احكيلي حكايتك يابنتي لو عايزه ..
بدأت جوليا تحكيلها عن حبها لأسر وإزاي ضحك عليها واتخلى عنها
كريمة : لا حول ولا قوة إلا بالله ربنا ينتقم منه لكن يابنتي إنتي برضو غلطانه كان لازم تحافظي على نفسك اللي بيحبك بجد يجي لبيت أهلك ويطلبك اللي يحبك هيخاف عليكي حتى من نفسه إنتي عندك كام سنه يا جوليا ..
جوليا : عندي 21 سنة ببكاء أنا اللي هبله فكرت إنه بيحبني ياريتني موت قبل ما أعمل اللي عملته الموت أحسن ليا ..
كريمة : يابنتي استغفري ربنا إنتي غلطتي وندمتي خليكي هنا أنا هروح عند الجيران علشان أكلم إبني وراجعه ..
جوليا بدموع : تمام وأنا هستناكي ..
كريمة دخلت عند الجيران جوليا قعدت تعيط كانت حاسه بالندم
جوليا ببكاء : ياريت لو يرجع بيا الزمان مكنتش غلطت أنا كنت فاكره إني لقيت اللي يعوضني عن العذاب اللي بشوفه مع بابا ولقيت اللي يطبطب عليا ويكون سندي يارب سامحني ..
كريمة رجعت خذتها في حضنها كانت مشفقه على حالتها لأنها لسه صغيره على اللي بيحصلها دا ..
وهما قاعدين و قف قدامهم إتنين
جوليا : إنتوا عايزين ايه؟
Part 6
جوليا: إنتوا عايزين إيه إمشوا من هنا ..
الشاب : ههههه طلعي كل اللي معاكي ..
قربوا من كريمه أخذوا منها شنطتها وفضلوا يرموا كل حاجه في مكان
جوليا: سيب الشنطه ياواطي ياكلاب ..
الشاب : اسكتي أحسنلك ..
جوليا: يعني هتعمل إيه ياكلب غير إنك بتستقوى على النسوان ..
قرب منها نور رجعت لورا مسك ذراعها بقوة وطلع مطوه من تحت هدومه وضربها بيها
جوليابألم : اااااه
وقعت جوليا على الأرض الشاب جري هو وصاحبه
كريمة بخضه : ماتخافيش يابنتي هتبقي كويسه..
جوليا بتعب : أنا اتمنيت إني أموت وشكل كدا أمنيتي اتحققت وهمشي من الدنيا دي اتمنى إن ربنا يسامحني ..
كريمة : ماتقوليش الكلام دا ..
جري شاب ناحيتهم
الشاب بخوف : خير ياماما إنتي كويسه مين البنت دي ..
كريمة : مش وقته يابنتي اتكلمت مع صاحب البيت شيلها دخلها ..
شالها دخلها حطها على أقرب كنبه
كريمة : علي هاتلي علبة الإسعافات الأولية ..
علي : ياماما لازم نأخذها المستشفى ..
كريمة : الجرح سطحي أنا هتصرف أخرج إنت خليني أشوف شغلي ..
بعد مدة قصيرة كريمه خلصت عقمت الجرح وطلبت من إبنها إنه يشيلها ويدخلها الأوضة ..
علي : مين البنت دي ياماما ..
كريمة حكت لأبنها كل حاجة عن نور
علي : لا حول ولا قوة إلا بالله ..
كريمة : علي أنا عايزاها تبقى معايا هي مالهاش مكان تروحله ..
علي : اللي تشوفيه ياماما صاحب البيت أنا دفعتله الإيجار ماتخافيش أنا هبقى معاكم هنا لحد مالاقي شغل ..
عدى شهر كامل، و جوليا قاعدة معاهم كانت حاسه إنها مثقله عليهم، لكن هي ماعندهاش مكان تروحله
جوليا : ماما أنا عايزه أشتغل مش هبقى قاعده كدا ..
علي : لا ممنوع تشتغلي إنتي ناقصك حاجة قولي ..
جوليا: أنا عايزه أشتغل وأعتمد على نفسي ..
علي بضيق : وأنا قلت مافيش شغل لو في حاجة نقصاك أو محتاجه حاجة قولي لماما ماشي ..
جوليا : بس أنا عايزه أشتغل مش ابقى قاعده كدا ..
علي بعصبية : قلت مافيش شغل يعني مافيش شغل وسابهم وخرج وهو متعصب
جوليا: ماما أنا قلت حاجة زعلته ..
كريمة : جوليا يابنتي مع إنك قاعدة معانا من فتره صغيرة بس الظاهر علي بيحبك ..
