expr:class='data:blog.languageDirection' expr:data-id='data:blog.blogId'>

رواية الحكايه فيها عشق الفصل الرابع عشر بقلم نرمين هاني حصريه وجديده على مدونة النجم المتوهج للروايات والمعلومات

 رواية الحكايه فيها عشق الفصل الرابع عشر بقلم نرمين هاني حصريه وجديده على مدونة النجم المتوهج للروايات والمعلومات 

رواية الحكايه فيها عشق الفصل الرابع عشر بقلم نرمين هاني حصريه وجديده على مدونة النجم المتوهج للروايات والمعلومات

من اين اتيت بتلك القوه حواء ؟!!

قوتى من حرجى ف عندما كان قلبي يتفتت ألماً ضحكت بشدّه.

ثُم أنني لمّ أكن أدرك بأن جمال تلك البدايات لا يعني بالضرورة سعادة النهايات ،

و أن أول خطوة جميلة في طريق الحب قد لا تصلُ بِنا إلا إلى أراضِ من التيه المُريب ، و أن اكتراث القلب لتفاصيل شخص ، لا يعني بالضرورة بدايّة الجمال السرمدّي.

و أن الانصياع خلف القلب مجازفة تقبلُ الفراق و الهزيمة اكثر مما تقبل البقاء و الدوام ، و أن السير خلف مشاعر البدايات المُزيفة قد لا يُخلد منه سوى الندم العظيم ، و أن الخوض في قلوبِهم قد يُورثُ قلوبنا الحسرة و الألم ، و أن دقات القلب قدّ تخضعُ يوماً لبشر قد لا تستحقُ شيئاً مطلقاً 🌟.

.....................................

....................فى منزل حمزه !!!...............

.....................فى غرفته !!..............

تدخل مها الغرفه ويبدو عليها الغضب الشديد قائله :-

- انت بتستهبل ياحمزه !!!!

فزع حمزه بشده ليضع يديه على قلبه سريعا قائلا بغضب :-

- حد يدخل كدا وبعدين ايه اللى جابك تانى مش كنتى هنا من يومين ؟!!!!

اقتربت منه لتقول بملامح جامده :-

- حماتى تعبانه وبعدين متغيرش الموضوع بقى انا اعمل اكل وفى الاخر حضرتك متكلوش وبعدين مخلى الشقه معفنه كدا ليه هه !!!!

تنهد بضيق ليقول بنفاذ صبر :-

- مها ارحمينى مش ناقصك غورى يالا روحى لجوزك انا مش نايم ودماغى فيها مليون حاجه😣

نظرت له بصمت لتردف وهى ترفع احدى حاجبيها بتساؤل :-

- انت اتكلمت مع شذى ولا اى ؟!!!

رمقها بحزن وهو يحاول الابتسام :-

- لاء ولا هتكلم النهارده قرايه فتحتها !!!!

لطمت على صدرها بقوه لتقول بعدم تصديق :-

- يانصيبتي !!! انت بتتكلم جد ؟!!!😮😒

تنهد بقوه مشيرا لها بيده :-

- اومال بهزر يعنى وكمان ابن خالتها مش غريب يعنى هتلاقيها قصه حب كمان وانا ولا هنا !!

حزنت بشده فهى تعلم ان اخاها يحب شذى وبشده فقتربت تربت على كتفه قائلة :-

- ان شاء الله ربنا يرزقك بالاحسن

تنهد بألم......ان شاء الله

نظرت له بصمت لبضع دقائق لتتابع........طيب انت كلمتها ؟!!!

ضيق عينيه ليقول بقلب محطم :-

- اتصلت كتير بس انا مبردش عليها مش هقدر استحمل تكلمنى عنه

ثم نظر لها ليقوم بابتسامه......كبرى بقى من الموضوع دا وياريت متفتحهوش تانى و يالا امشى من هنا عشان ورايا شغل قد كدا

قالها وهو يتوجه نحو مكتبه ممسكا بعدة ملفات !!!

مها بتساؤل....شغل اى دا ؟!!

استند بمرفقيه على المكتب ليقول بتعب وارهاق :-

- همسك الشركه على ما ادهم يجى ممكن تسبينى بقى عشان بجد مصدع

نظرت له لدقائق لتتابع :-

- اهرب اهرب بالشغل عشان تنساها حركه برضو انا لو منك اروح اخطفها بدل ما انت بتحب على نفسك كدا ياموكوس😂😏

نظر لها بغضب شديد لتفر هاربة مغلقة الباب خلفها لترفع يدها لاعلى قائله :-

- ربنا يسعدك ويريح قلب ياحمزه يارب

لينظر حمزه الى هاتفه ليجد عدة مكالمات فائته من شذى ف يتنهد بضيق ثم نظر للاب الخاص به وهو يحاول ابعادها عن تفكيره حتى ينجز عمله على اكمل وجه !!!

..............................................................

..............فى الفيلا !!!!............

..........فى غرفة شروق !!!!......

تسير ذهابا وايابا بتوتر وغضب فهى تشعر بالذنب نحو ادم وبشده فهى من تسببت له فى اﻻبتعاد عن خطيبته وهو من دافع عنها واحتواها فى منزله !!!!!!

شروق تجلس بغضب وهى تفرك يدها ببعضهم البعض :-

- اوووووف انا مش هعرف انام كدا وبعدين بقى ؟!!!

ثم وقفت لتتوجه نحو الشرفه لتقف بها ليلفت انتباهها جلوس ادم فى الشرفه المجاوره لها ويبدو عليه الشرود الشديد حتى انه لم ينتبه لها !!

شروق لنفسها....طيب اكلمه دلوقت وﻻ ادخل وﻻ اعمل اى ؟!!!

شروق وقد قررت الحديث فهى لم تستطيع النوم اﻻ بعد ان تتحدث معه وهى تدرك هذا جيدا !!

نظرت له شروق لتقول بصوت متوتر......احم احم ادم !!

لم يلتفت لها بل لم يسمعها من اﻻساس.......

شروق بصوت خافت........اى اﻻحراج دا بقى هو حلقلى وﻻ اى؟!!!!!😂😒

لينظر لها ادم فيراها تحدق به فى شرود ليقول وهو يرفع احد حاجبيه مستغربا استيقاظها فى هذا الوقت !!!!!!

- فى حاجه ياشروق ؟!!!!

نظرت له بخجل وتوتر من تحديقها به ل تردف بصوت خافت يغلبه التوتر :-

- اى .... لا ....اه ....يعنى !!!

رفع احدى حاجبيه ضاحكا بخفوت :-

- فهمت انا اى بقى كدا اه ولا لاء ولا يعنى

نظرت للارض بصمت لتحاول ترتيب كلماتها والسيطرة على توترها ثم رفعت عينيها لتقول :-

- انا اسفه !!!

عقد حاجبيه بشدة ليقول بتساؤل واستغراب :-

- اسفه على اى ؟!!!

تنهدت لتقول :-

- على انى السبب فى اللخبطة اللى حصلت دى بس مكنش فى داعى انك تسيب خطيبتك انا كنت ممكن اخد حق عشق من غير كل دا مايحصل✋

اغمض عينيه نتيجة انفعاله ليقول بصوت خافت نوعا ما وهو يجز على اسنانه بقوه :-

- انتى ملكيش سبب علياء غلطت ودا عقابها !!

نظرت له بضيق فهى شعرت بوجع الحب من قبل وحزينه على علياء بشده برغم ما فعلت فهو قد تسرع فى انهاء العلاقه فكان يمكنه عقابها بأى شئ آخر لتردف بتساؤل يغلبه التمني :-

- هترجعلها ؟!!!🤔😊

نظر امامه ليتنهد بقوة قائلا بجدية :-

- لا !!!

لم تتمالك نفسها لتقول بانفعال :-

- انانى ومتحكم وعينك فارغة زى كل الرجاله جتكو القرف مليتو البلد 😂😡

نظر لها مذهولا من تحولها هذا وقد اجتمع الغضب فى مقلتيه :-

- انتى بتقولى ايه انتى هبله يا بت انتى ؟!!

هدات قليلا لتتابع :-

- لا مش هبله بس انتوا الرجاله كدا انانين يعنى هى تحبك تقوم سايبها كدا عادى مش حرام عليك

رفع حاجبيه واتسعت عيناه بشده فهى من المفترض ان تسعد بهذا الخبر فهو فعل هذا من اجلها :-

- انتى معاها يعنى تضرب عشق عادى وتهينك عادى انا بجد مش مصدق !!!

شروق.....لا طبعا بس متوصلش ان ابعد اتنين بيحبو بعض عن بعض وافرق بينهم واحس بالذنب دا انا كنت اقدر اخد حقى ب اى طريقه تانيه✋

ضحك بشده ليقول :-

- واضح ان مشاعرك اللى بتسيطر عليكى ونوعك دا على فكره هينضرب على دماغه وهيتوجع كتير !!

تنهدت بشرود لتردف :-

- اكتر من كدا ؟!

نظر لها بفضول ليردف :-

- تصدقى انك غريبه بجد

نظرت له باستغراب وهي ترفع احدى حابيها :-

- غريبه ازاى يعنى !!!

هز آدم كتفيه ليقول بابتسامة :-

- يعنى غامضه شويه بس اللى شاكك فيه انك حبيتى و اتوجعتى و اتعقدتى من الرجاله

نظرت له بذهول لتقول وهى تبتلع ريقها بصعوبة :-

- ليه بتقول كدا ؟!!

ضحك ادم مرددا :-

- يعنى فى المستشفى وهنا دلوقت ليردف مقلدا اياها :-

- رجولى متعفن انانى خاين زباله كلكم تبقى واحده حبت وخدت على دماغها مش محتاجه ذكاء يعنى😏😉

ابتسمت بألم ل تردف......لا دا عشق بس انتو كلكو زباله فعلا والعشق دا عباره عن وجع قلب وكسره ودنيا تسود فى وشك فاجئه واكتئاب وحزن وقلب موجوع والتوهان والعصبيه والوحده يعني تبكي بس من غير دموع وساعات بدموع بس ....يعنى تصرخ من جواك يعنى زفت وانتم السبب فى القرف دا علفكره كلكم متعفنين خاينين ومبتفكروش غير فى نفسكم وبس✋💔

قهقه ليقول باستهزاء....اسم الله عليكم ياملايكه بنت يعنى غرور وتكبر وعند وخيانه وفلوس وهدايا وكدب وزن وصداع و نكد نكد نكد نكد كمان مره ماشاء الله واخدين كلكم جرعة نكد زياده عملتوها ازاى دى يا ولاد اللظينه 😂🤔

غضبت وثارت لتقول بصوت بصوت مرتفع :-

- مش كلنا على فكره !!!

ضحك مقلدا اياها ......واحنا كمان مش كلنا على فكره !!😂

نظرت له بغيظ لتقول بعند......لا كلكم انانين واحنا ملايكه بالنسبالكم

ضحك ليقول....دارى العند اللى طالع منك دا الاول وابقى اتكلمى ماشى ياماما

ضحكت بستهزاء....ها ها ها هموت من كتر الضحك وبعدين مش دا موضوعنا انت المفروض ترجع ل علياء

ابتسم من زوايا فمه مستنكرا ليقول بنصف عين :-

- ياشيخه المفروض فعلا انتى مش واخده بالك انك بتؤمرينى !!!

توترت قليلا لتقول :-

- مقصدش بس صعبانه عليا مش انت بتحبها ؟!!!

نظرت لها ليقول باستفزاز :-

- دى حاجة متخصكيش على فكره وبعدين لعلمك بقى العشق دا حاجه حلوه جدا وبيقوى الانسان كمان ولما تنجرحى بتضعفي .... الحب بيقوى

هزت راسها بالرفض و ابتسمت بألم مطلقه تنهيده حاره تعبر عن ما تشعر به لتقول بشرود :

- لا طبعا العشق جرح !!!......و بنتجرح عشان نقوي منضعفش !!!

قرر مجاريتها في حديثها فتابع بحيره :

-ولما يلتئم الجرح ؟!!!

تنهدت لتقول :

- بنخاف من الحب بنخاف نحب لننحرح تانى!!!!

- مانتى هتحبى تانى اكيد ؟!

اومات براسها عدة مرات لتردف بعدها :

- حتى لو يكفى انى اتعلمت ؛ هبقى اقوى ومش هنجرح بسهوله!!!

ابتسم من زوايا فمه مستنكرا ليقول بنصف عين :

- تفتكرى انك هتهربى منه كتير ؟!!

نظرت له بصمت لبضع دقائق لتقول بتنهيده خارجه من اعماقها :

-مش انا اللى بهرب منه هو اللى بيهرب منى دا لو كان لسه موجود اساسا !!!!

ضحك بخفوت :-

- موجود وهبقى افكرك وقدرك هتلاقيه مستنيكى مهما لفيتى وقابلتى وبعدين جوزك مات واندفن وحياتك مش هتقف عليه عشان بنتك و لعلمك تفكيرك دا غالبا غلط مش عشان اتوجعتى تحكمى على كله بنفس الطريقه لاننا مش زى بعض يالا تصبحى على خير

شروق بشرود......وانت من اهله

لتدخل شروق غرفتها وتصعد بجوار عشق على الفراش وتضمها بقوه قائله بخفوت :-

- فعلا العشق قدر وانتى قدرى ياعشق !!!!😍✋

.................................................................................

................فى اليوم التالى..............

...............فى الشركه..............

حمزه يجلس على المكتب ناظرا لادم بجديه ليقول :-

- ادهم بيقول ان مفيش اخبار عن بنته ومش هينفع يجى دلوقتى

تنهد ادم ليقول.....ربنا يستر وتكون كويسه محصلهاش حاجه

حمزه بتوتر وهو يحاول ترتيب كلماته

- عملته اى امبارح ؟!!

رمقه ادم بعدم فهم ليقول :-

- فى اى ؟!!!

- فى موضوع شذى !!!

قص ادم عليه ماحدث وبعد ان انتهى نظر له حمزه بذهول قائلا :-

- يعنى انت فسخت خطوبتك ؟!!😮

ادم بجديه........ايوه بس معرفش حصل ايه مع شذى لانى نزلت بدرى بس غالبا مفيش حاجه تمت لان لو حصل موافقه ماما كانت هتقولى

تنهد براحه بعض الشئ ليردف :-

- طيب وانت اى النظام هترجع لعلياء ؟!!

رمقه آدم ببرود ليقول.......لا معتقدش انى هرجعلها

ضحك حمزه بشده ليردف :-

- دا انت بتتلكك بقى عشان تخلع😂😉

أمسك بقلمه ليقذفه عليه بغضب :-

- اخلع اى يازفت انت بتستهبل هو انا بتاع الهبل دا برضه وبعدين دا كان رد فعل مش اكتر ومش ندمان عليه على فكره

ليقف حمزه ممسكا بهاتفه مقررا التحدث مع شذى فهو لم يستطيع العمل ولا التركيز فى اى شئ سوى التفكير بها فيجب اتخاذ القرار سواء بالبعد الابدى او بالاقتراب !!!

نظر لادم قائلا.......طيب هعمل مكالمه مهمه واجى

رمقه ادم بلامبالاه.....تمام

خرج حمزه من المكتب ليمسك هاتفه بتردد ويضغط على زر الاتصال ليسمع بعد قليل صوت شذى الذى افتقده وبشده

- الو مين ؟!!

..................

شذى كانت ممسكه بفرشتها وتضع لمساتها الاخيره على لوحتها ولم ترى من المتصل قبل ان تجيب !!

..................

ليأتيها صوته بعتاب مصطنع .....نستينى ولا اى اخس عليكى ؟!!

لتنتفض هى واقفه ناظره فى الهاتف غير مصدقة ثم وضعته على اذنها قائله بغضب :-

- انت بتستهبل يا ابيه كل دا مبتعبرنيش وكمان مبتردش على مكلماتى انت مش طلبت تبقى صديقى الصدوق تقوم تعمل كدا ؟!!

اغمض عينيه بانفعال قائلا لنفسه.....يادى زفت ابيه والله شكلى هولع فيكى يا شذى ؟!!

شذى بضيق.....كمان مش عايز ترد عليا

حمزه وهو يحاول اخراج صوته طبيعيا ليقول..... وافقتى على عمار ولا لا

استغربت شذى بشده لتقول......هو انت عرفت منين ؟!!

تنهد بتوتر.....ادم قالى

شذى تقص عليه ماحدث فهى كانت تحتاج هذا بشدة لتتسع ابتسامة حمزه غير مصدقا ما تقوله !!!

حمزه غير مصدقا وقلبه ينبض بشده......انتى بتتكلمى جد ؟!

شذى.....اه والله

حمزه........طيب انتى فين ؟!

استغربت شذى سؤاله.....فى البيت اشمعنى يعني ؟!

حمزه.....قابلينى حالا عايزك فى موضوع مهم اتأجل كتير اووى يعنى

شذى بفضول......موضوع اى دا ؟!

ضحك حمزه بسعاده.....عشر دقايق وتكونى فى النادى سلام

واغلق الهاتف ليتوجه نحو ادم سريعا ليقول بلهفه :-

- انا ماشى عندى مشوار مهم سلام

وأخذ مفاتيحه لينطلق قاصدا ان يخبرها بكل شئ واليوم فكفى عذاب والم !!

اما ادم نظر له بذهول......الله يخربيت الجنان ناقص روشه انا اى دا بس ياربى ؟!

.........................................................................................

............فى كلية الطب !!!.............

.............فى المدرج !!!..........

