 |
حمواتي الثلاثه
الحلقه الثالثه والرابعه
بقلم هويدا زغلول
كامله على مدونة النجم المتوهج للروايات
انشراح
ده ده ده هي يا اخويا اللي صممت أنها
تروق الشقه اه والله اعملها اي شكلها بت
نظيفه ومش بتحب البهدله
ابراهيم
انا عارف شغل الحموات ده وانا كمان راجل
نظيف وبحب شقتي تكون نظيفه
انشراح
مهي يا اخويا الشقه اهي قدام عينك كلها
نظيفه هو أنت مش شايف ولا اي
ابراهيم
دلوقتي نظيفه اه حسنيه روحيه انا عايز
الشقه دي كلها دلوقتي تكون متبهدله
وانتي تروقي الشقه مفهوم يا انشراح
انشراح
يا اخويا انا تعبانه ومش قادره مانت عارف
انا مش بقدر علي شغل البيت وانت عارف
ابراهيم
انا قولت كلمه واحده وعايز اشوف كلامي هيتسمع ولا لا ماذا والا هخليكي تروحي
عند امك الله يرحمها في شقتها دلوقتي
حنان
خلاص يا عمي علشان خاطري بالله عليك
ما تعمل كده
ابراهيم
يوسف فهم مراتك أن انا بقول كلمتي
مره واحده ومش بحب حد يعارضني
حسنيه
كلمتك تمشي علينا يا حاج طبعا يلا بينا
يا روحيه نعمل الكلام اللي الحاج قال عليه
وفعلا حماتي تعبت اوي في الشقه وبعدين
دخلت نامت من كتر التعب وبعدها دخلت
عندها روحيه
روحيه
انشراح انا اسفه أن بصحيكي انا عارفه
انك تعبانه بس الحاج بيقولك قومي اعملي الاكل
انشراح
لا والله دي كتير وانا مقدرتش علي كده
اي يعني لما اخليها تروق الشقه مش المفروض
هي اللي تعمل
روحيه
بس هي عروسه ومينفعش كانت تعمل كده
من اولها يغني
انشراح
اكتر حاجه مش بحبها فيكي انك بتحاولي
تعملي أن قلبك طيب انا عارفكي علي حقيقتك
وعارفه انك عايزه تمشينا من هنا من البيت
روحيه
ربنا يهديكي لنفسك وقومي بلا علشان
المعلم مش يضايقك وفعلا قامت حماتي
ودخلت المطبخ تعمل اكل وانا كنت في
الاوضه انا ويوسف
حنان
والله انا مضايقه اوي من اللي عمله الحاج مع
حماتي ومعرفش أن هو برا
يوسف
انا مش عايزك تكوني مضايقه يا حبيبتي
خالص بصراحه انا عمري ما حسيت أن ماما حنينه
عليا خالص وعمري ما حسيت أن انا ابنها مش
فاهم هي ليه بتعمل فيا كده
حنان
انا بحس أن شخصيتها جامده شويه بس
والله هي بتحبك وفيه ناس مش بتعرف
تبين الحب ده المهم انا مش عايزه عدوا
معاها
يوسف
باذن الله مافيش عدوا وانا كلمت بابا
أن باذن الله هيكون لينا شقه لوحدينا
حنان
ياريت والله يا يوسف لان انا مش مرتاحه
هنا وبعد ما خلصت حماتي شغل البيت
دخلت اوضه حمايا
ابراهيم
اي اللي دخلتك الاوضه مش قولت ليكي
مش تدخلي الا لما اقولك تعالي
انشراح
انا نفسي اعرف انت ليه قلبك جامد علي قوي كده وبتعاملني بطريقه ان انت بتعاملني بها دي انت عمرك ما كنت معايا كده يا ابراهيم
ابراهيم
بوريكي انتي بتعاملي ابنك ازاي انا نفسي افهم انت ليه كده واحده زيك تكون فرحانه ان ابنها معها وفي حضنها ابنك عايز يشوف شقه يا ست هانم
انشراح
ده اكيد مش كلامه ده كلام الحلوه اللي جوه
اه عايزه تاخد كل حاجه ليها بقولك اي انت
عارف ان بحبك اه والله وطول عمري بخاف
علي مالك اكتب ليا كل حاجه ب اسمي
وانا والله هحافظ عليها وبعدين شوف
هما هيعملوا اي
ابراهيم
انتي عايزني اكتب ميراثي كله ب اسمك أنتي
ازاي يعني وباقي الناس اللي معانا
انشراح
يا حبيبي اسمعني بس ده فتره بس وبعدين
هرجع ليك كل حاجه تاني اه انا بصراحه مش
مرتاحه للي اسمها حنان دي ومش عايزه
تكون مع ابننا
ابراهيم
بقولك اي يا انشراح انتي تقومي تلبسي
دلوقتي وتروحي بيت اهلك عارفه ليه
لان ده هيكون ابسط عقاب ليكي بدل ما
ارمي عليكي يمين الطلاق دلوقتي
انشراح
ياخبر انت بتقول اي يا حاج والنبي
اسمعني انا والله ما اقصد اي حاجه
ابراهيم
مش عايز كلام تاني يا يوسف يوسف
تعالي هنا انا عايزك ضروري وفي الوقت
ده كله دخل الاوضه جري
يوسف
خير يا حاج فيه اي مالك يا امي عامله تعيطتي
ليه هو حصل اي
ابراهيم
مش عايز كلام كتير خد أمك ووديها بيت
جدك وانتي مش عايز اشوف وشك خالص
مصروفك هيوصل ليكي كل شهر
فاهمه ولا لا
روحيه
هي عملت اي يا معلم اهدي بس
معلش
ابراهيم
هو فيه اي كل وحده بكلمه ولا اي انا قولت
خالص اللي المفروض يحصل وبقولك اي وجودك
في بيت اهلك ده عقاب كل طلباتك ابنك
هيجبها يعني مافيش نزول من هناك
خالص
انشراح
اسمعني يا حاج الله يخليك انا اسفه والله
واوعدك ان مش هيحصل مني الكلام ده
تاني
روحيه
انتي عملتي اي بس وفي الوقت ده لقيت
حمايا بيقول
ابراهيم
كله برا ومش عايز كلام وفعلا الكل خرج
وراحت حماتي بيت باباها وبعدها لقيت
حسنيه داخله اوضتي
حسنيه
اوعي تكوني فاكره أن كلمتك كده هتمشي
انشراح عبيطه ومش هتعرف تسلك معاكي
انما انا صاحيه ليكي
حنان
هو انتو ليه كده والله العظيم انا مش عايزه
مشاكل. وعايزه اعيش معاه جوزي في سلام
حسنيه
طول ما انتي ملكيش صوت في
البيت ده هتعيشي هتفكري أن اللي ابراهيم
عمله ده هيقدر يخليكي ليكي صوت متعرفيش
انا ممكن اعمل معاكي اي وبعدها سبتني
وخرجت وجه يوسف
يوسف
مالك يا حبيبتي فيه اي عالفكره اللي حصل
ده الطبيعي هما كل شويه كده في مشاكل
والله
حنان
انا بجد عايزه امشي من هنا لان بصراحه
محدش في البيت بيحبني
يوسف
انا كلمت بابا أن عايز يكون ليا شقه وهو مش
رافض بس عالاقل الفتره دي خلينا هنا
لحد ما نشوف هنعمل اي وانا فعلا
سكت وفضلت في البيت معاهم بس بشوف
معامله من حسنيه وبعدها بشهر انا تعبت
وروحت للدكتور وعرفت انا حامل
ابراهيم
والله متعرفيش انا فرحان ازاي كان انا
اللي ربنا كرمني تاني
يوسف
والله يا بابا هي كانت عايزه تروح لامها علشان
تقولها قولت لا لازم نجيلك الاول ونفرحك
ابراهيم
روح فرح امك وكمان ابقي رجعها البيت بس
متقولش ليها ان انا اللي قولتك مفهوم
حنان
ربنا يخليك ليا يا عمي بس أنا حملي صعب
بستاذن حضرتك اروح عند ماما اليومين دول
ابراهيم
جوزك اهو لو موافق انا معنديش مانع
وفعلا روحت عند حماتي
انشراح
خير اي اللي جابكم هنا
يوسف
حنان حامل وقولت لازم اجي افرحك وبمناسبه
الخبر ده انا هاخدك البيت واحاول اكلم بابا
انشراح
حامل اه الف مبروك يا حبيبتي وانت يا حبيبي
مش خايف بابا يزعق مهو رميني هنا
بقالي فتره
حنان
والله البيت وحش من غيرك يا ماما ياريت
ترجعي تاني تنوري
انشراح
خليكم هنا لحد ما اللبس
يوسف
المهم هنروح الاول نودي حنان عند امها
لان حملها صعب ولازم حد ياخد باله منها
انشراح
هههههههههههه ايوه كده لا يا حبيبتي
هتقعدي معانا في البيت وانا إللي هتابع حملك
عملنها قبلك يا حبيبتي
يوسف
مش فاهم كلامك تقصدي اي يا ماما
ولحد هنا تكون خلصت حلقتنا
لو لقيت تفاعل كبير وعد هكملها الليلة
حمواتي الثالثه
الحلقه الرابعه
بقلم هويدا زغلول
انشراح
ابدا مش اقصد المهم انتي هتفضلي قدام عيني
ومش هتمشي عند امك
يوسف
بس انتي عارفه يا ماما انها تعبانه ولازم
حد ياخد باله منها
انشراح بتكلم نفسها
هو الماضي بيعيد نفسه ولا اي وبعدين
كلمتنا انا اللي هخلي بالي من مرات ابني
حبيبي المهم اصبر أنا داخله اجيب حاجتي
وفي الوقت ده الباب خبط وفتح يوسف
ابتسام
مساء الخير يا بني معلش عايزه شويه
مياه السلم قطع نفسي
يوسف
تعالي اتفضلي اقعدي انتي حضرتك قريبه
ماما صح أنا شوفتك قبل كده
ابتسام
ماما مين هو انت ابن انشراح يا حبيبي
يابني انت عامل اي معلش اصل
جدتك كانت مانعه أن اشوفك خالص ايوه
انا قريبه ماما يا حبيبي
يوسف
طيب تعالي اتفضلي اقعدي وبعدها خرجت
حماتي من الاوضه
انشراح
اي ده ابتسام انتي هنا بتعملي اي
اقصد يعني جيتي من الصعيد أمتي
ابتسام
لسه من شويه. لما عرفت انك هنا قولت
اطلع اقعد معاكي شويه والحمد لله أن
شوفت يوسف عندك
انشراح
بس معلش للاسف لازم نمشي اصل
راجعه بيتي دلوقتي ابقي اسالي يا ابتسام
ابتسام
اكيد الفتره الجايه هسال كتير وانت عامل
اي يا يوسف
انشراح
معلش اصل لازم نمشي يلا بينا يا جماعه
وفعلا مشينا واحنا كنا مستغربين اوي
من طريقه حماتي ورجعت حماتي البيت
ابراهيم
حمد لله علي السلامه لولا أن يوسف
اللي جابك وفي الوقت ده انا عمري ما كنت
دخلتك البيت ابدا
انشراح
حقك عليا يا حاج والله عمري ما هقول اللي
قولته ده تاني ابدا
حسنيه
هي قالت اي يا معلم
ابراهيم
خليكي في حالك يا حسنيه وبعدين هو انتي
رجعتي ليه يا حنان وفي الوقت ده انا قولت
حنان
عايزه اكون في وسطكم يا بابا وباذن الله مش
هيحصل حاجه للحمل
يوسف
بعد اذنكم أنا عايز ادخل اوضتي معلش يا حنان
انا عايزك شويه
حنان
حاضر بعد اذنكم يا جماعه وفعلا دخلت انا
ويوسف الاوضه مالك يا يوسف فيك اي
من ساعه ما نزلت من عند بيت ماما وانت
