أمل الزين
الحلقه 3
فرح كانت هتمشي اتجاه الشخص لكن اختفى فجاه طلعت تجري بس فص ملح وداب
رجعت فرح للاستعلامات وطلعت الفون بتاعها وجابت صوره
فرح: لو سمحت الشخص ده نازل في انهي غرفه عندكم
الاستعلامات: ايوه ده نازل هنا بس ده من ايطاليا جوله سياحيه
فرح: طيب ممكن رقم الغرفه
الاستعلامات: مش هينفع
فرح: هاديك كل الفلوس اللي انت عايزها الشخص ده بالنسبه لي مهم جدا لو سمحت
الاستعلامات: طيب رقم الغرفه 415
فرح: شكرا جدا
فرح طلعت تجري تدور على رقم الغرفه لغايه ما وصلت له كان اللي باب مفتوح لكنها وقفت مصدومه مين اللي شافتها، يامور كانت بتقبل
إيلاف ومحوطه راسه بيديها
يامور: اسفه إيلاف حياتي ساترك الان نسيت شيء في الخارج ساعود سريعا
إيلاف: حسنا
فرح مجرد ما يامور خرجت استغلت الفرصه ودخلت وهي كلها غضب..
فرح: لا برافو عليك بجد برافو عليك
إيلاف: هل تعرفيني سيدتي
فرح: نعم انت بتقول ايه، كلمني عربي
إيلاف بيتكلم باللغه الايطالي
إيلاف: هل تعرفيني
فرح لم تفهم اي كلمه: ممكن تكلمني عربي انت بتتكلم عربي كويس جدا
إيلاف: انتِ عارفاني
فرح: ايوه طبعا اعرفك جدا كمان انت اغلى من روحي
إيلاف: انتِ مجنونه يا انسه
فرح: مين اللي انت كنت بتبو*سها دي
إيلاف: هاي زوجتي يامور انتِ عم تراقبينا
فرح بغضب: نعم زوجتك، للمره الثانيه بتخوني انا سامحتك اول مره لكن مش هسامحك المره دي هو ده الحب اللي انت
حبيته لي بجد برافو عليك
إيلاف مش فاهم اي حاجه مين اللي فرح بتقولها مش قادر يفهم اي كلمه
إيلاف: عفوا انتِ مجنونه لو سمحتي امشي من هنا لو زوجتي شافتك هنا هيحصل مشاكل بيني وبينها، انا اول مره اشوفك حب ايه اللي انتِ بتتكلمي عليه ده لو سمحتي امشي من هنا حالا
فرح: انت خايف على مشاعرها ومش خايف على مشاعري انا كمان زوجتك زيها بالضبط وام اولادك يا استاذ مراد يا اللي سبتنا ورحت اتجوزت بجد اثبتت تهمه اغت"صا*بك القديمه مش جديد عليك
إيلاف: للمره الثانيه انتِ شكلك غلطانه أنا اسمي إيلاف مش مراد انتِ جايه تلبسيه تهمه انا ماعنديش اولاد
فرح: يعني انت ما تعرفنيش نسيت فرح حب حياتك اللي اول ما شفتك كانت هتتجنن عليك فرحت انك عايش بس احسن انك تفضل ميت بالنسبه لي وللكل
إيلاف: انا اسف لحضرتك على سوء التفاهم ده بس انا مش هو نفس الشخص اللي بتتكلمي عليه أنا إيلاف مين ايطاليا لكن مراد مصري صح كده
فرح: انا اللي اسفه لحضرتك على سوء التفاهم ده واني دخلت بالطريقه دي اوعدك ان دي اخر مره هتشوفني فيها
يامور: ماذا تريدين انتِ
إيلاف: انها من الفندق ستخبرني انها ستجد الطعام هنا او سناكل في المطعم
يامور: سناكل هنا
إيلاف: حسنا
لكنه شايف فرح واقفه مكانها فسريعا بدا في التقبيل من يامور فتركته فرح سريعا وغدرت الفندق ودموعها على خدها..
فيلا عيله الجارحي
في غرفه فرح
كانت داخلها غضب كبير مين اللي شافته وغير مستوعبه كل اللي حصل معها في دقائق كانه حلم الصوره لم تروح من خيالها كانها بدها تنتقم
فرح: حسام لو سمحت عاوز اتكلم معك ممكن تصحى
حسام بينوم: اجل الموضوع للصبح يا فرح
فرح: حسام انت بتحبني وعاوزني
حسام غير مستوعب كلام فرح: اكيد بحبك
يفرح ما كنتش اتجوزتك
فرح بدون وعي: وانا كمان بحبك يحسام
حسام: بجد يفرح
فرح: اه هو كمان عايش حياته واتجوز كمان ليه انا كمان مااعيش حياتي هو وجع'ني قوي وانا كمان هاوج'عه باكر*هه قوي
حسام: مع اني مش فاهم اي حاجه من اللي انتِ بتقوليها كنت مستني الكلمه دي من زمان قوي
فرح بدون سابق انذار باس*يتو في شفا*يفه
وحسام كمان بدلها لكنها كانت بتفكر في مراد
وصوره يامور اللي مش قادره تروح من بالها او عقلها مش قادره تستوعب اللي حصل حاسه ان راحه بتنسحب قامت فجاه وبعدت حسام عنها اللي كان على وشك تكون فرح له
اللي بصلها بحيره وغضب مش مستوى اللي هي عملته ده
فرح: انا اسفه بس مش قادره اعمل كده انا عارفه اني اهنت رجو**لتك بس بجد اسفه
حسام بغضب: انتِ متصورها اقول لك ايه خلاص يفرح ماتتاسفيش محصلش حاجه لكل ده بجد انا مش فاهمه تقصدي ايه بالحركه دي غير اللي انتِ قلتيه عاوزاني اسيبك بس انتِ اللي اخترتي تكوني معي انا ماجبرتكيش على حاجه وافقت على كل طلباتك
فرح بضعف: انا مش قادره غصب عني كل ده
حسام: لما تكوني متاكده من كلامك ابقي تعالي قولي عن اذنك انا خارج
فرح قعدت على الارض غير مستوعبه هي عملت ايه
ماقدرتش اكون زيك يمراد خائنه بس جرحت انسان مالوش ذنب
في الصباح
في فيلا ورد
علي: الست هانم اللي مهتميه بالاولاد وسايباني كده من غير حتى...
ورد: ما تكمل سكت ليه
علي: ما انا هاكمل من غير صباح الخير
ورد ضحكت: ان كان كده ماشي
زين: انا عاوز اروح عند خالو عمر
ورد: الاجازه الجايه ان شاء الله
علي: وبنتي الحلوه فرح عامله ايه في السباحه
فرح: كويسه يابابي جدا وتعلم بسرعه كمان
علي: شاطره ياروح قلب بابي
ورد: حبيبي كنت عاوزه اتكلم في موضوع
علي: بعدين
ورد: موضوع ضروري مش هينفع يتاجل
علي باهتمام: اوكي طيب فطري الاولاد والباص هيجي وانا فوق نتكلم براحتنا
ورد: تمام القهوه هتكون وراك
فرح: مامي بابي قاعد النهارده ممكن اقضي معه اليوم كله
زين: ايوه يمامي فكره حلوه
ورد: لا مش موافقه وانا عايزه بابا في موضوع مهم مش هينفع وانتم موجودين يلا بقى عشان الباص جاء
ورد اخذت فنجان القهوه وطلعت كان قاعد في مكتبه ايه اللي عمله في الفيلا
ورد: احلى فنجان قهوه
علي: علشان من يديك انتِ قوليلي بقى عايزاني في موضوع ايه
ورد بتردد: كان في مؤتمر وانا كنت عاوزه اشارك فيه بس هيطول شويه
علي: اوكي يحبيبتي معنديش مانع
ورد بخوف: المؤتمر مش هنا في سويسرا
علي: لا يا ورد مش موافق وياريت مافيش نقاش في الموضوع انتهى
ورد: ليه انت رافض فكره سفري اساسا
علي: عاوزك تكوني تحت عيني واظن انك عارفه ان انا بقيت في مركز حساس
ماينفعش خاطر بكِ
ورد: ده هيبقى اهم مؤتمر في حياتي كلها
علي: هاحاول اتصرف واجيب لك المؤتمر لحد عندك تتفرج عليه براحتك
ورد: انا عاوزه اشارك كدكتوره مش كمفرجه
علي: للاسف الفكره دي مرفوضه بالنسبه لي
ورد بتلقائيه: ست سنين من حياتي ماعملتش فيهم اي حاجه او اكثر كدكتوره على الفاضي ماسكه قسم بس
علي: اظن زين كان بيعاملك كده
ورد: لا طبعا زين عمره ما عاملني كده هو كان بيخاف علي اكثر من روحوا كان بيسيبني اعمل كل اللي نفسي فيه عكسك انت طبعا يا علي مش مديني مساحه احقق احلامي
علي: دي مقارنه بس انا زوجك مش اخوكي
ورد: اظن انت اللي جبت زين في الموضوع
علي: تمام
ورد: طب نهايه الموضوع ايه
علي: هافكر وارد عليكِ
ورد: اسبوع
علي: براحتي بقى
ورد: طب انا عندي شغل في المستشفى سلام
علي: انا ماعنديش حاجه النهارده اقعدي انتِ كمان
ورد: بجد مش هينفع
علي: تمام مافيش مشكله خالص
ورد: خليك جنبي على طول اوع تسيبني
علي: ومين قال لك ان انا هاسيبكِ على قلبك طول العمر
ورد: هامشي أنا وفكر
علي: لو رفضت ما تزعليش
ورد: طيب
ف فيلا الجارحي
غرفه عمر
عمر كان بيظبط شعره على المرايه
حياه: انت مظبط نفسك اوووي كده ليه
عمر: ما يخصكيش
حياه بشك: لا يخصني ي عمر انا مراتك
عمر بالاهتمام: سلام انا ماشي
حياه عند الباب: مش خارج غير اما اعرف رايح فين
عمر: رايح اتجوز عشان انا مش عاجبك يمكن الاقي واحده عاجبها
حياه: للدرجه دي انت زعلان قوي كده طب حقك علي مش هاعمل كده ثاني
عمر: بالبساطه دي هي كل حاجه عندك سهله كده
حياه: وانت من امتى كان عندك دم ي عمر
عمر: وكمان بتغلطي في فاضل ايه ثاني
ما كانش عندي دم بس رجع دلوقت شكني في يدي
حياه: لا وكمان بارد عمر انت مش خارج النهارده
عمر: مممم هتمنعيني يعني حلو
حياه: هاعمل كده طبعا مش هاسيبك تخرج وانت كده اكيد بتخطط لحاجه
عمر: اوعي علشان عندي سفر وشغل مش فاضي لك
حياه: وكمان هتسافر فين بقى ومع مين
عمر: من امتى انا كنت باحكي لك على شغلي
علشان تعرفي دلوقت دي حاجه ما تخصكيش
حياه: طب انا عاوزه اشتغل معك
وعمر بتريقه: وهتشتغلي معي ايه بقى يا بتاعت الدراسات الاسلاميه ده مش في التصميمات ولا الهندسه خالص خليكِ انتِ في الدراسات اللي انتِ بتعمليها
حياه: هاشتغل اي حاجه انا باتعلم بسرعه
عمر: وانا مش فاضي الكلام ده ان انا اسيب شغلي واعلمك
حياه: مش طايقاني وانا ليه مزعلتش من كلامك لي
عمر: جهزي نفسك
حياه بدون فهم: ازاي يعني مش فاهمه
عمر: هنسيب الفيلا هنا ونروح شقتنا كلنا حياتنا الخاصه بعيد عن هنا
حياه: بس انا ماقدرش اسيب هنا وانت عارف الوضع
عمر: يبقى انتِ اللي اخترتي
حياه: هو انت ليه بتصعب على كل حاجه كده
يا اما نرجع لبعض ونمشي من هنا يا اما نقعد ونتخانق انا مش فاهمه انت عاوز ايه
عمر: انا ولا حاجه خالص اللي انتِ عايزاه اعمل ايه بس فكري كويس
حياه: خلاص يا عمر انا موافقه المكان اللي انت عايزني اروح فيه هاروح فيه بس انا
مكنتش عاوزه اسيب أمل لوحدها ولا ماما
في ظروف زي دي برده مش عاوزه ازعلك او تكون متضايقه مني
عمر: طب ممكن تبعدي عن الباب عشان امشي
حياه: هو انت من امتى بقيت كده
عمر: اسالي نفسكِ قبل ماتساليني عن اذنك
حياه: ماشي ي عمر هاسال نفسي مع ان السؤال عندك انت مش عندي
عمر رجع خطوه لوراء: في اسئله مش بيكون لها اجوبه في احسن مش تتسال هيكون جوابها مش واضح او مش صريح
حياه: طب علاقتنا مع بعض ايه
عمر: رباط مش ممكن ينتهي سلام
حياه: ياه يعمر احيانا بحاول افهم حاجات مش باقدر افهمها وانت منهم
غرفه زين
قعد على السرير بيفكر لو القدر يرجع به كم سنه لوراء والوقت يقف يمكن كان حقق اللي ماقدرش يحققه دلوقتي،كان في حاجه اعملها بدون قصد كان ممكن يصلحها بس القدر وصله لطريق لا يمكن كان يتخيلوا او او يتوقعها، قام ياخذ شاور بعد كم دقيقه خلص،بيفتح الباب ماتفتحش حاول كثير بس ماعرفش اعتقد ان في حد قافله من بره كان البخار كثير في الحمام كان بيختنق لان كان باب الحمام قزاز ما كانش عارف يعمل ايه كان بيدور على اي حاجه يكسروا بها لقى قدامه فازه صغيره حدفها لكن ما كسرتش غير حته صغيره لانه كان قزاز من التخين اللي مش بيتكسر بسهوله كمل الباقي بيده اللي بقت تنزف دما لغايه ما وصل للمفتاح وفتحه قعد ياخذ نفسه بص حواليه ما لقاش أمل اعتقد ممكن تكون هي اللي عملت كده قام جاب علبه الاسعافات عقم الج رح بتاعه ولبس هدومه ونازل كان الكل متجمع زين بصوت كله غضب.
زين: سنــاء
سناء: نعم تؤمر بحاجه
زين: الغرفه اللي فوق تتنظف كويس
سناء: حاضر حاجه تانيه
زين: لا روحي انتِ
ريا: خالو ايه اللي اعورك
زين: مفيش حاجه جرح بسيط فين بابا
ريا: مش عارفه بس هو....
زين بمقاطعه: ماشي
ليليان: مالها ايدك
زين: كان في احد بيحاول يلعب معي
ادهم: انا احسن انك تشوف دكتور لاني جرح يدك كبير باين عليه
ليليان: خذ بالك من نفسك
زين: تمام
ادهم: كنت عاوز اتكلم معك شويه
زين: واحنا كان في بينا كلام قبل كده عشان نتكلم الاحسن تتجنبني
ادهم: هي ما فيش حاجه اتغيرت فيك الفتره اللي انا قعدتها معكم انا باباك ولازم تحترم ده
زين: سيد ادهم اظن ان حضرتك خسرت الكلمه دي من زمان قوي وللاسف ما لكش حق فيها
ادهم: انت قلبك اسود للدرجه دي
زين: يا ريت كان قلبي كده بس للاسف اللي بيقول كده هو اللي كده مقدرش يكون حاجه في نظري عن اذنك
في الشركه
مكتب ادم
آدم: انتِ متاكده انكِ عايزه تشتغلي
جيهان: طبعا هو انا هالاقي احسن من اخويا حبيبي اشتغل معه
آدم: هاسال زين لو محتاج مساعده
جيهان: هو زين ده بيجي امتى
آدم: مش عارف والله هو حر يجي براحته
جيهان: طب ممكن اتفرج على الشركه
آدم: اكيد تفضلي
جيهان كانت بتتفرج على الشركه بكل روقان راحت ناحيه مكتب زين اول ما فتحته اتبهرت بجماله لكنها حسيت بايد على كتفها
زين: انتِ مين ومين دخلك هنا
جيهان: انا اختي آدم
زين: مين سمح لكِ تدخلي مكتبي اصلا من غير ما تستاذنيني
جيهان: مفيش انا دخلت من نفسي
زين: اتفضلي اطلعي بره
جيهان: نعم انت بتطردني
زين: تفضلي اطلعي بره مليش في السهوكه دي اظن انتِ سمحتي كويس انا قلت ايه
ادم دخل على الصوت
آدم: في ايه زين مالك
زين: من امتى في احد بيخش مكتبي وانا مش موجود فيه
جيهان: لو دخول المكتب ضايقك كده انا اسفه
آدم: ما كنتش اعرف ان هي دخلت المكتب هي كانت بتتفرج على الشركه بس هي كانت عاوزه تشتغل معك،اه ما لها ايدك الف سلامه عليك
زين: ما لكش دعوه بايدي واطلع بره خذ اختك دي مفيش شغل هنا
جيهان: واضح ان شكلك متضايق خالص من البدايه على العموم انا اسفه عن اذنك واسفه يا ادم اني سببت لك احراج
زين: انا ماشي ي آدم
جيهان كانت بتبص على زين وهو خارج عجيبها شخصيته جدا رغم كلامها الرقيق
وشياكتها انه متاثرش بده اعجبك ده حبت تعرف عنه اكثر راحت لادم اخوها
زين كان متضايق جدا مكنش عارف يروح فين لقى نفسه واقف قدام فيلا اخته نزل بس بقى على اللي موجود..
علي: ايه ده ازيك ي زين عاش من شافك اتفضل
زين: تمام ورد فين
علي: عندها شغل وانا لوحدي هنا مالك شكلك مش مظبوط
زين: مخنوق شويه
علي: الف سلامه على ايدك مالها
زين: حركه من حركات أمل سيبك
علي: جيت في وقتك
زين: في حاجه ولا ايه
علي: ورد عاوزه تسافر سويسرا في مؤتمر هناك وانا رافض الفكر اساسا
زين: وبعدين
علي: انا وعدتها ان انا هافكر بس انا رافض مش عارف هاقول لها ازاي
زين: سيبها تروح
علي: انت اللي بتقول كده زين انت اكثر احد كان بيمنعها من كده
زين: مش دائما كنت باعمل كده احيانا كنت بامنعها، تقدر تحط عليها مراقبه وتطمن اكثر
علي: انت شايف كده
زين: ايوه
علي: تمام، مش بتفكر تتجوز
زين: لا مش باخطر في بالي اصلا انا
ماعنديش وقت
علي: زين كفايه اللي ضاع من حياتك في الشغل فكر في حياتك خذ استراحه من الشغل
ابني حياتك الشخصيه انت بقي عندك اولاد احد يهتم بك ينسيك هم شغلك طول الوقت
زين: الرضا اهم من ده كله انا رضيت باللي قاسمه لي ربنا الحمد لله
علي: انا ماقلتش حاجه بس فكر
زين: طب استاذن انا عشان ورايا الشغل المهم
زين راجع الشركه ثاني وكانت جيهان قاعده اول ما شافته ابتسمت له زين اتجه ناحيه مكتبه وقفله لكنها فتحت ودخلت
جيهان: عجبتني شخصيتك القويه دي قوي
ماتعبرش احد ولا تعمل حساب لاحد
زين قام وقف: وانتِ قلي.له الا..دب تفضلي اطلعي بره ما اشوف وشك هنا ثاني
جيهان: طب اعمل حساب ان انا اخت ادم
زين: للاسف انتِ قلت ان انا مش بعمل حساب لاحد يبقى هاعمل لادم
جيهان: طب انا عاوزه اشتغل في الشركه
زين: وكمان بجحه
جيهان: البدايه ماكانتش حلوه ممكن نفتح صفحه جديده انا جيهان مصطفى خرجت ليسانس اداب امريكا عشت هناك فتره طويله وممكن اشتغل مترجمه
زين: مش محتاج مترجم انا باقدر اترجم لوحدي شكرا
جيهان: بس انا بجد محتاج الشغل قوي نفسي اكون مع ادم اخويا في نفس الموقع اتمنى ما ترفضش
زين: واحده كانت في امريكا هتحتاج لشغل وشركتي للدرجه دي طب ازاي
جيهان: طب ممكن اقعد
زين: تمام
جيهان: انا مش بحب اطلب من ادم فلوس كثير فعشان كده سبت امريكا وجئت مصر اتمنى اشتغل في الشركه دي عاوزه اكون تحت عين ادم طول الوقت مش عاوزه ابعد عنه ولا لحظه اتمنى تفهمني
زين: تمام تفضلي لما احتاجك هاطلبك
جيهان: يعني انا كده اشتغلت
زين: في اجتماع بعد نصف ساعه اتمنى تجهزيه في اسرع وقت خمس دقائق وكل الاجتماع جاهز غير كده اعتبري نفسك بره
جيهان: تمام شكرا ي زين اوي بجد
زين: اوف يخرب بيت رخامتك يا شيخه بلوه ونزلت على
اسر: ممكن ادخل
زين: عاش من شافك ي استاذ
اسر: تعبان شويه
زين: الف سلامه مالك
اسر: شويه ضغوطات كده
زين: ربنا يقويك
اسر: انا كنت جايه اقول لك الشركه اللي انت رفضت الصفقه معاهم انا اخذتها علشان
متزعلش
زين: اسر الغي الصفقه دي
اسر: نعم انت بتقول ايه
زين كان لسه هيتكلم لكن دخل عليه ادم وقال له حاجه في اذنه..
زين: اسر انا اسف عندي اجتماع ممكن تنتظرني بس شويه على ما اخلص
اسر: تمام براحتك
زين راح غرفه الاجتماعات
اياس: كيفك زين
زين: اطلعي بره وسيبينا لوحدنا والغي كل حاجه انتِ عملتيها
جيهان باستغراب: حاضر
زين: اياس ممكن اعرف حضرتك هنا ليه مش كل حاجه بينا انتهت
اياس: تؤتو لا مفيش حاجه انتهت يا مستر زين انا هنا علشان نتفق على كل حاجه بس دخل واحد معانا وانت عارفه كويس اوي
آدم: نتفق على ايه الصفقه مش موافقين عليها
اياس: نمضي ولا ايه
آدم: انت مسمعتش انا قلت ايه
زين: الكلام خلص لحد هنا العقد مرفوض
اياس: مرفوض علشان عرفت اللي وراء الصفقه بس هتوافق من غصب عنك لو مش انت يبقى اسر اللي هينفذ بس انا عايزك انت علشان عارف كويس انك شغلك سليم وما حدش بيشك فيك عشره مليون يا زين قصاد الخدمه دي
زين: مش موافق
اياس: فكر كويس وورد عمر أمل ريا كريم فرح فكر في دول لو رفضت ممكن يحصل فيهم ايه مستعد يتكرر الماضي وتكون السبب في موت حد ثاني براحتك سلام
زين اخذ نفس طويل: انا موافق
اياس: انا موافق الله جميله قوي بالسرعه دي عجبتني هابعتلك رساله ونتفق على كل حاجه سلام
آدم: انت مجنون انت عارف انت وافقت علي انت دمرت حياتك باللي انت عملته ده
زين بخنقه: معنديش حل ثاني مش هقدر اكون السبب في موت اشخاص مره ثانيه كفايه لحد كده
آدم: اكيد في حل ثاني اوعى تعمل كده
زين: لو سمحت يا ادم سيبني لوحدي دلوقتي
آدم: بس اعرف ان انت كده دمرت نفسي كل اللي حواليك انا هاطلع بره اسيبك لوحدك
زين قعد يفكر ازاي يخرج من المصيبه دي هو مش عاوز ياذي حد ثاني مين اللي بيحبهم كان بيخبط على المكتب بايديه كل ما يخرج من طريق يرجع لي ثاني لكن سمع صوت رساله على تليفونه
زين كل حاجه هتم في الميعاد الفلوس هتوصلك بس يا ريت ما تعملش حاجه تندم عليها لو حاجه حصلت او غلطه واحده
نهايتك..
زين كان هيرمي التليفون لكن جيهان مسكته
جيهان: مالك ليه عاوز ترمي تليفونك
زين: ايه اللي دخلك من غير اذن
جيهان: جبت لك قهوة
زين: طيب شكرا
جيهان: شكلك متضايق جدا وده غلط ممكن تتعب
زين: وحضرتك خايفه علي بمناسبه ايه
جيهان: من غير مناسبه انا بانبهك بس عن اذنك
زين رجع عند اسر
زين: غبت عليك صح
اسر: لا خالص
زين بيبص له ومش عارف يبدا ازاي معه ان يخليه يفسخ العقد لان هيضغطوا عليه به وممكن يتورط هو كمان.
زين: اسر انا هاقول كلمتين ويا ريت تنفسهم من غير اي سؤال علشان انا خايف عليك بجد
ومش عايزك في يوم تندم ياريت تسمع كلامي
افسخ العقد وانا هاتحمل الخساره انا رجعت ثاني واخذت العقد يا ريت ماتزعلش في عقد اكبر منه هاديه لك قلت ايه
اسر: انت عارف ان انا بثق فيك اكيد موافق
زين بارتياح: ياه انا كنت شايل هم الموضوع ده كنت خايف لترفض
اسر: طيب استاذن انا عشان ورايا شغل ياما
زين: ماشي يا حبيبي خلينا نشوفك بقى
اسر: حاضر
فيلا الجارحي
غرفه فرح
فرح بتعيط في صمت هي مش مستوعبه اللي هي فيه كان قدامها تبدا حياتها مع الشخص بيحبها وتسيب قلبها مع شخص بتحبه هي مش عارفه خسرت ولا كسبت هي مش عاوزه تكون خاينه زيه بس مش عارفه هو عايش ولا ميت واللي شافته ده كان فعلا هو ولا حد بيشبهه بس هو مات لا يمكن يكون عايش بعد كل ده بس قلبها لسه حاسس ان هو عايش مش ميت بس هي دلوقتي بتفكر في الشخص اللي جرحته وجرح مش عادي وعارفه اللي عملته ده غلط لانها بتخونه في تفكيرها مع شخص ثاني مع شخص متحرم عليها حتى تفكر فيه ازاي قلبها يخونها مش قادره تحبه حتى بعد كل اللي بيعمله لها وبيجي على نفسه عشانها بس هي مش قادره تدي له اهتمام واحد ابسط حقوقه تكون معه ظهور الشخص اللي ملك قلبها غير كل حياتها كان ممكن تبدا حياتها من جديد حياتها اتغيرت في ثواني دلوقتي اما تكمل يا اما ترجع، قلبها وعقلها مش متوازنين مع بعض، عقلها بيحارب قلبها ان هي تكمل معه لانه بقى كل حياتها دلوقت ملا فراغ كان ناقص عند عيالها وهو مكان الاب اللي ابوهم مسالش على بنته لما كان موجود،جاء شخص ثاني بقى ابوهم واكثر بس هي ماقدرتش تكون ام غير لعيالها وبس، قلبها عاكس لها كل حاجه هو اللي اختار وافق على كل حاجه ليه زعلان دلوقتي قلبها حب شخص واحد وبس وهو مراد السيوفي مش حسام ابدا، هو اللي اختار يتحمل مسؤوليه عيال مش عياله ممكن يكون مراد رجع منعها تكون لحد ثاني غير ليه قلبها عمره ما كان خائن لانها حبت شخص واحد
ومافيش غيره في قلبها،دموعها مش قادره تمنعها اللي بيحصل فيها كده هي حبت لكن اتجوزت حد ثاني عرفت انه هو خانها سابته واتجوزت حد مابتحبوش الكل شايفها مغروره بكلامها لكن مفيش حد حاسس فيها هي دلوقتي في وضع صعب حتى مش قادره اتغمض عينيها ممكن يكون حسام استحملها سنين ماقدرش اتكلم عشان ابنه اللي عاوزه يتربى في وسط عيله بتبص اتجاه الباب كان حسام داخل قامت وقفت ودمعها نازله
فرح: حسام انا عارفه ان انا غلطانه انا والله
ماعملتش كده عن قصد ليه اسبابي خاصه
حسام: اسبابك انا ما طلبتش منك تقربي مني انتِ اللي جيتي بنفسكِ ماكنتش عارف نيتك ابدا انكِ عاوزين اسيبكِ كنتِ قوليها من غير اي حاجه وانا كنت على طول هاعمل كده بس تمام انا هلم اللي باقي مني وامشي انا استحملت كثير قوي كفايه لغايه كده ولا ايه ورقتك هتوصلك يفرح تحبي متحبيش
ماليش ايصالح بكِ نهائي
فرح: اديني شويه وقت اوعدك هتكون اخر مره كان لي السبب اني اعمل كده اديني وقت اضبط افكاري
حسام: وايه هي اسبابك اظن من حقي اعرف
فرح: انا شفت مراد
حسام: انتِ مجنونه ولا ايه الشخص ده مات من زمان قوي شكلكِ عاوزه ترجعي المصحه ثاني انسي الشخص ده نهائي شيليه من قلبكِ وحطيني مكانه لانه ما عادش له وجود في العالم
فرح: بس انا حاسه ان هو لسه عايش
حسام: عايش ميت ماليش دعوه به انسيه عشان حتى لو عايش مش هيعرف يرجع ثاني لكِ هاديك ايه وقت تفكري يفرح اسبوع واحد ينكون زي اي زوجين يسيب بعض واللي اسمه مراد ده ماسمعش اسمه مافيش غيرك انتِ بس اللي فاكراها
فرح: للدرجه دي بتكره اسمه بس هو موجود في عيالي وكريم بيشبهوا اكثر
حسام: يو فرح قلت لكِ مش عاوز اسمع سيرته اكيد طبعا باكرهه لانه واخذ قلب مراتي اللي انا بحبها وهي لازم تحبيني انا مش شخص ثاني اتذكري دائما كده انتِ ملك شخص واحد بس اللي هو معكِ
فرح: تمام ممكن اخرج ساعتين وهارجع عندي شغل
حسام: اكيد انا عمري منعتكِ عن الشغل
فرح: ماشي باي هادخل اخذ شاور وامشي
حسام بنهاد: اما اشوف اخرتها معكِ
عند يوسف ونور
في المطار
يوسف: اكيد هيفرح قوي بينا
نور: بجد انا مش عارفه انت مستعجل على ايه ما كنا جينا كمان يومين
يوسف: اكيد طبعا مستعجل لاني هاشوف ناس وحشاني قوي انتِ اهلك مش وحشينك
نور: اكيد طبعا اخواتي وحشني ماما وبابا وأمل واكيد بعد اللي حصل لها ده اكيد مش متذكراني بجد زعلت عليها طول عمرها الم.صايب ملحقاها الله يكون في عونها وزين اكيد متضايق ملحقش يفرح
يوسف: فعلا احنا لازم نساعده
نور: ازاي يعني مش فاهمه
يوسف: احنا لازم نخلي زين يتجوز ثاني
نور: انت بتقول ايه طب وأمل هيحصل لها ايه
يوسف: مالها أمل هتكون معه برده مش هيسيبها بس هو من حقه يكمل حياته وكفايه اللي راح
نور: بس انا عارفه ان زين مش هيوافق
يوسف: عارف بس انا ممكن اقدر اعمل حاجه هنفضل نتكلم ولا نوقف تاكسي
نور: وانت مش شايف ابنك اللي على دراعي
يوسف: اسف تفضلي
يوسف ونور وصلوا لفيلا
اللي قابلتهم حياه بالشنط كانت منتظره عمر عشان يتنقلوا لشقتهم كان بيبص لها مش فاهمين ليه الشنط الكثيره دي
يوسف: على فين يا مدام
حياه: يوسف ايه المفاجاه الحلوه دي يحبيبي وحشني قوي كده تغيب كل ده
يوسف: وانتِ كمان وحشاني يروح قلبي انتِ كنتِ على بالي دائما على فين كده
حياه: في حاجات كثير قوي عاوزه احكيها لك
يوسف: طبعا هنحكي كل حاجه بس تعالي ولا انتِ راحه فين
حياه: عمر عاوزنا نتنقل لشقتنا ونسيب الفيلا هنا يا اما يسيبني
يوسف: هو اتجنن ولا ايه ده ازاي سيبك يعني عديم المسؤوليه انا كنت متوقع من الحيوان ده حاجه زي كده في يوم من الايام كل ده علشان التاخير الخلفه صح جاوبيني
ومتفضليش ساكته كده ايه اللي حصل من الزفت ده
لحسن الحظ كان عمر جاي من وراء وسمع كلام يوسف اللي رد عليه
عمر: هاقول لك انا المدام غلطت في وحسستني ان انا ماليش قيمه عندها انا بقى ايه قلت نروح شقتنا وهناك نتفاهم احسن
بس كده موضوع الخلفه مش بافكر فيه بس لو فكرت انت عارف كويس الشرح بيقول ايه
يوسف بينفعال: اقسم بالله يعمر لو فكرت تعمل كده لاكون دفنك مكانك
عمر: طيب ما ننهي الموضوع من دلوقتي اختك مش لازماني خذها
حياه واقفه مش مستوعبه اللي قالوا عمر بس اكيد بيهزر لانه دائما بيهزر شافت يوسف مسكه من قميصه
يوسف: انت بتقول ايه لاني مسمعتش كويس
عمر: لا انت سمعت كويس جدا ولا مكنتش مسكت قميص بالطريقه دي مش عارف انت معصب نفسك ليه عادي يعني ننهي الموضوع
طالما مش موافق على زوجه ثانيه
يوسف: تعرف انك وس*خ ماتستاهلش اختي الا امنتك عليها ولا تستاهل حبها اصلا لانك واط،ي من الاول بس انا هاعرف اخذ حقي اختي ازاي
حياه اللي تكلمت وهي مش مستوعبه: انت بتتكلم جد يعمر ولا بتهزر انت عاوز تسيبني
عمر: مش انتِ اللي قلتِ مش هتقدري تستحملي واحده تشاركني فيك زعلانه ليه مش من حقي
حياه: ايوه انا قلت كده بس انت رفضت
عمر: بس رجعت في كلامي ثاني ايه المشكله حقي يكون عندي عيله وانتِ لو حد تكوني معي ماعنديش مانع ابدا
يوسف: ومين قال لك ان انا هاسمح بكده
عمر: ما تطلع منها انت ي يوسف انا ومراتي وانا حر
يوسف: لا مش حر
يوسف وعمر كان اصواتهم عاليه ليليان خرجت وبعدها حسام والخدم اللي كانوا مش فاهمين حاجه عمر كان ماسك في يوسف
زين اللي كان داخل وشاف الخناقه واقف مكانه بيتفرج وادهم اللي وقف جنبه
ادهم اتدخل وزين فضل واقف
ادهم: بس اللي بتعمله انتم الاثنين ده مبسوطين كده والخدم بيتفرجوا عليكم
يوسف: مش شايفين اللي بيعملوا في اختي الحمد لله اللي انا جئت اصلا عشان اوقف جنبها دي الامانه اللي انا سبتها لكم
ادهم: عاوز تتكلم تعال تكلم معي مش تفرجوا الناس عليكم بالشكل ده
عمر: انا ماشي مش هاسمع الكلام مش على مزاجي وسخيف
زين: عمر استنى هنا
عمر: بعدين نبقى نتكلم يزين
زين: لا تعال هنتكلم دلوقت انا وانت
عمر: ماشي
زين: يوسف انا اسف لك واتكلم معك بعدين
زين اخذ عمر ودخله جوه لوحدهم زين فاضل ساكت ساب عمر هو اللي يتكلم
عمر: زين انا
زين: بص انا مافيش نفسي اتكلم ايه اللي حصل ده ومعناه ايه
عمر: انا مخنوق من حياه
زين: ليه
عمر: مش عارف
زين: مخنوق منها من غير سبب
عمر: كلامها واجعني قوي
زين: كلامها وجعك قوي مهما كان ده بينكم انتم مش علني بالمنظر ده ما انت ياما جرحتها عمرها مااشتكت منك ليه دلوقتي لما اشتكت منك بقيت مخنوق منها اتعلموا تحل مشاكلكم مع بعض مش بالطريق اللي انا شفتها دي
عمر: انت ماتعرفش هي قالت ايه
زين: ومش عاوز اعرف سر مابينكم شتمتك يفضل سر شتمتها يفضل سر تعبوا بعض مع نفسكم مش قدام الكل استفدت ايه باللي عملته ده جرحتها صح انت غلطان في كل الاحوال وتصرفك مش حلو
عمر: كنت عارف انك هتيجي علي
زين: انا مع الحق واظن ده مابيزعلش انا عارف ان حقك تكون اب لسه بدري الخيرة فيما اختاره الله ولا انت مش مؤمن
بسم الله الرحمن الرحيم
سورة الصافات الآية 100: "رَبِّ هَبْ لِي مِنَ الصَّالِحِينَ". - سورة آل عمران الآية 38: "قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ". - سورة الأنبياء الآية 89: "وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ
صدق الله العظيم
عمر: انا مش بافكر في الخلفه وكنت بافكر كنت اتجوزت من زمان
زين: امال بتعمل كل ده ليه
عمر: عاوز اجرحها انا جرحتني
زين: وده حل ولا قله عقل اتعلم تحل الامور من غير عناد وكبرياء كانك لو حطيت ده عمري الحياه الزوجيه ما هتكمل الاثنين بيكملوا بعض لو ده زعل الثاني يصالحه عشان الحياه تمشي انا لو عانت وانت عانت مش هنخسر بعض اتعلم تمشي امورك مش عشان كلمتين اتقالوا هنبوظ الدنيا الانسان بيبقى محتاج يفك عن نفسه بكلمتين مع اي احد اعقل يعمر مابوظش الدنيا على كلمتين خايبين اتقالوا في وقت غلط
عمر: خليك مكاني وسمعت كلام عليك من مراتك هتعمل ايه وانت مش موجود
زين: هازعل طبعا وهاعاتبها بس اول مااحس اللي انا خلاص بقيت تمام من ناحيتها هاصالحها وهاكلمها ليه انتِ قلت عني كده
هي سابت حياتها كلها واختارتك انت من بين ناس كثير لو هي بنت ناس فعلا اوع
هتخسرها.
خليك باقي عليها لانك مش هتلاقي زيها
عمر: انت قصدك على حياه
زين: وغير حياه انت عاوز ايه دلوقتي
عمر: كلامك محيرني قوي
زين: اتاسف ليوسف وانهي الموضوع ده كله
عمر: بس انا هاروح شقتي
زين: انت حر مقدرش اتدخل ف حاجه زي دي حاجه مابينكم خصوصيه ممكن ما تكونش مرتاح هنا
عمر: مش عارف اخذت قرار فجاه
زين: بص هاقول لك حاجه انا سبت البيت ده وعشت في شقتي وكنت مرتاحه جدا بس في نفس الوقت كنت محتاج اقعد وسط عائلتي ورجعت ثاني وانت جرب شوف هترتاح فين
واختار المكان اللي يريحك، بس اهم حاجه خليك راجل
عمر: هو انت شايفني مش راجل ولا ايه
يزين انتبه على كلامك كويس
زين: شايفك طفل انت صحيح انت قد المسؤوليه في شغلك ساعات تصرفاتك ما بتكونش عجبه احد فاحاول تصلح منها
قم صالح مراتك راضي الكل يلا قوم
عمر: ممكن في يوم في الايام تسامح بابا
زين: هنسيبهم واقفين بره تفضل معلش كثير
عمر: ماشي يلا هربت من السؤال
عمر وزين خرجوا عمر ما كانش عارف هيبدا منين حاسه نفسه صغير قوي بعد اللي قاله ده هيقول ايه قرب من حياه
عمر: اسف قلت كلام وانا معصب وعارف انك هتسامحيني عشان بتحبني
حياه: للدرجه دي يا عمر شايفني من غير كرامه البنت اغلى حاجه في حياتها كرامتها وشر،،،،،فها انا كرامتي مش هانزلها
يوسف: وانا عمري ما هاسيب اختي معك عمر
زين تدخل ما بينهم مش عاوز الدنيا تبوظ وعارف انه عمر عكها جامد لازم اصلح
زين: طيب لو قلت لكِ علشان خاطري حياه
بتنزلي المره دي عشاني اخ بيطلب من اخته اسمعي مني ماتبوظيش حياتك عشان كلمتين في ساعه غضب
يوسف: لا يا زين انا مش موافق على كلامك
زين: معلش يا يوسف اسكت انت حياه عايزك في كلمتين اثنين على جنب
زين خذ حياه على جنب مش عارف هو هيقول لها ايه او يقنعها ازاي
زين: دي زي اي خناقه بتحصل بين الزوجين انا باطلب منكِ وباترجاكِ تنهي الخلاف ده
انا عارف انكِ انتِ مجروحه انا لو بايدي حاجه اخفي الجرح ده اخفيه هاخفيه للابد بس مش بايدي حاجه وكلنا بنغلط وبنتعلم وانتِ عارفه
ان عمر شخصيته مختلفه وانتِ اخترتيه اتحمليه
حياه: عمر اتخط ى كل الحدود الحمراء وداس عليها معتش باقي حاجه
زين: كلمه واحده مش عاوز جواب غير عليها انتِ موافقه تسامحي عمر
حياه: في اللحظه اللي انا فيها دي لا
زين: ماشي اهدي براحتك واللي انتِ عايزاه انا هعمله قولي ليوسف ما يتدخلش في الموضوع
حياه: حاضر
زين: ادخلي جوه انتِ وعايزه اقول لك انه عمر عرف غلطه
حياه: مش عاوزه اكون معه في نفس الغرفه
زين: ليه
حياه: عشان اخذ قراري براحتي مياثرش علي
زين: يا ستي خليه
حياه: لو سمحت زين انا مش باهزر
زين: ممكن تنامي في غرفتي بس يوم واحد
حياه: ملك بتقولها كده من غير نفس
زين: وانتِ مالك يارخمه هو يوم واحد
حياه: ماشي بس حاسه ان في حاجات بتحصل من ورايا
زين: طيب طب يلا عشان انا تعبان وانتم تعبتوني اكثر
عند فرح اللي راحت الفندق وهي واخذه قرارها الاخير لو كان ده فعل مراد هتسيب حسام بس لو ماكانش هو هتكمل حياتها وتنساه دخلت الفندق وهي خائفه وطلعت صورته وسالت عنه
فرح: الشخص ده لسه موجود هنا
الاستعلامات: للاسف يفندم ساب الفندق
فرح: امتى
استعلامات: النهارده
فرح: ماشي شكرا
الاستعلامات: العفو اي خدمه ثانيه
فرح: لا
هي كده اتحسرت من جهتين هي مش عارفه هتبدا طريقها منين تنسى وخلاص ولا اكنها شافت حاجه وتكمل حياتها عادي يمكن دي تكون اشاره لها ان هي تكمل واقفه مش عارفه تروح فين او تيجي منين حسام قال لها ان هو مالهوش اي مكان في حياتها هو الاهم هو كلامه صح بس مش عارفه تقتنع به هي عارفه اللي بتعمله ده غلط بس هي مصممه غلط يمكن يطلع في النهايه صح بس عمر الغلط ما يكون صح طلعت بره الفندق قعدت في عربيتها بتعيد شريط حياتها من ثاني قصاد عينيها واقف على نقطه معينه الخيانه
وهي بقت زيه خاينه مسحت وشها بيديها وقررت انها ماتكونش خائنه وتحط النقط على الحروف مشيت بعربيتها وهي مقررها هتعمل ايه
فيلا الجارحي
كانوا متجمعين على السفره ماهر واسماء واسر وحنان وليد ومي وعلي وورد وادهم وليليان وعمر وحياه وأمل وزين ويوسف ونور وابنهم سيف وعيالهم الصغار.
حسام كان قاعد لوحده منتظر فرح لانها تاخرت جدا
زين: تيا بصيلي كده
مي: شبه ابوها قوي على فكره
زين: تيا وليد مين اللي اختار الاسم ده اصلا
وليد: مي
عمر: اكيد هتكون رقيقه زي مامتها
مي: ميرسي يعمر يا ريت الناس تحس على دمها
ريا: انت قصدك عم وليد
زين: ريا خليكِ في الطبق اللي قدامكِ
ريا: انت دائما كده يا خالو كبت على نفسي
زين: بت
عمر: تربيتي
حياه: تسمحيلي اشيل تالا
حنان: اكيد طبعا
حياه: مروان اكيد تعبكِ
حنان: الاثنين تعبني والله
حياه: ربنا يكون في عونك
حنان: يا رب ويديكِ يا حبيبتي الذريه الصالحه
حياه: اللهم امين ممكن اتمشى فيها في الجنه شويه
حنان: اكيد خذي راحتك
عمر: ممكن اشيل يونس
اسماء: بيمشي لوحده عمره اربع سنين
عمر: ما تخافيش عليه هارجعه لك
ماهر: انا خائف على ابني منك
عمر: بس يا ابني نقطني بي سكاتك
حماده: طبعا ممكن اطلع بره معهم
حسام: ماشي يحبيبي تعال انا هاطلع معك
كريم: بابا استنى انا جاي معكم
ريا: وانا كمان
حسام: ماشي تعالوا
ليليان: وانا كمان هاطلع معهم
ادهم قام من غير اي كلام وراح معهم
علي: وانا كمان مش هافضل هنا لوحدي
نور: انا تعبانه من السفر هاطلع ارتاح شويه
يوسف: انا هاقعد معهم
نور: اوكي حبيبي
زين اللي كانت دماغه في حته ثانيه خالص بيفكر في شغله وان الزمن بيعيد نفسه مره ثانيه مش هو رايح فين بس المره دي هيحل كل حاجه ويحط كل حاجه في مكانها الصح هو غلط مره ومش هيعيدها ثاني ازاي بيبص لقى يد أمل
أمل: بابي ما عادش غيرنا الا احنا قاعدين خلينا نروح معهم
زين: حاضر حبيبتي اللي انتِ عايزاه
أمل: عاوزه العب معهم بس
زين: ماشي
يوسف قاعد جنب زين
يوسف: ايه اخبارك
زين: تمام
يوسف: شغلك عامل ايه
زين: كويس
يوسف: حياتك عامله ايه
زين: حلوه
يوسف: شكلك مش عاوز تتكلم معي خالص
زين: عاوز ايه ي يوسف من الاخر
يوسف: عاوزه اطمئن عليك الظاهر انك مش رائق خالص
زين: النهارده ماكانش حلو خالص بالنسبه لي
حصلت شويه حاجات كده ضايقتني
يوسف: طيب احكيلي ايه اللي حصل
زين: الظاهر الزمن بعيد نفسه ثاني والمره دي لازم اوجه وقف
يوسف: مش فاهمك انت بتتكلم على ايه
زين: عن الشغل اللي هربت منه زمان جاء ورايا ثاني
يوسف: شغل وهربت منه الصراحه مش فاهمك
زين: قيس
يوسف: ايوه فهمت بس اوعي تكوني وافقت
زين: للاسف وفقت لؤ ذراعي ماقدرتش ارفض
يوسف: ناوي تعمل ايه
زين: لسه بافكر
يوسف: لو عاوزنا اتدخل ما عنديش مانع
زين: لا خليك انت بعيد انا مش حمل حد يتاذي بسببي
يوسف: خليها على الله طول عمرنا واحد
زين: خليك بعيد ي يوسف انت انا لو احتجتك هاقول لك
يوسف: طب أمل عامله ايه
زين: اديني ماشين زي ما انت شايف
يوسف: طيب والدكتور ما قالش حاجه
زين: بغير ادويه ده هيجيب نتيجه اسرع
مافيش حاجه بتحصل
يوسف: ان شاء الله خير
زين: ان شاء الله
يوسف: فرح مش شايفها من ساعه ما جئت
زين: مش عارف ماشفتهاش برده ممكن يكون عندها شغل
يوسف: يمكن.. علاقتك ببابك عامله ايه
زين: زي ما هي
يوسف: مش ناوي تقرب منه
زين: لا
يوسف: ليه
زين: مش قادر في حاجه جوايا بتمنعني مش قادر انسى
يوسف: حاول وكمل
زين: خلاص اسكت ما تتكلمش في الموضوع ده
يوسف: حاضر يا باشمهندس
زين: وانت بقى عامل ايه
يوسف: انا تمام ما فيش حاجه خالص اطمئن
زين: طب حلو
في جنب اخر
علي: هتزعلي مني لو مناعتك انك تسافري
ورد: اكيد طبعا هازعل ده حلم عمري
علي: وانا ماقدرش ازعلك
ورد: يعني ايه
علي: موافق موافق بس بشرط
ورد: شرط كنت متوقعه انك هترفض
علي: للدرجه دي مش واثقه في كلامي
هتكوني تحت حراسه
ورد: انت بتتكلم جد
علي: باتكلم جد سافري
ورد: طب والاولاد
علي: ماتشغليش بالك
ورد: انا كنت ماشيه وعارفه كانك هترفض
الصبح
علي: في شخص غير لي راي
ورد: طب ممكن اعرف مين الشخص ده عشان اشكره على اقناعك واني احقق اول حلم لي
علي: وان شاء الله مايكونش الاخير شخص قدام عينك بتحبيه جدا
ورد: زين
علي: ايوه كان جاي الصبح بعد انتِ مشيتِ وكلمته في الموضوع مقترح علي ان يكون في حراسه بيتراقبك وتكوني تحت عيني
ورد: بجد انا حبي الزين زياد اكثر يا ربي بموت فيه
علي: وانا مش بتموتي فيا
ورد: انت لك عندي مكانه خاصه
علي: ما انا مش باشوفها نفسي اشوفها المكان دي عامله ازاي
ورد: ممكن تسيبني اروح اتشكر زين على الوقت الحلو ده وان هو خلاك توافق
علي: تفضلي وياريت ماتطوليش
ورد: في اوامر ثانيه يا فندم
علي: لا انصراف
ورد راحت جنب زين وقعدت
ورد: شكرا بجد
زين: على ايه وانا عملت حاجه
ورد: على الوقت الظريف ده والجميل وان انت اقنعت عليه اني خليني اسافر
زين: اهم حاجه في الدنيا انك تكوني فرحانه
ورد: ربنا يحفظك ويبارك لي فيك
زين: ويحفظك لي يارب
ورد: هي فرح مش باينه ليه من ساعه
ماجئت وانا مش شايفاها وتليفونها مقفول
زين: مش عارف انا فعلا بدات اقلق عليها
ورد: اكيد بتعمل حاجه مهمه
زين: يمكن.. باقول لك ايه
ورد: نعم
زين: انتِ مش ملاحظه حاجه غريبه الفتره دي
ورد: علي مش بيروح الشغل
زين: ههههه مش قصدي على كده ما تاخذش في بالك
زين قام وسبها وراح عند حسام اللي قاعد لوحده
زين: مالك يا عم حسام شيل الهم ليه فرفش كده
حسام: اختك مجنناني
زين: الستات مجننه الرجاله ايه الجديد يعني كلنا متجننين
حسام: انت شكلك رايق
زين: لو تعرف اللي جوايا منتاش قايل حاجه
ارمي وراء ظهرك يا عم حسام
حسام: مانت مش حاسس بي
زين: اتكلم وانا سامعك
حسام: ماعنديش كلام
زين: انا مش عارف انت ليه حطيت نفسك في حاجه انت مش قدها
حسام: في حاجات ثانيه بتصغرك
زين: فاهمك لاني حطيت في الموقف ده قبل كده كان في نقطه شك بس انت وضعك غير وضعي
حسام: ممكن اكون اتسرعت ان اخذت خطوه غلط
زين: حاول تصلحه واكيد هيظبط
حسام: حاولت وانا اللي اتهنت
زين: يمكن علشان اتسرعت كان لازم تتاكد الاول
حسام: عندك حق فعلا تسرع وحش قوي
زين: ده انت باين عليك متضايق او حاسس بالذنب
حسام: متضايق هي اختك تاخرت كده ليه
زين: اسال نفسك ماتسالنيش ماعرفش حاجه
حسام: هي قالت ان هي راحه شغل
زين: الله اعلم
حسام: يعني ممكن تكون بتكذب علي