جوليا : حب إيه ياماما هو بس بيشفق عليا مافيش واحد يقبل إنه يحب واحدة زيي ..
كريمة : لكن علي بيحبك هو إبني وأنا عرفاه ..
جوليا : بس أنا مش عايزه أظلمه معايا هو يستاهل اللي أحسن مني ..
كريمة : وتظلميه ليه إنتي غلطتي وندمتي ..
جوليا ببكاء : لا ياماما علي حد كويس ويستاهل الأحسن أنا مش كويسه ..
جوليانا قعدت على الأرض و انهارت
جوليا : أنا مش كويييييسه أنا واحده غلطت أكبر غلط وغلطها مايتغفرش ..
علي دخل يجري لما سمع صوتها قعد جنبها على الأرض وخذها بحضنه قلبه وجعه عليها هو رغم إن المدة اللي قعدت فيها معاهم قصيره إلا إن قلبه اتعلق بيها
علي : ششش اهدي إنتي كويسه ..
جوليا: لا أنا مش كويسه ياعلي لوكنت قابلتك في وقت غير دا كنت حبيتك من قلبي أنا كنت محتاجه حد يقف جنبي كنت محتاجه لحنان الأب ..
علي بحنان : أنا جنبك يا جوليا مش الماضي بتاعك مايهمنيش اللي تهمني جزليا بتاعت دلوقتي جوليا الطيبه والحنونه ..
جوليا بدموع : علي إنت ممكن تسيبني لوحدي ..
علي : أنا رايح الشغل ولما أرجع نبقى نتكلم ماشي ..
كريمة : ربنا معاك يابني ..
خرج علي كان حزين علشانها هو حبها رغم ماضيها ومش بيفكر في أي حاجه غيرها ..
جوليا : ماما أنا همشي من هنا ..
كريمة : هتمشي تروحي فين يابنتي ..
جوليا : راجعه لعند بابا خليه يقتلني وأخلص خلاص مش قادره أعيش ..
كريمة : إنتي بتقولي إيه يا جوليا إنتي مش هتروحي لمكان ..
جوليا: قولي لعلي يسامحني أنا حبيته لكن مش هقدر أكون معاه هو حد كويس ويستاهل اللي أحسن مني ..
كريمة : ماتمشيش يابنتي خليكي معانا هنا ..
جوليا: مع السلام ياماما خلي بالك من نفسك ..
جوليانا وهي منهارة ودموعها نازله على وشها راحت لمحطة القطر ركبت القطر
***********************
علي رجع على البيت بعدما اتصلت بيه والدته
علي بقلق : فيكي إيه ياماما إنتي كويسه و جوليا كويسه ..
كريمة : جوليا راحت للموت برجليها ياعلي يابني ..
علي بخوف : موت إيه جوليا فين ياماما ..
كريمة : راحت لأبوها وهو أكيد هيقتلها أول ما توصل ..
علي : ليه سبتيها تمشي ياماما ..
كريمة : حاولت إني أمنعها لكنها صممت إنها تمشي ..
علي : ماما إنتي تعرفي عنوان بيت أهلها ..
كريمة : أيوه يابني ..
***********************
القطر وصل المحطه جوليانا نزلت من القطر وراحت على بيت أهلها كانت ماشيه ودموعها نازلين على وشها شافت لينا قدامها
لينا بفرحه : جوليا إنتي بجد هنا ..
جوليا : أيوه أنا هنا يالينا أنا ادمرت..
لينا : جوليا إهربي بسرعة أبوكي هيقتلك ..
جوليا : أنا عايزاه يقتلني علشان أخلص من العيشه اللي أنا عيشاها دي أنا مش قادره أعيش بشكل طبيعي بعد اللي عملته ..
لينا : بس إنتي ندمتي يا جوليا ربنا غفور رحيم ..
وهما بيتكلموا حد جه ومسك إيدها والحد دا كان أبوها
مجد بعصبية : إنتي هنا يافاجره تعالي معايا ..
جوليا راحت معاه من غير أي مقاومة ومن غير ماتنطق لحد مادخلوا البيت
جميلة : جوليا حبيبتي كنتي فين ..
مجد : إبعدي لو قربتي منها هعمل فيكي زيها ..
دفع جوليا بقوة وقعها على الأرض مسك الكرباج ونزل فيها ضرب جوليا كانت مستسلمه ليه مش مهمته بالألم اللي حاسه فيه لأن ألم قلبها كان أكبر ضربها لحد مانزفت من كل مكان ..
جميلة بدموع : علشان خاطري يامجد سيبها البنت هتموت في إيدك ..
