 |
ملاكي البريئ
من البارت الثامن عشر حتي البارت الرابع والعشرون
بقلم مريم محمد
عشق بدموع :س... سليم
سليم بصدمة:عشق....انتي بتعملي إيه هنا
هايدي:هي دي مراتك الفقيرة اللي هتطلقها بس خسارة دي حلوة مش باين عليها
سليم :عشق انا...
هايدي:انت إيه يا حبيبي انت كنت كدة كدة هتطلقها، يبقى تعرف من دلوقتي وخلاص
عشق بدموع:..........
سليم:عشق اسمعيني ارجوكي
عشق:..........
سليم:والنبي ياعشق ردي عليا متسكتيش كدة قولي أي حاجة بس اتكلمي، لم تتحدث عشق وذهبت مسرعة وتبكي بشدة اما سليم كاد أن يلحقها ولكن مسكت هايدي يده لتمنعه
هايدي:انت مالك خايف عليها كدة ليه ماتزعل ولا تروح في داهية إحنا مالنا
صفعها سليم :اخرسي متجيبيش سيرتها على لسانك
هايدي بغضب:انت بتضربني عشانها
سليم:واقت'لك كمان دي حياتي يا غبية بس الحق مش عليكي الحق عليا انا.... انا السبب انا اللي دايمًا بجرحها
هايدي:لما هي حياتك انا ابقى إيه
سليم:انتِ ولا حاجة عارفة يعني إيه ولا حاجة يعني ملكيش لازمة يا بنت عثمان
هايدي بصدمة:إيه؟؟!!... هو انت كنت عارف انا مين
سليم:هو أنتِ فكراني عيل بلعب معاكي ولا تكوني صدقتي إني بحبك بجد، وربي ف سماه لو عشق حصلها حاجة بسببك هطلع رو*حك في ايدي وما هيهمني حد.. غوري
ذهب سليم إلى البيت يبحث عن عشق في كل مكان
سليم بصراخ:عشق... يا عشششششق... عشق
دادة أحلام :في إيه يا ابني مالك بتزعق كدة ليه إيه اللي حصل
سليم:عشق فين يا دادة
دادة أحلام:معرفش يا ابني والله هي كانت قاعدة مع مامتها هنا وانا كانت عيني عليها زي ما قولتلي ولما قالت لها الكلام ده صممت تشوفك
سليم :كلام إيه؟! هي قالت لها إيه بالظبط
دادة أحلام :قالت لها على كل حاجة عملتها معاهم وهي مكنتش مصدقة يا عيني وقالت لازم تتكلم معاك الأول وتسألك وبعد كدة خرجت
وقالت للسواق انه ياخدها عندك
سليم بعصبية:وهي قالت لها ليه انا حذرتها إنها متتكلمش كنت عارف إنها هتزعل وهتضايق ومش هتسامحني، وانتِ يا دادة لما سمعتيها ممنعتيهاش ليه، ليه خليتيها تتكلم
دادة أحلام :ياسليم انت قولتلي أن اراقبهم من بعيد عشان خايف على عشق منها وكمان علشان هي متزعلش لأنها كانت عاوزة تتكلم معاها لوحدهم
سليم:ااااااااه... هعمل انا إيه دلوقتي
دادة أحلام:اهدي ياسليم اهدي عشان صحتك انت لسة تعبان
سليم:يا حرررررراس
احد الحراس:أمرك يا سليم بيه
سليم:تقلبوا الدنيا وتشوفوا عشق فين، دوروا عليها في كل مكان، وابعتلي السواق اللي كان معاها
سليم:أمرك يا سليم بيه
رفع سليم هاتفه واتصل على زياد
زياد:الو
سليم: انت فين
زياد:هكون فين يا اخويا ف الشغل طبعًا
سليم:تعالي دلوقتي عاوزك كمان خمس دقايق قدامي
زياد:في إيه ياسليم مالك
سليم بعصبية:انت لسة هتسأل اخلص يازياد تعالى
زياد:ياسليم انت فاكرني صا'يع وقاعد على القهوة انا بقولك إني ف الشغل
سليم:عشق عرفت اللي عملته ف أهلها
زياد:إيه؟؟!!.. طب انت اتكلمت معاها
سليم:لأ ما هي جت تكلمني شافتني وانا قاعد مع هايدي، وسمعت كلامي معاها وإني بحبها وكمان الزفتة دي قالتلها إني ناوي أطلقها واتجوزها وهي سمعت الكلام ومشيت على طول ومعرفش راحت فين
زياد:هي مالها المصايب نزلت مرة واحدة كدة ليه.. طب انت كويس
سليم:لأ
زياد:طب اهدي انا جاى خمس دقايق وهكون عندك متتحركش إلا اما اجيلك، سلام
السائق:أمرك يا سليم بيه
سليم:انت اللي اخدت عشق وديتها النادي صح
السائق:أيوة يا باشا
سليم:طب مرجعتهاش ليه
السائق:والله يا باشا المدام كانت منهارة وانا قولتلها تركب عشان ارجعها القصر، وهي رفضت وقالت إنها مش راجعة تاني وبعد كدة جريت حاولت الحقها بس للأسف معرفتش
سليم:ومفيش حد من الحرس راح معاكوا ليه
السائق:مجاش في بالي والله يا باشا انا قولت انها هترجع مع حضرتك ف مش هيكون في خطر
سليم:وانت تقول من دماغك ليه.. انا قولت قبل كدة انها متتحركش من غير حرس
السائق:آسف يا سليم بيه اوعدك انها مش هتتكرر
سليم بصراخ:هعمل انا إيه بآسفك دلوقتي لو حصلها حاجة هقتلك"وا كلكوا....غور من وشي
دادة أحلام:يا ابني اهدي حرام عليك صحتك انا خايفة عليك
زياد:اهدي ياسليم وان شاء الله هتلاقيها.انا بلغت إنهم يدوروا عليها قبل ما اجيلك اصبر وهنعرف هي فين
سليم:مش هقدر اصبر انتوا مش حاسين بيا، أنا دلوقتي في ف دماغي أفكار زي الزفت... هي دلوقتي لوحدها وضعيفة ومعهاش موبايل ولا أي حاجة هتعمل ايه وكمان ممكن حد يتعرض لها، ااااااااه
انا هتجنن لازم الاقيها دلوقتي
زياد:سليم انت لسة تعبان اهدي اعمل معروف
سليم:انا تعبان عشان مش عارف عنها حاجة... تعبان عشان هي بعيدة عني، تعبان عشان انا السبب في كل اللي بيحصلها، امها هي السبب هي لو مكنتش اتكلمت معاها مكنش كل ده حصل انا هقتل*ها
زياد:لأ يا سليم... سليييم
ذهب سليم إلى المخزن ووضع المسد*س على رأس والدة عشق
أحمد:انت بتعمل إيه.. سيب امي ف حالها
سليم:انا هقتله*ا واشرب من د'مها كل اللي انا فيه دلوقتي بسببها هي انا حذرتك وقولتلك متتكلميش ولا تقوليلها حاجة.. ومع ذلك انتي كسرتي كلامي ونفذتي اللي في دماغك يبقى تستحقي كل اللي هعمله فيكي
زياد:سليم اهدي ومتتهورش انت دلوقتي متعصب سيبها يا سليم عشان خاطر مراتك انت فاكر انها ممكن تسامحك لو عرفت إنك أنت اللي قتل*ت امها
سليم :عاوزني اعمل ايه يعني... اسيبها وهي السبب في كل اللي انا فيه دلوقتي
زياد:تعالي يا سليم نشوف مراتك فين احسن من الجنان اللي انت بتعمله ده
ابعد زياد سليم عن والدة عشق بصعوبة وخرج امها هي فقدت الوعي عندما رأت المسد*س على رأسها
عشق:انامش عارفة اشكرك ازاي يا ليلي على كل اللي عملتيه معايا
ليلي:متقوليش كدة يا هبلة إحنا اخوات، وبعدين متخافيش اقعدي براحتك كدة كدة الشقة دي مقفولة ومفيش حد بيجي هنا خالص
عشق:ماشي.. بس اوعي يا ليلي حد يعرف إني هنا
ليلي:سليم كلمني وسألني عليكي
عشق:اوعي تكوني قولتيله على مكاني
ليلي:لأ متخافيش قولتله إني معرفش حاجة وأول ما اعرف هبقي اكلمه
عشق:كويس إنك عملتي كدة
ليلي:بس كان خايف عليكي أوي.. سليم بيحبك يا عشق
عشق بدموع:انا كنت فاكرة كدة بس للأسف طلعت غلطانة، أنا سمعته وشوفته وهو بيقولها إنه بيحبها يا ليلي وكمان اتفقوا إنه يطلقني ويتجوزها
ليلي:طب اهدي يا حبيبتي واستريحي شوية انتي تعبانة
عشق:حاضر
ليلي:كل حاجة هتحتاجيها هتلاقيها موجودة يا حبيبتي وان شاء الله هجيلك كل يوم
عشق:بجد شكراً يا ليلي على كل اللي بتعمليه معايا
ليلي:بس يا عشق إحنا اخوات مفيش بينا الكلام ده، أنا همشي دلوقتي.. عشان اتأخرت وهجيلك بكرة سلام يا حبيبتي
عشق :سلام
مر اسبوعين ومازالت عشق بعيدة عن سليم وهو لا يعلم مكانها، كانت حالته تزداد سوءًا يومًا بعد يوم وهو لا يمل من البحث عنها
زياد:مش كفاية بقى.. انت من امتي بتشرب أساساً..
سليم:معرفتش حاجة عن عشق؟
زياد:للأسف لأ بس متخافش هنلاقيها
سليم:بقالك اسبوعين بتقولي نفس الكلام ده وبرضو مبتعرفش حاجة عنها
زياد:ياسليم اللي انت بتعمله في نفسك ده عمره ما هيرجعها
سليم:بقولك إيه سيبني في حالي وغور من وشي انا مش عايز حد معايا
زياد:انت بتقول الكلام ده ليا انا ياسليم
سليم:هو في حد غيرك قاعد قدامي وانا معرفش
زياد:انا آسف على إزعاجك..عن إذنك يا سليم بيه
خرج زياد من الغرفة حزينًا فهو آخر ما كان يتوقعه أن يسمع هذا الكلام من صديق عمره، ولكن أوقفته دادة أحلام التي سمعت كل ما قاله سليم
دادة أحلام :استنى يا ابني
زياد:نعم يا دادة
دادة أحلام :متزعلش من سليم هو ميقصدش الكلام ده بس انت عارف من ساعة ما عشق سابت البيت وهو حالته وحشة خليك جنبه يا ابني هو محتاجلك
زياد:متقلقيش يادادة انا مش هسيبه إلا لما يلاقي مراته وبعد كدة كل واحد يروح لحاله
دادة أحلام:لأ يا ابني متعملش كدة ده انتوا اكتر من اخوات
زياد:هو اللي عايز كدة يا دادة وسليم طلع اللي ف قلبه
دادة أحلام :لأ يا ابني هو
توقفوا عن الحديث عندما سمعوا صوت عالي من غرفة سليم، ف اسرعوا نحو الغرفة وجدوا سليم على الأرض فارتعبوا من منظره وجسده البارد واخذوه إلى المستشفى
مر يومان على دخول سليم المستشفى، أما زياد ف قرر الذهاب إلى جامعة عشق لعله يلقاها ويتحدث معها ولكنه لم يجدها ووجد ليلي فقط
زياد:آنسة ليلي
ليلي :إيه ده؟! حضرتك بتعمل ايه هنا
زياد:انا كنت جاي اشوف عشق هي لسة مجتش
ليلي:لأ مجتش
زياد :طب انتي متعرفيش مكانها
ليلي:لأ معرفش
زياد:متأكدة؟
ليلي:متأكدة من إيه؟
زياد:إنك متعرفيش مكانها
ليلي:انت عايز ايه حضرتك.. انت جاي تحقق معايا ولا إيه
زياد:يا ستي انا بسألك عشان عاوزها ضروري
ليلي:ليه؟ قصدي يعني إيه الحاجة اللي تخليك محتاجها اوي كدة
زياد:
زياد:سليم مات
ليلي بصدمة:إيه؟؟!!.. إيه الكلام الفارغ اللي انت بتقوله ده
زياد:ده مش كلام فارغ سليم دخل المستشفى من يومين ومات النهاردة
وانا كنت عاوزها عشان ابلغها وهي عارفة انه تعبان ومع ذلك سابته ومشيت من غير ما تسمع حاجة، عن إذنك لو كلمتيها ابقى قوليلها يمكن تيجي العزا
ذهب زياد وترك ليلي وهي مصدومة من حديثه ولا تعرف كيف سوف تخبر عشق ذلك الخبر، ذهبت ليلي إلى عشق لكي تعطيها المحاضرات مثل كل يوم
عشق :ليلي
ليلي :.......
عشق:ليللللللي
ليلي:ها... في إيه؟
عشق:انتِ سرحانة في إيه أنا بقالي ساعة بكلمك
ليلي:لأ مفيش حاجة
عشق :مالك يا ليلي انتي عاوزة تقولي حاجة
ليلي:بصراحة أيوة
عشق :طب قولي ساكتة ليه
ليلي:زياد جه الكلية النهاردة وكان عاوزك ياعشق
عشق :اكيد سليم اللي باعته
ليلي:لأ هو اللي كان عاوزك
عشق:طب قالك كان عاوز إيه
ليلي:ايوة
عشق:في إيه يا ليلي انتِ خايفة كدة ليه
ليلي:بصي هو انا مكنتش عايزة اقولك بس لازم تعرفي
عشق :اعرف إيه
ليلي:بصي....هو سليم.. يعني
عشق:في إيه يا ليلي ماله سليم
ليلي بدموع:سليم مات يا عشق
عشق:إيه الهبل اللي انتي بتقوليه ده انتي اتجننتي يا ليلي
ليلي:زياد قالي إنه دخل المستشفى من يومين وإنك عارفة انه تعبان وقلبه مش هيستحمل الزعل ومات النهاردة
عشق:لأ لأ..... مستحيل. سليم مستحيل يسيبني لوحدي الكلام ده اكيد مش حقيقي
ليلي ببكاء:اهدي يا عشق متعمليش في نفسك كدة
عشق بإنهيار:انا عاوزة اروحله دلوقتي... ارجوكي يا ليلي
ليلي :ماشي يلا وانا هكلم زياد واعرف منه اسم المستشفى
ذهبت عشق وليلي إلى المستشفى
ودخلوا غرفة سليم ووجدوا زياد عنده وهو مغطى بغطاء المستشفى
اقتربت منه عشق والدموع تنهمر من عينيها ويدها ترتعش رفعت الغطاء من على وجهه وراته
عشق بدموع :س.... سليم قوم يلا انا جيت انا عشق حبيبتك قوم يا سليم والنبي انا مش زعلانة منك... قوم بقي يلا وانا هفضل معاك على طول، يا سليم فوق بقى انا مقدرش اعيش من غيرك..انا بحبك والله العظيم بحبك
سليم:وانا بعشقك يا قلب سليم
#ملاكي_البريئ
#مريم_محمد
تحدثت عشق مع ليلي وأهلها الذين رحبوا بالفكرة جدًا
وبالفعل ذهب سليم وعشق مع زياد إلى بيت ليلي
(في الأسانسير)
سليم :إيه القرف اللي انت جايبه ده
زياد :في إيه ده ورد
سليم :في واحد وهو بيتقدم للناس ياخد للناس ورد اسود
زياد:علشان لو فكروا يرفضوني
سليم :اهدي يا عم انت رايح تخطب مش رايح تحارب
زياد :والله انا أول مرة اخاف للدرجة دي
سليم :معلش يا بطة متخافيش
زياد:أيوة طبعًا اتريق عليا هو انت خسران حاجة ما انت اتجوزت على طول
سليم:والله يا ابني انا كنت حاسس إن المصايب اللي بتحصل معايا دي من عينك انت، يلا هجوزك واخلص منك
زياد :أخص عليك ياسليم ده انا عسل وسكر وألف بنت تتمنى نظرة مني ولا إيه يا شوشو
عشق بضحك عليهما:ايوة حضرتك إنسان محترم والبنت اللي هترتبط بيها هتكون سعيدة
زياد :شايف الكلام هو ده الكلام الحلو اللي يطلع من الناس الحلوة تسلميلي يا شوشو
سليم بغضب:انت بدلعها قدامي
زياد:خلاص بعد كدة هدلعها من وراك
سليم :قسمًابالله يازياد لو ما لميت لسانك هتكون في المستشفى دلوقتي ومش هيعرفوا يبدأوا يعالجوك منين
زياد:عنيف اوي انت ياسليم
سليم:يلا يااخويا وصلنا وانتي بطلي تضحكي عشان مضربش حد دلوقتي، خلي الليلة دي تعدي على خير
وقفوا أمام باب شقة ليلي وكانت عشق تقف في المقدمة لأنهم يعرفوها هي ولكن من فتح الباب كان حسام اخو ليلي وهو معظم الوقت مسافر ولا يأتي كثيراً وعندما فتح الباب، صدم من جمال عشق ونظر إليها بإنبهار
عشق:احم... السلام عليكم... ليلى موجودة؟
حسام:ليلي مين؟
عشق:ليلي صاحبتي هي عايشة هنا وده بيتها
حسام:يخربيت رقتك يا شيخة هو في كدة
جاء سليم من خلفها ونظر إلى حسام الذي لا يبعد نظره عن عشق
سليم بعصبية:انت بتبص على إيه
حسام:ببص على جمال الملاك اللي نزل من السما ل قدام بيتي على طول
سليم:نعم يا روح ام*ك... سمعني كدة بتقول إيه
حسام ولم يبعد نظره عن عشق:هااا..
انت بتقول إيه
سليم:انا هعرفك دلوقتي بقول ايه، تعالى بقى
زياد:ليه يا ابني تعمل في نفسك كدة امك كانت نفسها تفرح بيك يلا مش هتلحق
امسكه سليم من ملابسه ودفعه داخل الأسانسير وأغلق الباب
عشق بخوف:زياد ارجوك إلحقه انا خايفة يعمل فيه حاجة
زياد:الجوازة باظت الجوازة باظت،لولولولولولوي زغرطي ياما الجوازة باظت
عشق:زياد انت بتهزر شوف سليم ده دخل معاه الأسانسير ومش بيرد عليا
زياد:والله مابهزر جوزك بوظلي الجوازة...... حسبي الله ونعم الوكيل فيك يا سليم اشوف فيك يوم
عشق:طب هنعمل إيه ده بقاله مدة طويلة جوة
زياد:والنبي سبيني انا دلوقتى سبيني في خيبتي... يا عيني عليك يا زياد ملحقتش تفرح يا قلب أمك
هعمل إيه أنا دلوقتي البت طارت مني
خرج سليم من الأسانسير وامسك يد عشق ونزلوا على السلم وذهبوا
زياد:سليم..... سليم استنى انت رايح فين يخربيت انا المفروض اتجوز..هو قت*ل الواد ولا إيه؟
نظر زياد داخل الأسانسير ووجد حسام مغمى عليه من شدة الضر*ب
ووجهه ملئ بالكدمات، وفجأه خرج أهله ليروا ابنهم بهذه الحالة وبدأت أمه في البكاء،اما زياد ساعد والده لكي يحمله وذهب معه إلى المستشفى
الدكتور:هو مين اللي عمل فيه كدة ده متبهدل خالص جسمه كله كدمات مكان الضرب ده غير الكس'ر اللي في دراعه
الأب:معرفش يا دكتور انا خرجت من البيت لقيت الجدع ده معاه
زياد:انتوا بتبصولي كدة ليه والله ما عملت حاجة ده انا اللي جايبه المستشفى معقولة هضر'به وهعالجه
كمان لأ هي حاجة واحدة
الأب:يا ابني انا مش بقول إنك أنت اللي ضربته انا قصدي إنك كنت واقف معاه ف اكيد شوفت مين اللي عمل فيه كدة
زياد:انا طلعت لقيته كدة يا قلب أمه
الأب:يعني انت مشوفتش مين اللي عمل فيه كدة يا ابني
زياد:معقولة يا عمي كنت هشوفه بيتنفخ كدة وهفضل واقف لأ اكيد هروح اتنفخ معاه 😂
الأب:ده العشم برضو يا ابني بس انت مين؟
زياد:انا صاحبه الروح بالروح، يا حبيبي يا حسام صعبان عليا أوي أوي
الدكتور:لو سمحتوا يا جماعة هو دلوقتى كويس بس انا عاوز حد معايا يخلص إجراءات الخروج
الأب:انا هاجي معاك يادكتور
زياد:خلاص روح معاه انت يا عمي وانا هشوف حسام
حسام:اااااااه يا جسمي.. مش قادر اتحرك
زياد:حمدالله على سلامتك يا بطل
حسام:انت مين
زياد:انا العريس اللي كنت جاي أتقدم لأختك، وبرضو انا كنت مع الراجل عمل فيك كدة
حسام:انا هوديكوا في داهية انتوا فاكرين إني هسكت
زياد:يا عم اتنيل انت فيك حتة سليمة توحد ربنا.. ده الدكاترة لموا اعضائك تاني بالعافية ف اهدي يا حوسو عشان صحتك انا خايف عليك
حسام:حوسو مين
زياد:انت يا قلب امك
حسام:انا اسمي حسام
زياد:بدلعك يا حوسو انت برضو هتبقى اخو مراتي اعتبار ما سوف يكون يعني
حسام:وانت فاكر إني هوافق على جوازك من اختي بعد اللي عملتوه فيا
زياد:الله وانا مالي يالمبي...انا كنت بتفرج بس والله
حسام:هو مين الراجل اللي كان معاك ده وعمل كدة ليه هو انا كنت اعرفه ولا هو يعرفني
زياد:الراجل اللي كان معايا ده يبقى سليم التهامي
حسام بصدمة:سليم التهامي أصغر ملياردير على مستوى العالم
زياد:الله ينور عليك هو ده
حسام:طب هو عمل فيا كدة ليه
زياد:أصله بيحبك أوي
حسام:انت بتقول إيه؟؟!!
زياد:إيه يا حوسو بقولك بيحبك وانت عارف ضرب الحبيب زي اكل الزبيب نيهههههههه.. هههه
حسام:انت جاي تهزر يا جدع انت
زياد:إيه يا حوسو مالك اتعصبت عليا كدة ليه ده انا بحبك يا جدع، وبعدين احمد ربك إنك لسة ماشي على رجليك ومعملش فيك اكتر من كدة
حسام:وده ليه إن شاء الله هو انا كنت عملته حاجة؟
زياد:يا جدع اتقي الله بقى تعاكس مراته قدامه وعاوزه يعملك إيه يبوسك مثلاً
حسام:هي القمر اللي كانت قدام الباب مراته
حسام:قمر إيه الله يخربيتك يا ابني
انت مبتحرمش ده انت طلعت من تحت ايده عايش بمعجزة
حسام:بس هي بصراحة حلوة
زياد بعصبية:الزم حدودك ياض ولم لسانك احسنلك
حسام:اتفضل انت اطلع بره واعتبر جوازتك من اختي مرفوضة
زياد:مش بمزاجك يا حلو
حسام:هتعمل ايه يعني
زياد:بسيطة هلبسك قضية م*خدرا*ت، واسجن'ك واتجوز اختك عادي
حسام:مش هتقدر تعمل كدة
زياد:شكلك نسيت انا مين... لوكنت ناسي افكرك
حسام بخوف :انت عاوز إيه
حسام:اللي حصل بينك وبين سليم ده مفيش حد يعرفه لا اهلك ولا أي حد وانت اتصرف وقولهم إنك اتخانقت مع شوية شوية شباب تافهين زيك... اه على فكرة انا مش مستني إنك توافق على كلامي أو ترفضه ف الحالتين هتجوز اختك بس انا مش عايز وجع دماغ فاهم يا حوسو
حسام:فاهم
زياد:جدع يا حبيب ماما روح اشرب اللبن واغسل سنانك ونام على طول.... Take care ye baby
ذهب سليم وعشق إلى البيت وهي غاضبة من تصرفه فهو سوف يضر صديقه بسبب ما فعله
عشق :ممكن اعرف ايه لازمته اللي انت عملته ده
سليم :هو إيه اللي انا عملته
عشق :سليم متعصبنيش انت ضربت اخو ليلي صاحبتي وكمان هو هيبقى اخو خطيبة صاحبك بس بعد اللي انت عملته ده مستحيل حد يقبل بالجوازة دي واكيد زياد هيزعل منك ليه كدة يا سليم
سليم :وانتِ كنتي عاوزاني اعمل ايه وهو بيعاكسك اصقفله ولا أطبل وراه
عشق:لأ كنت تسكت وتتجاهله زي ما انا عملت
سليم :ليه متجوزة سوسن حضرتك
عشق:طب انا غلطانة وريني بقى هتصالح زياد ازاي
وفجأه دخل زياد
زياد :مساء الخير يا شباب
سليم :مساء النور يا اخويا يا ابو جوازة زفت على دماغك
زياد:ما خلاص يا عم بقى قلبك ابيض وبعدين ما انت ربيت الواد وحرمته يبص لواحدة ست يا قلب امه اتعقد
سليم :يستاهل
زياد:الصراحة معاك حق انا لما اتجوز اخته مش هخليه يدخل بيتي
سليم:بس برضو كنت لسة عايز اكمل عليه ومكنتش عايز اسيبه
زياد:حرام عليك ده مفيهوش حتة سليمة
سليم :يستاهل عشان بعد كدة يحرم يبص لحاجة مش بتاعته
زياد:سيبك انت من كل ده عندكوا عشا إيه انا جعان.
سليم :مش عارف والله
ظلت عشق تنظر لهم بصدمة وكأنه لم يحدث شيء.،وهي كانت تعتقد انهم سيتخاصمون ولكنهم لم يتأثروا
زياد:بقولك إيه يا سليم
سليم :في إيه؟
زياد:هي مراتك مالها مبلمة لينا كدة ليه من ساعة ما دخلت
سليم:مش عارف دي مبتتحركش
زياد:انت عملت فيها إيه الله يخربيتك
سليم :والله ما عملت حاجة ولا قربت منها
زياد:ربنا يستر
سليم:عشق
عشق:.......