زين: مش عارف برده
حسام: ممكن اللي موت يرجع
زين: وفي احد بيموت ويرجع ثاني انت مجنون
حسام: اصل فرح كانت بتقول ان هو لسه عايش
زين: مين ده اللي لسه عايش
حسام: مراد
زين: دي واحده مهوسه بي اكيد هتقول ان هو عايش مش بعيد تقول لك ان هي كلمته كمان
حسام: مش فاكر هي قالت ايه اصلا
زين: احسن ما تاخذش على كلامها
حسام: ماشي
زين: اسيبك مع نفسك بقى
حسام: مانت قاعد
زين: سيبني باللي انا فيه
حسام: ربنا يعينك
زين: يا رب
زين قام لانه جاءت له رساله على موبايله بميعاد زين ملامحه وتغيرت معادش في وقت ان هو يرجع او يفكر حتى لحد ما تليفونه رن
الشخص: جاهز يا مستر زين
زين: كله غصب عني
الشخص: هتكون مبسوط متخافش
زين: انا مش عاوزه اكون مبسوط عاوزكم ابعدوا عني وتسيبوني في حالي
الشخص: صعب جدا نبعد عنك لانك بالنسبه لنا جوهره صعب نخسرها بالسهوله دي
زين: هتكون اخر مره شارك فيها
الشخص: ما وحدكش ان تكون اخر مره الايام لسه بيننا وهنحتاجك كثير
زين: شوفوا احد غيري يعمل لكم شغلكم
الشخص: انت اكثر احد بنثق فيه وغير كده
مافيش تفتيش معك
زين: طيب لو رفضت اعمل اللي انتم بتقولوا عليه
الشخص: انت عارف ان احنا ممكن نعمل كويس احنا ماعندناش رحمه فخلي بالك من نفسك كويس من اللي حواليك
زين: تمام
الشخص: زين خاف على نفسك
زين: العمر واحد والرب واحد مبنخافش غير من اللي خلقنا ياريت انت اللي تخاف
الشخص بضحك: ههههه ضحكتيني مستر زين انا اخاف انا مش بخاف
زين: هيجي اليوم اللي تخاف فيه فعمل حساب لليوم ده
الشخص: عامل حسابي كويس متشغلش بالك خاف على نفسك انت وبس
زين: انا بس بانبهك
الشخص: متخافش سلام
زين: سلام
صدقوني يومكم قريب قوي هيكون على يدي انا مش هاسيبه الواحد فيكم عايش انتم السبب في اللي انا فيه بيبص لقى اسر وراءه
زين: انت هنا من امتى
أسر: من شويه مالك
زين: مافيش انت لغيت العقد
اسر: ايوه اخذوا شرط جزائي المكتوب في العقده
زين: كثير انا هادفه
اسر: خلاص مش مهم
زين: لا مهم
اسر: انسى انت هنا لوحدك ليه بقى مش قاعد معنا وقاعد لوحدك
زين: كان عندي مكالمه ضروريه
اسر: بخصوص العقد اللي انا لغيته
زين: لا طبعا
اسر: زين انا سمعت كل حاجه وعارف انك خليتني اعمل كده لمصلحتي
زين: يا ريت اللي سمعته ماحدش يعرفه
اسر: اطمئن ماحدش هيعرف حاجه بس انت ليه بتعمل كده
زين: ماعنديش حل ثاني
اسر: اكيد في حل
زين: اهم حاجه تكون بره الموضوع مالكش دعوه باي حاجه انا مش عاوزك تتاذي بسببي كفايه اختك
اسر: كانوا السبب في موتها
زين: لا مش هم
اسر: امال مين
زين: انا
اسر: برده مش عاوز تتكلم انا عاوزه اعرف
زين: هيجي الوقت وتعرف كل حاجه يلا ممكن حنان تدور عليك
اسر: ماشي هاسيبك
فرح وصلت الفيلا لاحظت ان كل موجود وشافت يوسف وجريت عليه حسام متضايق اللي هي عملته وبعدين اخذها بعيد
حسام: كنت فين ي فرح
فرح: انا قلت لك ان كان عندي شغل
حسام: لا مكانش عندك شغل
فرح: انت بتراقبني ولا ايه
حسام: عاوزك تكوني صريحه مش تكذبي علي
فرح: الصراحه رحت الفندق لاتاكد من حاجه
حسام: وايه هي الحاجه دي اللي خليتكِ تكذبي علي بالشكل ده وتقولي عندك شغل انت كده بتخليني ما وثقش فيكِ اشك فيكِ ليه كده يفرح
فرح: كنت عاوزه اثبت لنفسي حاجه بس للاسف معرفتش اوصللها
حسام: كنت فين
فرح: كنت باختار بين قلبي وبين عقلي بس الظاهر كده ان انا هلغي الاثنين كنت عاوزه اشوف مراد
حسام: مراد ثاني انتِ مش خلاص هتشيليه من حياتك
فرح: انا كنت هاعمل كده فعلا بس
حسام: بس لسه معكِ وقت تفكري وتعرفي انتِ عايزه ايه
فرح: خايفه اقول تزعل مني
حسام: هاقول ثاني لسه معكِ وقت تفكري مش عاوز اسمع منكِ حاجه دلوقت بس اوعي تخسري حد بيحبك وشاريكِ
فرح: انت بتتكلم عن نفسك صح
حسام: علشان فعلا بحبك مستعده اعمل اي حاجه عشانكِ بس انتِ مش مدياني الحق ده
معان انا مديه لك من زمان كان نفسي تبدليني الشعور ده كل مره بتخذليني بس انا لسه عندي أمل
فرح: طب لو خسرت الامل ده
حسام: يبقى كسبت نفسي
فرح: يبقى انت بايع
حسام: انا حاربت لغايه اخر نفس يبقى
مبعتش احد ثاني اللي بائع
فرح: قصدك على
حسام: انتِ فاهمه ايه لازمته الكلام
فرح: عاوزه اسمع منك انت
حسام: للدرجه دي بهمك ماتتعبيش نفسك على
فرح: على فكره انت تغيرت خالص لما كنت دكتور في الجامعه كنت احسن من كده
حسام: ما انا لسه دكتور
فرح: مش قصدي لما انا كنت في الجامعه
حسام: اه لاني مكنتش اعرفك
فرح: ولا معرفتني ايه اللي اتغير
حسام: حاجات كثير قوي تعرفي ان اول مره اتكلم معكِ كثير قوي كده
فرح: فعلا اخذت بالي حاجات كثيره زي ايه
حسام: طريقتك عملتك كلامك كل ده اتغير
فرح: للدرجه دي طلعت وحشه
حسام: انا مقلتش كده
فرح: امال تقصد ايه
حسام: قربي من عيالك اكثر هيكون احسن
فرح: شكرا على النصيحه مع اني مش محتاجاها
حسام: العفو بس اظن تحتاجيها لاني شايف انك بعيد عن اولادك
فرح: اوكي
حسام: انا هاقوم ارتاح شويه لاني كنت قلقان عليكِ لانك تاخرتِ جدا
فرح: بجد طيب شكرا متقلقش بعد كده
حسام: بلاش تكذبي علي بعد كده
فرح: لو كنت قلت لك كنت هتيجي معي
حسام: اكيد طبعا كنت هاجي معكِ كنت اتاكد اللي انتِ بتقوليه ده صح ولا غلط
فرح: مع اني انا متاكدتش
حسام: فكري كويس اوعي تخسري عشان
ماتندمش ثاني
فرح: انت واثق ان هاندم
حسام: اول حاجه كنت واخذك ام لابني لكن حبيتك مع الوقت وبقيت حبيبتي ونفسي يكون بيننا حاجه تربطنا ببعض اكثر
فرح: ياه ده انت راسم لكل حاجه
حسام: بس اكيد مش كل حاجه بتتحقق في ملاحظه صغيره كنت عاوزه اقولها لك انت
مكنتيش ام زي ما كنت متوقع لابني بس عيلتك اعمل كل اللي يقدر عليه
فرح: كنت عاوزه اتكلم معك في موضوع
مره واحده ادهم بينادي على زين بصوت عالي الا بص له وما تكلمش
ادهم: عاوزك تتجوز وتكمل حياتك وتسيبك من اللي انت بتعمله ده
الكل ايه اللي قاعد: ايوه ي زين كفايه اللي ضاع منك نتجوز وكمل حياتك
يوسف: وانا كمان عاوزك تتجوز
ليليان: ايوه ي زين اتجوز
علي: اتجوز زين احنا كلنا عاوزينك تتجوز وتكمل حياتك
زين: ؟؟؟؟؟؟?؟؟؟؟
يتبع