جوليا بصوت ضعيف : سيبيه يقتلني ياماما ..
الباب خبط بقوة جميلة فتحته دخل علي يجري مسك الكرباج من إيد مجد
مجد : إنت مين وبتمسك إيدي ليه ..
علي : علشان اللي نازل فيها ضرب دي تبقى مراتي يا أستاذ ..
مجد : اااااها يعني إنت الكلب اللي ضحكت عليها ..
علي : أنا مضحكتش على حد المأذون هيوصل بعد شوية ..
مجد : خذها من هنا ومش عايز اشوف وشها مرة ثانية ..
جميلة : لا يامجد ماتعملش كدا وتبعدني عن بنتي ..
مجد : وإنتي كمان طالق بالثلاثة إتفضلي روحي معاها ..
جميلة بصدمه : بقى بعد السنين دي كلها تطلقني يامجد ..
مجد : من اليوم اللي دخلتي فيه البيت مع البنت دي أنا ماشوفتش يوم حلو ماهي زي أبوها ..
جوليا : يقصد إيه ياماما ..
مجد : أنا مش أبوكي من يوم ماأخويا ما مات وأنا مستحملك إنتي وأمك أنا تعبت منكم ..
جوليا بعدم تصديق : إيه اللي بيقولوا دا ياماما كلامه صح ..
جميلة : أيوه يابنتي من بعدما أبوكي ما مات أنا اتجوزت مجد ..
جوليا بإنهيار : حرام عليك علشان كدا طول السنين دي بتعاملني المعاملة القاسيه ومش بترحمني ..
علي : خلاص ماتعبيش نفسك أكتر يا جوليا
دخلت لينا هي والمأذون وإتنين شهود انكتب كتابهم علي كان مبسوط أوي لكن جوليا كانت زعلانه
خرجوا من البيت شالها وحطها جوا التاكسي
علي : طنط إنتي هتيجي معانا ..
جميلة : لا يابني هبقى في بيتي وهبقى أجي أزوركم ..
علي : تنوري في أي وقت ..
اتحرك التاكسي جوليا طول الطريق مانطقتش دموعها كانوا نازلين بصمت
علي خذها في حضنه وقلبه كان موجوع علشانها لحد ماوصلوا للبيت دخلت جري لأوضتها وقفلت الباب
كريمة : حصل إيه يابني مالها جوليا
Part 7
علي حكالها كل اللي حصل عليها
كريمة بحسره : البنت دي اتعذبت كتير والندم كل يوم بيأكل فيها مبقتش تنام ولاتضحك ولا تاكل ..
علي : أنا بحبها عارف إنها غلطت لكن ندمت وعرفت غلطها وربنا غفور رحيم ..
عدت الأيام وعلي بيحاول معاها علاقتهم اتحسنت وقربوا من بعض علي بيحاول يفهم نور إن الماضي بتاعها مش بيهمه وإنه بيحبها احب طيبتها وقلبها الطيب
نور قعدت جنبه وهي متردده إنها تسأله
علي : اتكلمي يانور أنا سامعك ..
نور بدموع : علي إنت بتحبني بجد مش هيجي في يوم وتندم ..
علي : أنا بحبك يانور وهندم لوسيبتك ..
نور بابتسامة : أنا مش عارفه عملت إيه حلو في حياتي علشان ربنا يعوضني بحد جميل زيك ..
علي : الحياة صعبه وربنا مش بينسى حد ..
نور : علي تفتكر ربنا هيسامحني أنا مش قادره أسامح نفسي ..
علي : إن الله غفور رحيم وإنتي ندمتي وبتحاولي ترجعي لربنا إن شاءالله ربنا هيسامحك ..
نور : الحمدلله ..
علي : أنا عايزه أكمل حفظ القرآن الكريم معاكي إحنا وصلنا فين ..
نور بفرحه : إنت بتتكلم بجد أنا مبسوطه أوي وبقيت أحفظ بسرعه إن شاءالله هختمه قريب ..
علي : إن شاءالله هنختمه مع بعض ياقلبي مش دا هو الوقت يلا
نور دخلت الحمام اتوضت ولبست اسدالها وقعدت تستنى علي رفعت إيدها تدعي ربنا ودموعها نازله
نور ببكاء : اللهم اغفر لي ذنبي كله دقه و جله أوله و آخره يارب العالمين يارب أنا غلطت سامحني ..
علي قعد جنبها مسح دموعها
وفتح المصحف وبدأ يقرأ بصوته الجميل وهي بتسمعله بكل جوارحها وبتتمنى من ربنا إنه يسامحها
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق