رواية حورية الصعيد الفصل الحادي والعشرين حتي الفصل السابع والعشرون والاخير بقلم يارا عبد السلام
 |
حوريه الصعيد 21
الحق يا زين عزيز هرب..
_اي ازاي دا حصل ..
عمار بصله باستغراب..
_في اي يا زين كف الله الشر…
زين بصله بأسف وبعدين كلم احمد…
_احمد لو ادم عرف ممكن يدغدغ الدنيا دا ممكن يق’تلنا
احمد :طيب هنعمل اي الكلب دا ممكن يعمل حاجه وساعتها ادم.لو عرف مش هيرحمنا..
زين:طيب خلاص أنا هتصرف شويه وهكلمك
زين بص لعمار اللي كان على وشه علامات استفهام كتير…
عمار:قولى يا زين في اي يمكن اقدر اساعدكوو.
زين:للاسف عزيز هرب واحنا مش عارفين نعمل اي وزي مانت عارف ادم مش هنا ولو عرف مش بعيد يبهدل الدنيا علشان كدا في خطر على حور وانت عارف اخر مره عمل اي…
عمال بغضب:الله ينعله يا شيخ أنا مش عارف دا كان صاحبي في يوم من الايام ازاي لو شوفته في اي طريق هق:تله من غير ما يرمشلي جفن…
زين:احنا دلوقتي لازم نلاقيه هنعمل اي..
عمار فضل يفكر :احنا لازم نقول لادم وحور ميرجعوش من الإجازة دي بأي حجه
زين:ازاي دول زمانهم جايين علشان كتب الكتاب
عمار:طيب اي اللي لازم يحصل دلوقتي احنا لازم نتصرف كدا في خطر على حور ومش حور لوحدها البنات كمان..
زين:احنا لازم نحط حرص على الفيلا وكل مكان ممكن يكونو فيه علشان الك’لب دا ميعرفش يوصل لاي واحده فيهم…
عمار:أنا بس اشوفه وانا مش هرحمه هق”تله بايدي …
عند حور وادم…
كانت حور واقفه بتلبس وحست بايد بتحاوطها وكان ادم …
حور يخضه:ادم..
ادم:قلبه…
بقولك اي متخلينا هنا شويه كمان أنا معرفتش أشبع منك وكمان أنا مش عارف اي مستنينا..
حور بدموع:لا يا آدم ارجوك أنا لوحدى خايفه حاسه ان في حاجه هتحصل ولفت وحضنته:بس أن شاء الله طول مانت معايا مفيش حاجه هتحصلي..
ادم بمشاكسه:منا بقولك خلينا هنا انتى الي مش راضيه اهو وبتعيطى ينفع كدا..
حور:أنا مش هقدر اسيب فاطمه في يوم زي دا دي اختى قبل ما تكون صحبتي أنا وهى متربيين سوا وحياتنا كلها كانت سوا أنا وهى مهما حصل بينا عمرنا ما نبعد عن بعض …احنا عارفين معنى الاخوه والصداقه اللي بجد طول عمرها جنبي ومعايا وبتساعدني في أشد الحاجة أنا فخورة انها في حياتى علشان كدا مش هقدر اسيبها في يوم زي دا حتى لو فيها مو’تى
ادم حط أيده على بقها يمنعها تكمل كلامها:أياكى تنطقى الكلمه دي تاني انتى متعرفيش يا حور انتى بقيتي عندى اي انا حبيتك حبيتك بجد ومش هقدر اتخيل في يوم انى ممكن اخسرك ارجوكى متقوليش الكلام دا تاني….
حور:حاضر..
ادم بمشاكسه:اجمل كتكوته تقول حاضر ..
حور بدلع:امال هوا في كتاكيت غيري هنا…
ادم ضحك:أنا نفسي افهم بتتحولى ٣٦٠درجه في نفس الثانيه كدا ازاي…
حور:مش هقولك دي جينات يا بابا عمار اخويا كدا برضو بس بيتحول من العصبيه للغضب ومن الغضب للغضب برضو بص انت هتلاقيه على طول ماشي عامل الميه واحضاشر على وشه لكن اول مره الاقيهم مفكوكين يوم ما شاف مى كأنه كان مستني اللي يحله…
ادم ضحك :تخيلي أن رحله اسبوعين تغير حياتنا كلنا بالكامل …
عايده هانم بقت متواضعه وبدأت تحبك بل حبتك بالفعل
وانا اتغيرت ودخلتك حياتى مع انى كنت رافض الفكره لا وحبيتك كمان ..
وزين كان دماغه فاضيه دلوقتي هيتجوز ويشيل مسئوليه …
ومي بعد ما كانت بتاعت بابي ومامى عوزا تتجوز عمار وتعيش معاه في اي مكان علشان بتحبه …
انتو يا صعايده جيتوا لغبطوا حياة بتوع البندر…
حور بمشاكسه:بذمتك مش احلى لغبطه وبعدين شاورت على نفسها بغرور :هوا في لغبطه حلوة وقمر كدا ..
ادم قرب منها بخبث:طيب ماتيجي ندرس الموضوع دا مع بعض اصله محتاج معاينه ودراسه شامله..
حور بعدت عنه:يلا يا هندزه علشان نلحق كتب الكتاب…
ادم بحزن:يعنى مش ناويه ترجعى في رايك
حور:تؤ ادم.. امري لله
حور قربت منه مره واحده وباسته من خده..
_علشان متزعلش…
وخرجت على برا وادم كان واقف مبتسم على حركاتها الطفوليه اللي بتخليه يحبها يوم عن يوم …
بعد كام ساعه …
كان الكل جاهز ومتجمع في بيت عم فاطمه اللي كان جوا يتجهز ومعاها حور ومى اللي كانو فرحانين بيها جدا…
فاطمه:أنا خايفه اووي يا بنات ومتوترة
حور:متخافيش يا فاطمه زين باين عليه بيحبك وخلاص اهو هيرحمك من عمك الندل دا ..
فاطمه:دي الحاجه اللي مطمنانى…
مى:بس تحسوا الجو متوتر وادم زهقان وزين وعمار وأحمد مش عارفه في اي عندي فضول واعرف..
حور:ادم ماله..
مى:دا واقف برا وزهقان جدا ومتعصب وزين وعمار وأحمد عمالين يجيبوا في رجاله ويحطوهم حوالين البيت
حور:فين دا..
مى قربت من البلكونه :تعالى شوفي..
حور بصت لقت فعلا في رجاله كتير واقفه تحت ومحمد اللي مع عمار في الارض واقف بيبص حواليه…
حور دخلت:هوا في اي هوا احنا مهددين ولا اي أنا هنزل اشوف ادم..
حور خرجت ونزلت ودورت بعينيها على ادم شافته وكان واقف متعصب ومش طايق حد…
قربت منه :ادم..
بصلها وساعتها كل التكشيره اللي على وشه راحت مش عاوز يبينلها حاجه ومش عاوز يأكد خوفها وتوترها من الصبح..
قرب منها بابتسامه:مالك يا حبيبتي في اي اي نزلك..
حور:مالك يا آدم شكلك متضايق متخبيش عني في اي اي مضايقك..
واي الرجاله الكتير اللي واقفه برا دي في اي…
ادم :مفيش حاجه يا حبيبتي عادى دا أمن لينا بس متقلقيش اطلعى اقعدي مع فاطمه ومى ومتقلقيش…
حور بدموع:أنا قلبي مش متطمن يا آدم بس هسمع كلامك واطلع..
سابته وطلعت وهوا واقف باصصلها بخوف داخله رغم أنه عمره ما خاف بس خايف علشانها هى مش علشان حاجه تانيه …
احمد قرب منه:أهدى يا آدم..
ادم بعصبية:عاوزني أهدى ازاي وانا حياة مراتى على كف عفريت والكلب دا مش لاقيينه، أنا معين عندى شويه بها’يم والبهايم افيد منهم كمان …
احمد:يا آدم دول بقالهم يومين مش بيناموا وبيدوروا عليه واكيد هتلاقيه متقلقش وهوا أجبن من أنه يدخل هنا او ييجي ناحية اي واحده منهم…
في الوقت دا كانت مى نازله تشوف في اي بسبب الفضول اللي عندها ….
(اللي هيوديها ويوديني في داهيه أن شاء الله )
كان في عيون بتراقبها من بعيد …
وقفت جنب السلم علشان تسمع ادم وأحمد هم بيتكلموا…
مى بصدمه:عزيز هرب…
فجأه لقت اللي بيحط حاجه على بقها ولسه هتصوت لقت اللي بيضربها على رأسها وبيشدها بعيد و….
... حوريه الصعيد 22
مى بصدمه:عزيز هرب...
فجأه لقت اللي بيحط حاجه على بقها ولسه هتصوت لقت اللي بيضربها على رأسها وبيشدها بعيد وخرج بيها من باب المطبخ وعم فاطمه كان واقف...
جابر:زي ما اتفقنا يا عزيز بالنص دي حبيبة اخواتها وهيدفعوا كتير اووي ...
عزيز بخبث:متقلقش يا عم جابر انت بس شوفلى الطريق علشان اعرف أخرج بيها..
في الوقت دا كانت حور نازله بتدور على مى ...
حور:مى انتى فين ..
عزيز وجابر سمعوا صوتها قام عزيز شال مى وجري بيها ناحية الباب اللى ورا..
حور شافت باب المطبخ مفتوح ..
حور في سرها:يا تري مين اللي فتح الباب دا ولسه هتروح تشوفه لقت اللي بيحاوطها بايده...
حور:ادم الناس
ادم بهمس:ميهمنيش حد ..
حور بعدته عنها بعصبية:ابعد عنى أنا اصلا مش بكلمك
ادم يصلها برفعة حاجب :مش بتكلميني لي بقى..
حور:علشان اتعصبت عليا وانا كنت جاية اشوفك مالك بس أنا غلطانه أنا اللى استاهل علشان رامية نفسي عليك كان لازم اتقل زي ما مى بتقولى إنما انتو صنف ملهوش امان...
ادم:امممم مى قولتيلي هى فين بقى
حور:مش عارفه كنت نازله اشوفها بس مش لاقياها هتلاقيها مع زين أو عمار...
ادم راح لزين وعمار يشوفها ملقهاش..
ادم:زين مشوفتش مى..
زين:لا هتلاقيها مع بطه وحور فوق..
ادم:مش موجوده..
عمار:اي الكلام دا يعنى راحت فين..
ادم بص بعيد شاف جابر جاي وبيبتسم بخبث ...
جابر:الله اي مقفكوا كدا يا رجاله تعالوا ادخلوا المأذون زمانه جاي..
ادم:لا متشغلش بالك احنا جايين وراك اهو...
جابر هز رأسه ودخل..
وبعدين ادم راح ناحية الباب اللي كان جاي منه جابر..
زين:في اي يا آدم مى فين أنا مش فاهم حاجه
ادم:مى اتخطفت والكلب دا ليه علاقه بخطفها مش هرحمه وربي..
ادم خرج وشاف الرجاله واقفه ..
ادم:انتو كنتو بتعملوا اي من شويه...
واحد منهم:واحد جالنا يا بيه قالنا إن العمده عاوزنا بس طلع مش عاوزنا..
ادم:هوا انتو بتستهبلوا هوا اي حد يجيلكوا تروحوا وراه وخلاص انتو بهايم
وبعدين بص لزين :مش هرحمه..
عمار:أهدى يا آدم وفهمني اي حصل..
ادم:في أن مى دلوقتي مخطوفه واللى خاطفها عزيز واللى ساعده بقى عم فاطمه فهمتوا...
عمار بعصبية:والله لاجتله لو كلامك دا طلع صوح هوا شايفنا اي ...
ادم دخل جوا بعصبية وشاف جابر قاعد وسط الرجاله راحله بعصبية ومسكه من جلابيته..
_فين اختى ..
جابر بخوف:مى مين يا حضرت..
الرجاله قامت واتكلمت:في اي يا بيه مى مين وجابر عمل اي..
العمده:في اي يا آدم يا ابنى جابر عمل اي..
ادم:في أن اختى اختفت فاجأة ودي حاجه مقصودة وفي أن الكلب عزيز هرب النهارده من رجالتى وفجأة كدا اختى تختفى أنا لو اختى مجتش دلوقتي هولع في البلد باللي فيها وهنسى اي اصول من اللي بتتكلموا عنها وهنسى أنى ابن البلد دي ...
العمده:عيب يا آدم يا ولدى الكلام دا يمكن راحت هنا ولا هنا..
ادم:هى طفله علشان تقول كدا أنا اختى مخطوفه واللي خاطفها عزيز بمساعدة الكلب دا ..
حور كانت واقفه بعيد وسامعة كل الكلام دا وفاطمه لما سمعت الزعيق فوق نزلت تشوف في اي ..
فاطمه قربت من حور:في اي يا حور ادم بيزعق لى..
حور بدموع:عزيز هرب ومي مش لاقينها..
فاطمه:اي انتى بتقولى اي يعنى مي..
حور:ايوا اتخطفت...
فاطمه بدموع:يا حبيبتي يا تري الكلب دا هيعمل فيها اي طيب عمى ماله .
حور :عمك اللي ساعده يا فاطمه عمك الطماع يا فاطمه..
فاطمه بعصبية دخلت جوا مكان ما الكل واقف..
قربت من عمها:انت عملت كدا انت ساعدت عزيز انت اي مش بتشبع انت على طول طماع كدا، مش لاقى حاجه تعملها غير انك تأذي في الناس..
العمده:يا بنتى احنا لحد دلوقتي منعرفش هوا عمل اي ولا اي اللي حصل..
ادم قرب من جابر بعصبية وضربه بالبوكس:هوا احنا لسه هنفهم منه دا مش هيقول حاجه وبص العمده انت لو مجبتليش اختى أنا هعرف ازاي اجيبها بمعرفتي...
العمده خرج برا واعطى أوامر أنهم يدوروا على عزيز في كل البلد وميرجعوش الا بيه وادم مسك جابر وربطه ومراته وعياله كانوا واقفين..
مراته قربت من فاطمه:كل اللي بيحصل دا منك يا جلابة المصائب يا بومه..
حور قربت منها :هي مين دي اللي بومه يا انثى الغراب انتى ياللى عامله زي النسناس يا خنفثه يا قنفد يا اللي كنتي بتغيري منها ومن امها علشان احلى منك يا ام غل يا صفرا...كلمه كمان منك وهنسى أنى في بيتك وهجيبك من شعرك وانسي انك قد أمى..
_انا قد امك انتى لى دانا لسه صغيره وعيالى صغيرين..
_هه انتى مش صغيره انتى بس مكنتيش لاقيه حد يتجوزك انتى ناسيه جابر اتجوزك ازاي ولا افكرك ...دى البلد كلها عارفه انك متجوزاه بالسحر والأعمال ولحد دلوقتي ماشيه بيهم علشان يفضل معاكى وتحت طوعك ...وانتى مش مستكفيه كمان لا ومخلياه طماع كمان وقاسي على بنت اخوه...صدق اللي قال بومه..
جابر كان قاعد ومربوط
ادم بشر:لو مقولتش راح فين انسي نفسك ومحدش من اللي واقفين دول هيحوشك من ايدي..
جابر:انت غلطان أنا معملتش حاجه أنا حتى مخرجتش من هنا هساعده ازاي بس..
ادم فجأه ضربه تاني ..
_كل ما هتنكر زياده كل ما هضربك زياده ها قولى بقى عزيز فين..
جابر بألم:معرفش والله معرف..
فجأه لقى البوكس في وشه تاني..
عمار قرب من ادم:أهدى يا آدم انت كدا مش هتاخد منه حاجه وبعدين بصله بخبث..
_احنا ندبح عياله قدامه أو نولعله في البيت أو الأرض بتاعته اي رايك يا جابر..
جابر بخوف:لا ارجوكوا..
زين بعصبية:انطق ..
جابر بخوف:خدها وطلع على اسكندريه ليه حد هناك بس مش عارف تفاصيل..
عمار بصدمه:اسكندريه..
عند عزيز ..
كان سائق العربيه بسرعه ومى صحيت وبدأت تعيط..
_انت مين وعاوز مني اي
عزيز:اهدي يا حلوة علشان ادم باشا ميترحمش عليكي..
مى :انت مفكر باللي بتعمله دا ادم مش هيعرف يوصلك انت بتحلم ادم هيلاقيني ...
عزيز:ههه مش لما يعرف طريقك الاول ...أهدى بقى كدا وارسي علشان لسه قدامها طريق سفر طويل يا حلوة ...
مي ما سكتتش وفضلت تصوت وفتحت الشباك وفضلت تصوت لكن مكنش في فايده الطريق فاضي ومفيهوش حد...
كانو ماشيين في الطريق طالعين على اسكندريه علشان تزور قبر امها..
بسمه بخضه:فارس الحق أنا سامعه صوت بنت بتصوت..
فارس :اه أنا برضو سامع بس مش عارف جاي منين..
فجاه شاف عربيه حركتها مش متنظمه قدامه فقرب منها بسرعه ...
وحاول يحلق عليه لكن عزيز لما لاحظ دا حاول يتفاداه ويجري بالعربيه لكن فارس تدارك الموضوع وكان اسرع منه ومى كان صوتها عالى..
_الحقونى الحقوناااى..
بسمه بدموع:فارس الحقها دي باين عليها مخطوفه ..
فارس:اهدي يا حبيبتي علشان اللي في بطنك وانا هتصرف..
وفى نفس الوقت دا كان داس بنزين ووقف قدام عربية عزيز ...
عزيز فرمل مره واحده بخوف...
وفارس نزل بعصبية بعد ما أكد على بسمه انها ما تخرجش..
فارس فتح باب العربيه ومسك عزيز وضربه جامد ..
لحد ما عدمه العافيه وطلع حبل من شنطة العربيه وربطه وحطه فيها وقفل عليه..
وبعدين خرج مى اللي كانت بتترعش وتعيط ..
فارس:أهدى يا انسه هوا مين دا..
مى بتوتر وخوف:كان خاطفنى كان خاطفنى أنا أنا عوزا ادم هاتولى ادم ...
فارس:اهدي وتعالى اركبى معانا واحكيلي اللي حصل وهوديكي مكان ما انتى عوزا..
مى هزت راسها ودخلت العربيه معاه ..
بسمه بخوف عليها طلعت ميه:خدي اشربي يا حبيبتي واهدي منه لله المؤذي دا ...
بسمه بفضول:هوا كان عاوز منك اي..
فارس : بسمه!..
بسمه:اي يا فارس انت مش شايفها مخضوضه وكانت بتصوت ازاي..
فارس:مش وقته..
انتى منين يا انسه وانا هوصلك لبيتك..
مى:مش عوزا اتعبكوا..
فارس:لا مفيش تعب ولا حاجه..
مي عطته العنوان..
_ممكن تليفون اكلم اخويا يجيلي علشان متعبكوش..
فارس عطالها الفون وكلمت ادم.اللى كان متعصب..
مى بدموع:ادم ..
ادم بلهفه:مى انتى فين ..
_انا كنت مخطوفه وفي ناس ساعدتنى انا خايفه اووي يا آدم تعالى خدني ..
ادم:اديني اللي معاكى وانا هجيلك حالا....
فارس مسك الفون وعطى لادم المكان اللي هيكون فيه وادم قاله مسافة السكه وهيكون عنده ...
مرات جابر كانت واقفه ...
_اهو لاقاها فكوا جوزي بقى...
حور:اسكتى احسن اربطك جنبه..
_انتى نسيتي نفسك ولا أي يبت..
حور باستفزاز:لا منستش شكلك انتى اللي نسيتي اصلك يا بنت الحافى وقربت منها وانا بقى هفكرك...تعاليلي...
حوريه الصعيد 23 مرات جابر كانت واقفه_اهو لاقاها فكوا جوزي بقى…
حور:اسكتى احسن اربطك جنبه..
_انتى نسيتي نفسك ولا أي يبت..
حور باستفزاز:لا منستش شكلك انتى اللي نسيتي اصلك يا بنت الحافى وقربت منها وانا بقى هفكرك…تعاليلي…
حور مسكتها من شعرها وفضلت تضرب فيها وطلعت كل الغل اللي جواها فيها والست كانت بتصوت وتعيط وفاطمه فضلت تحوش لكن حور مسابتهاش الا لما حست انها خلاص خدت حقها منها..
حور وقفت وقالت ببرود:على الله اسمع نفسك تاني …
وسابتهم وخرجت..
كانت مخنوقه ومتضايقه وزعلانه على مى..
فاطمه خرجت ووقفت جنبها:بقى خلقك ضيق يا حور مالك..
حور:عيونها دمعت واترمت في حضن فاطمه..
_تعبانه يا فاطمه كل اللي حصل لمى النهارده بسببي انا خايفه ادم يتغير معايا أو يحس انى كنت السبب في خطف أخته أو انى دخولى حياته غيرها من وقت ما اتجوزني واحنا مشوفناش يوم حلو وكل يوم مشاكل وتعب أنا مخنوقه اووي وتعبانه حاسه ان كل حاجه هتتهد وادم هيبعد عنى ،انا حاسه انى وشى نحس عليه..
فاطمه طبطبت عليها بحب:مفيش الكلام دا يا حور ادم بيحبك ومستعد يعمل اي حاجه علشان يشوف ضحكتك انتى بس اللي مكبره الموضوع ومش واخده بالك أنه بيموت عليكي لو شافك فيكى حاجه ادم مش زي اي حد ادم بيحبك يا حوريه …
حور بصتلها بطفوله:يعنى ادم بيحبنى يا فاطمه
فاطمه ابتسمت:ايوا هوا مقالكيش كدا ولا اي امال كنتو مختفيين بتعملوا اي …وغمزتلها…
حور:قالى بس انا بحب اتأكد ،عارفه يا فاطمه أنا ساعات بحس انى عوزا ارقص وأغنى واخلى كل الناس تسمعني انى بحبه عوزا اغنيله واقوله…
كان يوم حبك اجمل صدفه يوم ما قابلتك مره صدفه ياللى جمالك اجمل صدفه ياللى جمالك اجمل صدفه كان يوم حبك صدفه…
وفضلوا يغنوا الاتنين بهدوء وصوت جميل..
ادم راح المكان هوا وعمار وزين..
بسمه كانت قاعده جنب فارس ومى ورا ..
بسمه:بقولك اي يا مى بما انك عطلتينا وكدا عن مشوارنا متحكيلي كدا انتى مين واي حكايتك ومين الراجل اللي كان خاطفك دا…
فارس بص لبسمه بتحذير:بسمه..!
بسمه ببراءه:في اي يا فارس أنا بس بستفسر الله ..
فارس بص لمى في المرايا:معلش بس اصلها هرمونات الحمل …
بسمه:قصدك اي يا سي فارس أن هرمونات الحمل مجنناني… وبعدين بصتله بدموع:طلقنى يا فارس..
فارس ضحك وكمان مى وقاطعهم التليفون بيرن وكان معتز..
فارس رد بتوتر:الو يا معتز..
معتز :وصلت ولا لسه…
فارس:احم.لا اصل..
معتز بقلق:في اي يا فارس اي حصل
فارس:مفيش حاجه يا حبيبي بس حصلت مشكله وكدا ..
وبدأ يحكيله اللي حصل…
معتز بعصبية:الك’لب طيب انت كويس انت وبسمه..
فارس:ايوا الحمدلله احنا مستنين اخو البنت زمانه جاي وهبقى اكلمك بعدين..
معتز:لا أنا هفضل معاك عالتليفون لحد ما ييجى ..ولا اقولك أنا جايلك ابعتلى اللوكيشن..
فارس:بس..
معتز:فارس!مفيش بس اخلص…
فارس بعتله اللوكيشن علشان عارف أنه خايف عليه ….
بعد شويه ادم وصل واتصل على فارس ..
ادم:الو أنا اخو مى ..أنا وصلت انتو فين..
فارس نور بالعربيه ونزل وادم شافهم ومي اول ما شافته جريت عليه وحضنته ..
_انا كنت خايفه اووي يا آدم كويس انك جيت..
ادم طبطب عليها:صدقيني هندمه على اليوم اللي فكر فيه يلمسك بس يا مى …
بص لفارس:هوا فين..
فارس:في شنطة العربيه أنا اتصلت بالبوليس وزمانه جاي….
ادم اومأ برأسه ..
_شكرا جدا لحضرتك مش عارف اقولك اي احنا شكلنا عطلناكوا عن مشواركوا بس جميلك دا مش هقدر أنساه طول عمري …
ادم طلع الكارت بتاعه وعطاه لفارس:دا الكارت بتاعى لو محتاج اي حاجه كلمنى أنا بجد مش عارف اقولك اي…
فارس:مفيش الكلام دا اي حد مكانى كان عمل كدا واكتر مش كل الناس وحشه ..
في الوقت دا معتز وصل لانه كان ماشي باقصى سرعه عنده..
نزل من العربيه واتفاجئ لما شاف ادم..
ادم بصله بصدمه:معتز الدمنهوري
معتز بابتسامه:ادم حجازي..
ادم قرب منه وحضنه وهوا كمان بادله الحضن ..
ادم:وحشتني ياض فينك اختفيت من ساعت الثانويه وايام الشقاوة..
معتز:الشغل والله يا صاحبي
ادم:استقريت ولا لسه..
معتز بابتسامه:اممم وعندي عيال دلوقتي وانت..
ادم:ايوا لسه قريب
وشاور على زين وعمار:زين اخويا وعمار خطيب مى وأخو مراتى …
وبصلهم كلهم :تعالو معانا الصعيد النهارده كتب كتاب زين الفرح هينور..
بسمه بفرحه:الله الصعيد والنبي يا فارس تعالى نروح ..
فارس بص لمعتز اللي هز رأسه بابتسامه
وفي الوقت دا البوليس جه وخدوا عزيز وهوا مربوط وادم قالهم أنه هييجي بكرا هوا واخته علشان تديلهم أقوالها…
ومشيوا كلهم رجعوا الصعيد …
ومعتز كلم شهد وقالها على اللي حصل وأنه هيرجع بكرا الصبح …
عند حور كانت واقفه بتوتر ورايحه يمين وشمال …
_اتأخروا اووي أنا قلقانه يا تري مى عامله اي يا تري حصل اي وادم زعلان دلوقتي ولا لا…
فاطمه واقفه جنبها:انتى اتجننتي والله أهدى بقى زمانهم جايين..
_قلقانه يا فاطمه اتأخروا اووي..
فاطمه:يا حزنك يا فاطمه ياللى متهنتيش على كتب الكتاب ولا عملتى first look زي الناس بتاعت مصر..
حور:فريست اي يختى مين اللى قالك الكلمه دي..
فاطمه:البنات بتوع الفرقه لما عرفوا أن أنا وزين هنتجوز قالولى اصور فريست لوك. اهو ولا أتصور ولا زين شافنى اصلا ولا اتجوزت ….أنا اتحسدت يا حور حسدونى على زين علشان قمر وحليوه ودمه خفيف وبيحبنى أنا لازم اروح للشيخه خديجه المغربيه علشان تعملى حجاب…
حور كانت بتضحك :روحى يا شيخه الهى تغربلك عربيه يكون سواقها اعمى انتى ومرات عمك عندكوا الغباء متوارث في العيله..
شافت عربيه ادم جايه من بعيد جريت عليها…
ادم نزل وحور اترمت في حضنه بدموع والكل شافهم…
حور:انت كويس..
ادم:أنا كويس متخافيش يا حبيبتي..
مى نزل وحور قربت منها:خدتي قلبي معاكى وهمستلها:بعد كدا ابقى بطلى الفضول اللي عندك دا..
مى ضحكت وحور كمان وفارس وبسمه ومعتز كانوا واقفين…
حور بصتلهم:ما شاء الله انتو مرجعتوش بايديكوا فاضيه وقربت من بسمه…
_انا حور يا عسليه..الجميل منين
بسمه ضحكت:من اسكندريه يا عسل وغمزتلها.
حور: الحمدلله يارب لقيت حد بيبادلنى نفس الشعور…
بسمه:وانا كمان لقيت حد فاهمني شكلنا هيكون في كميا بينا..
الكل ضحك
وحور خدت بسمه وفاطمه ومي وطلعوا اوضه فاطمه يجهزوها..
حور:يعنى انتى عندك عيال غير اللي بطنك دا مش باين عليكي..
بسمه:ايوا مهو شطارة الست انها تعرف تسيطر على جسمها بعد كل حمل يعنى الي يشوفنى ميدينيش انى ٣٠سنه وعندى طفلين والتالت جاي في الطريق..
حور:لا دانتى الواحد يتعلم منك بقى احنا كدا نتصاحب..
بسمه:امال لو شوفتي شهد بقى دي عندها تلاته والرابع جاي في الطريق ولسه زي ماهى…
حور :اربعه لا أنا هجيب مكه وكفايه كدا بس هى تيجي..
بسمه:أن شاء الله أنا برضو قعدت فتره في أول الجواز كدا وبعدها فرجت متقلقيش…
وبعدين فضلوا يتكلموا وكل واحد حكى حكايته وبقو صحاب ..
بسمه:كدا ناقص شهد ونيره ونبقى عملنا كابشن جنان
المأذون جه وكتب كتاب زين وفاطمه..وكان عمها وكيلها وبعدين سلموه للبوليس وبعد ما ادم اتصل بيهم …
اللي اول ما المأذون قال جملته الشهيره”بارك الله لكما وبارك عليكما وجمع بينكما في خير”
قام وخد فاطمه بالحضن ولف بيها..
وقال قدامهم كلهم:بحبك..
وفاطمه ابتسمت بخجل والكل سقف..
ومعتز وفارس كانوا قاعدين مع ادم وبيتكلموا في الصفقات والشغل وقرروا أنهم يدخلوا في شغل مع بعض …
عمار قرب من ادم …
_مش هتجوزني بقى حرام عليك..
ادم ابتسم بخبث:لما مي تخلص دراستها..
عمار:انت لى بتعمل كدا..
ادم:لازم امى تكون موجوده هى مجتش النهارده علشان تعبانه لازم تكون موافقه
عمار:على اساس انك مش قادر تقنعها حرام عليك يا آدم انا نفسي اتطمن عليها كان نفسي أنا اللي اخدها في حضنى مش انت يا اخى..
وبص على زين:شايف اخوك فرحان ازاي مش عاوز اختك تبقى فرحانه كدا..
ادم بصله وبص لمى اللي كانت عنيها عليهم ومعتز ابتسم :خير البر عاجل يا آدم محدش عارف الخير فين وافق..
ادم اتنهد:بس مفيش جواز الا لما تخلص .
عمار:اوامرك أنا موافق..
ادم:تمام وانا موافق..
عمار بفرحه:استنى يا شيخنا..
وتم كتب كتاب مي وعمار اللي كان طائر من الفرحه …
عمار:مبروك
مي بكسوف:الله يبارك فيك..
عمار مسك ايديها وخدها وخرج
مى:رايحين فين..
عمار:متخافيش قائل لادم..
وبصلها:هوريكي حلم حياتى والمكان اللي تعبت فيه هوريكي حياتى واحلامى يا مى …
جاهزة استقبلي حياتى..
مي بابتسامه:جاهزة يا عمار…
ضحك وخدها ومشيو…
حور كانت حاسه بتعب …
ادم استأذن من اللى موجودين وراح ناحيتها وخدها على جنب..
_مالك يا حور..
حور بأعياء:مفيش يا آدم تعبانه شويه ..
ادم:طيب تعالى نروح القصر واجيبلك دكتور.
هزت راسها وبعدين ادم خد فارس ومعتز وبسمه وفاطمه وزين راحوا يقعدوا مع بعض شويه ..
ادم وصل القصر وعطى لمعتز اوضه وفارس وبسمه اوضه..
وجاب الدكتوره تكشف على حور..
الدكتوره بابتسامه:مبروك يا حور هتبقى ام زي القمر …
حور بفرحه:بجد يا دكتورة ..
يا وش السعد …
الدكتوره:ايوا حامل في اول شهر الف مبروك وربنا يتممه على خير المهم ممنوع الحركه والمجهود الكتير ترتاحى يا حور انتى سامعه
ادم كان فرحان ووصل الدكتوره وبعدين قرب من حور وحضنها..
_مبروك يا حوريتي..
حور بابتسامه:مبروك يا ابو مكه…
ادم ضحك وحور كمان…
في مكان ما…
رجل مجهول:يا سلام معتز الدمنهوري مع ادم الحجازي دا الدنيا ضيقه اووي يا جدعان وشكل اللعبه هتحلوا …والشغل هيبقى على تقيل والمنافسات هتكتر…
رجل آخر:احنا لازم نمنع اي صفقات بينهم والا كدا هياكلوا السوق اكتر..
_متقلقش أنا عندي الحل…
…حوريه الصعيد 24
ادم:حوري انتي جهزتى ..
حور:خلاص يا حبيبي اهو …
قرب منها وحاوطها بايديه :اي دا هوا انتي العروسه ولا فاطمه..
حور بضحكه:لا أنا ههههه
ادم باسها من خدها:اجمل عروسه يا حبيبتي وحسس على بطنها اللي لسه معدتش الشهر التاني في الحمل:هتبقى اجمل عروسه انتى وحبيبة بابي..
حور بضحك:انت خلاص صممت انها بنت..
ادم همس:لا أنا حاسس أنهم توأم..
حور ضحكت:للدرجه دي..
ادم:امممم وغمزلها وهوا بيبصلها:بقولك اي ماتيجي نروح شهر عسل زي اللي فات..
حور:عاوزني ارجع حامل على حملى
ادم ضحك:لا أنا قصدي نغير جو وكمان نريح اعصابنا اللي بيحصل في حياتنا دا مش معقول..
حور ضحكت:كل لما نقول خلاص الدنيا بقت تمام يطلعلنا حاجه كدا تخلينا نفقد اعصابنا.
ادم :علشان كدا بقولك تعالى اخدك ونهرب عن العالم الكئيب دا…
حور :موافقه طالما معاك يا حبيبي…
عمار ومى كانوا بيتمشوا في الجنينه…
عمار : وحشتيني
مى بكسوف:وانت كمان يا عمار…
عمار ابتسم على كسوفها ومسك ايديها:امتى بقى اتجوزك أنا تعبت هى السنه دي مش ناويه تخلص..
مى:ناقص شهرين واخلص …
عمار:هانت اهه..
وقف وقال:مي لو انتى عوزا تغيري اي حاجه في البيت أو مش عوزا تيجي معايا الصعيد قوليلي أنا عارف أنه هيبقى صعب بالنسبه ليكي انك هتبعدى عن حياتك هنا وهتسيبي النادي وأصحابك وكل دا وهتيجي معايا …
مى:وانا مش عوزا اي حاجه في الدنيا غيرك يا عمار ومستعده اعيش معاك في اوضه طالما هتفضل تحبنى وتحترمنى كدا وطول مانت معايا عمري ما هحس انتى غريبه او المكان دا مش مكانى بالعكس انت اللي هتحببني في المكان علشان انت فيه…..
عمار ابتسم ومسك ايديها وقال:بحبك..
مى بخجل:وانا كمان..
عمار حياته استقرت في البلد وبقى عنده ارض بتاعته وشغال فيها وكل خيرها بقى ملكه وادم عرض عليه يشتغل معاه لكن هوا رفض…
معتز وعيلته وصلوا الفرح ..وكانت شهد معاهم…
شهد:الفيلا دي جميله اووي يا معتز وموقعها حلو كمان
بسمه:فعلا عندك حق يا شوشو بس دا مينكرش أن بيتنا حلو برضو…
آدم وحور شافوهم وقربوا منهم وادم رحب بفارس ومعتز ودخلوا جوا..
وحور خدت شهد وبسمه…
بسمه :ها النونو عامل اي..
حور: الحمدلله وانتى هتولدى امتى..
بسمه:قريب هانت كلها شهر..
شهد :هوا انتى حامل…
حور:ايوا..
شهد:انصحك متقفيش مع بسمه ولا تعرفيها انك حامل الا
حور :لي..
شهد:لو ولد هتقعد تدورله على عروسه ولو بنت كذالك دي عامله مدرسه الحب عندي..
ومنسقه كل حاجه..
ابنى سليم لبنتها تاليا
ومراد ابنها لرهف بنتى ..
حتى مازن الصغير معتقتهوش لهمس بنت نيره….
داحتى لما عرفت انى حامل في ولد وهى في بنت وفقت أنهم لبعض لا واختارت اسماءهم تليق على بعض…
حور ضحكت وبسمه كمان..
بسمه:يعنى العيال تكبر ومتعرفش مصيرها…
حور:لا ازاي ميصحش كل واحد يبقى عارف حياته هتستقر ازاي …
شهد:اي دا انتو متفقين ربنا يستر..
مي جت ووقفت معاهم وبدأوا يتكلموا كتير ..
الفرح بدأ وزين نزل وفي أيده فاطمه اللي كانت في قمة سعادتها وحور دمعت من الفرحه لما شافتها وكمان كانت فرحانه جدا انها هتكون سلفتها صديقة عمرها واختها …
حور قربت منها وحضنتها بسعاده :بت يا فاطمه انتى قمر اووي النهارده والله ونضفتى يا بنت الملهوف..
فاطمه ضحكت:تشكري يا اختى …
زين سلم على ادم والكل وبدأوا يرقصوا سلو ..
وكانت حور واقفه وبتسقفلهم فرحانه بيهم كان نفسها يتعملها فرح حلو كدا وتبقى لابسه ابيض ويكون ادم هوا العريس ..
ادم شافها وحس بيها ..
قرب منها ومسك ايديها
ادم همس:ترقصى..
حور عينيها لمعت ووابتسمت وبصتله وهزت راسها..
مسك ايديها وبدأوا يرقصوا وفارس رقص مع بسمه ومعتز مع شهد وعمار مع مى وأحمد مع تقى..
الكل كان فرحان …
وكل واحد فيهم مع حبييته…
كانت عايده واقفه ومبسوطه بعيالها اتغيرت كتير عن زمان نسيت التكبر ونسيت كل حاجه كانت مبتسمه برضا وهي شايفه ولادها كل واحد فيهم مع اللي بيحبه واللي شايف سعادته معاه …
بعد شويه احمد جاله اتصال من احد رجاله أن البضاعه اللي في المخازن ولعت وان دي الصفقه اللي كانت بين معتز وادم..
احمد اتوتر قرب من ادم وهوا متوتر..
احمد:الحق يا آدم البضاعه ولعت..
ادم بصدمه:اي ..
كانت لابسه فستان قصير وصبغت شعرها احمر وكانت داخله الفرح بكل هدوء وثقه غير مباليه بنظرات الناس حواليها…
قربت من مي وحطت ايديها على كتفها..
مي لفت وشها وانصدمت لما شافتها..
مي بصدمه:نسرين…
حوريه الصعيد 25 نسرين بدموع: وحشتيني يا مى..
مي بصدمه:نسرين…
مي بعصبية:انتى اي جابك هنا مش انتى مسجونه انتى عوزا اي مننا تاني مش كفايه اللي عملتيه وتدميرك لحياتنا…
نسرين بدموع:أنا جايه وندمانه يا مى ارجوكي سامحيني صدقيني أنا عمري ما عملت اللي كنت بعمله دا لكن حبي لادم وغيرتى عليه هى اللي خلتني اعمل كل دا…
مى بصتلها وسكتت كانت بتستشف منها أنها اتغيرت أو أنها خلاص مبقتش زي الاول بس قلبها مكنش حابب أنه يطاوعها مش عاوز ينخدع لكلامها هى ياما انخدعت فيها لكن دلوقتي لا..
حور جت وكانت بتدور على ادم شافت مي واقفه مع بنت شعرها احمر لكن حست أن هيئتها مش غريبه عليها..
قريبت منهم وابتسمت لمى..
_مش تعرفينا يا مى على اصحابك..
نسرين بصتلها
حور بصدمه:الصفرا …
نسرين بدموع:حور سامحيني أنا جايه اعتذر منك انتى بالذات أنا عرفت غلطى وجايه اعتذر منك ارجوكي سامحيني عن كل اللي صدر منى أنا مكنتش في وعيي.
حور بصتلها بشك :امممم برافو عارفه تمثلي الدور صح اه يا أروبة منك انتى المفروض تبقى مع الفرقه بتاعت زين وفاطمه ويعملولك فقره لوحدك هتكونى اي برفكتواا..
مى ضحكت وشافوا ادم ومعتز وفارس خارجين من الفيلا بسرعه…
كانت شهد وبسمه واقفين زعلانين …
حور قربت منهم علشان ملحقتش ادم تكلمه..
حور :بسمه هوا ادم رايح فين في اي شكلهم مقلوب كدا لى..
شهد بحزن:الصفقة اللي كان ادم ومعتز داخلين فيها سوا البضاعه بتاعتهم بالمخزن اتحرقوا وهم رايحين يشوفوا في اي..
حور بصت لنسرين بعصبية:اكيد هى السبب في كل اللي حصل دا والله ما هخرجك من هنا سليمه يا سردين الكلب…
شهد وبسمه مكنوش فاهمين حاجه مستوعبوش اللي حصل الا لما شافوا حور بتقرب من نسرين بغضب وبتجيبها من شعرها…
_انتى بقى جايه تتمحلسي علشان تداري على اللي بتعمليه مش هتبطلى اللي بتعمليه دا انتى مفكره أني هاخدك بالحضن واقولك تعالى يا سردين يا اختى في حضني اصلك مظلومه..
نسرين كان الكل بيحوش حور عنها وهى كانت بتضربها بشراسه واتحول الفرح إلى حلبة مصارعه وطبعا مكونه من طرف واحد وهو حور …
الكل اتجمع وعايده جت وانصدمت من اللى شافته لكن ابتسمت على شراسة مرات ابنها …
شهد وبسمه حاولوا يبعدوها عنها بكل الطرق لكن حور كانت على موقفها ومقامتش الا لما حست انها خلاص فشت غلها فيها…
نسرين وقفت وهى بتعيط وكأنها المظلومه..
قربت من عايده:يرضيكي يا طنط أنا كنت جايه اعتذر منكوا على اللي حصل يحصل فيا كدا …
عايده بخبث:معلش يا حبيبتي هي بس حور مرات ابنى كانت متضايقه منك شويه وخلاص صافى كدا…
نسرين بصتلها بصدمه من تغيرها وحور كانت مربعه ايديها بخبث ومي وقفت جنبها :جدعه..
حور همستلها:امال اي احنا بنلعب مش هى رجعت برجليها تستحمل اللي هيحصل فيها بقى…
مى:جدعه نفسي اتعلم شراستك دي …
حور :ابقى تعالى وانا أعلمك..
نسرين بقى شكلها مضحك وحست انها جت اتهانت..
حور قربت منها بغل:مشوفكيش هنا تاني ولا عوزا اشوف طيفك حوالين جوزي كدا انتى فاهمه واللي حصل دا مش هيعدي بالساهل انتى مفكره انك لو جيتي تنزلى الدمعتين دول هنتعاطف معاكي مثلا…
نسرين:انتى ظلمانى على فكره انا مش عوزا حاجه أنا كنت جايه اعتذر منكوا وبصت لعايده:بس الظاهر أن مبقاش ليا مكان هنا …
حور:عليكي نور عرفتيها لوحدك دي
قربت منها وهمست:انتى عارفه لو انتى اللي ورا اللي حصل لجوزي النهارده دا صدقيني مش هيكفيني فيكي رقبتك…
نسرين بصتلها بدموع:انتى لسه مش مصدقاني طيب انا اسفه انى جيت عن اذنكوا…
ومشيت شويه وبعدين ابتسمت بخبث …
_صبرك عليا يا حور أنا وريتك لسه حسابك تقيل مضطره استحملك مؤقتا عقبال ما اخد حقى منك …
وخرجت وركبت عربيتها ومشيت وهى مبتسمه بخبث بعد ما ظبطت شكلها …
ادم ومعتز وفارس وصلوا المخازن لقوها حالتها ميئوس منها والمكان مليان حكومه وعساكر ورجالتهم واقفه …
الظابط قرب من ادم ومعتز :انتو صحاب المكان دا ..
ادم:ايوا احنا هوا اي اللي حصل ..
الظابط:الحريق حصل بسبب تلامس كهربي ودا اللى اتسبب في كل اللي اللي حضرتك شايفه دا …
ادم:يعنى مش بفعل فاعل..
الظابط:طبعا هوا ممكن يحصل بسبب حد علشان كدا لو انتو شاكين في حد ممكن يعمل كدا قولو واحنا نفتح محضر …
ادم لسه هيتكلم معتز قاطعه :لا احنا مش شاكين في حد هوا فعلا ممكن حادثه عاديه بتحصل كتير …
شكرا جدا يا فندم لخدماتكوا…
الظابط هز رأسه ومشى وكمان اللي معاه..
ادم بص لمعتز وهوا بيحاول يفهم هوا عاوز يعمل اي بالظبط …
ادم:انت قولت لى انه مش بفعل فاعل وانا متأكد أنه كدا…
معتز ببرود:ولو قولتله هيعملك اي هتبقى قضية عالفاضى ومفيش اي نتيجه اللي عمل كدا عارف هوا بيعمل اي كويس علشان كدا احنا هنلعب زيه بالظبط…
ادم:انت عارف مين اللي عمل كدا
معتز بصله بخبث:متقلقش مسيره يقع تحت أيدي..
ادم فهم كلامه وعرف مين
ادم:كارم السويسي..
معتز هز رأسه بخبث …
فارس:استلقى وعدك بقى…
عند زين وفاطمه..
زين وفاطمه كانو بيضحكوا على اللى حور عملته في الفرح..
فاطمه:أنا هفضل فاكره اليوم دا بسبب حور هههههه
زين:حور وثقتلنا اليوم …
فاطمه:حصل هى دايما كدا ..
زين سكت وبعدين قرب منها ..
_طيب اي…
فاطمه بتوتر :احم في اي..
زين:لا انتى تقوقى معايا النهارده مش ضروري الكسوف دا المفروض أن احنا خدنا على بعض صح ..
فاطمه ضحكت وبصتله
_الله لازم اتكسف
زين قرب منها وحاوطها بايديه:تؤ مش ضروري ..وهمسلها وقال:بحبك يا بطتى..
_وانا كمان..
*نسيبهم سوا بقى…
ادم رجع البيت متأخر..وحور كانت مستنياه على نار وكانت شهد وبسمه معاها مستنين معتز وفارس..
معتز وفارس خدو بسمه وشهد ومشيوا..
وادم طلع على فوق وحور طلعت وراه وهى قلقانه عليه..
ادم كان واقف يبغير هدومه وحور قربت منه ..
_ادم انت كويس ..
كانت في عينيها دموع وهوا شافها واتنهد بتعب..
قرب منها وحضنها:أنا تعبان اووي يا حور وعاوز انام..
حور سكتت ومتكلمتش ونامت في حضنه وهوا حاوطها وكان بيتنهد بتعب …
في الصباح حور كانت لابسه وخارجه مع عايده رايحين النادي علشان عايده كانت حابه تعرفها على صحابها في النادي…
ادم جه من وراها وحاوط وسطها وقال:الجميل رايح فين الصبح كدا..
حور بفرحه:مع ماما عايده رايحين النادي تعرفني على أصحابها وكدا وانا فرحانه اووي…
ادم في الاول كشر بس افتكر أن علاقتها بأمه بقت كويسه
.معاها..
هز رأسه وقال:ماشي يلا بقى اوصلكوا في طريقي بس اوعي يا حور اي حركه كدا ولا كدا علشان البيبي..
حور:متقلقش يا حبيبي مش هعمل حاجه أنا هقعد مع ماما بس..
ادم:ماشي يا حبيبتي ولما تيجي اتصلي بيا طمنيني عليكي
حور هزت راسها ونزلوا وركبوا العربيه ووصلوا وحور كانت مبسوطه أن علاقتها بعايده بقت كويسه لدرجة أنها جابتها معاها المكان دا …
حور دخلت معاها وعايده عرفتها على اصحابها كلهم اللي حبو حور بسبب خفة دمها وروحها الحلوة..
حور استأذنت علشان تدخل الحمام…
لما دخلت الحمام خرجت لقت ورقه محطوطه على المرايا…
مكتوب عليها..”خافى على اللي في بطنك يا حور”..
حور بصدمه…
حوريه الصعيد 26
مكتوب عليها..”خافى على اللي في بطنك يا حور
حور بصدمه…
كانت بتعيط ومنهاره وكانت بتحسس على بطنها بخوف وتهز راسها بلا
“مستحيل ياخدوك مني تاني ..
كان في عيون بتراقبها بخبث وبتبتسم…
“ولسه يا حور هدفعك تمن اللي عملتيه غالى اووي..
حور اتصلت بأدم اللي كان بيشتغل وكان على أعصابه ومتعصب ومش طايق حد قدامه..
_يعني اي الكاميرات مش جايباهم يا احمد
احمد:يا آدم هم دخلو من ورا والكاميرات مجابتهمش يعنى كدا في حد عارف مداخل ومخارج المكان وكمان اماكن وجود الكاميرات علشان ميتكشفش أنا عاوزك تهدى وانا نتصرف .
_انا عاوزك تتصرف في اقرب وقت والعيال دي تجيلي.
في الوقت دا تليفونه رن…وكانت حور اللي اول ما سمع صوتها نسي كل حاجه وقام وقف بخضه..
حور بدموع:ادم الحقنى
ادم :حور في اي ماله صوتك..
حور:أنا تعبانه اووي تعالى خدني أنا محتجالك..
ادم جري على برا ومشافش حد قدامه وراح عالنادي…
وصل النادي وشاف أمه وهى قاعده مع اصحابها..
عايده شافته استغربت..
عايده:في اي يا حبيبي
ادم:فين حور..
فجأة سمع صوتها اللي قطع قلبه ولما شاف هيئتها ودموعها…
_ادم …
ادم قرب منها بسرعه وهى اترمت في حضنه غير مباليه باي حد حواليها..
_ادم خدني من هنا أنا خايفه
ادم:في اي بس أهدى
طلعت الورقه اللي شافتها في الحمام وادتهاله..وقرا اللي فيها ،عيونه احمرت من الغضب ومبقاش شايف حاجه قدامه …
حور:انا خايفه يا آدم خدنى من هنا..
عايده قربت منها:مالك يا حبيبتي اي اللي حصل بس .
كانت حور بتعيط وبس وادم واخدها في حضنه وخدها وخرج وركبوا العربيه ومشيوا …
كان مفضل أنه يسكت عقبال ما يروح البيت ويشوف اللي حصل أو يعرف يفكر…
واتصل بأحمد علشان يلغيله اي مواعيد واي اجتماعات ويعتذر من معتز على انه مش هيقدر يقابله النهارده..
حور كانت بتترعش..اول مره تحس احساس الخوف دا من مجرد تخيلها انها ممكن تفقد ابنها للمره التانيه
وصلوا الفيلا وادم نزل وخد حور وطلعوا…
حور بدموع هزت كيان ادم:ادم أنا مش هقدر أفقد ابنى للمره التانيه مش هقدر استوعب انى منفعش اكون ام ولا زوجه …
انا مش متخيله أن حاجه زي دي ممكن تحصل ..
قربت منه :آدم اتصرف ارجوك…
ادم مكنش عارف يعمل اي ودماغه متشتته مش فاهم اي اللي بيحصله دا شغله بيبوظ من ناحيه وحياته من الناحيه التانيه مش عارف يعمل اي ولا يتصرف ازاي..
قرب منها وخدها في حضنه:صدقيني يا حور محدش هيقدر يجى ناحيتك طول منا موجود ولو دا حصل صدقيني اللي هيعمل كدا هيدفع تمنها غالى اوووي …
حور:أنا عارفه كل دا يا آدم بس انا خايفه أنا عمري ما خفت وطول عمري قويه ومش بسمح لحد يتعدى حدوده وكمان مش بسيب حقى لكن لما توصل لابنى من حقى اخاف واوي كمان أنا مش متخيله أن ممكن حاجه زي دي تحصل تاني …
ادم:وانا مش هسمح بكدا صدقيني عاوزك تثقى فيا..
سمعوا صوت مى وفاطمه وهم بيخبطوا وخايفين على حور بعد ما عايده قالتلهم اللي حصل..
ادم فتح الباب…
فاطمه دخلت بدموع وحضنت حور:مالك يا حبيبتي مين اللي عمل كدا ولا مين اللي كتب الورقه دي …
مى:أنا متأكده انها نسرين…
ادم باستغراب:واي اللي جاب نسرين هنا وهى مسجونه..
مى بصتله وحكتله على كل اللي حصل امبارح وعن العلقه اللي حور عطتها لنسرين وكمان شكل نسرين وطريقتها…
ادم : ومحدش قالى لي انها جت..
مى وفاطمه:انتو مكنتوش موجودين وكمان الصبح مشوفناكش..
ادم بص لحور وسكت ومش عارف يعمل اي وكمان هوا عارف ان نسرين رجعت ومش ناويه على خير وكمان ربط الاحداث وعرف انها ورا كل اللي بيحصله في شغله…
بص لمى :خلو بالكوا من حور وانا راجع متسيبوهاش فاهمين..
الاتنين هزو رأسهم ..
وادم خرج وكلم احمد يجيبله عنوان ابو نسرين الجديد..
كانت في عربيه ماشيه وراه..
_الو يا ست هانم دا شكله جايلك البيت
نسرين ابتسمت بخبث:ينور…
وبعدين اتصلت على حد :الو يا حبيبي وحشتني …
بقولك اي يا حياتى ماتيجي تقعد معايا شويه اصلك وحشتني…
ماشي يا حبيبي هستناك…
ادم وصل البيت بعد ما احمد بعتله العنوان..
خبط عالباب بعنف..
الشغاله فتحت الباب وادم زقها ودخل…
كانت نسرين قاعده وحاطه رجل على رجل
ادم قرب منها بعصبية:انتى اي مبتحرميش انتى عوزا اي عوزانى اقتلك…
نسرين ابتسمت ببرود:اقعد بس يا آدم تشرب اي …
ادم بعصبية:هوا انتى مفكره انك كدا بتهديني مثلا لا فوقى…
ادم:انتى شكلك عوزا ابوكى يفلس خالص…
نسرين ضحكت:تؤ مفيش حاجه من الكلام دا هتحصل
قامت وقربت منه:لأن الاوراق اللي كنت بتهددنا بيها كلها معانا وابتسمت بخبث وطلعتهاله وورتهاله…
نسرين:ها اي رايك ومعايا اوراق كمان تخليك تعيش في الصعيد طول عمرك وتزرع وتفلح وقربت منه بخبث وهمست :مع اخو مراتك…
ادم بصلها بغضب:انتى جبتى الاوراق دي منين وزعق انطقى..
نسرين بدلع:بطريقتي الخاصه يا قلبي شوفت اهى دي نتيجة اللي يسيب نسرين حبيبته ويروح لفلاحه..
ادم:انتى اكتر واحده عارفه انى عمري ما حبيتك ولا عمري اعتبرتك زوجه ولا اي حاجه انتى اللى كنتي واهمه نفسك ودي حاجه متخصنيش…
نسرين:اممممم بس انا عوزاك يا آدم..
وعيونها دمعت:انت هتفضل لحد امتى مش حاسس بيا أنا بعمل كل دا علشان اكون معاك وتحس بيا حتى لو غصب عنك …
ادم بصلها باست”حقار وزقها بعيد:انتى انسانه مقر’فه وقذ’رة انتى متستاهليش حتى انى ابصلك وحور ضفرها برقبتك عالاقل عندها كرامه ..
وخلى الاوراق معاكى وانا بقى هعرف اخد حقى منك ازاي ..
وتف عليها ومشي وهي ابتسمت بخبث…
_انا جيت يا حياتى..
ادم وقف بصدمه :خالى…
حوريه الصعيد 27 ادم بصدمه:خالى
خاله كان مصدوم لما شاف ادم واقف قدامه لسانه اتلجم مش عارف يعمل اي بص لنسرين اللي كانت واقفه بخبث …
ادم :حياتك وبص لنسرين انتى حياته يعنى انتو الاتنين …
هههههههه وضحك:يعنى أنا كنت مغفل كل الفتره دي كان بيضحك عليا وبص لخاله..
انت كنت بتساعدها أنا برضو اقول هى خرجت ازاي اتاري في محامى شاطر وراها ومعاها …
خاله قرب منه:يا آدم انا..
ادم:شششششششش مش عاوز اسمع منك اي حاجه ولا اي مبررات أنا بجد حاسس بالخذلان انك كنت في يوم خالى وكمان محامى العيله يا خالى يا اخو امى بجد أنا مش متخيل انها توصل لكدا انت ازاي انخدعت كدا ازاي…
وبص لنسرين: عرفتي تلعبيها صح بس اوعدك اللعبه دي مش هتستمر كتير وانتى اللى كتبتى النهاية بايدك …
وبص لخاله باستهزاء ومشي…
_انتى اي اللي عملتيه دا انتى مفكره أن ادم كدا هيسكت مثلا انتى فتحتى علينا طاقة جهنم ومش هتتقفل..
نسرين قربت منه بخبث ودلع:والله يا حبيبي كان غصب عني معرفش أن هوا جاى وكمان جه وفضل يهدد فيا وعيونها دمعت:كان بيهدد في مراتك حبيبتك يرضيك كدا
_اعمل أنا اي دلوقتي زمان احمد عرف والناس هتاكل وشي ..
_لي يا روحى هوا أنا وحشه يعنى وهعرك ولا اي ..
كامل رجع لورا :متنسيش انى قد ابوكي يا نسرين والناس هتاكل وشى …
نسرين حضنته:بس انت عارف انى بحبك يا كوكو يا حبيبي..
كامل لسه هيتكلم حطت ايديها على بقها تمنعه من الكلام :وحشتني انسى بقى اللي حصل كدا كدا كانت الناس هتعرف بس اهم حاجه انى بحبك ..
كامل ضعف قدامها واستسلم ليها ونسي كل اللي حصل لأنها كانت عامله زي الافعى بتجذب اللي قدامها وبعدين تقتله بسمها بدم بارد…
عند ادم …
كان بيكسر كل حاجه تقابله وكل حاجه حواليه..
_راجعه تدمرني وتدمر عيلتي أنا مش هسيبها والله لاندمها على اللي عملته دا مش هرحمها…
احمد دخل عليه وهوا مش عارف اي اللي مضايقه ومعصبه كدا:مالك يا آدم
.ادم زعق:مفيش حاجه..
_ازاي مفيش حاجه وانت بتكسر كل حاجه كدا في اي..
ادم بهدوء:ابوك..
احمد:ماله..
_اتجوز نسرين ..
احمد بصدمه:اي …
انت اكيد بتهزر بابا عمره ما يعمل كدا دا كان بيحب امى وعاش السنين دي كلها مخلص ليها وعمره ما بص لاي واحده غيرها..
ادم :أنا كنت مفكر نفس كلامك دا لكن الافعى عرفت تبخ سمها في عقله وخلته يتجوزها وكمان يساعدها أنا مش طايقها وعاوز اقتلها بايدي الاتنين علشان هى خدت حيز اكبر من حقها..
احمد:طيب هتعمل اي ..
ادم:سيبها عليا لازم ادفعها التمن غالى واوي كمان ..
عند حور…
كانت قاعده حزينه مع مي وفاطمه وكل شويه تحسس على بطنها بخوف اول مره تحس الاحساس دا اول مره تبقى حزينه بالشكل دا متعرفش لي بيحصل معاها كدا أو اي السبب في كل دا نفسها تروح لنسرين وتقولها بلاش ابنى واقتليني أنا ..
فاطمه :حور خلاص يا حبيبتي متزعليش نفسك محدش هيقدر يعمل اللى في بطنك حاجه كلنا معاكى متقلقيش…
مى:ايوا يا حور صدقيني ادم عمره ما هيسمح لحد أنه ييجي ناحيتك أو يأذيكي
حور :يبنات انا خايفه أنا أول مره احس بالخوف دا هى لى مش راضيه تسيبنا في حالنا بقى أنا عملتلها اي علشان تعمل كدا أنا عمري ما اذيتها…غير انها خدت مني كام علقة كدا وخلاص ..
فاطمه ومى ضحكوا لما افتكروا نسرين من اول ما حور شافتها لحد النهارده كل مره تاخد علقه منها..
فاطمه:عندك حق هم كام علقة بس وحشه اووي نسرين دي وقلبها اسود..
مى بضحك:صح ..
حور:بتتريقوا…
وبصتلهم:طب أنا جعانه وشكل البيبي جعان..
فاطمه:والزعل..
حور:اي دخل الزعل دلوقتي في الاكل دي نقرة ودي نقره وبعدين مش يمكن اموت يعنى اموت وانا جعانه..
فاطمه ومى قاموا:عندك حق…
حور قامت:يبقى يلا بينا عالمطبخ نعمل مكرونه بيشاميل عظمه…
بس على الله اتهنى عليها المرة دي ومحدش يجي يقتلني المره دي واموت وانا نفسي فيها..
البنات ضحكوا ودخلوا
وكانت عايده قاعده في الصالون ولما شافتهم داخلين وفرحانين ابتسمت بسعاده أن حور بقت خلاص كويسه عايده:ها بقيتي كويسه يا حور.
حور:ايوا يا ماما وهندخل نعمل مكرونه بيشاميل ويلا محدش بياخد اكتر من نصيبه واللى ربنا كاتبه ..
_ونعم بالله يا بنتى ..وقامت:طيب انا هطلع ارتاح شويه الكل هز رأسه ودخلوا المطبخ وبدأوا يحضروا المكرونه وكانوا مبسوطين ونسيوا كل اللي حصل…
بعد شويه سمعوا صوت ضرب نار بره …صوتوا وخافوا..
حور:مش قولتلكوا انى هموت قبل ما اكلها…
فاطمه قربت من الباب بتاع الجنينه وبصت لقت الحرس كلهم واقعين على الأرض وفي ناس داخله الفيلا ملثمين…
فاطمه خافت :حد معاه موبايل..
مي بخوف :لي ..
فاطمه:اتصلوا بأدم أو زين بسرررعه…
حور خافت وحطت ايديها على بطنها بخوف…
فجأه انصدموا لما شافوا واحد منهم دخل عليهم المطبخ …
صوتوا وكانت حور اتصلت بأدم …
وادم فتح التليفون وكان مع احمد وسمع صويتهم….
ادم :حووووررر….
