رواية محنه الفصل الاول بقلم ايسو إبراهيم حصريه وجديده على مدونة النجم المتوهج
 |
جالها اتصال من والد خطيبها ردت عليه، لكن كانت الصدمة لما قال لها إن خطيبها عمل حادثة وفي العمليات دلوقتي
قفلت معه بسرعة، وراحت تعرف أهلها ولبسوا وراحوا المستشفى، كانت هدية بتعيط وبتدعيله في سرها
وصلوا هناك وسألوا عليه، طلعوا عند غرفة العمليات، لقوا أهله هناك ولسه هيتكلموا لقوا الدكتور طالع وقال: الحمد لله وقفنا النزيف بس فيه كسور، وهيفضل في العناية 24 ساعة، وبعدها هنعمل الفحوصات ونطمن أكتر عليه
والدة مروان: طب يا دكتور ينفع نشوفه؟
الدكتور: لا يا حاجة إن شاء الله بكرة الصبح، عن إذنكم
وسابهم ومشي وأهل هدية بيهدوهم بكلام ربنا "قل لن يصيبنا إلا ما كتب الله لنا"
قعدوا معهم لتاني يوم مارضيوش يمشوا، ووالد هدية راح يجيب حاجات خفيفة ليهم ياكلوها وعصير، وكلوا بعض مناهدات من أهل هدية، ولكن هدية كانت زعلانة عشانه وبتدعيله يبقى بخير
فات اليوم وهما بيدعوله، تاني يوم كان فاق والدكتور بيكشف عليه بيشوف مؤشراته
طلع لهم وقال بعملية: دلوقتي هو فاق وبعد لما كملنا فحوصات واللي كنا شاكين فيه طلع أكيد
والده: إيه دكتور خوفتنا
بقلم إيسو إبراهيم
الدكتور: مش هيقدر يمشي على رجله تاني
كلهم بصوله بصدمة وقال والده: يعني مفيش أي عملية تخليه يرجع يمشي تاني؟
الدكتور: للأسف لأ، لأن الحادثة كانت شديدة وأثرت على الأعصاب بشكل كبير جدا، واستأذن الدكتور ومشي بعد لما طلب لهم وقت الزيارة مسموح دلوقتي بس مش كلهم يدخلوا
دخل أهله الأول، وأهل هدية برا زعلانين عشانه
فقال والد هدية: ربنا يصبره على هذا الابتلاء ويعوضه خيرا
قالت والدة هدية: ويصبر أهله
كانت هدية ساكتة مش بترد عليهم دماغها هتنفجر من التفكير، يعني كدا خطيبها بقى مشلول ومش هيقدر يمشي على رجله تاني، طب هيتأقلم ولا ردة فعله هتبقى إيه
قاطع تفكيرها صوت والدتها وهي بتقول: هتعملي إيه يا هدية؟
هدية باستغراب: في إيه؟
والدتها: في موضوعك أنتِ ومروان، يعني هتكملي ولا هتفسخي الخطوبة
بصتلها هدية وقالت بتنهيدة: ****
يا ترى قرار هدية إيه؟
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق