رواية مُر قلبي البارت التاني والثالث بقلم SomayaAmer
 |
البارت الثاني
جاسر بكل هدوء و هو بيقرب منها تاني : انا لست الحق اعمل اللي انا عايزو محدش هيسأل فيكي انتي ملكيش أهل غيري انا أديت لأهلك فلوس بدالك
بدأ جسمها يترعش زقته جامد وهي بتعيط : انت كداب ،عايز مني ايه سبني في حالي
مسك ايديها و اتعصب و شد الفستان من عليها
شهقت جميلة و رجعت لورا
لف هو وشه و هو مدايق: ده اول عقاب ليكي و ده مش حاجه يا جميلة كلامي لازم يتنفذ من بكره هيجي مدربين البيت ( مدرس فرنسي - مدرس انجليزي _ مدرب اتيكيت فنون التعامل ) والباقي هيكون في النادي فروسيه و سباحه
كانت جميلة مصدومة من اللي عمله مكنتش مركزة في اي حاجه
خرج و سابها قعدت في الأرض دخلت خدامه تانيه قريبه منها في السن جابتلها لبس تاني
انا مروة حبيت اساعدك
حضنتها جميلة و فضلت تعيط : هو عايز مني ايه
مروة : قصدك جاسر بيه ..مش انتي بنته ؟
جميلة : لا معرفهوش ده مش أبويا ابويا مات
مروة : طب متزعليش بكره تمشي من هنا واعتبريني صاحبتك لو حابه يعني
جميلة : انتي طيبه اوي
قامت جميلة لبست اللبس التاني و قررت تسمع كلامه عشان ميأذيهاش
كان كل مدرس يدخل عندها تقعد تتريق عليه لحد ما يطفش
طلع جاسر بكل هدوء خدها و راحوا النادي انبسطت جدا من المنظر الساحر ..بنات كتير صاحبوها بقت احلى فترة عندها بتاعت السباحه و الفروسيه
فات كام شهر و جميلة مش عارفة تتعلم الفرنسي ولا الاتيكيت بتضحك عليهم و هما بيعلموها
كانت قاعدة ب لبس السباحه مع صاحبتها
سلوى : ياربي المز جه ..ايدا اسفة يا جميلة نسيت انو باباكي
بصت جميلة لقيت جاسر جالها
جاسر : خلصتي ..ازيك يا سلوى
سلوى بمياصه : ازيك يا جاسر اسفة ازيك يا عمو
بصتلها جميلة بقرف و مسكت كوبايه العصير دلقتها عليها : عشان لسانك اتعوج فجأة اعدليه بقى أعدليه
سلوى فضلت تعيط : انتي ازاي تعملي كده يا مامي يا مامي
جميلة ل جاسر : ها يا بابا هنروح ولا هنتفرج على سلوى
ضحك جاسر و مشيوا سوا : انتِ غيرانة
جميلة بتوتر : هغير ليه
جاسر : حسيتك غرتي
جميلة بخبث : اه مش انت ابويا و كده
بصلها بعصببيه
جميلة : يوه اقصد بابا سوري
ضحكت جميلة و فضلوا ماشيين
دروس الفرنسي و الاتيكيت
_ مالهم 🙄
- غالبا انتي نسياهم
_ اه ،لا بالعكس انا كويسه فيهم
وهما ماشيين ولدين عاكسوها عشان لبسها بتاع السباحه اللي نسيت و مشيت بيه
اتعصب جاسر و نادى ل رجالته خلوهم يضربوهم و قلع جاكيته و لبسهولها كان أول مره يقرب منها بعد حادثه الفستان : ريحتك
جميلة : مالها
جاسر : ريحتك جميلة شبه وردة الياسمين
اتكسفت و بعدت شويه
جاسر : احم احم كنا فين : اه لازم نلاقي حل ل وردة الياسمين ...ايدا قصدي ال ..ال الفرنسي و الاتيكيت
ضحكت جميلة و اتكسفت اكتر
: اشمعنا انا ؟
جاسر : مش فاهم !!
- ليه بتعمل معايا كل ده
_ يمكن شوفت فيكي انك كويسه من جواكي
- اه ، شكرا يا ...يا بابا
جاسر : بابا 😒اه تمام يا بنتي
رجعوا القصر مكانتش بتخطلط مع اي حد خصوصا لما جاسر كان بيسافر كانت بتنام طول اليوم
لسه هتطلع سمعت ابو جاسر بيقوله : انا وافقت انك تجيب واحده من الشارع ووافقتك على رهانك بس أوعا يا جاسر تأثر فيك أو تحبها كده كده المؤتمر قرب هتقدمهالهم و ترجعها الشارع تاني
متكلمش جاسر و سابه و خرج لقى جميلة واقفه و بتعيط
سابته و جريت على اوضتها فضل هو واقف شويه و طلع وراها مرديتش تفتح متعرفش أنه معاه مفتاح لكل مكان
فتح و دخل
جميلة وهي بتعيط : خلتني ابعد عن أهلي عشان اكون فار تجارب عشان تستفاد مني و ترميني بعدها
قرب منها حط أيده على خدها : بس انا مش هرميكي
حضنته جميلة خلت جسمه كله يقشعر
جاسر : خلاص يلا متعيطيش تعالي نلعب اي حاجه
جميلة بعصبيه : بس انا مش بنتك و مش طفله انت اللي فاكرني طفله
مسكها من خدودها : انتي اجمل انسه كبيرة
جميلة وهي لاويه بوزها : طيب بما انك فاكرني صغيرة و انت بابا و كده ...
جاسر : اه و ....
لسه مكملش كلامه لقاها نطت عليه باسته .....
البارت التالت
(#مُر_قلبي) 🖤
مسكها من خدودها: انتي اجمل انسه كبيرة
جميلة وهي لاويه بوزها : طيب بما انك فاكرني صغيرة و انت بابا و كده
جاسر : اه و....
لسه مكملش كلامه لقاها نطت عليه باسته
😳
بعدها عنه بسرعة
جاسر : جميلة بتعملي ايه انتي اتجننتي
جميلة بحزن : انا اسفة
سابته و دخلت عالحمام تعيط: هو اصلا مش شايفني غير بنته و طفله صغيرة
قعد جاسر على السرير جاتله مكالمه مهمه
الو
_جاسر لازم ضروري تسافر نيوزيلاندا
- تمام يا فندم هكون في خلال اليومين دول
_ كل المعلومات هتجيلك عندك على التليفون التاني
- بيقفل التليفون بيخبط على جميلة
جميلة : دقيقه بس
مسحت دموعها و خرجت وهي محرجه
جاسر : جميلة عيد ميلادك بكره انا مش عايزك زعلانة
جميلة : انا اسفة عاللي عملته من شويه
جاسر بخبث : خدودك مالها حمره كده ليه و شفايفك
بيقرب منها بترجع هي لورا و خدودها بتحمر اكتر
بتدخل عفاف : جاسر عايزاك بسرعة
خرج جاسر
جميلة : اووووف ،الوليه دي رخمه اوي
بتفكر مع نفسها : انا ازاي حبيته كده
عفاف : انا عرفت انك رايح نيوزيلاندا....جميلة مينفعش تقعد هنا انت اللي بتهتم بيها
جاسر : لا جميلة تقعد هنا براحتها و الكل يهتم بيها.
رفعت عفاف حاجبها : اه ...جاسر انت حبيت جميلة
جاسر بتوتر : دي بنتي ،في حد يحب بنته اللي متبنيها
عفاف : عايزة افكرك أن مفيش تساهل في الموضوع ده احنا طول عمرنا بنتجوز ولاد ملوك و بنات ملوك و أكابر إنما بنات نصابه لا ولا حتى بنحبهم آخرنا نعطف عليهم
جاسر : و لو حبيتها
عفاف وهي بتضحك : نفس اللي حصل ل مرات يزن يا جاسر اخوك عادل مجنون انت عارف
جاسر : انتي سامعة نفسك بتقولي ايه عايزة عادل يقتل جميلة زي ما قتل حبيبه يزن ومن وقتها و هو مكتئب مشلول مبيخرجش من اوضته انتي سامعة كلامك
عفاف : انت متأثر ليه انت بتحبها ولا ايه
جاسر : لا عمري ما حبيتها مجرد ما اقدمها للمؤتمر هرجعها لأهلها
عفاف : ابني العاقل انا دايما بعتمد عليك
خرج جاسر و هو حاسس بتقل في رأسه من كلامها
تاني يوم كان هيسافر بليل في الفجر بس قرر يقضي اليوم مع جميلة لانه عيد ميلادها و بعديها يسافر
بعت لها فستان طويل و اكسسوار و عربيه خاصه
نزلت جميلة من العربية لقيت يخت كبير قدامها كله ورد و بلالين
كانت بتضحك طول الوقت
فجأة لقيته قدامها
ابتسم جاسر بهدوء و زعل في نفس الوقت
مسك ايديها و دخلها : انا قولت مينفعش عيد ميلادك العشرين يعدي كده
جميلة : انت حلو اوي انا ..مش عارفة اتكلم ااو اقول ايه
جاسر : متقوليش تعالى نقعد التورتة بالتوت زي ما بتحبي
مسكت حته بايديها بعفويه و اكلتهاله
ضحك و مسك حته هو كمان اكلهالها ( جماعة انا عايزة حد ياكلني برضوا بس يلا مني لله بقى )
قدملها صندوق صغيرة في عقد الماس و جانبه مفتاح
جميلة: الله ده حلو اوي و ده مفتاح ايه
جاسر : مفتاح فيلا كتبتها باسمك
جميلة : لا دي مش من حقي كفايه كل اللي عملتوا عشاني انا ممنونة ليك جدا انت خلتني اعيش
جميلة : انا بحبك و عارفة من غير ما تتكلم انك شايفني البنت اللي متبنيها ...و
قبل ما تكلم كلامها حضنها بلهفه و باسها
بعد شويه : انا عمري ما شوفتك بنتي انا بحبك
و باسها تاني من غير ما تتكلم
صحيت جميلة تاني يوم في اليخت مبسوطة بتبص جمبها ملقتهوش ..(كانت اول ليله ليهم و يمكن الأخيرة)
قعدت تدور عليه ملقتهوش معرفتش تلبس لبسها كان متبهدل لقيت لبس بنات في اليخت لبست منه بنطلون و تيشرت و راحت عالقصر اتعاملت عادي و راحت على اوضتها خدت تليفونها فضلت تتصل عليه مغلق أو غير متاح
فجأة سمعت صويت في القصر
نزلت بسرعة لقيت عفاف بتعيط
جميلة : في ايه محدش رد عليها
مروة بزعل : جميلة هانم البقاء لله جاسر بيه عمل حادثه و مات