سليم :عشششششق
عشق:هااا. إيه في إيه؟!
سليم:انتِ سرحانة في إيه مالك؟
عشق:لأ مفيش حاجة.. تحبوا تشربوا إيه
زياد:لأ انا جعان عاوز عشا 😂
عشق:حاضر هروح اخليهم يحضروا العشا ويجيبوه
زياد:تسلمي يا شوشو يارب
سليم:والله يا اخي انا كل اما احاول أمسك اعصابي عشان مضربكش بتعمل حاجة انيل من اللي قبلها
اتلم يا زياد عشان انا فصلت منك
زياد :خلاص تعالى احطك على الشاحن هههههههه. ههههه
سليم :لأ كدة كتير تعالى بقى
ركض سليم خلف زياد وهو يهرب منه وعشق تضحك عليهم فهم مثل الأطفال
ذهب سليم وعشق إلى النوم وهي تريد أن تتحدث معه ولكن خائفة من رد فعله
عشق :سليم انت نمت؟
سليم:بعد كدة يا حبيبتي اسألي على طول من غير مقدمات لأني ببقى مستنيكي تسألي
عشق :عاوزة اطلب منك طلب
سليم :قولي يا روحي
عشق بخوف:عاوزة اشوف ماما
سليم:حاضر بكرة الصبح هخليكي تشوفيها
عشق :انت مش مضايق مني صح؟
سليم:وانا هضايق منك ليه
عشق:مش عارفة بس مكنتش متوقعة إنك توافق
سليم :هو انا فعلاً مش موافق بس مقدرش ارفضلك طلب
عشق :عاوزة اتكلم معاها أوي يا سليم
سليم :عارف يا قلب سليم عشان كدة من بكرة الصبح هتلاقيها هنا
عشق :ربنا يخليك ليا ياحبيبي
سليم :ويخليكي ليا يا ملكة قلبي
حل الصباح وذهب سليم إلى المخزن واحضر والدة عشق وقد حذرها من أن تخبر عشق بأنهم كانوا في المخزن، اما هو فذهب إلى النادي لكي يكمل خطته مع هايدي
عشق :ماما
الأم :انتي عاوزة إيه مننا خلاص سيبينا في حالنا بقى
عشق :طب انا عملت إيه مش انا بنتك الحقيقية برضو ليه بتعامليني كدة
الأم :عشان انتي بسببك المصايب عمالة تنزل فوق دماغي من أول ما اتولدتي أول حاجة عثمان وتهديداته إنه هيقتل'نا وبعد كدة قطع الفلوس عننا، وكمان فوق كل ده جه جوزك
عشق :جوزي؟! وسليم ماله بالمشاكل بتاعتكوا
الأم :ده هو أكبر مشكلة عندنا
عشق :ليه هو عمل إيه
الأم :جوزك يا هانم حابسنا من اول ما اتجوزك ف المخزن وعمال يعذب فيا وكمان ضر*ب نار على اخوكي أحمد
عشق :إيه؟؟!!... أحمد حصله حاجة؟
الأم :لأ الحمدلله ربنا ستر.. بس كل ده بسببه هو وكمان بيخلينا من غير اكل وشرب لحد ما يغمى علينا وهو هددنا لو كنا رفضنا إننا نجوزك له كان هيقتل'نا
عشق :مستحيل اكيد انتي فاهمة غلط سليم مستحيل يعمل حاجة زي دي
الأم:لأهو جوزك وكمان جايبني من المخزن دلوقتي ولو مش مصدقاني قولي لحراسه ياخدوكي على هناك هتلاقينا موجودين
عشق :مستحيل انا لازم اتكلم مع سليم.... لازم اشوفه
الأم :خدي هنا انتي رايحة فين
لم تسمع عشق أي شيء وأمرت السائق بأن يأخذها عند سليم
الذي كان يجلس مع هايدي ف النادي وعندما ذهبت عشق وجدته يجلس مع فتاة وعندما اقتربت منهم سمعت حديثهم
هايدي :انا فرحانة أوي يا حبيبي إنك طلعت بتحبني زي ما انا بحبك
سليم :أيوة يا حبيبتي
هايدي:انت هطلق مراتك دي امتى عايزين نتجوز بسرعة
سليم :قريب أوي
عشق بدموع :س... سليم
سليم بصدمة:عشق.. انتي بتعملي إيه هنا
#ملاكي_البريئ
#مريم_محمد#البارت 19
عشق بدموع :س... سليم
سليم بصدمة:عشق....انتي بتعملي إيه هنا
هايدي:هي دي مراتك الفقيرة اللي هتطلقها بس خسارة دي حلوة مش باين عليها
سليم :عشق انا...
هايدي:انت إيه يا حبيبي انت كنت كدة كدة هتطلقها، يبقى تعرف من دلوقتي وخلاص
عشق بدموع:..........
سليم:عشق اسمعيني ارجوكي
عشق:..........
سليم:والنبي ياعشق ردي عليا متسكتيش كدة قولي أي حاجة بس اتكلمي، لم تتحدث عشق وذهبت مسرعة وتبكي بشدة اما سليم كاد أن يلحقها ولكن مسكت هايدي يده لتمنعه
هايدي:انت مالك خايف عليها كدة ليه ماتزعل ولا تروح في داهية إحنا مالنا
صفعها سليم :اخرسي متجيبيش سيرتها على لسانك
هايدي بغضب:انت بتضربني عشانها
سليم:واقت'لك كمان دي حياتي يا غبية بس الحق مش عليكي الحق عليا انا.... انا السبب انا اللي دايمًا بجرحها
هايدي:لما هي حياتك انا ابقى إيه
سليم:انتِ ولا حاجة عارفة يعني إيه ولا حاجة يعني ملكيش لازمة يا بنت عثمان
هايدي بصدمة:إيه؟؟!!... هو انت كنت عارف انا مين
سليم:هو أنتِ فكراني عيل بلعب معاكي ولا تكوني صدقتي إني بحبك بجد، وربي ف سماه لو عشق حصلها حاجة بسببك هطلع رو*حك في ايدي وما هيهمني حد.. غوري
ذهب سليم إلى البيت يبحث عن عشق في كل مكان
سليم بصراخ:عشق... يا عشششششق... عشق
دادة أحلام :في إيه يا ابني مالك بتزعق كدة ليه إيه اللي حصل
سليم:عشق فين يا دادة
دادة أحلام:معرفش يا ابني والله هي كانت قاعدة مع مامتها هنا وانا كانت عيني عليها زي ما قولتلي ولما قالت لها الكلام ده صممت تشوفك
سليم :كلام إيه؟! هي قالت لها إيه بالظبط
دادة أحلام :قالت لها على كل حاجة عملتها معاهم وهي مكنتش مصدقة يا عيني وقالت لازم تتكلم معاك الأول وتسألك وبعد كدة خرجت
وقالت للسواق انه ياخدها عندك
سليم بعصبية:وهي قالت لها ليه انا حذرتها إنها متتكلمش كنت عارف إنها هتزعل وهتضايق ومش هتسامحني، وانتِ يا دادة لما سمعتيها ممنعتيهاش ليه، ليه خليتيها تتكلم
دادة أحلام :ياسليم انت قولتلي أن اراقبهم من بعيد عشان خايف على عشق منها وكمان علشان هي متزعلش لأنها كانت عاوزة تتكلم معاها لوحدهم
سليم:ااااااااه... هعمل انا إيه دلوقتي
دادة أحلام:اهدي ياسليم اهدي عشان صحتك انت لسة تعبان
سليم:يا حرررررراس
احد الحراس:أمرك يا سليم بيه
سليم:تقلبوا الدنيا وتشوفوا عشق فين، دوروا عليها في كل مكان، وابعتلي السواق اللي كان معاها
سليم:أمرك يا سليم بيه
رفع سليم هاتفه واتصل على زياد
زياد:الو
سليم: انت فين
زياد:هكون فين يا اخويا ف الشغل طبعًا
سليم:تعالي دلوقتي عاوزك كمان خمس دقايق قدامي
زياد:في إيه ياسليم مالك
سليم بعصبية:انت لسة هتسأل اخلص يازياد تعالى
زياد:ياسليم انت فاكرني صا'يع وقاعد على القهوة انا بقولك إني ف الشغل
سليم:عشق عرفت اللي عملته ف أهلها
زياد:إيه؟؟!!.. طب انت اتكلمت معاها
سليم:لأ ما هي جت تكلمني شافتني وانا قاعد مع هايدي، وسمعت كلامي معاها وإني بحبها وكمان الزفتة دي قالتلها إني ناوي أطلقها واتجوزها وهي سمعت الكلام ومشيت على طول ومعرفش راحت فين
زياد:هي مالها المصايب نزلت مرة واحدة كدة ليه.. طب انت كويس
سليم:لأ
زياد:طب اهدي انا جاى خمس دقايق وهكون عندك متتحركش إلا اما اجيلك، سلام
السائق:أمرك يا سليم بيه
سليم:انت اللي اخدت عشق وديتها النادي صح
السائق:أيوة يا باشا
سليم:طب مرجعتهاش ليه
السائق:والله يا باشا المدام كانت منهارة وانا قولتلها تركب عشان ارجعها القصر، وهي رفضت وقالت إنها مش راجعة تاني وبعد كدة جريت حاولت الحقها بس للأسف معرفتش
سليم:ومفيش حد من الحرس راح معاكوا ليه
السائق:مجاش في بالي والله يا باشا انا قولت انها هترجع مع حضرتك ف مش هيكون في خطر
سليم:وانت تقول من دماغك ليه.. انا قولت قبل كدة انها متتحركش من غير حرس
السائق:آسف يا سليم بيه اوعدك انها مش هتتكرر
سليم بصراخ:هعمل انا إيه بآسفك دلوقتي لو حصلها حاجة هقتلك"وا كلكوا....غور من وشي
دادة أحلام:يا ابني اهدي حرام عليك صحتك انا خايفة عليك
زياد:اهدي ياسليم وان شاء الله هتلاقيها.انا بلغت إنهم يدوروا عليها قبل ما اجيلك اصبر وهنعرف هي فين
سليم:مش هقدر اصبر انتوا مش حاسين بيا، أنا دلوقتي في ف دماغي أفكار زي الزفت... هي دلوقتي لوحدها وضعيفة ومعهاش موبايل ولا أي حاجة هتعمل ايه وكمان ممكن حد يتعرض لها، ااااااااه
انا هتجنن لازم الاقيها دلوقتي
زياد:سليم انت لسة تعبان اهدي اعمل معروف
سليم:انا تعبان عشان مش عارف عنها حاجة... تعبان عشان هي بعيدة عني، تعبان عشان انا السبب في كل اللي بيحصلها، امها هي السبب هي لو مكنتش اتكلمت معاها مكنش كل ده حصل انا هقتل*ها
زياد:لأ يا سليم... سليييم
ذهب سليم إلى المخزن ووضع المسد*س على رأس والدة عشق
أحمد:انت بتعمل إيه.. سيب امي ف حالها
سليم:انا هقتله*ا واشرب من د'مها كل اللي انا فيه دلوقتي بسببها هي انا حذرتك وقولتلك متتكلميش ولا تقوليلها حاجة.. ومع ذلك انتي كسرتي كلامي ونفذتي اللي في دماغك يبقى تستحقي كل اللي هعمله فيكي
زياد:سليم اهدي ومتتهورش انت دلوقتي متعصب سيبها يا سليم عشان خاطر مراتك انت فاكر انها ممكن تسامحك لو عرفت إنك أنت اللي قتل*ت امها
سليم :عاوزني اعمل ايه يعني... اسيبها وهي السبب في كل اللي انا فيه دلوقتي
زياد:تعالي يا سليم نشوف مراتك فين احسن من الجنان اللي انت بتعمله ده
ابعد زياد سليم عن والدة عشق بصعوبة وخرج امها هي فقدت الوعي عندما رأت المسد*س على رأسها
عشق:انامش عارفة اشكرك ازاي يا ليلي على كل اللي عملتيه معايا
ليلي:متقوليش كدة يا هبلة إحنا اخوات، وبعدين متخافيش اقعدي براحتك كدة كدة الشقة دي مقفولة ومفيش حد بيجي هنا خالص
عشق:ماشي.. بس اوعي يا ليلي حد يعرف إني هنا
ليلي:سليم كلمني وسألني عليكي
عشق:اوعي تكوني قولتيله على مكاني
ليلي:لأ متخافيش قولتله إني معرفش حاجة وأول ما اعرف هبقي اكلمه
عشق:كويس إنك عملتي كدة
ليلي:بس كان خايف عليكي أوي.. سليم بيحبك يا عشق
عشق بدموع:انا كنت فاكرة كدة بس للأسف طلعت غلطانة، أنا سمعته وشوفته وهو بيقولها إنه بيحبها يا ليلي وكمان اتفقوا إنه يطلقني ويتجوزها
ليلي:طب اهدي يا حبيبتي واستريحي شوية انتي تعبانة
عشق:حاضر
ليلي:كل حاجة هتحتاجيها هتلاقيها موجودة يا حبيبتي وان شاء الله هجيلك كل يوم
عشق:بجد شكراً يا ليلي على كل اللي بتعمليه معايا
ليلي:بس يا عشق إحنا اخوات مفيش بينا الكلام ده، أنا همشي دلوقتي.. عشان اتأخرت وهجيلك بكرة سلام يا حبيبتي
عشق :سلام
مر اسبوعين ومازالت عشق بعيدة عن سليم وهو لا يعلم مكانها، كانت حالته تزداد سوءًا يومًا بعد يوم وهو لا يمل من البحث عنها
زياد:مش كفاية بقى.. انت من امتي بتشرب أساساً..
سليم:معرفتش حاجة عن عشق؟
زياد:للأسف لأ بس متخافش هنلاقيها
سليم:بقالك اسبوعين بتقولي نفس الكلام ده وبرضو مبتعرفش حاجة عنها
زياد:ياسليم اللي انت بتعمله في نفسك ده عمره ما هيرجعها
سليم:بقولك إيه سيبني في حالي وغور من وشي انا مش عايز حد معايا
زياد:انت بتقول الكلام ده ليا انا ياسليم
سليم:هو في حد غيرك قاعد قدامي وانا معرفش
زياد:انا آسف على إزعاجك..عن إذنك يا سليم بيه
خرج زياد من الغرفة حزينًا فهو آخر ما كان يتوقعه أن يسمع هذا الكلام من صديق عمره، ولكن أوقفته دادة أحلام التي سمعت كل ما قاله سليم
دادة أحلام :استنى يا ابني
زياد:نعم يا دادة
دادة أحلام :متزعلش من سليم هو ميقصدش الكلام ده بس انت عارف من ساعة ما عشق سابت البيت وهو حالته وحشة خليك جنبه يا ابني هو محتاجلك
زياد:متقلقيش يادادة انا مش هسيبه إلا لما يلاقي مراته وبعد كدة كل واحد يروح لحاله
دادة أحلام:لأ يا ابني متعملش كدة ده انتوا اكتر من اخوات
زياد:هو اللي عايز كدة يا دادة وسليم طلع اللي ف قلبه
دادة أحلام :لأ يا ابني هو
توقفوا عن الحديث عندما سمعوا صوت عالي من غرفة سليم، ف اسرعوا نحو الغرفة وجدوا سليم على الأرض فارتعبوا من منظره وجسده البارد واخذوه إلى المستشفى
مر يومان على دخول سليم المستشفى، أما زياد ف قرر الذهاب إلى جامعة عشق لعله يلقاها ويتحدث معها ولكنه لم يجدها ووجد ليلي فقط
زياد:آنسة ليلي
ليلي :إيه ده؟! حضرتك بتعمل ايه هنا
زياد:انا كنت جاي اشوف عشق هي لسة مجتش
ليلي:لأ مجتش
زياد :طب انتي متعرفيش مكانها
ليلي:لأ معرفش
زياد:متأكدة؟
ليلي:متأكدة من إيه؟
زياد:إنك متعرفيش مكانها
ليلي:انت عايز ايه حضرتك.. انت جاي تحقق معايا ولا إيه
زياد:يا ستي انا بسألك عشان عاوزها ضروري
ليلي:ليه؟ قصدي يعني إيه الحاجة اللي تخليك محتاجها اوي كدة
زياد:
زياد:سليم مات
ليلي بصدمة:إيه؟؟!!.. إيه الكلام الفارغ اللي انت بتقوله ده
زياد:ده مش كلام فارغ سليم دخل المستشفى من يومين ومات النهاردة
وانا كنت عاوزها عشان ابلغها وهي عارفة انه تعبان ومع ذلك سابته ومشيت من غير ما تسمع حاجة، عن إذنك لو كلمتيها ابقى قوليلها يمكن تيجي العزا
ذهب زياد وترك ليلي وهي مصدومة من حديثه ولا تعرف كيف سوف تخبر عشق ذلك الخبر، ذهبت ليلي إلى عشق لكي تعطيها المحاضرات مثل كل يوم
عشق :ليلي
ليلي :.......
عشق:ليللللللي
ليلي:ها... في إيه؟
عشق:انتِ سرحانة في إيه أنا بقالي ساعة بكلمك
ليلي:لأ مفيش حاجة
عشق :مالك يا ليلي انتي عاوزة تقولي حاجة
ليلي:بصراحة أيوة
عشق :طب قولي ساكتة ليه
ليلي:زياد جه الكلية النهاردة وكان عاوزك ياعشق
عشق :اكيد سليم اللي باعته
ليلي:لأ هو اللي كان عاوزك
عشق:طب قالك كان عاوز إيه
ليلي:ايوة
عشق:في إيه يا ليلي انتِ خايفة كدة ليه
ليلي:بصي هو انا مكنتش عايزة اقولك بس لازم تعرفي
عشق :اعرف إيه
ليلي:بصي....هو سليم.. يعني
عشق:في إيه يا ليلي ماله سليم
ليلي بدموع:سليم مات يا عشق
عشق:إيه الهبل اللي انتي بتقوليه ده انتي اتجننتي يا ليلي
ليلي:زياد قالي إنه دخل المستشفى من يومين وإنك عارفة انه تعبان وقلبه مش هيستحمل الزعل ومات النهاردة
عشق:لأ لأ..... مستحيل. سليم مستحيل يسيبني لوحدي الكلام ده اكيد مش حقيقي
ليلي ببكاء:اهدي يا عشق متعمليش في نفسك كدة
عشق بإنهيار:انا عاوزة اروحله دلوقتي... ارجوكي يا ليلي
ليلي :ماشي يلا وانا هكلم زياد واعرف منه اسم المستشفى
ذهبت عشق وليلي إلى المستشفى
ودخلوا غرفة سليم ووجدوا زياد عنده وهو مغطى بغطاء المستشفى
اقتربت منه عشق والدموع تنهمر من عينيها ويدها ترتعش رفعت الغطاء من على وجهه وراته
عشق بدموع :س.... سليم قوم يلا انا جيت انا عشق حبيبتك قوم يا سليم والنبي انا مش زعلانة منك... قوم بقي يلا وانا هفضل معاك على طول، يا سليم فوق بقى انا مقدرش اعيش من غيرك..انا بحبك والله العظيم بحبك
سليم:وانا بعشقك يا قلب سليم
#ملاكي_البريئ
#البارت 20/21
سليم:وانا بعشقك ياقلب سليم
نظرت له عشق بصدمة ولم تتكلم
سليم:عشق
عشق :......
سليم:ردي يا قلب سليم
عشق:.........
سليم بضحك:اهدي انا مش عفريت
عشق بصراخ:عااااااا.. عفريت هيموتني.... سيب ايدي انا مش عايزة اموت دلوقتى الحقونااااااا
سليم:يا بنتي اهدي بقي يخربيت دماغك دي.... انا عايش اهو
عشق:كداب انت ميت
سليم:اومال مين اللي بيكلمك دلوقتي
عشق:شبحك جاي ينتقم مني.. سيب ايدي انا لسة صغيرة
سليم:والله لو ما سكتي لابو'سك قدام المستشفى كلها وهنتمسك أداب
عشق بدموع:يعني انت كدبت وعملت كل ده عشان ارجع.. حرام عليك ياسليم أنت متعرفش انا لما عرفت حسيت ان روحي اتسحبت مني
سليم:انا آسف يا روح قلبي
عشق :استنى كدة أنت عرفت منين ان ليلي عارفة مكاني، ولا تكون هي كمان متفقة معاكم
ليلي:لأ والله يا عشق انا كنت فاكرة أنه مات زي ما زياد قالي
عشق:ليه كدة يا سليم ليه تعمل فيا كدة
سليم:أول حاجة انا آسف على الطريقة البايخة اللي جبتك بيها، بس مكنش في حل تاني صدقيني انا كنت عاوزك ترجعلي بأي طريقة
عشق:بلاش تضحك على نفسك أكتر من كده يا سليم انت مش بتحبني انا شوفتك وسمعتك، وانت بتقول الكلام ده... ليه تعمل فيا كدة ليه، اتجوزتني ليه ولا انا كنت نزوة في حياتك ومكنتش هتعرف توصلي إلا بالجواز
سليم:انا يا عشق... انا تفكري فيا بالطريقة دي.. يعني انتي فاكرة اللي كان بينا نزوة هو ده اللي فهمتيه من حبي بيكي
عشق بدموع:عاوزني افكر ازاي وانا شوفتك وانت بتقولها إنك بتحبها وكمان هتطلقني وتتجوزها
سليم:ساعات اللي بنشوفه وبنسمعه بيكون غلط ومش هو الحقيقة يا عشق، ولو انتي كنتي بتثقي فيا كنتي تسمعيني وتفهمي مني مش تسيبيني وتمشي، أنا عارف إن اللي شوفتيه وسمعتيه مش سهل بس كنتي استنى واسمعيني وبعد كدة اعملي اللي انتي عايزاه، خلاص كفاية عياط انا آسف انا الغلطان
كنت المفروض افهمك كل حاجة
بس انا كنت عاوز ابعدك عن الموضوع ده عشان خايف عليكي والله
عشق:موضوع إيه؟
سليم:البنت اللي انتي شوفتيها معايا دي تبقي هايدي
عشق:هايدي مين؟
سليم:بنت عمي عثمان.. أظن انتي كدة فهمتي إني مكنتش اقصد ولا كلمة من اللي كنت بقولها ليها وكله كان كدب
عشق:طب وأهلي يا سليم ليه عملت فيهم كدة
سليم:ممكن لما نروح بيتنا احكيلك على كل حاجة وصدقيني انا مظلمتش حد فيهم، ولا جيت على حد كانوا يستحقوا كل اللي يجرالهم
انا لو عايز اقتله*م يا عشق كنت قتلت'هم من زمان بس انا معملتش كدة عشان خاطرك انتي بس والله ياعشق
عشق بدموع:بس
سليم وهو يمسح دموعها :مفيش بس في ضحكة حلوة وغمازات حلوة هتبان دلوقتي
ليلي:احم... نحن هنا
سليم:طيب اتفضلوا امشوا
عشق:عيب ياسليم
سليم:احلى سليم دي ولا إيه
زياد:طب عن إذنكوا يا جماعة
دادة أحلام:رايح فين دلوقتي يا ابني استنى امشي معانا
زياد:شكراً يا دادة انا نفذت كلامي زي ما قولتلكوا واستنيت لحد ما عشق رجعت أنا لازم امشي دلوقتي
سليم:زياد
زياد:عن إذنك يا دادة
سليم:زياد انا بنادي عليك انت مش سامعني
زياد:نعم يا سليم بيه
سليم:بيه إيه وزفت إيه.. إيه الهبل اللي انت بتقوله ده
زياد:حضرتك انا لازم احترم الحدود اللي ما بينا ومتخطهاش
سليم:زياد انا عارف انك زعلان مني
بس متتكلمش معايا بالطريقة دي انت فاهم
زياد:انت عاوز إيه يا سليم
سليم:انا آسف يا صاحبي انت عارف لما بكون متعصب بخبط في الكلام وانت صاحب عمري واكيد مش هتسيبني ولا إيه
زياد:أيوة يعني انت عاوز إيه دلوقتي
سليم:تعالى في حضني
زياد:ما تظبط ياض انت فاكرني مراتك ولا إيه
سليم:يا جزمة يا ابو دماغ شمال تعالى في حضن اخوك
ذهب زياد إلى سليم واحتضنه وهو يعاتبه على كلامه
سليم:خلاص بقى ده انت قلبك قاسي أوي
زياد:أيوة يا اخويا أفضل انت هزقني كدة وانا يا قلب أمي بسامحك على طول اصلي غلبان صح يا شوشو
عشق:صح
سليم:والله يا زياد كلمة كمان وهخليك تقعد مكاني على السرير
وهو إيه اللي صح انتي كمان، بصي لما يكلمك مترديش
زياد:هدى اعضائك يا سولي مالك كدة، خلي بالك من صحتك العصبية وحشة عشانك
سليم :والله يا اخي انا بشوفك بتعصب لوحدي
زياد:تسلم يا رايق ربنا يخليك
سليم:بقولك إيه.. قرب كدة
زياد:نعم يا اخويا أقرب ازاي يعني
سليم:الله يحرق دماغك اللي على طول شمال دي يا شيخ تعالى عاوز اقولك حاجة في ودنك
زياد:اه إذا كان كدة ماشي
سليم:ما تاخد دادة أحلام وليلي وتمشوا من هنا
زياد:ليه
سليم:واحد بعيد عن مراته بقاله اسبوعين ف اكيد عاوز اقعد معاها لوحدنا، خلي عندك نظر
زياد:معنديش نظر
سليم:خلي عندك زوق
زياد:خلاص إمبارح ونسيت اشتري
سليم:ماشي يا زياد
عشق :سليم انا همشي دلوقتي عشان في حاجات هعملها قبل ما ارجع معاك
زياد:ههههههههه.. هتمشي يا سولي يا بتاع النظر والزوق
سليم:هتمشي ازاي انا عاوزك.. قصدي يعني محتاجك تساعديني في كام حاجة كدة
عشق:معلش يا سليم انا همشي دلوقتي ومش هتأخر ولو محتاج حاجة زياد معاك اهو يساعدك
زياد:هو انتوا مالكوا النهاردة في إيه.. عاوزين مني إيه أنا راجل شريف ومحترم وبجري على كوم لحم ليه عاوزين تعملوا معايا كدة، عاوز مني إيه يا متوحش 😂
سليم :انت هتستعبط هو انا قربت منك
زياد:كلكوا طمعانين فيا عشان انا واد حليوة ومُز حبتين
عشق :انا مش فاهمة حاجة
زياد:بصي خلي جوزك يفهمك وانا همشي، يلا يا جماعة نسيبهم مع بعض شوية
سليم:هو انا قولتلك قبل كدة ان انا بحبك وانك جدع
زياد:بتحبني؟! أنا كان قلبي حاسس ان اللي بينا أكبر من صداقة هتيجي تكلم بابي امتى يا حبيبي
ليلي بضحك:ههههههه. مش قادرة ده انت مسخرة
زياد:انا واد جامد صح
سليم:انت واد رخم مش عارف طلعتلي منين
زياد:مش هرد عليك عشان مامي قالتلي متردش على الناس العواجيز
الله يسامحك يا عمو سليم
سليم:يا إيه يا اخويا؟
زياد:يا عمو... بقولك إيه هو مفيش اكل في المكان ده ولا إيه
سليم:هو انت بتشبع أساساً
زياد:طب يلا يا جماعة نمشي عشان انا شكلي هتهزق، آنسة ليلي انا ممكن اوصلك في طريقي
ليلي:شكراً. حسام اخويا كلمني وهو زمانه جاي عشان ياخدني
زياد:اه حسام... منور يا سليم
سليم :مش انتي كنتي ماشية واقفة ليه
عشق:انا خارجة اهو
حسام:مساء الخير
زياد في سره:الله يخربيتك مكنتش عارف تتأخر خمس دقايق كمان ربنا يستر
زياد:حوسو حبيب قلبي عامل ايه يا جدع
حسام:الحمدلله انا كويس... حمدالله على سلامتك يا سليم بيه، حضرتك عامل ايه دلوقتي
زياد:هو كان كويس قبل ما انت تدخل اما دلوقتي مش عارف بقي
سليم:تمام يا... انت قولت اسمك ايه
حسام :اسمي. حسا
سليم :خلاص مش مهم
حسام:يلا يا ليلي عشان منتأخرش
ليلي:حاضر... انا همشي دلوقتي يا عشق وبكرة نبقى نجيب اللي انتِ عايزاه من البيت سلام
عشق:ماشي يا حبيبتي سلام
زياد:يلا إحنا كمان يا دادة هوصلك وسليم يبقي يجي هو وعشق مع الحرس
دادة أحلام :ماشي يا ابني
سليم :أخيراً مشيوا وبقينا لوحدنا
عشق:هما كانوا مضايقينك أوي كدة
سليم :فوق ما تتخيلي.. تعالي جنبي وحشتيني أوي يا روح قلبي، كدة يا عشق تسبيني وتمشي وانتي عارفة ان روحي فيكي، كدة تسبيني بتعذب وانتي بعيدة عني بالبساطة دي هونت عليكي يا عشق
عشق بدموع:أنا آسفة بس مقدرتش استحمل اللي شوفته وسمعته
ضمها سليم إلى حضنه وهو يهدئها
سليم:خلاص يا قلب سليم انا مش زعلان بس بعد كدة أوعى تبعدي عني
عشق:حاضر يا حبيبي
سليم:انتِ بتقولي لمين حبيبي ليا انا
عشق:أيوة ليك انت يا حبيبي
سليم:لأ بقولك إيه اهدي إحنا في المستشفى انتي جاية تقوليلي كدة دلوقتي ما انا ببقى قدامك في البيت
عشق:انت زعلان إني بقولك يا حبيبي
سليم :ازعل مين انتي تقولي اللي انتِ عاوزاه يا نور عيني، بس انا عاوز بوسة حلوة من خدودك القمر دي
عشق بخجل:سليم
سليم وهو يقبلها بحُب:روح سليم وقلب سليم من جوة
معلش البارت ده قصير بس ان شاء الله هعوضه في البارت اللي جاي ☺️♥️✨
#ملاكي_البريئ
#مريم_محمد#البارت 21
خرج سليم من المستشفى وعاد إلى القصر مع عشق
سليم:عشق
عشق:نعم ياسليم
سليم:بكرة في حفلة خطوبة لمستثمر معايا في الشغل ممكن تيجي معايا لو مش عايزة أو تعبانة خلاص
عشق:لأ عادي هاجي معاك
سليم:مالك يا عشق انتي تعبانة
عشق:لأ انا كويسة بس منمتش كويس إمبارح
سليم:طب يلا ننام انتِ تعبتي أوي النهاردة
عشق:حاضر
"بعد شوية"
عشق:سليم انت نمت
سليم:تعرفي إني مكنتش بنام بالليل وكنت بقعد لحد الصبح وبقول إنك ممكن تيجي وتنامي معايا وتفضلي تسأليني زي كل يوم
عشق:أنا آسفة
سليم:انا اللي آسف....خلاص تعالى ننسى كل ده.. كنتي عاوزة تسألي عن إيه بقي
عشق بخوف:هو انت ناوي تعمل إيه مع عمك وباباك انت هتمو*تهم
سليم:إيه اللي خلاكي تقولي كدة
عشق:لأ مفيش انا بسألك وخلاص
سليم:طب متسأليش عنهم أساساً ولا كإنك تعرفيهم
عشق:انت زعلت مني
سليم:انا مستحيل ازعل منك يا روحي بس انا مش بحب اتكلم عنهم ممكن؟
عشق:ممكن.... تصبح على جنة يا سليم
سليم:وانتِ من أهلها يا عيون سليم
جاء الصباح واستيقظ سليم ولم يجد عشق بجانبه، فنهض وأدى صلاته، ونزل ووجدها في المطبخ
تُغني مع الخدم
عشق بغناء:العنكبوت النونو خطف قلب عنكبوتة....العنكبوت النونو النونو النونو.... توقفت على صوت سليم وهو يصفق لها
سليم:الله الله يا هانم بتعرفي تغني من ورايا، طب قوليلي عشان اشجعك
عشق:انت بتتريق عليا ياسليم
سليم:وأنا اقدر يا قلب سليم والله بجد صوتك جميل
عشق:عارفة
سليم:الله ع التواضع
عشق:لأ ده غرور عادي
سليم:طب إحنا هناكل ولا هتولعي في المطبخ
عشق:ده انا عاملة أكل هتاكل صوابعك وراه
سليم:ربنا يستر انا لسة خارج من المستشفى شكلي هرجعلها
عشق:خد دوق دي يا حبيبي
سليم:ما بلاش والنبي ياعشق
عشق:سليم
سليم:هاتي يا قلبي
عشق:إيه رأيك ف طعمها حلو صح
سليم:أوووووووي.. حلو اوي
عشق:هدوقها انا بقى
سليم:لأ هاتي الطبق ده كدة انا هاكله كله لوحدي وانتي كلي حاجة تانية
عشق:هي عجبتك أوي كدة
سليم:فوق ما تتصوري ... اه على فكرة تقريباً سمعت موبايلك بيرن
عشق:دي اكيد ليلي هروح اكلمها مش هتأخر
سليم:براحتك... خدي راحتك على الأخر
خرجت عشق من المطبخ اما هو عندما رأها ذهب وأخذ زجاجة من الماء وشربها كلها، ف استغربت دادة أحلام من تصرفه وأخذت قطعة من الطبق ووجدت طعمها ذو ملح كثير
دادة أحلام :يالهوي إيه ده... دي طعمها فظيع.... انت كلتها ازاي يا ابني حرام عليك نفسك ده انت ممكن يحصلك حاجة هو ده أكل
سليم:مقدرتش اكسر بخاطرها وكفاية إنها قامت وعملته عشاني
دادة أحلام:ربنا يخليكوا لبعض وميحرمكوش من بعض ابدًا
سليم:يارب يا دادة... اه انا خارج النهاردة مع عشق وهنتعشي بره
دادة أحلام:تمام يا ابني
سليم:خليهم يحضروا فطار تاني غير اللي هي حضرته ده، وبالنسبة للأكل بتاعها أخفيه يا دادة مش عاوزها تشوفه ولا تعرف طعمه إيه
دادة أحلام بضحك:حاضر
ذهب سليم وعشق في المساء إلى حفلة الخطوبة
ولكنه لا يعلم من ينتظره هناك
سليم:حبيبتي انا هروح اعمل تليفون وراجع على طول
عشق:تمام
شخص:ازيك يا مدام عشق
عشق:مين حضرتك ومين سمح ليك إنك تقعد هنا
الشخص:عيب تتكلمي معايا با لأسلوب ده انا برضو في مقام حماكي
عشق:تقصد ايه
الشخص:هتفهمي اقصد ايه بس مش دلوقتي الأول إلحقي جوزك لإن رجالتي خلصوا عليه
عشق:أنت بتقول إيه يا راجل انت
الشخص:لو مش مصدقاني اخرجي بره هتلاقيه مرمى على الأرض
خرجت عشق مسرعة إلى الخارج
بعد حديث هذا الرجل.. وهي خائفة أن يكون كلامه صحيح.، خرجت ولكنها لم تجد أحد... ولم تشعر إلا بيد تضع منديل على فمها وفقدت الوعي بعدها
عثمان بشر:روحك خلاص بقت في ايدي يا سليم... دلوقتي بقي هقتل مراتك واخليها تتعذب بسببك
رجع سليم إلى الحفلة ولم يجد عشق، أمر حراسه بالبحث عنها ولكنهم لم يجدوها في اي مكان وفجأة رن هاتف سليم
سليم:الو
عثمان:روحك بقت في ايدي دلوقتي يا سليم
سليم:أقسم بالله يا عثمان لو لمست شعرة واحدة منها هعمل فيك حاجات متقدرش تتخيلها، سيبها يا عثمان وخليك راجل مرة واحدة في حياتك
عثمان:حضر نفسك لجنازة حبيبة قلبك ياابن اخويا
سليم:انا حذرتك وانت مسمعتش الكلام لأخر مرة هقولك سيبها
عثمان:النهاردة الساعة 12 هتلاقي جث"تها قدام باب بيتك
سليم:مش هتقدر تعملها حاجة
عثمان:هتشوف انا اقدر أعمل إيه سلام......... إيه ده انتِ بتعملي إيه يا مجنونة، سيبي اللي ف إيدك ده انتِ ممكن تموتي حد
عشق:ابعد عني احسنلك وسيبني امشي من هنا
عثمان:سيبي اللي ف إيدك ده يا مرات سليم......انتِ كدة هتضيعي نفسك
عشق:انت عايز مني إيه.. سيبني امشي من هنا وإلا
عثمان:إلا إيه... هتموتيني مثلاً
عشق:لو قربت مني هموتك.. خرجني من هنا
عثمان:كدة يا عشق عاوزة تموتي ابوكي
عشق:إيه؟؟!!..إيه الكلام الفارغ اللي انت بتقوله ده
عثمان :لأ ده مش كلام فارغ يا بنتي انا فعلاً ابوكي
عشق:هو......هو انت
عثمان:انا عثمان التهامي عم سليم وابوكي يا عشق
عشق بدموع:انت عاوز مني إيه.... ليه بتعمل معايا كدة انا عملتلك إيه
عثمان:وانا عملتلك إيه يا بنتي ده انتي بنتي في حد يإذي بنته ده انتي حتة مني
عشق بصراخ:بس بقى بطل كدب بعد كل اللي عملته ده وبتسأل عملت ايه، انت دمرت حياة سليم ودلوقتي جاي تدمر حياتي انا كمان وخطفتني عشان تكسر سليم وتذله صح
عثمان:إيه يا بنتي الكلام اللي بتقوليه ده انا مستحيل اعمل كدة،ده انتِ بنتي يعني حتة مني معقولة انا هأذيكي
عشق:ودلوقتي افتكرت إن ليك بنت وجاي تسأل عليها
عثمان:سامحيني يا بنتي كان غصب عني
عشق:غصب عنك ازاي
عثمان:حلمي اخويا لو كان عرف إني متجوز في السر وكمان عندي بنت كان هيقتلك
عشق:وهو هيعمل كدة ليه
عثمان:عشان خايف على فلوسة وثروته ومركزه اللي كان هيبقى في الأرض لما الناس تعرف إن اخوه اتجوز واحدة في السر وكمان عنده بنت، ومكنش هيسيبني ولا هيسيبك
ف عشان كدة كان لازم ابعدك عني عشان خايف عليكي
عشق:طب وسليم ليه عملت فيه كدة ليه قتل*ت مامته واتهمته ودخلته السج'ن
عثمان:انا مستحيل اعمل كدة في سليم... سليم ده من أول ما اتولد وانا بعتبره ابني انا ومستحيل اضره
عشق :بس سليم قالي إنك أنت اللي قتل"ت مامته ودخلته السج'ن
عثمان:محصلش كل ده كدب
عشق:اومال مين اللي قتلها
عثمان:حلمي جوزها هو اللي قتلها
عشق :مش معقول بس ازاي؟
عثمان:لو مش مصدقاني انا ممكن اثبتلك واجبلك الدليل على كلامي
عشق:دليل إيه؟
أحضر عثمان مقطع صوتي بينه وبين حلمي اخوه ولكن قام بتعديله ليظهر فيه أن حلمي يعترف بأنه هو من قتل زوجته، واحضر أيضاً بعض الأوراق المُزيفة
عثمان:أظن كدة اتأكدتي يا بنتي إني برئ ومعملتش حاجة من اللي قولتيها دي
عشق:طب وانت مقولتش لسليم الحقيقة ليه
عثمان:انا مستحيل اعمل كدة يا بنتي... مش انا اللي اخلي ابن يكره ابوه ويكون عاوز يقتل'ه، أنا عندي سليم يكرهني انا ويقت"لني كمان احسن من إنه يتصدم في أبوه
عشق:طب ما هو سليم كدة بيكرهك
عثمان:انا كدة كدة هموت يا بنتي ف مش فارق معايا حاجة
عشق:انت ليه بتقول كدة
عثمان:امسكي دول وانتِ تعرفي
عشق:إيه دول؟
عثمان:التحاليل بتاعتي يا بنتي... انا مش هعيش كتير فاضل ليا في الدنيا دي عشان كدة كنت عاوز اشوفك قبل ما اموت
عشق:مستحيل..... لأ اكيد الكلام ده مستحيل
عثمان:للأسف دي الحقيقة يا بنتي كان نفسي اعيش معاكي اكتر من كدة يا حبيبتي بس غصب عني بقى،أنا عاوز أسألك سؤال
عشق بدموع:إيه هو؟
عثمان:انتي مصدقة كلامي صح
عشق:أيوة
عثمان:يا حبيبتي يا بنتي انا كنت عارف إنك هتصدقيني تعالى ف حضن ابوكي يا حبيبتي
احنضنته عشق وهي تبكي فهو استطاع خداعها، أما فهو فابتسم بخبث لأنه استطاع أن ينفذ خطته
عثمان في سره:خلاص كدة يا سليم
اللعبة انتهت وانا كسبت وأخيراً هخلص منك
زياد:سليم اللي انت بتعمله ده غلط مفيش فرق بينك وبينه
سليم:انت هتجنني يا زياد ده خطف مراتي وعاوزني اقعد اعيط مثلاً واستني لحد ما تجيلي لوحدها
زياد:طب انت دلوقتي هتعمل إيه مع مراته وبنته اللي جبتهم دول
سليم:والله لوريك يا عثمان، مش انا اللي تعمل معاه كدة انا غلطت لما استنيت كل الوقت ده المفروض كنت قتل'ته من زمان بس خلاص هانت
أخبر حراس عثمان أن زوجته وابنته هايدي ليسوا ف البيت، فعلم أن سليم هو من اخذهم
سليم :إيه ده عثمان التهامي بيكلمني بنفسه، أنا مش مصدق نفسي
عثمان:انت بتخطف مراتي وبنتي قصاد مراتك يا سليم
سليم:انت اللي بدأت معايا متلومش إلا نفسك يا عثمان بيه، وصدقني انا هكون لطيف معاهم على الأخر عشان كدة سايب رجالتي معاهم
عثمان:طب ما انا ممكن اعمل اكتر من كدة مع مراتك
سليم:لأ انت جبان ومش هتقدر تعمل كدة، وبعدين هو انت لسة شوفت مني حاجة، ده انا عندي ليك مفاجأت كتير
عثمان:قصدك إيه
سليم:انت فاكر إني مش عارف إنك مع مراتي اللي هي بنتك وانت عارف إنها بنتك، وانت موجود في المخزن بتاعك اللي على طريق الصحرا
عثمان:انت عرفت منين
سليم:انا مفيش حاجة معرفهاش يا عمي ولا إيه
عثمان:انت ناوي على إيه يا سليم
سليم:كل خير... انا ناوي ليك على كل خير يا عمي يا حبيبي
عثمان:الو..سليم.سلييييم
سمع عثمان صوت ضرب نا'ر في الخارج وشخص ينادي عليه وفجأه ظهر أمامه....حلمي اخوه
حلمي بغضب:هقت*لك... هقت'لك يا عثمان واشرب من دم*ك
عثمان:إيه اللي بتعمله ده يا حلمي انت اتجننت
حلمي:انا كنت مجنون لما صدقتك بس دلوقتى خلاص فهمت كل حاجة
عثمان بخوف:فهمت إيه
حلمي:انت اللي قتل"ت مراتي ودمرت حياتي وحياة ابني يا عثمان، انت لازم تمو*ت
عثمان:اهدي يا حلمي... اهدي انت فاهم غلط
عشق:فاهم غلط ازاي مش انت لسة قايل أن هو اللي قت'ل مراته
حلمي:كمان بتكدب وبتقول إن أنا اللي قتلتها.... يا بجاحتك يا شيخ
عثمان:يا حراس امسكوه
حلمي :اوعي انت وهو... بتتحامي ف رجالتك مني يا عثمان
عثمان:مش انت اللي رفعت عليا السلا'ح وعايز تقت'لني يا اخويا
حلمي:هقت'لك يا عثمان ولو دي اخر حاجة في حياتي اعملها هقت'لك
عثمان:محدش هيقدر يعملي حاجة لا انت ولا ابنك
عشق:يعني انت كنت بتكدب عليا
عثمان:انتي غبية أوي... فاكرة إني بجد هموت ومحتاج ليكي ف اخر أيامي يا مرات سليم
عشق:بس انا بنتك
عثمان:مش مهم.. المهم إنك مهمة عند سليم ولو انتي موتى يبقى سليم كمان مات.. بالسلامة انتي بقى
كاد عثمان أن يقتلها لكنه سمع صوت سيارات الشرطة وضرب نار وقد اقتحموا المكان ومعهم سليم و الظابط و زياد
زياد:ابعد عنها يا عثمان بيه.. انت مقبوض عليك
عثمان:وبتهمة إيه ان شاء الله.. دي بنتي وليا الحق اشوفها
زياد:ياباشا انت شغلك مع الما*فيا
اتكشف والورق كله بقى مع الحكومة
وهتاخد إعد*ام أو مؤبد انت وحلمي باشا
سليم:سيب عشق يا عثمان وسلم نفسك خلاص اللعبة خلصت
عثمان:مش هسيبها يا سليم وهحرق قلبك عليها
عشق بدموع:انا آسفة يا سليم سامحني
سليم بخوف:ابعد عنها بقولك انت خلاص انتهيت
الظابط:سلم نفسك بهدوء يا عثمان وسيبها
عثمان:وانا قولت لازم اموتها معايا مش هي بنتي هموتها معايا
امسك حلمي المسد*س وصوبه ناحية عثمان
سليم:عشششششق
#ملاكي_البريئ
#مريم_محمد
#البارت 22
سليم:عشق.. عشق حبيبتي فوقي... عشق
زياد:اهدي يا سليم متخافش هي اغمى عليها من المنظر بس هي كويسة
الظابط:ليه عملت كدة ياحلمي بيه
حلمي:مكنتش هرتاح الا لما اشوفه مي'ت، كان لازم انا اللي اقت'له هو السبب في اللي انا فيه دلوقتي، هو خدعني وقت"ل مراتي ودمر حياة ابني كان لازم امو*ته بإيدي
سليم:للأسف كلامك ده جه متأخر اوي ياحلمي بيه
حلمي:انا آسف يا ابني انا عارف إني السبب بس ارجوك سامحني، سامح أبوك يا سليم
سليم:انا مستحيل اسامحك انت فاهم مستحيل
حلمي:ارجوك يا ابني سامحني، أنا مستعد أعمل أي حاجة تطلبها مني بس سامحني، أنا كل اللي عاوزه دلوقتي إني اخدك ف حضني لأخر مرة
سليم:وياتري لما اسامحك امي هترجعلي، طفولتي اللي ادمر'ت وعشتها ف السج'ن هترجع، أنت دلوقتي خلاص انتهيت بس بالنسبالي انت انتهيت من زمان
حلمي:يا سليم اسمعني
سليم:يا حضرة الظابط أظن دلوقتي تقدر تاخد حلمي بيه
الظابط:اتفضل معانا حضرتك
حلمي:يا ابني انا كدة كدة مي'ت ويتمنى من ربنا إنه يسامحني وانت كمان تسامحني ياسليم يلا يا حضرة الظابط انا جاهز
زياد:هتروح على فين ياسليم
سليم:هاخد عشق اطمن عليها ف
المستشفى
زياد:طب يلا انا جاي معاك
"في المستشفى"
عشق:ااااه... سليم
الدكتورة:خليكي مرتاحة
عشق:انتِ مين... وانا فين
الدكتورة:اهدي متتحركيش كتير انتِ لسة دايخة، أنا الدكتورة اللي بعالجك وانتِ ف المستشفى
عشق:سليم فين هو حصله حاجة
الدكتورة:متخافيش هو واقف بره.. ده انا خرجته بصعوبة عشان اقدر اكشف عليكي، المهم دلوقتي انتِ لازم ترتاحي عشان وضعك ده
عشق:وضع إيه
الدكتورة:مبروك يا مدام عشق انتِ حامل
عشق بصدمة:انتِ بتتكلمي جد
الدكتورة:اه والله بتكلم جد حضرتك حامل.. هو انتِ مش مبسوطة ولا إيه
عشق بدموع:ده انا هطير من الفرحة
الدكتورة:يبقى اكيد دي دموع الفرح
عشق:ممكن اطلب منك طلب
الدكتورة:طبعاً اتفضلي
عشق:متقوليش لسليم حاجة عن الموضوع ده عاوزة اقوله بنفسي
الدكتورة:حاضر... اهم حاجة ترتاحي
وحاولي متتحركيش كتير عشان انتِ ضعيفة جدًا وتاخدي الأدوية ف المعاد
عشق:حاضر
الدكتورة:انا هخرج دلوقتي اطمن جوزك عليكي؛ لإني خايفة يهد المستشفى على دماغنا كلنا
عشق بضحك:اتفضلي
دخل سليم وزياد الغرفة بعدما تحدثت معهم الدكتورة،ولكنها لم تقول أي شيء بخصوص موضوع الحمل مثلما اخبرتها عشق
سليم:عشق حبيبتي انتي كويسة.. في حاجة بتوجعك
عشق:متخافش ياسليم انا كويسة الحمدللّٰه
زياد:حمدالله على سلامتك يا شو..
سليم بصراخ:زيااااااااد
زياد بضحك:خلاص يا عم ده انت دمك حامي أوي انا بهزر معاها وبعدين هي اختي الصغيره
سليم:والله لو مين متقولش الإسم ده تاني
زياد:خلاص حمدالله على سلامتك يا مدام شوشو
عشق بضحك:الله يسلمك
سليم بغضب:زياد انا مبهزرش كلمة كمان وهنسي إنك صاحبي... وانتِ متضحكيش.. اطلع بره يا زياد
زياد:مش طالع انا واقف ف أرض الحكومة يا عم، استنى عشان عاوزكوا ف موضوع مهم انتوا الإتنين
سليم:أنجز قول عايز إيه وامشي
زياد:أبااااا انا عايز اتجوز 😂
سليم:نعم يا اخويا
زياد:جوزني يا سليم مش انت ف مقام ابويا
سليم:ابوك مين يا بابا
زياد:الله يسامحك يا والدي العزيز، مش المرة اللي فاتت باظت بسببك، عاوزك تيجي معايا تاني
سليم:ده انت بتحلم... انا مش رايح البيت ده تاني
زياد:خلاص هات عشق معايا
سليم:زياااااااد انت اتجننت ولا إيه... انت شار'ب حاجة
عشق:اهدي يا سليم... خلينا نروح معاه مش انت قولت انه ملوش غيرنا
سليم:انا مش هروح البيت ده والواد الرخم ده لسة هناك
زياد:قصدك على مين.. حوسو ده طيب والله وقلبه قلب خصاية انت اللي مفتري وظالم
سليم:مش هروح معاك يا زياد انسى بقى
عشق:عشان خاطري يا سليم
سليم:انا قولت لأ يبقى لأ
أقنعت عشق سليم بالذهاب إلى بيت ليلي مع زياد
"في الأسانسير"
سليم:انت بتضحك على إيه يا زفت انت
زيادبضحك:حنفي تنزل المرة دي، لأ شوشو مسيطرة على الأخر، جدعة يا شوشو
سليم:اقسم بالله كلمة كمان وهق'تلك انت فاهم، مش عايز اسمع صوتك
عشق:اهدي يا سليم... لوسمحت يا استاذ زياد كفاية كده عشان هو كدة خلاص جاب آخره
زياد بضحك:خلاص تعالى نجيبه من الأول نيهههههههه 😂
سليم:صبرني يارب انا مش قولتلك مش عايز اسمع صوتك وبعدين في إيه انتِ كمان. إيه جاب آخره ده
عشق:انا آسف متتعصبش
زياد:أيوة اسمع كلامها وخليك ريلاكس يا بيبي
عشق :الحمدلله وصلنا
دخلوا منزل ليلي وسليم لم يبعد عينيه عن حسام وينظر له بغضب اما زياد متوتر ولا يعرف ماذا سوف يقول وظلوا هكذا فترة طويلة ولم يتحدث احد
جلال (والد ليلي) :أهلاً وسهلاً إحنا اتشرفنا بيكوا والله
زياد بتوتر:الله يسلمك يا عمي انت عامل إيه
والد ليلي:انت بتقول إيه يا ابني؟
زياد:انا الحمدلله كويس
سليم:إيه الهبل اللي انت بتقوله ده
زياد:في إيه برد على الراجل
سليم:بترد إيه الله يخربيتك اسمع الأسئلة صح هتفضحنا
زياد:بقولك ايه انا خايف.. تعالي نروح البيت انا جعان دلوقتي ومش مركز تعالى نمشي ونبقى نيجي بعد ما اكول 😂
سليم:إلهي تطفحوا يا بعيد..انطق وكلم الراجل إحنا قاعدين من بدري
زياد:مش عيب
سليم:هو ايه اللي عيب
زياد:إني اطلب منه اكل وإحنا لسة جايين طب نستني شوية
سليم:..........