حوريه الصعيد قبل الأخير
صوتوا وكانت حور اتصلت بأدم
وادم فتح التليفون وكان مع احمد وسمع صويتهم….
ادم :حووووررر….
نزل جري هوا وأحمد وطلعوا على الفيلا…
ادم:لو حصل لحور حاجه مش هيكفيني راس نسرين قصادها..
في الفيلا ..
كانت حور وفاطمه ومي وعايده مربوطين…
حور بشجاعه:انتو مفكرين انكوا كدا هتخوفونا احنا مش بنخاف وزمان ادم جاي وهينقذنا..
سمعت صوت انثوى تعرفه جيدا..
_امممم احنا كدا كدا مستنينه يا سكر .
الكل بصلها وطبعا كانت نسرين اللي كانت واقفه بكل كبرياء وغرور وغل كانت بتبصلهم بخبث..
قربت من حور :اي رايك في المفاجأة دي..
قربت منها اووي وهمست:مسمعتيش كلامى ورجعتى بلدك لى يا فلاحه انتى كدا مستغنيه عن البيبي صح ..
وبصتلها بتأثر مزيف:اممممم سو كيوت حبيب خالتو دا …
حطت ايديها على بطن حور:يا تري بقى هيطلع ولد ولا بنت ولما يكون ولد هيبقى شبهك ولا شبه حبيبي ادم ولو بنت شبه مين اممم حاجه تحير صح…
وبعدين اتكلمت بخبث:اي رايك نطلعه ونشوف شكله…
حور صرخت :لااا ابنى لا ،انتى عوزا اي منى سيبيني في حالى بقى …
نسرين:امممم وانتى كنتي بتلعبي معايا لى من الاول مش كنتي تخافى يا حلوة على يوم زي دا …
حور:انتى زبا*له وحق”يره أنا مشوفتش في وسا”*ختك
نسرين لما سمعت كلامها دا مسكتها من حجابها وللاسف اتخلع في ايديها وشعرها بان..
حور انصدمت ودموعها كانت هتنزل لكن حاولت أنها متبينش ضعفها..
نسرين مسكت شعرها :امممم شعرك حلو عجبني علشان كدا وقالت بفحيح:هقصهولك…
عايده ومي وفاطمه كانوا بيعيطوا على اللي بتعمله في حور ومحدش منهم عارف يعملها حاجه كان نسرين بتعذبها بطريقه وحشه..
نسرين مسكت المقص اللي جابهولها أحد رجالها..
ومسكت شعر حور..
نسرين بخبث:جاهزة يا قطه
نسرين لسه هتقصة عايدة اتكلمت يتوسل..
_لا يا نسرين يا بنتى بلاش تعملى كدا هتستفادي اي لما تقصي شعرها…
نسرين همستلها:اممممم يا لئيمه عرفتى تكسبي حماتك شاطره هبقى اخليكي تعلميني …
وبصت لعايده بتأثر مزيف:سوري يا طنط بس لازم اعمل كدا سامحيني..
مسكت شعر حور بسرعه وقصته لحد رقبتها ودمعة نزلت مع نزول شعرها على الأرض غصب عنها وفاطمه ومى كانوا بيعيطوا وهم شايفين حور بتتعذب…
حور كانت زعلانه على شعرها اللي ياما ادم اتغزل فيه وكان بيقولها أنه احلى ما فيها..
نسرين شافت دموعها وقربت منها وحضنتها:تؤ متعيطيش يا حبيبتي لسه بدري على الدموع دي لسه يا روحي ومسحتلها دموعها اهدي كدا يا حبيبتي انتى لسه مشوفتيش حاجه …
ادم وصل في الوقت دا هوا وأحمد. وكان سبب تأخيرهم أن الطريق كان زحمه وادم كان متعصب جدا وكان حاسس ان حور مش كويسه…
انصدموا لما شافوا كل الحراس على الأرض منهم اللي فارق الحياة ومنهم المصاب …
ادم اتعصب ودخل جوا وهوا خايف على حور وفي نفس الوقت عاوز يقتل نسرين ويخلص منها …
احمد وقفه لما شاف راجل واقف قدام الفيلا من جوا وشده بعيد عند شجره…
احمد:شكلهم جوا أهدى كدا يا آدم علشان نعرف نتصرف ..
ادم كان مخنوق وهز رأسه وبص حواليه وهوا بيشوف منفذ يشوف منه اللي بيحصل جوا..
افتكر اوضة المكتب واتحرك تجاهها وشاف واحد واقف هناك لكن ادم وأحمد قدروا يسيطروا عليه وربطوه ورموه تحت شجره…
ادم حاول يفتح الشباك وبعد عدة محاولات قدر أنه يفتحه…
دخل ووراه احمد…
وجاب المسدس بتاعه من درج المكتب وأحمد اتصل بالبوليس وبعدين ادم وقف عند الباب وسمع صوت نسرين…
نسرين كانت واقفه قدام حور اللى كانت ملتزمة بالصمت:امممم يا حرام هى القطة كلت لسانك ولا اي يا تري ادم حبيبي فين دلوقتي يا حرام شكله مش هيشوفك في اللحظات الأخيرة يلا بقى مش ضروري تودعيه..
حور:أنا متأكدة أن ادم زمانه جاي ادم مش هيسيبني وانتي مش هتكملى يا سردين وادم جاي أنا متأكده أنا عارفه انه هييجي ينقذنى أنا وابنه والنهايه هتكون ليكي انتى مش لينا..
.
نسرين ضحكت ضحكة عاليه :واي اللي هيعرفه انى هنا …
حور:أنا متاكده أن ادم جاي وقريب من هنا وساعتها هتكون نهايتك…
_صح يا حور…
كان صوت ادم وهوا واقف بشموخ ومعاه احمد …
نسرين اتخضت وبصت وراها شافته وهوا ماسك المسدس..
نسرين ضحكت بخبث:اهلا يا حبيبي كنت مستنياك وبعدين شاورت على حور ..
_اي رايك في استايل حور الجديد اكيد هيعجبك صح ..
ادم غمض عينيه بغل وهوا بيتخيل اللي حصل لحور وهوا مش موجود ودا باين على ملامحها اللي اتبدلت لسعادة بمجرد ما شافته..
حور بدموع:عوزا تاخد ابنى مني يا آدم ..
نسرين قربت منها : شششششششش اهدي يا حبيبتي اعصابك وحضنتها من ضهرها وابتسمت لادم :قولها تهدي يا آدم انت تعرف انى شريرة كدا برضو..
وطلعت مسدس وصوبته تجاه راس حور. اللي شهقت بخضه وكمان مى وفاطمه وعايدة
….
ادم بغل:سيبي المسدس وابعدي عنها احسنلك يا نسرين علشان هتندمى صدقيني..
نسرين ضحكت باستفزاز:عادي يا دومي كدا كدا النهاية قربت بس مش هتكون ليا لوحدي هتبقى لينا كلنا اي رايك…
ادم:قصدك اي..
نسرين:قصدي أن في في كل ركن هنا قنبله وناقصلهم ربع ساعة وينفجروا ههههههه بس كويس انك جيت علشان كان نفسي اشوفك قبل ما اموت …وبصت لاحمد وكان نفسي ابوك يكون موجود بس يلا الله يرحمه كان طيب والله
احمد بصدمة:بابا …انتى عملتى اي بالظبط انطقى…
ادم بزعيق:انتي اتجننتى…
نسرين:لا يا حبيبي متقولش كدا أنا متجننتش أنا عاقله اهو حتى شوف..
مسكت حور من شعرها وحور اتألمت…
ها اي رايك ….قولولي بقى كنتوا هتسموا المولود اي..
استنوا اخمن ..
نسرين صح …
ادم لسه هيقرب منها
نسرين:خليك مكانك علشان متندمش ومخلكش تتحصر على السنيوره..
وبصت لرجالتها:يلا اربطوا الباشا واللي معاه..
الرجاله قربوا من ادم ولسه هيضربهم
نسرين وقفته:تؤ يا آدم متقاومش يا حبيبي علشان متتحصرش على السنيورة يلا يا حبيبي براحه كدا وانت عاقل واتربط…
ادم بص لاحمد اللي هزله رأسه باطمئنان وبص ناحية الباب اللي كان واقف عليه زين …
الاتنين استسلموا واتربطوا…
وكان زين متابع كل اللي بيحصل وكان معاه زمايله والفرقة كلها …احمد كان اتصل بيه لانه عارف أنه اكتر واحد هيعرف يساعدهم هو واللى معاه…
زين بهمس:جاهزين يا شباب..
_تمام يا ريس…
كان عددهم كبير جدا يفوق رجالة نسرين بمراحل وكانوا متعددين المواهب ودا اللي خلاهم واثقين من نفسهم ،ممكن ميكنش عندهم عضلات لكن بيعرفوا ازاي يشتتوا اللي حواليهم..وياخدوا حقهم…
زين:1,2,3
يلا بينا…
وهوب كلهم دخلوا مرة واحده وكل خمسة منهم كانوا على واحد من الرجاله ونسرين حست بتشتت رهيب لكن اتخضت اكتر وهى شايفه عشر بنات حواليها وكل واحده منهم بتحاول تشتتها لحد ما قدروا يسيطروا عليها وضربوها جامد وكل بنت كانت بتمارس مهارتها في وش نسرين وجسمها لحد ما كانت مش قادره تقوم من مكانها… وحطوها على الكرسي وربطوها..
وكل واحد من رجالتها حصل فيه نفس الموقف لحد ما بقوا كلهم متربطين..
نسرين:انتو هتمشوا وتسيبونى أنا مش هموت لوحدى انتو فاهمين أنا مش هسيبك يا حور مش هسيبك خليكي فكرانى علشان هجيلك كتيير اووي …
زين:يلا يا شباب فكوا اللي مننا…
فكوا احمد وادم وحور ومى وفاطمه وعايدة ..
حور بصتلها بشماته :صحيح من حفر حفرة لأخيه وقع فيها…
ادم:يلا بسرعه نخرج على برا. بسرررعه..
قرب من حور وشالها وهى كانت حاسة بتعب رهيب…
وكانت دموعها نازله…
الكل خرج برا بسرعه وفي نفس اللحظه انهارت الفيلا واتدمرت بسبب الانفجار اللي حصل…
حور حضنت ادم وهى منهارة وفجأة اغمى عليها…
وبكدا يكون مات الشر مع نسرين…اقصد سردين
حوريه الصعيد الأخيرة.... عدى شهرين وكان فيه الكل بيتعافى من اخر حاجه حصلتلهم ..