شكلك متغير ليه
يوسف
مش عارف انا حاسس ان الست دي عايزه
تقولي حاجه شوفتي طريقه كلامها معايا
عامله ازاي
حنان
عادي يا يوسف يمكن مش عندها عيال
وفرحت لما شفتك مهو انت برضه زي
ابنها
يوسف
لا لا انا حاسس ان فيه حاجه غريبه وبعدين
طريقه كلام ماما وانك لازم تقعدي هنا
بصراحه انا خايف عليكي
حنان
دي مامتك واكيد مش هتعمل فيا حاجه
يا يوسف بطل قلق
يوسف
علشان خاطري روحي عند مامتك انا مش عايزك
هنا
حنان
طيب عالاقل الفتره دي مش هينفع
حنان شويه ابقي اقول إن تعبت ولازم امشي
وفي اوضه روحيه دخلت حسنيه
حسنيه
سمعت يا بت الكلام اللي اتقال يا ترى هي قالت ايه للمعلم خلاه يمشيها من البيت
روحيه
خلينا في حالنا يا حسنيه ما لناش دعوه انتي شفتي المعلم عمل معها ايه هو انت مستنيه ان يعمل معنا كده
حسنيه
هو انتي طول عمرك كده جوزك طار منك
مرتين بسبب هبلك ده وانتي لسه زي
مانتي عبيطه
روحيه
خليني يا ستي باللي انا فيه وبعدين
بعد اذنك لان مصدقت المعلم وافق
اروح اشوف اختي بعد اذنك وبعدين
راحت روحيه لأختها
نجلاء
اخيرا جوزك وافق تيجي اشوفك والله
وحشتني عامله اي
روحيه
الحمد لله ياحبيبتي أصله فرحان اوي
ابنه مراته حامل
نجلاء
ابنه اي يا روحيه عيب عليكي ده احنا عارفين
كل حاجه وعارفين أن جوزك مش بيخلف
روحيه
اسكتي خالص مش عايزكي تتكلمي في
كده انا مش عايزه اي حاجه تزعل ابراهيم
نجلاء
انا مش عارفه انتي كده ازاي انتي
عارفه أن كده حرام واكيد هتتحسبي
روحيه
الاول مكنتش عايزه ابراهيم يكون زعلان
وبعدين لما يوسف كبر شوفت
حنيه الدنيا فيه وبعدين والله هو ما يستاهل
اي حاجه وحشه
نجلاء
يا بت افهمي انتي كده هتطلعي من المولد
بلا حمص وكل حاجه هياخدها واحد مش
من صلبه
روحيه
الفلوس انا كرهت الفلوس والله ومش
عارفه ازاي ممكن نتخانق علي حاجه زي
دي طيبه قلب ابراهيم بكنوز الدنيا كلها
نجلاء
طيبه قلب ازاي يعني ده اتجوز عليكي
اتنين وبعدين بيعملوكي وحش وانتي
ساكته
روحيه
بقولك اي هتفضلي تتكلمي كده همشي
انا مش عايزه اي كلمه علي ابراهيم فاهمه
ولا لا وبعدين مشيت روحيه من عند اختها
ومسكت نجلاء التلفون وقالت
نجلاء
ها سمعت واتاكد من كلامي يا معلم
ابراهيم يوسف مش ابنك وبرضه
لو مش مصدقني عندك في تحاليل وحاجات
ممكن تتأكد من كده وبعدها قفل
ابراهيم السكه وهو مش بيتكلم واول
لما روحيه جت
ابراهيم
تعالي يا روحيه عايزك جوا دقيقه واحده
روحيه
خير يا معلم فيه اي ودخلت الأوضه
واحنا في كنا في الصاله مش فاهمين اي حاجه
ابراهيم
قدرتي يا روحيه تعرفي أن يوسف مش
ابني وتسكتي ازاي تعملي كده وبعدين
انتي عرفتي منين الكلام ده
روحيه
هو انت عرفت منين يا معلم
ابراهيم
ردي عليا مش عايز اساله
روحيه
انت اصلا مش بتخلف يا معلم المشكله
من عندك انت
ولحد هنا تكون خلصت حلقتنا
يتبع