زياد:انت ساكت ليه.. سليم.. سليم انت اخرسيت ولا إيه، انت كويس طب قول أي حاجة
سليم:اتكلم دلوقتي عشان انا حاسس بأعراض جلطة، واتكلم وإلا والله هاخد مراتي وامشي
زياد:احم يا عمي إحنا جايين عشان..
سليم:انت سكت ليه ما تكمل
زياد:لأ اتكلم انت
سليم:نعم يا اخويا؟؟!!.. انت هتهزر
زياد:والله ما بهزر انا نسيت الورقة اللي هنقل منها الكلام اللي هقوله ف جيب بنطلون البيجامة بتاعتي اللي هي لونها لموني دي عارفها
سليم:هقت'لك.. أول حاجة هعملها أول ما اخرج من هنا
والد ليلي:في إيه يا ابني انتوا عمالين تتكلموا ف ودن بعض ليه.. هو في حاجة
زياد:لأ ده انا كنت بشوف حلمة ودنه
والد ليلي:إيه؟؟!!
سليم:سيبك منه يا عمي.. إحنا كنا جايين عشان نطلب إيد الآنسة ليلي لزياد وطبعاً حضرتك عارف ظابط وسمعته سبقاه وتقدر تسأل عليه أي حد
حسام:وانتوا جايين تطلبوا ايدها بس. هههههههههههههه
سليم:ظرافتك دي تبطلها ماشي
والد ليلي:بتقول إيه؟
سليم:بقول اكيد المدام لطيفة عشان جابت واد عسل زي حسام ربنا يخليهولك
والد ليلي:شكراً يا ابني
سليم:هاا.. قولت إيه يا عمي
والد ليلي:انا فعلاً سألت عليه وعرفت إنه إنسان محترم وكويس بس الأهم رأي ليلي طبعاً وانا لما سألتها قالت إنها معندهاش مانع وانا كمان معنديش مانع
زياد:يبقى نقري البقرة قصدي الفاتحة 😂
والد ليلي بضحك:ماشي.. افتح الباب يا حسام ده اكيد مجدي إبن عمك
حسام:حاضر يا بابا
مجدي:السلام عليكم
والد ليلي:وعليكم السلام.. مالك يا ابني إيه اللي اخرك كدة
مجدي :معلش يا عمي الطريق كان زحمة... مش تعرفنا ولا إيه
والد ليلي:ده حضرة الظابط زياد اللي متقدم لليلي وده استاذ سليم صاحبه
مجدي :اتشرفت بمعرفتكوا يا جماعة.... اومال مين القمر اللي قاعدة جنبهم دي
زياد:الله يخربيتكوا ده انتوا عيلة عاوزة الحر'ق، هو انا مش مكتوبلي اتجوز واتنيل، ابوس إيدك يا سليم عدي اليوم ده عشان خاطري
سليم بغضب :قصدك على مين
محدي:قصدي على الجميلة اللي جنبك دي
سليم:......
#ملاكي_البريئ
#مريم_محمد
#البارت 23
سليم بغضب:قصدك على مين
مجدي:قصدي على الجميلة اللي جنبك دي
سليم:.......
عشق بخوف:ارجوك يا سليم متعملش حاجة......عشان خاطري اهدي لو سمحت
سليم:..........
زياد:والنبي يا سليم ما تعمل حاجة... انا عاوز اتجوز حرام عليك، بص خلينا نخرج من هنا وبعد كدة اعمل اللي انت عايزه بس عدي الموضوع دلوقتي، مش انت عاوز تخلص مني جوزني بقى
سليم:..........
عشق:انت ساكت ليه ياسليم.. سليم
زياد:انا خايف استر يارب وخليك معايا والنبي ده انا عبيط، أنا شوفت هدوء ما قبل العاصفة دلوقتي هشوف هدوء ما قبل البركان وانهيار الكوكب
سليم:هي عجبتك أوي كدة
مجدي:فوق ماتتصور... بس برضو مفيش حد عرفني على القمر
زياد بصراخ:انت بتقول إيييييييه الله يخربيتك انت بتولعها اكتر هي ناقصة يا اخويا وبعدين هو إشعال ذاتي لوحده مش محتاج حاجة.. انا خايف عليك وانت مش خايف على نفسك، اسكت ومتتكلمش، اسكت بدل ما نصلي عليك اسكت
مجدي:انا مش فاهم حاجة
زياد:يا اخي عنك ما فهمت، بص تعالى نلعب انا وانت تماثيل ولو اتكلمت تبقى حمار، بس انت كدة أساساً تبقى تور
مجدي: انت بتقول إيه؟؟!!
زياد:إهرب يا مجدي إلحق نفسك انت لسة صغير يا قلب أمك
سليم:بس خلاص اسكت
زياد:حاضر بس اهدي هاا اهدي وخليك هادي ماشي يا سليم الهادي ده صاحبي الهادي سليم الهادي المشهور بهدوئه
سليم:احب اعرفك يا استاذ..هو كان إسمه إيه مش مهم... مدام عشق سليم التهامي مرررررراتي
مجدي بتردد:إيه؟!.. انا... انا آسف يا استاذ سليم والله ما كنت اعرف، آسف يا مدام
حسام:استاذ سليم هو ميقصدش الكلام اللي قاله هو كان بيهزر
زياد:كنت قوله يا اخويا قبل ما يتكلم ده انت سيد العارفين ولا إيه
سليم:يلا نقرأ الفاتحة
زياد:على روحه صح.. الواد لسة مراهق وانت عارف أي حد في السن ده بيبقى متهور، وهو باين عليه أهبل أساساً
مجدي:مين ده اللي أهبل يا راجل انت
زياد:يا أخي والله لو ما سكت انا اللي هقوم اضر'بك، بص الموضوع مش ناقص غبائك....انت عندك خلل
ف النمو ياض ما تسكت بقي
سليم:يلا نقرأ الفاتحة يا جماعة مش الكل موافق ولا إيه
الأب والأم :أيوة يا ابني موافقين
سليم:طب يلا على بركة الله نقرأ الفاتحة
زياد:لولولولولوووووي..أخيراً النحس اتفك وهتجوز. هتجوز.. مبروك يا جماعة عليكوا أنا.....مبروك يا حوسو مبروك يا طنط أم حوسو مبروك يا أبو حوسو 😂
سليم:انت قولت إسمك إيه؟
مجدي:اسمي مجدي
سليم:بتشتغل إيه
مجدي:انا دكتور بيطري يا فندم
سليم:طب كويس جدًا أصل أنا عندي بقرة تعبانة وكنت هشوف دكتور يكشف عليها... بس انت موجود اهو ولا عندك إعتراض
زياد:عندك إيه؟؟؟!!!
سليم:بقرة
زياد:بتعمل بيها إيه؟؟!
سليم:قولت إيه يا دكتور مجدي
مجدي بضحك:اكيد هاجي معاك
سليم:هو انا قولت نكتة وانا معرفش
مجدي:لأ اصل مستحيل حد يتوقع إنك عندك بقرة
سليم:هو انت لسة شوفت حاجة.. ده
انا هخليك تتوقع لحد ما تقول بس
زياد:أيامه في الدنيا بقت معدودة
سليم:طب يلا اتفضل معايا
مجدي:دلوقتى
سليم:أيوة طبعاً.....خير البر عاجله يلا يا دكتور
مجدي:ماشي
سليم:طب عن اذنكوا يا جماعة
نزل سليم وعشق وزياد ومعهم مجدي وأمر سليم الحراس بأن يأخذوا مجدي إلى المخزن
مجدي:إيه ده هما بيمسكوني كدة ليه...... في إيه
سليم:مفيش حاجة دول هيسلموا عليك... خدوه
عشق:سليم لو سمحت سي...
سليم بصراخ:اخرسي مش عايز اسمع صوتك انتِ فاهمة... يلا اركبي ومتتكلميش معايا طول الطريق
زياد:ليه كدة يا سليم.. هي ذنبها إيه حرام عليك
سليم:ابعد عني دلوقتي.. انا مش عملت اللي انت عايزه، اسكت بقى ومتتكلمش معايا دلوقتي احسنلك
زياد:خلاص هسكت
لم يتحدث سليم مع عشق أثناء الطريق، أما هي فكانت تبكي وتمسح دموعها لكي لا يلاحظ
سليم:وانتِ فاكرة إنك كدة بتخبيهم مني يعني
عشق:.........
سليم بصراخ:لما اكلمك تردي عليا انتِ فاهمة ولا لأ
عشق ببكاء:حاضر
سليم:اعملي حسابك بعد كدة مفيش خروج من البيت نهائي لوحدك ومش هتخرجي إلا معايا
عشق:بس... بس انا عندي كلية
سليم:حضرتك اتكلمتي دلوقتي اهو
عشق بصراخ:انا تعبت.... تعبت منك والله انت إيه... انت فاكرني عبدة عندك وانا معرفش، عشق هتعملي كدة عشق هتلبسي كدة.. عشق متاكليش من ده عشق كلي من ده
شوية تقولي مش عاوز اسمع صوتك
وبعدها تقولي ردي عليا وانا بكلمك
انا مش بتحكم في حياتك كدة يا سليم ليه بتعمل معايا كدة
سليم:والله ده اللي عندي وهتنفذيه سواء بمزاجك أو غصب عنك
عشق:انا بكرهك.... بكرهك وعمري ما كرهت ف حياتي زي ما كرهتك
نزلت عشق من السيارة وصعدت إلى غرفتها مسرعة، أما هو ظل مكانه لم يتحرك وكلماتها تتردد في أذنه
"بعد شوية"
صعد إلى الغرفة ووجدها نائمة وآثار البكاء على وجهها، ولكنه وجع قلبه
من كلامها معه كان أكبر
سليم :افتحي عينك يا عشق انا عارف إنك صاحية
عشق:لسة في كلام تاني عاوز تقوله قصدي أوامر تانية
سليم:عشق انا اس......
عشق:بس خلاص كفاية بقى... انت على طول الحدود بتعمل كدة وترجع
تتأسف انا تعبت منك..تعبت من عصبيتك وغيرتك المجنونة دي
سليم:يا عشق انا راجل عاوزاني اعمل إيه لما اشوف واحد بيعاكس مراتي وكمان فضلت ساكت هناك عشان خاطرك انتِ بس والله، وصدقيني دي كانت حاجة صعبة عليا جدًا
عشق:طب انا ذنبي إيه يا سليم، ليه تتكلم معايا بالطريقة دي هو انا يعني اللي خليته يقول الكلام ده
أو حتى يبصلي ده انا والله ما رفعت رأسي من ع الأرض ولا حتى اعرف شكله
سليم:عارف والله العظيم عارف اللي بتقوليه ده ومتأكد إنك مستحيل تعملي حاجة غلط، بس صدقيني انا مكنتش شايف قدامي وكمان إني اقدر اتحكم ف اعصابي عشان مبوظش الدنيا ده كان صعب جدًا بالنسبالي، ف لو سمحتي سامحيني واوعدك ان دي آخر مرةصوتي هيعلي عليكي... سامحيني بقى ده انتِ قلبك قاسي أوي
عشق:هسامحك بس بشرط
سليم:موافق على كل اللي هتقوليه
عشق:اسمعه الأول وبعد كدة اتكلم
سليم:حاضر
عشق:متتعصبش عليا ماشي
سليم:يا حبيبتي قولي بقى وانا هعمل اللي انتِ عايزاه ومش هتعصب
عشق:انا عايزاك تسامح باباك وتروح تشوفه مرة هو نفسه يشوفك ويحضنك مرة واحدة يا سليم لو سمحت عشان خاطري شوفه ولو دقيقة واحدة
سليم:................