رقيه وهى تحتضن ريم بشده قائله :-

- وحشتينى يا دزمه والله

ضحكت ريم لتقول......وانتى اكتر ياقلب الجزمه اترزعى اقعدى

ليجلسوا معا منتظرين بدء المحاضرة

لتنظر لها ريم بغيظ.... يومين غايبه عني ! يومين يا حقيره😂

ضحكت رقيه لتخرج لسانه قائله :-

- قناة الجزيره😄😉

ريم بضحك.....اكل فطيرة😂😂

ضحكت رقيه لتقول :-

- وحشنى الشنا وهزارنا وهبلنا وبعدين فاتك احداث نار يامعلم

ريم بفضول ..........اى هه اى ؟!

رقيه.....اصل عما

ليقاطع حديثها دخول الدكتور المدرج بثقة شديده لتنظر رقيه بلامبالاه فترى عمار فتتسع عينيها بفزع فهى لم تتوقع ان يأتى اليوم بعد ما حدث البارحه !!

رقيه بخضه ....هارحوس عليا دا جه وشكله هيعلقنى فى مكتب العميد دا احتمال يخرطنى زى الملوخيه يارتنى كنت جبت ريكس معايا يادى الحوس اللى انا فيها يانى😮😳

ثم نزلت للاسفل حتى لا يراها ….. ففى المدرج لم تستطيع فعلا شئ فهو الان الدكتور وهى الطالبة واى محاولة منها للجنون ستصبح الخاسرة الأولى !!

رمقتها ريم باستغراب :-

- انتى مستخبيه كدا ليه يابت فى اى انتي عليكى طار ولا اى ؟!!!

لطمت رقيه على خديها بفزع قائله وهى تجز على اسنانها وبطريقه كوميديه تابعت :-

- بصى قدامك يازفته الله يخربيتك هتسوح مكنتش عامله حسابى ان المواجهة تبقى فى المحاضره غطينى وصوتى يا اماااه يالهوى يا انا يالهووى يالهووى يالهووى فينك ياريكس تشوف الزنقه اللى انا فيها😂😱😱

ريم وهى تنظر لعمار الذى ينظر فى جميع الاتجهات ويبدو عليه الغضب الشديد !!😡👀

ريم بتوتر......شكله بيدور عليكى انتى عملتى اى ؟!!!

رقيه وهى تضع يدها على وجهها قائله بخفوت شديد :-

- والنيعمه ما انا دا ريكس واتكتمى بقى احسن ياخد باله الله يخربيتك اما اطلع من هنا هظبتك بس يارب ما يقفشنى !!

وبعد مده بسيطه تنظر ريم امامها بصدمه لتقول وهي تبتلع ريقها بتوتر......رقيه

فترفع رقيه رأسها ببطء لتقابل عينان مليئه بالغضب والتحدي فتبتلع ريقها بتوتر :-

رقيه ببتسامه متوتره قائله بمرح وطريقه كوميديه :-

- بخ اى رايك فى الفاجئه دى😂🙈

الجميع………..ههههههههههههههههههههههههههههههههههههههههههه

عمار............................

...................................................................................

...........فى النادى................

يجلس كل من شذى وحمزه والصمت هو سيد الموقف !!!

فنظرت شذى لحمزه وهى ترفع حاجبها باستغراب......هو احنا جاين نسكت ولا اى ؟!!🤔

رمقها بتوتر وهو يحاول تجميع شجاعته ليردف بثقه :-

- شذى ؟!!!

شذى......نعم ؟!!

حمزه بحب.........انا بحبك تتجوزنى ؟!!!

نظرت له بصدمه وقد اتسعت عيناها بشده غير مصدقه ما تفوه به !!!!😱😳

.................................................................

...................فى الفيلا..............

تجلس عشق ويبدو عليها الحزن الشديد فتقترب منها شروق وتحتضنها بحب قائله :-

- الجميل زعلان ليه ؟!!!

عشق بحزن طفولي.......حايزه اسوف بابى ( عايزه اشوف بابى )

تجمدت شروق لثوانى ومن ثم ابعدتها لتنظر لها بصدمه شديده غير مصدقه ما سمعته للتو !!!!😳😳

.......................................

يتبع !!!

حلقه حلوه اهى ومفاجئتها كتير وان شاء الله بكره اجازه زى ما احنا متفقين عشان لو حد ناسى ولو عرفت انزل اقتباس بكره هنزل ان شاء الله 😍😍

ياترى عمار هيعمل اى فى رقيه😂🤔

و اى رد فعل شذى على كلام حمزه وهتوافق عليه ولا لا🤔

ويترى اى رد فعل شروق على كلام عشق وهتتصرف ازاى🤔🙈

كل دا هتعرفو قريب😉😌

قراءة ممتعه ليكو ومستنيه رايكو وتشجيعكوا 😍


بداية الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات



CLOSE ADS
CLOSE ADS
close