كانت حور في الشهر الرابع ليها من الحمل وكانت نفسيتها بدأت تتحسن من اخر مرة واللى كانت كل لما تبص للمرايا وشعرها كانت بتزعل وتفتكر اللي شافته وعانته وتفتكر نظرات نسرين ليها وكلامها وبرغم كل اللي عملته إلا أن حور سامحتها...
النهارده كان فرح عمار ومى اللى كانوا فرحانين جدا وكان الكل متجمع في الصعيد لأن عمار صمم أنه يعمل الفرح وسط أهل بلده والناس اللي بتحبه وادم وافقه على كدا ورحب بالفكرة جدا ،كان الفرح كبير ضم البلد كلها وكان الكل فرحان...
في غرفة مي ...
كانت فاطمه وحور وتقى بيزغرطوا وفرحانين أن خلاص مى وعمار هيتجوزوا...
مى كانت عيونها بتلمع بحب وفرحة ..
حور قربت منها وحضنتها:أنا عمري ما تخيلت أن عمار اخويا يحب كنت دائما شايفاه قاسى وطبعة صعب برغم حنيته لكنه عمره ما سمح لاي بنت تتجاوز حدودها معاه ولا عمره حب علشان كدا انتى اول حب في حياته يا مى واتمنى ليكوا حياة سعيدة مليانه محبه ومودة ورحمه وضحكت وكمان يستى هتعيشي هنا مش دي كانت امنيتك...
مى ابتسمت بهيام:ياااه يا حور انتى مش متخيله أنا بحب عمار قد اي من اول يوم شوفته فيه وكانت فيه حاجه بتشدني وكمان حبيته اكتر واكتر لما خلاص بقى معايا واتكتبت على اسمه وانا مستعده اعيش في اي مكان طالما هوا فيه...
حور حضنتها بحب:يا سعدك يا هناك يا عمار عالحب دا ربنا يديمكوا لبعض يارب ومشوفش فيكم وحش ابدا يارب...
ادم كان واقف مع عمار..
ادم:خلى بالك من اختى يا عمار دى اغلى حاجه في حياتى..
عمار:متقلقش يا آدم مى في عيونى لا مش في عيونى دي هنا وشاور على مكان قلبه,هى هنا يا آدم واللى بيدخل هنا بياخد كل حاجه حلوة ومستحيل اقدر اشوف دموعه وكمان يسيدي احنا صعايده يعنى الحنيه والدلع
ادم ضحك ومعاه عمار وزين وأحمد قربوا منهم ووقفوا معاهم وبداوا يتكلموا...
ادم:بقولك يا عمار ما تبيع الأرض وتيجي تعيش معانا في القاهرة وتستثمر فلوسك معايا في الشركه..
عمار ابتسم:انت تقدر تطلع السمكة من البحر وتقولها عيشي على الأرض وهوفرلك اكلك لكن متطلبيش منى اكسجين
ادم:لا
عمار:أنا كدا يا آدم لو خرجت من هنا ممكن يحصلي حاجه ولو سبت ارضى ممكن اموت وقتها انا مبسوط ومرتاح هنا ويبقى فرحان اكتر لما بشوف الأرض بتنبت زرع وخير ودا بسببي زيك كدا لما بتكسب صفقه كبيره دي السعاده عندك وانا بقى السعاده بتاعتى في ارضي وبيتي وحياتى هنا ولو على مى متقلقش أنا كل شهر هجيبهالك تقعد معاك يومين ومتخافش عليها لأنها زي ما قولتلك يا آدم في قلبي ...
ادم اعجب بكلام عمار، وزين ابتسم بسعاده أن أخته هتجوز شخص زي عمار ...
حور نزلت وندهت على ادم ...
حور بهمس:ادم ادم
ادم يصلها وابتسم وبعدين قرب منها ...
حور :ادم..
ادم:قلبه اي يا حبيبي مالك..
حور بصتله بتأثر:نفسي في منجة..
ادم بصلها باستغراب :منجة!!!! دلوقتي يا حور..
حور:مليش دعوة يرضيك البت يطلعلها منجايه في وشها انت عاوز البت تبور يا آدم ...
ادم :لا ازاي أنا اللي اروح ادور دلوقتي على منجة..
حور :تسلملى يا غالى يا ابو مكة ...
ادم بصلها وغمز:اي خدمة يا قلب ادم..
حور ابتسمت :ثانك يو بنداري اي لافيو سو ماتش اموااااه..
ادم ضحك :اي الهبل دا..
حور: صح اصل في سلعوه كدا شوفتها بتقول كدا لجوزها لما بيجيبلها حاجه ....كنت عوزا اجيبها من شعرها من الاستفزاز...
ادم:ربنا يسترها علي عيالى أنا حاسس أنهم هيتربوا صح على ايدك يا حور ...
حور:ايوا اللى يضايقك جيبه من شعره دا مبدأ.
ادم ضحك:طيب ادخلى يا ام مبدأ انتى وهنبقى نشوف الموضوع دا بعدين..
حور:طيب متنساش المنجة..
كان الفرح متقسم جزئين جزي للحريم وجزء للرجاله...
كان الكل فرحان وبيرقص وكان مى بتتعلم الرقص منهم وحور كانت بترقص معاها بس مش اووي علشان البيبي..
الفرح خلص والكل روح وعمار خد مى وطلعوا بيتهم اللي عمار جدده وعمله على ذوق مى ودا اللى خلاها مرتاحه للمكان اكتر ....
عمار:اخيرا اتجوزتك..
مى بكسوف:ايوا
عمار قرب منها:بحبك يا بنت قلبي
مى:وانا كمان..
عمار :يلا ادخلى اتوضى وتعالى نصلي علشان ربنا يباركلنا في حياتنا الزوجيه ..
مي هزت راسها ودخلت وخرجت صلوا وعمار قال دعاء الزواج وبكدا يكونوا بداو حياتهم وربنا أن شاء الله يوفقهم فيها...
حور وادم وزين وفاطمه وعايدة روحوا القصر ....
عند زين وفاطمه..
زين قرب من فاطمه اللي كانت واقفه قدام المرايا ...
زين همسلها:وحشتيني..
فاطمه لفت وبقت وشها ليه:وانت كمان وحشتني...
زين:اللهم صلى على النبي اخيرا رفعنا الالقاب...
فاطمه ضحكت وزين لسه هيقرب منها
فاطمه :استنى عندى ليك مفاجاه
زين:اي هى فرحيني..
فاطمه قربت منه وهمست:أنا حامل
زين بفرحه حضنها:بجد يا حبيبتي أنا مش مصدق نفسي خلاص أنا هبقى اب..
شالها ولف بيها وهوا فرحان..
كانت فاطمه بتضحك على جنانه:مجنون والله..
زين غمزلها:أنا لو مجنون بجد فهيبقى بيكي يا قلب زين..
فاطمه بكسوف:يوه بقى متكسفنيش..
زين:تؤ مش وقت كسوف يا روحى..
عند حور وادم..
كانت قاعده علي الكنبه وقدامها كرتونه منجه وكانت بتاكل منها بشراهه كأنها اول مرة تدوقها كان ادم قاعد بيضحك على منظرها ووشها اللي بقى كله مانجة ..
حور بصتله وهي في ايديها منجايه :بتضحك على اي يا آدم..
ادم كتم ضحكته:مش على حاجه يا حبيبتي
حور بصتله بدموع:انت بتضحك عليا يا آدم
ادم:لا يا قلب ادم مين قال كدا بس انتى كنتى بتقولى من شويه هتاكلى منجايه واحده علشان الوحم بس لكن دلوقتي دخلتى في خمسه كيلو منجه بتاكليهم...
حور بصتله بتأثر:هوا انت بتستكترهم عليا يا آدم تعالى خد واحده اهى ...
ومدت ايديها ليه بواحده ادم ابتسم وقام من مكانه وقرب منها وقعد جنبها وكانت خدودها كلها منجه...
قرب منها :لا أنا مش عاوز المنجه دي انا عاوز المنجه اللي بتاكل المنجة..
حور بصتله وابتسمت بعد ما كانت زعلانه:يا راجل انت دايما كدا بتخطف قلبي قربت من المنجه ومسكت واحده ...
ادم قرب منها وباسها من خدها...
_انا حاسس ان البت دي هتطلع منجه من كتر المنجة اللي كلتيها...
حور:يا آدم الله..
ادم :قلب ادم...
بعد مرور خمس سنوات...
في يوم العيد..
كان الكل متجمع بعد صلاة العيد ...
كان ادم وزين وعمار وأحمد قاعدين..
وحور وفاطمه ومي وتقى وعايده...
وعيالهم ...
آدم وحور جابو مكة ومالك توأم وبعدين مازن
فاطمه وزين جابو نور وتميم
ومي وعمار جابو سامر وادم وعلى
عايده:عيد سعيد عليكوا يا حبايبى..
الكل:وانتى طيبه يا ماما..
زين قام وقف وقال
_ناخد صورة جماعيه..
الكل وقف وكل واحد جنبه حبيبته وعياله..
حور:فين مكه..
مكه خرجت من المطبخ وكان ماسكه منجايه في ايديها..كان شكلها جميل خصوصا أنها عندها خدود كبيره وكمان مقلبظه😂
مكه :أنا هنا يا مامى..
ادم والكل يصلها وضحك وكان مبهدله نفسها وخدودها منجة..
ادم همس لحور:طلهالك...
حور:مهو المنجة بتجيب منجة...
ادم:صح وانتى احلى منجة...
زين اضحكوا...
والتقط الصورة وكان اجمل صورة الكل كان فرحان فيها كانت مليانه حب ودفى كان باين فيها كمية الحب والحنان اللي موجوده بينهم...
وبداو يستمتعوا باجواء العيد ويلعبوا والأطفال بقو يلعبوا حواليهم ....
واتقفلت الستار على أصوات ضحكهم الي كانت ماليه المكان ...
"الحب كله حبيته فيك ،الحب كله، وزمانى كله أنا عشته ليك زمانى كله، حبيبي قول للدنيا معايا ولكل قلبي دقته حس ،يا دنيا حبي وحبي وحبي دا العمر هوا دا العمر هوا الحب وبس، واسقيني تاني واسقيني تاني واسقيني تاني من الحب، منك منه الزمانى اسقيني ياللي من يوم ما شوفتك حسيت كأنى اتخلقت تاني"
جماعه كلو منجة علشان تخلفوا عيال منجه😂😂
تمت
إللي عاوز يوصله اشعار يوصله اشعار بالروايات الكامله فور نزولها إنضمام من هنا
رواية صغيره بين يدي صعيدي كامله