عشق:بص انا عارفة إنك دلوقتي متعصب مني وبتحاول تسيطر على غضبك،بس صدقني هو ده الصح، هو خلاص يا سليم هيتحكم عليه بالإعد*ام، وكل اللي طالبه حاجة واحدة بس إنه يشوفك ويحضنك وده من حقه، يا سليم انا عارفة ان هو غلط ف حقك كتير بس ربنا بيسامح إحنا البشر مش هنسامح، شوفه مرة واحدة بس
سليم:مش هقدر
عشق:صدقني هتقدر.. مفيش حد بيكره أبوه يا سليم، وانا عارفة أنه غلط معاك كتير بس برضو هو كان مخدوع ولما عرف الحقيقة حاول يصلح غلطه وانت لازم تحاول تسامحه، هتروح تشوفه ولا لأ
سليم:حاضر يا عشق هعمل اللي انتي عايزاه
عشق:في حاجة كمان عايزاها منك
سليم:حاضر يا عشق هسيبهم يخرجوا من هنا بس هبعدهم عننا يعني هيروحوا يقعدوا في حتة تانية مش انتِ كنتي عايزة تسألي عليهم برضو
عشق:أيوة وكنت عايزة أسألك عن حاجة كمان
سليم:إيه تاني؟
عشق:انت هتعمل إيه مع مرات عمك وبنته
سليم:متخافيش انا مش هعمل فيهم حاجة بس هخليهم يسافروا بره مصر وهحط بإسمهم مبلغ كويس بس برضو هحطهم تحت المراقبة
عشق:هو انت جاهز لكل حاجة كدة
سليم:اتعودت على كدة.. لسة زعلانة مني
عشق:لأ
سليم:بجد ولا بتقولي كدة وخلاص
عشق:أنا أصلاً مش بعرف ازعل منك بس مش بحب حد يزعقلي
سليم:أنا آسف.. صدقيني مش هتحصل تاني
عشق:ماشي خلاص يلا نتغدي
سليم:يلا يا روحي
ذهب سليم بعد الغداء إلى السج'ن لكي يقابل والده
حلمي:متعرفش مين اللي جاي يزورني يا حضرة الصول
الصول:دلوقتي هتدخل عند الظابط وهتشوف
الظابط :جبت المتهم
الصول:أيوة يا فندم واقف بره اهو
الظابط :طب دخله
حلمي :أوامرك يا باشا... سليم
الظابط:عن إذنك يا سليم بيه هسيبكوا مع بعض شوية
سليم:اتفضل......... انت هتفضل واقف كدة كتير
حلمي:لأ بس مش مصدق نفسي إنك جيت عشان تشوفني
سليم:انا مجتش عشانك.. انا جيت عشان مراتي طلبت مني ده وانا مبحبش ازعلها، وبعدين هو انت مضايق إنك شوفتني ولا إيه
حلمي:ده انا كنت بتمنى من ربنا وبدعي ف كل دقيقة إني اشوفك مرة واحدة قبل ما اموت
سليم:وانت شوفتني اهو عن إذنك
حلمي:سليم
سليم:افندم
اقترب منه حلمي وضمه بشدة ودموعه تنهمر ندمًا على ما فعله بإبنه
حلمي:انا عارف إني مهما قولت ومهما عملت مش هتقدر تسامحني
وانت معاك حق بس صدقني عمري ما كنت أتمنى اننا نوصل للمرحلة دي... انت الحاجة الوحيدة اللي عملتها صح ف حياتي حاول تسامح ابوك يا سليم وتدعيلي أن ربنا يغفر ليا على كل حاجة وحشة عملتها ولما ربنا يرزقك وتبقى أب، ابقى احكي لولادك وقولهم إني بحبهم أوي وكان نفسي اشوفهم والعب معاهم، اوعي تنساني يا سليم افتكر ابوك على طول يا ابني وحاول تسامحني
نزلت دموع سليم رغمًا عنه وضمه هو أيضًا وظلوا هكذا لفترة طويلة
سليم:ليه عملت كدة.. ليه وصلتنا للمرحلة دي..انا كنت عايز اعيش حياة طبيعية معاك انت وامي ليه كل ده حصل
حلمي:انا آسف يا ابني سامحني
سليم:انا مسامحك بس صدقني مش قادر اتخيل ان بعد كل ده هتسيبني تاني
حلمي:انا استحق كل ده يا ابني، لازم اتعاقب على كل اللي عملته ف حياتي، أهم حاجة عندي إنك سامحتني واخدتك ف حضني يا ابني
سليم:صدقني انا من قبل ما اجي أو اشوفك حاولت اشوف حل للقضايا اللي عليك بس للأسف كلها ضدك
حلمي:إنك تحاول عشاني ده أهم حاجة عندي وانا غلط ولازم اتعاقب يا ابني
سليم:صدقني يا بابا هحاول اعمل كل اللي اقدر عليه وان شاء الله هلاقي الحل
حلمي:أنت قولت إيه؟
سليم:هحاول الاقي حل بطريقة قانونية
حلمي:لأ مش قصدي ده انت قولتلي يا بابا... أخيراً سمعتها منك بعد كل السنين دي
سليم:كل حاجة هتتصلح صدقني وهنرحع أحسن من الأول
حلمي:وانا واثق فيك يا حبيبي
سليم:انا اسف همشي دلوقتي ونتقابل ف المحكمة، المرة الجاية هكون موجود معاك..كل حاجة هتبقى كويسة ان شاء الله
حلمي:طول ما انت موجود معايا اكيد كل حاجة هتبقى كويسة
#ملاكي_البريئ
#مريم_محمد
#البارت 24
عاد سليم إلى البيت، وصعد إلى غرفته هو وعشق ووجد عشق ممدة على السرير وتقرأ، ف اقترب منها ووضع رأسه على كتفها
عشق:سليم انت كويس
سليم:أنا سامحته يا عشق..سامحته ودلوقتي خايف يبعد عني انا محتاجله جنبي
عشق:بس خلاص اهدي يا حبيبي.. كل حاجة هتبقى كويسة ان شاء الله
سليم:انا هعمل كل اللي اقدر عليه عشان ميحصلش له حاجة هحاول صدقيني
عشق:أنا عارفة ومتأكدة كمان إنك هتساعده وواثقة إنك هتنجح، يلا عشان تأكل
سليم:مش قادر انا تعبان عايز انام
عشق:ماشي يا حبيبي
"بعد فترة"
عشق:سليم انت نمت
سليم بنوم:اليوم النهاردة كان مليان أحداث ومُتعب بطريقة رهيبة، ومع ذلك فقرة أسئلة ما قبل النوم لسة زي ما هي
عشق:خلاص مش هقول
سليم:لأ قولي يا حبيبتي انا سامعك
عشق:مش قايلة
سليم:ياروح قلب سليم والله ما قصدي ازعلك بس انا بحب اهزر معاكي مش اكتر، وبعدين انا بحب اسمع صوتك يلا قولي بقي
عشق:انا حامل
سليم:صح انتِ صح براڨو عليكي
عشق:هو إيه اللي صح
سليم:اللي انتِ قولتيه
عشق:وايه اللي انا قولته؟
سليم:إنك حام.... إيه؟؟!!. انتِ قولتي إنك حامل
عشق:أيوة
سليم:متهزريش يا عشق
عشق:والله ما بهزر.. انت مش فرحان ولا إيه
سليم:فرحان بس ده انا هتجنن من الفرحة انا بعشقك ياعشق سليم وقلب سليم وروح سليم ده انتِ واكلة عقل سليم
عشق:سليم انت كويس
سليم:نفسك تاكلي ايه وانا هجبهولك
عشق:سليم
سليم:عاوزين نجيب لبس البيبي بس ياترى هنجيب لبس ولد ولا بنت
بصي إحنا هنجيب الإتنين
عشق:سليم
سليم:إحنا هنعمل الأوضة بتاعته لونها إيه... وكمان لسة هنجيب لعب وأكل وحاجات كتير.. يارب بس نلحق نخلص كل حاجة قبل ما يجي
وكما....
عشق:سليييم
سليم:نعم يا روحي.. في حاجة بتوجعك اطلب الدكتورة
عشق:دكتورة إيه دلوقتي.. اهدي يا سليم لسة بدري على كل اللي بتقوله ده
سليم:بجد.... يعني هنلحق نخلص كل حاجة قبل ما يجي
عشق بضحك:أيوة هنلحق..انت نفسك يطلع إيه
سليم:اي حاجة كل اللي يجيبه ربنا حلو أهم حاجة انه منك انتِ يا قلبي
،أنتِ عايزاه يبقي إيه
عشق:انا نفسي اجيب تؤام وخلاص على كدة يبقى الحمدللّٰه
سليم:خلاص إيه يا حبيبتي.. لأ انتي حتى لو جيبتي تؤام هنجيب غيرهم ان شاء الله انا عايز عشرة
عشق:نعم؟؟!!...ليه هو انت فاكرني أرنبة ولا إيه، هو انا بلاقيهم ف الشارع
سليم:يا حبيبتي انتِ احلى أرنبة ف الدنيا... كل الحكاية إني وحيد وعايز عيلة كبيرة
عشق:قصدك عايز تخلص عليا
سليم:لأ والله ده انتِ الخير والبركة يا نور عيني
عشق:تصبح على خير يا سليم
سليم:وانتِ من أهل الخير يا أم العيال
عشق:ربنا يستر منك يا أبو العيال
سليم بضحك:ده انا ناويلك على نية قمر زيك
عشق:بتقول إيه؟؟!!
سليم:بقولك نامي يا روحي
استيقظ سليم قبل أن تستيقظ عشق؛ لكي يحضر الإفطار ولكنه صدم عندما راي من يأكل هناك
سليم:انت بتعمل إيه هنا ع الصبح
زياد هو يأكل:سولي حبيب قلبي تعالى اقعد كل لقمة معايا
سليم:انت بتعمل إيه؟
زياد:بفطر...تعالي اقعد متتكسفش انت مش غريب
سليم:أنت ملاحظ مكانك.. قصدي يعني انت عارف أنت قاعد فين
زياد:إيه يا سليم..مالك يا حبيبي انت فقدت الذاكرة تاني ولا إيه، أنا قاعد ف المطبخ بفطر
سليم:والمطبخ اللي انت بتفطر فيه ده فِ بيت مين
زياد:ف بيتك
سليم:انت شايف إن الوضع طبيعي يعني
زياد:أنت شكلك لسة نايم.. خلاص روح كمل نومك، اكون انا اتغديت
سليم:يا أخي والله بحس إنك مش بتشبع.. انت بتاكل أكل الأسبوع كله على الفطار
زياد:فين ده....ده انا يا قلب أمي هفتان اهو انت اللي مش طايقني من ساعة ما اتجوزت، شكراً يا سليم بيه مش واكل حاجة تاني
دادة أحلام:صباح الخير يا سليم.. انا جبت الرز باللبن اللي انت طلبته يا ابني
زياد:حبيبتي يا دادة والله عاوز بقى شوية مكسرات عليه
دادة أحلام:حاضر استنى هجبلك
زياد:لأ هو انا لسة هستني بصي انا هاكل ده وانتِ هاتي واحد تاني بالمكسرات هاكله برضو😂
دادة أحلام:حاضر يا ابني
زياد:كنت بتقول إيه يا سليم.. تعالي خدلك معلقة رز ده طعمه تحفة هيعجبك أوي
سليم:.........
زياد:انت ساكت ليه.. لو مش عاوز رز
فيه مهلبية
سليم:يا صبر أيوب.. انت إيه اللي جابك يا زياد
زياد:جابني فين
سليم:إيه اللي جابك هنا ع الصبح
زياد:اه قصدك عندك يعني..لأ انا قومت لقيت نفسي فاضي فقولت اجي افطر معاك انا عارف انك متقدرش تعيش من غيري
سليم:نعم يا روح ماما
زياد:خلاص يا عم ده انت رخم، ياض الواحد ميعرفش يهزر معاك
سليم:اخلص وقول جاي ليه
زياد:هنتكلم هنا يعني خلينا نتكلم بره وهقولك
سليم:على أساس انه بيفرق معاك المكان أوي... وبتتكسف. يلا يا اخويا
زياد:ماشي......دادة أحلام معلش ابعتيلي الرز أبو مكسرات والبسبوسة على الصالون... عاوز حاجة انت كمان يا سليم
سليم:............
زياد:يبقى مش عايز... يلا
سليم:خير عايز إيه على الصبح
زياد:طب استنى اخلص اكل وبعد كدة اتكلم
زياد:سلييييييم
زياد:خلاص هقول... انا عايز اتجوز
سليم:نعم يا اخويا؟؟!!..اومال إحنا كنا بنعمل إيه عند الناس من يومين
زياد:ناس مين
سليم:انت عايز تمو*تني صح قول
متتكسفش
زياد:بعد الشر عليك يا حبيبي
أومال انا هاكل فين
سليم:قول عاوز إيه على طول
زياد:انا مش عايز خطوبة والجو ده
انا عاوز اتجوز على آخر الأسبوع بالكتير أوي
تعليقات
إرسال تعليق